Innholdsfortegnelse for March 2020 i Rooi Rose

DIE DING VAN BEKOMMERNIS is dat hy mos ’n vae onrus in jou siel ontketen. Hy lê in jou agterkop en sy donker skaduwee val oor alles, selfs die elkedagse vreugdes en die heerlike klein verkneukelinge wat gewoonlik jou dag ophelder. Dis soos om met ’n donkerbril na die lewe te kyk. Jy vergeet soms van die bril op jou neus, maar die ding waaroor jy jou bekommer, kleur jou hele ervaring van die wêreld donkerder in. Van die oudste filosowe se geskrifte is vol verwysings na besorgdheid oor die menslike toestand en die ondergang en agteruitgang van die wêreld, veral die jeug van die dag. Dit lyk dus asof om sorge te maak oor die toekoms tekenend is van die mens, “ek kwel my, daarom is ek”! Deesdae is…

Kathleen de Villiers (50), verpleegkundige My badkamer moes oorgedoen word. Ek het my bad met die hulp van my seun uitgehaal en nou lyk dit sleg! Volgende stap is kwotasies en dan gaan ek dit voor einde Junie gedoen kry. Annelene Crafford (60), afgetree Ek weet ek moet ’n paar kilogramme afskud en beter na my gesondheid omsien. Oefening en reg eet, is dus weer eens op my lysie. Dis vir my moeilik om te oefen, maar ek weet dis al uitweg. Ek beplan om weer baie te stap, en myself geestelik daarop voor te berei dat my gesondheid eerste prioriteit moet kry. Adri Pistorius (45), kommersiële onderskrywer Ai, nou word ’n mens hiermee gekonfronteer. Dit is iets waarvoor jy nie pille kry nie: Om fiks te…

Die naam op jou geboortesertifikaat is Kristen Jaymes Stewart. Ja, Jaymes is my middelnaam. Ek is na my pa se broer, oom Jimmy, vernoem. Hoe kies jy rolle? Dit hang af van waar ek my in my lewe bevind. Dis ’n persoonlike keuse en ’n weerspieëling van hoe ek in ’n sekere stadium voel. Dit beteken nie dat ek nie karakters kan vertolk wat van my verskil nie, maar wel dat ek nie karakters kan speel wat ek nie ken nie. Ek het al draaiboeke weggewys waarvan ek gehou het, maar ek het nie gevoel dat ek die karakter kon speel nie. As ek ’n draaiboek lees, en in daardie karakter se skoene wil klim en haar klere wil aantrek, dan sê ek ja. Wanneer het jy geleer om nie…

My prioriteit vir 2020 is om minder skuldig te voel oor tyd vir myself. Soos my man sê: ‘As Mamma nie oukei is nie, is niemand in die huis oukei nie’ Rolanda Marais ‘In die proses om alles te doen en almal gelukkig te hou, laat jy jouself in die steek. Dis onnodige druk. Ek moes my siening oor ‘hard werk’ en ‘perfeksie’ verander. En uiteindelik aanvaar dat ek my bes doen en dit is genoeg’ - Diaan Lawrenson Oorweldig. Dis hoe baie vroue voel omdat hulle oorlaai en uitgeput is deur alles wat hulle streef om te doen. Oorweldig deur verantwoordelikhede. Oorweldig deur hul lewe. Oorweldig deur moetdoen lysies. Teen die einde van die dag voel jy ontevrede en onsuksesvol, skryf produktiwiteitskenner Tonya Dalton in haar boek The Joy…

Stefan sê dit was nog altyd vir hom lekker in die kombuis, maar hy hou meer van gasheer speel as van kos maak. “My gunstelingkos om te eet én te maak is bobotie – ek het dit by my ouma geleer.” Hy het nie ’n kluitklaplysie nie. “Ek probeer om elke dag van my lewe te geniet. Maar ja, ek sal graag sekere plekke in die wêreld wil sien.” Hy dink sy beste eienskap is dat hy altyd betyds is. “Ek voel sterk oor tydsbestuur. Ek is ook hardwerkend en vasberade.” En sy swakste eienskap? “Daar’s heelwat. Ek dink ek laat gaan te maklik – I’m too good at goodbyes. Soms moet ’n mens harder werk om iemand in jou lewe te hou. Oe, en ek is verskriklik rigtingloos! Dis…

Eie aan ELKE VROU Folli Follie streef daarna om hul ontwerpe met ’n goedvoelfaktor af te rond. Elke item het ’n unieke element sodat die Folli Follie-kliënt nie in die see van massamode verdwyn nie, maar haar persoonlike styl eerder opval. OORRINGE (R2 390) FOLLI FOLLIE. HERSKRYF die bekende Project Dyad spesialiseer in eietydse leerbykomstighede. Die ontwerpe herskryf die verklaring van klassiek deur moderne elemente by te voeg. Alle items word met die hand vervaardig en word noukeurig volgens kleur, tekstuur en buitelyne afgerond. DOT-SAK (R1 760) PROJECT DYAD. Antieke KUNS Die Arceau-horlosie van Hermés is geïnspireer deur die bekende astrologie nouvelle-syserp uit die jare sewentig. Die ontwerp is in 2012 vernuwe wat die horlosie luuks en eietyds laat lyk. Dit word met ’n witgoudraamwerk en swart alligator-leerbandjie afgerond. ARCEAU…

