Innholdsfortegnelse for Junie 2016 i Rooi Rose

EK LEES DIE ARTIKEL van Anet Schoeman oor die positiewe gevolge wat ’n asemskep-sabbatstydjie vir jou loopbaan kan inhou, en ek word verlei deur die heerlike beelde in my kop van wat ék met so ’n wegkomkans sou wou doen: Ontsnap aan die eise van die warm stoel waarop ek sit, verantwoordelikhede oorgee aan ander, wat dan sal lei tot ’n algehele oorgawe aan die vreugde van rus en ontspanning en tyd vir myself. Ek verbeel my al die salige wegval van die tikkende metronoom in my kop wat die take aftel na die afloop van spertye wat mekaar met wrede onontkombaarheid opvolg ... Toe lees ek Mariëtte Crafford se relaas oor haar grootwordtyd en my kop skiet vol herinneringe oor my eie en die beurte wat in my eie…

‘Ek wil my kinders leer dat hulle nie bang vir nuwe ervarings moet wees nie, dis eerder iets wat gevier moet word’ Hoe gaan dit deesdae by die huis? Ons huislike lewe is groot pret. Wanneer ek op ’n ander plek moet gaan werk, kom my vrou en kinders saam. Ek het onlangs ’n ruk in Calgary, Kanada, geskiet en ons het in ’n woonwa in die middel van die wildernis gebly. Dit was ’n geleentheid vir die kinders om meer oor die natuur te leer. Ons neem geen speelgoed saam nie - hulle speel met die goggas en slange en alles wat hulle in die natuur kan beetkry. Hulle is mal daaroor. Dis dalk nie elke gesin se idee van pret nie, maar ons sien dit as ’n geleentheid…

‘VANDAT ONS DIE EERSTE KEER SAAMGESING HET, HET DIT NET MUSIKAAL GEWERK. GELUKKIG HET ONS PERSOONLIKHEDE OOK DADELIK GEKLIEK’ Ek ontmoet Lianie May, haar verloofde en bestuurder, Barry Lubbe, en Jay vir koffie, en ek verstaan dadelik hoekom party van hulle aanhangers dink Lianie en Jay is ’n paartjie. Hulle skerts en terg en gesels soos mense wat regtig goeie vriende is en mekaar goed verstaan. “Ons doen!” beaam hulle toe ek vra. “Ons is groot vriende weg van die verhoog af, en ek en Mia, Jay se vrou, is groot pêlle. Wanneer sy by ’n vertoning is, is dit heerlik om net ’n slag weer met ’n vrou te kan kuier – dis lekker afwisseling van al die mans in my wêreld,” sê Lianie. Hulle het selfs byname vir…

Hoekom sit daardie kinders pouses so eenkant?” wou Topaz tien jaar gelede by ’n skool in Soweto weet. “Hulle het nie kosblikke nie en wil nie kyk hoe die ander kinders eet nie,” het die antwoord gekom. Dié antwoord het dié beeldskone top- Suid-Afrikaanse model, wat deesdae in New York woon, geïnspireer om in 2005 The Lunchbox Fund te stig. Topaz was onlangs in die land om die eerste dekade van die fonds te vier. “Daardie antwoord het my destyds soos ’n ton stene getref. Daar is elke dag miljoene kinders wat sonder kos skool toe gaan. My eerste gedagte was: Dis waansinnig. Ons moet daardie kinders kos gee!” Sy wou aanvanklik elke honger kind in die land begin voer, maar gesonde verstand en goeie beplanning het geseëvier: Sy het…

Sean-Marco se naam is deur een van sy ooms, Dirkie Pienaar, gekies. Die dubbeldoornaam het al vir prettige situasies gesorg, want mense dink dikwels Marco is sy van. Hy is nie vol fiemies as dit by kos kom nie. “Onthou, ek was in die koshuis! Daar is min dinge waarvan ek nie hou nie. As ek nou regtig een ding moet kies, sal dit seker ’n kaas-enspek-burger wees, maar daar was wel een ding wat net te erg vir my was: gebakte springbokkop. Dit het my maar net weer daaraan herinner dat ek eintlik ’n stadsjapie is.” Hy kook graag. “Maar ek het nog baie om te leer!” Soos wat jy van ’n Kapenaar verwag, is rooiwyn sy gunstelingdrankie. Hy is dol op al die nuwe plekke wat hy saam…

Luukse LEER Hierdie stewels van luukse, sagte leer is spesiaal gemaak om jou voete te ondersteun en beskerm. LEERSTEWELS (R2 399) GREEN CROSS. ’n Sweempie VINTAGE THOMAS SABOHORLOSIE (R6 225) TREGER BRANDS JEWELLERY COMPANY. BLINK kant bo Hierdie T-hemp met sy blinkertjies vier die feestelikheid van die jare sewentig. Dra die hemp bedags by ’n midi-romp, of saans by ’n swart wyepypbroek. Die vuilpienk saalsak van Studio W wat met gemak oor jou skouer gedra kan word, is nie oorgroot nie, maar ideaal wanneer jy meer as die noodsaaklike goed moet saamdra.…

