Innholdsfortegnelse for Sep-22 i Tuis

Mense vra my dikwels waar ons al die huise kry wat ons afneem vir Tuis. My antwoord is altyd dieselfde: Partykeer stuur lesers foto’s, ander kere bel ons rond en vra al die stiliste en fotograwe wat vir Tuis werk, en partykeer koop ons foto’s en stories van agentskappe. Laasgenoemde gebeur baie min, want ’n Tuis-huis het ’n baie spesifieke gevoel en min agentskappe kry dit reg om die foto’s so te neem dat dit perfek is vir ons. ’n Huis wat reg is vir publikasie in Tuis is immers ’n baie spesiale huis. Dis ’n huis waar regte mense woon en regte lewens lei, en dikwels is als nie perfek nie, maar juis dit maak dit perfek vir ons – en vir jou, die leser. En laat ons nie…

PURE PRET Tooi jou mure met die nuwe kuns van Jasper & Jute. Hulle soek besonderse afdrukke, beperkte oplae en oorspronklike SA kuns uit, stel dit saam en raam dit. Hulle bied ook gratis konsultasies aan om die mooiste transformasie teen jou mure te verseker. Ons is dol oor die kleurryke Flamingoes Look Like Bad Dancers deur Art by Skinny G, die Nicole McComb Collection (A4; vanaf R925 ongeraam, jasperandjute.co.za)! Kom sit, my kroon Die replika-Prince-stoel van polipropileen (R799, chaircrazy.co.za) weeg min en kom in verskeie kleure wat by enige dekorskema sal inskakel. AAN JOU KANT Kino, die bekroonde meubelateljee van die ontwerpers Nico Hendriksz en Anton Louw, spesialiseer in topgehalte- losstaande meubels van soliede hout. Die Stok Side Table Cross (900 mm L x 550 mm B x 550…

VERSKAFFERS @home home.co.za Babylonstoren shop.babylonstoren.com Block & Chisel blockandchisel.co.za Bluebird Design bluebirdshop.co.za Cielo cielo.co.za Incanda incanda.co.za Italtile italtile.co.za K.Light klight.co.za Knus knus.co Mr Price Home mrphome.com Pedersen + Lennard pedersenlennard.co.za Popstrukt popstrukt.com Stiles stiles.co.za Woolworths woolworths.co.za Yuppiechef yuppiechef.com…

VRA OP FACEBOOK Het jy ’n dringende vraag wat net nie kan wag nie? Sluit dan aan by ons Tuis I Homekennersgroep op Facebook sodat die span, kundiges en ander lesers kan help. Dekordilemma DIE PROBLEEM Lisa Guimaraens van Pietermaritzburg skryf Ons het ’n paar jaar gelede hierdie “stoepkamer” by ons huis aangebou en kom tot dusver klaar met meubels wat ons reeds gehad het. Ons oorweeg nou om die verste muur met die mooi venster donkerblou of blougrys te verf – ons hou nie juis van plakpapier nie. Verder wil ons die banke en vleuelrugstoele verfris met nuwe stoffering, maar steeds meubels soos die ou houtbank, wat ’n familieerfstuk is, behou. Ek hou baie van blou en wit, asook die styl van Sue Bond Interiors, maar ek is oop…

Fokusmure, meubels of geskenke vir vriende en familie ... In Tuis|Home se jaarlikse Tjhoko Champs-kompetisie in vennootskap met Tjhoko Paint kan jy weer spog met jou handewerk. En die beste van als? Vanjaar se deelnemers kom almal in aanmerking om medewerkers te wees aan ons jaarlikse verfgids, Tuis Verf Dit, waarin van die inskrywings te sien sal wees. Koel, nè? En wat kan dan nou ook beter wees as om Tjhoko Paint se groot reeks produkte – en kleure – te gebruik wanneer jy jou droomprojek aanpak? Komaan, raak kreatief! SKRYF SÓ IN • Ons het weer ’n webblad waar jy jou projek kan inskryf: Gaan na paintit.tuis.co.za. • Hier kan jy ’n voor- en ná-foto van jou handewerk, asook foto’s van die stappe, oplaai. Die stap-foto’s is nie noodsaaklik…