SKOONHEIDSREDAKTEUR EN -BLOGGER CANDICE LEE KANNEMEYER VAN INMYBAG.COM EN HAAR DOGTER, MIYO JADE JAPPIES (16), VERTEL ONS MEER OOR VELSORGROETINE EN HOE OM PRODUKTE TE KIES. rooi rose Hoe kan ouers hul kinders ’n velsorgroetine aanleer? Candice Hulle moet van jongs af geleer word om elke dag sonskerm aan te smeer. Moedig hulle ook aan om saans hul gesigte behoorlik te was. Miyo het so op ses reeds haar gesig begin was. Kies ’n produk met ’n formule wat sagkens reinig en nie ’n fyngeur of kleur bevat nie - iets soos Dove Beauty Bar Sensitive. rooi rose Wat was die moeilikste van produkte kies? Candice Daar is nie spesifieke velsorgprodukte vir jong kinders en twieners nie. Maar as skoonheidsredakteur het ek geweet om op die uitkyk te wees na produkte…

Ja, jy kan empatievaardighede prakties vir kinders leer! Hier volg enkele voorbeeldaktiwiteite uit Emosionele intelligensie, ’n praktiese gids vir ouers en onderwysers deur dr. Rina de Klerk en dr. Ronél le Roux (bestel by ronellr@mweb.co.za) VIR ALLE OUDERDOMME • Leer kinders dat jou liggaamstaal, soos jou gesigsuitdrukking, boekdele spreek oor hoe jy werklik voel. • Leer kinders om “ek-boodskappe” te gebruik om hul gevoelens uit te druk, soos “Ek voel (naam van gevoel) omdat (rede vir gevoel), byvoorbeeld “Ek voel hart-seer omdat jy nie na my luister nie.” • Om ander mense korrek te verstaan, moet jy mooi luister na wat hulle sê. Ons moet leer om dit te doen, en vir gevoelens én feite luister. TWEE TOT ELF JAAR • Maak “empatievoelers” van ’n haarband, draad en balletjies op…

Mans kan ook slagoffers wees van mishandeling, en Karel* vertel dat dit aanvanklik vir hom moeilik was om deur te druk met 'n egskeiding. "Dit was my tweede huwelik en dit was soveel erger om te erken dat ek weer 'n fout gemaak het. 'n Mens wonder die hele tyd of jy nie maar die geweld moet verduur nie. Maar gelukkig het ek besef die lewe is te kort om met mishandeling te probeer saamleef. My vrou was heeltemal onvoorspelbaar, en ek het besef sy sou nooit verander nie." Karel het nie 'n sielkundige gaan sien nie. "Dit was te moeilik om teenoor vreemde mense te moet erken dat ek weer eens misluk het in die keuse van 'n huweliksmaat. Ek het wel teenoor my geliefdes uitgepraat. Maar terugskouend dink…

Die Thaba Eco-span het 2019 afgesluit met ’n troue wat Suid-Afrika se verbeelding aangegryp het. Nadat ’n video van Nonhlanhla Soldaat en Hector Mkansi se verlowing in ’n KFC-tak opslae gemaak het op sosiale media, het individue en korporatiewe borge ingespring om hul drome van ’n sprokiesbruilof moontlik te maak. Precious the Planner, ’n bekende Gautengse geleentheidskoördineerder wat al verskeie bekendes se troues gereël het, was aan die hoof van reëlings vir die dag, en die Thaba Eco-span het op 31 Desember 2019 gesorg vir ’n onvergeetlike seremonie. Volgens die Thaba Eco-bestuurspan was dit ’n eer om deel te wees van ’n geleentheid wat soveel hoop en liefde simboliseer.…

VAN PIZZA NA PREMIÈRES Reis kweek ’n liefde vir mense in my hart - die geleentheid om die mooi en die anders in almal te geniet. Ek is dankbaar dat ek al die kans gekry het om van wes na oos te kon reis. Europa was ’n ongelooflike ervaring. Dit ís so idillies soos jy jou verbeel. Ek was baie besig met onderhoude en vertonings van my fliek, Mia and the White Lion, wat daar uitgereik is en wens ek het meer tyd gehad om alles te sien. Mia is deur ’n Franse maatskappy vervaardig, en toe ons in Parys land, was dit ’n surrealistiese oomblik waarop ek letterlik drie jaar gewag het. Almal in Parys lyk altyd sjiek en of hulle hul eie fashion trend kan begin. So, when…

DROOMLEKKER ARANCINI GENOEG VIR 20 ARANCINI Die oulike Italianers weet hoe om oorskietkos heerlik te maak. Hierdie rysballetjies word van oorskietrys gemaak en is so lekker dat jy elke aand sal seker maak daar is oorskiet! Gebruik oorskietrys en gaar lamsvleis van die Sondagtafel. As jy nie lamsvleis het nie, kan jy ’n skenkel gaarmaak (resep onder) en die vleis van die been aftrek. • 20 g botter • 30 ml (2 e) olyfolie • 1 ui, fyngekap • 2 knoffelhuisies, fyngekap • 2 k gaar rys (enige gaar rys sal werk, die Italianers gebruik eintlik risotto maar ons het gewone gaar rys gebruik) • 125 ml (½ k) witwyn • 250 ml (1 k) hoenderaftreksel • 100 g parmesaankaas, gerasper • 100 g mozzarellakaas, gerasper • 4 takkies tiemie,…

Sodra jy begin google, sal jy agterkom hoe goed Alaska op toerisme ingestel is. Daar is amper te veel inligting om uit te kies! Daar is selfs toeragentskappe en toeristeorganisasies wat kaarte en brosjures aan jou sal pos sou jy verkies om nie net die Internet te gebruik nie. Begin met travelalaska.com • Bespreek veerbootvaarte by Alaska Marine Highway: alaskaferryvacations.com • Bespreek treinritte by Alaska Railroad: alaskarailroad.com • Lees meer oor die lewe in 'n tipiese Alaska-dorpie: If You Lived Here, I’d Know Your Name deur Heather Lende.…

