Innholdsfortegnelse for January 2019 i Tuis

My peetkind is bekkig. Sy’s 11, en uit haar mond gaan nog ’n hele boek vol snaaksighede val. Tjokvol spitsvondigheid, daai een. Nou een dag kerm sy by my ma oor iets. Ouma, flink op pad 80 toe, is krapperig en radeloos, en hap kwaai in Leake se rigting: “Man, doen net wat jy wil,” sê sy kort-af. Waarop Leake antwoord: “When a lady says: Do whatever you want, rather take a deep breath and do nothing.” Wat is daardie spreekwoord? Uit die mond van die suigeling ... Dis ook sy wat eendag vir die arme labrador gesê het: “Staan eenkant, jy’s in my beauty space”; en by haar pa geneul het dat hulle ’n groter kar moet koop, want dan kan haar susters “doer agter in Hartenbos” sit, en…

SKEP & VERNUWE! BESIGHEID Velt WIE Nicola Andrag WAAR Kaapstad HAAR WERK Nicola span haar liefde vir die natuur in vir die skep van treffende dekoritems. Sy versamel plante, blomme en seewier en gebruik ’n spesiale proses om dit te preserveer en pers. Dan sit sy dit in handgemaakte glasrame; die rustieke natuur-element van die blare en die moderne glas kontrasteer pragtig met mekaar. Skakel 081 333 3077 of e-pos veltcapetown@gmail.com om te bestel (pryse wissel van R450 tot R1300). Sodat jy onthou Teken al jou belangrike datums aan op dié beeldskone 2019-muurkalender (R330; shop.babylonstoren.com) met foto’s van die plaas Babylonstoren se oeste en vinnige, maklike resepte deur Maranda Engelbrecht. Jy kan die glanspapier hergebruik vir geskenke toedraai of as tafellopers of plekmatjies. Uit lapland Gee jou dekor ’n koel kusstyl…

DIE HUISEIENAAR Megan de Beyer WAAR Scarborough, Wes-Kaap GROOTTE 70m2 Dié houthuisie was in sy vorige lewe ’n crèche met heldergroen buitemure, die afwerking binne was ver van luuks en die voortuin was net ’n groot, uitgestrekte grasperk. Maar toe die eiendom in 2013 in die mark kom, het Megan de Beyer die geleentheid aangegryp om dié piepklein huisie teen die berg in Scarborough in ’n bekoorlike wegbreekplek te omskep. “Die huis het pragtige uitsigte van die Atlantiese Oseaan, asook die Kaappunt-natuurreservaat,” sê Megan, ’n sielkundige en fasiliteerder van werksessies vir ma’s met seuns. Sy kom gereeld na dié kothuis om gehaltetyd deur te bring met haar eie seuns, James en Jonathan Bailes – albei al volwassenes wat op hul eie woon. “Die eerste ding wat ons soggens doen, is…

Wat jy nodig het INKOPIELYS • 22 x 220 mm- geskaafde dennehout, in die volgende lengtes: drie van 1 000 mm (sitplek) ses van 400 mm (pote)• 22 x 95 mm- geskaafde dennehout, in: ses lengtes van 1 000 mm (rande)• 22 x 44 mm- geskaafde dennehout, in: twaalf lengtes van 360 mm (stutte)• ’n pakkie 6 mm x 50 mm-skroewe• houtvuller• skuurpapier GEREEDSKAP • koordlose boor, 3 mmboorpunt en 35 mmplaatboorpunt• potlood• maatband• winkelhaak• rugsaag• beitel• hamer• klampe• figuursaag Projeknotas • Onthou om gidsgate te boor.• Skuur jou planke vooraf. So bou jy die bankies 1 Saag al die ente van die 44 x 360 mm-stutte skuins teen 45 grade (sien foto). Meet en merk die posisie van die pote 100 mm van elke ent van die 220 x…

