Innholdsfortegnelse for September 2020 i Tuis

Die tydskrif wat jy in jou hande hou, is ’n geskiedkundige een. Dis die laaste maandelikse uitgawe van Tuis, want voortaan gaan Suid-Afrika se no. 1-huis-en-tuin-tydskrif net agt keer per jaar verskyn. Ek skryf dit met ’n sug, maar nie sonder hoop en baie planne nie. Want sien, ek is ’n glas-halfvol-mens, veel eerder deel van die oplossing as deel van die probleem. En so graag soos ek en die span wonderlike, kreatiewe, hardwerkende mense wat elke maand dié mooi tydskrif aanmekaarsit, sou wou voortgaan met 12 uitgawes per jaar, het die Covid-19-pandemie ons ook geklap. Soos baie ander tydskrifte. Die goeie nuus is: Dis nog lank nie die einde nie. En benewens die agt hoof-uitgawes elke jaar gaan ons steeds voort met ons spesiale uitgawes – ekstra leesplesier wat…

VERSKAFFERS @home 0860 834 834, home.co.za Evolution Product 010 900 0631, evolutionproduct.co.za Knus knus.co MRP Home 0800 212 535, mrphome.com Mungo 044 533 1395, mungo.co.za Yuppiechef 021 702 4969, yuppiechef.com…

Haar kollegas noem haar die plastiekpolisie, maar sy verwys graag na haarself as ’n groen-kryger. Want Gill Staniland van Baarskeerdersbos glo ’n mens moet lig omgaan met Moeder Natuur, ook wanneer dit by jou blyplek kom. Daarom het sy drie jaar gelede vir haar ’n hennep-huis gebou op ’n stuk grond van sewe hektaar wat sy al in 2014 gekoop het. En dis nie net die boumetode wat “groen” is nie, dis ook haar leefstyl, want danksy watertenks, sonpanele en gas is dié klein juweel geheel en al onafhanklik van munisipale dienste. “My totale munisipale rekening beloop net R150 per maand, want ek hoef net erfbelasting te betaal,” verduidelik Gill. Al is haar blyplek piepklein, maak dit ’n groot indruk teen die ongerepte agtergrond van die omgewing. ’n Eko-reis Gill…

Omdat die Matzners van nuuts af gebou het, kon hulle uit die staanspoor sekere eko-beginsels toepas. Dit sluit onder meer in: • Isoboard-panele is as isolasie onder al die vloere en in die plafon geïnstalleer. Dié bord het uitmuntende energiebesparende eienskappe en ’n verskeidenheid gebruike. • Vensters is getint volgens die hoeveelheid son wat daarop skyn ten einde hitte te reguleer en die behoefte aan verkoeling binne te beperk. • ’n Sentrale hittepomp met ’n kapasiteit van 450 liter is ingebou. Hittepompe is meer ekonomies as ’n tradisionele geiser. Dit het die bykomende voordeel van ’n slim sirkulasiestelsel wat warm water onmiddellik beskikbaar stel wanneer jy die kraan oopdraai, sodat minder water vermors word. Die sirkulasiestelsel het ’n tydskakelaar sodat die water soggens en saans in die stelsel sirkuleer wanneer…

PROJEKGIDS  Harde werk 5/10 Vaardigheidsvlak 4/10 Tyd nodig 2 tot 3 uur Maak dit vir ± R4500: Hout R1800; skroewe R80; gom R40; skuurpapier R10; staal R370; spoor, wiele, gidse R2200 PROJEKNOTAS • Pleks van soliede hout te gebruik, word die deurpanele met stroke laaghout opgebou. • Die aanwysings en materiaal is vir twee deure van 2 300 x 1 000 mm elk. Pas die mate en hoeveelhede aan volgens jou behoeftes. • Skuur die individuele houtstroke vooraf. • Indien jy self sweis, dra jou sweishelm. Wat jy nodig het INKOPIELYS • 18mm-laaghout, soos volg gesaag: 250 lengtes van 35 x 995mm • Alcolin Fast Set Glue • tien pakkies 6 mm x 40 mmspaanderbordskroewe • 150-grint-skuurpapier • ses en dertig 6 mm x 30 mm-spoorskroewe • 40 x 40…

