Innholdsfortegnelse for September 2018 i Rooi Rose

DIE LENTE is voor die deur, dit weet ons, al bibber ons nog so effens tussen sononder en sonop. Ons sien al die groen belofte van warmer dae en die oopheid van helder blou lug. Al hoor ons gereeld ons leef in ’n tyd van aardverwarming en deurmekaar seisoene onthou ek ook nog goed dat dit in 1981 in September in Johannesburg gesneeu het! In die Bybel beskryf die Prediker in poëtiese taal en sprekende simboliek dat daar ’n tyd is vir alles en dat elke ding sy tyd het. Shakespeare het die lewe ook baie raak saamgevat in sewe ouderdomme wat die bestek van ’n mens se lewe uitmaak. Dié tema het die afgelope tyd gereeld aan my gedagtes kom torring, in ’n tyd dat ons my ma se…

Leana Clunies-Ross is een van die talentvolste fotograwe saam met wie ek al gewerk het en sy het die ongelooflike vermoë om regtig my “ essence” , wie Nadia is, vas te vang. Ek was met hierdie shoot mal daaroor dat sy ook my sterk en dinamiese kant vasgevang het in sekere van die foto’s wat in die artikel verskyn. rooi rose se produksiespan is formidabel en dis altyd vir my spesiaal om saam met rooi rose te werk, want hulle het oulike idees, en dit was vir my lekker hoe hulle my donker hare by die stilering geïnkorporeer het. Hul foto’s is altyd natuurlik en stylvol. Ek was ook mal oor die klere wat hulle…

Een van die lekkerder byvoordele van weer vryskut werk, is dat sy meer tyd saam met Ivan Zimmerman, haar kêrel van die afgelope drie en ’n half jaar, sal kan deurbring. Hulle verkies om hul verhouding uit die kollig te hou, maar sy verklap tog dat dit ’n “amazing” verhouding is. “Maar dis net ons s’n – as ’n mens so in die kollig lewe soos in ons bedryf, moet daar iets wees wat jy net vir jouself hou.” Ivan woon in Kaapstad, en dis ook een van die redes hoekom sy uiteindelik permanent daar sal wil woon. “Ons kuier gereeld oor en weer, maar ek sal regtig graag in Kaapstad wil woon. Ek is mal oor die Kaap. Jy kan Tafelberg gaan klim, elke dag op die strand draf…

Die oë sê alles. Jane Fonda se oë is ysblou. Haar postuur regop, en sy is doelgerig in alles wat sy doen of sê. Jane het ’n inherente intelligensie wat vir mans sowel as vroue aantreklik is. Die lewe het haar geslyp en dapper gemaak maar tog bespeur jy ’n kwetsbaarheid. Sy is ’n inspirasie vir talle vroue en ’n uitgesproke politieke aktivis. Haar skoonheid het haar al gepootjie, want mense het die uiterlike raakgesien en haar talent misgekyk. Sy het vanjaar saam met ander ikoniese aktrises van haar era, soos Candice Bergen, Diane Keaton en Mary Steenburgen in Book Club gespeel. Toe ek hulle vra wie hulle die meeste bewonder, was die antwoord eenparig: “Jane Fonda.” Alle vroue hoop om eendag wanneer hulle ouer is, soos Jane te wees.…

Cindy het in 2015 by Binnelanders aangesluit en het in 2016 ’n sterrol in seisoen 12 gekry. Die kykers het haar leer ken as ’n vrou wat enigiets sal doen om in haar beroep te vorder al moet sy mense ook in die rug steek. Die kyker het onlangs meer simpatie met haar begin kry toe die swaar en die molestering van haar kinderdae in ’n kinderhuis belig is. Cindy is in Krugersdorp gebore en het in Pretoria grootgeword. Sy was in Kaapstad op hoërskool en het haar B.A. honneursgraad in drama aan die Universiteit van Stellenbosch behaal. Sy het in talle verhoogproduksies, TV-produksies en TV-sepies gespeel. Daar is in die die laaste tyd heelwat oor die karakter Annelize se kinderdae onthul. ’n Mens verstaan beter waarom sy so bitsig…

Ek is gek daarna om nuwe konsepte te ontwikkel, of wanneer iets nie werk nie, ’n oplossing te kry. My kuns is funksioneel HEINO SCHMITT funksionele ontwerper en kunstenaar Waar Heino vroeër hoofsaaklik voor die TV-kameras gespeel het, is sy speelgoed deesdae materiale soos staal, koper, dryfhout en leer wat hy in unieke, handgemaakte meubelstukke omvorm. “Ek hou van mooi goed, ek hou van gehalte en ek hou van stories. Ek maak versamelstukke met siel. Ek wil die kyker uitdaag om verder te dink - soms het ons ’n vooropgestelde idee van hoe ’n tafel of stoel behoort te lyk. Ek is gek daarna om nuwe konsepte te ontwikkel, of wanneer iets nie werk nie, ’n oplossing te kry. My kuns is funksioneel. “Ek is ook baie bewus van hoe…

• Loki is dol op avokado en spek. “Ek sit dit op enige iets – steak, pizza, wraps , noem maar op. My gunstelingdrankies is whisky en rooiwyn.” • Kan hy kook? “Die woord ‘kook’ is vir my intimiderend. Ek dink dadelik aan al hierdie kosprogramme op TV. Maar as jy vra of ek kan kos maak: Vir seker! Ek kan ’n lekker hoender-en-spek-pasta maak.” • Hy lees nie juis nie. “Behalwe as dit ’n rolprentdraaiboek of ’n how to-artikel is.” • Loki en die grimeerkunstenaar Marí Conradie is al drie jaar saam. Hy beskryf haar as ’n baie ondersteunende mens. “Sy het ook baie geduld vir my grappies.” • Hulle het saam ’n kat aangeneem. “Of nee, eintlik het hy ons aangeneem. Mr Biggles is ’n stokou, pikswart kat,…

DIE AKTRISE LEANDIE DU RANDT BOSCH SE VEELSYDIGHEID IS AL IN FLIEKS SOOS JAGVELD EN SAAM MET HAAR MAN, BOUWER BOSCH, IN THYS & TRIX BEWYS. TUSSENDEUR IS DAAR AL BYNA 12 000 KOPIEË VAN HAAR BOEK, GEMAKLIK IN JOU EIE LYF, VERKOOP, EN SY TREE AS MOTIVERINGSPREKER VAN #NOONECANBEATYOUATBEINGYOU OP. SY HET OOK AL TWEE HUISGENOOT TEMPOPRYSE GEWEN. WAT STYL BETREF, HET LEANDIE ’N MODIEUSE AANSLAG EN DAAROM IS DIT GEEN VERRASSING DAT DIE BEKENDSTELLING VAN HAAR SKOONMA-KLEREREEKS IN MEI 2017 ’N GROOT SUKSES WAS NIE. Die WIT T-hemp ’n Tydlose staatmaker. Ek besit sommer ’n paar wit T-hemde, maar belê in gehalte. Dra dit saam met ’n romp en tekkies vir ’n informeler voorkoms, of hakke en ’n baadjie vir ’n deftiger aandjie uit. MEVROU’LIK T-HEMP (R390; XXS-XXL)…

