Innholdsfortegnelse for January 2023 i Rooi Rose

redakteursbrief Dit bly maar lekker om ’n geleentheid te vier. Troues, verjaardae, huweliksherdenkings, noem maar op. En hoekom nie? Dis ’n gulde geleentheid om almal vir wie jy lief is, bymekaar te kry en saam met hulle te wees. Sulke tye sorg vir goeie herinneringe. Ek is die afgelope paar jaar daaraan skuldig dat ek nie moeite gedoen het om enige geleentheid te vier nie. Selfs my 40ste veijaardag het ongemerk gekom en gegaan. Hierdie uitgawe het my laat besef dat ek herinneringe misloop. Ek het sommer reeds my volgende veijaardag, al is dit eers oor ses maande, beplan. Dit gaan ’n high tea saam met 'n paar spesiale vriendinne by Just Teddy in Hyde Park Corner, Johannesburg, wees. Ek sien uit na die viering! Just Teddy het ook onlangs…

Eintiik moet haar tweede naam “Rits” wees, want daar’s kwalik ’n rustige oomblik in Demi Lee Moore se lewe. Die oggend voor ons onderhoud was sy by ’n fotosessie vir Afrikaans is Groot. ’n Paar dae gelede het sy van ’n konserttoer in Nieu-Seeland teruggekeer en ’n week of wat tevore was sy in Amsterdam vir ’n optrede. “Al voel dit soms asof ek letterlik nie tyd het om asem te skep nie, sal ek nooit daaroor kla nie," erken die 33-jarige sangeres. “Ek sê altyd vir mense ek weet hoe dit voel om voor niemand te sing nie. Tydens die vertoning in Amsterdam het ek ’n paar keer tranerig geraak, want ek is so ongelooflik dankbaar.” Vir ’n goeie dekade lank het sy oral opgetree, selfs by begrafnisse. “Ek…

Jy is ongelooflik veelsydig en skryf humor sowel as misdaadfiksie. Watter een van die genres lê jou die naaste aan die hart, watter een is die moeilikste en watter die gewildste? Misdaadfiksie sal altyd my gunsteling-genre bly. Humor is moeiliker om te skryf. My selftwyfel of iets vir lesers snaaks gaan wees, maak dat ek baie stadiger aan humor skryf. Wat individuele boeke se verkope betref, loop Hans met ’n kortkop voor. Hans van die Hans-reeks is ’n jeugdige 94 jaar oud. Gaan hy in die toekoms nog baie aanjaag? Daar sal volgende jaar ’n vyfde Hans-boek verskyn. Of dit die laaste in die reeks sal wees, sal ons moet sien. Ek is self nie seker nie. Watter raad sal jy aan ’n jong skrywer met sterre in die oë…

Musiek bruis van kleins af in Megan Kahts se are. “As kind, wou ek nie spesifiek ’n sangeres word nie, maar eerder ’n musikant. Om ’n musikant of sanger te word, moet jy musiek binne-in jou wese dra en jy moet ’n groot begeerte hê om jouself musikaal uit te druk. Dit is ’n roeping wat nie geforseer moet word nie,” vertel die mezzo-sopraan. Megan het in 2009 Suid-Afrika verlaat en haar in Wene gaan vestig waar sy haar groot droom om ’n operasangeres te word, wou verwesenlik. Nadat sy haar opleiding voltooi het, het sy ’n naam vir haarself op die verhoë van die grootste en bekendste operahuise in Europa gemaak. Al skitter haar ster helder in Europa, vergeet sy nie haar geboorteland nie. Megan het laat-Oktober en November…