TOP-WENK Bome verkies meestal komposverrykte grond wat goed dreineer; vind by jou tuinsentrum uit watter grondmengsel, kompos en bemesting jou bome gesond en gelukkig sal hou. Plant plaaslik! Kry al die kleur en dierelewe wat jy kan vra – sonder ’n stewige waterrekening. Ons inheemse plante is uiters geskik vir Suid-Afrika se klimaat, meer bestand teen plae en bedreig nie ons ekostelsel nie omdat hulle nie indringend is nie. STRUIKE EN MEERJARIGES • Bloumagriet (Felicia amelloides) sal jou beloon met die mooiste blou blomblare rondom ’n kontrasterende geel ogie. Dié struikie groei vinnig en hou van volson in ’n pot of bedding. • Blousyselbos (Plumbago auriculata) is ’n struik wat vinnig groei en in die somer oortrek is met blou blomme. Sy digte groeiwyse bied die perfekte habitat aan skugter…

1 Nadat Joni-Leigh en Adam die beste plek vir die swempoel bepaal het, het Lyle en sy span die afmetings op die grond uitgemerk. 2 Die grond is toe uitgegrawe sodat daar ’n diep vierkant in die middel vir die swemdeel en vlakker dele reg rondom vir die plante is. 3 Die swemdeel se mure is met betonblokke op ’n betonfondasie gebou. 4 Die mure is 1,5 m hoog, wat die poel net diep genoeg maak om gemaklik in te swem. 5 Met die swemdeel klaar, is die vloer van die poel bedek met riviersand, waarna dit gekompakteer is. 6 Toe is die hele area waterdig gemaak met PVC-voering van 700 mikron dik, asook ’n onder- en bo-voering om gaatjies te keer en die voering langer te laat hou. 7…

STAP VIR STAP KOS Genoeg vir 8 broodjies • Voorbereiding: 1 uur Gaarmaaktyd: 20 minute vir die vulsel en 4 minute per sarsie vir die broodjies (36 minute altesaam) • olie vir vlakbraai • suurlemoenwiggies en Griekse jogurt vir voorsit VULSEL • 30 ml olyfolie • 500 g lamsmaalvleis • 1 klein rooi ui, fyngekap • 2 knoffelhuisies, fyngekap • 5 ml seesoutvlokkies (of na smaak) • 5 ml komynsaad • ’n ruim knypie rissievlokkies • 15 ml tamatiepasta • 30 ml granaatkonsentraat (beskikbaar by Woolworths) • 60 ml dennepitte (of vervang met geroosterde amandelsplinters) • 60 ml vars koljanderblare, grofgekap • 200 ml romerige fetakaas, in blokkies gesny DEEG • 310 ml koekmeel • 5 ml bakpoeier • 3 ml kitsgis • ’n knippie sout • 15 ml olyfolie,…

Dink anders Sinoyolo Sifo maak dit sy doel om mans te oortuig dat kosmaak nie net vroue se werk is nie. In Sifo: The Cooking Husband (R330, Penguin) gebruik hy die “universele taal van kos”, soos hy dit noem, as uitnodiging aan mans én vroue om die vreugde van herinneringe wat jy rondom kos skep, te deel. Die resepte is eenvoudig en toeganklik, smaaklik en gesond. Daar’s verruklike pastageregte, hartlike bredies, kits-middagetes, elegante aandetes, dekadente nageregte én tradisionele Suid-Afrikaanse gunstelinge – ook uit sy kinderjare. Beslis ’n wenner! MET ’N KNIPPIE Sophia Lindop se Salt Pigs van keramiek (R495, sophialindop.com), te kry in mat swart en blou, of glans-rooi en -groen, is ontwerp om sout skoon en stofvry te hou. Vir die voëls Die eerste uitreiking van Dark, ’n lywige…

