Innholdsfortegnelse for 11-ago-17 i Vrouekeur

So ’n week of wat gelede beland daar ’n boek op my lessenaar: The Twinkling of an Eye – A mother’s Journey deur Sue Brown. Sue se boek vertel van haar reis saam met haar seun, Craig – ’n reis wat geen ouer wil meemaak nie ... Die 12-jarige Craig Brown is op Oujaarsaand 2010 met ’n breingewas gediagnoseer. Tensy jy ’n soortgelyke pad geloop het, kan ’n mens jou slegs probeer indink in die situasie. Dis ouers se grootste vrees – dat iets só verskrikliks met hul kinders gebeur. Dikwels word dié soort boeke deur ’n spookskrywer geskryf, omdat nie almal skrywers is nie. Hoewel Sue ’n fisioterapeut en nie ’n skrywer is nie, het sy die gebeure en haar gevoelens deur die hele proses neergeskryf – as deel…

Een snerpende Desemberaand in 2015 kom ek ná ’n lang soektog uiteindelik op my Paryse jeugherberg af. Nadat ek my bagasie neergesit het, sit ek af na die kombuisie op soek na iets warms om te drink. Ek vroetel met die ketel, maar kry nie die skakelaar nie. “Hier, laat ek jou help.” ’n Arm strek van agter af oor en die water begin kook. Ek kyk op in die vriendelike donkerbruin oë. Sy naam is Matt en hy is 21 jaar oud. Half Deens, half Nieu-Seelands. Ons begin gesels, ek vertel hom van my reisplanne en ná ’n rukkie besef ek dat hy op ’n snaakse manier na my kyk. Net toe ek effens ongemaklik begin voel, sê hy: “Jammer, jammer jy laat my net verskriklik baie aan iemand…

BEGIN JOU DAG GOED Kasha is ’n glutenvrye ontbytgraan vol supervoedsel en proteïene om jou deur die dag te kry. Dit verhoog jou metabolisme en verbeter vertering. Meng dit net met koue water of suiwelvrye melk. Voeg ’n paar bessies of neute by vir nog meer woema. By die meeste supermarkte in Cacao of Vanilla with Chai Seed teen ongeveer R54,99 beskikbaar. www.fryfamilyfood.com DRUK DIT UIT! Weg is die dae van konfyt in ’n blikkie koop! Met ALL GOLD se nuwe verpakking kan jy so maklik soos een, twee, drie konfyt uit ’n houertjie druk. Die nuwe Skweezi is maklik om te gebruik en die inhoud is steeds die heerlike geure wat ons ken. Kies uit geure soos aarbei, peer & mango, appelkoos & perske en gemengde vrugte, vanaf R23,99.…

SPLINTERNUWE SUBSKRIPSIE-OPSIE Vrouekeur is jou keuse elke week en in vandag se vinnige tye is innovering iets wat almal se lewe kan verbeter. Nuwe idees; om met die jongste dinge tred te hou. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het hande gevat om dit makliker as ooit te maak om jou Vrouekeur elke week te kry. Hoe? So eenvoudig soos een, twee, drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolies kan afhaal. Dis gerieflik en spaar jou tyd, en jy kry…

ROLPRENTE BRIMSTONE 5/10 Met Dakota Fanning en Guy Pearce Regisseur Martin Koolhoven DRAMA ’n Baie ernstige waarskuwing: Daar is tonele van brute geweld, naaktheid en marteling, veral teenoor vroue en kinders, in dié rolprent. As jy dus sou besluit om te gaan kyk omdat dit moontlik in kunsteaters gaan wys, wees voorbereid op ’n martelsessie. Sommige tonele hou te lank aan en die geweld raak so wreedaardig en siek dat ’n mens daarvan naar word. Hou dit asseblief in gedagte wanneer jy besluit om te gaan kyk. Dit gaan oor ’n stom meisie (die uitstekende Dakota Fanning) wat deur ’n waansinnige en diaboliese priester (’n senutergend-goeie Guy Pearce) gejag word om haar “te straf” vir “oortredings” wat sy begaan het. Dit is donker en uiters gewelddadig, dus moet voornemende kykers…

