Innholdsfortegnelse for September 2016 i Rooi Rose

EK LEES DAT 93% van vroue hulle daagliks oor soveel dinge bekommer dat hulle daaroor wakker lê. Die grootste groep bekommer hulle oor hul kinders, vir sommige is dit hul werk, vir baie ander is dit hul huwelik en vir nog ’n klomp die kwelvraag wat die toekoms inhou. Dit blyk dat ’n yslike stuk van hul dag deur sulke kwellinge in beslag geneem word. As jy wakker lê, is jy nog meer geneig om te stres omdat jy moeg is en jou brein aan die tob bly. Jy kry nie kans om rustig te slaap en vars te dink oor die kwessies sodat jy by ’n oplossing kan uitkom nie. Die probleem is eintlik dat kommer jou op ’n vrugtelose sirkelpad na nêrens lei, net mooi terug na waar…

Die lente simboliseer ’n nuwe begin. Wat sou jy in jou lewe wou teweegbring, of watter aspek van jou lewe sou jy wou herskep? Celia Sole (39), eiendomskonsultant, George Ek word vanjaar veertig en dis asof ’n mens voorraad opneem van jou lewe tot dusver en wat jy nog sou wou bereik of doen. Vir my is dit ’n geleentheid om terug te kyk na die foute wat ek gemaak het maar ook om te fokus op die toekoms en alles wat blywend en belangrik is. Gee meer en beplan sodat kosbare tyd nie in die gejaag van die lewe verlore gaan nie. Tyd kry jy nie weer terug nie. (Bydrae verkort – red.) Heleen Wessels (34), huisvrou, Oos-Kaap Ek sou graag meer balans in my lewe wou skep. Op…

JENEWERFEITE • Jenewer is ’n helder alkohol wat in ‘n potketel gestook en met jenewerbessies en allerlei ander plantgeure gegeur word. • Die Nederlanders het heel eerste jenewer gestook. • Die Britte het dit in die 17de eeu by hulle gesien maar eers ’n eeu en ’n half later is die bessies op Britse bodem stookpot toe. • Dit het nog 150 jaar geneem voordat jenewer soos ons dit ken, daarvan gemaak is. • Jenewer word selde skoon gedrink. Dit word gewoonlik met tonikum gemeng of andersins in skemerkelkies soos Martini gebruik. TONIKUM IS OOK BELANGRIK Tonikum is aanvanklik gemaak met die doel om kinien,’n malariateenmiddel van chinchona-bas, drinkbaar te maak tot die Britse soldate toentertyd besef het dat dié doepa veel lekkerder smaak met ’n skeut jenewer daarby! Goeie…

Uga Carlini van Towerkop Creations het in 1999 al besluit sy wil graag Alison se verhaal verfilm. “Sy het by my hoërskool kom praat. Daar het so baie mense opgedaag dat hulle die praatjie van die skoolsaal na die rugbyveld moes verskuif. Ek het kort tevore haar boek gelees, en nadat ek daardie dag ervaar het wat haar storie aan my en die mense om my gedoen het, het ek besluit ek gaan die een wees wat eendag haar storie deur ’n rolprent gaan vertel.” Vir Uga was die hibriedformaat die beste manier om Alison se storie te vertel. “Dit laat die twee wêrelde van rolprent en dokumentêr mekaar ontmoet. Stilisties ontmoet fiksie en nie-fiksie mekaar op ’n kreatiewe manier wat steeds getrou is aan my visie as regisseur én…

Waldi is opgewonde oor Die Byl, kykNET se misdaadreeks wat in Julie begin het. Hy speel die rol van kolonel Piet “Byl” van der Bijl, ’n oud-moord-en-roof-speurder wat roem verwerf het vir sy hantering van verskeie hoëprofielsake. Nou is hy aan die hoof van ’n elite-eenheid van die SAP wat in reeksmoorde spesialiseer. “Die reeks was reeds op Showmax, waar dit binne die eerste week onder die top agt reekse was.” Dis nie ’n geringe prestasie as jy in ag neem dat dit met internasionale reekse meegeding het nie. Die inspirasie vir die reeks was die bekende oudspeurder Piet Byleveld. “Maar dis glad nie op sy lewe of loopbaan geskoei nie. Dis fiktief. Ek het hom ter voorbereiding van die rol wel eenmaal ontmoet.” Waldi sê hy het opgelet dat…

‘Ek het in 2013 vir “Idols” ingeskryf ... die stemafrigters wat met die eerste keuring help, het my sommer al buite weggewys’ ‘Dit gaan alles oor persepsie. As ’n mens jouself ernstig opneem, sal ander mense ook. Toe het ek my hare laat groei en my klerestyl verander’ Die 22-jarige B.Com.-student van Kaapstad het op aandrang van sy meisie vir The Voice ingeskryf, maar Richard Stirton het nie gedink hy het ’n kans om te wen nie. “Ek het in 2013 vir Idols ingeskryf, en het nie eens ’n kans gekry om vir die beoordelaars te sing nie. Die stemafrigters wat met die eerste keuring help, het my sommer al buite weggewys.” Maar dié keer was al vier die afrigters van The Voice dadelik gaande oor sy stem en het…

Grizelda het gekies om haar storie met die wêreld te deel met die hoop dat dit sal keer dat ander ’n slagoffer word. “Ek praat omdat ek weet hoe dit voel om verkrag te word. Daardie eerste keer het ek geweet alles is van my weggeneem.” Sy kan die belangrikheid van ouerbetrokkenheid nie genoeg beklemtoon nie. “Ek wil vir ouers sê om met hulle kinders te praat, vir hulle lief te wees, vir hulle te vertel hoe mooi hulle is. Want as jy dit nie doen nie, gaan hulle daardie goedkeuring soek by iemand wat hulle gaan misbruik.” • Exit! deur Grizelda Grootboom word uitgegee deur Jacana Publishers.…