Moet jy van werk verander? In ’n onderhoud verduidelik Anna McKee, skrywer van How to be Happy at Work, dat geluk in die meeste gevalle eerder van binne as van buite kom. Dis iets wat jý skep, eerder as wat jou omgewing dit vir jou doen. Sy sê baie mense bedank omdat hulle ongelukkig is by die werk, maar dat die volgende werk dikwels dieselfde probleme oplewer. Sy noem die dinge waaraan jy jou werk moet meet: Werk moet betekenisvol wees, ons moet iets doen wat met ons waardes strook, dit moet iewers ’n verskil maak, en ons moet hoop vir die toekoms hê. En ons moet vriende hê. Vele dinge kan ’n mens ongelukkig maak by die werk. Dit kan die werkskultuur wees, of dalk omdat jy saam met…

@home home.co.za Alma K Clicks Basketly basketly.co.za Bioderma bioderma.co.za Biomedical Emporium Medispa’s, biomedicalemporium.com Bio-Nike Dis-Chem Black Betty Design 072 803 9456 Block & Chisel blockandchisel.co.za Builders builders.co.za Bvlgari Picot & Moss Cartier 011 317 2600 Cetaphil Clicks, Dis-Chem Chapstick Clicks, Dis-Chem Clarks clarkssa.co.za Clicks clicks.co.za Coricraft coricraft.co.za Cotton On 021 552 9651, 021 981 9366 Country Road 0860 022 002, woolworths.co.za Deco Furn decofurn.co.za Dermalogica dermalogica.co.za Dermastore demastore.co.za Dior Edgars, Red Square Edgars, Red Square 021 442 770 Elegance ejewels.co.za Elizabeth Arden Edgars, Clicks, Dis-Chem, Foschini, Truworths, Woolworths, Environ environskincare.com.za Esque esque.co.za Esse Skincare esseskincare.com 033 212 3506 Eucerin 0860 102 091, eucerin.co.za Eurolux eurolux.co.za Fossil 021 555 1848 Gr8 Skincare Dis-Chem G-Star RAW 0800 202 889 H&M 021 826 7300 Heliocare dermastore.co.za, skinmiles.com, sorbet.co.za Hertex hertex.co.za Hirsch’s hirschs.co.za Intraceuticals…

Dink aan ’n ambagryke Adam, dan doem Johan Jack Smith in visier! Die media-entrepreneur is ’n Vrystaatse klong wat nou in die Goudstad woel as redakteur van die ATKV-tydskrif Taalgenoot en Wenkbrou (Lapa Uitgewers se druknaam). Hy is ook grafiese ontwerper, uitlegkunstenaar, videograaf, musikant, digter, dosent en resensent. Smith se boek Zola, ’n eietydse speurstorie wat in Jozi se gevaarstrate ontknoop, is op die rakke. Multi-skilling dryf die millenniummens. Hou afwisseling jou op jou tone en dinge interessant? Ek stel graag uitdagings aan myself. Ek wil jaarliks kan terugkyk en die dinge tel wat ek aangepak het. Die lewe is te kort vir eenfasetfokus. Die terugkyk bied ook refleksiekans op die lang pad tot daar. Mismoedige jong Suid-Afrikaners emigreer - jy bly en skep self werk? Ek is ’n boorling…

Suid-Afrika se eerste volwaardige Netflix-reeks skop binnekort af. Queen Sono wys hoe ’n topspioen (Pearl Thusi) die vasteland deurkruis terwyl sy Afrikane ophef. Aktrise Kate Liquorish speel Ekaterina, die erfgenaam van ’n olieryk, en ’n vrou met duistere motiewe. Lekker om deel te wees van ’n digitale reus se plaaslike produksie wat tegelyk in sowat 190 lande beskikbaar is? Dankbaar en opgewonde, dis massief. Hoog tyd dat die wêreld ’n ware smaak kry van Suid-Afrika se kreatiewe talent. Die reeks is op 37 plekke geskiet, ook Johannesburg, Nigerië, Kenia en Zanzibar. Dit was ongelooflik. Ek was deel van tien verskillende plekke en elkeen is anders en dinamies. Regisseur Kagiso Lediga en kinematograaf Motheo Modaguru blaas lewe in en bring die beste van ons vasteland uit. Dis ’n multitalige reeks met…

HOTSPOT - PET SHOP BOYS DIE GUINNESS BOOK OF RECORDS LYS DIE ENGELSE POPMANNE AS DIE SUKSESVOLSTE DUO TOT NOG TOE IN BRITSE MUSIEK. HUL TREFFERS IS OMGANGSPLESIER VIR MILJOENE. HUL 14DE ATELJEE-ALBUM MET TIEN SNITTE VOLG DIE WENRESEP. DIE CD IS IN BERLYN OPGENEEM EN MAAK VOORBRAND VIR DIE EUROPESE TOER DREAMWORLD: THE GREATEST HITS LIVE WAT IN MEI DAAR AFSKOP. 10 JAAR – ARMAND HOFMEYR HY MOES HARD SING VIR SY EIE VERHOOGPLEK. HIERMEE VIER ARMAND SY TIEN JAAR IN DIE BEDRYF. DIT SLUIT IN SY NUWE ENKELSNIT “SUID-AFRIKA”, ASOOK DIE TREFFERS “KITTY”, “LEKKERLYF” EN “PA EN SEUN” SAAM MET PA STEVE. SY VIERDE ALBUM IS ’N SAMESTELLING VAN SY AANHANGERS, RADIOSTASIES EN ARMAND SE GUNSTELINGE.…

