Innholdsfortegnelse for June 2015 i Tuis

Kop omhoog Dalena White neem ou skedels en horings, maak dit skoon en versier dit dan met liefde en ’n hekelpen. Stal ’n kudde van dié wolen katoenversierde koppe teen ’n natuurlike agtergrond uit, en kyk hoe kry dit die tonge los... Te kry by Artvark Gallery in Kalkbaai. Steke(l)rig Ons is dol oor Projekt se Fair Tradegehekelde kaktusse. Dit word gemaak deur vakmanne in Houtbaai, en gee trefkrag aan ’n boekrak. Vlieënde vaandels Maak ’n volwasse weergawe van siervlaggies sonder dat dit hul prettige element verloor. Gesoute hekelaars kan ’n verskeidenheid neutrale tone in elke vlag probeer. Perfekte vermomming Verbloem onooglike plastiek-plantpotte met hierdie eenvoudige gehekelde mandjies. En wanneer jou huisplante hul potte ontgroei het, kan dit as bêreplek vir ditjies en datjies dien. VERSKAFFERS Artvark Gallery 021 788…

Verbeel jou die uitgestrekte grasvelde van dié majestueuse bestemming, en jy bevind jou dadelik in ’n landskap wat een is met die natuur. Dié sterkte en harmonie word vasgevang in die outentieke kleurpalet wat sy inspirasie by Moeder Natuur kry. Danksy Dulux is dit nou makliker as ooit om hierdie voorkoms te skep. Die Dulux Colours of the World™-reeks gebruikervriendelike, kleurperfekte kombinasies (geïnspireer deur die mooiste bestemmings ter wêreld) bring aan jou Soulful Kenya™ – ’n palet wat bewys dat kleur nie lewendig en aandagsoekerig hoef te wees om sterk en opwindend te wees nie. Dis so maklik... Kies eenvoudig uit Dulux se Soulful Kenya™-palet van vyf klaargemengde kleure om die avontuur en krag van Kenia vas te vang. Eksperimenteer met kleiner dosisse uit dié palet en skep ’n aksentmuur,…

Hou dop! BESIGHEID Lalla’s Ceramics WIE Helouise Barry WAAR Pretoria HAAR WERK Elke keer dat ons een van Helouise se keramiek-spogstukke in Tuis plaas, word ons oorval deur navrae van lesers wat haar produkte wil koop. “Ek sou my werk beskryf as ’n pot vol son – dis speels en bring my innerlike kind uit,” sê Helouise. “Dit het jare gelede begin as ’n stokperdjie toe ek met pottebakkersklasse begin het. Vandag is dit ’n onderneming wat my soveel genot gee om vreugde in mense se huise te bring. “Wat ek die meeste van my werk geniet, is die verrassing wat ek kry wanneer ek die oonddeur oopmaak en sien wat ek geskep het – en natuurlik die uitdrukking op my klante se gesig.” Helouise se skeppings is te koop…

Oor die huis DIE HUISMENSE Trevor en Diaan Naude en hul seuns, Bernard (8) en John (6) LIGGING Eversdal in die noordelike voorstede van Kaapstad Die lewe het soms ’n manier om dinge gelyk te laat gebeur, en 2006 was so ’n jaar vir Trevor en Diaan Naude. Elkeen het uit hul onderskeie werke bedank en hul eie besigheid begin: die bou en installering van kombuiskaste. En net mooi toe die tweede slaapkamer hul tuiskantoor word, daag Bernard (nou 8) op. “Ons het letterlik uit ons nate begin bars by ons vorige huis, maar nogal lank gesoek voordat ons in September 2007 dié een gekoop het,” vertel Diaan. Dit het die ekstra ruimte gehad waarna hulle op soek was, maar dit was veral die ruim, welige tuin wat die knoop…

Swellendam Die huismense Jacques en Mari-Louise van der Merwe, en hul kinders, Gavin (7) en Giselle (4) Binne-buite-plesier Die Van der Merwes het ’n ou pakkamer wat uit die 1800’s dateer, in ’n braaikamer omskep – nou is dit ’n verlengstuk van die leefruimte by hul huis, wat ook deels gastehuis is. Jacques boer met beeste en wild; dis daarom amper vanselfsprekend dat hulle weekliks braai. Maar die gesin gebruik die vertrek ook daagliks as ontspan- en kuierplek, en die swembad reg langsaan is heerlike afkoelplek vir die kinders in die somer. “En in die winter, wanneer die vuur brand, word dit so gou knus en warm hier dat ons nie eens die koue voel nie,” sê Mari-Louise. Wat laat dié vertrek werk? • ’n Gesellige kuiergevoel danksy vintage-en tweedehandse…

