Innholdsfortegnelse for January 2020 i Rooi Rose

HIERDIE NUWE UITGAWE laat my met nostalgie en ietwat geamuseerd terugdink aan ’n baie opwindende jaar, die jaar 2000, die eerste jaar van die nuwe millennium. Soveel was toe onbekend, selfs vreesaanjaend, ons was so bekommerd dat ons rekenaars gaan vasslaan en dat ons al ons data sou verloor. Dat banke en winkels se stelsels gaan ophou funksioneer, en dat ons ineens sou moes leef sonder water en elektrisiteit en winkelkos, sou die ergste gebeur. Wêreldwyd was daar onsekerheid en redenasies vorentoe en agtertoe. Die optimiste het geglo ons sal die nodige aanpassings betyds kon maak en die pessimiste het begin kos en water opgaar vir ingeval. En boonop was dit duidelik, die mens het in die eerste plek die probleem veroorsaak. Dit was ’n monster wat ons geskep het…

Die akteur Reynardt Hugo se oë blink behoorlik wanneer hy vertel van alles waarna hy in 2020 uitsien. In April trou hy met sy jare lange liefde, An-Maré Roothman, hy pak ’n solo-loopbaan as sanger aan én hy werk aan ’n boek. Nie dat sy Binnelanders-aanhangers hulle hoef te bekommer nie: dr. Tertius Jonker gaan waarskynlik nog lank met ons wees. Dis nie net aan musikale front waar hy hom in die nuwe jaar wil “reinvent” nie, vertel die 33-jarige akteur wat sedert 2011 ook ’n lid van die gewilde popgroep ADAM was. Maar as hy moet eerlik wees, kom die “nuwe” Reynardt al ’n lang pad – byna vier jaar, om presies te wees. Ná ’n optrede saam met ADAM waarvan hy ná die tyd “byna niks” kon onthou…

Dis so anders as wat ek my voorgestel het.” Aan die woord is Zozibini Tunzi, Mej. Suid-Afrika 2019, en ons praat oor hoe dit voel om die kroon as die mooiste vrou in die land te dra. Ons ontmoet mekaar vlugtig vir koffie in die koffiewinkel van die gebou in Sandton waar sy vir haar ampsjaar in ’n luukse-woonstel woon. Nou-nou moet sy Pretoria toe vertrek vir ’n amptelike afspraak, en sy het eers laat die vorige dag teruggevlieg van Mauritius af. ’n Opwindende, warrelwindlewe vir ’n jong vrou wat laggend vertel dat sy tot baie onlangs toe nog oral heen taxi gery het. Sy kan steeds nie glo sy het nou ’n Mercedes tot haar beskikking nie - met iemand wat dit kan bestuur, want sy het nog nie…

Afrikaanse televisiekykers sal Henré Pretorius (43) veral onthou vir sy rolle in Getroud met Rugby en 7de Laan en as veldaanbieder vir Bravo. Maar sy TV-loopbaan het ’n hele paar jaar voor dit afgeskop as aanbieder van programme wat op die jeug gemik was, soos JIP, Zing en Smelt (kykNET) en Studio1 (op die DStv-musiekkanaal MK.) Nadat hy die afgelope paar jaar verkies het om agter die kamera te werk, is die aantreklike pa van drie terug op die kassie in Fynskrif 2 en die opwindende nuwe dramareeks Projek Dina, wat vroeg in Januarie begin. Vertel ons van jou kinderjare … Ek is gebore en getoë in Bell-ville en het aan die Hoërskool Bellville gematrikuleer. Ons was twee kinders; my jonger broer Herman is in 2009 oorlede. My pa is…

KRY JOU TYDSKRIF DEUR DIE POS • Skryf in op rooirose.co.za • Stuur 'n e-pos na subs@magsathome.co.za • SMS 'Caxton RR' na 47998. Standaardtariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank. Takkode: 12320900. Rek: 1232073059. Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101, of stuur per e-pos na subs@magsathome.co.za DIE AANBOD GELD NET INTEKENARE IN DIE RSA. PRYSE: 24 MAANDE: R1 080 AFSLAGPRYS: R594 12 MAANDE: R540 AFSLAGPRYS: R351 6 MAANDE: R270 AFSLAGPRYS: R175,50 JOU GESKENK Vyftig gelukkige rooi rose-lesers wat vandeesmaand op rooi rose inteken, kry…

Kraakvars IN WIT Daar is maar net iets aan ’n wit uitrusting. Hoewel helder kleure dié seisoen gewild is, bly wit sjiek en vars. Gooi ’n koel linnehemp oor jou swembroek vir ’n dag op die strand, of dra ’n romp en plakkies daarby vir ’n informele geselligheid. LINNEBLOES (R860; 6-14) HANNAH LAVERY. BEDERF JOUSELF DONNALEE ROBERTS HET AS DOGTERTJIE IN DIE TUIN GELÊ EN STORIES UITGEDINK WAT SY DAN VIR HAAR GESIN OPGEVOER HET. SY IS AL JARE LANK ’N LIEFLING VOOR DIE KAMERAS, MAAR HET ROLPRENTPRODUKSIE OOK BAASGERAAK MET ’N SUKSESVOLLE DEBUUT, PAD NA JOU HART, SAAM MET HAAR MAN, IVAN BOTHA. HAAR LIEFDE VIR MODE HET BY HAAR PAPIERPOPPE BEGIN VIR WIE SY KLERE “ONTWERP” HET, EN NOU HET SY HAAR EERSTE KLEREREEKS, THE ROMANTIC COLLECTIVE. GEBLOM…

