Innholdsfortegnelse for 02-jun-17 i Vrouekeur

Daar’s fout met my! is die titel van Maretha Botes se artikel oor selfbewustheid en die uitwerking daarvan op jouself en die mense ná aan jou op bl 14. En, wat daarvan? Ek dink daar is “fout” met ons almal. Dis nou as ons onsself meet aan sosiale konstrukte wat bepaal wat reg en verkeerd, goed en sleg, mooi en lelik, sterk en swak, waar en onwaar is. Miskien is dit ouderdom, miskien my spesi fieke storie, wie weet? Maar as daar iets is wat ek bly is ek met die jare geleer het, is dit om van myself te hou. Dít ten spyte van die wete dat daar baie mense is wat nie van my hou nie. En, wat daarvan? Dis nie moontlik om van alle mense te hou…

GROOT BOLIP GROOT ONDERLIP DUN, PLAT LIPPE PRUILMOND GROOT LIPPE KLEIN LIPPE SPITS CUPIDOBOOG MOND WAT AFWAARTS NEIG…

WENBOEK Die wenboek vir Junie is Theresa de Vries se resepteboek, Deeg (Human & Rousseau). Alle soorte deeg om terte of pasteie te maak word bespreek – broskors, blaarkors, skilferkors, warmwaterkors, fillo en strudel, ook die gewilde Marokkaanse ouarkadeeg. ’n Besonderse boek wat al die kunsies van deeg fynkam; bestanddele, toerusting, basiese beginsels en puik resepte. Algemene foute wat by deeg kan voorkom en die oorsake word ook gedek. En Theresa gee wonderlike aanwysings hoe om jou deeggebak te versier. Die boek is by toonaangewende boekwinkels beskikbaar. Besoek www.nb.co.za KARWENKE LIGTE Sit ’n bietjie tandepasta op ’n sponsie en vryf die lig in sirkelbewegings tot die vuiligheid afkom. Vee dit nou met ’n lappie af. PLAKKERS OP JOU MOTOR Blaas met ’n haardroër op die plakker en druk dan ’n…

KOS VIR KINDERS Die welbekende sjef Gordon Ramsay en sy dogter Matilda het ’n nuwe reeks gesonde etes, Oh My Goodness!, vir kinders ontwikkel. Besige ouers sal dit verwelkom. Dit kom met die belofte dat dit geen gemorskos is nie, elke maaltyd vry van MSG is en geen bygevoegde suiker en sout of kleur-, geur- of preserveermiddels bevat nie. Checkers is oortuig dat die kleinspan dit sal geniet, daarom dat hulle jou geld sal teruggee sou jou kind nie daarvan hou nie. Kies uit vyf verskillende maaltye teen R29,99 elk, www.checkers.co.za NETJIESE KOMBUIS Die MBA Hello!-rak is die ideale bêreplek vir sleutels, selfone, posstukke en allerlei los artikels wat gewoonlik rondlê. Dit word van poeierbedekte aluminium en bamboes gemaak. Daar is vier magnete wat sleutels in plek hou, ’n haak…

Erns Grundling is een van die gewilde en bekende joernaliste wat aan die tydskrif Weg verbonde is. Saam met skrywers soos Dana Snyman en Toast Coetzer dra hy tot die vars asem by wat saam met Weg in Afrikaanse joernalistiek gekom het. Grundling het sy woordvaardigheid al met verskeie gedigte bewys en sy artikels in Insig en Weg is al bekroon, maar Elders is sy eerste boek. Dit is ’n lywige werk van 300 bladsye – nogal ’n prestasie vir iemand wat homself as aandagafleibaar beskryf! Hy bevestig sy besonderse skryftalent met hierdie werk. Ek moet bely dat ek die boek bevooroordeeld opgetel het. Eerstens was ek nie lus om enigiets oor die Camino de Santiago te lees nie, waarskynlik omdat so baie mense graag van hul besonderse spirituele ervarings…

H ierdie laaikas dien ’n nuttige doel in ’n slaapkamer, maar dit was tyd vir ’n nuwe voorkoms. Nicolas de Beer, ons verfghoeroe, wys ons hoe jy te werk moet gaan om van ’n saai laaikas ’n fokuspunt te maak. Ons het hierdie produkte van Granny B’s Old Fashioned Paint gebruik: LAAIKAS Laag 1: Hurricane Laag 2: Mengsel van Hurricane en Beach Sand (en Armour Matt om te seël ook, vir die laaie) Laai 1 (van bo na onder) Vanilla Cream Laai 2 Mushroom Laai 3 Beach Sand Laai 4 Olive Charm Laai 5 Mengsel van Hurricane en Beach Sand Pote & binnekant van laaie Mengsel van Blueberry Pie, Tropical Cocktail, Dove Grey en Beach Sand (droogborsel-gietvorm hiermee) VOOR VOORBEREIDING Skroef die handvatsels af en maak die gaatjies met houtvuller…

