Innholdsfortegnelse for April 2017 i Rooi Rose

OM BY ’N VROUETYDSKRIF te werk is seker een van die heerlikste voorregte wat daar is. Elke maand die geskarrel om alles op die regte tyd bymekaar te kry, die verrassings en teleurstellings, die genot daarvan om soveel mense se bydraes oor jare te ontvang en na waarde te skat. Om die proses maand vir maand in aksie te sien bly verstommend. Daar is ’n sekere misterie daaraan dat die verwagting so gereeld oorskry word, dat die som van die finale produk telkens groter en heerliker is as die dele wat dit uitmaak. Wel so is dit vir my nou al byna 17 jaar. Om deur die ou uitgawes te blaai is soos om deur jou eie lewe te kuierstap en hier en daar ’n bietjie stil te staan en…

Wat is jou verjaarsdagboodskap vir rooi rose? Liezel Louw (39), onderwyseres, Welgelegen Liewe rooi rose, 75 jaar van skoonheid, idees, resepte en soveel meer! Dankie vir jou vriendskap, enige plek, enige tyd. Charlotte Pretorius (52), tuisteskepper, Klerksdorp Baie geluk, rooi rose. Vyf en sewentig jaar lank al vermaak, ondersteun, bemoedig en inspireer julle die vroue van Suid-Afrika. Terwyl ander publikasies hul deure moet sluit, gaan julle van krag tot krag. Gaan so voort, want julle het duidelik ’n wenresep beet. Elke maand kan ek nie wag vir die jongste uitgawe nie en julle stel my nooit teleur nie. Ek hoop om eendag saam met julle jul honderdste verjaarsdag te vier. Mart-Mari Rykaart (29), onderwyseres, Kempton Park Dankie, rooi rose dat my ouma al deel van jou kon hê, toe my…

‘Ek beskou my nie as ’n uitskieter nie. Ek is gedurig besig om myself te verbeter. Ek kom nie by die punt waar ek voel dat ek op my louere kan rus nie’ Hoekom het jy in die Miss Sloane -rol belang gestel? Ek wou weer saam met regisseur John Madden werk. Ons het laas saamgewerk aan The Debt. Hy is ’n ongelooflike rolprentmaker en besonder knap met die opbou van spanning. In Miss Sloane was die spanning tasbaar. Ek hou ook van die milieu waarin die Amerikaanse politiek hom afspeel. Dis ’n fassinerende wêreld. Die prent kyk na die manier waarop wetgewing in die Amerikaanse politieke stelsel deurgevoer word. Die karakter is interessant, want sy is verslaaf aan die euforie wat deel van ’n oorwinning…

Joan Kruger was rooi rose se redakteur van 1991 tot 2000. So onthou sy daardie jare: “As ek terugdink aan my tyd by rooi rose, is dit die briewe van lesers wat my bybly. Regte, egte briewe wat nog in koeverte met adresse en posseëls op aangestuur is. “Smiddae as dit stil geword het in die kantoor, was dit briewetyd. Altyd ’n behoorlike stapeltjie op my lessenaar. Party op lyntjiesskryfblokpapier geskryf, ander op uitgeskeurde klaswerkboekblaaie, nog ander op blommetjiespapier met ’n effense geur. Mooi lopende skrif, haastige hoofletters, netjiese tikskrif - ook dít was deel van die boodskap. “Dis dan wanneer ek die krag van ’n tydskrif soos rooi rose aangevoel het. Ons was ’n innige netwerk van vriendinne en kon deel en meedeel, mekaar verstaan…

Sy het besluit om haar ervaring te gebruik om ander vroue te help Daar is niks in die wêreld wat die trauma van ’n egskeiding kan versag en jou kan voorberei op jou stukkende hart, die pyn van die verwerping, die bitterheid van verraad en die verlies van drome nie. Vir Monique Strydom was die laaste jaar – alles wat ontbloot is en die egskeiding wat gevolg het - duisend keer erger as die gyselaarskap. Monique en haar man, Callie, het in 2000 Suid-Afrikaners se harte aangeraak toe Moslemekstremiste hulle en 19 ander mense op ’n Filippynse eiland gyselaar gehou het. Hulle is ná vier spanningsvolle en traumatiese maande vrygelaat. “Mense was geskok toe ons sewentien jaar later skei, veral ná alles waardeur ons is. ’n Mens sou dink dit…

‘ Ek was sestien toe ek in ’n vertoning van “Die Twaalfuurwals” geweet het dis wat ek met my lewe wil doen’ Francois Jacobs (28), wat gehore onlangs betower het as die lankmoedige, dierbare Sampie in Vir die Voëls, laat ’n mens aan die gawe outjie langsaan dink. Lag is altyd net ’n oomblik ver, en sy lewenslus is aansteeklik. Al die lagplooitjies en die stoute vonkel in sy oë verklap dat hy waarskynlik kleintyd lekker woelig was. “O ja, ek was!” lag hy. En stout? “Ja, ek het my laaste pak slae gekry toe ek seker so agtien was. Maar ek het altyd probeer keer dat my pa daarvan hoor!” Francois, die middelkind van drie, het op Nelspruit grootgeword. Sy ma, Sandra, is medestigter van die Innibos Kunstefees…

Met Nomination kan jy die verskillende hoofstukke in jou lewe vir altyd koester. Onthou die goeie (en dalk die slegte!) tye saam met ’n geliefde, familie of vriende met Nomination se jongste reeks, Love Stories, wat jou mooiste herinneringe in ’n armband vasvang. Met ’n tikkie fuchsia vir kleur en swart emalje vir glans is dié pragtige armband met sy dubbele skakel iets besonders. Dié reeks stel jou ook in staat om jou eie stilis te word deur méér kosbare skakels vir elke geleentheid en herinnering op een armband te plaas. Skryf in en jy kan een van 10 Nomination Love Stories-armbande ter waarde van R5 000 wen. Vir meer inligting kyk by nomination.com/za-en/ Om in te skryf BEANTWOORD DIE VRAAG EN SMS JOU ANTWOORD, VOLLE NAAM, ADRES…

VLEKLOOS Daar is niks so frustrerend soos reukweerdervlekke op jou klere nie. Die NIVEA FRESH MUSK DEODRANT ROLL ON (R19,99 VIR 50 ML) is nie ’n sweetweerder nie en laat geen merke op jou klere nie. Die deodorant het ’n vars, vroulike geur en hou jou onderarms heeldag vars en droog. Die lekkerste is dalk die bekostigbaarheid daarvan. CORNÉ Tekstuur en VOLHEID Die MOROCCANOIL DRY TEXTURE SPRAY (R397) is ’n moet-hê vir almal wat graag hul hare krul. Die produk werk goed as jy dit aanwend voor jy jou hare stileer, want die tekstuur help dat die styl behoue bly. Die sproei gee ook volheid, en jy kan dit ook aanwend nadat jy jou hare gestileer het. Baie van dié soort haarprodukte maak jou hare droog, maar dié een bevat…