1 Besluit watter soort onderlaag jy wil hê: mat of glansend; ligter of swaarder dekking; met ’n sonskerm of nie - Morag Steyn, nasionale grimeerkunstenaar vir Catrice. 2 Weet wat jou veltoon is: warm (gelerige ondertoon) of koud (pienk ondertoon; jy bloos maklik, of lyk pienkerig ná ’n glas wyn of twee) en kies jou onderlaagkleur hiervolgens. “As jy ’n pienkerige/koue kleur het, kies koel skakerings soos sand en porselein,” sê Cheryl. 3 By die winkel: Kies drie skakerings: een wat jy dink jou kleur is, en een donkerder en een ligter. 4 Vee enige grimering af (hou grimeerverwyderingslappies in jou handsak as jy nie sonder grimering wil winkel toe gaan nie) en wend drie strepe met die drie verskillende kleure op jou kaak en wang aan. Die kleur wat…

GEURE van ’n somer As ek na warm somersdae verlang, troos ek my met ’n spuitjie van TOM FORD SE FLEUR DE PORTOFINO EDP (R2 325 VIR 50 ML). Die Tom Ford-geure is maar te geneig om swaar te wees maar Portofino het die heerlike, ligte blommegeur van ’n oorvloed wit akasiablomme en note van sitrus. SUZANNE Vir ’n DROË wintervel Ek gebruik gewoonlik in die wintermaande vitamien A wanneer my gesig droog voel. My vel drink behoorlik die SKINCEUTICALS TRIPLE LIPID RESTORE 2:4:2 ANTI-AGING LIPID REPLENISHMENT TREATMENT (R2 450) in. Die produk bevat ’n kombinasie van seramiede, cholesterol (die goeie soort!) en vetsure. Dié bestanddele is deel van die lipiede wat in die boonste lagie van die vel, die epidermis, voorkom en help om die vel se sperfunksie te…

ROSE’S EN ROOIBOSPONS GENOEG VIR 2.5 L 250 ml (1 k) aangemaakte Rose’s Lemon Flavoured Cordial 1 liter (4 k) sterk rooibostee, afgekoel 1 liter (4 k) aangemaakte Rose’s Passion Fruit Flavoured Cordial 125 ml (½ k) brandewyn 45 ml (3 e) lemoenlikeur 1 lemoen, in ringe gesny lemoenskillinte, kaneelstokkies en vars kruisement vir garnering 1 Gooi die aangemaakte Rose’s Lemon Flavoured Cordial in 24 ysblokkievorms en vries tot hard. 2 Meng die rooibostee, aangemaakte Rose’s Passion Fruit Flavoured Cordial, brandewyn en lemoenlikeur in ’n groot glasbeker. Voeg die lemoenringe by en dan die Rose’s Lemon Flavoured Cordial-ysblokkies. 3 Tooi die glase met die lemoenskillinte, kaneelstokkies en vars kruisement www.rosescordial.co.za  Facebook: Rose's Cordial South Africa Instagram: @rosescordial Gaan na rooirose. co.za  en kyk hoe die ‘rooi…

KAASKUNS RICOTTA SOWAT 900 G 1 Voer ’n sif met ’n nat kaasdoek van sowat 30 cm x 20 cm uit, of gebruik ’n skoon kombuisdoek. 2 Sit die sif oor ’n groot bak. 3 Meng 3 liter (12 k) volroommelk, 375 ml (1½ k) vars room, 375 ml (1½ k) jogurt en 10 ml (2 t) sout in ’n groot kastrol. 4 Bring tot kookpunt en roer deurentyd. 5 Kook vir 2-3 min. of tot die melk skif. 6 As die melk ná ’n rukkie nog nie geskif het nie, voeg 30 ml (2 e) suurlemoensap by om die proses aan te help. 7 Trek van die hitte af en laat afkoel. 8 Gooi die melk deur die kaasdoek. Die sif mag nie aan die wei-water raak nie. Gooi…

DIE NUWE WAFEL Almal hou van wafels met roomys maar nou kan jy ook aan soutwafels smul. ’n Mens sien dié nuwe gier al meer op spyskaarte en ook oral in internasionale tydskrifte soos Donna Hay. Kies enige bolaag soos bros gebraaide spek, salm en roomkaas, of gebraaide sampioene en mascarpone. Kry ons lekker aartappelwafelresep by rooirose.co.za Geureskatte uit die Kaap Cape Treasures is bekend vir sy reeks geurmiddels en souse. Ons hou veral van die gerookte sout met uie en knoffel en die eikehout gerookte olyfolie. Produkte is by hul aanlynwinkel verkrygbaar (www.turqle.co.za) en ook by Kamers (1-5 Junie in Kaapstad) vanaf R25 vir die soute tot R35 vir die souse. Feestelik Frans Die Storie van ’n Huis, Fabels en Feeste van La Creuzette is ’n pragtige versamelkookboek. Dit…

Die Kansa-geselligheid wat rooi rose in samewerking met verskeie borge aanbied, het nie net ’n groter bewustheid van kanker geskep en broodnodige geld vir die vereniging ingesamel nie, maar ook in statuur en styl gegroei. Elke jaar kom sit al meer Kansa-ondersteuners by die teetafels aan. Danksy die gasvroue wat elkeen volgens ’n gegewe tema ’n teetafel vir tien dek (kompleet met teestelle, blomme, versierings en eetgoed) en dan kaartjies aan hul gaste verkoop, is dit ’n swierige en vrolike affêre. Yolanda Maartens Brown, bekende vermaakpersoonlikheid, is ons gasspreker. Sy het onlangs haar radiowerk laat vaar en wil nou die drome waar maak van kinders wat ’n pad met kanker en ander lewensbedreigende siektes stap. Kom luister gerus hoe sy vertel dat jy jou soms bevind in plekke waar jy…

