Innholdsfortegnelse for July 2025 i Rooi Rose

Wanneer sal ons ooit “genoeg” hê? Genoeg geld, vriende, sukses, aansien, genoeg … Dit is die beste gevoel om absolute vrede te vind met dít wat jy het en dit wat jy is. Natuurlik is daar iets soos ambisie en wil ’n mens die beste kry wat jy kan, maar dis belangrik om te weet wanneer jy die perke oorskry en genoeg eerder ’n struikelblok word. Om jouself altyd met ander en dít wat hulle het te vergelyk, is uitputtend en bring ’n gevoel van ontevredenheid mee. Om waarlik te voel dat jy genoeg het, beteken nie dat jou bankrekening propvol is of dat jy pas die beste motor gekoop het nie. Om genoeg te hê, is ’n innerlike toestand van vrede en waardering. Dit kan wees dat jy sinvolle…

Die verhoog pryk monochroom en stil in die oomblikke voor die ligte verdoof. Die gehoor skuif afwagtend op skoolsaalstoele rond. Iewers in die teater skarrel Hennie van Greunen en Pedro Kruger om vir oulaas by die toneelgeselskap, die tegnici, en die eregaste in te loer. Skarrel is dalk die verkeerde woord, want hierdie twee ervare teatermakers skep reeds vir 25 jaar teater en spog met meer as 40 suksesvolle verhoogstukke en internasionale produksies op hul kerfstok. Dis die openingsaand van Annie en Helen by die 29ste Klein Karoo Nasionale Kunstefees. Hierdie toneelstuk, wat oor die storie van die doofstom Helen Keller handel, is reeds 'n geruime tyd op almal se lippe; grotendeels as gevolg van die nuwe jong teatersensasie Judi Hattingh, wat die rol van Helen Keller vertolk. Die 13-jarige…

STILIS ZEENAT KHAN STILISASSISTENT MEGAN BAGULEY/ ALEXANDER BENJAMIN FOTO’S GARETH VAN NELSON FOTOGRAAF-ASSISTENT LAUREN FREDERICKS HARE EN GRIMERING NICOLA LOOTS MODEL ICE MODELS/RAQUEL GALVAO VIND HIERDIE ARTIKELS BY: AYANA www.ayana.co.za CAPE UNION MART www.capeunionmart.co.za CRYSTAL BIRCH www.therealcrystalbirch.com/ FOREVER NEW www.forevernew.co.za/collections/new-in FOSCHINI www.bash.com/foschini G-STAR RAW www.g-star.com H&M www.superbalist.com/brand/hm LOVISA www.lovisajewellery.co.za LUXOTTICA www.essilorluxottica.com/en/ POETRY www.poetrystores.co.za/ SWAROVSKI www.swarovski.com/en_GB-za/ THE FIX www.bash.com/the-fix WOOLWORTHS www.woolworths.co.za ZARA www.zara/com/za/…

1 | N°1 De Chanel Serum-in-Mist R2 365, CHANEL-BOETIEKS Volgens Chanel wag jeug vir niemand nie, en ons vel is die eerste plek waar dit sigbaar is. N°1 DE CHANEL Serum-in-Mist kombineer die krag van kosbare rooi kamelia met die innovasie van 'n nuwe misformaat wat maklik in jou handsak kan pas sod at jy dit reg deur die dag kan gebruik. Die rooi kameliablom is die sleutelbestanddeel, en is 'n plant wat tot 200 jaar kan lewe. Hierdie blom, wat 19 jaar lank deur die Chanel-laboratoriums bestudeer is, is propvol protokategniese suur, en kan die lewenskrag-meganismes van die vel versterk en die vel teen oksidatiewe stres beskerm, terwyl dit onmiddellik jou vel streel wanneer dit droog is. 2 | NUXE Very Rose Plumping Lip Serum R445, WOOLWORTHS Soos ons…