Moeg vir teëls Jaco Barnard van Swellendam skryf My bouer is oortuig jy het geen ander keuse as teëls om die mure en vloer in ’n badkamer mee te beklee nie. Watter ander opsies het ek? Brendon Fisher, tegniese konsultant by Coprox, antwoord Sementlae is ’n gewilde afwerking vir badkamermure en -vloere as jy nie teëls wil hê nie. Met Coprox Masonry Waterproofing en Coprox Waterproof Dualcoat is pleister, verf en teëls glad nie nodig nie – dit bied ’n besonderse, rustieke afwerking wat mooi verouder. Die substraat word in een aanwending afgewerk en waterdig gemaak, en albei produkte is beskikbaar in 20 aantreklike kleure. Jy kan dit later verfris met gewone verf of ’n nuwe laag Coprox. Terwyl Coprox Masonry Waterproofing met ’n kwas aangewend word, kan jy…

V: Waar het die huiseienaars die tafel en stoele op bladsy 21 van die Junie 2018-uitgawe gekry? – Leandi Schalekamp, Pretoria A: Die tafel is van @home (home.co.za) en die stoele van Red Apple (redapple.za.com). V: Watter afwerking is op die mure en vloer op bladsy 48 van die November 2015-uitgawe gebruik? – Leana Vlok, Pretoria A: Die afwerking teen die muur is CreteStone (gyproc.co.za), terwyl die vloere afgevlak is met ’n mengsel van wit swembadsement en gholfbaan-sand. V: Ek is mal oor die tafel en stoele op bladsy 23 van die Augustus 2018-uitgawe; waar kan ek dit kry? – Jene Strydom, Kaapstad A: Die tafel is van Solid Goods (082 804 0111); Arno, die huiseienaar, het wel sy eie stempel daarop afgedruk. Die stoele is…

Die eienaars van die diere wie se foto’s hier verskyn, wen ’n groot K9 Camper of ’n Car Seat Hammock vir honde van Wagworld (wagworld.co.za, ook by veearts- en troeteldierwinkels te kry). Die K9 Camper is sterk en waterbestand – perfek vir vuil pote en nat agterente. Dis maklik om skoon te maak: Spuit net af en skrop liggies met seep. Die Car Seat Hammock sal jou motor beskerm teen krapmerke, water en vuilis en Wagter veilig op die agtersitplek hou. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 129. Trots Suid-Afrikaans!…

• Berei die grond goed voor. Vind by die kwekery uit wat die behoeftes is van die grondbedekker wat jy kies. As die plante van die begin af kry wat hulle nodig het, sal dit die grond vinnig toegroei. • Moenie probeer om jou hele tuin op een slag toe te maak nie. Kies ’n deel en plant daar meer eerder as minder plantjies. Hoe meer plante per vierkante meter, hoe vinniger sal die grond toegroei. • Kyk of die grondbedekker van jou keuse in ’n sespak beskikbaar is – dis altyd ’n meer bekostigbare opsie as om plante een-een te koop. • Plant blombolle onder ’n kruipende grondbedekker wat nie hoër as die bolplant raak nie. Só kan die bolle kom en gaan soos hulle wil sonder dat dit…

Somerreënstreek Sny rose wat te hoog gegroei het korter of dun digte struike uit, maar net as die struike gereeld natgemaak kan word. Dis die beste om geleidelik – oor twee tot drie weke – terug te snoei. Moenie blaarlose rose terugsnoei nie; wag tot dit herstel het. Bemes met Vigorosa teen middel Januarie en spuit elke twee weke met Ludwig’s Insect Spray gemeng met Chronos (of gebruik Rose Protector) teen swamsiektes en plae. Maak twee tot drie keer ’n week goed nat (met gryswater) indien dit nie reën nie. Winterreënstreek Gee rose wat ’n goeie blaredrag het nou ’n somersnoei – mits daar genoeg water is om nat te maak. Sny rose wat te hoog groei korter of dun digte struike uit sodat nuwe stele kan groei – doen…

Jenewer-stasie “Ek het in Oktober my 40ste verjaardag gevier met ’n tuinpartytjie, en my gaste was dol oor al die kreatiewe drankies wat hulle by die drankiestasie kon meng,” sê Ramona. Ek het ’n paar verrassings gehad, soos die heel rissies wat ek omtrent vir ’n maand vooraf in ’n bottel jenewer gelos het – dit het ’n heerlike kinkel aan die drankies gegee.” Begin met ’n verskeidenheid jenewers en tonikums van goeie gehalte – sit dit in ysemmers sodat dit koud bly. Voeg daarby ’n klompie geurmiddels soos steranys, rissievlokkies, kaneelstokkies, laventeltakkies en roosblare, asook skyfies sitrus (suurlemoen, lemmetjie en pomelo is almal heerlik) en komkommerlinte. En maak seker jy het genoeg glase en ys! >> Pomelo-enswartpeperstroop Dié “shrub” gee ’n soetsuur kinkel aan mengeldrankies. Eksperimenteer gerus met jou…