Granny Goose, ’n familieonderneming wat in 1994 gestig is en die voorste kenner op die gebied van natuurlike dons-, veer- en suiwer katoenprodukte is, bied ’n wonderlik veelsydige beddegoedreeks wat jou welstand sal bevorder en jou lewensgehalte verbeter. Die produkte word gemaak van die beste natuurlike materiaal wat nou al sinoniem geword het met uitmuntende gehalte, gemak en blywende genot. Danksy toonlokale oor die hele land en ’n pragtige katalogus met al jou gunstelingprodukte sal jy die duvet vind waarvan jy nog altyd gedroom het – een wat jou warm en snoesig in die winter en koel in die somer sal hou. Besoek grannygoose.com vir nog inligting. DIE PRYS VYF gelukkige lesers kan elk ’n stel weelderige Granny Goose-linne ter waarde van R10000 wen. Die stel sluit die volgende in:…

Ruimte vir verandering Braaikamers is waar gesinne saam eet, speel en kuier – almal aktiwiteite wat ’n vertrek gouer kan laat vuil word as ander, en dus groot eise aan muurafwerking stel. Dis dus belangrik dat die verf in dié vertrek opgewasse moet wees vir die taak. Vir dié braaikamer het die huismense Double Velvet gekies omdat dit duursaam, wasbaar en vlekbestand is en vir tot 15 jaar gewaarborg word. Danksy Plascon se Inspired Colourtintstelsel – beskikbaar in meer as 1 000 winkels in Suid-Afrika – was dit maklik om die regte kleure vir hul kuiervertrek te kies. Plascon Double Velvet Cement Wash vorm die perfekte agtergrond, terwyl Plascon Double Velvet Glorious Gold ’n fokuspunt teen die skoorsteen-mantel skep. Aksentstukke in gewilde kleure uit Plascon se 2015-Colour Forecast rond die…

Blokkuns Elanza de Waal van Malmesbury skryf Ek is dol op die kunsblokke wat op bladsy 28 van jul Maart 2015-uitgawe verskyn het. Kan julle my sê hoe om dit te maak? Sue de Witt, die huiseienaar, antwoord Dis regtig nie moeilik nie. Volg net dié stappe: 1 Saag laaghoutblokke in die grootte wat jy wil hê (myne is 12 x 12cm). 2 Skuur die hout glad, veral die rande. 3 Plak nou die agtergrondpapier met kouelym vas. Jy kan bladmusiek of blaaie van ’n ou boek, of selfs papierdoilies, gebruik. Ek het ook al metaal, keramiek en hout oor die blokke geplak. 4 Seël laastens die papier met Mod Podge. Wenk Jy kan enigiets as versiering gebruik, sê Sue. “Ek het al versamelings harte, blomme en voëls so…

Onder ’n Toskaanse son Lelanie Haasbroek van Nigel skryf Wat kan julle my van dié Paesaggio-vaas vertel? Shona Robie van Stephan Welz & Co. se keramiekafdeling antwoord Dis ’n voorbeeld van 20ste-eeuse Italiaanse maiolica (erdewerk met tin geglasuur), ’n tegniek wat uit die Renaissance dateer en dikwels tonele uit die geskiedenis of legendes uitgebeeld het. Jou vaas vertoon ’n tipies Italiaanse of Toskaanse landskap of paesaggio. Anders as wanneer daar op seildoek geverf word, moet die majolikakunstenaar die ingewikkelde proses van verkleuring begryp, aangesien die pigmente waarmee die keramiek versier word, tydens aanwending almal grys lyk. Die ware kleure kom eers na vore nadat die artikel gebak is. Die nommer 1600 op die basis is ’n fabrieksverwysing, net soos die fatsoen van die vaas self. OUDERDOM 20ste eeu WAARDE…

Speel klaar met skeidingsangs Dalene Jansen van Rensburg van Secunda skryf Ons miniatuur-Malteser, Zoey (18 maande), ly al vandat ons haar op agt weke gekry het aan erge skeidingsangs. Terwyl sy by ons is, wil sy gedurig aangeraak word, en wanneer ons haar net vir ’n paar uur los by iemand wat sy ken, raak sy so siek dat sy opgooi of diarree ontwikkel. Sy sal dan ook niks eet of drink nie. Sodra sy agterkom ons is êrens heen op pad, begin sy onbedaarlik bewe; boonop hou sy niks van ander honde nie. Ons wil so graag hê dat sy gelukkig en spelerig moet wees – wat staan ons te doen? Dr. Elize van Vollenhoven, lid van die S.A. Veeartsenykundevereniging, antwoord Die term “skeidingsangs” verwys na die angstigheid…

Skadubedding 1 Wat en waar? Probleem ’n Groot akkerboom en ander kleiner bome wat die voortuin in skadu hul. Ligging Stellenbosch Grootte 70m² Eienaars Daan en Almari Dercksen Pietman sê • Begin by die begin: Laat snoei die akkerboom sodat hy tot sy reg kan kom. Kry ’n professionele boomsnoeier om dit te doen. • Die tweede stap is om die bome wat vanself opgekom het, uit te haal. Daar is reeds te veel skaduwee in die bedding, wat veroorsaak dat te min lig deurgelaat word. Die wortels van dié ander bome neem daarby onnodig baie van die water en voedingstowwe uit die grond. • Verwyder nou die plaveiblokke, bankies en tafel wat onder die akkerboom staan en maak dit deel van die bestaande skadubedding – sien die plantlys en…

