Innholdsfortegnelse for Augustus 2016 i Rooi Rose

SOOS DIT BUITE algaande kouer word en die besef tot my ledemate deurdring dat die ergste hitte vir seker tot die verlede behoort (lag vir my eie grappie), het die korter dae en langer nagte ’n negatiewe uitwerking op my gemoed. Soggens verg dit al meer van ’n verbete poging om my neus by die deur uit te steek. Ek bly maar ’n somermeisie ... Die gemoedsdonkerte wat met die winter saamhang, het ’n baie beskrywende naam in Engels: SAD (Seasonal Affective Disorder). Ek ervaar dit as ’n gryserige waas wat my gemoed betrek en my dae met ’n effense donkerte inkleur. Maar soos ek die artikels in hierdie Augustus-uitgawe begin lees het, het daar gaandeweg ’n ligtheid, ’n gevoel van opwinding en stille verwondering die donker hoekies van my…

Is jy trots daarop om ’n Suid-Afrikaner te wees? Wat doen jy om ’n positiewe beeld oor Suid-Afrika uit te dra? Liezel Louw (38), onderwyseres en mamma Báie trots Suid-Afrikaans. Ná agt jaar in die buiteland was dit wonderlik om terug te kom. Ons is nou vyf jaar terug, en steeds voel dit of ons op vakansie is. Die beeldskone natuur, ongelooflike klimaat en ons unieke mense, waarvan ek en jy deel is, sal jy nie in die buiteland kry nie. Ek probeer fokus op die positiewe en ’n praktiese bydrae deur om te gee vir my mense en omgewing. Charlotte Manuel (55), bibliotekaresse, Touwsrivier Ek is ’n baie trotse Suid-Afrikaner. Ons geskiedenis, plantegroei, toeriste-aantreklikhede en erfenisgebiede is uniek. Ek sal nooit my land vir enige ander land verruil nie.…

Voor David was Nadia baie jare lank enkellopend en baie besig met ’n uitdagende loopbaan wat alles van TV-werk tot musiekblyspele en rolprente soos Pretville, Born to Win en Mooirivier ingesluit het. Die vermaaklikheidsbedryf waarin sy die afgelope twaalf jaar uitblink, is wêrelde verwyder van haar honneursgraad in bemarkingskommunikasie. Maar vandat sy haar televisiedebuut gemaak het as deelnemer aan die sangkompetisie Zing, was sy vasbeslote om ’n kreatiewe loopbaan te volg. Ons het haar leer ken as die aanbieder van Tuine en Tossels op kykNET. Sedertdien was sy te sien in musiekblyspele soos Ons vir Jou, Liefling, Tree Aan, Ester, Dirty Dancing en Jesus, die Musiekblyspel. Sy het ook in dramareekse soos Sterlopers en Hartland gespeel, asook Getroud met Rugby, deesdae ’n sepie wat op weeksaande op kykNET uitgesaai word.…

•  Judith Olivia Dench is op 9 Desember 1934 in Yorkshire, Engeland gebore. •  Judi het van vroeg af met die teater kennis gemaak – haar pa was ’n dokter vir die Yorkteater en haar ma die kleremaker. •  Sy het haar eerste rol by die Old Vic Company gekry en verskeie van die groot vroulike Shakespearekarakters vertolk. Sy het verskeie ondersteunende rolprentrolle gekry, maar haar eerste groot rol was as M in Golden Eye (1995). Sy het dié karakter in al die James Bond-flieks tot en met Spectre in 2015 gespeel . Judi en die akteur Michael Williams is in 1971 getroud. Hy is in 2001 aan kanker oorlede. Judi het ook in die baie gewilde fliek The Best Exotic Marigold Hotel gespeel. Sy is al herhaaldelik bekroon, onder…

‘My geloof gee my vreugde en vrede. Dit stel my in staat om dinge wat buite my beheer is, te laat gaan’ Advokaat Thulisile Nomkhosi Madonsela (53), ons gewilde openbare beskermer, is dalk die magtigste vrou in die land, een wat selfs die president ’n bietjie laat bewe, maar sy is beslis in die eerste plek ’n ma. Dis wat jy hoor en sien wanneer sy oor haar kinders, Wantu (27) en Wenzi (24) praat. Weg is die gereserveerdheid in haar stem, die taktvolle, diplomatiese antwoorde, die erns. Haar oë vonkel, haar stemtoon verander en sy lag spontaan. Die een oomblik is ons nog joernalis en Baie Bekende Persoon, die volgende oomblik net twee enkelma’s wat oor ons kinders gesels. “Asseblief, noem my sommer Thuli,” sê sy. Sy is al…

Ryan en sy aktrise-vrou Vanessa Haywood (jy sal haar onthou van District 9) het mekaar in 2010 ontmoet en is in 2014 getroud. Hulle verwag hul eersteling in September. Sy gunstelingmanier van ontspan is om tyd te verwyl saam met Vanessa en hul hond, Thandi. “Ek lê graag op die rusbank en kyk sport op televisie, maar ek kan nie vir te lank stilsit nie. Dan gaan ons strand toe, gaan stap in die berge, of gaan ry fiets.” Thandi, wat hy ook T-dog noem en wat hulle by die DBV aangeneem het, gaan oral moontlik saam met hulle. “Ek hou ook van ’n lekker braai saam met vriende, maar niks van winkelsentrums nie. Daar bly ek weg tensy ek iets nodig het.” Vanessa, ’n bekende model, is ook baie…