WENBRIEF Almal welkom Marietjie van Schalkwyk van Alberton skryf My man, Willem, het vir my hierdie netjiese insekhotel gebou, en in die rakkies het ons dennebolle, houtsaagsels, riete, strooi en bakstene met gate gesit. Hy het ook gaatjies in die dik boomstomp geboor; daar is selfs ’n voëlhokkie indien ’n voëltjie dalk ’n veilige nessie nodig kry. Ons kan nie wag dat klein gaste in ons hotel kom oorslaap of dalk intrek nie! Ons het die insekhotel naby die huis staangemaak waar ons en ons kuiermense dit maklik kan sien, en dit is altyd ’n interessante onderwerp van bespreking. Liefde en ’n vergrootglas Stephanie Grobbelaar van Centurion skryf Nadat ek smoorverlief geraak het op die gehekelde kombers op bladsy 12 van die Julie 2017-uitgawe, het ek my ouma (Hester Els…

Kleurinspuiting Toe ons Bryony Webster en Johnny Scholtz se Melville-huis in die Junie 2018-uitgawe wys, was die kombuiskaste naaswit. Nie lank daarna nie het Bryony ingespring en die lot opgedollie met pastelkleure – en kyk net hoe mooi lyk dit nou! Binne drie dae het die paartjie met net ’n paar lae verf die kombuis ’n splinternuwe voorkoms gegee. Bryony het ’n foto van ’n 1960’s-kombuis aanlyn gesien en dit as inspirasie gebruik. “My gaste is óf mal oor die kassies óf hulle dink dis ’n bietjie te veel. Maar die meeste hou daarvan,” sê sy. “Ek’s ’n maksimalis en snuffel graag by tweedehandswinkels, so ek maak altyd mooigoed bymekaar wat ek by my huis kan inspan.” Bryony het ’n digitale model van die vertrek gemaak om te beplan watter…

WIE WOON HIER? Piet en Strepies van Wyk en hul twee Siberiese katte, Joseph en Olga WAAR Agulhas, Wes-Kaap GROOTTE 414m² Elke dag as Strepies van Wyk kantoor toe en weer terug huis toe ry, verwonder sy haar steeds aan die ongelooflik mooi natuur van die kusstrook waar hulle bly. Jare terug, toe haar en haar man, Piet, se kinders nog klein was, het sy altyd met hulle in die Soldatepoel – ’n lieflike getypoel aan die suidelikste punt van die vasteland – kom swem. “Piet het destyds in die omgewing geboer,” vertel sy. “En elke keer as ons hier kom swem het, het ek die huise hier reg langs die see bewonder.” In 1992 het die Van Wyks by die eiendomsbedryf in die omgewing betrokke geraak en later Struisbaai…

WIE WOON HIER? Hanneli en Nico Denner en hul dogters, Matista (18) en Halinka (17) WAAR Jacobsbaai, Weskus GROOTTE 620m² Ons is nie baie gepla oor eenvormigheid in die huis nie, net solank niks skeef is nie. – Hanneli ’n Beesskedel op die voorstoep, outydse naaimasjiene uitgestal in die kombuis, ’n hanglig geprakseer uit ’n ou leer en kettings, ’n hand vol ou slingertelefone, en sowaar ’n halwe telefoonpaal... In Hanneli en Nico Denner se huis moet jy enigiets verwag, en dit pas hulle goed. “Dis daar net omdat dit mooi is,’’ verduidelik die kreatiewe Hanneli haar verrassende dekor. Hulle het jare lank planne gemaak hoe hul droomhuis eendag moet lyk, en toe hulle drie jaar gelede begin bou, was sy slaggereed met sketse en allerhande mooigoed en meubels. “Van…

