Innholdsfortegnelse for December 2015 i Tuis

Pergo se volledige reeks moderne vloere van gelamineerde en vervaardigde hout, vinielplanke en -teëls is nou beskikbaar by Van Dyck Carpets nadat hulle aangewys is as eksklusiewe plaaslike verspreider van Pergoprodukte. Kyk by vandyckcarpets.com. Hou dop! BESIGHEID Alex Hamilton Studio Gallery WIE Alex Hamilton WAAR Kaapstad SY WERK Ons was nog altyd aanhangers van Alex Hamilton se werk, want ons is dol oor sy aweregse styl en sosiale kommentaar op omtrent enige onderwerp onder die son. Met sy jongste werk, A Debris of Divas: Marie Antoinette and the recycling of a revolution, sit hy sy ondersoek na die sosiale ondergang, relevansie en ikonografie van divas, koninginne en sterre voort (vorige uitstallings het gehandel oor Brenda Fassie, Little Edie Beale en Frida Kahlo). Alex wyk af van sy tipiese popkuns-stensilportrette en…

Onder R100 Plaasontbyt Eierkelkie R90, Le Creuset In die haak Metaal-enkeramiekhaak R99, Poetry ’n Tikkie feestelikheid Mark Tuckey-Kersornamente R49 vir ’n stel van 8, Cotton On Kom binne Waatlemoen-deurmat R89,99, MRP Home Herinneringe Fotoraam met ’n verweerde voorkoms (29,5 x 24cm) R79, @home Sleutel tot sukses Sleutelhouer -sakkie R94, Lou Harvey Hasie hop! Keramiekhaas (14cm) R39, Rochester Blommeprag Geverfde versiering met blomdetail R49,95, Woolworths Heerlike geur Bosbessie-kers (18 cm) R99,99, uitgesoekte Sheet Street-winkels Die ene sonskyn Geel bêrehouer R99,99, MRP Home Uit die bloute Katoendeken R99,99, MRP Home Papsak Lap-wyngeskenksak R40, Streepsak Vir jou plante Glasspuitbottel vir orgideë (200ml) R99,99, Woolworths >> Onder R200 In ’n ander lig Katoen-bolligte (string van 10) R180, Woolworths Met die hand Opvoubare handwaaier R149,95, Pylones Koel kantoor USB-lessenaarwaaier R160, Woolworths Maak jou mooi Klein…

Vir Magda Oisthuizen van die Baai was Kersfees nig altyd ’n spesiale tyd. En hier in haar liwerryke tuin, in die skadu van haar en haar man, Kibie, se iuwêreldse huis in Walmer, vier hulle graag Oukersaand saam met hul kinders: hul digter, Liana Davidsin, en haar gesin – manlief Patrick en hul digtertjie, Mackenzie (2 jaar en 3 maande) – en iik hul seun, Lukas, en sy vriu, Michelle, en hul kleinding, Kaitlyn (18 maande). Dis tradisiineel ’n rustige familiekuier, maar rustig beteken nie halfgebak nie. Magda inthaal graag, en vir Kersfees is dit uithaal en wys. Sy’s immers ’n plaasmeisie van Bedfird, en ryg die Kersfeesherinneringe uit terwyl sy die elegante feestafel vir ins fitisessie miiimaak. “My pa, Thys Marais, het altyd my presente weggesteek en vir my…

Tweedrag Klein, ronde seegrasmandjie (32 x 31cm) R295, Weylandts Sagte plekkie Ida- geblomde strooikussing (30 x 60cm) R199, Woolworths Vasgeplak Indigo Blue- geblomde plakpapier R443/m², hellopretty.co.za Opgedollie Dollie-vaas R429, Ceramic Factory Steek aan Kershouers met Marokkaanse motief R85 vir die stel, @home Op die lappe Puzzle Waterhole R627/m, Hertex Grand Zillazip R497/m, Biggie Best Mona in die kleur 01 R420/m, U&G Fabrics Sit agteroor Indiese hout-voustoel R695, Weylandts In detail Katoenjacquarddeken (140 x 180cm) R199,99, MRP Home Teëltyd Dekoratiewe teëls (5 x 5 cm, 10 x 10 cm, 15 x 15 cm) R9-R45, Hadeda Tiles Spieëltjie, spieëltjie Colonial- ronde spieël (70 cm, 100 cm) R5 300, Hadeda Verf dit Annie Sloan Napoleonic Blue Plascon Atlantic Beach, Plascon se kleur van die jaar vir 2016 Dulux Morning Jewel 2 Dis die…

