Innholdsfortegnelse for January 2017 i Tuis

Laas jaar besluit ek dis Jan Tuisbly se karretjie vir my. Te moeg vir reëlings tref, planne maak – en bowenal, daar’s huistakies wat al heeljaar pla; dit moet klaarkom. Want kom die nuwe jaar, is daar weer nuwe probleme. Fout. Dit word uiteindelik ’n uitgerekte vakansie vol handlangers en verfblikke en oneindige besoeke aan die ysterwarewinkel (dikwels sonder sukses, want daai tyd van die jaar is net mooi als uitverkoop en “Nee meneer, die suppliers is mos nou toe...”). Een binnedeur in my huis het nou nog ’n ou knip, want hier is dit nou ’n jaar later en ek was nog nooit terug winkel toe om die nuwe knip te gaan koop nie. Hierdie jaar besluit ek: Nie weer nie. Ek bespreek ’n vakansie weg, stuur e-pos vir…

[HOU DOP!] WIE Donald Nxumalo WAAR Johannesburg SY WERK Hertex Fabrics het kragte saamgesnoer met die binnenshuise ontwerper Donald Nxumalo vir A-List, ’n versameling materiaal wat spog met ryk teksture, metaalkleure en blinkmooi versierings. Sy inspirasie? Die Goudstad. “Vir my is Johannesburg sinoniem met glansryke metaalkleure en blinkertjies,” sê Donald. “Die wonder van lap is dat elkeen daarmee ’n bietjie luuksheid kan ervaar; of jy nou ’n hele rusbank daarmee stoffeer of net ’n strooikussing oortrek, jy kan jou ruimte opkikker en ’n bietjie van daardie glansryke leefstyl ervaar, ongeag jou begroting. Dis my visie vir dié versameling.” Pryse vir A-List-lap begin by R605/m; besoek hertex.co.za. [WARM KOPIES] Besoek monoshop.co.za  vir mooigoed in die Skandi-styl – soos dié minimalistiese kalender wat jou daaraan herinner om elke…

 Bridget Impey en Maggie Davey het jare lank een besige stad (Johannesburg) vir ’n ander (Kaapstad) verruil wanneer hulle met vakansie gegaan het. Maar waarna hulle eintlik gesmag het, was ’n ware wegbreek; toe besluit hulle om die vakansiehuis van hul drome te bou – ’n afgesonderde huisie onafhanklik van die kragnetwerk buite Suurbraak. Ons is mal oor die gevoel van buite en binne wat soos een voel. – Bridget “Hier kweek gesinne nog hul eie groente, jong mans ry hul perde bloots deur die dorp en almal swem saam in die Buffeljagsrivier,” sê Bridget. Die paartjie het die 1 800 m²-erf in 2004 gekoop. Dis omring deur ’n boekenhoutwoud en sowat 3 km buite die middedorp. “Die omgewing was vir ons wild en idillies, en die eiendom was bekostigbaar,”…

’n Gesellige ruimte Tessa Smith van Winburg skryf Ons ou lapa het ’n bêreplek geword en ek wil dit graag weer gebruik vir onthaal, veral omdat dit wonderlik koel in die somer is. Ek wil ’n moderne voorkoms met ’n tikkie vintage-styl hê; ek wil ook die mure verf, maar is nie seker watter kleur nie. Die vloer is lelik en ek weet nie of ek dit moet teël of verf nie. Winburg het ook baie ongeteerde strate, so ons sukkel verskriklik met stof – ons moes selfs ons swembad bedek! Ek sou enige praktiese, bekostigbare raad waardeer; ek wil so graag ’n gesellige kuierarea skep. Isabel Barends van Love Lemon Interiors en Liza Louw van Paint Effects antwoord Die eerste stap is om ontslae te raak van alles wat…