Bly die hele jaar beskerm met ImmuDefense, jou daaglikse alles-in-eenimmuniteitsformule van Metagenics. Hierdie kragtige aanvulling kombineer essensiële voedingstowwe – vitamien C, vitamien D3, sinkbisglisinaat, selenium, en quersetien – om jou immuunstelsel te versterk, oksidatiewe stres te beveg en algemene welstand te ondersteun. Vitamien C en quersetien werk saam om sinkopname te verbeter, terwyl vitamien D en selenium ’n belangrike rol in immuunregulering en antioksidantverdediging speel. Met hoë biobeskikbaarheid vir maksimum opname, bied een kapsule per dag doeltreffende, gerieflike ondersteuning. Of dit nou griepseisoen is, jy op reis is, of bloot jou gesondheid wil versterk – ImmuDefense help om jou natuurlike verdediging sterk te hou. Beskikbaar by apteke…

Dit is belangrik om te verstaan wat saamgestelde rente en die impak daarvan op die prestasie van beleggings op die duur is. Saamgestelde rente is die resultaat van die kapitalisasie van rente op beleggings. Dit is dus die kumulatiewe effek van rente wat op rente verdien word. Byvoorbeeld, as R1 000 in die eerste jaar teen ’n saamgestelde rentekoers van 10% belê word, sal R100 se rente in die eerste jaar verdien word. Kapitalisasie van dié rente sal dus ’n beleggingswaarde van R1 100 in die tweede jaar verseker, met R110 se rente in die tweede jaar as resultaat. Deur bostaande voorbeeld is dit duidelik dat die rentebedrag wat verdien word teen ’n persentasie van 10% per jaar groei. Só is daar aanhoudende groei in die belegging se waarde en…

✤ Justin is gek na die Krugerwildtuin – ons gaan soontoe om te ontlaai. En ons is lief vir fliek. ✤ Ek en Jade hou daarvan om ons naels te laat versorg. Ons vaar saam die winkels in, veral klerewinkels. Ons gaan stap met die honde en doen joga. Op 53 probeer ek net my tone raak! ✤ My ouers woon nou in Johannesburg. My pa het demensie. Ek het soveel deernis vir mense wat hiermee te make het. ✤ As jy nie vir jouself stiltetyd inruim of ’n geleentheid skep om asem te haal nie, kan die lewe jou oorweldig. You need glimpses of happiness, which you create yourself.…

Rogan Josh-lamspastei ❖ 6 porsies 1 kg lamsblad, in blokkies gesny 80 ml (½ k) koekmeel 30 ml (2 e) groente-olie 2 uie, fyngekap 135 g Rogan Josh-kerriepasta 410 g-blik gekapte tamaties 500 ml (2 k) beesaftreksel 1 vel skilferkorsdeeg 10 ml (2 t) melk 2 ml (¼ t) komynsaad 1. Meng lamsvleis met meel, skud enige orige meel af. Verhit olie in groot kastrol. Braai lamsvleis in sarsies tot bruin. Verwyder van pan. 2. Braai ui in dieselfde pan en roer tot sag. Voeg kerriepasta by pan. Braai en roer tot geurig. 3. Plaas lamsvleis terug in pan met geblikte tamaties en aftreksel en bring tot kookpunt. Verminder hitte en laat onbedek vir 1½ uur prut. Verwyder deksel en laat vir 30 minute of tot sag prut. Geur na…

Om die Franse Alpe in sneeutyd te besoek is seker op menige se wenslysie. Só tref die geluk my om ’n uitnodiging van Club Med Serre Chevalier te ontvang en gebeur dit dat ek vanjaar op 4 Februarie saam met ’n groep van nege Suid-Afrikaners na Parys vlieg. Die bekende persoonlikheid Minki Joubert en haar man, Ernst, Bryoni Govender (Mej Heelal Suid-Afrika 2023 en Mej Supranational Suid-Afrika 2024), en die modeontwerper Gert-Johan Coetzee en sy wederhelf, Vicky Visagie, is deel van die span. Ons vlieg vanaf Johannesburg na die Charles de Gaulle-lughawe in Parys. Ons vlug met Air France is tien uur lank. Daar is besigheidsklas, premierklas en ekonomiese klas. Ons sitplekke is by premierklas geboek. Dit beteken dat daar meer beenruimte is, en dis effens ruimer as ekonomiese klas.…