Linda Pietersen van Kaapstad skryf Ek wil graag meer weet oor dié beker, en ook of dit iets werd is. Kan julle help? Ainsley Taylor van Stephan Welz & Co. antwoord Moorcroft-pottebakkersware is al sedert 1897 wêreldwyd in aanvraag. Dit was die jaar waarin William Moorcroft, die ontwerper van kunstige pottebakkersware by die Britse firma Macintyre’s, se eerste artikels vir toonaangewende winkels soos Harrods, Liberty of London en Tiffany’s in New York vervaardig is. Nadat Moorcroft in 1904 ’n goue medalje by die St Louis Exhibition gewen het vir sy “Florian Ware” in die Art Nouveau-styl, het verkope van sy ware aansienlik toegeneem. In 1913 stig hy sy eie firma met die ondersteuning van Liberty. Dié maatskappy se reputasie het selfs meer aansien gekry toe hy in 1928 as die…

MATERIAAL 130 232 Hout: meranti, dennehout, mariene laaghout 68115 Boute, skroewe, spykers, stutte, skarniere en diverseysterware 16 454 Elektrisiteit: verdeelbord, kragproppe,draad 5 335 Loodgieterswerk: septiese tenk en dreineerput, toilet, wasbak, kraan, pype en toebehore 10 981 Waterdigting en isolasie 9479 Verf 19868 KONTRAKTEURS 10 807 Vervaardiger van staalvering-onderdele 3192 Draaiwerk van wielnawe en -speke 2310 Lasersny van sierdetail 3620 Vensterglas 1 685 KONTAKTE Laser-Cut Studio 044 871 0178, lasercutstudiogeorge.weebly.com PG Glass 044 802 9600, pgglass.pg.co.za…

Mary Coetzer van Centurion skryf Ons het ’n katjie by ’n plaaslike diereskuiling aangeneem; hoe laat ons haar gouer tuis voel? Dr. Roxanne Jones, ’n veearts en eienaar van die aanlyn-troeteldierwinkel zuki.co.za, antwoord Jou katjie gaan waarskynlik effens verward wees in haar nuwe omgewing. Hier is ’n paar idees wat haar gelukkig en veilig sal laat voel: Geen haas nie ’n Ses week oue katjie is oulik, maar dis hopeloos te vroeg om haar van haar ma en sibbe te skei. Indien moontlik, wag tot sy minstens 8–10 weke oud is. Ma-katte help om hul babas te sosialiseer en leer hulle die nodige vaardighede, soos hoe om ’n sandbak te gebruik. Reuk is uiters belangrik by katte. Indien moontlik, neem die kombers waarop sy geslaap het, of ’n geliefde speelding,…

Nuut by die kwekery Apploustrekker Calibrachoa ‘Good Night Kiss’ is helder en treffend. Sy roospienk blomme het ’n donker, wynrooi ogie en vyf geel lyne wat ’n ster in die middel vorm. Dié nuwe toevoeging tot die Cabaret-reeks het klein, petunia-agtige blomme en word mettertyd ’n mooi afgeronde plant wat houers en groot mandjies pragtig vul. Dit blom van die lente tot die herfs en kan selfs die hoogsomer se hitte trotseer. Die plante hou van volson en grond wat goed dreineer; dit moet gereeld water kry, veral dié in hangmandjies. Voed elke paar weke gedurende die blomseisoen met ’n verdunde vloeibare bemesting. KONTAK ballstraathof.co.za VERSKAFFERS Builders 0860 284 533, builders.co.za Moroccan Warehouse 021 461 8318 MRP Home 0800 212 535, mrphome.com SmartStone 086 176 2781, smartstone.co.za…

• Maak ’n plakboek of inspirasiebord van idees wat jy in tydskrifte sien of aanlyn kry. As jy dit vir ’n landskapontwerper wys, sal hy/sy makliker ’n idee kry van die rigting waarin jy dink. • Maak seker dit wat jy aanpak, sal volhoubaar wees en dat jou leefstyl, tyd en finansies dit kan onderhou. Die grootste tragedie is dat aanvanklike idees misluk weens ’n gebrek aan voortdurende onderhoud, voltydse aandag en genoeg geld vir albei. • Al verg jou tuin min onderhoud, verg hy steeds onderhoud. • Maak seker jy weet hoe die plante uiteindelik gaan groei en wat jou ontwerper in gedagte gehad het sodat jy die plante kan bestuur. Dikwels moet plante in ’n sekere ruimte groei en is dit dan nodig om hulle elke paar jaar…