Ligte TEKSTUUR, goeie DEKKING As ek moet kies tussen verbloemer onder my oë en onderlaag, sal ek eerder sonder onderlaag wees as sonder die verbloemer. Die probleem met baie verbloemers wat jy onder jou oë gebruik, is dat hulle te dik en duidelik sigbaar is en in plooie kan kleef. Ek is gaande oor BENEFIT BOI-ING CAKELESS CONCEALER (R325) beskikbaar by Edgars, Edgars Beauty en aanlyn by edgars.co.za en superbalist.com. Dit verbloem kringe onder my oë goed, voel veerlig en skep amper iets van ’n “airbrush” voorkoms. Een lagie is al wat jy nodig het, en die stokkie vergemaklik aanwending. - SUZANNE KOMPAK, maar AKTIEF Ek is nog altyd ’n aanhanger van ELIZABETH ARDEN se CERAMIDE CAPSULES, want dit is so maklik om te gebruik en ideaal vir wanneer jy…

SOMER 1-2-3 Dit geld jou én veral die kinders • Sonskerm elke uur • ’n Groot hoed • 200-250 ml water vir elke uur buite 2020-VOORNEMENS EK GAAN MEER GROENTE EET! Mooi so! Jy doen fantasties as jy vyf groente en vrugte per dag eet. ’n Ondersoek wat in Nutrients verskyn het, wys dat die gemiddelde Britse man drie of minder porsies groente per dag eet, en dat mans tussen 18 en 24 die minste groente van almal eet. Hul redes? Hulle weet nie hoe om groente gaar te maak nie; hulle glo dit is moeilik en duur om groente in die hande te kry en – die belangrikste – hulle wil liewer proteïene eet om spiere te bou. Proteïene help spiere bou máár spiere werk beter as hulle met die minerale en…

“Om vas te stel of iemand geboelie word, moet daar gefokus word op die uitwerking van die gedrag op die teiken eerder as op die boelie se optrede. Soms lyk gedrag nie soos tipiese boeliegedrag nie, maar ervaar die teiken dit wel so,” sê Maiveen Boehme, stigter van Project Brave Heart. “Teikens kan geboelie word op sosiale, finansiële, sielkundige of fisieke gebied en ten opsigte van ouderdom, ras, status, seksuele oriëntasie of geslag (gender). “Navorsingsresultate wys dat meisies meer dikwels kuberboelieteikens is. Boeliegedrag deur seuns is meer direk, soos om iemand te beledig of te stamp, en boeliegedrag deur meisies meer indirek, soos om iemand te beskinder of uit te sluit. EKSTERNE DRYFVERE SLUIT IN: • Die kind is ook geboelie • Is angstig en onseker • Dis vermaaklik •…

As daar ’n kans vir dans is, gebruik dit! Dalk het jy die afgelope ruk gesond geëet en selfs gim toe gegaan sodat jy met selfvertroue in jou swemklere kon klim. Met ’n paar klein veranderinge kan jy seker maak jy hoef nie in die nuwe jaar al daardie harde werk weer oor te doen nie. Die geheim is om meer aktief te wees - nie noodwendig om meer te oefen nie. • Gaan stap met jou geliefde, of vriende. Of jy ’n nuwe stad verken, en of jy langs die see stap, dit bly ’n heerlike geleentheid om nuwe dinge te sien of diep gesprekke te voer. En boonop is dit een van die beste oefeninge. Stap kan 100 kalorieë in ’n halfuur verbrand. • Wees versigtig om lang…

Toe ek op O.R. Tambo na Kaapstad oorklim, tref dit my: Oor net meer as ’n uur sou ek in die oë kyk van ’n man wat ek 27 jaar laas gesien het; wie se stem ek 27 jaar laas gehoor het. Ons verhaal begin meer as dertig jaar gelede. Toe twee jaar diensplig nog vir alle jong-mans verpligtend was. Dit was die tyd van groot hare, Sarah Moon en Top Gun. Ek was in matriek en aan die vooraand van my rekordeksamen toe Rudolf, ’n hoërskoolvriend wat reeds in die lugmag was, my ompraat om saam met hom en nflg ’n vriend te gaan fliek. Dié vriend sou ook ’n vriendin saambring. Ek ontmoet Jakkie (vir sy ma), of Jakes vir sy vriende, op die eerste aand wat Maverick…

Meertaligheid en jou gesondheid Studies deur van die wêreld se voorste kenners wys dat meertaligheid Alzheimer se siekte met vier tot vyf jaar kan uitstel. Dit hou ook bejaardes se breine fiks en beskerm die brein teen beserings. ’n Studie onder seshonderd mense in Indië wat ’n beroerte oorleef het, wys dat meertaliges se kanse op verbetering twee maal groter is, skryf Gaia Vince in The Guardian. Taalverskuiwing Volgens die linguis Joshua Fishman vind die verskuiwing van een huistaal na ’n ander onder migrante gewoonlik binne drie na vier generasies plaas. Maar die navorsers proff. Gary Barkhuizen en Vivian de Klerk het bevind dat migrante Afrikaans binne twee geslagte kan verloor as hulle nie strategieë implementeer om dit te behou nie. Meertaligheid en die ekonomie Engels is nie die begin…

THE BEAST OF BUCKING-HAM PALACE DAVID WALLIAMS (Jonathan Ball) Met die Britse vorstelikes vooraan, bly die bloubloedbridgade in die kollig. As die topkinderboekskrywer tans, tref Walliams die kol met sy jongste aflewering. Dis 2120 en Londen is in puin. Jong prins Alfred lei ’n beskutte lewe binne Buckingham Paleis. Totdat vreemde gebeure hom lei na misterie, avontuur en monsters. Hy moet sy ma, die koningin, red en die voortbestaan van die mensdom rus ook op sy skouers. Die epiese avontuur vol mites en legendes is puik geïllustreer deur Tony Ross. Die hoe-ha oor die skrywer se supersukses is welverdiend. Uitgewersprys: R235 rooi rose: R188 101 NAGMERRIES JACO JACOBS (Lapa) Hierdie is ’n storie met ’n stert van ons eie kinderboeksterskrywer. ’n Aanhanger nooi Jacobs om verniet in sy woudhut te…

