Innholdsfortegnelse for May 2014 i Rooi Rose

’N GOEIE VRIENDIN wat weet die dae hier rond raak soms wild, stuur onlangs vir my ’n oulike Whats Appboodskappie van Winnie the Pooh aan. Pooh-beertjie was nog altyd een van my gunstelinge, ’n ware wysgeer. Hy en Piglet stap weg in die prentjie terwyl hy vra watter dag dit is. Piglet sê dis vandag! En sy reaksie? Dis my geliefoosde dag! Ons bewoners van ons planeet in hierdie 21ste eeu leef mos maar dikwels so met die een voet in gister en die ander een op pad na môre ... en vandag is maar net nog ’n ergernis op ons pad na alles wat nog gedoen moet word, dringend afgehandel moet word ... Vir my is een van die wonderlikste dinge van naby ’n klein kindjie wees die oomblik…

DIE OUDERDOM! En nou is ek sewentig jaar oud! Die doemprofete merk op: “Tja, van nou af is die lewe heelpad net opdraand!” My positiewe ouer vriendinne skud hul koppe: “Ag nee, jy moet net aanvaar dat jy ouer word en daarby aanpas!” Van hulle het vele operasies agter die rug en is al swaar beproef, maar op ’n hopie gaan sit, is buite die kwessie. Die een wat ’n dubbele mastektomie ondergaan het, wys guitig vir ons hoe haar nuwe boobies lyk, die ander een hou ’n Gatsbypartytjie op haar 83ste verjaarsdag ... en so kan ek opnoem. My kleindogter sê graag: “Ouma, ’n feit is ’n gegewe!” Ek glo dus dit is ’n feit dat jou gesindheid teenoor die ouderdom gaan bepaal hoe jy sy hoekies en draaitjies…

Jy lyk ongelooflik – veral met ’n klein seuntjie by die huis. Dis gaaf van jou, maar hy is nou ses en slaap gelukkig goed. Jy het my die eerste keer ontmoet toe hy 14 maande oud was. Wat gaan alles in die nuwe seisoen gebeur? Will is nog in die prentjie, maar nou sit hy en Alicia vas. Sy het hom en die prokureurspraktyk verlaat omdat sy haar eie praktyk wil begin. Ek dink sy is ook daar weg omdat dit vir haar moeilik was om heeltyd naby hom te wees, want sy is steeds lief vir hom. Hy voel seergemaak en kwaad en dink sy het hom verraai. Hulle baklei soos kat en hond. Hulle is albei slim prokureurs en gebruik elke truuk in die boek om mekaar…

Eens het daar in die Tsitsikamma ’n swartkopseuntjie saam met sy donkerkopma, sy groenoogpa en sy klein speelboetie gebly. Toe hy gebore is, het sy digter-ma in liefdestaal geskryf van die “lelies wat hul fakkels brand op sy koms” en “die ritsel van wimpers op wange”. In hul tuin in die Tsitsikamma kon die swartkoppie saam met klein apies dansies maak en die kolletjies op bosbokke se flanke tel. Agter die huis was ’n kloof. Glinster-waterpoele en spinnerakvarings het in sy kop droomfiguurtjies kom plant wat hy by die huis met verf en kleibeeldjies rêrig kon maak. Stories het in die blare van eeue oue kalanders geritsel. Hy het geluister, gekyk, geproe, gevoel en geruik en spontaan Wolkland begin skep, ’n land wat bewoon word deur vreemde en eksotiese diere…

HENRI STAP AAN’ DEUR LIZETTE MURRAY Henri Stap Aan vertel ’n gesin se storie nadat die middelkind, Henri, ná ’n haai-aanval gesterf het. Die boek beskryf hoe hulle ondanks die stukkendheid in die teenwoordigheid van baie liefde heel gebly het. Maar dis ook ’n storie van hoop vir elkeen wat swaar dra aan verlies. En ’n loflied aan God wat nooit sy kinders alleen los nie. Lizette (60) het elke ouer se grootste nagmerrie beleef: die dood van ’n kind. Tog kon sy met haar boek soveel ander troos. “Die skryf van ’n boek oor jou eie lewe, of ’n greep van jou lewe, is ’n dokumentering van die lewe self. Iets van: ‘Hier is ek. Dít het ek beleef.’ Terwyl jy skryf, kry jy perspektief en sien jy jou…

