Innholdsfortegnelse for December 2025 i Rooi Rose

In ’n oogwink is die einde van die jaar op ons voorstoep. Vir sommige was dit dalk ’n jaar van opwindende nuwe dinge, vir ander dalk ’n jaar van verlies en hartseer. Wat ook al hierdie jaar in jou lewe gebeur het, hoop ek dit kan vir jou van waarde wees om die nuwe jaar met ’n gefokusde, positiewe ingesteldheid in te gaan. Daar sal altyd goeie en slegte tye wees, en ons weet al dat albei hiervan ’n mens kan slyp om net nog ’n beter weergawe van jouself te kan wees. Vir my het die jaar gevlieg. rooi rose is vroeër vanjaar deur Novus Media oorgeneem, wat nie net met die onbekende gepaardgegaan het nie, maar ook met vele uitdagings om die skuif so soomloos moontlik te laat…

Ons ontmoet by ’n gastehuis in Sandbaai net buite Hermanus. Die see lê poskaartmooi voor ons uitgestrek, maar dís ’n gesig, erken die bekende radiovrou, waarna sy nie juis hunker nie. “Nee jong, ek is ’n Jozi girl, dis my spoed. Ek was my eerste 36 jaar ’n Kapenaar, maar daai seisoen is verby. Ek woon al ’n kwarteeu in die noorde. Die see en berge is in my hart, dis genoeg vir my. “Eintlik is die hele land vir my lekker en mooi. Die radio het my soveel blootstelling gegee. Hoe anders sou ek in plekke soos Carnarvon, Elliot en Pongola beland het? Verlede jaar was ek vir die eerste keer in Keimoes en Kakamas; die land het so ’n ryk tekstuur. “En jy kry weer hoop vir die…

KORAAL-MOOI Koraalrooi is ’n treffende kleur en kan as die meer speelse alternatief tot klassieke rooi gesien word. Dis ’n skakering wat by die meeste velkleure pas. Tog kan dit intimiderend voel as jy nie gewoonlik ’n helder lipkleur dra nie. Probeer om dit eers by die huis te dra om te sien of jy daarvan hou. Dit gee jou kans om te sien of die formule vir jou werk en of jy eerder iets meer bevogtigend, of meer mat nodig het. 1. Bobbi Brown Luxe Shine Intense Lipstick in Supernova (R1 064, Woolworths) is ’n vleiende koraal wat effens bruiner neig, en lyk goed op alle velkleure omdat dit nie te oranje is nie. Gloei se 2. Bellini Skies (R390, www.gloei.beauty) is ’n veelsydige roomblosser wat ook op jou…

Wen Een leser kan ’n SKIN Willem Botha Beauty-geskenkpak ter waarde van R2 700 wen. Dit sluit die volgende in: ✤ Ultimate Cleanser ✤ Advanced Serum ✤ Active Moisturiser ✤ Renewing Exfoliator ✤ Daily Protection Besoek www.rooirose.co.za en klik op die WEN-blokkie voor of op 19 Desember 2025 om vir die prys in aanmerking te kom. *Slegs een inskrywing per persoon En net so groet ons 2025! Dis my gunstelingtyd van die jaar. Nie noodwendig omdat dit die tyd vir vakansie, son en see is nie, maar omdat dit die tyd is om rustig te raak en tyd saam met familie deur te bring. My grootste wens vir jou hierdie feestyd is dat jy die liefde van Jesus sal beleef. Maak Hom deel van elke ervaring en herinnering wat jy…

Gebakte hoender ✤ 8 porsies 1 baie groot hoender of 2 kleiner hoenders 1 klein suurlemoen, in kwarte gesny 125 ml (½ k) water 60 g sagte botter 5 ml (1 t) droë fyn knoffel 15 ml (1 e) hoenderspeserye 2 ml droë tiemie knypie droë roosmaryn knypie rooipeper 1 ml sout 60 ml (4 e) louwarm heuning Stel oond op 200 °C en spoel hoender aan binne- en buitekant onder lopende water af. Maak hoender se vel met vingers los. Meng sagte botter, knoffel, hoenderspeserye, tiemie, roosmaryn, rooipeper en sout saam. Smeer bottermengsel onder vel. Druk suurlemoenkwarte in holte en bind bene met tou aan mekaar vas. Draai hoender om en sprinkel met hoenderspeserye, sout en peper. Draai om en plaas hoender in oondbak. Verf louwarm heuning bo-oor hoendervel…

