Innholdsfortegnelse for May 2019 i SARIE

Eers see toe, nou berg toe. En albei werk vir ons. Ek praat oor SARIE se trek, sak en pak, terug na die Media24-gebou in Kaapstad. Ná byna ’n dekade voel dit soos die verlore dogter wat huis toe kom en familie en ou vriende weer groet. Halfpad op in Adderleystraat, op die negentiende vloer, het die SARIE-kantoor tot onlangs oor die see en die hawe uitgekyk. So ’n stuk van Tafelberg was ook in ons visier. Nie ’n dag het verbygegaan dat ons nie die onbeskryflike mooi uitsig waardeer het nie. Meermale het ons gesien hoe besoekers skaars hul oë kon glo. Want nooit kon jy moeg raak vir die groot, wye blou van die oseaan nie – dikwels so glad soos ’n spieël. Soms ook grys en omgekrap…

’N HEGTE GESIN Ek sit in die vliegtuig en kyk af op die Vrystaatse laslappie-landskap wat minder as ’n week gelede nog “huis” was. Nou is ek ’n Kapenaar, my man en seuntjie kom agterna. Die trane sit vlak. Niemand het gedink die “underdog” gaan die pos kry nie, maar hier is sy op pad na haar eerste bestuursvergadering. Die kollegas by die nuwe kantoor kyk my nog baie skepties aan, min wetend hoe hard ek die afgelope 26 jaar gewerk en geleer het of hoeveel keer my man moes instaan as mamma, want Mamma was by die werk of moes ’n vergadering bywoon. Min wetend hoeveel trane ek die laaste ruk gehuil het omdat ek my gesin vir eers moes agterlaat, alles ter wille van my loopbaan. Dit is…

Snotkop is allermins ’n snotkop in die musiekbedryf. Want Francois Henning, alias Snotkop, het al meer as 500 000 albums verkoop. Plaaslik en op plekke soos Nieu-Seeland, Kanada en Australië is sy konserte uitverkoop. Op die musiekstroomdiens Spotify tel hy in Suid-Afrika onder die topvyf-kunstenaars na wie die meeste geluister word. Met sy keps en los T-hemp lyk hy veel jonger as veertigplus. ’n Swart oorbel pryk in elke oor. Sy vel is rosig, sy blou oë blink. “Elke mens is verantwoordelik om iets te vind wat sy oë laat blink. Musiek doen dit vir my.” Francois reken sy sukses is grotendeels te danke aan sy grootwordjare. “Ek kom uit ’n liefdevolle, Afrikaanse ouerhuis. Ons gesin het vakansie gehou in woonwaparke. Ek en my boetie het nonsens aangejaag by die…

Ons is op soek na SARIE Voorbladgesig 2019 – die 11de wenner van ons gesogte Oktober-voorblad (2016 en 2017 het elk twee wenners gehad). Ken jy iemand wat jy op SARIE se voorblad kan sien? Iemand met die glimlag, oë en hare wat jou weer en weer laat kyk en die tydskrif van die rak af laat optel. Skryf haar in! Nog beter, skryf jouself in! Hier is jou kans om dit tot op SARIE se voorblad te maak. Kom, droom ’n bietjie, jy het niks om te verloor nie. Wat maak vanjaar anders? Vir die eerste keer het ons geen ouderdomskategorieë nie. Ons het nog altyd geglo ouderdom is net ’n syfer en die laaste paar jaar het gewys ’n vrou van enige ouderdom kan met SARIE se wen-voorblad…

12500 km op ’n motorfiets oor die lengte en breedte van Indië. Op strande, nou paadjies by besige markies, in snikhete verkeersknope, deur asemrowende landskappe, verby eeue-oue tempels en fabelagtige paleise, oor bergpasse, tussen mure van ys . . . Indië oortref jou wildste verwagtinge. Hulle het geweet dit gaan anders wees, maar hulle het nie geweet dit gaan só anders wees nie, vertel Johan Badenhorst, vervaardiger van Voetspore Indië*, oor hul epiese tog van drie maande deur dié land. Dis die eerste Brics-land naas Suid-Afrika wat hy en sy span besoek het. Ná 12 TV-reekse oor 40 Afrika-lande en ’n verskeidenheid transkontinentale roetes, het Johan besluit om ’n reeks programme oor die Brics-lande te maak. “Wat weet ons regtig van dié lande? Vir baie mense ís Indië die Taj…