Die wêreld is wit van die termietvlerke en toe die son opkom, glinster die vlerkies soos opale in die eerste sonstrale. Ons is vroegoggend uit ná ’n heerlike reënbui die vorige nag. Ek verkyk my aan die glinsterende vlerkietapyt. Later die dag lees ek dat wanneer die termietnes oorvol word, hulle op vog wag sodat hulle kan wegvlieg om ’n nuwe nes te bou. My man bestuur ’n waterprojek in die noorde van Uganda en ons verwonder ons aan die groen land by die ewenaar. Die reën val regaf strome water soos miljoene krane wat vol oopgedraai is. Dit reën elke dag en as dit nie elke dag reën nie, is dit droogte, vertel die man wat in my tuin werk. Volgens hom kom die wêreld se winde hier by…

Die skrywer van vandeesmaand se wenbrief ontvang ’n Bellabaci International-geskenkpak van R4 000. Bellabaci International bied natuurlike, handgemaakte en holistiese welwees-produkte - een van hul gewildste produkte is steeds die silikoonmasseringskoppies wat wêreldwyd deur luukse-spa’s gebruik word. Dié lieflike masseringskoppies is deesdae ook beskikbaar vir tuisgebruik. Alle Bellabaci Internationalprodukte is aanlyn beskikbaar by bellabaci.com of by uitgesoekte spa’s en salonne landswyd. GENADEPAD Wanneer kanker by jou gediagnoseer word, verander jou lewe vir altyd. Almal het ’n vrees vir kanker, want dit kan jou doodmaak, die behandeling is sleg en die kankerpad is lank en vol hobbels. Maar daar is ook ’n ander sy van kanker: ’n genadepad. Jy ontmoet soveel mense wat in dieselfde bootjie is, en uiteindelik word julle vriende, en dié vriendskappe hou vir altyd, juis omdat dit in…

‘Goeie materiaal hou vir altyd, maar linne ontwikkel mettertyd sy eie karakter’- John Rocha…

In The Politician offer jou karakter haar geluk op vir haar kinders. Het jy dit al vir jou kinders gedoen? Ek glo ma’s maak gereeld opofferings vir hul kinders. Ek dink ma’s voel meestal nie dat dit ’n opoffering is nie, want hul kinders is hul prioriteit. Maar ja, dis ’n groot verantwoordelikheid om ’n ma te wees, en ons sit ons dikwels heel laaste op die prioriteitslysie. Maar dis ’n vreugde en voorreg om ’n ma te wees. Het jy innerlike vrede? Ja, ek dink dis die beste ding van ouer word. Elke jaar het ek ’n bietjie meer vrede in myself. Ek is gemakliker met myself en met die keuses wat ek maak. Namate ’n mens ouer word, leer jy jouself beter ken, en is dit makliker om…

Gedink alle bekende akteurs wou van kleins af op die verhoog wees? Beslis nie Reynardt nie! “Ek het nie eens op skool aan redenaarkompetisies of aan een kunswedstryd deelgeneem nie. Albei my ouers en een van my stiefouers kom uit ’n weermagagtergrond, so jy kan nou net dink dat toneelspeel nie eintlik ’n ding in ons huis was nie. Ons het nooit eens na ’n toneelstuk gaan kyk toe ek op skool was nie.” Een jaar, op pad terug van ’n vakansie in Swaziland, het sy pa gehoor daar is “een of ander fees” in Nelspruit aan die gang, en so beland die Hugo’s toe by Innibos. “Daar het ek my eerste show bygewoon – nogal ’n vertoning van die boy band Eden. Ek was in graad tien, en moes…

Zozi is nie bang om dinge anders te doen nie. Dit het vriend en vyand gou besef toe sy die kroningsplegtigheid aangepak het met haar natuurlike hare in ’n eenvoudige kort snit gesny. En op haar amptelike foto op die Mej. Heelal-webwerf is sy die enigste skoonheid wat ’n kopdoek dra. (Of eintlik is die Engelse beskrywing van “rocking a doek”, soos sommige aanhangers aanlyn daarna verwys het, waarskynlik meer in die kol, want dis nie enige vrou wat ’n kopdoek só elegant kan laat lyk nie.) Aan die aanvanklike kritiek oor haar hare, of dat sy nie so mooi soos haar voorgangers of mededeelnemers is nie, het sy haar min gesteur. “Ek weet sosiale media kan ’n donker plek wees,” was haar kommentaar op ’n vraag of die snedige…

Henré en sy vrou, Nadine, het drie seuntjies: Liam (11), Heath (8) en Finn (7). Soos enige trotse pa kan hy nie uitgepraat raak oor hulle nie. “Hulle is my alles. En elkeen het ’n eie, unieke persoonlikheid. Een is kunstig, die ander een baie sportief en die ander een bou ongelooflike goed uit Lego – ’n regte klein ingenieur.” Hoe hou ’n mens drie seuns besig? “Ons ry graag bergfiets, gaan ry boot op Kraalbaai, kampeer by Trekoskraal, of gaan surf op Yzerfontein. Soms gaan fliek ons in die Kaap – dis altyd ’n lekker uitstappie om Kaapstad toe te gaan.” Ouerskap het sy lewe verander. “Dit leer jou om jou tyd beter te bestee, en ook dat jy nooit moet ophou werk aan jouself nie.” Wat geniet hy…

Gemaklike kortbroek Fietsrybroeke het dalk die kollig gesteel, maar kortbroeke is ’n steunpilaar in elke somerkas. Kies ’n snit waarin jy gemaklik voel. Wyer pype is die veiligste styl vir die meeste liggaamsvorms. Dra ’n geweefde gordel en ’n wit linnehemp daarby. Kreatiewe sonbril Dit is nie nou meer net die piepklein lense wat hoogmode is nie, maar ook die yslike groot suster wat as “shielded glasses” bekend staan. Die bril skep ’n sportiewe gevoel en jy lyk of jy oorgehaal is vir ski of fietsry. Ander modestyle is die katoog, brille met ronde lense, vierkantige vorms, deurskynende rame en raamlose brille. Stylvolle strooihoed Ons het nog lank nie die einde van strooihoede gesien nie. Met dié sjiek hoede beskerm jy jou ook teen skadelike sonstrale. Wees die seisoen op…

