Innholdsfortegnelse for Augustus 2017 i Rooi Rose

DIE WÊRELD het ’n bitter gevaarlike plek geword. Ons onthou vaagweg oorleweringe en geskiedskrywing oor twee wêreldoorloë omdat verreweg die meeste deelnemers nie meer met ons is nie. Ons weet van bitter oorloë in Viëtnam en op ons eie grens, weliswaar op kleiner skaal, tog ewe vernietigend, maar ek dink die skaal daarvan het ons laat dink ons sal nooit weer wêreldoorloë hoef mee te maak nie. Maar dis nie so eenvoudig nie. Wydverspreide kolle haat en onverdraagsaamheid wêreldwyd beteken dat niemand meer veilig is nie, nêrens is mense meer redelik seker dat onrus en geweld hulle nie sal raak nie. Die dood is op die loer en skuil oral en in alle lande. In tasse, die selfmoordhemde van godsdiensmartelaars, trokke en selfgemaakte bomme in drukkokers skuil die dood wat…

Wen velsorg- PRODUKTE Beaucience is ’n trots Suid-Afrikaanse velsorgreeks wat van natuurlike bestanddele gemaak word. Vyf gelukkige lesers kan elk ’n geskenkpak van R2 000 wen. WEN ’N wegbreek Glip weg en geniet ’n naweek in die stad. Een gelukkige leser kan twee nagte se verblyf by die luukse Faircity Quatermain- hotel wen. Agter die SKERMS Ons voorbladvrou, Erica Wessels, was (soos altyd) elegant voor die kameras. Kyk na ons agterdie- skerms-video, asook foto’s wat nie in die tydskrif verskyn nie. Hekel en brei Maak vir jou ’n koppie warm tee, trek die naalde nader en begin brei en hekel met ons skatkis vol patrone. Daar is selfs lapwerkpatrone net vir jou. Kyk onder Leefstyl, Handwerk. Wen LINNE Hou jy van gehalte-linne? Dan is hierdie kompetisie vir jou! Een gelukkige…

rooirosewinkel.co.za…

Margaret uit Hollywood Michelle Pfeiffer is bekend vir haar skoonheid; daardie ysblou oë en wye, sensuele mond. Tog het sy haar as ’n ernstige (en onderskatte) aktrise bewys in flieks soos Scarface, The Fabulous Baker Boys, as Catwoman in Batman Returns en Dangerous Minds. Op 59 is sy steeds pragtig. En nee, sy lyk nie veertig nie, want sy is nie. Sy is warm, intelligent en glimlag maklik. Dis asof sy besef sy moet gereed wees om te bewys dat daar meer in haar steek as net haar voorkoms. Sy verskyn teen die einde van die jaar in regisseur Kenneth Branagh se Murder on the Orient Express. Kenneth sê toe hy Michelle die eerste dag op die stel raakloop, was sy in trane. Hy was dadelik besorg dat iemand of…

Ná meer as 120 jaar in die bedryf weet Rotary presies hoe om uitmuntende vakmanskap met die jongste ontwerptendense te versoen sodat hulle tydlose horlosies skep wat nooit hul styl verloor nie. Die klassieke, elegante vlekvryestaalhorlosie is afgerond met geelgoud PVD-plateerwerk, ’n krapbestande saffier-kristalglas en fyn geslypte Oostenrykse kristalle op die wysterplaat. Saam vorm dié ontwerp ’n moderne uurwerk wat diep in die Switserse erfenis gegrond is. Dra dit saam met enige uitrusting en kikker jou voorkoms hierdie winter Meer inligting by 011 448 2210 of rotarywatches.co.za Om in te skryf BEANTWOORD DIE VRAAG EN SMS JOU ANTWOORD, VOLLE NAAM, ADRES EN ID-NOMMER NA 48409. VRAAG: HOEVEEL JAAR IS ROTARY IN DIE HORLOSIE-BEDRYF? SMS’E KOS R1,50 ELK, GRATIS SMS’E GELD NIE. REËLS EN VOORWAARDES OP BL. 77. SLUITDATUM 31 AUGUSTUS…

3 OPSIES BESKIKBAAR: SKRYF AANLYN IN: MAGSATHOME.CO.ZA/MAGAZING.HTM BEL: 0860 100 999 E-POS: SUBS@MAGSATHOME.CO.ZA ONTVANG JOU MAANDELIKSE TYDSKRIFKOOPBEWYS VIA SMS HAAL JOU TYDSKRIF AF: GEBRUIK JOU WOOLIES-KAART EN HOU JOU KOOPBEWYSSTAAFKODE GEREED HET JY NIE ’N WOOLIES-KAART NIE? KRY EEN BY JOU NAASTE WOOLIES-WINKEL WREWARDS WOOLWORTHS FINANCIAL SERVICES (PTY) LTD (REG NO 2000/009327/07) IS ’N GEMAGTIGDE FINANSIËLE DIENSTEVERSKAFFER (FSP15289) EN GEREGISTREERDE KREDIETVERSKAFFER (NCRCP49). WAS R444 | NOU R288,60 35% AFSLAG OP JOU 12 MDE SUBSKRIPSIE WONDERLIKE AANBIEDINGS! Jy as intekenaar wat jou tydskrif by ’n Woolworths-winkel afhaal, kan nou ook die spesiale geskenke kry wat slegs in tydskrifte aangebied word wat in Woolworths verkoop word. REËLS EN VOORWAARDES: 1. Hierdie aanbod geld slegs nuwe subskripsies. 2. Hierdie koopbewys mag saam met enige ander Woolworthskoopbewys gebruik word. 3. Hierdie koopbewys moet saam…

