Innholdsfortegnelse for Desember 2016 i Rooi Rose

DAAR IS MOS maar oomblikke en hele dae en rillernaweke en sommer net moeilike tye wat ’n mens nie sommer sal wil oorhê nie. Dit kan selfs wees dat jy voel ’n hele jaar kan gerus maar sy ry kry. Veral terwyl ’n mens in die oomblik is waarin die moeilikheid en swaarkry jou vasval en jy oorweldig voel van hartseer en teleurstelling. En hierdie Jaar van ons Heer 2016 was vir my so ’n woeste een. Verskeie dinge buite ons beheer het doodeenvoudig gaan staan en gebeur. Soos dit nou maar werk, nie waar nie, want wat is nou eintlik regtig onder jou beheer ... Vir ons land was dit ook ’n jaar van skokkende gebeurtenisse. En letterlik maande lank het ons almal maar net die dae gevat soos…

Dink jy jou gedagtes het ’n direkte invloed op wat in jou lewe gebeur? Annette Wheeler (55), boekhouer, Ermelo Ek glo ’n mens kan vir seker jou gedagtes op ’n proaktiewe manier gebruik om jou lewe te bestuur. ’n Mens se gedagtes vorm jou houding en bepaal jou lewensrigting. ’n Mens is die produk van sy/haar eie gedagtewêreld. Is jou glas halfvol of halfleeg? Jy kan soveel talent in ’n sekere sportsoort hê, maar as jou gedagtes negatief is, gaan jy sukkel om sukses te behaal. Marike du Buson (32), voorkomskonsultant, Pretoria Ja beslis. Ek glo veral dat jou gedagtes ’n manier is waarop God met jou kommunikeer. Wanneer jy positiewe dinge dink of oor jou lewe uitspreek, spreek jy seënbede oor jou lewe uit. So trek ons positiewe dinge…

VIR VROUE Ons allergunsteling Die haarprodukte in die DAVINES OI-REEKS bevat ikoniese roucou -olie uit Suid-Amerika wat geurige, lewendige en blink hare verseker. By Carlton Hair, Wyatt Hairdressing en uitgesoekte haarsalonne. SJAMPOE (R255), OPKNAPPER (R290) EN MELKSERUMSPROEI (R305). KEER DAT JOU NAELLAK OMTUIMEL. RING (R225) TWEEXY. Nuut in die land! Beeld jou unieke persoonlikheid met dié mooi stukke van Anaïs-juwele uit. GELUKBRINGERS (R549 – R3 699), HANGERTJIES (R899 – R1 899) en MEDALJONS (R1 299 – R3 699) elk met ’n diamantversiering. Juweelwinkels landwyd. VIR MANS VIR KINDERS Poppe uit ’n ander wêreld! GALAXY-POPPE (R199,99) VERSKEIE SPEELGOEDWINKELS. VIR HUIS & TUIN Vir die voëls! SAGAFORM BIRDFEEDER (R290) VENDANGE.CO.ZA Eietydsen mooi BIRBA BULLET-PLANTHOUERS IN VERSKEIE GROOTTES (KLEIN R300, GROOT VANAF R1 350) BIRBA.CO.ZA VIR KOSLIEFHEBBERS Spesiale Kersfeesaanbod ’N CAFFÉLUXE PICCOLO-ESPRESSOKAPSULEMASJIEN…

Sarah Jessica Parker kom by die Four Seasons-hotel aan in ’n asemrowende wit chiffonrok met swart appliekwerk wat nou hoogmode is. Sy lyk amper soos ’n modieuse roomkoek en haar kenmerkende blonde hare is losweg gekrul. Sedert die ikoniese TV-reeks Sex in the City is dit nie net haar toneelspel nie, maar haar klerestyl wat in die kollig is. Dit mag ander aktrises dalk irriteer, maar Sarah verstaan dit. Sy is ’n modeikon wat nie bang is om die reëls te breek nie. En sy weet dat sy heeltyd dopgehou word. Die 51-jarige aktrise het begin werk toe sy agt jaar oud was en het haar eerste Broadwayrol in The Sound of Music gekry toe sy net elf was. Sy is al 19 jaar lank met ’n mede-akteur Matthew Broderick…

AB se ouers het sy liefde vir sport aangevuur. ‘Ons drie seuns het alle sportsoorte beoefen waaraan jy kan dink’ Die Proteakaptein, AB de Villiers (32), het op Bela-Bela grootgeword, maar het sy hoërskoolloopbaan aan die Afrikaanse Hoër Seunskool in Pretoria voltooi. “Ek het twee ouer broers, en ek was seker so agt toe ek gaan kyk het hoe my middelbroer vir ’n Affiesrugbyspan uitdraf. Net daar het ek verlief geraak op die idee om ook Affies toe te gaan.” AB se pa is die afgelope 35 jaar al ’n mediese dokter op Bela-Bela. “My ma, Millie, is ’n entrepreneur wat al ’n paar dinge aangepak het, en sy het ook jare lank tennis op die dorp afgerig.” Sy ouers het sy liefde vir sport aangevuur. “Ons drie seuns het…

V My vel is baie sensitief en gedehidreer. Selfs produkte wat geskik moet wees vir sensitiewe velle, brand my vel. A Jy het dalk ’n hipersensitiewe, onverdraagsame vel wat geneig is tot allergiese reaksies. Kies velsorgprodukte wat veilig en baie suiwer is sodat jou vel dit sal verdra en doeltreffende sorg sal kry. Deur Eau Thermale Avène se steriele, kosmetiese prosesse het hulle produkte ontwikkel wat heeltemal veilig en geskik is vir hipersensitiewe velle. Probeer Avène se Tolérance Extrême-reeks vir hipersensitiewe velle: • Die produkte is vry van parabene, geur- en preserveermiddels. • Die formules bevat aktiewe bestanddele wat suiwer en doeltreffend is, en sal geen irritasie veroorsaak nie. • Die unieke, lugdigte gepatenteerde seëlstelsel (D.E.F.I.*) voorkom dat bakterieë die formules kontamineer en die produkte bly steriel, selfs in groter…