Party mense het in hul leeftyd soveel gewaag, soveel bereik, soveel agterent geskop en probleme veroorsaak dat hul lewe amper soos ’n mite klink. As dié mens boonop ’n vrou was, is dit nog moeiliker om te glo dat sy nie oorspronklik uit ’n storieboek kom nie. Maar Julie d’Aubigny, beter bekend as Mademoiselle Maupin of La Maupin was, soos ’n mens uit haar naam kan aflei, ’n Franse vrou. Sy het in die 17de eeu hoofsaaklik in Parys gebly. Sy was biseksueel en het daarvan gehou om mansklere te dra. En sy was veral bekend as operasanger én swaardvegter wat meer as tien mans na hul graf gestuur het. Daar bestaan min dokumentêre bewyse oor haar lewe, buiten die kennisgewings van die produksies van die Paryse opera waarin sy…

Dit het als met ’n lang soen begin op die laaste aand van die vorige eeu. En daardie soen het wrintiewaar nog nooit opgehou nie. “Sien,” sê Nico Panagio. “Soen,” sê Christi Panagio. “Sien.” “Soen.” “Sien.” “Soen.” Nico vertel: “Ek en my pelle het die tradisie gehad om elke Oujaarsdag op Robbergstrand by Plettenbergbaai met ’n rubberboot op die see uit te gaan. Op Oujaarsaand, wanneer die klok twaalf slaan, sou ons elkeen dan ’n mooi meisie soek en haar soen. Maar 31 Desember 1999 was anders. Ek onthou ek het op ’n sandduin gaan sit en vir my toekomstige vrou gebid. Toe die oomblik aanbreek dat ons die sekondes na die nuwe millennium aftel, was Christi langs my en dit was die soetste van soene. Ek kan eerlikwaar sê…

Kristen Stewart het die hoë wangbene en hartvormige gesig van ’n ware skoonheid. Sy is van nature skraal, en dis altyd verrassend om te sien hoe klein sy werklik is, veral omdat sy so ’n groot persoonlikheid het. Die Twilight-flieks het haar wêreldwyd in die kollig geplaas, en toe sy en haar romantiese medespeler, Robert Pattinson, begin uitgaan, het haar kwik die hoogte ingeskiet. Sedertdien het sy doelbewus daaraan gewerk om haar beeld as Amerika se liefling te herstruktureer. Sy het uit die kas geklim en ook donker, dramatiese rolle gekies. In 2019 het sy weer die pas verander met twee uiteenlopende karakters. In Seberg speel sy ’n aktrise wat deur die FBI vervolg word weens haar politieke sienings. Sy verskyn ook in die jongste weergawe van Charlie’s Angels. Mense…

Lindsey se karakter Chanel, wat sy al meer as ’n jaar in ‘Binnelanders’ vertolk, is nie so ’n bedorwe brokkie soos haar vorige karakters nie LINDSEY ABRAHAMS Lindsey se lang raafswart hare, kuiltjies en groot bruin oë vang dadelik die oog. Toe sy in 2018 in die kykNET-dramareeks Knapsekêrels haar debuut as die bedorwe brokkie Chantel gemaak het, het dié pikkie gewys jy moet haar nie op haar voorkoms takseer nie, want sy kan en mag maar toneelspeel. Die boorling van Atlantis in die Wes-Kaap vertel sy het van kleins af saam met haar ouma Dorothy sepies soos Days of Our Lives gekyk. “Ek wou van jongs af aktrise word maar het gedink dit is vergesog om drome te koester om eendag op televisie te wees,” vertel sy beskeie. Sy…

HÉLÈNE TRUTER Die meeste mense ken die aktriseskrywer Hélène Truter as tannie Poppie van Vetkoekpaleis en nou weer in die kykNET-reeks Huis Lelieveld. Maar anders as tannie Poppie is Hélène nog lank nie van plan om in ’n ouetehuis te gaan aftree nie. Daarvoor is sy darem net té bedrywig en innoverend. “Hoe meer verskillende goed ek doen, hoe gelukkiger is ek,” sê sy, “Ek word baie gou verveeld en is altyd besig om myself te re-invent.” Toe Hélène destyds in 1982 ná haar dramastudie in die toneelwêreld op dreef probeer kom het, het sy gou besef die mededinging is straf. “Ek was nie een van die pretty girls nie en het besluit om my voelers uit te steek om ekstra geld te verdien. Ek het toe tekste vir onder…

’N PRETPAK Ek belê graag in ’n staatmakerpak - sag, kleurryk en uniek. So vroulik soos wat ’n somerrok my laat voel, so sterk en selfversekerd laat ’n sjiek pak my voel. ’n Pak is ook ’n veelsydige kopie, omdat ek die broek en baadjie afsonderlik kan dra en ’n hele ander uitrusting daarvan maak. Dra dit met ’n bloes en hakskoene vir ’n formele afspraak, of ’n T-hemp en tekkies vir meer gemak. BAADJIE (R679; XS-L) EN BROEK (R679; XS-L) ALBEI VAN ZARA. ’n Tydlose SWART ROKKIE My resep vir die perfekte swart nommertjie: ’n Rokkie nie te lank nie, maar ook nie te kort nie, en met ’n interessante ontwerp wat jy nie elke dag sal sien nie – unieke detail steel my hart. (Bêre in die kas…