D ie onnosele Japie Gouws het nie ’n lekker lewe met sy kwaai ma nie. Mense het lankal gesien Japie is maar aan die baie dom kant. Maar die mense wat hom aangeneem het toe hy nog ’n baba was, het dit nie geweet nie, anders sou hulle seker twee keer gedink het. En toe loop die pa met ’n nuwer model weg en die ma haak skoon uit haar vrede uit en is verbitter en baie suur met almal, veral met die dom kind waarmee sy opgeskeep sit. Nou nie ’n ideale soort kombinasie nie. Ma Anna is nie soggens by die huis nie, sy is ’n onderwyseres en sy is by die skool. Japie sit met ’n kleurryke vyfstuklegkaart voor hom, een wat hy nog nooit, in sy…

KLEUR VIR JOU WINTERTUIN Gooi een keer per week flou tee oor jou varings. Dis blykbaar ’n goeie tonikum. KLEUR VIR JOU WINTERTUIN Gedink ’n vaal wintertuin is jou voorland? Dit hoef nie te wees nie. Daar is baie plante wat kleur in die koeler maande gee. As jy mooi loof soek, dink aan plante soos konifere, nandinas en silwerbome (leucadendrons). Valsjasmyn (Gelsemium sempervirens) met sy goud-geel blomtrompette kan in die winter ’n fokuspunt wees. Konifere lewe lank en lyk die hele jaar goed, maar veral in die winter. Plant Cupressus macrocarpa “Gold Crest” in die tuin en vul potte met die kompakte Platycladus “Aurea Nana Compacta” wat ’n mooi bronskleur in die winter het. Hulle is baie gelukkig in volle son waar hulle goeie lugsirkulasie het. Ander geharde immergroen…

SKULDGEVOELENS NÁ ABORSIE Ek het ’n paar maande gelede ’n wettige aborsie gehad. Ten tyde van die aborsie is ek goed deur die kliniek ingelig en ondersteun. Nou, maande later, voel ek of dit die verkeerde besluit was en ervaar ek die vreeslikste nagmerries daaroor. Ek voel te skaam en skuldig om met enigeen hieroor te praat, maar voel of ek van my kop af raak. My gedagtes en gevoelens maak my bang vir myself. Enige hulp sal waardeer word. – Anoniem Die impak van ’n traumatiese lewenservaring soos ’n aborsie kan enorm wees. Dit is moontlik dat vroue ten tyde van die besluit om ’n aborsie te ondergaan, gemotiveer word deur die redes wat dit in daardie stadium onmoontlik maak om te kan voorsien dat daar alternatiewe uitkomste is.…

BRIEF van die WEEK LEES IS LEKKER Ek kan net ja en amen sê oor die redakteursbrief van 31 Maart 2017 ("Oor lees kan ’n mens boeke skryf.") Hier in die aftree-oord is ons almal vlytige boekwurms. Een van ons ouer dames het elke week ses Vrouekeur-tydskrifte vir “Ons Tuiste” gekoop en vir die inwoners uitgedeel. Sy is ongelukkig oorlede. Vrouekeur is ’n gerieflike grootte tydskrif om sommer lekker in die bed te lê en lees. Ds Janine se rubriek beteken baie vir ons almal. Mag Vrouekeur nog baie jare voortbestaan. NOG ’N VOORBLADOPSIE Wenbriefwenners wen ’n Prestigegeskenkpak van R500. Kies Prestige non-stick bakeware wat verseker dat alle gebak perfek en moeiteloos uit die bakware sal kom. Geen vassit meer nie! WEN Die naamlose is ’n meesleurende verhaal uit die…