STEM JA OF NEE OP ONS VRAAG IN “WAT DINK JY” EN JY KAN ’N SPA-GESKENKBEWYS TER WAARDE VAN R2 500 WEN! SATISKIN, SUID-AFRIKA SE VOORSTE SKUIMBAD-HANDELSNAAM, NOOI JOU OM JOU VIR ’N OOMBLIK AAN HUL WEELDERIGE STORTJEL OOR TE GEE. MET LIEFLIKE GEURE SOOS BLISSFUL BERRY EN OCEAN ENERGY SAL JOU DAAGLIKSE STORT IN ’N GEURIGE PAMPERLANGSESSIE OMSKEP WORD. SATISKIN SE STORTJEL IS PH GEBALANSEER EN SAL JOU VEL SATYNSAG LAAT VOEL. VRAAG: DINK JY JY SAL GENOEG KLERE IN JOU KAS HÊ AS JY SLEGS DIÉ HOU WAT JOU VREUGDE VERSKAF? BESOEK VANDEESMAAND ONS WEBBLAD, WWW.ROOIROSE.CO.ZA EN KLIK OP DIE “WAT DINK JY”-BLOKKIE OM DEEL TE NEEM.…

Wild Ginger & Honey is die nuwe, opwindende geursensasie vir Spalicious se heerlikste hand-, voet- en lyfsorgreeks. Spalicious maak toonaangewende gehalteprodukte met bestanddele en geure wat vir die lekkerste herinneringe sorg! Wees op die uitkyk na ander lekker geure soos Grapefruit & Thyme, Fig & Promegranate en die bekroonde Mandarin & Sandalwood Self-Heating Sugar Scrub. Die reeks bestaan uit afskilfermiddels, badprodukte, lyfbotters, maskers en olies, asook ’n sellulietreeks - alles wat jy nodig het om jou hande, voete en lyf op sy beste te laat voel en lyk. Die nuwe Wild Ginger & Honey-reeks is beskikbaar in twee lieflike produkte: ’n Self-Heating Sugar Scrub met natuurlike suiker en ’n mineraal wat warm word sodra jy dit aanwend, asook ’n Dry Oil Body Spritz met jojoba-olie wat die vel bevog en…

KALSIUM EN JOU HART Kalsium is noodsaaklik vir sterk bene en tande, maar ná die menopouse kan dit ’n harde aanpaksel in jou are vorm as daar nie genoeg estrogeen is wat die kalsium na jou skelet kan dra nie. SOLAL se Calcium Glycinate met vitamien D3 gebruik vitamien D3 as draer vir die kalsium en keer dié negatiewe effek. Beskikbaar by Dis-Chem en apteke teen sowat R230 vir 60 tablette. TAWWE SNESIES As jy verkoue of hooikoors het, het jy ’n stewige snesie nodig. Temposnesies het vier lae en is dubbel die dikte van gewone snesies. Beskikbaar in antibakteries, aloe vera en bloekomolie. ’n Houer, asook ’n pak met tien pakkies van tien snesies elk, kos elk sowat R25. NUWE NAAM, DIESELFDE GEHALTE Libresse is die nuwe handelsnaam waaronder…

Celia Sole Stimulering deur middel van kreatiewe aktiwiteite leer kinders konseptuele vaardighede en hulle kan terselfdertyd geleer word om kleure, vorms en getalle te identifiseer. Ek dink dit is wonderlik om kinders deur middel van speletjies en kreatiewe aktiwiteite te leer. Hulle word gestimuleer deur breinoefeninge terwyl hulle pret het! Stephanie du Toit Ja. Dis veral belangrik in vandag se samelewing waar kinders te veel aan televisie en elektroniese speletjies blootgestel word. Ons het ons seun van kleins af geleer om Lego te bou en die aanwysings te volg. Hy is baie kreatief wanneer hy sy bouvernuf vrye teuels gee. Heleen Wessels Ja, hoewel ek dink my drie seuns is reeds baie kreatief. Hulle woon al van drie jaar af kunsklasse by. Hulle doen arts and crafts en kom met…

In die PAPIE BERNARD MENTOOR BY SY "KROOS". ELEGANT DIE SPINNEKOPVARIANT WINDCHIME. HOOFtooisel 'N SKELPIENKBLOM, SEYCHELLES, LAAT 'N MENS DINK AAN DIE SOORT HOED WAT BY 'N PARLEMENTSOPENING GEDRA WORD. EERSTE KLAS DIE BLOMME STAAN REG VIR DIE PNIELTUINBOUVERENIGING SE JAARLIKSE UITSTALLING. Herfs is in die lug toe ek op ’n Maandagmiddag by Bernard Mentoor se huis in Johannesdal stilhou. Oos van die voordeur, naby ’n melkwit kweekhuisie, staan die vriendelike man met ’n swart labrador langs hom. Ek moet om verskoning vra dat ek laat is, want ek het duskant ’n bessieplaas verkeerd gery. Bernard stel voor dat ons roer met die foto’s, want dié tyd van die jaar kom haal Simonsberg se skaduwees die lig reeds vroeg. Die aarde om ons voel klam, soos mos van ou seisoene…

MELKTERTKOEK GENOEG VIR 10 MENSE VANIELJEKOEK 350 g STORK Bake, by kamertemperatuur 360 g bruismeel 360 g witsuiker 6 groot eiers 80 ml (¼ k) melk 10 ml (2 t) vanieljegeursel VLAVULSEL 500 ml (2 k) melk 4 eiergele 100 g suiker 40 g mielieblom 10 ml (2 t) vanieljegeursel 50 g STORK Bake 20 ml fyn kaneel 1 pakkie karamelspringmielies vir bo-op kaneel, vir bo-op 1 Voorverhit die oond tot 160 °C. Voer twee 20 cmkoekpanne met bakpapier uit en smeer met STORK Bake. 2 Sif die bruismeel in die mengbak van ’ n elektriese menger en voeg die suiker, sagte STORK Bake en eiers by. Meng vir 30 sek. 3 Voeg die melk en vanieljegeursel by en klits tot die mengsel lig en donsig lyk. 4 Verdeel die…