Afkortings Aw - aweregs pat - patroon r - regs r2tes - regs 2 steke tesame vermeer - vermeerder vermin - verminder Weersk - weerskante WAT HET JY NODIG? ❖ CHARITY (DK) 100 g ❖ 1 bal elk in Camel, Beige, Jeans Blue, Claret en Olive ❖ 3 balle Cocoa ❖ 4 mm- en 4,5 mmbreinaalde ❖ 5 knope GROOTTE Pas borsmaat 107-112 cm BREI-INLIGTING ❖ Gebruik kleure van jou keuse. ❖ Gebruik enige breidraad met spanning van 20 steke oor 10 cm in koussteek. ❖ Die kleure waarmee jy in ’n ry brei, kruis agter wanneer jy van kleur verwissel. ❖ As jy meer as vyf steke in een kleur brei, hou die kleur waarmee jy nie brei nie aan die bokant sodat jy dit na die tweede steek met die werkende breidraad vasvang. So…

Woordoku 1, 2 & 3 van bl 118 WOORDOKU 1 WOORDOKU 2 WOORDOKU 3 Raaikettings 1 & 2 van bl 119 RAAIKETTING 1 Skuins na onder: 1. Pik; 2. Atol; 3. Nepal; 4. Meter; 5. Resep; 6. Rebel; 7. Rusie; 8. Stel; 9. Erf. Skuins na bo: 1. Pan; 10. Item; 11. Koper; 12. Later; 13. Leser; 14. Rebus; 15. Peste; 16. Lier; 17. Elf. RAAIKETTING 2 Skuins na onder: 1. Wag; 2. Ysel; 3. Sones; 4. Filet; 5. Ellie; 6. Edele; 7. Erika; 8. Etse; 9. Eet. Skuins na bo: 1. Wys; 10. Asof; 11. Genie; 12. Lelle; 13. Selde; 14. Tiere; 15. Elite; 16. Ekse; 17. Aet. Blokraai 1 & 2 van bl 113 & 114 BLOKRAAI 1 BLOKRAAI 2 Blokraaie 3 & 4 van bl 115 BLOKRAAI…

Die uwe het nooit gedink sy sal in haar silwer jare alleen wees nie. Dis weliswaar nie iets wat haar slapelose nagte besorg nie; buitendien, op háár gevorderde ouderdom gebeur slapelose nagte sonder enige rede. Maar die punt wat sy probeer maak, is sy is al so lank ’n alleenloper, dis feitlik ’n gegewe dat dit vir haar bestem is. Haar vriende het egter nog nie handdoek ingegooi nie. Wanneer daar die geringste teken van ’n moontlike amour in haar wentelbaan verskyn, raak hulle kinderlik opgewonde. So erg, sy voel soms sy’s dit aan húlle verskuldig. Hulle wil ook nie hoor sy’s eintlik heel gelukkig op haar eish nie. Dis goed so, sal hulle murmureer, maar dis tog soveel beter om ’n maatjie te hê. Net die woord “maatjie” alleen…

D is ietwat van ’n blou Maandagoggend vir Mienke. “Ek het my motor ingegee sodat hulle die flikkerlig moet regmaak, nou wil hulle sommer die bumper vervang,” sug sy beswaard. “Ek sweer hulle vat ’n lekker vet kans net omdat ek ’n vrou is.” Daar is gelukkig niks wat ’n donker gemoed vinniger lig as ’n bietjie boeretroos nie. Sy bestel ’n cortado en verduidelik: “Dis helfte koffie en helfte melk. Ek hou maar matigheid voor oë; ek is redelik gesondheidsbewus en hou nie van ’n kafeïen-rush nie. “Maar ek is lief vir my koffie en my wyn en ’n soetding soos daai soft gum sweeties van Woolies, wat ek in die vrieskas bêre, dan smelt dit so lekker in jou mond. Ek glo in balans,” beklemtoon sy en dié…

