Innholdsfortegnelse for July 2017 i Tuis

AI en AR. Nee, dis nie ’n nuwe yskas nie, dis die afkortings van twee tegnologiese verskynsels wat glo ons almal se lewe gaan verander. AI is “artificial intelligence”, en AR is “augmented reality” – en luister ek so na die kenners, gaan dié twee ontwikkelings die lewe soos ons dit ken, op sy kop keer. Ek gee nie om vir verandering nie, maar soms – net soms – hunker ek na die bekendheid en veiligheid van die dinge wat ek goed ken. Ek reken so: Om verandering te omarm, het ek tog ’n stewige vastrapplek nodig, dan nie? En is dié vastrapplek dan nie juis die “bekende” nie? Ek onthou ’n keer, seker so tien jaar terug, dat ek op Lekkersing in die Richtersveld oornag het. Ons het laatmiddag…

Wie woon hier? Katia Lekarski, Chad MacDonald en hul dogter, Milla (6) WAAR Observatory, Kaapstad GROOTTE 120m² Net ‘n leksel verf! Katia en Chad het glad nie van die oorspronklike beige keramiekteëls in die kombuis en eetarea gehou nie, maar ook nie kans gesien vir uitkap nie – toe verf hulle dit in ’n romantiese grys-en-wit blokkiespatroon. Hulle het die poliuretaanverf vir die grys teëls by Builders laat meng en wit verf vir die ander gebruik. Eers het hulle die teëls met suikerseep geskrop en voorberei met ’n teël-onderlaag (probeer Plascon Tile & Melamine Primer). Toe het hulle die rand van elke liewe teël in die vertrek met ’n kwassie geverf en daarna ingevul met ’n sponsroller. Net een laag was nodig. As jy dit ook wil probeer, kies…

V&A met Inez Wat geniet jy die meeste van jou nuwe badkamer? Ek hou van die vryheid van beweging – jy is nie ingeperk deur ’n stortdeur of trappies nie. Watter raad het jy vir iemand wat hul eerste opknapprojek aanpak? Begin met kleiner projekte in en om die huis om te bepaal of jou loodgieter of bouer bevoeg is vir groter projekte. Wat moet jy voor die tyd navors? Ken jou materiale, van die pype wat die loodgieter gaan gebruik tot die afwerking van die afvlaklaag wat jy wil hê – nie alle afvlaklae is geskik vir ’n nat vertrek nie en sekeres moet verseël word. Maak seker jou hout kan aan water blootgestel word. Die hout wat vir inlegwerk in die vloer gebruik is, moet minstens 50mm dik…

PROJEKGIDS Harde werk 1/10 Vaardigheidsvlak 2/10 Tyd nodig 3 uur, plus 48 uur droogtyd Doen dit self vir ± R145: sementmengsel R40, lampsok R15, elektriese koord (2m) R45/m Wat jy nodig het INKOPIELYS • sement• sand• 2 plastiekbottels (een van 2 liter; een van 500ml)• elektriese koord (ons het ons s’n by hoiploy.com gekry)• lampsok• klein gloeilamp• skroewe• kleefwerende kossproei GEREEDSKAP • skêr• handwerkmessie• boor en 3mm-boorpunt• plastiekhandskoene• plastiekemmer• ystersaag• skroewedraaier• hamer• skuurpapier Stap vir stap... 1 Sny die onderste derde van die tweeliterbottel af. 2 Skroef die bottels se doppies aan en boor gidsgate daarin. 3 Spuit die binnekant van die groot bottel en die buitekant van die klein bottel met die kossproei. 4 Sit die kleiner bottel binne-in die groter een en skroef die twee doppies aan mekaar vas. 5 Boor gate net onder die rand van die groter bottel, ook deur die kleiner bottel,…