Tydens die vlak 5-inperking weens Covid-19 het baie mense hul eie groente begin kweek. Almal was in dié krisistyd meer op hulself aangewese, en net soos tydens die twee wêreldoorloë het dié krisis gelei tot ’n groter vlak van selfonderhoudendheid. Die tuine wat gedurende die wêreldoorloë aangelê is, het as oorwinningstuine (“victory gardens”) bekend gestaan. Dit is gebore uit nood om mense deur tye van tekort en ontwrigting te voed. Dieselfde verskynsel herhaal homself nou in die tyd van Covid-19.…

’n Verhoogde bedding is nie net geriefliker vir tuin- en plukwerk nie, dis ook voordelig as jou grond nie juis vrugbaar is nie. Houtbokse is ideaal, maar Karen plant op die plaas sommer in ou trekkerbande. • As jou boks direk op die grond staan en nie ’n bodem het nie, sit heel onder ’n paar lae nat koerantpapier en dan ’n stuk karton. Die papier en karton onderdruk onkruidgroei en erdwurms lê graag eiers in dié papierlaag. • Strooi ’n growwe laag goed verrotte blare of hooi bo-op die karton. Vul die boks verder met ryk kompos. • As jou boks ’n bodem het, begin met ’n laag growwe droë bas, houtsnysels, stokkies of miskoeke. Volg verder dieselfde resep.…

Hoenderlewer met spek Onder R120 • Genoeg vir 4 Bereidingstyd: 10 minute • Gaarmaaktyd: 15 minute • 8 repe spek, gesnipper • 15ml olyfolie • ’n klont botter • 500g hoenderlewer, in happiegroot blokkies • 250ml sampioene • 60ml witwyn • 250ml vars room • ’n strooisel pietersielie • 8 snye vars brood (of roosterbrood) 1 Braai die spek in die olie en botter tot bros, skep uit en braai die lewer in die behoue vet tot oraloor goudbruin. Skep uit (al is die lewer nog nie deurgaar nie) en braai die sampioene. 2 Giet die wyn by sodra die sampioene lyk of dit mooi kleur het en skraap enige bruin deeltjies wat op die bodem van die pan vassit, los. 3 Voeg die gebraaide spek en lewer, asook die room, by die pan en laat prut rustig tot die room…

Skoon & netjies Dié bedrukte katoen-kosdoeke van Schattig is pragtig én veelsydig! Dit kom in twee groottes (75 x 55cm; R155 en 1 m x 75 cm; R300) en met ’n waarborg dat dit nie sal verbleik of krimp nie. Boonop is dit masjienwasbaar! Koop aanlyn by schattig.co.za. Klink ’n glasie Summer Tea-glase (pers, helder, indigo en akwa) R45 elk, woolworths.co.za SIELSKOS Going Home (R450, sophialindop.com) vertel van Sophia Lindop se reis na Libanon op soek na haar wortels. Die boek verken die geregte waarmee sy grootgeword het, asook dié wat sy aan tafel by haar nuutgevonde vriende en familie leer ken het. Kry inspirasie uit sout en soet disse, soos vrugtige baklawa-samoesas, ma’amoul (koekies met dadels en neute) en geurige rys-pilafs. Spesiale aanbod! Tuis-lesers betaal net R400 per eksemplaar;…

Slaapkamer-skoonheid In dié gastesuite by die Galashiels Lodge op Stanford het die eienaar, Rosalind Nale, ’n pragtige fokuspunt gemaak met ’n kleurryke afdruk van engeltjies en rose wat enige kamer in ’n apploustrekker sal omskep. “Die engele en rose is ’n huldeblyk aan my ma, Gill, wat in 2017 oorlede is,” sê Rosalind. “Sy was gaande oor blomme en het in beskermengele geglo. Toe ek dié lieflike linnemateriaal by ’n dekorwinkel in Kaapstad sien, het ek geweet dit sou perfek wees.” Rosalind het die ekstrahoë plafon ten beste benut deur houtbekleding so hoog soos ’n kopstuk teen al die mure aan te bring – ’n funksionele versiering wat nie net die vertrek mooi afrond nie, maar ook as kopstuk dien én ’n oplossing is teen stygende klamheid in dié erfenishuis.…