Glansend en gesond: GISELE BÜNDCHEN Die pragtige supermodel Gisele Bündchen het in 2015 haar “loopskoene” opgehang en stap nie meer op internasionale loopplanke nie. Sy is deesdae ’n welwillendheidsambassadeur vir die Verenigde Nasies se omgewingsprogram en skrywer van die topverkoperboek Lessons. Sy is ook die gesig vir die Dior Capture Totale-velsorgreeks. “Sy is die perfekte beeld van gesonde skoonheid en welwees,” sê Claude Martinez, president en hoofuitvoerende besuurder van Parfums Christian Dior. “Dié eienskappe vang die hart en geskiedenis van Capture Totale vas.” Dior Capture Totale reeks pryse vanaf (R1 430 tot R3 620). Ontspan met sout VAN DIE DOOIE SEE Oorspronklike en gesertifiseerde sout en minerale van die Dooie See gemeng met plantolies en -ekstrakte is die basis van die nuwe Alma K-reeks. Alma K Stimulating Body Scrub (R249,99,…

Die meeste kenners is ten gunste van AAHS-medikasie, al weifel jy omdat jy van newe-effekte hoor. Maar dié artikel gaan nie daaroor nie. Die fokus is nou op kos en AAHS, saam met en selfs vflflr medikasie. Wat is nuut, kan jy wonder, want toe ons in die jare sewentig meer bewus geword het van AAHS was kos dadelik ter sprake. Een van die leidende kenners destyds was dr. Benjamin Feingold, wat veral sintetiese kleur- en geurmiddels as die sondaars gesien het. Hy wou dat jou kind net kos eet met natuurlike kleurmiddels soos beetsap. Jy moes ook alles met salisilate soos appels, komkommer en tamaties uitsny. Dit is herhaaldelik weerlê maar ons glo dit nou nog. Daarom hoor jy steeds AAHS-kinders moet veral rooi stokkielekkers, tjips, tartrasien en MNG…

Adri Pistorius (45), kommersiële onderskrywer Vir seker kan ’n mens jou kinders empatie leer. Praat met hulle oor hul emosies en joune (sonder om by hulle af te pak en hulle skuldig te laat voel). Jy moet tyd maak vir jou kind en met volle aandag luister, wys hulle om die ander mens in ag te neem deur te vra: “Hoe dink jy voel dit vir hom/haar, hoe sou dit jou laat voel?” Leer hulle om klein goedjies vir ander te doen en te waardeer wat ander vir hulle doen. Belangrikste van alles: wees ’n voorbeeld in al hierdie dinge en hulle sal volg. Kathleen de Villiers (50), verpleegkundige Ek het my kinders geleer om liefde en respek te hê vir mense, diere en voëls. Ons het altyd beseerde diere…

POWA (People Opposing Women Abuse) definieer mishandeling as enige gedrag wat ’n ander mens beheer, fisieke skade of vrees veroorsaak, ’n mens dwing om iets te doen wat sy (of hy) nie wil doen nie, of wat iemand verhinder om te doen waarvan sy/hy hou. Mishandeling kan emosioneel, fisiek, seksueel of finansieel van aard wees. Mishandelde vroue word gewoonlik op meer as een manier mishandel. FISIEKE MISHANDELING SLUIT IN • Klap, met die vuis slaan, skop, stamp, krap en byt, om jou met goed te gooi of jou met iets aan te val. • Dreigemente om jou aan te rand. • Om jou toe te sluit in die huis (of uit te sluit en jou te dwing om die nag buite te slaap), of om jou iewers in ’n gevaarlike…

STEM JA OF NEE OP ONS VRAAG IN “WAT DINK JY?” EN JY KAN EEN VAN DRIE GELUKKIGE LESERS WEES WAT ELKEEN ’N HI-TEC LADY NEVA PUFFER-BAADJIE VAN R999 WEN. DIE HI-TEC LADY NEVA PUFFER-BAADJIE HET PAS ’N NUWE VERSKEIDENHEID KLEURE, WAT BY ELKE UITSTAPPIE SAL PAS, BEKEND GESTEL. DIÉ BAADJIE PAS HEERLIK KNUS, HET UITSTEKENDE EKO-ISOLERENDE VERMOËNS EN KAN BAIE KLEIN OPVOU. BOONOP IS DIT MODIEUS EN ULTRA-STYLVOL MET LANG MOUE, REFLEKTIEWE ELEMENTE EN SAKKE WAT KAN TOERITS. BESLIS ’N MOET-HÊ ITEM VIR STYLVOL LYK ÉN WARM BLY. VRAAG: DINK JY ’N MISHANDELAAR KAN VERANDER? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP “WEN” EN DAN “WAT DINK JY” OM DEEL TE NEEM.…

Alex van Houwelingen Alex, ’n bekroonde kinderboekillustreerder van Pretoria, het ’n ruk lank gesukkel met ’n seerplek in sy mond en in 2017 is mondkanker by hom gediagnoseer. Die diagnose was ’n groot skok. Daar, in die dokter se spreekkamer, het hy gevrees dat hy nie meer vir sy gesin sal kan sorg nie. Tuis het hy in trane uitgebars toe hy vir sy vrou, Ilze, moes vertel. “Ek het so magteloos gevoel.” Sy eerste besoek aan ’n spesialis ná die diagnose, het hom beter laat voel. Hy het gesê daar lê ’n “moeilike, maar nie lewensbedreigende proses” voor. En presies hoe moeilik daardie moeilik was, sou hy eers ná sy eerste operasie besef, onthou Alex. In die agt uur lange operasie is weefsel van Alex se arm in sy…