WENBRIEF Gedugte span Esti Bester van Durbanville skryf Ouma Mooimaak en Oupa Regmaak kom kuier vir ’n week in die Kaap. Oupa loop rond, drink koffie en kyk wat hy kan regmaak. Ouma loop rond en skuif ’n plantjie, draai ’n kussing. Ouma verf ’n lampskerm, Oupa maak die skakelaar reg. Ouma verf fotorame, Oupa sit die hakies aan. “Julle lewens is besig, laat ons help!” sê hulle. Ouma stap saam met die kleinkinders, Oupa luister en gee wyse raad oor die huwelik. Die twee kom al vier dekades saam as ’n span. (Let wel: Ouma en Oupa snork ewe hard, húl huwelik is in perfekte balans!) Ons groet met rooigehuilde oë – my huis, my hart, my gesin is weer mooi en heel. Vir ’n rou muur... Nicole Olivier…

WIE WOON HIER?Bianca Antunes en Rob de Barros WAAR Tesselaarsdal, Wes-Kaap GROOTTE 66 m2 Ons huis beskik oor al wat ’n moderne gerief is, maar is goed vir die omgewing en goed vir ons. – Bianca Skaars twee jaar gelede was hulle nog twee stadsjapies van Seepunt, met woorde soos “Uber Eats” en “promenade” deel van hul alledaagse woordeskat. Maar vandat hulle hier in Tesselaarsdal woon, rol woorde soos “valtoevoer-toilet” en “toekomsbestande wingerd” ewe gemaklik oor hul lippe. Hier, hoog teen ’n heuwel, sit Bianca Antunes en haar lewensmaat, Rob de Barros, se eenslaapkamerhuisie met die naam Vineyard Cottage; dit kyk uit oor ’n vallei met die Riviersonderendberge rondom. Hulle het in dié nedersetting, 25 km van Caledon in die Overberg, beland agter ’n wingerd aan – Bianca se passieprojek.…

WIE WOON HIER? Nandi en Karel Koster en hul seun Ingo-Luken (10), twee honde en ’n klompie hoenders WAAR Tierpoort, Pretoria GROOTTE 105 m² Toe ons van die Pretoria-pad afdraai, deur ’n hek wat die gawe huismense vir ons oopgelos het, voel dit asof ons die beskawing agterlaat. Want dié gesin se huis spog met ’n buitengewone adres. Voor ons wag ’n steil bult met ’n pad wat uit klaarblyklik oeroue rotsformasies gebeitel is. Plek-plek verseker klipstapels dat ons nog op die regte pad is. Om ’n draai kry ons ’n vlugtige blik van ’n dak tussen die rotse heel bo op ’n krans – en dis maar die begin van die laaste 600 m na die Kosters se eko-vriendelike huis. Dis nogal ’n uitdaging, dié laaste skof, maar 10…

WIE WOON HIER?Nadia en Nico Bell en hul kinders, Jessica (12) en Owen (2) WAAR Mbombela, Mpumalanga Hier teen die middel van verlede jaar het daar ’n plan in my kop kom sit,” onthou Nadia Bell van Mbombela. “Ek het besluit ek kort ’n spens vir my kruideniersware en om my meer werkspasie in die kombuis te gee. In daardie stadium was dit al wat ek wou hê.” Haar vriendin Sonette de Beer het ’n dekor-en-ontwerpateljee, Nitali Re-Invented Décor, en sy het by haar gaan raad vra oor hoe sy dié spens, wat dan so belangrik sou wees, by haar kombuis kon insluit. “Die oomblik toe Sonette instap, het sy na die muur tussen die kombuis en die gang gewys en verklaar: ‘Dié muur moet uit’,” sê Nadia. “Die kombuis…

