Innholdsfortegnelse for June 2017 i Tuis

Maar toe Whitey nou die dag kom verf en hy nie weer wou weet: ‘Wic, must I paint the wires?‘ nie, toe weet ek: Dit was geld goed bestee, ‘vir die mooi‘ . So ’n paar weke terug kuier my peetkind by my. Sy is tien jaar oud. Op die tafel in die eetkamer lê ’n wolkombers met sulke tossels, nog opgevou in sy sak. Sy vra: “Oom, wat presies is dit?” “’n Kombers,” verduidelik ek. “Maar nie ’n gewone kombers nie, dis ’n ‘throw’ – jy weet, ’n oorgooideken.” Ek besef ek is nou bo-oor dié tienjarige se kop, want nóg “throw” nóg “oorgooideken” gaan haar die kloutjie by die oor help uitbring. Ek spin myself verder vas in my web: “Dis ’n dekor-item, jy weet, jy gooi dit…

Ek en my man besit ’n tweedehandswinkel Danabaai (langs Mosselbaai), en so af en toe kom ons op ’n “weeskas” af. Hierdie kassie was op ’n bakkie op pad vullishoop toe; toe my man dit sien, vra hy sommer of hy dit kan kry! Dis hoe dit nou lyk, danksy Tuis se inspirasie. – Ansa Bernatz, Danabaai Hallo Tuis. Ek woon op Rustenburg, is 10 jaar oud en mal oor naaldwerk! Ek doen naaldwerkklasse en skryf graag in vir Bernina-kompetisies. Naaldwerk is my grootste talent. Ek blaai altyd deur my ma se Tuis-tydskrifte vir idees van iets moois en kreatiefs. Julle is cool. – Liefde, Minke Grobler WEN!   Die skrywer van dié maand se wenbrief kry ’n Samsung Virus Doctor ter waarde van R1 799! Hou die lug wat…

Lekker skoon en vars! Dié metaalgaatjiebord, wat diens doen as bêreplek bo ’n doekeruiltafel, is ’n idee wat Tuis se swanger kosredakteur, Johané Neilson, op 100layercakelet raakgesien het. “Ek was dol oor die idee en het dadelik begin soek na die nodige komponente om dieselfde by my huis te doen,” vertel sy. Haar man, Allister, het die stewige metaalplaat en al die los hake waaraan die tuisgemaakte bewertjie en ander versierings hang, by Shelco Shelving gekry. Die kleurvolle plastiekmandjies en letters is vasgemaak met kabelstroppe, slaggereed vir baba Zac se koms. Hier toets Zac se nefie Dirk solank die rubbermat uit! Muurhorlosie van MRP Home; plastiekmandjies van Mambo’s Plastics Warehouse Als aan die haak Brandon de Kock het dié oulike gaatjiebord vir sy ander helfte, die kosfoendi Nikki Werner, se…

Wie woon hier? Katie Farringer en Jan Schliemann met hul kinders, Alexander (15), Sebastian (14), Josephine (8) en Jackson (7) WAAR Stellenbosch Katie Farringer en Jan Schliemann het 15 jaar gelede dié ruim, rustige huis in ’n weggesteekte hoekie langs die Helshoogtepas gekoop. Dis wel nie ver van die dorp af nie, maar hier teen die hange van die Stellenbosse berge kan die gesin ontspan – en die vrede en stilte van die omgewing geniet. Katie, ’n boorling van die Verenigde State, is ’n gesoute reisiger en het heelwat van die wêreld se groot stede saam met haar ouers gesien voor die gesin hulle jare gelede, toe sy nog ’n tiener was, in Suid-Afrika kom vestig het. Haar liefde vir uitheemse, eksotiese plekke en hul helder kleure en teksture…

