Innholdsfortegnelse for Mei 2019 i Rooi Rose

DEESDAE is die Internet behoorlik gesaai met landmyne, ons loop heeltyd gevaar om êrens ingeloop of uitgevang te word, of voor fopnuus te swig. In tye van politieke hoogty en ander tye wanneer emosies hoog loop, en veral as die finansies knyp, is mense geneig om op hul gevoelens te vertrou, en nie hul verstand nie. Die eintlike rede wat ons die maklikste laat swig voor ’n swendel, is ’n sin van dringendheid wat spesiaal geskep word om jou emosies te be-trek. Vir ’n bedrogspul is dit die gedagte dat dit ’n spesiale aanbod is, en dat jy min tyd het voordat dit neusie verby is, dat jy ’n kans gaan verbeur, wat jou aanvuur om die knoppie te druk. Vir fopnuus is dit gewoonlik die gedagte dat jy die…

LEEF VOLUIT Volgens die Bybel het ek reeds die eerste mylpaal van die beloofde jare verbygesteek en is ek nou op ’n stewige drafstappie op koers na die tweede ene. So dit is nou vir seker tyd dat ek begin uitgooi wat nie meer belangrik is nie en ophou wroeg oor die dinge wat ek nie kan verander nie. Ek wil nou ligter leef en my omring met mense wat nie allerhande kwessies het nie. Vriende wat saam met my kan lag oor ’n grappie (as hulle dit tog nog net kan snap ... ) Ek wil baldadig opgewonde wees oor goeie nuus en onvoorwaardelik lief wees vir my naaste. Ek wil nie meer tyd mors en wroeg oor die rand wat val of die petrolprys wat styg nie. Ons…

Connie Theunissen (46), sake-eienaar, Boksburg Die winter-blues maak my erg morbied. Kom uit, gryp jou bestie aan die hand, gaan soek elke winkel se special uit, drink koffie of ’n wyntjie, en koop daardie duur winterstewels met die vreeslike hakke, ’n stywe denim en die grootste, warmste serp. Jy gaan spoggerig, warm en geliefd voel, én lyk. Birgit Wilhelm (62), tuisteskepper, Odendaalsrus Gaan stap ’n ent. Om vars lug in te asem en die spiere ’n bietjie te werk is die beste medisyne teen die winter-blues. Dan hoef jy ook minder skuldig te voel oor die tweede skeppie bredie of sop. Lynzey Isaacs (36), voorkomskonsultant en stilis, Durbanville Ek is nie ’n wintermens nie, dalk omdat ek in die hartjie van die somer gebore is. Ek verlustig my in die…

Donnalee was ’n enkelkind, een wat smiddae op haar rug in die tuin gaan lê het om stories te versin uit die verbeeldingryke kopvlugte wat hulle so gereeld by haar aangemeld het. “En ná sononder het ek dit dan vir my ma, Wilma, en ouma Lenie opgevoer, ’n baie waarderende gehoor!” ’n Ander gunstelingtydverdryf was die papierpoppe wat haar ma, ook ’n gebore entrepreneur, planmaker en inspireerder, vir haar help maak het. “Ons praat elke liewe dag met mekaar. Soms twee keer.” Die jong Donnalee – altyd een wat ’n vlag kan gryp en daarmee kan begin hardloop - het dan bladsye vol rokke, hoede en skoene geteken wat hulle by haar kon bestel om die papierpoppe aan te trek. “My ouers is geskei toe ek klein was, maar ek…

‘Alles wat ek gedoen het, het my net ’n beter en sterker mens gemaak’ Demi Lee kom soos ’n warrelwind aangehardloop en strek haar lang, lenige bene uit toe sy haar op die stoep van ’n restaurant in ’n gemakstoel tuismaak. Sy gooi haar blonde lokke oor haar skouers en haar groenblou oë blink. “Jammer ek is so ’n bietjie laat en verskoon asseblief hoe ek lyk,” groet sy met die intrapslag. Sy het die vorige aand in Orania opgetree en die motorrit terug huis toe het byna ses uur geduur. “Dit was my eerste besoek aan Orania en wat ’n ongelooflike ondervinding,” gesels sy spontaan. “Ons het in die buitelug konsert gehou en die mense het ons met ope arms ontvang. Dit is wonderlik om deur ons land te…

ILSE VAN DER MERWE Ilse van der Merwe is die bekende kosblogger, The Food Fox, asook die aanbieder van die program Klankbord op Via. Ilse wou nog altyd haar passie vir kos en musiek in ’n kosprogram kombineer en met Klankbord het sy dit reggekry. Sy nooi bekroonde sjefs om die liedjies van bekende sangers met ’n kosskepping te interpreteer. Die resultaat is ’n unieke program wat ure se kykgenot bied. ‘Ma-wees is ’n voorreg en ’n vreugde’ Wat beteken dit vir jou om ’n ma te wees? My dogter is ’n week voor my 33ste verjaarsdag gebore. Dit was die grootste geskenk van my lewe. Dis baie lekkerder om ’n ma te wees as wat baie mense my wou laat glo het - ’n mens hoor altyd net van…

Waar ’n wil is, is ’n weg. Maar soms verg dit ook waagmoed en deursettingsvermoë wanneer jy sukses wil behaal. Net soos haar karakter, Jax Davids in Binnelanders, het die 31-jarige Kim Syster ’n ysere wil om net die beste van haar professionele loopbaan te maak, al kom dit teen ’n prys. “Ek en Jax het baie gemeen,” sê Kim. Sy gesels by Stark Films se ateljees in Randburg waar Binnelanders op weeksdae verfilm word. Kim het haar blou doktersuniform en stetoskoop ná die oggend se tonele in Binnelanders vir meer informele klere verruil. Sy draai die horlosie se wyser eers so effe terug. “Ek het op die baie klein dorpie Mamre aan die Weskus grootgeword. Baie mense weet nie eens waar dit is nie,” sê sy. “Ons is ’n…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