Vandeesmaand is “haaie” ons tema om by ons skrywer van die maand aan te sluit. As jou boekklub al die vrae reg beantwoord, kry julle die boeke in hierdie uitgawe van Rooiwarm, geskenk deur Graffiti. Stuur jul antwoorde na roneln@caxton.co.za met “Junie-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur ook jou boekklub se naam; posadres en selnommer! Moeilik? Google dit … Vrae 1 Jaws, die fliek. Skrywer, regisseur? 2 Wat is die grootste vis (haai) in die see? 3 “Haaie is wilde diere en geweldig kragtig maar die kanse is groter dat jy in jou kombuis deur jou brood-rooster doodgeskok sal word as om in ’n haai-aanval te sterf!” Watter omgewingsaktivis en akteur het dit gesê? 4 Watter groep het die treffer…

Die skrywer van vandeesmaand se wenbrief kry ’n Engelsrufer Tear of Heavenroosgoudhangertjie van R5 500. Engelsrufer se Tear of Heaven-reeks is ’n simbool van vrede en kan balans en harmonie in jou lewe bring. Hier is die ideale geskenk vir ’n spesiale geleentheid. Kyk by www.engelsrufer.co.za of volg Engelsrufer South Africa op facebook. *Die wenhangertjie kan verskil van die een op die foto. LAG EN HUIL “Herinneringe aan vergeetsiekte” ( rooi rose, April 2016) is die mooiste storie wat ek in jare gelees het! Ek huil dat die trane loop, dan lag ek deur my trane en huil weer. Ons moet ons geliefdes koester terwyl ons die geleentheid het, en deernis hê vir dié wat ongesteld is. Dankie Carina Stander vir die pragtige skets. Lenie Oberholzer BOEREHEMEL Afrikaans is ’n…

Wat beteken jou pa vir jou? Het jy ’n spesiale boodskap vir jou pa vir Vadersdag? Amorie Kemp (48), permanente grimeerkunstenaar, Pretoria-Oos Die dag toe ek die sterkste man tot nog toe in ’n hospitaalbed sien wegkwyn, was die seerste dag in my lewe. Hy was altyd daar vir my. Nou het ek net ’n ou sakdoek van hom wat ek in my handsak dra. Wanneer die verlange so seer raak, haal ek die sakdoek uit en ruik my pa. Hy het my waardes geleer wat ek aan my kind kon oordra. Hy was en sal altyd my held bly. Lynn Scott (30), sosiale bemarkingspesialis, Kaapstad My pa was my rots. My held. My wêreld het in duie gestort die dag toe hy oorlede is. Maar ek vier ook 27…

Matthew McConaughey is so sensueel en verleidelik soos druppende heuning op ’n warm dag. Sy ligblou oë kyk dwarsdeur jou en dan is daar nog daardie sexy, dralende Texas-aksent en ’n Iyf wat getuig van ’n liefde vir die buitelewe. Selfs sy liggaamshouding is sexy. Hy sit gewoonlik met sy bene wyd uitmekaar terwyl hy stadig op sy stoel ry en met sy hand oor sy bolyf streel. Hy doen dit nie bewustelik nie, maar dis nietemin boeiende kykstof. Hy wou niks daarvan weet om soos sy twee broers sy pa se olie-onderneming by hom oor te neem nie. Die ligte het gewink en in 1993 het hy in Dazed and Confused sy eerste verskyning op die silwerdoek gemaak, maar dit was eers drie jaar later met die John Grisham-f1iek,…

As jy Anne Hirsch (32) al op ’n verhoog in aksie gesien het, sal jy weet sy is bitter snaaks. Die beste is dat sy nie eens ’n woord hoef te sê nie – haar lyftaal en gesigsuitdrukkings laat vanself die lagtrane rol. Sy wou nooit aktrise word nie, vertel dié Kaapse komediant. “Maar ek was wel mal daaroor om my ouers te dwing om deur lang konserte te sit,” skerts sy. “Ek wou eintlik rock ’n roll sing, of tromme speel, soos alle kinders seker maar.” Net jammer, sê sy droogweg, dat sy nooit enige talente in dié rigting gehad het nie. Sy is ’n enigste kind. “Ek moes nogal kreatiewe maniere kry om myself besig te hou. Ek was kleintyd redelik goed in sport. Onthou, my een oupa…

Ek het nog altyd ’n sagte plekkie vir die underdog gehad en gedink dat ek reg en geregtigheid kan laat seëvier deur ’n prokureur te word,” vertel Bettina Wyngaard, Kaapse regsgeleerde en skrywer. Sy het op Grabouw in die Wes-Kaap grootgeword en deesdae woon sy weer daar. “Ná my studie aan die Universiteit Stellenbosch het ek lank in Grahamstad en daarna in Kaapstad gewerk. Ek het die stedelike gejaag en onper- soonlike manier waarmee mense mekaar behandel - soos ek dit veral in Kaapstad ervaar het - verfoei. Ek het byvoorbeeld ’n jaar in Kaapstad in ’n woonstelblok gebly en my bure nooit met ’n oog gesien nie. Tuinmaak in potte werk ook nie regtig vir my nie.” Deesdae is sy ’n regskonsultant wat kerke, nie-regeringsorganisasies en ander instellings adviseer.…