Stylvolle stel Terrence Brits van Brackenfell in Kaapstad skryf Ek het dié sesstuk-eetservies by my tante geërf. Dit bestaan uit pierings, koppies, kleinbordjies, grootborde, poedingbakkies en ’n paar groter bakke. Het dit enige waarde? Ainsley Taylor van Stephan Welz & Co. antwoord Dié stel is van ’n onderneming genaamd Noritake, wat in 1904 deur twee Japannese broers gestig is. Hulle het in die vroeë 1920’s monteerbaan-tegnieke ingestel, bekostigbare breekgoed van hoë gehalte in groot maat begin vervaardig en wêreldwyd uitgevoer. Die onderneming floreer vandag nog. OUDERDOM 1920 WAARDE R1000 Koel kalant Rudi Swart van Lynnwood, Pretoria, skryf Ek het dié antieke yskas in 1970 in Pretoria gekoop. Ons het dit gebruik om drankies koud te hou vir partytjies: Jy sit ys bo-in en die koue water drup deur…

Ons weet almal dat plante die vermoë het om koolstofdioksied (koolsuurgas of CO2 ) uit die atmosfeer op te neem. Maar min mense besef dat ons in Suid-Afrika ’n inheemse plant het wat meer van dié kweekhuisgas – die rede vir aardverwarming – as die meeste ander plante absorbeer. Ons eie spekboom, van die Portulacaria-genus, is doeltreffender met CO 2 -opname as selfs die bome van ’n tropiese reënwoud. Enigeen wat dié boompie plant, doen die wêreld ’n guns. Spekboom, met sy vetplantagtige blare, is waterwys en verg min onderhoud. En makliker om te kweek kan jy nie vra nie, want selfs blare of stukkies van die plant wat afbreek en op die grond beland, sal worteltjies maak. Dit is dus maklik om jou eie plante te maak met behulp…

V: Ek wil my ‘Purple Glow’-roos oorplant, maar dis oortrek met knoppe. Is dit ’n probleem? Dis baie beter om ’n gevestigde roos in die winter te skuif wanneer die plant se waterbehoeftes minimaal is, aangesien dit ’n paar dae neem om nuwe haarwortels te maak. Dis nie die beste idee om ’n ouer roos in die somer oor te plant nie. Die wydverspreide wortelstelsel word afgekap en die blare sal binne minute verwelk. Die kanse is skraal dat jou roos in die nuwe posisie sal groei. Jonger rose sal die proses ’n bietjie beter hanteer, solank jy dit met ’n groot wortelbal met genoeg haarwortels uitgrawe. Sny nietemin al die knoppe en groeipunte ’n week voor die tyd af sodat die oorblywende blare ontwikkel en nie verwelk wanneer dit…

Varkworsrolletjies • 1 rol (400 g) goeie blaardeeg• 8 skyfies (sowat 125 g) dun ham• 30 ml korrelmosterd• 6 vars varkworsies, vel verwyder• ½ klein wit ui, fyngekap• 4 gemarineerde songedroogde tamaties, gekap• 15 ml platblaarpietersielie, fyngekap• 1 eier, geklits• 10 ml sesamsaad 1 Rol die deeg oop op ’n skoon werkoppervlak en sny dit in twee ewe groot lengtes. Pak nou 4 velletjies ham oor die lengte op elke deegstrook en smeer 15 ml mosterd oor elke strook. Voeg al die worsvleis saam en rol dit in twee lang worse. Meng die ui, tamaties en kruie en rol die vleis daarin. 2 Plaas ’n worslengte op elke voorbereide deegstrook. Rol nou versigtig die deeg oor die vleis om twee lang worsrolle te vorm. Sny elke lengte in vier gelyke dele (sny tussen die velletjies ham) en maak drie…

WENBRIEF Askies, Pappa Connie Garrard van Kaapsche Hoop, Mpumalanga, skryf As afgetredenes lei ons steeds ’n besige lewe en tussendeur koop, kyk en kuier ons saam met Tuis. So vorm daar stapeltjies tydskrifte oral in ons huis wat nog stadig deurgegaan moet word... Tot my ultranetjiese man op ’n dag sy voet dwars sit: “Sorteer uit!” kom die opdrag. Terwyl ek aansterk ná my wintergriep gaan ek rustig al my tydskrif-versamelings deur en gooi ’n hele klomp van die bekendes uit vir herwinning. Maar askies, Pappa, noudat ek weer na my Tuis-tydskrifte kyk, is daar nie ’n kat se kans dat ek van hierdie kosbare inspirasie ontslae gaan raak nie! Ek pak hulle netjies in ’n bondeltjie op die bed en toe hy inkom met ’n rooibosteetjie, voel ek stukke…