Ons het ’n gestremde sussie. En ’n gestremde nefie. Netsie en Ou Herm. Daar was in my vorige geslagte aan my ma se kant nog ’n paar familielede wat “half snaaks” was, of “by sy suster of ma gebly het”. Ek het ’n neef en ’n niggie met seuntjies wat erg sukkel. Vir my klink dit asof ’n geen hier en daar in ons familie uitslaan. My kinders – ’n seun en ’n dogter – is nou 28 en 32. Kinders is op die kaarte. Ek wonder oor hul kanse op ’n gestremde kind? Kan ons dit vermy? - Petro, 54…

Jy kan voor die eerste drie maande van swangerskap vir FXS laat toets – net-net betyds vir ’n wettige aborsie – iets wat vir baie mense hééltemal onaanvaarbaar is. Gelukkig is in vitro-bevrugting ’n nuwe hoewel baie duur opsie. Dit kom daarop neer dat ova geoes en vir die mutasie en premutasie getoets word. Normale ova word geïdentifiseer en ná gewone in vitrobevrugting ingeplant. So verseker jy dat jy nie die geen na jou nasate aangee nie. Tegnieke van die toekoms gaan dit moontlik maak om gene te redigeer en letterlik hierdie “probleemstukkie” uit te sny.…

Mart-Mari Rykaart Ja, in baie opsigte, maar ek en my man voel dat daar wel tye is wanneer ons hard moet raas oor ernstige goed wat hul lewe drasties kan raak. Ons kinders moet ook weet wat glad nie toelaatbaar is nie, en wat nie so erg is nie. Bv.om ’n straat oor te steek sonder om te kyk vir karre, is ontoelaatbaar, maar om te vergeet om jou koppie in die wasbak te sit, is nie so erg nie. Liezel Louw Kinders het struktuur en roetine nodig. Fokus op die positiewe, en dit wat hulle wel bereik, en beloon hulle hiervoor op ’n gepaste manier. Praat sinvol oor die dinge wat nog kan verbeter en gee hulle praktiese raad oor hoe om dit haalbaar te maak. Stel realistiese doelwitte…

Conrad Lighton skryf dat die eerste blommeverkoper haar ruikers in die 1890’s in Stuttafords verkoop het waarna dit langs Adderleystraat begin uitbrei het Jy kan jou beswaarlik Kaapstad se sakekern sonder hierdie blommeverkopers voorstel. Dekades lank is hulle al deur besoekers verbeeld, en kunstenaars soos Irma Stern en Vladimir Tretchikoff het hulle op doek vasgelê. Vir menige bruid is liefde in mense soos Julaiga Gomez, Poppie Saliem en Glenda Bowman se rankskikkings van rose en krytblomme vervliet. Seisoen na seisoen kry jy die blommeverkopers in die smal “akker” op Trafalgar Place wat strek tussen Adderley- en Parlementstraat. Conrad Lighton skryf in Cape Floral Kingdom (1960) dat die eerste blommeverkoper haar ruikers in die 1890’s in Stuttafords verkoop het waarna dit langs Adderleystraat begin uitbrei het. Hoewel die verskeidenheid blomme wat…

Katelin Williams GEBAKTE ALASKAKOEK MET ’N MALVALEKKERVERSIERSEL Katelin se indrukwekkende gebak en die pragtige stile-ring op haar blog, TheKateTin, maak ons almal se lewe ’n bietjie soeter. Tina Bester ASEMROWENDE WITSJOKOLADEKOEK Tina Bester, die eienaar van die mooie patisserie, Queen of Tarts in Observatory, Kaapstad, begeester ons al jare lank om kreatief te dink en lekker te bak. Meer inligting by www.queenoftarts.co.za Kanya Hunt HASELNEUTKOEK MET ROOIFLUWEEL-ROOSVERSIERING Die skeppende vermoëns van dié talentvolle bakker van buitengewone troukoeke, het geen einde nie. Kyk by www.www.kanyahunt.co.za vir nog koeke wat jou asem wegslaan. Wessels van Vuuren ROOIWYNSJOKOLADEKOEK Dié Koekedoor 2-deelnemer en Suid-Afrika se liefling, is ’n kreatiewe bakker wat uit die boks dink sodra hy die woord “bak” hoor. Corli Botha MAKLIKE VERJAARDAGKOEK MET BESSIE-COULIS EN OUTYDSE MELKVERSIERSEL Pragtige Corli Botha was…

Waarom kan ’n mens foto’s op face-book net like? Wat van dislike? My oë kam weer oor die syfers op die spreiblad voor my. Cobus betaal vir ’n jaar onderhoud. Ek het darem as ’n gemoedstrelertjie die stasiewa gekry waarin Cobus se drie toekomstige kinders sou ry. Die huis word volgende maand in die mark gesit. Ek kry die helfte van die paaiemente wat reeds afbetaal is. Excel moet blitsvinnig plek maak vir facebook. Search. Cobus Mentz. Asof iemand my (nou) in my eie huis afloer, kyk ek oor my skouer. Dan terug na die skerm. Die foto van Cobus in strandplakkies en ’n monnikjurk trek my soos ’n magneet. Is dit spiere wat onder die materiaal bult? Cobus het nooit eintlik spiere gehad nie. Waarom kan ’n mens foto’s…

Bedryfsielkundige Jannet Davel sê indien ’n werknemer geboelie word, het die meeste groot organisasies ’n interne klagteprosedure wat gevolg behoort te word. Dit los nie altyd die probleem op nie en dit kan gebeur dat ’n werknemer hom na die Kommissie vir Versoening, Mediasie en Arbitrasie (CCMA) moet wend. Wat seksuele teistering betref, gee baie organisasies meer aandag hieraan en sommige het al gedragskodes ontwikkel wat spesifiek oor seksuele teistering handel. Werkgewers behoort die sake baie ernstig op te neem, want die werkgewer kan vanuit die deliktereg aanspreeklik gehou word. Volgens die CCMA beskerm arbeidswetgewing ook werknemers se regte in gevalle van diskriminasie op grond van ras, geslag, etnisiteit, kleur, seksuele oriëntasie en dies meer.…

Tini: Persoonlikhede verskil baie. Sommige mense is introverte en ander is ekstroverte. Ekstroverte hou van praat en sosialiseer. Hulle kry energie deur tyd saam met mense deur te bring. Introverte aan die ander kant is geneig om eers projekte af te handel en dan die resultate te deel. Hulle kry ook eerder energie deur alleen te wees. In ’n oopplankantoor, wat deesdae meestal die norm is, kan dit vir introverte moeilik wees om op hul werk te konsentreer. Hul energie word ook getap omdat hulle heeltyd saam met ander mense moet wees. Dit is slegs een voorbeeld van verskillende persoonlikhede en die wrywing wat dit kan veroorsaak. Die bestuur van ’n organisasie kan proaktief wees en as deel van personeelontwikkeling ’n basiese persoonlikheidstoets met al hul werknemers doen. Dit gee…

