Innholdsfortegnelse for 12 May 2017 i Vrouekeur

Ons vier Moedersdag hierdie week en die aktrise Desiré Gardner en haar pragtige twee kinders is ons voorbladsterre. Op bl 34 wys Mareli Visser ons hoe om vir Ma met teesakkiekoekies te bederf en op bl 30 gee Suzanne Crozier resepte vir ’n spesiale ontbyt. Ons wens elke ma ’n baie gelukkige Moedersdag toe en ons kyk hier wat ’n paar bekende ma’s oor ouerskap te sê het. MARITA VAN DER VYVER Dis een van die grootste belonings van ouerskap as jy sien hoe jou kinders verander in die soort grootmense met wie jy self graag vriende sou wou wees. SORINA ERASMUS Die oomblik wanneer jou kind gebore word, is jou hart nie meer in jou lyf nie en loop dit daar buite rond. Jou kind word jou alles. My…

DORINGROSIE OP DIE PLANKE ’n Nuwe Afrikaanse pantomime, Doringrosie, word tot 4 Junie by die Theatre of Marcellus by Emperors Palace, Kempton Park, gehou. Die pantomime spog met name soos Charlize Berg, Bianca le Grange, Marno van der Merwe, Hannes Brümmer en Tiaan Rautenbach. Kaartjiepryse wissel van R170 tot R270. Bespreek by www.computicket.com of bel 0861 915 8000 VIR FIKSE FIETSRYERS Die negende Amarider 100 & 50 Miler word op 20 Mei op Malmesbury gehou. Dis ’n eendag-bergfietsren. Bel 021 884 4752, info@amarider.co.za en besoek www.amarider.co.za Die Change of Season-wedloop in die Stellenbosse Wynlande word op 28 Mei by die L’Avenir-wynlandgoed gehou. Daar sal 6 km- en 11 km-roetes wees. Bel 021 884 4752, stuur ’n e-pos na info@dirtopia.co.za of besoek www.dirtopia.co.za Tooi jou tekkies Nasionale Tekkie Tax Dag word…

GRATIS VIR KIETSIE Koop Hill’s-katkos in ’n 1,3 kg- of groter houer gedurende Mei en kry ’n gratis keramiekbakkie ter waarde van R80 vir jou kietsie. Die aanbod geld so lank voorraad hou. Dis by deelnemende veeartse en troeteldierwinkels beskikbaar. MAAK BAD MAKLIK Bad jou baba gemaklik in Fisher-Price se Whale of a Tub. Dit het ’n sitplekkie wat voorkom dat jou baba gly. Jy kan ook die sitplekkie verwyder wanneer Baba ouer word. Geskik vir vanaf geboorte, R599,99, by sekere baba- en kettingwinkels. REIS GEMAKLIK Skyway is deel van Bags Direct en bied jou ’n wye verskeidenheid van bagasie-opsies. Dit word deur funksionaliteit en uitstekende gehalte gekenmerk. Die Skyway Seville 5 Piece Luggage Set is in rooi of swart teen sowat R2 464 by aanlynwinkels soos Takealot, Zando en…

Haar byderwetse popstyl herinner aan die Amerikaanse sangeres en aktrise Ariana Grande, maar Chané Valentine is ’n Afrikaanse meisiekind! Hier is haar uitklop-album Die Verkiesing (Real Music). Chané, wat Suid-Afrika al talle kere by internasionale sangkompetisies in Wallis, Orlando en Los Angeles verteenwoordig het en onder meer met ’n hoër sertifikaat in musiekvertolking van COPA (Campus of Performing Arts) spog, se musiek (van haar 2012-debuutalbum Liefies vir jou) word gereeld op radiostasies in Australië en Nederland en op Radio Eurovision International gespeel. Haar verfrissende styl word met liedjies deur Johan Oberholzer, Vaughan Gardiner, Juan Boucher, Roux Cloete en William Loots gekomplementeer. Die toonvenstersnitte is Vuur met vuur, Ek wil val, Plekkie in die son en Visioen. Dan doen sy puik vertolkings van Kacey Musgraves se Biscuits, Aerosmith se I Don’t…