NEEM DIT IN AG • Hoe meer ervaring jou dokter het, hoe beter. • Dit is belangrik dat jy gemaklik voel met jou dokter of terapeut, en sou jy onseker voel, sê dit. • Met sommige prosedures is die effek eers ná ’n paar maande sigbaar. Neem ’n foto voor die behandeling en weer so ’n paar maande later om te kyk of daar ’n verskil is (sonder grimering, op dieselfde tyd van die dag en dieselfde plek). • Die prosedures is wel aansienlik goedkoper as chirurgie, maar dis steeds duur, en die verandering is nie so ingrypend soos wanneer jy chirurgie sou ondergaan nie. • Jy hoef nie narkose te kry nie, en jy lyk gouer weer “aanvaarbaar”. VERMY DIÉ 5 FOUTE Dr. Judey Pretorius, biochemiese wetenskaplike en produkontwikkelingskundige…

Justine.kroes@outlook.com NAWEEK As jy korter en fyn gebou is en langer wil lyk, kies ’n broek met netjies afgewerkte broekspype wat hoër om jou middellyf sit – dit skep die illusie van langer bene (BROEK VAN TOPSHOP, R869). Kombineer dit met ’N BLOES MET KORTER MOUE (FOREVER NEW, R599) en gemaklike AANGLIPSKOENE MET INTERESSANTE DETAIL (CALL IT SPRING, R499). Rond die uitrusting af met ’n KAMEELKLEUR WINTERSHOED (FOREVER 21, R499). Verander die naweekvoorkoms na ’n veelsydige werkuitrusting. Dra ’n jas daarby (R8 199,95, TED BAKER), vervang die plat skoene deur SKERPPUNT-HOË- HAKSKOENE (R3 599,95, TED BAKER) en ’N HANDSAK (R1 299, ACCESSORIZE). WERK ‘My mooimaaksessie het my uit my gemaksone geskud en geleer om met nuwe oë na nuwe style te kyk en om weer dapper genoeg te wees om…

Ons kyk of die persoon se denke en emosies gesing chroniseer is; iets van walking the talk. Dis belangrik om die fases van rou � ontkenning, woede, onderhandeling, depressie en aanvaarding - te begryp, ook dat hulle mekaar nie altyd netjies opvolg nie. Ons stel vas of die persoon nog teen die egskeiding stry en op herstel hoop, of aanvaar het die huwelik is verbyc Ook of hy of sy boedel oorgegee hetC of selfgeldend kan optree. Begin hulle �n nuwe lewe beplan, of val hulle in weerwraak vas? ?_?___________________"_____?_______________$____ gereed is. Maak net seker dis oor die regte redes en nie slegs om die eensaamheid te verdryf nie. Tweede verhoudings kan gelukkig wees, maar dit hang af van jou waardes, vooropgestelde idees, logika en die vermoë om die trauma…

Die uitdrukking “dinamiet kom in klein pakkies” kon netsowel uitgedink gewees het vir dr. Ria de Villiers, ’n bekende in opvoedkundige en uitgewerskringe. Dié Bloemfonteiner is klein, fyn en baie elegant – en ’n slim sakevrou met buitengewone visie en ondernemingsgees, wyd bekend as ’n sterk vrou en harde werker. As die dogter van ’n Griekse immigrant weet Ria immers alles van harde werk. “My pa het ná matriek op die eiland Ciprus, waar hy gebore is en grootgeword het, sy fortuin in Suid-Afrika kom soek. Ná ’n paar jaar in Johannesburg, waar hy ’n assistent was in sy een broer se winkel en ’n sjef in sy ander broer se restaurant, is hy terug Ciprus toe om te gaan vrou soek,” vertel sy. Op Ciprus het hy iemand ontmoet…

DAARDIE BOELIE Een oggend stuur ’n vriendin ’n video aan van ’n bobbejaanwyfie wat by ’n spiëel verbybeweeg. Toe die madame haar in die spiëel sien, gee sy ’n verbouereerde blaf en kies die hasepad. Ek kyk ’n paar keer daarna en lag elke keer van vooraf. Watter vrou het nie al in die ontluisterende oomblikke voor die spiëels in ’n aantrekhokkie gevoel sy kan ook maar deur die venster klim en verdwyn soos die honderdjarige van die boek nie?* Perfeksionisme, daardie boelie wat jou laat glo dat jy nooit mooi of slim of deugsaam genoeg is nie, vervreem jou nie net van jouself nie maar ook van ander mense na wie se goedkeuring jy so smag. Om perfeksie te begeer, is om genade te weier. * The hundredyear old…

Nie ver van die Ou Kalahari af nie, het ek mens geword. Op die naat van die landskap waar die halfwoestyngebied aan die noordekant teen Grootrivier grens, het ek op ons wingerdland op Kakamas grootgeword Die aanliggende Kalahariwoestyn se geheimsinnigheid het my van kleins af geboei, maar weens die verloop van die lewe was dit ons gesin nooit beskore om die woestyn te verken nie. Gevolglik was my kennis van die Kalahari beperk tot hoërskoolkennis en hoorsê. Op skool het ons geleer dat die Kalahariwoestyn met ’n oppervlak van 570 000 vierkante kilometer agtste op die ranglys van die wêreld se grootste woestyne val. Kgalagadi wat letterlik beteken “die land wat opgedroog het” is uit die Namawoorde “kgala” en “gadi” saamgestel, het ons geleer. Van die jaarlikse gemiddelde reënval van…