• Die Seychelle is malariavry. • Die Vallee de Mai is die enigste plek op aarde waar jy die swart papegaai sal aantref. • Jy het nie ’n visum nodig om die Seychelle te besoek nie. • Anse Lazio staan bekend as die mooiste strand ter wêreld. • Op die Sir Selwyn Selwyn Clarke-mark in Victoria kry jy plaaslike kosse , soos vars vis en speserye. • Die Seychellese praat Kreools, Frans en Engels . • Die meeste hotelle en restaurante aanvaar kredietkaarte , maar jy kan met Amerikaanse dollars ook betaal. Vat roepees , die Seychellese geldeenheid, saam wanneer jy na die mark in Victoria gaan. • Die klimaat is tropies en wissel normaalweg tussen 24 °C en 32 °C. • Die Seychelle-eilande het meer as ’n miljoen voëlsoorte…

DIE NUWE RENAULT KWID IS DIE JONGSTE SPELER IN DIE EKONOMIESE INTREEMARK. MET SY EFFENSE HOËR GRONDVRYE HOOGTE STAAN DIE KWID HOËR AS SY MEDEDINGERS, EN DIT MAAK OOK SY VOORKOMS INTERESSANT. IN ’N PRYSSENSITIEWE MARK IS DIT ’N MODEL WAT ’N MENS IN GEDAGTE KAN HOU. VEILIGHEID IS WEL IETS WAT RENAULT HOOP OM IN DIE TOEKOMS TE VERBETER. DAAR IS NET EEN LUGSAK (VIR DIE BESTUURDER) EN GEEN ABS-REMME NIE. DIE AFWERKINGS IS GEPAS VIR DIE PRYSKLAS EN DIE DUURDER MODEL (DYNAMIQUE) HET ’N KLEURRAAKSKERM, DIGITALE INSTRUMENTEPANEEL EN ’N MEDIANAV-MULTIMEDIASTELSEL MET NAVIGASIE. LUGVERSORGING EN KRAGPUNTE VIR AL JOU TEGNOLOGIESE SPEELGOED IS STANDAARD OP ALBEI MODELLE. PRYSE (R124 900 – R134 900) SLUIT ’N VYF JAAR/150 000 KM-WAARBORG IN.…

SIRKUS Irma Venter (H&R) Adriana van der Hoon, later de Klerk, is 18 jaar oud en dis die tagtigerjare in Johannesburg. Haar aktivis-pa, wat geld vir die ANC ingesamel het, is pas doodgeskiet, en nou staan die Veiligheidspolisie op haar drumpel met ’n ultimatum: as sy hulle nie help om die ANC se geld-spoor van Duitsland na Suid-Afrika te volg nie, sit sy en haar siek ma sonder heenkome. En sy sonder haar studiebeurs. Dis hoe Adriana in Berlyn beland. Dis hier waar sy haar talent om messe te gooi vervolmaak, en waar sy Yasen Todorov ontmoet – die man wat skynbaar haar pa se Duitse kontak was. Ver weg van alles wat bekend en veilig is, leer Adriana waartoe sy in staat is. Bowenal leer sy dat niemand, ook…

Onder die sterre Die Galileo Open Air Cinema keer op 1 April terug na die prentjiemooi Anthonij Rupert Wyne-landgoed vir ’n vertoning van die lokettreffer Life of Pi. Die bekende landgoed in die Franschhoekvallei is as een van die plekke gekies waar fliekvlooie onder die sterre na rolprente kan kyk. Eet- en drinkgoed beskikbaar. Kaartjies wissel van R79 tot R159 per persoon en kan by thegalileo.co.za/buy-tickets/ verkry word. Balies en baarde Die eiesoortige Botrivier Barrels & Beards-fees vind op 22 April plaas, en bied jou die geleentheid om jou poniestert los te maak en jou baard reg te stryk. Barrels & Beards huldig die wingerde in die vallei, waar unieke wyne gebore word; werp die soeklig op elke individu wat bygedra het en kyk na die toekoms met ’n “Bot…

SY KON MENSE FYN UITKYK, EN SOU DAN HAAR MENING KAALVUIS LUG. NIE ALMAL AAN DIE ONTVANGKANT VAN TOEK SE INSIGTE WAS EWE DANKBAAR OOR DIÉ EERLIKHEID NIE. MAAR TOEK WAS NIE ASPRIS GENIEPSIG NIE – SY WAS ’N MENSEMENS EN GEWILD ONDER ALMAL Vandeesmaand se “Beeld van ’n vrou” is anders. Want Toek Blignaut, eintlik gedoop Johanna Venter, was anders. Eksentriek, briljant, kreatief en aweregs. Niemand in haar familie weet waar die bynaam “Toek” vandaan kom nie maar dis hoe almal haar genoem het. Dalk omdat sy so klein was, skaars die outydse vier voet nege. In haar jongdae het sy ’n wilde bos donker hare, blink oë en ’n perdebylyfie gehad met ’n sterk, innemende persoonlikheid en oorspronklike lewensuitkyk daarby. Sy is op 16 Mei 1922 op die…

WEN VerjaardagKOEK The Velvet Cake Co. vier ons 75ste verjaardag in volkleur saam! Hul spoggerige reeks koeke is in elke skakering van die reënboog beskikbaar en kan óf in die jongste ‘naked’-gier versier word óf met ’n meer tradisionele roomkaas-enmeringue-versiersel. Jy kan een van ses verjaardagkoeke in jou gunstelingkleur WEN! *koeke is 17 cm in deursnee en lewer 10 skywe. VelSORG Beaucience is ’n natuurlike Suid-Afrikaanse velsorgreeks. Danksy die unieke peptiede is die produkte perfek om veroudering teë te werk, maar steeds sag op die vel. Vyf ‘rooi rose’-lesers kan elk ’n Beaucience-geskenkpak van R2 000 WEN! Ons wou weet HET JOU MAN ’N SNOR OF ’N BAARD? HY HET NIE ’N SNOR OF ’N BAARD NIE 39% HY HET ALBEI 33% HY HET ’N SNOR 24% HY HET ’N…

‘MY EERSTE PAK SLAE WAS OMDAT EK ’N MIKROFOON GEBREEK HET. DIT WAS IN ’N POGING OM ELVIS NA TE BOOTS’ Die tekens was vroeg reeds daar. Iewers in Karen Zoid het ’n skynbaar onbeperkte voorraad liedjies van vroeg af gespook om uit te klim en op straat losgelaat te word. “Ek het dit eintlik altyd geweet. Dit het net ’n tydjie geneem om ander ook daarvan te oortuig.” Sy is nie gebou om iewers op die agtergrond met die omgewing saam te smelt nie. Die president van Zoid Afrika is ’n gebore voorsanger. “My eerste pak slae was omdat ek ’n mikrofoon gebreek het. Dit was in ’n poging om Elvis na te boots.” Haar ma, Jeanette, ’n introvert wat dinge binne gehou het en haar teruggetrek het om…

•  Jessica Michelle Chastain is op 24 Maart 1977 in Kalifornië gebore. •  Jessica is vervreemd van haar pa, maar is na aan haar stiefpa, Michael Hastey, ’n brandbestryder. •  As kind was daar dikwels nie geld nie, en die gesin is ’n paar keer uit hul huis gesit. Jessica wou aktrise word ná haar ouma haar op sewejarige ouderdom na ’n opvoering van Joseph and the Amazing Technicolor Dream-coat geneem het. Jessica het op haar beurt haar ouma in 2012 en 2013 saam met haar na die Oscars geneem om dankie te sê. Sy het aanvanklik gasrolletjies in TV-reekse soos ER, Veronica Mars en Law & Order gekry, maar omdat sy nie die konvensionele voorkoms van gewilde aktrises gehad het nie, het regisseurs nie geweet waar om haar te…