Anaïs Lotz, ’n vierdejaarstudent van Kaapstad sê: “My kat is regtig nie soos ander katte nie. En ek weet almal sê dit seker van hul katte, maar myne is spesiaal. Sy naam is Atticuss Lotz, gebore op 22 Februarie 2022, mark in Kaaps tad gekruis het.” toe ons paaie buite ’n supermark in Kaapstad gekruis het.” “Daar was ’n diereskuiling-uitstalling net buite die winkel, en hy was net té oulik met sy groot oë. Hy het dadelik in my hart gekruip.” Sedertdien is sy en Atticuss onafskeidbaar. Niks gebeur sonder om hom in ag te neem nie. Met universiteitsvakansies vlieg of ry hy saam met haar na haar ouerhuis in Pretoria. Daar kuier hy dan by al sy stiefboeties en - sussies in haar ouers se huis. “Ek het hom…

Vir eeue was Sint Helena een van die wêreld se afgesonderdste eilande – ’n smaraggroen spikkeltjie in die uitgestrekte Suid-Atlantiese Oseaan, wat slegs per boot met die RMS St Helena van Kaapstad bereikbaar was. Maar nou, danksy ’n nuwe lughawe, is dit ’n paar uur se vlieg van Johannesburg af – en vir enkele maande per jaar – ook van Kaapstad af. Die eiland het lank geneem om ná Covid weer haar kop vir toerisme op te tel, maar is nou slaggereed om avontuurlustige reisigers te betower. Veral diegene wat na ’n wegbreek, wat werklik ver en weg van alles is, op soek is. Die eiland is sedert 1995 op ons emmerskoplys. Ons kon net nooit die tyd vind om met die skip te vaar, sewe dae op die eiland…

Aalwyne raak al hoe gewilder as tuinplant omdat hulle die vaal winter met hul helderkleurige blomme ophelder. Omdat hulle in verskillende groottes beskikbaar is, van klein miniatuur-aalwyne tot groot eenstammige of aalwynbome met meer takke, kan jy kies wat in jou tuin sal pas. Aalwyn-hibriede is ook beter vir normale tuintoestande aangepas – hulle groei maklik en blom baie beter. Die blare is meestal vlesig en vetplantagtig en is bootvormig met ’n skerp punt en skerp, soms sagte, stekels op die rand. Daar is ongeveer 600 spesies aalwyne waarvan 155 in Suid-Afrika voorkom. Aalwyne verkies volson en ryk grond wat goed dreineer. As jy ’n aalwyntuin beplan, plant die kleinste soorte voor met die langer soorte na agter. Plant meer as een van ’n soort saam vir die beste vertoning,…

Desember in die kantoor hoef nie kaal en saai te wees nie. Met ’n paar klein plante en ’n bietjie kreatiwiteit kan jy jou werkruimte sommer feestelik en vrolik laat voel. Kry vir jou klein poinsettias of groen vetplante in potte en versier dit liggies met klein blink balletjies of sterretjies, sodat dit soos ’n mini-Kersboom lyk. Rooi en groen aksente pas perfek by die feesvieringe. Klein ornamentjies aan die blare gee sommer ’n feestelike voorkoms. Speel met verskillende hoogtes en groottes: klein potte op die tafel, medium potte op vensterbanke en selfs ’n bietjie mos of klippies rondom die basis van die plantjies. Die sleutel is om balans te hou en ruimte vir werkmateriaal oop te laat. – Marnix van Straten en Nandi Nagel, Plantcare…