NUWE PRODUKTE VIR DIE NUWE JAAR…

Ná Desember is die meeste van ons normaalweg redelik platsak en ons finansiële portefeulje geniet miskien dan nie voorkeur nie. Dit is egter die beste tyd om jou strategie te hersien en in plek te kry vir die jaar wat voorlê. Die tydsberekening is ook ideaal voor einde Februarie - die einde van die belastingjaar. As jy nog nie ’n pad met ’n finansiële adviseur stap nie, sou ek aanbeveel dat jy een kry! Finansies is in enige huwelik 'n moeilike onderwerp. ’n Onafhanklike party wat die moeilike vrae kan vra en objektiewe raad oor jou en jou gesin se situasie kan gee, maak dit net soveel makliker. Professionele raad oor jou portefeulje sal jou baie tyd en foute spaar. Die beplanningsproses help jou om kort- en langtermyndoelwitte te stel…

Wanneer jy Just Teddy in Hyde Park Corner besoek, voel dit asofjy in ’n straatkafee in Parys sit, omring met die mooiste dekor wat met die grootste sorg uitgekies is. Alles is ’n lus vir die oog. Ek verkyk my aan die meesterlike koeke en fyngebak wat in die winkelvenster uitgepak is. Dié winkel het oor net 'n biethie meer as twee jaar ’n gewilde bestemming en bymekaarkomplek in die groter gemeenskap geword. Dit is nie alle bakkerye en koffiewinkels wat dit regkry om so suksesvol te wees nie - hier moet ’n baie spesifieke resep gevolg word. Ek ontmoet vir Teddy Zaki by Just Teddy om te hoor hoe hy en sy familie se lewens verander het nadat hulle hul passie vir kos gevolg het. Die regte deur swaai…

Spaghetti met vars tamatiesous en sade ❖ 4 PORSIES 500 g spaghetti 80 ml (⅓ k) olyfolie 3 knoffelhuisies, fyngesny 30 ml (2 e) pietersielie, grofgekap 500 g kersietamaties ½ klein ui, fyngesny 15 ml (1 e) wit balsamiese asyn 50 g dennepitte, gerooster 50 g pampoenpitte 50 g sonneblomsaad 1 k roketblare 1. Kook pasta in groot pot met gesoute kookwater tot amper sag. Dreineer en hou van kookwater eenkant. 2. Verhit olie in groot braaipan oor lae hitte. Braai knoffel tot goudbruin. Roer pietersielie in. Voeg knoffelmengsel by pasta en voeg pastawater by indien nodig. Meng liggies saam. 3. Verwerk helfte van tamaties met ui en wit balsamiese asyn tot sag. Meng tamatiemengsel, orige tamatiehelftes dennepitte, pampoenpitte, en sonneblomsaad met pasta. Voeg roketblare by en sit voor. ❖ Die spaghetti kan met penne vervang word Griekse macaroni-enkaas ❖ 4 PORSIES…

• Bespreek jou I amsterdam City Card aanlyn by www.iamsterdam.com en kies uit 24, 48, 72, 96 of 120 uur. Wanneer jy die digitale weergawe op jou slimfoon afiaai, spaar jy 10%. Die pryse wissel tussen 65 en 135 euro’s en sluit 70 museums, aktiwiteite en besienswaardighede in. Jy kry ook ’n uur lange kanaalvaart gratis. • Vir ’n besoek aan Nederland hetjy ’n Schengen-visum nodig. Laat genoeg tyd voor jou besoek vir die visumproses toe en maak seker daar is ’n aktiewe visumsentrum naby jou. Ons het al inderhaas vlugte vir visumsentrums in ander stede bespreek. • Om jou Amsterdamervaring nog langer uit te rek, vlieg met Royal Dutch Airlines (KLM). Die Hollandse stroopwafels aan boord is individueel verpak en heerlík saam met tee om jou vlug (11 uur…

❖ Keala Settle, wat die rol van die regter se assistent speel, het as “die vrou met die baard” in Hugh Jackman se The Greatest Showman bekendheid verwerf. ❖ Die vervaardigers het erken dat hulle gesorg het dat die moorde in die mooiste plekke geskiet word, wat die reeks nog aanlokliker sou maak. ❖ ’n Meningsopname het bevestig dat gehore meer in die kwinkslae en chemistry tussen die akteurs belanggestel het as in wie die moorde gepieeg het. ❖ Sjarme, charisma, flink dialoog en beeldskone natuurtonele is hier eintlik die wagwoord. ❖ Roger Allam, wat die rol van die regter speel, het mense die vrees op die lyfgejaag in die berugte riller The Woman in Black. ❖ Hy is veral ook as ’n radio-akteur in Brittanje bekend. ❖ Hy het…