‘DIT HET VIR MY OOR GEREGTIGHEID GEGAAN.EK VERPES ONREG, EN BOELIES – BOELIES IN DIE BREË SIN VAN DIE WOORD. DIT HET VIR MY GEVOEL OF ’N MENS DIT NET DEUR DIE REG KAN HANTEER’ Oek sien jy hou óók van Typo?” sê Gerrie Nel toe ek my notaboek uithaal. Wie in sý huis hou dan van Typo, vra ek, verbaas dat hy dit herken. Sy dogter dalk? “Nee, ek! Ek sal my hele salaris daar bestee,” bieg die hardekoejawel-aanklaer wat ’n polisiehoof agter tralies gekry het en Oscar Pistorius in trane laat uitbars het in kruisondervraging. En verklap sommer nog iets interessants oor homself: hy skryf al sedert sy skooldae net met ’n vulpen, en hy versamel vulpenne. Die ys is gebreek, en nou kan ons praat oor Gerrie…

Ek was van kleins af versot op teken. Op skool was ek daardie outjie wat altyd prentjies van klasmaats en onderwysers geteken het,” vertel Jonathan Shapiro. Nou slyp Zapiro elke oggend sy byltjie vir elkeen wat verdien om op sy plek gesit te word, en plaas die kollig op kwessies wat ons na aan die hart lê. En in die skreeusnaakse tekeninge lê hy die harde werklikheid bloot en lewer skerp kommentaar op daaglikse nuusgebeure. “Eintlik was ek ’n soet kind, maar ek het gedurig prentjies in my skoolboeke geteken. Ek onthou ’n keer toe ek ’n onderwyser as ’n Neanderdalman geteken het en hoe vies hy was. “Ek het altyd sterk reaksie op my tekeninge gekry. Dit was van vroeg af vir my maklik om mense se eiesoortige eienskappe…

Francois woon in ’n tuinwoonstel in Linden , maar verklap dat hy verlede jaar maar min daar geslaap het. Die res van die tyd was hy elders in die land vir werk. Twee dae ná ons onderhoud was hy weer op pad Kaap toe vir ’n maand in Paternoster, waar Swartwater verfilm word. Kook hy vir homself as hy by die huis is? “Nee, maar ek is mal oor braai !” Pizza is sy gunstelingkos . “Jis, ek is verlede jaar deur twee intense tye van net slaai eet vir rolle,” sug hy kastig (maar bestel darem slaai by sy hoender). Hy het nie ’n vaste roetine nie. “Ek vat elke dag soos dit kom. Ek is happy go lucky – soms tot my eie nadeel – en beplan nie…

KALIFORNIESE styl SWEEF DEUR DIE LEWE MET HIERDIE MAKSIROK VAN SY EN SJIFFON. TOMMYXGIGI IS ’N NUWE REEKS IN MEDEWERKING MET TOMMY HILFIGER EN DIE BEKENDE MODEL GIGI HADID – BUITENGEWOON, MAAR VROULIK. MULTIfunksioneel Reguit van die loop-plank tot binne-in jou klerekas. H&M bied ’n nuwe klerereeks wat liefde, positiwiteit en optimisme uitbeeld. Vars en modern ontmoet mekaar in die vroulike reeks. GESTREEPTE BLOES (R1 099, 34-42) H&M. Vir ENIGE geleentheid Tag Heuer se nuwe Aquaracerreeks vir vroue is sportief maar ook elegant - wissel die bandjies tussen satyn of metaal om by die geleentheid te pas. NEW AQUARACER LADY (PRYS OP AANVRAAG) TAG HEUER.…

ie glans van goud en ander metale skitter nou helder aan die grimeerfront. Selfs glinsterlippe is in die mode, hoewel ons net ’n tikkie goud op die bodeel van die lippe verkies, eerder as lippe vol blinkers. Die maklikste manier om jou neutrale daggrimering op te kikker is om ’n tikkie goud aan te wend. Goud pas altyd by ’n aandvoorkoms maar waarom nie die meer informele “goue” manier vir die dag probeer nie? Gebruik ’n smeersel goud oor jou ooglede (ons is gaande oor romerige goue oogskadu wat nie in die oogplooitjies saamkoek nie), oogomlyner in die binneste V van die oë, of ’n titsel goud op die wangbene vir ’n songesoende voorkoms. ’n Glansende, gesonde vel is ’n moderne pasmaat vir dié voorkoms. ‘Metaalkleure is groot nuus: goud,…

Hoe voel jy daaroor dat die jong modelle sosiale media soos Instagram gebruik om hulself te bevorder? Hoe meer aanhangers hulle het, hoe groter is hul kans om kontrakte los te slaan. Dis ongelukkig hoe dinge nou werk. Ek is net dankbaar dit was nie in my era so nie en dat ek steeds werk kry, ongeag van hoeveel mense my op sosiale media volg. Alles gaan oor valse gewildheid en geld. Ek het respek vir die mense wat naam gemaak het voor sosiale media bestaan het. Dink jy sosiale media het ons persepsie van skoonheid verander? Ja, die een goeie ding wat uit sosiale media gevloei het, was dat dit mense se persepsies van skoonheid verbreed het. Dit het ruimte geskep vir groter diversiteit en meer uiteenlopende voorkomste word…

Mense dink jy is harteloos omdat jy die geboorte van nog ’n gestremde kind wil vermy. As ek vertel hoe dit regtig is, sal jy dalk beter verstaan. Ons ís baie lief vir ons gestremde familie. Op sestig hardloop ou Herm nog pretlope, sy omkoopprys is ’n blikkie Coke, en “die meisies” laat sy mond steeds in algehele verwondering oophang. Netheid is Netsie se ding. Waar sy is, kry skottelgoed nie staankans nie. Soos Herm is sy baie lief vir mense. Haar sêgoed is deel van die familiesages. Ja, hulle laat ons dikwels lag. Dalk daarom dat ons regkom met die situasie. Maar ons vertellinkies is nie dieselfde as die storietjies van oumas oor kleinkinders se oulikhede nie. Dit is nóóit net maklik nie. Die verantwoordelikheid stop nooit nie. Die…

Kaasfees Die gewilde Suid-Afrikaanse Kaasfees het nie verniet deur die jare verskeie toekennings gekry nie. Hierdie grootste buiteluggebeurtenis stel die wydste verskeidenheid kaas en komplementêre produkte ten toon. Die SA Kaasfees duur vanaf Vrydag 28 April tot Sondag 30 April 2017 op Sandringham, die tuiste van die SA Kaasfees. Kaartjies is by Computicket, Shoprite of Checkers beskikbaar. www.cheesefestival.co.za Twee gelukkige rooi rose- lesers kan elk twee nagte se verblyf by die vierster- Pontac Manor-hotel, asook aandete vir twee en ’n komplimentêre bottel wyn by ’n restaurant in die Paarl wen. Prys geldig vanaf 1 Mei - 31 Augustus 2017. www.pontac.com Elke paartjie kry ook vier kaartjies na die SA Kaasfees, plus voorkeursitplekke in die Kookpot-teater met die gewilde vermaaklikheidskunstenaar Nataniël. Geldig vir Vrydag 28 April 2017. Sleutelwoord: KAAS Spesiale sluitdatum:…