Noem dit op die naam Vivienne Brent van Kaapstad skryf Ek het op dié afgeskeepte roosstruik afgekom; dis oortrek van die dorings, maar die blomme het die wonderlikste geur. Ek het twee steggies afgesny en geplant – een het nie oorleef nie, maar die ander een gedy! Weet julle wat sy naam is? JJ antwoord Te oordeel na die foto, sou ek raai dis ’n ‘Rainbow Nation’-roos. Neem dit gerus na jou plaaslike kwekery vir bevestiging. Waar’s my blomme? Vanessa Reeve van Newclare, Johannesburg, skryf My Inkalelies was in ’n bedding saam met ’n klein konifeer. Laasgenoemde het later skadu oor die lelies gegooi, waarvan hulle niks gehou het nie. Ek het dit toe oorgeplant in groot, aparte potte en op ’n sonniger plek staangemaak. Die Inkalelies gedy…

Take vir Julie Deur Kay Montgomery 1 Snoeiwenke Somer- en herfsblommende struike moet nou gesnoei word, en rose eers laat in Julie (sien Ludwig se rooshoekie). Snoei struike terug in ’n mooi ronde vorm en verwyder enige dooie hout of lang, dun stele wat onnet lyk. In baie koue tuine moet jy liewer eers in Augustus snoei om rypskade by nuwe lote te vermy. Moenie banksia- of erfenisrose nou snoei nie; jy gaan ontwikkelende blomknoppe verwyder. Dieselfde geld vir lenteblommende rankers en struike soos Chinese jasmyn (Jasminum polyanthum), sterjasmyn (Trachelospermum jasminoides) en verbleikblomme (Brunfelsia pauciflora). Bladwisselende vrugtebome word volgens soort gesnoei, en jy moet weet op watter hout die vrugte gedra word; vra jou plaaslike tuinsentrum om hulp. 2 Beskerming en privaatheid In die winter, wanneer kleure vervaag en die…

Snoei jou gemmerbos vroeg in die lente, nadat dit klaar geblom het. “Jou tuin hoef nie vaal te wees in die winter nie,” gesels Hermien Coetzee van Flowers in the Foyer op Stellenbosch. “Daar is genoeg plante wat nou blom en jy vir jou huis kan pluk. “Dink maar aan magnolias, kamelias, blomkwepers, die inheemse gemmerbos, ’n verskeidenheid proteas, Serrurias, aronskelke in die Kaapse winter en helderoranje vuurpyle.” Maar dis nie al nie. “Voor jy begin snoei, pluk ook die bessies, sade en roosbottels wat nog sedert die herfs aan die takke sit. Dit lyk altyd mooi in ’n winterrangskikking.” Gemmerbos of watersalie ( Tetradenia riparia ) Dit is moeilik om die gemmerbos se veeragtige blomme mis te kyk. Dié inheemse struik blom gedurende die winter in pers,…

WENBRIEF Ons bly op hoogte Johanna Pliska van Kathu skryf ’n Mens vergeet soms hoe bevoorreg ons is om te kan rondry, geleenthede bywoon, dinge bekyk en beleef. My pa was vir 16 jaar bedlêend voor hy in Januarie verlede jaar oorlede is. Nou is my moeder se gesondheid ook nie na wense nie en rondry is nie altyd moontlik nie. Ons huis is ons hawe en ons tuin ons trots. Ons hou daarvan om ons plek mooi te maak en te geniet ondanks omstandighede wat ons by tye “inhok”. Tuis is dus vir ons ’n belangrike skakel met die nuutste dinge op die mooigoed-rak, praktiese wenke in en om die huis, tuin-idees en lekker resepte om ons kuiermense mee te bederf. ’n Groot dankie aan die span wat soveel…

Een, twee, drie, blok jouself! Muriel Hayes (82) van Panorama, Kaapstad, is ’n groot brei- en hekel-entoesias, en as ’n ding nie meer werk nie, maak sy ’n kreatiewe plan. Sy het jare gelede ’n klompie kleurvolle blomkussings gehekel. Toe die kussings later oorbodig raak, het sy die voorkante van die agterkante losgemaak, die hele spul met dieselfde turkoois hekeldraad aan mekaar vasgehekel en dit afgerond met ’n sierrand. Nou is dit ’n vrolike kombers wat elke dag gebruik word. Klim in met jou kwas Cornelia Linnegar van The Painting Shed op Wellington toor ou meubels tot droommooi apploustrekkers met behulp van verftegnieke en tierlantyntjies – soos dié veeldoelige swart kas met sy dekoratiewe panele. As jy ’n vertoonrak of armoire in jou huis het wat aandag kort, probeer die…