ILSE ROUX LUCA, R280 “Die Bybelse vas is ’n onderwerping aan God en gaan altyd met gebed gepaard. Dis die opgee van alle of sommige voedsel vir ’n beperkte tyd om jouself (gees en vlees) aan God te onderwerp en sy wil te soek. Tydens vas voed ek my gees meer as my vlees. Daarom raak my gees meer sensitief in sy gewaarwording, onderskeiding, ken en verstaan. Die Bybelse vas is ook ’n vorm van geestelike oorlogvoering. Dit wat tydens gewone gebed net buig, sal tydens vas breek,” verduidelik Ilse. Op haar wenslysie vir Kersfees is Bybelvroueomnibus: Sara & Hanna (Lux Verbi, 2025) deur Maretha Maartens. “Reeds van my skooldae af het ek ’n groot bewondering vir haar. Dit was ’n voorreg om haar vroeër vanjaar te ontmoet. Ek sal ook…

Wenke ✤ Ek het ’n stukkie goue hekeldraad gebruik wat ek van ’n vorige projek oorgehad het. Vervang met wit as jy nie goue draad het nie. ✤ Polistireenballe is by PNA of ander stokperdjiewinkels beskikbaar. ✤ As jy van kleure verwissel, trek nuwe kleur deur laaste st(e) van vorige kleur. ✤ Balle word in twee helftes gehekel en aanmekaargewerk. WAT HET JY NODIG? ✤ Elle Cottons 4-draad (50 g) ✤ 1 bal elk in White, Ruby en Pear of enige kleure van jou keuse ✤ 3 mm-hekelpen ✤ Merker ✤ 65 mm-polistereenballe AANWYSINGS Rooi bal met Kersboom Word in aaneenlopende rondtes gehekel. MAAK 2 Maak 4 ks, gs in 1ste st om ring te vorm. Rdte 1 | 1 ks, 6 kb in ring, plaas merker in laaste st…

Sudoku 1, 2 & 3 van bl 118 SUDOKU 1 MAKLIK SUDOKU 2 MEDIUM SUDOKU 3 MOEILIK Raaikettings 7 & 2 van bl 720 RAAIKETTING 1 Skuins na onder: 1. Wok; 2. Epog; 3. Bleek; 4. Etser; 5. Siter; 6. Gelas; 7. Lemur; 8. Spin; 9. Els. Skuins na bo: 1. Web; 10. Oplê; 11. Koets; 12. Gesig; 13. Ketel; 14. Reles; 15. Rampe; 16. Suil; 17. RNS. RAAIKETTING 2 Skuins na onder: 1. Nes; 2. Erwe; 3. Koers; 4. Sekel; 5. Teken; 6. Reier; 7. Repie; 8. Rats; 9. Lek. Skuins na bo: 1. Nek; 10. Eros; 11. Sweet; 12. Erker; 13. Seker; 14. Leier; 15. Nepal; 16. Rite; 17. Esk.…

Ek is weer uit op parool. Oukei, ek was nou nie letterlik in die tronk nie, maar my kleinseun van twee was vyf dae en nagte onder my dak. In die tydperk is Ouma en kleinseun saam as ’n coupletjie na ’n sosiale braai. Terugskouend herinner die belewenis my baie aan tronkstraf. “Tanks,” sê Kira toe sy Alexei weer kom oppik. “You babysit again soon.” “Sure,” sê ek met my tong wat sleep, nie van drank nie, maar van vermoeienis. Eintlik wil ek sê: never. Maar ek is te moeg. “Ta,” sê sy en verdwyn met die peuter in haar Mini Cooper. Ek bly lê soos ’n lewelose sebramat, tong en pote uitgestrek. Ek wil eintlik my Russiese skoondogter, Kira, se nek sommer op drie plekke omdraai, oor sy my…

Die Kersvader van ons kinderjare het nie Google Maps of Waze gehad nie. Tot vandag toe weet ek nie hoe hy ons plaas gevind het nie, al het ek slapelose nagte gehad oor hoe hy ’n ongeluk op die grondpad gaan maak en ons geskenkies stukkend langs die pad sou lê. En ja, geskenkies, want ons plaaskinders was maar min gewoond. Die stads- en dorpskinders het van Star Wars gepraat, terwyl ek net die musiekfliek Annie geken het. Ons het dit een aand in die kerksaal op Lambertsbaai gesien toe die stadskinders liries oor Tom Cruise en Top Gun was. My een dorpsmaatjie het Lego-blokkies gehad, terwyl ons plaaskinders maar rollers van moddergevulde koffieblikke gemaak het. Geld vir karretjies was daar nie. Laurika Rauch sing in “Kyk hoe glinster die…

