Innholdsfortegnelse for Februarie 2019 i Rooi Rose

AS EK nou mooi daaroor dink, daar is soveel dinge waarvoor ’n mens maar net moet wag, dinge neem maar hul tyd: ’n koek in die oond, die vakansie waarna jy uitsien, die uitslae van die toetse, die antwoord op jou vraag ... In ons lewe is dit ’n integrale deel van elke dag se woordeskat, word dit dikwels nodig om saam met die kleingoed slapies te tel. Hulle is mos nie van nature geneë om met grasie te wag nie. Dis beslis een van die lesse wat die lewe ons leer: om te wag sonder dat die ongeduld jou opvreet, sonder om moedeloos te word. In Elisabeth Eybers se gedig, “Lewe”, beskryf sy so aangrypend ’n vrou wat “stil geword (het) van baie wag”. Iemand wat maar in stilte…

WEN Een leser kan ’n Nominationhangertjie ter waarde van R4 000 wen. Ontdek die verpersoonlikte hangertjies van die nuwe Wishes-reeks van Nomination. Die reeks is geïnspireer deur die eeue oue tradisie om muntstukke te dra as simbole van liefde, geluk en die belangrikste waardes in jou lewe. Jy kan jou juwele verpersoonlik en muntstukke kies wat al die belangrike gebeurtenisse in jou lewe uitbeeld. SUPER-sensitiwiteite Kinders wat oorontvanklik is vir stimuli op intellektuele, sensuele, emosionele, psigomotoriese of verbeeldingsverwante gebied, is dikwels begaafd. Lees hoe ouers dit kan hanteer. Margaret se Wêreld Margaret Gardiner, ons Hollywoodkorrespondent, blog vir ‘rooi rose’. Sy reis wêreldwyd om onderhoude met glanspersoonlikhede te doen en gee ons ’n kykie in haar besige lewe. AGTER DIE SKERMS Ons het hierdie voorblad by die pragtige Thaba Eco Hotel…

Wie het jou rok ontwerp? Givenchy. Ek moet dit ná die tyd teruggee (lag). Jy is bekend daarvoor dat jou gesig verklap wat jy wil sê nog voordat jy dit gesê het. Is dit iets wat jy as akteur aangeleer het? Ek is mal oor goeie dialoog, en die dialoog in dié fliek is briljant. Maar as ek nooit weer hoef te praat nie, sal ek ook gelukkig wees. Dis een van my gunsteling-toneelspeeldinge: om te kommunikeer sonder om te praat. En dis ook nie iets wat ek kan inoefen nie. Dis ’n groot kompliment as ek dit regkry. Wat is jou gunstelingboek, -ontwerper, en –fliek? Ek was mal oor Raise High the Roof Beam, Carpenters and Seymour van J.D. Salinger. My gunstelingontwerper is Louis Vuitton, natuurlik. Ek kan nie…

Praat van glans. Koninklik, dís hoe jy voel wanneer jy by die ontwerper Simon Rademan se ontvangsportaal instap. Daar’s vergulde spieëls, kristal, ’n reuse Mej. Suid-Afrika-kroningstoel, lampe en ’n vleuelklavier. Later drink jy tee uit ’n fyn Royal Albert-porseleinstel met vergulde randjies en die kenmerkende roospatroontjie met die naam “Celebration” wat onder die koppie geskryf staan. Baie gepas. Daar’s baie om te vier. Maar Simon is nie met ’n goue lepel in die mond gebore nie. Sy lewe was ook nie soos dié van ander kinders van gewone middelklasouers op Ceres nie. Hy was ’n CODA. Child of a Deaf Adult, spel hy dit met sy hande uit. Dis sy ander taal: gebaretaal. Hy het daarmee grootgeword, want albei sy ouers was doof. “Die enigste klank in die huis was…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

Om ’n veelbekroonde skrywer en topsjef te ontmoet by ’n plekkie wat sonder ons medewete van ’n lieflike bistro in ’n studentekroeg omskep is, is nogal intimiderend. Veral as hy so effens krities rondkyk en sy kop skud: “Hierdie plek gaan dit nie maak nie, sê ek jou. Dis net te persoonlikheidloos,” en hy glimlag effens om sy woorde te versag. Dis hoe my onderhoud met Eben Venter begin en ek dink so by myself: O nee, hierdie gaan ’n moeilike een wees. Wat toe gelukkig nie so was nie. “Wel, ek dink die goedkoop bier en die TV-skerms teen die mure is vir die studente belangriker,” is my lammerige verskoning. Hy’s gemaklik maar stylvol aangetrek, ’n man wat goed na homself omsien. Lang, lenige lyf en skerp, sielvolle oë…

Die Amerikaanse navorsingsielkundige John Gottman het ’n metode ontwikkel waarvolgens hy met tot 95% akkuraatheid kan voorspel of ’n paartjie se verhouding ’n sekere aantal jare gaan hou deur ’n video van hul interaksie te ontleed. Gottman grond sy voorspelling op die voorkoms van negative affect of nare optrede teenoor mekaar, positive affect of gawe optrede, en die afwesigheid van positive affect. ’n Patroon van gawe optrede gee die deurslag. Voorbeelde is dat jy (konsekwent) aandag gee wanneer jou maat iets met jou wil deel of (konsekwent) positief op aanraking reageer. Nare optrede sluit sarkasme, minagting, ’n kritiese ingesteldheid en stilstuipe in. Gottman het bevind gevegte is nie ’n voorspeller van egskeiding nie. Gelukkig getroudes veg net soveel as ongelukkige paartjies – maar vir elke negatiewe opmerking het hulle tot…

