Innholdsfortegnelse for May 2018 i Tuis

Jip, ’n maand. ’n Leser van Panama, Este de Nysschen, kom Suid-Afrika toe, en ons het al so baie per e-pos geheen-en-weer dat ek haar sommer vir koffie nooi. Sy is Afrikaans, maar soek papieruitgawes van Home, want sy wil dit terugneem Panama toe om daar met ander mense te deel. Ek sê dis reg, ek bring hulle sommer self. Maar sy’t bedoel sy sien my in April; ek het gelees Maart – en so daag ek die oggend toe alleen op vir die afspraak. Dis vroegherfs en die seisoen het gedraai. In die koffiewinkel in Mouillepunt waar ek op haar wag, kom sit die seebries onder my klere. Dis ’n grys dag. Die einder verdwyn in ’n wasige misbank, die see die kleur en tekstuur van gefrommelde foelie. Waar…

27 April – 23 Mei: Sien die werk van Theo Paul Vorster en Hennie Meyer by die RK Contemporarygalery op Riebeek-Kasteel. Die mens se beste vriend is die tema. Skakel 083 653 3697 of besoek rkcontemporary.com.   3–5: Ontmoet die mense agter SA se beste wyne by die Tops at Spar-wynskou by die Suncoast-casino in Durban! Kaartjies kos R140 aanlyn of R160 by die deur. Skakel 021 824 3132 of besoek wineshow.co.za. 5: Die Excelsior-gasteplaas naby Standerton hou ’n mark met vars produkte, geskenke en kos. Skakel 083 378 8949. 12: Smul aan ’n vyfgangete en leer meer oor kosparings by die SAB World of Beer in Newtown, Johannesburg. Kaartjies kos R503 by webtickets.co.za. Skakel 011 836 4900 of besoek worldofbeer.co.za. 13: Gelukkige Moedersdag! 18–20: SA se voorste Cap Classiqueprodusente en…

Oubaas se honne ’n Rak van Amerikaanse essenhout en eenvoudige swart stutte onder die monochroom galerymuur in Craig se gang verleen diepte aan ’n andersins eendimensionele uitstalling. Die pragtige lelies en geraamteplant-blare in wit keramiekvase, gekombineer met die goud op die keramiekhasies, skakel in by die groen-en-goud dekor in die res van die huis. O, die drama! Ons het Craig se Observatory-huis in ons Maart 2018-uitgawe gewys; hy het intussen verhuis en sy nuwe blyplek is net so indrukwekkend! ’n Spesiaal gemengde grys in die sitkamer is die perfekte agtergrond vir ’n warm, dramatiese skema van luukse smaraggroen met titsels goud. Craig het besluit om nie die muur tot bo teen die plafon grys te verf nie sodat die vertrek ruimer kan voel. Drie koffietafels bymekaar skep ’n dinamiese rangskikking…

PROJEKGIDS Harde werk 1/10 Vaardigheidsvlak 1/10 Tyd nodig 3 uur, plus droogtyd Doen dit self vir R336: kaasdoek R100, polikatoen R45, stopsel R155, kleursel R30, ritssluiter R6 Wat jy nodig het INKOPIELYS • 1,8 m wit polikatoen • 5 kg stopsel • 1,8 m kaasdoek • 50 cm-ritssluiter • lapkleursel in die kleur van jou keuse (ons het Tingecore in vlootblou gebruik) • twee houtblokke (sowat 10 x 17cm) • rekkies GEREEDSKAP • potlood • reghoek • maatband • skêr • naaimasjien • omkapmasjien (opsioneel) • mengbak • groot pot • latekshandskoene • knyptang SO MAAK JY Eers die kussing 1 Meet en knip ’n strook polikatoen van 110 x 163cm uit; gebruik die reghoek om seker te maak jou lyne is reguit. 2 Vou die polikatoen dubbel in die…