KOBUS ANTHONISSEN Anthonissen, ’n psigoanalis en oud-hospitaalleraar, werk hoofsaaklik met ouerwordendes en sy boek fokus op alles wat “die dans met die lewe” sal verryk. Wat het jou laat besluit om ’n boek oor “oudword” te skryf? Dit was gedurende my doseerwerk aan die Kweekskool op Stellenbosch, Universiteit van Wes-Kaapland, asook my werk met ouerwordende mense by die Tygerberg-hospitaal. Algaande het ek besef: ouerword hang van vier aspekte af: jou chronologiese ouderdom – die jare op jou geboortesertifikaat; biologiese ouderdom – wat reeds op dertig begin met die liggaam se geleidelike agteruitgang; die samelewing se negatiewe houding teenoor ouerwordendes; en innerlike geluk – die vernaamste. Juis hierdie tema van innerlike geluk het my gefassineer. Met my boek het ek aangesluit by die Britse sielkundige Donald Winnicott. Ek het my siening…

Onthou gerus die naam Rosanthorn – ’n elektriese tjello-trio wat hul naam kry uit ’n samevoeging van die drie vroue se name: Dorette Roos is die “Rose”, Anjulie Nock is “An” en “Thorn” is Carol Thorns. En hulle ken hul storie. Hul repertoire sluit in herinterpretasies van werke so uiteenlopend soos Leonard Cohen se “Hallelujah” en Imogen Heap se “Hide and Seek”. Carol is ’n cum laude-gegradueerde van Rhodes Universiteit. Haar debuutalbum, Fireflies in the Rain, het ’n SAMA-benoeming as die Beste Instrumentale Album gekry. “Rosanthorn het om sosiale en musikale redes ontstaan,” sê Carol. “Tjelliste kry nie eintlik kans om saam te speel nie, maar nou sien ons mekaar gereeld in die proses van skryf, oefen en opnames. Uit ’n musikale perspektief: drie tjello’s saam en in harmonie is…

Trots Suid-Afrikaans 100% Design South Africa vind van 9-13 Augustus by die Gallagher Convention Centre plaas. Kurators Cathy O’Clery en Laurence Brick bied met hul asemrowende uitstalling ’n platform vir kontemporêre ontwerp. Met die werk van Gregor Jenkin, Dokter and Misses, David Krynauw, James Mudge en Source IBA saam met ontwerpgroepe soos Crema Design, MONN en Ergo- Form, belowe 100% Design South Africa om ’n hoogtepunt te wees. Verwag ’n wye aanbod van interieurs, tekstiele, argitektuur, meubels en produklyne. 100percentdesign.co.za Opskiet-etes Ontdek weer wat plattelandse kos en keurig gemaakte wyn so spesiaal maak, en bespreek jou sitplek by vanjaar se Opskiet Middagetes met die Stellenboschwynroete van Bottelary Hills en die bekroonde sjef George Jardine. Die wynkeldermiddagetes het gegroei tot een van die hoogtepunte op kos-en-wyn-liefhebbers se kalender. Besoek Kaapzicht-wynlandgoed op…

DIE GESKIEDENISLES Die Bayeux-tapisserie word as een van die bekendste Anglo-Saksiese kunsstukke bestempel. Dit beeld die gevegte in 1066 uit toe die Normandiërs Engeland verower het. Die tapisserie is amper 70 m lank en 50 cm breed en is met wol op linne uitgewerk. Dit word in Bayeux in Frankryk uitgestal. SKONE kuns op kussings AMANDA DU PLESSIS HET IN FEBRUARIE HAAR KUNS OP LAP GENAAMD “EVOLUTION” BY DIE CIRCA-GALERY UITGESTAL. VIR HAAR “BLOUDRUK”-WERK WORD DIE MATERIAAL MET ’N LIGSENSITIEWE CHEMIESE OPLOSSING BEHANDEL. VOORWERPE SOOS GRASSADE WORD DAN OP DIE MATERIAAL IN DIE SON GESIT SODAT DIE KUNSWERK DEUR DIE SON GESKEP WORD. VIR VAN DIE ANDER WERKE IS FOTO’S UIT DIE ARGIEWE GEBRUIK. EVOLUTIONPRODUCT.CO.ZA Van skilderdoek tot LOOPPLANK David Brits, ’n Kaapse kunstenaar, en Daniel Sher van die handelsmerk…

Wanneer strogeenvlakke daal, kan vroue lei aan haarverdunning en haarverlies*. Duitse wetenskaplikes het ’n Fito-kafeïen kompleks ontwikkel om hare beskerm. Meer en meer vroue neem die inisiatief om haarverlies teen te werk. Een van die voorste Duitse kenners in haarverlies, Dr. Adolf Klenk, verduidelik die steun: Wat is die redes vir haarverdunning en haarverlies*? Dr. Klenk: Die samestelling van ’n vrou se liggaam begin op die ouderdom van 40 verander. Estrogeenvlakke daal en testosteroon verhoog. Dit lei tot voortydige haarverdunning en haarverlies*. Wat kan vroue van die spesiaal- ontwikkelde kafeïen-ondersteuning verwag? Dr. Klenk: Die spesiaal-ontwikkelde kosmetiekmiddel, Plantur 39 Fito-kafeïen Kompleks beskerm en aktiveer uitgeputte hare om te keer dat dit verdun en uitval. Hoe werk die Kompleks haarverlies* teen? Dr. Klenk: Dis eenvoudig: Terwyl jy was, word die kafeïen regoor…