5 behandelings vir jeugdiger vel ná 50 ELZETTE CALITZ Stigter van Beauty is Life by Spice Route Destination in Paarl 1 | MIKRONAALDTERAPIE Mikronaaldterapie is een van die doeltreffendste behandelings vir verouderende vel. Dit skep beheerde mikrobeserings met klein naalde wat die liggaam se natuurlike genesingsreaksie aktiveer. Resultate: Vermindering van fyn lyntjies en plooie Verhoogde kollageenproduksie Verbeterde veltekstuur en -kleur Vermindering van littekens en pigmentasie Verbeterde absorbering van velsorgprodukte 2 | LED-LIGTERAPIE (ROOILIGEN INFRAROOI-LIGTERAPIE) Rooilig- en infrarooi-ligterapie dring verskillende velvlakke binne. Dit is ’n nie-indringende opsie wat ander behandelings aanvul en langtermynvel-gesondheid bevorder. Resultate: Verhoogde kollageenproduksie Verminderde rooiheid en inflammasie Versnelde genesing en verbeterde bevogtiging Stralende, gesonde gelaat 3 | CHEMIESE SKILFERBEHANDELINGS Chemiese skilferbehandelings verwyder dooie velselle en stimuleer selvernuwing. Met ouderdom vertraag hierdie proses en dit lei tot ’n…

“Wanneer die liggaam te min of te veel skildklierhormone produseer, is die hoofoorsake stres, voedingstoftekorte, toksisiteit of infeksies,” verduidelik dr Faryal. • Stres speel meermale ’n rol. • Voedingstoftekorte kom voor wanneer jy óf nie die regte voedingstowwe inneem nie óf jou liggaam dit nie behoorlik kan absorbeer nie. Die gesondheid van jou dermkanaal staan sentraal. • Wanneer daar te veel gifstowwe in jou liggaam is, kan dit met doeltreffende tiroïedfunksie inmeng. • Versteekte infeksies soos candida of Helicobacter pylori benadeel die dermkanaal én skildklierfunksie. Dr Faryal Luhar werk in persoon en aanlyn: Besoek www.drluharnaturo.com of dr_faryal_luhar op Instagram, of stuur ’n e-pos na dr.faryal.luhar@gmail.com…

Vyf jaar terug het die pandemie die onderwyswêreld op sy kop gedraai. Klasse moes skielik aanlyn plaasvind en kommunikasie is deur e-posse en WhatsApp-groepe gestuur. Dit was vergemaklik deur die tegnologiese ommeswaai wat tussen 2007 en 2010 plaasgevind het toe die internet skielik op 'n slimfoon in 'n broeksak kon pas. Vandag se generasie leerders ly onder ons as ouers se onkunde oor die impak van slimfone, maar nou wil skole terug na hoe dit was voor konstante slimfoontoegang die pas bepaal het. In Frankryk is slimfone reeds sedert 2018 in laer- en hoërskole verbode omdat daar gereken word skoolgaan sonder'n foon help kinders om beter te fokus, dit verminder hul sosialemediagebruik en aanlyn boeliegedrag neem af. Skole in Nederland, Portugal en Finland het ook al soortgelyke regulasies ingestel. En…

✤ Daar is geen maklike manier om ’n beroep in ons bedryf te verseker of sukses te waarborg nie. Instellings soos AFDA en Open Window lê ’n stewige grondslag, veral wat die tegniese sy betref. ✤ Jy moet entoesiasties wees oor die bedryf en die skep van inhoud. Jy moet goed kan skryf en verskillende genres leer ken sodat jy weet watter soort stories jy vir watter teikenmarkte kan vertel. ✤ Jy moet doelgerig wees – sien jy jouself as ’n vervaardiger, ’n regisseur of in ’n ander rol? ✤ Jy moet oor ’n can do-houding en ondernemingsgees beskik. ✤ Ek glo jy kan enigiets bereik mits jy jou regtig daarop toespits.…

’n Trio van raar Alvi’s Drift-wyne Alvi's Drift se Albertus Viljoen Icon-reeks van drie wyne is ideaal vir diegene wat hulself met 'n spesiale wyn wil bederf. Albertus Viljoen was die man wat die plaas in 1928 begin het en daarom word hierdie spesiale reeks na hom genoem. Daar is slegs 491 kiste van die chenin blanc gemaak, 512 kiste van die chardonnay en net 100 kiste van die Bismarck. Die Albertus Viljoen Chenin Blanc 2023 kos R330 per bottel en is al verskeie kere bekroon, onder meer met "Great Gold" by die lnternasionale Wyntoekennings in Spanje. Die Albertus Viljoen Chardonnay 2022 (R330) is een van Suid-Afrika se top-100-wyne. Die Albertus Viljoen Bismarck 2020 is weer 'n heerlike rooi versnit wat R370 per bottel kos. Meer inlighting by www.alvisdrift.co.za Vier…