Sekerlik een van die raakste uitdrukkings kom van George Bernard Shaw wat gesê het dit is jammer dat jonkwees op die jeug gemors word. Met alle respek aan jongmense, want daar is geen manier hoe jy daardie fase van jou lewe kan of wil vryspring nie. Dis ’n wonderlike, sorgelose tyd wat jy met ope arms moet verwelkom en geniet. Ongelukkig is dit ook ’n tyd wanneer ’n konkoksie van hormone en allerlei ander invloede jou met ’n magdom onsekerhede kan kelder. En dan, jare later, wanneer jy sweet blou boggherol daaraan kan doen, kyk jy dikwels met ’n mate van spyt terug. Het jy toe maar geweet hoe onbelangrik dit is om gewild te wees, hoe belangrik dit was om jou skoolwerk behoorlik te doen en nie twee dae…

Kan ’n naam in blommetaal ’n meer ongelooflike betekenis hê as soet alyssum wat “waarde bo skoonheid” of “soetheid van die siel” beteken? ’n Mens gaan ver soek om nog ’n beskrywing te kry wat so gepas is. Dit is dan juis ’n kontras as ’n mens hoor dat die naam alyssum eintlik van die Griekse woord “lyssa” afkomstig is, wat woede of gekheid beteken. Die “a” vooraan beteken dan “sonder gekheid”. Dit is glo deur die eeue gebruik om dierbyte te behandel en dit word met sy meer algemene naam “heal-bite” verbind. Daar word natuurlik nie vandag meer geglo dat dit help om woede te kalmeer of hondsdolheid te behandel nie en word dus nie medisinaal gebruik nie. Soet alyssum, of heuningblommetjies, is lid van die mosterdfamilie en ’n…

BEKOMMERD OOR VROU SE EMOSIES My vrou was vroeër in ’n motorongeluk. Sy was nie verantwoordelik vir wat gebeur het nie, maar die emosionele wipplank van haar emosies kry my onder. Niemand is beseer nie, maar ek het geen idee hoe om haar te ondersteun as sy hierdie emosionele reaksies toon nie. Leiding sal waardeer word. – Anoniem Selfs ’n ongedeerde persoon kan later ’n traumareaksie toon. Jou vrou se reaksie is dus normaal. Ongelukkig is mense nie noodwendig ingestel of opgelei om emosionele uitreageergedrag te hanteer nie en jou bekommernis is binne konteks normaal. Moet haar nie probeer wysmaak dat sy niks oorgekom het nie. Luister eerder net sonder om raad te gee. Om haar traumareaksie te akkommodeer, is waarskynlik die beste wat jy onder die omstandighede kan doen.…

Ons het verlede week genoem dat selfbeheer God-beheer is, en nie ek-beheer nie. Ek wil graag nog iets oor selfbeheersing sê omdat ek voel dis iets waaraan baie van ons behoort te werk. Baie lewens is al deur ’n gebrek aan selfbeheersing verwoes. Ons kan ’n lang lys van vermaaklikheidsterre, sportsterre, politici en selfs kerkmanne en -vroue opnoem wat als as gevolg van ’n gebrek aan selfbeheersing verloor het. En onsself? ’n Gebrek aan selfbeheersing het jou dalk al jou ... ... huweliksmaat gekos, omdat jy in ’n buite-egtelike verhouding betrokke geraak het. ... werk gekos omdat jy nie jou vingers uit die kasregister kon hou nie. ... lisensie gekos omdat jy onder die invloed bestuur het. ... ’n vriendskap gekos omdat jy nie jou tong in bedwang kon hou…