@home home.co.za/home Adidas 021 442 6200 Bioderma 011 801 9151 by Clicks en Dis-Chem AbsoluteSkin absoluteskin.co.za Cosmetiques De France cosmetiquesdefrance.co.za Botegga bottegasa.co.za CJR Gift Sales 011 257 6000, cjr.co.za Clarins 011 809 6300, clarins.co.za Clicks 0860 254 257 Colourbox Colourbox.co.za Cotton On 021 552 0726 Coverderm coverderm.co.za Day Birger et Mikkelsen 011 447 0839 Dear Rae 021 447 1390, dearrae.co.za Dermaceutic 011 706 2518 Dermalogica 011 268 0018 Dior by Edgars Dis-Chem 086 201 170 Edgars 011 495 6000 Elizabeth Arden 021 597 1700, elizabetharden.co.za Emilia Boutique 021 674 4394 Ericson Laboratoire 011 803 0053 Eucerin 0860 102 091 Exuviance 011 545 9300 Fossil Accessories 021 418 0045 Gatineau 021 701 2900 Gert-Johan Coetzee 011 0124 4677 Grapevine 081 382 4631, 011 078 6758,…

WAAR DIE OOG VAN STIL WORD Ilse van Staden (Protea) Ilse se derde digbundel (sy’t pas ook ’n roman die lig laat sien) vloei weer eens soos water oor die tong, die ink uit haar pen.Net die titel is al aangrypend. Die eerste groep gedigte in die bundel handel oor verlies en afskeid. Die tweede deel, heel verskillend, gaan oor die kleinvolk: torre en slakke en andere kleineres wat ook die groot lewe moet in. Die tema is die vervlietendheid, nietigheid, die verbygaande aard van ons bestaan, van alles, trouens. En die feit dat dit minimalisties en eenvoudig voorkom, moet juis jou aandag op die inhoud vestig. Kyk so na die gedig “Afspraak” eendag, see sal ek stil word in jou met my hande soos ’n vis s’n in gebede…

HOPE – THE STRUMBELLAS . DIE SESSTUK-BAND UIT KANADA IS BESIG OM DIE WÊRELD STORM TE LOOP. HUL ONLANGSE TREFFER, “SPIRITS”, IS DIE EERSTE SNIT OP DIE UITSTEKENDE HOPE, EN MET DIE INTRAPSLAG HET HULLE JOU AAN DIE HART BEET. HUL MUSIEK WORD BESKRYF AS INDIE ROCK, ALTERNATIEWE COUNTRY, EN SELFS AS FOLK POPGRASS. EERLIKE, HEERLIKE FOLK MET HOUDING. VOLPUNTE! LET THE NIGHT IN – PRIME CIRCLE. DIE WITBANKSE GROEP SE JONGSTE IS NOGAL ’N OOR VOL. SOOS ALTYD IS HUL LIRIEKE UITSTEKEND (VERAL DIÉ VAN DIE TITELSNIT) EN DIE VERSKEIDENHEID KLANKE IS INDRUKWEKKEND – HULLE WEET WANNEER OM ’N BIETJIE AF TE SKAAL EN OM VOLLE ROCK TE PLEEG. DIE ELEKTRONIESE KLANKE WAT SO NOU EN DAN DEURSTROOM, PAS MYNS INSIENS NIE ALTYD SO LEKKER BY…

JAN SCHUTTE HET MET DIE SKRYF VAN DIE ‘DU PLOOYS VAN SOETMELKSVLEI’ SPESIAAL VIR KITTY DIE ROL VAN HYBIE GESKEP. DIE SPELERS WAS NET SO GEWILD SOOS HEDENDAAGSE SEPIESTERRE. ‘ONS HET BAIE GESKENKE GEKRY: ’N KIS PERSKES, ’N BAKSEL BESKUIT, MELKTERT ... ’ Kitty Petousis, soos sy in die hotelbedryf onthou sal word, is op 17 Augustus 1923 opWillowmore as Kitty Albertyn gebore. Haar pa was ds. J.R. Albertyn, ’n groot Nasionalis en ’n man wat die heel eerste Naspers-aandeel gekoop het. Haar familie was vol predikante: haar pa en oupa was predikante, en haar pa se twee susters én haar ouma se ses susters was almal met predikante getroud. Kitty het gespot dat sy in ’n stadium dalk familie van elke predikant in die land…

 Jy praat nie uit die slaapkamer nie – so het ons ma’s ons geleer. Behalwe as jy wil vertel van ’n wonderwasmiddel wat die lakens skitterwit was. Die dubbelbed is daar vir twee getroude mense om te deel en niemand hoef te weet van die kaskenades wat daar plaasvind nie. Dit tref my die eerste keer net ná middernag op ’n donker stormagtige nag. Daardie ding dat dit voel of iemand jou in kookwater dompel Om ’n bed met ’n man te deel was vir lange jare my – en baie van my tydgenote – se geheime strewe in die lewe. Lepellê is lekker lê. Altans, dis wat ons gehoor het. By die wilde lote, daardie meisiekinders met die kennis in die oë. Ook in die movies lyk dit gevaarlik…