[MARTINA EN IAN SE TOPWENKE] • Maak ’n lys van wat gedoen moet word; besluit dan wat jy self kan doen en waarvoor ’n kenner nodig gaan wees. As jy ’n taak aanpak waarvoor jy nie toegerus is nie, loop jy die risiko om dubbel te betaal – een keer vir jou eie poging en ’n tweede keer vir wie ook al enige skade moet herstel. • Toets altyd jou produkte: As jy byvoorbeeld ’n vloer wil afvlak, toets eers ’n klein, onopsigtelike deel en laat dit goed droog word. • Wanneer jy ’n fout maak, moenie dit met meer foute probeer verbloem nie; begin liewer van voor af. • Kry kenners om die elektriese en loodgietwerk te doen! Ons is gelukkig omdat Ian se pa ’n elektrisiën is en…

PROJEKGIDS Harde werk 3/10 Vaardigheidsvlak 4/10 Tyd nodig 1 tot 2 uur Maak dit self vir onder R500 (hout en skroewe R450) Projeknotas • Laat saag al die stukke hout pasklaar by jou naaste houthandelaar, dan is jou werk soveel minder. • Skuur jou planke vooraf.. Wat jy nodig het INKOPIELYS • een blad 18 mm-laaghout, in die volgende stukke gesaag: een 820 x 660 mm (rugplank) een 600 x 200 mm (rak) een 360 x 200 mm (rak) • een 19 mm-hout-tappen • vier 10 mm-Rawl-boute • 120-grint-skuurpapier GEREEDSKAP • koordlose boor, 8 mm-houtboorpunt en 19 mm-plaatboorpunt • 54 mm-gatsaag • potlood • maatband • liniaal • 10 mmmoersleutel • elektriese boor en 10 mmbetonboorpunt So maak jy... 1 Meet en merk die volgende punte teen die lang sye…

Witwarm erfstuk Michelle Janse van Rensburg van Vaaloewer skryf Ons stoof, met die datummerk 1938, is in ’n goeie toestand; hoeveel sou dit werd wees? Inge Beck van Ashbey’s Galleries antwoord Dis ’n vintageelektriese stoof van Detroit, Michigan. Detroit was lank gelede die wêreld se “stoof-hoofstad” en die Michigan Stove Company het in 1893 die heel eerste elektriese stoof by die Chicago Exposition ten toon gestel. OUDERDOM 20ste eeu WAARDE R2 000–R4 000 Aan die brand Judi Muller van Alberton skryf Ek het hierdie brandblusser sowat 40 jaar gelede gekry; het dit enige waarde? Inge Beck antwoord Jou brandblusser is ’n vintage-model deur Boyd; dis gemaak van geelkoper en rooikoper en is uiters gesog onder brandbestryders en versamelaars. Met ou brandblussers is daar veiligheidsrisiko’s betrokke, want dit kan…

Osteoartritis in troeteldiere John Myburgh van Johannesburg skryf My ouer labrador-kruising is dol oor stappies en hadidas jaag, maar hy beweeg deesdae stadiger. Dit lyk of hy pyn in sy regteragterbeen het. Wat kan die probleem wees? Dr. Guy Fyvie, veeartsenykundige adviseur by Hill’s Pet Nutrition SA, antwoord Dit is klassieke tekens van osteoartritis, die algemeenste oorsaak van chroniese pyn by honde. Osteoartritis is skade en inflammasie in ’n gewrig en die omringende weefsel; dit veroorsaak pyn, soms swelling en minder beweeglikheid. Gewrigte “verslyt” gewoonlik weens ouderdom, en die situasie word vererger deur ekstra gewig of iets soos heup- of elmboog-displasie, wat vir jare onontdek kan wees. Kyk ook uit vir dié tekens: Jou hond staan moeilik op (veral in koue weer) en sukkel met trappe en ongelyk oppervlakke.…

Woestynrosies is perfek vir ’n rotstuin, in ’n pot op ’n stoep of as ’n massa-aanplanting in jou tuin!  Selfs al is jy nie ’n vetplantliefhebber nie, is die kanse goed dat Echeverias, oftewel woestynrosies, jou hart sal steel! Met hul grysblou blare al in die rondte in ’n rosetvorm is dié vetplantjies regte staatmakers. Hulle kom oorspronklik van Mexiko en Sentraal-Amerika, waar soortgelyke strawwe klimaatstoestande as hier heers. Woestynrosies groei maklik, is droogtebestand, lyk mooi as hulle in ’n groot groep geplant word, werk goed as ’n waterwys grondbedekker en is perfek vir ’n pot. Hulle dra ook blommetjies op dun steeltjies wat bo die plant uitgroei. Plant jou woestynrosies in baie goed gedreineerde grond in volson of halfskaduwee. Maak goed nat wanneer jy water gee, maar…