Die meeste mense vereenselwig probiotika (goeie mikrobes) met ’n gesonde spysverteringstelsel, maar nuwe navorsing het bewys probiotika is net so belangrik vir ’n gesonde vel. ’n Gesonde vel is afhanklik van triljoene mikrobes wat in en op die vel lewe. Die vel is ’n komplekse ekostelsel wat bestaan uit velselle en mikrobes wat saamwerk om ’n gesonde, vogtige vel te verseker. Esse Skincare het nou ’n nuwe reeks velsorgprodukte bekend gestel wat help om die balans van mikrobes in die vel in stand te hou en veroudering te vertraag. Die formule bevat prebiotika wat die goeie mikrobes voed, terwyl aktiewe plantbestanddele die tekens van veroudering teëwerk en die balans herstel wat noodsaaklik is vir ’n gesonde vel. Esse Skincare is ’n organiese gesertifiseerde Ecocert-velsorgreeks en word nie op diere getoets…

Connie Theunissen Ek het ses kinders, elkeen met ’n eie persoonlikheid. Hoe meer jy aan die stil, eenkant tiener karring, hoe meer onttrek sy. Hulle hou nie van verandering of ontwrigting nie. Al wat jy moet doen, is om sag en standvastig te wees en by die roetine te hou. Sy sal self uitkom en op haar stil, sagte manier deel word. Moenie ’n issue daarvan maak nie, just go with it. Birgit Wilhelm Ek sou voorstel dat ’n mens meer gesinsaktiwiteite beplan. Probeer iets doen wat vir almal lekker is en so betrek jy almal en elkeen kan ’n beurt kry om sy gunsteling-aktiwiteit te doen. Lynzey Isaacs Doen moeite om meer oor sy/haar belangstellings te wete te kom, gesels daaroor en vra uit. Soms voel hulle asof hulle…

Pa’s is soms mense van min woorde en weet nie wat om te doen wanneer hulle tyd met die kinders moet deurbring nie. Kleintjies: Stoei met hulle op die gras, of jaag mekaar in die huis rond. Kinders (seuns en dogters) hou van opwindende speletjies. Kleuters: Laat hulle met die skoonmaak van die swembad help, en betrek hulle by die was van die motor of takies in die tuin. Groter kinders: Stap met die honde, raak betrokke by liefdadigheidsorganisasies, soos die Dierebeskermingsvereniging en gaan help naweke met die versorging van die diere. Tieners: Fokus op gedeelde belangstellings, soos musiek, sport en flieks waaroor julle kan gesels. Dit gaan nie toevallig gebeur nie – jy sal werk daarvan moet maak.…

Emelia van der Westhuizen Gee jou man ’n spesiale taak vir gesinsbyeenkomste sodat almal sal onthou wat Pappa se spesiale bydrae vir elke spesiale geleentheid was. Bespreek dit natuurlik voor die tyd met hom, luister na sy insette en help hom as hy sukkel. Anthea Pretorius Ek glo daar is mans wat uitgesluit voel, maar dit hoef nie so te wees nie. Skep ’n nuwe gesinsdinamika, doen meer dinge saam, beplan uitstappies, bespreek boeke/flieks/nuusgebeure. Luister en hoor sodat jy bewus word van wat in almal se hart en gedagtes aan die broei is. Maak saam kos. Werk saam in die tuin. Begin nuwe gesinsaktiwiteite en betrek hom daarby. Anke Wilhelm Betrek hom by jou alledaagse takies in en om die huis. Lei saam die tuin nat, pak die motorhuis reg,…

Die niewinsgewende organisasie Rainbows and Smiles se naam is gekies om mense aan God se belofte ná die sondvloed te herinner, verduidelik Bonni. “Jed se liefdestaal was geskenke. In sy stryd teen kanker sou vriende ons besoek en byvoorbeeld ’n Buzz Lightyear-mannetjie vir hom bring. Tot my verleentheid sou Jed entoesiasties sê: “Oe, baie dankie! Dis nét die regte present vir my vriend Ithuteng by die hospitaal. Hy het minder speelgoed as ek.” Ons sou talle geskenke regift, natuurlik almal splinternuut, want in die pediatriese saal is higiëne lewensbelangrik. Ons het aanvanklik die organisasie gestig sodat ons glimlagte, geskenke en bederfies by hospitale kon uitdeel. Namate ons meer bewus geword het van onkologiegesinne en versorgers se kernbehoeftes, het ons dienste uitgebrei na emosionele, sosiale en finansiële steun, soos koopbewyse vir…

Moenie luuksheid verwag nie, sê Lobsang. Moenie die koste van die besoek as ’n maatstaf van die vlak van weelde gebruik nie. “Oor die wêreld heen word ’n verwagting van luuksheid aan geld gekoppel, maar Bhoetan is anders.” Hy stel voor as jy net een ding in Bhoetan kan sien, moet dit Tiger’s Nest wees. Dis nie ’n land wat jy moet besoek met die verwagting om te rus nie. “Jy gaan moeg word,” sê hy. Die skedules kan vol raak, en dis die soort plek waar jy moet beweeg om te sien wat jy wil. Vele van die hoogtepunte in Bhoetan behels ook dat jy ’n bietjie (of meer) moet stap. Ons het Bhoetan besoek met die toermaatskappy Bhutan Swallowtail bhutanswallowtail.com…

Mik na die STERRE “MY MA HET ALTYD gesê: ‘Mik vir die sterre en as jy op die maan land, is dit ook goed.’” En dit is letterlik wat Crystal Walker gedoen het. Nou vlieg sy passasiersvliegtuie vir Emirates en bevind haar daagliks tussen die sterre. Ná skool (in 2001) het sy by die 43 Air School op Port Alfred aangemeld vir haar vlieëniersopleiding. Sy het haar kommersiële vlieglisensie voor die einde van die jaar gekry en as deel van haar opleiding ook veertig uur se privaat vlieënieropleiding gedoen wat net vir private gebruik is. Die duur van jou opleiding verskil, sê Crystal. “Ek is na ’n vliegskool en het bloot opleiding gekry om ’n vlieënier te wees. Jy kan ook ’n graadkursus in lugvaart aan ’n universiteit volg en…