Ons het behoorlik gekuier in Stellenbosch toe vyfhonderd Wes-Kapenaars vir ’n dag van lag, gesels en selfs ’n paar trane bymekaargekom het. Met ’n tema soos “Blom in Volkleur” was ons omring deur die skoonheid, reuke en malse kleur van vars blomme wat die kreatiewe gasvroue in oordaad gebruik het. Die sprankelende Tracey Lange was die seremoniemeester wat die dag gelei het, terwyl Hannes van Wyk en Shaleen Surtie-Richards saam staaltjies uit hul lewe met ons gedeel het. Die oggend is op ’n hoogtepunt afgesluit toe die bekende sanger Jay seker gemaak het die gaste se voete jeuk ’n bietjie. Ons het veral gedink aan geliefdes en vriende wat ons die afgelope jaar aan kanker verloor het - ook aan dié wat die afgelope twee jaar nou betrokke was by…

1 Help kos maak Die meeste mense voel nuttig as hulle help met kos voorsit. Dink aan groente kap, brood sny, eiers bak, slaai maak, tafel dek, servette uithaal of kos dophou sodat dit nie aanbrand of oorkook nie. 2 YouTube-video’s en TV-programme oor ’n voorliefde, soos katte, tuine, natuurlewe, kampering, die koninklikes … die opsies is oneindig. 3 Podsendings - rooi rose se vervolgverhale is heerlike pret. Jy kan dit maklik met jou selfoon luister – dit gebruik eintlik min data. Kyk op bl. 9 vir meer inligting. 4 Musiek – elke liewe mens het ’n gunsteling! Dink aan boeremusiek, dansmusiek, walse, klassieke musiek, jazz, Latino, ou Afrikaanse musiek, Russiese musiek, marse ... 5 Ou flieks – ou Afrikaanse flieks en sitkoms soos Nommer Asseblief en Mattewis en Meraai.…

Anthea van Heerden Kinders moet vroeg leer om op te staan vir wat reg is, met vrymoedigheid vertel wat met hulle gebeur sodat die probleem vroeg uitgepluis kan word. Kinders moet leer om in hulself te glo en nie toelaat dat ander kinders hulle anders vertel nie. Linda Rautenbach Ons het probeer om ons dogter groot te maak om 'n sterk persoonlikheid te hê en haar man te staan; dat sy enige tyd oor enigiets met ons kan gesels en dat indien daar probleme is, sy ons dadelik moet sê sodat ons saam 'n oplossing kon kry. Kommunikasie met jou kind is baie belangrik - elke dag. Weet wat in jou kind se lewe aangaan. Chrisna Matthews Leer jou kind om op te staan vir hom- of haarself sonder om…

• Leer hoe om met mekaar te praat Stefan Blom, skrywer van The Truth about Relationships, sê paartjies sukkel om reg met mekaar te gesels. “Dis belangrik dat hulle weet hoe om ’n gesprek te voer. Paartjies baklei nie soseer oor wát gesê word nie, maar hóé dit gesê word. Mense raak verdedigend, of voel seergemaak. Dit is so belangrik om verhoudingsvaardighede te hê om te weet hoe om ’n gesprek te hanteer wanneer dit buite beheer raak. • Wees spesifiek Kobus van der Merwe, Imago-terapeut, sê die oorsaak van spanning tussen paartjies lê dikwels in gebeure van lank gelede. “Dis baie keer onopgeloste kwessies uit jou kinderdae wat pyn veroorsaak en spanning skep. Paartjies verkeer ook onder die wanindruk dat as hulle mekaar liefhet, die een outomaties sal weet wat die…

Dianne*, laerskoolonderwyseres en ma van drie, vertel: Tot op twee het ons middelkind, Philip* (7), geen probleme gehad nie behalwe dat hy tassensitief was. Skielik het hy uur lange tantrums begin kry, twee tot vyf keer per dag. Oplaas is ons met hom na ’n arbeidsterapeut. Sy het gesê daar is sensoriese uitvalle maar drie maande se terapie het so ’n groot verskil gemaak dat ons dit kon staak. Kort daarna het ’n verjaardagpartytjie met baie mense en lawaai Philip heeltemal omvergewerp. Hy het ’n week bo-op sy duvet geslaap en geweier om die bedlinne te versteur. By die skool het Philip sy arm gebyt en sy rug na die klas gedraai. Nog drie maande se arbeidsterapie was nie doeltreffend nie en hy is na ’n spelterapeut – hy was…

WENKE OM SLIM LUI TE WEES Dr. Colleen Lightbody sê sy het reëls vir haarself om seker te maak sy skakel wel af. Probeer dit • Skakel jou rekenaar saans ná sewe af. Toets jouself en kyk of jy werklik produktief is wanneer jy saans werk. Soms is dit meer om jou gewete te sus dat jy daar sit. • Bly saans weg van facebook en ander sosiale media. Dit kan jou maklik negatief laat voel. • Gaan draf sonder jou horlosie of musiek. Wees bewus van geure, die son, wind. So vergeet jy van die gewoel en gewerskaf van die dag en kan ’n oplossing of kreatiewe gedagte uit die bloute by jou opkom. • As jy fietsry, maak tyd om ordentlike gesprekke met jou vriende te voer. Stel…

GRENSGEVAL Marita van der Vyver (Penguin) Kuba het geskiedkundige en durende verbintenisse met Suid-Afrika. Die skrywer se roadtrip-roman ontvou hom daar. Die lees van ’n toegeplakte brief ná haar eksman, Theo, se dood neem Theresa na Kuba. Hoewel sy Theo, wat lank in ’n inrigting was, uit haar lewe geweer het, besef sy dis ’n Kubaanse soldaat se brief aan sy kind. Sy moet die kind gaan soek, die brief vir hom gee en boete doen vir Theo se dade en haar onkunde. Want sy het destyds gejol terwyl tienerseuns bos toe is. In swoel en kleurryke Kuba kruis Theresa se pad met die eertydse “vyand” in Angola. Van ’n afstand kry sy klarigheid wat dit beteken om in daardie era groot te geword het en oor oorlogswonde, ook onsigbares.…

