Innholdsfortegnelse for Oktober 2018 i Rooi Rose

EK HET NOG NOOIT aan myself gedink as besonder “gelukkig” as dit by wen kom nie. Ek het in my kinderdae presies een keer iets by ’n basaar gewen: ’n bottel ingelegde lemoene. “Gelukkig” hou ek van marmelade, maar so ’n wen verryk hoogstens ontbyt vir ’n paar weke, veral as die hele gesin saameet. As jong volwassene het ek een keer ’n lappieskombers gewen in ’n gelukkige trekking ten bate van ’n ouetehuis. En toe heelwat later in my lewe ’n wasmasjien as tweede prys in ’n kompetisie by ’n bekendstelling. Dit sou hier dalk van pas wees om te bieg dat ek nou nie juis ’n gewoonte daarvan maak om vir kompetisies in te skryf nie ... Daarby is dit ook seker belangrik om te erken dat ek…

“Hierdie rooi rose-voorblad- shoot was een van my lekkerstes. So ’n goeie en aangename span dames en lekker atmosfeer. Wat ’n voorreg om vir ’n dag deel van die glanstydskrif te kon wees.” • Ons het almal bagasie! Of dit nou in Louis Vuitton-tasse gepak is of in ’n Dis-Chemgrimeertassie. Dis daar. Is joune al uitgegooi, uitgesorteer, of weggegooi? Of staan jou bagasie al jare lank bo in die kas en muf ? Noem dit op sy naam en hanteer dit. Nou! • Elke geleentheid het ’n rakleeftyd. Benut elkeen wat na jou kant toe kom. • As jy as “mal” geklassifiseer word omdat jy ’n maaltyd om mayonnaise beplan, of die nuusleser op die kassie teruggroet, so be it! Einstein het…

Vanjaar is die veertigste herdenking van Grease . Jy het seker soveel goeie herinneringe aan die maak van die fliek? Ek was 18 toe ek die musiekblyspel-weergawe van Grease op Broadway gesien het. ’n Jaar later het ek by die dansers aangesluit en sommer ook ’n klein rolletjie daarin gekry. My geheime passie en droom was om eendag Danny in die fliekweergawe te speel. Dié droom het so baie vir my beteken, want my tienerjare was vir my ’n baie moeilike tyd. Dit het my baie hoop gegee omdat ek iets gehad het om na uit te sien. Terwyl ek my agtergrondrolletjie vertolk het, het ek die hoofspelers fyn dopgehou om te sien hoe hulle dit doen. Ek het die beste deel van elkeen se optrede my…

RIKU EN JACKIE LÄTTI SE WASGOEDLYN Op pad na hul huis in die Strand, ry jy verby woonstelblokke met name soos Blinkwater, Oranje en Welgelegen. Kronkel-kronkel in die rigting van klank, agter die musiektowenaars aan tot in die huis waar soveel musikante al kom saamsnoer het. Riku Lätti is deur berge en dale sedert sy dae as filosofiestudent aan Wits. “Ek het nooit bedoel om musiek te maak nie en wou in die akademie gaan.” Maar ’n mens vermoed dat genetika sy behoefte bepaal het om heeltyds ’n orkes aan die gang te hou. Sy Estoniese voorsate was musikante, en hoewel musiek vir sy ma verpligtend was, het sy haar kinders laat begaan. “My fokus was nog altyd om iets nuuts te probeer skep. Ek het nog nooit in ’n…

KRY JOU TYDSKRIF DEUR DIE POS • Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Donderdag tussen 08:00 en 16:00, Vrydae tussen 08:00 en 15:30 as jy wil inteken. Navrae: e-pos subs@magsathome.co.za 4 REDES OM OP ROOI ROSE IN TE TEKEN 1 Jy spaar 35% - 45%. 2 Jy…

Die tennisbaltruuk: Hier is ’n lekker een vir rug-, skouer en voetpyn: Staan teen ’n muur en glip ’n tennisbal tussen jou rug en die muur in. Rol jou rug oor die bal en masseer so al daardie knoppe uit. IS JY MET DIÉ KANKERWEKKERS IN KONTAK? Kanker neem toe om redes soos dat ons al ouer word. Maar dit het ook te doen met daardie kankerwekkers waarmee ons elke dag in kontak is – baie keer uit eie keuse. Kyk net na hierdie algemene stowwe wat die IARC (International Agency for Research on Cancer, ’n afdeling van die WGO) as kankerwekkers klassifiseer. Ons hou die name in Engels, vir maklike opsporing. Almal van hulle is besliste karsinogene of hoogs waarskynlike karsinogene, met ander woorde die navorsers is oortuig van…

GOUE GOEDHEID Olyfolie se gesondheidswaarde is alombekend, en Olive Pride is boonop trots Suid-Afrikaans. Die olyfolie is ’n versnit van vier variëteite: coratina, leccino, frantoio en mission en is heerlik op slaaie of warm kos. ’n Bottel van 500 ml kos sowat R90. SPEEL KLAAR MET SPANNING Aromadough is natuurlik WEN en die sagte deeg is met helende aromatiese olies deurweek. Happy bevat ’n mengsel van malva, pomelo en peperment wat jou gemoed lig, en Calm bevat laventel, sitronella en lemoenblomolie wat jou kalmeer. Die deeg is gemaak van kakaobotter, klapperolie en byewas en bevog jou hande terwyl jy daarmee speel. Sowat R70. Besoek aromadough.co.za vir verskaffers en bestellings. Tien rooi rose-lesers kan elk ’n geskenkpak met Calm en Happy Aromadough (ter waarde van R140) ontvang. SMS net Aromadough na…

