Innholdsfortegnelse for February 2018 i Tuis

My ma vertel een van die eerste goed wat ek as peuter kwytgeraak het, is “ekke self”. There’s it, soos Suzelle DIY sê. Daar is ook ’n skoot eiesinnigheid, natuurlik. En dis ook geneties. Anderdag, toe ons my pa se suster begrawe, kondig die predikant aan die einde van die roudiens aan: “En nou nooi ons almal vir tee en verversings in die ...” Maar voor hy sy sin kan klaarmaak, spring my niggie uit haar stoel, in haar hand ’n nota in haar ma se handskrif. “G’n niks koek en tee nie, dominee, my ma sê so,” kondig sy aan. En dit was dit. Iedergeval. Om haastig te wees en dinge so vinnig moontlik te wil afhandel, het natuurlik sy voordele. Maar ai, wanneer haastig óórhaastig raak, kan dit…

Ons is dol oor Dié pragtige hangstoel (90 cm breed x 100 cm diep x 70 cm hoog ) van he rwinde eikehout-wynvate. Dit kos R2 995 by knus.co  en kom met 5m swart of wit tou – perfek vir die stoep! UIT LAPLAND Bring ’n bietjie sonskyn in jou huis met die Yellow Floral-seil van die oulike skryfbehoefte-en-huisware-handelsmerk aLoveSupreme (R495/m; 150cm breed). Besoek alovesupreme.co.za . WINKELS TOE!  Die leefstylblogger Lana Kenney het nou ’n aanlynwinkel waar al haar pragtige dekorvondste te koop is. “Ek ontmoet so baie kreatiewe mense deur my blog en ek word deurentyd blootgestel aan wonderlike nuwe produkte – ’n aanlynwinkel was die natuurlike volgende stap,” verduidelik sy. Ons is dol oor dié smal keramiekvase; dis 19,5cm hoog en kos R445…

Toe ons in 2009 die eerste Regruk met Flair-kompetisie aanbied, het ons nooit kon dink dit sou so ’n groot tentoonstelling van opknap-talent word as wat dit vandag is nie. Nou is dit tyd vir die 10de aflewering van dié gewilde kompetisie. En ons wag vir jou inskrywing! Vanjaar open die inskrywings vroeg; aangesien ons meer as dubbel die prysgeld in koopbewyse weggee, wil ons lekker vroeg wegspring. Wie ook al as Opknapper van die Jaar vir 2018 aangewys word, stap weg met meer as R100000 se bewyse van BUCO en Timbercity. Onthou, inskrywings sluit 31 Mei 2018 – maak seker joune bereik ons betyds! WAT KAN JY INSKRYF? Geen projek is te groot of te klein nie; jy kan enigiets inskryf – van ’n hele huis tot net een…

Die oordekte stoep word grappenderwys “die swart long” genoem oor die swart vlekke teen die kaggelmuur, maar donkergrys dakverf verrig wondere. Koffietafel van Weylandts; rottangstoele van Anouk Furniture; gesonke ligte van Lightworld Toe hulle in 2013 begin huis soek, was ’n ou erfenishuis nie juis wat Cara en Marvin Saven in gedagte gehad het nie. Eerstens was dit nie ’n oopplanontwerp nie. Boonop was die buitekant en tuin afgeleef en die afwerkings binne glad nie na hul smaak nie. Wat wel hul hart gesteel het, was die pragtige komvensters, ruim voorstoep, oorspronklike houtvloere, en die ligging – Fresnaye kry nie baie wind nie en bied maklike toegang tot die berg en strand. “Hier is ook ’n groot avokadoboom,” sê Cara. “Toe ons begin opknap, het ek vir die bouers gesê…

Wat jy nodig het INKOPIELYS •  kouelym•  mielieblom (Maizena)•  ballonne•  sisaltou•  lig-passtukke met elektriese koord•  gloeilampe GEREEDSKAP •  bak•  lepel•  verfkwas•  speld PROJEKGIDS Harde werk 1/10 Vaardigheidsvlak 1/10 Tyd nodig 3 uur Doen dit self vir ± R496 vir drie hanglampe: 500 g sisaltou R64, 250 ml kouelym R60, mielieblom R27, ballonne R15, lig-passtukke R50 elk, gloeilampe R60 elk SO MAAK JY 1 Gebruik ’n lepel en meng die gom, mielieblom en water (2 dele gom : 2 dele mielieblom : 1 deel water). Die verhouding hoef nie presies te wees nie; mik vir ’n verfbare pasta. Jy kan een groot mengsel maak of kleiner mengsels soos wat jy dit nodig kry. 2 Blaas die ballonne op. 3 Doop die tou in die mengsel en draai dit kruis en dwars…

