Innholdsfortegnelse for 15-sep 2017 i Vrouekeur

Dis Joseph Addison wat gesê het: Reading is to the mind what exercise is to the body. Kinders wat van kleins af lees, weet dat lees iets is wat jou groot plesier kan gee, maar ook jou horison verbreed. Dis nie net iets wat onderwysers jou op skool dwing om te doen nie, sê Beverly Cleary, ’n Amerikaanse skrywer van kinderen jeugboeke. Op 101 is daar sedert 1950 reeds 91 miljoen van haar boeke verkoop. My kinders se ervaring van kleuterskool was in Duitsland. Van kleuterskool het ek eintlik niks geweet nie – in my dae is jy gewoon skool toe as jy met jou hand oor jou kop jou oor kon raak, maar dis ’n storie op sigself. Ek het ondersoek ingestel en vir die eerste keer van ’n…

Die dood was nog altyd ’n tema in haar lewe. Sy het soveel verliese gely, maar sy glo dat die aardse lewe nie die einde is nie. Helena Hettema, kabaret- en stemkunstenaar en liedjieskrywer, is al dekades op die verhoog. Van haar werk is al gesê “dit sny dieper as die vel”; dat haar vertonings van Brel en Piaf legendaries is, maar ook dat dit haar eie musiek en lirieke is wat die meeste beïndruk. Een resensent het haar stem só beskryf: “Kan sy sing! Hettema se stem wissel van fyngedrukte sy tot nat gruis en sy gebruik dit met sensitiwiteit en vaardigheid.” En of sy nou siek is, haar hart gebreek is en of sy ’n geliefde aan die dood moes afstaan, “the show must go on”. Dan sing…

Naas vanjaar se Comrades, sonder sy die 2014-wedloop as een uit wat besonder moeilik was – en ook een wat sy as ’t ware téén kanker gehardloop het. “Ek het daardie jaar tydens die Twee Oseane-marathon geval, maar klaargemaak, net om ná die tyd te besef ek het my elmboog gebreek!” ’n Paar weke later het sy die Comrades aangedurf, haar arm in gips wat ’n dokter spesiaal vir haar laat pasmaak het. “Die eerste deel van die wedloop was nog redelik, maar dit het later al seerder geword,” onthou sy. “Dit was egter ’n wedloop wat ek moes klaarmaak. My pa – my rots en ook ’n jare lange ondersteuner – was toe baie siek met longkanker.” Val het in Durban grootgeword en haar ouers het steeds daar gewoon.…

Elke 10 minute kry iemand in Suid-Afrika ’n hartaanval en elke 45 mi nute sterf iemand aan ’n hartaanval. Andrew Heilbrunn van die Sentrum vir Diabetes en Endokrinologie in Johannesburg, sê onaktiwiteit en lae fisieke fiksheid dra beslis tot hartaanvalle en beroertes by. Vier uit tien mans en sewe uit tien vroue in Suid-Afrika is oorgewig of vetsugtig, ’n groot risikofaktor vir die ontwikkeling van Tipe 2-diabetes, wat as dit nie gediagnoseer en behandel word nie, potensieel noodlottige kardiovaskulêre gevolge kan hê. Dr Steven Blair van Kalifornië het die fksheid van 25 341 mans en 7 080 vroue oor 20 jaar geanaliseer en gevind die deelnemers wat onaktief en onfiks was se risiko om hartsiektes en beroerte te kry, was groter as dié met hoë bloeddruk, hoë cholesterol en diabetes…

CHRIS SE KEUSE Die Elginvallei is ’n plek wat ’n mens moet dophou. Interessante dinge gebeur in hierdie koelste klimaat langs die Kaapse Suidkus. Die eienaars van Shannon Vineyards, James en Stuart Brown, het reeds in 2008 hul eerste sauvignon blanc bekendgestel. Tog verskaf hulle steeds druiwe van hul terroirspesifieke uitsoekwingerde aan ’n paar dankbare wynmakers. Sewe verskillende blokke vorm deel van die 4,3 ha wingerd waar verskeie klone sauvignon blanc geplant is. Dit verseker verskeidenheid vir die Shannon Vineyards Sanctuary Peak Sauvignon Blanc 2016. Ná parsing word van die sap selfs dopkontak gegee vir méér sauvignon blanc-geure en daarna vergis. ’n Klein hoeveelheid semillon in die versnit word met natuurlike gis apart vergis en dan vir drie maande in 100% nuwe Franse eikehoutvate verouder. Die gevolg is ’n elegante…