Ontmoet Franja en Ruan. Soos ander kinders deel hulle hul ouers, Juanita en Doepie, se gene, talent én van. Met dié verskil: dis Du Plessis. Dié broer en suster het binne omtrent ’n jaar behoorlike kepe in die musiekbedryf uitgekerf. Franja se debuutalbum, My verhaal, wat verlede jaar uitgereik is, is met twee Ghoema-toekennings bekroon: beste nuweling én beste vroulike kunstenaar van die jaar. Ruan se album, Eggo, is vroeër vanjaar uitgereik en kry wyd lof van resensente en is gewild op radiostasies landwyd. Ruan, wat ’n B.Com.-graad in bemarkingbestuur aan UNISA verwerf het, bestuur sy ouers se platemaatskappy JRECORDS en WOW-musiekverspreiders. Franja het musiekteorie en –vervaardiging aan die Berklee Online Music College in Amerika studeer en is betrokke by haar ouers se platemaatskappy. Hulle is nogal vinkel en koljander.…

Waar Simon Witbooi en sy vrou pragtige vrou, Claudia, styf langs mekaar sit, verklap die sagtheid in hul oë wanneer hulle na mekaar kyk dat hulle ná drie jaar saam steeds smoorverlief is. Hulle het al met hul eerste ontmoeting in Augustus 2014 besef hul harte klop dieselfde. Dit was op ’n hip-hopindaba in die Moederstad, vertel Claudia, onder haar aanhangers bekend as YOMA. “Die aand nadat ons mekaar die eerste keer ontmoet het, het ons seker ses of sewe uur net gesit en gesels.” Vroeg in ons onderhoud maak Simon seker ek verstaan dat hip-hop nie vir hom kletsrym is nie, al sê die taalghoeroes ook so. “Dis rymklets,” dring hy aan. Maar maak nie saak wat jy die musiekvorm noem nie, Hemelbesem, soos hy heet wanneer hy in…

Kry 20% afslag op luukse produkte Carrol Boyes se ontwerpersprodukte is sinoniem met styl, en elke item is ’n funksionele kunswerk uit eie reg. Hierdie begeerde versamelstukke wissel van kombuisen badkamerbykomstighede tot meubels, en dis geen wonder Carrol Boyes is ’n bekende naam in meer as dertig lande nie! Elke stuk - of dit ’n bord, vaas of seepbakkie is - word van net die beste materiaal gemaak en dit sluit piouter, gietaluminium, hout, leer, vlekvrye staal, koper en keramiek in. Haar ontwerpe, soos die ikoniese mensfiguur wat die eietydse bak soos ’n baba vashou, vier die evolusie van menslike lewe. Die veelsydigheid van die bak leen hom tot vele inspirerende maaltye in jou huis. Bel 021 424 8263 of kyk by carrolboyes.com vir jou naaste winkel. HOE OM JOU…

susram@ctp-mail.co.za @susra_morkel STYL & gemak Green Cross glo mode hoef nie pynlik te wees nie en ontwerp skoene wat styl, gemak en gehalte kombineer. STEWELS (R2 499; 3-9) GREEN CROSS. Kies BONKIG Moenie dat jou juwele tussen die bedrukte wintermateriale wegraak nie. Kies ’n bonkige, eenvoudige stuk van materiaal soos tou, draad en fraiings. RENDILE-NEKSTUK VAN SHAUNA NEILL (R300). BESKIKBAAR BY KAMERS. SUSRA KIES Dra dit ORALS Hierdie handsak met sy tossels is met die hand in Kaapstad gemaak. LEERHANDSAK (R1 499) MAT&MAY. LUUKSE VIERING ’n Beperkte uitgawe van vyfhonderd kopieë van die unieke horlosie is ter viering van Michel Herbelin se sewentigste bestaansjaar gemaak. GOUD-EN-SAFFIERHORLOSIE MET LEERBANDJIE VAN MICHEL HERBELIN (PRYS OP AANVRAAG) LUXCO IMPORTERS. Die Nuwe PARKA het vroeër vanjaar sy debuut op die Mercedes Benz-modeweek gemaak. Lieflike,…

suzannek@ctp-mail.co.za @suzannekotze ‘Ek is opgewonde om as ’n kreatiewe vennoot saam met die Elizabeth Arden-span te werk, om inhoud te skep wat die gees van die handelsmerk vier, en om stories met vroue en hul lewensondervinding as die middelpunt te beklemtoon’ Elizabeth Arden het Reese Witherspoon nie net as die “gesig” van die skoonheidshuis aangewys nie, maar ook as uitvoerende storieverteller. Dit beteken sy gaan ook hul digitale strategie help bepaal en hoe Elizabeth Arden sekere boodskappe oordra. BLOU sones Daar is sekere dele in die wêreld, die sogenaamde blou sones, waar mense langer leef. Chanel het bestanddele van drie van hierdie blou sones in CHANEL BLUE SERUM (R1 710) gebruik: groen koffie van Costa Rica (anti-inflammatories en anti-oksidant), olywe van Sardinië (beskerm en versterk die vel) en Griekse lentisk-gom…

Nandi Olivier Jy moet besluit om vrede te maak en vir jouself te se jy is uniek, maar was nie die ander party se perfekte eggenoot nie. Mense groei deur die jare en dan bly een party soms agter. Die beste is om jouself nie te oordeel volgens die nuwe persoon in jou geliefde se lewe nie en ook nie te vergelyk nie. Ek glo daar is vir elkeen die perfekte lewensmaat - jy moet net uitgaan en nie stagneer nie. Anke Wilhelm Ek was drie jaar gelede in hierdie situasie. My gewese man het my verlaat en dadelik by die “ander vrou” gebly. Ek was stukkend. Dit het my jare geneem om weer ’n man te vertrou en my gebroke hart se stukke op te tel. Dit is ’n…