Moeg vir teëls Lynette Williams van Kaapstad skryf Ek wil graag die vloere in my huis oordoen, want ek is moeg vir die porseleinteëls. Ek sien sementvloere is deesdae hoogmode, maar kan ek so ’n voorkoms skep sonder om die teëls uit te kap? Joanne Sykes, bemarkingsbestuurder by Cemcrete, antwoord Jy kan met groot sukses ’n bolaag oor vloerteëls gooi, mits die teëls in ’n goeie toestand is. Teëls wat reeds gekraak of los is, sal enigiets wat bo-oor gegiet is, ook beskadig. Moet net nie klei- en leiklipteëls bedek nie – kap dit liewer uit. Dis ook nie raadsaam om ’n afvlaklaag oor teëls te gooi nie; ’n dekoratiewe bolaag sal beter werk. Doen dit só (let wel, dié metode is net geskik vir binneruimtes; raadpleeg ’n kenner oor…

V: Die kombuisstoeltjies op bladsy 18 van die April 2016-uitgawe is vir my so mooi; waar kan ek so iets kry? – Amanda Pretorius, Port Elizabeth A: Probeer Milestone Kitchens vir sulke stoele (milestonekitchens.co.za); die huiseienaar het hare met Chic Boutique van Plascon geverf. V: Waar kan ek ’n stortgordyn koop soos Abi James s’n op bladsy 31 van die November 2017-uitgawe? – Anneli van Jaarsveld, Wellington A: Abi het dié een oorsee gekoop, maar The Crazy Store (crazystore.co.za) en H&M Home (hm.com/za) het ook oulike stortgordyne.…

Dis die maand van liefde! Uitgeslape Liefie, ’n Siamese kruising, weet net hoe om haar sin te kry. – Michelle Pretorius, Heidelberg, Wes-Kaap Modelmooi Die Birmaanse boeties Jack en George poseer vir die kamera. – Liandi van Wyk, Johannesburg Het jou! Scrunchy en Olive geniet dit om ’n bietjie rond te rol. – Irma Delport, Pretoria Uitgetof ... Ritah en Hannah sit hul beste pootjie voor! – Nadine Theron, Worcester Gelukkige Valentynsdag! SJ gee sy sussie Simba ’n drukkie. – Lisa Anderson, Seepunt Partytjiediere Gino en Fiona maak seker hulle lyk op hul beste. – Simone Kleynhans, Pretoria Warm kopie Ricky Litchfield Hot Spot Spray with Buchu vir honde (R146,99 vir 150 ml) is ’n natuurlike antiinflammatoriese, antibakteriese antihistamien en antifungale behandeling wat ’n jeukerige vel streel en terselfdertyd die…

Gee jou verbeelding vrye teuels as dit by vetplante kom, want met dié waterwys staatmakers is daar geen einde aan die moontlikhede om die perfekte prentjie te skep nie, sê Ann Kerr van The Pink Geranium-kwekery, waar ons die foto’s geneem het, en Buck Hemenway van die Calitzdorpvetplantvereniging. # 1 Hang hulle op Volgens Ann is vetplante met hul vlesige blare perfek vir ’n hangmandjie. “Hulle kan vir lang tye sonder water oorleef en maak ’n pragtige vertoning. Baie vetplante se groeiwyse is geskik hiervoor, selfs ’n jong aalwyn. Volg jou instink en plant wat vir jou mooi is.” So maak jy jou eie hangmandjies: Wat jy nodig het • draadmandjie • klapperhaar (opsioneel) • goeie, krummelrige potplantgrond wat goed dreineer • organiese kunsmis • ’n verskeidenheid vetplante SO MAAK…