“Ek was in 2009 in ’n botsing betrokke wat my met ’n rugbesering én getraumatiseer gelaat het,” sê Santie Fourie (39). “In 2011 het iemand wat my motor nie raakgesien het nie een aand in my vasgery. Hoewel ek my sitplekgordel gedra het, het ek die windskerm met my kop gekraak. My nek, laerug en heup het seergekry. Ek was vasgekeer in die kar en moes uiteindelik aan die passasierskant uitgehelp word. Ek was histeries. Die mediese behandeling het verdere uitdagings ingehou. “In 2015 het ek as deel van die Padongelukkesaak ’n sielkundige gaan spreek en dit het geblyk dat ek erg depressief is. Die behandeling en ’n paar hipnoterapiesessies het my laat besef ek het ook bestaansreg - ek maak saak, al is ek bold of maak ek statements…

Op pad huis toe het ek my oë uitgehuil – my droom het in duisend stukke gespat Willemien, ’n sprankelende ma van twee tieners, was met haar geboorte byna swart weens ’n ernstige suurstoftekort ná haar naelstring voor geboorte styf om haar nek gedraai was. Dat sy nie doodgebore is nie, was die eerste van baie wonderwerke in haar lewe. Maar daar was skade aan haar brein in die vorm van ernstige leerprobleme wat eers ontdek is toe sy skool toe is. Hier is Willemien se verhaal in haar eie woorde, geskryf met die hulp van ’n spesiale rekenaarprogram. “My skooljare was aanvanklik vir my ouers ’n nagmerrie en ek het gedink ek is stadig en dom. Daar is eers later vasgestel dat ek nie kan lees nie en alles…

NUWE GEURGIERE! Daar is ’n paar nuwe smaakgiere op die koshorison. Ons is nog nie uitgeëet aan gesoute karamel nie maar nou kan jy ook aan gebrande karamel smul (vreemd maar lekker, die bitter brandsmaak komplementeer die soet). Oosterse geure soos matcha (groen teepoeier) kan in enige iets van oliebolle tot roomys geproe word. Moet ook nie verbaas wees wanneer jy graanvlokkie- of springmieliegeure in jou nagereg proe nie. Ons lekkerste nuwe smaak is beslis bruinbotter! Smelt botter in ’n pan tot dit karamelkleurig is en neutagtig ruik. Dié heerlikheid wat al meer algemeen oor pasta geword het, gee deesdae ook smaak aan koeke, roomyse of meer. Kyk op bl. 102 vir die resep van die allerlekkerste bruinbotterkoek. Lekker lees, lekker kook Koljander, koljander so deur die Bosch deur…

Tini: Die beste raad is om bewus te wees van die werknemer se “bagasie”. Indien hy/sy baie negatief reageer, kan jy terugstaan en besluit – is dit my bagasie of is dit sy bagasie? Indien jy moeilike kollegas het, leer ken hul “snellers” en probeer dit vermy. Verder is dit baie belangrik dat jy goed na jouself omsien, want konstante spanning by die werk kan tot uitbranding lei. Slaap genoeg en eet gesond. Kry ’n veilige plek om van spanning ontslae te raak. Gaan spreek ’n sielkundige as jy bekommerd is dat jy dalk tot die wrywing bydra en leer vaardighede aan om kritiek te hanteer of kompromieë aan te gaan wanneer jy nie altyd saamstem nie. Indien jy deur ’n krisis gaan, en die werkplek is ontvanklik daarvoor, kan…

Hier is jou kans om ook die betowering van die Seychelle te ervaar. Vir R19,795 per persoon wat deel, kan julle vir sewe nagte in die driesterhotel, die Coral Strand Smart Choice tuisgaan. Die prys sluit in: retoervlugte van Johannesburg, vervoer na en van die hotel, ontbyt en aandete daagliks. Bonus: Komplimentêre opgradering na ’n beter kamer, ’n gratis middagete, gratis WiFi. Geldig tussen 24 April en 22 Junie 2017. Bespreek en betaal 21 dae vooruit. Verwysingsnommer: 1503844 Die hotel is binne loopafstand van plaaslike winkels, restaurante en nagklubs. Bel Thompsons op 0861 84 6677 of besoek www.thompsons.co.za…

• Sitplekke in die tweede ry kan 250 mm vorentoe skuif wat toegang tot die derde ry sitplekke van enige kant van die voertuig vergemaklik. • Verstelbare veelfunksiestuurwiel met ratwisselpedale en handvrye Bluetooth-telefoonwerking met stembeheertoegang. • Die raakskerm vir die klankstelsel is gebruikersvriendelik en ’n afsonderlike vertoonskerm verseker dat alle voertuiginligting altyd sigbaar is. • Die glassondak gee ’n heerlike gevoel van ruimte. • Vyfster-veiligheidsgradering in die Euro NCAP-botstoetse sluit sewe lugsakke , volwaardige ISO-FIX-kindersitplekmonterings en verskeie veiligheidstelsels in. • Multi Select-aandrywing deur al vier wiele maak dit ’n plesier om die Outlander oor wisselende terrein te bestuur. Kies uit drie afsonderlike rymodusse. • Die Rockford Fosgate-klankstelsel het nege luidsprekers , ’n sterk agtkanaal-klankversterker van 710W en ’n diepbasluidspreker.…

Dis verstandig om ’n voertuig aan te skaf wat nie te gulsig brandstof sluk nie, maar jy kan ook jou deel doen. POMP JOU WIELE Jy kan 25% brandstof bespaar deur jou wiele op die regte drukking te hê. Gaan die banddruk minstens een keer per maand na. VERLOOR GEWIG Nie jy nie, maar wel die onnodige ekstras aan jou motor. Haal af daardie dakrak en hou jou kattebak leeg. DOEN DIE TOETS Werk uit hoeveel liter jy per 100 km kry. Dit sal jou ’n goeie aanduiding gee van hoe ekonomies jou voertuig is. BESTUUR EGALIG Versnel geleidelik en kyk vooruit sodat jy nie versnel net om op die rem te lê vir ’n rooi verkeerslig nie. GEBRUIK TEGNOLOGIE Kies die roete met die minste verkeer. Die korter roete…

IRMA VENTER Irma Venter het in 2012 die Siemens Profile-toekenning vir haar skryfwerk oor wetenskap en tegnologie ontvang, asook ’n ATKV-woordveertjie vir Skoenlapper (2012). Haar volgende romans, Skrapnel (2013) en Sondebok (2014) is ook met groot lof ontvang. En nou is Sirkus hier. Waar kom die “sirkus”-idee vandaan? Donald Trump se Amerika. Noord-Korea. SONA. Ek wens dit was anders, maar ek kyk na president Jacob Zuma wat sy staatsrede probeer lewer en ek wil lag. En huil. En lag. Sirkus het ’n sterk verwysing na politiek – ou NPpolitiek met sy korrupsie en nepotisme en ANC-politiek met sy korrupsie en nepotisme. Tog is Sirkus glad nie ’n politieke boek nie. Dit handel bloot oor ’n vrou wat haar bes doen om die veranderende Suid-Afrika - die veranderende wêreld - van…