Nog lank voordat die eerste mossie getjirp of die eerste haan gekraai het, is Renske Jacobs en Gustav Greyling weeksoggende al uit die vere. Wanneer die klok sewe-uur slaan, is dié twee professionele aanbieders van RSG se gewilde ontbytprogram Op en Wakker flink op hul pos om twee uur lank luisteraars met die jongste nuus, vermaak, weervoorspellings, regstreekse onderhoude en verskeie insiggewende bydraes van medewerkers in te lig. Renske staan weeksdae om 03:45 op. “Ek hou daarvan om my tyd te vat om aan die gang te kom. Ek laat my hond, Erix, ’n draai loop en maak vir my tee en oefen dan vir sowat ’n halfuur op my kamermat. “Dit maak nie saak in watter bui ek wakker word nie, sodra ek die eerste stel opsitte gedoen het,…

1 | Darling Multi-Biotics Hydrating And Balancing Body Wash R750, BASH Ná ’n lang dag by die see of in die son is daar niks so lekker soos ’n verfrissende stort nie, en ’n goeie lyfwas kan die wêreld se verskil maak. Darling is ’n reeks wat bekend is vir hul inisiatief om sonroom weer cool te maak, met verskeie produkte wat voor, tydens en ná sonblootstelling gebruik kan word. Dié lyfwas help om jou vel van sonroom, sweet en seewater te reinig, sonder om jou vel te stroop en droog te laat voel. Dit bevat pre- en probiotikas om die vel se mikrobioom weer te balanseer, en bevat ook aalwyn om sonbrand te streel. Lieflike geure van heliotroop, jasmyn, roos en houtnote maak die algehele ervaring ’n spa-agtige een,…

Musgrave Pink Gin is ’n drankie van topgehalte wat met uitsonderlike botaniese bestanddele gemaak is en ’n onvergeetlike geur en elegansie bied. Gee dit hierdie Kersfees vir enige jenewerliefhebber om te geniet. AANBEVOLE VERKOOPPRYS: R429,67, MAKRO OF WWW.MUSGRAVESPIRITS.COM Chocolate Multi Collagen Radiance Met hierdie heerlike sjokoladekollageenmengsel, bederf jy iemand met ’n stralende vel, sterk naels en glansryke hare. Dis ryk in hialuronsuur, sink, vitamien C en ander voedingstowwe wat skoonheid bevorder. AANBEVOLE VERKOOPPRYS: R899, WWW.HARVESTTABLE.CO.ZA Laat die Kersgees glinster met CFK se Reindeer Tallow Candle, ’n vrolike geskenk wat lig en feestelike genot bring. Grootte: 148 g (9 cm × 8,5 cm × 5 cm) R50 ELK, WWW.CFKITCHEN.CO.ZA Ontdek jou vakansieglans met Environ se eksklusiewe VIP-benodigdhede. Ontvang hierdie feestelike geskenkpak wanneer jy Environ-produkte ter waarde van R1 800 koop. (Dit…

Dit is duur om te skei, en die besluit word nie oornag geneem nie. Tog skets Suid-Afrika se egskeidingstatistieke ’n donker prentjie: Meer as 50% van huwelike in Suid-Afrika eindig in die skeihof. Boonop gebeur 42% van die egskeidings binne die eerste dekade van die huwelik, en 55,3% van die egskeidings is gesinne met kinders jonger as 18 jaar. Twee vroue erken eerlik hulle is spyt oor hul egskeidings, en sou graag die tyd wou terugdraai om ’n ander besluit te neem. Ons was jonk en dom Jolandi* en haar man het mekaar as jong werkendes ontmoet. Die lewe het gewink en ’n romantiese verlowing en troudag het gevolg. Nie lank daarna nie, is hul eerste kind gebore en drie jaar later nog ’n kind. Maar dit was rowwe jare,…