‘Die takelwerk waaraan ’n lewe hang span garingdun’Uit die gedig “Kritiek” in Hendrik J. Botha se digbundel Atropos (Queillerie, R225) The Last Elephants, Don Pinnock Colin Bell e.a. (Struik Nature, R490) Dié boek is beslis die belangrikste en mees toonaangewende een wat nog oor olifante verskyn het. Die foto’s is fenomenaal mooi en inspirerend, maar die teks vertel sonder omhaal van woorde van die benarde posisie waarin hierdie reuse van Afrika verkeer. Volgens die olifantsensus wat in 2016 in Afrika gedoen is, word gemiddeld een olifant elke 15 minute doodgemaak. So sal daar oor drie dekades nie meer sagmoedige grootvoete op ons kontinent wees nie. In die boek skryf kenners op verskillende gebiede oor al die kwessies wat olifante raak. Van habitat-inkrimping, stropery, wetgewing rakende ivoorhandel, toerisme en baie meer.…

TREND #2 FOLKLORE ’n Tikkie nostalgie is wat folklore so spesiaal maak. Inspirasie uit die 1970’s is ’n laag-op-laagvoorkoms in ’n mengsel van patrone (van blomme tot etnies), borduurwerk, fraiings, laslapwerk en rokke van midi tot lank. Speel met bogenoemde om jou persoonlikheid te weerspieël. GROOTTES Bloes: 4 – 18Rok: 6 – 20Baadjie: 4 – 20 TREND #3 MANTEL Dalk het dit te doen met al die superhero-flieks of sterk vroue in die wêreldpolitiek, maar die manteljas is ’n moet-hê vir winter. Wys jou superheldin-kant met hierdie stylvolle, veelsydige item wat as kantoordrag tot naweekdrag gedra kan word. TREND #4 DIERVELMOTIEWE Van slangvel- en sebravelpatrone tot die altyd gewilde luiperdvelmotief – wys jy is lief vir die natuur met ’n diervelmotief deel van jou uitrusting. GROOTTES Trui: Grootte op aanvraagBroek:…

TREND #37 OOSTERSE SMAKE Buiten dat die Wêreldbeker-rugbytoernooi vanjaar in Japan is, is die wêreld se oë reeds geruime tyd gerig op die Ooste – vir inspirasie van dekor tot kos. Tendense soos macramé, shibori (’n knoop-en-dooptegniek) en bestanddele soos sriracha (gefermenteerde brandrissiesous) is al ’n ruk met ons, maar nou gaan meer van hierdie bestanddele hul verskyning maak. Plaaslik sien ons reeds in supermarkte produkte soos yuzu (’n suurlemoenvariëteit), matchatee en pankobroodkrummels. Ook geregte soos mochi (soet rysmeeldeeg gevul met onder meer roomys), shabu-shabu (’n Japanse weergawe van fondue waar kos in warm aftreksel gaargemaak word pleks van olie) en burosu (’n kragsop wat gekook word van murgbene). Ons reken jy kan maar die geure van die Ooste huis toe bring en dit meng met klassieke SA smake. TREND…

“Boeke is jou beste vriendin. Hulle prikkel jou verbeelding en verruim jou wêreld. Neem jou in jou leunstoel op reis na wonderlike bestemmings. Bowenal laat boeke jou droom”Phyllis Green In ’n digitale wêreld is ’n boek ekstra spesiaal. As deel van ons 70ste verjaardagvieringe begin ons SARIE Boekbederf waarop lesers sal kan inteken. Saam met NB-Uitgewers, To Be Gift Boxes en SARIE se boekeredakteur, Phyllis Green, stuur ons maandeliks vir jou ’n bederfboks met onder meer ’n spesiaal uitgesoekte leesboek vir al daardie waardevolle ek-tye. Hou SARIE en ons aanlyn platforms dop vir meer besonderhede oor die bekendstelling van SARIE Boekbederf. ’n Uittreksel uit jou eerste bederfboek verskyn reeds in ons Junie-uitgawe wat vanaf 27 Mei op straat is. Kry solank jou leeshoekie gereed! #mySARIEoomblik…