Pasgemaakte diefwering Anders as standaard-diefwering en -hekke kan pasgemaakte versperrings (vanaf sowat R2000/m²) ontwerp word om by die gevoel en voorkoms van jou huis te pas – dink aan traliewerk in die Victoriaanse styl tot meer kontemporêre ontwerpe wat soos hortjies lyk. Dis soveel sagter op die oog! Dié diefwering kan bedek word met ’n roesbestande laag soos Hammerite, Duram se DTM- (Direct to Metal) verf of Oxirite, of jy kan ’n poeierlaag (“powder coating”) laat aanwend. Só kan jy ’n fokuspunt by die ingang na jou huis skep en deure en vensters ooplos sonder dat dit jou veiligheid in gevaar stel. [ ONTHOU ... ] Langs die kus kan roes ’n probleem wees. Maak by jou vervaardiger seker dat sy produkte teen roes behandel is, watter onderhoud dit verg…

Projeknotas • Laat saag al die stukke hout pasklaar by jou houthandelaar – dit sal jou taak vergemaklik. • Onthou om gidsgate te boor. PROJEKGIDS Harde werk 5/10 Vaardigheidsvlak 4/10 Tyd nodig 1 tot 2 uur Maak dit vir minder as R500: hout en skroewe R450 (verf uitgesluit) Wat jy nodig het INKOPIELYS • een blad 18 mm-laaghout, soos volg gesaag: twee 1 500 x 300 mm (sye) twee 464 x 300 mm (bodem en bokant) een 464 x 100 mm (stut) een 1 364 x 464 mm (rugkant) drie 650 x 260 mm (rakke, sien detail-foto’s) • 22 x 44 x 2 400 mm- geskaafde dennehout (rak-rande) • een pakkie 6 mm x 40 mm-spaanderbordskroewe • verf, vernis en/of was GEREEDSKAP • koordlose boor en 3mm-boorpunt • figuursaag •…

Materiaal • 44 mm x 22 mm- geskaafde dennehout, in die volgende lengtes: vier 400 mm (met ’n 8 mmgat in die middel van elkeen geboor) een 390 mm een 345 mm • 3 x 1 m-nylon- of leerstroke • Alcolin Cold Glue • Alcolin Woodfiller • twee 6 mm x 50 mm-boute en moere • agt 6 mm x 40 mmspaanderbordskroewe 1 Lym en skroef die 390 mm-plank haaks op die punte van die twee 400 mm-planke vas. Herhaal met die 345 mm-plank en die ander twee 400 mm-planke. 2 Vul die skroefgate met Alcolin Woodfiller. 3 Pas die kleiner struktuur binne-in die groter een en heg met ’n bout en moer in die vooraf geboorde gate alkant. 4 Skuur die hout netjies glad. Vou die nylonstroke een keer…

Dekor-diva Die Bostonterriër Roxie poseer langs haar gunsteling-bykomstigheid. – Anel van Zyl, Tygervallei ’n Gedugte paar Die sussies Katja en Simba is al van babadae af onskeibaar. – Annemie McCallaghan, Brandfort Gooi my maar toe Matewis lê nou sy lekkerste lê! – Lindi Kotzee, Pretoria Die rustigheid vanself Bobby het beslis ’n luilekker lewe! – Colleen Pansegrouw, Johannesburg Nuut op die mark! Verslind jou hond sy kos as’t ware met een sluk? Rek sy maaltye met die Fun Feeder Mat (R199 elk, shingavet.co.za). Die bakkie van buigsame, voedselveilige rubber laat etenstyd soos ’n lekker speletjie voel, maar sal nie onder hom uitgly of omdop nie. Só kan jou viervoetvriend leer om sy kos teen ’n gesonde pas te geniet. Nou gaan ek nêrens nie Chester is mal oor die nuwe…