Die regte aanwending Hetsy met ’n sponsie, vingers of kwas. Begin altyd in die middel van jou gesig en werk afwaarts en uitwaarts. As jy opwaartse hale gee, sal dit die haartjies op jou gesig beklemtoon. Kyk by rooirose.co.za hoe om onderlaag reg aan te wend. BEAUTY BLENDER PURE (R398). GLADDE, NATUURLIKE AFWERKING. MAAK DIE SPONS EFFENS KLAM, SIT ONDERLAAG OP DIE AGTERKANT VAN JOU HAND, DRUK DIE SPONS DAARIN EN DAN AAN JOU GESIG. SO GEBRUIK JY MINDER ONDERLAAG OMDAT DIE KLAM SPONS NIE ONDERLAAG ABSORBEER NIE. GLOMINERALS FINISHING SPONGE (R71). KOM LEKKER BY ALLE HOEKIES BY. LIGTE AFWERKING. GLO MINERALS DUAL FOUNDATION CAMOUFLAGE BRUSH (R470). LIGTE TOT MEDIUM DEKKING. KLEINER KWASSIE AAN DIE ANDER KANT, IDEAAL VIR VERBLOEMER. CLAIRE’S 2 ENDED FOUNDATION BRUSH & SPONGE (R123, CLICKS). MEDIUM…

‘Dit was ’n wonderlike geleentheid, ek voel soos ’n rolprentster!’ Diamantina was een van die gelukkige lesers wat ’n “nuwe voorkoms” by die Garnier-leserdag gewen het. Diamantina is kort en fyn gebou, en sê sy is onseker oor die regte klerestyl wat vir haar lyf werk. As jy soos Diamantina korter is, kies ’n rokkie soos dié een van COUNTRY ROAD (R1 199, WOOLWORTHS) met donker kouse en DONKER SKOENE (R499, CALL IT SPRING). Dra ook een kleur van kop tot toon, dit verleng jou silhoeët en skep die illusie van ekstra lengte. Te veel verskillende skakerings kan jou silhoeët blokkerig en selfs nog korter laat lyk. Diamantina kan hierdie voorkoms vinnig na ’n gemaklike naweekvoorkoms verander met ’N DENIMBAADJIE (R999, POETRY) EN ENKELSTEWELS MET ’N EFFENSE HAK wat ekstra…

Kaapse wegbreek Die boetiekwynlandgoed Webersburg bied elegante Kaaps-Hollandse vyfsterverblyf en bekroonde wyne aan. Die landgoed is ideaal vir troues, konferensies en korporatiewe geleenthede. Behalwe geregte wat in die Webersburg SugarBosch Bistro voorgesit word, is fynproewer-pieknieks, wat in die pragtige tuin langs die dam geniet kan word, elke Sondag op bestelling beskikbaar. Meer inligting: www.webersburg.co.za of www.facebook.com/Webersburg en Twitter en Instagram: @Webersburg. Die prys sluit akkommodasie vir twee nagte gedurende die week, ontbyt, Webersburg-wyne (een van elk: Cabernet Sauvignon, Sauvignon Blanc, Webersburg Blend, MCC Rosé) in. Besprekings hang van beskikbaarheid af. Geldig tot 31 Augustus 2016 1 rooi rose- leser en ’n metgesel kan ’n wegbreek by Webersburg ter waarde van R10 500 wen. Sleutelwoord: Webersburg Gesonde happies Welwees vir besige mense was nog nooit so lekker nie. Teken net in…

Salies vorm ’n groot deel van die mentfamilie en blom van laatwinter tot in die herfs. Skoenlappers en voëls hou daarvan om die soet nektar uit die diep kele van die strandsalie te drink Dit lyk asof die gesondheidsvoordele van salies eindeloos is. Egiptiese vroue het salie gedrink vir vrugbaarheid. Die Chinese het dit so waardevol geag dat hulle vier maal die gewig tee vir salie geruil het. Toe Europeërs hulle hier kom vestig, het hulle perdesalie (S. africana-caerulea) en Engelsesout vir maagkwale soos koliek, diarree, winderigheid, sooibrand, maagkrampe en swak spysvertering gebruik. Die Khoisan het dit vir hoeserigheid en verkoues gebruik. Gemeng met kattekruie (Ballota africana) help dit vir koors en masels. SALIETEE Margaret Roberts se resep vir salietee: Laat trek 1 eetlepel vars salieblare vir 5 minute op…

ROMERIGE SEEKOS-CHOWDER GENOEG VIR 8 MENSE 30 ml (2 e) PnP Ekstra Suiwer Olyfolie 125 g PnP Repiesspek 1 PnP Ui, gekap 2 PnP Knoffelhuisies, gekap 500 g PnP Aartappels, geskil en in blokkies gesny 1 liter (4 k) PnP Hoenderaftreksel sout en peper 2 PnP Heel Soetmielies 250 ml (1 k) PnP Vars Room 500 g PnP Ocean Fillets (stokvis) in stukke gesny 250 g bevrore seekosmengsel hand vol PnP Pietersielie, gekap 1. Verhit die olyfolie in ’n groot kastrol oor matige hitte. Braai die repiesspek vir 5 min. daarin tot bros. Haal uit en hou eenkant. 2.Braai die ui en knoffel vir 5 min. tot sag in dieselfde pan. Voeg die aartappels en hoenderaftreksel by. Geur met sout en peper. Bring tot kookpunt, verlaag die hitte en laat…

Met etenstyd het ons tafel gedek, afgedek, skottelgoed opgewas, afgedroog en weggepak Beurt” is een van die eerste woorde wat ek naas “asseblief” en “dankie” aan moedersknie geleer het. Nie “beurt” wat in verband staan met elektriese “beurtkrag” nie, want op ’n werf in ’n afgeleë deel van die land, het ons in elk geval nie ons nagtelike bestaan in die helderte van elektriese ligte gevoer nie. Dit was in die gloor van olielampe en kerse dat ons ná sononder huis- werk gedoen en stories gelees en ons ouers aan lou pype getrek en met hekellappies gevroetel het. Ook nie “beurt” in die sin van krieket se “boulbeurt” nie, want in die Diep-Boesmanland het die manne rugby gespeel en tougetrek. Krieket was gans te uitlands. Tog was “beurt” van kleins…