Dis ’n snikhete dag op Stellenbosch en ek ontmoet Ilse Klink vir ’n gesels tussen optredes. Ilse is daar vir die musiekblyspel Heidi, wat reeds amper ’n jaar lank dwarsoor die land aangebied word. Feitlik elke artikel oor Ilse Klink begin met die sin: “Die aktrise wat veral bekend is vir haar rol as Vanessa Booysens in Isidingo,” en dis nogal jammer, meen sy. “Dis al amper 15 jaar gelede en intussen het ek byvoorbeeld die rol van Tamara van Niekerk in Roer jou voete gedoen wat nét so dramaties en bevredigend was. “Maar ek verstaan ook, want Vanessa se karakter was altyd daar en ek vermoed kykers vorm ’n sterker verbintenis met ’n sepie-akteur wat elke aand in hul sitkamer kuier.” Tog sal sy liewer die sin verander na:…

Het jy al gevoel dat iets jou waarsku om ’n ding nie te doen nie, soos om nie ’n nuwe werk te aanvaar of ’n sekere pad te ry nie? Of het jy al gevoel jy moet iemand bel of het jy uit die bloute bekommerd geraak oor ’n familielid wat jy lank gelede gesien het? Sommige mense noem dit intuïsie terwyl ander weer daarna as die sesde sintuig verwys. Bestaan dit werklik en kan dit jou in sekere situasies help? “Intuïsie is om iets te weet of aan te voel sonder om rasioneel daaroor te dink,” sê Derika de Villiers, ’n kliniese sielkundige van Pretoria-Oos. “Intuïsie vind onbewustelik op die ingewing van die oomblik plaas. Dit is ’n baie moeilike konsep om te beskryf, aangesien dit nie wetenskaplik verklaar…

GRANOLAKOPPIE MET JOGURT EN HEUNING 4 porsies 500 ml (2 k) muesli 1 eierwit 60 ml (¼ k) heuning knypie sout 375 ml (1½ k) dubbelroomjogurt handvol vars bessies heuning vir bo-op Stel oond op 160 ?C. 1 Meng muesli, eierwit, heuning en sout. 2 Skep eetlepels vol in muffinpanholtes en druk op bodem en effens teen kante op vas. 3 Bak vir 15 minute of tot semi-hard en vorm behoue bly. Laat afkoel. 4 Skep jogurt in elke koppie met bietjie bessies en heuning bo-op. WENK Maak koppies vooraf en gebruik dit soos benodig WENK Bêre die blatjang in ’n gesteriliseerde bottel vir later MIELIEPLAATKOEKIES MET ROEREIER EN TAMATIEBLATJANG 4 porsies PLAATKOEKIES 80 ml (⅓ k) polenta 60 ml (¼ k) koekmeel 5 ml (1 t) bakpoeier 5 ml…

ROLPRENTE 20TH CENTURY WOMEN 8/10 Met Annette Bening en Elle Fanning Regisseur Mike Mills Vrouedrama Hier is nou ’n rolprent wat elke vrouehart vla sal laat pomp. Dit is noukeurig en simpatiek geregisseer, die spel is uit die boonste rakke en die storie meevoerend. Drie vroue probeer in 1979 om hul eie plekkie in die vroue-heelal te vind, maar Amerika maak dit nie vir hulle makliker nie. Dit verduidelik dat die lewe vir baie vroue wonderlik onvoorspelbaar is. Net jammer soveel onnadenkende mans steek ’n stok in die wiel! Dit gaan ook oor die ontdekking van vrouwees, seks, liefde en bowenal vriendskap. Moederskap kom ook onder die soeklig, met die klem op verantwoordelikheid. Kyk veral na Annette Bening, wat ’n Oscarbenoeming seker net-net gemis het en briljante spel lewer teenoor…

Sensasie. Dit is wat die werk van die Australiese beeldhouer Ron Mueck tot gevolg het waar dit ook al uitgestal word. Mueck het sy toetrede tot die kunswêreld 20 jaar gelede gemaak toe Charles Saatchi een van sy werke in sy Sensationuitstalling ingesluit het wat in die Royal Academy in Londen aangebied is. Vir dié uitstalling het Mueck Dead Dad (1996/’97) gemaak, ’n tweederde-skaalweergawe van sy pa se naakte lyk, ’n beeldhouwerk in silikoon en gemengde media. Mueck het van sy eie hare vir die kapsel van dié beeld gebruik. Tot en met dié uitstalling in 1997 was Mueck ’n model- en marionettemaker vir kinderprogramme in Australië. Toe hy na Londen verhuis het, het hy sy eie maatskappy begin en fotorealistiese rekwisiete vir die advertensiebedryf begin maak. Sy deurbraak het…