Lieflike LIPPE SISLEY PHYTO-LIP DELIGHT (R690) is ’n heerlike balsem vir jou lippe. Die stiffie bevat ’n verskeidenheid olies wat jou lippe voed, herstel en bevogtig. Dit gee ook pragtige glans, sonder dat dit soos ’n lipglans lyk. Drie skakerings is beskikbaar. Nommer 2 is pienkerig en die perfekte pasmaat vir my lippe. Dit lyk byna asof ek niks aanhet nie, maar my lipkleur lyk net mooier en glansend. SUZANNE Natuurlik en ORGANIES ECO DIVA FACE WASH (R335 VIR 200 ML) is ’n natuurlike en organiese produk wat nie op diere getoets word nie. Mans en vroue kan hierdie gesigwas gebruik. Toe hulle onlangs met die opening van die nuwe Eco Diva-winkel in Kaapstad vertel dat dit jou maskara ná net een was verwyder, moes ek die produk net op…

NACHOS MET GESMELTE KAAS EN SALSA GENOEG VIR 4 3 tamaties, in blokkies gesny 2 rooi-uie, in blokkies gesny 3 soetmielies, gekook en pitte afgesny 4 grasuie, dun gesny 62,5 ml (¼ k) vars koljander, ruweg gekap 2 groen brandrissies, dun gesny 250 g nachos 200g Clover Cheddar Flavoured Medium Fat Processed Cheese, gerasper 1 Voorverhit die oond tot 180 ˚C. 2 Meng die tamaties, rooi-uie, mieliepitte, grasuie, koljander en brandrissies in ’n klein bakkie en hou eenkant. 3 Sit die nachos in ’n oondpan en skep die helfte van die salsa daaroor. 4 Strooi Clover Cheddar Flavoured Medium Fat Processed Cheese bo-op en tussenin die nachos. 5 Bak vir 10-15 min. of tot die kaas gesmelt het. 6 Haal uit en strooi die res van die salsa oor die…

1 Sny hierdie kosse uit Waarskynlik het jy klaar by Dr. Google gehoor dat as jy lewer, niertjies, ansjovis, sardiens, mossels, spek, kalkoen, wild en rooivleis beperk, sal jig jou nooit weer kom pla nie. Almal van hulle is ryk bronne van purien, wat na uriensuur afbreek – die volmaakte oplossing. 2 Maar jy eet dit nie juis nie en jy sukkel steeds? Dr. Masanari Kuwabara, hartnavorser van St Luke’s-hospitaal in Tokio, sê in ’n oorsigartikel op PubMed (https://www.ncbi.nlm.nih.gov/pmc/articles/PMC4865070/) jou liggaam maak baie meer uriensuur op ander maniere as wat jy van purien-veroorsakende kosse kan kry. NICUS, die voedingsinligtingsentrum van die Universiteit Stellenbosch, stem saam en sê jy gaan beter vaar as jy hierdie wenke bysit: 3 Eet minder en minder gereeld Jou metabolisme is een van die grootste skeppers…

Suzanne Schmidt Ek is in ’n situasie waar my goeie vriendin kanker het, en ek het besef ek het ook ’n pad om met haar man te loop. Dit is belangrik dat die eggenoot moet besef dat hy of sy die vrymoedigheid moet hê om met jou te praat oor iets wat dalk nie met die siek per-soon bespreek kan word nie; iets soos “sy gaan vir my so agteruit”. Die tyd wat iemand anders saam met die sieke deurbring, gee vir die man/vrou kans om asem te skep, net die gewone te doen en nie heeltyd deur die dood gekonfronteer te word nie. Charlotte Manuel Dis belangrik dat ons vir mekaar bid en mekaar se belange op die hart dra. Somtyds in sulke lewenstorms het ’n mens nie woorde…

Ons ken die gevoel: Jy is stokflou ná ’n lang dag. Jy gooi jou handsak op die bank neer en storm kombuis toe vir ’n koppie boeretroos of glas koeldrank. Soms met ’n koekie of broodjie daarby. Jy het dié winter, wat niemand se pel is as dit by oefening kom nie, dalk die oefeninge afgeskeep, of selfs oefentyd deur eettyd vervang! Kom weer aan die gang en besoek jou naaste gim en kyk of hulle nie ’n nuwe oefenklas het wat jou opgewonde gaan maak nie. Of motiveer jou vriende of tieners om saam met jou te gaan stap. Virgin Active het iets nuuts op die spyskaart: Rumble. Dié boksgeïnspireerde oefensessie oefen jou hele lyf en kry veral daardie slap arms aan die werk. Die bonus is dat jy…

Die Coverdermhandelsmerk word wêreldwyd deur mediese spesialiste en grimeerkunstenaars aanbeveel, en verander al meer as tagtig jaar met trots die lewe van miljoene mense. Alle Coverderm-produkte is hipo-allergenies en geskik vir alle veltipes. Die onafhanklike, kliniese studies word onder normale toestande op mense gedoen, en die produkte word nie op diere getoets nie. Reinig en behandel jou vel met Coverderm Removing Cream en Extra Care Lotion. Saam verwyder dit alle waterdigte produkte terwyl dit die vel behandel. Luminous Exfolia is ’n sagte, doeltreffende afskilfermiddel en laat die vel glad en stralend. Filteray Face Plus SPF50+ en Filteray Body Plus SPF 40 is 2-in-1 sonskerms en na-sonroom met fotostabiele filters. Albei is geskik vir die hele gesin. Filteray Skin Repair streel, verfris en bevogtig die vel ná jy in die son…

SYGLADDE SEMOLINAPAP MET ROOS-ENFRAMBOOSPERE GENOEG VIR 4 Hierdie pap kan ook poeding wees dis sooo lekker! ROOS-EN-FRAMBOOS-PERE • 1 liter (4 k) water • 500 ml (2 k) suiker • 120 g (1 k) frambose • 5 ml roosgeursel • 4 pere, geskil SEMOLINAPAP • 2,4 liter melk • 240 ml semolina • 60 ml (4 e) suiker • 500 ml (2 k) room BEGIN MET DIE PERE 1 Sit die water en suiker in ’n groot kastrol. Roer oor lae hitte tot die suiker opgelos is. 2 Voeg die frambose, roosgeursel en pere by. Kook vir 20-30 min. of tot die pere sag is, maar steeds vorm behou. 3 Laat prut intussen 500 ml (2 k) melk en die suiker in ’n middelslagkastrol. 4 Meng die res van die…

Sout is in die waters van al sewe oseane en dis in ons mense se trane (krokodiltrane proe glo soet!) Sout is in die meeste seë en in sommige mere, maar sonder uitsondering is dit in al ons sterflinge se sweet. Eweneens is sout in ons limfstelsel en in ons bloed. Sout is noodsaaklik vir lewe en oorlewing, verklaar en bevestig wetenskaplike mediese geskrifte, hoewel die oertyd se jagter-gaarders glo nie sout by hul kos gevoeg het nie. Om normaal aan die gang te bly, het ons liggame ’n minimum hoeveelheid sout nodig. Om presies en voorskriftelik te wees: Nie meer as 2,3 g nie is die aanbevole daaglikse soutinname vir ’n volwassene. Dis gelykstaande aan sowat 1 teelepel (5 ml) tafelsout. Die minste inname waarmee ’n menslike liggaam per…