Vlymskerpvolksverteller. Van Ventersdorp. Die ander een. Dana Snyman het in drie dekades ontpop as ’n eietydse Siener Snyman wat in sy moedertaal met sy mense praat, nes dit is. Sy weergee van die alledaagse wat dieper kaats, vind wyd byval. Dana se nuwe boek, Soekmekaar, bevat skerpsinnige lewensgrepe oor sy medemens. Jou herkoms is ’n potjie. Predikantseun wat nes jou mede-dorpsburger ET volksbekend geword het. Vloek of seën? Albei. Word liefde nie eens werklik liefde wanneer dit beproef word nie? Ventersdorp het my verhouding met my ouers, veral my dierbare pa, en andersdenkendes beproef en getoets. En ek kan nie aan een mens daar dink met wie ek kwaaivriende is nie. Vir my ouers was ek tot die einde lief en by toe hulle gesterf het. Wanneer het boeke jou…

’n Stad se groen longe blaas lafenis oor voos stedelinge. Vir Johannesburgers spel Delta-park pure oase! Die reuse-park van 104 hektaar grens aan die buurte Victorypark, Blairgowrie en Craighallpark en die Braamfonteinspruit kronkel daardeur. Die gewilde Delta Café is binne die boomryke park geleë. Met sy roetes vir stappers, drawwers en fietsryers is dit ’n gunstelingplek waar jy aktief kan wees voor jy by die eetplek kan terugsit. Dis ’n gesinsvriendelike kuierplek met ’n speelpark vir kinders. Troeteldiere is ewe welkom! Daar is ook perde op die pragperseel van REEA - ’n niewinsgewende organisasie wat huisvesting en hulp verskaf aan volwassenes met epilepsie en geestessiektes. ’n Paar winkels en stalletjies verkoop tuisgemaakte produkte. Die kafee se onpretensieuse en waarde-vir-geld-kos is deel van die koesteromgewing. Die meeste organiese bestanddele word op…

VAT 5 VOL. 8 MET DERRICH GARDNER EN SONDAGMIDDAG OP RSG MET FRITZ KLAASTE VOL. 2 HIERDIE WENRESEP IS TE DANKE AAN LUISTERAARS WAT TWEE GESOUTE AANBIEDERS SE MUSIEKKEUSES UIT HUL GEWILDE PROGRAMME OPSLURP. GARDNER EN KLAASTE IS MEESTER-MUSIEKSAMESTELLERS AGTER DIE MIKROFOON. GARDNER SE JONGSTE KEUSES VANUIT SY “VAT VYF”-VERSOEKE OP ’N SATERDAGOGGEND TREK NOU BY VOLUME 8. ONDER DIE 21 LIEDJIES IS TREFFERS VAN PAT BOONE, GÉ KORSTEN, BONEY M EN TOL & TOL. KLAASTE FOKUS OP SY PROGRAM SE TWEEDE CD OOK OP GOUE OUES VAN ONDER ANDERE PERCY SLEDGE, BILLY JOEL, THE BEACH BOYS EN JESSICA JONES. DIE CD’S SE KARDOESKEUSES MET MUSIEK OOR GENRES EN ERAS MAAK DIT PERFEKTE KERSKOUSMAATS. HERE I AM - CHRISTIAN HEATH DIE MULTI-TALENTVOLLE SANGER/ LIEDJIESKRYWER WOEKER MET SY SOLO-LOOPBAAN NÁ DIE…

EMANSIPASIE Onlangs trek ek in ’n nuwe huis in. Wonderlik! Die ontwikkelaar het hom gebou. Mure, dak, teëls, kaste, die lot. Maar my gelos met die nodigheid vir vele gate wat geboor moet word. Gordynrelings, rakke en kassies moet op. Gate moet geboor word vir die skilderye, prentjies en foto’s, want die pleister val sommer in stukke uit as jy met ’n hamer en spyker naby die mure kom. Vinnig skraap ek ’n nutsman nader. En toe vaar die nutsman in my mure in. En doen álles wat my pa my geleer het jy nié doen nie. Ná ’n spul gate betaal ek hom en maak die deur finaal agter hom toe. Nutsman #2 en Nutsman #3 het ook gekom en gegaan ... En toe besluit ek: Tot hiertoe! By…

Anthea van Heerden (61), boetiekeienares Ons Wêreldbeker-oorwinning was ’n groot ligpunt in ’n jaar wat vol drama en uitdagings was. Linda Rautenbach (48), logistieke kontroleerder Ek het van kleins af heelwat doelwitte vir myself gehad, maar uiteindelik het ek in 2019 die nuus gekry dat my boek gepubliseer gaan word. Dit was vir my ’n baie groot hoogtepunt! Chrisna Matthews (41), entrepreneur Ek het van bagasie ontslae geraak. Daar was soveel dinge wat my “vasgehou” het en verhinder het om voluit te lewe. Dit het lank geneem, maar ek het myself losgemaak van dit wat my teruggehou het in die lewe. In 2019 het ek geleer om dankbaar te wees vir iets wat geld nie kan koop nie: kosbare verhoudings met al my geliefdes. Die mense wat vra: “Hoe gaan…

Dis in die laat sewentigerjare in Kaapstad. Knap ná die verskyning van Die swerfjare van Poppie Nongena . Ons leef nog in die tyd van die Groepsgebiedewet en arbeidswette wat voorkeur aan bruin mense in die Wes-Kaap gee. Aan huis van Klaas en Elsa Steytler in Oranjezicht is daar een aand ’n groot geselligheid. ’n Swart vrou sit by die tafel en eet toe ek in ’n stadium deur die kombuis beweeg om kraanwater te drink. Iemand fluister in my oor dat dit dié Poppie is. Haar eintlike naam is Eunice. Elsa probeer haar beskerm teen die stortvloed publisiteit wat sedert die verskyning van die boek aan die einde van 1978 hul deel geword het. Hulle het vooraf met mekaar ooreengekom dat Elsa nooit ’n foto van haar met die…