Dit is beslis nie ’n nadeel, probleem of sindroom nie. “Hierdie kinders het vele wonderlike eienskappe. Hulle is bewus van elke besonderheid in die wêreld rondom hulle,” sê Lizanne. Hulle kan, dikwels al van ’n jong ouderdom af, “tussen die reëls lees” en gesigsuitdrukkings en lyftaal van die mense rondom hulle interpreteer. Hulle kan vinnig sien as ’n juffrou of ’n maat ’n slegte dag het en sal met deernis reageer. Hul vermoë om empatie te betoon, is besonders. Hulle kyk ook gewoonlik die kat goed uit die boom – dink eers voordat hulle reageer. In die klasopset sal hulle dalk ’n bietjie aanmoediging nodig hê om vrae te beantwoord in teenstelling met minder sensitiewe kinders wat vinnig reageer en daarna eers dink – soos die kind wat sy hand…

Volgens Riaan Prinsloo, ’n voorligtingsielkundige, is terapie ’n proses waarin ’n kliënt in ’n verhouding met ’n terapeut tree met die doel om emosionele probleme te probeer oplos. “Hierdie doel word bereik deur die terapeut se vermoë om die patrone van die kliënt se gedrag, denke en emosies te identifiseer. Deur hierdie patrone te verstaan, kan aanpassings in gedrag en denke saam deur die kliënt en die terapeut bewerkstellig word. Dit is altyd die verantwoordelikheid van jou terapeut om terugvoering uit jou te kry in verband met die sukses van hierdie aksieplanne sodat nodige aanpassings gedoen kan word indien nodig. Dit is dan die doel dat hierdie aanpassings in gedrag en denke emosionele verligting aan die kliënt sal bied.” Cherilee Botha, ’n voorligtingsielkundige, sê terapie het die voordeel dat dit…

▪Suid-Afrika is een van vyf lande wat die meeste deur winkeldiefstal, diefstal deur werknemers en verskaffers en verliese as gevolg van administratiewe foute geraak word. Biljoene rande gaan elke jaar só verlore. ▪Winkeldiewe is baie vindingryk en bedrewe daarin om gesofistikeerde sekuriteitsmaatreëls te ontduik. Sommige diewe gaan sover om hul sakke en handsakke met sekere materiale uit te voer om elektroniese alarmstelsels by uitgangspunte te fnuik. ▪Winkeldiewe teiken veral kleiner artikels wat makliker versteek kan word, maklik uit ’n winkel verwyder kan word, algemeen beskikbaar is, waardevol, genotvol en weggooibaar is. Artikels wat die meeste uit winkels gesteel word, sluit skeermeslemmetjies, ander skeerprodukte, vitamiene, kosmetiekprodukte, vleis, poeiermelk vir babas, ander babaprodukte, alkohol, DVD’s en CD’s, geheuestafies en oorfone in. ▪Winkeldiewe dra graag rekbroeke onder sakkerige klere omdat gesteelde goedere maklik…

LEKKER SOET Bevredig daardie soetlus in jou met ’n Salted Caramel Fudge Hot Chocolate of Kremey Chiller van Krispy Kreme. Dié warm of koue drankie word met room, karamelstroop en stukkies karamel afgerond. Warm drankie vanaf R24 en koue drankie vanaf R37. SOET SMEER Sorg vir ietsie soets op jou snytjie brood met Tacoma Foods se nuwe Day Dream-reeks. Die Day Dream Cookie Butter (R79,99) kan oor roosterbrood, pannekoek of wafels gesmeer word. Of plak koekies of meringues met hierdie smeer opmekaar. Die Creamy Mallow Spreads in vanielje- en aarbeiegeure, (R49,99) kan ook soos bo gebruik word en lyk ook mooi as versiering op koeke wanneer dit met ’n spuitsak daaroor gedruk word. Die Whipped Cream in vanielje- en sjokoladegeure (R49,99) maak ’n warm drankie of nagereg nog meer spesiaal.…