Geboue en bome staan stug in die skemerte toe Madelien die dorpie binnery. Jare terug was Zoetevlei ’n florerende plattelandse dorpie, maar deesdae is die plek niks meer as ’n spookdorp nie. Madelien draai regs uit die hoofstraat, verby die verlate skooltjie waar sy en Jaco saam skoolgehou het. ’n Ent verder kry sy Aandster se naambord aan die linkerkant. Die hek hang oop. Sy ry in en hou onder die bloekomboom agter die losieshuis stil. ’n Ruk lank bly sy net so sit, dan haal sy haar selfoon uit haar sak. Ek’s kier. Liefde, Madi.Sy stuur die boodskap nes sy dit elke jaar doen, al weet sy dat Jaco nie sal antwoord nie. In die stilte klap die motordeur onnatuurlik hard toe. Haar oë gly oor die sukkelende stukkie…

VEEARTS BEANTWOORD VRAE WATTER RAS? Is daar sekere honderasse wat beter vir mense met klein kinders is? — Johan van Staden van Potchefstroom Honde is die beste speelmaats en kan kinders verantwoordelikheid, deernis en geduld leer. Net soos kinders hul eie persoonlikhede het, het honde ook hul eie unieke behoeftes, ongeag hul ras. Deeglike navorsing is nodig voor jy besluit om ’n troeteldier te koop. Neem jul lewenstyl, skedule, begroting, kinders se ouderdomme en die ras se aktiwiteitsvlakke in ag wanneer julle ’n nuwe hond kies. Soek jy ’n rustige hond of een met hoë energievlakke? Groot en klein honderasse kan aoeie gesinshonde wees. Ouer honde is in die algemeen meer geduldig en ontspanne, maar individuele honde se temperament verskil. Dierewelsynsorganisasies bied wonderlike geleenthede om as gesin interaksie met verskeie…

Teken vir 12 maande teen R439 in en spaar 33% Handaflewering in sekere gebiede beskikbaar Hoe om in te teken: Bel 021 045 1444 WhatsApp 076 309 7986 E-pos subs@catalyzmo.co.za of besoek www.catalyzmo.co.za Hierdie aaanbod is tot 26 januarie 2023 geldig en van toepassing oo gedrukte intekeninge met n Suid-Afrikaanse adres. Deur jou persoonlike inligting te verskaf, gee jy rooi rose toestemming om via e-pos of SMS met jou te kommunijeer. Bepalings en voorwaardes: Alle pryse in rooi rose is onderhewig aan beskikbaarheid en is nie oordraagbaar, herverkoopbaar of terugbetaalbaar vir kontant nie. Vie nog bepalings en voorwaadesm besoek www.rooirose.co.za…

"Ek staan nou vir die eerste keer in my lewe in die vermaaklikheidswêreld,” sê Waldimar Pelser, wat sedert Februarie 2022 kykNET se kanaalhoof by MultiChoice is. Hoewel kykNET ook nuusaktualiteit dra, is Waldimar intensief by al die genres betrokke. “Ek geniet dit om vrae te vra oor die rolverdeling van ’n drama en of ons hierdie of daardie werklikheidsprogram moet maak. Die begroting kom daagliks ter sprake en die skedulering van inhoud is ’n kuns op sy eie! Dis vir my heerlik om nuwe spiere te oefen en teen dié tyd voel ek minder paniekerig en verlore as aan die begin.” Waldimar raak opgewonde oor nuwe uitdagings. “Ek was ’n bang en tenger kind wat redelik beskermd grootgeword het, maar my eerste pos as nagverslaggewer by Die Burger het my…