Wat en waar? Huismense Robert en Sabine Kooijman en hul dogters, Femke (13) en Emma (9) Tuin ’n Skadutuin op die Hoëveld Ligging Parktown, Johannesburg Grootte 220m² Robert en Sabine Kooijman se boma is die hart van hul skadutuin. Dit is hier waar die gesin saamkuier, hul vriende met ’n potjie of ’n braai onthaal en die kinders sit en huiswerk doen. Want as jy – soos hulle – van Europa met sy koue winters kom, wil jy soveel moontlik buite wees. “Die boma en ons tuin is vir ons baie spesiaal,” vertel sy. “Ons het in 2006 van Nederland na Johannesburg getrek en sal nooit weer hier weggaan nie. In Nederland leef jy 90 persent van die tyd binne, en hier is jy 90 persent van die tyd buite.…

Take vir Junie 1 In somerreënstreke… • Droë winters skep hoërisiko-areas vir brande. Maak geute skoon en verwyder takke wat oor geboue hang. Hark blare, bas, palmskede en gedroogde varingblare op en snoei dooie of sterwende boomtakke terug. • Moenie ontvlambare materiaal soos dennenaalde naby geboue as deklaag gebruik nie. Gebruik gruis, wat water in die grond laat deursyfer. • Maak plante uit winterreënstreke een keer per week goed nat. • Maak winter- en vroeë lenteblommende bolle, jaarplante en japonikas, asaleas, alperose en magnolias een keer per week nat om te keer dat knoppe afval. • Maak potplante een keer per week nat, of wanneer die bogrond droog is. Maak seker die water dring deur tot die wortel-area. Dormante potplante moet af en toe water kry en moenie heeltemal uitdroog…

V: Watter rose kan ek vir ’n randakker gebruik? Dit hang af van die grootte van jou randakker. In ’n smal randakker stel ek voor jy gebruik kompakte, bosagtige plante wat geil blom van bo na onder, soos ‘Tawny Profusion’ (liggeel), ‘Jealous Joey’, ‘Summer Snow’, ‘Sweet Chariot’ (pers) of ‘Forever Yellow’. Jy kan langer rose agter hulle plant vir ’n volledige roosprentjie. As die langer rose se stele aan die onderkant kaal is, sal die korter rose dit verbloem. Indien jy meer ruimte het, kan jy rose kies wat meer verspreid groei maar steeds netjies gesnoei kan word, soos ‘My Granny’, ‘Deloitte & Touche’ of Sunsation-rose soos ‘Fiery Sunsation’ of enige van die Flower Carpet-rose. ’n Goeie grondbedekker-roos blom nie net aan die einde van die stele nie, maar ook…

Cajun-vis in tamatiesous Onder R100 • Genoeg vir 4 Bereidingstyd: 5 minute • Gaarmaaktyd: 25 minute • 900g stokvisfilette• meel• Cajun-speserye• olie vir vlakbraai• 2 uie, dungesny• 1 blik gekapte tamaties• 100g ongesoute grondboontjies, gekap• ’n hand vol gekapte pietersielie 1 Rol die vis in die meel en geur met die speserye. Vlakbraai in ’n bietjie olie in ’n dikboompan tot alkant bruin. Skep uit en hou eenkant. 2 Braai die uie in nog ’n skeutjie olie in dieselfde pan tot geurig. Voeg die tamaties by en laat prut vir sowat 10 minute. Skep die vis in die sous, sprinkel die neute en kruie oor, proe vir sout en peper en sit voor sodra die vis deurwarm is. Rys of oondgebakte aartappelwiggies is heerlike bykos. Oosterse hoender en rys Onder R95 • Genoeg vir 4 Bereidingstyd: 10 minute…

Warm kopies Die smeeyster-bykomstighede in ons hoofkosstorie (bladsy 106) is die handewerk van die vakman en smid Conrad Hicks. Sy unieke vlymskerp koolstaalmesse, -panne en -oondpanne is alles beskikbaar by The Tool Room by The Bijou in Observatory, Kaapstad. Vind hulle op Facebook, soek vir thetoolroomshowroom, of stuur e-pos na info@blacksmith.co.za. Rolverdeling Pylones Splashkombuispapierhouer R469.95, happygifts.co.za Perfek vir Pa! Justin Bonello se nuutste boek, Road Tripping (R290, Struik Lifestyle), neem ons op ’n kulinêre reis oor die lengte en breedte van Suider-Afrika. Dis geskryf in samewerking met Helena Lombard en bevat 75 resepte – perfekte inspirasie vir braai-entoesiaste met ’n goeie skoot wanderlust en voorkeur vir plaaslike lekkertes. Dis die ideale Vadersdaggeskenk vir ’n kosliefhebber. Bietjie spekskiet Bacon on Bree, ’n deli en eetplek by Breestraat 217, Kaapstad, is die…