Jasmine se antwoord hierop is baie diplomaties. “Ek wil nie paniek saai nie, maar die kanse is skraal dat Suid-Afrika ’n ISIS-aanval heeltemal sal vryspring.” Sy verduidelik dat die ISIS-soeklig skerper as tevore op ons val vanweë die hofsaak teen die Thulsie-broers van Johannesburg. Hulle word daarvan verdink dat hulle ISIS-lede is en aanvalle op Amerikaanse en Joodse teikens in Johannesburg beplan het. “Die feit dat die tieners waarmee ek gewerk het, erken dat hulle met ISIS-werwers in Suid Afrika kennis gemaak het, is ’n aanduiding van ISIS se teenwoordigheid in Suid-Afrika. Hulle teenwoordigheid hier kan maklik gebruik word om aanvalle hier te beplan en uit te voer. Onlangse aanvalle in Europa het gewys hoe ISIS selle vestig met ondersteuners wat van die kalifaat na hul lande teruggestuur word. Is…

Die 34-jarige Marli is ’n boorling van Kempton Park wat haar deesdae in die Kaap bevind. Haar pa, broer en jongste sussie is almal aptekers. Die middelste sus is ’n argitek en haar ma ’n onderwyseres maar Marli het ’n heel ander koers ingeslaan. “Aanvanklik was grimering net iets wat ek bykomend sou kon doen sodra ek ’n graad behaal het.” Ná ’n jaar in Engeland het sy geweet grimering met die klem op spesiale effekte is haar rigting. Sy het eers ’n kursus in grimering gedoen en toe ’n intensiewe kursus in prostese en spesiale effekte. “In daardie dae het ons nog met produkte soos vloeibare lateks gewerk. Dit word deesdae glad nie meer op stel gebruik nie. Ek het meer geleer in my eerste dag op ’n rolprentstel…

LUUKSE leer Die luukse-Brazzaville-leerhandsak van Missibaba is beskikbaar in ’n verskeidenheid kleurskakerings sodat jy ’n sak kan kry wat by jou kas inskakel. SPANJE in SUID-AFRIKA Espadril is ’n Suid-Afrikaanse handelsmerk en is die geesteskind van ons Rizqah Isaacs en Spanje se Patricia Terre. ’n Paar espadrilles is die moet-hê item waarin jy die somer moet aandurf. SANDAAL (R750) ESPADRIL. Geïnspireerde EENVOUD Meetkunde en beenwerk is die kenmerkende temas van die Famkereeks. Die juwele is eenvoudig, verbeeldingryk en treffend. OORBELLE (R350) FAMKE. BLINK kant bo As jy gedink het blinkers is net geskik vir partytjies, dink weer. Dié somer is metaalkleure en blinkers hoogmode. BLINKERTRUI (PRYS OP AANVRAAG; 4-18) RIVER ISLAND.…

Die geld WERD MOROCCANOIL DRY SHAMPOO LIGHT TONES (R397) is ’n duur droë sjampoe, maar beslis die geld werd. Dit het ’n effense pers kleur wat help om die geel (blondines sal weet waarvan ek praat!) te neutraliseer. Dit verfris jou hare (jy kan maklik ’n dag wen voor jy hoef te was) en gee volheid aan pap, fyn hare. Ek gebruik dit graag wanneer ek saans uitgaan en ek my hare mooi vars en vol wil laat lyk. SUZANNE DAAGLIKSE beskerming Die nuwe Nivea Sun Anti-Age Face Sunscreen SPF 50+ (R119,99 vir 50 ml) beskerm jou vel teen die son en voorkom sonskade wat voortydige veroudering, pigmentasie, fyn lyne en plooie tot gevolg het. Die formule is lig en nie olierig nie, en trek vinnig in die vel in…

Volgens Kelly McGonigal is daar verskillende maniere om “goed te raak” met stres. Sy beveel aan dat ons al drie probeer aankweek in die mate waartoe ons voordeel daaruit kan trek. 1 Party mense gedy onder druk. Spertye gee hulle woema, hulle hou van kompetisie en voel hulle bereik meer in veeleisende omstandighede. Kelly noem hierdie groep “The Iron Man Model of Stress”. 2 ’n Tweede groep word verlam deur “ystermanstres”, maar is goed daarmee om in stresvolle omstandighede uit te reik. Hulle verstaan dat hul swaarkry deel van menswees is en ontwikkel meer empatie en deernis met ander. Hulle kan steun vra of ander help, en versterk daarmee hul verhoudings. 3 Die derde groep is ingestel op groei. Maak nie saak hoe sleg dit gaan nie - hulle is…

• Dinge moet die eerste keer reg, behoorlik en volgens ’n hoë standaard gedoen word. • Jy het nie ruimte of geduld met foute nie en sal lank oor foute wroeg. • As jy nie kan presteer of iets perfek doen nie, doen jy dit eerder glad nie. • Alles gaan oor die resultaat, dit maak nie saak wat dit verg nie. • Prestasies word nie werklik geniet nie, want daar is altyd nog ruimte vir verbetering. • Jy neem jou of ander kwalik wanneer dinge nie perfek is nie. • Jy raak ontsteld as dinge nie op jou manier gedoen word nie. • Jy bestee baie tyd - dikwels ten koste van slaap, verhoudings of ontspanning - aan gehalte en die bereiking van jou doel. • Jy sien voortdurend…