Wie woon hier? Peter en Liz Reynolds WAAR Leisure Isle, Knysna GROOTTE 520m² In Peter en Liz Reynolds se tuin op Leisure Isle in Knysna is dit inheemse staatmakers wat seëvier! Maar vier jaar terug, voor hulle met die hulp van Hannes Stander, ’n tuinontwerper en mede-eienaar van Ecozest, hier begin tuinmaak het, was daar net ’n paar bome soos die groot, ou melkhoutboom, ’n verwaarloosde grasperk en sand op die erf. Peter en Liz wou graag ’n inheemse tuin hê waar dit sou voel asof hulle in die natuur is, al bly hulle in ’n woonbuurt. Die tuin moes ook by die kontemporêre argitektuur van die huis aansluit en so privaat moontlik wees. Twee dele Ná ’n deeglike ontwerpproses en met die plan op die tafel het Hannes hul…

Luisboom (Solanum mauritianum) is ’n groot struik wat tot 4 m hoog kan groei met fluweelagtige stele en dofgroen breë blare wat fluweelagtig bo en viltagtig en wit onder is – wanneer dit fyngedruk word, stel dit ’n sterk, skadelike reuk vry. Die boom dra pers blomme in kompakte trosse op die punte van die takke en ronde groen bessies wat later geel verkleur. Voëls vreet die bessies en versprei só die saad. Indringerstatus Die plant is ’n Kategorie 1b-indringer, wat beteken jy kan vervolg word as dit op jou eiendom groei. Hoekom is dit problematies? Die luisboom ding mee met en verdring inheemse spesies. Die vrugte is giftig voor dit ryp word en die harige blare en stele kan ’n allergiese veluitslag en asma veroorsaak. KONTAK invasives.org.za Krui…

Steurgarnaalpasta Dié ryk pasta is bedoel vir twee. Kies ’n tafelmaat wat nie huiwer om handgemeen te raak met sy of haar aandete nie. (Jy kan natuurlik ook die garnale afdop as jy verkies.) Genoeg vir 2 Bereidingstyd: 15 minute Gaarmaaktyd: 10–15 minute • 15 ml elk botter en olie• 12 groot steurgarnale, dermpies verwyder• 1 klein brandrissie, ontpit en fyngekap• 1 duim gemmer, geskil en fyngekap• 2 knoffelhuisies, geskil en fyngekap• 15 ml matige kerriepoeier• 6 pruimtamaties, grofgekap• 150–200 g linguinepasta, gekook tot al dente• gerasperde skil van 1 suurlemoen• ’n hand vol vars basilie of koljander, rofweg geskeur  1 Verhit die botter en olie saam in ’n pan tot die botter begin skuim en voeg dan die steurgarnale by. Braai tot helderpienk aan die een kant. Draai die steurgarnale om en voeg die brandrissie, gemmer, knoffel, kerrie en…

1 Appel-brie-enpekanneutpasteitjies • 500 g bevrore botter-blaardeeg, ontvries• 1 groen appel• 15 ml suurlemoensap• 30 ml Huletts Castor Sugar• geklitste eier• 125 g brie of camembert• 125 ml gekapte pekanneute 1 Rol die deeg versigtig oop en sny dit in 8 ewe groot vierkante. Ontkern die appel en sny dit in papierdun skyfies; sprinkel die suurlemoensap en suiker oor. 2 Verf die rande van die deegvierkante met eier; verdeel die appel, kaas en neute en skep dit in die middel van die vierkante. Vou toe in ’n driehoek en knyp die punte vas om dit te verseël. 3 Pak die pasteitjies op ’n bakplaat wat met bakpapier uitgevoer is, verf met nog eier en sprinkel ’n bietjie ekstra suiker bo-op. Jy kan ook ekstra neute oorsprinkel. Bak in ’n voorverhitte oond teen 200 °C vir 15 minute;…