Elmien Bussiahn van Kaapstad skryf Dis moeilik om ons spaniels skoon te hou met die waterbeperkings in die Kaap; enige voorstelle? Cathi Wiehahn, hoofbestuurder by apetslife.co.za , antwoord Al is dit lekker om ons troeteldiere te bad, is dit eintlik onnodig, want hul vel is selfreinigend. Jy hoef hulle eintlik net te bad as daar ’n mediese rede is. Daar is wel waterlose produkte beskikbaar waarmee jy jou troeteldier veilig kan skoon hou, soos BIO-GROOM Klean Kitty No Rinse- en Waterless Bath No Rinse-sjampoe, asook Pet Patrol Dog Grooming Wipes. Honde wat gereeld nat word, moet goed afgedroog word. Dit kan tot twee dae neem voor hul pels heeltemal droog is, en kan daarom begin sleg ruik. Moet nooit jou hond poeier nie (tensy ’n veearts…

“Jy skiet hom met ’n skerp skoot, Manie,” hoor ek ’n man nou die dag in die ysterwarewinkel vir ’n pel sê. “En jy moet mik, jong, want as jou korrel uit is, beland die hele spul op die vloer en dan kry jy op jou jis.” “Geneuk,” mompel Manie. Hy’s nie van die breedsprakige soort nie, lyk dit. Ek staan agter hom en sy vriend met die goeie korrel in ’n ry by die bitter besige Builders. Weerskante van ons is daar uitstallings van allerhande uitvindsels teen die droogte wat die Wes-Kaap teister. Ek self het ’n stuk pyp kom kry om skottelgoedwater na ’n opgaardrom te herlei. “Ons het mos nie van die gewone toilette nie,” vertel Manie se vriend. “Die vrou wou van die nuwe soort hê…

Wie woon hier? Waldimar Pelser en Wilhelm van der Hoven WAAR Vredehoek, Kaapstad ’nGoeie skeut waagmoed en idealisme help beslis met ’n omvattende opknapprojek, des te meer wanneer jou nuwe huis nog ’n konstruksieterrein is wanneer jy intrek. Dit sal Waldimar Pelser, redakteur van Rapport, en Wilhelm van der Hoven, wat in die finansiële bedryf werk, jou gelyk gee. In Maart 2017 het hulle en hul twee honde sak en pak van Johannesburg af Kaap toe getrek na hul nuwe huis – oftewel, na die twee slaapkamers van hul nuwe huis, want die bouprojek, met Waldimar se tweelingsuster, Ingeborg, as projekbestuurder, was toe maar tien dae aan die gang. Boonop was dit die eerste keer dat Waldimar ’n voet in die huis gesit het. “Al wat ek gedink het toe…

Blink idee! Danksy dié treffende fokusmuur het die bed nie ’n kopstuk nodig nie – die plakpapier doen al die praatwerk. KENNERSRAAD Hoekom pienk? “Oor die afgelope paar dekades het die globale psige stadigaan begin verskuif van ’n hoofsaaklik manlike wêreld na een wat al hoe meer vroulike energie insluit,” sê Rose McClement van Design Monarchy. “En namate vroue in die kollig begin beweeg het, het die kleur pienk dieselfde begin doen. “Net soos ’n vrou, kan pienk ’n bepaalde stempel op ’n ruimte afdruk: Dit kan reguit lyne versag en iets moois in ’n vertrek inbring; dit kan lewe in ’n ruimte blaas of dit lig en opgewek laat voel wanneer nodig. Maar dié kleur kan ook sy stem laat geld en ’n treffende fokuspunt uitmaak. Soos wat vroue…

PROJEKGIDS Harde werk 4/10 Vaardigheidsvlak 4/10 Tyd nodig 1–2 uur Maak dit vir minder as R500 (hout en skroewe; verf of vernis uitgesluit) Projeknotas • Laat saag jou planke pasklaar by jou houthandelaar.• Laat ook die skarniergate in die deure boor.• Skuur jou planke vooraf.• Onthou om gidsgaatjies te boor. Wat jy nodig het INKOPIELYS • 18 mm-laaghout, soos volg gesaag: twee 750 x 400 mm (sye) twee 470 x 100 mm (binneraam) een 500 x 382 mm (rak) een 536 x 400 mm (bodem) een 460 x 100 mm (binneraam) een 500 x 200 mm (bokant) een 732 x 500 mm (rugkant) twee 460 x 240 mm (deure)• 44 x 44 mm- geskaafde dennehout, soos volg gesaag: vier 100 mm (pote)• vier kabinetskarniere• een pakkie 8 mm x 30…

