Innholdsfortegnelse for May - June 2020 i Rooi Rose

DAAR IS TYE waarvan ons almal onthou “ek was presies daar, besig om dit of dat te doen, toe ... ” Nou is sekerlik so ’n tyd. As die nuus van die dag die eerste ruwe weergawe van die geskiedenis is, leef ons nou in ’n tyd waarvan ons nageslagte in die geskiedenisboeke gaan leer, ’n tyd wat ’n groot ommekeer in die ganse wêreld teweeg gebring het. Ek onthou nog as kind hoedat die ouer mense vertel het van die “Groot Oorlog” die “Groot Griep”, die “Depressie” ... Dit was seminale tye, tye wat ’n groot uitwerking op hul lewe gehad het en wat dinge vir ewig verander het. Ek het ook al die Chinese verwensing gehoor van “Mag jy in interessante tye leef”. As dít so is, het…

Dit was ’n heerlike dag om die rooi rose-span in ons huis te hê. Dié span kreatiewe, fabulous vroue begin soos familie voel omdat ons al ’n paar keer saamgewerk het. Boonop was dit ’n fantastiese afleiding van my ma-wees-roetine. Baie dae word (minstens halfpad) in my kamerjas deurgebring, en om bederf te word met pragtige klere, ’n mooimaaksessie en saamspeel vir die kamera het my sommer nuwe energie en lus vir die week gegee. Dis altyd vir my ongelooflik hoe kreatiwiteit kreatiwiteit aanspoor.…

Karin Behrens (54), rekenmeester. Ek het ’n lang swart baadjie wat ’n staatmaker is. Ek verander net die bykomstighede wat ek daarby dra, soos ’n hoed, mus, serp of my juweliersware. Selfs ’n paar stewels kan ’n verskil maak. Zaida van Schalkwyk (49), berader. My donkerblou biker jacket. Die leerbaadjie sal vanjaar ’n verskyning maak met ’n luiperdmotiefserpie om my winteruitrustings op te kikker. Dianie Herholdt (37), verhoudingsbestuurder. Ek is mal oor die winter en oor serpe. Ek het hele rak vol serpe wat van plaaslike winkels tot Europese en Oosterse markte kom. ’n Serp rond ’n uitrusting so pragtig af. Ek is mal oor kleur, so ek het enigiets van lemmetjiegroen, sonneblomgeel en turkooisblou tot pastelpienk. En ná ’n dag se dra ruik jou serp lieflik…

Vertel ons van jou verhouding met die natuur en jou liefde vir die buitelewe? Daar is ongerepte plekke in die natuur waar mense hul batterye kan herlaai wanneer die besige stadslewe jou leeggetap het. Ek het pas teruggekeer van ’n 12 dae lange vakansie op die Colorado-rivier in die Grand Canyon. Dit was net ek, my vrou, my seun en ’n paar vriende. Daar was niks waaraan ons dringend aandag moes gee nie. Dit was net die water, die rotsformasies, die lug en ons eie gedagtes. Dit is ’n atmosfeer wat kalmte en perspektief bring. Dit is my ondervinding van die natuur, en dit is ook deels die boodskap wat die fliek The Call of the Wild by mense wil tuisbring. Maar terselfdertyd leer dit ons ook ander dinge van…

‘EK WOU ALTYD ’N PA WEES’ DUANE VERMEULEN Ek wou altyd ’n pa wees,” vertel Duane Vermeulen telefonies uit Durbanville. Sy vrou, Ezel, gesels net so lekker saam. “Duane se pa is oorlede toe hy maar agt was, en ek dink dit was vir hom belangrik om ’n pa – en ’n goeie pa – te wees.” Op die agtergrond hoor jy die twee Vermeulen-seuntjies baljaar. “Hier word ’n bietjie cowboys en crooks gespeel,” vertel Duane met ’n lag in sy stem. Tuis is hy allermins die gevreesde Springbok-agtsteman wat ons verlede jaar die gesogte Webb Ellis-trofee help verower het. Hier is hy net ’n toegewyde pa vir Anru (6) en Zian (3) en man vir Ezel. Hulle is al 14 jaar saam, en agt jaar getroud. “Ek is heel…

Soos die meeste Suid-Afrikaanse mans is Gerald mal oor braai. “Natuurlik kan ek braai!” skerts hy. “Elke man sê mos so, al stem sy vriende nie noodwendig saam nie.” En ja, hy hou nogal daarvan om in die kombuis te eksperimenteer. “Ek maak ’n wilde kaasburger-lasagne.” (En ja, jy’t reg gelees!) Sy gunsteling-kos is spitgebraaide skaapvleis op ’n vars broodrolletjie. “En ek eet ook heeltemal te veel pizza. Met pynappel!” Hy is ’n diereliefhebber, maar die kompleks waar hy woon, verbied die aanhou van troeteldiere. “En ek het nie ’n goeie geskiedenis met potplante nie,” merk hy droogweg op. “Maar ek dink nogal deesdae baie aan goudvisse – ons sal maar sien.” Is hy ’n leser? “Ja, ek is mal daaroor! Ek verkies niefiksie bo fiksie. Op die oomblik lees…

STAPELITEMS 1 TRUI (R699; S-XL) QUEENSPARK. 2 ENKELSTEWELS (R1 599; 2,5-9) STEVE MADDEN. 3 MISS CASSIDY-ROK (R1 399; 8-18) QUEENSPARK. 4 T-HEMP (R199; XS-XL) MANGO. 5 KNIELENGTE STEWELS (R2 499; 2,5-9) STEVE MADDEN. 6 RE-JEANS (R550; 4-18) WOOLWORTHS. 7 ROK MET BLOMMOTIEF (R3 799; XS-L) SCOTCH & SODA. 8 LEERBAADJIE (R6 580; 30-38) TED BAKER. 9 WYEPYPBROEK (R579; S-XL) ZARA. 10 STUDIO W-HEMP (R399; 4-20) WOOLWORTHS. 11 BAADJIE (R899; S-XL) ZARA. 12 STUDIO W-BROEK (R499; 4-20) WOOLWORTHS. 13 SWART TOP (R299; XS –XL) MANGO. 14 ALDO-HOËHAKSKOEN (R1 599; 3-8) SUPERBALIST. 15 TEKKIES (R1 599; 3-11) ADIDAS.…