Laatvrugte is soms suikersoet. Vra vir Cecilia Steyn wat binne vier jaar nadat sy begin skryf het, reeds twee ATKV-Veertjies in haar hoed kan steek. Sy blink veral as jeugskrywer uit en is bekend vir die Tienerharte- en #PresiesAnders-reeks. Die Welkom-boorling wat nou in Klerksdorp woon, is deur haar skrywerbroer Fanie Viljoen in die arena begelei. Naas stories is sjokolade en musiek haar gunstelinge. Anders help sy haar man, Johan, om hul huis (gedeel met ’n gemmerkat en Labrador) te restoureer, of met tuinwerk. Jy en Fanie is erkende skrywers, soos die sibskrywers André P. Brink en Elsabe Steenberg. Wat is dit met sibbe wat die skryfkuns deel? Ons was nog altyd close en as kinders ook baie verbeeldingryk. Ek het klere ontwerp en Fanie het vir die buurtkinders poppekas…

Gemeenskap en groen is die wagwoorde wat ’n pragplasie in die landelike Piketberg laat gedy. Presies die halm vir ’n jong ouerpaar van Kaapstad om hul korporatiewe stadsbestaan vir die plattelandse eenvoud van die Swartland te verruil. Amper ’n kwarteeu later en ná Jeremy se onlangse afsterwe, is die oudjoernalis Riëtte Bryant die boervroubaas van Kruistementvlei. Met die hulp van hul seuns, Geoff (25) en Casey (23), het die gesin die ekovriendelike plaas met sy verblyfgeriewe en ’n kampeerplek wat selfs ’n ingerigte woonwa insluit, geliefd gemaak onder oornagreisigers en as herlaaihalte vir veral stadsiele. Dié selfversorgende plaas het ’n paar staproetes en gaste wat hul hande wil vuilmaak, word verwelkom. Die Bryants se gemeenskapshart rank wyd en hul maandelikse Boeremark is gewild. Volgens raakvatter Riëtte het die besluit om…

KOMA – SPOEGWOLF. DIE GEWILDE ALTERNATIEWE ROCKGROEP IS DIE EERSTE AFRIKANERS MET ’N NOMMEREEN-TREFFER OP APPLE SE TREFFERSPARADE. NÁ UITVERKOOPKONSERTE LANDWYD, IS STELLENBOSCH SE VIER ROCKERS WARM. DIE ALBUM EN EERSTE MUSIEKVIDEO-ENKELSNIT, “BLOU”, IS SAAM UITGEREIK. KOMA, MET TRAUMA AS TEMA, SE 14 SNITTE NEEM LUISTERAARS OP REIS. SOMERAARDE – JOSHUA NA DIE REËN. DIE SANGER HET GROOT AANHANG OOR OUDERDOM- EN KULTUURGRENSE GEKRY. SY DERDE ATELJEE-ALBUM, WAT NOU BESKIKBAAR IS, BOU VOORT OP DIE EIETYDSE WENRESEP WAARVOOR HY BEKENDHEID VERWERF HET. DIT WEERSPIEËL OOK DIE GEWILDE SANGER SE GROEI MET ’N SPLINTERNUWE POP-ELEMENT IN VAN DIE LIEDJIES. BEST OF HELENE FISCHER. DIE TYDSKRIF FORBES HET DIE EUROPESE SUPERSTER HELENE FISHER AL AS DIE HOOGS BETAALDE VROU IN POPMUSIEK BENOEM. DIE DUITSER WAT IN RUSLAND GEBORE IS, MAAI ONDER DIE…

Middeljarig. Dis die etiket wat deesdae om my nek hang. Eintlik vermoed ek ek is al so ’n paar jaar gelede by middeljarig verby en sterk op pad oud toe – ek voel dit aan my knieë as ek opstaan nadat ek die kas onder die wasbak reggepak het; ek kan dit hoor as ek my lyf uit die bad moet hys; ek kan dit sien aan die arms wat deur die moue kom as ek die hemp oor my kop trek: Dis my ma se arms, kompleet met plooie en bruin ouderdomsvlekke op die hande, flappende triseps en elmboë wat al hoe meer soos volstruishakke in die voorwinter lyk. Ek drink omega-3 en staan elke oggend soos ’n kameelperd by ’n drinkgat voor die spieël en doen my joga,…

PENNE MET ROMERIGE ROOIRISSIE-ENSONDROËTAMATIE-SOUS Genoeg vir 4-6 250 g penne pasta ROMERIGE SOUS 30 ml Clover Olive Pride-olyfolie 15 g meel 7,5ml (½ e) Dijon-mosterd 500ml (2 k) Clover Nolac Hand vol vars tiemie Hand vol vars roosmaryn 2 knoffelhuisies, geskil en fyngedruk Hand vol vars dille, gekap 100 g kasjoeneute, gerooster en gekap 240 g gemarineerde sondroëtamaties 80 g rooirissie-pesto Hand vol vars basiliekruid Sout en peper na smaak 1 Kook die penne volgens die aanwysings op die pakkie. 2 Romerige sous: Verhit die olie oor matige hitte in ’n kastrol en voeg die meel by. Roer vir 5 tot 10 min. met ’n houtlepel totdat die meel gaar is. 3 Voeg die Dijon-mosterd by die meelmengsel en begin om die Clover Nolac stadig by te meng terwyl jy…

GOEIE KEUSES Hoe lekker is dit nie om keuses in jou lewe te kan maak wat ’n groot verskil aan jou lewensgehalte en geluk kan maak nie. Ek het besluit om net na goeie musiek te luister, sag op die oor en voedsel vir die gees. Sit ’n boek neer as dit jou nie boei of opbou nie, gebruik jou tyd wys deur iets te lees wat die moeite werd is. Dis nie ’n prestasie om te sê jy het ’n swak boek gelees, of ’n so-so fliek gekyk nie. Bederf jou minstens een keer per week met jou gunstelingkos, sien uit daarna en moenie skuldig voel daaroor nie. Bring meer tyd in die natuur deur en doen moeite om fyn besonderhede van plante, diertjies en voëls raak te sien.…