NOAG SE MOSES! Die handgemaakte hout-bykomstighede in ons hoofkosstorie op bladsy 110 kom van Ark Workshop op Wolseley. Elke stuk is uniek en weerspieël die natuurlike prag en karakter van die houtgrein; besoek arkworkshop.co.za en sien self! Twee in een Die Tea Forte Kati Tea Maker van keramiek het dubbelwande en ’n ingieter van vlekvrye staal (335 ml; R449, yuppiechef.com). Dié oulike teepot en koppie in een maak dit doodmaklik om losblaartee te brou; dis in ’n verskeidenheid pragtige ontwerpe te kry. Hou dop !  Helder glasteepot met verwyderbare ingieter, R425 woolworths strainer, R . 425 co.za woolworths Bok-bok! Kabrita se kits-bokmelkpoeier is voedsaam en verteer maklik, wat dit ’n goeie alternatief maak vir jou daaglikse suiwelinname. Dis beskikbaar by takke van Dis-Chem Pharmacy, Wellness Warehouse en Baby City landwyd.…

OP DIE KASSIE In Buying & Selling (seisoen 4 begin op 10 Julie op The Home Channel, kanaal 176 op DStv) soek huiseienaars met die Property Brothers, Drew en Jonathan Scott, se hulp na hul droomhuis, terwyl hulle hul huidige huis opknap sodat dit die hoogste prys kan haal. We Create- nasionale kwiltfees 3–8 Julie: Collegiate Girls High School, Port Elizabeth Aandag alle kwilters! Skryf in vir ’n verskeidenheid kwilt- en tekstielverwante slypskole, insluitend ’n sessie aangebied deur twee tradisionele tentmakers van Kaïro, Egipte – ’n eerste vir Suid-Afrika! Die uitstalling van hand- en masjiengemaakte kwilte in ’n wye verskeidenheid style deur die top-kwilters en tekstiel-kunstenaars in Suid-Afrika is iets om na uit te sien. Kaartjies kos R50. Sien meer by festival.quiltsouthafrica.co.za. 14–16 Julie: Gallagher-uitstalsentrum, Midrand, Gauteng Sien alles van…

Ek is ongelooflik trots op die projek; ondanks al die teenspoed is die eindresultaat perfek . – Inez Wie woon hier? Inez de Vries WAAR Kuilsrivier, Kaapstad GROOTTE 6m² Toe Inez de Vries meer as ’n dekade gelede hoor haar suster se huis in Kuilsrivier is in die mark, het sy geweet met ’n bietjie harde werk sou dié lelike eendjie die pragtigste swaan word. Sy het die uitdaging aanvaar en die huis in 2008 gekoop, met tonne idees oor hoe sy die ruimte tot sy reg gaan laat kom. Maar dit was ’n stadige proses. “Ek het jaar ná jaar, afhanged van my begroting, ’n projek probeer voltooi. Dis so ’n vervullende ervaring om die plek te verander presies soos ek dit wil hê – en ek kan…

Die verwery was goed vir die gesin; ons het musiek geluister, gesing en ons tyd saam waardeer. – Marietjie Toe Ansophí (18) vroeër vanjaar haar kamer in haar ouerhuis in Somerset-Wes ontruim om meganiese ingenieurswese aan die Universiteit Stellenbosch te gaan studeer, het haar boetie, Gerard (15), gespring om die kamer syne te maak. Maar dit was nog in Ansophí se styl met ’n mooi fokusmuur van voëls in ’n boom – darem net te vroulik na Gerard, ’n gr. 10-leerder en groot aanhanger van elektronika en rekenaars, se smaak. Toe die gesin besluit om vir hom ’n nuwe fokusmuur te verf, het Ansophí kom hand bysit. Die ontwerp? ’n Voorstelling van ’n rekenaar se moederbord. Ná ’n bietjie navorsing aanlyn het Ansophí die skets in Photoshop gemaak, asook ’n…