STAPELITEMS VOORKOMS 1 1 TRUI (R699; S-XL) QUEENS-PARK. 2 STUDIO W-BROEK (R499; 4-20) WOOLWORTHS. VOORKOMS 2 3 SWART TOP (R299; XS –XL) MANGO. 4 ENKELSTEWELS (R1 599; 2,5-9) STEVE MADDEN. KRY DIT BY Hierdie seisoen gaan dit oor skoene met onverwagse kleur. Die voor die hand liggende keuse sou wees om swart skoene (wat steeds stylvol is) saam met alles swart te dra. Maar probeer vanjaar ’n paar helderkleurige skoene en sit ’n bietjie drama by jou uitrusting. 1 NIKE-TEKKIES (R2 099; 3-8) SUPERBALIST, OF MANGO. 2 HOËHAKSKOENE (R949; 3-8) SUPERBALIST. Maak ’n stelling en dra ’n pienk jas en broek saam. 3 JAS (R1 399; S-XL) ZARA. 4 BROEK (R679; S-XL) ZARA.…

DIE NUWE KLEURE 518 MAUVE MÉTAL (METAALAGTIGE LILA), 522 BRONZE DORÉ (’N INTENSE KARAMEL), 524 GRIS ARGENT (’N SILWERGRYS SKAKERING SOOS WAT DIE MODEL OP DIE FOTO DRA) EN 526 BLEU COBALT. Die omlyner is waterdig en word vinnig droog. Hou jou ooggrimering subtiel sodat die fokus op die mooi lyne val en beklemtoon jou wimpers en wenkbroue. Kies ’n rooi lipstiffie as jy glansryk wil lyk, of dra andersins ’n natuurlike skakering, veral as jy die kobaltblou oogomlyner gebruik. STAPELITEMS ONDERLAAG VERBLOEMER NATUURLIKE OOGSKADUPALET BEKLEMTONER VLOEIBARE OOGOMLYNER OOGPOTLOOD MASKARA BLOSSER WENKBROUPRODUKTE LIPSTIFFIE IN ’N NATUURLIKE SKAKERING ROOI LIPSTIFFIE POEIER KRY DIT BY CHANEL LE LINER VLOEIBARE OOGOMLYNER (R685 ELK)…

WENK MARCO LOUIS ACKERS, SENIOR KUNSTENAAR VIR MAC, BEVEEL AAN DAT JY 1 ’N HOEKIGE KWASSIE (SOOS MAC 266S SMALL ANGLE BRUSH, R300) IN 2 MAC PREP & PRIME FIX+ (R355) DOOP EN DAN JOU OOGSKADU AANVERF. JY HOEF NIE SO ’N DIK STROOK KLEUR AAN TE WEND NIE, BEGIN MET ’N FYNER LYN EN KYK HOE WAAGHALSIG JY VOEL! STAPELITEMS ONDERLAAG VERBLOEMER NATUURLIKE OOGSKADUPALET BEKLEMTONER VLOEIBARE OOGOMLYNER OOGPOTLOOD MASKARA BLOSSER WENKBROUPRODUKTE LIPSTIFFIE IN ’N NATUURLIKE SKAKERING ROOI LIPSTIFFIE POEIER KRY DIT BY 3 MAC RULE EYESHADOW (R265).…

(Ook genoem BPH of benigne prostaathiperplasie). Hierdie nie-kanker prostaatvergroting is die algemeenste mannekwelling. Om een of ander rede bly die prostaat groter raak. Tipiese simptome is die aanhoudende behoefte om kort-kort te urineer, stadige urinering, onderbreking van urienvloei en die gevoel dat die blaas nie geledig het nie. Vra jou dokter raad. Daar is medikasie soos alfablokkers wat die prostaat met tot ’n derde kan krimp, en soms word die prostaat verwyder om sake te verbeter.…

Dianie Herholdt (37), verhoudingsbestuurder Maak tyd om ’n egskeiding te verwerk en jouself te vergewe. Ek was die kind in ’n egskeiding en elke party dra skuld (of dit nodig is of nie). Dit is ’n verhouding wat nie gewerk het nie en dit is hartseer. Elke party rou op sy unieke manier. Gaan deur die fases en erken dit vir wat dit is. Karin Behrens (54), rekenmeester Ek is nie deur ’n egskeiding nie, maar van my vriendinne is. Ek dink ’n goeie ondersteuningstelsel is noodsaaklik. Dis ook belangrik om iemand wat skei nie te verwyt of te veroordeel nie, maar te aanvaar. Zaida van Schalkwyk (49), berader. Ek het geleer om in moeilike tye baie geduldiger met myself te wees. Ek het ook ’n meditasie…

DIS GEEN GEHEIM DAT OEFENING DEPRESSIE EN ANGSTIGHEID KAN VERLIG NIE Oefening maak jou positief Dis geen geheim dat oefening depressie en angstigheid kan verlig nie. Uit sekere studies het dit geblyk dat dit net soveel as antidepressante kan help. Maar oefening kan jou ook positief, opgewek en hoopvol hou, het talle studies bewys. Hoeveel oefening is nodig? Driehonderd minute per week. Mense wat meer geoefen het, het nie groter voordeel daaruit getrek nie. As jy net weeksdae (of vyf dae per week) oefen, moet jy elke dag n uur lank oefen. As jy elke dag van die week oefen, is dit 42 minute per dag. Aktiewe kinders Kinders wat oefen, is een en n half keer meer geneig om opgewek te voel as hul onaktiewe maters. Dit wil voorkom…

safrea.co.za - SAFREA is 'n professionele vereniging in Suid-Afrika vir vryskutwerkers soos joernaliste, kommunikasiepraktisyns, fotograwe, grafiese ontwerpers en taalpraktisyns. SAFREA bied ondersteuning aan vryskutte en geleenthede om te netwerk d.m.v. 'n e-posgroep, hulpbronne, 'n webwerf waar lede hul dienste kan adverteer, 'n mediakaart en maandelikse e-nuusbrief. SAFREA het ten doel om die belange van vryskutwerkers in Suid-Afrika te bevorder en te beskerm. 'n Ryke verskeidenheid hulpbronne en materiaal is beskikbaar op hul webwerf. Die vereniging skakel ook met ander professionele verenigings soos LAMP, SAVI, PEG, SASJA en ASAIB. Vryskutwerkers kan geleenthede aangryp om saam te werk aan projekte deur hulpbronne te deel en as 'n professionele span sakegeleenthede te identiüseer en te inisieer. Dit is die ideale platform vir Suid-Afrikaanse vryskutte om hulle te bemark en op besigheidsvlak saam te…

SA paspoorthouers het ’n Schengen-visum nodig. Verblyf is duur. Stap oral, of ry bus. Volg nuusbriewe van lugrederye vir winskopies. Wat jy moet weet oor die noorderligte Kies die regte tyd van die jaar (November tot Maart). Wees ver weg van stadsligte. Wees geduldig, en bid. Kies ’n gevestigde reisagentskap. Webwerwe www.myhelsinki.fi www.visitfinland.com www.visitrovaniemi.fi www.auroraemotion.com www.santaclausoffice.com Instagram @myhelsinki @helsinkirestaurants @helsinki.daily @allaboutlapland @santaclausoffice…