MOEILIKHEIDSGRAAD: ? WAT HET JY NODIG? 6 (7; 8; 9; 10) balle ELLE COUNTRY TWEED DK (50 g) in Bronco (A) 1 bal elk ELLE FAMILY KNIT in Sunshine (B), Red (C) en Royal (D) 3,25 mm- en 4 mm-naalde Steekhouers WENK ELLE COUNTRY TWEED se reeks bestaan uit basiese kleure met klein kleurvlekkies in verskillende kleure – kies een waarvan jy hou en kies jou kleurblokke om by die kleurvlekkies te pas BREI-INLIGTING Draai twee breidrade om mekaar en trek effens stywer op voorpant waar jy kleurblokke inbrei om gate te voorkom. GROOTTE 3–4 (5–6; 7–8; 9–10; 11–12) jaar AFKORTINGS aw – aweregs aw2tes – aweregs 2 ste tesame ks – koussteek oorbl – oorblywende r – regs r2tes – regs 2 ste tesame AANWYSINGS AGTERPANT Met 3,25 mm-naalde…

VERNIETIGENDE BRANDE Die brief van Alet Jacobs in Vrouekeur van 23 Junie 2017 het my opnuut met dankbaarheid gevul. Sy sê elke dag van jou lewe is ’n spesiale geleentheid. Ons en ons kinders het ons huise in Elandskraal, Knysna, in die vernietigende brande verloor. Ek word elke oggend met ’n gevoel van moedeloosheid en hartseer wakker oor ons verlies en die dood van ons bure, die Johnstons, maar soos die dag vorder en meer ellendes en hartseer oor die brande bekend word, word ek met dankbaarheid gevul oor die klein dingetjies wat weer ons lewens die moeite werd maak. Wonderlike mense het in dié moeilike tyd ons pad gekruis. Ek bid vir al ons mede-Suid-Afrikaners wat verliese gely het. Nellie du Plessis, Knysna Jip, ’n mens mis te maklik…

‘Ek het besef begrip is ook ’n vredemaker. Die lewe is te kort om te huil oor wat was. Ek verkies om vorentoe te kyk met die wete van waar ek kom’ “Werk – en werk goed! Speel – en speel lekker. Lewe – en lewe beter!” Dit is die veelsydige akteur Dean Dorvan Balie (27) se leuse. Trouens, kleintyd was dit sy droom om eendag Nelson Mandela te wees! “Ek het gedink dit is ’n werk ...” Wel, daardie droom is toe wel nie bewaarheid nie, maar Dean maak opslae in die teaterwêreld. Ons ontmoet om ’n kampvuur op Oudtshoorn tydens die KKNK, vryf hande warm en kuier kopstukke. Dean is op Springbok gebore en het op Steinkopf in Namakwaland grootgeword. “My ouers, Stevan, ’n finansiële en versekeringsadviseur, en…

KOS-EN-WYN-FEES Van die land se beste wyn en jenewer deur vroue sal op 19 Augustus by die Cradle Food & Wine Festival by Kromdraai ter viering van Vrouemaand geproe kan word. Hierdie fees vir die hele gesin word by die Cradle Boutique Hotel in samewerking met Wine Menu gehou. Terwyl Ma en Pa wyn en jenewer proe, kan die kleingoed by die Cradle Explorers Club aansluit wat hulle op ’n stappie deur die natuur sal vat. Dit kos R80 per kind en dit sluit ’n piekniekboksie in. Ná die jenewer-en-wyn-proe teen R75 per persoon, kan jy ’n piekniekmandjie koop of ’n middagete by die hotel bespreek. Kaartjies is beperk. Bespreek jou plek by www.webtickets.co.za PIZZA EN WYN Eikendal Vineyards se gewilde Pizza-enwyn- ervaring is nog tot einde September beskikbaar. Jy…

Dis baie van ons se daaglikse stryd om meer georganiseerd te lewe sodat daar meer energie en tyd kan oorbly vir dit wat werklik saak maak. Maar hoe jy jou lewe moet organiseer, sal grootliks van jou lewensfase afhang. Lisa Woodruff, ’n professionele organiseerder van Cincinnati en skrywer van verskeie boeke oor die onderwerp, onderskei tussen drie verskillende lewensfases waarby jy die organisasie in jou huis moet aanpas. Versamelingsfase (25–40 jaar): Jy kry ’n loopbaan, huis(e), geliefde en dalk kinders. In hierdie fase gaan alles oor nuwe stelsels vir al die nuwe dinge. Hoewel jy soms moet ontklotter en weggooi, is jy meer dikwels op soek na maniere om artikels wat jy nie in daardie stadium gebruik nie, te stoor, vir ingeval jy dit later met jou jonger kinders of…