MOORDVIS Irna van Zyl (Penguin) Die gesoute joernalis Irna van Zyl se debuutriller, Moordvis, is binnekort op die rakke. Sy het in 1995 met ’n versameling kortverhale, Grootmensspeletjies, gedebuteer. Moordvis speel hom op die fiktiewe dorpie Grootbaai naby Hermanus af. Grootbaai, die haaiduikhoofstad van die wêreld, is die plek waar speurder Storm van der Merwe haar opwagting maak. Storm ry ’n Volla, sy is aan die kort kant, sy is versot op diere en sy word aan die diep kant ingegooi toe ’n lyk minus ’n arm op die strand uitspoel. Sy kom gou agter dat die stand van sake op Grootbaai selfs gevaarliker as haaiduik is – sonder die hok! Uitgewersprys R250 rooi rose R225 GOEIE DOOD WAT SAGGIES BYT Ilse van Staden (Protea) Dié bekroonde digter se eerste…

MAHAI – HERMAN BERGMAN. ONS LEWER WERKLIK VAN DIE BESTE KITAARSPELERS OP. DINK MAAR AAN NIBS VAN DER SPUY EN ALBERT FROST. EN NOU KAN JY HERMAN B. BYVOEG. DIE INSTRUMENTALE ALBUM IS VAN DIE BOONSTE RAKKE, GEVOELIG, EN GENOTVOL. DIE DIEPTES LÊ IN SY SNAARBESKRYWINGS VAN EG SUID-AFRIKAANSE LANDSKAPPE. RZA3 – KAREN ZOID EN ANDERE. DIE DERDE VOLUME TREFFER- SONGS UIT DIE REPUBLIEK VAN ZOID-AFRIKA IS PAS UIT. WEER EENS IS DIE VERSKEIDENHEID LIEDJIES EN KUNSTENAARS INDRUKWEKKEND. KZ TREE OP SAAM MET MUSIKANTE SOOS SNOTKOP, EMO ADAMS, LESLIE JAVAN, JUANITA, ASOOK KOOS KOMBUIS, MYNIE GROVÉ EN JANNIE MOOLMAN. DIS MOOI EN DIS LEKKER! COLLABORATOR – RIAAN NIEUWENHUIS. NÁ DIE SUKSES VAN SY VORIGE TWEE ALBUMS, IS RIAAN SE JONGSTE WEER VOL VERRASSINGS. DIE…

SPANWERK Deur ’n klaskamervenster het ek vandag iets aangrypends waargeneem. Langs die klaskamer (op die tweede verdieping), groei ’n ietwat misvormde maar hoë boom. In ’n mik gewaar ek ’n groot (slordige!) stokkiesnes. Twee hadidas is ywerig besig om die karige nes te konstrueer. Met ’n lomp sekelbek het die mannetjie aan boomtakkies geruk-en-pluk, terwyl die wyfie geduldig en kundig probeer weef. Hulle het soos twee oumense in oorgrootjasse saamgesnawel aan hul bouprojek. Sover ek weet, karring van die voëlspesies se wyfies die nes uitmekaar om te toets of dit goed genoeg is, maar hier was daar duidelike spanwerk. My keel het sommer toegetrek terwyl ek wurg aan die vraag: Hoekom kan die mens nie ook so mooi saamwerk nie? Ons skrop ’n ander se werk aan flarde met negatiewe…

WEN WEN volronde ROOIWYN Jy kan een van 15 Van Loveren Merlotgeskenkpakke ter waarde van R500 elk wen. Gee jou mening en WEN Wat wil jy alles oor tuinmaak weet? Gee jou mening en jy kan ’n Canon PowerShot SX410-kamera ter waarde van R2 499 wen. Ons wou weet WATTER PLANTE KOM DIE MEESTE IN JOU TUIN VOOR? BLOMME 39% VETPLANTE 35% GROENTE 17% VARINGS 9% WAT IS JOU PAASFEESGUNSTELING? KERRIEVIS 34% PAASBOLLETJIES 29% SKAAPBOUD 21% PAASEIERS 16% WATTER KLEUR LAAT JOU DIE MEESTE AAN HERFS DINK? ORANJE 52% BRUIN 34% GEEL 9% ROOI 4% OP WATTER MANIER KUIER JY EN JOU FAMILIE MEESTAL? ONS BEL MEKAAR 42% ONS BLY NABY MEKAAR EN SIEN MEKAAR GEREELD 42% ONS HOU GEREELD FAMILIEBYEENKOMSTE 8% ONS HOU SAAM VAKANSIE 8% Lyk en voel…

‘As jy nie te veel oor jou uiterlike bekommerd is nie, het jy meer pret’ Weet jy, ek is nou baie gemakliker in my vel as wat ek ooit was. Toe ek destyds in die kollig was en die Mej. Heelal-titel gewen het, het almal iets oor my voorkoms te sê gehad. Ek het te veel kurwes gehad, ek was te groot ... Dis nogal ironies, want ek weeg op die oomblik nie veel minder as toe nie, maar nou sê mense weer ek is te maer. Toe ek 55 word, het ek besef my lyf gaan van nou af baie verander en ek het vir oulaas foto’s van my in ’n swembroek laat neem. Heelwat mense se reaksie was dat ek darem té maer is. Al daardie babavet het…