Dis vir soveel ouers moeilik om tieners met vertroue die ruimte te gee om onafhankliker te raak en hul eie besluite te neem. In die storm van ’n moeilike oomblik, kan ’n mens onbedoeld en onnadenkend dinge sê wat jou kind en jul verhouding skaad. Alle mense maak foute. As dit gebeur, is dit net belangrik om dit te erken en om te sê jy is jammer; vergewe my asseblief. Hoe beter ’n ouer se verhouding met sy tiener is, hoe groter is sy invloed op sy kind se lewe. 1 Vergewe my asseblief, my kind. Ek is jammer, ek het nie reg opgetree nie. 2 Ek is lief vir jou, maak nie saak wat gebeur nie. Jy is nie alleen nie, ons is hier as jy ons nodig het,…

“Ons is nou die eerste keer eerlik met mekaar,” sê Linda* ná sy en haar man ’n jaar lank uitmekaar was voor hulle weer met berading hul huwelik van 35 jaar kon red. ’n Onbenullige argument was die laaste strooi, en jare se onuitgespreekte wrokkighede het na die oppervlak geborrel. “Ek het eers ’n berader gaan spreek om uit te werk wat ek uit die verhouding wil hê, en daarna het ons saam sessies gehad. Ons volwasse seun het ook van die sessies bygewoon omdat hy woedeuitbarstings oor van die kwessies in die huwelik gekry het. Ek en my man is albei baie nugter en vir die eerste keer práát ons werklik met mekaar en vee nie net die probleme onder die mat in nie. Ons het iemand nodig gehad…

Dit wat KOSBAAR is Hoewel ek deesdae baie dankbaarheid heg aan elke nuwe sonsopkoms, elke sonsondergang, en elke asemteug, is my kosbaarste ervaring die bollemakiesie wat my hart maak wanneer ek ’n onverwagse of ongevraagde, hartstogtelike drukkie van een van my kinders of my vrou ontvang. Gelykstaande hieraan, ag ek dit kosbaar wanneer my kinders my in die aande herinner om vir hulle individueel te bid, wanneer hulle uiteindelik bed toe gaan. Dit stroop my onmiddellik van enige negatiewe gevoelens en stem my positief vir enige uitdaging wat wag. Om goedheid en guns tussen vreemde mense waar te neem is vir my ook baie kosbaar, veral wanneer dit ontneem is van enige selfsug of eie gewin. Ook op my lys is die onmisbare geskenk van kosbare oomblikke gedeel met my…

Montego, reeds ’n vertroude naam as dit by hondekos kom, se jongste produk, Field + Forest™-hondekos, is geformuleer volgens ’n bloudruk van honde se oerdieet. Montego gebruik slegs die beste bestanddele, en die formules bevat nie minder nie as 60% premium proteïen, met vleis as die hoofbestanddeel. Die ander 40% bestaan uit groente soos botterskorsies, keker-ertjies, wortels en ertjies, en vrugte soos appels, lemoene en bosbessies, asook gesonde grane, kruie en vitamien- en mineraalaanvullings. Die handelsmerk se Protein Centric™-benadering saam met die Guided by Nature™-beginsel verseker ’n gluntenvrye dierekos sonder onnodige byvoegings. Dis beskikbaar in drie kombinasies: Turkey + Duck, Game + Lamb en Salmon + Tuna. Beskikbaar by troeteldierwinkels.…

Nader ’n troufotograaf en sê jy wil net ’n geleentheidspakket hê waar die fotograaf begin neem sodra die bruid in die kerk loop en tot ná die toesprake. Jy gaan steeds oorgenoeg foto’s hê. Selfs topfotograwe wat pakkette van meer as R30 000 aanbied, is bereid om dit vir tussen R5 000 en R8 000 te doen as dit naby is en hulle die trouplek ken. Sommige fotograwe is bereid om op Vrydae, Sondae of in die middel van die week vir minder te werk. Hulle skiet ook graag unieke geleenthede sodat hulle dit as deel van hul portefeulje kan gebruik. As jy iets besonders doen, bied aan dat hulle die foto’s in artikels kan gebruik en beding ’n beter prys.…

Reisgidse sê as jy volop olifante wil sien, moet jy mik vir die oewer van die Chobe-rivier in die Namibiese Kasikabewaringsgebied. Daar is immers meer as 160 000 van dié reuse in die omgewing. En sowaar, toe sien ek in twee dae nie ’n enkele olifant in die gebied nie. Dit was Februarie, reëntyd, en die oomblik toe ons aan die Namibiese kant van die reservaat aan wal stap, trek die wolke saam en dit begin reën. En reën, en reën … Gelukkig het ons groepie Suid-Afrikaners darem al heelwat olifante in ons lewe gesien. Ons het nou wel nie die massas diere gesien wat die geval in die droër maande sou wees nie, maar dit het ons die geleentheid gebied om met nuwe oë te kyk, en op ’n…

’N SKERFIE GLAS – Erika Murray-Theron (Protea) Die geliefde en befaamde skrywer het al ’n hele hopie indrukwekkende letterkundige pryse op haar kerfstok, en tog bly haar boeke leesbaar, menslik en gewild. In hierdie semioutobiografiese boek wou sy weet waar die vroue in haar familie vandaan kom – en wat hul uitwerking op haar lewe en die soort mens wat sy geword het, was (en is). Daar is groot vrae, soos hoe trauma soos die Anglo-Boereoorlog op haar familiegeskiedenis en genepoel ingewerk het. Theron se ouma Issie is in 1885 gebore, aan die vooraand van die Boereoorlog. Daarna is sy deur twee wêreldoorloë, en het die ontploffing van tegnologie en wetenskap meegemaak. Sy het na ou kookboeke, aantekeninge, foto’s, familieherinneringe, albums en briewe gekyk, en ’n vrou ontdek wat deur…