RAAD E-pos jou vrae na troeteldiere@tuis.co.za. Dis heerlike lente! Sonskynkind Chica vang ’n slapie onder ’n potplant in ’n sonkol. – Shantha Steenkamp, Pretoria Hande tuis! Jojo gaan nie een blaartjie kattekruid met enigiemand deel nie. – Julie Grové, Kleinmond Groen vingers Delilah sit graag ’n pootjie by in die tuin. – Charmaine Kinsey-Ahlers, Glenmore, KZN Vlinderjagter? Olive is versot op die skoenlapperbos. – Alexandra Edwards, Plettenbergbaai Uitgevang ... Die Schnauzer-hondjie Lily is ’n kranige veldwerker. – Heidi de Jager, Klerksdorp Blok jou! Die optelkatjie Tinkerbell speel wegkruipertjie in die tuin. – Antoinette van der Merwe, Lynnwood Warm kopie Wie’t gesê krapblokke moet onooglik wees? Ons is dol oor hierdie Hexagonkrapblok (R980, knus.co). Jou katjie sal nie net haar naels daarop wil uittoets nie, dis ook ’n stylvolle ontwerpelement in…

PLANTFOKUS Bronne Maak tuin saam met Keith Kirsten deur Keith Kirsten; Die Suid-Afrikaanse Watter blom is dit? deur Kristo Pienaar; Reader’s Digest A South African Garden for All Seasons met hoofmedewerker Jennifer Godbold-Simpson; pzasanbi.org Wanneer die inheemse saliehout (Buddleja salviifolia) in die laatwinter tot in die lente met sy groot pluime spog, ruik die massas klein wit tot ligpers blommetjies hemels. Donkergroen geplooide blare wat aan die onderkant silwerwit en met fyn haartjies bedek is, skep kontras; en met die blomme aan die punte buig die takke effens na onder. Saliehout is gehard, ’n vinnige groeier en het min water nodig. Die plant is nuttig as ’n groot struik of klein meerstammige boom. Dit maak ’n goeie windskerm en agtergrondplant en aard goed in kustuine. Snoei dit ná blomtyd in…

Pastaslaai met gerookte hoender en basiliepesto Onder R120 • Genoeg vir 2 ruim porsies Voorbereiding: 10 minute • Gaarmaaktyd: 8 minute • 300 g pastaskroewe • 250 ml bevrore ertjies • 60 ml basiliepesto • 200 g kersietamaties, in kwarte gesny • 2 gerookte hoenderborsies (250 g altesaam), in blokkies of skyfies gesny • 100 g fetakaas, in blokkies gesny 1 Kook die pasta in water wat met ’n knippie sout gegeur is tot al dente. Voeg die ertjies vir die laaste twee minute van die kooktyd by die pot. Dreineer die pasta en ertjies, maar hou so ’n skeutjie van die warm pastawater eenkant. 2 Meng die pesto met ’n klein bietjie pastawater tot loperig (nie waterig nie!) en meng dit dan dadelik saam met die kersietamaties en hoender…

AGTERBLAD As die eerste botseltjies begin sigbaar raak, waai daar so ’n effense mismoedigheidjie oor my binnestes. So ’n ou sielesuggie. My kop is nog nie reg hiervoor nie. My lyf allermins. Ek wil nog snoes wees. In my lekker wollies rondloop, vuurmaak, soggens wit wolkies asem blaas wanneer ek met die hond gaan stap. Ek hou van die skerp kontraste van winter. Van bome wat slaap en berge onder wit komberse, kinderwange wat rooi gloei in die ysige wind, en dan weer die stil goud van lemoene in die diepgroen boorde. Hier in die Kaap is die winters veral mooi. Want dis nat en mals. Druppend, stippels water aan die bergvarinkies in Bainskloof wat skitter sodra dit ’n strepie son vang, wit linte water wat oor die rotse van…

’n Leksel verf en ’n skeut sentiment is soms al wat ’n ruimte kort vir nuwe lewe. Dubbelspel! Dié ontbythoekie in die kombuis van die skilder Alice Toich se huis is gevul met sentiment en mooi herinneringe danksy ’n vergrote afdruk op materiaal van ’n foto wat by haar ouers se troue geneem is. “Ek spot altyd en sê dis ‘Photoshop voor Photoshop’, want as jy vinnig kyk, sal jy dink jy sien dubbel. Albei my ouers is een van ’n identiese tweeling, en my oom en tante – my ouers se broer en suster onderskeidelik – is op dieselfde dag in eenderse pakke en rokke in die Pretoriase stadsaal getroud. Ek moes al so baie my familie vir mense uitlê, nou kan ek sommer net na die muurbehangsel wys…