DANIËL LÖTTER Protea Boekhuis, R275 Laat spookstories jou tone van lekkerkry krul? Dié skrywer soek na geeste en gedaantes, besoek spookhuise en vertel meer oor sieners en legendes wat Suid-Afrikaners reeds jare laat kopkrap. Lees meer oor die heks van Hexrivier, die seemonsters van die ou Kaap, Antjie Somers, Johanna Brandt en natuurlik Siener van Rensburg en lady Anne Barnard. TYD IS ’N B**KSEM SAAMGESTEL DEUR MARIETA NEL Lapa Uitgewers, R190 Hierdie boek bevat ’n splinternuwe versameling van kortverhale, gedigte, dramas en volksliteratuur vir hoërskoolleerders. Van die skrywers wat jy gaan raaklees, is Zelda Bezuidenhout, Fanie Viljoen, Wendy Maartens en Hannes Barnard.…

skoonheid Is jy lus vir ’n paar uur se pret en plesier en om te leer hoe om altyd op jou beste te lyk? Hannon reis die land vol en wil graag ook in jou dorp kom kuier. Waar moontlik, klim rooi rose saam op die bus om in elkeen se hand te beland. By Hannon en rooi rose se gesellighede voel almal soos Hollywood-sterre, maar soms word die rooi tapyt letterlik uitgerol. Op 10 September 2022 het meer as 200 opgewonde vroue op die rooi tapyt by die Ster Kinekor-teater in N1 Stad (Kaapstad) geloop. Splash Nail & Beauty, wat die mooimaakgeleentheid aangebied het, het seker gemaak dat elke vrou met ’n rooi rose onder die arm en mooimaakinspirasie vir ’n leeflyd weg kon stap. Nie eens beurtkrag op…

Die jaar 2022 het nie ’n tekort aan drama gehad nie en was nou nie juis wat ’n mens sal sê ’n jaar van hoogtepunte nie. Jaco Visser, ’n markkenner en beleggingskrywer, sê die hoofstories wat die speelveld verander het, was die oorlog in Oekraïne en die impak op voedselinset-, voedsel- en oliepryse (en die inflasionêre effek daarvan); die politieke rondvallery in Brittanje en die onsekerheid wat dit in wêreldmarkte geskep het (veral in effektemarkte); die mediumtermyn-verkiesings in Amerika en die onsekerheid oor hul ekonomiese beleid; die mikroskyfietekort in die res van die wêreld wat ’n reuse-impak op wêreldwye voorraadkettings en gevolglik inflasie gehad het; en laastens die skerp toename in rentekoerse in ontwikkelde en ontwikkelende lande weens inflasie en die verwagte wêreldwye verlangsaming in ekonomiese groei. Suid-Afrika het natuurlik…

Moet-hêresepteboek Kry nog lekker en maklike soet resepte in dié boek. Gemmerroomys  ❖ 8-10 PORSIES 2 l (8 k) toffie- of karamelroomys 8 stukkies ingelegde gemmer, fyngesny 1 x 200 g-pakkie gemmerkoekies, gekrummel 1 blik Caramel Treat karamellekkers, karamelsous of ander versiersels na smaak 1. Haal roomys uit vrieskas en laat dit effens sagter word. Roer dan gemmerstukkies deur. 2. Voer tertbord met kleefplastiek uit. Druk koekiekrummels op bord se bodem vas. 3. Skep helfte van roomys op kors. 4. Roer karamel om dit sagter te maak en smeer dit oor roomys. 5. Skep res van roomys oor karamel, bedek met kleefplastiek plaas in vrieskas. 6. Lig tert uit bord net voor jy dit voorsit en versier met karamellekkers of bedruip dit met karamelsous. Vervang gerus die gemmer metsjokolade ofaarbeie Sjokolade-brownies ❖  16 PORSIES 250 ml (1 k)…

