Innholdsfortegnelse for May - June 2021 i Tuis

Ek lag nou eendag lekker in my mou toe iemand heel onskuldig op ’n Facebook-groep vra wat mens kan gebruik om ’n swart leerbank in ’n ligbruin leerbank te verander. Nee, sy soek nie ’n “slip cover” nie, sy hou van die leer. Net nie die kleur nie. My vingertjies het natuurlik gejeuk om te tik: Jy kort ’n ligbruin koei (met ’n hartkwaal), maar ek het my natuurlik ingehou want, jy weet, nie almal se sin vir humor is goed ontwikkel nie. Hoe dit ook al sy, kort voor lank was daar natuurlik ’n paar spitsvondige antwoorde, waarvan “Magic! You need magic!” my laat proes het. Soms is “magic” inderdaad die enigste oplossing, al moet jy dan jou eie “magic” skep. Dis mos waarvoor Tuis-lesers bekend is, en soos…

Jan Tuisbly se kaggeltjie Die visuele kunstenaar Liza Grobler en haar man, die skilder en beeldhouer Norman O’Flynn, se huis in Soutrivier, Kaapstad, is vol kuns en kleur. Toe hulle tydens 2020 se winter van die huis af moes werk weens die Covid-19-inperking, het hulle dadelik ’n kaggel laat insit. Die Kratki-kaggel is afgerond met vrolike blou teëls, en een parmantige rooi teëltjie as speelse aksent wat ook ander rooi elemente in die vertrek optel. Liza was bly toe sy die vryvormgranietblad waarop die kaggel staan, raakloop. “Hier is baie organiese elemente in die huis en ek het geweet dit sal mooi lyk hier,” vertel sy. Sien Liza se hele huis in Tuis Verf Dit 2021 (nou te koop). Teëls van Pudlo; granietblad van WOMAG Tekentyd Die verfkenner en interieurontwerper…

WIE WOON HIER? Paul en Mona Haumann en hul kinders, Paul (9) en Kate (8) WAAR Mostertsdrif, Stellenbosch GROOTTE 325m² In 1965 plant Rousselot en Antoinette Pienaar die eerste van 52 inheemse bome in die tuin van hul splinternuwe huis op Stellenbosch. Een van sy gunstelinge is die ysterhout en oor dié reuseboom skryf SANBI (die Suid-Afrikaanse Nasionale Biodiversiteitsinstituut) op sy webblad pza.sanbi.org: “Gelukkig is die kleinkind wat ’n tuin erf wat in die skaduwee van ’n ysterhout staan, want hulle het slim, versiende grootouers.” Dit is hierdie bome wat gemaak het dat ’n jong gesin die huis in 2015 in Stellenbosch gekoop het. Vandag speel hulle kinders en dié se maats onder die einste bome. “Ja, ons het eintlik die huis gekoop oor die tuin,” bevestig Mona Haumann. “Ek…

Wat jy nodig het INKOPIELYS • 19mm- gelamineerde dennehout, in die volgende dele gesaag: twee 1 300 x 300 mm (voor- en agterkant) twee 350 x 300mm (sye) een 1 262 x 350 mm (bodem) een 1 350 x 430 mm (deksel) een 1 262 x 100 mm (stut vir die skarniere) vier 100 x 100mm (blokkies vir die pote) • vier pote met T-moere • twee skarniere • een pakkie 6 mm x 40 mmspaanderbordskroewe • een pakkie 8 mm x 30 mmspaanderbordskroewe • Alcolin Fast Set Glue • 150-grint-skuurpapier • houtvuller GEREEDSKAP • koordlose boor en 3mm- en 9 mm-boorpunt • potlood • maatband • hamer PROJEKGIDS  Harde werk 4/10 Vaardigheidsvlak 4/10 Tyd nodig 1 tot 2 uur Maak dit vir ± R1520: Hout R1300, pote R80, skarniere…

V: Wat is die naam van die lieflike neutrale verfkleur wat Albert van Niekerk in sy huis gebruik het, soos gesien op bladsy 75 van julle Februarie/Maart 2021-uitgawe? – Janine Lloyd, Graaff-Reinet A: Die huis binne is geverf met Plascon Mandarin Tusk (plascon.com). V: Watter verfkleur is in die kamer op bladsy 53 van Februarie/ Maart 2021 se Tuis gebruik? – Anne Bennett, Johannesburg A: Al die kleure in hierdie huis is spesiaal gemeng deur House2Home (house2homesa.co.za). Jy kan Dulux Blueberry Bud of Periwinkle Blue (dulux.co.za) probeer vir ’n soortgelyke skakering. V: Ek hou baie van die eetkamerstoele op bladsy 50 van julle September 2020-uitgawe. Waar kan ek iets soortgelyks koop? – Sharon Jansen, Johannesburg A: Hierdie Lara-stoele is reeds jare gelede by Weylandts (weylandts.co.za) gekoop, maar ons het ook…