As jy die skouspelagtige kersiebloeisels wil beleef, is begin April of selfs vroeër ’n goeie tyd om Japan te besoek. Maar jy kan jou van park tot park en pagoda tot pagoda verwonder aan veel meer. Bome wat in mere weerkaats, indrukwekkende tempels en Zentuine met rotse, mos en gruis wat in allerlei patrone gehark is, is ’n integrale deel van hierdie mense se kultuur en leefwyse. Jy bespeur oral ’n diep respek vir die natuur. Die lente verras jou ook met die nuwe blare van die esdorings wat by die dag in meer en meer kleure uitbars. Die Japanse somer is tropies van aard met reën in soms drukkende warm weer terwyl die herfs in September dikwels voorafgegaan word deur tifone en nog meer reën. Van Oktober tot November…

EKSKLUSIEF AAN WOOLWORTHS MAGAZING! KLIK & HAAL AF Caxton Magazines en Woolworths het saamgespan. Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif by jou naaste Woolworths kan afhaal. Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. 3 Opsies beskikbaar: Skryf aanlyn in: magsathome.co.za/magazing.htm Bel: 087 405 2002. E-pos: subs@magsathome.co.za en ontvang jou maandelikse tydskrifkoopbewys via SMS. Haal jou tydskrif af: gebruik jou Woolies-kaart en hou jou koopbewysstaafkode gereed. Bepalings en voorwaardes • Hierdie aanbod geld slegs nuwe subskripsies. • Hierdie koopbewys mag saam met enige ander Woolworths-koopbewys gebruik word. • Die koopbewys moet saam met enige van…

Ek het gewonder hoe vorder jou manuskrip,” sê Deon delikaat van oorkant die restauranttafel af. “Ek kry nie gewerk nie,” sê Erica. “Dit sal kom.” Dit beteken: dit beter kom, jy het ’n kontrak geteken. “Hoe lank duur so iets?” vra Erica. Die wanhoop glip soos ’n inbreker deur. Sy sien Deon is uit die veld geslaan, selfs ongeduldig, nou. Dis waar die gesprek ’n vreemde loop neem. ’n Skrywer bespreek storielyne, karakterisering en styl met ’n redakteur: jou verwagte inkomste, die erkenning waarna jy smag terwyl jy die goeie smaak ontwikkel het om dit ferm te ontken. Jy praat selfs oor ander skrywers se hartsake. Nie jou eie nie. Dis onvanpas. “Ek moet gaan,” sê sy en trek haar handsak nader. Die kelnerin het nog nie hul borde kom…

As jou boekklub al die vrae reg beantwoord en getrek word, kry julle die boeke wat in die uitgawe op ons boekrak staan, geskenk deur Graffiti. Stuur jul antwoorde na roneln@caxton.co.za met “September-boeke” in die onderwerpreël, of na rooirose.co.za Klik op “boeke” en volg die aanwysings. Stuur ook vir ons jou boekklub se naam, posadres en selnommer. VRAE 1 “Money, money, money” – wie het dit gesing? 2 Wat is die god van geld se naam in die Bybel? 3 Wat word as die eerste soort “geld” beskou? 4 Wat beteken die Japannese woord “yen”? 5 Wie is (tans) die rykste mens op aarde? AUGUSTUS-ANTWOORDE 1 Vir watter plaaslike rock-groep was Andries Bezuidenhout die voorsanger? Brixton Moord en Roof Orkes 2 Wie is die skrywer van die boek Moord en…

DIE JOHANNESBURG ART FAIR, nou reeds in sy elfde jaar, word beskou as die grootste en belangrikste beeldende kunstefees op die vasteland. Vanjaar neem meer as 45 galerye deel, met kunstenaars uit 14 lande - Afrika, Europa en die VSA. Daar is 15 nuwe uitstallers, wat van dié uitstalling een van die omvattendste kunsversamelings op die 2018-kuns-tekalender maak. Tussen 6 en 9 September kan jy ’n kunsuitstalling in die Sandton-konferensielokaal, Uitstallingsaal 1 in Maudestraat, Johannesburg besoek vir wat belowe om ’n eenmalige belewenis te wees. Die uitstalling het ’n sterk eietydse Afrikatema en sluit kunstenaars uit verskeie Afrika-lande in. Die gevierde Amy Ellenbogen en Kabelo Malatsie is die kurators. Ander sprekers en deelnemers is onder andere Mandla Sibeko, dr. Cobi Labuschagne en Nicole Siegenthaler. Dié ervare span sal hul idees,…

I had a farm in Africa ... ” So begin Karen Blixen haar outobiografiese roman, Out of Africa, hunkerend na haar geliefde koffieplaas in die Ngongheuwels in Kenia, waar sy ook maar ’n stewige kwota se “sukkel op die plaas” beleef het. Hierdie verlange na ’n stukkie grond iewers in (Suid-)Afrika, ken ons: hier lê ons wortels immers geanker, al loop dit soms geslagte terug. My ouma het ’n gewone pláás-plaas gehad, met ’n beeskraal van klip, ’n ghwarriegat en ’n plaasdam met wilgerbome, geleë op die ryk goudriwwe van die Wes-Transvaalse Hoëveld. Vir ons dorpsjapies ’n oneindigheid: g’n bure in sig nie en ’n plaas wat strek tot dáár waar jy nie meer kan sien nie. Vakansies sit ons klomp niggies sommer pens en pootjies in die komkommerakkertjie met…

DANKIE, CLARE Oe! Ek was lank laas so mal oor iemand soos Clare Wiese-Wentzel. Beeldskoon en met haar voete rotsvas op die aarde, en ondanks ’n miljoenêr-pa kerf sy haar eie pad oop in die lewe. Ek mis nie een episode van Mooimaak nie en leef my met kinderlike opwinding in elke oormaaksessie in. Ek is namens die vroue so dankbaar vir Clare wat hul lewe dramaties verander. Ons het lankal ons eie Clare nodig wat ons weer daaraan herinner dat dit so lekker is om vrou te wees. Ek is versot op die mooie jong vrou wat so eerlik is en openlik erken dat dit vir ons almal maar ’n stryd is om die gewig in toom te hou. As iemand my sou vra watter gas my uitsonderlike aandetelys…