BLOMKOOLHERDERSPASTEI 4 porsies 1 kop blomkool sout en peper 250 ml (1 k) mozzarella, gerasper 10 ml klapperolie 1 ui, gekap 5 ml (1 t) fyn knoffel 500 g maalvleis 5 ml (1 t) fyn komyn 5 ml (1 t) fyn koljander knypie fyn naeltjies 1 lourierblaar 420 g (1 blik) gekapte tamaties Stel oond op 180 ˚C. 1 Kook blomkool tot sag. Dreineer alle water en sit terug op stoof op lae hitte om meeste van stoom te laat ontsnap. 2 Druk blomkool met aartappeldrukker fyn, geur met sout en peper en roer kaas by. Hou eenkant. 3 Braai ui in klapperolie tot sag, roer knoffel by. Skep uit en hou eenkant. 4 Braai maalvleis tot goudbruin. Roer uiemengsel en speserye by. Braai goed. 5 Gooi tamaties by maalvleis…

Die voorgestelde GPS-roete na Huab Lodge is bykans 400 km van die Etosha Nasionale Park se Okaukuejo-kamp, maar gelukkig het ons die reisagent se aanwysings wat die pad mooi uitspel en ons net 180 km gaan laat ry, so al met die distrikspaaie (baie mooi grondpaaie) langs. Twee ure korter is goue woorde as ’n mens moeg gery is. So 30 km voor Huab is ’n plaas met die naam Weerlig aan die linkerkant en ek wens daar was tyd om in te draai en oor moerkoffie en tuisgebakte beskuit te gaan hoor wat die storie agter die naam is. Ons ry deur twee plaashekke omdat dit tegnies nog distrikspaaie is en ek klim elke keer uit, haak die draad of ketting af en laat die bakkie deurry. Die stilte…

3 OPSIES BESKIKBAAR: SKRY F AANLYN IN : magsathome.co.za/Magazing.htm bel: 0860 100 999 e-pos: subs@magsathome. co.za ONT VAN G JOU MAAN DELIKSE TY DSKRI F-KOO PBE WYS VIA SMS haal JOU TYDSKRIF af: GEBRUIK JOU WOOLIES -KAART EN HOU JOU KOO PBEWYS - STAA FKO DE GEREE D Het jy nie ’n Woolies-kaart nie? Kry een by jou naaste Woolies-winkel WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSI ëLE DIENSTEVERS KAFFER (FSP15289) EN GEREGISTREERDE KREDIETVERS KAFFER (NCRCP49). was R900 nou R585 35% Afslag JOU 12-MDE - SU BSKRIPSIE WONDERLIKE AAN BIEDINGS ! Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REËLS EN VOORWAARDES: 1 Hierdie aanbod…

Kort voordat Emily Hobhouse in 1908 terug is Engeland toe omdat haar gesondheid so agteruitgegaan het, het sy op Worcester die befaamde “artist Naudé”, soos die mense van die omgewing na die skilder Hugo Naudé verwys het, ontmoet. Hobhouse was op besoek by vriende en benewens die hulp wat sy aangebied het met reëlings vir ’n klein uitstalling vir Naudé in Pretoria, het sy ook ingewillig om vir Naudé te poseer. Oor die portret was Hobhouse nie gaande nie. Sy het gemeen dit het nie voldoende “krag” (force) nie en het ook besluit om dit nie op haar terugreis saam te neem nie, maar dit vir bewaring in die sorg van genl Jan Smuts te laat. Dit is tans in die Ditsongkutuurhistoriese museum in Pretoria. Maar miskien sê Hobhouse se…

SJ Naudé se debuutwerk, die kortverhaalbundel Alfabet van voëls, het die Afrikaanse literêre wêreld in 2011 laat regop sit. Die bundel was so anders as baie ander Afrikaanse kortverhaalbundels, so vars wat styl en temas betref. Intussen is die bundel ook in Engels uitgegee en een van die verhale het in die prestigeryke Britse literêre tydskrif, Granta, verskyn – ’n besonderse prestasie, wat aandui dat Naudé se werk ook mense buite die Afrikaanse wêreld beïndruk het. Die derde spoel het pas in Afrikaans en Engels verskyn. Dit voldoen aan die hoë verwagtings wat die debuut geskep het. Talle van die temas uit die kortverhaalbundel word weer ontgin, waarvan die opvallendste waarskynlik ’n aansluiting by die belewenis van globalisering is. Die ekonomiese, politieke en kulturele veranderings wat die wêreld oor die…