Lantana (Lantana camara) is ’n onnet struik met ’n spreidende groeiwyse wat 2m of hoër kan groei. Dit word as ornamentele plant en heining geplant. Alle saaddraende spesies of hibriede wat nie inheems in Suid-Afrika is nie, word as indringers geklassifiseer. Lantanas dra veelkleurige pienk, rooi, dieprooi, oranje, geel of wit blomme in kompakte blomkoppe van September tot April. Die takke en stingels is oortrek met krom dorings; die blare is donkergroen en harig aan die bokant en ligter aan die onderkant en kan velirritasie veroorsaak. Lantana dra ook blinkgroen vrugte wat persswart verkleur. Die plant, wat deur saad versprei, is ’n probleem in die Wes-Kaap, Oos-Kaap, KwaZulu-Natal, Mpumalanga, Limpopo en Noordwes. Indringerstatus Die plant is ’n Kategorie 1b-indringer, wat beteken jy kan vervolg word as dit op jou eiendom…

Cruffins Genoeg vir 12 Bereidingstyd: 30 minute, plus sowat 1 uur rystyd Baktyd: 25 minute Oondtemperatuur: 180°C •  750g winkel-brooddeeg VULSEL • 250 g botter, sag• 45 ml versiersuiker   1 Maak seker die deeg is by kamertemperatuur. Druk dit met jou hand plat en sny in 6 ewe groot stukke. Klits die botter en versiersuiker saam tot die botter lekker lig en smeerbaar is en klamp jou pastamasjien aan jou werkblad, reg om te gebruik.   2 Stel die pastamasjien op sy dikste stelling en rol al 6 stukke deeg deur dié stelling. Gebruik ’n bietjie meel indien nodig om te keer dat dit vassit. Rol nou al 6 stukke deur die tweede grootste stelling, dan die derde en gaan so voort tot by die tweede laaste stelling. Ons pastamasjien het…

My oog vang ’n artikel deur Tom Goodwin, ’n jong man wat in m die hoogs mededingende advertensie-en-bemarkingsbedryf werk. Ek lees met groot plesier wat die jongeling sê: “Why I miss old people in the workplace.” Goodwin se artikel gaan oor die hedendaagse beroepswêreld wat obsessief daarop ingestel is om jong mense in die werkplek aan te stel. Jong mense het matelose energie, briljante idees en tegnologiese vaardighede, alles wat nodig is vir sukses in die bedryfslewe. Terselfdertyd word argeloos van al die “ou hout” ontslae geraak. Want wat weet ’n ou oom of tannie van vyftig nou eintlik van die moderne lewe, die supersnel ontwikkelende tegnologie, sosiale media en die internet? Dis ’n verkeerde strategie, sê die (oulike) jong man. Al het jong mense verstommende visie, briljante kreatiewe denke…

OP DIE KASSIE Die argitek George Clarke is terug vir ’n splinternuwe seisoen van Restoration Man (seisoen 4 begin op 5 Junie op The Home Channel, kanaal 176 op DStv). Hy reis die Verenigde Koninkryk plat om verwaarloosde geskiedkundige geboue te omskep in pragtige, besonderse wonings. Moet dit nie misloop nie! Port Elizabeth Homemakers Expo 2017 22–25 Junie: Die Boardwalkuitstalsentrum Kry al die inspirasie, raad en produkte wat jy kort om jou huis na jou smaak te versier. Tussendeur kan besoekers smul aan watertandgeregte, plaaslike wyn en spesialisbier. Kaartjies kos R40 vir volwassenes, R20 vir pensioentrekkers; kinders onder 12 kan gratis ingaan. Besoek homemakersonline.co.za. Good Food & Wine Show 2–4 Junie: KIKS, Kaapstad Bly op hoogte met al die jongste neigings en skuur skouers met glansmense in die kosbedryf, soos…