OPE HANDE Die gewilde Kamers/Makers se “Year of The Open Hand” is gereed vir sy somerseisoen, en soos altyd bied hulle handgemaakte produkte, verrassings en goeie idees! Die vorige Johannesburgse skou by die St David’s Marist Inanda-venue het meer as 16 000 besoekers gelok. Vanjaar is daar ’n klomp nuwe verkooppunte: Bloemfontein van 26-30 Sept. by die Monte Bello-landgoed; die Wynland-somerskou op die Blaauwklippen-landgoed naby Stellenbosch van 30 Okt. – 4 Nov., asook die jaareindfees in Pretoria van 4 – 9 Des. by die Cornwall Hill College in Irene. Kaartjies by plankton.mobi of by die hek. kamersvol.com | shop.kamersvol.com | facebook.com/kamersvol TIERLANTYNKIES Op 27 Sept. - 2 Okt. is Lorette, Elmien en Ronel terug met hul unieke invalshoek op alles wat kreatief is en hul passie om mense te bemagtig.…

Die regisseur, Daryne Joshua ( Noem my Skollie ), en Amy Jephta, die draaiboekskrywer, het die prent so outentiek moontlik gemaak. Ellen Pakkies was deurentyds betrokke en Amy het insette van haar gekry. Die prent is binne ses weke in die Pakkies-huis en in die hokkie waar Abie doodgemaak is, geskiet. Die span het ook in Pollsmoor, die Wynbergse streekshof, Steenberg-polisiekantoor en in en om Lavender Hill geskiet. Die rolprent is reeds oorsee vertoon, onder meer by die Rotterdamse Internasionale Rolprentfees, asook die jaarlikse Seattle Internasionale Rolprentfees (SIFF) in Amerika.…

SOEK Prediker in die Bybel vermaan ons om nie haastig te wees om jou te vererg nie. Tog het elke mens mos maar iewers in sy vlamkas ’n kort lont wat terstond kan ontplof. Myne ontplof wanneer ek na iets moet soek. Ek beskou my as besadig en wanneer ek in Dwarskersbos draai, is my gemoed selfs nog vrediger. Die las van die dinge waarop ek my gedagtes hou, vervaag dan. Maar om terug te kom by “soek”. Vanoggend soek ek ’n eierspaan toe ek eiers bak. Ná ’n paar laaie oopgeruk is, draai ek toe maar die eiers met twee vurke om. Met wrewel moes ek toekyk hoe die eiergeel begin loop, en my gemoed is terstond ontwrig. Wat word van die goed wat elke dag in ’n huis…

LASER BEAUTIQUE WEN met Laser Beautique: Een gelukkige leser kan ’n pynvrye laser-haarverwydering by the Laser Beautique wen. Hierdie prys ter waarde van R4 980 sluit ’n onderarm-, Hollywood bikini- en beenhaar-verwydering in. ‘rooi rose’- WINKEL Is jy op soek na ’n unieke geskenk vir jouself of iemand spesiaals? Gaan maak ’n draai by ‘rooi rose’ se aanlynwinkel: rooirosewinkel.co.za AGTER DIE SKERMS Ons het op ons voorbladfotosessie groot pret saam met die lieflike Leandie du Randt Bosch gehad. Kyk op ons webblad wat haar gunstelinguitrusting vir die fotosessie was. ‘MOOIMAAK’ met Clare Wiese-Wentzel Die tweede seisoen van Clare Wiese-Wentzel se program ‘Mooimaak’ is nou op kykNET te sien. ‘rooi rose’ is die mediavennoot vir die gewilde program. Besoek ons webblad en sosiale mediablaaie om saam met…

Herbruikbare strooitjies PLASTIEKSTROOITJIES IS EEN VAN DIE GROOTSTE SONDAARS WAT DIE WÊRELD BESOEDEL. KOOP LIEWER ’N HERBRUIKBARE WEERGAWE, DAAR IS HOPE WAARUIT JY KAN KIES. HET JY GEWEET? Meer as 1 miljard strooitjies word elke dag wêreldwyd gebruik en weggegooi. Strooitjies is nie bioafbreekbaar nie, ná honderde jare in die son breek hulle net in klein stukkies op. Daar is meer as 18 000 stukkies plastiek in elke vierkante kilometer van die oseaan. Die Two Oceans Aquarium het ’n #strawsuck- veldtog begin om mense bewus te maak van die permantente, verwoestende skade wat strooitjies net in die wêreld se oseane aanrig. Ter ondersteuning van die veldtog het hul vennoot, Ocean Basket, begin om plastiekstrooitjies en wegneemsakkies uit te skakel. En wat van die WINKELS? Groot maatskappye begin die druk voel…

Wanneer John Travolta by ’n vertrek instap, kom jy onmiddellik agter dat daar meer energie in die vertrek is. Hy laat jou aan ’n hondjie dink wat gereed is om te speel. Sy ligblou oë dans asof hy hom verkneukel aan ’n private grappie wat hy vir jou wil vertel. Hy het in Cannes, Frankryk, met rooi rose gesels oor sy loopbaan, sy huwelik en sy seun, Ben, wat ook by die onderhoud was. Hy is tans te sien in die prent, Gotti , teenoor sy vrou, Kelly Preston, met wie hy al 27 jaar getroud is. Dis die derde keer dat Kelly saam met haar man werk. Sy het gesê die feit dat hulle ’n “regte” paartjie is, het hul karakters sterker gemaak en dat dit meer pret en…

Askham is ’n klein dorpie in die legendariese Dawid Kruiper-munisipaliteit. Die dorpie lê na aan die Moloporivier in die rooi Kalahari-woestyn, sowat 200 km noord van Upington. Hier word jy gewoond aan oggendtemperature van -9 °C en die onvermydelikheid van gevriesde krane. ’n Donkie word buite gestook om vir jou ’n warm stort moontlik te maak, en jy slaap langs die houtstoof in die kombuis en drink soet tee teen die koue. Askham is piepklein maar daar is ’n boeregemeenskap wat raakvat. Hulle het algar vir elke fotosessie meubels en kos na die duine buite die dorp aangedra. Die boervroue in die geweste ken van swaarkry. Hier is geen haarsalonne of winkels waar jy jou inkopies kan doen nie. Hul naaste dorp is Upington wat sowat 200 km daarvandaan is.…