• Ses groot sonpanele, ’n wisselrigter en batterye sorg vir elektrisiteit. • Sy gebruik gas vir kosmaak en waterverwarming. • Een reënwatertenk hou besproeiingswater en twee tenks berg boorgatwater op vir gebruik in die huis. Dié water word gefiltreer en kom die huis binne met behulp van ’n sonkragpomp. • ’n Bioverteerder breek riool sonder die gebruik van chemikalieë af tot kompos. • Energiebesparende LUD-gloeilampe word deur die hele huis gebruik. • Dubbelglas in al die vensters help met temperatuurbeheer. • Al die hout is behandel met ProNatureprodukte wat geen of min VOV’s (vlugtige organiese verbindings) bevat. • Die binnemure is droëmure gemaak van magnesiumoksiedbord. Dié borde bestaan uit verskeie lae ekovriendelike materiaal, onder meer magnesiumoksied en ander natuurlike minerale. Dit hou talle voordele in, soos dat dit brandbestand, klank-…

In die 30 jaar dat Cheryl en Trevor Button in hul huis in Bantrybaai, Kaapstad, woon, het hulle baie meubels, snuisterye, kombuisware, klere, boeke en speelgoed versamel. “Daar was net te veel van alles!” sê Cheryl. “Ons moes ruimte skep deur ontslae te raak van al die meubels wat by niks gepas het nie en talle artikels wat ons by vriende en familie gekry het. Ek wou vry wees van al dié klomp opgaargoed, en net dit hou wat ons gebruik en vir ons familie spesiale betekenis inhou.” Met die hulp van ons ontrommel-kenners, Carin Smith en Jani Augustyn-Goussard, kon Cheryl die perfekte hoek in die sitkamer kies om ’n veeldoelige ruimte in te rig waar sy naaldwerk kan doen en op haar rekenaar kan werk. Jani, ’n kleurkenner, het…

V: Hoe bly die meubels op die stoep onder die latte-dak op Maart 2020 se voorblad droog? – Faith Bischof, Germiston A: Die dak is bedek met gegolfde polikarbonaatdakplate wat jy by verskaffers soos Builders (builders.co.za) of BUCO (buco.co.za) kan koop. V: Waar kry Kelly Croeser die pragtige geblomde lap en bypassende deken op bladsy 11 van die Mei 2020-uitgawe? – Jane Ellis via Facebook A: Kelly het die lap teen ’n afgemerkte prys gekry by Global Fabrics (globalfabrics.co.za), ’n lapwinkel in Vishoek. Sy was net dol op die motief en het dit gekoop sonder dat sy geweet het waar sy dit gaan gebruik.…

Bome van die lewe Ons kan nooit die waarde van bome as ’n bron van skoonheid, boumateriaal, voedsel en medisyne, asook die belangrike rol wat dit in die omgewing speel, onderskat nie. Boomplantweek word elke September gevier (vanjaar die 1ste tot die 7de) en bring hulde aan die rol wat gemeenskappe, huiseienaars, besighede, skole en organisasies kan speel deur bome te skenk en te plant. Die twee Bome van die Jaar vir 2020, gekies as deel van die week se vieringe, is die kremetart (Adansonia digitata) en essenhout (Ekebergia capensis). Die legendariese, massiewe bladwisselende kremetart (Adansonia digitata) word as die grootste vetplant ter wêreld beskou. Omdat die verstrengelde takke soos ’n wortelstelsel lyk, staan dit ook bekend as die “onderstebo boom”. Dit groei in rypvrye gebiede met ’n lae reënval.…