Cassata ✤ 8 porsies 10 klein rolkoekies 750 ml (3 k) vars room 5 ml (1 t) vanieljegeursel 385 g (1 blik) kondensmelk 20 rooi glanskersies, gehalveer 125 ml (½ k) pekanneute, grofgekap 60 ml (4 e) pistasieneute, grofgekap 80 g (1 plak) bruin melksjokolade, grofgekap AFRONDING 250 ml (1 k) vars room 10 ml (2 t) strooisuiker 2,5 ml (½ t) vanieljegeursel Voer ronde 2 liter-glasbak met genoeg kleefplastiek uit. Laat hang groot stukke kleefplastiek oor rand, want dit gaan gebruik word om weer oor cassata teruggevou te word. Sny rolkoek in skywe en voer bak daarmee uit. Klits room tot styf, maar nie té styf nie. Giet vanieljegeursel en kondensmelk by terwyl jy dit roer tot goed gemeng. Plaas vir 2 uur in vrieskas sodat mengsel bietjie kan…

Baie van ons dra ’n nostalgiese herinnering in ons harte van ’n ouma of groottante se pragtige kwilt wat iewers ’n koperbed in ’n kamer versier het. Miskien het jy dalk selfs daardie mooie stuk handwerk geërf. Die geskiedenis van kwiltwerk – die aanmekaarstik van lae vulsels en lap – dateer moontlik terug tot 3400 vC. Vir ’n groot deel van sy geskiedenis was kwiltwerk hoofsaaklik ’n praktiese tegniek om beskerming en isolasie te bied. Soldate het dit onder hul swaar wapenrusting gedra en dit het in oorlogtye kalmte aan gewonde soldate gebring. Maar die bes bewaarde kwilte wat in museums wêreldwyd uitgestal word, is as kunswerke gemaak en hang dikwels agter glas teen mure. Kwiltwerk is gelukkig nie ’n vergete kunsvorm nie. Die Suid-Afrikaanse Kwiltersgilde het 11 streekstakke met…

● Weeklikse vlugte op Saterdae en Dinsdae beteken jou vakansie is of sewe, tien of veertien dae lank en ’n huurmotor is die beste manier om die eiland te verken as jy onafhanklik wil wees. Die lekkerte is dat hulle ook aan die linkerkant van die pad bestuur. ● As jy nie lus is vir bestuur nie, gebruik ’n taxi en kry sommer die voordeel dat die meeste taxibestuurders jou alles oor die eiland kan vertel. ● Maak die toerismeburo in The Canister in Jamestown, net langs die slaweboom, jou eerste stop. Die gawe span sal kan help dat jy die eiland op haar heel beste ervaar. Stuur ’n e-pos na visit@sainthelena.gov.sh of besoek www.sthelenatourism.com ● Een van ons lekkerste avonture was ’n visvanguitstappie met Julian “Borb” Thomas van Wicked…

Die jare tussen ons JOZINE BOTHA LUCA, R290 Jozine beskryf haar debuut, Die jare tussen ons, as ’n liefdesverhaal oor tweede kanse, vergifnis en hoop. “Ná jare van mishandeling probeer Elaine weer sin maak van haar lewe. Sy verloor haar geloof in God en haar ongesonde verhouding met wyn help haar soms om haar seer te verdoof. Wanneer sy onverwags weer haar eerste liefde ontmoet, besef sy haar geheim kan nie langer haar eie bly nie. Maar sal Alex haar kan vergewe? Kan twee gebroke mense weer vertrou en liefhê?” Sy wens vir Marta van Helena Hugo (Lux Verbi, 2013) in haar Kerskous. “Dis die soort verhaal wat ’n mens herinner aan hoe God mense uit 'n lewe van leë werke na ’n lewe van betekenis en vervulling kan lei. Vir…