Dan Stevens is die Beast in Beauty and the Beast. Hy is getroud met ’n Suid-Afrikaanse vrou, Suzie Hariet, en hulle het twee kinders. Hy het ’n paar vrae op sy enigmatiese manier geantwoord. Wat het jou in die rol laat belang stel? Dit is ’n massiewe waagstuk om ’n geliefde 2Danimasiefliek na ’n meer realistiese 3D-storie oor te dra. Hoe sou jy jou karakter, The Beast, beskryf? Een van die grootste verskille tussen die eerste flieks, die geanimeerde, is dat jy die Beast nooit sien voordat hy na sy vorige vorm getransformeer is nie. In dié fliek sien ons hom as iemand wat net iewers wil inpas, wat nooit sal kan gebeur nie. Maar daar is ’n ander kant aan hom: hy kan hom soms soos ’n verwende kind…

HIERDIE IS DIE LEWE – FRANCOIS VAN COKE. DIE GEWESE HOOFSANGER VAN FOKOFPOLISIEKAR SE SOLO-WERKE IS BESIG OM STERK MOMENTUM OP TE BOU. SOOS ALTYD HET DIE LIRIEKE WERKLIKE BETEKENIS, LUISTER MAAR NET NA DIE TITELSNIT EN, BAIE MENSE SE GUNSTELING, “DIT RAAK BETER AS JY OUER RAAK”. AG, MAAR EINTLIK IS DAAR NIE EEN VROT SNIT OP DIE ALBUM NIE. OULAP SE PAD – DANIEL EEUWRICK. DANIEL HET AL ’N GHOEMATOEKENNING LOSGESING. DIS MOEILIK OM SY GENRE TE BESKRYF: IETS TUSSEN DOZI EN RKO, MET ’N STUKKIE ANTON GOOSEN WAT DEURSKEMER. SONGS OOR KLEIN WONDERWERKE IN DIE LANDSKAP VAN DIE LEWE. “AFRIKA KIND”, ASOOK DIE TITELSNIT, “OULAP SE PAD”, KOM SO REG UIT DIE HART UIT. MAKE MINE A COWBOY - SANDY-LEE. SANDY-LEE…

Hy pluk pastelle uit en sê ek moet ’n simbool van herstel teken; iets wat veerkragtigheid sou simboliseer Einde verlede jaar het daar ’n paar goor dinge met ons gesin gebeur. Maar ’n mens sluk en hou terug, want die gehoor vir jou jeremiades moet jy versigtig kies, het die tydsgees jou geleer. Toe misdaad ook nog sy elmboog op my voorhek kom sit, is dit skielik ’n amptelikheid wat die samelewing kan naam gee en waarmee hy geduld en selfs simpatie het, maar ook net tot op ’n punt. Berader toe, sê al wat pel en kollega is. Ek wonder partymaal daaroor. Nog in my pa se tyd het ’n weduwee ’n jaar lank swart gedra, en ’n kind ’n rouband om die arm. Deesdae moet jy binne ’n…

JUWEELWOORDE My ore is altyd in paraatheid gespits vir woorde waarop ek wag: Afrikaanse woorde wat my lekker aan die lyf vat en my oopmond en verstar laat. “Lotsgebonde”. “Asemrowend”. “Smeulend”. Wat van “kleef” of “pittig”? Splinternuwe juwele word soms heel onverwags aan my opgedis, soos die keer toe ’n pragtige jong vrou ’n cappuccino voor my neersit en ’n gesprek begin. “Mevrou weet, ek is nie lus om na ’n papnekkie te kyk nie!” Die skuim in die koppie wiggel-waggel ritmies toe sy die tafel begin skoonvee. (Pap-nek-kie?) Ek proe skaars die koffie so opgewonde is ek. “My meisiekind is nou net van my hande af ... ” mor sy. “Nee, ek sien regtig nie kans om na vars kinders te kyk nie.” Ek lek sommer my lippe af…

Daar is reeds 52 episodes opgeneem van Republiek van Zoid Afrika, Karen se bekroonde geselsprogram op kykNET. Die nuwe reeks word waarskynlik in die tweede helfte van vanjaar uitgesaai. Dit was vir haar uit die staanspoor belangrik om nie net aanbieder te wees nie, maar ook kreatiewe beheer te hê. “Ek was aanvanklik baie huiwerig toe regisseur Carien Loubser voorstel dat ek aan die einde van elke program saam met van Suid-Afrika se topkunstenaars sing. ’n Mens wil darem nou nie narcisties begin lyk nie ... Maar dit het gelukkig gewerk. “Die onderhoude met die uiteenlopende bekendes is ’n meesterklas in die lewe. Ons lag én huil emmersvol trane. Ek het die grootste bewondering vir iemand soos Thuli Madonsela wat letsels dra omdat hulle standpunt inneem vir wat hulle glo…

‘Dis vir my ’n eer om vir ’n tydskrif te skryf wat saam met sy lesers groei’ – Margaret Gardiner Die pad wat ’n tydskrifleser met haar gunstelingtydskrif stap, is iets wat ’n mens moeilik kan definieer. Sonder dat jy dit besef, word die tydskrif die padkaart vir die lewensfase waarin jy jou bevind, en wanneer jy deur ou uitgawes blaai, word die artikels, resepte en raad die vonk vir ’n stortvloed herinneringe uit jou geheuebank. Ons het ’n paar bekendes gevra om hul herinneringe aan rooi rose te deel. SIMON RADEMAN, bekende modeontwerper en stylkenner Simon vertel dat hy met rooi rose grootgeword het. “My ouma het my daaruit leer hekel, my ma het my daaruit leer kook en my liefde vir die ‘glorieryke’ wêreld het daaruit ontstaan…

Die sluipmoord op 10 April 1993 op die ANC-leier Chris Hani het byna die vredesonderhandelinge vir die nuwe Suid-Afrika ontspoor. Die belangrike taak om Hani se moordenaars, Clive Derby-Lewis en Janusz Waluś, agter tralies te kry, het op die skouers van die legendariese adv. Klaus von Lieres und Wilkau gerus. ’n Junior aanklaer, ene Gerrie Nel, is aangewys om hom te assisteer. Dertig jaar later, op 14 Februarie 2013, skiet Oscar Pistorius sy meisie, Reeva Steenkamp, en Gerrie Nel is die senior aanklaer in nog ’n saak wat wêreldwyd selfs meer opslae maak. Dit verbaas hom steeds dat die saak soveel belangstelling ontlok het. Hy het gedurende die verhoor stapels korrespondensie van regoor die wêreld gekry. En nie net e-posse nie, outydse briewe, honderde van hulle, by die hof afgelewer.…