Dinamiet kom in klein pakkies? Vanes-Mari Proudfoot, nuwe aanbieder van kykNET se joernaalprogram Kwêla, bewys dié sêding verkeerd. Sy is 1,89 m lank, bekkig en sportief. “Blond, met ’n harde stem en groot glimlag,” beskryf sy haarself. En sy sê ’n ding nes hy is, soos TV-kykers deeglik besef het met haar deelname aan die M-Net-program Dancing with the Stars. “Dis natuurlik senutergend om as Kwêla-aanbieder alleen voor die kamera te staan, maar ek verbeel my ek gesels met ’n vriendin.” Tot twee jaar gelede het Vanes-Mari as professionele netbalspeler vir die Proteas uitgedraf en sy speel tans op provinsiale vlak. “Ek het reeds as jong netbalspeler my buiging op TV gemaak en namens die span radio- en TVonderhoude gedoen. En was ook SuperSport-kommentator en -aanbieder gedurende 2016 se Varsity…

As jy ’n maagd is – dus nog nie seksuele (vaginale) gemeenskap gehad het nie – het jy ’n lae risiko vir servikale kanker, maar moet steeds ’n Papsmeer kry, volgens die Mayo-kliniek. Dis dan onwaarskynlik dat jy MPV sal hê. Daar is egter ander risikofaktore vir die ontwikkeling van servikale kanker, onder meer ’n familiegeskiedenis en rook. Ook drie of meer voltermynswangerskappe en die langtermyn-gebruik van die Pil, volgens die Amerikaanse kankervereniging (www.cancer.org). Bespreek met jou dokter wanneer die beste tyd vir jou is om met ’n Papsmeer te begin.…

Toe ek by die verkeerslig stop, is daar skielik ’n kind langs my. Soos ’n skim het hy van iewers gekom. Hy staan met sy handjies bakhand voor hom, ’n smekende uitdrukking op sy gesiggie. My hart gaan omtrent staan. Ek is oombliklik kwaad, ontsteld, moedeloos. En hartseer. Want wat hierdie situasie skreiend maak, is dat ek reg voor ’n laerskool gestop het. Net ’n paar meter van die bedelende kind, agter ’n beskermende draadheining, is daar ’n menigte kindertjies op die skool se speelgrond. Hulle hardloop en speel, raak baldadig van hul vrolike energie ontslae. Hulle speel en lag en skree, ek kan die kinderstemmetjies selfs vanuit my motor hoor. Ek maak die ruit oop. “Het tannie nie vir my ’n geldjie nie?” Hy is so sewe, agt jaar…

Die huis is nou vol, vir elke ding wat bykom, moet een die plek verlaat. Dis al hoe ek myself in toom kry en my blyplek sy kalmte behou. Hierdie reël mag nie meer verbreek word nie, ek bly streng. Dus staan ek op ’n Saterdagoggend voor een van die groot boekrakke. ’n Paar nuwe boeke lê in ’n stapeltjie op die tafel. ’n Boek word nooit weggegooi nie, dit kan afgelewer word by ons gemeenskapsbiblioteek, ’n gastekamer versier of gestoor word vir ’n latere slim plan. Hier is honderde kookboeke, ’n paar geliefdes word steeds gebruik, heelwat is gekoop uit desperaatheid. En was ek desperaat! My liggaam is al deur soveel fases, gewig wat wipplank ry, dekades se min slaap, verkeerd eet, te veel drink, bekommer, werk sonder einde,…