•  Matthew David McConaughey is op 4 November 1969 gebore, die jongste van drie broers. •  Matthew was ’n kranige gholfspeler in sy jonger dae. •  Hy het ’n oudisie gedoen vir die hoofrol in ‘Titanic’ (1997), maar Leonardo DiCaprio het daarmee weggestap. Nadat hy en Sandra Bullock saam in A Time to Kill (1996) verskyn het, het hulle twee jaar lank uitgegaan. Matthew is sedert 2012 heel gelukkig met Camila Alves getroud. Hulle het drie kinders, Livingston (3), Vida (6) en Levi (7). Hy het 22 kg vir sy rol in Dallas Buyers Club afgeskud. Hy was ’n cowboy wat MIV/vigs gekry het. Hy is vir die rol met ’n Screen Actors Guildtoekenning, Golden Globe en Oscar bekroon. Hy het die Just Keep Livin Foundation gestig wat tieners help…

Anne se aanlynreeks, The Anne Hirsch Show, is tans in sy vyfde seisoen. “Dit het in 2012 ontstaan toe ’n paar van my vriende uit die rolprentbedryf my gebel het en gesê het ‘kom ons doen iets sommer net vir die lekkerte’. Celebrities het my nog altyd gefassineer, en om onderhoude met glansmense te doen het vir my tog te lekker geklink. “Ek het al ophou tel hoeveel gaste ons al gehad het.” Van die gaste wat al kom “saamspeel” het (soos Anne dit noem) sluit in Riaan Cruywagen, Helen Zille, Marc Lottering, Zelda la Grange, Gareth Cliff, Jack Parow en Karen Zoid. Die program lyk dalk na ’n klomp pret, maar dis harde werk. “Veral as jy dit in jou spaartydjies doen. My wonderlike span by Zootee Studios redigeer…

Die 24-jarige Kapenaar, ’n oudleerling van die Hoër Jongenskool in die Paarl, se nuwe werk neem hom na die interessantste uithoeke van ons land. Boonop geniet hy elke oomblik voor die kameras. Dis nie die eerste keer dat Sean-Marco sy lyf aanbieder hou nie. Hy is ’n opgeleide akteur en was voorheen te sien op Naweek, ’n SABC3-joer-naalprogram. Hy is dol op sy nuwe werk: “Dis kosbare lewenservaring! Al die interessante mense wat ek ontmoet en die kennis oor ons land en sy mense en ons kultuur is goud werd. Ek het ook nog nooit so baie oor myself geleer soos in dié werk nie.” Vertel ons van jou kinderjare ... Ek het in Durban- grootgeword. Dit was fantastiese kinderjare, want ons het nie tegnologie gehad wat ons lewe oorheers…

VINTAGE-ROKKE Dra ’n mans-geïnspireerde jas by vintage-rokke. Langer stewels - hoër as knielengte - sal die rok ’n moderne voorkoms gee. Jy kan dit ook saam met lang sokkies en Mary Janes dra. Die diagonale strepe van die rok is baie verslankend. STRIKBLOES Hierdie kraakvars wit bloes met die groot strik sal vir seker ’n stelling maak. Jy kan ’n heeltemal ander voorkoms skep wanneer jy die bloes by ’n wye romp en knielengte stewels dra. Romp EN trui Dis nou hoogmode om ’n romp en ’n trui bymekaar te dra. Die romp kan wyd of noupassend wees, solank dit net onder jou knieë en bokant jou enkels sit. Die trui moet verkieslik van ’n ligte stof gebrei wees. BLINK As jy van blink hou, is dit die jaar vir…

STAP 1: Berei jou vel voor ’n Voorbereidingslagie (primer) is dalk ’n ekstra uitgawe, maar jy gebruik soveel minder onderlaag as jy eers dié lagie aanwend. Wend dit met jou vingerpunte of ’n kwas aan, maar moenie te veel gebruik nie - ’n ertjiegrootte druppel is al wat jy nodig het. Jy kry verskeie soorte voorbereidingslagies, van dié wat rooiheid verbloem (en gewoonlik ’n groenerige kleur het), glans gee (meestal ’n pienkerige kleur), of dié wat help met donker vlekke of die beheer van olie. STAP 2: Tyd vir onderlaag “Die gulde reël as dit by onderlaag en ’n jeugdiger voorkoms kom, is om baie min te gebruik. As jy te veel gebruik, dam die ekstra onderlaag in jou plooitjies op. Sodra jy jou gesigspiere gebruik, beweeg jou vel oneweredig…

‘Jonathan sal Joop goed verteenwoordig. Sy invloed, charisma en goedhartigheid val jou al met die eerste ontmoeting op’ JOOP SE HANDELSMERKBESTUURDER, CHRISTINE BEKKER Dis alte duidelik hoekom Jonathan Boynton-Lee gekies is as die Suid-Afrikaanse ambassadeur vir JOOP! HOMME EXTREME (R785 VIR 125 ML; R575 VIR 75 ML). Hierdie akteur en Top Billing-aanbieder het met manne soos Izak Davel, Vuyo Dabula, Mthokozisi Yende en Cyprian Ndlovu om die titel meegeding. ALLES in 1 Hier is ’n slim idee vir ’n Vadersdaggeskenk! ’n Sleutelhouer met ’n naelknipper, naelvyl (perfek vir die skoonmaak van jou naels ook), ’n neushaarskêrtjie en ’n nuttige sakmes. TWEEZERMAN POCKET MULTI-TOOL (R500) DIS-CHEM. Warm en koud Die nuwe weergawe van BVLGARI MAN BLACK COLOGNE EDT (R1 060 VIR 60 ML; R1 480 VIR 100 ML) is ’n…