‘Besef die lewe is kort: koester die mense naby jou en sê die mooi dinge vir hulle terwyl hulle leef. Wees lief vir jou troeteldiere. En onthou: ’n vrou lyk altyd mooi met rooi lipstiffie en hoë hakke!’ Dit is al ná middernag. Dinge begin jolig raak in 7de Laan in Melville, Johannesburg. Maar ’n paar strate verder sluit ’n vrou die veiligheidshek agter haar en aktiveer die sekerheidstelsel van haar knus huis. Sy het die vorige oggend al drieuur in koue reënweer opgestaan om betyds by die werk te wees. Sy is nie ’n huiswerker, ’n gesondheidsredder of veiligheidswag nie. Sy werk in ’n vermeende glansryke beroep. Sy sit haar reusehandsak neer waarin alles is - van tekste, kleefband en batterye tot medisyne, biltong én lipstiek. Dit was ’n…

JENNA MCARTHUR HET HAAR SKAKELMAATSKAPPY DRIE JAAR GELEDE BEGIN NADAT SY ‘N GERUIME TYD BY ELLE EN IN DIE MEDIABEDRYF GEWERK HET. HIER HET SY ONDERVINDING IN DIE MODE- EN MEDIAWÊRELD OPGEDOEN EN BESEF DAT DOELTREFFENDE KOMMUNIKASIE TUSSEN DIÉ TWEE BEDRYWE VAN DIE ALLERGROOTSTE BELANG IS. HAAR AGENTSKAP FOKUS DAAROP OM MODEHUISE SE VISIE UIT TE STIPPEL EN DIT DEUR TOEGANKLIKE KOMMUNIKASIE AAN DIE TEIKENMARK OOR TE DRA. LEERbaadjie Elke vrou moet in ’n tydlose swart leerbaadjie belê. SWART HOBBS-LEERBAADJIE (R3 699) POETRY. Hoed Dis eenvoudig: Die kameelkleur kraai koning en ’n hoed rond enige uitrusting af. SIMON AND MARYHOED (R925) BESKIKBAAR BY TREAD & MILLER. WIT hemp Gepas vir binne en buite die kantoor. Jy sal altyd ’n kraakvars aangemete wit hemp in my klerekas kry. Dis tydloos, en…

‘Ek is passievol oor grimering en hoe dit jou individualiteit en kreatiwiteit kan uitdruk’ - GWEN STEFANI Dink jy aan die sangeres en mode-ikon Gwen Stefani, dink jy dadelik aan haar platinumblonde hare en bloedrooi lippe. Sy is die nuwe segspersoon vir Revlon. “Ek het grimering van jongs af as ’n vorm van selfuitdrukking gebruik,” sê Gwen. “Ek sien uit daarna om my liefde vir grimering as Revlon se handelsmerkambassadeur voort te sit.” OU gunsteling GIORGIO BEVERLY HILLS EDT (R395 VIR 30 ML EN R599 VIR 90 ML) is die afgelope dertig jaar al ’n kultusgeur. Ryk blomnote gemeng met sprankelende soet vrugtegeure. Papaja vir SAGTE LIPPE Ons is verheug dat DR PAWPAW BALM nou in Suid-Afrika beskikbaar is (R95, BY UITGESOEKTE TAKKE VAN DIS-CHEM). Die oorspronklike geel buisie…

As jy nié voorsorg tref nie, lyk jou kanse op aangetaste kinders so : • As jy ’n draerman is Al jou dogters is draers, met ’n 21%- kans op FXPOI. Jou seuns is geheel en al vry. • As jy ’n draervrou is Elkeen van jou seuns het ’n 50%- kans om aangetas te wees. Hulle kan van lig tot ernstig gestrem wees – die meeste ontvangerseuns is ernstig gestrem. Tot 60% van jou “normale” seuns kan FXTAS later toon. Jou seuns het ook ’n 50% kans om vry te wees, met geen gestremdheid en geen kans op FXTAS nie. • Dieselfde geld jou dogters. Dogters wat die geen ontvang, het ’n 40-50% kans om lig tot matig gestrem te wees. Jou dogters wat die geen ontvang maar normaal…

STEM JA OF NEE OP ONS VRAAG IN “WAT DINK JY” EN JY KAN ’N BEAUCIENCEGESKENKPAK TER WAARDE VAN R2 500 WEN! BEAUCIENCE IS ’N TROTS SUIDAFRIKAANSE VELSORGREEKS WAT VAN NATUURLIKE BESTANDDELE GEMAAK WORD. DIE REEKS IS OOK GEMIK OP DIE OMGEWINGSBEWUSTE VERBRUIKER, WANT HULLE GEBRUIK SOVER MOONTLIK OMGEWINGSVRIENDELIKE VERPAKKINGSMATERIAAL. DIE TEENVEROUDERINGSREEKS VIR ALBEI GESLAGTE BEVAT DIE AKTIEWE BESTANDDEEL PROTEASYL TP, WAT VAN DIE ERTJIEPLANT AFKOMSTIG IS, EN PLOOIE TEËWERK EN DIE VEL VERNUWE EN VOED. WWW.BEAUCIENCE.CO.ZA VRAAG: DINK JY TRAUMA GAAN SIT IN ONS LIGGAAMSELLE? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP “WEN” EN DAN “WAT DINK JY”.…

• Ongeduld. • Negatiewe gesigsuitdrukkings soos om jou oë te rol of geluide te maak. • Moenie die kind ignoreer nie. • Moenie afleidings maak, reageer of optree voordat jy geluister het en die kind klaar gepraat het nie. “Moenie weer met daardie storie by my kom nie. Ek wil dit nie hoor nie!” • Beskuldiging en blaam: “Die probleem met jou is ...” • Naamnoemery en vernedering: “Jy is ’n vark ... nikswerd... mislik.” • ’n Geskree en dreigemente wat nie uitgevoer word nie. • Opdragte: “Kom dra die pakkies, maak gou!” • Lang preke en moralisering: “Dink jy nou dit was ’n mooi ding om te doen?” • Martelaar: “Jy gaan my nog ’n hartaanval gee!” “Ná alles wat ek vir jou doen.” • Vergelykings: “Hoekom kan jy…

Die huis is danksy die reuse-glasvensters een met die natuur Die voorstoep is ’n smorgasbord van verskillende teksture Die monochroom sithoekie in die hoofslaapkamer getuig van smaak Die uitsig op die swembad versterk die Zengevoel van die minimalistiese badkamer Kim het altyd ’n helder visie van haar droomhuis gehad. “Ons wou ’n eenvoudige, ontspanne ruimte met natuurlike materiale skep wat die skoonheid van die natuur om ons sal komplementeer.” Chris Weylandt en Kim Smith noem die buitengewone huis “Maison” (die Franse woord vir “huis”). Dis die gesin se wegbreekbestemming, die spreekwoordelike home away from home. ’n Reeks bekroonde wyne word hier gemaak en onder meer in The Kitchen, hul restaurant op die plaas, geskink. Dié restaurant is as een van die toptien Eat Out-wenners aangewys. Chris…