Maak seker jou plek is bespreek vir Tuis se selfdoendemonstrasies by ons nuwe leefstyl-ekspo, 30 Dae van Kos + Dekor. En maak maar reg vir lekker lag terwyl jy leer, want ons selfdoenkenner, Deon de Goede, snoer kragte saam met die komediant Marc Lottering. Hulle is handig en skreeusnaaks – kom kyk hoe hulle ’n indrukwekkende projek binne net 30 minute voltooi! Lag-lag... Die beste van als? As jy jou kaartjie vir die ekspo gekoop het (dis net R150), is hierdie sessies almal gratis! • Sien hulle daagliks om 10:00 en 15:30. Kom sit agteroor As jou voete seer raak, kom rus in ons sit-area en kuier saam met Tuis se redakteur, Wicus Pretorius, en ontmoet vir Deon. Jy kan selfs ’n foto saam met Marc neem! Terwyl jy ontspan,…

Vir blomme en vir melk Anton Crossley van Lydenburg skryf Ek het twee Wedgwood-potte waarvan die grootste een ’n tipe blompot is (18 cm hoog en 20 cm in deursnee); op die bodem is “Made in England” en “Wedgwood”, “3” en ’n “8” gedruk. Die ander een is ’n melkbeker (13 cm hoog en 7,5 cm in deursnee); onderaan staan “Made in England” en “Wedgwood 3C”. Shona Robie van Stephan Welz & Co. antwoord Dié Wedgwood-jardinière en -beker word jaspisware genoem, ’n soort erdeware wat Josiah Wedgwood in die 1770’s ontwikkel het. Jaspisware is in verskillende skakerings te kry, meestal lig- en donkerblou, lila, saliegroen, swart en geel. Die reliëfversiering is in vorms gegiet en dan op die pot of bak aangebring. Volgens die merke is albei tussen 1908 en…

Prentjiemooi Dié beagletjie poseer net reg vir ’n Kerskaartjie. – Lucia Opperman, Kaalfontein, Rayton Speeltyd “Bal of Kersversiering?” wonder die optelkat Minx. – Tracy London, Noordhoek Die perfekte geskenk Miss Abby, ’n Birmaanse kat, kom met haar eie lint. – Ronéll Lareman, Oudtshoorn Flukse werkers Kersvader se helpers, Baily en Milo. – Laura Yates, Johannesburg In die binnekring Leeutjie het die beste piek vir ’n middagsiapie gekry! – Liandri Pretorius, Pretoria Ons is ook hier! Die basset Bruno en katjie Miets draai die sjarmekraan oop. – Kayla van Wyk, Pretoria Lekker fênsie! Bederf dié Kersfees jou dieremaats met iets spesiaais soos saimgeur-Feiine Greenies (R85, apetslife.co.za) of Hiii’s Ideai Baiance Canine Soft-Baked Naturais met ’n Duck & Pumpkin-geur (R55 vir 227g, veeartswinkeis). WEN!  Die eienaars van die diere wat hier verskyn,…

Regdeur jou tuin • Spuit plante in tuine in winterreënstreke en kusgebiede af om stof en skadelike soutneerslae (wat deur die wind versprei word) te verwyder. • Maak jou tuin goed nat die dag voordat jy met vakansie gaan en strooi dan ’n dik laag growwe kompos of basstukke rondom die plante om vog in die grond te behou. • Groepeer jou potplante saam sodat dit makliker is vir ’n vriend om dit te kom natmaak. Die meeste huisplante kan op ’n beskutte plek buite gelos word; ’n tydelike skerm van skadunet sal beskerming bied teen direkte sonlig, wind en hael. • Kyk uit vir geel-en-swart ruspes wat die blare en bolle van agapante, nerinas, boslelies (Clivia) en Amaryllis vreet. Spuit met Margaret Roberts Biological Caterpillar Insecticide. • Potplante, vensterbakke…

