Innholdsfortegnelse for 23 February 2018 i Vrouekeur

Is minder meer? vra ons hierdie week in een van ons artikels. ’n Ware minimalis is ek nie. In ’n dekortydskrif kan less is more vir my so mooi lyk, maar in my eie huis gaan dit na alle waarskynlikheid nie heeltemal vir my werk nie. Dit gesê, het ek besluit om 2018 ’n jaar te maak van onder meer die ontklotter van my lewe in die geheel. Tans is ek druk besig om ons huis te ontklotter, tot my geliefde se vreugde en verdriet. Hy jubel omdat daar nou minder goeters in die huis gaan wees, maar oor die proses is hy minder opgewonde. Sien, ontklotter is nie altyd maklik nie. Daar is ’n uitgooi-hoop, ’n dit-bly-hoop en ’n ek-is-nie-seker-nie-hoop. Op die oomblik is daar dus heelwat van hierdie…

Die lewe is onvoorspelbaar en selfs gebeurtenisse wat ons verwag gaan vreugde bring, kan binne oomblikke in ’n nagmerrie ontaard. Dit was die geval toe Danie en Mercia se dogtertjie op 27 weke gebore is. Maande lank moes hulle toekyk hoe hul babadogtertjie vir haar lewe veg en al lê daar nog ’n lang pad na herstel voor, kan die gesin getuig van die wonderwerk dat Aneldie, wat ’n rapsie meer as 500 g met geboorte geweeg het, ná amper ’n jaar steeds hard baklei. In Oktober 2013 het Danie en Mercia ’n kans op ’n nuwe begin gekry toe hulle getroud is. Danie het ’n seun (10) en Mercia ’n dogter (6) uit vorige verhoudings. Die egpaar wou ook graag saam ’n kind hê. Mercia was op die voorbehoedinginspuiting,…

GRANDE PROVENCE SE OESFEES Die Grande Provence-landgoed in Franschhoek hou op 24 Februarie ’n Oesfees met ’n piekniek tussen die wingerde. Feesgangers kan uitsien na ’n trekkerrit, druiwepluk op die maat van die Kaapse Klopse, druiwetrap én ’n keldertoer en wynproe. Kaartjies vir die oesfees sluit die piekniek in en is beskikbaar teen R750 per volwassene en R400 vir kinders onder 12 jaar Bel 021 876 8600 of stuur ’n e-pos na eventsassist@grandeprovence.co.za WEST SIDE STORY IN KAAPSTAD Die Fugard-teater se vertoning van West Side Story sal nog een keer in die Kunstekaap-teater in Kaapstad op die planke wees. Dit volg op twee suksesvolle seisoene in Kaapstad en Johannesburg. Dit vertel die verhaal van twee bendes wat ’n buurt in New York probeer beheer en twee mense wat…

’N HUISIE VIR JOU KOS Beskerm ’n bord kos of versnaperinge teen vlieë met dié bamboesdeksel, R125. www.weylandts.co.za RUIMTE IS DIE ANTWOORD Met Blum’s Spacetower sal jy enige kruideniersware sommer maklik kan bykom sonder om diep agter in ’n kas hoef te delf. Die laaie kan tot 70 kg hanteer en jy kan maklik van bo en van die kante af sien wat en waar die inhoud is. Dit gly maklik oop en toe. Dié laaie is geskik vir wydtes van 300 mm tot 1 200 mm, maar kan volgens jou spesifikasie aangepas word. www.eclipsegroup.co.za GEEN GESPAT Meng bestanddele sonder ’n gespat oor jou kombuistoonbank met die Margrethe- mengbak 3.0. Die ring onder die bak sorg dat die bak nie rondbeweeg nie en dit het ’n deurskynende anti-spat-deksel met ’n…

Biggie Best www.biggiebestwebshop.co.za Carrol Boyes www.carrolboyes.com Hello Pretty www.hellopretty.co.za Mr Price Home www.mrphome.com Woolworths www.woolworths.co.za Yuppiechef www.yuppiechef.com…

Fatman en Caroline-Grace, twee van die deelnemers aan die tweede reeks van The Voice SA op M-Net, noem hul vertoning, wat landwyd toer, Beauty and the Beast. Hulle deel die skoonheid van musikale integriteit, mooi, goeie stemme en onmiskenbare talent. Albei se debuutalbums is nou beskikbaar. Op elkeen word hul môredouvars interpretasie van Jannie du Toit se tydlose skepping Liedjie vir jou ingesluit. Matthys Maree se klavierspel skep die akoestiese doek waarop dié stemkunstenaars met beheerste, rou emosie skilder. Elkeen se album is ’n musikale genieting en verskillende verwerkers en regisseurs het meegewerk. Murray Lubbe, Francois Lessing, Werner Beukes, Robin Kielly, Hugo Ludik en Dirk van Niekerk het almal eiesoortige gehalte verseker. Hoewel dieselfde liedjieskrywers en vervaardigers by albei albums betrokke was, is die…