WAT HET JY NODIG? K artopu Alpaca Polo (100 g) 6(7; 8) balle in K885 (bruin) (A) 2 balle in K644 (ligblou) (B) 1 bal in K642 (donkerblou) (C) 6 mm- en 7 mm-naalde SPANNING 16 ste en 19 rye = 10 cm oor ks met 7 mm-naalde WENKE n Gebruik enige breidraad waarmee jy dieselfde spanning kry. n Kies kleure van jou keuse of brei die hele trui in ’n effekleur. GROOTTE 96–107(107–112; 112–117; 117–122) cm AFKORTINGS oorbl – oorblywende; r – regs; R(V)K – regte (verkeerde) kant; RKV – regte kant voor; vlg – volgende; vmeer – vermeerder vmin – verminder KLEURPATROON Vir lyf As werk sowat 34 cm lank is, werk (6 rye in B en 6 rye in A) 2 keer en 6 rye A. Werk…

Teiken Hoeveel woorde van vier (4) of meer letters kan jy uit die gegewe letters saamstel? Elke letter in die rooster mag net een keer in ’n woord voorkom. Elke woord moet die letter in die ingekleurde blokkie bevat en daar moet minstens een woord met nege letters wees. Meervoude, verkleinwoorde, eiename, woorde met koppeltekens en uitheemse woorde tel nie. (Die stamwoord vir elke woord is in die Verklarende Afrikaanse Woordeboek, HAT en/of WAT). TEIKEN 8 woorde, goed 11 woorde, baie goed 15 woorde of meer, uitstekend OPLOSSING: Chaperone, harpoen, heropen, chorea, cornea, ahorn, haper, hoera, harp, heen, heer, hene, hoer, hore, ophê. Koderaai Elke syfer verteenwoordig ‘n letter van die alfabet. Om mee weg te spring, is 3 (drie) letters klaar ingevul. Kyk nou of jy kan uitwerk wat…

WEES DANKBAAR Met ’n skeisaak agter die rug, kinderloos en my ma in ’n nuwe ouetehuis was ek kwaad vir almal en lag was nie meer deel van my lewe nie. Met my besoeke aan my ma in die ouetehuis het ek gereeld die vrou met die mooi glimlag tussen die oumense opgemerk, maar haar heeltemal geïgnoreer. Eendag ontmoet ek haar by my ma en ek kyk vies na die glimlaggende vrou. Sy begin toe haar verhaal aan my vertel. Sy was maar 40, met drie jong kinders, toe haar man verongeluk het en haar kanker aggressief teruggekeer het. Sy werk vrywillig by die ouetehuis, want die oumense se glimlagte en waardering is vir haar genoeg. Daardie aand besef ek hoe geseënd ek eintlik is: ek is blakend gesond en…

WENBOEKE Mei-wenners wen die boek ’n Tafel vir elke geleentheid deur Fransie Snyman, Katrien van Zyl en Wilsia Metz. Dié boek is propvol praktiese raad en inspirasie wat jou sal help om tafels te skep wat enige feesviering onvergeetlik sal maak. Dit bevat volledige planne met tafelversierings, blomme en alles wat nodig is om tafels vir 25 verskillende geleenthede te dek, asook meer as 50 watertandlekker resepte en aanwysings om tafelelemente te maak. Praktiese inligting oor basiese beplanning, van die samestelling van inspirasieborde en idees vir ongewone onderborde tot die uitsoek van musiek en die volmaakte gasgeskenk, word deur uitgebreide fotobyskrifte aangevul. Die resepte is in ’n afsonderlike afdeling, gevolg deur aanwysings en patrone vir selfdoenprojekte. Die boek is by toonaangewende boekwinkels beskikbaar. Lees meer by www.metzpress.co.za DANIE DU PLESSIS…