Die Radio Kalahari Orkes (RKO) is ’n musikale kultus-instelling wat grense kruis, sosiale kommentaar lewer en met die luisteraar se gewete goël, met ander binnegoete, ook litte, peuter en jou siel verniel. Hul wortels van herkoms is glo Slangfontein, ’n plek wat ons nie seker is wel bestaan nie, maar ons weet dit is diep in die Kalahari. Die storie loop só: Laatnag, wanneer jy deur sy stowwerige strate reis, mag jy dalk op dié frekwensie afkom as jy aan daardie knoppie ver links op die radio draai. Dit suis eers onderwêrelds-spokerig, maar dan weerklink ’n alternatiewe wêreld meteens in jou ore. Af en toe klink dit of die radio net-net sein in die grammofoon wil verloor, terwyl die naald op die plaat swenk en jou daardeur boeiend hipnotiseer ...…

Die rits baritonrolle wat Johannes Slabbert die afgelope paar jaar so suksesvol sy eie gemaak het, kan dalk binnekort iets van die verlede wees. ’n Maand of twee gelede het Slabbert tydens ’n uitvoering in Nelspruit aangedui sy kop (of stem) staan tenoor se kant toe. In ’n kort loopbaan – hy is 25 jaar oud – het Slabbert onder meer verlede jaar die rol van Morales in Bizet se Carmen vertolk (“’n Wulpse Morales,” het ’n Kaapse dagblad in ’n resensie geskryf); dié van graaf Almavia in Mozart se Le nozze di Figaro; en in 2015 dié van Giorgio Germont, Alfredo se pa, in Verdi se La traviata. “Tot dusver het ek die rolle gesing van die man wat nié die meisie kry nie of van die een wat…

MOEILIKHEIDSGRAAD: ★★ BENODIGDHEDE M oYa Luxe (Bamboes-katoenmengsel) (50 g-balle): 3 balle in Pink Sherbet, 2 balle elk in Byzantine, Artichoke, Claret, Antique, Snow en Honolulu en 1 bal in Bluebird 3,5 mm-hekelpen Naald met groot oog GROOTTE Pas klein-medium Wenke om die baadjie groter te maak: Vermeerder die aantal blokkies van agterpant en voorpante. Vir die moue kan die aantal rondtes herhaal word tot verlangde lengte van moue en die laaste ry van die moue kan herhaal word om breedte te vermeerder. SPANNING Blokkiegrootte (klein blokkies) = 10 cm x 10 cm met 3,5 mm-pen. AFKORTINGS EN STEEKVERDUIDELIKING beg = begin, dies = dieselfde, gs = glipsteek, h/af = heg af, herh = herhaal, kb = kortbeen, ks = kettingsteek, lb = langbeen, rdte = rondte, sp = spasie, st…

Ds Janine Bevolo-Manders is verbonde aan die Nederduitsch Hervormde Kerk Witfontein in Pretoria-Noord en is al 20 jaar ’n predikant Jy lees miskien toevallig hierdie stukkie vandag. Jy voel half nonchalant oor geloof. Jy ken die hele verhaal van die kruis en Jesus, maar dit ruk nie regtig jou binneste nie. Jy is dalk self al seergemaak deur mense wat hulself Christene noem en om dié rede het jy sommer ook jou rug op Jesus gedraai. Moontlik kan jy jouself met die volgende persoon assosieer wat ’n ooggetuie van Jesus se laaste oomblikke was. Ons weet nie wat sy naam was nie. Ons weet ook nie baie oor hom persoonlik nie, maar ons weet wat sy professie was en dit sê baie van hom. Hy was ’n Romeinse soldaat. Hy…