TRADISIONEEL 'N GRYS (TRADISONELE ADVENTKLEUR) PENNY GUM-KRANS AFGEROND MET OLDMAN'S BALLS EN ROOI LINT GEE 'N VARS GEVOEL AAN DIE TRADISIONELE ADVENTKRANS. INHEEMS GRYS SLANGBOS, INHEEMSE FYNBOS EN HERWINDE LEIKLEUR PAPIERBLOMME GEE DIE ADVENTKRANS GELYKTYDIG 'N MODERNE EN INHEEMSE GEVOEL. EENVOUD DOOIE TAKKE AS 'N SIMBOOL VAN DIE STOMP VAN ISAI IN 'N CURLY WILLOW-KRANS, AFGEROND MET VARS GROEN EN ROOI OM DIE LOOT WAT UIT- GROEI, UIT TE BEELD. MAKLIK SIRKELS AS SIMBOOL VAN EWIGHEID UIT SWAARDVARINGBLARE. DIE SIRKEL IS NATUURLIK ’N SIMBOOL VAN EWIGHEID OF ONEINDIGHEID EN VIR CHRISTENE SIMBOLISEER DIT DIE EWIGHEID EN TROU VAN GOD SE LIEFDE Die einde van ’n jaar is gewoonlik ook partytjietyd, maar die een viering wat vir baie mense uittroon, is Kersfees. Die betekenis van Kersfees en die voorafgaande Advent gaan…

     VOORGEREG LUUKSE EENDBURGERS MET DIE ALLERHEERLIKSTE BRUINBOTTERMAYONNAISE GENOEG VIR 12 BRIOCHEBROODJIES GENOEG VIR 12 KLEIN ROLLETJIES • 65 g suiker • 5 ml (1 t) sout • 10 g (1 sakkie) kitsgis • 500 g broodmeel • 375 ml (1½ k) louwarm melk • 75 g botter, gesmelt • 1 eier geklits saam met ’n knypie sout • 15 ml (1 e) sesamsaad 1 Gebruik ’n elektriese menger met ’n deeghaak. 2 Gooi die suiker, sout, kitsgis en broodmeel in die mengbak. 3 Meng die melk en botter en gooi stadig by die meel terwyl die masjien hardloop. 4 Meng vir sowat 10 min. tot die deeg glad en elasties is. 5 Bedek die bak met ’n skoon kombuisdoek en laat die deeg vir 1 uur rys tot dubbel…

Vandag word Suid-Afrika se vroue al toegelaat om in kerkrade, komitees en in die kabinet te dien Broederbond, boerevereniging, kiesafdelingsraad, skoolraad, hospitaalraad, kerkraad ... “Pa is by ’n mansvergadering,” sou ons ma ons pa se afwesigheid sommige aande aan tafel in ons huis tussen die wingerd, toe ons vier sussies nog klein was, aan ons verduidelik. En dan sou hy die volgende aand tussen ons aandete se gange van gort-en-groentesop tot melksnysels met kaneelsuiker deur, die onderonsies en geredekawel en verloop van die “mansvergaderings” verhaal: “En toe sê hy ... ”, “En toe sê ek ... ” “En toe sê hy ... ” Van vroueverteenwoordiging en -insette was daar nimmer sprake. Al het ons ma en ’n klein minderheid van ons land se vroue toentertyd stemreg gehad, het die mans…

Kreatiewe gasvroue en -here van ver en wyd het by vanjaar se Kaapse Kansa-kuierdag hul verbeelding laat vlerke kry rondom die tema “Herwin”. Hulle vindingryke idees het die beoordelaars behoorlik laat kopkrap om wenners in die verskillende afdelings aan te wys. Daarmee saam is weer ’n stewige bedrag vir Kansa ingesamel. Die kuier het seeplad verloop danksy Therese Benade se bekwame en ervare hande, en Bravo en die mooie Tracey Lange se kuier met die TV-kameras het vir ’n ekstra skeutjie opwinding gesorg. Ons is almal diep geraak deur Jana du Plessis wat haar lewenstryd met kanker met ons gedeel het, en ons is bitter bewus daarvan dat sy op die oomblik van ’n volgende operasie herstel. Die kunstenaars Jaloersbokkies en Willem Botha het die koue help verdryf deur ons…

BORN TO RUN Bruce Springsteen (JBall) The Boss, soos dié rockster bekend staan, se outobiografie het uiteindelik die lig gesien. En soos sy musiek, is die boek so rou en eerlik dat dit jou in die maag tref. Hy begin sommer aan die begin: sy grootwordjare in New Jersey as die seun van ’n busbestuurder en ’n sekretaresse. Hy het as arm jongeling baklei fisiek en geestelik – om sy stem te laat hoor. Hy het as tiener sy eerste rockgroep, The Castiles, begin. Hy het as kitaarspeler begin maar sy frustrasie om die musiek te laat klink soos hy dit in sy kop hoor, het hom gedwing om later ook sy plek voor die mikrofoon in te neem. Die boek lees soos ’n Aspoestertjieverhaal - die storie van ’n…

PETER HET MEER VOORDELE AS ELLA UIT DIE ‘VERHOUDING ’ GEKRY. SY KON ’N TENT ONTWERP EN MAAK, BUITE IN VRIESWINDE KOOK, KLERE HERSTEL EN SO 16 KM STAP SONDER OM TE EET. EN SY HET OP DIE KOOP TOE SY KLERE SAAM MET HAAR EIE GEWAS Ella Maillart was nie net een van die belangrikste reisskrywers van die twintigste eeu nie, haar hele lewe was stof vir stories. Sy was ’n natuurlike atleet en die enigste vroulike lid van die Switserse seilspan vir die 1924 Olimpiese Spele. Sy het ook die eerste hokkieklub vir vroue in die Franse deel van Switserland gestig en was ’n ski-kampioen. Maar sy was ook rolprentmaker, joernalis, aktrise, rolprentwaaghals en model vir ’n beeldhouer. Sy het kinders in Wallis Frans geleer, as sekretaresse gewerk,…