REËNBOOGSLAAI MET SUURLEMOENEN-SESAMSAAD-CREAM O’NAISE Genoeg vir 6 SUURLEMOEN-EN-SESAMCREAM O’NAISE 125 ml Clover Cream O’Naise 15 ml heuning sap van 1 suurlemoen 30 ml geroosterde sesamsade + ekstra vir garnering 2,5 ml (½ t) sesamolie sout na smaak SLAAI 250 g aarbeie, stingels verwyder en sommige middeldeur gesny hand vol granaatpitte hand vol frambose 200 g babawortels, geskil en vinnig geblansjeer 2 mielies, gekook en die stronke in skywe gesny 125 g broccolini, vinnig geblansjeer hand vol bevrore ertjies, vinnig geblansjeer 180 g bloubessies 3 bete, rou, geskil met ’n aartappelskiller en in dun skyfies gesny basiliekruidblare vir garnering 1 Slaaisous: Meng al die bestanddele in ’n opdienbak en hou eenkant. 2 Slaai: Begin aan die een kant van ’n lang opdienbord en rangskik eers die rooi bestanddele (aarbeie, granaatpitte en…

Op die oomblik is die oudste aangetekende persoon Jeanne Calment van Frankryk wat tot op die ouderdom van 122 jaar en 164 dae geleef het. Die gemiddelde lewensverwagting is 71,4 jaar, maar daar is vyf plekke in die wêreld waar die mense maklik honderd jaar oud word, en boonop steeds betreklik gesond is. In Dan Buettner se boek The Blue Zone Solution verduidelik hy hoekom. • SARDINIË, ITALIË Die mense eet hoofsaaklik plantgebaseerde kos en is aktief (baie is skaapwagters wat gemiddeld 7,5 km per dag loop) en het hegte familiebande. • OKINAWA, JAPAN Hulle eet baie groente (veral pers patats) en min vleis en porsies is medium grootte. Die wagwoord is dat jy moet eet tot jy 80% vol is. Die mense het ook ’n sterk sosiale ondersteuningsnetwerk. •…

Mevrou, jou dogter kan nie stilsit nie. Sy moet vir aandagafleibaarheid getoets word en moontlik Ritalin gebruik,” het die graadeenonderwyseres vir Mia von Scha gesê. Mia het gewonder of die juffrou aan die verkeerde kind dink: “Tuis kon my oudste ure aaneen konsentreer.” Dié voorval het Mia – gesinsberader, transformational parenting coach, kinderboekskrywer en inspirasiespreker – ’n nuwe rigting laat inslaan. “Ek was vasbeslote om die situasie uit te pluis. Dit het ’n paar jaar geneem, maar vandag kan ek my kennis van kinders wat op die begaafdheidspektrum lê, gebruik om ander ouers te help. “Dis interessant dat ons almal bekend is met aandagafleibaarheid/hiperaktiwiteit, maar onseker is oor wat begaafdheid behels. Een van my kwalifikasies is ’n BA-graad in sielkunde, en begaafdheid was nie deel van ons leerplan nie. My…

Chocolate Chocolate (Human & Rousseau) deur die bekende blogger Katelyn Williams is nie net ’n fees vir die oog nie maar ook ’n fees van smake. Jy sal elke liewe bladsy wil aflek! R380 by boekwinkels. KITSENERGIE Beacon se Junglebars is ’n lekker hoëveselhappie wat jy maklik in jou handsak kan druk. Dit bevat vitamien A en B wat jou metabolisme ondersteun deur energie vry te stel. Kies uit ’n verskeidenheid geure, soos donkersjokolade, bessies, grondboon- tjiebotter, neute, jogurt en neut-enbosbessie. Tussen R10 - R11 by Pick n Pay. Vinnige VLAPLANNE • Vries Clover Custard in ysblokkievorms en jy het heerlike roomyshappies vir die kleinspan. • Maak ’n vinnige lagiepoeding in 4 glasies: Breek 4 gekoopte meringuenessies in stukke en sit onderin die glasies. Sny 8 aarbeie in kwarte…

Charl-Pierre Naudé is die skrywer van die bekroonde digbundels, Die Nomadiese Oomblik, In die Geheim van die Dag, Al die Lieflike Dade en Against the Light. Hy is in Augustus-sneeu aan die voet van die Drakensberge gebore. Hy het sy hoërskooljare in Oos-Londen deurgebring en van daar af was dit onder meer die Kaap en Johannesburg. Die Ongelooflike Onskuld van Dirkie Verwey is sy eerste roman. Hoekom ’n roman? My gedigte besit dikwels ’n storieelement sowel as ’n misterieuse strekking, en dié is ook die twee “kapstokke” van my roman - die oorgang was nie so moeilik nie. Oor die algemeen neem ’n roman jou weg van jouself, in die rigting van ander mense, terwyl gedigte meer om die digterlike self wentel. Dit het tyd vir daardie verskuiwing geword. Waar…

Amori Burger word as een van SA se top-vrouesjefs beskou, en die Van der Linde-restaurant in Linden, Johannesburg waar sy as sjef werk, maak rimpels op die kostoneel. “Die doel met Van der Linde is om die gaste deel van die voorbereiding, en selfs ook die kookproses te maak,” verduidelik die jong koskunstenaar. Die restaurant het ook ’n bakkery, ’n deli, ’n jenewer- en sapkroeg en ’n wynkamer met uitsoekwyne. Benewens klassieke geregte soos lam en ansjovis (met ’n kinkel), bied sy ook uitgebreide keuses vir vegetariërs en veganiste. “Ons doen spesiale moeite met ons spyskaart – kos vir vegetariërs en veganiste is lankal nie meer net ‘bykosse’ nie, maar volwaardige, gebalanseerde en geurige geregte. “En, glo ek, sogenaamde eenvoudige bestanddele soos beet en aartappels word met die grootste respek…