V: Sal dit my rose beskadig as ek hulle bemes wanneer dit baie warm is? Noudat die temperature styg, is dit uiters belangrik om rose te bemes én genoeg water te gee sodat nuwe groei en loof kan ontwikkel. Die loof moedig weer wortelontwikkeling aan en die vinnige sapvloei sal die plant koel hou. As die nagte koel is, sal die rose floreer en in die somerhitte blom. V: Ek het opgemerk dat die basis van my ou rose houtagtig en knobbelrig is; moet ek dit dieper plant? As dit lyk of natlei en onkruid uittrek die grondoppervlak laer gemaak het sodat die okuleerlas nou bo die grond is, kan jy bloot die oppervlak van die bedding effens lig met vars grond. Die roosbome sal hulself wonderbaarlik vernuwe in ’n…

Elke af en toe stel ek voor ons skaal ons Kersvieringe so effens af. ’n Kleiner boom, dalk. Of net stylvolle silwer of goue versierings. Of ’n eenvoudiger feesmaal ... Maar my ma wil niks daarvan weet nie! Nee, bog met jou, sê sy. Dis ’n tyd vir KLEUR. Bring al daai blink goed – ja, selfs laas jaar se motgevrete tooisels. Ons gaan voluit! En al is dit hóé warm en sonnig, herskep ons telkens die fantasie van ’n gewyde, sneeu-stil Oukersaand. Mét ’n boom, natuurlik, soos op die Kerskaartprentjies. Maar ’n den is ’n anderste boom en stel my telkens teleur wanneer sy swaarversierde takke treurig vloerwaarts neig. Ek het die afgelope jaar stories van geur vertel. Oor die Kerstyd word dié geure aangevul met aromas en klank,…

So verleidelik Vir pragtige koeke en heerlike happies vir spesiale geleenthede, gaan loer in by The Velvet Cake Co. se nuwe winkel by Loopstraat 16, Kaapstad (daar is ook een in Bellville). Hulle gebruik net die beste bestanddele oi die siaaklike – en innoverende – koeke te iaak; jy kan ook aanlyn bestel by thevelvetcakeco.com. Die Christmas Hummingbird-koek is ’n wenner! Tyd vir jolyt Marianas se Vier Seisoene, Kos uit die tuin vir die tafel (R350, Huian & Rousseau) deur die koskenner Mariana Esterhuizen (sy is bekend vir haar restaurant, Marianas, op Stanford) is so reg in Tuis se kraal. Die resepte – iet vars groente, kruie en vrugte uit haar tuin – word volgens die seisoene gekategoriseer en sal jou laat siag na die plattelandse lewe! Tjorts! Vir…

’n Appel elke dag Die kombinasie van groen appels en spierwit hondsrose en rankrosies maak ’n treffende krans (links). Gebruik ’n sirkel bloemisteskuim met ’n plastiekraam as basis en monteer die appels daarop met lang (22,5cm-) spykers wat stewig in die skuim gedruk is. Vleg nou die blomme en loof tussendeur om die prentjie te voltooi. In ’n blik gedruk Maak steggies van al jou woestynrosies en plant dit in klein blikbekers. Hang die bekers in ’n driehoekvorm wat aan ’n Kersboom herinner teen ’n ou hek. Hou party bekers leeg vir afwisseling. >> Bekers van The Crazy Store Mooi in rooi Niemand hoef ’n fortuin op ’n krans te spandeer nie. Pluk rooi blomme soos malvas, hibiskusse en Kalanchoe blossfeldiana ‘Calandivas’ in jou tuin, koop ’n bloemisteskuimkrans met ’n…