Ek doen my artikels en gaan my proewe na op my iPad as ek op ’n vliegtuig sit; ek lees tientalle boeke op my iBooks of Kindle vir iPad; ek stoor my inligting in Dropbox ; ek luister na my meditasie of jogalesse op iTunes ; ek bespreek my vlugte en hotels met die toepaslike apps (TripAdvisor en Bookings.com); ek Skype ; ek neem notas by perskonferensies met Supernote (wat die klank ook opneem en my notas dan daarmee saam vir my e-pos); ek laat Outsurance weet waar ’n verkeersman nodig is; ek luister musiek ; ek kyk flieks ; ek kyk en lees nuus (CNN, SkyNews en New York Times) ; ek lees my oorsese tydskrifte ( Vogue, Harpers, Allure ) op Zinio; ek Twitter , ek LinkedIn, Pinterest…

Hoe voel jy oor die stand van sake in SA? Daar is min lande waar dinge nog in soveel verskillende rigtings kan beweeg en waar ’n organisasie soos die SAIRR nog enige invloed kan hê. Daar ís sedert 1994 groot vordering gemaak, al probeer doemprofete ons oortuig dat dit nie die geval is nie. Vir elke plakkershut wat opgerig is, is daar twaalf HOP-huise gebou. Armes is nie meer so arm soos voor 1994 nie. Sowat 1 300 nuwe huishoudings kry daagliks elektrisiteit. Ondanks al ons probleme, handhaaf ons steeds ’n hoër lewenstandaard as tevore, witmense ook. Ek ken witmense wat nie sal saamstem nie ... Motiveer ’n bietjie. Sedert 1994 het witmense besef: ons is nou alleen. Daar is nie meer ’n wit regering wat eksklusief na ons belange…

Mode 2014 Lank voor die winter, terwyl almal gereed maak vir die Desembervakansie, begin ons al soek na internasionale inspirasie vir die wintermodes wat kom. Dikwels sak jou moed in jou skoene as dieselfde giere en maniere van die vorige winters weer opduik. Iets nuuts maak jou dankbaar, en soms selfs opgewonde, maar die PIENK TREND het my nogal verbaas. LIGPIENK vir die winter? Maar die kombinasie van pastel- en helder pienk was toe treffend! Vanjaar is MIDDERNAGBLOU (of vlootblou) my gunsteling. En boonop is rooi, swart of grys nie weer dié winterkleur nie. Die KATEDRAALVERSKYNSEL is nuut: Jy kan jou soos ’n prinses optof met goue mosaïekpatrone en ’n kroon, of hou dit maar liefs by kroontjies, kruisies en haarbykomstighede. En wie raak nie opgewonde oor ROLPRENTGLANS nie? Dis…

The South African Wedding Show beloof om vanjaar nog groter en beter te wees met meer as R900 000 se pryse op die spel. The South African Wedding Show gee jou die geleentheid om in samewerking met rooi rose, ’n troue ter waarde van R300 000 te wen. Die prys sluit in: trouklere van Calegra Bridal House, ’n lokaal en spyseniering van Slaley, ringe van die absolute™-juweelreeks, videografie van Imagenheart, haarstilering en grimering deur Tosca Salon Hair and Beauty en meubels van Expovent Evolutions. Calegra Bridal House is ’n familie-onderneming wat vir SA ontwerpers ’n platform bied om hul ontwerpe landwyd uit te stal. Die onderneming gebruik Suid-Afrikaanse topontwerpers, soos Kobus Dippenaar met sy gesogte Anna Georgina-reeks en F Wilson Fashion Design met hul ontwerpe wat bruide na hul asems…

• Suiker Daardie wit korreltjies in ’n suikersak. Ons sê ook iemand “het suiker” as hy diabetes het. • Bloedsuiker Die vlak van glukose in jou bloed. Ons gebruik glukose as energie, dus het ons almal bloedsuiker maar ons bedoel gewoonlik te véél as ons sê iemand het bloedsuiker. • Sukrose Suiker se wetenskaplike naam. Bestaan uit een molekuul glukose en een molekuul fruktose • Fruktose Die een helfte van suiker. Ook die vorm van suiker in vrugte en groente • Glukose Die ander helfte van suiker. Ook die vorm waarna suiker en koolhidrate in ons spysverteringskanaal afgebreek word vir energie. • Koolhidrate oftewel stysels Dit sluit sukrose, glukose en fruktose ook in. • HFCS (High Fructose Corn Syrup) ’n Goedkoop kommersiële versoeter wat van mieliesuiker gemaak word. HFCS kan van 50% tot 90% fruktose bevat, teenoor…