Ria is nederig oor haar sukses. “Ek is gelukkig dat ek geleenthede raaksien wat ek in ’n onderneming kan omskep. My man, wat my ruimte bied, en ’n onafhanklike gees dra ook daartoe by. Verder is dit harde werk, die dryfkrag om dinge wat verkeerd is te wil verander, optimisme en pragmatisme.” Sy glo ook in goeie beplanning en strategiese denke. “En ’n mens moet baie produktief wees!” Sy het ook al geleer hoe belangrik dit is om op te staan as jy val. “En soms voel dit of ek op my ma se stilettos wankel!” Jongmense is nog ’n passie. “Ek hou daarvan om met hulle te werk en leer ontsettend baie by hulle. Dis wonderlik om hulle te sien groei. Ek gebruik baie van hulle steeds op vryskutbasis…

Die natuurlike lig wat die vertrek binnestroom, versterk die natuurgeïnspireerde voorkoms VICTORIAANS Daar is verskeie maatskappye wat die perfekte Victoriaanse krane en stortkoppe op aanvraag kan vervaardig. Versag teëlvloere met besondere los matte. Kies skilderye of afdrukke wat die weelderige voorkoms beklemtoon. Victoriaanse badkamers is nie kleurryk nie en word meestal tot wit, goud en swart beperk Die Victoriaanse badkamer kan aan sy pootjiesbad geëien word. Die krane is ewe kenmerkend en meestal van koper of geelkoper Jy sal die Zen-styl aan die subtiele beligting en minimalistiese, moderne bykomstighede herken ZEN Natuurlike elemente soos hout is ononderhandelbaar. In dié rustige vertrek is dit die onafgewerkte houtbalke, warm eikehoutvloere en ’n antieke melkstoel wat die styl versterk. Die kleurskakerings van grys, wit en ligbruin boots die kleure van rivierklippies na en…

vickie@hardrain.co.za @vickiefantastic BLITS-ONTBYT As jy sukkel om soggens ’n heilsame ontbyt saam te slaan, is oornag-hawermout die oplossing vir jou. Skaf ’n paar digsluitende glasbotteltjies aan en week 125 ml Jungle Oats-hawermout in 80 ml Griekse jogurt en 180 ml volroommelk in elk. Maak dit interessant deur fyn kaneel en heuning deur te roer, of probeer grondboontjiebotter en vanielje-ekstrak. Laat die mengsel oornag in die yskas week en eet dit saam met vars vrugte soos bessies, grenadella en piesang. KLEIN BOEKIE GROOT HART Johanne 14 deur Hope Malau (Quivertree Uitgewers) Hierdie klein boekie met die groot hart sal Suid-Afrikaners nader aan mekaar bring. Hope deel al sy kosbare herinneringe aan sy grootwordjare in die Jouberton-township buite Klerksdorp. Die boek se naam is afkomstig van die townshipnaam vir kool, Johanne 14…

Hy het my gevra om te trou!” Liané se kreet van blydskap weerklink so hard dat die drie baardbrille gesteurd opkyk van die stuk lap wat hulle aan die bespreek was. “Het jy ‘ja’ gesê?” terg ek saggies, maar sluk my glimlag toe Henk my kwaai aankyk. “Stuur vir my ’n foto van die ring, toe? Ek bel jou ná werk.” Liané mor iets van onredelike werksomstandighede en die arbeidshof, maar ek lui af. “Raait,” begin Lafras. “Is julle reg om te vergader?” Dewald en Henk knik en ek skakel die koffiemasjien aan. Ek het nie geweet daar is ’n vergadering nie, maar ek pak vol selfvertroue vier koppies op ’n skinkbord. “Nou daar.” “Jy hoef regtig nie die koffie te maak nie, Annemieke,” sê Dewald toe ek die skinkbord…

Wen kontant Vir rooi rose se blokraaigeesdriftiges gee ons ’n geldprys weg. Drie gelukkige lesers kan elk R500 wen deur Blokraai 15 korrek in te vul en die versteekte woord vir ons te SMS. Om in te skryf Voltooi die blokraai en gebruik die letters in die grys blokkies om die versteekte woord te ontsyfer. SMS jou antwoord vir ons om vir die prys in aanmerking te kom. Leidraad: ’n Bladgroente SMS jou antwoord, naam en van, adres en ID-nommer na 48409. SMS’e kos R1,50. Gratis SMS’e tel nie. Bepalings en voorwaardes op bladsy 77. BLOKRAAI 16 Een leser wen ’n Spaliciousgeskenkpak van R2 500 Spalicious is ’n wonderlike reeks produkte vir die hande, voete en lyf. Met verskeie lyfrome, afskilfermiddels, maskers, masseerolies en selfs ’n selluliet-“Fix Kit” kan jy…

Ons vra vrae oor “ouderdom”. As jou boekklub al die vrae reg beantwoord en getrek word, kry julle die boeke in hierdie uitgawe op ons boekrak, geskenk deur Graffiti. Stuur jul antwoorde na roneln@caxton.co.za met “Augustus-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur jou boekklub se naam; posadres en selnommer! Moeilik? Google dit… Vrae 1 Wie het die liedjie “When I’m 64” geskryf? 2 En die liedjie “Hey Nineteen”? 3 Watter befaamde digter het gesê: “The afternoon knows what the morning never suspected.”? 4 En wie “The coming of wisdom with time”? 5 Die sanger van “The September of my Years”? Julie-antwoorde 1 Waar is Machu Picchu? Peru. 2 Waar is die Nasca– lyne? Ook in Peru. 3 Watter een van die klassieke…