Wat jy nodig het INKOPIELYS • enige oorskietverf in die kleure van jou keuse• krytverf en was of seëlaar• breë maskeerband (ons s’n was 7,3cm breed) GEREEDSKAP • verfkwaste• G-klampe Projeknotas As jy PVA- of emaljeverf gebruik, moet jy die bankies eers met ’n onderlaag voorberei. En as jy krytverf gebruik, onthou om dit agterna te verseël met was. 1 Verf twee van die bankies se sitplekke met twee lae wit of naaswit verf. Laat die verf droog word tussen lae. 2 Terwyl die twee bankies droog word, meet en merk die middelpunt op die oorblywende bankie se sitplek. Gebruik die rol maskeerband om intervalle van dieselfde breedte oor die sitplek te merk. Plak elke tweede streep toe. 3 Verf al die ontblote strepe met twee lae verf van jou…

Badkamerbloutes Edna Ellman van Gordonsbaai skryf Die ingang na ons en suite-badkamer is reg by die bed se voetenent. Daar is dus nie plek vir ’n gewone deur nie. Ek is op soek na ’n alternatiewe opsie wat nie baie ruimte in beslag gaan neem of te duur gaan wees nie. Jenny Collins van Red Cat Design antwoord Daar is twee alternatiewe vir jou dilemma. My eerste voorstel is dat jy jou bed vervang met een wat nie ’n voetstuk het nie. Joune neem omtrent 20cm waardevolle spasie tussen die bed en die badkamer in beslag. As jy minder as 70 cm tussen die voetenent en die badkamermuur het, kan jy ’n sagte verdeler soos ’n gordyn oorweeg. Pleks van gewone gordyne wat jy by ’n winkel koop, kyk…

Die hele boksemdais Hafsa Jamadar van Benoni skryf Wat is die waarde van dié borde, individueel of as ’n stel? Ek wil dit graag verkoop. Sophie-Louise Fröhlich van Stephan Welz & Co. antwoord Enoch Wedgwood was ’n Engelse pottebakker wat Wedgwood & Co in 1860 gestig het (nie die beroemde Wedgwood van sy neef, Josiah Wedgwood nie). Jou stel is versier met die woudpatroon en die waarde hang af van die grootte van die stel. OUDERDOM Laat 19de eeu WAARDE R2 500–R4 500 KONTAK ct@stephanwelzandco.co.za E-pos hougoed@tuis.co.za…

Lily White van Johannesburg skryf Ek maak graag peuselhappies vir my honde; het julle ’n resep vir iets koels vir die warm somerdae? Sr. Valdette Muller, eienaar van die aanlynwinkel shingavet.co.za , antwoord Net soos ons geniet ons vierpootkinders dit ook om aan iets koels te knibbel. Hier’s vir jou ’n maklike yslollie-resep: Wat jy nodig het • ’n wortel, gerasper (dit sal die water geur en die ys ’n mooi oranje kleur gee)• ’n appel, gerasper• hondebeskuitjies van jou (of jou troeteldier se) keuse• hoenderaftreksel met ’n lae soutinhoud• water• waterbestande speelgoed Metode 1 Sny ’n gat in die deksel van ’n leë plastiekhouer soos ’n margarienbak – net groot genoeg dat die steel van ’n houtlepel daardeur kan glip. 2 Meng die wortel, appel,…

Daar is talle maniere om grond toe te maak en oop dele tussen bome en struike te bedek, en elkeen het sy eie voor- en nadele. Helia vertel meer oor die voordele van ’n lewende grondbedekker. “Lewende grondbedekkers is in die meeste gevalle sagter op die oog as byvoorbeeld klippies of selfs bas,” sê sy. “Dit is ook meer ornamenteel en trek dadelik aandag, hetsy met ’n mooi blommetjie, interessante tekstuur of treffende blaarkleur. “Daar is ’n groot verskeidenheid lewende grondbedekkers om van te kies vir verskillende omstandighede in ’n tuin. Voor jy koop, maak seker hoeveel son of skadu kry die stuk grond wat jy wil laat toegroei. Jy moet ook weet of jy dit in ’n droë of natter deel van die tuin gaan plant. Hou die bepaalde…