Jou huis bly altyd jou huis. “Ek maak die agterdeur vinnig toe, ’n yskoue winterswind waai my hart deurmekaar. Ná twee weke in Suid-Afrika is die Engelse Januarie-weer ’n emmer yskoue water in my gesig. Die grou lug en triestige koue het ons verruil vir Suid-Afrika se helderblou lug, sonskyn en sorgelose geselse met vreemdelinge op straat. Mense wat jy van geen kant af ken nie. Jou mense, in jou land . . .”(’n Aanhaling uit ’n roerende lesersbrief van Ronel Steyn uit Kent,Engeland, in die Maart 2019-uitgawe van SARIE) Ná 25 jaar as finans-ekspert in Frankryk en Engeland kon Ken Kinsey-Quick nie wag om saam met sy Karoovrou, Nicki, en hul vier kinders na Stellenbosch terug te keer nie. Die aktrise Quinne Brown Huffman, bekend as Connie in die…

Ons moet strewe na kulturele veranderinge sodat mans en vroue nie verskillend beoordeel word vir dieselfde gedrag nie. Baan intussen jou weg deur verbale “landmyne” met strategieë wat deur navorsing ondersteun word. Dra tegelykertyd ’n boodskap van warmte en bekwaamheid oor. Baie vroue gebruik kwalifiserende woorde (miskien, ek dink, dalk, baie) en vergunnings (kan ek, jammer, verskoon my) om hul taal te versag en te keer dat hulle te aggressief oorkom, veral as hulle versoeke rig en hul mening gee. Dit kan jou egter onseker en minder bekwaam laat lyk. Dra die inhoud van jou boodskap duidelik en reguit oor, maar begin en eindig met warmte. Begin byvoorbeeld ’n e-pos met ’n kort, warm groet en eindig dit ook so. Reguit woorde en sterk liggaamstaal en gesigsuitdrukkings ontlok nie ’n…

Louis Botha oor sy koffietafelboek, Karoo (self uitgegee) Die Karoo is jou hartsplek. Wat van dié streek trek jou so aan? Soos ek ouer word, dink ek baie terug aan my kinderdae. Ek het buite Pretoria op ’n kleinhoewe grootgeword. Ek is heelwat jonger as my twee broers en daarom het ek baie alleentyd deurgebring. Dit was mos voor die tyd van televisie, die internet en rekenaarspeletjies. Al was ek nie naby maatjies nie, was dit vir my voordelig. Die stilte en spasie het waarskynlik my mensvorming bewerkstellig. Ek kon so ver kyk soos my oë kon sien, want ons huis was hoog op ’n koppie en ek het baie tyd gehad. Ek het nie speelgoed en ander goed besit nie. Ek moes myself vermaak, en my vermaak was baie…

40’s Lang, vloeiende rokke in Jacquemus se Herfs/Winter 2018-’19-reeks by die Paryse Modeweek. 50’s Warm skakerings van bruin was te sien in Alberta Ferretti se Herfs/Winter 2018-’19-reeks by die Milaanse Modeweek. 60’s Dié luiperdvelpatroonrok was deel van Dolce & Gabbana se Herfs/Winter 2018-’19-reeks by die Milaanse Modeweek. 70’s Blompatrone het Gucci se Herfs/ Winter 2018-’19-reeks by die Paryse Modeweek oorheers. Vir meer inligting: 0800 310 290 of 0800 212 535 | www.miladys.com…

TREND #43 KLEUR VIR ELKE SMAAK Pantone (internasionale kleuranaliste) se kleur van die jaar is Living Coral, ’n lewendige koraal wat enige vertrek sal ophelder. Pasmaats hiervoor is Dulux se Crème Brûlée, ’n ryk romerige skakering wat luuksheid aan ’n vertrek. Dit komplementeer ook enige ander kleur. Plascon se Ravine is ’n veelsydige, warm en aardse kombinasie van beige en grys. TREND #44 MATTE AS KUNS Dit is al ’n paar jaar dat los matte ’n al hoe belangriker plek in dekor het. Nou is dit nie net meer vir vloere bedoel nie, maar word ook as ’n muurbehangsel ingespan. Ontwerpe wissel van etniese patrone tot grafiese patrone in helder kleure. Ryk blompatrone is ook gewild. TREND #45 DIE 70’S HERLEEF Interessante lyne en patrone was kenmerkend van die sewentigs.…