KOEKLOLLIES GENOEG VIR 12 LOLLIES BASIESE KOEK • 100 g botter • 4 eiers • 260 g strooisuiker • 280 g koekmeel • 15 ml (1 e) bakpoeier • 2,5 ml (½ t) sout • 250 ml (1 k) melk • gerasperde skil van een suurlemoen • 10 ml (2 t) vanieljegeursel • 250 g volroomroomkaas • 200 g witsjokolade, gekap 1 Voorverhit die oond tot 180 °C. 2 Voer 2 x 20 cmkoekpanne met bakpapier uit. Smeer met botter of spuit met kleefwerende kossproei. 3 Room die eiers en suiker in ’n groot mengbak tot lig en donsig. 4 Sif die koekmeel, bakpoeier en sout saam en vou dit versigtig by die mengsel in tot alles deeglik gemeng is. 5 Verhit die melk in ’n klein kastrol tot kook-punt.…

Al was my lewenspad nie altyd roosblaarbestrooi nie, het rose altyd langs die roete geblom Die spreuk lui: ’n roos is ’n roos ongeag wat dit ook al genoem word. Dit is hoedat dit is. Verheerlik enige geleentheid of gereg met die skoonheid en geur van ’n roos en dit word dadelik tot ’n ander vlak van aansien en aangenaamheid verhef. ’n Roos verleen as “Koningin van die Tuin” nie net luister en kenmerkende geur aan die planteryk of ’n blomruiker of parfuum nie, maar dit dra ook boodskappe uit die hart oor wanneer dit gegee en ontvang word. Volgens oorlewering het die eerste rose – wit en rooi - in Betlehem verskyn as antwoord op die gebede van ’n jong maagd wat valslik beskuldig en ter dood veroordeel is.…

Mart-Mari Rykaart Al kom ek nie oor weg met iemand nie, is ek primêr in my werkplek om my werk te doen. In daardie opsig skuif ek baiekeer my persoonlike gevoelens eenkant toe sodat die werk steeds gedoen kan word soos dit moet. Waar ek wel kan, probeer ek om eerder saam met ander mense te werk. Ek is ’n onderwyseres, en met sekere projekte, sport of kultuur is dit soms moontlik om saam met mense te werk met wie jy oor die weg kom. Ander kere sal ek reguit vir die kollega sê dat ek nie die projek gekies het nie, maar omdat ons hier is vir die kinders, skuif ek my gevoelens opsy en doen wat gedoen moet word sodat die leerder nie deur my persoonlike ervarings benadeel…

In jou verbeelding kan jy enige kuierplek kies: die stad in volle vaart, die sonsbesiestilte van die bos, of die lang skadu’s van ’n klein dorpie. En soms word drome ’n werklikheid … #rooirose75 Soos dit ’n volbloedvrou betaam, het rooi rose die aarde deurkruis op soek na nuwe avonture en vars ervarings. Sy het al donkiekar én jeep gery, in vyfsterhotelbeddens én ’n slaapsak onder die sterre geslaap, in ’n vloeiende skepping aan die skeepskaptein se tafel gesit én drie dae lank dieselfde stapklere gedra (moet liewer nie vra nie). Verlustig jou in uiteenlopende rooi rose-reiservarings by www.rooirose.co.za  - klik net op “Rondrits” onder Ontspanning Klein Vrede In die herfs van 1751 slaan die Franse sterrekundige abbé Nicolas-Louis de Lacaille kamp op aan…

JANS GREUNING SOEK VANDAG AFSLUITING. WOORDE GAAN DIT NIE NOODWENDIG VERSKAF NIE. KAN ’N MENS OOIT HELP AS IEMAND VIR DIE LAASTE MAAL PROBEER REGMAAK WAT HY DINK HY VERKEERD GEDOEN HET? HELENE DE KOCK HELENE DE KOCK WOON IN MIDSTREAM EN HAAR JONGSTE BOEK, DEBORA GAAN HUIS TOE, VERSKYN EERSDAAGS. DIT IS DIE VERVOLG OP DEBORA EN SEUNS. Dis hoogmiddag toe Lien begin vermoed dat alles dalk nie pluis is nie. Die digte stilte in die plaashuis druk teen haar aan. Sy wonder waar op die werf haar pa rondswerwe. Hy het tog niks meer buite in die stalle of lande te doen nie. En dis waarvoor sy bang is. Dat sy kop sal uithaak of dat hy sal begin huil, of so. Iets wat hy nooit doen nie.…

Ons vra vrae oor “sirkus”. As jou boekklub al die vrae reg beantwoord en getrek word, kry julle die boeke wat die maand op ons boekrak staan, geskenk deur Graffiti. Stuur jul antwoorde na roneln@caxton.co.za met “April-boeke” in die onderwerpreël of na rooirose.co.za. Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit… Vrae 1 Wat beteken die woord “sirkus” (Latynse oorsprong)? 2 Ladies and gentlemen/Boys and girls/Step right up … Wat is die titel van dié Christina Aguilera-liedjie? 3 Wat is die naam van die bekende Kanadese sirkusteatergroep wat net mense gebruik? 4 Wat is die McDonald’s-nar se naam? 5 Wat noem jy die hoof van ’n sirkus? Maart-antwoorde 1 “Stop the clocks ...” Digter? W.H. Auden. 2 Four Weddings…

VAN 8 TOT 15 APRIL is dit tyd vir die 23ste KKNK op Oudtshoorn . Jaco Jacobs se trilogie van werke In wag van, Kalahari Swaan en Stof Rooi sluit aan by Reza de Wet se kragtige toneelstuk Breathing In, vir die eerste keer in Afrikaans as Asem, met Antoinette Kellermann et al. Neil Coppen se Buiteland is ’n eietydse debuutdrama, met Elize Cawood en Kopano Maroga. Chris Barnard se klassieke Pa maak vir my ’n vlieër Pa, met Sandra Prinsloo, Waldemar Schultz en Wilhelm van der Walt is daar, asook Henrik Ibsen se vertaalde klassieke werk Die Vrou uit die See. Tertius Kapp en Jaco Bouwer se debuutstuk, Liewer, ondersoek verhoudings tussen generasies in Suid-Afrika, seksuele spanning en kommunikasie. Met onder andere Anna-Mart van der Merwe. Solovertonings wat by…

A ring to it 083 457 1919 Accessorize 021 425 7701, 011 884 4643 Ackermans 021 900 1000 Ambra Fine Jewellery ambrajewellery.com American Swiss 021 938 1966 Arthur Kaplan 011 669 5627, 083 3057 105 Betrue 021 674 6006 Black Betty 072 803 9456 Bold Metals by Foschini, Clicks, takealot.com en zando.co.za Bourjois 011 477 4722 Chanel 011 325 1000 Colette Hayman 012 663 1365 Converse 087 940 4600 Cotton On 021 552 9651, 021 981 9366 Curaprox 011 788 9799 Darling Sweet 083 235 4002 Dear Rae 021 447 1390 Dermalogica 011 268 0018 Dr Paw Paw by Dis-Chem Elizabeth Arden elizabetharden.co.za Emozioni 011 089 6000, emozionisa.co.za Environ environskincare.com/za/ Essie essie.co.za Eucerin 0860 102 091, eucerin.co.za Forever 21 021 555 3324 Foschini 021 938 1018…