VAN LINKS: LEAH IS ONS KUNSTENAAR, MARION HOLM ONS GASSPREKER EN HANNES VAN WYK IS DIE SEREMONIEMEESTER. JY KAN WEN! HOU KONTANT BYDERHAND VIR DIE LOOTJIES WAT JY OP DIE DAG KAN KOOP. ONS HET WONDERLIKE PRYSE OM WEG TE GEE Ons jaarlikse KANSA-tee in Stellenbosch is die perfekte geleentheid om saam met vriende, familie en kollegas te kuier en terselfdertyd geld vir ’n goeie doel in te samel. Hierdie glansryke geleentheid gaan elke jaar van krag tot krag, ook danksy talentvolle gasvroue wat nóóit teleurstel nie. Ons sien uit daarna om vanjaar weer almal lekker saam te kuier en die lewe van ons KANSAondersteuners en kanker-oorwinnaars te vier. Die bekende akteur, aanbieder en vervaardiger Hannes van Wyk is die seremoniemeester vir die oggend. Die betowerende Leah is ons kunstenaar.…

@home 0860 576 576 Accessorize 011 884 4643, 021 425 7701, 031 265 2525 Aldo 011 555 2300 Antique Bathrooms 011 726 7114 Bata 031 564 8338 Bathroom Bizarre bathroom.co.za Black Betty 072 803 9456 Bourjois 011 477 47 22 Bvlgari Foschini, Edgars, Red Square, Woolworths Clarins 011 809 6300 Colette Hayman 011 880 2134 Coricraft 011 611 8700, 021 508 5200 Cotton On 021 552 9651, 021 981 9366 Country Road Woolworths 0860 022 002 Crabtree & Evelyn crabtree-evelyn.co.za Crema Design 021 448 7775 CTM 0861 433 337 Denham@Infinite 63 011 326 6688 Dior 021 442 7700 Dune 011 685 7055, 021 529 1972, 011 214 7783 Edgars 011 465 8784 Elizabeth Arden 021 597 1700, elizabetharden.co.za Eurolux eurolux.co.za Exact! 0860 005 439 Forever 21 021 555 3324 Forever…

Die drie lesers wat hul menings met ons gedeel het, wen ’n RVB Skinlab-geskenkpak ter waarde van R1 625 elk. Wat is jou beste eienskap volgens die mense wat die naaste aan jou is? Haneke Louw (44), eiendomsagent, Centurion My lojaliteit en positiwiteit. Ek sal enigiets doen vir die mense in my lewe. Ek werk hard aan oplossings vir enige probleem en situasie. Ek gee nie op nie. Annezel Meiring (31), predikant, Randfontein Optimisme. Selfs al lyk die donkerste wolke donker, wil ek graag glo dat daar altyd ’n silwer randjie kan wees. Ek het wel ook soms ’n bietjie bemoediging nodig. Elsabet Coetzee (41), tuinboukundige, Bloemfontein Diensbaarheid; om altyd ander se belange eerste te stel. Dit is vir my ook lekker om ander se lewe makliker te maak. Dis…

Ek dink ons was albei net uiteindelik gereed om te leer hoe om sáám te leef, speel, doen en droom,” sê Erica Wessels oor die stap wat sy gedoen het om verlede jaar – grasieus in die rok waarin haar oudste suster dertig jaar gelede getroud is - trou te sweer aan die man in haar lewe. Erica is ’n vrou wat nog altyd daarop ingestem was om nuwe klanke en kleure van menswees bymekaar te maak. Die ontdekkingsreisiger in haar, die een wat nie net op hoorsê reageer nie maar self moet gaan kyk en voel, het haar in 2013 alleen 862 kilometer van die Camino laat stap - vanuit die suide van Frankryk tot in Santiago de Compostela in Spanje. ’n Ervaring wat haar agterna laat sê het…

SPLINTERNUWE SUBSKRIPSIEOPSIE Ons weet jy is dol op rooi rose. En op innovering. Want in vandag se vinnige pas kan dit net jou lewe makliker maak. Dis hoekom ons weet jy gaan baie van die nuwe intekenervaring hou. So waaroor gaan dit alles? Dit gaan veral oor gerief, en kom ons wees maar eerlik, dis iets waarvan elkeen hou. Caxton Magazines en Woolworths het saamgespan om dit makliker as ooit te maak om jou rooi rose elke maand te kry. Hoe? So eenvoudig soos een-twee-drie: Jy hoef slegs aanlyn te registreer vir jou jaarlikse subskripsie, en kry dan elke maand ’n SMS-kode waarmee jy jou tydskrif ________ __________ __ __ __________________ spaar jou tyd, en jy kry boonop al daardie spesiale tydskrifgeskenke wat slegs in die winkels beskikbaar is ...…