✤ Die berugte regisseur van Caught Stealing, Darren Aronofsky, het die akteurs telkens onderbreek met uitroepe soos: “Dis afskuwelik!” tot “Dit was uitstekend!” terwyl hulle aan ’n toneel geskiet het. Dit het die spelers erg ontsenu. ✤ Die eerste lokprent van Wicked: For Good is binne 24 uur 113 miljoen keer deur internetvrate gekyk. ✤ Toe daar aangekondig is dat Jacob Elordi Heathcliff en Margot Robbie in die nuwe weergawe van Wuthering Heights gaan speel, het derduisende mense op die internet hierteen beswaar gemaak. ✤ Die woorde “Frankly my dear, I don't give a damn” uit Gone with the Wind en “I'm gonna make him an offer he can't refuse” uit The Godfather is aangewys as die twee mees ikoniese reëls nog uit rolprente.…

Toe Joana ingestem het om haar niggie se huis in Constantia oor die Kersvakansie, troeteldiere en al, op te pas, het sy stil en rustige dae in die vooruitsig gestel. Sy moet haar debuutroman ná jare van vryskutwerk en spookskryf vir ander wannabes voltooi. Geen roman teen Januarie nie beteken geen kontrak nie, het die uitgewer gewaarsku. Die vrieskas bevat nou kitsmaaltye van Woolies; sy gaan nie tyd mors om te kook nie. Sy kry woema en skryf verwoed. Totdat daar by die huis langsaan een aand ’n lawaaierige partytjie losbreek. Sy het pas met ’n beker tee voor haar rekenaar gaan plaasneem, met belangrike dialoog in haar kop, toe die baskitaar begin dreun. Harde gelag. Iemand sing “Jingle bells” vals. Sy verfoei dié Kerslied wat alewig in supermarkte gespeel…

Dis ’n helder somerdag in Pretoria. By Willem Botha se ateljee sny Melinda Bam (wat in 2011 die Mej SA-kroon gedra het) en haar suster, Melissa Swart (38), reusekartondose oop om bloedrooi papierpapawers as agtergrond vir dié fotosessie op te stel. Die blomme word oopgevou en uitgepof. Almal (ook haar susterskind, die 13jarige Xeresh, en ek!) is in vervoering oor die ekstragroot kunsblomme uit die Kaap. Melinda (36) is in haar noppies. Sy't ’n goeie aanvoeling vir stilering, en weet presies wat sy wil hê. “Dis ons heel eerste fotosessie met al die Evas in die Bam-bloedlyn! En klein Rein kom ook nou-nou.” Daar is spanwerk tussen die sussies. Waar die een los, vat die ander een. Hulle ken en verstaan mekaar, hoewel hul persoonlikhede verskil. “Die jare het ons…

Palm House Boutique Hotel & Spa wat in Kaapstad se suidelike voorstede geleë is, is ’n rustige toevlugsoord wat luuksheid beliggaam. Sedert die deure in 2023 oopgemaak het, het die eienaars Max Jong en Shelagh Wood Kaaps-Hollandse sjarme met moderne sohstikasie gemeng en gaste ’n vyfster-boetiekhotel, pasgemaakte eetervarings, holistiese welstand en persoonlike diens gebied. Die hotel se tien luukse kamers en vyf tuinsuites is elkeen uniek ingerig vir gemak en styl, terwyl dit hoëspoed-WiFi, Nespresso-masjiene en privaat stoepe of patio's met uitsigte oor welige tuine insluit. www.palmhouse.co.za STILIS ZEENAT KHAN STILISASSISTENT AMY STEENKAMP FOTO'S GARETH VAN NELSON FOTOG RAAF-ASSISTENT KYRA WELCH HARE EN GRIMERING NICOLA LOOTS MODEL ELENA PAPPAS VIND HIERDIE ARTIKELS BY: BEACH CULT www.beachcult.co.za BRAZILIAN CHERRY @BrazillianCherry (Instagram) CRYSTAL BIRCH www.therealcrystalbirch.com ESSILORLUXOTTICA www.essilorluxottica.com LOVISA www.lovisajewellery.co.za/collections/new-arrivals H&M www.superbalist.com/h&M POETRY…