DIE KUS Terwyl ons deur ou dokumentasie van my ouers gaan (wat albei oorlede is), kom ek af op ’n kortverhaal “Die Laaste Kus” wat in November 1955 in r ooi rose verskyn het! As kind was ek bewus daarvan dat my pa, Gay de Kock, ’n verhaal geskryf het, wat julle ook in ’n rooi rose -gedenkalbum ingesluit het. Ek het nog die album. Dis vir my interessant dat my pa die bladsye van die rooi rose  sowel as die kommentaar van die redakteur (November 1955) in ’n boek geplak het. (Ek was nog nie in staat om die ander gepubliseerde verhale waarna die redaksie verwys te kry nie - miskien het hy dié verhale onder ’n ander naam geskryf.) Noudat ek die verhaal vir die eerste keer gelees…

Marissa Meyer (33), produksiebestuurder, Pretoria Ek is selde op my lys van prioriteite. Daar is net te veel kommer oor alles wat kan skeefloop, of wat nog voorlê. Ek sal tyd moet afknyp om na myself om te sien. Ek sou minstens een keer per week my naels wou mooi maak. Annarine Goldie (19), student, Stellenbosch Ek dink ek is nou in ‘n tyd van my lewe waar ek daagliks aandag aan myself kan gee. Ek embrace hierdie stadium en probeer om myself so veel moontlik op te bou en aandag aan my behoeftes te gee. Ek sal byvoorbeeld elke dag oefen. As ‘n student kan ek nou die gewoonte vestig om na my eie behoeftes te luister. Hendie Grobbelaar (53), skrywer, Gouritsmond My lewe is baie rustiger vandat ek…

GESKIET BY THABA ECO HOTEL, THABAHOTEL.CO.ZA, 010 822 1874 In die tydskrifbedryf werk ons gereeld met glansmense. Sommige se natuurlike skoonheid slaan jou asem weg, ander se nederigheid is opvallend, en soms is dit van begin tot einde net ’n vreugde om saam met ’n bekende te werk. En dan is daar iemand soos Tamaryn Green, wat al hierdie boksies (en nog ’n paar ander) aftik. Sy is beeldskoon, vriendelik, uiters professioneel en nog gemaklik voor die kamera ook. Nie eens ’n onnutsige wind of ’n onverwagse reënbui tydens ons buitelugfotosessie kon haar van stryk bring nie, en wat ook al ons fotograaf wou hê sy moet doen, het sy met ’n glimlag gedoen. Een ding is duidelik: hierdie beeldskone donkerkop se voete is stewig op moederaarde. Sy is maar…

Emma Stone het ’n hees stem en groot blougroen oë waarin jy kan verdrink. Sy het hope energie en dis asof sy vir enigiets oorgehaal is. Sy lag maklik en gebruik humor om haar sterk punte te versag. Yorgos Lanthimos, die regisseur van The Favourite, sê Emma is ’n instinktiewe akteur, sy is snaaks, het goeie tydsberekening en is baie talentvol. Jy sal altyd lag wanneer jy met haar gesels. In The Favourite, wat handel oor koningin Anne, speel sy teenoor Rachel Weisz en Olivia Colman. Die fliek het skerp dialoog en handel oor politieke magstruwelinge. Sy verskyn ook in Maniac, ’n Netflix-minireeks, waarin sy vyf verskillende karakters vertolk.…

‘As jy bekommerd is oor wat mense van jou keuse van rolle gaan dink, is jy meer behep met jou beeld as akteur as met jou doel as akteur’ Die akteur Morné Visser het kleintyd glad nie in drama belang gestel nie. “Ek het die wonderlikste kinderjare gehad in Bothasig, ’n werkersklaswoonbuurt in Kaapstad. Soggens is ek met my BMX skool toe, en smiddae het ek see toe getrap met my branderplank onder my arm vasgeknyp. Ek het wonderlike maats gehad, en ons het alles van tennis tot rugby in die straat gespeel.” Ná matriek aan die Hoërskool Hugenote op Wellington is hy weermag toe, en daar het ’n toneelkompetisie hom laat dink dat drama dalk net ’n interessante loopbaan kan wees. “Ek was die enigste een wat nie my…

• Moenie die stereotipes glo nie. Parysenaars is nie onbeskof nie, hulle is net baie bedaard totdat hulle jou leer ken. • Vat jou tyd en koop by plaaslike supermarkte en restaurantjies - dit is baie goedkoper. • Goeie maniere is belangrik. Praat sagter waar jy ook al is en leer ’n paar basiese Franse woorde, soos bonjour, merci en au revoir. Dit maak nie saak as jy foute maak nie, dit word waardeer. • Flâner: Vat jou tyd. Stap ure lank, sit op ’n parkbankie, ontdek, neem waar. Moenie jou tyd in Parys net in lang toue by besienswaardighede deurbring nie. Bewonder die Eiffeltoring eerder van ’n nabygeleë restaurant. Kyk na die Eiffeltoringliggies van die Pont Alexandre-brug. • Swem by die avant garde The Molitor-hotel wat al sedert die…

Wat weet jy vir seker ná dertig jaar in die modebedryf? • Wees van die begin af eerlik met jou kliënt. Sy neem makliker kritiek van jou as van haar beste vriendin of eggenoot. • Moenie iets onrealisties “ontwerp” nie. ’n Stylvolle vrou wil nie met ’n eienaardigheid rondloop nie. Sy weet wat sy wil hê. My raad moet subtiel van modefoefies ontslae raak. • Wát ’n vrou dra is nie so belangrik soos hóé sy dit dra nie. • Ek sit steeds geen sizing in my ontwerpe nie. Jou mates definieer jou nie. Ek frons behoorlik wanneer iemand vra: Wat is my size? Ek antwoord nooit. • Suid-Afrikaanse vroue is baie stylvol, belese en ingelig.…