Wat was jou musikale inspirasie in jou kinderdae? Watter flieks en musiek het jou aangegryp? Toe ek vier was, het ek South Pacific gesien. Ek kom uit ’n koue, grys stad waar die son nie dikwels geskyn het nie: Aberdeen in Skotland. Nadat ek South Pacific gesien en die musiek gehoor het, kon ek dit net nie uit my kop kry nie. Ek dink die pragtige musiek en die vreemde blou en groen skakerings van die landskap in teenstelling met die verwoesting van die oorlog het ’n diep indruk op my gemaak. Ek onthou sekere musiek vir altyd, selfs al het ek dit net een keer gehoor. Dit word deel van ’n mens. Later het ek West Side Story gesien. Ek is in 1954 gebore en ons het net ’n…

‘Noudat ek ouer word, het skryf ’n baie groter passie geword’ Chris Vorster het nog niks verander sedert ons eerste onderhoud jare gelede nie. Dit hoor jy sommer in sy warm stem en daardie gereelde kwinkslae. Maar sedert hy en sy gesin die gejaag van Gauteng vir die rustigheid van die Rosestad verruil het, het baie water in die see geloop. Chris (49) is sedert 2015 ’n dosent in film en visuele media aan die Universiteit van die Vrystaat, en hy kan nie uitgepraat raak oor hierdie nuwe hoofstuk in sy lewe nie. “Ek is verlief op Bloemfontein. Dis soos ’n plaas in vergelyking met Gauteng en die Kaap. En ek leer heeltyd by my studente.” Hoekom het jy ’n suksesvolle loopbaan in televisie vir die akademie verruil? Ek het…

Die drie meningsvormers met wie ons gesels het, is: prof. Amanda Gouws van die Departement Politieke Wetenskap, Universiteit Stellenbosch en ook ’n politieke kommentator, Inge Kühne ’n joernalis en adjunkredakteur van Rapport en Mia Spies ’n senior joernalis by eNuus en eNCA. Is daar dinge wat jou hoop gee? • Amanda Ja, ons ondersoekende joernalistiek is baie goed, dit vlek korrupsie en ander wandade oop. Ons regsinstellings en ondersoekende instellings is ook sterk genoeg om die druk van die korruptes te weerstaan. Dit gee my ook hoop dat Cyril Ramaphosa een van die mense was wat die Grondwet help skryf het. Hy verstaan demokrasie en ekonomie en is in staat om buitelandse beleggings te kry. Dit gee my ook hoop dat daar baie Suid-Afrikaners oor rasgrense heen is wat wil…

Caxton Magazines en Woolworths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. 3 Opsies beskikbaar: Skryf aanlyn in: magsathome.co.za/magazing.htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolies-kaart en hou jou koopbewysstaafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van die volgende kaarte* gebruik word: Woolworths Credit Card,…

KLASSIEKE BOTTERBROODJIES MET VANIELJEROOM EN KONFYT Genoeg vir 8 – 10 BOTTERBROODJIES 225 g bruismeel Knypie sout 1 t (5 ml) bakpoeier 1 e (15 ml) strooisuiker 80 g Clover Mama Bake Margarine, verkoel en in blokkies gesny 110 ml – 130 ml melk 1 eier, met ’n bietjie strooisuiker gemeng om bo-oor te verf OPDIENING 1 k (250 ml) Clover Fresh Cream, tot op sagtepuntstadium geklop saam met ’n bietjie vanieljegeursel en versiersuiker na smaak Bessiekonfyt van jou keuse Frambose of seisoenale vrugte vir garnering (opsioneel) 1 Voorverhit die oond tot 180 °C. Meng die bruismeel, sout, bakpoeier en strooisuiker in ’n bak. Vryf die verkoelde Clover Mama Bake-margarien by die droë bestanddele in. Vryf vir net 30 – 45 sek. want die mengsel hoef nie soos fyn broodkrummels…

• Dit help jou skelet en tande bewaar. • Jy hanteer lugweginfeksies beter. • Dit help jou liggaam om die TB-bakterie beter te hanteer. (Die voorkoms van TB in die Wes- en Suid-uaap is die hoogste ter wêreld.) • Dit help reguleer jou insulienvlak. ('n Tydjie in die son is 'n teenvoeter vir 'n knaaglus Ģ en nie net omdat dit jou aandag aftrek nie.) • Dit verhoog jou serotonienvlakke, jou goedvoel-hormoon. (Vermoedelik is die tipiese wintertekort aan vitamien D die rede waarom mense sukkel met SAD, soos seisoenale of winterdepressie genoem word.)…

• Een uit drie volwassenes word deur eensaamheid geraak. • Eensaamheid kan jou streshormoonvlakke verhoog, wat jou immuunstelsel en breinontwikkeling benadeel. • Navorsingstudies toon mense wat eensaam is, slaap slegter. Hulle slaap nie noodwendig minder ure nie, maar word meer dikwels wakker en voel minder uitgerus. • Jongmense wat op die lang duur eensaam is, word makliker geboelie. Hulle is vatbaarder vir neerslagtigheid, depressie en selfdood. • Eensaamheid kan jou lewensverwagting net soveel as die rookgewoonte inkort – en meer as obesiteit. • Omdat eensaamheid party mense aanvuur om troos in kos te soek, kan dit tot gewigstoename lei. Terselfdertyd is daar niemand om hulle aan te moedig om gesonder gewoontes aan te kweek nie.…

WEBJUWELE • Loer gerus in by momtastic.com of babyyumyum.co.za of babysense.com vir alles wat met ma-wees te make het • Google "uaren Zoid As musiek begin speel” vir ’n liedjie wat aan jou hartsnare sal pluk • As jou dogter in modelwerk belang stel, kyk gerus saam met haar na model Cameron Russell se skreiend eerlike TED Talk - google “TED talk Cameron Model”. As jy siek is, wil jy jou ma by jou hê – maak nie saak hoe oud jy is nie.- Anoniem DÁÁR OP MOEDERSDAG Ons saggeaarde dogtertjie, Elizé (5), is van liefde gemaak. Sy is ’n dromer en ek geniet haar verbeeldingswêreld soms meer as sy. Sy is goed met haar boetie en vul baie dae sy kwota drukkies – dan bly daar niks vir mamma…