JOUSELF VIR ASMA Jy of jou kind hoes al hoe lank. Is dit die nadraai van ’n verkoue? Of asma? Asma moet reg behandel word, anders doen jou longe skade op. Doen gou hierdie selftoetsie en besluit of dit tyd is om ’n plan te maak: 1 Hoes jy al langer as drie weke (2 punte); korter as twee weke (1 punt); glad nie (0 punte) 2 Hoes jy snags (1 punt); nie snags nie (0 punte) 3 Is jy altyd kortasem (1 punt); soms (2 punte); nooit (0 punte) 4 Fluit jou bors meer as drie keer per dag (3 punte); een of twee keer per dag (2 punte); ’n paar keer per week (1 punt); nooit (0 punte) 5 Voel jy daagliks benoud (2 punte); soms (1 punt);…

Artritis is ’n groep toestande wat een of al jou gewrigte beskadig. Die algemeenste tipe is osteoartritis waar ’n gewrig geleidelik deur gebruik verweer. Soms word dit deur ’n vorige besering veroorsaak, maar gewoonlik is dit sonder enige oorsaak en kom maar met die ouderdom. Dit veroorsaak dat die kraakbeen wat die been in die gewrig bedek (soos die knie), verdwyn en dat die been later weens die wrywing van been-op-been beskadig. Dit veroorsaak pyn en styfheid in die gewrig wat jou normale aktiwiteite erg inperk. Jy kan pynstillers en anti-inflammatoriese middels drink, of ’n kierie in die teenoorgestelde hand van die seer knie gebruik. Fisioterapie en ’n strekverband kan ook verligting bring, maar as jou lewensgehalte weens die pyn en onaktiwiteit agteruitgaan, moet jy ’n ortopedis spreek. Die skade…

• Bly ondersteun: Ouers kan hulle nie skielik onttrek en verwag kinders moet alleen regkom nie. Dit beteken ongelukkig dat ouers se opvoedingstaak langer gaan aanhou en dat jy langer ’n ondersteunende rol moet speel. • Stel hulle bloot: Dit sal help as ouers kinders vroeg al aan die werklike lewe blootstel, soos om hulle naweke en vakansies te laat werk. Dan beleef hulle die werklikheid (en kry ’n idee van die waarde van geld) en sien ook dat die verwagtinge wat die sosiale media skep onwerklik is. • Wees realisties: Gesels gereeld met jou kinders en praat oor wat by die kantoor en werk gebeur. Kinders moet ook onthou: ander se suksesstories is nie noodwendig ’n realistiese verwagting nie. • Maak kontak: Sosiale media het sy voordele, maar kinders moet weet dat oog-tot-oog…

• Wreedheid Sulke kinders is besonder wreed teenoor diere en mense. • Diefstal Hulle sal geld, of ander kinders se besittings en speelgoed steel. Hulle sal ander kinders selfs dreig of afpers vir geld. • Vandalisme Sulke kinders sal ander se besittings opsetlik beskadig of vernietig sonder om twee keer te dink. • Leuens Hulle jok dikwels en maklik. • Uitdaging van gesag Sulke kinders skroom nie om lynreg teen hul ouers se reëls op te tree nie. • Wegloop Hulle loop maklik van die huis af weg. • Gedragsprobleme Sulke kinders is dikwels by die skool in die moeilikheid oor hul gedrag. “Kinders met oppositional defiant disorder is heeltyd negatief, rebels en dwarstrekkerig en tree aggressief teenoor ander op. Hulle verloor gereeld hul humeur, stry met volwassenes, weier om by reëls te hou en doen dikwels…