Saamgestel deur Desiree Hartney [NUUT OP FACEBOOK ] Het jy ’n dringende vraag wat nie kan wag nie? Sluit aan b y ons Tuis|Home Expertsgroep op Facebook, en kry raad by die span, kenners en ander lesers. Muur tot muur Janine Brown van Kimberley skryf Is dit moontlik om self plakpapier te installeer? Wat behels dit, en hoe gemaak as ek dit later weer wil afhaal – sal dit die muur beskadig? Laastens, beveel jy viniel of papier aan en hoe verskil die twee van mekaar? Cara Saven van Cara Saven Wall Design antwoord Dit sit nie in enigeen se broek om plakpapier te hang nie. Dis iets wat waarskynlik die geduldigste mens teen die mure kan uitdryf – letterlik! Plakpapier is te kry in twee vorms: rolle of panele.…

Woodfurn roem hulle op hul pasgemaakte meubels van topgehalte. Hulle vervaardig ’n wye verskeidenheid produkte, van pasgemaakte eetkamerstelle en ingeboude kroeë tot wasbakkaste en slaapkamermeubels wat enige huis sal komplementeer. Hul voortreflike houtmeubels, gemaak van plaaslike en ingevoerde hardehout, lyk tuis in enige ruimte – van ’n eenmanwoonstel tot ’n herehuis. Die innoverende Woodfurn-fabriek is in Bela Bela, Limpopo, net ’n uur se ry van Pretoria af, en besoeke aan huis by voornemende klante reg oor Gauteng kan gereël word. Jy kan ook maklik per foon of aanlyn met hulle in verbinding tree! Met klante van so ver as Botswana en Melbourne, Australië, het Woodfurn se reputasie mondelings oor die wêreld heen versprei – die beste kompliment wat ’n vakman kan kry. Vir nog inligting, besoek woodfurn.co.za. *Die prys sluit…

Kamelias in die herfs Camellia sasanqua blom van vroegherfs en hou aan tot in die winter. Die blare is ’n donker blinkgroen en vorm ’n pragtige agtergrond vir die fyn, satynagtige wit, pienk of rooi blomme omring deur goudkleurige meeldrade. Die struik het ’n aantreklike groeiwyse en daar is verskeie variëteite, wat dit geskik maak vir enige plek in die tuin – plant hooggroeiendes teen ’n grensmuur, kies dit as eksemplaar-struike, as afronding weerskante van ingange en trappe, en as skermplant. In ’n meenthuistuin kan jy die loof snoei en in toom hou, en daar is kompakte variëteite om in houers te plant. Seisoen van oorvloed Een van die herfs se grootste gawes is blare wat val, ’n wonderlike hulpbron wat tuiniers op verskillende maniere kan inspan: • Strooi dit…

Aartappelgebak met uiebolaag Geniet dié ryk en lekker aartappelgebak net so, saam met gebakte eiers vir ’n luukse ontbyt of as bygereg by ’n gesellige braai. Moenie skrik vir die ansjovis nie – die soutsmaak kontrasteer heerlik met die soet karameluie. Genoeg vir 6 • Bereidingstyd: 25 minute • Gaarmaaktyd: 1 uur • Oondtemperatuur: 200°C • 30 ml olyfolie• 2 uie, geskil en dungesny• 3 knoffelhuisies, in skyfies gesny• 4 takkies tiemie, blaartjies gestroop• 800 g Mediterreense aartappels, geskil • 250 ml dubbelroom• sowat 16 ansjovissies in olie, in die lengte deurgesny• sowat 100 g kalamata-olywe, ontpit en in skyfies gesny 1 Voorverhit die oond. Verhit die olie en braai die uie, knoffel en tiemie saam tot glansend. Roer gereeld; dit is belangrik dat die uie eers versag voor dit begin karamelliseer.…