Ek is besig om Pixie se pels uit te kam toe die kabaal buite losbars en ek is onmiddellik iesegrimmig. Ek haat dit as iets in my en my kat se vroegoggend-gehaltetyd inmeng. Die bokkietafel wankel toe ek die borsel daarop neerplak en na die voordeur toe stap. Sonder om eens te dink, pluk ek die deur oop om te sien wat die geraas veroorsaak. En meteens sien ek dit. My hart mis ’n slag of twee. In die huis langsaan se oprit staan ’n meubelwa en langs die vragmotor staan ’n takhaar. ’n Regte javel met lang swart hare en ’n stoppelbaard. Hy beduie iets vir die man wat die meubels van die vragmotor aflaai. Ek weet sommer ons gaan nie klaarkom nie. Daarvoor lyk hierdie man te volksvreemd.…

’N GESTOEI OM TE SLAAP Ek sukkel byna elke aand om te slaap. Is daar enigiets behalwe slaappille wat ek kan gebruik om te slaap? Ek is bedags doodmoeg en sit boonop gewig aan. Help asseblief. – Rusteloos Behalwe vir mediese redes is daar verskeie ander algemene redes wat slaapprobleme kan veroorsaak. Spreek jou huisdokter en laat al jou funksies, insluitend hormonale funksies, toets om te bepaal of dit tot jou slaapprobleem kan bydra. Neem ’n warm stort of bad so ’n uur voor slapenstyd en lees ’n bietjie in die bed. Waak om voor slapenstyd TV of in ’n ander ligbron soos dié van ’n rekenaar, tablet of selfoon te kyk. Probeer om op dieselfde tyd elke aand te gaan slaap en staan naastenby dieselfde tyd op. Maak seker…

• BEL RAMSAY MEDIA by 087 405 2002 (plaaslik) of +27 (0)21 045 1809 (internasionaal)KREDIETKAARTBESONDERHEDE en virDEBIETORDEROPSIES • SMS die woorde‘CAXTONVK’ na 40573 (R1,00 per SMS) • STUUR ’N FAKS na 086 670 4101 met jou besonderhede van hernuwing of intekening • SKRYF IN OP ONS WEBWERWE www.vrouekeur.co.za/www.magsathome.co.za • STUUR ’N E-POS na subs@magsathome.co.za • POS ’N TJEK uitgemaak aan RamsayMedia Subs en stuur dit saam met ’n brief en jou besonderhede van hernuwing of intekening na: Vrouekeur-subskripsies, Vrypos CBO209, Posbus 596, Howard Place, 7450 • Doen ’nELEKTRONIESE OORBETALING of betaal met ’n DIREKTE DEPOSITO Rekeningnaam: RamsayMedia Subs Bank: Nedbank Takkode: 12320900 Rekeningnommer: 1232073059 BELANGRIK! Gebruik jouVAN en SUBSKRIPSIENOMMER of jou VAN en SELFOONNOMMER as verwysing met ’n elektroniese betaling of direkte deposito en faks dit met jou betalingsbewys en…

Jan Vermeulen se boek Soen is met die Sanlamprys vir Jeuglektuur (Silwer) bekroon. In dié roman kry lesers te doen met Peet, ’n matriekleerder, met ’n obsessie vir ’n blonde proefjuffrou. Peet hoor boonop van babadae af ’n geheimsinnige stem in sy kop. ’n Meisie in Goth-mondering klim een aand deur sy kamervenster en toe Peet hom kom kry, word hy betrek in die polisie se ondersoek na ’n rits blonde meisies wat een ná die ander geheimsinnig verdwyn het . . . Jan is ook onlangs as die wenner van die Lapa-jeugromankompetisie vir sy verhaal Oopmond aangewys. Sy boeke is al telkens bekroon, maar het hy sulke erkenning nódig om te skryf? “Sonder erkenning sal ’n skrywer altyd voel hy slaan dalk die bal mis,”…