Aarbeitruffelbootjies Wat kan nou meer romanties wees in die maand van liefde as dié heerlike sjokoladeen-bessiehappies? Maak sowat 24 truffels (hang af hoe rojaal jy die sjokolade spuit ... ) Bereidingstyd: 20 minute, plus verkoeltyd •  125 ml room•  200 g donkersjokolade, grofgerasper•  30 ml gesmelte klapperolie•  15 ml aarbeilikeur (of brandewyn)•  12 klein aarbeie, gehalveer•  glansgemmer en vars ment as garnering  1 Verhit die room versigtig tot net onder kookpunt. Giet dadelik oor die sjokolade en roer vinnig tot gesmelt – dit sal dik en glansend wees. Roer die olie en likeur by en sit dan die mengsel in die yskas tot ferm, maar nog sag genoeg om te skep. Loer gereeld dat dit nie te hard word nie. 2 Skep of spuit teelepels vol van die mengsel op…

’n Gesonde alternatief Buiten sy heerlike geur is Extra Virgin Cape Canola Cold Pressed Canola Oil vol vitamien E, antioksidante en Omega 3, 6 en 9 – en jy kan dit teen ’n hoë temperatuur gebruik sonder dat dit sy gesonde eienskappe prysgee. Dis beskikbaar by Food Lover’s Market en Pick n Pay in die Wes-Kaap en sal binnekort landwyd op die rakke wees; sien capecanola.com . Klink ’n glasie Die L’Ormarins Brut Classique Rosé NV lewer verfrissende borrels en delikate bessiegeure. Dis beskikbaar by rupertwines.com teen R120 per bottel, of by uitgesoekte spesialiswynwinkels landwyd. Dié pienk plesier is net die ding vir ’n partytjie! ’n Bietjie kultuur Morgenster Vespri Vermentino 2017 (R120 by die kelder) is ’n ligte witwyn wat van die Italiaanse druifkultivar vermentino gemaak…

Afknypgebreksindroom, noem hy dit. Kyk maar, sal hy sê, ná ’n aandete by iemand se huis. Die gasheer en -vrou stap gesellig saam kar toe. Maar ineens tel die vroue spoed op. Die een onthou iets van lewensbelang wat sy nog moes gesê het. En net daar sit hulle ’n magistrale diskoers op tou. Manne ontkoppel makliker. “Nou maar raait,” sê hulle. Dan klim die een in en skakel die kar aan en die ander een staan effe tru, hande in die broeksakke. Alles klaar. Niemand praat onnodig nie of maak oogkontak nie, maar wag in beleefde lankmoedigheid. Volgens my flous hulle niemand nie. Want kort voor lank trommel een sy vingers op die stuur en die ander een gee sy vrou ’n kyk oor die dakkap van die kar.…

WENBRIEF Siedaar! Diels Taljaard van Pretoria skryf Ons een badkamer het gesmeek om ’n opknap. Nadat ek my hordes Tuis-tydskrifte geraadpleeg het, pak ek en Pappa toe ons projekkie. Maar dit was nie lank nie of ek besef selfdoen is nie vir sissies nie – dit vra baie geduld! Ná mooipraat en baie trane is die badkamer toe oorgedoen. Al probleem is: Die eindproduk lyk glad nie hoe ek my dit voorgestel het nie. Die vloerteëls pas nie; my prentjie lyk nie afgerond nie. En die geld is op. Maar iewers het ek gelees van teëls verf, en ek ry kunswinkel toe. ’n Paar uur van stensil en verf later, en daar pas die vloer perfek in en trek alles in die nuwe badkamer sommer bymekaar. Danksy Tuis se inspirasie…

Blommeprag Teëls is ’n slim manier om ’n spatsel kleur in te bring en ’n tema te versterk. Cara Saven van Kaapstad het dié seshoekige teëls met ’n blompatroon so reg uit die 70’s vir ’n aksentmuur in haar braai-area gebruik. Al is dit eintlik badkamerteëls, pas dit perfek in by haar retro-dekor – sien die res van haar huis op bladsy 48. Acuarelas-porseleinteëls uit Douglas Jones se Victoria-reeks R450/m² Slim oplossing Len en Faith du Plessis het ’n ou koffietafel gehad wat hulle graag buite op die braaidek by hul huis op Knysna wou gebruik. Toe besluit Len om dit te versier met helderblou en -groen keramiekteëls wat Faith met die hand gemaak en by haar pottebakkersgroep gebak het. Hy het die teëls met Pattex No More Nails op…