Wat ek my studente wil leer, is om hulself te verstaan. Innerlik én uiterlik. Eers dán kan jy ’n ander karakter word Grant Swanby (51) is eersdaags op die silwerdoek te sien in Recce, ’n fliek wat hom in die Grensoorlog afspeel. Maar hierdie Engelsman, wat in Isidingo bekendheid verwerf het as Ryno Broekhuisen, is geen onbekende vir Afrikaanse TV-kykers nie. Lesers sal hom waarskynlik onthou vir sy vertolkings in Die Boland Moorde, Modder en Bloed en Sara se Geheim. Grant, die jongste van vyf kinders, het in Durban grootgeword. “My pa was in die drukkersbedryf en my oorlede ma ’n sekretaresse,” vertel hy uit Kaapstad waar hy en sy bekende aktrise-vrou, Nicola Hanekom, woon. Ná sy dramastudie aan die Natal Technikon (deesdae DUT) het Grant die verhoog aangedurf. “My…

Sy is in 1998 in Bellville gebore, maar woon sedert 2008 op Mosselbaai. Haar pa, Francois, het voorheen sy eie bou-onderneming gehad en ook in rekenaarprogrammering gewerk, maar bestuur deesdae haar en haar skilder-ma, Maria, se webwerwe en Maria se kunsgalery. Katinka is die oudste van drie kinders, en die enigste dogter. Sy woon in ’n woonstel by haar ouerhuis, van waar sy haar verskillende ondernemings bedryf. Katinka is ’n videograaf wat in troues spesialiseer, sy het haar eie YouTube-kanaal (met byna 27 000 volgelinge) en is ’n sosiale media-influencer met verskillende rekeninge (op haar amptelike rekening het sy meer as 57 000 volgelinge). Sy het haar eie videoproduksiemaatskappy en spesialiseer in redigering, en sy verkoop ook vintage klere en bykomstighede onder haar Golden Olden Finds-vaandel. Haar jongste onderneming is…

1 ROOMYS- EN PASTELKLEURE PASTELKLEURKUNS Haarkleure in al wat ’n pastelskakering is, is al ’n hele paar jaar lank te sien en bly gewild. Maar saam met die nuwe lente het daar ook ’n nuwe manier van kleuraanwending gekom. Al die hare word nie meer net met pastelskakerings gekleur nie, want in die nuwe seisoen word daar veral met verskillende kleurtegnieke geëksperimenteer. Op die hooffoto kan jy sien hoe vloei die kleure van die hare op die voorkop en die ligte segmente byna ineen voordat die sagte koraalskakerings begin. Dié Mindful Blonde-voorkoms is met ’n goeie hand vol interessante kleure geskep: Illumina Color, Blonder Multi Bonde Powder, Wellaplex, Color Touch en Color Fresh Create. Sou jy hierdie somer pastelskakerings oorweeg, moet jy seker maak jy kies jou stilis en/ of…

Die son dans deur die blare van ’n boom buite ’n ruim woonstel in Bryanston. Voor die daktot-vloer vensters hang nie gordyne nie. Ons het nie gordyne nodig nie, ons het genoeg privaatheid,” sê Wendy Tayler, en beduie na die boom. Daar is nie ’n stukkie donker in die helder huis nie, nes daar nie ’n stukkie donker in Wendy, wat onlangs haar laaste sessie bestraling teen kanker gehad het, se gemoed is nie. Die woonstel is ’n toevlug, met beeldjies en portrette van vosse, en in die tweeling se kamer lê twee sagte vossies – simbolies van haar verhouding met haar verloofde, Gary, en met haar twee kinders, verduidelik sy. Op die ongewone jong ouderdom van 27, in April 2016, is borskanker by Wendy gediagnoseer. Toe was sy reeds…

Riana Viljoen Nee, ek was nog nie by terwyl iemand sterf nie. Ek het in ’n beradingskursus geleer dat jy nie te veel moet sê nie maar net daar moet wees. Die meeste mense wil nie alleen sterf nie. Behalwe om dit gerieflik te maak, kan ’n stille, liefdevolle teenwoordigheid meer beteken as ’n emosionele lawaai. Ek glo nie daar is ’n reg of verkeerd hier nie. My hart gaan uit na elkeen wat in so ’n situasie is. Vicky Myburgh Ek was by my ma toe sy op 13 April vanjaar aan kanker oorlede is. Sy was in die hospies, waar sy goed versorg is. Ons het vir haar gemaklike slaapklere aangetrek, haar snoesig en warm gehou. Ek het room aan haar hande gesmeer, hulle vasgehou en saggies met…

MUSIEKPAPPA Ek het drie kindertjies: ’n seuntjie van vyf wat mal is oor Lego en gholf, en twee dogtertjies van drie jaar en agt maande. Ons driejarige is mal oor dans. As daar musiek speel, begin sy draai. Die baba verkyk haar aan haar boetie en sussie. Ek was ook ’n derde kind, en die grootste plesier is mos wanneer jy Mamma van die ander twee mag wegsteel. Ek hoop dat die kinders eendag elkeen ’n instrument sal kan speel, maar ek dwing dit nie aan hulle op nie. Ek sing graag vir hulle kinderliedjies in die bad en ons kyk na baie Disney-rolprente – ons maak beurte met wie watter karakter mag sing. As ek musiek vir rolprente skryf, kom loer hulle by die ateljee in. Hulle is so…