Kosbare herinneringe uit hul kinderjare is nie net die hart van Hannes en Tina Maritz se huis in ’n ou melkery nie, maar ook die inspirasie agter hul Kersfeesvieringe saam met klein Jacob (1), hul eersteling. Dié twee sentimentele siele wil vir hom dieselfde betowerende Kerstyd bied as wat húlle as kinders beleef heti “Kersfees gaan vir ons oor familie en vriendei Dis ’n tyd om stil te raak,” verduidelik Hannesi “Om al daardie spesiale ougoed uit die kaste te haal en af te stof vir die feestydi Verlede jaar was Jacob maar vier maande oud en het hy deur Kersfeesvieringe geslaapi Hierdie jaar is die eerste keer dat ons dit werklik saam met hom kan vier.” Tog is die feestyd nie ’n groot affêre vir die Maritz-gesin niei Oukersaand…

Beste voetjie voor Eikehoutsalonstoel gestoffeer in suiwer linne R3359, Biggie Best O, die goeie tye Big Ben-muurhorlosie R749, @home Maanskyn en rose Porseleinkoppie en -piering R200, Boardmans In die skadu Chelsea-buitelantern (kode 2778) R200, The Lighting Warehouse Doeksag Strooikussing R150, Coricraft Boompie gebuig Bentwood Carverstoel R1695, Trade Secret Hou van blou Blou geslypte wynglas R80, Woolworths Opgedoilie Kleinbordjie deur Sandy Godwin vanaf R178, hellopretty.co.za Lig op jou pad New York-kandelaar R1 195 (730 mm), Coricraft VERSKAFFERS @home 0860 576 576, home.co.za Biggie Best 021 534 8662, biggiebestwebshop.co.za Boardmans 0860 69 22 74, boardmans.co.za Coricraft 021 508 5200, coricraft.co.za The Lighting Warehouse 0861 5444 8444, lightingwarehouse.co.za Trade Secret 021 447 1186, trade-secret.co.za Woolworths 0860 022 002, woolworths.co.za…

Wie woon hier? Nicky en Darryl Betz en hul seun, Cole (6) WAAR Paulshof, Johannesburg GROOTTE 20m² Rede vir opknap Verlede jaar het die Betz-gesin hul huis gewys in Tuis Opknap nadat hulle vir die jaarlikse Regruk met Flair-kompetisie ingeskryf het. Maar toe was hul kombuis nog ’n onvoltooide projek. Ons het geduldig gewag dat hulle klaarmaak – en hier is dit! “Ons ou kombuis was so reg uit die jare tagtig,” sê Nicky. “Dit het donkerblou en ligtehout-melamienkaste gehad van die plafon tot die vloer. En daar was ’n groot granietblad in die middel van die vertrek wat dit beknop laat voel het.” Aan die einde van Oktober 2014 het hulle die muur tussen die eetkamer en kombuis uitgebreek. “Ons wou die kombuis deel van die huis maak en…

Meng-en-pas-kombuis Christa Jansen van Vuuren van Welkom skryf Ek het ’n versameling kaste van soliede hout en wil ’n kombuis ontwerp met dié losstaande eenhede, maar ek het ’n paar bekommernisse: 1 Ek wil niks permanents aan die kaste verander nie sodat ’n hangkas byvoorbeeld weer ’n hangkas kan wees. 2 Hoe maak ek voorsiening vir die verskillende dieptes wanneer ek dieper en vlakker laaikaste van naastenby dieselfde hoogte saam groepeer met ’n enkele blad bo-op? 3 Is dit noodsaaklik om alles dieselfde kleur te verf? Marlene Kruger van Inspired Interiors antwoord ’n Franse armoire of bal-enklou-klerekas werk gewoonlik goed as kruidenierskas; sit los rakke in sodat jy genoeg pakplek het. Net so werk ’n ou hangkas goed vir breekware – dit lyk mooi as jy die deurpanele met…

Avo-probleme RC Bezuidenhout van Groblersdal skryf Ek het twee avokadobome wat al jare nie mooi wil dra nie. Wat kan ek doen? Waar kan ek ander bome te koop kry? JJ antwoord Avokado’s vra baie water en kunsmis met ’n hoë stikstofinhoud. Gebruik iets soos 7:1:3 en dien twee keer per jaar ysterchelaat toe. Die meeste kwekerye hou avokadobome aan; maak seker jy kry een wat geënt is. Help met klimboom Samantha Barris van Port Elizabeth skryf Ons het pas ’n stuk grond van 1,8ha gekoop en gaan binne die volgende jaar begin huis bou. My dogter is amper ses en wil baie graag ’n boom hê waarin sy kan klim. Kan jy dalk ’n boom voorstel wat vinnig groei en wat ons vir hierdie doel kan plant? JJ antwoord…