WEN VelSORG SKNLOGIC se kosmeseutiese velsorgprodukte werk saam met die vel se biologiese prosesse en bied die beste velsorgoplossings. Jy kan een van twee geskenkpakke ter waarde van R1 500 elk wen! Gee jou mening en WEN Is jy op ons weeklikse nuusbriewe ingeteken? Gee jou mening en jy kan ’n Beauciencegeskenkpak ter waarde van R3 000 wen. www.beaucience. co.za 12 wenke Kry daardie hande en voete gereed vir die lente! Hier is alles wat jy nodig het vir die perfekte tuismanikuur of -pedikuur #VryVanKOOLHIDRATE Ons tweede #VryVanreeks skop af met ons kosredakteur, Vickie de Beer, se jongste boek, ‘My Low Carb Kombuis’. Teken in op ons nuusbriewe vir lekker wenke, resepte EN groot pryse wat gewen kan word! Christia Visser agter…

‘DIE STRYD TEEN DIE MISHANDELING VAN VROUE EN KINDERS LÊ MY BAIE NA AAN DIE HART’ - Christia Visser PRODUKSIE EN STILERING: SUSRA MATTHEE; HARE EN GRIMERING: CHERYL PARKER; NAELS: SORBET “SWEET DREAM” VAN GELISH. MODE-ASSISTENT: DANIELA DU TOIT; MODE-INTERN: YASMIEN BOTHA BAIE DANKIE AAN TRUTH COFFEE VIR DIE GEBRUIK VAN HUL ONGELOOFLIKE, INTERESSANTE EN GEURIGE PERSEEL. WWW.TRUTHCOFFEE.COM In Februarie 2015 het ons Christia Visser leer ken as die ster van Hollywood in my Huis, en onlangs was sy in dié wêreldberoemde rolprentstad vir die bekendstelling van Alison by die Dances with Films-rolprentfees. Ons gesels ’n paar dae voor haar en Uga Carlini, die regisseur, se vertrek na Kalifornië, en sy kan kwalik haar opgewondenheid beteuel. “Alison is die eerste Suid-Afrikaanse fliek wat daar vertoon word in die negentien…

‘My gesin is my grootste vreugde’ Vertel ons van The Girl on the Train Dis verreweg die moeilikste rol wat ek tot nog toe vertolk het. Dit het emosioneel en fisiek baie geverg om só ’n mens te speel: ’n vrou op die rand van ’n ineenstorting, ’n alkoholis, en terselfdertyd speel jy in ’n riller en jy moet daardie ekstra spanning en aksie in ag neem. Dit was ’n interessante balanseertoertjie, want dis nie net ’n karakterstudie van ’n alkoholis nie, maar ook ’n storie oor ’n onbetroubare ooggetuie van ’n moord. Om daardie balans reg te kry was fassinerend en ’n belonende ondervinding. Die bekende skrywer en draaiboekskrywer Nora Ephron het gesê die liefde word nou deur flieks gedefinieer. Stem jy saam? Ek weet nie of…

‘Daar was geen kompetisie nie. Ons het almal geweet wie is die ma en wie is die pa’ Ken jý ’n gesin waar die man geskei is, en sy eksvrou en huidige vrou uitstekend oor die weg kom? Hoewel die meeste mense sou saamstem dat ’n goeie verhouding in belang van die kinders is, is dit ’n skaars verskynsel. Hier is vier vroue wat die kuns bemeester het. Elzette en Sandra Pierre van Pletzen, Oubaas in die sepie 7de Laan, het duidelik ’n oog vir aantreklike vroue wat nie net die vermaaklikheidsbedryf verstaan nie, maar ook weet hoe om verhoudings te maak werk. Elzette Maarschalk, sy eerste vrou, en Sandra Vaughn met wie hy twintig jaar gelede getroud is, het van die begin af goed klaargekom. Joseph Clark, Elzette se…

Ongelukkig vir sy aanhangers het Richard ’n meisie. “Ek en Kayla Paige-Raper het mekaar ontmoet toe ek in graad tien was. Ons gaan al uit vandat ek in matriek is. Sy studeer meganiese ingenieurswese aan Ikeys.” Wanneer Richard nie iewers optree nie, ontspan hulle graag voor die TV met gunstelingreekse soos Suits en Zoo. “Ons is albei mal oor Masterchef Australia,” vertel hy. “Al daardie kreatiewe goed wat mense met kos kan doen!” Beteken dit hy is handig in die kombuis? “Glad nie. Ek kan nie kook nie maar kan goed eiers bak. En ek maak ’n wonderlike maaskaastert! Ek dink een rede hoekom ek nie kan kook nie, is omdat ek altyd honger is en net so vinnig moontlik kos wil hê. Ek het nie die geduld om lank…

“Ek is ’n regisseur en draaiboekskrywer en ek en my vriendin Karen Carr besit ’n aanlynonderneming wat stylvolle, handgemaakte produkte vir honde en katte verkoop,” sê Johannes-burger Hanneke Schutte (foto links). “My man is ’n regisseur in die reklamebedryf. Ons het vier honde en ek het my oog op ’n paar donkies! Moenie vra nie. Ek’s ’n bietjie van ’n Doctor Dolittle.” Hanneke is gek na lees, veral niefiksie. “Ek het die eerste keer in ’n New York Times-artikel van Marie Kondo gelees. Ek het dadelik op Amazon gespring en die boekresensies gelees. Ek was ook mal oor die titel The Life-Changing Magic of Tidying - hoewel ek nie baie opgewonde was oor die ‘tidying up’-deel nie, was ek beslis geprikkel deur die ‘life-changing magic’-aspek daarvan. “Die treffendste was die…