BRIEF van die WEEK ONTTREKKINGSIMPTOME Ek kry oudergewoonte weer ’n SMS om my te laat weet my Vrouekeur is in die pos. Ek’s so opgewonde en kan nie wag vir Vrydag om gou te sien wat ek vir die naweek vir manlief kan maak nie. Maar groot is die teleurstelling toe my Vrouekeur nié vir my wag nie. Ná twee weke is ek raadop en bel die plaaslike poskantoor. Ek vertel my storie en vra vir die man of hy al ooit onttrekkingsimptome gehad het as hy iets nie kon kry nie. Hy lag en sê: “Madam, I know the feeling.” Ek sê vir hom dis hoe ek voel as ek nie elke week my Vrouekeur kry nie. En sowaar, die laaste twee Vrydae lewer hulle persoonlik my Vrouekeur af!…

Dis sommer gou duidelik dat dit ’n lekker gesels gaan wees, want hy sit skaars en ons vind uit dat nie een van ons daarvan hou om water te drink nie. Die probleem is, erken die 49-jarige Maurice, sy dokter het hom al deeglik voor stok gekry, want sy cholesterol lyk glad nie goed nie. Maurice is iemand wat maklik en openhartig met jou praat ten spyte van die feit dat hy nog besig is om van “’n klein verkouetjie” te herstel. Miskien ook omdat dié ervare radioman gewoond daaraan is om inligting te versamel wat hy natuurlik daagliks met sy luisteraars op Smile 90.4 FM deel. “Dis baie belangrik om voorbereiding te doen. Jy kan nie net in die stoel gaan sit en begin praat nie. Ek doen ook…

Die Wêreldgesondheidsorganisasie (WGO) het nege teikens daargestel wat lewenstylverwante siektes betref. Van hierdie doelstellings is ’n afname van 25% in voortydige hartsiektes en hoë bloeddruk. Oor die laaste 25 jaar was daar nie ’n afname in hartsiektes en hoë bloeddruk in Suid-Afrika nie. Trouens met meer mense wat oorgewig is en aan hoë bloeddruk ly, kan daar selfs ’n toename in sterftes weens hartsiektes wees omdat hierdie twee faktore tot kardiovaskulêre siektes bydra. Om die las van hartsiektes te verlig, sal Suid-Afrikaners drastiese lewenstylveranderings moet maak, deur meer voedsame kos te eet, minder alkohol te gebruik, meer te oefen, stres te beheer en op te hou rook. Vroeë opsporing en diagnosering van kardiovaskulêre siektes, behandeling van hipertensie, verhoogde cholesterol (veral die slegte LDL-cholesterol) en die beheer van diabetes kan verder…

ALLES-IN-EENPALETTE ’n Palet maak dit maklik om jou wenkbroue van begin tot einde te vorm en in te vul. SKEP & HOU DIE VORM Jels en was werk nes dié vir jou hare – dit hou wenkbrouhaartjies op hul plek. WENKBROUGONSWOORDE Wat is dit? THREADING is wanneer die terapeut garing gebruik wat op so ’n manier om haar vingers gevou is dat dit sommer ’n klomp haartjies op een slag kan uitpluk. Dis ’n alternatiewe (en vinniger) metode van ’n knyptangetjie gebruik. ELEKTROLISE is ’n manier van haarverwydering met ’n klein stafie, wat haar vir haar verwyder (selfs ligte, wit en grys haartjies). Dit voel net soos hare uitpluk met ’n knyptangetjie, maar die haar is permanent verwyder! Dis ideaal vir ongewenste haartjies op jou gesig of lyf. TINT is…