WEN WEN juwele! ’n Moet-hê item hierdie somer! Die Anaïshangertjie, met ’n regte diamant in die medaljon, is uniek en baie kosbaar. Jy kan een van twee stelle ter waarde van R8 000 wen. WEN ’n LG K10-slimfoon Die LG K10-slimfoon is die ideale selfoon vir ’n tiener. Dis liggewig en sal maklik in enige skooltas pas. Wen een van twee van hierdie slimfone ter waarde van R3 899. Ons wou weet WAT IS JOU GUNSTELINGSUID-AFRIKAANSE TRADISIE? BRAAI 48% MRS. BALL’S-BLATJANG 19% BILTONG 17% ONS KULTUUR SE GESEGDES 16% HET JY AL JOU DOELWITTE VIR DIE JAAR BEREIK? NEE 86% JA 14% HOEVEEL PARE SKOENE HET JY IN JOU KAS? TE MIN 39% ’N VROU KAN NOOIT TE VEEL PARE SKOENE HÊ NIE! 27% 10 24% 20 9% Geskenke Ons…

•  Sarah Jessica Parker is in Maart 1965 in Ohio gebore. •  Sy is een van agt kinders. Haar broers, Timothy Britten Parker en Pippin Parker is ook akteurs. •  Sy het al twee Emmy-, vier Golden Globe- en drie Screen Actors Guildtoekennings gewen Sex in the City was ses seisoene lank (1998 – 2004). Twee prente het daarop gevolg (2008 en 2010). Die TV-reeks is gegrond op Candace Bushnell se boek met dieselfde naam en is geïnspireer deur haar lewe as ’n rubriekskrywer vir The New York Observer . Sy het van 1984 tot 1991 ’n verhouding met Robert Downey Jr gehad. Robert se ernstige dwelmverslawing het tot die beëindiging van die verhouding gelei. Daarna het sy vlugtig met John F. Kennedy Jr uitgegaan tot sy Matthew Broderick ontmoet…

‘Ons het almal ’n stukkie Jonathan in ons. Hy draai nie doekies om nie maar sy hart is goed’ Ek was nie soseer bang om dood te gaan nie – ek was eerder vies omdat ek nog so baie wou doen. Ek was dan nog so jonk!” So gesels Rikus de Beer, onder sy duisende aanhangers beter bekend as Jonathan van Radio Raps. Ons gesels oor wat alles vyf jaar gelede deur sy kop gemaal het toe sy lewe aan ’n draadjie gehang het. Kardiomiopatie, ’n toestand van die hartspier wat sy hart laat vergroot het, het hom met twintig per-sent hartfunksie gelaat. “Die dokters het nie gedink ek gaan dit oorleef nie – hulle het in ’n stadium selfs my ouers laat kom om te groet. Net daar het…

AB en Danielle het mekaar in April 2007 ontmoet toe sy ma, destyds ’n eiendomsagent, een van Danielle se pa se eiendomme moes verkoop. “Toe gaan eet ons middagete by hul lodge, en dit was dit! Sy is drie jaar jonger as ek, en ons is in 2013 getroud.” Danielle, wat ’n graad in beleggingsbestuur het, se gedrewenheid het eerste sy aandag getrek. “En haar liefde vir die lewe en vir die Here. Sy is ’n baie mooi mens van binne én buite. Ons was eers vriende, en later het die liefde ernstig geraak. Danielle is my go to person .” Hy erken ruiterlik vaderskap het sy lewe verander. “Dis ongelooflik! My roetines, prioriteite en lewensuitkyk het heeltemal verander. Krieket het hom al die hele wêreld vol geneem. Die Wes-Indiese…

 Tœ Jasmine Opperman jare gelede vir ’n B.A.-graad met geskiedenis en Afrikaans ingeskryf het, het sy waarskynlik nooit gedink sy sou ’n teen-terrorismekenner word nie. Tog is dit hoe sy deesdae haar brood en botter verdien. Maar sy maak dit vroeg in ons onderhoud duidelik dat sy nie van die woord ‘Dis baie onregverdig om alle Moslems met agterdog te bejeën’ “terrorisme” hou nie. “Ek verkies die woord ‘ekstremisme’. Terrorisme het geen definitiewe beskrywing nie en word herhaaldelik gebruik om mense te veroordeel en beskryf nie die daad of groep nie. Hierdie mense is nie mal nie – hulle het bloot ’n oortuiging waarvan ons min verstaan.” Haar kennis van ISIS is verstommend, en haar passie vir haar werk duidelik. Hoekom doen sy dit? “Daar is baie meer goed as…

Ian Wessels RSG-radiopersoonlikheid en geleentheidspreker: ‘Ou Kersvader is nie lekker nie’ So 30 kg gelede woon ek my werkgewer se Kersbraai by. Heelwat van die personeel het jong kinders gehad, en ’n ronderige personeellid sou Kersvader speel vir die kinders - met die hulp van ’n wit wattebaard. “Die betrokke Vrydag kry byna almal die middag af om reg te maak vir die groot geleentheid. Kersvader gaan oefen op die gholfbaan om ’n sak presente te dra en slyp daarna by die 19de putjie sy tegniek met vloeibare geskenke. Toe hy teen skemer agterop ’n Venter-sleepwaentjie by die partytjie aankom, moes hy gevolglik goed vashou om bo te bly. Maar met die afklimslag rolmaal die gretige kinders hom van sy voete af. “‘Ou Kersvader is nie lekker nie,’ laat hoor…

• Primeval (2007) • Generation Kill (2008) • The Lab (2008) • Silent Witness (2008) • Discreet (2008) • The Mating Game (2010) • The Bang Bang Club (2010) • Machine Gun Preacher (2011) • Winnie Mandela (2011) • A Million Colours (2011) • Strike Back (2013) • Momentum (2015) • The Last Face (2015) • Black Sails (2016) • Resident Evil (2016) Met Shepherds & Butchers * was dit Marli se kans om die ontwerp vir twee internasionale sterre te doen: Steve Coogan van Philomena- faam en Andrea Riseborough van Bird Man – albei die prente is vir Oscars benoem. Plaaslik het sy saam met Deon Lotz, Marcel van Heerden en Garion Dowds gewerk. * Shepherds and Butchers het op vanjaar se Berlynse rolprentfees die toeskouers se Panorama-toekenning gewen.…