Moenie dié bestanddele saam gebruik nie Dr. Ian Webster, Kaapse dermatoloog en eienaar van die aanlynwinkel dermastore.co.za, sê daar is nie te veel bestanddele wat nie saamwerk nie. Maar wees maar versigtig om nie te veel aktiewe bestanddele saam te gebruik nie. Luister na jou vel: As daar enige irritasie is, staak die produk tydelik en begin dit weer geleidelik gebruik, of hou op as dit nie op jou vel werk nie. VITAMIEN C + RETINOL “Gebruik vitamien C en retinol op verskillende tye van die dag om velirritasie te voorkom,” beveel dr. Ian Webster aan. RETINOL + RETINOL “Gebruik net een produk wat retinol bevat, anders kan die konsentrasie retinol te hoog wees en irritasie veroorsaak,” sê dr. Webster. RETINOL + SALISIELSUUR Optiphi se navorsing- en ontwikkelingswetenskaplike, Leandri van…

Probleme gaan nie sommer vanself verdwyn nie. Praat dit uit of kry hulp ‘WANNEER ALLES GOED GAAN IN ’N VERHOUDING, MAAK SEKS NET SO 10% VAN ’N VERHOUDING UIT, MAAR WANNEER DINGE SKEEFLOOP, WORD SEKS 90% VAN DIE PROBLEEM’ As jy nege uit tien keer nie vir seks lus voel nie, is jy nie alleen nie,” sê prof. Elna McIntosh, kliniese seksuoloog by Disa Health Care in Sandton. “Mense werk hard, het min tyd en baie keer werk die een in ’n ander stad. Die gemiddelde getroude Sandton-paartjie met twee kinders het een keer elke tien dae seks. As jy meer as dit het, doen jy baie goed. “Omtrent die helfte van die vroue wat my vir terapie kom spreek, kla oor ’n gebrek aan belangstelling. Maar dis nie net…

• Verbeter jou selfbeeld, selfvertroue en selfgeloof. Glo werklik dat jy ander se respek verdien. • Maak eers seker wat jou behoeftes en regte, asook dié van ander is. • Bepaal en verstaan jou vrese en redes vir situasies waarin jy nie selfgeldend is nie. • Verander jou denke en irrasionele vrese wat jou keer om selfgeldend te wees. Bepaal die moontlikheid dat iets werklik katastrofies sal gebeur as jy wel selfgeldend optree. • Bepaal vooraf hoe jy graag sou wou optree, wat jy sou wou sê. • Oefen dit vooraf voor die spieël, of in rolspel. Begin dan met klein goedjies in betreklik veilige situasies. • Maak seker wie se probleem dit is. Joune of syne? • Stel jou grense sonder om skuldig te voel, soos waarmee en wanneer…

Vir byna twintig jaar al draai my werk om kos. Ek het resepte geskep, gemaak en gestileer vir elke geleentheid waaraan jy kan dink. En ja, ek hou van eet! Om aan die einde van ’n fotosessie aan al die heerlike geregte weg te lê is een van die lekkerste byvoordele van my werk. Hoe op aarde kon ek en my gesin dus verfynde koolhidrate uitsny? Dis mos ondenkbaar! Wie kan die lekkerste kos ter wêreld, soos eierbrood, croissants, koek en suurdeegbrood uitsny? En wie sal wil? Maar ondanks al die struikelblokke hét ons toe koolhidrate uitgesny en omarm ons nou ’n lewe wat gegrond is op egte kos wat min koolhidrate bevat. Dit het ons ’n jaar geneem om daarby uit te kom, en dit was nie maklik om…

UNIEK UIK AFRIKA Eat Ting is ’n unieke resepteboek oor die tradisionele Afrikamanier van kook en eet. Deur terug te keer na die gebruik van ou bestanddele soos sorghum, amasi en amadumbe kan jy gesonder eet. Die boek gee ook nuwe idees met ou gunstelinge soos mabelepap met grondboontjiebotter of pêrelgiers- (millet) ontbytpap met kakao en klappermelk. • Deur Mpho Tshukudu en Anna Trapido (Quivertree) R295. ONS DRINK NOU Bosman Family Vinyards, Upper Hemel-en-Aarde Valley Pinot Noir. Die Hemel-en-Aarde-vallei val onder die Walker Bay-wyndistrik. Die Bosman-familie se De Bosplaas in Upper Hemel-en-Aarde is deel van dié voortreflike wyngebied. Dié besonderse wyn het ryk bessies met ’n tikkie aardsheid op die neus en op die palet. Te kry by bosmanwines.com VAN DIE PLAAS TOT DIE TAFEL Meer en…

Wielsporing, sowel as onvoldoende loopvlak op jou bande speel ’n belangrike rol in die veilige hantering van jou voertuig. Die nuwe Altimax-bande van General Tire het twee baie slim ingeboude stelsels wat die lewensduur van die bande sowel as wielsporing monitor. • Die Replacement Tire Monitor (RTM). Letters is in reliëf in die band gedruk. Dit lees: “replacement tire monitor”. Namate die loopvlak afslyt, verdwyn van die letters sodat daar uiteindelik net “replace tire” oorbly. Dan weet jy die band moet vervang word. • Visual Alignment Indicator (VAI). Daar is ’n klougroef aan albei kante van die band. Die manier waarop hierdie groef ná die eerste 1 000 km afslyt, is ’n aanduiding of die wielsporing korrek is.…

Ilse is ’n voormalige Ingrid Jonkerpryswenner wat nou reeds vier jaar in Gladstone, Australië, woon. Hoe beïnvloed jou lewe in Australië jou “terugkyk” na en blik op Suid-Afrika? Die emigrasie het natuurlik met verlies gepaardgegaan – ’n huis en tuiste, troeteldiere, kontak met vriende en familie, sosiale en professionele netwerke, toegang tot jou verlede en alles wat bekend is. Maar ná ’n ruk vervaag daardie gevoel van verlies. “The past is a foreign country.” En andersom - daardie land is nou die verlede. As ek nou ná vier jaar terugkyk, voel ek eerder dat die land (Suid-Afrika) self iets verloor het, (in) die verlede verloor het. Wat het jy gebaat deur jou verblyf in ’n ander land? Geestelik, fisiek ... ? Heelwat. Hoofsaaklik seker aan deursettingsvermoë - wat nie dood…