‘Voorheen om het ek na perfeksie gestreef in my sport, by Caveman Café streef ek na perfeksie in koffie’ Ons onthou nog die sprokies uit ons kindertyd waar iemand met die minste gewoonlik geseëvier het. Die arme stiefsussie met die geleende vere slaan die prins se voete onder hom uit, of die seuntjie met die geleende fiets en stukkende skoene wen die wedren. Dit duur gewoonlik nie lank voor jy besef dis alles pure wensdenkery nie en dat dit nie in die werklikheid gebeur nie. Maar dan ontmoet jy Conrad Stoltz. Sewe keer wêreldkampioen - vier daarvan Xterra (die veldreneweknie van die driekamp) en drie van die Internasionale Driekampvereniging. Conrad se sprokie begin op ’n fiets. Sy pa was ’n onderwyser aan die Hoërskool Lydenburg en Conrad het soggens…

Engela Campher Ons vermoë om te kan lag, gesels en vrolik wees deur sleg, slegter en slegste, maak ons Suid Afrikaners uniek. Ons hou in alle omstandighede (en deur slaggate) kop bo water. Dit is verstommend hoe individue planne beraam en vooruitgaan om kopsere soos die elektrisiteitkrisis en swak onderwys die hoof te bied. En, tong in die kies, ons regering is baie uniek ... Elizabeth Botes Suid-Afrika se unieke karakter lê in sy mense, die hele diverse samelewing. Afrikaans, my moedertaal, lê my baie na aan die hart. Ek bid in my taal, ek het lief in my taal, juig in my taal en ek huil in my taal. Sonder my taal is ek niks! Stella Nel Ons het soveel kulture en ons is lief vir Suid-Afrika. Dié land…

MAISON MARA SE NUWE REEKS SLUIT DIE JONGSTE EUROPESE MODES IN. DIE EIENAAR, KELLY MARA WITHEY, HET DIE ELEGANTE ITEMS PERSOONLIK IN PARYS GAAN UITKIES. MAISON MARA HET NOU OOK ’N AANLYNWINKEL SODAT DIÉ STYLVOLLE KLERE LANDWYD BESKIKBAAR IS. SPORTIEF Die Aquaracer Lady 300 m Quartz-horlosie van Tag Heuer is stewig en waterdig tot op 300 m. ’n Ware sport-model, grasieus en sjarmant. TAG HEUER AQUARACER-HORLOSIE (PRYS OP AANVRAAG) PICOT AND MOSS. Elegant American Swiss is vanjaar 120 jaar oud. Dra dié klassieke oorbelle saans vir ’n gesofistikeerde voorkoms en bedags om jou uitrusting af te rond. STERLINGSILWEROORBELLE (R399) AMERICAN SWISS. LUUKS en gemaklik Adidas Originals en die Amerikaanse rapper Pharrell Williams het saamgewerk aan die Pink Beach-reeks. Die sjiek, gemaklike style is deur die bruisende eilandlewe geïnspireer. Mode vir…

‘Ek is obsessief oor rooi ... Daar is krag en emosie, warmte en iets ontwrigtends in die kleur. Dis so sterk en onlosmaaklik deel van die wêreld van Chanel’ CHANEL BEAUTY SE KLEUR-EN-GRIMEER-ONTWERPER, LUCIA PICCA Blomme HELP altyd L’Oréal Paris se nuwe Golden Age-reeks is gemik op vroue ouer as 65. Die vel se sperfunksie begin in dié stadium verdun en die kalsium in die produkte werk dit teë. Die reeks bevat ook vit. B wat selhernuwing aanhelp. Pioenroos-polifenole en irisekstrak help om glans te herstel en jou vel se natuurlike pienk ondertoon te beklemtoon. Die woordvoerder, Jane Fonda (77), sê: “As ek nie my ouderdom lyk nie, is dit omdat ek nuuskierig gebly en ’n gesonde leefstyl gehandhaaf het.” L’ORÉAL PARIS GOLDEN AGE ROSY DAY CREAM (R249,95 VIR…

Willie van Rooyen ’n Omgee-ouer. Glad nie te streng nie, maar daar is beslis grense. Enige mens moet dissipline kan handhaaf om die samelewing ’n leefbare plek te maak. Ek is voortdurend in gesprek met my kinders en glo ek gee raad en laat hulle toe om selfstandig besluite te neem en ook die verantwoordelikheid vir hul keuses te dra. Liezel Louw Ek is streng, dalk ’n bietjie te streng met my drie- en vyfjarige. My onderwysagtergrond laat my met ’n ander oog na my eie kinders en die jeug kyk. Ek glo jy lê die fondament wanneer jou kinders klein is, en dat jy die reëls later kan verslap wanneer hulle in ’n gemakliker fase is en weet wat hul grense is Charlotte Manuel Ek is een van daardie…