[HOUT] Wat atmosfeer betref, is daar min dinge so lekker soos ’n houtkaggel. Maar nie alle houtkaggels is eenders nie. SMEULKAGGELS met ’n glasdeurtjie voor is baie meer energiedoeltreffend as ’n gewone kaggel, en dit brand ook langer voor dit nodig is om nog stompe by te voeg. Dit kan ook jou huis deur die nag warm hou. Wees net gewaarsku: ’n smeulkaggel van goeie gehalte kan nogal ’n aardige bedraggie kos! KOSTE R4990 tot baie duur OOP KAGGELS is baie bekostigbaar en skep ’n lieflike atmosfeer. Dis egter nie baie doeltreffend nie, want sowat 60–80% van die kaggel se hitte ontsnap deur die skoorsteen. Dit gebruik ook baie hout – trouens, net 5% van die hout se energie word in hitte omskep! En as die reuk vir jou…

PROJEKGIDS  Harde werk 1/10 Vaardigheidsvlak 2/10 Tyd nodig 3 uur Doen dit self vir ± R240 (1m lap R100, donsstring R60, tou R10, koordknyper R3, 2 groot swart knope R7, borduurgare R20, vilt R40) Wat jy nodig het INKOPIELYS • 1 m lap van jou keuse (ons s’n is 1,5 m breed)• gare• 2 metaal-ogies• 1 m donsstring vir die ore• 2 stukkies vilt vir die oogklap en neus• 2 groot swart knope vir die oë• swart borduurgare• 2 m nylonkoord• koordknyper GEREEDSKAP • potlood• L-liniaal• naaimasjien• omkapmasjien• skêr• maatband• spelde• gaatjiepons• hamer• naald• borduurnaald• haakspeld Stap vir stap... 1 Vou die lap dubbel met die selfkante (die geweefde materiaalrand wat nie kan uitrafel nie) op mekaar; meet en sny 400 mm van een sy af sodat die gevoude lap 750 x 600 mm groot is. 2 Hou die lap gevou (met die regte kant na binne) en stik die lang…

Vurige vertoning Ronel Coetzee van Vaalpark, Sasolburg skryf Ek het dié treffende blomplant present gekry; weet jy dalk wat sy naam is? JJ antwoord Dis die inheemse bolplant Scadoxus puniceus, ook bekend as die rooikwas. Verskriklike lasposte Rachel Simpson van Kokstad skryf Ek sukkel om ’n swerm helderkleurige sprinkane in dele van ons tuin uit te roei. Hulle vreet als wat voorkom en verwoes die tuin wat ek vrou-alleen in ’n woesteny op die been gebring het. Ek is desperaat! JJ antwoord Sprinkane kan ’n ware pes wees! Ek stel voor jy probeer Karbaspray van Efekto. Jy kan dit met water verdun soos op die bottel aangedui en direk op die aangetaste plante spuit; dit behoort die probleem gou-gou op te los. KONTAK JJ van Rensburg is ’n…

Met inspirasie uit die kleure, aromas en bekoring van speserye sal Colours of Spice, Le Creuset se splinternuwe kookware-versameling, jou kombuis nuwe lewe gee. Dié witwarm reeks – van Petite Bowls tot Indian Condiment Jars – sal enige gereg pragtig afrond. ELKE GESKENKPAK TER WAARDE VAN R5 175 BESTAAN UIT: • 1 x Le Creuset 26 cm Signature Round Casserole • 1 x Le Creuset Classic Salt Mill (20,5 cm) • 1 x Le Creuset Classic Pepper Mill (20,5 cm) • 1 x Le Creuset Indian Condiment Jar • 3 x Le Creuset Petite Bowls Vir nog inligting, skakel 0861 177 3321 of besoek lecreuset.co.za. Kookware van topgehalte Le Creuset word al vir bykans ’n eeu erken vir hul uitnemende produkte in die lieflikste kleure van die reënboog. Hul voortreflike kookware-reekse bied alles wat jy…