BEDDEgoed Linen Drawer vervaardig en verkoop topgehalte beddegoed en tekstiele vir jou huis. Een gelukkige wenner kan ’n aanlyngeskenkbewys van R5 000 WEN. ‘rooi rose’- WINKEL Is jy op soek na ’n unieke geskenk vir jouself of iemand spesiaals? Gaan maak ’n draai by ‘rooi rose’ se aanlynwinkel: rooirosewinkel.co.za AGTER DIE SKERMS Kom kuier saam agter die skerms by ons voorbladfotosessie met die borrelende Nadia Valvekens. Besoek ons webblad - daar is nog foto’s en video’s te sien. Margaret se Wêreld ‘rooi rose’ se Hollywood-korrespondent, Margaret Gardiner, reis wêreldwyd om onderhoude met glanspersoonlikhede te voer. In haar blog, ‘Margaret se Wêreld’, gee sy ons ’n kykie agter die skerms van haar unieke, opwindende lewe. FACEBOOK • TWITTER • PINTEREST • NUUSBRIEF • INSTAGRAM…

‘VERANDERING IS ’N KONSTANTE ASPEK VAN DIE LEWE.JY KAN DIT NIE KEER NIE – JY MOET DIT NET OMARM’ Verandering is ’n konstante aspek van die lewe. Jy kan dit nie keer nie – jy moet dit net omarm. Maar dit beteken nie daar is nie oomblikke wanneer jy so ’n bietjie twyfel nie. En soms is jy selfs ’n klein bietjie bang.” Aan die woord is Nadia Valvekens, die aktrise wat die afgelope 13 jaar die rol van Pippa in die sepie Binnelanders gespeel het. Sy weet waarvan sy praat, want sy het onlangs die sepie – en die geborgenheid van ’n vaste maandelikse inkomste – vaarwel toegeroep en gaan nuwe uitdagings aanpak. Sy twyfel nie dat sy die regte besluit geneem het nie. “Nou wil ek kyk hoe…

Spaarder of spandeerder? “Albei. Ek is verantwoordelik met geld. As ek geld het, gee ek graag. Ek reis ook graag. Maar ek maak altyd seker dat ek iets wegsit.” Die grootste winskopie wat jy al gekoop het? “Ek kan nie nou aan iets spesifieks dink nie, maar ek is mal oor ’n winskopie en baie van my klere was nogal winskopies.” Wat is die grootste lewensles wat jy by jou ouers geleer het? “Moet nooit vergeet wie jy is en waar jy vandaan kom nie. En hulle het my ook geleer harde werk is die geheim van ’n suksesvolle lewe.” Waar is jou “gelukkige” plek? “Tussen gelukkige mense. Dit maak my altyd gelukkig om tussen mense te wees wat my inspireer met hul positiwiteit en energie, en dat enigiets waarvan…

Net soos sprokies kwalik sonder ’n bose heks sal kan werk, net so het TV-sepies en -dramas feekse nodig. Maar anders as die sprokiesheks is die sepiefeeks gewoonlik ’n baie mooi vrou van enigiets van twintig tot vyftig. Dis die sepiefeeks se verantwoordelikheid om die storie interessant te maak en te hou, of die verhaallyn in ’n ander rigting te stuur. Sy stoot ook ’n hele spul rotse in die ander karakters se paaie sonder om die spreekwoordelike oog te knip. Sy is geheimsinnig. Die kyker leer haar nie sommer ken nie. Met verloop van tyd kom jy agter dat daar dalk goed in haar verlede gebeur het wat haar so “dwars en onvoorspelbaar” gemaak het. En die sepiefeeks sê ook ongewilde en skerp goed wat die “goeie vroue” in…

Sy laat die vonke al langer as ’n jaar behoorlik spat. Marlee het haar al in baie uiteenlopende rolle in die vermaaklikheidsbedryf laat geld, onder meer as sanger, liedjieskrywer, danser, choreograaf en aktrise in die jeugdramareeks Sterlopers en Bloedbroers . Sy het ook aandag getrek in die rolprent Liefling . Marlee het ’n diploma in musiekteater aan die Tshwane Universiteit van Tegnologie in Pretoria behaal.…

Makhosi Busisiwe Khoza was maar twaalf toe sy ’n politieke aktivis geword het. “Ek wou ’n beter lewe hê,” vertel sy in die kantore van die Organisasie Teen Belastingmisbruik (OUTA) waar sy in Julie begin werk het as hoof van die afdeling teen belastingmisbruik in plaaslike owerhede. “Ek onthou toe ek die eerste keer in ’n wit woonbuurt was en gesien het hoe wit kinders in ’n silwerskoon blou swembad baljaar. Ons het in die rivier geswem, wat nie altyd skoon was nie. Ek het nie eens geweet daar bestaan iets soos ’n swembad nie. Ons het in isolasie geleef, en daar was niks om ons bestaan aan te meet nie. Dis natuurlik vandag anders, en ek dink dis ook hoekom daar vandag soveel meer rassespanning is. Arm mense weet…

Gaan groot of gaan huis toe Die mini-skouersakkie is nog lank nie ou nuus is nie, maar in die jongste modeweke het oorgroot-drasakke die handsaktoneel oorheers. Die gewilde drasak ( tote bag ), sakke met ronde bodems ( bucket bag ) en reghoekige drasakke het ’n paar sentimeter bygekry en kan die seisoen maklik as die fokuspunt van jou voorkoms dien. Hou by die klassieke kleure van 2018, soos ligpers en roomkleur, of waag dit met die helder kleure van die reënboog. A-SNIT-HEMPROK (R899; 6-18) POETRY. DIÉ SAGTE LEERGORDEL KNOOP JY SOMMER VAS (R350) POETRY. HOËHAKSKOENE MET TWEEKLEURHAKKE (R1 199; 35-40) CHARLES & KEITH. HORLOSIE (R3 890) FOLLI FOLLIE. LIGPERS SAK (R650) WOOL-WORTHS. Die oornagtas Die buissak is nie meer net vir jou wegbreek-naweek geskik nie. Dis bonkig, ja, maar…

Jy sal nie kan wegkom sonder ’n spatsel - of baie meer - van die ikoniese luiperddruk-patroon wat die seisoen weer hoogmode is nie…

Kom kuier vanjaar weer lekker saam met vriende, familie en kollegas by die jaarlikse KANSA-tee, en help terselfdertyd om geld vir ’n goeie doel in te samel. Danksy talentvolle gasvroue wat nooit teleurstel nie, uitstekende vermaak en staatmaker-borge gaan die glansryke geleentheid elke jaar van krag tot krag. Die besonderse projek, wat rooi rose meer as dertig jaar gelede in Pretoria begin het, lê ons na aan die hart, want saam met ons lesers en borge samel ons geld in vir noodsaaklike kankernavorsing en bevorder ook bewusmaking oor kanker. Die sjarmante Pieter Koen is ons seremoniemeester vir die oggend. Martelize Brink van RSG is die gasspreker en Brendan Peyper gaan ons met sy musiek vermaak. Dit kan mos net lekker wees! JY KAN WEN! HOU KONTANT BYDERHAND VIR DIE LOOTJIES…