PIENK,PERS&BRUIN VOOR: PELARGONIUM ‘CLASSIC LINE VIOLET’, PELARGONIUM ‘TACARI LILAC’, PELARGONIUM ‘TURKANA RASPBERRY SIZZLE’ EN AGTER: CAREX ‘BRONS’ EN VORTEX TRIFOLIA ‘PURPUREA’. KLASSIEKE ROOI VAN LINKS: PELARGONIUM ‘KARIBA LARGE SCARLET’, PELARGONIUM ‘ZONAL’ ‘AMERICANO DEEP RED’ EN PELARGONIUM ‘TEMPRANO BRIGHT RED’. KOEL WIT VAN LINKS VOOR: PELARGONIUM ‘TEMPRANO BLANCHE WHITE’, PELARGONIUM ‘KARIBA LARGE WHITE’, LIRIOPE EN CAREX ‘CHINA BLUE’ EN AGTER: PELARGONIUM ‘CLASSIC LINE WHITE’ EN LIRIOPE. PIENK&PERS VOOR: ANGELONIA ‘ANGEL-FACE’, PELARGONIUM ‘TEMPRANO PINK’, WESTRINGIA FRUTICOSA ‘ALBA’ (WIT) EN AGTER: CAREX ‘BRONZE’ EN VORTEX TRIFOLIA ‘PURPUREA’. Volgens rekords is malvas al in 1792 in Engeland geplant en ons verwonder ons steeds aan die verrruklike hangmandjies en vensterbakke vol malvas in Europa. Die plante word weens die erge koue daar dikwels daar as eenjariges behandel. Pelargonium crithmifolium wat meer soos ’n vetplant lyk,…

GISTINGSWENKE Sny groente kleiner sodat die gistingproses nie te lank neem nie. Fermentasie neem langer in die winter en in die somer moet jy dit op baie warm dae fyn dophou. Gebruik gefiltreerde of gebottelde water - chloor vernietig die natuurlike bakterieë. Dit is belangrik om suiwer seesoutvlokkies soos Maldon te gebruik. Bottels hoef nie gesteriliseer te word nie - dit vernietig ook die voordelige bakterieë. GROENTE IN PEKEL GENOEG VIR 6 FLESSE Hierdie groente ondergaan ’n melksuurgistingsproses. Die bottels word nie gesteriliseer nie maar die sout-tot-water verhouding voorkom dat slegte bakterieë ontwikkel. Die vloeistof moet begin borrel - dis ’n aanduiding dat dit wel gis. Sodra die borreltjies verskyn, moet jy die bottels verder in die yskas laat gis, anders raak dit byna oneetbaar suur. BASIESE PEKELVLOEISTOF 6 x…

Uit die verlede onthou ek ‘uitdie-grond-en-op-die-bord’-kos Kaal vleis sonder ’n toekos is darem gans te treurig,” sou ons ma verklaar. Ewe betreurenswaardig vir haar was “kaal koffie”. Met dié toestand opgesom, het sy daadwerklik opgetree. “Loop dan so speel-speel en gaan haal vir ons eiers,” sou sy ’n algemene versoek aan ons vier meisiekinders rig. Oor dié taak het ons nie geknibbel nie. Het die hokhenne nie gelê nie, het ons die “voorbodes” - soos ons ma die onbeteuelde kruisings tussen kapokkies, koekoek-, Australorp- en Leghornhenne genoem het – agternagesit. Dit was pret om soos in ’n skattejag die skrophoenders se weglêneste in die wingerdland op te spoor en dan ingenome met ons vondste ’n handmandjie vol wit en bruinerige en spikkeleiers op die kombuistafel vir haar neer te sit.…

‘As ek ses uur het om ’n boom af te kap, sal ek die eerste vier gebruik om die byl te slyp’- Abraham Lincoln PAJAMADRIL is jy FINANSIEEL gereed? As mense op finansieel perfekte omstandighede moet wag, sal bitter min gesinne babas hê. Jy kan wel sorg dat jy ten beste voorbereid is. • Maak seker jy het ’n mediese fonds en dat daar geen wagtydperk is nie. • Stel vas of jou fonds vir ’n keisersnee betaal wat nie medies noodsaaklik is nie, sou jy een verkies. • Sommige fondse spesifiseer watter hospitale en spesialiste jy mag besoek voor hulle betaal. • Fondse verskil oor voordele. Koste soos besoeke aan die ginekoloog en bloedtoetse is dalk nie gedek nie. Lees die fynskrif en vra vrae wanneer jy onseker is.…

KEINA SWART is nou enig in die sin dat sy presies ’n jaar gelede ook ons skrywer van die maand was. Maar om haar jongtste kortverhaalboek te ignoreer, is soos om nie daagliks na jouself in die spieël te kyk nie… Waar kom die titel vandaan? Ek het in die Limpopovallei naby die Pont Drift-grenspos tussen Suid-Afrika en Botswana grootgeword. My ma het ’n plaaswinkel bedryf - een van daardie outydse winkels wat alles verkoop het - van trekkeronderdele tot atjar en rolle materiaal. Die regering se mobiele biblioteek het so een maal per maand sy boeke winkel toe gebring waar die omliggende mense dit kon uitneem. Die koms van die biblioteekbus was die hoogtepunt van my lewe, want ons kinders kon die kinderboeke uitsoek. Die titelverhaal in die bundel…