Versigtig vir dié blom Elizabeth Pretorius van Johannesburg skryf Ek het pas ontdek dat party lelies dodelik vir katte kan wees. My kat Max het van die stuifmeel op sy pels gekry toe hy water uit ’n blompot gedrink het en ek is aangeraai om hom veearts toe te neem. As voorsorgmaatreël is sy nierfunksie getoets en is hy op ’n drup geplaas. Vir watter simptome moet kat-eienaars uitkyk, en watter lelies is giftig? Dr. Analize Theron, ’n veearts by die Fourwaysdierehospitaal, antwoord Lelies mag ’n simbool van suiwerheid en onskuld wees, maar dié pragtige blomme hou gevare vir ons katmaats in. Daar’s ’n paar spesies in die genera Lilium (ware lelies) en Hemerocallis (daglelies) wat nierversaking by katte kan veroorsaak; dit sluit plante soos daglelies, tierlelies en selfs die…

Anne Smith van Sedgefield skryf My groot ‘Fairest Cape’ Panarosa-roos vaar nie goed waar dit geplant is nie; daar groei gras tot in die bedding en dit steel sy water. Kan ek dit skuif? Ludwig antwoord Jy kan, en Mei en Junie is ’n goeie tyd om so ’n groot roos te skuif aangesien dit dan dormant raak en die wortels onder minder spanning is. Berei eers die nuwe plantplek voor, liefs ’n dag voor die tyd, en maak goed nat sodat die grond klam kan wees. Snoei die roos met minstens ’n derde terug; maak seker daar’s genoeg blare oor wat kos en water uit die wortels kan opneem. Hou in gedagte dat so ’n groot struikroos ’n uitgebreide wortelstelsel het. Grawe ’n sirkel so groot soos sy wortelsone…

Keurboom (Virgilia divaricata) Met ’n oorvloed geurige pienk ertjieagtige blomme slaan die keurboom jou asem weg in die lente. Dis ’n baie vinnige groeier en behoort met goeie versorging binne ’n paar jaar volwasse grootte te bereik. Hoewel die boom ’n redelike kort lewensduur het (sowat 20 jaar), maak die pragtige pienk blomme waarmee ’n keurboom jou elke jaar bederf dit ’n puik keuse vir ’n nuwe tuin. Dié vinnige groeier sal gou vir skaduwee, struktuur én kleur sorg. Keurbome aard in komposryke sanderige en leemgrond en vra genoeg water totdat hulle gevestig is. Beskerm jong bome teen ryp; volwasse keurbome kan wel ’n mate van ryp hanteer. Virgilia oroboides is baie soortgelyk en dra ’n ligter pienk blom in die somer. Wenk Plant ’n stadige groeier soos…

Maak 1 broodjie Bereidingstyd: 15 minute (plus ongeveer 14 uur rystyd – dis die wag werd, glo my vry!) Baktyd: sowat 40 minute Oondtemperatuur: 230°C • 750ml steengemaalde witbroodmeel • 10ml sout • 5ml kitsgis • 375ml water 1 Meng al die bestanddele met ’n houtlepel in ’n groot mengbak totdat dit net bymekaarkom. 2 Bedek die mengbak met kleefplastiek en laat rys die deeg vir 12-14 uur teen ’n matige kamertemperatuur. Hoe warmer dit is, hoe vinniger sal die deeg rys, maar mik liewer na lank en stadig. Die deeg verdubbel in volume en vorm borrels aan die bokant. 3 Keer die deeg uit op ’n meelbestrooide oppervlak – dit sal loperig en taai wees, so gebruik genoeg meel om te keer dat dit aan jou werkblad vassit. 4 Strooi ’n lagie meel…

Die grootmenskuiers uit my kleintjietyd onthou ek meestal aan die gevreesde gesoenery. Die boere het mos geglo aan soengroet, daardie tyd. En nie hoe nie, mond-tot-mond. Die meer gesofistikeerde lotte in die stad het in dié tyd dalk anders gegroet, sou nou self nie kon sê hoe nie, maar waar ék grootgeword het – onder die boere van gehuggies en dorpies in die Kalahari en die Groot-Karoo – was die soen die ABS (algemeen beskaafde standaard). Drukkies was volksvreemd. Dié ongedoente, soos my ouma van Calvinia dit genoem het, het saam met die ondeugde van Hollywood hier aangewaai gekom in films soos Lassie en Pollyanna en so. Onse mense het nie ge-hug nie. Te oorlams, sou die boere brom, ons hang nie aan mekaar nie, dis te familiêr, te klewerig…