In Griekwastad is jy ’n veroordeelde gesinsmoordenaar. Het dit emosioneel ’n tol geëis? Met die voorbereiding vir die rol het ek gesukkel om op die emosionele vlak van sekere tonele te kom, en dit was vir my moeilik om iemand te speel oor wie ek geen biografiese inligting gehad het nie. Hy het nooit oopgemaak teenoor iemand nie. Ek moes daardie fyn lyn kry tussen skuldig en onskuldig en die kyker los met die besluit of hy skuldig is of nie. Maar met die verfilming het ek glad nie met die emosionele tonele gesukkel nie danksy ’n ongelooflike regisseur en mede-akteurs. Jy speel ook teenoor die Suid-Afrikaanse akteur Arnold Vosloo wat in Hollywood naam gemaak het. Hoe was die ondervinding? Dit was ’n belewenis. Aan die begin was ek verskriklik…

INDIEN JY VAN HIERDIE BOEKE (OF ELDERS IN ROOI ROSE) TEEN DIE ROOI ROSE-PRYS VAN ’N 20% AFSLAG WIL BESTEL, KIES EEN VAN DIE VOLGENDE OPSIES: 1 E-POS JOU NAAM, TELEFOONNOMMER EN KEUSE(S) NA SHOP@GRAFFITIBOOKS.CO.ZA 2 BEL 012 548 3456 GEDURENDE KANTOORURE EN NOEM DAT DIT VAN DIE ROOI ROSE- BOEKE IS WAT JY WIL BESTEL. ONS SAL IN KANTOORURE TERUGBEL OF E-POS. 3 BESOEK GRAFFITIBOEKE.CO.ZA. EN KLIK OP DIE ROOI ROSE SKAKEL. BOEKPRYSE IS ONDERHEWIG AAN VERANDERING. LET WEL DAT HIERDIE PRYSE NIE POSGELD INSLUIT NIE.…

Die Swartlander Tyron Zoutman se ster skitter. Die multitalentvolle kunstenaar (27), ’n bekende in die Kaapse Arts Cape- en Baxter-teater, se dansprestasies en choreografie word bekroon. Hy ploeg reeds terug. Hoe slyp jou plattelandse grootword op Piketberg jou? My gesin is arm maar daar is kos, klere en ’n dak oor ons kop. Ons ondersteun mekaar en staan sterk in ons geloof. ’n Buitelander het my destyds sien dans en gehelp. Jou kreatiewe streep? Kom van Bo af. My ma vertel ek het in haar maag gedans. My kunstalente is kleintyd ontdek toe ek in kore begin sing en aan danskompetisies deelgeneem het. Jy laat waai met hiphop, kwaito, gumboot, Afrika-jazz en Afrika-fusion? Dans is storievertel en spreek tot liggaam en gees. Dis terapeuties en ’n stresontlaaier. Ek haal asem…

PURA VIDA - ANDRÉ SWIEGERS DIE SKUGTER STER SE SANGKUNS BEKOOR AL DEKADES LANK. DIE TITEL IS PORTUGEES VIR “SIMPLE LIFE”. HY VERSTEWIG DAARMEE SY INDIVIDUALISTIESE STREEP AS SANGER/LIEDJIESKRYWER. DIS ’N EERLIKE PRODUK MET LEWENSGETROUE LIEDJIES, MET HART EN SIEL VERTOLK. BEHALWE SY EIE KOMPOSISIES COVER HY OOK PETER SARSTEDT EN CAT STEVENS. DIE HEELAL DRAAI – PETRONEL BAARD DIE KABERATSTER WOEKER MET HAAR VERHOOGKUNS. HAAR NUWE ALBUM STEL NIE TELEUR NIE. JY DRAAI VER MET HAAR STRELENDE STORIEVERTELSTEM.SY STEUN BETEKENISVOLLE MUSIEK EN BIED TROTS TYDLOSE WÊRELDMUSIEK/ FOLK/ KABARET, INSLUITENDE FADO-STYL. ’N VERFRISSENDE ALTERNATIEF IN AFRIKAANSE MUSIEK. HERE YOU COME AGAIN – JEANETTE PRETORIUS JY VERDIEN JOU VETERAANSTATUS AS JY OP NEGE JOU EERSTE SOLO-ALBUM UITGEREIK HET. JEANETTE IS STEEDS BETROKKE BY KINDERALBUMS EN EEN DEEL VAN DIE COUNTRY-DUO HEUNING.…

DANKIE AAN KILDARE PRE-PRIMARY SKOOL, NUWELAND DAT ONS DIE FOTO’S IN JULLE NATUURRESERVAAT KON NEEM. ‘Swangerskap is niks anders as ’n wonderwerk nie. Dit bly iets buite jou beheer. Met of sonder hulp. En ondanks van wat jy dink. Dit is ’n wonderwerk en daarin lê ’n groot stuk misterie’ In Maart verlede jaar is aktrise Erica Wessels op ons rooi rose-voorblad. In die artikel gesels sy oor ’n kwessie waaroor baie vroue wat in dieselfde bootjie is, swyg: hoe hulle sukkel om swanger te word. Sy en haar man, Willem Boshoff, is in 2016 getroud toe Erica 38 was. Hulle wou graag kinders hê en sy vertel hoe hulle die teleurstelling leer hanteer het wanneer sy maand na maand nie swanger was nie. In die destydse artikel sê sy…

Deur die jare het ek vele onderhoude met Harrison Ford gevoer en hy beïndruk my elke keer. Hy sou goed in Suid-Afrika geaard het, want sy voete is plat op die aarde en hy is ’n man van min woorde. Maar wanneer iets hom na aan die hart lê, is hy passievol en spraaksaam. Harrison is met Calista Flockhart van Ally McBeal-faam getroud nadat hulle mekaar in 2002 by die Golden Globes ontmoet het. Hy lyk tien jaar jonger as sy 78 jaar. Hy staan steeds kiertsregop, en hoewel sy skouers dalk nie so meer breed is nie, bly die sesvoetman indrukwekkend. Hy praat nie sonder om te dink nie, behalwe wanneer hy ’n grap maak. En dan verander sy gesigsuitdrukking glad nie, en mense is nie altyd seker of…

Dit het nooit eens by haar opgekom dat sy dit dalk nie sal kan doen nie, vertel die kosghoeroe en glanskok Prue Leith oor die kosonderneming wat sy as 21-jarige in Londen begin het. Op 29 was sy die eienaar van ’n Londense restaurant wat spoedig met ’n Michelin-ster bekroon is, en sedertdien het sy al een van die bekendste kookskole in Brittanje besit. Die laaste net meer as ’n dekade hou sy haar lyf celebrity chef op die BBC se Great British Menu (11 seisoene) en The Great British Bake Off (sedert 2017). Tussendeur het sy verskeie kookboeke én agt romans geskryf, en ’n Suid-Afrikaanse restaurantskool, die Prue Leith Culinary Institute in Centurion, help vestig. Ons ontmoet mekaar by dié restaurantskool ná ’n heerlike koek-en-tee-viering van die grande dame…