Pretoria hou BoekeJol en FilmRolfees! Daar word met afwagting uitgesien na die tweede BoekeJol en FilmRolfees wat van 17 tot 21 Augustus in die Lynnwood Bridgewinkelsentrum in Pretoria aangebied word. Verskeie bekende SA skrywers neem aan die lekker-lees en lekker-luisterprogram deel. Dia van Staden, eienaar van Milestone Events & Training en oudonderwyseres, televisieaanbieder, radiopersoonlikheid en joernalis, het met die fees in Pretoria begin. “Is daar ’n beter plek om jou kreatiwiteit te ontwikkel en jou droomwêreld te skep as binne ’n storie, binne ’n boek, binne iemand anders se kop?” vra Dia. Onder die skrywers wat die BoekeJol gaan bywoon, is Piet van Rooyen, Carla van der Spuy, Deon Meyer, Sophia Kapp, Keina Swart, Theuns Eloff en Bettina Wyngaard. Die musikale spyskaart sluit Anna Davel, Chris Chameleon, Joshua na die…

Gedigte in McGregor Kom vier van 26 tot 28 Augustus op McGregor die hartskos van woorde. ’n Verskeidenheid dinamiese digters, soos Margot Luyt, Koos van der Merwe, Daniel Hugo, Diana Ferrus en Lara Kirsten gaan hul werke met ons deel. Groepe soos UWC Poets, die Lingua Franca Spoken Word Movement en Mothertongue gaan vir ons “konsert” hou. Vir ’n volledige lys van al die digters wat deelneem, gaan na mcgregorpoetryfestival.blogspot.co.za Die lokale is loopafstand van mekaar en die sjarme van die dorp dra by tot ’n unieke ervaring. Carol’s Pub is die plek waar jy vir die Voices on Fire-kroegprogram moet wees – jy sit lekker aan jou wyntjie en teug terwyl digters ’n klokkie lui en spontaan hul verse voorlees. Daar is ook weer ’n aanbieding van die gewilde…

@home 0860 576 576 Ackermans 0860 900 100 Adidas 021 442 6200 Aldo 011 884 4141 American Swiss 021 938 1966 Belgotex 033 897 7500 Bodyography bodyography.co.za Chanel 011 325 1000 Chuck Taylor All Stars 087 9404 600 Cielo Lifestyle 041 368 5382 CJR Gift Sales 011 257 6000, cjr.co.za Clicks 0860 254 257 Coricraft 011 611 8700, 021 508 5200,031 811 5106 De Kruidenier Eksklusiewe Tuine dekruidenier.co.za, info@dekruidenier.co.za Defy 0861 003 339 Dior by Edgars Dolcé & Gabanna by Edgars Edgars 011 495 6000 Forever New 011 883 4585 Foschini 021 938 1911 Fraas The Scarf Company 011 805 0123 GardenShop 011 516 9700, gardenshop.co.za Green Elephant Collective greenelephantcollective.co.za H&M 021 826 7300 Halsted Design halsteddesign.com Hello Pretty hellopretty.co.za Henriette Botha byprestwitchcollection.co.za Hirsch’s 031 582 4800…

My hart ontplof in my borskas. Nie oor my kontant nie, ook nie oor iemand ingebreek het nie. My hele lewe is op my slimfoon! Ek is sestien jaar gelukkig getroud met dieselfde mansmens. Min moeilikheid, altans so reken ek. Tussen ons is die enigste bedreiging vir ons huwelik my onvermoë om die motors op ons werf netjies te hou. O, en dan my verhouding met my slimfoon. ’n Probleem volgens my man, natuurlik. Dis mos nie asof die slimfoon ’n mens is nie, dus kan dit tog nie ’n vyfde wiel aan die wa of ’n derde party in die huwelik wees nie. Soos ek vir my man verduidelik: die ding is nuttig. Ek werk daarop, maak inkopielyste, verjaarsdaglyste en tik ander belangrike datums in. Gebruik dit ook as…

WEN Stylvolle JUWELE Jy kan R3 400 se tydlose juwele uit Georgini se jongste Urban Attraction-reeks wen. Gee jou mening en WEN Sal jy meer gereeld nuwe bakresepte op ons webblad wou sien? Gee jou mening en ’n Active Labgeskenkpak van R2 800 kan joune word. www.activelab.co.za Agter die skerms Wonder jy soms wat bekendes in hul handsakke saamdra? Ons het vir Nadia gevra om uit te pak en vir ons te wys wat sy alles in haar handsak saamdra. Ons video vertel die hele storie. Videograaf Iain Rennie. Foto’s Michelle Nortje Tuin maak Of dit nou ’n kos- of ’n blomtuin is, tuin maak hoef nie al die geld uit jou sak te jaag nie. Groen vingers is immers meer werd as korale. Ons wys jou…

Dis Assam-tee dié. Ek drink dit elke dag vandat ek vyf jaar gelede in Indië was. Ek is versot daarop. Ek sien elke dag uit daarna. Ek verpes Earl Grey-tee. Dis soos om parfuum te drink! Ek kan dit nie doen nie. Net ’n bietjie Assam-tee met heuning – geen melk nie. Dit gee jou energie. Ek hou meer daarvan as van gewone tee met melk, maar ek is nie juis ’n fynproewer nie. Maar jy is tog Engels? Ek weet. Ek moet seker ’n fynproewer wees. Ek sal steeds vir my gaste vra of hulle ’n koppie tee wil hê, al bedoel ek eintlik ’n glas sjampanje. Dis maar net ons aard, jy weet? Jy is ’n bekroonde aktrise, maar dink jy daar is ander werke waarin jy goed…