Daar is ses boustene van geluk wat op wetenskaplike navorsing gegrond is, wat jy in jou lewe kan integreer, vertel Erica Terblanche van Kaapstad. Sy is ’n intemasionale atleet wat talle van die wêreld se bekendste multidag-woestynuithouwedlope gewen het. Sy is ook ’n lewensafrigter met ’n meestersgraad in die positiewe sielkunde. Die PERMA-model, vertel Erica, is deur dr Martin Seligman, die vader van die positíewe sielkunde, uitgevind. PERMA staan vir Positive affectivity (positíewe gemoed), Engagement (betrokkenheid), Relationships (verhoudings), Meaning and purpose (betekenisgewing en roeping), en Accomplishment (bevredigende prestasies). “As atleet besef ek egter watter deurslaggewende rol die liggaam speel, en ek het daarom my eie bousteen bygevoeg: Vitality (lewenskrag). Ek praat dus van die PERMA-V-model.” Erica gee hier die boustene en nuttíge vrae of oefeninge wat jykantoepas: 1 | POSITIEWE…

brei DIS DALK ’N EENVOUDIGE PATROON, MAAR DIE EINDRESULTAAT IS PRAGTIG WAT HET JY NODIG? ❖ African Expressions Comfort (50 g) (39% bokhaar, 39% viskose, 13% wol, 9% poliamied) ❖ 2 balle elk in vier kleure van jou keuse of groen A 4298), bruin B (4488), perskekleur C (4020), grys D (4283) ❖ 5 mm-naalde Let wel Omdat almal nle dieselfde brei nie, is dit veiliger om eers 'n toetsvierkant met sowat 25 steke te brei. (Myne is met dunner naalde gebrei as wat aanbeveel word sodat die werk nie te los is nie.) Tel hoeveel steke jy oor 10 cm kry en vermenigvuldig dit met vier vir ’n kussing van 40 cm. Doen dieselfde met die rye. Pas die patroon daarvolgens aan. Wanneer jy van een kleur na ’n…

In die lewensloop van elke aardbewoner se roete kom daar tye dat hy kop verloor. Soms is dit kortstondig; soms kan dit maande of selfs jare lank duur voordat daar iewers langs jou pad ’n witgevlerkte engel wag om jou terug te druk op die weg van regsinnigheid. Nou wil ek die horlosie terugdraai na die jaar van onse Heer 1985 toe ek bykans tot my eie ondergang die pad van dobbelary begin loop het. Nie gelóóp het nie, maar soos ’n windhond voortgesnel het asof iemand terpentyn aan my agterent gesmeer het. Toe ek jare later tot my sinne kom, moes ek die legkaartstukkies omdop en met ’n strawwe gesukkel kyk na die hoekoms van my optrede. Ek sal myself om die bos lei as ek bloot sê die…

Jy kom van ’n plaas af. Verlang jy na die plaas en sal jy dalk vir Boer soek ’n vrou inskryf? Ek dink nie ek is vir so ’n program gemaak nie, maar die plaas is my rustigheid en veiligheid. Dis wie ek is en waar ek vandaan kom. Dis die mooiste plek op aarde. Hoe kom die sangers met mekaar oor die weg? Van die lekkerste kuiers wat ek al in my lewe gehad het, is by feeste wanneer ons almal ná optredes kan saamkuier. Ek het ook al besef hoe meer lig jy oor ander skyn, hoe meer guns sal jy terugkry. Hoe voel jy oor al die nuwelinge wat die mark met sterre in hul oë betree? Raak dit die gevestigde sangers? Ek is gek oor nuwe…

KEN DIE BEGRIPPE Die hoeveelheid inligting wat op produkte aangegee word, is soms oorweldigend. As jy egter die begrippe ken, maak dit die proses om te kies en te koop effens makliker. SPF/SBF Dit is die sun protection factor (SPF) of sonbeskermingsfaktor (SBF). Die syfer (soos SBF30) dui aan hoe lank dit jou vel sal neem om te begin brand teenoor wanneer jy geen beskerming aanhet nie. Met ’n SBF30 sal dit jou met ander woorde 30 keer so lank neem om te begin brand. Enigiets vanaf SBF30 en hoër is jou beste opsie om te verseker dat jy beskerm bly. En onthou, as jy twee keer SBF15 aansmeer, beteken dit nie dat jy nou beskerming van SBF30 het nie slegs die SBF15 sal geld. Dit is daarom beter om…