Jy ontmoet die man of vrou van jou drome! Hy is gaaf, ondersteunend en konsidererend. Alles werk so goed, tot sy bedorwe kinders by julle kom kuier, of intrek en jul huishouding oorneem. Jou meubels word verniel, die reëls wat nog altyd vir jou kinders geld, geld nie sy kinders nie. Hul gedrag is onaanvaarbaar, maar jy is die een wat veroordeel word, “want foeitog, hulle het al so swaar in die lewe gehad”. Die titel “stiefma” hang skielik om jou nek. “Stiefma” is ’n gelade woord wat mense van kleins af vereenselwig met iemand wat aaklig en wreed is. In sprokies verwerp en verstoot sy haar stiefkinders: Hansie en Grietjie word in die bos agtergelaat en Sneeuwitjie word vergiftig. In hersaamgestelde gesinne bring kinders meestal ’n warboel emosies, seerkry…

• Ek ondersteun my man deur ingelig te bly. Ek lees na, gaan saam dokter toe en bespreek alles met hom. Ek glo 'n groot deel van die verwerkingsproses gebeur in oop kommunikasie. • Ons deel ons vrese en dra mekaar om die beurt. Interessant genoeg tref ons nooit gelyktydig 'n laagtepunt nie. Die siekte het 'n intense beskermingsdrang in my wakker gemaak, en dis vir my 'n voorreg om soms die sterker een te kan wees. Ek het ook geleer om hom toe te laat om agter te kom wanneer ek broos voel. Hy voel goed oor homself wanneer hy my 'n bietjie kan "oplig". • Omdat Roux emosioneel so kwetsbaar was, het hy enige kritiek of meningsverskil as verwerping beleef. Daarom het ek aanvanklik die verhoudings- en ander…

Gaan stap vir 15 minute wanneer jy by die huis kom. Dit versnel jou metabolisme, laat jou ontspan en keer dat jy onnodig eet Doen ’n BIETJIE MEER Dis geen geheim dat stap voordelig is nie. Maar uit nuwe studiebevindinge blyk dit dat as jy so ’n bietjie meer insit en flinker stap, jy groter voordeel daaruit kan trek. Navorsers het meer as 50 000 volwassenes in Engeland en Skotland nege jaar lank gemonitor en bevind dat dié wat flinker stap, ’n 20% laer risiko gehad het om aan hartvatsiektes te sterf as die stadiger stappers. OEPS!  As ’n nies, hoes of lagbui jou laat vrees vir ’n glips, is jy waarskynlik lugtig vir oefening wat dieselfde uitwerking kan hê. Vroue wat natuurlik geboorte gegee het, is meer geneig om…

Ek is ’n doodgewone vrou van sestig-plus, maar voel elke dag dat my verhaal soos ’n sprokie lees. Ek is natuurlik nie objektief nie, maar wie kan my kwalik neem as ek vir almal wil vertel dat geesgenote werklik bestaan en die liefde lééf ? Hoe weet ek dit? Ek en my eerste liefde het mekaar ná veertig jaar weer gevind en is vandag eindelik bymekaar, nou dalk oud, vol plooie en geite, maar steeds verlief soos toe ons tieners was. DIE DAG TOE ’N ENGEL IN MY OOR GEFLUISTER HET Sowat vyf jaar gelede was ek een helder herfsoggend soos elke ander dag van Sabie af op pad na my kantoor op Witrivier. Uit die bloute dink ek skielik aan my eerste liefde, Henk, van wie ek veertig jaar…

Die bekende sjef en Kokkedoor -wenner Mynhardt Joubert, werk deesdae uit die splinternuwe Cathedral Cellar Kitchen by die KWV in die Paarl, en bied ’n roosen blom-geïnspireerde dag saam met Laborie-wyne, Pasta Grandé, Wedge-wood Nougat en Ludwig’s Roses aan. • Sjef Mynhardt gaan ons wys hoe om met rose en eetbare blomme te kook en Persies gegeurde roos-en-spesery-mengsels te maak. Hy gaan ook heerlike geregte met Pasta Grandé kook en Wedgewood-nougat-geïnspireerde nageregte maak. • Anja Taschner, dogter van die bekende Ludwig Taschner van Ludwig’s Roses, gaan haar kundigheid deel oor onder meer die snoei van rose, en hoe om rose vir die toekoms te plant. • Nedine Blom, die vurige rooikop met die warm verhoogpersoonlikheid en fluweelstem is die seremoniemeester wat gaste ook op die klavier en met haar Blom-stories…

Iets om in ag te neem voor jy bespreek, is Japan se nasionale vakansietye. Rondom Nuwejaar is een van die tye wanneer die land se inwoners rondry en alles baie vol is. Dieselfde geld die Golden Week tussen 29 April en 5 Mei en die Obon-vakansie vanaf middel Augustus. In ’n land met 127 miljoen inwoners is dit beslis raadsaam om hierdie tye te vermy. Die gewone vloedgolf van mense is eintlik heel hanteerbaar omdat dinge so ordelik is en mense mekaar se private ruimte ag, iets wat jou op ’n besoek aan die land oral opval.…

• Skryf in op rooirose.co.za • Stuur ’n e-pos na subs@magsathome.co.za • SMS ‘Caxton RR’ na 47098. Standaard-tariewe geld • Bel 087 405 2002 en hou jou kredietkaart of bankbesonderhede gereed of bel +27 21 045 1809 vir buitelandse subskripsies • Elektronies Plaas die geld oor na: CTP LTD T/A MAGS@HOME Bank: Nedbank Takkode: 12320900 Rek: 1232073059 Gebruik jou van en intekennommer, of jou van en selnommer as verwysing en faks jou betalingsbewys en die posadres/se na 0866 704 101 Bel 087 405 2002 Maandag tot Vrydag tussen 08:00 en 16:00 as jy wil inteken. Navrae: e-pos subs@magsathome.co.za…

100 BOOKS THAT CHANGED THE WORLD Scott Christianson & Colin Slater (JB) As jy hierdie bladsy lees, beteken dit jou lewe is ook deur boeke verander. Deur boeke wat insig bring, wat rigting gee, wat die pot roer. 100 Books is ’n interessante “lys” van die boeke wat vol-gens die skrywers die gang van die moderne wêreld verander het. Die twee skrywers was ook vir ander fantastiese soortgelyke boeke oor onder meer die wetenskap verantwoordelik. Die boeke wat die lys gehaal het, handel oor die wetenskap, godsdiens, filosofie en natuurlik fiksie. Topfiksie. Dié titels is nie noodwendig die honderd beste boeke tot nog toe nie, maar wel die geskrifte wat kopskuiwe veroorsaak het. Dit sluit in: die I Ching uit China (2 800 v. C.) en die Joodse Tora (basies…