‘Jou aard speel ’n rol in jou keuse van parfuum’ SÊ DIE DUITSE GEURSIELKUNDIGE DR. JOACHIM MENSING VAN DIE INSTITUUT VIR TOEGEPASTE ESTETIEK WAT NAVORSING OOR DIE MENS SE SOEKTOG NA DIE PERFEKTE FYNGEUR GEDOEN HET Romanties “Die ware romantikus is bekend vir haar elegansie en fyn afgeronde styl,” sê Leila Marx, opleidingsbestuurder van Estée Lauder en Tom Ford. “Dié vrou is subtiel, met ’n sagte glimlag en ’n stil selfvertroue wat nie aan jou opgedwing word nie. Sy is klassiek, hou van ’n subtiele geur wat sag en bekend draal wanneer sy by jou verby stap. Die ontmoeting is vlugtig maar voor jy jou kom kry, kyk jy haar met dieselfde sagte glimlag agterna,” sê Bonita Matthee, opleidingbestuurder vir Boss-, Alexander McQueen- en La Coste-fyngeure. Note: sagte…

‘Dit is die eerste grimeerreeks wat ek as tiener leer ken het. Ek is ’n Londense meisie en Rimmel London vang beslis die stad se kosmopolitiese en edgy skoonheidstyle vas’- CARA DELEVIGNE GROOT bederf As jy vir ’n Chanel No5 aanhanger ’n geskenk moet koop, sal THE BODY OIL (R1 440 VIR 200 ML) haar baie bly maak. Dit ruik natuurlik soos No5 en voel heerlik sag en bevogtigend sonder om jou vel “nat” te laat voel. Strelend SKOON DOVE PURELY PAMPERING NOURISHING BODY WASH (R37,99 VIR 250 ML). Die seep ruik lekker met subtiele note van jasmyn en muskus. Danksy die kokosneutmelk en galambotter daarin voed dit ook jou vel. Alles in EEN Met hierdie agt neutrale skakerings van MAX FACTOR MASTERPIECE NUDE PALETTE (R279,95) kan jy vele…

“Swanger ma’s word aangemoedig om stres soos die pes te vermy omdat dit die waarskynlikheid van ongewenste voorgeboortelike uitkomste verhoog, of omdat hulle ’n kind in die wêreld gaan bring met ’n swakker vermoë om stres te hanteer,” sê Kelly McGonigal. “Dis natuurlik onmoontlik om nege maande lank stresvry te lewe. Sulke ma’s bekommer hulle uitermatig oor hul stresvlakke. “Die waarheid is dat sommige soorte stres nie voorkom kan word nie. Dit sluit armoede, natuurrampe en die dood van ’n geliefde in. ’n Verhouding waarin jy mishandel word, is waarskynlik die beste aanduiding van negatiewe uitkomste. “Stres oor lang werksure of ’n verhuising val in ’n ander kategorie. Sekere studies wys hierdie soort kommer kan kinders se veerkragtigheid verhoog. Die babas van ma’s wat hulle tydens swangerskap meer bekommer het,…

Annette Wheeler Ek is in ’n mate ’n perfeksionis en dit kan ’n irritasie wees vir mense wat nie so is nie. Ek het al beleef hoe ’n geniale perfeksionis homself elke dag gekritiseer het en nooit sy volle potensiaal bereik het nie. Dis seker wonderlik as jy ’n perfeksionis in jou werk is, maar as jy nie jou en ander se foute met grasie kan hanteer nie, sal dit jou verhoudings negatief beïnvloed. Leer om dit tot almal se voordeel reg te bestuur. Marike du Buson Ek is beslis ’n perfeksionis. Dit is veral by die werk baie voordelig. Kliënte voel “veilig” wanneer jy georganiseerd is, omdat dit die indruk wek dat jy weet wat jy doen. Aan die ander kant kan ek soms van ander verwag om ook…

FEESTELIK IN PORTUGEES Mimi Jardim, die doyenne van Suid-Afrikaanse Portugese kookkuns, het pas die pragboek My Portuguese Feast uitgegee. Dié boek is ’n huldeblyk aan Mimi Jardim se bydrae tot die Suid-Afrikaanse koskultuur die afgelope vyftig jaar. Dit is prop-vol Portugese resepte soos die swymellekker piesangpoffertjies en espetadas maar ook baie ander staatmakers wat Mimi deur die jare oor en oor beproef het. Uitgegee deur Quivertree; R385 by die meeste boekwinkels. YSIES MET SKOP! Almal is gaande oor dié nuwe vonkelwynysies en dis net betyds vir die somer. Die bekroonde landgoed Haute Cabrière op Franschhoek se Pierre Jourdan Brut en Pierre Jourdan Tranquille kan nou in dié yslollie-formaat geniet word. R25 per ysie, verkrygbaar by jou naaste kuierplek of Pick n Pay. LES jou dors Ons hou van Sxollie se…

Vyfsterweelde in die KAROO Die Drostdy Hotel op Graaff-Reinet was in 1809 die huis van die landdros. Dis eers in 1878 in ’n hotel omskep en in 1975, byna ’n eeu later, deur die Ruperts gekoop. In 2014 is die hotel, wat ook ’n nasionale monument is, gerestoureer en ’n luukse vyfsterhotel is geopen. Maar dié weelde is nie net vir spesiale mense nie; die vriendelike, gesellige atmosfeer en personeel laat almal welkom voel. De Cambeboo-restaurant spog met die oorspronklike Lighton-voëlskilderye uit die bekende dr. Austin Roberts se The Birds of South Africa. Daar is ook ’n indrukwekkende vinotheque met die beste plaaslike en internasionale wyne en ’n wynwinkel, die Wijnkamer, wat al die Rupert-landgoedwyne verkoop. Die hotel het agt Bachelor-kamers, 17 Standaard-kamers, 15 Executive-kamers en agt Suites, almal met…