Alet Kilchenmann gesels met my vanuit haar lieflike huis in Kampsbaai. Hier woon sy en haar man, Pascal, saam met hul twee kinders, Andreas (8) en Anna (5), waar kos en die kombuis ’n sentrale deel van hul gesinslewe uitmaak. Alet lééf vir kos. Eintlik draai haar lewe al van kleins af rondom kos. Die afgelope 20 jaar het sy vele draaie in die kosbedryf gemaak: As sjef by fynproewerrestaurante; as onafhanklike konsultant; in produkontwikkeling by Woolworths; amper tien jaar by Food Lovers Market; tot waar sy vandag die hoof van kos by Ocean Basket is. En ter interessantheid: Sy het ’n internskap by rooi rose onder leiding van die voormalige kosredakteur Vickie de Beer gedoen! Alet vertel: “Dit is seker ’n bietjie van ’n cliché, maar ek het die…

❖ Daar is ’n winkel by Club Med se oord wat onder meer skibaadjies en -broeke, sonbrille en ander kledingstukke verkoop sou jy iets vergeet het, maar dis effens aan die duur kant. ❖ Onthou om jou bank te laat weet dat jy oorsee gaan sodat jou bankkaart geaktiveer kan word. Een van ons groeplede het vergeet en kon nie haar bankkaart op die lughawe gebruik nie. ❖ As jy meer as gereed vir die ski met jou aankoms wil wees, kan jy by The Ski Deck in Randburg vir skilesse gaan en ook daar jou skibaadjie en -broek huur. ❖ Belangrik om saam te neem: Thermal-broek en -top wat jy onder jou skiklere aantrek, dik kouse, mussie, sonbril óf skibril, lipsalf met SBF en SBF-room vir jou gesig, handskoene,…

Jy’t eers op 56 begin skryf en sedertdien is daar ’n hand vol tienerboeke en twee boeke vir grootmense op die rak. Hoe en waar het jy begin skryf? Ek het per ongeluk boeke begin skryf. Dit was nooit my droom nie. Ek en ons dogter, Mia, het nege maande op Potchefstroom gaan bly omdat sy daar op skool was en gesondheidsprobleme gehad het. Twee weke voordat ons teruggetrek het Parys toe, het ’n vriendin my van die ATKV se skryfskool by die Noord-Wes Universiteit (NWU) vertel. Ek dink toe by myself: Miskien moet ek iets vir myself doen ná hierdie stresvolle tyd met my siek kind. Ek skryf toe vir die jeugromankategorie in, omdat ek gereken het dis makliker as poësie of skryf vir grootmense (wat die ander twee…

VEEARTS BEANTWOORD VRAE O WEE, 'N SLANG! My kinders wil graag ’n slang as troeteldier aanhou, maar ek’s vrek bang. Wat kan ’n mens kry wat jou nie sommer sal aanval, of wat te groot en vreesaanjaend word nie? Slange as troeteldiere klink dalk 'n bietjie ongewoon vir die meeste van ons, maar passievolle slangliefhebbers beskryf hul koudbloedige reptiele as liefdevolle en interessante troeteldiere. Maar hoe om hulle aan te hou en te versorg, kan ’n groot uitdaging en verantwoordelikheid wees. Vir die beginner is dit sinvol om eers die kleiner en minder aggressiewer spesies te oorweeg. Dit is nie ’n goeie plan om ’n slang in die bos te probeer vang nie. Kies eerder ’n slang wat in aanhouding deur verantwoordelike en gelisensieerde telers geteel is. Hier is ’n…