Groot maatskappye en ontwerpers volg Li Edelkoort se interpretasie van en voorspellings oor tendense slaafs na. Sy is ’n konsultant vir van die wêreld se grootste modehuise, van Zara tot Prada, en ook vir reuse-maatskappye soos L’Oréal en Coca-Cola. Plaaslik wag ontwerpers en stylkenners jaarliks in spanning op Li se voorlegging by Design Indaba in Kaapstad. Time Magazine het dié opvoeder, voorspeller, bewaarder, kurator, filantroop en stylkenner al as een van die 25 invloedrykste mense in die modewêreld aangewys. Haar betrokkenheid by die mode- en tekstielbedryf het haar ook tot bewaringsaktivisme gedryf. Sy het veral haar mes in vir die vermorsing en nie-volhoubaarheid van die klerebedryf. Sy is al jare lank ’n voorstander van gehalte en glo ons moet minder maar duursamer klere koop. Haar voorleggings fokus baie op die…

In elke klerekas en grimeersakkie kry jy daardie noodsaaklike en basiese staatmakers wat ons seisoen na seisoen gebruik. Maar dan en wan moet ’n mens tog ’n paar nuwe items aanskaf wat jou voorkoms ’n bietjie verfris en in pas met die jongste tendense bring. In dié spesiale winterstylgids wys ons jou na watter staatmakers jy op die uitkyk moet wees, en hoe jy met ’n paar deurdagte nuwe items sal lyk of jy uit die modeblaaie van ‘rooi rose’ gestap het. Belê eers in die staatmakers sodat jy die regte basis het waarop jy jou voorkoms kan bou. Dit help nie jy verloor jou hart op ’n helder lipstiffie en ’n paar uitspattige skoene waarmee jy eintlik niks kan doen nie. En al werk jy vir die volgende paar…

STAPELITEMS VOORKOMS 1 1 STUDIO W-HEMP (R399; 4-20) WOOLWORTHS. 2 RE-JEANS (R550; 4-18) WOOLWORTHS. VOORKOMS 2 3 WYEPYPBROEK (R579; S-XL) ZARA. 4 T-HEMP (R199; XS-XL) MANGO. 5 TEKKIES (R1 599; 3-11) ADIDAS. KRY DIT BY Verfris jou kantoordrag met ’n klassieke jas met blokpatrone en ’n paar slim stileringstruuks. Indien jou jas ’n gedempte kleur het, kikker dit met helder stewels op en skep ’n opwindende uitrusting. 1 JAS (R3 500; 8-20) PRINGLE OF SCOTLAND. 2 ENKELSTEWELS (PRYS OP AANVRAAG, 36-40) MANGO. ’n Jas of hemp met blokpatrone is nie die enigste manier om die voorkoms te verkry nie. ’n Veilige en ewe stylvolle opsie is ’n trui met ’n Argyle-patroon en ’n wyepypbroek. 3 PRINGLE OF SCOTLAND X H&M COLLECTION-TRUI (R329; S-XL) H&M.…

WENK MARCO ACKERS, senior kunstenaar vir MAC, sê die blinkers is met wimpergom (MAC Duo Fibre Adhesive) vasgeplak. Hy sê jy kry soortgelyke blinkerstroke by kunswinkels. Meet die regte lengte, sny en plak. Jy kan ook ’n blink oogomlyner met ’n fyn kwassie aanverf as jy nie wil knip en plak nie. Dit effek sal meer subtiel wees. STAPELITEMS ONDERLAAG VERBLOEMER NATUURLIKE OOGSKADUPALET BEKLEMTONER VLOEIBARE OOGOMLYNER OOGPOTLOOD MASKARA BLOSSER WENKBROUPRODUKTE NATUURLIKE SKAKERING LIPSTIFFIE ROOI LIPSTIFFIE POEIER KRY DIT BY ’N BLINKERPLAKKER BY ’N KUNSWINKEL, OF VERF DREAM SQNS MIRROR FINE IRIDESCENT GLITTER AAN (R95 VIR 10 G, BESKIKBAAR OP PLATFORM23.COM).…

WENK VIR ’N SAGTER VOORKOMS Tik met ’n vingerpunt op die buitelyn van jou mond en meng die kleur liggies in. STAPELITEMS ONDERLAAG VERBLOEMER NATUURLIKE OOGSKADUPALET BEKLEMTONER VLOEIBARE OOGOMLYNER OOGPOTLOOD MASKARA BLOSSER WENKBROUPRODUKTE LIPSTIFFIE IN ’N NATUURLIKE SKAKERING ROOI LIPSTIFFIE POEIER KRY DIT BY SMASHBOX CREAM TO MATTE LIPSTICK IN BAWSE.(R375 SMASHBOX.CO.ZA, WOOLWORTHS, FOSCHINI, TRUWORTHS, EDGARS, SUPERBALIST, TAKEALOT).…

STAPELITEMS ONDERLAAG VERBLOEMER NATUURLIKE OOGSKADUPALET BEKLEMTONER VLOEIBARE OOGOMLYNER OOGPOTLOOD MASKARA BLOSSER WENKBROUPRODUKTE LIPSTIFFIE IN ’N NATUURLIKE SKAKERING ROOI LIPSTIFFIE POEIER KRY DIT BY SCARLETT HILL NUDE EYESHADOW (R79,99, MR PRICE).…

Kinders met oppositional defiant disorder kan • hul humeur verloor • met volwassenes argumenteer • weier om opdragte uit te voer of by reëls te hou • ander opsetlik irriteer of ontstel • uiters liggeraak wees ĵander vir hul eie foute of wangedrag blameer • woedeuitbarstings hê • wrokke koester of • gemeen optree. Die patroon van uiterste vyandigheid, negatiwiteit en verset is veral op gesagsügure gerig. Dit kom so standhoudend voor dat dit die kind se tuis-, skool- of sosiale omgewing ontwrig en funksionering op dié terreine benadeel. ODD moet deur 'n professionele medikus, verkieslik iemand met ervaring in dié verband, gediagnoseer word aan die hand van die diagnostiese handleiding wat wêreldwyd gebruik word: die DSM-V. 'n Sekere aantal simptome moet minstens ses maande lank…