Dis regtig so lekker dat als byderhand is wanneer ek kook en ek nog steeds kan deel voel van die geselskap.– Linda Hulle het jare lank prente uit tydskrifte geknip wat uitbeeld hoe hul droomhuis moet lyk. Op hul gedeelde Pinterest-aansteekbord was foto’s van landelike dekor, Victoriaanse badkamers, titsels kleur teen wit agtergronde en oopplan-ruimtes met ontblote houtbalke. Maar die huis wat Linda, ’n grafiese kunstenaar, en Almarie, ’n afgetrede skoolhoof, in 2014 gekoop het, was ’n ou houthuis met oudmodiese dekor, ’n klomp klein, somber vertrekke en ’n oorgroeide tuin. “Dit was ’n seeroog, maar ons was dadelik verlief,” sê Linda van dié tweeslaapkamerhuis op die kusdorpie Sedgefield op die Tuinroete. Die paartjie, wat al sewe jaar getroud is, het eers in Table View, Kaapstad, gewoon. Hulle het baie…

Gerief kraai koning Al die planne vir binne is deeglik deurdink en deurgewerk oor etlike glase van Gert se tuisgemaakte merlot. Martie vertel: • Gert het staalrame vir al die beddens en kaste gemaak sodat dit stewig is wanneer ons oor ruwe terrein toer. • Elektrisiteit is Gert se spesialiteit en die bus spog met vele kragpunte vir USB-, twee- en driepuntproppe. Die dakliggies was ’n uitdaging weens die beperkte ruimte tussen die plafon en die staaldak, maar Gert het lank gesoek vir pragtige individuele LUD-liggies en dit netjies geïnstalleer. • Die miniatuur-warmwatersilinder werk met gas, 12 volt en 220 volt. Ek kamp in styl met warm water in my kombuis en badkamer, waar ek ook al is. Vir stort slaan ons ’n afskorting op. Ons kan die badkamer se…

Dink nuut oor weggooigoed – as jy weet hoe, kan selfs ’n emmer en melkkan sitplek word ... ... of haal jou gereedskapkis uit en maak dié romantiese bankie vir twee! PROJEK # 1 Melkkan-stoeltjie Wat jy nodig het PROJEKGIDS  Harde werk 1/10 Vaardigheidsvlak 2/10 Tyd nodig 2 uur Maak dit self vir ± R305 (melkkan R200, spons R25, lap R60, watteersel R20) INKOPIELYS •  ou melkkan• 0,5 m lap van jou keuse• omboorsel in ’n kontrasterende kleur• ronde 60 mm-hoëdigtheidspons, 320 mm in deursnee• afvalstuk spaanderbord• kontakkleefmiddel• 1 m watteersel• twee 4 mm x 40 mmselfsnyskroewe•  twee 5 mm x 20 mm- plat wasters GEREEDSKAP •  naaimasjien• figuursaag• skroewedraaier• maatband• skêr• kramgeweer• spelde Stap vir stap... Trek die vorm van die spons op die spaanderbord af en saag dit met die figuursaag uit. Knip ’n 120 mm-strook oor die breedte van…

V: Waar kan ek die stortpyp en -kop op bladsy 32 van die Oktober-uitgawe kry? – Shelli Palframan A: Volgens On Tap (033 345 1647, ontap.co.za) is die stortpyp (kode: SAC05) van hul verskaffer Stunning Bathrooms; die stortkop is ’n Croma 100 multi-stortroos (kode: 28460000) van Hansgrohe. V: Ek wil skakerings van grys, soos die kleur op die muur op bladsy 59 van die Junie-uitgawe, op aksentmure in my huis gebruik. Watter verfreeks stel julle voor? – Cheryl Muller A: Dié muur is in ons eie DIY Deon se braaikamer; hy beveel die Dulux Night Jewels-reeks aan, wat etlike skakerings van grys insluit. V: In die November 2015-uitgawe het julle ’n tuinstorie oor Sint Josefslelies gedoen. Ek soek oral na bolle – waar kan ek dit kry? – Leigh Bowker…