Mense wat my ken, weet dat ek ’n kwessie het met geskenke. Ek gee graag geskenke en ek ontvang dit ook graag, mits dit die regte geskenk is. Ek het ’n oneindige hekel aan duur winkelgoed wat sonder siel of gedagte vir my gegee word. Sorrie, maar dit roer niks in die donker kamers van my hart nie. Wat my nóg meer kwel en ontstel, is die waansin van die kommersiële dae in ons oorvol kalender. Natuurlik wil iemand met sy vernaarsdag ’n geskenk hê; dis goed en reg. Maar hoekom moet ’n volwasse persoon op Kersdag ook ’n geskenk kry? En op Valentynsdag, Paasdag, Werkersdag, Vrouedag en al die ander dae wat met ’n hoofletter begin? Deesdae, sien ek, is daar nóg ’n geleentheid vir winkels om geskenke galore…

En watter beter manier om dit te vier as met braaikamers? Dis mos die meeste pa’s se natuurlike habitat. En hoekom dit nie ook mooimaak nie? By Tuis werk dinge so: Regoor die land is stiliste wat die heeltyd soek na huise wat ons kan afneem. Soms is dit ’n hele huis, soms net ’n mooi vertrek, maar altyd is daar iemand iewers – van Pretoria en Bloem tot Swellendam en Kaapstad – aan die uitkyk. Toe ons begin praat van braaikamers, was daar protes uit die Noorde. Nee, het die span daar gesê: In Gauteng braai mense nie in braaikamers nie, hulle braai sommer buite. En toe het die gewone grappies natuurlik gevolg oor hoe onvoorspelbaar (eintlik bedoel hulle treurig!) die Kaapse weer is. Soos nou die dag toe…

WENBRIEF Pophuis-plesier! Rosie Maree van Stellenbosch skryf Ek wil graag my storie met julle deel. Dit het alles begin met beurtkrag. Ek is ’n ontvangsdame en die foon was weens die kragonderbreking doodstil. Ek kry toe ’n plan. Ek het van my Tuis-tydskrifte werk toe geneem en vir my susterskind van so vier jaar oud ’n pophuis gemaak uit bokse, en dit toe met prente uit my tydskrifte versier. Hulle woon in ’n woonstel en sy speel nie graag buite nie omdat sy en ’n paar ander kinders nie oor die weg kom nie. Dit was regtig die moeite werd toe ek haar gesig sien ophelder. Sy vra eers of dit vir haar is, en toe hoekom daar niemand in die huis is nie! Ek het uiteindelik ’n paar goedjies…

Sit gerus Industriële metaalstoele kan koud en onaangenaam in die winter wees, maar eenvoudige gehekelde oortreksels los dié probleem op. Maak dit van sintetiese draad sodat jy dit sommer in die wasmasjien kan gooi. Kop omhoog Dalena White neem ou skedels en honings, maak dit skoon en vensien dit dan met liefde en ’n hekelpen. Stal ’n kudde van dié wolen katoenvensiende koppe teen ’n natuunlike agtengnond uit, en kyk hoe kny dit die tonge los... Te kny by Antvank Galleny in Kalkbaai. Steke(l)rig Ons is dol oon Pnojekt se Fain Tnadegehekelde kaktusse. Dit wond gemaak deun vakmanne in Houtbaai, en gee tnefknag aan ’n boeknak. Vlieënde vaandels Maak ’n volwasse weengawe van sienvlaggies sonden dat dit hul pnettige element venloon. Gesoute hekelaans kan ’n venskeidenheid neutnale tone in elke…

Wat maak ’n boerseun van die Vrystaat as jy hom in die groot stad in ’n klein huisie sit? Hy bou natuurlik ’n braai – of drie! Vra maar vir Thabo Grobbelaar van Woodstock in die Kaap. Thabo (’n bynaam uit sy kinderdae; hy is eintlik Jean-Coert) en sy vrou, Johanette, het in 2003 hul huis uit die 1940’s gekoop. ’n Jaar en ’n half gelede het die Grobbelaars besluit om ’n groot sitkamer en ’n binnebraai vir die koue Kaapse winters aan te bou. Soos met vorige projekte het Thabo, ’n kunsdirekteur in die filmbedryf, met die hulp van ’n bakkiebouer ingespring, en nou is die huis ’n ruim 200m². Die nuwe sitkamer het ook ’n sementvloer gekry, en ’n dubbele oopswaaideur wat die vertrek met die binnehof en…