Dis ouers wat skei, nie die kinders nie, maan Ilze Alberts, gesinsielkundige van Fourways. Hier is wenke oor hoe jy jou kinders beter kan hanteer ná ’n egskeiding. • Moenie van jou kinders verwag om kant te kies nie. Mans en vroue skei van mekaar, ouers skei nie van hul kinders nie. Dit skep geweldige verwarring oor hul emosionele veiligheid in die gesin wanneer daar van kinders verwag word om kant te kies. Hou die volgende in gedagte: • Moenie jou eks voor jou kinders afkraak nie. Kinders verstaan dat hulle ’n produk van ma en pa is en sulke kritiek kan hul selfvertroue ’n knou gee. • Moenie die kinders as boodskappers gebruik nie. Kinders moenie deel van jul veldslag voel nie. • Verseker kinders gedurig dat hulle geliefd…

• Eet kos wat hoog in triptofaan is (suiwel, neute, sade, piesangs, heuning en eiers), omdat dit jou help om beter te slaap. Drink 'n glas melk voor jy gaan slaap. Bly weg van sjokolademelk, want die suiker en kakao kan jou opkikker. • Vermy laataand groot, swaar en ryk maaltye. Dit verg baie van jou spysverteringstelsel, wat jou slaap gaan benadeel. • Kafeïen beïnvloed mense verskillend, maar as jy sukkel om te slaap hou verby vir die laaste vier tot ses uur voor slapenstyd. Selfs decaf-koþe bevat 'n bietjie kafe›en. Los maar die tee, Coke en sjokolade ook. • Sekere medikasie soos pynstillers, pille om gewig te verloor, ontwateringspille en dié vir verkoues kan kafe›en bevat. Lees noukeurig wat in medikasie is. • Los die slaapdoppie. Alkohol maak jou…

La Motte Shiraz 2017 is ’n vrugtige shiraz gemaak in die karakter en styl van Franschhoek-shiraz. Die 15% durif shiraz wat bygevoeg word, gee die wyn ’n diep, donker rooivrugkarakter. Durif word veral in Australië en Kalifornië gebruik in versnitte saam met syrah - daar word dit “petit-syrah” genoem. Die hout op die wyn is goed geïntegreer en die palet het ’n romerige karakter. Skink die wyn saam met lekker ryk wintergeregte met gestoofde vrugte, of braaivleis met ’n vrugtige blatjang. R175 per bottel by la-motte.com…

• Sukses in die geleentheidsekonomie beteken ook harde werk, selfdissipline en bestuur. • Beoordeel jou aptyt vir risiko en jou selfbestuursvernuf en kry afrigting sou jy dit benodig. • Definieer sukses vir jouself, asook die rede waarom jy geleentheidswerk wil doen. • Gebruik platforms wat ook na jou belange en behoeftes omsien. • Identifiseer jou sterk punte en fokus op werk wat hierdie vaardigheid benodig om jou in die mark te vestig. • Skarewerk: Maak seker jou tarief is in verhouding tot jou vaardighede en behoeftes. • Doen finansiële beplanning en sit geld weg om voorsiening te maak vir "wagtye" en tye wanneer jy nie beskikbaar is nie. • Hou so ver jy kan by jou gewone roetine, soos slaap- en etenstye. • Stel 'n daaglikse of weeklikse roetine vir…

GEFOKUSDE VELSORG Internasionaal is Diego dalla Palma Professional sinoniem met velsorgprofessionaliteit. Navorsing en die ontwikkeling van hul produkte geskied in samewerking met dermatologie- en farmasiefakulteite van die voorste internasionale universiteite. Dit verseker dat velsorgterapeute die mees gevorderde produkte en behandelingsmetodes tot hul beskikking het. Die jongste toonaangewende kosmeseutiese bestanddele, gekombineer met natuurlike plantekstrakte, word gebruik om die beste resultate te verkry, en om die beste sorg te bied vir die veltipe en -toestand van elke individuele kliënt. Skin Map , die nuwe Diego dalla Palma Professional -reeks, voldoen aan die spesifieke behoeftes van elke deel van die gesig. Die verskillende gesigsdele verskil byvoorbeeld ten opsigte van die dikte van die vel en die verspreiding van oliekliere en aartjies, en daarom het elke deel verskillende probleme, soos vlekke, vel wat elastisiteit…

Toe sy heupswaaiend die hoofstraat afstap, het die dorp gekyk. Die wip van die elegante romp om die skraal bene, die groot sonbril onder die breërandhoed, die rooi naels soos papawers wat in die vroeë lente langs die Weskuspad opspring. Die mans by die motorhawe soek loerend na ’n sigaret om aan te steek, die eerste span vries in die lynstaan. By die bakkery kyk Marie, die prokureur se vrou, en Adél, die vierjarige Roelie aan die hand, selfbewus na hul vaal rokkies. “Sy bly in oorlede Malie se hoekhuis skuins oorkant my. Nooit eens gesien kom nie, net gesien die ligte brand,” vertel Marie. Nou weet Adél hoekom Roelof so knaend by Marie en Jacobus kuier. Sy verstyf, groet haastig. Roelof is bekend vir sy dwalende oog. Op die…

Groenvingerghoeroe, Jane Griffiths, se vyfde boek in haar tuinreeks is uit. Die Johannesburger, wat al 15 jaar haar eie groente en kruie organies kweek, se debuut, die topverkoper Jane’s Delicious Garden, het ’n groente- en kruierevolusie in Suid-Afrika ontketen. Die groen mentor met reismiere woel ook as televisievervaardiger. Waar is die sade vir jou tuinliefde gesaai? In 1995, met my jaar lange verblyf in Amerika, was een kyk na ’n vriend se geel, pers, wit en oranje rissies genoeg inspirasie - ek wou dit nadoen. Hoewel ek toe nog nooit iets gekweek het nie, het 25 rissies teen die volgende somer in my tuin gepronk! In een dekade, vyf boeke – wat het jy geleer? Dat ek nooit sal ophou leer nie! En dat die gawe om te skryf en…

’n Victoriaanse deur met ’n loodglasvenster in haar ouma se huis het Stephanie Fassler van Johannesburg kleintyd be-tower. Dit het haar liefde vir die skoonheid en spel van lig deur gekleurde vensters geopen. “Kuns is ook in my grootwordhuis om die tafel bepraat,” vertel die kunstenaarontwerper wat in loodglas spesialiseer. Haar pa, wyle John Fassler, was argitekprofessor by Wits en mentor. Stephanie se suster, Mira Fassler Kamstra, en dogter, Victoria De La Cour, is ook argitekte. Ná haar kunsstudie aan Wits, is Stephanie in die jare sestig na Engeland waar meesters haar in antieke handwerkkuns en Middeleeuse loodglaswerk geslyp het. Tydens haar vakmanskap het sy gehelp met die konstruksie van loodglasvensters in die Eton-skoolkapel, asook Liverpool se katedraallantern. Met haar terugkoms het sy ’n tuisateljee in Johannesburg geopen waar sy…