Kroek só Ons is op skool geleer om ’n boek van voor tot agter deur te lees , anders weet jy wraggies nie wat aangaan nie. Met die Bybel is dit dieselfde - die storie van God se verweefdheid met menselewens weerklink die beste as jy dit minstens een keer van Genesis tot Openbaring deurlees. Maar dít verg ’n doktorsgraad-tipe brein. Daarom kan jy maar maak soos met ’n spannende boek: jy kroek deur vinnig die laaste bladsy te lees sodat jy darem weet of die held gaan lewe . Dis goed vir Christene om partykeer so te kroek, veral in die Paastyd wanneer ons die kruisdood van Jesus vier en party mense dalk nie kan sien Hy het werklik opgestaan nie. Die laaste bladsy van die Bybel stel ons…

Hanlie Delport Ek dink ek het meer as een in die huis! Introverte verkies hul eie ruimte en deel met jou wanneer hulle behoefte daaraan het. Ekstroverte deel meestal, want hulle het amper altyd behoefte om te deel. Introverte is gemaklik in stilte, ekstroverte sal praat vir die genot daarvan. Die stilte is intern en ekstern, wat beteken dat introverte se gedagtes mooi agtermekaar val. Die grootste uitdaging is dat jy een of ander tyd wel kontak moet maak met ander en dat jy moet leer om buite die skanse van introversiteit te kan funksioneer. Jy moet oor jou eie mure klim voor ’n ekstrovert dit kom omstoot! Susan Owen My oudste dogter is ’n ekstrovert, ek weet alles van haar af en niks is ’n geheim nie. Jy weet…

Dis ’n wêreldwye tendens dat mense deesdae hul eie kos kweek - nie net weens die stygende koste van voedsel nie, maar ook vanweë die heilsaamheid (en plesier) van produkte uit jou tuin. En ook omdat dit ’n sinvolle manier is om van jou komposteerbare materiaal ontslae te raak. Om een of ander rede dink party mense dat groentetuine, of dan eerder kombuistuine, onooglik is en iewers weggesteek moet word. Die kombuistuin by die Cellars-Hohenort-hotel is al jare lank ’n groot aantrekkingskrag en word as een van die wêreld se mees besonderse tuine gereken, so ook dié van Vergelegen naby Somerset-Wes. Gelukkig het Jane Griffiths se reeks topverkopertuinboeke wat oor groente- en kruietuine handel, dié opvatting goed nek omgedraai. Daar is kwalik liefliker tuinboeke en mense stroom na haar werkwinkels…

• WEN SO: rooi rose se kosredakteur, Vickie de Beer, kies elke maand ’n wenresep wat saam met ’n pragfoto in rooi rose sal verskyn. • SPOGPRYSE VAN CLICKS Die baasbakker van daardie maand wen ’n geskenkpak met elektriese toestelle uit Safeway se prettige Karnaval-reeks ter waarde van R2 500. • ’N BONUS Indien jou resep een van ons toptwaalf-teetydtreffers is, het jy ’n kans om die groot Clicks-prys ter waarde van R10 000 te wen. • ONTHOU Soet- of soutgebak kan wen. Om in te skryf STUUR VIR ONS JOU BESTE TEETYDRESEP VIR SOET- OF SOUTHAPPIES, EN VERKLAP SY ONWEERSTAANBARE GEHEIM. STUUR JOU TREFFERRESEP PER E-POS AAN VICKIE@HARDRAIN.CO.ZA OF POS DIT AAN ROOI ROSE/TEETYD, POSBUS 412982, CRAIGHALL 2024. BEPALINGS EN VOORWAARDES GELD. KYK OP BL. 219. Die PRYS wat…

Heerlik Suurlemoensmeer kan opsystaan. Hierdie gebottelde lekkerte kan ook van grenadellas, pynappels, frambose of selfs pomelo’s en lemoene gemaak word. • Klits 4 eiers • 2 eiergele en • 180 ml (¾ k) strooisuiker saam. • Roer 180 ml (¾ k) pomelosap, grenadella- of pynappelpulp en • 125 g botterblokkies by. • Mikrogolf op 50% krag vir 8-9 min. en roer elke minuut tot die mengsel dik word en die agterkant van ’n lepel bedek. • en hou in die yskas. • smeer dit op botterbroodjies! Ma’s moet bederf word Bederf jou ma dié Moedersdag met ’n fyn High Tea by Anthonij Rupert-wyne. Heerlike vonkelwyn en fyn happies is op die spyskaart. Bespreek by tasting@rupertwines.com of bel 021 847 9074 vir meer inligting. Hokaai met die suiker In I Quit Sugar deel skrywer Sarah Wilson…