MOENIE VERRAS WEES AS JY DIE BOEK NET SOVEEL SOOS JOU KIND GENIET NIE Dertien redes waarom (ouers tienerboeke behoort te lees). Dalk ’n gepaste titel vir dié rubriek, na aanleiding van die onlangse bohaai oor die Amerikaanse TV-reeks Thirteen Reasons Why. Die reeks, gegrond op Jay Asher se gelyknamige jeugroman oor ’n tiener wat selfdood pleeg, het ouers en onderwysers wêreldwyd die skrik op die lyf gejaag. Sommige volwassenes het selfs probeer om tieners te verbied om Thirteen Reasons Why te kyk, uit vrees dat dit selfdood sou verheerlik eerder as ontmoedig. Wel, ek is ’n ma wat al 20 jaar lank tieners onder my dak het en ek het één ding geleer: ’n verbod het nog nooit ’n tiener gekeer om enigiets ongeoorloofs te doen nie. Trouens, my…

▸ Kyk na jouself. Hoogs sensitiewe kinders mis nie veel nie en hulle kan agterkom as jy ontsteld is. Hulle sal selfs subtiele twyfel opmerk. ▸ Woorde tel ook – lewer positiewe kommentaar oor dinge soos jou kind se gedetailleerde observasies en empatie vir ander. ▸ Bestee tyd saam met jou kind. Min dinge sê: “Ek hou van jou” meer as om tyd saam met jou kind deur te bring. ▸ Toon respek vir jou kind se gevoelens, behoeftes, menings, voorkeure en besluite. Dit beteken egter nie dat daar nie grense vir die kind gestel word nie. ▸ Help jou hoogs sensitiewe kind haarof homself verstaan in verhouding tot minder sensitiewe mense en ook hoe om ander mense beter te hanteer. ▸ Herinner jou kind aan sy of haar positiewe…

Riaan sê terapie kan vir seker ’n negatiewe of ongewenste uitkoms hê. “Dit is egter belangrik om in gedagte te hou dat toksiese terapie van albei kante kan kom. As jy, die kliënt, voel dat die terapie nie verligting bring nie, is dit baie belangrik om hierdie gesprek met jou terapeut te hê. “’n Terapeut behoort die inligting te waardeer en oop te wees om die aksieplan aan te pas.” Hy sê verder daar is ’n fyn lyn tussen normale en problematiese oorafhanklikheid, want die terapeut se hulp word wel met die aanvang van enige terapeutiese proses benodig. “Van dag een af sal die terapeut die einde van terapie in gedagte hou en dan poog om die kliënt se vermoëns en selfbeeld te verbeter sodat die oorafhanklikheid sal kwyn en…

LASAGNEROLLETJIES 2 porsies bietjie olie ½ ui, gekap 2,5 ml (½ t) fyn knoffel 250 g maalvleis 5 ml (1 t) fyn koljander sout en peper 340 g (½ bottel) tamatiepastasous 8–10 velle lasagnepasta 38 g (1 pakkie) witsous 250 ml (1 k) gerasperde kaas 60 ml (¼ k) broodkrummels 1 Braai ui en knoffel tot sag. Gooi maalvleis, koljander, sout en peper by en braai tot bruin. 2 Gooi tamatiepastasous by maalvleis en laat kook tot dik. 3 Kook lasagnevelle in borrelende soutwater. Dreineer en smeer met bietjie olie sodat dit nie aan mekaar vassit nie. 4 Skep twee eetlepels maalvleis op punt van lasagnevel en rol op. 5 Verhit oond tot 180 ?C. Pak rolletjies netjies in oondbak. 6 Maak witsous aan volgens instruksies op pakkie en giet oor…

DIÉ WYNRAK KAN JY NOU NIE MISKYK NIE Die ingeboude wynrak van saamgeperste hout en melamien het die eienaars se kombuis oorvol laat lyk en het boonop na niks gelyk nie. Die kas is uitgehaal, skoongemaak en met ’n paar estetiese veranderings en Granny B se Old Fashioned Paint is dié lelike rak nou sowaar ’n mooi rak. METODE ’n Ekstra plank saamgeperste hout is aan die een kant vasgesit sodat die kante simmetries is. Harde bord is bo-op vasgesit om ’n gelyk oppervlak te gee en houtstroke gee dimensie aan die kas. Vier houtblokkies (70 cm x 70 cm) en drie mosaïekteëltjies het die pote geword. VERF Die binnekant is met Red Heart Love geverf en die kante en nuwe hardebordblad met Olive Charm. Bo-oor die blad en die…