Ek sal ’n plan maak,” het sy gesê toe Evelyn die oggend bel. “Ek het toevallig ’n kansellasie vir vanmiddag.” Sy loop kombuis toe, sit die ketel aan vir ’n koppie Earl Grey-tee voor haar dag begin. Daar is bestellings wat deurgestuur moet word. Dis byna Kersfees, die mense is op soek na geskenke, na spesiale aanbiedinge, na ’n wonderroom wat hulle oor die feestyd mooi sal laat lyk. Ten minste mooi sal laat voel. Dis meer as twintig jaar gelede dat sy haar werk as sekretaresse bedank en by die skoonheidshuis as agent aangesluit het. Haar man was vies. Hoekom verruil jy ’n goeie werk en ’n vaste salaris vir ’n onseker inkomste! Maar sy kon nie anders nie. Haar siel sou verskrompel tussen die blaaie van bywoningsregisters en…

LERINA ERASMUS Onthou jy die Mannheim-saga ? En die skrywer daarvan, aktrise Lerina Erasmus? Wel, sy’s terug met ’n splinternuwe boek, Die Leliemoordenaar. Waaroor handel die boek? Die harte van slagoffers word met chirurgiese presiesheid verwyder en deur ’n grafsteentjie vervang. Daar is geen verband tussen die slagoffers nie. Daniella Hector en haar speurspan kom tot hul afgryse agter dat die moordenaar die harte verwyder terwyl sy slagoffer toekyk en nog by sy of haar volle positiewe is. Is dit lekker om “terug” te wees? Ek dink nie ek was ooit weg nie, maar ek het jare lank maar op my eie aangegaan. Noem dit maar die trippelgang van ’n wilde ou merrie. Nou is ek ’n stalperd en dis nogal baie lekker. Waarmee het jy jou in jou “stil…

Een van Rusland se bekendste “uitvoerprodukte” is die Great Moscow Circus wat vanaf Desember deur Suid-Afrika toer. Op 22 Desember open die skouspel in Johannesburg by Montecasino voordat dit ook na Nelspruit, Bloemfontein, Durban, Port Elizabeth en Kaapstad sal reis. Gehore wêreldwyd slaan die vertoning uiters hoog aan en “asemrowend” en “verbysterend” is van die woorde wat gebruik word om die meer as 65 internasionale sirkussterre te beskryf. Die vertoning wat hierheen kom, is ’n wêreldpremière en duur langer as twee uur in die Big Top Tent met sy individuele stoele, wat beteken die toeskouer is nooit verder as elf meter van die aksie af nie! Die doel is om ’n tradisionele Europese atmosfeer te skep, met aksies wat uit die ou tradisie van die sirkus put maar ook verstommende…

FIRMAMENT – CHRIS CHAMELEON. DIÉ BEGAAFDE MUSIKANT SE EERSTE ENGELSE ALBUM SEDERT 2008 IS WEER EENS IN DIE KOL. DIT IS ONMOONTLIK OM NIE VERSTOM TE STAAN VOOR SY VOKALE VERMOËNS EN REIKWYDTE NIE. VANAF DIE ETERIES MOOIE “STARBURST”, DEUR DIE STUITIGE “CAN’T STOP ME LOVING YOU” TOT BY DIE TERE “FOR FRIENDS DEPARTED” IS DIT PURE PLESIER. TOE ROEP JY MY – WOUTER VAN DE VENTER. WOUTER IS SEKER EEN VAN ONS BESTE (EN STILSTE) LIEDJIESKRYWERS, EN DIS WONDERLIK OM WEER ’N ALBUM VAN HOM TE SIEN. DIE KLANK LAAT JOU DINK AAN DIE FOLK-ROCK VAN ’N GROEP SOOS MUMFORD & SONS, MAAR WORD GEKENMERK DEUR SY EIE VARS LIRIEKE (GEEN “BABY, BABY”) EN MELODIEË WAT JOU BYBLY. AFRIKAANS KORT MEER SULKES. WALLS…

Sesuur soggens word ek wakker van ’n kind wat giggel, boek in die bed Al die eensame ure van woorde weeg en oorweeg, die middernagtelike uitswoeg van stories, die kreatiewe vertwyfelings, die aanhoudende deurtrek van die luiskammetjie deur ’n teks, die openbare tamatie-indie-gesig van ’n negatiewe resensie, die blootgesteldheid - dit alles voel tog die moeite werd wanneer ’n mens se pad die dag met ’n troppie entoesiastiese lesers kruis. Meestal sit ek hier in die boendoe en spin my sinne in stilte, maar soms hark iemand my nader vir ’n voorlesing by ’n kunstefees of boekklub. Toe ’n leeskring van George my vanjaar nooi om met hulle te gesels, kon ek nie raai dat ’n groot gros lesers heelpad uit die Langkloof sou ry om te kom luister nie.…

DIE GROEN JERSIETJIE Pasop vir iets wat sê “Made in China Italian Yarn” en “Italian Merino Cashmere”. Ai, die ou truitjie het so mooi gesit, duur, maar mooi. So alles bedek by die agterstewe langs, gemaklik. Maar ek moes toe al geweet het ... Ek’t nog nooit ’n merino in ’n Toskaanse prentjie sien wei nie. Toe moet die truitjie gewas word, met die hand, koue water. Ek doen alles soos iemand iets die eerste dag by ’n nuwe werk sou doen. Toe hy daar op die tafel plat op die handdoek lê, sien ek hoe hy al kleiner word. Kry vir Wikipedia en soek. Die oplossing: “Was gekrimpte artikel in haaropknapper.” Saam met helfte van die bottel opknapper word die ou truitjie in die water gedompel. Uit op die…