Dis amper ’n dekade sedert my vorige onderhoud met Gwyneth Paltrow. Nege jaar gelede het sy reklame gedoen vir haar fliek Country Strong en sedertdien het jy haar skaars gesien. Jy het wel foto’s van haar in die pers gesien, maar jy kon nie met haar praat nie. En behalwe The Avengers, het jy haar ook nie op die silwerdoek gesien nie. Die rede? Goop. Die afgelope elf jaar het Gwyneth hard gewerk om haar digitale onderneming uit te bou, wat begin het met ’n nuusbrief wat sy uit haar kombuis in Londen gestuur het. Intussen is sy en die Coldplay-sanger Chris Martin geskei, en is sy en die draaiboekskrywer Brad Falchuk getroud. Ná die lang stilte is sy nou te sien in ’n nuwe Netflix-reeks, The Politician, wat haar…

Hier waar Simoné tussen tonele voor my by Stark Studios in Rand-burg sit, lyk sy nog kleiner en fyner as op die kassie. Sy is ooglopend heel tuis in haar donkerblou verpleegstersuniform wat sy byna elke weeksdag vir haar rol as René in Binnelanders moet dra. Sy het immers ook die rol van verpleegster Irma Humpel in die trefferfliek Vir die Voëls gespeel. Haar vertolking het duisende harte gesteel, en sy is in 2018 plaaslik en internasionaal met talle pryse bekroon vir dié rol. “Ek het ontsaglik respek vir verpleegsters. My ouma was ’n verpleegster, maar ek sou nooit kon verpleeg nie. Ek dink nie ek sal kan kophou in noodsituasies nie, en ek is nie gaande oor liggaamsvloeistowwe nie. Hulle sou my vinnig afgedank het,” skerts sy. Dit was…

’N (SKOTSE) ROKKIE WAT NETJIES PAS Die woord ‘kilt’ het vreemd genoeg ’n Deense oorsprong en is eintlik ’n werkwoord wat ‘om iets te plooi’ beteken,” vertel Egbert Harmse, eienaar van Cargo Kilts in Springs wat Skotse rokkies, oftewel kilts, maak. Sy idee is in 1988 uit studentepret gebore toe hulle op ’n stoute manier drank by ’n karnavaloptog wou insmokkel. Dié kwajongstreke het Egbert, ’n gekwalifiseerde meganiese ingenieur, dekades later op ’n nuwe spoor gesit, en deesdae tooi hy trotse manne met “’n wilde streep” in kilts. En moenie dink dié kleurryke rokkies is net vir deftige geleenthede soos troues of kroningsplegtighede geskik nie. Egbert se Cargokilts (van bull denim) word gereeld by rugbywedstryde gesien en die manne dra T-hemde en plakkies daarby. En as jy nog altyd gewonder…

JIMMY CHOO BEGIN DIE NUWE JAAR MET ’N NUWE BEELD: ’N MONOGRAM MET SY VOORLETTERS EN DIE HULP VAN DIE INTERNASIO-NALE MODEL KAIA GERBER. HIERDIE VELDTOG BEELD DIE MODERNE HELDIN UIT WAT STERK, GEESDRIFTIG EN DINAMIES OPTREE. KLASSIEK met persoonlikheid Die klassieke style van Zemp word deurentyd met ’n ander aanslag vernuwe om die reeks uniek te hou. Die Tamarin-styl is van omgewingsvriendelike juco-materiaal en leer gemaak (R1 500 VIR MIDDELSLAGSAK) ZEMP. Hulde aan VROUWEES Anine put inspirasie vir haar ontwerpe uit elemente in die omgewing, maar haar grootste inspirasie is die vroulike figuur met sy unieke styl en veelsydigheid, en daarom het sy besluit om elke juweelstuk na ’n vrou te vernoem. VICKYOORRINGE VAN 9 KT. OORGEBLAASDE GOUD (R380) ANINE JEWELLERY, BESKIKBAAR BY KAMERS/ MAKERS. Veelsydige STAATMAKERS Queenspark, ’n…

Nie net MOOI nie AMANDA SEYFRIED (ONS KEN HAAR AS SOPHIE VAN MAMMA MIA) IS LANCÔME SE NUWE AMBASSADEUR. “DIT IS OPWINDEND OM DEEL VAN DIE ONGELOOFLIKE FAMILIE VAN VROULIKE AMBASSADEURS TE WEES - ALMAL IS SO ANDERS, MAAR STAAN TOG SAAM OM LANCÔME TE VERTEENWOORDIG,” SÊ AMANDA. LANCÔME SÊ HAAR SONNIGE GEAARDHEID, NATUURLIKE CHARISMA EN PASSIE VIR HAAR GESIN EN VRIENDE MAAK HAAR ’N GOEIE ROLMODEL VIR JONG VROUE. OOGKUNS Met hierdie mooi sagte, kleurryke Essence Crystal Power Eyeshadow Palette (R129,95) kan jy jou verbeel jy is ’n wafferse kunstenaar. Eksperimenteer na hartelus met die sprankelende kleurkombinasies - van roosgoud tot groen-blou en deursigtige wit. DRIE-IN-EEN Elizabeth Arden Beautiful Color Brow Perfector (R370) is ’n wenkbroupotlood, poeier en borseltjie in een. 1 Teken haarfyn lyntjies om diepte te skep.…

NAAM: MICHELLE TAIT OUDERDOM: 29 BEROEP: LEERLINGREKENMEESTER ‘Die proses was van begin tot einde soveel pret, selfs ek het vir’n dag soos’n model gevoel. Ek het’n hele paar wenke gekry wat ek in die toekoms op die proef sal stel’ -Michelle Michelle het onlangs by ’n nuwe werk begin waar sy gemakliker kan aantrek. Ons uitdaging? Om die gewone swart langbroeke en bloese te verruil vir ’n voorkoms wat modern, professioneel en tog vol pret is! MODE Aitsa! Kyk net daardie bene! Michelle smeul behoorlik in die pienk SATYNROK (ZARA, R679). Helder skakerings werk goed by haar diepbruin veltoon, en beklemtoon veral haar helder blou oë. PALMTAS (R400) VAN COLETTE HAYMAN. Die SKOENE (STEVE MADDEN, R1 299) gee daardie pragtige bene ’n tikkie ekstra definisie en lengte. In ’n meer…