OP DIE KASSIE In Mooi (seisoen 2 begin 1 Mei op VIA, kanaal 147 op DStv) besoek Anet Pienaar-Vosloo die land se mooiste en mees ikoniese huise, plase en landgoedere. Hier ontmoet sy families wat passievol is oor die behoud van ons argitektoniese erfenis en hul erfgoed met sorg bewaar vir die volgende geslag. Design Joburg, met Rooms on View 25–27: Sandton Konferensiesentrum, Johannesburg Die Sandton Konferensiesentrum speel weer gasheer vir dié eenstop-dekorbestemming waar die land se voorste gevestigde én ontluikende talent bymekaarkom. Maak jou gereed vir lieflik versierde vertrekke, asook dekor en ontwerp uit die boonste rakke! Kaartjies kos R120 by webtickets.co.za; studente en pensioentrekkers betaal R80. Vir nog inligting, skakel 087 470 0591 of sien designjoburg.com. Wacky Wine Weekend 31 Mei – 3 Junie: Robertson-wynvallei Vanjaar kan jy…

BESIGHEID Wil&I WIE Wilandi Esterhuizen WAAR Port Elizabeth HAAR WERK Wilandi Esterhuizen kombineer haar ontwerpvernuf met haar liefde vir kos en dekor deur die mooiste keramiekware en sjarmante houtbykomstighede in haar ateljee te maak. Nadat sy binneontwerp gestudeer en vir jare as argitek gewerk het, het sy in 2016 besluit om haar liefde vir bak en dekor na te volg en haar eie besigheid op die been te bring. “Ek gebruik kos as inspirasie vir artikels wat meer as net die smaakkliere moet prikkel,” sê sy. Ons is dol oor die keramieklepels! Besoek wilandi.co.za om meer van haar werk te sien.…

In 2009 het Colette en Joe de Abreu hul Potchefstroom-huis, wat hulle met liefde opgeknap het, verhuur en Dullstroom toe verhuis vir werk. Maar terwyl hulle op die platteland gewoon het, het hulle erg terugverlang na dié ruim huis in Noordwes. Met hul terugkeer drie jaar later het ’n nare verrassing op hulle gewag. “Die huis was lelik afgeskeep en daar was nie veel van ’n tuin oor nie,” onthou Colette. “Binne was die mure geverf in skakerings van koejawel- of terracotta-oranje, en buite was dit blou en geel!” Dit was een te veel vir Colette, wat ’n voorliefde het vir ryk dog keurig versierde ruimtes. “Daardie selfde aand nog nadat ons teruggetrek het, omring deur ons huisraad nog in bokse gepak, het ek die ingang rooi geverf net om…

Ons gewilde opknapwedstryd, geborg deur BUCO en Timbercity, bied aan Tuis-lesers die geleentheid om hul regruk-ervaring te deel en te spog met hul treffende mooimaakprojekte. En omdat dit vanjaar Regruk met Flair se 10de aflewering is, stap die wenner weg met R100000 se produkbewyse van BUCO en Timbercity! Spring sommer nou weg! Dis ’n wedstryd vir innoverende huiseienaars – veral dié wat nie skrik om hul hande vuil te maak nie. Ons wag vir jou inskrywing ... DIE PRYSE WENNER R100 000-PRODUKBEWYS! 2DE & 3DE PLEK R4 000 se produkbewys elk 4DE & 5DE PLEK R3 000 se produkbewys elk TOP-10 FINALISTE R3 000 se produkbewys elk SKRYF SO IN Dis maklik! Besoek fixit.tuis.co.za en volg die aanwysings. WAT KAN JY INSKRYF? Geen projek is te groot of te klein…