Joanne White van Durban-Noord skryf Die jong blare van my ‘VLV Kaapland’-roos is verrimpel en kleiner as gewoonlik. Wat veroorsaak die skade? Ludwig antwoord Dis heel waarskynlik plantluise en blaaspootjies wat uit hul winterslaap ontwaak. As jy mooi kyk, behoort jy klein plantluise op die knoppe of onder die blare te sien. Die blaaspootjies wat die afgelope jare algemeen in rose voorkom is feitlik onsigbaar in hul larwestadium. Die volwasse blaaspootjies lê hul eiers laer af op die stamme onder die bas. Wanneer die larwes uitbroei, beweeg hulle opwaarts na die nuwe blare, prik dit en suig dit van die onderkant af uit, wat die misvorming veroorsaak. Teen die tyd dat hulle die knop bereik, is hulle volwasse, en dan begin hulle dadelik aan die rande van die knoppe en…

WIE WOON HIER? Corniel Venter WAAR Die plaas Kruis, Montagu GROOTTE VAN TUIN Sowat 1 500 m² GRONDTIPE Kleierig met skalie Af in die Keisievallei tot daar ver by die Waboomsberg kan Corniel Venter van haar plaasstoep die wêreld sit en bekyk. Want dié stoep strek om drie kante van haar huis hier buite Montagu, sodat sy saam met die seisoene agter die gunstigste weer aan kan trek. “Dit hang af hoe die wind waai en waar die son op sy beste is,” vertel sy. Ná haar man se dood in 2011 het haar seun, Pieter, in die hoofopstal op hul sitrusplaas, Kruis, gaan woon en die boerdery oorgeneem. Twee jaar later het Corniel dié vervalle werkershuisie vir haar toegeëien. “Ek het eendag hier rondgestap en toe besef watter uitsig…

“Ons het hoofsaaklik inheems gewerk, maar hier en daar ook plante gebruik wat die Karoo-gevoel skep, soos die Australiese roosmaryn (Westringia fruticosa),” verduidelik Jan. • Die groot staatmakers is duinekraaibessie (Searsia crenata), kapokbos (Eriosephalus), soutbos (Einadia hastata sin. Rhagodia hastata), vygies, bosviooltjies (Barleria obtusa), blousalie (Salvia africana), bloublomsalie (S. chamelaeagnea), kransaalwyn (Aloe arborescens), bitteraalwyn (Aloe ferox), soldaat-vuurpyl (Kniphofia uvaria), blousyselbos (Plumbago auriculata), Kaapse kanferfoelie (Tecomaria capensis), papierblom (Limonium perezii), wilde-kanferbos (Tarchonanthus camphoratus), dwerg-purperwinde (Convolvulus sabatius), plakkies (Crassula ovata), fonteingras (Pennisetum-spp.) vir kontras, Carex-grasse vir tekstuur, dekriet, Kei-appel (Dovyalis caffra) en grootnoem-noems (Carissa macrocarpa) wat albei vrugte dra vir die voëls. • Lotus berthelotii met sy vlamblommetjies en grys blare is ’n wonderlike uitheemse grondbedekker wat goed aard in die Karoo-klimaat. • Die wildesalie (Salvia muirii) is een van die groot…

• Besluit hoeveel tyd jy het om in jou groentetuin te spandeer. As jou tyd min is, kweek liewer minder groente wat jy behoorlik kan versorg, en brei elke jaar ’n bietjie uit. • Maak ’n komposhoop sommer nog voor jy met jou groentetuin begin. Goeie kompos is die belangrikste bestandeel van ’n organiese groentetuin. • Wag tot die laaste ryp verby is voor jy buite plant of saai. Kweek reeds in Julie saailinge op ’n warm, sonnige vensterbank. • Plant die groente van noord na suid: Plant groente wat laer groei aan die noordekant van die bedding en dié wat hoog groei of teen ’n raamwerk oprank, suid. So sal die hoër groeiers nie die son van die laer groeiers afkeer nie. Gebruik in die somer die skadukant vir…

Deon de Goede, Tuis se nutsman, vertel hoe bou jy ’n verhewe houtbedding: Gebruik enige stewige oorskietplanke vir jou plantboks; paletplanke is ideaal. Besluit hoe diep jy die groenteboks wil maak. As jou grond vrugbaar genoeg is, is selfs net een plank van sowat 10cm hoog genoeg. 1 Saag die planke in die verlangde lengte en behandel die hout met Super Laykold of enige ander waterwerende verf om dit teen nattigheid te beskerm. 2 Vir die lang sye: Sit genoeg planke vir jou verlangde hoogte langs mekaar neer; skroef ’n vertikale stut dwars oor elke ent vas. Skroef dan die planke vir die kort sye haaks tussen die lang sye vas om ’n raam te vorm. Wenk Maak die vertikale stutte effens langer en saag die deel wat onder uitsteek…