Deli-plesier Fynproewerdelikatesses word al gewilder. Kosliefhebbers wat altyd op soek is na unieke bestanddele kan dit nie weerstaan om deur ’n goeie deli se rakke te snuffel nie. Joostenberg Deli op die Joostenbergvlakte is een van my gunsteling-deli’s, en veral bekend vir sy voortreflike varkvleisslagtery. Die verskeidenheid varsgebak, van brode tot pasteie en handtertjies, asook klaarbereide geregte sal jou in vervoering hê. Dit is net so lekker om deur die geskenkwinkel te snuffel. Hier kan jy die mooiste kombuisware en geskenkies vir kinders koop. Stap daar weg met ’n bossie tuinblomme, ’n vars brood en iets moois vir die huis. Beslis ’n besoek werd. www.joostenberg.co.za LAAT DIE PROPPE SKIET! Genevieve Méthode Cap Classique Zero Dosage is ’n unieke MCC wat net gemaak word wanneer die wingerde uitmuntende druiwe dra. 2015…

Wat doen jy nog behalwe sing? Ek is so lief vir sing dat ek dit elke dag met oorgawe doen, so dié vraag bring my altyd tot stilstand. Daar is wel ander dinge waarvan ek hou, soos om ander mense gelukkig te sien. Ek wil ook graag ’n bydrae maak, al is dit iets kleins, soos om my 77-jarige pa op sy bouperseel te help. Ek hou ook daarvan om oomblikke in die natuur op my kamera vas te vang, te skets, skilder, kitaar te speel en lirieke te skryf en saam met my geliefde op sy motorfiets te ry. Ry jy nog vir jou pa sement aan met ’n vragmotor? Ek wens ek kon ’n 13 tonvragmotor bestuur. Ek bestuur wel kleiner trokkies met twintig sakke sement, ’n kubus…

Skielik loop haar bankrekening mank. En kort voor lank sal dit nie eens kan loop nie. Daar flits waarskuwings van die bank se kant af op Ronél se skootrekenaar. En sy weet. Twee maande al word haar bankrekening deur ’n aftrekorder geplunder. Sy het ’n seun wat te veel hooi op sy vurk het en daardie besigheid van hom moet nou gestut word, buig of bars. “Net sewe maande, Ma,” het hy gepleit. “Dan kry ek geld wat my toekom.” “Goed, my seun.” Maar elders, besef sy, sal sy nou moet inkrimp en sy weet presies waar dit sal wees. ‘ONS HET SOVEEL IN HIERDIE TYD VERRIG, RONÉL. EK IS TROTS OP JOU. JY’S MY SUKSESVERHAAL.’ HY PERS SY LIPPE BEWOË SAAM. ‘EK HET SOVEEL BY JOU GELEER. EK IS…

A LONG PETAL OF THE SEA Isabel Allende (Jonathan Ball) Die historiese roman is geskoei op ware gebeure en mense, en word oorsee reeds as die Latyns-Amerikaanse War and Peace besing. Die meesterlike Chileense skrywer, wat nou in Amerika woon, plons jou in die jaar 1939. Die Tweede Wêreldoorlog breek in Europa uit en Spaanse vlugtelinge beland in Chili. Victor Dalmau, ’n jong dokter in die Spaanse Burgeroorlog, en sy skoonsus, die pianis Roser Bruguera, moet inderhaas uit hul geliefde Barcelona vlug. Hulle klim op ’n skip wat die digter Pablo Neruda gehuur het en vaar na die beloofde verre land van “a long petal of sea and wine and snow”. Daar raak hul lewe oor vier geslagte verstrengel met diegene wat saam die stryd van onderdrukking en vryheid gade…

MOFFIE Suid-Afrikaners kan nou kyk na die plaaslike fliek wat oorsee opslae gemaak het. Regisseur Oliver Hermanus ryg geruime tyd al pryse by internasionale rolprentfeeste in. Hier takel hy ’n taai tyd en tameletjie in ons geskiedenis. In die jare tagtig is die Bosoorlog in volle gang. Die jong dienspligtige Nicholas van der Swart (nuweling Kai Luke Brümmer) moet vinnig aanpas. Nie net word met sy kop gesmokkel nie. Sy hartsake beland ook in die spervuur toe ’n mederekruut iets in hom roer. Maar “moffiewees” is sinoniem met “swak”, onwettig en geharde bevelvoerders duld dit nie. Die fliek is gegrond op André-Carl van der Merwe se treffende memoires, en moes net verbeeld word. RICHARD JEWELL Die eertydse cowboy en nou goue liga-regisseur Clint Eastwood is lankal as ’n lewende legende…

Wat kry jy as jy ’n apteker met kunsflair en ’n liefde vir ontwerpsjokolade bymekaarroer? ’n Fabriek wat fluks fynproesjokolade uitrol en ook oud en jonk leer hoe om dit te maak. Snyman Sjokolateur in Pretoria spruit uit apteker Hannes Snyman en sy vrou, Wenette, se passie vir België en veral die stad Brugge, wat as die wêreld se sjokoladehoofstad bekend staan. Hulle wou die geheime van die sjokoladekuns bemeester en het kursusse by ’n meestersjokolateur in België geneem. Daarna het Hannes in ’n vertrek in sy apteek begin oefen. In 2005 het hy die deure van sy sjokolade-boetiekwinkel in die ooste van Pretoria geopen, waar sy eksklusiewe pralines soos soetkoek opgeraap word. Die heerlike reeks is beskikbaar in unieke geure, soos biltong, brandrissie en maroela en word per gewig…

Skrikkeldag-spyskaart Die Afrikaanse Taalmuseum en -Monument is 45 jaar oud. Die feesjaar begin op 28 en 29 Februarie op die Paarlberg. Die veeltalige, multikulturele program skop Vrydag af met Akkedis en Die Heuwels Fantasties. Skrikkeldag begin met ’n “45 Minute vir Afrikaans”-pretloop in die berghange. Daar is ’n kos-, kuns- en kunsvlytmark, ’n buiteluggalery vir opkomende Afrikaanse skrywers en ’n jazzkonsert in die Tuinteater. Op die verhoog is Jaloersbokkies, die Namakwalandse rymkletser Vito Heyn, oftewel V.I.T.O, Jak de Priester en bobaasstorieverteller Elias P. Nel. Kaartjies vooraf beskikbaar by die Taalmonument of Taalmuseum (021 872 3441/863 0543) of by computicket.co.za Randfontein-jol Die Randfontein Skou is die grootste kos- en musiekfees aan die Wes-Rand. Die 34ste skou word van 5 – 8 Maart by die Greenhillsstadion gehou. Die program fokus op gesinsvermaak…