‘Dit maak glad nie saak wanneer iemand nie van my uitrusting hou nie. Daar is groter probleme in die wêreld’ Hoekom het jy besluit om terug te keer televisie toe? Ek en my vennoot, Alison Benson is al vier jaar lank die vervaardigers van die reeks. Toe ons dit aan HBO voorgelê het, het hulle aangeneem dat ek ook voor die kamera in aksie sou wees en nie net agter die kamera sou werk nie. Ek het dit glad nie verwag nie. My hart was nog altyd in hierdie projek en die landskap van die huwelik is ’n interessante tema - ek kon net nie nee sê nie. Hoe voel dit om ná soveel jare weer aan ’n TV-reeks te werk? Ek het so lank in dié medium gewerk -…

Die groot Binnelanders-troue van die jaar het aangebreek! Maak jou gereed vir ’n intieme tuinplegtigheid én ’n swierige gala-onthaal waar Swarovski-kristalle skitter. Die groot geheim is uit: Die bruid is Jana (Brümilda van Rensburg) en aan haar sy staan die aantreklike en sjarmante At Koster (Hans Strydom). Byna presies ’n jaar gelede het Jana en die slinkse magnaat Bart Joubert (gespeel deur Ian Roberts) voor die kansel gestaan - en kykers se harte byna laat staan. Almal was verlig toe die huwelik binne ’n week verbrokkel het. Getroue kykers het lankal heimlik gehoop dat At en Jana mekaar op ’n meer romantiese vlak sal vind. Die groot troue wat kykers eersdaags sal sien, is ’n tipiese spoggerige sepietroue en ’n pragtige geleentheid. Die Binnelanders- span het behoorlik hul beste voorgesit.…

Wanneer het ouers genoeg gehad van hulle dertigjarige se drome om ’n skerpskertser te word? Toe Jonathan ’n groot komediekompetisie verloor, verdrink hy sy sorge so deeglik dat hy sy pa se splinternuwe bakkie in ’n stuk skrootmetaal verander. Net daar besluit sy pa (Eric Nobbs) en sy ma (Rika Sennett) die jongste kuiken moet nou die nes verlaat. Hy word die eerste keer gedwing om sy eie potjie te krap, maar waar begin ’n mens? Jonathan besluit om ’n motorwag te word – dit kan tog nie só moeilik wees nie! Die ander wagte is minder geneë om hul gebied met die arrogante vreemdeling te deel, tot hul leier Hartog, vertolk deur Paul Eilers, besluit om hom ’n kans te gee. Of wil hy hom ’n les leer? Daar,…

‘Ek was in die oomblik en die stilte was vir my mooi’ In die wêreld waarin ons leef, is stilte skaars. Verlang jy daarna, moet jy dit opsoek. Dis een ding om ’n stil omgewing te kry - om ook stil te bly, is ’n ander. Ons het drie Johannesburgse bekendes gevra of hulle 24 uur lank nie ’n woord kon praat nie – nie noodwendig ’n prakties uitvoerbare opdrag nie! Hier is hul ervarings. Natasha Sutherland “Dit was ’n interessante uitdaging,” sê die aktrise, skrywer en motiveringspreker Natasha Sutherland. “Ek was ook nuuskierig om my seuns se reaksie te sien – ek stel hulle graag aan nuwe konsepte bloot. “Dit was vir my net heeltemal onmoontlik om op ’n werkdag te swyg. In my soort werk kom dit op…

Op ’n oggend in die middel van Januarie 2006 lui die telefoon. ’n Vrou met ’n Britse aksent vra: “Can I please speak to missus Annelaai Bouts?” ’n Siddering trek deur my. “Speaking ... ” Soms neem God. Ander kere gee Hy. Dit was die oggend waarop Hy gegee het. Einde van die eerste week in Februarie moet ek Engeland toe vlieg as goewernante vir die oorstuurde ma van vier kinders, waarvan die oudste kwalik sewe is. Die rede waarom ék geskik is, is omdat die familie met vakansie in Gordonsbaai is. Hulle saamreisende Poolse au pair se permit verstryk die eerste week van Februarie. Dan vlieg sy van Kaapstad af terug Pole toe. Die familie versoek dat ek die dag ná haar vertrek by hulle aansluit om die kinders…

Volgens Jasmine produseer ISIS se propagandamasjinerie meer materiaal as enige ander soortgelyke groep, en dit sluit alles in van vrolike selfies op sosiale media tot professioneel vervaardigde rolprente met groot begrotings. “Dit word sorgvuldig gedoen. Geen persverklaring, video of foto word ooit sonder ’n verskuilde motief uitgestuur nie.” Die jongste ISIS-veldtog word “A Perfect Caliphate” genoem. “Dit beeld die Islamitiese kalifaat uit as ’n idilliese wêreld waarin almal genoeg kos het, gesond is en baie gelukkig is, al woed daar ’n wrede oorlog om hulle.” Groot klem word geplaas op opvoeding, en foto’s wys alles van kleuterskoolklassies tot goed toegeruste biblioteke en universiteite wat verskeie loopbaanrigtings aanbied (soos ’n mediese graad in net drie jaar). Ouers kry die versekering dat hul kinders se “delikate verstand beskerm sal word” teen al…

DIE SEWE VUITTON-GEURE Sewe verskillende fyngeure is beskikbaar: • Rose des Vents is ’n ligte, helder roosgeur • Turbulences is geïnspireer deur die plek in parfumeur Jacques Cavallier-Belletrud se tuin waar die soetemaling en jasmyn se geure meng. • Dans la Peau ruik na leer, muskus en narsings. • Apogée het ’n vars lelie-van-die-dale geur. • Contre Moi is ’n stil geur met vanielje, roos, lemoenbloeisels en magnolia. • Matière Noire is ’n verkenning van patsjoelie, swartbessie en meer. • Mille Feux ruik na leer en framboos. Pryse: R3 500 vir 100 ml (R2 200 vir hervulling in die winkel); R5 250 vir 200 ml (hervulling R4 400). Reisgroottes en miniatuurstelletjies ook beskikbaar. Slegs by Louis Vuitton in Sandton. LOUIS VUITTON SE SKOONHEIDSREIS 1854: Louis Vuitton se eerste leertrommels is…