Raquel Lewis Ek was al in ’n situasie waarin ek geglo het my huwelik is op die rotse. Dit was ’n moeilike besluit om te bly en aan ons probleem te werk. Dit is vir seker nie die maklikste uitweg nie, want om suksesvol te wees moes ons elkeen in die spieël kyk, ons eie foute aanvaar en ons gedrag verander. Wanneer red jy ’n verhouding of ’n huwelik? Altyd, omdat almal ’n tweede kans verdien. Jy red ’n huwelik wanneer albei bereid is om om ’n tafel te sit en die saak uit te praat, maar ook om te verander en mekaar te respekteer. Marietjie van Tonder Genadiglik, nee. Wanneer geweld of ontrouheid in die prentjie kom, is dit vir my die doodloopstraat in ’n verhouding. Andersins dink ek…

Jan se boontjierank het my - vandat ek kan onthou - geboei. Elke keer wanneer iemand vir my kleintyd die storie met die opskrif of aankondiging van “Jan en die boontjierank” begin lees of vertel het, was ek opnuut opgewonde. Wat daarin gebeur het, was wonderwerklik! So heel anders as wat ’n mens verwag, verloop die verhaal. Jan se ma was ’n weduwee. Gevolglik was sy - soos baie van eietydse vroue - ’n dubbelouer en enkelbroodwinner. Toe daar op ’n dag nie ’n duit in haar beursie oor is nie, stuur sy ten einde raad vir Jan om hul melkkoei te gaan verkwansel. Maar pleks dat hy met geldige munte terugkom, bring hy ’n paar boontjiepitte huis toe. Dit was kwansuis towerboontjies, het Jan verduidelik. Verbyster deur sy goedgelowigheid…

’n Aanvanklike besparing kan ook ’n fiasko word wat jy met dubbel die geld ’n dag voor die troue moet beredder. As mense aanbied om die blomme- of strooimeisierokke te maak maak seker die klere is lank voor die tyd klaar. Oefen vooraf om blomkransies te maak sodat jy nie dink jy gaan in ’n japtrap tien kan maak om aan die kerkbanke te hang en dan verg dit veel meer tyd nie. Maak die blomme die dag voor die tyd en sit in koue water. Besoek rooirose.co.za  vir stap vir stap aanwysings om kransies te maak.…

Annezel Meiring Ek dink dis baie belangrik om ’n goeie venue te kry en alles deeglik met hulle te bespreek sodat daar nie ’n klomp verskuilde koste opduik nadat jy jou deposito betaal het nie. Jy kan ook baie geld bespaar as jy in ’n sekere seisoen op ’n sekere dag van die week trou. Sommige venues gee tot amper 50% afslag as jy die regte datum kies. Dianie Herholdt My sus het ’n oggendtroue gehou met ’n (nie te) klein gastelys en eenvoudige maar heerlike eetgoed. Almal het ingespring en met die blomme, dekor, uitnodigings en troukarre gehelp. Dit was ’n pragtige troue met “persoonlikheid” en daar is nie duisende rande bestee nie. Nandi Haswell Maak die nagereg self deur kaas en wortelkoek op die tafels te sit, en…

AS JY ’N BETROUBARE VEELDOELVOERTUIG SOEK, KAN JY DIE MAZDA CX-3 GERUS OP JOU INKOPIELYSIE PLAAS. DIE NUWE, OPGEKIKKERDE MODEL IS IN JULIE IN SUID-AFRIKA BEKEND GESTEL. DAAR IS HEELWAT NUWIGHEDE, SOOS DIE 18 DUIM-ALLOOIWIELE EN ’N SIERROOSTER MET MINDER MAAR OPVALLENDER LYNE. DIE KLEUR SOUL RED IS VIR DIE HELE REEKS BESKIKBAAR. LED-KOMBINASIELIGTE AGTER, EN LEERSITPLEKKE IS NOU IN DIE INDIVIDUAL EN INDIVIDUAL PLUS BESKIKBAAR. AL SES MODELLE IS STEEDS MET DIE GESOGTE 115 KW 2,0 LITERSKYACTIVE-PETROLENJIN BESKIKBAAR WAT MET ’N SESSPOEDHANDRATKAS OF OUTOMATIESE TRANSMISSIE TOEGERUS IS. PRYSE WISSEL VAN R292 700 VIR DIE ACTIVE-HANDRATMODEL TOT R399 200 VIR DIE INDIVIDUAL PLUS OUTOMATIES.…

Lara van Heerden byt liggies op haar onderlip terwyl sy deur haar motor se voorruit na die donker, dreigende wolke kyk. Verblindende weerligstrale sigsag onophoudelik en verhelder die diepskemer landskap sodat sy vir ’n sekonde of twee die reuse-berghange sien wat bo haar uittroon. Die yl skynsel van haar motorligte gooi ’n spokerige ligbaan oor die kronkelpad wat ineens so eindeloos voel. Hoe ver nog tot op die naaste dorp? Sy het liederlik verdwaal. Dit het sy nou daarvan om op vakansie impulsief agter haar motor se neus aan te ry. Lara ril van die koue, al is die motor se verwarmer aan. Groot, vet reëndruppels spat op die voorruit. Binne sekondes verander die druppels in ’n sterk stroom water wat die ruitveërs feitlik nutteloos maak. Sy skakel die noodligte…

SOPHIA KAPP het geen bekendstelling nodig nie. Een van Afrikaans se gewildste skrywers gesels oor haar nuwe boek, Kantelpunt , wat vandeesmaand verskyn. HOEKOM HET JY BESLUIT OM ’N ‘FEMINISTIESE’ TEKS TE SKRYF? Ek het Kantelpunt geskryf soos ek al my ander boeke geskryf het - uit my binneste. Ek is nou oud genoeg en moeg genoeg dat ek nie meer omgee wat ander mense van my verwag om te wees nie, ek gee nou net om wat ek van my verwag om te wees. Daar was baie snellers wat tot die boek gelei het, maar die belangrikste was die besef dat die vroue in die samelewing waarin ek leef nog altyd hul plek daarin deur stilbly “verdien” het. Wat my die meeste daarvan opval, is dat hierdie stilte nie…