GEVLERKTES – LIZANNE BARNARD. BARNARD IS REEDS BEKEND VIR HAAR MELODIEUSE TOONSETTINGS VAN DIGKUNS. MAAR DIÉ KEER WYK SY AF VAN ’N PAAR GEVESTIGDE MANIERE EN HAAR WERK KLINK HEEL ANDERS. DIE ALBUM IS AKOESTIES, ROU EN NÓÚ. SY GEBRUIK OOK STILTE AS ’N MANIER VAN NOOTLOOSHEID. EENVOUDIG LIEFLIK. DIE DONKER TORING – SPOEGWOLF. DIÉ PAARLSE TRIO HET ONLANGS ’N GHOEMA! VIR HUL WERK GEKRY. DIE STUDENTEGUNSTELING IS OOK NIE NET VIR JONGES NIE - OUER ORE SAL NET SO LEKKER LUISTER. MET HUL GOEIE STEMME, LIRIEKE, ’N MEESTAL AKOESTIESE INSLAG EN ’N VERFRISSENDE AANSLAG OP AFRIKAANS IS HULLE AL DIE PRYSE WERD. KORT BROEK, LANG KOUSE – ROCCO DE VILLIERS. DIE GEWILDE PIANIS EN KOMPONIS SE JONGSTE WERK IS ’N VARS BRIESIE IN SY OEUVRE. DIS…

lza Miles is ’n Bosveldkind. “Ek was kleintyd op my gelukkigste by my geliefde Ouma Eloff op die plaas Slang, in die distrik Mokopane, destyds Potgietersrus. Daar het ek in die veld na feetjies onder ghwarriebosse gesoek. Suurpruime, kruisbessies en ’n grysappeltjie was van my gunsteling-veldvrugte. In die sering had ek my uitsaaistasie van waar ek op ’n tak gesit en stories uitsaai het. Geen storie had ooit ’n einde nie … “Ek het verkies om by my grootouers te bly. Toe ek skoolgaande ouderdom bereik, het Ouma en Oupa my na die Welgedacht Sentrale Skool op Tolwe geneem, maar toe ek die twee rye ysterkatels met blou komberse in die koshuisslaapsaal sien, het my moed my begeef. Ek het in trane uitgebars en Oupa het daar en dan besluit…

Kaasborde is een van ons gunstelinge om vir gaste voor te sit – jy kan dit vooraf voorberei en boonop verg dit nie veel tyd of werk nie sodat jy meer tyd het om saam met familie en vriende te kuier. Hier is ons topwenke vir die perfekte kaasbord. KAAS KRAAI KONING Die kaas is natuurlik die middelpunt, maar dit beteken nie dat sommer enige kaas sal deug nie. Die belangrikste deel is om die regte kase vir jou kaasbord te kies. Oorweeg eerder tradisionele kase en probeer om nie die bord met te veel sterk kase te oordonder nie. ’n Goeie wegspringpunt is ’n verskeidenheid harde kase soos Clover se wit cheddar en Clover Cheddar – klassieke smake wat almal geniet. Voeg dan semi-harde kase soos Clover Gouda en…

GELEENDE KINDERS MET VLERKE Ek hoor my ma se stem nog so duidelik: “Jou kinders word net vir jou geleen. Al wat jy moet doen, is om hulle toe te laat om hul vlerke te sprei en hulle te leer vlieg.” Sover was dit nie te moeilik nie, my seuns kon hul drome najaag en ek het die voorreg gehad om my kleinkinders te geniet. Nou het omstandighede ’n bietjie verander. Ek is met ’n baie swaar hart byna op pad lughawe toe, want my seun en sy gesin se meubels en tasse is gepak, hulle gaan oorsee woon en werk. Skielik is ek glad nie so gemaklik met hierdie gevliegery nie – letterlik en figuurlik! Vlerke is buitendien vir engeltjies. Dankie tog vir moderne tegnologie en kleinkinders wat met…

Suzanne Schmidt (67), afgetree, Oos-Kaap Vir my is ons kos-erfenis ’n passie. Ek maak dit deel van my daaglikse bestaan en maak nooit net kos nie, maar verloor my in die heerlikheid daarvan om iets nuuts te maak, die smake met vorige kere te vergelyk. Dit is vir my belangrik dat my kleinkinders ook die kuns moet aanleer en eendag net soos my seuns beoefen. Selfs noudat ek alleen is, maak ek altyd vir my ordentlike kos. Van my kosbaarste besittings is my ma, ouma en skoonma (almal oorlede) se resepteboeke. Charlotte Manuel (57), bibliotekaresse, Touwsrivier Ek is mal oor Erfenisdag op 24 September, wat sommer Nasionale Braaidag gedoop is. Op Braaidag kan kultuurgroepe hul erfenis uitleef, maar die beste is die vleisbraaivure wat aangesteek kan word om ’n vleisie…

In die laaste paar episodes van Binnelanders waarin kykers vir Pippa Malherbe (neé Venter) op die kassie sien, trou sy met kaptein Ferdi Liebenberg, ’n polisieman in murg en been, vertel Ernst Swart, publisiteitshoof van Binnelanders . “Pippa se liefdeslewe was nog altyd iets wat kykers se verbeelding aangegryp het – en die keer het die skrywers dit goedgedink om iemand in haar lewe in te bring wat nie soos die res is nie. Juis omdat hy nie in die mediese wêreld werk nie, was daar redelik baie hindernisse aan die begin van hul verhouding. Ferdi verstaan ook wat dit beteken om ’n alleenouer te wees, aangesien hy ’n dogter het.” Boonop is Celeste ’n rebel, en onlangs moes hy en Pippa boonop die pad van verslawing saam met haar…

‘Daar vind ’n intieme soort verbintenis plaas wanneer ’n groep goeie vriendinne bymekaarkom. Dis helend’ Die kameraderie tussen die groep vroue in jou nuwe fliek Book Club het eg gelyk. Hoe was dit om saam met hierdie ikoniese vroue aan ’n fliek te werk? Wanneer ’n groep vroue saam aan iets werk, is ’n mens maar altyd bekommerd dat iemand moeilik gaan wees, of soos ’n diva sal optree. En dit was toe so ’n plesier om agter te kom dat nie een van hulle ’n prima donna is nie. Dit was heerlik om almal beter te leer ken. Ons is net gewone mense. Wanneer ons klaar geskiet het, het ons almal in die motorhuis van die huis waar ons gewerk het, bymekaargekom en gekuier. In…

Deirdre is in Kanada gebore waar haar Afrikaanse pa, Louis, sy Ph.D. in geologie gedoen het en met haar Kanadese ma, Lucretia, getroud is. Die Wolhuters het teruggekom Suid-Afrika toe en ná skool het Deirdre ’n B.A.-graad en diploma in spraak en drama aan die Universiteit van Kaapstad voltooi. Deirdre is buiten ’n TV-aktrise ook ’n gesoute verhoogaktrise en sy het ook al in rolprente soos ’n Pawpaw vir my Darling gespeel.…

Elma Potgieter is sedert die begindae van televisie as TV-aktrise bekend, maar sy het al vele hoede in haar kreatiewe loopbaan gedra. Sy was onder meer ook ’n joernalis, en is deesdae dikwels op RSG te hoor, onder meer as aanbieder van musiekreekse en as aktrise in radioverhale. Kykers sal haar waarskynlik onthou vir TV se Wielie Walie en dalk ook vir Kraaines (wat sy ’n ruk lank in Carike Keuzenkamp se plek aangebied het), maar eintlik was Elma se eerste werk dié van joernalis by Die Transvaler. Dit was ook in haar joernalistieke loopbaan dat sy haar groot liefde, die akteur Schalk Jacobz, ontmoet het. Woorde het Elma van kleins af gefassineer, en sy vertel haar pa het haar en haar sussie kleintyd al met boeke bederf. Sy kan…