VERSKAFFERS @home 0860 576 576, home.co.za Biggie Best 021 674 1590, biggiebestwebshop.co.za Ceramic Factory 011 057 4314, ceramicfactory.co.za Coricraft 011 611 8700, coricraft.co.za Cotton On 011 268 3700, cottonon.co.za Game 0861 4263 2273, game.co.za In Good Company 011 447 1628, ingoodcompany.co.za Mr Price Home 0800 212 535, mrphome.com Weylandts 0860 103 400, weylandts.co.za Woolworths 0860 022 002, woolworths.co.za…

Projeknotas • Kyk uit vir ou palette by markte, groentewinkels of houtverskaffers. • Vra by vriende en familie vir ’n ou hek, deur of kassie en herwin die skarniere. Jou plaaslike stortingsterrein is ook ’n skatkis van interessante en nuttige vondste. PROJEKGIDS Harde werk 6/10 Vaardigheidsvlak 6/10 Tyd nodig ± 4 uur Klaar grootte 1 140 mm (l) x 480 mm (b) x 900 mm (h) Maak dit self vir sowat R540: rolwiele R300; lym, skroewe en skuurpapier R100; was R140 (palette, herwinde handvatsel en skarniere uitgesluit) Inkopielys • 6 tot 8 herwinde palette – gebruik die 80 x 80 mm-middelstutte en saag dit in vier lengtes van 700 mm (pote), en gebruik 20 x 100 mm-planke vir die res en saag dit in die volgende lengtes: > vier 1…

V: Waar kan ek die plakpapiercollage in Thelna en Marius Esterhuizen se huis (bladsy 29 in Tuis van Junie 2014) kry? – Sue May, Durban A: Gesels met Yvonne Muller (083 305 7570) van Vivid Moments Photography & Accessories. Sy woon in die Midvaal-omgewing, maar kan produkte per koerier laat aflewer. V: Wat is die naam van die donkerblou muurkleur op bladsy 49 in die Februarie 2015-uitgawe? Dit word as Smudge Pot aangedui, maar lyk of dit van die muurkleur op bladsy 51 verskil. – Petro Wilders, Louis Trichardt A: Dis inderdaad dieselfde kleur, Smudge Pot van Plascon, wat op albei mure gebruik is. Dit wys jou net watter belangrike rol lig speel as dit by kleur kom. Smudge Pot is ’n lieflike, warm blou. V:…

Iets knaag Tinkie Snyders van Ladysmith, KZN, skryf Daar is iets wat my woestynrose ( Echeveria ) vreet. Wat kan dit wees, en hoe kan ek keer dat dit my nuwe plantjies ook vreet? JJ antwoord Knaagdiere is nogal lief vir dié plante – jy sal dit sien aan knaagplekke en hul mis. Ek wou ’n rotgif voorstel, maar Tinkie laat weet toe later hulle het die sondaars op heter daad betrap: Dis dassies! Dié diertjies is bekend daarvoor dat hulle aan enigiets knaag. Ek het al gehoor dat mense rissiepoeier of Tabasco strooi of spuit om hulle te verjaag. Probeer dit, en laat weet ons of dit gewerk het. Dink weer Doreen van Biljon skryf Is dié plant ’n aasblom, en kan ek hom in die…

Twee landskap-argitekte, Pietman Diener van Stellenbosch en Michael Mc Enery van Monad Landscaping, sê tuiniers kan dié algemene beginsels in ag neem vir skadukolle in hul tuin: • As ’n skadukol ’n probleem is, probeer eers die bome of struike wat die skaduwee veroorsaak, terugsnoei. Dun in elk geval gereeld die takke van bome uit om meer lig na die beddings deur te laat. • Die gehalte van jou grond het ’n groot uitwerking op die sukses van jou skadutuin, en reën speel hierin ’n rol. Wanneer dit reën, versamel die druppels op die blare van die kroon van bome en val met meer fors grond toe. Dit veroorsaak dat die grond kompakteer, wat weer keer dat water opgeneem word. Jy kan keer dat dit gebeur deur ’n laag basstukkies…

• Ryp op die Hoëveld is ’n realiteit, maar met goeie beplanning kan ’n mens die meer gevoelige spesies daarteen beskerm. Dicksonia antarctica en die Cycas-spesies kan ryp baie goed hanteer. Plant hulle saam met grondbedekkers soos Plectranthus madagascariensis – so beskerm jy laasgenoemde teen ryp. Bome gee ook beskerming teen ryp. • Ek glo nie daaraan om plante met ryplap toe te draai nie. As die wind waai, kan die plant knak. Gooi liewer ’n deklaag van bas om soveel moontlik vog in die grond te hou. Hoe vogtiger die grond, hoe kleiner is die kans dat die grond sal vries. • Kies plante wat vinnig herstel in die lente. Acorus gramineus ‘Gold’ kan kort afgesny word en loop in die lente weer uit. Plectranthus-spesies lyk asof hulle morsdood…