WIE WOON HIER?Lara en Mark Myerson en hul kinders, Zack (18) en Sienna Lola (16) WAAR Plettenbergbaai Die kleur groen het nog altyd ’n spesiale plek in die dekor- en modewêreld beklee. Ons het dit al in elke liewe vertrek gesien, van kombuiskaste en pasgemaakte badkamerteëls tot handgeverfde meubels en treffende fokusmure. Maak nie saak of jy sagte salie, minlike ment of grasgroen verkies nie, een ding is seker: Dié kleur in al sy skakerings is hier om te bly. Volgens die binneontwerper Lara Myerson van Lara Myerson Designs in Kaapstad is groen die kleur van groei en vernuwing. “Baie van my kliënte hou van grys saam met natuurlike kleure, maar sodra ek ’n tikkie groen, selfs net groen aksente, byvoeg, kry hul ruimtes werklik lewe,” sê Lara. “Jy kan…

PROJEKNOTAS • Besluit voor jy begin watter ontwerp jy wil hê. Teken dit op ’n stuk papier voordat jy die wit teëls begin verwyder om plek te maak vir die swart teëls (sien stap 14 en 15 op die volgende blad). • ’n Laag afvlaksement is nie altyd nodig nie; indien jou oppervlak gelyk is, kan jy dadelik wegspring. #1 LÊ DIE TEËLS ... Wat jy nodig het INKOPIELYS • teëlrandstroke • kroonlysgom • Pro Grip Key Coat Primer and Additive • afvlaksement • velle met genoeg seshoekige mosaïekteëls in wit en swart • teëlsement GEREEDSKAP • hoekslyper • afwitkwas • troffel • betonhark • krytlyn • teëltroffel • stryktroffel • spons • nutsmes • teëlsnyer • teëlknipper • potlood • groot plat skroewedraaier • rubberhamer • mengspaan • emmers…

WAT JY NODIG HET • lakverdunner • vleisdoek • kwaste • skêr • 250 ml Tjhoko Paint Simply Siphiwe • 250 ml Tjhoko Paint Super Sonette • Tjhoko Paint Line Bouquet découpage-papier (400 x 300 mm) • Tjhoko Paint Clear Glaze • 100-grint-skuurpapier VOOR JY BEGIN Maak die liasseerkas skoon met die lakverdunner en vleisdoek; laat dit droog word (minstens 20 minute). Die buitekant van die kas is geverf met twee lae Simply Siphiwe en die laaivoorkante met twee lae Super Sonette (laat 40 minute droogtyd toe tussen lae). BEREI DIE LAAIE VOOR Die kante van die laaie gaan met Tjhoko Paint se nuwe reeks découpage-papier versier word. Maak eers die kante skoon met lakverdunner en vleisdoek. Laat dit droog word (minstens 20 minute). Verf dan die laaie se buitekante…

Nomandia Maseko van Johannesburg skryf Ons kry oor sowat ’n maand ’n klein hondjie en ek is nogal gespanne, want dis ons eerste troeteldier. Watter wenke het julle om ons huis en kinders vir die nuweling voor te berei? Marycke Ackhurst, troeteldiergedragskenner van Hill’s Pet Nutrition, antwoord Die meeste nuwe troeteldiereienaars is besorg wanneer hul hondjie tekens van spanning en angs toon. Dit is egter ’n normale reaksie tydens die eerste paar weke in hul nuwe huis. Met die regte voorbereiding sal die nuwe lid van die gesin gouer tuis voel en makliker aan sy nuwe omgewing gewoond raak: • Gee jou hondjie genoeg tyd om tuis te raak. Laat hy sy nuwe omgewing verken sonder dat jy of ander gesinslede te veel daarby inmeng. • Dis belangrik dat julle…