Die hoogs suksesvolle dekorskou, Kamers, kom in laat-September Sandton toe. Die ekspo is ’n stylvolle vertoonkas van die beste handgemaakte produkte wat sekerlik tans op die mark is. Die skou vind plaas in die nuwe Galleria in Kramerville, Sandton wat beskou word as een van Sandton se warmste, nuwe uithangplekke. Kamers is vanjaar reeds in hul veertiende siklus en het met verloop van tyd soveel gegroei dat dit nou feitlik ’n landwye instelling is. KAMERS/Makers sluit die jaar af met hul grootste uitstalling by die Open Window/ Southdowns Kollege in Irene. Wees op die uitkyk na Incub8 - jong entrepreneurs wat onder die mentorskap van gesoute handwerkers hul eie nuwe werke kom uitstal. 28 September – 2 Oktober (Jhb); 1 – 6 November (Stellenbosch); en 28 November tot 4 Desember…

Wild en geliefd Gaan maak vanjaar van 16 – 18 September ’n draai by die Darlinggholfklub in Jakarandastraat vir die Veldblomvereniging se 99ste jaarlikse skou. Die streek sluit die Kaapse fynboskoninkryk in, asook die Renosterveld, Rietveld, Sandveld en Strandveld waar meer as 1 200 verskillende spesies blomsoorte voorkom! Vanjaar se tema is “Die Weer en die Wilde Blomme” om besoekers bewus te maak van die reuse-uitwerking wat veranderende weersomstandighede op ons veldtuine het. Ry op ’n sleepwa om die lieflike gesig te aanskou, eet ’n ietsie en koop ’n stukkie inheemse kuns. Kaartjies: www.quicket.co.za. Kontak Michelle Linder by 072 178 5744/084 916 1111 of e-pos darlingwildflowers@gmail.com • darlingwildflowers.co.za Maker Faire Die Kaapstadse Maker Faire is van 26 - 28 Augustus terug by die Kaapstadse Wetenskapsentrum met die fokus op…

WINTER-OGGEND ’n Opregte Kaapse winter het gisteraand oor ons mooie Bolandse wynstreek neergesak. Ek lê snoesig in ’n hoop komberse toegerol, dankbaar dat dit my afdag is en ek nie hoef op te staan om werk toe te gaan nie. Ek hoor die res van my huisgesin se wekkers afgaan en die gewone vroegoggend gemompel, badkamerdeure wat oop en toe, storte wat stort en baddens wat bad. Later die ketel wat kook en my dogter wat vir my koffie in die bed bring. My seun loer in met ’n “Tot siens, Moederhen”-drukkie. Hy ruik heerlik vars na skeergoed - ’n pragtige jong man. Sy loer in om te vra of haar kantooruitrusting reg lyk. ’n Pragtige jong vrou. Ja, ja, bye … Love you ... Love you too ... Love…

Sedert haar verhaal bekend geword het, wou verskeie mense al ’n rolprent daaroor maak. Hoekom het Alison Botha vir Uga Carlini ja gesê? “Ek het dadelik gevoel dat sy my hart en siel verstaan, en dat sy om dieselfde redes as ek ’n fliek wou maak: om ’n verskil in ander se lewe te maak. “Christia se oudisie het my uitgeboul. Ek en Uga was albei verstom! Dit was Uga se besluit wie Alison moes vertolk, maar ek het heeltemal met haar saamgestem oor Christia. Ek is so beïndruk deur haar talent as aktrise, maar meer nog: ek is mal oor haar as mens. Ons het mekaar ontmoet en ’n bietjie gesels. Ek veronderstel dit was net sodat sy ’n idee kon kry van my as mens, maar ek het…

Emily Blunt is pragtig en talentvol, maar tog is dit eerder haar warmte wat jou opval wanneer jy haar ontmoet. Sy stel in jóú belang. Ek het agter die skerms saam met haar gewerk aan ’n projek vir die Hollywood-vereniging vir buitelandse perslui (HFPA) en terwyl baie van die sterre hulle eenkant gehou het, het Emily proaktief deelgeneem. Sy het ’n lekker sin vir humor en neem haarself nie ernstig op nie. Sy het bekend geword vir haar rol in The Devil Wears Prada (2006) en verskyn binnekort in die nuwe weergawe van Mary Poppins. Toe ons mekaar ontmoet om oor The Girl on the Train te gesels was sy hoogswanger. Sy is getroud met akteur John Krasinski en hulle het ’n dogter, Hazel. Hazel se sussie, Violet, is op…

Terwyl hulle met my besig was, het ek my asem opgehou en gehoop ek sal ophou asemhaal ... Stel jou voor: jy lei ’n sorgvrye lewe saam met ’n ouma en ’n oupa wat vir jou lief is. Jou oupa neem jou Sondae kerk toe terwyl jou ouma heerlike Sondagmiddagetes kook. Julle woon in ’n groot, vrolike huis. Jou pa is nog jonk en lief vir uitgaan, maar steeds betrokke genoeg by jou lewe sodat jy nie jou ma mis nie. Sy en haar nuwe gesin woon in ’n township naby jou. Jou wêreld is so na aan volmaak as wat jy ken. Toe sterf jou grootouers kort na mekaar, en jy en jou pa moet trek omdat die regering die huis gaan platslaan. Jou pa kan nie die verantwoordelikheid…