V: Al spuit ek my ‘Black Tea’-rose, word dit steeds ná die reën deur swartvlek aangetas. Het jy enige raad? Dié probleem kan verskeie oorsake hê. Ondervoede rose (ligte groengeel blare is ’n teken) is vatbaar vir swartvlek, al word dit gespuit. Dien Vigorosa rondom die plante toe en maak goed nat – die liggroen blare (wat ’n goeie aanduiding is van ’n stikstoftekort) behoort binne ’n week groen te word en groter te wees. Dis ook moontlik dat die blare klaar aangetas was toe jy dit gespuit het, wat beteken die swamdoder sou in elk geval nie gehelp het nie. Soms kan langdurige reën die middel van die blare afspoel. Ek stel voor jy gebruik Chronos (saam met ’n kleefmiddel soos Picanta); dit dring die bolaag van die blaar…

Seekos-en-hoendernoedels Onder R150 • Genoeg vir 4 Bereidingstyd: 20 minute • Gaarmaaktyd: 20 minute • 30 ml olyfolie • 4 hoenderborsfilette • 15 ml Thaise rooikerriepasta • 350 g groen groente soos broccoliblomme, ertjies en murgpampoentjies • 300 ml klappermelk • 15 ml vissous • 1 lemmetjie se sap • sowat 250 ml bevrore marinara-mengsel, ontvries • ’n bossies vars koljander, gekap • 300 g gaar eiernoedels • sojasous vir voorsit 1 Verhit die olie in ’n pan en braai die hoender tot goudbruin oraloor. Roer die kerriepasta by en braai tot geurig. 2 Roer die groente by en braai vir ’n minuut of twee sodat dit goed kan meng met die geurpasta. Voeg die klappermelk, vissous en lemmetjiesap by en laat prut met die deksel op vir sowat 5 minute. Roer die seekos by en strooi die koljander oor; laat prut…

Kry vir jou! Beplan jy ’n partytjie? Beïndruk jou gaste met dié spoggerige Clinton Friedman-dienbord (R429; yuppiechef.com) LUS VIR DIE LEWE Lust Bistro & Bakery op die Vrede en Lustwynlandgoed op Franschhoek is bekend vir sy gesellige atmosfeer. Benewens ’n nuwe spyskaart is hulle nou ook elke Vrydag en Saterdag tot saans tienuur oop. Geniet die vars, pretensielose geregte saam met ’n keuse van hul beste wyne.Besoek lustbistro.com . GESONDHEID! Die ligpienk 2015 Dainty Bess Méthode Cap Classique (R255; daintybess.co.za ) is 100% pinot noir; twee derdes van die druiwe kom van Klein Optenhorst op Wellington en die ander derde van ’n koelklimaat-wingerd op Elgin. Dit spog met geure van framboos, crème patissiere en ’n titsel speserye met ’n vars nasmaak. Kos vir elke…

OP DIE KASSIE Seisoen 6 van die gewilde My plek of joune? begin 7 Januarie op VIA (kanaal 147 op DStv). Die stilis Isabel Barends en nutsman Melt van der Spuy moet huismaats of paartjies se dekorverskille help besleg. ’n Muntopskiet bepaal wie ’n bepaalde vertrek omskep met ’n span kenners en min geld en tyd. DELHEIM SE 2019-OESFEES 26 Januarie: Delheim-wynlandgoed, Stellenbosch Ervaar die rustigheid van Delheim se piekniekterrein op die skaduryke oewers van die Kliprivier en bring die dag deur met aktiwiteite soos druiwe pluk of trap, trekkerritte en ’n toer deur die wingerde. Kaartjies by quicket.co.za kos R650 per volwassene en R150 vir kinders tussen vyf en 17. Skakel 021 888 4600 of besoek delheim.com vir nog inligting. Gelukkige Nuwejaar! 31 Desember 2018 • Lui die nuwe…

Helder ’n neutrale palet op met dié treffende dekorkopies. VERSKAFFERS @home 0860 576 576, home.co.za Block & Chisel 021 691 0878, blockandchisel.co.za Design Store 082 940 9200, designstore.co.za Eurolux 011 608 2970, eurolux.co.za House & Home 0861 008 861, houseandhome.co.za Leroy Merlin 010 493 8000, leroymerlin.co.za Makro 0860 300 999, makro.co.za Milestone Kitchens 076 949 5745, milestonekitchens.co.za MRP Home 0800 212 535, mrphome.com Poetry 0860 5555 29, poetrystores.co.za Pylones 021 418 0911, pylones.co.za Sheet Street 0800 212 535, sheetstreet.com The Cotton Company 060 505 7894, thecottoncompany.co.za Woolworths 0860 022 002, woolworths.co.za…