‘My verhouding met drank was byna soos ’n affair. Ons alkoholiste is geslepe, hoor!’ Ek het geweet ek sal alles verloor as ek nie ophou drink nie. Dit was die moeilikste ding om te besef my man was nie my beste vriend nie. ’n Bottel wyn was.” So vertel die bekende en geliefde radiopersoonlikheid en skrywer Sam Cowen oor haar alkoholisme. Sam bied deesdae The Weekend Breakfast op 702 saam met Africa Melane aan. Sy was ook 18 jaar lank een van die radiopersoonlikhede op 94.7 se ontbytprogram, en met haar skerp sin vir humor het sy Gautengers in ’n goeie bui by die werk laat kom. Luisteraars het in die vreugde van haar kinders, Christopher (13) en Genevieve (9), se geboortes gedeel, maar net ’n hand vol mense in…

Haar werksdag eindig nie as sy die kantoordeur agter haar toetrek nie. Sy reis dikwels vir haar ondersoeke en is ’n gewilde spreker, ook internasionaal. ’n Werkdag van twaalf uur of langer is nie uitsonderlik nie. Hoe ontspan sy? “Ek slaap! Wanneer ek die tyd het, slaap ek van ’n Vrydagaand tot sowat twaalfuur op ’n Saterdag. Maar ek het dit lank laas gedoen. Ek slaap sowat vier uur snags – ek probeer om teen elfuur te slaap en staan weer drieuur op.” Dis haar skryftyd. Sy skryf verslae, maar werk ook aan haar eie boeke, onder meer een oor inspirerende Suid-Afrikaanse vroue. Gebed is vir haar ’n belangrike teenvoeter vir stres, “ook deur die dag wanneer dinge verkeerd loop”. Sy mediteer ook wanneer ’n dag te dol word. “Ek…

‘Ons ignoreer nie wat skeefloop nie, maar ons kies om op die oplossing eerder as die probleem te konsentreer’ Die land is in ’n gemors. Ons stuur af op ’n ramp.” Wanneer ’n gesprek hierdie draai vat, knik baie koppe instemmend. Min mense sal sê: “Dis nie waar nie. Ek verskil!” Tog is dit juis wat Steuart Pennington, ’n sakeman van die Natalse Middelland, gedoen het. In 2002 was hy en sy vrou, Camilla, by ’n ete om ’n paartjie se vertrek na die buiteland te vier. “Almal het hulle gelukgewens dat hulle die land ‘waar niks werk nie’ agterlaat,” vertel hy in sy TEDx-praatjie. “Veral aangesien Johannesburg die wêreld se misdaadhoofstad is, ons skole die gewelddadigste, en so aan ... Halfpad deur die ete kon ek dit nie meer…

‘Ek het oor my been getreur soos oor ’n kind. Ek het sewe jaar van my lewe gemis’ - Lucia van Heerden ‘Ek weet nou die lewe is te kosbaar om my oor kleinighede te bekommer’ - Megan Allely OM HEEL TE WEES Al het Lucia van Heerden (37) se ouers kleintyd al agtergekom dat haar een been effe korter as die ander is, het sy steeds op skool entoesiasties aan ballet en akrobatiese ballet deelgeneem. In graad 7 is sy geopereer om haar linkerbeen te verleng. “Ek het ’n normale lewe gelei en ná skool verpleegkunde deur die weermag studeer. Ons het militêre opleiding gekry – dit was nie ligte diens nie maar ek kon aktief meedoen. “Ek het in Pretoria as ’n kliniese praktykbestuurder gewerk toe…

‘Die hele ervaring - van my nuwe kapsel, tot die mooi uitrustings en grimering - het my ekstra vroulik en mooi laat voel’ Reinette lyk smeulend in hierdie rok (R599, H&M). Die rok en HOFSKOENE (R1 899, ALDO) beklemtoon haar lang, slanke bene en met ’n sjiek MANTELJAS (R4 999, TED BAKER BY STUTTAFORDS) daarby word dit ’n tydlose goedvoelvoorkoms. Reinette het ’n fantastiese figuur wat sy onder lospassende klere weggesteek het. Sy hou van naweekuitstappies en kunstefeeste is haar swak. Sy sê die NOUPASSENDE DENIM (R850, POETRY) is sag en gemaklik en net reg vir ’n naweek. Die stylvolle STEWELS (R1 499, ALDO) EN ’N MOOI PEPLUM-BLOES (R799, FOREVER NEW) daarby vlei haar figuur. Met ’n besonderse hoed soos dié een (R349, FOREVER 21) is Reinette gereed vir ’n…

SUPER-MUFFINS MAAK 12 225 g bruismeel70 g suiker125 g saadmengsel soospampoensaad, lynsaad,sesamsaad en sonneblomsaad2,5 ml (½ t) sout120 g hawersemels140 g piesang, fyn gedruk90 g Flora Regular, gesmelt +ekstra vir smeer125 ml (½ k) jogurt2 eiers, liggies geklop125 g bloubessies 1 Verhit die oond tot 180 °C. Smeer ’ n kolwyntjiepan met 12 holtes met gesmelte Flora Regular. 2 Meng die bruismeel, suiker, die helfte van die saadmengsel, sout en hawersemels in 'n groot mengbak. 3 Meng die piesang, Flora Regular, jogurt en eiers in ’ n ander mengbak. 4 Maak ’ n gaatjie in die middel van die droë bestanddele. Voeg die nat bestanddele by die droë bestanddele en vou laastens die bloubessies in. Meng deeglik. 5 Skep die muffinmengsel in die holtes van die kolwyntjiepan. Strooi die oorblywende…