VERVOERSAKE SAA vlieg van O.R. Tambo af regstreeks na São Paulo se internasionale lughawe, Gaurulhos. TAM in Brasilië vlieg oral anders. WENK: Moenie ’n motor huur nie. Die GPS praat net Brasiliaanse Portugees. VERBLYF Dis duur. • Sao Paulo: kies ’n plekkie in die Jardins-gebied. • Rio: Bly in Leblon of Ipanema maar Copacabana is goedkoper. WENK: Besigheidshotelle se kamers is naweke goedkoper. • In die Amasone: Water of land? Jy kan op ’n boot bly terwyl jy rivieraf seil, of bly in ’n lodge en gaan elke dag op ’n toer. HONGER EN DORS Superbessie acai is te lekker met piesang en granola. • Feijoada, ’n tradisionele bredie. • Pão de queijo – ek is verslaaf! Klein, warm, kaasbroodbolletjies vir ontbyt. • Caipirinhas, ’n drankie • Kokosneut op die…

Die swaar militêre vliegtuig land byna geluidloos. Italië! Daar is skielik skoenlappers in my maag. Ek droom al dae lank van ’n lekker cappuccino, ’n heerlike pizza en ’n paar uur in ’n normale, veilige wêreld, iets wat reeds byna soos ’n hersenskim voel ná die maande van vrees, dood en verskrikking in Sarajevo, waar ek vir die VN werk. Toe die vliegtuig tot stilstand kom, maak ek my valskerm los en klouter uit, haal die koeëlvaste, blou VN-helm van my kop af en stap uit die skemer van die vliegtuig in die helder oggendson op Ancona se Falconara-lughawe. Die kontras is dramaties. Sarajevo word beskou as die gevaarlikste plek op aarde, en die lughawe as een van die gevaarlikste plekke in die stad. Van die hewigste gevegte tussen Bosniese…

Elke maand kry een gelukkige boekklub wat al die vrae reg beantwoord, ’n stel boeke van Graffiti wat ál die boeke insluit wat in hierdie uitgawe in “Rooiwarm” verskyn. Stuur jul antwoorde na roneln@caxton.co.za met “Mei-boeke” in die onderwerpreël, of stuur jul antwoorde in vanaf www.rooirose.co.za Klik op “Vermaak en “Boeke” en volg die aanwysings. Laat weet ons ook jou boekklub se naam en jou posadres. Vrae 1 Wat beteken die openings-note “Ta-da-da-daaaaa” in Beethoven se Vyfde Simfonie in morsekode? 2 En hoekom het die Geallieerdes dit in die Tweede Wêreldoorlog gebruik? 3 Wie is die gewilde skrywer van The Five People You meet in Heaven (ook van Tuesdays with Morrie )? 4 Wie het die temaliedjie van die TV-reeks Vyfster geskryf? 5 Full fathom five thy father lies; of…

Jy kan nou al bespreek vir die land se grootste nie-geheim, Die Darling Voorkamerfest - mits jy ’n Voorkamerfest-ambassadeur is. Die fees vind in die eerste week van September plaas, en gewone besprekings open eers op 1 Julie. Dié uiters eksklusiewe fees, met beperkte ruimte en verblyf, het met behulp van Pieter-Dirk Uys en Evita se Perron al byna kultusstatus in SA bereik. Basies bestaan die fees uit sewe roetes waar besoekers drie huise per roete in Darling besoek. Dus 21 vertonings altesaam in drie verskillende voorkamers. Die huise wissel van townshiphuisies tot Kaaps-Hollandse reuse – en tussendeur word die plaaslike kultuur beleef, geleef en geproe. So, as jy wil verseker dat jy vanjaar deel is van dié lieflike en unieke kultuurbelewenis – en sommer ook betyds om die blomme…