‘Ek moes tussen krieket en musiek kies. Ek was nog nooit spyt nie’ - HUGO LUDIK ‘Ek sien my werk as ’n besigheid en ’n vreugde’ - REYNARDT HUGO ‘Om te sing is vir my soos om asem te haal’ – KYLE GRANT Hulle weet hoe om die hartsnare te tokkel en die tone te laat jeuk met lekker liedjies. Die popgroep Adam se jongste album, Hoogtevrees, gaan gelaai wees met dansmusiek, met as bonus raad vir diegene wat met hartsake sukkel. Hugo Ludik en Reynardt Hugo het die titelsnit saam geskryf en eersgenoemde sê hul mikpunt was ’n boodskap waarmee die meeste mense hulle kan vereenselwig. “Dit gaan oor ’n romantiese verhouding wat by ’n kruispad kom. Dis dan wanneer jy moet besluit of jy…

Marie Kondo is … wel, anders. Sy praat oor doodgewone voorwerpe asof hulle gevoelens het: “Al besef ons dit dalk nie, werk ons besittings hard om ons tevrede te hou. Nes ons ná werk tuis wil ontspan, slaak ons besittings ’n sug van verligting wanneer hulle teruggesit word waar hulle hoort. Hoe sou jy voel as jy voortdurend moes rondswerf? Gun jou besittings die weelde van ’n eie plek. “Sodra ek saans by die huis kom, pak ek my handsak uit. Dit karwei my grimering en ander goedjies heeldag rond en verdien ’n blaaskans.” Voor jy wonder of Marie se kop dalk ’n bietjie te ver geskuif het, lees jy in The Life-changing Magic of Tidying dat sy as middelkind min aandag gekry en van jongs af ’n sterker verbintenis…

SPONTAAN Die Shashe-reeks van Dear Rae is volgens die ontwerper, Karin Rae, “skoon en spontaan, maar tog gestruktureer”. Die reeks bestaan uit ringe, oorringe, halssnoere en nekstukke. GEELGOUDRINGE (9 KAR.; R1 650 VIR DIE PAAR) DEAR RAE. TYDLOSE styl In die modewêreld is die Prada-handelsnaam sinoniem met styl. Sy sonbrilreeks vir Herfs/Winter 2016 sit die tradisie voort en bevestig weer eens die tydlose Prada-sjiek. KOLLIG op jou horlosie Frédérique Constant-horlosies word grootliks met die hand gemaak en is bekend vir die gehalte daarvan. Die nuwe Slimline Automatic-reeks is elegant en gesofistikeerd. FRÉDÉRIQUE CONSTANT SLIMLINE AUTOMATIC (PRYS OP AANVRAAG) PICOT AND MOSS. STERK maar SAG ook Die Hannah Collection se subtiele ontwerpe bring hulde aan vroulikheid en die dualiteit van teerheid en sterkte.…

Jolene het onlangs 16 kg verloor, en het gevoel haar styl het in haar oorgewigtydperk agter geraak, en dat sy ná sy al die gewig afgeskud het, steeds klere gedra het wat nie haar nuwe lyf vlei nie. Vir ’n rustige naweekuitstappie saam met haar twee dogters is ’n NOUPYPDENIM (COUNTRY ROAD, R699) net reg. Weer eens word haar slanker bene en figuur beklemtoon. Met ’n SMARAGGROEN BLOES (FOREVER 21, R549) EN BRUIN ENKELSTEWELS (CALL IT SPRING, R899) daarby, lyk sy nie net stylvol nie, maar voel gemaklik ook. Kies vir kouer dae ’n tydlose jas soos dié een (COTTON ON, R799) wat by vele ander uitrustings ook sal pas. Die naweekuitrusting kan maklik in sjiek en moderne werkdrag verander word. Sit die stewels en bruin jas eenkant en dra…

VROUE-(ON)GESONDHEID DEELMSLAAF OP HOESSTROOP As jy dae aaneen en nagte om hoes, gryp ’n mens na die hoesstroop. Die middels daarin beloof om die ekstra slym los te maak of op te droog. Maar daarmee saam bevat hoesstrope nie net een nie maar twee uiters verslawende komponente: alkohol en kodeïen. Sommige bevat genoeg alkohol dat jy netsowel ’n stewige glas brandewyn kon gedrink het, met tot 40% alkohol, teenoor brandewyn se 35%. En dan is dit nog goedkoper ook. Hoesstroop is menige alkoholis se “wettige” uitkoms. Die meeste bevat ook kodeïen, wat direk aan morfien verwant is. Kodeïen werk presies soos morfien en heroïen en laat jou net soos hierdie hoogs verslawende dwelms eufories voel, wat nie te versmaai is terwyl jy olik is nie. Wanneer jy gesond is, mis…

Celia Sole Ek kon eers in my laat jare dertig die streep begin trek en onderskei wat ek nodig het, wat my toekom en wat ononderhandelbaar is. Dit verg oefening om meer selfversekerd te wees as dit nie in jou aard is nie. Hoe meer selfgeldend jy optree, hoe meer word dit deel van jou. Dit is natuurlik ook wonderlik om goeie rolmodelle te hê. Dit is belangrik dat ouers deur hul optrede die eienskappe aan hul kinders leer. Heleen Wessels Ek dink ek slaag in ’n mate daarin, maar vir my kan dit gou in ’n lelike eienskap oorslaan. Daar is ’n fyn lyn tussen arrogansie en om ander voor jou te stel. Dit hang ook af waaroor dit gaan. As dit by my kinders se behoeftes kom, sal…

  Die ruim stoep het ’n uitsig op die grootsheid van die natuur Die eklektiese styl en verskeidenheid elemente in die woonkamer laat jou weer en weer kyk Die kreatiwiteit van dié twee legendariese en innoverende blomkunstenaars, produkontwerpers en sakemanne kon nog nooit in die spreekwoordelike boks gedruk word nie. Met die bou van die huis het dit soos ’n towerplant koers gekies en vandag staan daar ’n ongewone plek wat jou asem wegslaan. Die eietydse struktuur smelt perfek saam met die natuurskoon en ongereptheid van die omgewing. Dané en Chris het die moderne plaashuis in 2009 laat bou sodat dit as ’n openbare ruimte sowel as ’n eksperimentele ontwerpplatform vir OKASIE gebruik kon word.     Die kombuis is klein, landelik en onopgesmuk Die kreatiwiteit wat die interieur kenmerk, slaan…