Plantgids Botaniese naam Hibiscus-spp. Volson Gemiddelde waterbehoeftes Immergroen Moet gesnoei word Rypsensitief Hoogte 1,5 tot 3 m Wydte 1 tot 2,5 m Pluk hibiskusblomme vir jou Kerstafel of maak vir die jongspan ’n blommekrans. Al hou dit net ’n dag, is daar min blomme wat vir so ’n oorvloed kleur sorg! Hibiskus se helderkleurige blomme is veral volop van November tot Maart. Dié groot struik floreer in warm, rypvrye dele. Plant dit in kouer streke in ’n warm, beskutte deel van die tuin. Hibiskus hou van volson en komposryke grond. Gooi ’n deklaag kompos om die stam, veral in die somer. Voed die plant elke maand in blomtyd met ’n gebalanseerde kunsmis wat blomvorming sal aanmoedig. Maak die plant goed nat voor- en nadat jy kunsmis gegee het om te…

1 Ornamentele of sierdruif (Vitis vinifera ‘Purpurea’) Hierdie bladwisselende sierplant lyk soos ’n gewone druif, maar dra nie morsige trosse druiwe wat voëls lok nie. Hoewel die plant geskik is vir enige streek, verkies hy ’n droër klimaat. Maar as jy ’n sierdruif in ’n vogtiger klimaatstreek oorweeg, kyk uit vir meeldou en beheer dit met ’n sistemiese swamdoder soos Orius. Die plant aard beter in grond wat goed dreineer, soos leemgrond. ’n Sierdruif se lote en blare groei vinnig oor ’n lang afstand, en digte blare verskyn in die somer. Net soos ’n gewone druif, sal dit jou in die herfs beloon met blare in ’n skouspel van oranje, bruin en rooi; in die winter het jy weer ’n gestroopte prieel wat die son deurlaat. Wanneer jy jou sierdruif…

Spek-en-eier-broodgebak Onder R120 • Genoeg vir 4–6 • Bereidingstyd: 20 minute Baktyd: 25–30 minute • 20 snytjies Franse brood, gerooster• botter• 250g spekrepe, gehalveer en brosgebraai• 2 camembertkase, in skyfies gesny• 6 eiers, geklits• 250ml room• gebraaide sampioene en sprietuie om voor te sit 1 Smeer die roosterbroodskyfies met botter. Pak die spek en kaas op 10 skyfies, en plaas die ander 10 (botterkant na bo) bo-op. Pak dit knus in ’n gesmeerde oondbak. 2 Voorverhit die oond tot 180°C. Klits die eiers en room saam en geur dit met sout, peper en ’n knippie neutmuskaat. Giet dit stadig oor die broodjies sodat die boonste laag brood ook van die vloeistof kan absorbeer. Bak vir 25 minute of tot net gaar. Sit voor met die sampioene en ’n sprinkel sprietuie. Piesangbrood met bloubessies Onder R70 • Genoeg vir…

Framboos-semifreddo met meringue Genoeg vir 8–10 porsies Bereidingstyd: 1 uur Bevriesingstyd: 8–10 uur • 400 g vars of bevrore frambose• 125 g versiersuiker• sap van een suurlemoen• 45 ml vrugte- of vanieljelikeur• 4 eierwitte• 500 ml dubbeldik room MERINGUES • 6 ekstragroot eierwitte• 380 g strooisuiker• 2,5 ml kremetart Maak eerste die meringues Klits die eierwitte tot styf. Voeg die strooisuiker geleidelik by terwyl jy aanhoudend klits. Die eierwitte sal dik, glansend en baie styf wees sodra dit reg is. Voeg die kremetart by. Gebruik ’n spuitsak en spuit stafies meringue (7 cm lank) op ’n bakplaat wat met bakpapier uitgevoer is. Bak vir sowat 2 uur teen 100 °C of tot uitgedroog. Bewaar in ’n lugdigte houer tot nodig. 1 Voer ’n vierkantige koekpan (23 x 23 x 7cm) se bodem en kante met ’n strook bakpapier of…