WENBRIEF Nuwe hoop Annerie Martins van Mooinooi in Noordwes skryf Soos vir talle ander was 2020 vir my ’n besonderse jaar. Terwyl Covid-19 elke aspek van ons menswees kom indring, word kolorektale kanker in Junie by my gediagnoseer. Sommer gou is my eerste van agt chemoterapiesessies beplan. In my kop was ek slaggereed vir die behandeling en my enigste kommer: Hoe kry ek die drie of meer uur verby sonder iemand wat mag saamgaan? Vasberade om die beste van die saak te maak, gryp ek ’n groot handsak vir water, ’n eetdingetjie of twee en natuurlik ’n masker – en die nuutste Tuis. Met elke sessie maak ek my Tuis-tydskrif oop, propvol nuwe inspirerende idees en artikels. Dit bied ’n lekker aanknopingspunt vir geselsies met ander pasiënte en personeel, en…

• Kry ’n goeie argitek van wie se idees jy hou – die geld wat jy aan so iemand bestee, spaar jy in die bouproses. Argitekte se fooie is gewoonlik opgedeel in vier stadiums van 25% elk. Die eerste is die optrek van die planne en die laaste is die bestuur van die bouprojek. “Baie mense besluit om self die projek te bestuur ten einde geld te bespaar,” vertel Paul, “maar dis na my mening die grootste fout wat jy kan maak!” • Beplan vir gemak in al die seisoene. “Ek sal nooit weer huis bou sonder dubbelglas-vensters nie,” sê hy. Hy glo ook ’n goeie smeulkaggel is goud werd in die winter en verhitte handdoekrelings is ’n moet vir die nat Bolandse winters. • Installeer ’n goeie sonverhitte geiser.…

Dekordilemma DIE PROBLEEM Coba Kellerman van Durbanville skryf Ons hoofslaapkamer is alles behalwe die knus vertrek van my en my man se drome, maar aangesien ons die huis huur, kan ons nie alles verander nie. Ons oorweeg om dit te verfris met krytverf (die eienaar het ingestem). Ons albei hou van grys en olyf skakerings; nie te donker nie, want die vertrek kry nie baie natuurlike lig nie. Ons wil ook liefs pastelle vermy. Help asseblief! DIE OPLOSSING Jani Augustyn-Goussard van Paint & Décor antwoord Jy en jou man is in die eerste plek gelukkig dat julle van dieselfde kleurskema hou! Daar’s baie maniere waarop julle olyfkleure in die kamer kan gebruik sonder dat dit die vertrek donker gaan maak. Kom ons kyk na ’n paar: MURE EN BYKOMSTIGHEDE Begin…

Tapisserie as kuns Ansie Furter van Krugersdorp skryf Ek het hierdie tapisserie by ’n antiekwinkel in Modimolle gekoop en wil graag meer oor die geskiedenis en moontlike waarde daarvan weet. Kan julle help? Ainsley Taylor van Stephan Welz & Co. antwoord Dit is ’n moderne replika van ’n stel van ses tapisserieë uit ongeveer 1500. Die oorspronklike stel is in die middel-19de eeu halfverrot in ’n ou kasteel in Frankryk ontdek. Nadat dit gerestoureer is, het dit roem verwerf weens die kosbare materiale wat gebruik is en die uitsonderlike uitbeelding van die onderwerpe. Daar word aanvaar dat elke tapisserie ’n element van aardse genot en gebruike uit die middeleeue uitbeeld in ’n voorstelling van een van die sintuie. Hierdie een, met die vrou wat ’n blomkrans vleg terwyl die leeu…

Ons immergewilde Regruk met Flair-kompetisie is terug – met JoJo, SA se voorste verskaffer van huishoudelike waterstelsels, as die hoofborg. Hoewel die naam JoJo met watertenks vir tuingebruik vereenselwig word, verskaf hulle ook waterfilters vir huisgebruik sodat jy altyd skoon, veilige water met ’n aangename smaak kan geniet. So, wanneer jy weer huis opknap, JoJo jou huis! Die opwindende Regruk met Flair-kompetisie, ’n hoogtepunt op die Tuis-kalender, gee ons lesers die kans om met hul eie regrukprojekte te spog. Kyk na die kategorieë hieronder, besluit in watter een jou projek die beste sal pas en stuur jou foto’s. Wie weet – dalk word jy gekroon as een van ons Opknappers van die Jaar vir 2021! Daar is drie kategorieë: 1 SELF GEDOEN Hierdie kategorie is vir die kranige selfdoener…