‘Ek glo ’n mens het net ’n bietjie talent nodig. Die res van jou sukses word bepaal deur die tyd en toewyding wat jy insit’ in musikante kan met ’n kitaar doen wat Loki kan, en dis nog merkwaardiger wanneer jy hoor dat hy al iets in die twintig operasies – die meeste daarvan aan sy hande - ondergaan het. “Ek is gebore met my derde en vierde vingers aan albei hande aan mekaar vasgegroei. Die toestand word ‘sindaktilie’ genoem,” vertel hy. Boonop het sy regternierpyp nie in die nier ingegaan nie. Laasgenoemde probleem is met een operasie reggestel, maar sy hande was ’n ander storie. Een van die nagevolge van ’n mislukte operasie en verkeerde behandeling as peuter, was krom vingers aan sy regterhand. ’n Operasie om dit te…

Kom ons hou PARTYTJIE Kolle skep ’n prettige partytjievoorkoms en ons is dol daarop en bly dat dit die seisoen in oormaat te sien is. Die H&M-ontwerpers is bekend daarvoor dat hulle ’n klassieke styl met ’n tikkie uniekheid kan vernuwe - dié seisoen het ’n vloeiende somerrokkie die perfekte partytjierok geword. MAKSIROK MET UITKLOKMOUE (R799; 32-46) H&M. STEEL die FRANSE STYL Die moeitelose elegansie van Frankryk lê in die hartjie van Witchery se nuwe reeks. Met sjiek silhoeëtlyne en onderliggende glans sal hierdie reeks jou alledaagse uitrustings vernuwe. AANGLIPTEKKIE (R909; 36-42) WITCHERY. REËNBOOGPALET Dis geen geheim dat die modetendense van Zara al hoe meer op die gemakstyl fokus nie. Om verder aandag te trek pas hierdie seisoen se kleurpalet perfek in by die warm, helder kleure van die reënboog.…

1 Vermy sonblootstelling tussen 11:00-16:00, want geen sonskerm bied algehele beskerming teen UV-strale nie Volgens die Europese Gemeenskapskommissie se aanbevelings mag geen produk waarborg dat dit algehele beskerming bied teen sonskade en gesondheidsrisiko’s wat deur ultravioletstrale veroorsaak word nie. Sonbeskermingsprodukte is doeltreffend in die voorkoming van sonbrand, maar beskerm jou nie teen melanome en sekere tipes karsinome nie, sê die kommissie. Bron: Recommendation relating to sun protection products and manufacturers claims regarding their efficacy 2 Dra ’n hoed en beskermende klere In ons sonnige land word die meeste van ons tog in die gevaarure aan die son blootgestel. ’n Hoed, sonbril (met UV-beskerming) en beskermende klere bly van die beste maniere om jou teen die son te beskerm. 3 Wend weer sonskerm aan Geen sonskermproduk mag sê dat dit heeltemal…

Adele, ’n ma van twee seuns, het gevoel sy het ’n nuwe voorkoms en ’n bietjie pamperlang nodig gehad. ‘Elke ma, of sy werk of nie, verdien dit om soms bederf te word’ MODE Adele se liggaamsvorm is ’n kombinasie van ’n ovaal en appelvorm. So ’n figuur het nie ’n gedefinieerde middel nie, en is groter om die middel en die borste is matig tot groot. Dit is belangrik om jou middel te definieer met slim stylkeuses soos dié ROMP (STUDIO W BY WOOLWORTHS, R499). ’n Lae halslyn is ’n moet, want dit laat Adele se bolyf langer lyk en laat haar slanker lyk (V-NEKBLOES VAN EDITION BY WOOL-WORTHS, R399). Die lengte van die midiromp beklemtoon die slankste deel van haar bene en HOËHAKSKOENSE (CALL IT SPRING, R899,99) gee…

Suzanne Schmidt Ek was ’n stiefma vir twee seuns, en ek het besef hierdie verhouding is nie so natuurlik soos met jou eie kinders nie, en dat dit werklik veral van die stiefouer se kant baie aandag en werk verg om by die punt te kom waar dit ’n natuurlike verhouding word. Charlotte Manuel Ek dink dit is alle partye se verantwoordelikheid om aan ’n goeie verhouding te werk. Soms kan stiefkinders stram wees en die stiefouer grys hare gee. Maar dis ook daardie ouer se plig om met die regte houding die kind se vertroue te wen. Dit is belangrik dat die biologiese ouer en stiefouer moet saamstaan wat dissipline betref. Nadia Bouwer Ek het ’n vriendin wat al jare ’n moeilike verhouding met haar stiefseun het. Uit haar…

• Die belangrikste is waarskynlik dat jou vrou in álle opsigte volkome in die prentjie moet wees. Sy gaan saam wanneer die behandeling dit toelaat. Sy sit by wanneer die dokter die mediese toestand verduidelik. Sy moet die implikasies van die siekte en newe-effekte van die behandeling verstaan sodat sy jou op die regte tyd of geleentheid kan aanmoedig, of met ’n simpatieke oor na jou kan luister. • Sy moenie net altyd die sogenaamde “regte” ding wil doen nie. Die feel good-faktor is bitter belangrik. Sy moet probeer vasstel wat dit is en dit versigtig in die tuisbehandeling inbring. Ons het byvoorbeeld elke keer kort voor ek ’n chemo-afspraak gehad het, die steak, chips en uieringe met rooiwyn-ding gaan doen. Daar kan baie ander sulke goed wees, maar dis…

Die jongste generasie slimhorlosies is nie net funksioneel nie, maar ook mode-items. Fitbit Versa het verskeie opsies vir omhulsels en bandjies en die horlosie sal selfs goed lyk by ’n elegante uitrusting. Boonop weeg dit net 31 gram. • Die Fitbit Versa bied al die funksies wat die gemiddelde mens van ’n slimhorlosie vereis: konstante hartklop op jou gewrig, slaappatrone, tel treë, ’n gonser om jou te herinner om gereeld te beweeg, kennisgewings van oproepe en boodskappe op jou slimfoon, en die horlosie is ook nou waterdig tot op 50 m. • ’n Oulike nuutjie vir vroue is Female Health Tracking wat outomaties op jou horlosie beskikbaar is as jy jou as ’n volwasse vrou aanmeld in die Fitbit-app. Dit hou boek van jou menstruele siklus en simptome wat dit…