Dit het vroegoggend begin. Eers die kragopwekker, toe die elektriese sae. Ek het op die balkon gaan staan en gehoop dis snoeityd. Of moet sy ook val – die laaste sering wat oorgesien is toe die laning dekades gelede uitgekap is, glo omdat bome vastrapplek bied vir misdadigers wat oor mure klouter? Volgens wet is sy net so onwelkom. Boonop loop die nuwe pad, waaraan maande lank al gebou word, so naby aan haar verby daar is skaars plek vir ’n randsteen. Die houtkappers kap asof hulle wil afkap en klaarkry. Geen styl, voorkoms of balans nie. Ek vlug na my papiernes, dwing die geweld op die agtergrond, maar kry dit nie reg nie. Die dag stap aan op maat van ’n eindelose saagserenade. Onthoof hulle haar, kap hulle haar…

DIE DOOPDAG Ek voel geëerd toe my dogter my vra om hul nuwe kleinding in die kerk in te bring vir die doopplegtigheid. Ek koop vir my ’n pragtige wynrooi chiffonbloes, ryklik versier met bypassende stringetjies kraletjies. ’n Yslike oordeelsfout. Sondagoggend is Carla effens koorsig en huilerig. Seker ook maar onbewustelik senuagtig oor die groot dag, dink ek. Ek en oupa moet die kosbare skat kerk toe vervoer, want die ouers moet reeds vroeër daar wees. Net voor ons ry, bring Carla haar hele bottel melk op. Paniekerig trek ek die lang, spierwit dooprokkie uit en dompel dit in water. Maar ons moet ry en die halfnaak dopeling word ingelaai. Oupa bestuur en ek druk die nat rokkie by die venster uit en laat dit in die wind wapper. By…

“Ons gelukkige, geseënde, liefdevolle huwelik is gewortel in die orde waarna die Bybel in Johannes 1:1 verwys: ‘In die begin was die Woord daar en die Woord was by God, en die Woord was self God.’ ‘Woord’ is in Grieks ‘logos’ wat ook ‘orde’ beteken. Die wêreld was deurmekaar en God het kom orde skep. “Binne God se orde-reëling gedy mense en huwelike en die teenoorgestelde is ook waar: daar waar chaos heers, kan niks gedy nie. “Ons herinner mekaar gereeld daaraan dat ons ons lewe meet aan die grense wat God gestel het. Dit bepaal ons woordkeuses, die flieks wat ons kyk, die werk wat ons kies om te doen (of nie doen nie), die emosionele waardes wat ons vir Evah en Shay leer, die manier hoe ons na…

Die sangeres Caroline-Grace sing deesdae ’n paar nuwe liedjies – en dit is nie pop of folk nie maar wiegeliedjies soos “Slaap Pikanini” en “Siembamba” vir haar klein prinsie, Marcel Werner. Tussendeur koer sy troetelnaampies soos “My bokkie, my lyfie”. “Ek wil hom net opvreet,” sê die sangeres wat in 2017 in die talentsoekkompetisie The Voice SA soveel harte met haar stem en sprankelpersoonlikheid gesteel het dat die publiek haar “Die koningin van harte” gedoop het. Daardie eerste paar oomblikke nadat Marcel in Desember gebore is, was vir haar “soos die grootste wonderwerk”. “Ek het dadelik soos ’n baie trotse ma gevoel en het die klein mensie heeltyd op en af bekyk,” vertel sy stralend. Pa Heinrich, wat 23 keer vir die Springbokke uitgedraf het en einde verlede jaar sy…

Die akteur Stefan Vermaak is ’n gebore en getoë Pretorianer wat in graad 9 aan die Hoërskool Menlopark sy liefde vir drama ontdek het. “My drie susters was topatlete, maar ek was nie meer lus vir atletiek nie. Toe gaan skryf ek by die drama-akademie van die skool in, en drie weke later kry ek die rol van die jonger Benjamin Komoetie in die verhoogproduksie Fiela se Kind wat landswyd opgevoer is.” Hiervoor moes hy ’n hele paar weke se skool misloop, maar sy onderwyseres-ma (sy is die adjunkhoof by Menlopark) kon darem seker help verduidelik aan die werk wat hy moes inhaal. Oor sy kitssukses in ’n rigting wat hy toe maar pas ontdek het, is Stefan filosofies. “My pa, ’n professor in teologie aan Unisa, sê graag dat…

Klein HANDSAK ’n Kleiner handsak sal jou onmiddellik ’n jeugdiger voorkoms gee. Gooi dit oor jou skouer vir die ontspanne, romantiese styl van die sewentigerjare. Kies maar een wat nie té klein is nie sodat jou noodsaaklikhede steeds maklik inpas. Die beste van alles is dat dié sakkies elegant genoeg is om vir aandgeleenthede ook te gebruik. Laag op laag met lang HALSSNOERE Dink aan pragtige halssnoere - fyn goue kettings, medaljes van goue muntstukke en mooi hangertjies. Dra dit by enigiets - van besige patroonrokke, blou jeans tot natuurlike kleure soos wit en swart. Die geheim van die stapelstyl lê in die lengtes van die kettings. Maak seker al die halssnoere verskil minstens ’n paar sentimeter. ’n Nóg makliker manier is om een halssnoer met verskillende lae…