WENK Witsjokolade en poeierkleursel kan ook as variasie gebruik word TEESAKKIEKOEKIES 32 koekies 2 50 ml (1 k) botter by kamertemperatuur 125 ml (½ k) suiker 45 ml (3 e) melk 5 ml (1 t) vanieljegeursel 625 ml (2½ k) koekmeel 160 g (2) blokke sjokolade sosatiestokkies Verhit oond tot 180 °C en voer bakplaat met waspapier uit. 1 Room botter, suiker, melk en vanielje tot lig en donsig. 2 Sif meel by en maak deeg. 3 Vorm deeg in vierkant, bedek met kleefplastiek en verkil in yskas vir 10 minute. 4 Rol deeg uit en sny teesakkievorms (7 cm x 5 cm) uit. Druk gaatjie met strooitjie aan die bokant. 5 Bak vir 12 minute tot goudbruin en gaar en laat in pan afkoel. 6 Kap sjokolade fyn en…

Ruan Joshua du Plessis (27) en Chané van Rensburg (24) verras met byderwetse, luisterryke musiek RUAN JOSH SE MUSIEK EGGO LUISTERR YK Ruan Josh (27) is inderdaad die superster Juanita du Plessis se talentvolle oudste seun. En jip, in sy kopregister en falsetto hoor jy haar alt in sy stem eggo! Deels ook omdat haar dogter, Franja, die vokale soom op Ruan se debuutalbum, Eggo (Juanita Records) doen. Franja, die jongste dogter en een van ’n tweeling (die boetie is Mario) het verlede jaar gedebuteer met haar album My verhaal – wat vanjaar vir ’n Ghoematoekenning in die afdeling beste nuweling benoem is. Franja lewer twee uitstekende duette saam met Ruan: Ek wil lewe en Jy skuld my ’n dans. Dié luisterryke produksie is deur Juanita en die vervaardiger Stass…

“Wanneer jy gelukkig is, geniet jy musiek. Wanneer jy hartseer is, verstaan jy die lirieke,” meen die sanger-liedjieskrywer Stephan Visagie. “Vir my moet ’n liedjie se lirieke met my praat. Ek skryf nie hordes liedjies en dan kies ek net ’n paar nie. Ek het ’n paar en skaaf en skuur aan die musiek en lirieke tot ek daarmee gelukkig is. Ek wil hê luisteraars moet op my musiek kan dans en dan later weer na die woorde luister. Dan moet hulle na dinge en plekke verlang wat hulle nie ken nie.” Stephan beskryf homself as ’n introvert met ’n droë sin vir humor wat maklik nostalgies raak oor die lewe. “Ek kry ’n knop in die keel as ek aan die ou dae dink. Emosies, goed of sleg, is…

Op ’n dag keer ’n baie entoesiastiese jong leser my in ’n boekwinkel voor. Sy is lief vir lees, maar sy het ’n vraag: “Hoe weet ’n mens of jy ’n gedig of roman ‘reg’ verstaan; dat jy verstaan wat die skrywer of digter bedoel het?” ’n Mens kan haar vraag verstaan, want in ons alledaagse kommunikasie met mense probeer ons die hele tyd ander mense se bedoelings verstaan. Wanneer iemand sê: “Hier trek ’n koue luggie,” kan ons agterkom dat dit nie bloot ’n opmerking oor die veranderende seisoen is nie, maar dat die spreker eintlik wil hê dat jy die venster moet toemaak. Om die bedoeling te verstaan, het ’n mens die konteks van die stelling ook nodig – jy moet weet dat die spreker jou ma is…

WEN R1 000! Vir alle navrae navrae@xword.co.za of 082 346 3431 Besoek www.xword.co.za Voltooi die blokraai en gebruik die omkringde letters om die versteekte woord of naam te ontsyfer. Leidraad: Hierdie gelowige vrou was altyd besig om goed te doen en die armes te help SMS jou antwoord, voorletters, van en dorp/stad voor of op 31 Mei 2017 na 48410. SMS’e kos R1,50 en is net vir mense in SA. Geld sal vir fou tiewe antwoorde gehef word en gratis SMS’e geld nie.…