Wie woon hier? Ramona en Nuno Afonso met hul dogters, Aurora (10) en Luna (4) WAAR Northcliff, Johannesburg GROOTTE 40m² Vandat hulle vier en ’n half jaar gelede huis gekoop het, droom Ramona Afonso van ’n nuwe kombuis. “Dis vir my so lekker om vir my gesin te kook, maar die ou kombuis was net glad nie inspirerend nie,” onthou sy. Boonop was dit afgesonder van die eet- en sitkamer, wat op hul beurt aparte vertrekke was. “Ek is Libanees en my man Portugees, en ons hou graag familiekuiers by ons huis; ’n oopplanruimte is dus ideaal.” Ramona bedryf ’n klein dekorsaak, Ruffles and Rust, en het ’n agtergrond in die modebedryf – daar is dus nie ’n tekort aan kreatiwiteit nie. Maar haar hande het lankal vir dié kombuis…

Wat jy nodig het INKOPIELYS • 22 x 69 mm- geskaafde dennehout, soos volg gesaag: vier 1 500 mm (sitplek) vier 475 mm (sitplek-stutte) drie 1 500 mm (voorkant) vier 400 mm (voorkant se stutte) twee 1 500 mm (rugleuning) vier 745 mm (rugleuning-stutte/pote) ses 500 mm (sye, binne) vier 320 mm (sy-stutte, binne) twaalf 530 mm (sye, buite) vier 745 mm (sy-stutte, buite) een 1 500 mm (stut vir sitplek en rugleuning) • 22 x 44 mm- geskaafde dennehout, soos volg gesaag: vier 1 500 mm (sitplek) vier 1 500 mm (voorkant) drie 1 500 mm (rugleuning) vier 500 mm (sye, binne) twaalf 530 mm (sye, buite) • 22 x 95 mm- geskaafde dennehout, soos volg gesaag: vier 745 mm (armleuning, voor en agter) een 1 500 mm (rugleuning,…

Wat jy nodig het • 22 mm x 95 mm- geskaafde dennehout, gesaag in: twee 600 mm-lengtes twee 195 mm-lengtes • 6 mm x 40 mmspaanderbordskroewe • Alcolin Cold Glue • Alcolin Woodfiller • 120-grint-skuurpapier • 6 vase of bottels 1 Boor ses eweredig gespasieerde 32 mm-gate deur een van die 600 mm-planke. 2 Gebruik Alcolin Cold Glue en lym en skroef die twee 195 mm-planke tussen die ente van die twee 600 mm-planke vas. Vul die skroefgate met Alcolin Woodfiller, laat dit goed droog word en skuur deeglik. 3 Plaas die bottels in die staander met hul nekke deur die gate. (Steek die staander weg tot die 14de en gaan koop dan daai blomme ...) ALCOLIN PROMOSIE Besoek www.alcolin.com vir produkinligting of skakel die Sticky Questions-hulplyn tolvry by 0800…

Vir jou blomme Mike Hocknell van Hentiesbaai, Namibië, skryf My vrou het dié blompot (’n erfstuk) sowat 40 jaar gelede by ’n vriend gekry; het dit enige waarde? Sophie-Louise Fröhlich van Stephan Welz & Co. antwoord Lancaster & Sandland Bpk. in England het die reeks Sandland-ware van 1944 tot 1968 vervaardig. Dit het ongelukkig nie veel waarde nie en sal dus nie baie goed op ’n veiling vaar nie. OUDERDOM 20ste eeu WAARDE minder as R100 Die regte medisyne Cheryl Henwood van Pietermaritzburg skryf Dié medisynekis het aan my grootouers behoort en ek dink dis meer as 100 jaar oud. Die oorspronklike medisyne is nog in die bottels. Weet julle dalk of dit iets werd is? Sophie-Louise antwoord Dis ’n aptekerskis uit die 19de eeu wat vir reisdoeleindes…