Tydloos Frans DIE VOORKOMS Die tydlose bekoring van Franse dekor, hetsy klassiek of kontemporêr, sal altyd ’n gewilde keuse wees. Sagpienk is ’n onontbeerlike deel van dié palet. Die geheim is om dit subtiel in te bring, byvoorbeeld met ’n klein meubelstuk, lampkap of strooikussings. VERFKLEURE Die meeste ruimtes in die Franse styl is redelik rustig en alles werk in harmonie met mekaar. Hier is jou keuse van basiskleur belangrik. Naaswit Antique Petal, ’n warm gryswit versag deur ’n effens pienk ondertoon, is die perfekte wit agtergrond. Skakerings soos Plaster en Light Stone bevat meer kleur en albei kan as hoof- of basiskleur werk. Al drie skep ’n neutrale agtergrond waarteen goed geplaaste elemente in skakerings soos dofpienk Morning Clarens mooi sal uitstaan. DIE AFWERKING Een van die hoofkenmerke van…

Goed ontwerpte bêreplek-oplossings is onontbeerlik as jy jou huis netjies wil hou, en verseker ook dat jou gebruiksitems altyd byderhand is. Milestone Kitchens is bekend vir losstaande kombuiseenhede van goeie gehalte, maar die span vervaardig ook ’n verskeidenheid uitruilbare ruimterekkers wat jy vir enigiets kan gebruik, van kruideniersware en kombuisware tot klere, linne, handdoeke en soveel meer. Elke meubelstuk bestaan uit ’n kombinasie van soliede hout en Supawood, en die kaste se binnekant kan in enige afmeting opgemaak word, afhangend van die klant se pakplek-vereistes. Milestone Kitchens spog met drie reekse – African Allure, French Flair en Swedish Style – en dit kan in enige kleur geverf word sodat jou kas altyd pragtig by die res van jou dekor sal inpas. Vir nog inligting, besoek milestonekitchens.co.za.…

Daar is niks soos ’n ma se liefde nie... Seremoniemeester Die Skotse terriër Hamish is die wêreld se oulikste strooijonker! – Megan Mackenzie, Salt Rock, KZN Twee keer so mooi Sprinkles bekoor die kamera met haar mooi groen oë. – Michelle Gray, Touwsrivier Wag en kyk Stella wag geduldig vir Mamma om huis toe te kom... – Elmarie Walters, Meyerton Warm kopie As jou hond angstig is omdat hy bedags alleen is, weens veranderinge in sy omgewing of snellers soos vuurwerk, kan jy die Adaptil-verspreider (R590, shingavet.co.za) probeer. Adaptil is ’n sintetiese feromoon; dit boots die feromoon na wat ma-honde aan pasgebore kleintjies vrystel sodat hulle kalm en veilig voel. ’n Hond sal sy lewe lank daardie feromoon herken; dis iets wat hulle nooit vergeet nie. Sê dit met blomme…

Toe ons op Facebook vra watter blomme ons lesers aan hul ma laat dink, was rose en angeliere loshande bo-aan die lys. Maar ook katjiepierings, pronkertjies, dahlias, swaardlelies, bloureën, lelies ... Ons kyk na van die grootste gunstelinge, en drie lesers deel hul herinneringe. # 1 Rose Dié lieflingblom van alle tye kom in ’n groot verskeidenheid kleure, vorms, groeiwyses en geure. Hoewel rose baie water nodig het, groei hulle goed in houers en kan jy in droogtetye jou gunsteling in ’n pot plant en met gryswater aan die lewe hou. Rose hou van goed gedreineerde grond en moet minstens ses uur sonlig per dag kry. Voeg goed ontbinde kompos en beenmeel by die grond in die plantgat en strooi ’n deklaag sodat die grond koel en so lank moontlik…

V: Ek kweek ‘Pearl of Bedfordview’- hoogstamrose voor ’n heining en hulle vaar glad nie goed nie. Sal bemesting help? Die heining laat waarskynlik nie genoeg lig deur nie en wedywer met jou rose vir voeding. In die lente groei die twee saam, maar in die somerhitte het die heining sterker wortels. Grawe ’n gat langs die roos om te kyk; as daar wortelmededinging is, grawe die rose uit, plant dit in groot potte en versink die potte in die grond. Lig dit elke drie maande sodat die heining se wortels nie by die potte ingroei nie. Snoei ook die heining om meer lig in te laat. V: My floribunda-roos, ‘Not Simply Pink’, het geel blare in die middel van die struik. Is dit ’n siekte? Dis nie ’n siekte…