“Dramaties. Doelgerig. Goeie luisteraar. Stylvol, soms. Die guy mettie carrotkop: Dis nog toe ek geel hare gehad het.” Só beskryf Jason Walter Jacobs (25), die trotse seun van Kharkams, homself. Met die eerste ontmoeting tref hy jou as ’n netjiese, kreatiewe jong man. Hy kyk jou ernstig en reguit in die oë, effens teruggetrokke, maar vriendelik. Sy glimlag is oop en beskeie. Hy praat sag in ’n mooi, gemoduleerde Afrikaans. Ná nog ’n paar kuiers besef jy gou: aan energie en lewenslus ontbreek dit hom nie! “My kop maal heeltyd. Ek sukkel verskriklik baie om af te slaan en op een ding te fokus. Mense weet dit nie, maar ek is regtig baie stil as ek by die huis is. Ek hou nie baie van party nie en verkies ’n…

Sedert Theresa van Baalen se eerste boek in 2009 verskyn het, het sy nie minder nie as drie toekennings vir haar kinderboeke ontvang. “Jy kon my met die spreekwoordelike veer omtik toe ek die nuus van die heel eerste toekenning ontvang het.” In 2010 is Aspris-krokkedis met ’n ATKV-Woordveertjie in die voorleeskategorie 3–6 jaar vereer. Net die volgende jaar het sy nog ’n Woordveertjie in dieselfde kategorie vir Karla Krullebol ontvang. In 2012 het Aspris-krokkedis weer die kalklig gesteel toe dié boek ook ’n Tienie Holloway-medalje vir kleuterliteratuur opgeraap het. Theresa het in Uitenhage grootgeword, waar haar eerste kennismaking met ’n biblioteek ’n blywende indruk op haar as graaddrietjie gemaak het. “Ek het Enid Blyton se boeke verslind en toe na Nancy Drew en die Hardy Boys aanbeweeg.” Op skool…

Met elke eenheid bloed wat jy skenk, kan jy tot drie lewens red en as elkeen wat kan, gereeld bloed skenk, kan die Suid-Afrikaanse Nasionale Bloedbank (SANBD) aan die groot vraag voldoen. Die feit is egter dat net 1% van die bevolking bloedskenkers is. Enigiemand kan bloed skenk en die SANBD is dankbaar vir elke vrywillige skenker. Al voorwaardes is dat skenkers minstens 50 kg weeg, tussen 16 en 65 jaar oud is, gesond moet wees, seksueel ’n veilige lewenstyl handhaaf en self hul bloed as veilig beskou. Voor jy bloed skenk, sal jy ’n vraelys met jou persoonlike besonderhede moet invul en vrae oor jou gesondheid, seksuele en sosiale gedrag moet beantwoord. Iemand sal dan die vraelys saam met jou deurgaan. Elke eenheid bloed wat geskenk word, is nogtans…

CHRIS SE KEUSE Die lewe bring dikwels onvoorspelbare draaie – en dit geld vir wynmaak ook! Wat dikwels eers as ’n fout beskou word, kan juis ’n gelukkige einde hê. Dit is presies wat met De Krans, die bekende Calitzdorpse wynkelder, gebeur het. Eienaar Boets Nel en sy pa, Chris, het in 1973 wingerdstokke geplant wat hulle gedink het is shiraz, net om later uit te vind dat dit eintlik tinta barocca was. So het die eerste aanplanting van Portugese kultivars in Calitzdorp begin. Later het Boets en sy broer, Stroebel, tinta roriz geplant, wat toe inderdaad nie die geval was nie – dit was weer tinta amarelle. In plaas van die wingerdstokke uit te haal, het hulle besluit om ’n versnit van die twee te maak. Só is ’n…

KOLJANDER-ENKEKERERTJIE- SOP 4 porsies 10 ml (2 t) botter 1 ui, gekap 5 ml (1 t) knoffel, fyngekap 4 30 g (2 blikke) kekerertjies, gedreineer 1 ℓ (4 k) hoenderaftreksel 4 hoenderborsies, in blokkies gesny 10 ml (2 t) kerriepoeier 5 ml (1 t) fyn koljander 2,5 ml (½ t) fyn komyn 10 ml (2 t) vars suurlemoensap handvol koljanderblare 1 Smelt botter en braai ui en knoffel tot sag. 2 Gooi res van bestanddele by uie, behalwe koljanderblare, en laat vir ongeveer 10 minute kook of tot hoender gaar is. 3 Kap koljanderblare effe fyner en roer deur sop. 4 Bedien met nog vars koljanderblare en vars brood. PASTARYS-ENHOENDER- GEBAK 4 porsies 250 g (½ pakkie) pastarys 8 hoenderstukke 10 ml (2 t) hoenderspeserye 5 ml (1 t) paprika…