‘Dit was só ’n lekker bederfsessie. Ek is nou vol selfvertroue en is opgewonde oor wat voorlê’  Marnita Opperman het die afgelope 18 maande ’n gedaantewisseling ondergaan. Sy het 42 kg verloor en moet nuwe klere aanskaf, maar was onseker oor wat haar nuwe figuur sal vlei. Sy het by die rooi rose-span om moderaad aangeklop. Marnita beskryf haarself as ’n “plain Jane” wat darem koppe wil laat draai. Sy wil stylvol lyk, maar steeds gemaklik voel - veral op daardie naweekuitstappies waarvan sy hou. ’N PAAR NOUPASSENDE JEANS (R899; FOREVER NEW) beklemtoon haar slanker bene. Die kombinasie van DIE WIT BLOES (R579) EN TEKKIES (R350; ALBEI VAN FOREVER 21) is tans baie gewild. Dit is ’n 3-in-1 wenresep: Dit is modieus, skep ’n jeugdiger voorkoms én is gemaklik.…

Uit die veld Ilse Louw van Blomstories sê vir haar familie is dit ’n geval van hoe meer siele hoe meer vreugde, en almal is welkom om Kersfees saam met hulle te vier. Dié ervaring het haar sekerlik gelei om ’n 2,2 m hoë Kersboom vir al die feesvieringe te bou! In Suid-Afrika vier ons Kersfees in die somerson en dit was die inspirasie vir haar boom. Sy het die allermooiste fynbos, aalwyne, bessies en proteas as versierings gebruik en met so ’n tikkie goud afgerond, want Kersfees vra mos vir ’n bietjie blink! • www.facebook.com/blomstories • 082 095 9222  Die kombinasie van groen en swart is vars maar ook effe dramaties Uit die tuin Ons het besluit op ’n swart boom wat met hope sandrosies in verskillende skakerings…

GEMMERKERSFEESKOEK MET KARAMELVERSIERSEL GENOEG VIR 8 375 g koekmeel 15 ml (1 e) bakpoeier 7,5 ml (1½ t) koeksoda 375 g bruinsuiker 7,5 ml (1 t) kaneel 7,5 ml (1 t) gemmer 2,5 ml (½ t) fyn naeltjies 300 ml karringmelk 150 ml melk 225 g STORK Bake, gesmelt, ekstra vir smeer 3 eiers 5ml (1 t) vanieljegeursel KARAMELVERSIERSEL 250 g STORK Bake 600 g versiersuiker 300 g roomkaas 10 ml (2 t) vanieljegeursel 1 x 360 g-blikkie karamelkondensmelk 1 Verhit die oond tot 180 °C. Smeer 3 koekpanne met ’n deursnee van 20 cm met STORK Bake en voer met bakpapier uit. 2 Sif die koekmeel, bakpoeier, koeksoda, bruinsuiker, kaneel, gemmer en fyn naeltjies saam in ’n groot mengbak. 3 Klits die karringmelk, melk, STORK Bake, eiers en vanieljegeursel…

‘DIE WAGWOORD IS BEPLANNING! JY MOET ALTYD ’N BEGROTING EN ’N FINANSIËLE PLAN EN ’N AFTREEPLAN HÊ, IN GOEIE EN IN SLEGTE TYE’ Die afgelope weke hoor ons baie van die stryd tussen die tesourie en die presidensie ... Dis ’n oorvereenvoudiging, want eintlik gaan dit dieper. Dis eintlik Zuma en sy bondgenote teen die res, met onderstrominge binne elke groep. Hoe lank dit nog gaan aanhou? Ek gaan Hemingway aanhaal. Toe iemand hom vra hoe dit gebeur het dat hy bankrot is, het hy geantwoord: “It happened gradually and then suddenly.” Ek vermoed daar gaan binnekort ’n bom bars, want Zuma is in ’n hoek en verloor daagliks bondgenote. Maar hy weet die tronk is sy voorland, so ek verwag hy gaan terugbaklei. Maar ’n paleisrevolusie teen hom is…

Ter wille van die tydsgees vra ons vrae oor Kersfees. As jou boekklub al die vrae reg beantwoord het en jul inskrywing getrek word, kry julle die boeke in hierdie uitgawe op ons boekrak, geskenk deur Graffiti. Stuur jul antwoorde na roneln@caxton.co.za met “Desemberboeke” in die onderwerpreël of gaan na www.rooirose.co.za Klik op “boeke” en volg die aanwysings. Stuur jou boekklub se naam, posadres en selnommer! Moeilike vrae? Google dit … Vrae 1 “Last Christmas”. Wie’t die liedjie gesing? 2 Uit watter streeksgeskiedenis het die Sinterklaas-legende ontstaan? 3 Wanneer is die eerste Kerskaartjie gestuur? 4 “I will honor Christmas in my heart, and try to keep it all the year.” Watter bekende het dit gesê? 5 Waar is die wêreld se grootste Kerskous? November-antwoorde 1 Eat, Pray, Love ...…

Marktyd Die Linden-mark, op 3 Desember in dié Johannesburgse voorstad, bied ’n keurige verskeidenheid gourmetkos, goeie wyn, ontwerp, antieke en vintage-items, kinderaktiwiteite en lewendige vermaak. Die algehele leefstylervaring vind van vroegoggend tot ná sononder in 4de Laan, Linden plaas. Van die kindervermaak sluit in gesigverf, skaatsplanklesse en kunswerkswinkels. Daar is ook ’n Champagne Lane waar die feestelikheid van die seisoen gevier word. Meer inligting by thelindenmarket.com Malkopmusiek Vir diegene wat al in die vakansiegees is, is die Malkop Summer Rock Festival op die Malkoppan-gasteplaas op Lambertsbaai aan die Weskus dalk net die regte medisyne. Met 24 van die beste rockers in die land, soos Albert Frost, Koos Kombuis, Francois van Coke en nog baie meer. Die fees vind op 2 en 3 Desember plaas. Daar is kampeergeriewe. Kaartjies by Webtickets.…