PAPRIKA-VARKTJOPS MET BLOMKOOLKAPOK Genoeg vir 4 • 15 ml gerookte paprika• 5 ml elk koljander- en komynsaad• 3 ml bruinsuiker• 5 ml seesoutvlokkies• vars tiemie• 4 varklendetjops met die vel en been KAPOK • 1 blomkool, in stukke gesny en gekook• 30 ml botter• 200 g spekstukkies, gebraai• 125 ml room of melk 1 Voorverhit die oond tot 170 °C. Sit die speserye en kruie in ’n vysel en stamp fyn om ’n geurige invryfmengsel te maak. 2 Druk die varktjops droog met kombuispapier en maak insnydings sowat 1,5 cm uit mekaar in die vel om te keer dat die tjops te veel omkrul terwyl jy dit gaarmaak. Gebruik ’n skerp mes hiervoor. 3 Vryf die tjops in met die speserye. Pak die blomkool op ’n bakplaat uit en…

Snoektert Onder R120 • Genoeg vir 6 porsies • Bereidingstyd: 20 minute Gaarmaaktyd: 1 uur • Oondtemperatuur: 200°C • 1 rol blaardeeg• 200 g gerookte snoek, gepluis• 120 g spinasie, krulkool en broccoliblomme, geblansjeer• 3 gekookte eiers, afgedop en gehalveer• 3 rou eiers, geklits• 250ml room 1 Voorverhit die oond terwyl jy ’n tertbak met die blaardeeg uitvoer. Prik die deeg, plaas ’n vel bakpapier of foelie daarop en strooi ’n laag droë bone oor. Bak blind vir sowat 15 minute (dit verseker dat die deegdop gaar is voor dit gevul word). 2 Keer die boontjies uit die deegdop en vul dit dan met die snoek, groente en gekookte eiers. Klits die rou eiers en room saam en geur na smaak met sout en peper. Giet die vla oor die vulsel en…

Maklike beskuit Genoeg vir sowat 48 stukke Bereidingstyd: 20 minute Baktyd: sowat 45 minute (plus droogtyd) Oondtemperatuur: 180 °C en 100 °C • 500 g botter by kamertemperatuur• 200 g (250 ml) suiker• 2 eiers• 1,5 kg (11 x 250 ml) bruismeel• knippie sout• 15 ml bakpoeier• 500 ml lou water• geklitste eier of melk as glaseersel 1 Voorverhit die oond tot 180°C. Klits die botter en suiker saam tot lig en romerig. Voeg die eiers een vir een by en klits goed ná elke byvoeging. 3 Knie die deeg vir ’n kort rukkie tot dit net bymekaarkom. Knyp balletjies af en pak in ’n gesmeerde oondpan wat met bakpapier uitgevoer is. Die grootte van die balletjies gaan die grootte van die beskuit bepaal en hoe stywer die balletjies gepak…

VIR DIE LEKKERBEKKE Die nuwe kosmark by die Ballito-leefstylsentrum is net die plek vir ’n gesinsuitstappie. Maak jou reg vir lekkernye van bekende handelsmerke soos Science of Coffee Roasters, Taylor’s Meats, Scoop Ice Cream en Olive-A Twist, of loer in by die nuwe Eat Street, waar jy verskeie restaurante kan beproef. Besoek ballitolifestylecentre.co.za . Sjokoladegeheim Le Chocolat Pinotage (R55, grandeprovence.co.za) van Grande Provence op Franschhoek is ’n maklik drinkbare rooiwyn met ’n sjokolade-kinkel. Die wynmakers gebruik geroosterde Franse eikehout in die wynmaakproses vir daardie kenmerkende geur van ryp pruime en rooi bessies eie aan die pinotage-druif. Aankope van 24 bottels of meer word gratis afgelewer in Suid-Afrika. Van die oggend tot die aand Aanhangers van die gewilde Knysna-restaurant île de païn weet die sjef Liezie Mulder ken…