“En wil julle eendag kinders hê?” vra die nuwe vriendin hoopvol. Ek en Danielle kyk vir mekaar – ons gaan skaars ’n jaar lank uit, maar iemand vra dit kortkort. Dis nie juis ’n sensitiewe onder werp nie, maar hoe sal ons só gou al weet of ons saam ’n kroos wil grootmaak? Dis my beurt om te antwoord. “Hmm … miskien. Ons sal nog sien!” beduie ek vaagweg. Sy glimlag stralend. “Ag, dis wonderlik! En as julle ooit iemand nodig het om die baba vir julle te dra, sal ek met liefde volunteer!” Danielle begin proes en ek pomp haar onderlangs in die ribbes. Dankie vriendin, dis baie gaaf … maar baarmoeders is immers nie die probleem nie! Tussen die twee van ons is daar meer as genoeg uterii.…

Dalk net so enigmaties as die Mona Lisa in die Louvre in Parys is die Mauritshuis in Den Haag se Meisie met die pêreloorbel. Almal ken dié meisie wat oor haar linkerskouer kyk, getooi in ’n tulband in geel en blou; die meisie met die groot pêrel aan haar oor en die onderlip wat effens glinster en lyk asof sy enige oomblik iets gaan sê. Maar sy swyg. En haar woorde bly ’n geheim. Dit is dié stil meisie wat tot ’n top-verkoperroman deur Tracy Chevalier aanleiding gegee het en in 2003 in die gedaante van Scarlett Johansson ’n rolprent geword het. Sy is in 1655 as tronie deur die meester van die Nederlandse Goue Eeu, Johannes Vermeer (1632–1675), geskilder. Tronie is Nederlands vir “gesig”, eerder as portret. Portrette is…

BENODIGDHEDE C olourSpun Pure Merino DK (50 g-stringe): 1 string elk Natural, Maroen (040), Perske (031), Ligblou (068) en Donkerblou (070) (beskikbaar by www.colourspun.com) 3,5 mm-hekelpen Naald met groot oog GROOTTE Pas gemiddelde kopgrootte met omtrek van 55–56 cm. AFKORTINGS EN STEEKVERDUIDELIKINGS alb = agteromlangbeen, beg = begin, dies = dieselfde, driesl = drieslagsteek, gp = groep, gs = glipsteek, h/af = heg af, herh = herhaal, hlb = halflangbeen, kb = kortbeen, ks = kettingsteek, lb = langbeen, ls = lus, rdte = rondte, sp = spasie, st = steek, tes = tesame, vdsl = vooromdubbelslagsteek, vlb = vooromlangbeen, vlg = volgende. Picot: 3 ks, gs in 1ste ks. Drieslagsteek: 1 Slaan die draad drie maal oor die pen. 2 Steek die pen in die volgende steek. 3 Slaan…

Woordspel 21 Deur XWORD.CO.ZA eiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN: 20 woorde, goed 27 woorde, baie goed 34 woorde of meer, uitstekend OPLOSSING: Kramsaal, laskaar, marsala, raaskal, sakraal, lamsak, masala, salaam, skraal, alarm, alras, arkal, klaar, kraal, laars, skaal, slaak, smaal, alma, kaal, kalm, klam, klas, laak, laas, laks, lama, maal, mals, saal, salm, skal, slak, smal. Woordsoek Die name van…

Deur XWord Vir alle navrae navrae@xword.co.za of 082 346 3431 Besoek www.xword.co.za WEN R1 000! Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir ’n woord of uitdrukking met meer as een betekenis SMS jou antwoord, voorletters, van en dorp/ stad voor of op 21 Junie 2017 na 48410. SMS’e kos R1,50 en is net vir mense in SA. Geld sal vir foutiewe antwoorde gehef word en gratis SMS’e geld nie.…

E k het nooit besef dat om sagmoedig op te tree, soveel goeie dinge in my lewe teweeg sou bring nie. In verlede week se rubriek het ek genoem dat sagmoedigheid konflik ontlont en ook jou kritici ontwapen, maar dis nie al nie. Sagmoedigheid breek weerstand af. Spreuke 25:15: “... met ’n sagte benadering word weerstand afgebreek.” Om op jou kind te skree, het nie veel trefkrag nie. Dit werk nie. Jy dissiplineer niemand as jy kwaad en gefrustreerd is nie. Gil en skree werk nooit. Dit skep net vrees en veragting by die persoon op wie jy skree. Al daardie persoon se verdedigingsmeganismes skop dadelik in. Jy moet in liefde en sagmoedigheid dissiplineer. Sagmoedigheid maak mense aantreklik. Een van die wette van die lewe is dat ek na my…