STEM JA OF NEE OP ONS VRAAG IN “WAT DINK JY” EN JY KAN ’N DR. GREEN-GESKENKPAK TER WAARDE VAN R3 000 WEN. GOEIE GESONDHEID BEGIN MET DR. GREEN-PRODUKTE! DR. GREEN-KOMBUISTOEBEHORE IS GEMAAK VAN HERWINBARE MATERIAAL EN DIE KLEEFVRYE LAGIE IS NIE GIFTIG NIE. DIE GEGOTE ALUMINIUMBASIS VERSEKER DAT DIE TEMPERATUUR EGALIG BLY EN DIE KOS LEKKERDER EN HEILSAAM MAAK. DANKSY DIE KLEEFVRYE OPPERVLAK GEBRUIK JY MINDER OLIE OF VET – WAT SOVEEL GESONDER IS. DR. GREEN IS GESKIK VIR ALLEDAAGSE GEBRUIK SOWEL AS GESPESIALISEERDE KOSVOORBEREIDING. GLO JY DAT OU LIEFDE NIE ROES NIE? BESOEK VANDEESMAAND ONS WEBBLAD BY ROOIROSE.CO.ZA EN KLIK OP “WEN” EN DAN OP “WAT DINK JY”. Kry meer inligting oor Dr. Green-produkte by www.risoli.co.za…

SUPERMAKLIKE YSIES Genoeg vir 2 yspakkies 500 ml (2 k) vrugtesap, soos bessiesap of tropiese vrugtesap 125 ml (½ k) strooisuiker 125 ml (½ k) vars vrugte wat by die sap pas soos bessies (by die bessiesap) of papaja (by die tropiese sap) 2 Glad-ysblokkiesakkies 1 Meng die vrugtesap, strooisuiker en vars vrugte in ’n voedselverwerker of versapper. Meng vir 1–2 min. tot glad en egalig. 2 Gooi die sapmengsel met ’n tregter in die Gladysblokkiesakkies. Druk die sap effens af in die sakkies as dit te stadig afloop. 3 Keer die sakkies om sodat die selfsluitklep geaktiveer word. 4 Sit in die vrieskas tot dit hard gevries is. 5 Skeur die ysblokkies uit die sakkies en sit dit in ’n yskoue drankie, of eet dit sommer net so!…

As jy twee sekondes laat op die perron aankom, kan jy jou maar daarop voorberei om die agterent van die byna geruislose gedierte om die draai te sien verdwyn In sy liedjie “You are Here”, sing John Lennon na aanleiding van ’n besoek aan Japan saam met sy vrou, Yoko Ono: From Liverpool to Tokyo what a way to go; From distant lands one woman one man Let the four winds blow … Tot onlangs was Japan vir my, soos seker vir baie Suid-Afrikaners, ook ’n vreemde, veraf wêreld. Vir seker ’n way to go. En dan verwys ’n mens nie net na die afstand (tussen 23 en 24 uur van opklim hier tot afklim daar) nie. As jy dit jou werk begin maak om iets van hierdie mense en…

Die televisie- en radiopersoonlikheid SUZAAN STEYN se talente ken geen einde nie. En ná haar boek Rand en Sent kan sy ook “skrywer” by haar CV voeg. WAAR KOM JOU BELANGSTELLING IN FINANSIËLE SAKE VANDAAN? Ek was gelukkig om ouers te hê wat slim met geld kon werk en my van jongs af respek geleer het vir die waarde daarvan. Aandele was vir my pa ’n soort stokperdjie en hy het ook probeer om my meer daarvan te leer. Hy het my baie aangemoedig om te spaar. Vir elke rand wat ek ingesit het, het hy een bygevoeg. Ek het vir ’n ekstra inkomste ook graag na die bure se tuine en troeteldiere omgesien. Van saamgestelde rente het ek natuurlik toe niks geweet nie, maar ek was gek na my…

Die lewensverhaal van Min Shaw, Sprokie van ’n Liefling, deur Shaun Mynhardt, word binnekort deur Protea Boekhuis uitgegee. Mynhardt, ’n skrywer en sanger van Kaapstad, ken Min al 21 jaar en reël ook haar optredes in die Kaap. Toe die twee onlangs ’n geselligheid by hul uitgewer bygewoon het, het die koppe behoorlik gedraai oor die jong man aan haar sy. Iemand het opgemerk dat hulle ’n “oulike paartjie is”, maar Min het laggend gesê: “Nee, skat, ons is nie ’n paartjie nie. Ek kon sy ouma gewees het!” Min, ’n gevestigde Afrikaanse “liefling”, lyk soos ’n aantreklike sestigjarige, maar is al 83 en het dit reggekry om tydloos te bly. Sy ís immers al 57 jaar lank in die vermaakbedryf ... Haar eerste langspeelplaat, Kleine Nagtegaal, is in 1966…

OVERBERGE TOE Skryf 1 en 2 September in jou dagboek: Kos, wyn, musiek en vermaak in die Overberge bied vreugde in oorvloed, met genoeg vir die kinders ook. Daardie naweek gebeur daar nog meer op die Overbergse dorpie, Botrivier, en dis niks minder as die kontrei se bul-dadige opskop nie! Jy kan ’n reeks aktiwiteite op elke deelnemende plaas verwag. En wat sal ’n bulfees nou sonder ’n resies wees? Vir inligting oor die faBULLous Botrivier Lentenaweek kontak Melissa Nelsen by melissa@genevievemcc.co.za Gabriëlskloof gaan sy eerste Little Spring Market by die landgoed buite Botrivier ook op 1 en 2 September aanbied. Dit vorm sommer deel van die jaarlikse Botrivier Lentenaweek wat ook daardie naweek plaasvind. Kom skud jou winterslaap af en vul jou spens opnuut met dit wat vars en vrolik…

Elza beskryf haar en haar eksman, die skrywer John Miles, se kinders as “drie eie mense”. Paul (52), ’n skrywer, woon saam met haar op Prins Albert. “Hy is my nommer een kritikus. Elske (50), ’n refleksoloog, het haar doktorsgraad in Frans verwerf en haar toe op die studie van essensiële olies toegespits. Sy en haar lewensmaat, Patricia Roucher, woon met hul dogters Anaïs en Cannelle in Parys, Frankryk. Karel (46) skilder, maak beelde, en werk as rekwisietemeester in die rolprentbedryf. Hy en sy vrou, Adèle, maak Tom en Ruby groot in die Melville-huis waarin ons in 1967 ingetrek het.” Karel noem Elza “’n magic ma. Sy het anders aangetrek, in way out hippieklere wat sy self gemaak het - eenvoudig en mooi. Al het dit soms broekskeur gegaan, was…

HEERLIKE VLATERTJIES GENOEG VIR 12 DEEG 110 g botter 100 g strooisuiker 1 eier, geklits 250 g meel VULSEL 1 houer (1 kg) Clover Classic Custard 250 g vars bessies vir opdiening 1 Voorverhit die oond tot 160 ˚C. 2 Meng die botter en strooisuiker in die mengbak van ’n voedselverwerker tot lig en romerig. Voeg die eier stadig by en meng goed. Voeg die meel by en meng tot die deeg bymekaarkom en ’n bal vorm. 3 Haal die deeg uit en vorm dit in ’n plat vierkant. Bedek met plastiek en sit vir minstens een uur in die yskas. 4 Rol die deeg tussen twee stukke bakpapier uit tot 1 mm dik. Spuit 12 cm x 10 cm-losboomtertpannetjies met kleefwerende kossproei en voer die pannetjies met die deeg…