A  @home 0860 576 576 www.home.co.za Aldo 011 884 4141, 021 421 5674 www.aldoshoes.com/za American Swiss 021 938 1966 www.americanswiss.co.za B  Bacher & Co. 011 372 6000 www.bacherco.co.za Black Betty 071 672 6856 www.blackbettydesign.com byCARA www.bycara.co.za C  Coricraft 011 611 8700, 021 508 5200 www.coricraft.co.za Cotton On 011 268 3700 www.cottonon.co.za Country Road 0860 022 002 www.woolworths.co.za E  Europa Art 021 552 4709, 011 455 0917 www.europaart.co.za Evolution Product 010 900 0631 www.evolutionproduct.co.za F  Folli Follie 021 555 0811, 011 455 0917 www.follifolliesa.co.za Footwork www.footwork.online Forever 21 021 555 3324 Forever New 021 419 4552, 011 883 4585 www.forevernew.co.za Foschini 0860 576 576 www.foschini.co.za G  Green Cross 0860 009 855 www.green-cross.com H  H&M 0860 690 707 www.hm.com/za Haldane Martin 087 898 4678 www.haldanemartin.co.za Home Fabrics 011 266 3700 www.homefabrics.co.za Haus…

Jou kop klop. Jou neus is boonop bottoe, jou oë waterig, voorkop en wange seer. Dit beteken jy het ’n sinushoofpyn, reg? Dalk nie. Dis ook taamlik algemene simptome van migraine. Dis ’n misverstand wat gereeld voorkom. Selfgediagnoseerde sinushoofpyn is in byna 90% van gevalle migraine, volgens ’n artikel op die Amerikaanse migraine-stigting se webtuiste (americanmigrainefoundation.org). Selfs dokters diagnoseer dit dikwels verkeerd. “My ervaring die afgelope 27 jaar is dat daar nie iets soos sinushoofpyn is nie. Die probleem is dat migraine en spanningshoofpyn ook sinussimptome soos postnasale afskeiding kan veroorsaak,” sê dr. Elliot Shevel van The Headache Clinic in Johannesburg. Pyn wat naby of rondom die sinusse voorkom, word dikwels verkeerdelik as sinusitis beskou. Migraine kan jou egter ook pyn op die voorkop en om die oë gee. Om…

5 gelukkige SARIElesers kan elk die boek Koshuis saamgestel deur bekroonde Weg!-joernalis Erns Grundling (Queillerie, R260) wen. Laat jou terugvoer na die jare van inblynaweke, studentepret, huistoeverlang en troospakkies vol beskuit onder die enkelbed. Koshuis bevat heerlike vertellings, komies, verspot én roerend, oor die koshuislewe – op skool én universiteit, selfs oorsee – deur onder andere reisskrywer Dana Snyman, Weg!-joernalis en aanbieder Toast Coetzer, Huisgenoot-redakteur Yvonne Beyers en oudredakteur van Die Burger Bun Booyens. Skink ’n koppie koffie, onthou weer die liedjie wat gespeel het toe jy by jou eerste huisdans gesoen is, en laat die jare terugrol! Nog 5 SARIE-lesers kan elk die boek Donatello en Volksie deur Marion Erskine (Tafelberg, R260) wen. Zoë Zietsman sit op Oukersaand stoksielalleen voor haar rekenaar – sonder selfs ’n hond om mee…