“Jy moet van kleins af die verhouding met jou kind koester – dis te laat as jy op 18 sy beste pêl wil wees,” sê Mike Durrant van Fontainebleau wat saam met sy eks na hul elfjarige seun omsien. “Ons is uitmekaar toe hy 18 maande oud was. Gelukkig was dit ’n vreedsame egskeiding en nie een van ons het weer getrou, of nog kinders gehad nie. Omdat ons albei gewerk het, het ons sedert sy geboorte sy versorging ten volle gedeel. Albei van ons het die baba gebad, doeke omgeruil en bottel gegee. Toe ons verhouding verbrokkel, was dit die natuurlikste ding dat ons albei volle verantwoordelikheid vir sy versorging sal aanvaar. Hy was gelukkig in dieselfde omgewing in dagsorg en ons het die week in twee gedeel sodat…

GEEN IRRITASIES NIE Liv® Feminine Care is ’n reeks produkte vir vroue en is dermatologies getoets en ph-gebalanseerd, wat sal verseker dat jy altyd vars en sonder lastige irritasies sal wees. Die reeks bestaan uit twee Liv® pH Balanced Intimate Washes (R69,99 vir 250 ml by Shoprite Checkers) en die Liv® Lubricating Gel (R79,99 vir 125 ml by Shoprite Checkers). Een gelukkige leser en haar vriendin kan elk ’n geskenkpak ter waarde van R600 met Liv®-produkte en ’n snoesige kamerjas wen. SMS net Liv, jou naam, afleweringsadres gedurende kantoorure en ID-nommer na 48409. Kompetisie sluit 31 Mei 2019. SMS’e kos R1,50 en gratis SMS’e geld nie. Bepalings en voorwaardes op bl. 121. SILWERSKOON Jou stoof en mikrogolf kan maklik ’n veilige hawe vir vullis en kieme raak. Maak seker joune…

STEM JA OF NEE OP ONS VRAAG IN “WAT DINK JY” EN JY KAN ’N PLANTUR 39-GESKENKPAK VAN R3 000 WEN. PLANTUR 39-PRODUKTE IS SPESIAAL GEFORMULEER OM IN DIE HAARBEHOEFTES VAN VROUE OUER AS VEERTIG TE VOLDOEN. DIE PRODUKTE BEVAT ’N KAFEÏENKOMPLEKS WAT DIE HARE BINNEDRING EN HAARVERLIES* NÁ VEERTIG VOORKOM. PLANTUR 39 IS BESKIKBAAR BY CLICKS, DIS-CHEM EN ANDER GROOT APTEKE. BESOEK PLANTUR39.CO.ZA; TWITTER: @PLANTUR39ZA; INSTAGRAM: PLANTUR39ZA EN FACEBOOK: @PLANTUR39.ZA. (*NIE DIE GEVOLG VAN ’N MEDIESE TOESTAND NIE.) VRAAG: DINK JY DIS BETER AS ’N KIND WAT TERMINAAL SIEK IS, LIEWER TUIS STERF AS IN DIE HOSPITAAL? BESOEK VANDEESMAAND ONS WEBBLAD, ROOIROSE.CO.ZA EN KLIK OP “WEN” EN DAN “WAT DINK JY”.…

ROOIBOSTEE-EN-POMELOONTBYTPONS 2,5 LITER • 500 ml warm rooibostee met 3-4 sakkies gemaak • 15 ml (1 e) heuning • 750 ml (1 bottel) vonkelwyn (ons het Durbanville Hills Sparkling Sauvignon Blanc gebruik) • 500 ml pomelosap • ’n handjie vol tiemietakkies • 1 pomelo in dun skywe gesny • 1 lemoen in dun skywe gesny • 1 suurlemoen in dun skywe gesny • ’n handvol ys 1 Roer die heuning by die tee en laat afkoel. 2 Meng die tee en die res van die bestandele in 'n groot beker. 3 Gooi 'n hand vol ys by. Versier met die sitrusskywe en vars tiemie. SPANSPEK-ONTBYTBAKKIES MET TUISGEMAAKTE GRANOLA GENOEG VIR 4 Dié heerlike granolaresep is genoeg om vir 'n hele maand te hou. Bêre in 'n houer wat dig seël.…

@home 0860 834 834, home.co.za American Swiss 021 938 1943 Babor za.babor.com Banks Kitchen Shop 021 461 3190, bankskitchenboutique.co.za Beautifululage beautifulage.co.za Beetroot Inc. beetrootinc.co.za Block & Chisel 021 271 0142, blockandchisel.co.za Bosch bosch.africa Bvlgari 011 883 1325, picotandmoss.co.za Cape Island capeisland.com Carrol Boyes carrolboyes.com Catrice Cosmetics Dis-Chem, takealot.com Chanel chanel.com Clarins clarins.co.za Colette Hayman 087 808 0080, 087 150 0350 Coricraft coricraft.co.za Country Road 0860 022 002 Dermalogica dermalogica.co.za Dr Grandel Deluxe Laser Salon deluxelaser.co.za Dynamic Vision dynamicvisionsa.com Eau Thermale Avène eau-thermale-avene.co.za Edgars 0800 203 925 Elizabeth Arden Edgars, Foschini, Truworths, Wool-worths, Clicks, Dis-Chem Environ environskincare.com/za/ Essence Dis-Chem, takealot.com, Clicks Eurolux 021 528 8400, eurolux.co.za Exuviance dermastore.co.za Folli Follie 011 883 0565, 012 348 4949 ghd ghdhair.com/za Groote Post 022 492 2825, groote-post-wines.myshopify.com H&M 021 826 7300 Kalahari Lifestyle Kalaharilifestyle.com…

Moenie ’n fout maak nie ... Daar was ook goeie dae op Doringbos. Vrede en liefde en geluk en harmonie al in die rondte. En toe kom die Grieke. Die kafee op die hoek word uitgevee dat die stowwe staan en die gesin trek by die woonstel teen die trap op. Dat Costas in my klas beland, is ’n gelukskoot wat die engele vir my voorberei het. “Hulle kom van die Vrystaat af, Ma. Hy praat Afrikaans, nes ons,” kom vertel ek. “Dis net sy pa en ma wat nog sukkel.” “Maak nie saak watter taal hulle praat nie, die Grieke is vreemdelinge. Jy moenie allerhande gedagtes oor Costas kry nie.” Maar sommer gou gaan maak ek ’n gereelde draai by die kafee. En in die stegie agter die kafee…