1 Maak seker alle vere is verwyder. Sny vetklier af. 2 Draai hoender sodat rug na bo wys. Maak ’n sny in middel van rug en sny van bo na onder oop. 3 Knak skouer los by vlerkie. Knak ook dybeen uit heupholte. 4 Begin aan een kant en sny vleis met skerp mes los van ribbekas. Sny tussen skouerpotjie en tussen heup en dytjie. 5 Breek wensbeentjie los en haal dit uit. 6 Sny boudjie se sening los en maak been mooi skoon. Breek dybeen los van boudjie en skraap vleis van been af. 7 Sny op las van boudjie en dybeen. Hierdie kan die moeilikste wees. Volg net die been. 8 Sny eerste twee litte van vlerkie af. 9 Maak vlerkie skoon deur vleis met mes terug te…

Op Tulbagh ervaar ’n mens ouwêreldse gasvryheid en as jy lus is om wyer as die dorpsgrense te gaan verken, is daar van die land se gewildste wynplase, herehuise en oornagplekke. Ons gaan skuil vir ’n paar dae op Montpellier de Tulbagh, waar die historiese herehuis amper soos ’n klein geheim deur die reusetuin versteek word. Ons hoor by Lani Human, die plaas se geleentheidsbestuurder, dat die plaas in 1714 deur twee Fransmanne van die stad Montpellier (Spyseniersberg) in Frankryk gestig is. Dis sekerlik een van die vallei se gewildste troubestemmings. Sy lag as sy sê: “Praat jy van Tulbagh, dink mense aan ons kerkie op die heuwel as baken.” Hulle is onpretensieus en verwelkom gaste met ope arms. “Neem jou glas wyn en stap deur die tuin, gaan lees…

Die Britse Turnerprys, een van die wêreld se gesogste pryse vir kontemporêre kuns wat jaarliks op die een of ander manier vir opspraak sorg, het einde verlede jaar nie teleurgestel nie. Die prys wat sedert 1991 vir kunstenaars jonger as 50 gereserveer was, is verlede jaar vir die eerste keer vir kunstenaars van alle ouderdomme oopgestel. Lubaina Himid is op 63 die oudste pryswenner nóg en boonop die eerste swart vrou wat as wenner aangewys is. Haar mededingers was Hurvin Anderson (52) wie se werk geïnspireer is deur die ervarings van sy Jamaikaans gebore ouers; Andrea Büttner (45), wie se werk godsdiens en plantkunde as onderwerp het; en Rosalind Nashashibi (43), wat benewens rolprentmaker ook skilder is. Die naaswenners kry net meer as R90 000 elk en die wenner kry…

Op grond van ’n growwe veralgemening het ek in hierdie reeks rubrieke oor literêre kritiek tussen vier “fases” van literatuurkritiek in die Afrikaanse letterkunde onderskei. Die eerste fase het ek die “nasionalistiese fase” genoem wat strek van die vroegste literatuurkritiek tot min of meer die 1930’s (kyk op www.vrouekeur.co.za). Hierdie week word stilgestaan by die tweede fase van “teksgerigte kritiek”, wat rofweg van die 1930’s tot die 1970’s strek. Die verwysing na hierdie tydperk as die “fase van teksgerigte kritiek” is maar ’n vae indeling en dit is moontlik om talle fyner nuanses en fases te onderskei. Ek gee byvoorbeeld nie aandag aan psigologiese kritiek wat op die persoonlikheid van die skrywer of digter fokus nie. Ten spyte van hierdie en ander beskouings, het die “teksgesentreerde benaderings” tot letterkunde tussen…

ROLPRENTE RAAISELKIND 8/10 Met Diaan Lawrenson en Deon Lotz Regisseur André Velts WARE LEWENSDRAMA As jy Annelie Botes se roman gelees het, mag jy vind dat die aangrypende storie met smaak en deernis in filmiese taal vertel word. ’n Ma word skynbaar na moord gedryf nadat sy ’n outistiese kind in die wêreld gebring het. Maar het sy werklik tot uiterste dade oorgegaan? Wat hier tref, is die manier waarop die regisseur die storie vertel. Die oop seelandskappe is in skerp kontras met die emosionele tronke waarin die karakters hulle bevind, maar dit is die manier waarop die rolprent bloot deur nabyskote tot die ma se gedagtes en innerlike stryd deurdring wat ’n mens raak. Dit is nie sentimenteel of voorskrywerig nie. Dit is veral die visuele simboliek, soos ’n…