Ons het hom in 2016 leer ken as een van die vyf entrepreneurs op Shark Tank South Africa, M-Net se realiteitsreeks, en danksy sy praktiese sakewenke op Winslyn sal kykNETkykers hom ook herken. Toe hy by die onlangse rooi rose KANSA-tee gepraat het, kon jy ’n speld hoor val terwyl die meer as 1 600 vroue vasgenael na Marnus Broodryk (33) se inspirerende praatjie geluister het. Nie baie mense in hul twintigerjare kan met ’n miljoen rand in die bank én ’n suksesvolle onderneming spog nie, en nog minder mense kan dit sonder ryk ouers of vriende doen. Maar tog is dit presies wat Marnus, Johannesburgse entrepreneur en miljoenêr, nog voor sy 25ste verjaarsdag reggekry het. Die swaarkry van sy kinderdae, ’n sterk skeut vasberadenheid en die bereidheid om baie…

Binne jou begroting Makro bied stylvolle klere sonder dat dit jou beursie sal knak. Die klassieke style kan maklik opgekikker word vir ’n meer formele of informele voorkoms. Die eenvoudige detail gee net daardie tikkie uniekheid aan elke item. JEANS MET KRALEAFWERKING (R329; 8-18) MAKRO. Herwinbare luuksheid Die ontwerper Carrol Boyes het met Joinery saamgespan om plastiek op stortingsterreine te verminder. Altesame sewe herwinde plastiekbottels word benut vir die vervaardiging van ’n drasak. Wees op die uitkyk na die besondere reeks sakke wat deur ’n verskeidenheid groottes en besondere ontwerpe gekenmerk word. DRASAK (R795) CARROL BOYES. Die beeld van ’n STERK VROU Die modeontwerper Thebe Magugu beskryf sy ontwerpe as gesofistikeerd en eklekties. Die kleurkombinasie en silhoeët van sy ontwerpe vir die Style by SA-reeks skep ’n beeld van ’n…

Milandri de Waal, senior terapeut by Isa Wellness Sanctuary, beveel aan dat jy jou die volgende vrae afvra: • 1 HOE VOEL JOU VEL SOGGENS WANNEER JY WAKKER WORD? Dit sal wys of jou nagroom te ryk is vir jou, of dit jou vel te veel voed, of dalk nie genoeg nie. Dit sal ook wys of jy ander produkte op jou T-paneel moet gebruik. • 2 HOE VOEL JOU VEL TEEN DIE MIDDAG? Indien jy teen die middag al ’n olierige skynsel op jou vel het, is dit ’n teken dat jou vel olierig is. Dit is ook ’n aanduiding dat die produk wat jy gebruik dalk te ryk is, of nie voldoende is om jou vel gedurende die oggend te beskerm nie. • 3 HET JOU VEL AL…

Annarine Goldie Ek dink tevredenheid. Deesdae kan ’n mens jouself maklik opkeil deur heeltyd te wil byhou met die wêreld en al sy giere. Wees dankbaar vir wat jy nóú het en moenie heeltyd fokus op “as ek net dit of dat het, of bereik, sal ek gelukkig wees” nie. Daaglikse tevredenheid verseker ’n rustige en gelukkige hart. Hendie Grobbelaar Natuurlik het dieet, oefening en ’n goeie skeut van die regte gene, ’n groot invloed op ’n lang, gelukkige en gehaltelewe. Maar ek glo, veral in vandag se lewe, moet jy jou passie so vroeg moontlik ontdek. Wanneer jy dit doen waarvan jy hou, kom geluk dikwels op sy rug aangery. Marissa Meyer Ek dink dis om jou te omring met mense wat jou lewe met kleur, liefde en geluk…

Marissa Meyer Ek moes as ’n volwasse kind terug trek huis toe uit finansiële nood. Ek plaas elke maand geld in my ma se rekening oor en doen gereeld inkopies vir die huis. Ek lig haar in oor my doen en late sodat sy haar nie oor my hoef te bekommer nie. Ons het ’n baie goeie en liefdevolle verhouding en geniet mekaar se geselskap. Annarine Goldie Ek was aan die begin van die jaar in ’n koshuis, maar het nie daarvan gehou nie. Gelukkig kon ek terugtrek huis toe. Ek weet daar kom ’n stadium wanneer die ouerhuis nie meer ’n opsie is nie. Ek hoop om my eie plek hê wanneer ek 21 word. ’n Mens se ouerhuis kan nie vir altyd die backup plan wees wanneer dinge…

“Die bevalling was ’n baie stresvolle ervaring. Ons was nie een emosioneel daarop voorbereid nie. Ek het probeer om ’n dapper pa te wees, maar toe die ginekoloog met albei hande moes ruk en pluk om Cally-Jo uit te kry, was dit rof. “Ek het sedert my babadae 18 operasies gehad, onder meer gesigsrekonstruksie vir ’n gesplete lip en verhemelte, en ek word nie maklik getraumatiseer nie. Ek het wel lank gewonder of ons enigiets kon gedoen het om die trauma te voorkom. Dit is ’n feit dat die epiduraal skeefgeloop het, maar mense se liggame reageer verskillend. Dis onnodig om iemand te blameer of in ’n regsgeding betrokke te raak. Bernice se siening is dat ons dit wat gebeur het nie kan verander nie. Sy het die trauma goed…

Hier is Mia se oorsiglys met eienskappe van begaafdheid: • Ongewone wakkerheid, selfs as baba • Vinnige leerder • Uitstekende geheue • Buitengewoon groot woordeskat en komplekse sinne • Gevorderde begrip vir metafore en abstrakte idees • Geniet dit om probleme op te los • Kan hulself op voorskoolse vlak leer lees en skryf • Diep, intense gevoelens en reaksies • Uiters sensitief • Denke is abstrak, kompleks, logies en insigryk • Idealisme en ’n sin vir geregtigheid op ’n vroeë ouderdom • Besorgdheid oor sosiale en politieke kwessies en onreg • Verdiep in eie gedagtes – dagdromer • Leer basiese vaardighede vinnig en met min oefening aan • Vra indringende vrae • Uiteenlopende belangstellings of gefokus op een gebied • Hoogs ontwikkelde nuuskierigheid • Eksperimenteer graag • Kombineer idees…