Draai oop die krane Spikey is ’n ware waterbaba – maar van seewater wil hy niks weet nie! – Estelle Zamudio, Groot-Brakrivier Bad toe met jou! Rocket het hom gate uit geniet op Kommetjie se strand. – Sarah Cornwell, Kaapstad So salig Bella kry ’n lekker koel lêplek. – Soretha Botha, Kaapstad Hokaai, ou maat! Brandy se eerste kennismaking met ’n krap op Koningstrand was skreeusnaaks! – Gentle du Plessis, Port Elizabeth Vang hom! Molly, Georgie, Daisy en Riley sit en wag geduldig vir die volgende tennisbal. – Tanja Bruce, Linden NUUT Soos ons het troeteldiere ook beskerming teen die son nodig! PetScreen SPF23 (R75, shingavet.co.za) is ’n breëspektrumsonskerm wat spesiaal geformuleer is vir honde, katte en perde. Kyk diep in my oë Mia hou wel nie van die strand…

Ek spit nie graag in my beddings nie, want dit versteur die grondorganismes – en my erdwurms! – Sally Vet erdwurms is Sally Pretorius se grootste sukses. “Toe ek my tuin begin het, was daar dele waar nie eens ’n enkele erdwurm was nie. Vandag is hulle so groot dat ek mooi moet kyk of dit nie dalk klein slangetjies is nie!” Dit het Sally vyf jaar gekos om haar tuin op Heidelberg in die Wes-Kaap gevestig te kry, maar vandag kom die dorpsmense graag hierheen om trou- en matriekafskeidfoto’s te neem. “Vandat ek kan onthou het my ma, Monica van Eck, ’n pragtige tuin gehad waarin sy self gewerk het. Sy was lief vir mooi klippe en plante en elkeen van ons drie kinders het ’n deeltjie in…

1 Werk slim met water As daar min reën val of waterbeperkings in jou omgewing ingestel is, is daar wel maniere om dié kosbare hulpbron in jou tuin te bewaar. Probeer dié wenke: • Kies die regte plante Om volwasse bome en struike te vervang, sal net te veel tyd en geld kos – laat hulle dus tydens waterbeperkings voorkeur geniet. Die meeste plante uit die winterreënstreek (soos fynbos), en uit Mediterreense lande (soos laventel) hanteer droë somers goed, terwyl plante uit die somerreënstreek meer gereeld water sal moet kry. • Groepeer plante met soortgelyke waterbehoeftes saam, pleks van volgens kleur of tekstuur. Plant dié wat die meeste water nodig het naby die huis en in groot potte op die patio. Groepeer eerder plante met hoë waterbehoeftes saam in groot potte pleks…

Teen Januarie toring hoog groeiende rose al oor ons kop, wat dit moeilik maak om hul skoonheid te waardeer. Een manier om dit weer ’n hanteerbare hoogte te kry, is om gesonde lote oor twee of drie weke korter te sny. Voor jy ’n loot korter sny, maak seker daar sal gesonde groen blare onder die snit wees. Moenie ’n loot kaal los nie; dit sal sonbrand opdoen en doodgaan. Sny die loot onder die beginpunt van die boonste deel af. As jy na die loot kyk, sal jy duidelik sien hoe dit sedert sy snoei in Julie gegroei het. Moenie als op een slag snoei nie; dit sal te min blare los, wat dan die sapvloei sal affekteer en die plant onder druk plaas. Sny eerder ’n loot of…