Dis 'n sonnige Maandagmiddag in Maart toe Mia le Roux die deur van haar Mej SA-woonstel oopmaak wat op die skoonveld van 'n Johannesburgse gholfbaan afkyk. Sy is nog mooier as wat ek gedink het. Sy't 'n klassieke skoonheid, 'n amper ouwêreldse voorkoms. Sy nooi my binne en probeer keer dat Ada - haar vyf maande oue "babatjie" wat 'n gespikkelde sjokoladebruin miniatuurworshondjie is – nie uitglip nie. Ons sit by die glaseetkamertafel waar 'n oop skootrekenaar staan en haar kêrel, Luke Ten Oever, se dik leerbaadjie oor 'n stoel hang. Mia is ontspanne en gemaklik om haar storie vir die soveelste joernalis te vertel. Trouens, sy is meer bekommerd of ek oukei is nadat ek verdwaal het en laat vir ons afspraak is. Ek het Mia laas hoor praat…

As jy deur enige van Leon Kluge se tuine by hotelle of plaastuine loop – van Sterrekopje en Angala tot die speserytuin by Babylonstoren – of die geleentheid het om oorsee te reis om een van sy ontwerpe tydens ’n skou te gaan kyk, kom die eeue ou wysheid van Kahlil Gibran dalk net by jou op. “Work is love made visible.” Dit is iets waarin Leon ’n mens laat glo. Met sy landskapontwerpe waarin hy sy absolute liefde en passie vir plante uitleef, het hierdie “plantman”, wat op Nelspruit in die Laeveld grootgeword het, al reggekry wat meeste mense nog net van droom, boonop met erkenning op internasionale verhoë. Ten tyde van hierdie onderhoud, het Leon en sy span pas sy jongste ontwerp vir 2025 se Chelsea-blommeskou, die wêreld…

Gebruik dit ’n paar keer per week om jou vel ekstra te vertroetel, of gebruik dit as jou nagroom wanneer die vel ekstra droog is.…

Ek was so rukkie terug vir werk in New York. Die hoë geboue, majestueuse reklameborde en baie liggies het my verstom gelaat. Hoe het ek hier gekom? Soos ek deur die strate gestap het, het soveel dinge my geïnspireer om harder te werk, groter drome na te jaag en elke oomblik wat ek sien in te neem. Soms bevraagteken en onderskat ons ons vermoëns. Ons hoef nooit vir ’n groot land soos Amerika terug te staan nie. Die verskil hang van jouself af: Of jy in jouself sal glo om harder as die mense langs jou te werk. NS: Hoe mooi is my model? Marelize Earle (52) het my asem tydens my Masterclass in George weggeslaan. WENK Winter bring ’n droë vel mee. Jou grimering sal nooit perfek lyk as…

Teetyd Die meeste mense begin die dag met ’n koppie in die hand – of dit nou tee of koffie is. Terwyl tee nie soveel kafeïen soos koffie bevat nie, bevat die meeste soorte tee wel ’n bietjie. Sommige Suid-Afrikaners erken dat hulle op kafeïen oorleef terwyl ander dit dalk wil vermy. Tetley se vennoot-dieetkundige, Mbali Mapholi, sê daar is baie redes waarom sommige Suid-Afrikaners kafeïenvrye tee verkies. “Sommige mense word meer deur kafeïen geraak as ander,” verduidelik Mapholi. “En dan is daar diegene wat swanger is of sukkel om te slaap, wat kafeïen heeltemal moet vermy.” Kafeïenvrye tee-opsies in die plaaslike mark is beperk. Tetley het onlangs ’n bekostigbare tee sonder kafeïen bekendgestel. Tetley se nuwe Decaf Tea Blend bied die kenmerkende geur van sy Premium Tea Blend –…

✤ Drink meer water gedurende die dag, en heel eerste in die oggend voor ’n koppie koffie. Dit help nie net om ontwatering te voorkom nie, maar gee jou liggaam ook ’n energiehupstoot. ✤ Strek of doen jogaoefeninge wanneer jy wakker word. Oornag, tydens REM-slaap, word jou spiere letterlik verlam (atonia), en word dan deur middel van strekoefeninge geheraktiveer en stel energiestimulerende endorfiene vry. ✤ Maak seker dat jy genoeg deur die dag, en op die regte tye eet. ✤ Bestee ’n rukkie buite in die son in die oggend om jou liggaam se serotonienvlakke ’n hupstoot te gee. Dit sal ook ’n beter nagrus verseker. ✤ Enige vorm van oefening in die oggend sal help om jou minder moeg te laat voel. Bron: Healthline…