Deel jou eie ondervinding “As jy as tiener met jou vel gesukkel het, deel dit met jou kind. Dit kan vir tieners traumaties wees wanneer hulle aknee kry, veral as dit in ’n erge graad is,” is die raad van Tendai Ngorima, skoonheidskonsultant van Intraceuticals. WANNEER BEGIN JY MET ’N VELSORGROETINE? “Begin met die aanvang van puberteit. Dit wissel van 10-14 vir meisies en 12-16 vir seuns. Die eerste tekens van puberteit is gewoonlik ’n meer olierige vel met swart- en witkoppies,” sê die Kaapse dermatoloog en eienaar van dermastore.co.za , dr. Ian Webster. Dr. Judey Pretorius, velwetenskaplike en eienaar van Bio-Medical Emporium, sê as jy van jongs af vir jou vel sorg, sal die skade wat die omgewing aanrig en die liggaamsveranderinge in die tienerfase ’n kleiner uitwerking hê…

Die meeste AAHS-outjies is teen die tyd wat hulle by my kom klaar gediagnoseer, en op medikasie of nie, soos wat die ouers besluit. Die meeste ouers neem die probleem ernstig op en doen hul bes. Vir hierdie leerders werk dinge gewoonlik goed uit. Maar ek verkwalik sommige ouers vir hul kinders se gedrag. Die kind het nie AAHS nie – na my mening word baie kinders se brein tuis “mishandel”. Ek kan nie sê in hoe ’n mate die Hollandse ondersoek geldig is nie maar ek dink daar steek báie in – nie met al my AAHS-leerders nie, maar met party. Dit val my al jare lank op dat kinders wat sleg eet, of met baie bederfgoed by die skool aankom, sukkel om aandag te gee. As jy mooi…

• Vra familie, vriende of iemand by jou kerk om hulp. • Gaan sien 'n berader/sielkundige. • Lê 'n aanrandingsklag teen jou mishandelaar. • Kry 'n beskermingsbevel. • Trek tydelik uit, of kry jou planne agtermekaar om permanent te trek (reël blyplek, hou geld eenkant, kry werk, pak noodsaaklike items vir wanneer jy dalk skielik moet trek. Hou ’n klaar gepakte tas gereed - of los dit by familie/vriende/jou werk - sou jy skielik die huis moet verlaat). • Kry regshulp (daar is organisasies wat mishandelde vroue gratis hiermee bystaan). • Kontak 'n organisasie soos POWA wat daarin spesialiseer om slagoûers van mishandeling te help. Hulle gee telefoniese berading en kan jou ook in kontak bring met organisasies landswyd. Tel. 011 642 4345/6 of stuur ’n e-pos na itumeleng@powa.co.za of info@powa.co.za…

Adri Pistorius (45), kommersiële onderskrywer Baie beslis, almal wil net meer en meer van ’n mens hê. Dis werk, die kinders se skoolprojekte en huiswerk, om elke aand - ondanks al die ander verantwoordelikhede - ’n bord gesonde kos vir jou mense voor te sit, om ’n supervrou te wees met ’n skoon, georganiseerde huis en afgemerkte lysies. Dit raak oorweldigend. Dan haal ek asem, maak nog ’n lysie en kies net een ding op ’n slag. Wanneer ’n mens op die een ding fokus en dit ordentlik doen, voel jy net soveel meer in beheer. Baie belangrik: moenie uitstel nie! Kathleen de Villiers (50), verpleegkundige Absoluut! Namate ek ouer word, gaan die dae, weke, maande met ’n hoë spoed verby, en ek kan dit nie langer maak nie. Ek…

Agge nee, régtig? Jy speel seker!” Marna kyk haar vriendin met ’n mengsel van ongeloof en afgryse aan. Die bloedrooi rok wat Estie voor haar rondswaai soos ’n stiervegter voor ’n bul, is nie iets wat sy ooit vir haarself sou uitkies nie. “Maar jy gaan fabulous lyk hierin!” sê Estie ietwat verontwaardig en druk-druk die rooi fluweelskepping ingenome teen Marna se lang lyf. Marna maak ’n dramatiese skouerbeweging wat wys sy gril tot in haar murg. “Es, dit lyk asof dit van ’n laerskool se verhooggordyne gemaak is. Of ’n Victoriaanse bordeel se beddegoed. Ek gaan nié met so iets in die openbaar verskyn nie.” “Maar jy’t dan gesê jy wil ’n entrance maak. Dat jy wil seker maak die oulike man sien jou raak en onthou jou. Hierdie…

INDIEN JY VAN HIERDIE BOEKE (OF ELDERS IN ROOI ROSE) TEEN DIE ROOI ROSEPRYS VAN ’N 20% AFSLAG WIL BESTEL, KIES EEN VAN DIE VOLGENDE OPSIES: 1 E-POS JOU NAAM, TELEFOONNOMMER EN KEUSE(S) NA SHOP@GRAFFITIBOOKS.CO.ZA 2 BEL 012 548 3456 GEDURENDE KANTOORURE EN NOEM DAT DIT VAN DIE ROOI ROSE- BOEKE IS WAT JY WIL BESTEL. ONS SAL IN KANTOORURE TERUGBEL OF E-POS. 3 BESOEK GRAFFITIBOEKE.CO.ZA. EN KLIK OP DIE ROOI ROSE SKAKEL. BOEKPRYSE IS ONDERHEWIG AAN VERANDERING. LET WEL DAT HIERDIE PRYSE NIE POSGELD INSLUIT NIE.…