Gemarineerde calamarislaai Genoeg vir 4 Bereidingstyd: 30 minute, plus marineertyd Gaarmaaktyd: minder as 1 minuut per sarsie •  1 kg vars of bevrore middelslagcalamaribuise en -koppe• 500 ml melk• 15 ml suurlemoensap• 3 lourierblare• 90 g babaspinasie• 15 ml sesamsaadjies, gerooster• 200 g murgpampoentjiespaghetti• 2 wortels, in linte gesny• wasabi-mayonnaise (opsioneel) MARINADE • 2 rooi brandrissies, ontpit en gekap• 15 ml sesamolie• 15 ml vissous• 15 ml ryswynasyn• 30 ml lemmetjiesap• gerasperde skil van 1 lemmetjie• knippie bruinsuiker• 5 ml gekapte vars gemmer• 1 klein knoffelhuisie, gekap (opsioneel)• ’n hand vol elk ment en koljander• 3 sprietuie, gekap• 15 ml laesout-sojasous of na smaak   1 Laat week die calamari (vars of bevrore) vir ’n paar uur in die melk. Dit maak die calamari sag. 2 Spoel die calamari af en druk droog (gooi die melk weg). Bring ’n pot water tot kookpunt en voeg die suurlemoensap en lourierblare, sowel…

Tydlose styl Die vintage-mooigoed in ons hoofkosstorie (bladsy 108 ) is van Nerf-af Waterbankie, nou by Durbanweg 168 in Bellville. Loer in as jy op soek is na iets spesiaals. Kry hulle op Facebook by facebook.com/nerfafvintage/. Heerlik en veelsydig Die nuwe Pesto Princesssondroë-tamatiepesto (vanaf R46, pesto.co.za) is onverbeterlik op burgers en broodjies, in pasta en oondgeregte ... Kry dit by supermarkte en deli’s landwyd. Sterk gekrui Hou jy van kook, of het jy ’n familielid wat in die kombuis boer? Die nuwe Nomu Cooks-versameling speserye (R31,95 tot R69,95 elk) en speseryrakke (klein R399; groot R499) sal jou inspireer om ’n hele feesmaal op te tower. Besoek nomu.co.za. Kom ons braai Nataniël se nuutste produkte, soos dié appelkoos-enchimichurri-braaisous (R39,99 vir 375ml), is net te kry by Checkers en Checkers Hyper. Kap…

DEKOR ’n Romantiese huis op Somerset-Wes met tonne Franse sjarme Rig jou onbenutte ruimtes in as Airbnb-verblyf en verdien ’n ekstra inkomste KOS Perfekte pasmaats: Dié geure is gemaak vir mekaar SELFDOEN Hou die muskiete weg met ’n mooi tuisgemaakte skerm KOMBUIS-OPKNAP Ontwerper-sjiek op ’n begroting: ‘Só het ons ons eie sementwerkblaaie gegiet’ TUINE ’n Swellendamse roostuin wat almal sal beny! Volgende maand in tuis Te koop 16 Januarie 2017…

OP DIE KASSIE The Paleo Way (seisoen 1 begin op 7 Januarie op The Home Channel, kanaal 176 op DStv) bied ’n fassinerende blik op die Paleo-dieet. Die glanssjef Pete Evans neem jou op ’n prikkelende kosreis wat kyk na watter soort kos ons voorsate geëet het, met interessante onderhoude deur vooraanstaande voedingskenners. Die Groot Moskousirkus is hier! 1; 5–8; 10; 13–14 Januarie: The Mighty Big Top Tent, Montecasino, Johannesburg Met ’n sensasionele twee uur lange program deur 65 Russiese supersterre en die room van die internasionale sirkuswêreld – die snaaksste narre, dapperste akrobate en sweefkunstenaars – is dié sirkus gesinspret op sy beste! Omdat hulle die wêreld ’n beter plek wil maak, gebruik hulle nie diere nie. Kaartjies kos R195–R595 by computicket.com; besoek greatmoscowcircus.co.za. Pst! Die Groot Moskou-sirkus kom…

Op sy troontjie Dek ’n tafel vol papierkegels met blomme vir elke gas. Dis nie net versiering nie, maar ook ’n mooi huis-toe-neem-geskenkie. DIY Deon het elk van dié staanders gemaak deur drie laaghoutblokkies (een met ’n ronde gat bo) aan mekaar te lym, waarna dit wit geverf is. Jy kan aanplak-etikette gebruik as naamkaartjies, of dit verf met skryfbordverf en so elke gas se plek by die tafel merk. Aanplak-etikette van Mr Price Home Genot aan ’n tou ’n Bakkie lekkergoed is ’n moet in elke huis, of hoe? In Rial Visagie en Daniel Swanepoel se huis op Robertson hang die lekkergoed in ’n glasborrel van Shades of Ngwenya in Johannesburg. Mooi en lekker! >> Verras met blomme “Ek omring my graag met blomme – regte blomme en blommotiewe…