Annemarie Wessels Ek is volgende jaar sewentig. Dit voel onwerklik. Wanneer ek soggens vroeg op my stoepie sit, sê ek altyd: “Dankie Vader, dat ek U handewerk kan aanskou - wat ’n voorreg.” Ek glo dat jy na jouself moet kyk, gesond eet, stap, en dat ouderdom net ’n nommer is. ’n Positiewe uitkyk op die lewe is baie belangrik. Ek doen nog alles wat ek voorheen gedoen het, maar met permissie gesê, net effe stadiger! Ouer word het vir my ’n sin van waardering gegee, alles is net geleen, tyd is kosbaar, gryp dit aan. Dis net genade. Lynn Scott Ja, ek was bekommerd oor wat op my wag. Op 27 het ek besef dit is tyd om rigting te kry, en op dertig het ek soveel meer insig…

Die gemiddelde vrou kritiseer haarself agt keer per dag. Dis die skokkende bevinding van ’n Britse studie deur die dieetorganisasie Weight Watchers. En asof dit nie erg genoeg is dat ons geslag so krities is op onsself nie, het die meeste vroue wat aan die navorsing deelgeneem het, erken dat hulle sommer vroegoggend al met die selfkritiek begin. Minstens die helfte van die tweeduisend vroue wat deel was van die navorsing, begin sodra hulle wakker word, en teen 9:30 het die meeste hulself al oor iets gekritiseer. Dertien van die twintig algemeenste punte van selfkritiek het met ons voorkoms of lywe te doen. Loopbaan, verhoudings en finansies is ook op die lysie. Ons werkende vroue weet ook uit ervaring dat ons nog harder op onsself is omdat ons voel ons…

Hou die kleure eenvormig wanneer jy versamelgoed uitstal Die kombuis is versier met outydse glasflesse - prakties en mooi Eenvoud bly die wagwoord, al is hier meer aandag aan detail gegee Die onopgesmukte beddegoed en gebrek aan klotter skep ’n gevoel van ruimte in die klein vertrek ’N STILLEWE IN DIE KLEINE…

TOFFIEPOEDING MET GALBANI MASCARPONE CREAM CHEESE GENOEG VIR 6 Voorverhit die oond tot 200 °C. Spuit 6 x 250 ml- oondvaste bakkies met kleefwerende kossproei. POEDING: Verwerk 200 g ontpitte dadels en 375 ml kookwater in ’ n voedselverwerker tot glad. Voeg 15 ml koeksoda en 2,5 ml vanieljegeursel by die dadelpuree. Hou eenkant. Room 60 g botter en 170 g bruinsuiker met ’ n elektriese klitser in ’ n groot mengbak. Voeg 30 ml melasse, 15 ml gouestroop en 2 eiers by. Meng goed totdat die mengsel glad is. Verlaag die spoed van die klitser en voeg 200 g bruismeel bietjie vir bietjie by en meng goed. Meng die dadelpuree goed met die meelmengsel. Gooi die beslag in die voorbereide bakkies en bak vir 20-25 min.of tot ’ n…

Winter is tyd vir rooiwyn. En gelukkig maak Van Loverenwyne jou keuse maklik. Daar is geen rede om verward voor ’n winkelrak vol wynetikette rond te dans nie. Wanneer jy Van Loveren-wyn kies, kan net goeie dinge volg. Die Van Loveren-versnit van Cabernet Sauvignon en Shiraz is ’n sagte en speseryagtige pasmaat vir jou wildsvleisragoût, en die African Java Pinotage is ’n geurige maat vir ’n dromerige skemerkelkie. Die Cabernet Sauvignonen-Merlot-versnit is die gees van ’n partytjie en ideaal om by ’n lekker braai te drink. Skink die luukse Blue Velvet Pinot Noir saam met jou gourmetkaasbord en rond ’n aand perfek af. Hoekom kombineer jy nie al die rooies en hou ’n prettige wynproe-aand nie? Elke rooiwyn het sy eie karakter, want die druiwe word met sorg in die…

Marida voel die koel April-bergwind teen haar voorarms. Sag soos vlinders. Die wolksluier skuif stadig weg van die berg. Wit wolklinte, uitgerafel soos haar gedagtes, fladder teen die blou lug. Sy was die afgelope twee jaar te besig om haar sjokoladeonderneming op die been te kry om aandag aan haar emosies te gee. Hierdie uitnodiging van die kommodoor van die Valsbaaiseiljagklub om in Simonstad ’n Paaseierverfkompetisie te kom beoordeel was tydig. Ietwat vreemd dié uitnodiging. Tog, haar handgemaakte sjokolade onder die naam “Soetliefie” verkoop goed in die Kaap. Die reis is ’n verposing ná ’n paar jaar van harde werk en mislukte liefdesverhoudings. Sy stap met die smal kaai af en voel deel van die seiljagklubtoneel voor haar. Dié lewe op die water was twee jaar haar hele bestaan. Die…