Kortliks V: Die spatpaneel op bladsy 78 van die Maart 2017-uitgawe het my oog gevang. Waar is dit gekoop en watter kleur is dit? – Nickey Botes, Swellendam A: Die glas-spatpaneel is deur Cohesion Interiors (cohesioninteriors.co.za) in die kleur Sky Grey. V: Ek hou baie van messe en vurke soos dié op bladsy 17 van die Mei 2016-uitgawe; waar kry ek dit? – Santa Lundberg, Ficksburg A: Die vintage-eetgerei is geleen by Memories, ’n winkel in Durbanville wat intussen sy deure gesluit het. Kyk uit vir vintage-eetware by tweedehandswinkels en markte, of as jy net iets met gekleurde hewwe soek, loer by @home (home.co.za), MRP Home (mrphome.com) of Checkers (checkers.co.za). V: Waar kry die huiseienaar die uitstalkas op bladsy 23 van die Augustus 2016-uitgawe? – Carol Kayseri, Johannesburg A: Die…

’n Pragtige paar Rossella Canosa van Constantiapark, Pretoria, skryf Ek het dié vase in 1981 op ’n veiling gekoop. Het dit enige waarde? Ian Conn van Ashbey’s Galleries antwoord Jou Duitse soutglasuurvase is ’n voorbeeld van die hoogs dekoratiewe erdeware wat sedert die 1500’s in die sentrale Westerwald-streek van Duitsland vervaardig word. Die proses is ontdek deur Nederlandse pottebakkers wat die hout van ou haringvate in hul oonde gebruik het. By die uiters hoë temperature in die oonde het die natrium (sout) in die hout met die kwarts in die klei gereageer en tot dié glasuur-effek gelei. Die kobaltblou versiering is van die min kleur-glasure wat die hoë temperature kan weerstaan. OUDERDOM laat 19de of vroeë 20ste eeu WAARDE R1 500–R2 000 Boeke hou Michelle Klerck van Jeffreysbaai vra…

Jenny Mason van Durban skryf Is dit nodig om vlooiprodukte in die kouer maande te gebruik? My worshonde krap omtrent nooit in die winter nie, maar ons gaan stap nog gereeld in die park. Enige raad? Dr. Lauren Geraty van Merial South Africa, wat in dieregesondheid spesialiseer, antwoord Anders as wat baie mense dink, gaan vlooie nie in ’n winterslaap nie, maar kom van die ergste vlooi-infestasies juis nou voor wanneer eienaars vlooi- en bosluisbeheer staak. Die winter met sy laer temperature is eintlik die ideale tyd om ’n voorsprong te kry in die stryd teen vlooie. Hou die volgende in gedagte: 1 Die wintermaande kan dalk verligting bring vir jou diere se gejeuk, maar dit beteken nie hulle het nie vlooie nie. As jy in die lente eers…

Ons paneel Neville Orsmond van Create a Landscape in Pretoria, ’n ou bekende in Tuis, het 12 jaar ondervinding van tuinuitleg. Greg Segal van Professional Illumination Design is al meer as 24 jaar betrokke by beligting en het ’n sertifikaat in beligtingsingenieurswese van die Universiteit van Kaapstad. Walter Cloete is ’n tuinboukundige van Walgro in die Strand; hy ontwerp al vir 33 jaar tuine in die omgewing. Wiidrich Dreyer van Koi Creations in Pretoria is die afgelope 17 jaar by tuinuitleg en -beplanning betrokke. Marcus Smit van Marcus Smit Jacobs Argitekte op Somerset-Wes is al 20 jaar in die bedryf. Hoewel argitektuur sy nering is, is hy ook dol oor tuinmaak. Begin met ’n plan Tuinbeligting val in een van twee kategorieë: Dis óf funksioneel,…