 Wat is die één ding wat ’n huis moet hê om ’n tuiste te wees? Vir Johan en Madeleine Smuts was dit die gemaklike vloei tussen binne en buite wat sinoniem is met Suid-Afrika. “Met ons baie sonskyndae – en, kan ’n mens byvoeg, ons braaikultuur – was dit vir ons heel bo-aan die lys,” sê Johan. Hul vakansiehuis op Vleesbaai vloei van leefkamer na kombuis na buitebraai. Groot oopskuifdeure laat die kuierareas binne en buite een word, en met skuifvensters wat op ’n toonbank net buite die kombuis oopmaak, word niemand ooit van die geselskap uitgesluit nie. Hoewel dit oorwegend die gesin – hulle het drie ongetroude volwasse kinders – se bymekaarkomplek oor Desember is, glip Johan en Madeleine soms vir ’n naweek soontoe; hulle woon immers minder as…

ANNIE VERTEL “Soms kom ek af op ou, afgeleefde meubels, veral laaikaste, met lae en lae verf; dikwels is die nuutste laag ’n moderne, helder kleur. Dit lyk amper asof iemand die verf wou afskraap en toe halfpad deur tou opgegooi het, want al die verskillende kleure is sigbaar. Ek hou baie van dié ‘toevallige’ lae, merkies hier en daar, en titsels kleur wat deurslaan. “Dit verskil heelwat van die subtiele, verweerde voorkoms van ou meubels wat in rustiger kleure geverf is. Die helder kleure gee dit meer oemf en trefkrag. Ek hou veral daarvan as taamlik sterk kleure gebruik is; dalk het dit iets te doen met my liefde vir moderne abstrakte skilderkuns. “Dié ou laaikas met sy mahonie-fineerlaag was in ’n treurige toestand en vir die ashoop bestem…

Speldekussings moet skuif Danie Zeelie van Reebok in die Wes-Kaap skryf Ek het twee speldekussings wat in volle blom is, maar ek moet dit skuif – ons bou ’n muur by ons huis en dis in die pad. Kan ons dit verplant? Ek is bang dit sal nie agterna herstel nie. JJ antwoord Net soos proteas hou speldekussings niks daarvan om geskuif te word nie. As jy moet, stel ek voor jy wag tot die vroeë winter wanneer dit ’n rusperiode binnegaan. Snoei twee-derdes van die takke weg om groei aan te moedig en maak goed nat nadat jy die speldekussing oorgeplant het. Dit bly morsig! Patsy Crisp van Kaapstad skryf Ek woon in ’n woonstel op die grondverdieping en buite is daar ’n bedding met ’n hoë…

Die eienaars van die diere wie se foto’s hier verskyn, wen ’n Car Seat Hammock vir honde of ’n middelslag-Cupcake Bed vir katte van Wagworld (wagworld.co.za). Die hangmat beskerm motorsitplekke teen hare, krapmerke en vullis, terwyl dit honde veilig hou. Die Cupcake Bed het snoesige kunspels aan die een kant en koel katoen aan die ander kant, wat warm is in die winter en koel in die somer. Albei is beskikbaar by voorste veearts- en troeteldierwinkels. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 128.…

Kweek dit so Dié geharde, droogtebestande plant hou van volson en vrugbare grond wat goed dreineer. Sodra dit aangepas het, groei dit vinnig; tot 50 cm hoog en 40 cm breed. Gebruik dit agterin ’n bedding met Japannese anemone en klokkiesblomme of in jou kruietuin saam met knoffel-grasuie, origanum en tiemie. Dit blom einde somer tot in die herfs. Gevestigde plante saai hulself maklik en die saailinge plant maklik oor. Wenk van die maand Plante vaar beter in die wintermaande as hulle nie voor die lente teruggesnoei word nie. Het jy geweet? Bye en skoenlappers is mal oor die blomme. Algemene probleme Die plante kan meeldou opdoen as dit te veel natgemaak word of as grond nie goed dreineer nie. Gebruike Die blomme lok bestuiwers na ’n tuin; hulle droog…