Vrolike varings Al raak dit nou kouer, hoef jy jou nie oor die seisoen te bekommer as jy jou huis binne wil verfraai nie. Die varings hieronder sal enige vaal hoekie ophelder: 1 Phlebodium aureum Hierdie varing het ’n vars woudgevoel met besonderse blougroen blare. Hulle geniet klam grond en vaar goed in min lig. 2 Microsorum diversifolium is perfek vir hangmandjies en kanttafels waaroor sy blare kan uitsprei. As jy dié varing na willekeur laat groei, sal dit welige diepgroen blaarstele uitstuur wat ’n tekstuurryke verskeidenheid vorms kan aanneem. Dit gee die plant ’n treffende rankwyse en maak dit ’n unieke potplant. Dié varing vra min aandag en is geskik vir so te sê alle ligtoestande. Wenk Daar is deesdae apps waarmee ’n mens ligintensiteit kan meet, byvoorbeeld Luxmeter…

Pestilensie Elna Keeve van Malelane skryf Wat kan ek doen om van dié verpesting op my heiningplante ontslae te raak? Ek het al Aphicide Plus gespuit, maar daar is erg aangetaste wit dele op die plante. Wat is dit en wat beveel jy aan? JJ antwoord Dis wolluise wat jou plante aangetas het. Een ding van Aphicide Plus is dat jy dit nie (soos gewone Aphicide) aanspuit nie, maar toedien deur die grond met ’n oplossing daarvan te deurweek – dit het geen uitwerking as jy dit aanspuit nie. Die beste raad teen wolluise is egter Malasol. Dis nie sistemies nie, daarom moet jy sorg dat jy dit direk op die insekte en in die voue van die blare spuit. Herhaal die behandeling ná ’n week of wat. Luister Saterdae…

Tamatiesop met pesto-rolletjies Dié liplekker brood-sigaartjies is op hul beste warm uit die pan met draderige gesmelte kaas en vuurwarm sop – die perfekte trooskos op ’n koue aand. Genoeg vir 6 Bereidingstyd: 30 minute Gaarmaaktyd: 30 minute • 30ml olyfolie • 1 mediumgroot ui, fyngekap • 2 wortels, gerasper • 2 selderystingels, fyngekap • 2 knoffelhuisies, fyngekap • 2 blikke (400g elk) tamatiepuree • 500ml groenteaftreksel • 15ml suiker • 10ml gedroogde Italiaanse kruie • 1 blik (400g) wit boontjies • 1 blik (400g) spikkelboontjies • vars basilie vir opdiening PESTO-ROLLETJIES • 12 snye winkelwitbrood • basiliepesto • 4 skyfies gerookte ham, in blokkies gesny • 12 stafies cheddarkaas, 1cm dik en 5cm lank • botter vir panbraai 1 Verhit die olie in ’n kastrol en braai die ui, wortel en seldery stadig vir sowat 10 minute tot glansend. Braai nog ’n minuut of twee totdat…

GD Chocolate se Loaded Logs bevat niks anders as gesonde, geurige goedheid nie. Die Vitamin C, Maca Moringa, Collagen en Turmeric Loaded Logs word almal gemaak van rou sjokolade wat met heuning versoet is, en elkeen kom met sy eie voedingselemente. Vind meer uit by gdchocolate.com. GLORIE IN ELKE BOTTEL Ter viering van n sy sewesrugbyloopbaan het die Stormers- en Blitsbokke-vleuel Seabelo Senatla ’n volronde rooi versnit van sewe kultivars geskep in samewerking met die landgoed Idiom. Elk van die kultivars in Glory 2013 (R3000 vir sewe bottels, glorywine.africa) dra by tot ’n unieke geurkombinasie –van donker, swart vrugte en vars, groen kruie tot die fynbos-kenmerke van die plaas. Die resultaat is ’n donker dog fris wyn met ’n fluweelagtige nasmaak. DIE ENE ONSKULD! Fitch & Leedes Moments se alkoholvrye…