SALMSLAAI GENOEG VIR 4 125 ml (½ koppie) sesam-, lyn- en sonneblomsade, liggies gerooster en gemeng 'n hand vol vars koljander, gekap 1 knoffelhuisie, fyn gekap 60 g Flora Regular + ekstra vir braai 100 g peulertjies 100 g broccolini, in die lengte middeldeur gesny 2 murgpampoentjies, in dun linte gesny 100 g jong ertjies (petit pois) 4 salmfilette SOUS Meng 30 ml (2 e) sojasous, 10 ml (2 t) sesamsaadolie, 10 ml (2 t) lemmetjiesap, 5 ml (1 t) heuning en 60 ml (¼ k) Flora-sonneblomolie 1 Meng die sade, koljander, knoffel en Flora Regular in ’ n mengbakkie. 2 Verhit ’ n kastrol met gesoute water tot kookpunt. Kook die peulertjies, broccolini, murgpampoentjies en jong ertjies vir 2 min. daarin. Dreineer en sit eenkant. 3 Verdeel die saadmengsel…

‘Hanna, hoe lê die maan? Kan ek môre lusernsny?’ Somernagte wanneer ons huis in die wingerd tussen die rooiduin en die Gariep soos ’n oond gevoel het van die dag se bakkende son, het ons buite onder die maan uitkoms gaan soek. Met net die nodigste beddegoed onder die blad het ons die plek op die werf gaan soek waar daar ’n luggie getrek het. Bedags het ons in die Sonvallei onder die dwingelandy van die fel koning Ra in sy vuurwa ’n bestaan gevoer, op landerye geboer en ons kospotte geroer. Maar wanneer ons somernagte in ’n ry soos wit wasgoedbondels onder ons lakens - wat as skans teen die muskiete moes dien - gelê het, het ons burgers van die soel nagryk onder die heerskappy van die maan…

‘ELKE PLANT EN DIER LEER JOU MEER OOR HOE DIE NATUUR WERK’ Sy naam beteken nie verniet storieverteller nie, vertel die dertigjarige Samir. “Ek leer daagliks meer oor die natuur, en is heeltyd op soek na nuwe maniere om dit met mense te deel.” Samir is die stigter en hoofuitvoerende beampte van Whispers of the Wild, en die skepper van die gelyknamige slimfoontoepassing. Deur ’n oudioklankbaan, foto’s en video’s kan die gebruiker deur die druk van ’n knoppie ’n magdom interessante feite oor die natuur leer. “Dis soos om ’n persoonlike veldgids saam te neem wanneer jy in die natuur rondry,” vertel hy. Waar het die idee ontstaan en hoe werk dit? Dis ’n wonderlike ervaring om diere in die veld dop te hou, maar om meer oor hulle te…

‘EK GLO NIE IN ’N SKIETLAMP AS JY YSTERVARK SKIET NIE, MAAK ’N VREEMDE LIG EN DIE VARK IS WEG, JY MOET HOM IN DIE MAANLIG KRY’ Ek ken Breipaal in die Karoo as ’n skinderdorp, maar so af en toe word daar ook waarhede op die Paal gespreek. Vreemde, onverwagse waarhede. Dot het begin daarmee. Die eienares van Dot-se-winkel, weet ek, skryf stories vir ’n bestaan en sy probeer maar net help. Ek wou nie sommer aan die een byt nie, klink vir my na ’n bogspul, maar sy belowe ek gaan haar nog bedank vir so ’n pêrel. Daar is ongelukkig net een steilte wat ek moet oor om die hele storie te kry: Giel Swiegers, ouderling en skelm. Dis sy storie. Ek haat Giel Swiegers. Ek haat…

Ons vra vrae oor “oog” om by Ilse se boektitel aan te sluit. As jou boekklub al die vrae reg beantwoord en getrek word, kry julle met die komplimente van Graffiti al die boeke wat in hierdie uitgawe bespreek word. Stuur jul antwoorde na roneln@caxton.co.za met “September-boeke” in die onderwerpreël of na www.rooirose.co.za Klik op “boeke” en volg die aanwysings. Stuur jou boekklub se naam, posadres en selnommer! Moeilik? Google dit … Vrae 1 Wat is die volle gesegde oor “die oog van ’n naald”? 2 Uit watter fliek kom die liedjie “Eye of the Tiger”? 3 Het slange ooglede? 4 Wie het die speurriller Eye of the Needle geskryf? 5 Wie se bose oog het almal dopgehou in Lord of the Rings? Augustus-antwoorde 1 Watter boek is die grootste…

Met ’n “maar Bartel!” het die nimlike skinderbek, Hybie, dikwels haar frustrasie met haar moeilike, stokdowe Bartel uitgedruk. In ’n RSG-onderhoud met Johan van Lill in November 2016 by die RSG Kunstefees het Kitty en haar boesemvriendin June Seymour vertel van al die pret wat hulle met die opnames van Die Du Plooys gehad het. “Jy weet, ek het twee foliobladsye gepraat wanneer Hybie vir Anna bel,” het Kitty gelag. “Sy het mos eers lank met die exchange gepraat en altyd beduie waar Soetmelksvlei is. “Jan was ’n genie,” het Kitty oor Jan Schutte vertel. Hy het die karakters gegrond op mense wat hy in die regte lewe geken het, maar het ook die karakters se persoonlikhede aangepas by die akteur wat die rol gespeel het. Kitty het onthou hoe…