VLEISLOSE VLEIS Nestlé het begin met veganis-variasies van burgers sonder vleis, spek of kaas, met heerlike handelsname soos Garden Gourmet en Sweet Earth. Maar vegetariese maalvleis is ou nuus – almal kan dit doen. Die werklike nuwigheid is Novameat, wat in Italië ontwikkel word. Jou hoenderboudjie, biefstuk en tjoppie word met ’n 3D-drukker lewensgetrou nageboots om soos die ware Jakob te lyk en smaak. MELK SONDER DIE KOEI “Melk” word lankal van plante soos amandels gemaak (wat streng gesproke nie melk genoem mag word nie) maar die jongste is Perfect Day in Amerika se “melk” wat deur gisswamme gemaak word. Net soos sekere giste druiwesuiker in wyn kan omskakel, kan ander giste suiker omskakel in melkwei (melkproteïen) wat gebruik kan word om jogurt en kaas en selfs melk te maak.…

Louisa du Plessis Ons vroue gee so baie van onsself. Wanneer jy verlief raak, gee jy al jou liefde vir hom, en dan trou jy en kry kinders en gee jou alles vir die kinders. Eers wanneer hulle trou en uit die huis trek, voel jy dis nou jou beurt om bederf en vertroetel te word. Nou straal jy weer; doen moeite met jou voorkoms sodat jou man kan sien jy’s steeds die vrou op wie hy verlief geraak het. My man is my beste vriend, die liefde van my lewe. Mense moet leer om tyd te maak vir mekaar. En regtig na mekaar se behoeftes luister. Daar kom slegte tye, maar onthou, dit bou ’n verhouding om mekaar deur dik en dun by te staan. En bo alles moet…

SID of sensoriese integrasiedisfunksie verklaar sommige leer- en gedragsprobleme wat nié deur ooglopende abnormaliteite of skade aan die sentrale senustelsel veroorsaak word nie. Disfunksie kom voor indien meer as een lewensgebied ernstig geraak word, verduidelik arbeidsterapeut Charlene Cruickshank. “Die vraag is: is dit ’n gedragspatroon, of is daar ’n sensoriese rede?” PERSOONLIKE SORG • Tande borsel kan iemand byna laat naar word, of die seep kan te skerp ruik. Daarom jok party kinders oor stort of tandeborsel! • Wanneer kossmake, -geure of Ģteksture iemand laat gril, kan etenstye in 'n slagveld ontaard. Een kind kon byvoorbeeld niks anders inkry nie as een soort fyn sjokoladepap, net só dik aangemaak. • Sekere materiale of klere-etikette kan ondraaglik krap. • Na 'n dag se sensoriese oorlading kom party mense moeilik tot rus.…

BEGIN DIE DAG REG Januarie is ’n dol tyd. As jy sukkel om ’n gebalanseerde ontbyt te eet is ’n ontbytskommel die antwoord. Lifegain se nuwe sjokoladegeur is hoog in proteïene (15 g per porsie) en energie en het 24 vitamiene en minerale, omega 3-vetsure, vesel en glutamien. Sowat R12 per porsie; 300 ghouers kos sowat R165. SUIWELHAPPIE VOL WOEMA Sip Up is ’n heerlike jogurt-gebaseerde happie wat jou energievlakke hoog sal hou. Boonop kry jy dit nou ook in ’n eg Suid-Afrikaanse geur: maroela. Die drankie is propvol heilsaamheid en is beskikbaar in sewe geure. Die 250 g- houertjie (R9,99) is net die ding vir kosblikke en peuselhappies. YSIGE DRANKIES Of jy tuis is, of vakansie hou, Snowva moet die maklikste manier wees om altyd ys byderhand te hê.…

MOJITO PAVLOVA 1 GROOT PAVLOVA GENOEG VIR 6-8 MENSE Mojito is ’n heerlike, verfrissende drankie van Kubaanse oorsprong. Dit word gemaak deur suiker en vars kruisement saam te kneus in glase wat dan opgevul word met rum, lemmetjiesap en sodawater. PAVLOVA • 8 eierwitte • 500 g strooisuiker • 10 ml mielieblom LEMMETJIESMEER (CURD) GENOEG VIR 500 ML • 115 g botter • 125 ml (½ k) suiker • 125 ml (½ k) vars lemmetjiesap • gerasperde skil van 2 lemmetjies • 60 ml (1/4 k) witrum • 6 eiergele • 250 ml room, geklop • Ekstra lemmetjies, gesny en vars kruisement vir opdiening 1 Voorverhit die oond tot 150 °C. Voer ’n bakplaat met bakpapier uit 2 Gooi die eierwitte en suiker in ’n groot mengbak wat knus pas…

Honderd kilometer oor vyf dae deur die oudste woestyn op aarde, meestal langs die Skedelkus af, is nie ligte musiek nie. Veral as niemand regtig seker is hoe, waar of wat dit gaan wees nie. Die organiseerders noem dit ’n recce (en almal hoor net vir Tolla: “Ek is ’n recce en ek is rof en maak my broek met ’n geelslang vas!”) Gelukkig weet die organiseerders wat hulle doen en hulle ken die Namib baie goed. Stuk-stuk het die span op Walvisbaai aangekom. Op die vooraand van die groot stap vergader almal by Lagoon Chalets op Walvisbaai vir ’n spanpraatjie. Soos dit maar met enige nuwe groepering gaan, kyk almal mekaar deur. “Gaan ek dit maak?” “Gaan sy my wegstap?” “Het ek die regte toerusting?” Van môre af gaan…