Twiggy se naam is nou nog bekend, maar sy was net vier jaar lank ’n model Lesley Hornby het ’n kleurryke loopbaan gehad. Sy het begin as die model Twiggy, later was sy ’n aktrise, sangeres, TV-aanbieder en uiteindelik sakevrou. Maar sy sal veral as internasionale model onthou word. Met haar groot oë, skraal gesiggie, kort hare en naaldekokerlyfie was sy in die sestigerjare saam met die Beatles die verpersoonliking van swinging sixties London. ‘The Face of ’66. The Cockney-kid with a face to launch a thousand shapes ... and she is only 16’- Deirdre McSharry, ’n modejoernalis van die "Daily Express" Twiggy is een van daardie mense wat per toeval ontdek is, en toe die “voorkoms” van ’n spesifieke tyd geword het. Op 16 (in 1966) het sy haar…

WORD STIL! Ons staan vroeg op, sluk koffie af, eet roosterbrood, pak kosblikke en skarrel by die deur uit. Kinders word by die skool afgelaai en ons sit in die verkeer met ’n kol op die maag. Die lewe roep: “Kom skool toe, kom werk, kom bring ure op die pad deur! Julle verdien alles! Werk hard, speel hard! Doen inkopies, maak skuld, reis na ver lande, spaar en dan kan jy eendag rus.” Ons stres, ons ooreet, ons word siek en ons ly. En skielik op ’n dag roep sy: “Word stil.” Ons bly by die huis en word saam met die voëls wakker en luister met waardering na die vrolikheid. Ons drink koffie in die bed, knuffel ’n geliefde, gesels oor die lewe, die liefde, ons toekomsdrome en…

“Dit is so lekker om te sien hoe Erica haar ten volle in ma-wees uitleef. Ek het geweet ma-wees is een van haar diepste begeertes - sy is ’n liefdevolle en intieme mens. As sy vir Stella vashou en daardie sagte wangetjies soen - ek dink Stella kry omtrent twee honderd soene per dag - dan sien ek een van die mooiste eienskappe van menswees: die liefde van ’n ma vir haar kind. Ek weet nie hoe om dit te beskryf nie maar dit is iets hemels – so tussendeur die bottels was en doeke omruil en nagtelike opstaan – oneindig, ongeforseerd, borrelend en sonder voorbehoud; ’n hart van liefde wat net oorloop. Erica kan ook streng wees, het sterk grense, is avontuurlustig en ’n absolute pret-monster. Stella is bevoorreg…

Daar het baie water in die see geloop sedert ons Therese Bam as die gefolterde kelnerin Katryn in Jan Scholtz se dramareeks Song vir Katryn leer ken het. Dit was die jaar 2003 en kykNET se amptelike eerste dramareeks. Katryn, ’n kelnerin met ’n donker verlede, het in hierdie dramareeks op die sorgelose rocker Jinx (Valiant Swart) verlief geraak. Katryn het sommer oornag die TV-liefling van die volk geword. Therese glimlag toe sy terugdink aan die dag toe sy vir haar oudisie vir Katryn gegaan het. “Ek het as produksie-assistent op die werklikheidsreeks Fear Factor in Kaapstad gewerk en die dag verlof gehad. Ek het my CV voorheen by die vervaardigers Paul Venter en Jaco Loubser van Homebrew Films gelos. Die regisseur-vervaardiger Jan Scholtz was in Kaapstad om akteurs vir…

Wat is daar altyd in ’n koslegende se yskas? “Jogurt! John maak die wonderlikste jogurt. Ek sorg ook dat daar altyd een of ander stroop is wat ek kook van vrugte of iets, en saam met die stroop en jogurt is daar altyd neute of muesli vir ’n vinnige, voedsame maaltyd. En ek het die wonderlikste groentetuin danksy my tuinier, wat toevallig ook ’n vrou en ’n wonderlike kok is. En boonop was sy eers ’n bloemiste, so daar is ook altyd die mooiste blomme in my huis.” Jy sal ook altyd oorskietkos in haar yskas kry. “Ek is die koningin van oorskietkos! John spot altyd dat hy in ons nege jaar saam nog nooit twee keer dieselfde kos geëet het nie, want ek kan regtig wonderlike goed met oorskietkos…

Gerald Copeland Steyn was reeds besig met sy klerkskap by ’n regsfirma toe hy besef hy wil eerder akteur word. “Daar het eendag ’n hoop lêers op my lessenaar beland en ek het skielik besef ek gaan ’n stadige, pynlike dood in dié beroep sterf.” Ja, sê hy laggend, dit was regtig só erg! Net daar het hy besluit om oor naweke dramaklasse te loop, en toe het die gogga behoorlik gebyt. “Ek wou net meer en meer doen! Gelukkig het my broer toe by ’n bemarkingsagentskap gewerk en hy kon my goeie raad gee oor hoe om my in die bedryf te bemark. Nadat ’n klein agentskap my aanvaar het, kon ek uiteindelik vir oudisies gaan. En van daar af rol die sneeubal nog net aan – elke jaar…

KRY JOU TYDSKRIF DEUR DIE POS • Skryf in op rooirose.co.za • Stuur 'n e-pos na subs@magsathome.co.za • SMS 'Caxton RR' na 47098. Standaardtariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank. Takkode: 12320900. Rek: 1232073059. Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101, of stuur per e-pos na subs@magsathome.co.za DIE AANBOD GELD NET INTEKENARE IN DIE RSA. PRYSE: 24 MAANDE: R1 080 AFSLAGPRYS: R594 12 MAANDE: R540 AFSLAGPRYS: R351 6 MAANDE: R270 AFSLAGPRYS: R175,50 JOU GESKENK Tien gelukkige rooi rose-lesers wat vandeesmaand op rooi rose inteken, kry…

WENK ONDERLAAG Gebruik jou tyd om die regte skakering en formule vir jou veltoon en -tipe te kry, want dit vorm die basis van jou grimering. Onthou, gebruik verbloemer om merkies weg te steek, en wend jou onderlaag eerder ligter aan. VERBLOEMER ( CONCEALER ) Verdoesel merkies en kringe onder jou oë. Onthou ook die deel langs jou neus en oë waar daar skadu’s is, anders lyk jou oë nader aan mekaar. NATUURLIKE OOGSKADU Dis belangrik dat die oogskadupalet ’n mat kleur moet bevat wat min of meer dieselfde kleur as jou vel is waarmee jy die hele oog kan bedek - amper soos “onderlaag” vir jou oë. Gebruik ’n ligter bruinerige kleur op die ooglid en ’n donkerder kleur in die vou van die oog. Een of…