’n Boekklub wat al vyf vrae reg beantwoord en getrek word, kry elke boek wat in die uitgawe op ons boekrak pryk en deur Graffiti geskenk word. Stuur jou boekklub se naam, posadres en kontaknommer en al die antwoorde na slombaard@caxton.co.za met “Mei-boeke” in die onderwerpreël, of besoek rooirose.co.za, klik op “boek” en volg die aanwysings. VRAE 1 Watter twee SA leiers het in 1993 die Nobelprys vir Vrede gedeel? 2 Watter Suid-Afrikaner het gesorg vir die term “reënboognasie”? 3 Wat beteken die woorde “Nkosi Sikelel’ iAfrika”? 4 Wat is die nommer van die rugbytrui wat Madiba met die Wêreldbekersege op Ellispark gedra het? 5 Wie het “My African Dream” ’n treffer gemaak? APRIL-ANTWOORDE 1 Wat word met Paasfees herdenk? Jesus se opstanding uit die dood. 2 Van watter Anglo-Saksiese…

HOLTZHAUSEN CLOCKS is ’n bekende horlosiewinkel in die Johannesburgse voorstad Linden. Die plek in Vierde Laan met sy versameling staan-, koekoeken muurhorlosies is die enigste wat nog in Gauteng oor is. Die onderneming is geslagte lank al in familiebesit, en Herman Holtzhausen, wat ’n doktorsgraad in gesinsterapie het, is nou die eienaar-bestuurder. Van ’n tokkelok na ’n horlosieheerser? Ek is ’n mistikus en horoloog, en dankbaar dat ek die gemeenskap kan dien waarin ek grootgeword het. Hoe oud is jou horlosies? Tussen 250 jaar en een dag oud, gemiddeld 125 jaar, en hoofsaaklik van Engeland, Duitsland en die Wes-Kaap. Geheime om tydmeesters gerat te hou? Dit help as jy jou in die oomblik kan verloor en alle aandag aan een ratjie voor jou gee. Jy moet met tyd versmelt terwyl…

Byna honderd jaar ná haar dood het die Brit Ada Lovelace erkenning gekry vir haar werk as die eerste rekenaarprogrammeerder. Ada se idees oor rekenarisering was haar tyd so ver vooruit dat dit lank geneem het voor die tegnologie kon inhaal. Die rekenaartaal, “Ada”, geskep vir die Amerikaanse Departement van Verdediging, is na haar vernoem. Die naslaanwerk vir die taal MIL-STD-1815 is op 10 Desember 1980 goedgekeur. Die jaartal 1815 is haar geboortedatum. Ada was die enigste dogter van die briljante, maar geestelik onstabiele Britse digter, Lord Byron, wat binne die eg gebore is. (Daar was gerugte van ander kinders.) Haar ma, Anne Isabella (Annabella) Milbanke, het Ada streng grootgemaak omdat sy nie wou hê haar dogter moet emosioneel so onstabiel soos haar pa word nie. Ada, wat op 10…

INDIVIDUELE VLA-PANNA COTTAS MET BESSIES EN LAVENTEL Genoeg vir 6 – 8 5 gelatienvelletjies 650 g Clover Classic Custard 160 ml Clover Fresh Cream 10 ml vanieljegeursel 100 ml strooisuiker 15 ml gouestroop Laventelblomme met ’n bietjie water klam gemaak en in strooisuiker gedoop vir opdiening (opsioneel) Frambose of vrugte na seisoen vir opdiening (opsioneel) 1 Sit die gelatienvelletjies in koue water om sag te word. Sit al die oorblywende bestanddele, behalwe die laventel en bessies, in ’n kastrol en verhit oor lae hitte. Klits om goed te meng. 2 Druk die oortollige water uit die sagte gelatienvelletjies en voeg by die warm mengsel. Roer die gesmelte gelatien deur die mengsel totdat dit goed gemeng is. 3 Gooi die mengsel in 6-8 opdienbakkies/ ramekins van jou keuse en sit vir…

Kaapstad het nog altyd ’n stukkie van my hart besit en dit was só ’n voorreg om vir die eerste keer ’n voorblad- shoot in die Moederstad te kon doen. Dit was ’n fees van kreatiwiteit, lag en saamwerk! Ons het “winter” op een van die warmste dae in die Kaap moes shoot - maar saam met hierdie span mense pak ek winter enige dag, enige tyd weer aan. Ek het niemand geken toe ek die oggend daar instap nie en teen die middag het ek met ’n vol hart en nuwe vriende huis toe gery. Dankie, rooi rose vir een van my mooiste, eerste herinneringe noudat ek die Kaap huis kan noem. Liefde, Donnalee.…

Kyk wat het ek so pas raakgeloop!” sê sy spontaan. ’n Fraai, handgeborduurde handsakkie word te voorskyn gebring. Dis ’n winskopie en Donnalee se hoogskop-blydskap daaroor is aansteeklik. “Dit was nog altyd vir my opwindend om vas te stel waar iets vandaan kom … wie dit gemaak of vervaardig het. Een van die redes hoekom ek die eerste mens is wat vir ander ’n padkaart wil teken na plekke waar hulle ook iets spesiaals kan ontdek.” D is deels wat ek met ons nuwe kleremaatskappy, The Romantic Collective, wil doen.” Die lewe is in hierdie fase van haar lewe ’n wit skilderdoek wat op ’n houtraam staan en wag, en sy teken met ál haar kryte. Donnalee en die ewe ondernemende man aan haar sy, Ivan Botha, gee vanjaar oudergewoonte lang,…

Lank, talentvol en uitgesproke. Annie Lennox en Dave Stewart het in die jare tagtig as The Eurythmics die wêreld aan die brand gesing. In 1990 het hul paadjies geskei. Stewart het hom op musiekvervaardiging toegespits en Annie het ’n solo-sangloopbaan gevolg. Deesdae is sy bekend vir haar aktivisme, en het onlangs die musiek vir die fliek A Private War geskryf. Die fliek handel oor ’n oorlogskorrespondent wat in die oorloggeteisterde gebiede oor goed geskryf het waaroor ander joernaliste nie wou skryf nie. Sy is vir ’n Golden Globe benoem vir dié bydrae. Op 64 glo dié ma van twee, wat ook by liefdadigheidsorganisasies soos Amnestie Internasionaal en Greenpeace betrokke is, dat ouer vroue nie onsigbaar hoef te wees nie. Sy vertel ook vir Margaret Gardiner wat die Eurythmics-treffer “Sweet Dreams”…