Louise McLaren van Durban skryf My hond het nou skielik die gewoonte ontwikkel om sy been teen die meubels in die huis te lig, al is hy op agt maande reggemaak; hy is nou twee. Ek vermoed hy doen dit omdat ek na ’n pleeghondjie kyk wat nog nie die regte toiletgewoontes aangeleer het nie. Hoe kry ek my hond om weer sy sake buite te doen? Dr. Quixi Sonntag, dieregedragskenner en lid van die Suid-Afrikaanse Veterinêre Vereniging, antwoord Wanneer ’n hond op ongewone plekke urineer, is dit gewoonlik weens sosiale angs – iets wat ’n nuwe troeteldier in die huis beslis kan veroorsaak. Jou hond beskou die kuiergas as ’n indringer en voel hy moet sy reuk los daar waar hy nog altyd veilig en beskut gevoel het. …

Blomme vir romanse In die taal van blomme is rose sinoniem met liefde, en niks is meer gepas as ‘Cécile Brunner’, met sy soet geur en pienk miniatuurblomme nie. ’n Mens dink nie sommer aan kruie as iets romanties nie, maar het jy geweet dat sekere kruie spesiale betekenis het? Dit geld byvoorbeeld vir laventel (toewyding), salie (agting), roosmaryn (herinnering), tiemie (teerheid), basilie (goeie wense) en marjolein (ewige trou). As jou Valentyn ’n kruieliefhebber is, is kruie ’n wonderlike geskenk. In die koelte van die aand sal kerse, potte met wit mot-orgideë (Phalaenopsis) en geurige wit katjiepierings op die stoep boonop ’n romantiese atmosfeer skep. Grondlangs Grondbedekkers is ’n goeie plaasvervanger vir ’n grasperk, help gronderosie voorkom, groei goed teen skuinstes en is ideaal om kaal grond onder bome te…

OP DIE KASSIE Die werklikheidsreeks Laat die potte prut (seisoen 6 begin op 12 Februarie op Via, kanaal 147 op DStv) is ’n viering van die potjiekoskultuur. Drie spanne ding mee onder die wakende oog van Piet Marais en Frik Oosthuizen, die amigo’s van die Santa Anna’s-kosreeks. 2018 Johannesburg HOMEMAKERS Expo 22–25 Februarie: Ticketpro Dome, Johannesburg Die tema by vanjaar se HOMEMAKERS Expo in Johannesburg, “For Real Homes”, is ’n viering van egtheid en ware skoonheid – en vanjaar is jou gunsteling-dekor-en-tuintydskrif, Tuis, ook daar! Kom kuier saam in die Tuis-teater naby ingang 4. Kaartjies kos R100 vir volwassenes en R50 vir pensioentrekkers; kinders onder 12 kan gratis ingaan. Vir inligting, skakel 0861 466 312 of stuur e-pos na bomikazi@homemakers-sa.co.za. Gelukkige Valentynsdag!  11 Februarie: Botrivier, Gabriëlskloof Die wyn-en-olyflandgoed Gabriëlskloof vier…

Wat eers ’n slaapkamer was, is nou die eetkamer met sy groen plafon. Die paartjie het die venster links vervang met ’n dubbeldeur wat op die nuwe dek oopmaak. Dié saai slaapkamer is nou ’n kalm toevlug danksy vars groen muurverf. Die matte is opgetel en die houtvloer is geskuur en vernis. Die bad in die tweede badkamer is uitgehaal en ’n stort is geïnstalleer. Waar die sitkamer oorspronklik was, is nou ’n elegante leesvertrek. Die kombuiskaste is opgekikker met verf. Die oorspronklike vinielvloer is met teëls vervang.…

IDEE #1 Speel-speel mooi! ’n Tekstuurryke houtpaneel tref die oog bo die kaggel in Catherine Crawford se huis in Kaapstad. Die span by Svencraft het dit in opdrag van die vorige eienaar, die argitek Sean Mahoney, gemaak van irokohout in twee verskillende skakerings. Saam met die hout se grein skep die twee kleure ’n interessante visuele effek – amper soos ’n backgammon-bord! ’n Ronde spieël verskaf ekstra tekstuur. IDEE # 2 Palet-perfek Die span by Dala Paints het gedroom van ’n treffende ingang by hul hoofkantoor in Killarney Gardens, Kaapstad. Toe gaan klop hulle aan by Hoity Toity Pallet Chic, wat met dié plan vorendag gekom het: Hulle het herwinde paletplanke in vrolike kleure geverf en op MDF-bord (pasgemaak vir die kosyn) geplak. Stoel van Chair Crazy; mat en plantpot…