WENBOEK VIR AUGUSTUS 50 Boerekosgeregte is ’n samestelling van resepte uit die kombuise van die Vrouelandbouvereniging van die Noord-Kaap. Hier is resepte vir weeksdagetes, spesiale geleenthede en familiesaamtrekke, met immergroen treffers soos ’n korslose souttert, basaarpoeding, gestolde komkommerslaai, kerrievleisvetkoeke, snoektert, karringmelkroosterkoek en groenboontjiebredie. Die boek is by www.lapa.co.za en by toonaangewende boekwinkels beskikbaar HANTHEA DU PREEZ DEEL HAAR INTERESSANTE WENK MET ONS: As jy Ierse koffie maak, spuit ’n fyn lagie kleefwerende sproei op die koffie voor jy room opgiet. Dit keer dat die twee lae meng. ’N KUUR VIR KIETS HOU JOU KAT SE KUSSING VLOOIVRY DEUR EEN VAN DIE VOLGENDE DAARIN TE DRUK: KOLJANDERSAADJIES, KAMILLEBLOMMETJIES, ROOSMARYN OF LAVENTEL. ROOMYSWENK Sit ’n malvalekker onderin horin kies om te keer dat die roomys uitlek. VUIL GLASBAKKE Vul dit met water…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Ontsyfer die letters in die sirkels om ’n woord te kry vir iemand wat graag skinder SMS jou antwoord, voorletters, van en dorp/stad voor of op 4 Oktober 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…

Kom saam na Indië en beleef dié kleurryke, interessante land in al sy glorie. Jy kan onder meer uitsien na die Taj Mahal, Jaipur en sy fort, ’n riksjarit deur Ou Delhi se mark, die suide van Indië met Kochie en die Backwaters van Kerala. Heerlike kos en fantastiese inkopies wag! WAT KOS DIT? Die landreëlings van die toer kos 2 335* dollar en 520* dollar vir binnelandse vlugte in Indië per persoon wat deel (bereken op ’n minimum van 15 toerlede), met ’n bykomende tarief van 1 085 dollar* vir ’n enkelkamer, plus ’n vliegkaartjie van R6 290* per persoon. INGESLUIT • Retoervliegkaartjies in ekonomiese klas • Binnelandse vlugte in Indië in ekonomiese klas • Verblyf in luukse hotelle • Twee etes per dag, middagete uitgesluit • Luukse busvervoer…

Hulle is nie seker waar hul liefde en talent vir musiek vandaan kom nie, maar Stefan en Hugo Ludik is dit eens: Musiek is hul grootste passie. “Ons het al gewonder of dit dalk begin het met ons ouers wat koor gesing het,” vertel Hugo, al die afgelope sowat sewe jaar ’n lid van die popgroep Adam. “As kinders moes ons saamgaan na kooroefeninge toe – ek was seker drie of vier jaar oud en Stefan vyf of ses. Dan moes ons stil agter in die saal lê en speel.” Dié Namibiese broers het geen formele musiekopleiding gehad nie, maar onthou hoe hul ouers, Paul en Susan, hulle van jongs af aan goeie musiek blootgestel het. “Daar was altyd musiek in die huis, van Queen tot Led Zeppelin,” sê Hugo.…

Om die Comrades suksesvol te voltooi, verg durf en moed. Om dit 25 keer agtereenvolgens te doen (en selfs jou ouderdomskategorie te wen) verg ’n superdrawwer. En dis presies wat die 62-jarige Val Watson is. Boonop draai sy sommer in die proses ’n klomp stereotipes nek om. Die Comrades-gogga het in 1993 gebyt. Val Watson was toe 37 jaar oud en maar net ’n paar maande lank ’n drawwer. Met haar eerste Twee Oseane-marathon agter die blad, het sy dié ultramarathon ook aangedurf. Sy het die wedloop tussen Pietermaritzburg en Durban in ’n tyd van 9 uur 36 minute voltooi, en daarna was daar geen keer meer aan haar nie. Sy het elke jaar die wedloop gaan hardloop en ten spyte van talle uitdagings, dit nou al 25 keer voltooi.…