Blomtuin Die treffende muurpapier is ’n sterk fokuspunt in dié slaapkamer. Die bykomstighede is kleurryk. Dit is die perfekte ontwerp vir ’n tienerdogter. 1 MEERA-SYTAFEL (R999) CORICRAFT. 2 COLOGNE-MUURLAMP (R1 799) ELEVEN PAST. 3 BED (R5 299 – R6 499) @HOME. 4 COUNTRY ROAD-RAAM (R699) WOOLWORTHS. 5 ACORUS-MUURPAPIER (R1 090) WALLPAPER INN. 6 KATOEN-OORGOOIDEKEN (R1 019) YUPPIECHEF. 7 SCARLET OLIVER-STROOIKUSSING (R399) HOUSE OF SOFIA. 8 BOERGONJE FLUWEELKUSSING (R399) HOUSE OF SOFIA. 9 YSLANDSE SKAAPVEL (R2 995) WEYLANDTS. Neutraal Die sagte grys en woestynkleure skep saam met ’n verskeidenheid teksture soos hout, sisal en wol ’n rustige atmosfeer. 1 COUNTRY ROAD-STROOIKUSSING (R549) WOOLWORTHS. 2 SISALMAT (R493,88) REBTEX. 3 HANNA DAMASK JACQUARDDUVET-OORTREKSEL (R1 699) WOOLWORTHS. 4 OLIVES-STROOIKUSSING (R399) HOUSE OF SOFIA. 5 MASSIV DESIGN- HANDGEBREIDE OORGOOIDEKEN (R1 795) WEYLANDTS. 6 SEDGEWICK-OTTOMAN (R3…

Was gibt’s Schwester?” Magriet knip-knip haar oë voor sy van die kombuisvenster af wegdraai toe sy Lodewyk se stem hoor. Die Saterdagoggend is sonnig maar Magriet se gemoed is bewolk ná die onderonsie met haar vyftienjarige suster. Berdine se laaste woorde eggo in haar gedagtes. “Jy’s nie my ma nie! Karl drop my twaalfuur. Final!” “Ag, Wyk,” sug Magriet as antwoord op haar broer se “Wat gaan aan, Sus?” “Berdine,” sê hy alwetend. “Sy kort ’n goeie kopskrop. Koffie, Schwes?” Magriet glimlag vaal. Lodewyk se geliefkoosde vakke is Duits, wiskunde, rugby en skaak – soos hy sê, “nie altyd in dieselfde volgorde nie”. “Dankie. Wanneer laas het jy haar gesien?” Lodewyk lyk verbaas. “Gisteroggend skrams by die skool, want Saksarel het my gisteraand laat eers afgelaai, anders sou hy kom…

As jou boekklub al die vrae reg beantwoord en getrek word, kry julle die boeke wat in hierdie uitgawe op ons boekrak staan, geskenk deur Graffiti. Stuur jou antwoorde na roneln@caxton.co.za met “Februarie-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam, posadres en selnommer. Vrae dalk te moeilik? Google dit! VRAE 1 “Honesty” – skrywer en sanger van die liedjie? 2 Wie het Jesus verraai? 3 Vir hoeveel? 4 Wie is die skrywer van die boek Atonement? 5 Wat beteken “atonement”? JANUARIE-ANTWOORDE: 1 Die mens is vir homself nooit snaaks/ in sy verydeling en hoop/ die liefde is ’n blinde man/ wat hinkend op sy hande loop ... Digter? Ingrid Jonker 2 Waarvoor staan MENSA? Latyns vir “tafel” of “gedagte”…

DINK TWEE KEER – JUDITH KEA. JUDITH HET ’N PRAGTIGE STEM EN WEET HOE OM DIE HARTSNARE TE TOKKEL, EN HOE OM JOU VOETE TE LAAT JEUK. SY WAS IN 2013 DIE ONTVANGER VAN ‘N STUDIEBEURS VAN DIE NEW YORKSE KONSERVATORIUM VIR DRAMATIESE KUNSTE. GAAN LUISTER GERUS HOEKOM DIÉ EER HAAR TE BEURT GEVAL HET. WHO CARES WHAT YOU THINK – OOOTH. JASON OOSTHUIZEN, VOORHEEN DIE DROMMER VAN VAN COKE KARTEL SE DEBUUTALBUM HET PAS DIE LIG GESIEN.HY IS DIE VOORSANGER EN, GLO MY, DIE MAN KAN SÍNG! IN 2018 HET HY SY DROMME VIR ’N GIBSON-KITAAR VERRUIL. HY IS ’N KUNSTENAAR WAT AAN DIE “OU MANIER VAN ROCK ’N ROLL” GLO, MET ’N GEPASTE, LIRIESE INVALSHOEK. KOM KUIER SAAM – GNT. GINO EN THYS SE MUSIEK VAL GEMAKLIK OP…

Die somerse middag is liggeel soos tee. Terwyl ek aan die inksketse vir my kunsuitstalling werk, sit my seuns saam met my op die sonnige stoep by die blommende pers petria en verf op die afvalstukkies van my goeie Hahnemühle-papier. Hulle verf dinosourusse en drake vir ’n kaartspeletjie wat hulle uitgedink het. Toe ons almal moeg gekuns is, maak ek eers gou tee. Ek brou die laaste vyftien jaar al tee in ’n fluitketel op die stoof. Dis my eie konkoksie: ’n steranys, vyf naeltjies, ’n gekapte rou gemmerwortel so groot soos my duim, ’n kaneelstokkie en rooibostee. Een keer per week vervang ek die hele spul met vars tee en speserye. Troostee, noem ek dit. Ons gesin drink elke liewe dag ’n koppie of twee met of sonder heuning…