Van 13 Oktober tot 18 November kan jy die eklektiese, bekroonde skilder, Hanneke Benade, se jongste uitstalling Mise-en-scène te siene kry. Die Franse term “mise en scène” het sy oorsprong in die teater as ’n verwysing na toneelinkleding vir ’n verhoogproduksie – dieselfde geld visuele komponente in flieks. In haar uitstalling vermag Benade dieselfde: sy choreografeer beelde, meestal doodgewone oomblikke uit ons daaglikse lewe wat op doek verewig word. Sy skep “scenes” deur die gebruik van akteurs, bykomstighede en kostuums, wat dan in ’n toneel met ’n emotiewe stukrag omskep word, sonder dat die model noodwendig in ’n spesifieke plek of tyd vasgevang word. Sy vergelyk dit met “fliekoomblikke” wat in een enkele blik vasgevang word. Freeze frames, noem ons dit ook, want dié wat daarby betrokke is, is vir…

PRODIGAL SON – RY COODER. DIÉ RUSTELOSE ONTDEKKINGSREISIGER HET DIE INSPIRASIE VIR DIE ALBUM IN DIE KERK VAN SY GROOTWORDJARE GEKRY. HY PAK SY HERONTDEKKING VAN AMERIKAANSE GOSPEL MET GEESDRIF AAN. HY HET OOK VAN DIE MUSIEK GESKRYF - IN DIESELFDE TOON AS DIE TRADISIONELE LIEDERE. WONDERLIK. CHINA – THE PARLOTONES. DIE GROEP IS AL 20 JAAR SAAM. ’N VERRASSING OP DIE ALBUM IS DIE INSLUITING VAN “LISA SE KLAVIER”. HULLE HET GEGROEI, JA, MAAR HUL LEWENSLUS IS STEEDS ’N KENMERKENDE DEEL VAN HUL KLANK. SOOS DIE HOOFSANGER, KAHN, SÊ: THE PARLOTONES MAY HAVE BEEN TOGETHER FOR A LIFETIME, BUT [OUR] JOURNEY HAS ONLY JUST BEGUN. BLITZKRIEK – WILLIM WELSYN. DAAI OU MET DIE WILDE HARE. DIE EEN WAT SOVEEL ENERGIE UITSTRAAL DAT GEHORE VOETE STAMP SONDER…

Ek ry saam met ’n fynsinnige man van Durban deur Brixton se hoofstraat na my werkplek in die middestad. Hy het die vrou in die masjien, sy GPS-stem, Vanessa gedoop. Sy is vanmiddag die enigste bedaarde stem in die motor, ek en die Durbaniet praat haar skoon dood. Hy vertel hoe hy en sy sussie fabelagtige rokke maak. Hy hou van die A-lyn (“very forgiving, Sugar!”) en is die fakkeldraer vir hierdie styl in sy sussie se tuiskantoor cum ateljee. Ons is geesdriftig, praat oor mode en vleiende style en sien nie eens die rommel in die Brixtonstrate raak nie. Trouens, dit voel vir my asof pienk vereboa’s en ’n afslaankap nie onvanpas sal wees nie. My motor is in vir herstelwerk en ná werk neem ’n Franssprekende Uberbestuurder my…

SOMER-KOEKSTRUIF Genoeg vir 4 750 ml Clover Krush Tropical-vrugtesap + ekstra om mee te bedruip 25 ml gelatienpoeier 2 Madeira-koeke, in stukkies gesny 825 g-blik vrugtekelkie, die vloeistof afgegooi 500 ml Clover Classicvanieljevla 250 ml Clover-room 1 Voer ’n vlak 25 cm-pan met kleefplastiek uit. Meng 60 ml van die Clover Krush Tropicalvrugtesap met die gelatien. Sit eenkant. 2 Bring 125 ml van die vrugtesap oor matige hitte tot kookpunt en haal af. 3 Voeg die gelatienmengsel by en klits totdat dit deeglik gemeng is. Voeg die oorblywende sap by en gooi dit in die voorbereide pan. Sit vir 2 uur in die yskas of totdat dit gestol is. 4 Sny die koek in klein stukkies en bedruip met die ekstra Clover Krush Tropical-vrugtesap. Pak die koekstruif in lae in…

BESSIETERT Genoeg vir 6 KORS 300 g gemmerkoekies, fyngemaak ½ k (125 ml) Clover Mooi River Salted Butter, gesmelt VULSEL 1 pakkie (80 g) gemengde bessies-jelliepoeier 1 k (250 ml) kookwater 1 x 385 g-blik Cloverkondensmelk 1⅓ k Clover Fruits of the Forest-jogurt, gemengde bessiegeur vars bessies vir opdiening 1 Meng die koekies en botter in ’n middelslag-mengbak. Druk dié kors in ’n 22 cm x 30 cm-pan en sit in die yskas. 2 Klits die jelliepoeier en water in ’n beker. Laat afkoel, maar moenie laat stol nie. 3 Klits die jelliemengsel, kondensmelk en Clover Fruits of the Forest-jogurt saam. 4 Gooi in die voorbereide kors. Sit vir 4 uur of oornag in die yskas tot gestol. Sit voor met vars bessies. Clover Fruits of the Forest is ’n…