Hy is net 27 jaar oud, maar Khulah Nyobole se lewe het reeds wye draaie gegooi: van ’n bedwelmde bendelid op skool tot ’n gegradueerde en nou ekovriendelike entrepreneur. Die jong man wat eers met die derde probeerslag graad 10 geslaag het en nie gehuiwer het om medeleerders te beroof nie, is nou ’n selfversekerde sakeman wat met sy eie onderneming, Nurturer, bekostigbare en ekovriendelike produkte na die massas wil bring. Met die klem op “bekostigbaar”. Khulah vertel dat sy lewe ’n baie negatiewe rigting ingeslaan het nadat sy ouers geskei is toe hy maar vier of vyf jaar oud was. Hoewel sy pa nie van die toneel verdwyn het nie, het hy nie daarna ’n noemenswaardige rol in Khulah, sy twee susters en jonger broer se lewe gespeel nie.…

BUITELUGPRET Dirtopia bied eersdaags hierdie geleenthede aan: • Enduro MTB-bergfietswedren, 10 en 11 Junie, Wellington • Youth Day-wedloop, 16 Junie, Simonsberg- reservaat • Mid Year-wedloop, 25 Junie, Muratiewynlandgoed • Wynavontuur-wedloop, 9 Julie, Warwickwynlandgoed Kaartjiepryse wissel. Vind meer uit by 021 884 4752, info@dirtopia.co.za of www.dirtopia.co.za KLASSIEKE MUSIEK IN DIE KAAP Die volgende vertonings is op die Kunstekaap se program vir Junie: 8 Junie: Vondráek is terug 15 Junie: Graffin speel Brahms 22 Junie: Gershwin in Parys 29 Junie: Prokofiëf & Brahms Bespreek jou kaartjie by www.computicket.com VROUE-ONTBYT IN DIE PAARL Die Magadalena-beradingsentrum hou op 10 Junie ’n vroue-ontbyt by Rusticana in die Paarl om geld in te samel. Daar sal onder meer musiekvermaak en ’n motiveringspraatjie wees. Kaartjies kos R280 per persoon. Maak op so ’n heerlike manier ’n verskil…

BROODBOLLETJIES 6 bolletjies 310 ml louwarm water 1 pakkie (10 g) kitsgis 10 ml (2 t) suiker 860 ml (465 g) witbroodmeel 5 ml (1 t) sout 15 ml (1 e) olyfolie 30 ml (2 e) gesmelte botter Verhit oond tot 180 °C en bestrooi bakplaat met meel. 1 Meng water, gis en suiker tot opgelos. 2 Voeg meel, sout en olie by en roer tot deeg bind. Knie vir 10 minute totdat deeg sag en elasties is. 3 Bedek met kleefplastiek en laat deeg op warm plek tot dubbelvolume rys, sowat 30 minute. 4 Verdeel deeg in ses dele. Vorm ’n bal met elkeen en knyp punte vas. Rol liggies tot naat weg is en plaas deegbal op bakplaat. 5 Bedek met klam vadoek en laat deeg op warm…

RINA HUGO SE GEESTELIKE SWIER Ná ’n album-stilswye van ses jaar, bied die gewilde en bekroonde sopraan Rina Hugo musiekliefhebbers ’n splinternuwe tweetalige album in die geestelike genre: Sy naam is Jesus (VONK). Dit is Rina se vyfde gospel-CD, die jongste in ’n roemryke loopbaan met ’n diskografie van 31 albums. Rina is ’n oorlewende van ’n bedreigde musiekspesie: ’n geskoolde sanger wat wéét hoe om tegniese vaardigheid en beheerste emosie in luisterryke harmonie te versoen. Hoewel Rina dwarsdeur haar loopbaan by geestelike musiek betrokke was en baie keer in kerke opgetree het, het sy drie jaar gelede besluit om haar gewone konserte af te skaal en hoofsaaklik op die eredienste te fokus wat sy namens die Christelike Seemansorganisasie doen. Dié dienste bestaan uit liedere en gedigte wat sy saam…

Deur XWord Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: ’n Woord vir heen en weer of sigsag SMS jou antwoord, voorletters, van en dorp/stad voor of op 21 Junie 2017 na 48410. SMS’e kos R1,50 en is net vir mense in SA. Geld sal vir foutiewe SMS’e gehef word en gratis SMS’e geld nie. WEN R1 000!…