Om koel te bly deur die warmer maande was nog nooit so bekostigbaar nie! IsoBoard bied jou ’n isolasie-oplossing vir nuwe én bestaande geboue – en jy kan dit maklik self installeer. Nou kan jou huis enige temperatuurskommelings sonder moeite hanteer en kan jy jou leef- en werkruimtes gemaklik hou vir die volle leeftyd van die gebou! Dié omgewingsvriendelike oplossing vir hitte-isolasie, wat geskik is vir al die verskillende dele van jou huis, is net so veelsydig as wat dit doeltreffend is. Hitte-opname in woonhuise geskied grootliks deur die dakstruktuur. Geïsoleerde plafonne vertraag egter hittevloei na die leefvertrekke in die somer, terwyl dit hitte wat in die winter binnenshuis opgewek word, behou; só bly jou leefomgewing jaarin en jaaruit gemaklik. Met stewige IsoBoardpanele kan jy die toppunt van isolasie in…

WIE KUIER HIER? Nicol en Vilhéta Retief WAAR Stilbaai-Wes, Suid-Kaap GROOTTE 432m2 Die Retief-gesin se verbintenis met die gewilde stranddorp Stilbaai kom ’n lang pad; trouens, dit strek terug tot die 1940’s. “My man, Nicol, gaan al Stilbaai toe vandat hy ongeveer vier jaar oud is – en dis nou amper 75 jaar!” vertel Vilhéta. Later, as jonggetroudes en die volgende 15 jaar, het die paartjie vakansie gehou by die bekende Ocean Viewlosieshuis van tannie Ella van der Merwe, aan die oostekant van die Goukourivier. In 1985 het hulle hul eerste eiendom op die dorp gekoop – ook aan die oostekant – maar oor die jare het al hoe meer van hul vriende hulle op die westeroewer gevestig. “In 1991 het ons op die ingewing van die oomblik by ’n…

Wat jy nodig het INKOPIELYS • 2 kg modelleerklei• 2 kg poliuretaanrubber (Vytaflex 30; Deel A en Deel B)• Ease Release• Aquacon• afvalstukke melamien (jy sal ’n blad van 600 x 450 mm en vier planke van sowat 60 x 450 mm nodig hê)• sement• sand• water GEREEDSKAP • koekroller• mes• ronde bakkie• liniaal• figuursaag• gompistool• spuitbottel• mengbakke• plankie vir meng (ons het ’n plastiekliniaal gebruik)• hamer• latekshandskoene• verfkwas Projeknotas • Die hoeveelheid chemikalieë wat jy gebruik, sal afhang van hoe groot jou stene is. • As jy met chemikalieë werk, maak seker jy doen dit in ’n goed geventileerde ruimte, en dra altyd latekshandskoene. So maak jy... 1 Werk op die melamienblad. Vorm die modelleerklei in ’n bal en dan in ’n plat sirkel. Gebruik die vier melamienplanke (sit…

Wat jy nodig het • Perma Self-Sticking Utility Rack• Perma Self-Sticking Cup Hooks 1 Ruk ’n oorvol hangkas reg Met ses hake en monteerkleefband vir maklike installering is die Perma Self-Sticking Utility Rack ’n eenvoudige oplossing vir ’n deurmekaar hangkas. 2 Hang jou Wi-Fi-modem op Perma Self-Sticking Cup Hooks is die perfekte rusplek vir jou modem. Lig dit uit wanneer jy uitgaan en sit dit weer terug sodra jy by die huis kom. En dis glad nie nodig om gate te boor nie – perfek vir ’n huurhuis! Besoek www.permaproducts.co.za vir produkinligting of skakel die Sticky Questions-hulplyn tolvry by 0800 222 400 vir raad.…