VERSWAKTE PRESTASIE NÁ HOOFBESERING Ons seun (18) het onlangs met ’n rugbywedstryd harsingskudding opgedoen. Hy het geweier om ’n dokter te sien. Nou, meer as ’n maand later, is sy energievlakke steeds baie laag, sy konsentrasie en geheue is swak en sy akademiese prestasie neem ernstig af. Hy was altyd akademies ’n toppresteerder. Dit lyk of dit net slegter met hom gaan en hy lê die meeste van die tyd in sy donker kamer, is geïrriteerd met klanke en met die res van ons. Wat staan ons te doen? – Bekommerde ouers Jy beskryf klassieke simptome wat met die postkonkussie-sindroom verband kan hou. Jou seun moet dringend ’n neuroloog sien. Die impak van ’n ligte konkussie kan ernstige gevolge hê. As die bevindinge aandui dat hy ’n konkussie opgedoen het,…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 12 woorde, goed 16 woorde, baie goed 20 woorde of meer, uitstekend OPLOSSING: Veelsydig, ysveld, gelys, gevly, gevyl, gysel, ligsy, sylig, vygie, vysel, ydele, ysige, gedy, gely, geyl, geys, lyde, syde, ydel, ysig. Koderaai Elke syfer verteenwoordig ’n letter van die alfabet. Om mee weg te spring, is 3 (drie) letters klaar ingevul. Kyk nou…

Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir wanneer ’n sopie, gewoonlik net voor die hoofmaal, gedrink word SMS jou antwoord, voorletters, van en dorp/stad voor of op 30 Augustus 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

Belê in serums! Dit is vol gekonsentreerde, aktiewe bestanddele wat jou vel ’n goeie hupstoot gee. Wend serums soggens en saans voor jou gesigroom aan. 1 Vichy LIFTACTIV Serum 10 Supreme is ’n liggewigserum. Dit verbeter die voorkoms van verouderde vel deur dit diep binne te dring, R535. 2 Verwyder tandvlekke met Charwhite Natural Teeth Whitener. Doop ’n skoon tandeborsel in die poeier en borsel vir twee minute. Gebruik met of sonder tandepasta twee tot drie keer per week. R475 vir tot 150 gebruike, zoomwhitening.co.za 3 Mavala Nail Color Cream in Sao Paulo is ’n sjiek naellak wat by byna alles pas, R80 4 Smith & Cult is ’n nuwe grimeerreeks vir ons land. The Shining Lip Lacquer lewer ongelooflike kleur. Hier in The Queen is Dead, R356, www.smithandcult.com 5…

WENK Smeer dit op jou brood, meng dit met roomys of val weg met ’n lepel SPEKULAASKOEKIES EN -SMEER 28 koekies 235 ml (225 g) botter 120 ml (100 g) wit suiker 60 ml (50 g) sagte bruinsuiker 5 ml (1 t) vanielje 475 ml (250 g) koekmeel 5 ml (1 t) kaneel 1,25 ml (¼ t) neutmuskaat 1,25 ml (¼ t) fyn gemmer 1,25 ml (¼ t) wonderpeper (allspice) 1,25 ml (¼ t) fyngemaalde naeltjies 2,5 ml (½ t) sout 2,5 ml (½ t) bakpoeier SMEER 250 g koekies 125 ml (½ k) kondensmelk Verhit oond tot 180 °C en berei bakplaat met waspapier voor. 1 Room botter en al die suiker en voeg vanielje by. 2 Sif meel, kaneel, neutmuskaat, gemmer, wonderpeper, naeltjies, sout en bakpoeier en meng…

WENBOEK VIR AUGUSTUS Van ’n vrou word in vandag se wêreld baie verwag. Hierdie dagstukkieboek is spesiaal saamgestel vir elke vrou wat maar alte goed weet dat die lewe nie altyd so maklik is nie en dat ’n ma ook moeg en radeloos kan voel. In Dagstukkies vir besige vroue, saamgestel deur Christelle Webb-Joubert, bring bekende vroue soos radiopersoonlikheid Benescke Janse van Rensburg; Christine Ferreira, tydskrifredakteur; sangeres Helenè Bester en aktrise Bertha le Roux-Wahl boodskappe van hoop vir ma’s. Dagstukkies vir besige vroue wil jou herinner dat jy nie alleen is nie en dat jy nie skaam hoef te voel as die lewe jou oorweldig nie. Die boek is by toonaangewende boekwinkels beskikbaar. Besoek www.nb.co.za vir meer inligting ELAINE ROBERTS VAN SUNNINGDALE IS ONS WENNER. SY HET WEER ’N PAAR…