Obsessief-kompulsiewe steurnis is ’n angssteurnis. Oorsake: Daar’s veranderinge in die liggaam se neuro-oordraers, geneties/familiegeskiedenis, omgewingsfaktore. Obsessiewe simptome: abnormale vrees vir dinge; beheptheid met ordelikheid, simmetrie, kontaminasie ... aggressiewe en of vreesaanjaende gedagtes oor beserings, of ander mense wat jou normale daaglikse funksionering negatief beïnvloed. Kompulsiewe simptome: herhalende handelinge soos die oordadige was van hande, om dinge te wil tel, volg ’n streng roetine, voortdurende versekering nodig dat ek okay is (om Pietie se term te gebruik). Komplikasies: kan lei tot gesondheidstoestande soos ekseem op die hande weens die oordadige handewassery, afwesigheid van werk, swak lewensgehalte, selfdoodneigings. Behandeling: psigoterapie en medikasie met antidepressante en angswerende middels. Gesels daaroor en kry hulp.…

Chris sê hy is tuis by sy gesin op sy gelukkigste. Sy vrou, Liza, maak dit ’n heerlike plek om te wees. “Sy het ’n wonderlike tuin en groentetuin gemaak en is ’n inspirasie. Dis sy wat seker maak dat ek soggens betyds opstaan en dat ons gesond eet en oefen. En dis aan haar te danke dat ons kinders en ’n huis en ’n lewe het. Ek is ’n vreeslike uitsteller - ek sukkel om besluite te neem. Sy is weer fantasties daarmee en het deur die jare al die moeilikste besluite geneem.” Hy braai graag, maar kan nie kook nie. “Die drie maande wat ek in die Kaap aan Spreeus gewerk het, was nou vir jou ’n ding. Ek moet sê ek het nogal baie tuna geëet,” skerts…

Die meeste openbare skole sukkel om finansieel die mas op te kom, en met die ekonomie wat knyp, word die probleem net groter. Maar dis noodsaakliker as ooit tevore dat ouers betrokke raak by hul kinders se skole, meen dr. Jaco Deacon, adjunkhoof van die Federasie van Beheerliggame van Suid-Afrikaanse Skole (Fedsas). “Dis noodsaaklik dat kinders toegerus word om ’n betekenisvolle bydrae tot ons samelewing te kan maak.” Hoekom is dit belangrik dat ouers betrokke raak by hul kinders se skole? Ouers bly primêr verantwoordelik vir die opvoeding van hul kinders – dis nie die skool of die onderwysers se plig nie. Die skool is wel een van ons hoofvennote as dit by onderrig kom. As ouers moet ons weet wat by die skool aangaan en betrokke wees. Ouers verstaan…

AMPULES EN KAPSULES Danksy die magdom inligting tot ons beskikking, is ons meer bewus van bestanddele en weet ons ook dat sommige bestanddele in velsorgprodukte nie aan lug blootgestel moet word nie. Wanneer produkte in ampules en kapsules verpak word, skakel dit die probleem uit dat lugsensitiewe bestanddele, soos vitamien C of retinol, later nie meer goed of glad nie werk nie. Met ampules of kapsules kry jy ook presies die regte hoeveelheid wat gebruik moet word. BLOU grimering Blou oogskadu laat ons aan die jare tagtig dink, maar gelukkig is minder meer wanneer dit by kleur kom. Vergeet van pienk lippe en wange by blou ooggrimering en dink aan min en natuurlike skakerings as pasmaats. BLOU LIG beskerming Deesdae word ’n groot ophef van slaap…

Dit is nie ’n mite dat ons harte van manneharte verskil nie. Die verskille is inderdaad groot genoeg dat minder van ons reg gediagnoseer en korrek behandel word, en meer van ons weens hartoperasies sterf. Die verskille begin by grootte: Ons harte weeg minder: 230 g – 290 g, teenoor 280 g – 340 g by mans. ’n Groot manshart is dus tot 50% groter as ’n klein vrouehart. Mans se hartslagare is sowat 10% groter as ons s’n, terwyl ons hartkleppe sagter en buigsamer is. Daar is selfs een hartsiekte wat net vroue tref: peripartum kardiomiopatie, ’n vorm van hartvergroting wat vroue in die laaste maand van swangerskap en die eerste ses maande ná die bevalling kan tref. Selfs as dit by hartoperasies kom, sterf ons makliker as mans.…

1 Vul jou tenk met goedvoelhormone. Ons skei dopamien af deur enigiets te doen wat onbekend en moeilik is, soos om ’n blokkiesraaisel in te vul of ’n ingewikkelde trui te brei. Die hormoon epinefrien word tydens matige oefening vrygestel en ook wanneer ons ’n kans waag, soos om ’n ongewilde mening uit te spreek. Sorg dat jy ’n goedvoelinspuiting kry net voor jy stap 2 aanpak. 2 Gaan stap in ’n winkelsentrum of ander openbare plek. Verbeel jou 30 minute lank dat jy lieflik genoeg is om liefgehê te word. Beweeg soos iemand wat goed genoeg is - nie noodwendig die land se topmodel nie, bloot goed genoeg – en sorg dat jou gesigsuitdrukking dié gevoel eggo. Hoe doen jy dit? Fake it till you make it! 3 Gaan…

Ek het onlangs die resultate gelees van navorsing deur die Universiteit van Kalifornië wat drie verskillende studies, asook 18 000 mense ingesluit het. Die doelwit was om die mate van geluk, sielkundige bevrediging, asook die simptome van depressie en stres te meet by ouers wat na kinders omsien. Die eerste twee studies het onder meer die welstand van pa’s met dié van kinderlose mans vergelyk. Die resultate het getoon dat pa’s baie meer tevredenheid met hul lewe getoon het, baie minder daaglikse konflik en meer positiewe emosies ervaar het, asook minder simptome van depressie. Die tweede studie het die welsyn van ma’s en pa’s gemeet wanneer hulle hul kinders versorg het, in vergelyking met hul ervaring van ander daaglikse take. Die navorsingsresultate het getoon dat pa’s gelukkiger was wanneer hulle…