Uit Lapland Die inspirasie vir dié ink-gekleurde katoenseil-lap van Room 13 Collection (1,48m breed; vanaf R860/m) was godinne, skaars botaniese plante, insekte en kamoeflering. Nie net is dit droommooi nie, dis ook ekovriendelik! Besoek room13collection.co.za. SKEP EN INNOVEER! WIE Wilmie Smith WAAR Kaapstad BESIGHEID Mathilde & Amélie HAAR WERK Mathilde & Amélie is gebore uit Wilmie se lewenslange liefde vir handwerk, brei, borduur en naaldwerk. “Ek het 10 jaar in Frankryk gewoon en die gehalte van die tekstiele, tapisserieë, kant en handwerk wat ek by brocantes (vlooimarkte) ontdek het, het my getref; ek kon my voorstel hoeveel ure aan hierdie nostalgiese skeppings gewy is,” onthou Wilmie. “Ek het ’n begeerte gehad om dié verwaarloosde artikels wat vroeër hoogmode was, in ere te herstel en dit te vernuwe sodat dit weer…

WIE WOON HIER? Dieter en Laura Matzner, hul dogter, Lara, en die twee schnauzers Peppie en Mannetjie WAAR Menlopark, Pretoria GROOTTE 440m² Vir baie jare het Laura Matzner met groot belangstelling gekyk na ’n erg verwaarloosde huis in hul straat in Pretoria. Sy het selfs die erf gegoogle en begin droom oor wat sy sou doen op dié eiendom. Maar helaas was dit nie te koop nie. Tot 2012, toe die eiendom onverwags op ’n veiling aangebied word. Met die kinders uit die skool was Laura en haar man, Dieter, ’n meganiese ingenieur, se behoeftes skielik anders. Laura, ’n binne-ontwerper wat nie skrik vir bou en breek nie, was lus vir ’n nuwe uitdaging. Dieter het ook al jare lank sy eie planne gehad: om ’n energiebesparende huis te bou.…

IsoBoard bied jou ’n isolasie-oplossing vir nuwe én bestaande geboue, en dis een wat jy maklik self kan installeer. Nou kan jou huis enige temperatuurskommelings sonder moeite trotseer en kan jy jou leef- en werkruimtes gemaklik hou vir die volle leeftyd van die gebou. Dié omgewingsvriendelike termiese isolasie is geskik vir al die onderskeie dele van jou huis en is net so veelsydig as wat dit doeltreffend is. Dit hou jou huis se temperatuur konstant, wat beteken jy gebruik minder elektrisiteit vir verwarming of verkoeling. Het jy geweet? 1 IsoBoard kan met waterbasisverf en houtbeits behandel word om by jou kleurskema te pas. 2 Wanneer jy ’n nuwe plafon oorweeg, kan jy die oue behou en IsoBoard eenvoudig direk daaronder installeer – ’n vinnige, permanente oplossing met die minste moeite…

Wonder jy oor die regte mat vir jou sitkamer, of hoe om ’n leiklipvloer te versorg? Vra net – ons kry die antwoorde. Saamgestel deur Shané Barnard Die regte mat Christel du Preez van Kaapstad skryf Ek weet my sitkamer kort iets om dit af te rond, iets soos ’n mat. Maar ek het geen idee waar om te begin nie! Waarna moet ek kyk as dit by grootte, ontwerp, materiaal, tekstuur en kleur kom? Help asseblief! Wouter le Roux van Hello Charlie Interior Design Studio antwoord Matte is ’n wonderlike element wat meubels anker en ’n vertrek afrond. Dit skep ook ruimtelike definisie tussen eet- en leefareas in ’n oopplanruimte waar dit “los van mekaar” kan voel. Hier is ’n paar wenke: 1 Proporsie en grootte is belangrik Vermy…