SKEP EN VERNUWE! WIE Adelai Alberts WAAR Mosselbaai BESIGHEID Ad & Co HAAR WERK Op soek na ’n nuwe kreatiewe uitlaatklep het die argitek Adelai Alberts sowat twee jaar gelede meubels begin opknap. Sy wou hê elke stuk moet uniek wees, maar kon nie altyd die perfekte stoffeermateriaal kry nie. In 2020 het sy en haar ma, die kunstenaar Mari Vermeulen-Breedt, begin saamwerk deur van haar olieskilderye op lap te laat druk – en so het die Ad & Co-materiaalreeks sy beslag gekry! “Ek hou van my ma se klassieke benadering en haar styl pas pragtig by ouer meubels. Elke kunswerk vertel ’n storie,” sê Adelai. Die reeks sluit deesdae tafeldoeke, servette en strooikussings in. Loer daarna by adandco.online. Kyk net dié nuwe kleure van Tjhoko Paint! Besoek tjhokopaint.co.za. Laat…

VERSKAFFERS @home 0860 576 576, home.co.za Annie Sloan anniesloan.com Mr Price Home 0800 212 535, mrphome.com Paint & Decor 021 976 0114, paintdecordiy.com SophiaHelen sophiahelen.com Superbalist 087 362 7300, superbalist.com…

Kleur is amper soos Tabasco-sous. In klein hoeveelhede gee dit pizzazz, maar te veel daarvan is oorweldigend. – JD WIE WOON HIER? JD en François van Zyl-Lebrun en hul dogter, Isabella (2) WAAR Woodstock, Kaapstad GROOTTE 101 m² Wanneer ’n Suid-Afrikaner en ’n Fransman ’n eeu oue huis in ’n boheemse buurt regruk met inspirasie uit Engeland, kan jy weet dis g’n koekiedrukker-projek nie.JD het die huis in 2005 gekoop en self daar gewoon voor hy dit verhuur het toe hy vroeg in 2008 na Engeland verhuis het. “Ek het toe reeds allerhande idees gehad van hoe mens die plek kon opknap, maar het myself belowe dat ek eerder sal wag en dit behoorlik doen as om ’n laslappie-projek aan te pak,” vertel hy. Min het hy geweet daar sou…

Lekker by die huis! Welverdiend Katy Cat vat ’n blaaskans nadat sy heeloggend help huis opknap het. – Alwyn Neethling, Johannesburg Om beter te kan sien, mos Zoë op haar pos sodat sy ’n ogie oor alles kan hou. – Janine Louw, Somerset-Wes Blok jou! Coco die Franse poedel geniet dit wanneer Doppie van langsaan kom speel. – Engela Barkhuizen, Pretoria Eendag was daar ... Tom Snooze volg Asterix se avonture strokie vir strokie. – Zoë Cunningham, Durban Waa’s hy? Daa’s hy! Shaggy is goed gekamoefleer op die beesvel. – Fran McCole, Oos-Londen Is dit die regte adres? Twinkle Toes wil nog nie sy boks ná die trek verlaat nie! – Rebecca Dawson, Gqeberha Warm kopie Die Bark Nest Bed (R1 500, barkbygrethe.com) is ontwerp met die oog op jou…

Sedum adolphii ‘Golden Glow’ Vetplante met geel blare is skaars, maar jy kan op Sedum adolphii ‘Golden Glow’ staatmaak om sy naam gestand te doen en die landskap op te helder. Die blare se geel kleur verdiep in die son en die punte kan in die winter rooi verkleur. Hierdie pragtige spreidende grondbedekker is ’n aanwins in enige tuin. Kweek dit só Soos alle vetplante hou ‘Golden Glow’ van grond wat goed dreineer en effens sanderig is; dit vra minstens ses uur oggendson, maar warm middagson kan die blare brand. Maak diep nat wanneer die grond heeltemal droog is – te veel water kan wortelvrot veroorsaak. Voed in die lente en somer met bemesting teen ’n kwart van die sterkte. Gebruike in die tuin Dié sedum is nie…

Kerriepatat-en-lensiesop Onder R80 • Genoeg vir 4 •Bereidingstyd: 15 minute Gaarmaaktyd: 30 minute • 30ml olyfolie • 1 mediumgroot ui, fyngekap • 1 knoffelhuisie, fyngekap • 2cm vars gemmer, gerasper • 5ml matige kerriepoeier • 600ml groenteaftreksel • 2 patats, geskil en in 1 cm-blokkies gesny • 1 blik (400g) lensies, gedreineer • 2 takkies pietersielie, gekap • 1 blik (400ml) klappermelk 1 Verhit die olie in ’n pot en braai die ui, knoffel en gemmer stadig tot glansend en geurig. Roer die kerriepoeier by en braai nog ’n minuut. Voeg die aftreksel en patat by en laat prut met die deksel op tot die groente sag is – sowat 10 minute. 2 Roer die lensies, pietersielie en die helfte van die klappermelk by. Verhit tot deurwarm. Gebruik ’n staafmenger en verwerk die helfte van die sop (of soveel soos jy…