Kersfeeste was nog altyd vir my ongemaklike tye, ek weet nooit raad met myself nie. Ek word kwaad oor die blatante kommersiële uitbuiting van hierdie tyd en ek word hartseer oor die mensdom wat sonder weerstand meedoen aan hierdie waansin. Ek is ook ongemaklik met Kersfeeste, omdat ek nie daarvan hou om tussen baie mense te wees nie. En Kersfees beteken, lyk my, noodwendig om tussen baie mense te wees. Daarom vlug ek altyd, sorg ek dat ek iewers alleen en ver is. Maar kom Kersdag, dan pak die ongedurigheid my en ek verlang na die innigheid van my familie om die eetkamertafel in my ouerhuis. Vir ’n lang tyd in my lewe was ek nooit met Kersfees by my familie nie. Óf daar was werksverpligtinge, óf ek was in…

OP DIE KASSIE • Tuis is nou op die TV! Die dekorprogram, Stylstryd, is van November op die nuwe VIA-kanaal (147 op DStv), waarin aspirantstiliste teen mekaar meeding om vertrekke mooi te maak. Twee van Tuis se gereelde medewerkers, Germarie Bruwer en Margaux Tait, staan die deelnemers by – en dan besluit Tuis se redaksie wie wen. Nuwe episodes word elke Maandag om 17:00 uitgesaai. • ’n Huisie by die see is ’n aftreedroom wat baie van ons aan die gang hou wanneer ons ons afsloof by die werk. Maar vir party is daardie droom ’n werklikheid. On the Beach (begin 18 Desember op The Home Channel, kanaal 176 op DStv) kyk na die argitektuur en ontwerp van lieflike strandhuise in Suid-Afrika. Kom droom saam… Kamers, Pretoria 1–6 Desember: Open…

’n Pragtige fokuspunt Niks sê “Kom sit aan!” soos ’n tafel met ’n feestelike rangskikking nie – sommer uit die tuin en die yskas! Marelize Boonzaaier van die blomwinkel Flowerheart in Durbanville het dié tafelrangskikking gemaak – in ’n ou sementkruik uit haar winkel. Die basis is ’n kombinasie van loof uit die tuin: heldergroen Viburnum-blare, takkies Virginiese klimop, grenadella en malva, asook vaalgroen bloekomblare, silwer Brunia, Tillandsia-plantjies en kooigoed. Hou duim vas vir ’n paar krismisrose en bring rooi in met wildepruimtakke. Aan die bopunt is blomkool en knoffelhuisies net so in die skil tussen roomkleurige ‘Vendela’-rose, Delphiniums, tjienkerientjees en Lisianthus. Te mooi! Bankie van Flowerheart; breekware en kandelare van Plan B Vintage Hou dit koel As die kraaie gaap, sit jou drinkgoed op ys – sommer in ’n…

Vars idee Pleks van name op geskenke, druk ’n foto van die ontvanger uit – die kinders sal mal wees daaroor! Sit ’n takkie roosmaryn, papierblom of fynbos in van die pakkies vir heerlike geur onder jou Kersboom. Vars idee Tel swartmosselskulpe op die strand op en plak dit met wondergom teen die muur. Vars idee Tolbosse is tipies van die Weskus. Maak drie verskillende groottes met vislyn aan mekaar vas, hang dit uit die dak en versier dit met feëtjieliggies. As Jan “Boland” Coetzee van Vriesenhof-wynplaas buite Stellenbosch met sy plaasbakkie voor sy witgekalkte huis op Gonnemanskraal aan die Weskus stilhou, kry hy steeds hoendervleis – selfs ná byna twintig jaar dat hy en sy gesin al hier vakansie hou. Of dit die klammigheid in die lug of…