PRET EN PRYSE! DAAR IS VOLOP GESKENKE EN PRYSE WAT GEWEN MOET WORD. OOK ’N VAKANSIE IN MAURITIUS. BRING ’N EKSTRA GELDJIE VIR DIE KAARTJIES WAT JY DAAR KAN KOOP OM VAN DIE VERSKEIE LIEFLIKE PRYSE TE KAN WEN Danksy die betrokkenheid van ons lesers het rooi rose met ons bekende KANSA-projek deur die jare ’n groter bewustheid van kanker geskep en broodnodige geld ingesamel. Ons lesersdag ten bate van KANSA het intussen ook ’n spesiale oggend op die kalender geword en in wellewendheid en styl gegroei. Danksy die gasvroue wat elkeen volgens ’n gegewe tema ’n tafel vir tien dek en kaartjies aan hul gaste verkoop, is dit nog altyd ’n dag van vriendskap, mooi musiek en ’n gekuier om die pragtig versierde teetafels, om van die talle pryse…

Hy gee nog ’n paar treë deur die lang gras toe hy iets in die maanlig sien blink. Sy naam is Andries Barkhuizen en daar is ’n rede hoekom hy hom dié tyd van die aand in ’n veldjie bevind waar ’n paar mense glo al aangeval is. Hy het sy motor vier blokke hiervandaan parkeer om seker te maak niemand in Krigestraat onthou dalk later hulle het dit vanaand gesien nie; dat niemand hier naby, wanneer die polisie ondersoek instel, die voertuig sal kan beskryf en moontlik selfs ’n gedeelte van die registrasienommer onthou nie. Hy beweeg nader aan die voorwerp. Metaal, dit moet metaal wees. Die blinkheid kom en gaan, want die gras wieg. Die wind waai gereeld hier. Andries kyk vinnig om, skielik oortuig dat dit ’n…

In Augustus praat ons oor “boeke” om aan te sluit by Keina se storietitel. As jou boekklub al die vrae reg beantwoord en getrek word, kry julle die boeke in hierdie uitgawe op ons boekrak, geskenk deur Graffiti. Stuur jul antwoorde na roneln@caxton.co.za met “Augustus-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur ook jou boekklub se naam, posadres en selnommer! Moeilik? Google dit … Vrae 1 Watter boek is die grootste verkoper tot nog toe? 2 Wie het die trefferreeks Die Uile geskryf? 3 Wat was Theunis Krog (Keurboslaan-reeks) se regte naam? 4 Watter Afrikaan was die eerste wenner van die Nobelprys vir Letterkunde? 5 Op watter datum het die Bybel die eerste keer in Afrikaans verskyn? Julie-antwoorde 1 Waar die hart van…

’N DOKUMENTÊRE PRENT oor die lewe en werk van die kunstenaar en aktivis Pieter-Dirk Uys is van 29 Julie in teaters te sien. Die titel, Nobody’s Died Laughing, verwys nie net na sy komediewerk as Evita Bezuidenhout nie, maar ook na sy aktivisme en MIV-bewussynswerk. In die fliek probeer ’n rolprent- span op ’n reis deur verskeie stede, ook Londen en Berlyn en sy huis op Darling, tred hou met sy lewe en die internasionale impak van sy werk. “Die fliek ondersoek een man se lewenslange toewyding aan sy land en die gebruik van satire om ’n daadwerklike verskil te maak,” sê die rolprentmaker Willem Oelofsen. “Dit was vir my fassinerend dat hy die afgelope vyftig jaar stééds in dieselfde tempo en met dieselfde oortuiging werk as toe hy…

SKOERT, HAKSKEENBYTER Winter in Bloemfontein is nie vir sissies nie. Ek is 43 jaar gelede in die Rosestad gebore en ek ken die koue greep van die winter op die Vrystaatse stad goed. Nie net kruip die koue in jou murg en been nie, maar ook in jou hart, siel en verstand. Saam met die krimpende dae, grys weer en verlepte tuin, kom die “Swart Hond”, eintlik meer ’n brak as jy my vra, nader gesluip. Ek gewaar hom net as ’n skadukol uit die hoek van my oog. Kom Junie, dan is die “Hakskeenbyter” op my, en ek moet wild bontstaan om hom van my lyf af te hou. Elke depressielyer ken daardie gevoel, die donkerte wat meer word, die konsentrasie wat minder word en skielik bevind jy jou…

PRODUKSIE: HANNELIE DIEDERICKS; STILERING: RIAAN HULLY; HARE EN GRIMERING: ADELLE JUNG MET MAKE UP FOR EVER; PRODUKSIE-ASSISTENT: MELISSA-JADE MYBURGH Nadia Beukes (33) straal van geluk. Haar oë vonkel wanneer sy praat oor haar verloofde, David de Villiers, ’n sakeman van Pretoria, met wie sy in September trou. Uit die baie romantiese manier waarop Dave, soos sy hom noem, haar op 20 Januarie op ’n skivakansie in Frankryk en Oostenryk om haar hand gevra het, kan jy aflei hy is net so dol op sy aanstaande bruid. “Ek het dit glad nie verwag nie! Toe ons vir middagete in die restaurant by die ski-oord instap, het die kelner voorgestel dat ons by een van die tafels buite gaan sit.” Nadia wou daar niks van weet nie. “Dit was -14 °C buite,…