Dit was lank vooruit beplan: Die voorbladfotosessie en -onderhoud met Nádine, die sangeres wat die afgelope 20 jaar voor die land se oë grootgeword het. Die 13-jarige kindersterretjie wat tot ’n volwasse, stylvolle kunstenaar ontwikkel het en nie net Suid-Afrikaanse gehore bekoor nie, maar ook dié in Europa en selfs China. As aanbieder van die TV-speletjiesprogram Musiek Roulette het kykers die laaste paar jaar ook ’n ander sy van Nádine leer ken en verlief geraak op haar energieke persoonlikheid. Dié program was in Februarie vanjaar onder die 20 gewildste programme op SABC2, die nuus ingesluit. En natuurlik sou sy ook gesels oor die geluk wat sy die afgelope twee jaar gevind het by Derick Hougaard, die Liefling van Loftus, met wie sy al talle spesiale oomblikke en foto’s op sosiale…

Jy speel tans die ystervrou dr. Elana Bester in die kykNETsepie Binnelanders. Het jy iets by haar geleer? Sy is ’n sterk karakter en ek het al ’n paar lesse by haar geleer. Een van hulle is om te veg vir dít waarin jy glo. ’n Ander . . . die lewe gaan oor meer as net oor jou loopbaan. Stop and smell the roses. Verskil julle? Ons is eintlik baie dieselfde, behalwe dat ek gelukkig getroud is en twee pragtige kinders het, terwyl Elana nie wil trou of kinders hê nie. Sou jy ’n goeie dokter kon wees? Ek dink ek sou eerder ’n goeie apteker gewees het. Ek is mal oor die chemiese aspekte van medisyne, watter stowwe saam gemeng word om ’n sekere reaksie te ontlok. Maar…

Eet gesond, slaap genoeg en koester jou spiritualiteit. Dit hou jou energiek. Wyse insigte van die vermaaklikheidster Carmen Pretorius, wat die gehoor op Roxie Hart se emosionele reis in die musiekblyspel Chicago neem. Sy het ook in Maart ’n Fleur du Cap vir haar rol as Maria in die blyspel The Sound of Music ontvang, “een van my lekkerste rolle nog”, terwyl party haar sal onthou as die feeks Tiffany Steyn in die SABC3-sepie Isidingo. Carmen sê sy is ’n introvert en herlaai deur meditasie. “’n Fikse brein, siel en lyf gaan oor meer as vyfduisend smoothies en ure in die gimnasium.” Sy geniet die kollig en werk hard. “Ek skakel egter heeltemal af met goeie flieks, misdaad-dokumentêre en deur in restaurante of koffieplekke met vriende te kuier.”…

TREND #1 GESIG AGTER DIE GEUR Emilia Clarke Ons het haar leer ken as die sterk en doelgerigte koningin Daenerys Targaryen in die gewilde TV-reeks Game of Thrones, wat pas met sy agtste en laaste seisoen afgeskop het. Maar weg van die kassie is dié Britse aktrise sjarmant, joviaal en altyd met ’n glimlag op haar gesig. Jy kan bloot nie anders as om van haar te hóú nie. Vir die Italiaanse modeontwerpers Domenico Dolce en Stefano Gabbana het dié eienskappe haar die ideale keuse as gesig vir Dolce & Gabbana se The Oneparfuumreeks gemaak. Die nuutste geur, The Only One 2, is pas bekend gestel en in die advertensieveldtog straal Emilia met lewenslus, ’n tikkie vroulikheid en aanloklikheid daarby. En wat laat haar op haar vroulikste voel? “Vroulikheid is…

Vir jou vel TREND #17 INTELLIGENTE VELSORG Velsorg is tans die skoonheidsbedryf wat die vinnigste groei ter wêreld, méér as grimering. Die dryfkrag agter dié groei ’n nuwe generasie super-ingeligte verbruikers. Die term wat daarvoor gebruik word “skintelligence”, volgens die Britse maatskappy WGSN wat tendense voorspel. “Ons lewe in ’n tyd waar verbruikers meer as ooit toegang het tot die jongste inligting en navorsing oor velsorgprodukte. Dit dwing velsorghuise om meer deursigtig te wees ten opsigte van hul formulerings, die aktiewe bestanddele wat hulle gebruik en die navorsing agter hul produkte se resultate,” sê Stephnie-Anne Dickinson, opleidingshoof van die velsorghuis Optiphi. Só spog baie van die nuutste velsorgprodukte met vitamiene A en C, hialuronsuur of alfahidroksisure omdat dit goed nagevors is en kragtige, sigbare resultate lewer. Enkelgebruik-verpakkings van ampules of…