Wanneer mense praat van “in die ou dae” wonder ek altyd na wie se ou dae daar verwys word. My ou dae en jou ou dae verskil. So verskil generasies se “in die ou dae” ook. Mense beweer graag dat dinge in die “ou dae” beter was. Vir party mense is herinneringe aan die ou dae dalk goed, maar vir ander hou daardie tye hartseer en nare dinge in. Daar word ook te maklik veralgemeen: die kinders van die ou dae was kwansuis sulke goeie kinders in vergelyking met die hedendaagse kinders. Dinge om ons verander, maar ons aardbewoners bly maar dieselfde. Die sondes van toe is ook die sondes van nou. Om die waarheid te sê dink ek die kinders van vandag is meer doelgerig, spontaan, bewus van en…

Vicky Myburgh (41), leesterapeut, Theresapark Die jakarandas is in ’n paar strate in lanings geplant en wanneer die bome blom, is dit ’n lus vir die oog. Riana Viljoen (50), finansiële bestuurder, Pretoria Alles begin blom en die wêreld is vol kleur, maar die mooiste is die diere wat ook “lewe” begin kry. Ons het ’n visdam en tot September toe kruip die visse weg. Hulle eet nie en beweeg min, en dan skielik swem hulle weer en dis asof hulle sommer nuwe lewe kry. Letterlik asof hulle nuut begin! Dis nie net “al die veld is vrolik nie”, maar ook al die diere is vrolik! Trixe Strooh (57), betaallys-administrateur, Kempton Park Die bome begin bot en die aarde kry weer kleur. Oktober is ook die maand wanneer ’n mens…

Voor Desember 2017 was min van ons bewus van die bestaan van ’n maatskappy met die naam Steinhoff, maar sedertdien is die naam op almal se lippe. En moenie dink die skandaal het net ’n paar ryk sakemense laat geld verloor nie. Inteendeel. In sy lekker leesbare boek, Steinhoff en die Stellenbosse Boys (LAPA) verduidelik James-Brent Styan presies wat gebeur het, en hoe wyd die implikasies is. Raak die skandaal nie net die groot beleggers nie? Nee. Volgens die Raad op Finansiële Dienste se inligting het die meeste pensioenfondse in ons land - 948 uit die 1 080 fondse - beleggings in Steinhoff gehad. Dit sluit alle groot spelers, onder meer Sanlam, Old Mutual en Coronation in. Ook die regering se pensioenfonds het meer as R20 miljard verloor. Dis verpleërs,…

Grant en Nicola het mekaar twaalf jaar gelede ontmoet toe hulle in Saartjie Botha se Altyd Jonker gespeel het. Wat het hy eerste raakgesien? “Haar helder blou oë!” Maar hy vertel dat dit haar “ongelooflike talent” was wat sy voete onder hom uitgeslaan het. “En dit doen steeds. Of sy nou toneelspeel, skryf, regie doen of huis bou.” Hulle het in 2012 op ’n buitelugtroue ewige trou aan mekaar beloof. Hul produksiehuis, Haas en Kaas, se naam verklap hul byname vir mekaar. Grant noem Nicola Haas omdat sy altyd haastig is “en haar brein so rats is dat ’n mens skaars kan byhou”. Nicola het hom Kaas begin noem een warm dag in die Karoo terwyl hulle besig was om aan hul huisie te bou. (Sy skerts dat hy vir…

“Die kleur grys, gangster rap-musiek – ek het ’n lekker ghetto-kant aan my, maar daar is ook worship-musiek op my speellys – die rolprente The Help en Rock of Ages, proteas, koffie, avokado op roosterbrood, pizza, my highwaisted jeans, juwele en ’n supergroot baadjie. Verstommend genoeg hou sy nie eintlik van troeteldiere nie. “Maar as ek een sou hê, sal dit seker ’n kat wees. Of ’n lama – hulle is savage!” EN WAT VERPES SY? “Verekussings! Mense wat op my skree – ek begin sommer huil. Die hurry up en wait-manier van dinge doen – ek háát dit! En ek háát sand in my klere! En daar was nogal baie sand op Survivor -eiland.”…

NICOISE-SLAAI Genoeg vir 4 500 g baba-aartappels, geskil 250 g groenbone, punte afgesny en haartjies afgetrek 30 g botter hand vol pietersielie, gekap 30 ml (2 e) olyfolie 500 g vars forel 50 g jong kruie- en slaaiblare 250 g kersietamaties, middeldeur gesny 100 g swart olywe 4 saggekookte eiers, afgedop en middeldeur gesny 60 ml (¼ k) Clover Cream O’ Naise skil van een lemmetjie, gerasper 1 Plaas die aartappels in ’n middelslagkastrol vol kookwater en geur met sout. Bring tot kookpunt en laat prut vir 10 minute of tot sag. Haal van die hitte af. 2 Kook die groenbone vir 2 minute in kookwater waarby sout gevoeg is. 3 Verhit die botter en pietersielie in ’n braaipan. Braai die aartappels lig en tot goed bedek met die botter.…

Beskerm jy jou kind teen ALL deur spesifiek sy eerste jaar so te begin: 1. Kies ’n normale vaginale geboorte – mits jou heupe dit toelaat. 2. Borsvoed. As jy bottelvoed, troetel jou kind teen jou naakte vel of bors. So bring jy hom in kontak met die paar honderd spesies kommensale organismes wat op jou vel leef. 3. Sorg vir baie menskontak, soos in dagsorgsentrums of tussen maats. Ja, waar hulle aan dieselfde speelgoed kou en mekaar se loopneusies en diarree aansteek. 4. Laat vaar obsessiewe higiëne. Daardie rondboerdery op die vloer, gras en grond saam met jul kat of hond is eintlik piekfyn terapie.…