WAT IS LAKTOSEINTOLERANSIE? Laktose-intoleransie is nie ’n allergie vir koeimelk nie. Mense met laktoseintoleransie beskik nie oor die ensiem laktase – wat melksuiker genaamd laktose – afbreek nie, en veroorsaak simptome soos opgeblaasdheid, gas en los stoelgange. Hierdie simptome volg gewoonlik binne 30 minute tot 2 uur nadat suiwel ingeneem is. ’n Koeimelkallergie, daarenteen, is ’n abnormale reaksie van die immuunstelsel teen die proteïene in koeimelk en simptome verskyn gewoonlik baie gou ná inname. WAT IS DIE SIMPTOME VAN LAKTOSE-INTOLERANSIE? Nie almal is dieselfde nie en daar is uiteenlopende simptome en reaksies indien jy laktose-intolerant is. Aan die een kant kan klein hoeveelhede laktose intense simptome soos abdominale krampe veroorsaak, terwyl ander slegs minimale ongerief ervaar. Maar die algemeenste simptome is diarree, naarheid en partykeer braking, maagkrampe, opgeblaasdheid en gas.…

SO ONNODIG Seker een van die grootste foute wat ouers kan maak, is om hul kinders met mekaar te vergelyk of teen mekaar af te speel. Ek dink nie dis nodig dat kinders moet hoor dat een mooier of slimmer as die ander een is nie. Kinders in ’n gesin let self die onderlinge verskille op, maar dis nie lekker om daaraan herinner te word nie. As jy hoor jou suster gaan eendag die mooiste bruid wees, smoor dit die dogtertjiedroom in jou eie hart. Nog hartseerder is as ouers se optrede ’n wig tussen kinders indryf en hulle nooit ’n spesiale band vorm nie. Miskien is dit nie algemeen nie, maar dit was in ons huis die geval en vandag pluk ons steeds die wrang vrugte daarvan. Al wat…

Tamaryn was besig met die sesde en finale jaar van haar mediese studie toe sy as Suid-Afrika se mooiste aangewys is. Die Universiteit van Kaapstad het haar toestemming gegee om haar studie tydelik te onderbreek, maar sy is vasbeslote om haar graad te voltooi en die gemeenskap as mediese dokter te dien. “My vriende het onlangs gehoor by watter hospitale hulle volgende jaar hul praktiese jaar moet gaan doen. Ek het so ’n bietjie melancholies gevoel toe ek dit hoor. Maar ek weet God het ’n ander plan en tyd vir my in gedagte. Ek glo alles in ’n mens se lewe gebeur om ’n rede.” Dis juis hierdie ingesteldheid wat daartoe gelei het dat sy besluit het om haar bekendheid in te span vir bewusmaking oor tuberkulose. Dié siekte…

Verskille en andersheid in ’n verhouding is gesond. Die paartjies met wie rooi rose gesels, meen ’n verhouding word gevoed deur die verskille tussen mense. Almal is dit eens dat paartjies mekaar ruimte en privaatheid moet gun sodat elkeen se individualiteit behoue kan bly. Praat met mekaar en luister na mekaar. Kritiseer, onderskraag en beredeneer ’n kwessie. Skep vir mekaar ruimte en versterk die romanse met wedersydse respek, eerlikheid, vertroue, opregte vriendskap en onvoorwaardelike liefde. Dit verg volgehoue, ononderbroke toegewydheid. En veral hárde werk! ALTUS EN ZETSKE Hul kreatiwiteit klee hul huis in Westdene, Johannesburg kwistig in. Albei is vaardig met doen-ditself-projekte. Hy is knap met houtwerk en sy het ’n slag met kuns. Sy is die beter kok en hy is die braaier. Hul seuntjie, die twee-en-’n-half-jaar oue Alexander,…

Morné deel sy lewe met Kirsten Koopman, ’n geoktrooieerde rekenmeester. “Sy is my partner-in-crime. Ons doen alles saam.” Morné se twee kinders uit ’n vorige huwelik - sy seun Kahlil (17) en dogter Maya (14), asook Kirsten se dogter Isabelle (11) woon by die paartjie in hul huis in Observatory, Kaapstad. Sy ma se kos bly vir hom die lekkerste, maar hy is ook nogal handig in die kombuis, vertel Morné: “Of dit nou ’n smoothie is vir my beste vriend, die akteur David Isaacs, of ’n kerrie vir my kinders, of ’n bredie vir Kirsten - daar is liefde in kos maak.” Daar is drie goed wat hy daagliks probeer doen, al is sy dag ook hoe vol. “Ek hou daarvan om my dag met ’n koppie koffie op…

• Besoek die groot kosmark elke Sondagoggend by Place d’Italie in die 13de distrik. • Gaan na die grootste Paryse vlooimark, Marché aux Puces, in St. Ouen. • Gaan drink koffie by een van die oudste koffiehuise in Parys, Café de Flore, in die bekende boulevard St. Germain. • Bestel ’n drankie op die boonste verdieping van die Novotel Vaugirard of die Peninsula-hotel - albei het panoramiese uitsigte oor die stad en toegang is gratis. • En daar is iets magies daaraan om in die Père Lachaisebegraafplaas rond te loop, die laaste rusplek van Oscar Wilde, Jim Morrison, Edith Piaf, Chopin ...…