Wenke om die elastisiteit van jou vel te verbeter HANNON BOTHMA Voorkomskenner en aanbieder van Glam Guru op kykNET Bevogtig van binne af | Drink gedurende die dag genoeg water om jou vel bevogtig te hou. Behoorlike bevogtiging help om velsoepelheid te verbeter, wat dit fermer laat lyk. Gebruik sonbeskerming | Beskerm jou vel teen die skadelike UV-strale van die son deur elke dag sonbeskerming te dra. Sonskade kan tot die verlies van kollageen en elastien lei wat maak dat jou vel minder ferm raak. Volg ’n gesonde dieet | Volg ’n gebalanseerde dieet ryk aan vitamiene, minerale, en antioksidante om die gesondheid van die vel te ondersteun. Sluit voedsel in wat hoog is in vitamien C, vitamien E, omega-3 vetsure, en kollageen-produserende proteïene soos laevetvleis, vis, vrugte, groente, en…

Te lekker! Voel goed tydens die feestyd Voel jy oorlaai tydens Desembermaand? Jou maag voel dalk ook so! Die vakansiedae gaan alles oor viering – maar heerlike maaltye, feestelike drankies, soet lekkernye en ontwrigte roetines eis sy tol op jou derms se gesondheid. Wanneer jou liggaam nie jou kos goed kan verwerk en verteer nie, voel jy dikwels opgeblaas, moeg en uit pas uit. Rawbiotics se lewende vloeibare probiotika help om jou derms se balans natuurlik te herstel, wat beter vertering, energie en algehele welstand ondersteun – sodat jy die seisoen kan geniet en steeds op jou beste voel. Welstand begin nou meer as ooit tevore in die dermkanaal. Dokter, ek het my toestand gegoogle! Dokters sal oor die algemeen voorstel dat jy liefs nie jou simptome self moet navors…

Lenings kan in twee groepe verdeel word, naamlik versekerde en onversekerde lenings. ’n Versekerde lening behels dat ’n bate die onderliggende waarde van die lening beskerm en dus as sekuriteit vir die terugbetalings van die leningspaaiemente dien. Aangesien dit die lening minder riskant vir die geldlener maak, het dié tipes lenings dikwels gunstiger rentekoerse. Die risiko hieraan verbonde is egter dat die bate moontlik verloor kan word as leningterugbetalings nie nagekom word soos volgens die leningsooreenkoms uiteengesit nie. ’n Onversekerde lening is nie aan ’n onderliggende bate gekoppel nie en dus is die risiko hieraan verbonde groter vir die geldlener. Aangesien die risiko groter is, is die rentekoerse meestal hoër en die skuld tot inkomste-vereistes ook strenger. As gevolg hiervan, sal die bedrag wat moontlik deur die individu geleen kan…

Daar is talle tegnieke om veerkragtigheid te ontwikkel en mense verskil ten opsigte van die mate van veerkragtigheid wat hulle kan aanwend om ná stresvolle situasies terug te bons. Linda* vertel dat sy jare lank in ’n ongelukkige huwelik vasgevang was. “My man het my talle kere verneuk en het in ’n totale narsis ontaard. Ek het uiteindelik ná 39 jaar van getroude lewe besluit om te skei. Maar vandag is ek steeds nie gelukkig nie, want my dogter en kleinkinders woon by my. My dogter was 20 jaar lank aan dwelms verslaaf. Sy is nou skoon, maar ons het nie ’n goeie verhouding nie en kom glad nie goed oor die weg nie.” Linda sê sy bons op verskeie maniere terug. “Ek het my eie onderneming en my werk…

Daar is min dinge wat die kundige Edwin (Eddie) Murphy van EM Interior Design in Kaapstad meer vreugde gee as om kliënte se glimlag te sien as hulle die voordeur oopstoot en die nuwe voorkoms van hul tuiste sien. Eddie het sy dekor-onderneming in 2019 begin en beskryf homself as ’n “baie detail-georiënteerde ontwerper”. Een van sy mees onlangse projekte op die Arabellagholflandgoed tussen Hermanus en Kleinmond, wat hy as moderne sjiek beskryf, het beslis die Brandstetters se harte gesteel. Die paartjie het inderdaad ’n baie gedetailleerde voorlegging gekry wat ’n goeie idee geskep het van wat hulle kon verwag. Soos met enige projek wat Eddie en sy span voltooi, word die oorhandiging van die sleutels aan die kliënt ’n sensoriese en tematiese ervaring. Die huis is met musiek, blomme,…