V: Ek het die rankroos ‘Compassion’ teen latwerk aan ’n muur laat oprank, maar ek het meer blomme verwag. Hoe moet ek dit snoei? Rankrose blom die mooiste wanneer hul lote horisontaal lê; dit aktiveer die ogies al langs die hele steel om uit te loop en te blom. Wanneer ’n steel boontoe groei, loop net die twee boonste ogies uit en blom; as dit ondertoe buig, blom dit weer net op die hoogste punt van die tak. Met snoeityd kan jy die lote lossies aan stutte of ander stele vasbind sodat dit so horisontaal moontlik lê. Sodra die hoofstele vasgebind is, kan jy die sylote aan dié stele met sowat 10 cm terugsnoei. As jy ’n loot met twee tot drie ogies los, sal nuwe groei gou ontwikkel en…

Spek-en-botterskorsieslaai Onder R90 • Genoeg vir 4–6 Bereidingstyd: 35 minute • Gaarmaaktyd: 30 minute • 500 g botterskorsieblokkies• 5 ml heuning• 45 ml olyfolie• sowat 45 ml balsemiekasyn• 100 g kersietamaties, gehalveer• 200 g spekrepe, gekap• 100 ml gemengde pampoen-, sonneblomen sesamsaad• 250 ml koeskoes, gestoom tot gaar• 90 g roket• granaatpitte vir garnering 1 Voorverhit die oond tot 200°C. Meng die botterskorsie met die heuning, die helfte van die olie en die helfte van die asyn. Geur met sout en peper en rooster vir sowat 20 minute of tot gaar. Voeg die tamaties by en oondrooster nog ’n paar minute tot die groente hier en daar ’n swart randjie kry. 2 Verhit die res van die olie in ’n pan en braai die spek tot bros, skep uit, maar behou enige vet; rooster nou die sade daarin. 3 Vir voorsit…

Die lewe is ’n kombinasie van betowering en pasta. - Federico Fellini, Italiaanse filmmaker Botterskorsie-envarkworsie-cannelloni Ek is mal oor die tekstuur van botterskorsie, maar jy kan beslis ook pampoen gebruik. Genoeg vir 6–8 Bereidingstyd: 45 minute Gaarmaaktyd: 1 uur 10 minute Oondtemperatuur: 200°C • 750g (3 pakkies) cannelloni-buise• botter VULSEL • 1,5 kg botterskorsie, geskil en in blokkies gesny• 2 uie, in wiggies gesny• 3 knoffelhuisies• 4 takkies tiemie• neutmuskaat• 45 ml olyfolie• 280 g ricottakaas• 125 ml melk• 8 vars varkworsies met salie TAMATIESOUS • 700ml (1 bottel) passatatamatiesous• vars basilie en pietersielie• sout en varsgemaalde swartpeper WITSOUS • 500 ml suurroom• 2 hande vol parmesaankaas, gerasper• 250 ml melk• sowat 250 g mozzarella, gerasper SALIEBOTTER • 100 ml botter• 6 salieblare• 60 ml dennepitte (opsioneel)  1 Maak die vulsel Voorverhit die oond. Sprei die botterskorsie, ui, knoffel en tiemie in ’n oondbak uit, geur met sout, peper en neutmuskaat…

Inbelprogramme op die radio is i nie my gunsteling-luistermateriaal nie. Maar onlangs was daar een waarna ek eers met verstomming, en toe met groot plesier, luister. Gewoonlik duur dit mos so drie, vier minute voordat ’n inbeller van sy demokratiese reg gebruik maak om in die openbaar te wys hoe onkundig, rassisties, of heeltemal waansinnig hy of sy is. Ek vervies my gewoonlik só vir die stommiteite wat mense kan kwytraak dat ek doodgewoon die radio afskakel. Stilte is baie beter vir my welsyn as die vae moontlikheid dat ek ’n weergalose wysheid te hore sal kom. Maar hierdie program kry dit toe reg om my aandag gevange te hou. Die tema? Die lekkerste kos wat jy al ooit geëet het. Ek wil by voorbaat die radio afskakel toe ek…