Ons paneel Neville Orsmond van Create a Landscape in Pretoria, ’n ou bekende in Tuis, het 12 jaar ondervinding van tuinuitleg. Petro Jacobs van Petro Landscaping in Kaapstad was ’n onderwyser voor sy by tuinontwerp betrokke geraak het. Sarah Stevens werk as tuinboukundige en landskapontwerper in Port Elizabeth. Sharon Walker van Sharon Walker Designs in Bloemfontein is hoof van die Sharon Walker School of Gardening en mede-outeur van Sinvolle tuinontwerp. LEIKLIP Leiklip is ’n wonderlike medium vir tuinpaadjies, glo Petro. Dis ’n natuurlike produk en kan in verskillende vorms, groottes en kleure gekoop word. Onthou wel dat dit dunner is as ’n plaveisteen en maklik kan kraak of breek as die grond nie vooraf gelyk gemaak is nie. GRUIS Gruis is ideaal in tuine waar dreinering…

V: Ek woon in Kaapstad en my ‘Clocolan’- roos het ’n erge infestasie van wat lyk soos spinmyt. Ek oorweeg dit om die roos te snoei om van die aangetaste blare ontslae te raak. Is dit te vroeg? Ek sal jou aanraai om liefs monsters na ons Wynberg-tak by Chart Farm, Klaasensweg te neem vir korrekte identifikasie van die probleem en ’n plan van aksie. Indien dit veroorsaak word deur rooispinmyt, of, waarskynliker nog, plantluise, sal die plaag die nuwe blare infekteer as jy snoei – die infestasie moet eers heeltemal uitgeroei word Moet dus nie terugsnoei nie; spuit eerder met Milbeknock vir rooispinmyt of Plant Care vir plantluise. Spuit weer ’n week later met Milbeknock om pas uitgebroeide myte dood te maak. Vir plantluise spuit jy sodra nuwe groei…

WEN BRIEF My Tuis-genot Iris Whitfield van Sedgefield skryf Ek lees elke maand die Tuis van voor tot agter; ek kyk nie eens na die inhoudsopgawe nie, want elke omblaai is soos ’n groot geskenk. Ek ruik letterlik aan die boek voor ek dit met ’n lekkerte begin lees wat soos ’n koel seebriesie voel. En behoed dié wat mý Tuis beetkry voor ek dit deurgelees het ... Daarna is hulle welkom, en dan word dit baie mooi gebêre vir anderdag se naslaan en gebruik. Een Sondag gaan ek saam met ’n vriendin kerk toe. Ná die tyd hou sy vinnig stil by die winkel en ek besluit om sommer gou ’n brood te gaan koop. Tot my plesier sien ek die nuwe Tuis op die rak en ek koop…

WARM KOPIES As jy hou van geometriese vorms, is dié metaalhanglampe van K. Light so reg in jou kraal. Die treffende ligte (R1670 elk) is beskikbaar in swart en wit, en die binnekant van die skerms het ’n pragtige goue kleur. Loer by klight.co.za en koop dan by lighandelaars landwyd. Dis g’n wonder dat blou in al sy skakerings steeds gewild is as dekorkleur nie – dis rustig, pragtig en o, so veelsydig. Ons is dol oor dié bekostigbare MRP Home-reeks deur die Kaapse ontwerper Gaby Beyers. Dit word The Sea Inside genoem en sluit kunswerke, ’n duvetoortreksel en strooikussings in. Besoek mrphome.com . Moet-hê! As jy van pastelkleure hou, sal jy dol wees oor die nuutste Candy Loveversameling van Urchin Art. Die reeks bestaan uit koppies, bekers, eet-…

Almal in die familie is groot kokke, en ek en Gert kook graag saam. Ons is fanatiese foodies en ons tafels kreun behoorlik onder die lekkerte.– Martie Wie woon hier? Gert en Martie Koegelenberg, en hul kinders, Annieke (20) en Gerrit (12) WAAR Caledon GROOTTE 550m² “Alles is lekker by ons huis, en as ons die slag weggaan, verlang ons gou weer terug soontoe.” So vertel Martie Koegelenberg oor hul sjarmante huis op ’n kleinhoewe in die Overberg. Maar hoe die huis nou lyk, is nie dieselfde prentjie wat hulle ingewag het toe sy en Gert die eiendom die eerste keer, in 2007, gesien het nie. Die plek was verwaarloos en die prys ver bo hul vuurmaakplek – hulle het nie eens by die hek ingery nie. Die…