STAPELITEMS ONDERLAAG VERBLOEMER NATUURLIKE OOGSKADUPALET BEKLEMTONER VLOEIBARE OOGOMLYNER OOGPOTLOOD MASKARA BLOSSER WENKBROUPRODUKTE LIPSTIFFIE IN ’N NATUURLIKE SKAKERING ROOI LIPSTIFFIE POEIER KRY DIT BY 1 DIOR ROSEWOOD EYESHADOW PALETTE (R880).…

STAPELITEMS VOORKOMS 1 1 MISS CASSIDY-ROK (R1 399; 8-18) QUEENSPARK. VOORKOMS 2 2 BAADJIE (R899; S-XL) ZARA. 3 SWART TOP (R299; XS –XL) MANGO. 4 ENKELSTEWELS (R1 599; 2,5-9) STEVE MADDEN. KRY DIT BY ’n Bietjie kleur onder ’n swart kantrok omskep ’n klassieke rok in iets nuuts. Dink buite die boks en probeer ’n ysblou katoenhemp onder ’n swart langmourok, en dra ’n paar buitengewone skoene daarby. 1 STUDIO W-HEMP (R399; 4-20) WOOLWORTHS. 2 STEVE MADDEN-HOËHAKSKOENE (R1 399; 3-8) ZANDO. Jy sal moontlik al hierdie tydlose items in jou kas hê. Maak seker die romp hang onder jou knieë en die materiaal van die baadjie en romp is van ’n gladde of stewige stof, eerder as linne wat ’n somermateriaal is. 3 ROMP (R599; XS-XXL) WOOLWORTHS. 4 GORDEL (R399)…

Ons fokus so op prostaatkanker dat ons vergeet van prostatitis, al gaan een uit elke ses mans vroeër of later in hul lewe hierdie pynlike soort inflammasie of ontsteking ontwikkel. Dit vang van jong tot ouer mans. • Akute bakteriële prostatitis Dit is die skaars een maar hy sal dadelik weet iets skort: hy het skielik koors en kouekoors en voel ontsettend moeg en siek. Hy het ook tipies pyn rondom die basis van die penis en in die lae rug. Dit kan voel asof die rektum vol is. Namate die prostaat verder swel, word dit al moeiliker om te urineer. Dit is inderdaad ’n mediese noodgeval as hy nie kan urineer nie. • Chroniese laegraadse prostatitis Hierdie vorm is meer subtiel. Dit kan weke en selfs maande aanhou. Die…

• Geselliger maaltye Die lekkerte van maaltye is dat dit struktuur aan die dag gee. Maar die kuns is om die fokus weg te trek van kos om kos se onthalwe. Maak dit ’n tyd vir deelname en geselligheid, soos dat die gesinslede almal saam kook of beurte maak. Kies elke dag een maaltyd as jul hoogtepunt, en maak dit spesiaal: bestee tyd daaraan om ’n resep te kies en te besluit hoe om die gereg voor te sit. • Skakel oor na kleiner porsies In die grendeltyd gebruik ons waarskynlik minder energie – en kan met minder kos oor die weg kom. Die ding is dat dit nie so voel nie. Die oplossing? Miniporsies. Eet ’n appel maar deel dit in vier stukke en hou die kwarte vir later.…

STEM JA OF NEE OP ONS VRAAG IN “WAT DINK JY?” EN JY KAN ’N GATINEAU-GESKENKPAK TER WAARDE VAN R2 640 WEN. AS VOORLOPER IN RESULTAATGEDREWE VELSORG EN UITSTEKENDE VELSORGREEKSE, WORD DIÉ IKONIESE FRANSE VELSORGHANDELSMERK VANDAG ERKEN AS ’N WÊRELDLEIER IN DIE INNOVASIE EN DOELTREFFENDHEID VAN VELSORG. GATINEAU IS GEANKER IN DIE BEGINSELS VAN SKOONHEIDSTERAPIE, EN KOMBINEER NATUURLIKE BESTANDDELE MET DIE JONGSTE BIOTEGNOLOGIE OM GEVORDERDE VELSORGREEKSE TE SKEP. DIÉ VELSORGHANDELSMERK IS REEDS IN 1932 DEUR DIE BAANBREKER-SKOONHEIDSVISIONÊR MADAME JEANNE GATINEAU GESTIG, EN WORD STEEDS GELEI DEUR HAAR IDEALE EN WAARDES MET ’N ETOS VAN ’N KUNDIGE BENADERING TOT VELSORG AS BELANGRIKSTE ELEMENT. GATINEAU-PRODUKTE IS BESKIKBAAR BY UITGESOEKTE SKOONHEIDSALONNE, WOOLWORTHS, TRUWORTHS, DIS-CHEM EN EDGARS. VRAAG: DINK JY VOLWASSENES MOET TWEE KEER DINK VOOR HULLE BESLUIT ’N KIND IS “STOUT”? BESOEK VANDEESMAAND…

1 HUWELIKSVOORWAARDES Weet onder watter bedeling jy getroud is. Huwelike in Suid-Afrika word deur die Wet op Huwelikseiendom 88 van 1984 gereguleer. Elke persoon wat wil trou, moet voor die tyd besluit of hulle ’n huweliksvoorwaardekontrak wil opstel. Die wet maak voorsiening vir verskillende bedelings: binne gemeenskap van goedere (albei persone se bates word saamgevoeg in een gemeenskaplike boedel en elkeen deel 50% daarvan), of buite gemeenskap van goedere (met of sonder die aanwas). Huwelike ná 1 November 1984 het outomaties die aanwasbedeling ingesluit. Maar dit kan geheel of gedeeltelik aangepas word deur ’n huwelikskontrak op te stel. Dit is belangrik om na die oorspronklike bepalings van jul kontrak te kyk. ’n Prokureur of finansiële beplanner sal jou kan help om die aanwasberekening te doen sodat jy kan sien wat…

Karin Behrens (54), rekenmeester Oefening verrig wondere vir my gemoedstoestand. Juis op dae wanneer ek glad nie lus is vir oefen nie maak dit die grootste verskil. ’n Lekker cappuccino, of ’n boodskap van ’n vriendin is ook goeie medisyne. Zaida van Schalkwyk (49), berader Joga! Net tien minute maak die wêreld se verskil. Ná die oefening en ’n koppie propperse koffie uit die masjien en met ’n lepel heuning daarin, is ek reg vir die dag. Dianie Herholdt (37), verhoudingsbestuurder Gebed en ’n hardop dankie dat ek my oë kan oopmaak. Maak nie saak hoe ek voel nie, dit help! Dan goeie, sterk koffie en twee Moringa 5000 Gel Capsules (vitamiene).…