Wanneer Christel Sampson beskryf word as “’n dinamiese rolspeler in die mediabedryf – bekend vir haar dryfkrag, vasberadenheid en vermoë om deurlopend uitsonderlike resultate te lewer”, is dit net die helfte van die waarheid. Sy’s ook toeganklik, belangstellend en opreg. Sy praat openhartig oor uitdagings soos ma-wees en ouers wat algaande meer steun nodig kry. Die hegte band tussen haar en haar matriekdogter, Jade, wat saamgekom het na ons onderhoud, is tasbaar. Christel het reeds talle posisies in die TV- en reklamebedryf beklee. Vandag is sy die senior rekeningbestuurder van algemene vermaak by DStv Mediaverkope Deur die jare was sy betrokke by van Wie word ’n miljoenêr en Koppestamp tot die Silwerskermfees. Sy lig die sluier oor wat agter die skerms gebeur en verduidelik hoe ingewikkeld dit is om ’n…

Die bekende skrywer Alta Cloete vertel: “My pad met joga het begin met my seun wat in Noorweë bly. Toe hy kom kuier het, het hy op my versoek sy joga-CD’s saamgebring. Ek het sukkelend ingeval en daarna vir meer as ’n dekade op my eie by die huis voortgegaan. Onlangs het ek van ’n jogaklas in ons buurt bewus geword. Ons instruktrise is nie bloedjonk nie en ons is hoofsaaklik ouer vroue. Die klas neem ons onderskeie beperkings in ag en elkeen het die vryheid om net te doen waarmee sy gemaklik is. Joga is ’n wonderlike manier om soepelheid, krag en balans te bevorder. Bykomend is die positiewe emosionele impak wat dit het. Omdat asemhaling die hele tyd bewustelik en beheersd ingespan word, is dit baie kalmerend.” Joga…

❖ Moenie te duur wyn gebruik nie, want die hitte sal die subtiele, heerlike geure verdof pleks daarvan om dit te verbeter. Ons stel voor jy gaan vir jonk en vrugtig in plaas van oud en kompleks Rooiwyn-en-bloubessiekoekies ❖ 12 porsies BLOUBESSIEKOMPOT 150 g vars bloubessies 30 ml (2 e) strooisuiker 250 ml (1 k) rooiwyn KOEKIES 125 g botter, saggemaak 5 ml (1 t) vanieljegeursel 165 g bruinsuiker 2 eiers 185 g bruismeel 25 g kakaopoeier 150 g vars bloubessies OPDIENING 250 g mascarponekaas 15 ml (1 e) melk 15 ml (1 e) versiersuiker BLOUBESSIECOMPOTE 1. Plaas bestanddele saam in bak en sit vir 2 uur in yskas. 2. Druk mengsel deur sif in pot en hou bloubessies eenkant. Verhit wynmengsel oor lae hitte vir twee minute of tot suiker oplos. Bring tot kookpunt. Verwyder van hitte. 3. Hou…

Het aantreklike mense ’n voorsprong in die lewe? Beslis, sê Astrid Hopfensitz, ’n professor in organisatoriese gedrag by die EMLyon-besigheidskool in Lyon, Frankryk. Dit heet die halo-effek of beauty premium, en verwys na die uitwerking wat voorkoms op sukses het. Volgens dié professor is die ekonomiese en sosiale voordele van skoonheid onmiskenbaar. Verskeie studies het ook die afgelope paar jaar bewys dat aantrekliker individue voordeel trek uit hul voorkoms en dit veral in hul bankrekenings weerspieël. Die American Economic Association wys daarop dat mense wat as aantreklik geag word gemiddeld 10% tot 15% hoër salarisse verdien as hul minder mooi kollegas. Prof Astrid voer aan die verwagting is dat aantreklike mense intelligenter is en dit ’n invloed op loopbaangeleenthede, bevorderings en verhogings het. In ’n Harvard Business Review-artikel skryf Tomas…