"kyk net hoe OCD is ek nou!” sê ons partykeer spottenderwys wanneer ons oormatig perfeksionisties, nougeset of roetinevas optree. “Hoewel die frase OCD deel van ons alledaagse woordeskat geword het, is dit ’n mite dat almal dié steuring het of’n 'bietjie OCD’is,”sê prof Christine Lochner, ’n kliniese sielkundige en navorser aan die Universiteite van Kaapstad en Stellenbosch. “Ons kan dalk simptome hê wat aan OCD herinner, maar slegs sowat 2% van die wêreldbevolking ly aan obsessief-kompulsiewe steuring (OKS). Dis ’n komplekse psigiatriese toestand wat met uiterste ongemak en funksionele inperking gepaardgaan. “’n Algemene wanopvatting is dat mense met OKS oormatig op netheid gefokus is of kieme of vuilheid vrees en daarom heellyd hul hande wil was. Dis nie waar nie,” sê prof Christine. “Obsessies en kompulsies strek veel wyer.” Sy…

fiksheid Begin die jaar reg - hier is 10 maniere om jou meer gemotiveerd te maak: 1 Oefen saam met ’n vriend of vriendin en hou mekaar aanspreeklik. 2 Skep ’n doelwit vir jou fiksheidsvlakke - beplan en prioritiseer dit. 3 Oefen in die oggend. Só begin jy jou dag met ’n gesonde gewoonte wat die res van jou dag sal bepaal. 4 Hou jou oefensessies kort en kragtig om te voorkom dat jy halfpad deur jou motivering verloor. 5 Begin klein. As jy te vinnig te veel probeer doen, gaan jy seer wees en vir die komende dae nie kan oefen nie, wat jou motiveringsvlakke weer knel. 6 As jy nie van die tipe oefening in jou oefenplan hou nie, verander dit en kies iets wat jy meer sal geniet. 7 Gebruik daardie duur sporthorlosie…

Dit is soms moeilik vir vriende en familie om ’n mens in ’n romantiese verhouding saam met iemand anders te sien as hulle jou vorige geliefde goed geken het. Jy en jou eks of wyle geliefde het immers ’n leeflyd van herinneringe opgebou. Julle het as paartjies saam vakansie gehou, gekuier en naweke baie tyd saam deurgebring. Julle het jul ldnders saam grootgemaak. Dinge het egter verander. Almal was baie simpatiek toe jy jou lewensmaat weens die dood of’n egskeiding verloor het. En net wanneer jy dink jy sien weer kans vir die lewe, kom jy agter jul kuiers met vriende of familie is effens stram. Hier en daar hoor jy gerugte en stories, en dit plaas druk op iou splintemuwe verhouding. Wat nou? Dink voordat jy reageer, of liewer,…

HISTORIESE PLAAS VIER 150 JAAR MET NUWE WYN ❖ Die bekende Allesverlorenwynlandgoed op Riebeek-Wes vier ’n mylpaal -150 jaar in die Malans se besit - met 'n nuwe wyn. Die Malans het onder meer Portugese wyndruifvariëteite in Suid-Afrika gevestig. ❖ Die Fanie Malan Fine Old Vintage Reserve 2014portstylwyn is na wyle Fanie Malan, pa van die huidige keldermeester en die vyfde Malan-eienaar Danie Malan, genoem. ❖ Die wyn is aanloklik met heerlike aromas van swartbessie, pruimedante, sjokolade en droëvrugte, met eikehoutspeserye op die agtergrond. Veroudering gee kompleksiteit aan die smaak, terwyl donker vrugte en kakao 'n deurslaggewende rol speel. Elke slukkie word met 'n satyngladde nasmaak afgesluit. ❖ Die Fanie Malan Vintage Reserve verkoop vir R499 per bottel by www.allesverloren.co.za. SOMER IS IN VOLLE GANG Met strand- of swembadkuiers en pieknieks…