Gousblom (Calendula officinalis) Die gousblom se blomme verlig velinfeksies en -irritasies en is ’n ontgiftingstonikum. Kweek dit so Gousblomme vaar goed in volson as dit in komposverrykte grond geplant word. Knyp die toppe af om lang uitgroeisels te keer en verwyder dooie blomme om groei aan te moedig. Stimuleer blomdrag deur een keer per maand vloeibare bemesting vir blomplante toe te dien. Wenk Kweek gousblomme saam met ander eetbare blomme soos Dianthus, gesiggies en viooltjies (Viola wittrockiana of Viola tricolor) en Engelse madeliefies (Bellis perennis). Dit lyk ook lieflik in bakke saam met ‘Giant Red’-mosterd, tatsoi, spinasiebeet en blaarslaai. Ideaal vir gebruik as ’n antiseptiese spoelmiddel vir klein wonde, byte, steke en swelsels. As ’n tee het dit antivirale eienskappe wat infeksies help opklaar en die spysverteringstelsel, lewer en galblaas…

Bederf jou grasperk Efekto Banweed MCPAselektiewe breëblaaronkruiddoder vir grasperke R60, picknpay.co.za Laat dit val Adlus-reënmeter R45, builders.co.za Wys jy gee om Ekovriendelike Pronatureversorgingstel vir tuinmeubels (met buitenshuise houtseëlaar, plantseep, ’n lap, kwas en skuurspons) R285, gnrsa.co.za So wys JoJo-uilboks vir knaagdierbeheer (gereed om te installeer en UVgestabiliseer) vanaf R690, builders.co.za Meet dit Termometer-en-vogmeter vir binne- en buitegebruik R55, builders.co.za Nuttig! Little Thoughtful Gardenertuinhandskoene vir kinders R165, ingoodcompany.co.za Smeer hom Trimtech-tweeslagmotor-enjinolie vir tuin-kraggereedskap R50, builders.co.za…

Pretzels Dié sagte broodjies met hul kenmerkende knoop en geurlagie bo-oor het gedurende die Middeleeue in Europa ontstaan. Sout is die mees algemene geurmiddel, maar jy kan ook papawer-, sesam- of pampoensaad liggies bo-oor sprinkel voordat jy die pretzels bak. Pretzels word eers in ’n alkaliese oplossing van water en koeksoda gekook voordat dit gebak word. Dit verleen geur en ’n aantreklike bruin kleur aan die pretzels. Genoeg vir sowat 8 pretzels Bereidingstyd: 30 minute plus 1 uur rystyd Oondtemperatuur: 200°C Baktyd: 15–20 minute • 325 ml louwarm water • 15 ml suiker • 10 ml sout • 1 pakkie (10 g) kitsgis • 4 koppies meel • 60 g botter, in blokkies gesny VIR KOOK • 10 koppies water • 160 ml koeksoda GLASEERSEL • 1 eiergeel, geklits met 15 ml water • growwe sout 1 Meng die water,…

WAT PRESIES IS LTL? Ons is so bly jy vra, want dit is ideaal vir jou as jy: • wonder hoekom jy nie gewig afskud met ‘n lae-koolhidraathoëvet-leefstyl nie – hoewel mans begin wegsmelt as jy net LKHV fluister • nie seker is presies wat (en hoeveel) jy mag eet nie • sukkel om etes te beplan en lekker resepte te kry vir jou LKHV-leefstyl TEEN NET R600 As dit bekend klink, moenie bekommerd wees nie. Hierdie 6-week lange aanlyn program is spesiaal ontwikkel vir vroue soos jy. Ons weet vroue sukkel dikwels om gewig af te skud en het ’n plan gemaak wat werk. En jy hoef nie apart te kook nie – jou man en kinders kan saam eet. • Ons leer jou hoe om te bant sodat…

Dekorbykomstighede Wireless-horlosie van Treasury Leefstyl en geskenke Night Owl-warmwatersak van Treasury Kook en geniet Eetgereihouer van Love Home Vir buite Driestuk-braaigereedskapstel van Eetrite Kyk uit vir die rooi inkopiesak by produkte in dié uitgawe – dis als te koop by spree.co.za/tuishome. Dis so maklik! Ons aanlynwinkel is deel van spree.co.za. En net soos jou gunstelingwinkel in ’n winkelsentrum gee die Tuis-winkel jou toegang tot ’n inkopieparadys! Gaan na spree.co.za/tuishome – en geniet dit! LET WEL Aflewering is gratis regoor Suid-Afrika en jy het 30 dae kans om’n artikel terug te stuur indien jy nie tevrede is nie.…