WIE WOON HIER? Andrew en Karin Yates WAAR Knysna GROOTTE 10m² Wanneer Andrew en Karin Yates terugdink aan die verwoestende brande wat in 2017 deur Knysna en die omgewing gewoed het, kan hulle net dankbaar wees. Dit was ’n wonderwerk dat hul huis bly staan het. Maar die verterende vlamme het nogtans ’n losstaande houthuisie, waar gaste altyd oorgebly het, op hul hoewe van 10 ha verswelg. Heelparty bome is ook tot as verbrand. “Met die pragtige boswêreld daarmee heen, wou ons seker maak ons nuwe gasteblyplek is iets besonders,” verduidelik Andrew, ’n afgetrede meganiese ingenieur. En spesiaal is dit voorwaar! Pleks van ’n huisie het hy besluit om ’n sigeunerwa te bou. “Ek het gedink die oulike ontwerp – ’n outentieke replika van ’n regte sigeunerwa – sou ’n…

Warm kopie Ons is dol oor Mungo se pragtige nuwe Moholohondekombers (R485; mungo.co.za), beskikbaar in vier verskillende kleure. Jy kan dit strand toe neem om ’n nat hondekind af te droog, lê dit in jou kattebak neer of bring dit saam op ’n piekniek. Die Moholo-hondekombers is lig, duursaam én groot genoeg – kry een vir jou vierpootmaat! WEN!  Die eienaars van die diere wie se foto’s hier verskyn, wen ’n groot Designer Futon vir honde of ’n middelslag-Dream Pod vir katte van Wagworld (wagworld.co.za, ook by voorste veearts- en troeteldierwinkels te kry). Die nuwe Designer Futon is net so gemaklik as wat dit mooi is. Die trendy sagte seillap is waterbestand en duursaam, terwyl die opstopsel van herwinde polikatoenvesel goeie ondersteuning en beskerming teen die koue verseker. Die Dream…

Saaiplan vir die lente  Vroeg in September Saai beet, wortels, kool, blaarslaai, ertjies, spinasie en spinasiebeet wat by ’n laer grondtemperatuur ontkiem. Saaiwenk Saai fyn wortelsaad, soos ‘Cape Market’ (wat spesifiek vir Suid-Afrikaanse toestande ontwikkel is), ry vir ry, met ’n tregter gemaak van ’n vel papier om die saad eweredig te versprei. Middel September Saai stam- en rankboontjies, asook skorsies. Saaiwenk Groenbone ontkiem op hul beste wanneer twee of drie bone saam in een gat geplant word. Maak ’n groenbone-tipi deur drie riete aan mekaar vas te maak (of bind tou om dit op te lei) en saai die erfenis-rankboontjie ‘Lazy Housewife’ by die basis sodat dit daarteen kan oprank. Die kleinspan sal dol wees daarop. Einde September Saai tamaties, eiervrug, rissies, soetrissies, mielies, pampoene, spanspek, en ander skorsies…

’n Onooglike probleem Elanza de Waal van Malmesbury skryf Ek het klimop reg rondom die voorste deel van my erf. Aan die linkerkant groei dit pragtig en groen, maar die voorste gedeelte het ewe skielik begin doodgaan. Moet ek maar die hele plant uithaal? Daar kom nie nuwe blare uit nie en sommige takke lyk dood – ek kan dit sommer afbreek; ander kan ek sien het nog lewe en breek nie af nie. JJ antwoord Dit gebeur soms dat klimop ’n fungus kry wat die plante beskadig. Behandel dit met Mycoguard, sny die beskadigde blare af en voed met 7:1:3. Jou klimop sal kort voor lank weer sterk groei. Luister Saterdae om 07:30 na JJ se Groen Vingers-tuingeselsies met Derrich Gardner in sy program Brêkfis met Derrich.…

Jan Hagen gee raad: • Alhoewel doringbome ’n penwortelstelsel het, moet ’n mens versigtig wees wanneer daar skalieen rotsbanke en klei in jou grond teenwoordig is. Die penwortel groei dan sywaarts en kan skade aan strukture soos paadjies, trappe en fondasies aanrig. • Die vioolblaarvy (Ficus lyrata) en rubberplant (Ficus elastica) is deesdae baie gewild as huisplante. Dikwels, wanneer die plante te groot raak, plant mense dit uit in hul tuine. Dit word reusebome, veral die rubberplant, wat jare se moeilikheid veroorsaak met hul indringerwortelstelsels. • Die kruipvy (Ficus pumila) word graag geplant om teen mure op te rank, maar hy kan moeilikheid maak wanneer hy by die kleinste barsies begin ingroei. • Mense plant ook graag die Ficus nitida-vy omdat hy wind kan trotseer, maar sy aggressiewe wortels groei…