Die Medical Protection Society (MPS) is ’n niewinsgewende lidmaatskapsorganisasie wat mediese praktisyns toegang tot advies en ondersteuning bied. Die MPS bestaan al 125 jaar. “As die wêreld se voorste beskermingsorganisasie vir dokters, tandartse en mediese praktisyns, beskerm en ondersteun ons die professionele belange van meer as 300 000 lede wêreldwyd. Tans beskerm ons die belange van meer as 30 000 mediese praktisyns in Suid-Afrika,” sê dr Graham Howarth, hoof van mediese dienste, Afrika, Medical Protection Society. “Ons staan ’n lid by vanaf die eerste kennisgewing van die eis tot met die afsluiting van die saak en sorg vir die regskostes en vergoedingsbetalings. ’n Begrip van die kliniese probleme is noodsaaklik in hierdie gevalle en die dokter kan sy saak met ons mediese deskundiges bespreek,” sê Graham. MPS-lede kan hulp vra…

’n Aanvulling wat die energieproduserende ensiem CoQ10 en selenium bevat kan die risiko om weens hartsiektes te sterf, met 50% verminder. Dit is volgens ’n studie wat by Swede se Linköpinguniversiteit gedoen is en in die International Journal of Cardiology gepubliseer is. Hulle het 443 gesonde mense tussen 70 en 88 ’n aanvulling van CoQ10 en selenium gegee en gevind hul risiko om van hartsiekte te sterf, is met 50% verminder en hul hartfunksie het verbeter en die risiko van verdere hartsiekte het afgeneem. Die deelnemers het minder dae in die hospitaal deurgebring weens hartverwante toestande en almal se hartfunksie en lewensgehalte het verbeter. ’n Ander studie het gevind die beskermende effek van die aanvullings het aangehou nadat hulle met die gebruik daarvan opgehou het. Die ko-ensiem Q10 word natuurlik…

WENK Koop actiwhite by spesialiteitbakwinkels LEMOEN-EN-PAPAWERSAAD-KOEK 1 koek KOEK 60 ml (¼ k) papawersaad 180 ml (¾ k) melk 2 10 ml (200 g) botter teen kamertemperatuur 1 lemoenskil, gerasper 2,5 ml (½ t) vanieljegeursel 180 ml (170 g) strooisuiker 3 eiers 500 ml (265 g) koekmeel 7,5 ml (1½ t) bakpoeier 125 ml (½ k) lemoensap VERSIERSEL 1 25 ml (120 g) botter teen kamertemperatuur 1 houer (230 g) roomkaas 5 ml (1 t) vanieljegeursel 1 000 ml (530 g) versiersuiker 60 ml (¼ k) melkpoeier 30 ml (2 e) poeiereierwit (actiwhite) Voorverhit oond tot 160 °C en berei ’n 20 cm-koekpan met waspapier voor. 1 Koek Meng papawersaad en melk. 2 Klop botter, lemoenskil, vanieljegeursel en strooisuiker tot lig en donsig. 3 Voeg eiers een vir een by…

Ons is die enigste mense wat stywebeen uit die bus klim toe ons Riga bereik – die oorblywende busryers het nog lang paaie voor hulle Ons stap die paar honderd meter na ons woonstel toe en kry die eienaar voor die deur. Hy wys ons hoe alles werk, verduidelik van die oond en koffiemasjien en dat die supermark om die draai is. “Dis nou as julle lus is om kos te maak – ons eet sommer uit,” vertel dié vrygesel. Ons gaan ons e-pos na vir die aankomtyd van ons vriende uit Londen. Ons het afgespreek om mekaar by Muusu, ’n klein restaurant wat baie mediadekking kry, te ontmoet. Die 16de eeuse klipmure het sekerlik baie stories om te vertel. Ons smul aan eend, salm en kaas. Ons sluk Franse…