OP DIE KASSIE Design Doctors (begin 11 Junie op The Home Channel, kanaal 176 op DStv) met die dinamiese duo Aoife Rhattigan en Garry Cohn gee ’n kykie na die wêreld van interieur-ontwerp en wys kykers hoe ontwerpers met hul konsepte vorendag kom en dit uitvoer. Moet dit nie misloop nie! Van nature wild Die Absa Kirkwood Wildfees van 26 tot 28 Junie het iets vir almal! Die fees in dié sjarmante Oos-Kaapse dorpie het top-kunstenaars, opvoedkundige poppekas-vertonings, ’n opwindende wildveiling en vele meer. Toegang is R120 vir volwassenes en R60 vir kinders ouer as sewe (naweekkaartjies is ook beskikbaar). Skakel 042 230 0064 of besoek wildsfees.co.za. East Coast Radio House & Garden Show 26 Junie – 5 Julie: Durbanuitstalsentrum Vanjaar se East Coast Radio House & Garden Show beloof…

VERSKAFFERS @home 0860 576 576, home.co.za Biggie Best 021 674 1590, biggiebestwebshop.co.za Bokke & Blomme 082 489 7173, bokkeandblomme.co.za Hadeda 011 788 5774, hadedashop.co.za Hertex 0860 437 839, hertex.co.za Mr Price Home 0800 212 535, mrphome.com Woolworths 0860 022 002, woolworths.co.za U&G Fabrics 031 275 3100, ugfabrics.co.za Weylandts 0860 103 400, weylandts.co.za…

Die Franse het nou maar eenmaal hope elegansie – in hul mode én meubels. Vir ons het elegansie twee sye: Daar is die vergulde elegansie en onderbeklemtoonde grootsheid van die Franse self, en dan die aardse, landelike skoonheid van hul huis. Dis ’n styl wat deur die woorde “eenvoud” en “orde” beskryf kan word. ’n Goeie voorbeeld hiervan is dié vertrek (oorkant) uit die Franse middeweste. Dis ’n toonbeeld van die ligte, delikate element wat ook deel van dié gesofistikeerde styl uitmaak. Die chateau-voorkoms vertoon dikwels meubels en afwerkings uit die rococostyl – “rococo” verwys na die natuurlike kurwes van skulpe. Dié styl het ook ’n ligte, ietwat ligsinnige kinkel, soos gesien in die gedraaide voorkoms en die pragtig gekurfde kabrioolpoot. Franse elegansie is ’n ontwerpstyl wat al honderde jare…

PROJEKGIDS Harde werk 3/10 Vaardigheidsvlak 3/10 Tyd nodig ± 3 uur, droogtyd uitgesluit Doen dit self vir ± R460: Oxirite in Platinum R220/liter, Annie Sloan Dark Wax R140, plakpapiergom R69, verdunner R32 Inkopielys • ou laaikas of kas• Oxirite Metal Paint in die kleur Platinum• Annie Sloan Dark Wax• verfbare, tekstuurryke plakpapier (beskikbaar by Builders)• plakpapiergom• verdunner Gereedskap • verfkwas• klein roller en verfpan• mengbak• stok om mee te meng• skoon lap So maak jy... 1 Meng die plakpapiergom volgens die aanwysings op die pakkie en laat staan dit vir 15 minute. 2 Verwyder die handvatsels en slotstelsels van die laaie en deure en week dit in verdunner indien nodig om enige verf te verwyder. 3 Meet die grootte van die plakpapier om binne die kasdeurrame en op die laaivoorkante te pas, en sny op maat. 4 Roer die plakpapiergom weer…

Die probleem Kerry Marx van Durbanville skryf Ek glo nogal dat eerste indrukke tel; daarom pla dit my dat die eerste ding wat jy sien as jy by my kamer instap, ’n muur van wit melamienkaste is. Ek wil ook graag ’n fokuspunt skep met ’n klein spieëltafel in die hoek, maar dis waar die enigste kragpunt vir die TV is. Het julle raad? Die oplossing Renée en Janel van interiorcreators.com  antwoord Kom ons wees nou eerlik: TV-stelle is onooglik en kan maklik die stemming in ’n slaapkamer bederf. Jy kan dit natuurlik op ’n stut monteer, maar dan moet dit hoog genoeg wees dat jou spieëltafel (met spieël en al) daaronder kan inpas; die hoek kan dan onnet lyk en jou nek kan styf word van…

‘Ek gaan nêrens’ Freddie weier om op te skuif! – Vida Cronje, Knysna Hande in die lug! Lucy gee haar oor aan die winterkoue. – Claudia Muller, Kaapstad Op pad Die Yorkies Sacha en Lulu-belle is warm uitgevat vir saamry. – Melinda Cusse, Port Elizabeth Kat se kans Twinkle weet waar’s elke warm kolletjie in die tuin. – Adele van Niekerk, Paarl Sonsoekers Tiger, Pootjies en Ling baai in ’n bietjie hitte. – Anja le Grange, Bethal Drie lepeltjies Die worsies Morgan, Oliby en Finn het ’n plan om warm te bly. – Katherine Wicks, Port Elizabeth Winkels toe Kom ons help Montego Pet Nutrition het nou ’n webblad, barkingmad.co.za, waarop diereskuilings en die publiek kan netwerk en help om diere landwyd nuwe huise te gee – op ’n verantwoordelike…