Grenadellablokkies Dié heerlike blokkies moet nog effens fudgy aan die binnekant wees. Genoeg vir een 23 x 23cm-koek Bereidingstyd: 30 minute Baktyd: 45 minute •  100 g botter• 50 ml ligte bruinsuiker• 1 ekstragroot eier• 250 ml meel• 5 ml bakpoeier• 180 ml amandelmeel• 45 ml klappermelk BOLAAG • 150 g botter• 200 ml bruinsuiker• 50 ml heuning• 30 ml grenadellapulp• 1 ekstragroot eier• 100 ml roomkaas• 5 ml vanieljegeursel• 200 g frambose• versiersuiker vir garnering   1 Voorverhit die oond tot 180 °C en voer ’n vierkantige koekpan van 23 x 23 cm met bakpapier uit. Klits die botter en suiker saam tot lig en romerig. Voeg die eier by en klits tot gemeng. Voeg die meel, bakpoeier, amandelmeel en klappermelk by en klits tot net gemeng. Smeer die beslag onder in die voorbereide pan. 2 Vir die bolaag Klits die botter, suiker en…

Mediterreense tortillas Onder R85 • Genoeg vir 32 wiele • Bereidingstyd: 25 minute Gaarmaaktyd: 5 minute Dit kan moeilik wees om tortillas vir inpakkos so te rol dat dit nie gaan mors nie. Dié manier met stokkies omseil die probleem. Rooster 8 tortillas een-een liggies aan albei kante in ’n droë pan – dit maak dit makliker om te hanteer en verbeter die smaak. Smeer ’n dik laag soetrissie-hoemoes, roomkaas of pesto op. Volg nou met 3 skyfies ham, dungesnyde komkommer, kaas en ’n strooisel roket. Rol styf op, steek op vier plekke vas met stokkies en sny in wiele. Pastaslaai met chorizo Onder R120 • Genoeg vir 4 ruim porsies Bereidingstyd: 30 minute • Gaarmaaktyd: 15 minute •  300 g pennepasta• 30 ml olyfolie• 2 (sowat 350 g) chorizoworsies, gekap• 1 soetrissie, gekap• 4 selderyvingers,…

SÓ MAAK JY  1 Sluit aan by mysubs.co.za deur ’n rekening te skep OF meld aan as jy reeds aangesluit het. 2 Soek Tuis en kies die uitgawe waarin jy belangstel. 3 Klik op “Sit in Trollie” en dan op “Betaal”. 4 Vul jou adres op die “Betaal”-blad in en klik op “Betaal Nou”. Jy kan met ’n kredietkaart, debietorder, PayU of elektroniese oordrag (EFT) betaal. 5 Sodra jou betaling afgehandel is, laai die app vir MySubs+ van die Apple- of Google Play-winkel af en meld aan met jou MySubs-besonderhede. Jou tydskrif sal in jou biblioteek verskyn; laai dit af en lees dit op jou tablet of selfoon. Vir navrae oor digitale uitgawes, skakel 086o 697 827 of stuur e-pos na support@mysubs.co.za. As jy vir ’n jaar of langer inteken…

’n Droom wat ek al baie jare lank koester, het onlangs waar geword: ’n Besoek aan Rusland. My aanvanklike droom oor hierdie magtige land was ’n tiener-fantasie, romanties en heeltemal onrealisties. In my geestesoog is ek op ’n treinreis deur Rusland se oneindige steppe. Ek is brandmaer en beeldskoon, met hoë, Slawiese wangbene. Om by hierdie eksotiese voorkoms te pas, het ek lang rooi naels, ’n elegante sigaretkoker (al rook ek nie), en ’n hoed met swart Chantilly-kant wat misterieus oor my oë getrek is. Ek is tragies en beeldskoon, nes Tolstoi se onvergeetlike karakter Anna Karenina. Tydens hierdie reis deur die sneeu lees ek Anna Achmatowa se poësie en staar melancholies na die sneeulandskap buite. Daar is geen aantreklike Rus in hierdie verbeeldingsvlug nie, want as tiener het ek…