Toe die bekroonde leefstylfotograaf Sally Chance ’n huis in Durban koop om op te knap en dan te verkoop, het sy geweet Milestone Kitchens sou haar visie vir die kombuis ’n werklikheid maak. Nie net bied Milestone Kitchens gehalte en styl nie, met hul losstaande eenhede kon Sally ook ’n kreatiewe kombuis ontwerp wat die beskikbare ruimte ten volle benut. “Ek het nog altyd Milestone Kitchens se eenhede bewonder en die huis wat ek onlangs opgeknap het, was die ideale plek vir die Swedish Style-ontwerp,” sê Sally. “Ek het kragte saamgespan met die eienaar, Silvia Miles, en haar span om die uitleg te beplan en die regte eenhede te kies. Hul losstaande eenhede en kaste is prakties, pragtig en veelsydig – nommerpas om ’n afgeremde kombuis in iets spesiaals te…

Las van swamme Johan Marx van Pretoria skryf Verskeie plante in een van ons beddings het gevrek. Toe ons hulle verwyder, was daar sulke grys draderige groeisels onder die grond, en ons wonder of dit swamme kan wees; dieselfde groeisels was ook om die plantwortels. Sal ons die grond met iets moet behandel? JJ antwoord Jy kan die grond met ’n swamdoder soos Odeon of Mycoguard behandel, maar onthou: Nie alle fungusse is nadelig nie. Dié wit drade is meestal voordelige swamwortels (mikorisa) – jy moet beslis nie daarvan ontslae raak nie. Die swam kon op die wortels ontwikkel het nadat die plante gevrek het. Watter boom is dit? Julliet Lwiindi van Kitwe, Zambië, skryf Kan julle asseblief help – dié boom staan in my tuin en ek…

Hoewel Annelize Verwey al meer as dertig jaar in haar huis op Melkbosstrand woon, het sy maar eers sowat drie jaar gelede ’n liefde vir vetplante en kaktusse ontwikkel. “Terwyl ek eendag ry, vang my oog ’n plant wat iemand langs die pad verkoop,” vertel Annelize. “Ek het daar en dan my eerste twee vetplante aangeskaf en net nooit weer opgehou koop nie. Dit raak ’n siekte!” skerts sy. “As ek êrens met vakansie is, kyk ek op elke dorp of daar vetplante te koop is.” Annelize het later nie meer plek gehad vir al die potjies met vetplante nie en het besluit om haar voortuin in ’n formele vetplant-en-kaktustuin te omskep. Gou was dit ’n apploustrekker in die straat en het mense in die paadjies begin stap om die…

V: Ek weet dis beter om saans nat te maak, maar ek is bang die blare van my ‘Black Tea’-roos doen ’n swamsiekte op. Wat stel jy voor? In Februarie is dit saans nog so warm dat die blare gou uitdroog; jy hoef jou eintlik nie te bekommer oor swamsiektes nie. Wanneer dit bedags en saans warm is, is dit beter dat die roos saans water kry, want dan het die water tyd om tot by die wortels weg te sak. As jy bekommerd is, spuit die rose met Chronos, ’n swamdoder wat dadelik deur die blare opgeneem word. V: Ná die eerste blomvlaag laat in Oktober het die blare op my ‘Brigadoon’-roos geel verkleur en dit lyk steeds ongesond. Wat kan ek doen? As jou rose se blare in…

Tunapasta Onder R85 • Genoeg vir 4 • Bereidingstyd: 25 minute Gaarmaaktyd: 10 minute •  1 klein botterskorsie, geskil en ontpit•  1 mediumgroot eiervrug•  15 ml olie•  sowat 250 g linguine•  sowat 15 ml kerriepasta (of na smaak)•  1 groot blik (400g) klappermelk•  2 blikke tunastukke, gedreineer•  ’n hand vol vars koljanderblare 1 Sny die botterskorsie in blokkies en die eiervrug in skyfies. Pak dit op ’n bakplaat en sprinkel die olie, sout en peper oor. Rooster onder ’n voorverhitte roosterelement tot gaar. 2 Kook die linguine in soutwater tot al dente. Dreineer en hou eenkant. 3 Verhit die kerriepasta in die kastrol waarin die linguine gekook is en roer die klappermelk by. Bring tot kookpunt. Meng nou die linguine, groente en tuna deur en strooi die koljander oor. Oondgebakte frittata…