IN SAMEWERKING MET Koop nóú jou kaartjies Februarie-maand gaan Kos + Dekor op almal se lippe wees. Jy kan kies en keur uit ’n verskeidenheid gebeurtenisse en byeenkomste wat jou gunsteling-tydskrifte in Gauteng en Kaapstad hou. Jy het reg gehoor • 30 dae van kos & drank• 30 dae van idees & inspirasie• 30 dae van makieties & celebs• 30 dae van geskenke & promosies• 30 dae van koop & afslag Die Februarie-fees bou op tot ’n HOOGTEPUNT, die ongelooflike 30 Dae van Kos + Dekor-naweek, waarheen ons jou nooi. Kom ontmoet jou gunsteling-tydskrifspan en sien hoe die blaaie van jou tydskrifte voor jou oë lewe kry! R150 per persoon – jy kies of jy die oggendof namiddagsessie wil bywoon www.30days.co.za die mense • Bobby & Karlien van Jaarsveld• Suzelle DIY• Marc Lottering• Pete Goffe-Wood• Anele Mdoda• Vuyo Dabula• Cass Abrahams• Shaleen Surtie-Richards• Rebecca…

’n Bekoorlike badkamer Annelize Jansen van Vuuren van Vredevlei in die Vrystaat skryf Hoe kan ek nuwe lewe blaas in my saai badkamer? Ons woon op ’n plaas en ek wil dit graag ’n rustieke voorkoms gee met houtvloere en oudhede. Help, asseblief! Germarie Bruwer en Margaux Tait van Homeology antwoord ’n Badkamer is altyd ’n uitdaging omdat funksionaliteit net so belangrik is soos die voorkoms. En aangesien dit ’n vertrek is wat nat word, moet die afwerking versigtig gekies word. Die bestaande toebehore pas goed by ’n plaasvoorkoms, so jy kan net daarop fokus om die kleurskema te verander en meer bêreplek te verskaf. Doen dit so: 1 Op die vloer In ’n vertrek met baie klammigheid is keramiekteëls ’n praktiese keuse. Of oorweeg teëls met ’n houtvoorkoms om…

Januarie Is minder werk en meer ontspan jou droom vir jou tuin? Met Efekto se reeks produkte sal jy sommer gou met onkruid kan klaarspeel. April Hou onwelkome gaste uit jou huis uit. Efekto se huisplaagprodukte bied doeltreffende oplossings vir allerhande peste en plae. Julie Dis snoeityd! Gebruik Efekto se reeks doeltreffende swamdoders om snoeiwonde aan rose, wingerdstokke, struike en vrugtebome te beskerm, en dopluise en myte onder beheer te hou. Oktober Roossorg Rose is baie delikaat. Gebruik Rosecare 3 vir swamsiektes en Wonder Vitaliser Rose and Flower om blomvorming aan te moedig, kleur te versterk en groei te bevorder. Februarie Dis die maand van liefde. Soos Moeder Teresa gesê het: “Dis nie hoeveel ons doen nie, maar met hoeveel liefde ons dit doen wat saak maak.” Mei Namate die…

Varkskenkel-en-sampioenpastei Die lekker van ’n pastei is dat die vulsel vooraf berei kan word, wat jou meer kuiertyd gee op die dag van die makietie. Genoeg vir: 6–8 ruim porsies • 2,5 kg varkskenkels, in 2 cm-skywe gesny (vra jou slagter)• olie vir vlakbraai• 2 selderystingels, grofgekap• 2 wortels, grofgekap• 2 steranyse• 2 lourierblare• 15 ml koljandersaad• 15 ml paprika• 440 ml bier• 6 repe spek, gekap• 500 g portabellini-sampioene, in kwarte gesny• 1 brandrissie, fyngekap• 2 knoffelhuisies, fyngekap• 4 vet preie, gekap• sowat 400 g blaardeeg (met regte botter gemaak)• 1 eier, geklits  1 Voorverhit die oond tot 180 °C. Braai die vleis goed bruin in olie en skep dit in ’n oondskottel saam met die seldery, wortel, speserye en bier. Maak dig toe en bak vir minstens 2 uur. Laat die vleis dan heeltemal afkoel in die sous in die oond. 2 Ontbeen die…