Wie woon hier? Martina Klopper, Ian Goodes, en hul seun, Kaspar (9) WAAR Boston, Kaapstad GROOTTE 285m² Sy het nog altyd belanggestel in ontwerp en het selfs ’n ruk lank argitektuur gestudeer; hy kom uit ’n familie van timmermanne en sy hande staan vir niks verkeerd nie. Dis dus geen wonder dat Ian, ’n deeltydse fotograaf, en Martina, ’n voltydse datawetenskaplike, nou hul droom as opknappers uitleef nie. Hul jongste projek is dié huis in Boston, Kaapstad, wat in 1967 gebou is; hier wou hulle die binnekant opkikker sonder om die nostalgiese elemente prys te gee. En omdat hulle baie van die werk self gedoen het en reeds heelwat van die dekoritems gehad het, kon hulle wondere verrig ondanks ’n knap begroting. Die paartjie hou van meubels uit die middel…

PROJEKGIDS Harde werk 1/10 Vaardigheidsvlak 2/10 Tyd nodig 3 uur Wat jy nodig het INKOPIELYS • PVA-verf in die kleur van jou keuse; ons het swart en wit gebruik GEREEDSKAP • blou verwersmaskeerband • kwaste (medium en klein) • bordkryt • leer Stap vir stap... 1 Verf die muur met twee lae swart verf. Wag tot dit heeltemal droog is en merk die boomstamme uit met die maskeerband. Onthou, bome groei nie perfek boontoe nie; jou lyne moet organies lyk. 2 Verf die stamme met 2–3 lae wit verf; laat dit heeltemal droog word en trek die maskeerband af. 3 Teken nou die takke met die bordkryt. Wanneer jy tevrede is met hul posisie, verf dit met die klein kwassie en vee dan die krytmerke af. 4 Tik die punt…

Is dit veilig? Heidri van Eeden van Welgemoed skryf Ons oorweeg dit om deursigtige diefwering te installeer. Ek hou van die voorkoms, en die idee dat die huis minder soos ’n tronk sal voel. Maar nou lees ek in die koerant dit word ’n “stille moordenaar” genoem omdat inbrekers dit kan afsny met iets so maklik verkrygbaars soos ’n crème brûlée-blaasvlam. Is dit waar? Paul van Blerk van Trellidor antwoord Polikarbonaat-stawe is baie gewild omdat dit deursigtig is en word hoofsaaklik gebruik om apies en bobbejane uit te hou op landgoedere waar sigbare diefwering nie meer toegelaat word nie. Trellidor Polycarbonate Bars word versterk met ’n raamwerk en peutervrye hegstukke, maar is net geskik vir areas met ’n lae veiligheidsrisiko. “Peutervry” beteken ons gebruik skroewe wat net verwyder kan…

Dis nou lekker! Ellie die gebreide olifant hou dié kiets knus. – Carla Hauman, Bloemfontein Nat neusies Misha die beagle en Levi die schnauzer baljaar alte lekker ná ’n haelstorm. – Danita Els, Bloemfontein Salige lot! Die Skotse terriër Charlie het sy plekkie in die son gevind. – Marguerite van der Merwe, Faerie Glen Nuut op die mark! Die Catit Design Senses Grass Garden Kit (R460, shingavet.co.za) bied al die gesondheidsvoordele van gras vir binnenshuise katte. Gras is ’n natuurlike bron van vesel wat goeie spysvertering by katte bevorder; dit help ook haarbolle voorkom. Dis ’n veilige, ekovriendelike manier vir katte om gesond te bly! Vroeg uit die vere Kat-toen bak in die winterson in ’n bonsai-pot op die stoep. – Evert de Ruiter, Johannesburg Kop in een mus Peanut…