Grootse ontwerpe That’s Grand Designs Live is Gauteng se voorste huis-dekor-en-tuin-skou. Hier is dié plek waar jy inspirasie en idees vir jou huis en tuin sal kry. Haas jou van 23 - 25 Mei na die Coca-Cola Dome vir ’n belewenis van ongelooflike produkte. Besoek www.granddesignslive.co.za om te bespreek. Bel 011 835 1565. Cederberg Rooibos Kunstefees Clanwilliam, die dorp in die hartjie van die rooiboswêreld, vier vanjaar sy tweehonderdste bestaansjaar. Gaan vier fees by die Cederberg Rooibos Kunstefees op 1 Mei . Gaste kan ’n driegang-feesmaal geniet terwyl bekende musiekkunstenaars vermaak sal verskaf. Hannes van Wyk is die gasheer. Kaartjies is beskikbaar vanaf R250 per persoon. Besprekings: Adele Coetzee by 027 482 2155. www.clanwilliam.info. Die volle Da Vinci Da Vinci – The Genius Dié uitmuntende uitstalling open reeds op…

Die Amerikaanse rubriekskrywer Erma Bombeck het na Julie verwys as die “langbeenfluitspeler van Hameln wat mense uit hul huise na rolprentteaters toe lok. Sy skitter soos diamante in die hemelruim, maar net sy weet watter prys sy vir haar supercalifragilisticexpialidocious-sukses betaal het.” Julie, wat haar talent van haar ma, Barbara, geërf het, is kleintyd al aan die verhoog en die vermaaklikheidsbedryf blootgestel. Barbara was ’n goeie pianis wat onder andere die Kanadese troebadoer, Ted Andrews, begelei het toe hy in die Tweede Wêreldoorlog in Engeland opgetree het. Dis juis Ted wat Julie se talent ontdek het. Hy, Barbara en Julie het saam met ander inwoners in ’n Londense bomskuiling teen die Duitsers se bomaanvalle geskuil. Ted het kitaar gespeel en gehoor hoe Julie se pragtige stemmetjie bo al die ander…

Accessorize 011 884 4643, 021 425 7701, 031 265 2525 Aldo 011 555 2300, aldoshoes.com/za Bridal Wardrobe 012 348 3303, bridalwardrobe.co.za Swatch 011 911 1200 Crabtree & Evelyn 011 792 7572, crabtree-evelyn.co.za Democratic Republic 011 784 0512, drepublicstyle.com Edgars 0860 692 274, edgars.co.za Elie Saab 021 442 7700 Europa Art Shoes 011 883 5354 Flower Heart 021 976 6910 G-Star RAW 011 784 0321 Jet 0860 113 639, jetonline.co.za Kitchen Passion kitchenpassion.co.za Klûk CGDT 083 377 7780, klukcgdt.com Liv’in 012 997 7427, livin.co.za Living Legends 021 447 2077 Lulu Belle 011 784 0407 Luminance 011 325 4765, luminanceonline.co.za Melissa Rautenbach van Flourish 084 705 6651 Mr Price 0800 212 535 Oh my cupcakes 083 399 7797 Piaget Elegance Jewellers 011 684 1380, piaget.com PlanB Photography and Decor 082 491…

Die drie lesers wat hul menings met ons gedeel het, wen elk Georgini-oorbelle van R1 699. Hoe verander jou skoonheidsroetine in die winter? Hanlie Delport (46), geleentheidsbestuurder, Centurion Ek gebruik gewoonlik ryker rome vir die lyf en die gesig en probeer uiterste temperature vermy (draai maar ’n tjalie om, sit ’n mus op en dra sokkies) om die room kans te gee om behoorlik in te trek. Ek raak vreeslik jeukerig van ’n droë vel en bad in die winter gereelder in ’n olietjie. Ek hou aan water drink (al is dit koud) sodat die selle gehidreer bly. Susan Owen (55), sekretaresse, Krugersdorp My vel is droër in die winter en ek móét soggens en saans ’n vogroom gebruik. Ander tye is ek soms maar luierig en gebruik net een…