IRNA VAN ZYL Irna is ’n bekende mediaspesialis en joernalis wat na die letterkunde “oorgeloop” het. Hoe voel dit om van joernalistiek na letterkunde/fiksie oor te loop? Baie moeiliker as wat ek kon dink! Dit het my byna sewe jaar gevat om te leer hoe om ’n roman te skryf. Ek dink dit is omdat ‘n mens gemaklik is met woorde, maar jou misgis met hoe moeilik dit is om karakters en stories op te maak. En dan is ’n roman natuurlik soveel langer as wat enige tydskrifartikel, blog of koerantstorie kan wees. Waar kom jy aan, of wie is die inspirasie vir Storm vd Merwe? Sy het maar deur die jare ontstaan en was op die ou einde ’n samevoeging van twee karakters in vorige weergawes van die boek.…

Die Kaapse rapper en Pasella- aanbieder, HemelBesem, is met die Kunste Onbeperk Kruispuntprys vereer, en was by vanjaar se KKNK in drie produksies te sien, onder meer Die Afrikaansvatter, waarvoor hy ’n Kanna gewen het. Hy is nóú dalk ’n bekende kletsrymer, maar min mense weet dat hy voorheen ’n pastoor én ’n kranige rugbyspeler was. Hy het ook sy eie program op RSG. Rym is nog altyd deel van wie hy is en dit blyk duidelik uit die agt albums wat hy reeds bekend gestel het. Hy is opgewonde oor die nuwe produksies waarby hy betrokke was en steeds is. “Ek wil dié jaar wat taal betref brûe bou, so ek is baie excited oor Die Afrikaansvatter, jy sal nie verstaan nie! Ek wou dit lankal doen en nou…

Die hoofstad vier bier! Gaan proe op 11 Junie van die lekkerste brousels by die jaarlikste Capital Craftbierfees in die Pretoriase Botaniese Tuin en luister sommer ook na goeie musiek terwyl jy die flou wintersonnetjie op jou piekniekmat geniet. Van 10:00 tot 18:00. Kaartjies (sluit kaart en bierskottel in) by tinyurl.com/zworhf8 Ook op facebook: tinyurl.com/hd6bou8 Nog kleisoldate Die ongelooflike Terracottakrygeruitstalling is steeds te sien met meer as driehonderd voorwerpe wat die unieke geskiedenis van antieke China en sy kultuur illustreer. Dit is ’n meesterlike rekonstruksie van ’n duisende jaar oue samelewing, kompleet met bronsoorlogwaens, perde en ruiters, asook die eerste keiser se graftombe. Datums: Durban 18 Maart - 29 Mei; Johannesburg 15 Junie - 20 Augustus en Kaapstad 10 November - Januarie 2017. Vroeë Krismis Op 25 en 26 Junie…

‘’N LEWE MOET VERANDER, ANDERS STAGNEER DIT. ELKE MÔRE HOEF NIE SOOS ELKE GISTER TE WEES NIE’ Almal weet van Isak Dinesen, oftewel Karen Blixen van Out of Africa - faam, en die pioniervlieënier Amelia Earhart, maar al toon Beryl Markham se kleurryke lewe en uitsonderlike prestasies baie ooreenkomste met die van die twee vroue, ken min mense haar naam. Sy het in Kenia grootgeword, ’n bestaan gemaak uit die afrig van renperde en haar werk as kommersiële vlieënier, sy het ’n affair gehad met ’n Britse adellike en nes Amelia Earhart óók alleen oor die Atlantiese Oseaan gevlieg - boonop van wes na oos, ’n veel moeiliker en gevaarliker vlug weens die sterk winde van voor wat sy in haar vliegtuigie moes trotseer. Nog ’n interessante feit: Blixen was…

@home 0860 576 576 Aldo 011 555 2300, 021 555 3594, 051 448 7357 Armani 0861 001 085 Babette 021 424 4457 Bodyography bodyography.co.za Bourjois 011 477 4722 BVLGARI prestigecosmetics.co.za Casamento 021 4478 6183 Catrice by Dis-Chem Chanel 011 325 1000 Claire’s by Clicks Clarks 011 675 7377 clarkssa.co.za Clicks 0860 254 257 Clinique by Edgars, Stuttafords en Truworths Cotton On 011 268 3700, cottonon.co.za Country Road 0860 022 002 Dermalogica 011 268 0018 Dior by Edgars Dis-Chem 0800 201 170 Dolce & Gabbana Make-Up 011 809 4000 Edgars 011 495 6000 Elizabeth Arden 021 597 1700 Essence Clicks 0860 254 257 Estée Lauder 011 516 3000 Eucerin 0860 102 091 Forever 21 021 555 3324 Forever New 011 555 2300 Garnier 0860 102 492 Gavin Rajah 021…

Terwyl ons so speel, kom die vrae. Gewone vrae, vervelige vrae en vrae oor ‘infinity and beyond’ Te skielik, op een herfserige dag, vat my seuns my verby die elmboog en skouer. “Oorgister het ek verjaar,” vertel Ilantjie Plantjie, ons kleuterkind met die kuiltjielag en graspolkuifie. Rakker wat jou onverwags in ’n wurggreep gryp en snoeselsnoei; dan weer die denkbeeldige drake met ’n pyl en boog gaan uitwis. Seuntjieskind wat lief is vir masjiene en boomklim; wat tekeninge maak van tornado’s en trapsuutjietonge; wat in die tuin op ’n vliegperd ry. Tjokker wie se innige komplimente ek moet verduur: “Mama, jy’s vir my so mooi soos ’n bus!” Hartsmelter wat verklaar: “Ek’s vir jou so lief soos nege biljoen sagte wit skapies wat nou net gebore is.” ’n Doodgewone dag…