Take vir Junie Deur Kay Montgomery 1 Plante vir koue tuine Moenie bekommerd wees as jy in ’n baie koue deel van die land woon nie; daar is plante wat in jou tuin sal aard: • Die inheemse blinkblaar (Rhamnus prinoides) is rypbestand en het immergroen blink blare en klein rooi bessies. • Rypbestande Hellebore orientalis- hibriede begin vroeg in die winter blom. Dié langlewende immergroen meerjariges spog met waaiervormige blare en effens hangende groen, pienk, wynrooi of wit blomme, dikwels met fyn kolletjies. Dit vra ryk, goedgedreineerde grond en stippelskadu in die somer. • Voeg kleur by ’n wintertuin met jaarplante soos heuningblommetjies, angeliere, Yslandse papawers, vygies, ornamentele kool, gesiggies, feetjieprimulas (Primula malacoides), vilette, leeubekkies en viooltjies vir afronding langs paadjies, in potte, hangmandjies, vensterbokse en rotstuine. • Konifere…

In emeritus-aartsbiskop Desmond Tutu se woorde: ‘Ek hou van T-been-steaks omdat hulle dieselfde vorm as Afrika het.’ Om dié rede, danksy sy vorm, kan jy aanvoer dat die T-been meer Suid-Afrikaans as die ander steak-snitte is. – Jan Braai, Die Demokratiese Republiek van Braai Oondgeroosterde T-been met vleissous Maak dié lekker ryk sous terwyl die steak in die oond is. As jy die vuur wil aansteek en die groot stuk vleis lank en stadig wil braai, is jy welkom. Genoeg vir 4 Bereidingstyd: 35 minute Gaarmaaktyd: 1 uur 30 minute Oondtemperatuur: 140°C •  10 ml heel koljander, geskroei• 15 ml mosterdpoeier• 5 ml elk komyn en rooipeper• ’n takkie roosmaryn• sowat 20 ml seesoutvlokkies• ’n T-been-steak van 1,5 kg ROOIWYNSOUS • 150 g beesbene (maak seker daar is minstens een murgbeen by)• 3 salotte, gekap• 1…

Dié maklike beslag vorm die basis van ons drie stroperige resepte. BASIESE BESLAG • 175 ml karringmelk• 30 ml olie• 2 ekstragroot eiers, geskei• 100 g (180 ml) bruismeel• 30 ml Huletts Castor Sugar• knippie sout Klits die karringmelk, olie en eiergele saam. Sif die meel. Klits die eierwitte en strooisuiker saam tot dit stywe punte vorm. Vou die meel en eierwit by die karringmelkmengsel in en laat rus vir 20 minute. 1 Plaatkoekies met gekaramelliseerde spek •  8 repies spek• 30 ml Huletts Maple Flavoured Syrup, plus ekstra vir voorsit• 15 ml olyfolie• 1 hoeveelheid basiese beslag• oondgeroosterde kersietamaties• vars basilie of origanum 1 Braai die spek in ’n kleefvrye pan tot amper bros; moenie enige ekstra olie gebruik nie. Sprinkel die stroop oor en braai tot gekaramelliseer – pasop dat dit nie brand nie. Hou eenkant. 2 Gooi ’n…

Vier Suid-Afrika! Homegrown (R330; Jacana Media), deur die Ultimate Braai Master-aanbieder en sjef Bertus Basson, spog met resepte uit sy persoonlike en ons nasionale erfenis. Daar is staatmakers soos snoek met appelkoosglaseersel en tamatiefrikkadelle, asook fyner geregte soos gebraaide seekat met kappertjie-pasta. Lê weg Bosjes Kombuis, ’n nuwe eetplek op Bosjes Farm tussen Worcester en Ceres, spog met ’n eenvoudige, moderne spyskaart deur die sjefs Pete Goffe-Wood en Kim Cox (ons is dol oor die forel-koekies). Op een muur het die kunstenaars Lucie de Moyencourt en Michael Chandler ’n boom van die lewe in Delft-styl geskep wat die fauna en flora van die omgewing uitbeeld. Die restaurant is Woensdae tot Sondae oop vir middagete en bespreking is noodsaaklik. Skakel 023 004 0496 en besoek bosjes.co.za. Vinnig en maklik Eetrite Aluminium-burgerpers…