Hulle is albei baardmanne. Groot manne. Met goeie stemme en mooi lirieke. Hulle bewys dat musikale talent en vaardigheid aan die maatstaf van luisterrykheid gemeet moet word! JO BLACK SE SNAARGELAAIDE KUIERROCK Jo Black (Engelbrecht) het ná skool begin werk en sy eie konstruksiemaatskappy bedryf en agt jaar lank omtrent alles – van paaie en brûe tot huise en hospitale – gebou. Toe hy egter op ’n dag besef daar is meer aan die lewe as net werk, het hy die Be that Guy-beweging begin en landwyd inspirerende praatjies begin aanbied. Hy wou homself en ander mense bemagtig en spoedig het hy positiewe verandering begin bewerkstellig. Daar is nou ook ’n alternatief vir vroue: Be that Girl. Sy eie verhaal is een van verslawing én bevryding. Met sy baard, tatoes…

Ter viering van Hendrik Hofmeyr se 60ste verjaardag bied Klein Karoo Klassique Saterdag ’n huldigingskonsert op Oudtshoorn aan. Die program vir dié konsert is saamgestel om “’n klein blik op die vokale komposisies van dié musikale reus” te bied. Hoewel Hofmeyr komponis van ’n omvangryke oeuvre is, wat operas, balletmusiek, konserte vir solo-instrumente en ander orkeswerke asook kwartette en ander kamermusiek insluit, is dit met sy komposisies vir stem, en spesifiek dié vir stem en klavier, waarmee hy in dié konsert vereer word. Die soliste is drie sangdosente aan die Universiteit Stellenbosch se konservatorium: Lauren Dasappa (sopraan), Minette du Toit-Pearce (mezzosopraan) en Jolene McCleland (mezzosopraan). Die begeleier is José Dias. Die program sluit in “Alleenstryd”, ’n siklus op gedigte van SV Petersen, “Of Darkness and the Heart” op gedigte van…

Dis iets wat ons almal het, maar nie twee mense s’n lyk dieselfde nie. En dis byna onmoontlik om te beskryf. Elkeen dink natuurlik syne is die beste en trek al te maklik sy neus vir die ander een s’n op. Hulle sê dalk beauty is in the eye of the beholder, maar smaak is nie ver agter nie. Hoe weet ’n mens regtig wat goeie smaak is? Die een sal vir jou sê dis kristalglase, kaviaar en ’n Coco Chanel-baadjie. Die ander een sal jou uitlag en sê: Ag nee, regtig, dis net windgat. Goeie smaak is interessant, onvoorspelbaar en eklekties. Dis bont, blink en banaal. Die uwe het nog altyd gedink sy het redelike goeie smaak. Sy was nog nooit ’n modeslaaf nie, maar hou van ongewone klere.…

Goddelik en bonatuurlik is nou nie eintlik woorde wat ’n mens met ’n plant sal assosieer nie, maar as daar nou een plant is wat dit wel verdien, is dit ’n verbena. Daar is talle verhale oor die antieke tye waarin dit voorkom. Die Grieke het die blom aan Eos Erigineia opgedra, die godin van die daeraad en antieke Egiptenare het verbenas as “Trane van Isis” geken. Volgens ’n legende is hierdie plant selfs gebruik om Jesus se bloedvloei te stop nadat sy liggaam van die kruis verwyder is. Die krui het só name soos heilige krui en wolfskruid gekry. Daar word nou wel nie meer geglo dat hierdie eenjariges enige bonatuurlike eienskappe het nie, maar dit is steeds gewild – om net sulke goeie redes! ’N BLOM WAT MIN…

In Spreuke 26:22 staan daar: “’n Geskinder is soos lekker kos, mense sluk dit so maklik.” Hoe waar is dit nie? Ons weet almal dat wanneer iemand rondloop en stories versprei, dit tot ’n lelike gemors kan lei. Skinder kan baie skade aanrig en baie stukkende verhoudings en harte tot gevolg hê. Party sal sê dit is nie skinder as dit wat ek oordra, die waarheid is nie. Maar skinder is skinder. Ander skinder weer so subtiel, hulle gebruik gebedsversoeke om dit te doen, byvoorbeeld: “Julle, ons moet vir Bets bid, haar man drink mos so verskriklik.” Wanneer jy enige persoonlike inligting oor ’n persoon oordra, of dit die waarheid is of iets wat opgemaak is, bly dit skinder. Iemand sê dalk: “Ons skinder nou net oor jou.” En dan…

Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n mededinger – veral in die handel SMS jou antwoord, voorletters, van en dorp/stad voor of op 30 Augustus 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…