WAT HET JY NODIG? K artopu Bambu Sakura (100 g) 2 balle wit K010 (A) 1 bal elk ligblou K540 (B) en turkoois K520 (C) 3,25 mm-sirkelnaalde 3,25 mm- reguit naalde 4 mm-sirkelnaalde Haakspelde Steekhouers 5 knope AFKORTINGS aw – aweregs gl1 – glip 1 steek gm – glip merker net oor op regterkantste naald pm – plaas merker r –regs r1o – regs in die volgende steek een ry ondertoe r2tes – regs 2 steke tesame tgso – trek glipsteek oor PATROONSTEEK Oor veelvoud van 4 plus 1 1ste ry: met B (r3, met draad na agter r1o) tot laaste st, r1. 2de ry: aw (aw geglipte ste met draad na voor) 3de ry: met C r1, (r1o, r3) tot einde. 4de ry: aw. Herh 1ste tot 4de ry…

BOBAASBAKSTER Mareli Visser – jy is ’n bakengel! Baie dankie vir die wonderlike brosbroodresep in die Vrouekeur van 8 Desember 2017. Ek is nie meer vandag se kind nie, maar bak is my passie en hierdie is loshande die maklikste en lekkerste brosbrood wat ek nog gebak het. My familie dink ek is die beste bakster danksy jou. Baie dankie vir ’n wonderlike tydskrif. NOG ’N VOORBLADOPSIE Wenbriefwenners wen ’n geskenkpak van LAPA Uitgewers WEN In Boerekos met ’n twist gee Annelien Pienaar ’n kinkel aan die eenvoudige, voedsame huiskos wat jou ma of ouma gemaak het. Daar is 140 familieresepte en dit bevat geen vreemde bestanddele nie. Daar is ook nuttige inligting wat jou kombuisvaardighede kan opknap. www.nb.co.za 3 lesers kan die boek wen. SMS BOEREKOS gevolg deur jou…

‘Ek het maar altyd gedink ek het iets wat eendag sal weggaan, daarom was die nuus ’n verskriklike skok’ Regoor my sit ’n pragtige jong vrou. Op die oog af lyk sy so normaal soos enige 29-jarige – blonde poniestert, ligte grime-ring, glad nie opgesmuk nie. En sy het ’n warm glimlag wat jou sommer dadelik op jou gemak stel. Maxzell Lerm het natuurlik rede om in ’n goeie bui te wees. Sy het pas haar eerste boek uitgereik en het juis die vorige aand op Kwêla daaroor gesels. Nevrhada: Unveiling Secrets is die eerste van ’n fantasietrilogie en is deur ’n Amerikaanse uitgewer uitgegee. “Mense wat van stories soos Avatar en Lord of the Rings hou, sal Nevrhada geniet. Die storie gaan oor ’n tienerseun wat saam met sy…

Velle wat brand, jeuk of uitslaan as gevolg van sterk bestanddele word ook as sensitief geklassifiseer ’n Skoonheidsterapeut sal die regte diagnose van jou veltipe en -behoeftes kan gee WAT IS ’N SENSITIEWE VEL? Verskeie faktore in jou daaglikse lewe kan die toestand van jou vel beïnvloed. Dit is moontlik om jou vel te normaliseer, maar daarvoor moet jy jou vel se behoeftes verstaan. Persone met ligter velle, sproete, sigbare bloedvate, allergieë, uiters droë velle of velle met omgewingskade is meer tot sensitiwiteit geneig. HOE BEHANDEL EK DIT? • Vermy seep en warm water. Dit stroop jou vel se natuurlike olies en versteur die balans. • Was met ’n sagte gesigwas en moenie aggressief vryf nie. • Vermy afskilferprodukte met korreltjies en gebruik eerder ensimatiese of vrugtesuurafskilferaars. • Minder is…

FEBRUARIE-WENBOEK Palette: 33 selfdoenpaletitems bied projekte waar die palet in goedkoop, praktiese en ekovriendelike meubels, dekor, speelgoed, tuinprodukte en geskenke omskep word. Die boek is propvol kleurfoto’s met maklike stapvir-stap-foto’s. Die moeilikheidsgraad van die produkte wissel. Die boek is by toonaangewende boekwinkels of by www.lapa.co.za  beskikbaar MAGGIE KUNNEKE DEEL HAAR WENK MET LESERS: As jy baie tamaties het, kook dit en laat dit afkoel. Sit dit nou in ’n muffinpan en vries. Jy kan dit dan in plastieksakkies gooi. Gebruik dit in souse of ander disse. BREINVRIES! As dit gebeur, druk jou tong teen jou verhemelte. Die hitte kan glo help om dit vinniger te verlig. APPELSKYWE IN DIE KOSBLIK Appelskywe verbruin in die kosblik. Keer dit so: Sit die appelskywe in ’n bak met 4 k water…