Dit was ’n skoolproduksie van Aladdin in graad sewe. Fatiema Petersen ’n kaalvoet adolessent, so gespanne dat dit voel of haar keel toegeknyp word. Want haar gesin was musikaal, sy die een wat nooit kon noot hou nie. Mintag, haar daddy, die musieklegende Taliep, het gekla as sy in die stort sing. Wanneer die gesin saam musiek maak, moes sy klap en ritme hou. Taliep sou sê: “My kind, hou net die beat ma’. Klap so.” Maar toe sy daardie aand op die verhoog die hoë note vat, elkeen suiwer, perfek, haar oë heeltyd op haar daddy in die gehoor, sien sy hoe hy trane afvee. Toe weet sy sy was goed, nie ’n “ramp” soos sy in haar angs geglo het nie. Dis al wat saak gemaak het, dat…

Die resultate van jou Papsmeer het “positief ” of “abnormaal” teruggekom. Dit beteken daar is “ongewone” selle in jou serviks gevind. Ontspan, dit dui gewoonlik nie op kanker nie. Ja, dit klink negatief en vertel jou nie veel nie. Voeg daarbý die wete dat dit ’n siftingstoets vir die menslike papilloomvirus (MPV ) en servikale kanker is en jy dink dadelik dis doodsake dié. Servikale kanker word meestal deur sekere tipes van die MPV veroorsaak. Sowat 80% van seksueel-aktiewe vroue sal in hul leeftyd aan een van die tipes blootgestel word, maar jou immuniteit kan dit meestal beveg. MPV kan veroorsaak dat abnormale (verdagte) selle in die serviks vorm. (Sien kassie op bl. 133: En ’n maagd?) Die doel van ’n Papsmeer is om selle in die serviks, die laer,…

TEKENS DAT DIT DALK INDERDAAD ’N SINUSHOOFPYN IS Jy het ander tekens van infeksie, soos koors of ’n hoes Dit gaan waarskynlik nie saam met migraine voorkom nie en as jou neus boonop bottoe is, is dit heel moontlik sinushoofpyn. Migraine veroorsaak nie koors nie, tensy daar ’n ander onderliggende oorsaak is. Blaas jy jou neus, is die mukus groen of geel Veranderinge in die mukuskleur kan toon dat jy ’n bakteriële sinusinfeksie en nie migraine het nie. Hoewel migraine ook simptome soos waterige oë en ’n loopneus kan hê, is die afskeiding dan helder. AANDUIDINGS DAT JY WAARSKYNLIK MIGRAINE HET Jy ervaar migraine-aura Pyn saam met aura – sensoriese veranderinge soos die sien van vreemde vorms of ligflikkeringe, verlies aan sig, hoor van lukrake geluide, fisieke doodse gevoel of…

FLITSVERHAAL Die idee het vorm aangeneem terwyl sy besig was om haar hare rooibruin te kleur. Sy was op haar knieë langs die bad. Die handstort het bloedspatsels oor die hele binnekant van die bad laat spat. Bloedspatsels? Waar kom sy nou daaraan? Maak nie saak nie. Punt is, dis eenvoudig om daarvan ontslae te raak. Koue water. Soos haar ma haar geleer het. Vars bloedvlekke kom die beste uit met koue water. Agterna skrop jy die badkamer met ’n roomskuurmiddel. Dan volg jy dit op met daardie ekstra dik gekonsentreerde ontsmettingsmiddel. Nie eens die mees gesoute polisieman sal agterdogtig raak wanneer hy ’n klinies geskropte badkamer moet toets vir bloedvlekke nie. Die meeste mense se badkamers is silwerskoon. ’n Badkamer en kombuis moet skoon wees, higiënies. ’n Bietjie stof…