“Ek glo dat dit wat ’n mens werklik nodig het, reeds in jou is. Dit sit hier binne jou, gereed om herontdek te word.” • Oor mode, styl en ware styl: Styl is daardie X-faktor. Dit kan nie maklik in woorde opgesom word nie maar as ek móét: Mode is wat die wêreld sê. Styl is wat jy sê. Ware styl is hoe jy dit wat beskikbaar is, interpreteer. • Wees skoon, netjies, kam jou hare. En sê "asseblief" en veral "dankie". • Jy hoef nie altyd nuwe, duur klere aan te skaf nie. Dikwels is dit net nodig om dit wat jy het weer te versorg, op te vars en skoon te maak. • Aanvaar jou liggaamsvorm. ulee dit, gestroop van onnodige foeües. • Glo in jou gut feel.…

• “Entrepreneurs moet meer áán hul besighede werk as in hul besighede.” Dus, sodra jy dit begin het en alles goed aan die gang is, stel die regte mense aan, gee duidelike instruksies en vertrou hulle vir die dag tot dag sake terwyl jy die besigheid uitbrei. • Maar groot is nie altyd beter nie. “Dis ook piekfyn as jy eerder ’n klein, beheerbare besigheid wil hê.” • “Een van die slimste dinge wat ons nog ooit gedoen het, is om ons personeel behoorlik te beloon,” vertel Marnus. Hy glo aansporings werk soos beleggings. Wanneer almal in jou personeel dit aan hul sak voel as ’n kliënt sy besigheid wegneem, stel almal baie meer belang om goeie diens te lewer en na kliënte om te sien. • “Gee erkenning as…

Navorsingsresultate wys: Vroue verkies lewensmaats wat gemiddeld drie en ’n half jaar ouer is, terwyl mans voorkeur gee aan vroue twee en ’n half jaar jonger. Op ’n onbewuste vlak soek vroue iemand wat hulle finansieel kan versorg; mans soek vroue wat suksesvol kan reproduseer. Die huwelik verhoog mans se lewensverwagting. Nege uit tien getroude mans van 48 sal nog op 65 in ons midde wees, terwyl slegs ses uit tien 48-jarige alleenlopers 65 sal haal. Die kans dat geskeide mans of wewenaars hertrou, is vier keer hoër as dié van geskeide vroue of weduwees. Getroude mans rapporteer meer lewensbevrediging as ongetroudes, terwyl enkellopende vroue gelukkiger as getroudes meet (!) Mans in ’n stabiele verhouding se testosteroonbasislyn verlaag: getroude mans het gemiddeld laer testosteroonvlakke as enkellopende mans. Maar sodra die…

ROOI LIPSTIFFIE Die regte rooi lipstiffie kan jou dadelik gesofistikeerd en selfversekerd laat lyk. “Toets soveel moontlik skakerings van rooi. Die een wat jou gewaagd laat voel en selfvertroue gee, is die een vir jou,” sê grimeerkunstenaar Kelly Paitaki. “Tik ’n bietjie lipstiffie in die middel van jou lippe aan en smeer dit liggies uit as jy nie vir ’n vol rooi mond lus is nie.” • CHANEL ROUGE ALLURE LIQUID POWDER IN 956 A BRIGHT RED (R615) IS KELLY SE GUNSTELING, WANT DIT KAN AS ’N LIPVLEK OOK GEBRUIK WORD. • YARDLEY INTENSE ROUGE LIPSTICK IN CRUSH (R89,95). • CATRICE ULTIMATE LIP COLOUR IN 310 RED MY LIPS (R79,95). • GOSH VELVET TOUCH LIPSTICK MATTE (R147). • SISLEY HYDRATING LONG LASTING LIPSTICK L33 ROUGE PASSION (R715). • ELIZABETH ARDEN…

VOLLER LIPPE Ons is gaande oor die skakerings en romerige glansformule van REVLON KISS PLUMPING LIP CRÈME (R99,95, BESKIKBAAR IN 10 KLEURE). Daarby bied die stiffie meer as net mooi kleure: die glans laat ook jou lippe voller lyk. STERKER en plomper Eucerin se nuwe Hyaluron-Filler + Elasticity-reeks is spesifiek ontwikkel vir ouer velle en alle veltipes, ook vir sensitiewe velle. Dermatologiese vullers was die inspirasie vir dié reeks, wat help om jou vel sterker, fermer en meer elasties te maak. EUCERIN HYALURON-FILLER + ELASTICITY FACIAL OIL (R419,99 VIR 30 ML). DAY CARE (R389,99 VIR 50 ML). NIGHT CARE (R389,99 VIR 50 ML). FERM en VARS KALAHARI FERULIC CEB+ SERUM (R320) bevat plant bestanddele wat help om jou vel te lig (danksy die hawermoutekstrak). Dit verminder ook pofferigheid en die…

In Borskankermaand het rooi rose, KANSA en SPAR weer eens hande gevat en die 36ste KANSAtee in Pretoria aangebied. Sowat 1 600 vroue het bymekaargekom en saamgekuier en op dié manier meer as R420 000 vir Kansa ingesamel. Die seremoniemeester, Daniella van Heerden, het toegesien dat die verrigtinge vlot verloop, terwyl ons gassprekers, Marnus Broodryk en Simoné Nortmann, hul raad en persoonlike stories met die gaste gedeel het. Twee besonderse kunstenaars, Jay en Franja du Plessis, het die gaste vermaak en die dag ekstra spesiaal gemaak. Hierdie byeenkoms sou nie so ’n reuse-sukses gewees het sonder die ondersteuning van al ons borge, gasvroue, gashere, helpers en ander rolspelers nie. Ons sê baie dankie aan elkeen van julle vir die rol wat julle in die sukses van hierdie dag gespeel het.…