BEKENDES EN BLOMME ONS VOORBLADSTER “Sonder die natuur sal ons nie hier wees nie,” sê ons voorbladster en Mej Suid-Afrika, Mia le Roux. “Die natuur kyk mooi na ons as ons mooi na ons omgewing kyk. Die natuur gee vir ons skoon lug en suurstof sowel as baie voedingstowwe en geure wat ons voed en bekoor.” Sy sê dis vir haar spesiaal om altyd ’n vars ruiker op haar tafel te hê. “Ek het altyd gedroom om ’n huis vol blomme en lewe te hê, en nou het ek dit. Dis net so spesiaal om vir mense ruikers te gee, want jy gee ’n bietjie kleur aan hul lewe.” Mia is ook lief vir tuinmaak. Sy vertel sy het altyd haar pa in die tuin gehelp en sal graag eendag…

❖ Nicole Kidman is een van die vervaardigers van die rolprent. ❖ Die draaiboek is reeds in 2013 voltooi, maar niemand wou dit verfilm nie. ❖ Die meeste tonele is in 2024 op ’n geboude stel geskiet, en nie in die dorpie Holland nie. ❖ Slegs die windmeultoneel is naby die Holland-stasie verfilm. ❖ Die parade-toneel is in Clarksville, Tennessee, geskiet. ❖ Die rolprent se titel was eers Welcome to Holland, maar is toe verkort. ❖ Bryan Cranston en Naomi Watts sou aanvanklik die hoofrolle gespeel het. ❖ Omdat Holland so lank gesloer het, moes hulle later onttrek en Nicole Kidman en Matthew MacFadyen het oorgeneem. ❖ Nicole het laggend gesê sy sal enigiets doen om in die vierde The White Lotus te speel as die skrywer en regisseur, Mike…

BLOKRAAI 1 BLOKRAAI 2 BLOKRAAI 3 BLOKRAAI 4 BLOKRAAIE: HEIDRI MITTENDORF; FOTO’S: HAUTE STOCK BLOKRAAI 5 BLOKRAAI 6 LEIDRADE DWARS 5. Na eie vrye wil (11) 7. Paradys (4) 8. Slegte reuk (5) 10. Versteende (11) 12. Plantstingels (5) 13. Klein hond (4) 15. Vakvereniging (11) AF 1. Idee (4) 2. Skamerig (3) 3. Kleinerige geswel (4) 4. Haastig insluk (10) 6. Aantonende wys (10) 9. Rekenprobleem (3) 11. Verskeie (6) 13. Neonaat (4) 14. Minnekoos (3) LEIDRADE DWARS 1. lemand met steeldrang (10) 6. Kook water daarin (5) 7. Sny graan daarmee (5) 9. Aaklige (4) 10. 'n Voël het twee (6) 12. Bykomstig (6) 14. In twee deel (4) 17. Sleepmerk (5) 18. Bemoedig (5) 19. Mededeling (9) AF 2. Nie nou nie (5) 3. Houtpap (4) 4. Kieliebakke (6) 5. Vaslê (5) 6. Deskundiges (7) 8. Woudvoëls (7) 11. Boomlose grasvlakte (6) 13. Pakhuis (5) 15. Op koning se kop (5) 16. Geluidloos (4)…

Ek besoek my bejaarde ouers in die aftree-oord waar hulle vroeër vanjaar ingetrek het. (Jy mag nie die woord “ouetehuis” gebruik nie, waarsku die verpleegsuster my, want dit laat die “oumensies” soos uitgestorwe dinosourusse voel.) Daar is ’n knop in my keel (eintlik meer ’n klip as ’n knop) toe ek van die aftree-oord wegry, wat ek terug by my huis nie eens met ’n pot tee en toe ’n kelkie sjerrie afgesluk kan kry nie. Daar is ook ’n benoude gevoel in my bors wat my nie wil los nie - selfs ná nog ’n glasie sjerrie. Oudword is nie vir sissies nie. En die oudwordproses slaan niemand oor nie. Dit lê en wag vir ons almal. Selfs die pasgebore babas sal uiteindelik met verloop van tyd oud word,…