Voor ons seuntjie kanker gekry het, was my bestaan perfek. Ek en my lewensmaat, Raymond, het senior posisies in die korporatiewe wêreld beklee. Ons was gek na mekaar, het in ’n pragtige huis gebly en ’n gesonde leefstyl gevolg. Jed, drie jaar en tien maande oud, het op alle vlakke floreer. Toe gebeur die onvoorsiene.” Bonni Suckling, Johannesburgse gimnasiuminstrukteur, driekampatleet en stigter van die kinderkankerhulp-organisasie Rainbows and Smiles, kon destyds nie voorsien hoe ingrypend haar lewe sou verander nie. “Een aand in Augustus 2008 het Jed koorsig geraak. Hy wou niks eet nie. Die pediater het gereken dis nie ernstig nie. Toe skop verskillende simptome in: hoofpyne, neusbloeding, vomering, middernagtelike koorsaanvalle en balans- en koördinasieprobleme. Die simptome het gekom en gegaan. Soms het Jed niks makeer nie; soms het sy…

PLAATKOEKIES MET SALM EN ROOMKAAS GENOEG VIR 14 PLAATKOEKIES 2 k (300 g) koekmeel 2 t (10 ml) bakpoeier ¼ t (1 ml) koeksoda ½ t (2 ml) sout 1 ¾ k (435 ml) melk 1 eier, liggies geklop 60 ml (4 e) botter, gesmelt Glad-bakpapier Glad Zip Seal-sakkies (ekstra groot) Glad-toebroodjiesakkies 150 g gerookte salm 125 ml ( ½ k) medium vet roomkaas 1. Begin die vorige dag deur die meel, bakpoeier, koeksoda en sout saam in ’n groot Glad Zip Seal-sakkie te gooi. Seël die sakkie en skud goed om die bestanddele te meng. 2. Die volgende oggend: Meng die melk en eier in ’n middelslag-mengbak en voeg die reeds gemengde droë bestanddele by die nat bestanddele. Meng goed tot glad en laat staan vir 30 min. 3.…

PLEK OM TE BLY? AS EK NIE OP DIE PAD IS NIE, BRING EK DIE MEESTE VAN MY TYD IN KAAPSTAD OF OP DESPATCH DEUR. EK IS NIE IEMAND VIR “BLY” NIE, EERDER IEMAND WAT ELKE NOU EN DAN TERUGKEER. VAKANSIEPLEK? DESPATCH EN JEFFREYSBAAI SAL MAAR ALTYD SORG VIR DIE BESTE KUIERS EN LAATAAND-EKSPEDISIES OP DIE STRAND. TV-REEKS? THE CROWN. ROLPRENT? JOHNNY IS NIE DOOD NIE. CD? SHANIA TWAIN - THE PLATINUM COLLECTION HAPPIE EN DRANKIE? EK SAL THAI EN INDIESE KOS VIR ONTBYT EET AS EK KAN. ’N WHISKY MET YS IS STERK EN EERLIK. DIT IS MOEITE OM TE MAAK, MOEITE OM TE DRINK, MAAR DIT PROE NET … LEKKER. PUNT.…

MACHINES LIKE ME Ian McEwan (Penguin). “Personality is everything that’s false in a human, everything that’s been added on to him and contrived.” Die ontslape dramaturg-akteur Sam Shepard se stelling is tersake in Ian McEwan se jongste pennevrug. Die bekroonde Brit se meesterlike raakvat oor menswees mid-de-in aktuele agtergronde en universele onderstrominge sorg vir ’n keurspel vlymskerp stories wat ook vir die silwerskerm opgeraap word (onder meer Atonement en The Children Act). Dis die jare tagtig en Brittanje is ryp vir verandering. Die Ystervrou, Margaret Thatcher, se opkoms en Alan Turing se deurbraak in kunsmatige intelligensie dolwe twee Londense minnaars se landskap om. Charlie is ’n swerwer en is verlief op die skrander student Miranda. Toe hy geld het, koop hy Adam, een van die eerste sintetiese mense. Met Miranda…

Uit eie bodem Tierlantynkies se kuier- en koopfees van 26 April - 1 Mei buite Pretoria is ’n uitstappie vir die hele gesin. Byna 100 plaaslike kunstenaars en entrepreneurs dis ’n fees van vars idees en kreatiwiteit op met ’n uitgesoekte versameling van unieke dekor, mode-items en skoonheidsprodukte vir oud en jonk. Die tierlantyne kan by 3 Ci-tent, Saalstraat 56, Swawelpoort beloer word. Toegang is R35 vir volwassens en kinders gaan gratis in. Vir die jongspan is daar verskeie aktiwiteite terwyl kos en vermaak in ’n reuse-tent beskikbaar is. Superster in SA Die musieklegende Ben Harper kom in Suid-Afrika toer. Die Yank is ’n multi-platinum- en Grammywenner. Hy begin sy optredes op 1 Junie by die Zakifo-musiekfees in die Durbanse Botaniese Tuin, gevolg deur die GrandWest in Kaapstad op 4…

Die belangstelling in Ada Lovelace het lank ná haar dood weer opgevlam. Daar is ’n lang lys kunswerke waarin sy as karakter gebruik is, soos die hoofkarakter in Romulus Linney se 1977-drama, Childe Byron, asook in die 1990-steampunk- roman, The Difference Machine, deur William Gibson en Bruce Sterling. Sy is ook ’n karakter in die 1997-rolprent Conceiving Ada. In die toneelstuk, Ada and the Memory Engine (2015), deur Lauren Gunderson, word Lovelace en Charles Babbage voorgestel as ’n paartjie waar onbeantwoorde liefde ’n rol gespeel het. Hulle is ook die hoofkarakters in Sydney Padua se grafiese roman The Thrilling Adventures of Lovelace and Babbage. Sedert November 2015 het alle nuwe Britse paspoorte ’n illustrasie van Lovelace and Babbage op bladsy 46 en 47.…