Julianna Margulies is op ’n stil manier aantreklik. Vir ons onderhoud dra sy ’n swart Reed Krakoff-romp en moulose top wat haar skraal arms beklemtoon, sexy sandale en H. Stern-diamantoorbelle. Haar swart hare val in groot, los krulle oor haar skouers. Sy is die verpersoonliking van elegansie maar lyk tog effens stout. Sy straal selfvertroue uit en is duidelik in beheer en bekwaam. En verwag dat ’n mens dit sal raaksien. The Good Wife , waarvan die vyfde seisoen van 19 Mei af op M-Net wys, het nuwe lewe in Julianna se loopbaan geblaas. Nadat sy ER verlaat het, waarin sy George Clooney se karakter se meisie was, het sy in ’n paar flieks gespeel - sonder veel sukses. Maar haar vertolking van Alicia Florrick in The Good Wife het…

Die WDC 2014-program (World Design Capital) is ’n jaar lange program wat met ontwerpverwante innovasie van Kaapstad ’n volhoubare en produktiewe stad wil maak. Die plan is om terselfdertyd maatskaplike en ekonomiese inklusiwiteit te help verseker. Vorige ontwerphoofstede is Torini, Seoul en Helsinki. Taipei is benoem as Ontwerphoofstad vir 2016. Sedert die begin van die jaar het die projekte op ’n daaglikse basis soos paddastoele begin verrys - van muurkuns in die oostelike distrik van die sakekern tot tuiniers wat die Kompanjiestuin tot sy eertydse status as groentetuin wil hervestig. Projekte word aangedui met hutsnommers waarby al die betrokke inligting sorgvuldig aangedui is. Let daarop dat verskeie projekte heeljaar lank te sien is terwyl ander eenmalige gebeurtenisse is. Jy sal al die skakels en platforms op die WDC-webblad kry: http://www.wdccapetown2014.com/…

Sy is ma en bestuurder van ’n topsangeres. Nie altyd maklik nie, sê Mesadi Botha, Corlea se ma, steunpilaar, geesgenoot en bederwer van formaat. As bestuurder is sy soms strenger, maar die moederhart is dalk ’n bietjie toegeefliker, sê dié “ondersteuningstelsel” van die sangeres met die goue stem. “As jy professioneel wil wees, moet jy alles in jou vermoë doen om dit so te hou. As ma laat ek soms ’n bietjie slap lê! Ek laat haar maar soms later slaap, of sommer net ure na DVD’s kyk, of saam met vriende en familie kuier.” Corlea sê daar is ’n fyn lyn tussen Mesadi die ma, en Mesadi die bestuurder. “Dit kan wrywing veroorsaak as daar nie kommunikasie is nie. Ons verstaan mekaar goed en kommunikeer soms net met ons…

Hy was ’n skrale twaalf jaar oud toe hy sy eerste liedjie geskryf het, en ná matriek het hy vermaaktegnologie aan die destydse Pretoria Technikon (deesdae TUT) gaan studeer. Maar sing was wat Dewald (29) eintlik wou doen, en saam met Larry Pullen (op kitaar) het Wasserfall vier jaar lank verhoë landwyd aan die brand gespeel. Sedert sy sololoopbaan in 2012 afgeskop het, was hy al op die hoofverhoë van Innibos en KKNK, asook by 2013 se Afrikaans is Groot-konsert. In dieselfde jaar is hy as die beste nuweling by die Ghoema Afrikaanse Musiek- én die Huisgenoot Tempo Toekennings aangewys. Hy spog ook met twee Huisgenoot-Tempo- benoemings (beste kontemporêre album en beste musiekvideo). Gehore en kritici hou beslis van wat hulle hoor en sien. Hoe het jy op die verhoog…

DIE SAIRR IS IN 1929 GESTIG TOE SA BAIE ANDERS GELYK HET AS NOU. DIE REGERING WAS SPIERWIT EN DIE SAIRR WAS DIE EERSTE NASIONALE, VEELRASSIGE ORGANISASIE WAT HOM VIR ONDERLINGE SAMEWERKING, VREDE EN GOEIE VERHOUDINGS TUSSEN VERSKILLENDE RASSEGROEPE BEYWER HET. BAIE NAVORSING IS OOR RASSEVERHOUDINGS GEDOEN EN OPERASIE HONGER IS GESTIG OM MENSE IN NOOD TE HELP. DIE INSTITUUT WAS VAN DIE BEGIN AF BAIE UITGESPROKE OOR APARTHEID EN DAAR WAS REGDEUR SY BESTAAN NOG ALTYD AANVALLE UIT ELKE SFEER VAN DIE POLITIEKE SPEKTRUM, VAN HEEL REGS TOT HEEL LINKS. SEDERT 1994 IS DIE SAIRR EWE KRITIES TEENOOR DIE ANCREGERING – EN EWE ONGEWILD BY DIE REGERENDE PARTY, NET SOOS WAT DIT MET DIE DESTYDSE NP-REGERING DIE GEVAL WAS. “ONS WIL GRAAG ’N POSITIEWE INVLOED OP LANDSBELEID HÊ,” VERDUIDELIK…