Blommekind Chuppy wag opgewonde dat Mamma weer die bal gooi. – Elaine Visser, Melkbosstrand Die wind in jou hare Lulu is in volle vaart op Jeffreysbaai! – Lila van der Vyver, Kirkwood Te salig Friskie die Yorkie is net so lief vir Manabastrand aan die Suidkus soos sy mensefamilie. – Yvonne Benecke, Welkom Op die rotse Die optelhond Emma geniet elke oomblik van haar eerste besoek aan Melkbosstrand! – Elizma Visser, Brackenfell In dieselfde bootjie Roxy en haar kinders, Bella en Nala, kuier by Struisbaai se hawe. – Monica Rademeyer, Brackenfell Op die uitkyk Purdey tuur na L’Agulhas se water. – Mark en Marize Barnard, Ashton E-pos jou vrae na troeteldiere@tuis.co.za.…

Met ’n lewende grondbedekker is jou tuin kleurvol, bly die grond langer koel en lok jy welkome voëls en insekte na jou werf. Op dié manier skep jy ’n unieke habitat wat boonop mooi lyk! Ons het vier tuinkenners gevra watter grondbedekkers met min moeite ’n bedding vinnig sal toegroei. Hier is van hul gunstelinge. Oortjies ( Falkia repens ) Neville Oortjies is ’n geharde, matvormende grondbedekker met ’n plat groeiwyse. Dit het pragtige ronde blaartjies en spog van September tot Desember met groot ligpienk tot wit trompetvormige blomme. Dié inheemse grondbedekker groei in die son sowel as gedeeltelike skaduwee, en hoewel dit in taamlike nat dele goed sal groei, is dit ook gelukkig met minder water sodra dit goed gevestig is. Oortjies is ’n goeie opsie tussen…

Buitentoe! Die vooruitsig vir tuinmaak in 2019 lyk goed, en vanjaar val die fokus op sterker bande met die natuur. Weens werk- en ander verpligtinge en die toenemende rol wat elektronika deesdae in ons lewe speel, is ons al hoe minder buite. “Stadsbewoners het al hoe minder kontak met die natuur; daar is ’n skeiding tussen ons en die omgewing,” sê Angelique Kritzinger, ’n dosent by die departement plant- en grondwetenskap aan die Universiteit van Pretoria. Maak dit daarom jou doel in 2019 om meer tyd buite deur te bring – en jou tuin is die beste beginpunt! Lê byvoorbeeld ’n ekovriendelike tuin aan waar goeie insekte, voëls en vlinders welkom voel. Plant by-vriendelike blomme in randakkers, bou mure van stompe pleks van stene, begin ’n komposhoop, timmer ’n “insekhotel”…

Ryspapierrolletjies Eksperimenteer gerus met jou gunstelingvars vulselbestanddele soos julienne-groente, gepluisde gaar vark of hoender, kruie en sade vir variasie. Moenie die doopsous vergeet nie! Genoeg vir 6 Bereidingstyd: 30 minute • 6 ryspapiervelletjies • sowat 100 g gedroogde vermicelli-noedels • 9 steurgarnale, uitgedop • sowat 100 ml edamameboontjies, gestoom • sowat 3 aarbeie, in skyfies gesny • 1 groot ryp avokado, geskil en in skyfies gesny (sprinkel suurlemoensap oor dat dit nie bruin word nie) • vars ment- en basilieblare • 6 bros slaaiblare soos cos, are verwyder Doopsous Kies ’n sousie wat jou vulsel komplementeer. Die rolletjie se vars vulselkombinasie het baie skoon smake bymekaar en is nog ongegeur, daarom sal ’n pikante sousie met byt soos soetrissie of lekker soet pruimsous met ’n skeutjie sout sojasous en ’n paar druppels vissous baie goed werk. ’n Ander…

Ek het ’n tante gehad wat geglo het ’n mens moet vroeg in die nuwe jaar ’n goeie huil inkry. Dit help glo baie. Vir wát alles, het sy net nooit gesê nie en ek skat die geheim is saam met haar graf toe. Ek moes weer daaraan dink toe ek die afgelope feesseisoen ’n kind betrag wat in ’n supermarktrollie sit en huil. Dit was nie ’n groot, driftige bui nie, meer so ’n droewe, B-mineur-huiltjie, bestendig begelei deur groot, gesonde trane. Jy kon sien hy huil nie uit nood nie, hy was besig met die groter laste van die wêreld. Sy moeder, warm en vermoeid, laat hom wyslik begaan. Al met die blikkieskosrakke langs sit en huil hy so, verby die rys en pasta tot reg onder by…