WIE WOON HIER? David en Karen McEwan en hul kinders, Lisa (7) en Andrew (5) WAAR Die plaas Fairfield, Middelburg, Oos-Kaap GROENTETUIN SE GROOTTE 35 x 40m GRONDSOORT Sanderig Met min kennis en geen ondervinding nie het Karen McEwan op hul plaas in Middelburg in die Oos-Kaap begin groente kweek. “Ons is in 2009 getroud en ek is plaas toe. As opgeleide sjef het ek aanvanklik kookklasse en kosdemonstrasies aangebied en ook spyseniering in die omliggende dorpe gedoen. Ná my oudste se geboorte het ek met die groentetuin begin – grootliks om my gesin met organiese groente te voed,” vertel Karen. “In die eerste jaar was die oes ongelooflik. Ek kon nie glo wat alles in die droë Karoogrond groei nie. Die gogga het my behoorlik gebyt en ek het…

Daar is baie groente en kruie wat in potte of ander houers aard. Tamaties, spinasie, blaarslaai, wortels, radyse, boontjies en rissies is perfek hiervoor; heelwat kruie soos pietersielie, basiliekruid, tiemie, origanum, laventel en roosmaryn aard ook in potte. “Sit die houers op ’n sonnige plek, verkieslik naby jou kombuis, waar jy maklik kan pluk. Laventel en roosmaryn het groot potte nodig; vir ander kruie sal klein tot mediumgroot potte werk. Pietersielie of roket kan selfs in ’n klein pot op ’n vensterbank groei.” Volgens Karen is ’n suurlemoenboom en verskeie ander vrugtebome ook geskik vir groot potte. “ ’n Boom groei net so groot soos jy dit toelaat om te groei,” sê sy. “Snoei dit dat dit klein genoeg bly vir die houer en die plek waar dit staan.”…

Ryspapierrolletjies met sesamvark Die vark in die vulsel gee lyf aan rolletjies vol vars bestanddele. Twee sulke sigare maak ’n stewige voorgereg. Maak 12 rolletjies • Bereidingstyd: 30 minute • Gaarmaaktyd: 15 minute • 1 varkfilet (± 600g) • 45ml sesamolie • 30ml ligte sojasous • 5ml vissous • 15ml sesamsaad • 12 ronde ryspapiervelletjies • 6 radyse, dungesny • ’n paar eetbare blommetjies (opsioneel) • 2 mediumgroot wortels, geskil en in dun juliennerepies gesny • 250ml koljanderblaartjies, steeltjies verwyder • 125ml mentblaartjies 1 Maak seker al die senings is van die filet verwyder en sny dit dan in vier ewe groot stukke. Vryf die vleis oraloor in met die olie. Verhit ’n pan tot warm en braai die vleis tot goudbruin. Moenie te gou begin draai nie; laat dit ’n goeie kors ontwikkel en nie stoom nie. 2 Voeg dan die sojasous,…

E en voordeel van ’n paptert is dat jy die bestanddele en hoeveelhede na hartelus kan aanpas. Ruil die gebraaide sampioene vir soetrissieblokkies, los die mielies uit of vervang die biltong met bros spek... Nes jy wil! Hier is my interpretasie van ’n leser, Monique Eksteen, se meesterstuk. PAP • 1 liter water • 5ml seesoutvlokkies • 500ml mieliemeel • 60ml sagte botter • 1 blik (400g) mieliepitte, gedreineer BOLAAG • 1 blik (400g) Braai Relish of tamatie-enuiesmoor • 200g dwergsampioene, gekap en gebraai • sowat 350–500ml room • 250ml gerasperde kaas • ’n hand vol nat biltong (opsioneel) 1 Bring die water en sout tot kookpunt; klits die mieliemeel by. Verlaag die hitte en laat prut tot die pap dik is. Ek staan maar en roer sodat die pap nie aanbrand nie, maar jy kan dit ook met die…