STEM JA OF NEE OP ONS VRAAG IN “WAT DINK JY” EN JY KAN ’N DERMALOGICA-GESKENKPAK VAN R3 000 WEN. DIE GEMIDDELDE VOLWASSENE VERLOOR AMPER ’N HALWE LITER VOG PER DAG DEUR DIE VEL. VOEG SKADELIKE OMGEWINGSFAKTORE EN BESIGE LEEFSTYLE DAARBY EN DIS TE VERSTANE DAT VOGROME MEER MOET DOEN AS NET DIE VEL HIDREER. DERMALOGICA SE NUWE SKIN SMOOTHING CREAM IS ’N TEGNOLOGIES GEVORDERDE VOGROOM WAT AL HIERDIE KWESSIES TAKEL DANKSY DIE ACTIVE HYDRAMESH™-TEGNOLOGIE DAARIN WAT DIE VEL 48 UUR LANK GEHIDREER HOU. BESOEK DERMALOGICA.CO.ZA VIR MEER INLIGTING. VRAAG: KEN JY ’N BEGAAFDE KIND? BESOEK VANDEESMAAND ONS WEBBLAD, ROOIROSE.CO.ZA EN KLIK OP “WEN” EN DAN “WAT DINK JY”.…

VALENTYNSOENTJIES MET WHISKY-KARAMELSOUS GENOEG VIR 24-30 SOENTJIES • 300 ml melk • 50 g witsuiker • 10 g kitsgis • 450 g broodmeel • 50 g kakaopoeier • 7,5 ml sout • 90 g botter, by kamertemperatuur • 500 ml olie vir diepbraai 1 Verhit die melk oor lae hitte in ’n klein kastrol tot liggaamstemperatuur. Toets die melk met jou vinger - jou vinger moenie brand nie, anders sal die hitte die gis doodmaak. 2 Gooi die melk in ’n maatbeker en meng die suiker en gis daarby. 3 Gooi die meel, kakao en sout saam in die mengbak van ’n elektriese menger met ’n deeghaak. 4 Gooi die louwarm melkmengsel by die meel en meng tot die deeg bymekaarkom maar nog nie glad is nie. Voeg die botter…

MENS, DIER, DING – Alfred Schaffer (H&R) Ons weet maar min van die legendariese geskiedkundige figuur Shaka Zulu. Daar word dikwels na hom verwys as ’n gesaghebbende maar ongevoelige krygsman en strateeg – uitvinder van die kort assegaai. Maar sy lewe verteenwoordig ook dié van asielsoeker, vlugteling, digter, weeskind, ’n sieklike man, ’n slagoffer van kolonialisme. Kon hy regtig ’n gloeiende vuur met sy kaal voete uitdoof en was visvang sy stokperdjie? Het hy inderdaad skaak gespeel? In dié vertaling van Schaffer se bekroonde gelyknamige Nederlandse bundel, ondersoek die digter die mite van Shaka deur kort dagboekinskrywings, monoloë, herinneringe, briewe en dagdrome. Shaka word vergestalt as ’n kleurryke figuur; die mites rondom sy geskiedenis word omgedop en ondermyn, en eindelik, soos almal van ons, word hy akteur in sy eie…

Gewere en ROSE ’n Huldeblykvertoning aan die musiek van die supergroep Guns N’Roses – wat onlangs voor 55 000 mense in Johannesburg gespeel het – gaan landswyd onder leiding van Jason Oosthuizen aangebied word. Dié voormalige drommer van Van Coke Kartel het sy eie produksiehuis, en het ook ’n solo-album as Oooth uitgebring. ’n Ongelooflike groep musikante is betrokke, insluitend Clint Falconer van Dan Patlansky-faam, Werner Bosman van Jesse Clegg en Jason self. Die vertoning skop op 27 Februarie in Pretoria af by die Rockwood-teater. Heerlike klassieke rock-musiek! Kaartjies by rockwoodtheatre.co.za KAAPSE KUNS Meer as honderd galerye en uitstallers van oral in Afrika en die res van die wêreld gaan deelneem aan die Investec Kaapse Kunsmark wat van 15 tot 17 Februarie by die Kaapse Internasionale Konvensiesentrum (KIKS) aangebied word.…

Die geniale George Eliot (skuilnaam vir Mary Ann - ook Marian - Evans ) het onder ’n mansnaam fiksie geskryf omdat sy nie beïndruk was deur die vroueskrywers van haar tyd nie. Sy wou immers hê dat haar skryfwerk ernstig opgeneem moes word. En vandag word Middlemarch steeds as een van die grootste romans in die Engelse letterkunde beskou. Volgens Brittanica.com was dit dié Victoriaanse romanskrywer wat die metode van sielkundige ontleding ontwikkel het en vandag steeds kenmerkend van moderne fiksie is. Sy was nog ’n dogtertjie toe haar pa al besluit het dat sy ’n akademiese opvoeding moet kry omdat hy gedink het sy is so onaantreklik dat sy nooit ’n man sal kry nie en gevolglik vir haarself sou moes sorg. Haar pa het haar met dié besluit…

AARBEIMELKSKOMMEL Genoeg vir 2 – 3 MELKSKOMMEL 6 skeppies (omtrent 2 koppies) gekoopte vanieljeroomys 2 x 300 ml-bottels Super M-aarbeigeur OPDIENING 1 x 250 g / 244 ml-blik Clover UHT-geklopte room vars aarbeie vars frambose gekoopte pienk meringues 1 Melkskommel: Skep die roomys in ’n voedselverwerker (of ’n beker as jy ’n stokmenger gaan gebruik) en gooi die bottels Super M bo-oor. Meng goed tot glad en skink dan in 2-3 glase van jou keuse. 2 Opdiening: Sit ’n goeie skep geklopte room op elke skommel en versier met die vars aarbeie, frambose en heel en gebreekte meringues (wees kreatief!) 3 Sit dadelik voor en geniet! Super M is ‘n vullende en perfekte drankie en versnapering. Super M-gegeurde melk is beskikbaar in vier verruklike geure: sjokolade, aarbei, piesang en cream…