Een van die lekkertes van die winter bly maar ’n goeie boek saam met ’n knetterende kaggelvuur en ’n lekker glas rooiwyn. En maak nie saak wie jou gunstelingskrywer is nie, as dit by wynmaak kom, kan jy weet: Van Loveren kén hul storie. Elke Van Loveren-rooi – hul African Java Pinotage, Merlot, Blackberry Cabernet Sauvignon/Shiraz, River Red, Cramond Cabernet/Merlot én splinternuwe Blue Velvet Pinot Noir – is getrou aan dié familiekelder se belofte van gehaltewyn teen bekostigbare pryse. Besoek gerus vanloveren.co.za vir nog inligting. Die eerste leser wie se korrekte blokraai ons trek, wen 24 bottels van dié heerlike winterwyne, sowel as 6 Van Loveren-servette. Sien ook ons kompetisiereëls op bladsy 128.…

Plantgids Volksnaam Blouklokkiesbos Botaniese naam Mackaya bella Vol- tot halfskaduwee Gemiddelde waterbehoeftes Kan ligte ryp hanteer Hoogte sowat 2 m Sprei sowat 1 m Inheems Mackaya bella Met ’n Mackaya bella in jou skadutuin kan jy nie ’n fout maak nie. Dié inheemse struik is immergroen, met glansende donkergroen blare. Van vroeg in die lente tot vroegsomer spog dit met wit tot ligpers klokvormige blomme met fyn pers strepies binne-in die kelk. Hoewel die plant in dié tyd die meeste blomme dra, sal hy dwarsdeur die jaar aanhou blom – maar dan moet jy heelwat aandag aan hom gee. Die struik, wat ook in die volksmond bekend staan as blouklokkiesbos of bosklokkies, kom net in Suider-Afrika natuurlik voor. Dit groei in immergroen woude en langs strome in die Oos-Kaap, KwaZulu-Natal…

Hier is goeie nuus: variasies op ons vorige Tuis-saadpakkies, net reg vir die winter! Dis nooit te laat om te begin saai nie... Danksy nuwe saadjies in ons gewilde kombinasiepakke kan lesers in die kouer dele van die land ook kleur in hul tuin inbring. Maar onthou: As jy in ’n kusgebied, Limpopo of Mpumalanga woon, kan jy steeds enige van ons vorige saadpakkies saai en wonderlike resultate kry. Wenke vir jou tuin • Kies ’n lappie grond wat sowat ses uur sonlig per dag kry. In te veel skadu sal die saad nie goed aard of mooi blom nie. • Berei die grond goed voor. Haal alle klippe en onkruid uit, en spit dan die bedding behoorlik om. Werk genoeg kompos sowat 20 cm diep in die grond in.…

Uithaal-en-wys-varkblad Die geheim van dié liplekker vark lê in die marinade. Die geure is geïnspireer deur die Kubaanse kos in die fliek Chef met Jon Favreau. Die sjef Roy Choi, ’n kostrok-legende, het die resepte vir die film ontwikkel en my mond het van begin tot einde gewater vir ’n Kubaanse broodjie vol geurige varkvleis! Genoeg vir sowat 4 Bereidingstyd: 30 minute, plus marineertyd Gaarmaaktyd: 3 uur Oondtemperatuur: 170°C • ’n stuk varkblad van sowat 2 kg, vel ingesny met ’n skerp mes• 1 heel knoffelbol, deurgesny• sowat 330 ml bier• 3 groot oranje patats, geskrop en in lang wiggies gesny• 8 klein rooi-uie, geskil MARINADE • 60 ml olyfolie• ’n groot hand vol koljander, fyngekap• ’n groot hand vol ment, fyngekap• sap en gerasperde skil van 1 lemmetjie en 1 lemoen• 330 ml bier• 8 knoffelhuisies, fyngekap• 4 takkies tiemie• 5 ml…

Kort voor elke kinderfees vroeg in Augustus op Genadendal het die kinders van dié dorpie in die Overberg die omringende berge ingevaar om fynbos te gaan pluk sodat die Morawiese Kerk met blomme versier kon word. In die strak afgewitte kerk, waar die broers en susters van die gemeente deur ’n afskorting geskei is, het die geur van die blomme die ruimte in blye verheerliking gevul terwyl roemryke blaasorkeste hul melodieë met glansryke bravade uitbasuin. Ná die diens was daar vir elke kind ’n lekkerny: wiele (gemmerspeserykoekies) en tee. Die fyn gemmerpoeier, altyd teenwoordig in die soetkoekies en Krismiskoekies wat ons gehoop het my pa se stiefma, ma Dudley, sou uitdeel, is byna dieselfde kleur as die stof wat ek so goed van my besoeke as kind aan Genadendal onthou.…