Eend-ragout met pappardelle-pasta GENOEG VIR 6 PERFEKTE PASMAAT ALTO CABERNET SAUVIGNON MET SY SMAKE VAN PRUIM, SWARTKERSIE, SPESERYE EN CASSIS PAS PERFEK BY DIE RYK GEURE VAN DIE EEND MET DIE TITSEL CHINESE VYFSPESERYE. • 1,8 kg heel eend, of eendstukke • 1 ui, geskil en fyngekap • 1 klein wortel, gekap • 2 knoûelhuisies, geskil en fyngekap • 2 lourierblare • 250 ml (1 k) Alto Cabernet Sauvignon • 1 x 400 g-blik heel geskilde tamaties in sous • 250 ml (1 k) hoenderaftreksel • 3 groot takkies roosmaryn • 2 ml (¼ t) Chinese vyfspeserye (te kry by Woolworths) • sout en gemaalde swartpeper • 15-30 ml (1-2 e) heuning na smaak • pappardelle-pasta vir opdiening. (Pappardelle is breë pastalinte wat die sous mooi dra, maar jy kan ook tagliatelle gebruik) • gerasperde parmesaan vir opdiening 1 Sny die rugbeen aan albei…

Hoe is dit dat ’n mens skielik duskant veertig eers besef hflé kosbaar die skepping is, dat klassieke musiek op Fine Music Radio in die verkeer wraggies kalmerend is, en dat jy meer moet reis terwyl jy nog gesond is? Kyk ’n bietjie, al die tekens is daar … vriende wat siek word, ouers wat ouer word en akteurs waarmee jy grootgeword wat sterf. Ná twintig jaar se reise het ’n hunkering om meer van die wêreld en die natuur te sien opnuut by my vlamgevat. Finland was nog nooit vir my ’n moet-sien nie. Selfs die naam klink vervelig. Wel, vir my in elk geval. Maar hierdie storie het eintlik in buurland Rusland begin. Wag, ek vertel. Het jy geweet jy kan die aurora borealis, oftewel die noorderligte, in…

Dalk sal Andries haar môre die leisels laat vashou, dink Kietie. Sy kerm elke dag by hom, maar hy sê dis nie net vir leisels vat nie. As ’n mens leisels wil vat, moet jy kan lei, sê hy. Reg lei. Sy verstaan dit nie. Die donkies stap in elk geval altyd gedweë padlangs tot by die skooltjie anderkant Langpiet se afdraai en gaan vanself by die kareeboom voor die hek staan sodat sy en Mart kan afspring en hul boeksakke gryp. Daar wag die donkies weer elke middag saam met Andries wanneer dit huistoegaantyd is. Kietie wonder of Mart ook Juffrou De Lange se woorde van vroeër onthou. Dit galm nog die hele dag in haar kop en sy sien telkens weer die woedende gesig: “Dat julle twee niggies…

MADNESS: STORIES OF UNCERTAINTY AND HOPE Sean Baumann (Jonathan Ball) Dr. Sean Baumann is as psigiater ’n kwarteeu by die Valkenberg Psigiatriese Hospitaal in die Kaap betrokke. Hy was ook senior lektor in psigiatrie aan Ikeys. Die memoires is sy professionele en persoonlike waarnemings en beskouings van die siel se donkerder draaie. Met deurwinterde insig van eerstehandse belewenisse en behandelings deel hy mensverhale vol piëteit en patos, en werp so lig op eietydse probleme soos depressie, bipolêre gemoedsversteuring en skisofrenie. Geestesiektes se stigma raak ligter en Baumann bepleit ’n inklusiewer proses. Terwyl byna elke lid van die samelewing persoonlik en/of indirek geraak word, is die boek tydig vir almal. Die bevat pragillustrasies deur die bekroonde kunstenaar Fiona Moodie. Uitgewersprys: R280 rooi rose: R224 KANAÄN Sophia Kapp (Lapa) In haar elfde…

Wat is podsendings? Podsendings is aflaaibare radio- of oudioprogramme waarna jy op jou slimtoestel kan luister. Jy kan kies om dit te stroom, of om dit af te laai en later te luister. ’n Mens kry deesdae podsendings oor byna enigiets, soos die ekonomie, die jongste nuus, geskiedenis, leefstyl, misdaad, fiksie en vermaak. rrRADIO is dié Afrikaanse podsendingskanaal vir vroue en is spesiaal vir rooi rose-lesers geskep. Ons het ’n verskeidenheid reekse, soos vervolgverhale, reekse wat raad gee oor sielkundige kwessies, finansies, verhoudings en selfs oor troeteldiere. Ons spesialis-joernaliste en kenners gee jou al die inligting wat jy nodig het oor ’n spesifieke vraag of kwessie. Jy kan enige tyd inskakel, luister en stop, net wanneer dit jou pas. En die beste van alles is dis heeltemal gratis! Jy betaal…

@home home.co.za Adidas 021 442 6200 Benefit Edgars 0800 203 925 Chanel chanel.com Checkers checkers.co.za Cielo cielo.co.za Clarins clarins.co.za Copperhead Gin trumandandorange.com Dior Edgars, Red Square 021 442 770 Dream SQNS platform23.co.za Ecoffee Cup SA Ecoffeecup.co.za Esque esque.co.za Essence Dis-Chem, takealot.com, Clicks Estée Lauder 011 516 3000 Glenelly glenelly.co.za GOSH Edgars, Foschini, Truworths H&M H&M 0860 690 707 Hi-Tec outdoorwarehouse.co.za Knus knus.co Lancôme Edgars, Woolworths MAC Cosmetics maccosmetics.co.za Mango 011 615 2995, 021 595 1540 Milady’s miladys.com Mr Price Home 0800 212 535, mrphome.com Palladio Dis-Chem Pringle of Scotland 011 444 2270 Queenspark 021 460 9400 Revlon revlon.co.za Scarlett Hill Mr Price 031 310 8550 Scotch & Soda 021 418 1725 Sisley Paris Edgars, Red Square, Woolworths Sorbet sorbet.co.za Steve Madden 011 467 3216, 011 784 0406 Superbalist superbalist.com Ted…

Ons is almal eenders in die sin dat ons almal net een biologiese ma het, en die meeste van ons kan getuig van minstens een “ma” wat nié biologies is nie. As jy meer as een ekstra ma het, ’n ma sonder naelstring, is jy geseënd. Maar dít weet ’n mens gewoonlik eers wanneer jy op ’n stuk lewe kan terugkyk en, ongelukkig, ook wanneer dit te laat is om vir hierdie “ma’s” dankie te sê. Ons “ander ma’s” is gewoonlik, maar nie altyd nie, vroue ouer as onsself. Hulle het ons nie vir nege maande fisiologies gedra nie, maar ons belange is onlosmaaklik onder hul hart geborge. Dit is die vroue wat mamma-arms om jou vou wanneer jy koud en kaal is; vir jou die pad belig wanneer jy…