‘Daar is ’n fyn lyn tussen ’n vertolking en ’n ‘performance’. Vir my is ’n eerlike vertolking van ’n karakter die belangrikste’ Aean van Noordwyk (23) het die langste wimpers wat ek in ’n lang jaar gesien het. Boonop is hy beskeie, gaaf, goed gemanierd én gespierd – ’n wonderlike kombinasie vir ’n hartebreker. En hy kán toneelspeel! Hy het reeds in matriek met sy talent en spel beïndruk en ’n derde plek behaal in die Nasionale Toneelspelkompetisie, en in sy finale jaar op Stellenbosch is hy vir ’n Fleur du Cap-toekenning as die belowendste dramastudent benoem. Die Getroud met Rugby-vervaardigers het hom pas ná sy eindeksamen ’n rol aangebied, en twee maande later – in Januarie 2016 -was hy ’n Gautenger. Hy is dol daarop om deel van die…

susram@ctp-mail.co.za @susra_morkel…

nicolek@caxton.co.za ’n Geheime tuin Personal Touch het onlangs ’n nuwe geur, Secret Garden, tot hul reeks versagmiddels gevoeg. Dié blommegeur is van die bekende Personal Touch-formule gemaak en is in 2 liter-bottels en 500 mlhervulsakkies beskikbaar. Nie net sal dit jou wasgoed heerlik laat ruik nie, maar dit sal die materiaal ook teen daaglikse slytasie beskerm. As die winter toeslaan, maak staat op Personal Touch Secret Garden om jou bedags met ’n sweempie blomgeure te verras. 8 lesers kan elk ’n Personal Touch-geskenkpak ter waarde van R800 wen. Sleutelwoord: Secret Gesonde hare Plantur 39-produkte is spesifiek ontwikkel om vroue ouer as veertig se haarverwante probleme te takel. Die doeltreffendheid van dié kafeïenkompleks lê daarin dat dit die haar diep binnedring en natuurlike haarverlies voorkom*. Plantur 39 is beskikbaar by Clicks,…

• Praat met hulle Sielkundige Jeanne Williams stel voor dat jy met jou kind praat en vra dat sy jóú help om te verander. Iets soos: “Ek is jammer. Dit lyk of ek jou soos ’n kleintjie - moenie die woord baba gebruik nie - behandel, maar eintlik is jy al ’n groot kind wat grootkind-werkies kan doen. • Identifiseer geleenthede Maak ’n lys van takies wat jy reken jou kind kan baasraak. Aantrek, veters vasmaak, tande borsel, skottelgoed wasbak toe dra, hare regkry, tas pak, broodjies inpak ... Bespreek dit met jou kind en hoor vir watter takies sy groot genoeg is sodat sy deel van die besluitneming voel. • Kies jou tyd Moenie groot veranderinge begin as kinders siek, moeg of oorweldig is nie. As hulle ’n insinking…

“Daar was lank reeds ’n stramheid in ons verhouding, in so ’n mate dat ek ingestem het om saam met hom ’n sielkundige te gaan spreek. Die sessies het gefokus op maniere om nader aan mekaar te beweeg. Daar was geen sprake van egskeiding nie. “Een aand ná ’n kuier by vriende het Louis gesê ons huwelik is verby. Dit was ’n geweldige skok. Die volgende oggend is hy na ons ouers om te sê ons huwelik is op die rotse en niks kon dit red nie. Hy het gesê dis sy skuld, maar het my pa – en my - verseker daar is niemand anders nie. “Die kinders mag niks geweet het nie, want ons moes hulle ‘reg benader’. Weke lank het ons nog ’n bed gedeel. Louis het…

Ria verkies om haar gesin uit die kollig te hou, maar is darem bereid om te vertel hoe sy moederskap en ’n bedrywige loopbaan gebalanseer het. Boonop was sy soms alleenouer omdat haar man in Gauteng werk. “Ons kinders is vandag onafhanklik en het goeie werke, maar dit was ’n ander storie toe hulle klein was. Ek was altyd eerlik met hulle, veral wanneer ek ’n paar dae moes weggaan. Ek het hulle saam laat tel hoeveel aande ek sou weg wees, en toe hulle kon lees, het ek my program op die yskas geplak. My ma en my sussies en vriendinne was altyd daar om my te ondersteun.” Wanneer sy kon, het sy goed saam met hulle gedoen. “Ek het hulle ook aangemoedig om nie heeltyd van my afhanklik…

Vergelegen se kameliaversameling, wat vandag uit sowat duisend struike en vyfhonderd variëteite bestaan, is in 2010 as ’n internasionale kameliatuin van uitnemendheid erken Sou jy op ’n wintersdag verby Vergelegen se kanferbome in die rigting van die kameliatuin loop, sal jy moontlik uit die herehuis soet klanke uit die rooshoutklavier hoor. Dit staan musikale besoekers per slot van sake vry om die antieke Broadwood-klawers van tyd tot tyd te olie. En wanneer die winterrose soos ’n tapyt onder die kamelias lê, mag besoekers ook dáárin deel. Richard Arm, tuinboukundige by die historiese landgoed, glimlag breed wanneer hy vertel hoe die wasagtige blomme seisoenaal opdoem as koraalpienk bootjies in vywers, of in sirkels langs die paadjies gerangskik word sodat kinders met die “rosette” kan speel. Dit is juis die gemeenskaplike erfeniswaarde…

MUESLI-ENPAMPOEN- BROOD Genoeg vir 8 500 g pampoenstukke 30 ml (2 e) olyfolie 300 g Jungle Energy Crunch Raisins 220 g koekmeel 7,5 ml (1½ t) bakpoeier 1 ml (¼ t) koeksoda 2,5 ml (½ t) sout 5 ml (1 t) kaneel 2,5 ml (½ t) neutmuskaat knypie gemengde speserye 2 eiers, liggies geklits 180 ml (¾ k) karringmelk 130 g bruinsuiker 60 ml (¼ k) sonneblomolie 7,5 ml (1½ t) vanieljegeursel 1 Voorverhit die oond tot 180 °C. Voer ’n 22 cm x 12 cm-broodpan met bakpapier uit en spuit met kleefwerende kossproei. 2 Pak die pampoenstukke op ’n oondpan uit en sprinkel olyfolie oor. Rooster vir 35-40 min. of tot goudkleurig en gaar. Hou eenkant. 3 Meng 250 g Jungle Energy Crunch Raisins, koekmeel, bakpoeier, koeksoda, sout, kaneel,…