Seriously, Ava, ek weet jy verkies dit om aand na aand in jou woonstel te sit en lees, maar jy sal eenvoudig moet leer om af en toe te ‘mens’, soos jy dit noem. Vrydagaand is ’n goeie geleentheid. Marié verjaar, sy hou partytjie, ek help en ons het besluit dis ’n fancy-dress. Die tema is Grease. Jy hoef nie eens soos jouself te gaan nie!” Greta gooi haar hande triomfantlik in die lug. Ava druk haar bril hoër op haar neus en draai terug na haar rekenaar toe. Vandat Greta, haar ou kamermaat, maande gelede ook as leerklerk by dieselfde firma as sy begin werk het, probeer sy vir Ava oorreed om saans ná werk saam met die ander jongklomp van die werk uit te gaan. “Ek kan regtig…

INDIEN JY VAN HIERDIE BOEKE (OF ELDERS IN ROOI ROSE) TEEN DIE ROOI ROSEPRYS VAN ’N 20% AFSLAG WIL BESTEL, KIES EEN VAN DIE VOLGENDE OPSIES: 1 E-POS JOU NAAM, TELEFOONNOMMER EN KEUSE(S) NA SHOP@GRAFFITIBOOKS.CO.ZA 2 BEL 012 548 3456 GEDURENDE KANTOORURE EN NOEM DAT DIT VAN DIE ROOI ROSE- BOEKE IS WAT JY WIL BESTEL. ONS SAL IN KANTOORURE TERUGBEL OF E-POS. 3 BESOEK GRAFFITIBOEKE.CO.ZA. EN KLIK OP DIE ROOI ROSE SKAKEL. BOEKPRYSE IS ONDERHEWIG AAN VERANDERING. LET WEL DAT HIERDIE PRYSE NIE POSGELD INSLUIT NIE.…

Kreatiewe stoker As alternatiewe Afrikaanse sanger/liedjieskrywer woel kreatiewe entrepreneur Willemien Rust saam met haar Franse alterego, Philomène, in Johannesburg. Met ’n meestersgraad in Frans, bied sy ook skryfkunswerkwinkels landswyd en in Frankryk aan, en voed met Franse musiek op. Haar kleintydreise saam met haar ouers giet af in haar werk. Sy is laas jaar na Nice genooi vir klasgee en optree. In 2018 het sy en haar man ook in Lagos gewoon. “Ek skep saam met verskillende kunstenaars en is deur ’n Nigeriese spoken word artist verryk.” Met haar musiekproduksie en werkswinkel, Francofonix, stel sy skoliere en studente aan Franssprekende lande bekend. “Die werkswinkels fokus op kreatiewe skryfkuns gegrond op Franse musiek van oraloor.” Sy skep ewe trots in haar moedertaal. “Ek neem al drie jaar aan die Tuin van…

‘Hallo, dis Santa!’ Hier is nou ’n blink idee om Kerstyd of ’n spesiale viering oemf te gee. Watter kinderhart sal nie vermurwe met ’n persoonlike videoboodskap van Kersvader nie? Grootmense kan ook luister en kyk hoe Kersvader hul geliefdes se verlangde wense oordra! Dieselfde span van myFanPark – persoonlike videoboodskappe deur glansmense – bied My Santa-video’s aan. Jy verskaf die inligting, Kersvader neem dit op en lewer dit per WhatsApp af. Dis in Afrikaans en Engels beskikbaar. Kyk by www.mysanta.co.za/, www.myfanpark.com of volg sosiale skakels. Polka en springmielies Wyn en springmielies is ’n prettige kombinasie. Stellenbosch Hills se gewilde somerfees met dié duo duur van 1 Desember tot 30 April 2020. Sedert die proe-pasmaats gedebuteer het, is dit ’n wegholsukses. Toeganklike en sakpas Polkadraai-wyne word geskink en saam met…

Sommige mense spoel soos dryfhout ná ’n storm op see land toe. Gehawend. Drenkelinge met niks aan hul lyf nie. Slegs ’n verhaal. Een wat vertel moet word. Left to Tell - Discovering God Amidst the Rwandan Holocaust is ’n gepaste titel vir Immaculée se weergawe van haar ervarings. Dele daarvan wil jou met die lig aan die slaap laat raak nadat jy dit gelees het. Dis ’n verhaal deurspek met van die beste tot die weersinwekkendste van menswees. Sewe miljoen etniese Tutsi’s is in die lente van 1994 binne honderd dae deur hul landgenote van die Hutu-groep uitgewis. Vandag kan besoekers aan Rwanda verbysterd staan en kyk na die meer as vyfduisend Tutsi-skedels in die Ntarama-kerk suid van die hoofstad Kigali, ’n herinnering aan die vlugtelinge wat ’n wrede…

@home home.co.za African Extracts Rooibos africanextracts.com Africology africologyspa.com Aloe Unique aloeunique.co.za Aloha Hair alohahair.co.za Apex Buddies avidsbrands.com Authentic Beauty Concept 011 617 2400 Beach Cult 072 771 1883 Billabong 042 200 2600 Bioderma bioderma.co.za Bloedlemoen Amber trumanandorange.com/ Burt’s Bees dischem.co.za/, takealot.com ByCara bycara.co.za CarryAnn carryann.co.za Catrice Cosmetics Dis-Chem, takealot.com Child Farms babiesafrica.com, takealot.com Clicks clicks.co.za Coco Gold cocogold.co.za Colette Hayman 012 663 1365 Cotton On 021 552 9651, 021 981 9366 Country Road 0860 022 002 Crystal Birch therealcrystalbirch.com Desray 021 448 2887 Dis-Chem dischem.co.za Dynamic Vision dynamicvisionsa.co.za Eau Thermale Avène eauthermale-avene.co.za Eco Diva ecodiva.co.za Elrico Zarr elricozarr.com Esse Skincare esseskincare.com Essence Clicks, Dis-Chem, takealot.com Faithful-to-Nature faithful-to-nature.co.za Forever New 011 555 2300 Fossil 021 555 1848 Gary Rom Hairdressing garyrom.co.za Good Clothing goodclothing.co.za H&M 021 826 7300 Habits habits.co.za Hannah…