Dewitt Jones het 20 jaar lank foto’s vir National Geographic geneem. Met elke sending was sy opdrag om dít wat goed is in die wêreld te vier. Hy het en dit het sy lewe verander. Op sy webwerf, celebratewhatsright.com, sê hy: “Ek het elke dag foto’s gesien wat gemaak het dat ek die lewe wou vier, en ek het gevind daar is meer reg as verkeerd met die wêreld. Dit moedig my aan om die wêreld deur ’n positiewe lens te beskou.” Hoe meer foto’s hy geneem het, hoe meer het hy aan die manier van kyk begin glo. Tania Carriere, ’n blogger en leierskapsafrigter, skryf dat om dit wat goed is te vier, nie beteken om voor te gee daar’s nooit iets fout nie. “Om dit te vier wat…

rondrits Amsterdam is ons laaste stop op ’n skeepsvaart van agt dae aan boord die Norwegian Cruise Lines (NCL) se jongste skip, die Prima. Ons vaar laat op ’n Vrydagmiddag Amsterdam binne en staan op die 18de dek wat 63 m bo die water staan. Ons gaan heel eerste na die hoofstasie in die stad om die I amsterdam-kaart, wat ons vooraf aanlyn bespreek het, te haal. Dis ’n gerieflike manier om al die stad se treine, tremme en busse te gebruik en gratis toegang tot sommige museums en afslag by verskeie plekke te kry. Ek en my geliefde is woordsmede, of soos my vriendin graag sê, woordkunstenaars. (Ekbuig beleef en sê inniglik dankie vir sulke komplimente én sulke gawe vriende.) En omdat ink, letters en woorde ons so na…

Lukas buig oor die rand van die blou plastiekasblik langs die sjrpaadjie. Hy krap met sy hande daarin rond. Niks. Hy sug. Hy hoor hoe grom sy maag. Minder mense kom deur die week strand toe en dit beteken minder weggooikos. Hy kom orent en kyk oor die asblik na die luukse hotel oorkant die pad. Sy lewe was in daai kombuis. Hy laat sak sy kop en sien sy geskeurde broeks-pype, die skoene wat by die punte oopskeur waardeur vuil, lang toonnaels hom koggel. Hy ruik homself nie meer nie. Hy word bewus van die verbygangers wat kopskuddend en aíkeurend na hom kyk en dan vinnig wegkyk as hy oogkontak maak. As hulle maar sy storie geken het… “Lukas?” Die stem agter hom is onseker opgewonde. Hy draai stadig…

BLOKRAAI 1 BLOKRAAI BLOKRAAI 3 BLOKRAAI 4 ANTWOORDE Blokraai 1&2 van bl 114 & 115 BLOKRAAI BLOKRAAI 2 SUDOKU 1 MAKLIK SUDOKU 2 MEDIUM SUDOKU 3 MOEILIK WOORDOKU WOORDOKU 2 WOORDOKU 3 BLOKRAAI 5 DWARS l.Wag (7) 4. Buurt (3) 6. Vlugvoetig (4) 7. Onophoudelik babbel (6) 9. Heimwee (8) 11. Die kopvelafsny (8) 13. Sit daarbyaan vir maaltye (6) 14. Plat kant (4) 16. Agterkante (3) 17. Klein valerige voëltjies (7) AF 1. Afgeleë (3) 2. Helikopterskroewe (6) 3. Mynwerkers se mengeltaal (8) 4. Kennis (4) 5. ’n Kaart maakvan (7) 8. Aronskelk (8) 9. Kyk daardeur na buite (7) 10. Tot kwaadbring (6) 12. Die trekpas gee (4) 15. ’n Vaste verhouding aangaan (3) BLOKRAAI 6 DWARS 1. Ontbind (4) 4 Halsdoek (4) 8. Ontelbaar (5) 9. Kieliebak (5) 10. Afgemat (3) 11. Tekening (5) 13. Wees versigtig (5) 15. Skoenriem (5) 18. Dringend vra (5) 21.Standplaas (3) 22. Tokkelinstrumente (5) 23. Tarsus (5) 24. Liggewer (4) 25. Dra…