BEKENDES EN BLOMME ONS VOORBLADSTER Melinda Bam, vandeesmaand se voorbladster, sê hulle het verskeie plante in die huis, en al ken sy nie eens almal se name nie, is sy mal daaroor en versorg sy hulle met liefde. “Ons het nie veel struike in die tuin nie, maar ons is baie lief vir inheemse bome. Toe ons ons huis gebou het, was daar net een boom in die tuin: ’n groot kareeboom. Ek en Adriaan het toe self 130 bome aangeplant. Ons het ook nou spekbome en aalwyne in die tuin.”…

Hierdie besonderse koffietafelboek vier die skoonheid en kreatiwiteit van moderne tuine en hul uitlegkunstenaars. Altesaam 300 tuine in meer as 40 lande wêreldwyd is in die boek opgeneem danksy die samewerking van tuinboukundiges. Elke tuin word in ’n lieflike grootformaat-foto vertoon met ’n beskrywing daarby. Daar is onder meer natuur-, gemeenskaps-, stedelike, botaniese, droë, minimalistiese, eetbare en blomtuine waarin jy jou kan verlustig en wat jou kan inspireer. Dit kos R1 545 en is by toonaangewende boekwinkels te kry…

Ilse, jy swot onderwys, hou elf jaar skool en het al lank ’n gesogte bruidsbedryf. Jou debuut, Bakens van geloof, het in 2023 verskyn; vanjaar Die Bybelse vas. Waar en hoe het jou reis met die skryf van Christelike nie-fiksie begin? Ek het aanvanklik ’n versameling van ons gesin se getuienisse neergeskryf om dit vir die volgende geslagte te bêre. Ek reken dat my geestelike plafon die vloer kan wees waarop my kinders (en eendag kleinkinders) kan voortbou. In Ps 103:2 sê Dawid juis: “Ek wil die Here loof en nie een van sy weldade vergeet nie.” Net so wou ek ook die weldade van God onthou. Ek was egter aangenaam verras toe die uitgewers my laat weet het dat hulle dit graag wil uitgee. Wat was die vonk vir…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAI 5 LEIDRADE DWARS Druiweplantasie (7) Sous vir poeding (3) Holtes (4) Laag (6) Kandelaarlelies (8) Kort lyne (8) Essay (6) Dik word (4) Kante (3) Harmonie (7) AF Klein kind (3) Prikkelplante (6) Perde afrig (8) Kos gee (4) Bereiking van ’n plek (7) Hoogtelyne (8) Dit wat nog voorlê (7) Junie, Julie, Augsutus (6) Grootste vasteland (4) Skater (3) BLOKRAAI 6 LEIDRADE DWARS Soort denneboom (4) In ’n tent uitspan (4) Stuk gesaagde hout (5) Dowwe, geelbruin kleur (5) Per een (3) Totsiens sê (5) Massiewe antiloop (5) Bowendien (5) Sny graan daarmee (5) Moeg (3) Vaslê (5) Strydperk (5) Patroon (4) Spekskiet (4) AF Tafelland (5) Slaanding in tennis (5) Sjefs (5) Heilige stad van Islam (5) Grootpraat (4)…

VEEARTS BEANTWOORD VRAE KATTEKWAAD My kat maak my dikwels in die nag wakker, net om sy kos te skud of te maak asof ek vars water ingooi. Kan ek dit vir hom afleer? Ja, jy kan hierdie gedrag afleer, maar daar is ’n hele paar redes hoekom ’n kat hierdie gedrag kan toon. ’n Mens moet ook onthou dat katte eintlik nagdiere is, so hulle is meer aktief in die aande. Verveeldheid en ’n tekort aan stimulasie speel ’n groot rol in abnormale gedrag by katte. Katte benodig fisieke en verstandelike stimulasie gedurende die dag anders soek hulle daarna in die aand. Katte is ook baie sosiale diere en kan maklik eensaam voel. Maak dus seker dat jy genoeg aandag aan jou kat gee. Maak seker daar is genoeg speelgoed…