Vicky Myburgh Daar is seker baie wat ’n ouer nie moet sê nie. Dit sal goed wees om hulle ruimte te gun, natuurlik binne perke. Hulle moet besef dat elke aksie ’n reaksie het - goed of sleg. Die belangrikste is dat hulle weet jy is lief vir hulle en dat jy daar is as hulle jou nodig het. Trixe Strooh Tieners is liggeraak en daarom mag ’n mens hulle nooit laat glo dat hulle nie in beheer is nie. Gee raad, stel belang en doen dinge saam met jou tieners. Tieners glo in hulself en jy moet nooit daardie geloof in hulself skaad nie. Riana Viljoen Selfbeeld is alles in hierdie tyd. Woorde kan opbou of afbreek. ’n Tiener wil hoor hy pas in en is goed genoeg. Hy…

Ons vier vanjaar die 37ste jaar van lekker saamkuier om KANSA te ondersteun. Danksy talentvolle gasvroue wat nooit teleurstel nie, uitstekende vermaak en borge, gaan hierdie glansryke geleentheid jaar na jaar van krag tot krag. Hierdie besonderse projek, wat rooi rose na aan die hart lê, samel geld in vir kankernavorsing en bevorder sodoende die bewusmaking van kanker. Moenie die inspirerende oggend misloop nie! Die sprankelende Daniëlla van Heerden is ons gasvrou vir die oggend. Simoné Nortmann en Marnus Broodryk is ons gassprekers, en die sjarmante Jay en Franja du Plessis gaan vir ons hul jongste treffers sing. Hou kontant byderhand vir die lootjies wat jy op die dag kan koop. Ons het wonderlike pryse om weg te gee!…

Rebecca Kooiker van Pop Up Weddings SA haal al die spanning uit troubeplanning deur net ’n segment van twee uur vir ’n weelderige troue te voorsien. ’n Prentjiemooi plek vir die trouseremonie, blomme, bruidsruiker, fotograaf, troukoek … alles wat jy nodig het om die huwelik te voltrek (vir 12 of ’n maksimum van 17 gaste). Al wat jy moet doen, is om op te daag. Daar is vasgestelde datums, tye en temas en vier troues word per dag gedoen. Elke trougeselskap het twee eksklusiewe uur vir die seremonie, toesprake, koeksny, vonkelwyn en volle fotosessie - net soos by ’n gewone troue. Al wat afwesig is, is die onthaal. Jy en jou gaste kan agterna by ’n restaurant gaan eet waar elkeen vir homself betaal, of ’n kaas-en-wyn-partytjie by die huis…

LOUISE VILJOEN IS ’N VRYSKUTRESENSENT EN -TAALVERSORGER VAN JEFFREYSBAAI. SY IS BAIE LIEF VIR LEES EN SKRYF EN PUT BAIE VREUGDE DAARUIT OM SKRYWERS TE HELP OM HUL SKRYWERSDROME NA TE STREEF. HAAR BOEKRESENSIES VERSKYN GEREELD IN VERSKEIE PUBLIKASIES. LOUISE GESELS GRAAG OOR DIE JONGSTE BOEKE WANNEER SY HAAR RESENSIES VOORLEES OP RADIO KAAPSE KANSEL. DAAR HET AL MEER AS 300 ARTIKELS SOWEL AS ’N GEESTELIKE ROMAN EN WETENSKAPFIKSIEVERHAAL UIT HAAR PEN VERSKYN. SY SKRYF KORTVERHALE OMDAT SY DAARVAN HOU OM MET MIN WOORDE ’N TREFFENDE STORIE TE VERTEL WAT DIE LESER BYBLY.…

As jou boekklub al die vrae reg beantwoord en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “Oktoberboeke” in die onderwerpreël, of na rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 The Second Sex. Skrywer? 2 In watter land het vroue die eerste keer stemreg gekry? 3 Wie is tans die eerste vroue-direksiehoof van die ATKV? 4 Watter vrou het die eerste roman, The Tale of Genji geskryf? 5 Wie’t die liedjie “Pretty Woman” geskryf en gesing? SEPTEMBER-ANTWOORDE 1 “Money, money, money” – wie het dit gesing? Abba 2 Wat is die god van geld se naam in die Bybel? Mammon…

GELUKKIG IS DAAR NOG TYD om een van die grootste ‘lug-sirkusse’ op aarde by te woon: Cirque Infernal, wat tot 23 Sept. in die Johannesburg-teater te sien is. Geïnspireer deur groot fliekgeeste, soos Federico Fellini, Wim Wenders en Tim Burton, is Cirque Infernal ’n maalroller van ongelooflike toertjies wat jou mond gaan laat oophang. Dit is die handewerk van Danny Varanne, daardie man wat in Le Grand Cirque Adrenaline in 2012 die ongelooflike motorfietswaagtoere gedoen het. Hy was ook in The Globe of Death- toertjie te sien waarin drie motorfietsryers teen 65 km/h in ’n staalbal rondgejaag het. Danny kom uit ’n familie van tradisionele verhoogkunstenaars, en hy het reeds op ’n jong ouderdom sy lewe as ’n showman in sy ouers se burleske teater in Frankryk begin. Hy en…

• Waar is jy gebore en het jy grootgeword? Gebore in die Booth Memorial Hospital in die Kaap – dit was eers ’n Salvation Army-hospitaal. Grootgeword in Kensington en toe ek elf jaar oud was, het ons in Lavender Hill gaan bly. • Het jy jou skoolopleiding voltooi? Nee, ek’s in standerd 3 uit die skool. Ek was in Kensington Primary. • Was dit traumaties om met die rolprentmense saam te werk en die hele tragedie weer te herleef? Die ergste was om na die finale produk te kyk. Dis moeilik om jou hele lewe op die groot screen te sien. Dit het weer ’n hele klomp memories teruggebring. Dis altyd moeilik om daaroor te praat - dit bring maar elke keer vars stukke uit jou kinderdae terug. Dit was…