Op 81 het Judi Dench ’n sjarme wat nie altyd op die silwerskerm sigbaar is nie. Met haar kort silwer hare, deurdringende blou oë en hoë wangbene is sy steeds pragtig. Sommige mense sou haar as koketterig kon beskryf, maar dit impliseer ’n aanstellerigheid wat sy nie het nie. Sy leef haar bloot in ’n storie in terwyl sy aan die vertel is en aan die sprankel in haar oë kan jy sien hoe lekker dit vir haar is. Haar antwoorde betrap jou dikwels onkant en sy trek dikwels aan die kortste ent wanneer sy poetse bak of grappies maak. Haar talent is net so groot soos haar persoonlikheid. En sy is goed bekend met liefde en verlies. Sy was dertig jaar lank met die akteur Michael Williams getroud. Hy…

Sam is die eerste wat erken dat sy ’n obsessiewe persoonlikheid het. “Alles wat ek gedoen het, was obsessief. Drink, wat ek deur ooreet vervang het, en later dieet. Dit was nog altyd ’n geval van alles of niks. Matigheid is nie in my DNS nie.” Sy het in swem ’n oplossing vir baie van haar probleme gekry. Dit het alles begin toe ’n persoonlike afrigter eendag voorstel dat sy vir iets spesifieks oefen. “Jy oefen nou om weg te kom van vet, maar wat gaan jy doen as jy dit eers afgeskud het?” het hy gesê. Sy swem elke dag, tot nege uur per week, en ná haar ma se dood het swem ook haar terapie geword. “Jy kan nie in die water huil nie – probeer dit gerus.…

‘Ek kan heeltemal afskakel. Ek hoef aan niks te dink nie en boonop is jy in die natuur. Vir my is dit amper ’n vorm van meditasie’ Ryan Sandes was nog altyd baie mededingend. “Ek het veral teen myself meegeding en wou die beste wees wat ek kon wees. Ek sit van kleins af baie druk op myself.” Op skool by S.A.C.S in Kaapstad het hy geswem en waterpolo, krieket en rugby gespeel. Hy het vir die eerste keer aan die einde van 2007 sommer vir die pret saam met vriende aan die Knysnamarathon deelgeneem. Die volgende jaar het hy by ’n hardloopklub aangesluit en teen 2010 was hy die Four Deserts-kampioen en die eerste atleet tot nog toe wat eerste geëindig het in moordende wedlope deur vier woestyne (die…

Jy gebruik dit meestal sonder om te dink. Dis daar wanneer jy van vreugde wil bars, van frustrasie wil ontplof, lus voel om ’n bietjie te skinder – en natuurlik snags terwyl jy droom. Dis nou te sê as jý ook iemand is wat jou die maklikste in Afrikaans uitdruk. Party mense raak kriewelrig wanneer hulle hoor van ’n veldtog vir Afrikaans. Hierdie soort beweging kan mos gekenmerk word deur begrippe soos “oppas!”, “keer”, en “moet tog net nie ...” Dankie tog, taalinisiatiewe is nie almal so nie. Veldtog Afrikaans, waarvan elkeen wat radio luister, TV kyk, die drukmedia lees of op die Internet kuier van nou af gaan kennis neem, wil die wêreld met wydoop arms verwelkom pleks van om laer te trek. Ja, dit ís afgestem op die…

Esse Stigter Wetenskaplike Trevor Steyn. Wat maak die reeks anders? Ons liggame huisves honderde mikrobes (piepklein lewende bakterieë wat ook in onder meer grond en water voorkom) en Esse se fokus is om ’n gesonde vel mikrobiome (die gene van ’n groep mikrobes) te kry deur probiotiese en prebiotiese aanvullings sodat die goeie mikrobes kan vermeerder en lekker op jou vel kan bly om goeie velgesondheid te verseker. Esse is tans die enigste skoonheidsreeks wat lewende probiotika bevat. Plaaslike bestanddele Soveel moontlike wilde Afrikabestanddele en ook plaaslike gunstelinge soos rooibos, Kaapse kamille en aloe vera. Topverkoper Deep Moisturiser (R445). Probeer Esse Probiotic Serum (R1 200). Dit stel die vel in staat om vir homself te sorg en gesond te bly. Uitvoer Twintig lande. Koop by Spa’s en salonnne; produktelys by…

Willie van Rooyen Vir seker! Die dierekaperjolle laat ’n mens ontspan. Dis soos ’n vakansie en maak sommer jou hart ook warm. Maar dit herinner my ook daaraan dat ons mense ook maar baie keer soos “diere” optree. Liezel Louw Soms, hoewel ek nie regtig moeite sal doen om sulke video’s op te spoor nie. Dis goed vir stres en min dinge verlig die spanning soos die lag en plesier wat hul spontane reaksies jou verskaf. Charlotte Manuel Ek is ’n diereliefhebber en daardie oulike en verspotte toertjies is vir my baie snaaks. Dis lekker om te sien dat ’n dier ook maar ampertjies soos ’n mens kan wees.…