MELKTERT IN ’N GLAS 12 glasies KORS ½ pak (100 g) tennisbeskuitjies 52 ml (50 g) botter, gesmelt VULSEL 500 ml (2 k) melk 130 ml (125 g) botter 1,25 ml (¼ t) sout 5 ml (1 t) vanielje 2 stukke pypkaneel 95 ml (80 g) suiker 1 groot eier 80 ml (50 g) mielieblom 50 ml water fyn kaneel 1 Kap tennisbeskuitjies fyn en meng met gesmelte botter. Skep in glasies en druk vas. Verkil in yskas. 2 Roer melk, botter, sout, vanielje en pypkaneel oor lae hitte tot botter smelt. 3 Gooi suiker by kokende melk en meng goed. 4 Klits eier, gooi halwe koppie kokende melk by en klits. Gooi eiermengsel by kokende melk en meng goed. 5 Meng mielieblom en water. Gooi by kokende mengsel en…

Ek moet ’n talent vir vriendskappe met ouer mense hê. Soms vervlietend, soms letterlik tot die dood toe, omdat party van hulle soveel ouer was. Een baie kortstondige kontak was met ’n professor in teologie. Hy was ’n kleurryke en geliefde karakter in die dorp en waar mense hom ook al onthou, word staaltjies oorvertel. Kom ons noem hom die heilige Jan van Staden. Die heilige was daar om hom van ’n ander professor met dieselfde naam te onderskei. ’n Speelse verwysing daarna dat hy by die “Angel Factory” gewerk het, maar wat my betref glad nie ver van die kol nie. En daarmee bedoel ek allermins dat hy vroom was. Daarvoor was hy te veel van ’n mens. Maak dit ’n mensch. Ek het die professor die eerste keer…

DYSON V8 ABSOLUTE NIE ’N GEWONE STOFSUIER NIE Dis min dat ’n stofsuier ’n mens opgewonde maak, maar die Dyson V8 Absolute is nie ’n gewone stofsuier nie. Die Britse vervaardiger reken die V8 Absolute is die kragtigste koordlose stofsuier wat jy kan kry, met ’n intelligente ontwerp wat dit bo ander laat uittroon. Danksy die motor wat by die handvatsel sit, is dit moontlik om vinnig en maklik van suigpaneel te verander om die V8 sodoende in ’n draagbare eenheid vir moeilik bereikbare plekke te omskep. Dit besit ook ’n HEPAfiltrasie-eenheid om met lugsuiwering te help, en het 40 minute se suigkrag van die herlaaibare battery beskikbaar. Soos ons gesien het met Dyson se Supersonic-haardroër is hul produkte nie goedkoop nie – die V8 Absolute se koordlose vryheid gaan…

Geurigheid is ’n inherente deel van die wêreld se plantkoninkryk en sedert die vroegste tye het die mensdom van geparfumeerde plantdele soos blomme, blare, plantolies, plantgom en basstukkies gebruik gemaak. Hulle het in die positiewe en helende effek van die hemelse geure van plante geglo en geur is ook in godsdienstige seremonies, antieke rites en in skoonheidsrituele gebruik. Ouwêreldse terapieë en kennis oor die gebruik van aroma tiese plante is eintlik niks anders as die moderne aromaterapiebehandelings waarvoor spa-besoekers deesdae so duur betaal nie. Baie van die blomgeure wat ons ken, is afkomstig van gewilde tuinplante wat ons kan plant. Dink maar aan die delikate parfuum van tuinrose, die speserygeure van kruie, die hemelse geur van jasmyn en die eksotiese aroma van ’n frangipaniboom in volle blom. Die meeste ervare…

In ons wandel met die Here is sy tydsberekening seker een van die moeilikste dinge om te bemeester. Ons sukkel om verby die woorde van 2 Petrus 3:8 te kom: “... vir die Here is een dag soos duisend jaar en duisend jaar soos een dag.” As ons bid en iets vra, dan soek ons dit nou en nie later nie. Die moeilikste deel van wag ... is om te wag. Wag behels tyd en ons weet nie wanneer ons wag verby sal wees nie. Het jy jouself al gevang dat jy by ’n kasregister wag dat die strokie uitdruk en dan is jy so haastig dat jy sommer jou hand wil uitsteek om die strokie aan te help? Werk dit? Druk die strokie vinniger? Nee, beslis nie. Ons is…