Soms het kuns uit eie bodem ’n ander oorsprong, in ’n ander land. Soos in die geval van die skilder Jean Welz. Jean Welz (1900–1975) is in Salzburg, Oostenryk, as Hans Max Friedrich Welz gebore. In Frankryk, waar hy in 1925 as argitek gaan werk het, het hy sy voornaam verander. In Parys het hy onder Alfred Loos gewerk, een van die voorste baanbrekers vir moderne argitektuur. Dit was egter met ’n aanbevelingsbrief van Le Corbusier in sy binnesak waarmee hy in 1937 by Wits se departement van argitektuur in Johannesburg opgedaag het. Die dreigende Tweede Wêreldoorlog het Welz en sy vrou laat besluit om elders ’n heenkome te gaan soek. Hulle het op Suid-Afrika besluit. Wits het egter nie ’n betrekking oop gehad nie en Welz het vir private…

Dit het al ’n cliché geword om te sê dat misdaadfiksie in ons tyd baie gewild geword het. En nog ’n cliché is om elke nuwe misdaadskrywer met Deon Meyer te vergelyk. Soms word skrywers op die buiteblad van ’n nuwe roman of in die reklamemateriaal daarvoor as die “nuwe Deon Meyer” beskryf. En meestal moet jy dan maar weet om by die oorspronklike een te hou. Want dikwels is die ritse speurverhale wat verskyn baie resepmatig. Dit voel sommer of die stories nie uitgedink is nie, maar iewers by ’n Amerikaanse TV-misdaadreeks afgekyk is en na Johannesburg of Kaapstad oorgeplant is. Dikwels is die taalgebruik daarin taamlik vaal, en die karakters, ten spyte van pogings om aan hulle ’n paar interessante, teenstrydige eienskappe te gee, baie eensydig. Kortom: Byna…

Ouma Kate druk haar skilpaddopbril stywer teen haar neus en klop aan Rika se woonsteldeur. Sy hou ’n skeefgebakte koek met pienk versiersuiker gepleister vas. Rika lê op die rusbank na die plafon en staar. Sy staan op en gaan maak oop. “Hallo, ouma Kate, jou hare lyk mooi,” sê sy onoortuigend. “Nie te rooi nie? Gister laat kleur.” Sy sit die koek op die kombuistoonbank neer. “Is jy seker dis jou verjaardag? Dit sal nie die eerste keer wees dat jy ’n dag te vroeg of laat ‘verjaar’ nie.” “Dit ís mos die 17de?” Ouma Kate knik. “Dan is ek 30.” “Sal ons nie gaan fliek om jou op te beur nie? Daar speel juis iets waarin Orlando Bloom sy hemp uittrek.” “Ek het nie krag vir Orlando nie.”…

Deur XWORD.CO.ZA Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 8 woorde, goed 11 woorde, baie goed 17 woorde of meer, uitstekend OPLOSSING: Skoolhoof, okshoof, floks, kloof, kolos, skool, folk, hook, klos, kolf, kool, koos, loko, loks, skof, skol, slok. Woordsoek 37 plekke is hier weggesteek. Hulle kan horisontaal, diagonaal vertikaal, onderstebo of agterstevoor gelees word en val soms oor mekaar. Kyk of…

BLAAM OOR MA IN VERSORGINGSEENHEID IS My bejaarde ma van 89 ly aan alzheimersiekte. Ek (63) het haar tot onlangs privaat versorg, maar ek kon nie meer alles gedoen kry nie. Ek en my man het haar na ’n plek geneem wat in die versor ging van bejaardes met onder meer alzheimersiekte spesialiseer. My broer en suster wat nog nooit aangebied het of enige bydrae gelewer het nie, is nou woedend vir my. Hulle beskuldig my daarvan dat ek ons ma weggooi wanneer sy ons die nodigste het. Enige raad oor hoe om hulle te hanteer, sal waardeer word. – Anoniem Jou sibbe is duidelik besig om hul eie skuldgevoelens oor hul afwesigheid en gebrek aan ondersteuning op jou te verplaas. Daar is beperkings op die mate waartoe jy jou…