Aan die einde van die winter van 2015 – ’n tipies triestige Kaapse winter – en die begin van die mooiste lente het Amelia L. se lewe vir ewig verander. Willem, haar geliefde man, is skielik op 45 jaar in sy slaap aan ’n koronêre trombose dood. Amelia se hart was stukkend. Daar was geen vooraf waarskuwing vir die bloedklont wat haar lewenskragtige man so skielik van haar weggeruk het nie. Eers was sy stom van trauma en die aanhoudende vraag wat in haar kop bly maal het: Hoekom? Hoekom hy? Ná die begrafnis en die oproepe en boodskappe van medelye het die verlange na haar man wat sy bo álles liefgehad het, soos ’n konstante hol kol op die krop van haar maag kom sit. Haar dokter se medikasie…

roneln@caxton.co.za LIED VIR SARAH (LESSE VAN MY MA) Jonathan Jansen (Bookstorm) Dié voormalige visekanselier van die Universiteit van die Vrystaat - een van die groot rolspelers in die bevordering van rekonsiliasie en kommunikasie tussen die verskillende groepe in SA - gaan in die boek op ’n persoonlike reis. Hy lewer ’n roerende en insiggewende huldeblyk aan sy ma, Sarah. Die pryslied slaan die wanopvattings wat daar soms oor Kaapse Vlakte-ma’s bestaan, die nek in. Die leser gaan op ’n liefdesreis saam met die Jansens, die Johnsons, oumas en oupas, en natuurlik sy ouers ook; veral sy ma, wat hulle moreel en met integriteit gevorm het. Die taal, soos die verhaal, is delikaat, humoristies en eerlik. Uitgewersprys R240 rooi rose R216 PER ONGELUK Lloyd Zandberg (Tafelberg) Jy lag sommer in die…

EVERYTHING NOW – ARCADE FIRE. DIE KANADESE INDIE-ROCKGROEP HET AL AL WAT ’N MUSIEKPRYS IS, GEWEN. HUL KLANK IS UNIEK - HULLE SPEEL ONDER MEER KITAAR, DROMME, BASKITAAR, KLAVIER, VIOOL, VIOLA, TJELLO, DIE FRANSE HORING, TREKKLAVIER, HARP, MANDOLIEN EN HURDY-GURDY. AS JY HULLE NOG NIE KEN NIE, HIER’S JOU KANS! MONARK – MONARK. DIE VIER POTCHEFSTROMERS SE KLANK EN PRODUKSIESTYL HET NA ’N NUWE DIMENSIE AANGESTAP. HIERDIE ALBUM TOON ’N VOLWASSENHEID MET MEER DIEPTE. MAAR DAAR IS PRET OOK! EUGENE SE KENMERKENDE STEM EN DIE TEMAS VAN LIEFDE/HAAT, PYN/BLYDSKAP, DIE SELF/DIE ANDER, SKEP ’N FYN BALANS. EEN VAN SA SE BESTE GROEPE, GEWIS. ROSANTHORN – ROSANTHORN. DIE DRIE TJELLISTE SE DEBUUTALBUM IS TERSELFDERTYD OPWINDEND, TEER, DIEP, VROLIK EN, VERAL, MULTISOORTIG. DIE DRIE VROUE SPEEL AL LANK SAAM, EN HET BESLUIT…

Vir langer as drie honderd jaar was daar min belangstelling in Krotoa (Eva vir die Hollanders), ’n Khoimeisie wat na Jan van Riebeeck se kinders omgesien het, en tussen die Hollanders en die Khoi-Khoi getolk het. Maar die afgelope paar jaar was Krotoa nie net ’n karakter in die gevierde Afrikaanse roman Eilande deur Dan Sleigh nie, maar het sy nou die wêreldverhoog betree in ’n Suid-Afrikaanse rolprent oor haar lewe. Krotoa van die Goringhaicona (die Strandlopers) was die niggie van Autshumao, ’n Khoi-leier en tolk vir die Nederlanders. Die blanke setlaars het Autshumao Harry (Herrie) genoem. Daar is verskillende stories oor hoe Krotoa in die eerste kasteel beland het. Sommige sê sy het gekies om vir die kommandeur en sy vrou te gaan werk. Sy was toe reeds ’n…

Iruim op! ruim op! die santekraam hou vendusie dan kan jy wat agterbly van voor af skoon begin gooi weg die silwerklokkies vir die tafelroep vir wie sal jy tog lui? die rooikoper en die geelkoper, die ornamente sonder rede weg daarmee! n die trant skryf Marlene van Niekerk in haar veelbekroonde roman Agaat. Vernuftig lys sy die besittings, bruikbaar en onbruikbaar, die opgaarsels en lank vergete bêregoed wat ons vroue met ons saamsleep. Waarheen? En vir wie? Ek weet hoekom sy my destyds getref het en my nou aankla – ek is ’n sentimentele opgaarder wat dit nie oor my hart kan kryom my goeters weg te maak nie. Boonop het ek nou die ouderdom bereik waar Augustusmaand se lenteskoonmaak my elke jaar nader aan my lewenslaaste winteropruiming bring.…