Volop natuurlike lig stroom deur die groot glasvensters die vertrek binne KONTRAS Enkele rustieke elemente skep warmte en kontras in die moderne kombuis Die ryk baksteenvloere skep warmte in die oorheersende koel kleurskema LANDELIK Houtbalke en baksteenvloere leef hier gemaklik saam met verrassende metaalelemente Wit is tydloos en klassiek – en tuis in ’n kombuis HOU BY WIT ’n Wit kombuis word ’n lekker knus leefruimte met ’n vuurherd, tekstuurryke stowwe en donker hout…

ALLESIN-EEN Mari-Louis Guy (Koekedoor- aanbieder) en haar broer Callie Maritz het lekker, maklike resepte vir elke dag in een POT•PAN• BAKPLAAT saamgevat. Alles gemaak in net een skottel, pan of pot. ’n Staatmaker om op jou kombuisrak te hou. Kry dit by die meeste boekwinkels teen R280. ONS DRINK NOU Idiom Sangiovese 2012 moet een van die beste wyne wees wat ek al geproe het. Die wyn het ’n goeie struktuur en die aromas en tekstuur is perfek gebalanseer. Idiom Sangiovese het spesery-ondertone met donker rooivrug, tabak en sederhout wat op jou tong speel. Bestel regstreeks van die wynplaas af by www.idiom.co.za  teen R224,99 per bottel. GEFERMENTEERDE DRANKIES Net soos gegiste kosse en groentes, is drankies wat gefermenteer word ook groot nuus. Dié drankies is ook goeie bronne van…

Naakfoto’s wat jy twiet of aanstuur, is pornografie en is ’n strafbare kriminele oortreding Daardie whoopee-kussing op die juffrou se stoel, of toktokkie speel met die bure se voordeurklokkie het jou ’n geslag of twee gelede ses van die bestes of eindelose detensie besorg. Deesdae se kinders is net so laf en ondernemend. Maar hul poetse, wat dikwels op sosiale media geskied, kan tot ’n kriminele rekord lei en poetsslagoffers kan selfs selfmoord pleeg. Die reël is: As jy dit nie op ’n koerantvoorblad wil sien nie, moet dit nie op sosiale media uitblaker nie. “Kinders bly kinders. Hulle is onverantwoordelik en maak foute,” sê Emma Sadleir, ’n prokureur wat in sosiale media spesialiseer. “Ek werk daagliks met skole oor die risiko’s verbonde aan sosiale media, en het al kinders…

THE PRISON BOOK CLUB Ann Walmsley (JBall) Die boek – met die aangrypende omslag, losweg ’n interpretasie van tronktralies wat “mooi” kan word – is gegrond op die ware verhaal van Ann Walmsley wat ná ’n gewelddadige rooftog gevra word om by ’n boekklub aan te sluit. Maar dis ’n klub met ’n verskil: Dis in die tronk. Geen kaas en wyn nie, maar mans wat diep sielkundige wonde en ’n misdaadgeskiedenis het. Deur die jare is werke soos The Incident of the Dog in the Night-time en The Grapes of Wrath gelees en bespreek. In haar boek volg sy die groei van ses karakters, asook die rol wat die boekklub gespeel het om ’n deel van hulself te herstel. Die besonderse boek, wat vir vele pryse benoem is, fokus…

I STILL DO – ERIC CLAPTON. DIE MAESTRO HET SY MOJO HEELTEMAL HERWIN, AS DIT OOIT WEG WAS. HIERDIE NUWE CD VAN “SLOW HAND”, IS HOENDERVEL-GOED EN EEN VAN DIE BESTES VAN SY LOOPBAAN. DIE ERNS EN TEERHEID, DIE BLUES WORD MET ELKE SONG DEEL VAN JOU. DIT IS VERGELYKBAAR MET SY MEESTERLIKE UNPLUGGED. AS JY NET TWEE CLAPTON-ALBUMS OP JOU RAK HET, IS DIT DIÉ TWEE. OPTICS– ELVIS BLUE. “NOU DIE DAG SIT EK TUIS EN ONTHOU HOE EK NOG ’N PAAR JAAR GELEDE VIR GELD MOES BEDEL OM ’N CD TE MAAK, EN HOE ANDERS DINGE NOU IS. EN HOE BEVOORREG.EK WEET NIE WAT MENSE VOEL WANNEER HULLE NA MY MUSIEK LUISTER NIE, MAAR EK WEET DAT EK ALLES VAN MYSELF DAARIN SIT … ”…

OPENBARE BELANGSTELLING IN FRANÇOISE WAS DIKWELS HOOFSAAKLIK VANWEË HAAR VERHOUDING MET PICASSO EN HAAR VRIENDSKAP MET MATISSE. DIT HET HAAR GRENSLOOS GEÏRRITEER EN SY HET BEWUSTELIK ’N EIE STYL ONTWIKKEL.SY WOU AS HUL GELYKE BEKEND STAAN Françoise Gilot was die artistieke muse van die Spaanse kunstenaar Pablo Picasso, sy minnares en metgesel, maar altyd sy gelyke. Want dit is wat sy wou wees: ’n kunstenaar uit eie reg. Françoise is in 1921 in Neuilly-sur-Seine, Frankryk, as enigste kind van Emile en Madeleine Renoult-Gilot gebore. Sy het in ’n milieu van kuns en wetenskap grootgeword. Haar pa was ’n sakeman en landbouwetenskaplike en haar ma ’n waterverfskilder. Emile was genadeloos streng en dominerend. Hy het die linkshandige Françoise byvoorbeeld gedwing om met haar regterhand te leer skryf. Om dié rede is…