Accessorize 011 884 4643, 021 425 7701, 031 265 2525 Ackermans 021 900 1000 Afraid of Mice 021 423 7353 Aldo 011 555 2300, 021 555 3594, 051 448 7357 Almay 011 971 0812 American Swiss 021 938 1966, sinen@asj.co.za Avon 0860 102 345 Babette 021 424 4457 Balenciaga 011 809 4000 Bebe 011 372 6000 Bio Sense Professional 011 305 1600 Bobbi Brown 011 516 3141 Boucheron 011 372 6000 Bourjois 011 477 4722 Burberry 021 442 7700 Call it Spring 021 551 1527, 011 476 1294, 012 365 3477 Carolina Herrera 011 809 4000 Catrice by Dis-Chem 0800 201 170 Chanel 011 325 1000, chanel.com Charles and Keith 0860 104 764 Chloé 011 809 4000 CK One Color 011 809 4000 Clinique by Edgars, Stuttafords en Truworths Crabtree…

KIES KOSSE MET HIERDIE VERSOETERS Glukose, malt syrup, polydextrose, sucralose, corn syrup, Hulett’s SUGAlite (met polidekstrose en baie lae kilojoule versoeters), Huletts EquiSweet with Sucralose (met sukralose), versoeters met aspartaam soos Huletts EquiSweet Classic. Suikeralkohole soos sorbitol en xylitol. WANT KOSSE HIERMEE HET FRUKTOSE Internasionale terme: Invert sugar, sucrose, HFCS, high fructose corn syrup, fructose, oligofructose, fruit juice (enige soort), fruit juice extract, fruit juice concentrate, fruit juice crystals, golden syrup, yellow sugar, brown sugar, caramelized sugar, castor sugar, dulce de lec (kondensmelk), palm sugar, coconut palm sugar.…

E-POS EN WEN HANDE IN DIE HARE? Is jy radeloos met hare wat uitval? As dit oorerflik is, is daar nie veel aan te doen nie, maar as dit bloot weens ’n tekort, ’n gejaagde lewe en spanning is, kan die Vigro-reeks van die simptome verlig. Die reeks bevat Bio Shampoo (R86 vir 150 ml), BioTonic (R111 vir 150 ml), Intensive Bio Tonic (R114 vir 100 ml), Bio Capsules (R96 vir 30), Bio Capsules Plus (R160 vir 60), Bio-Activator leave on Cream (vir etniese hare; R101 vir 125 ml), Leave in Conditioner (R65 vir 100 ml) en Anti-Dandruff Bio Shampoo (R93 vir 150 ml). Die produkte bevat follicusan wat nuwe haargroei kan stimuleer en haarverlies opklaar. Produkte beskikbaar by apteke, Dis-Chem en Clicks. WEN Agt rooi rose-lesers kan elk…

Irene Lerm Jip, ek dink hulle is. Hulle wil te veel wêreldse dinge soos radio’s, selfone en goeters besit, maar het nie die geld om dit te kan koop nie. Die gejaag na wêreldse goed maak hulle nie gelukkig nie, jy kan tog nie geluk koop nie. Belinda du Plessis Ek is nie so seker of ’n mens dit as ongelukkig kan beskryf nie. Almal reageer anders. Ek kan net na my twee kinders (20 plus) kyk. Ek dink dit hang van jou persoonlikheid af. My een kind is stiller en die ander een weer uitgesproke. Ek ondervind dat hulle van die Y-generasie-dinge doen, maar dit is nie ’n probleem nie. Chanel de Vos Nee, ek sal nie sê hulle kan as ongelukkiger bestempel word as die kinders van vorige…

Nellie Prinsloo, ’n sielkundige van Alberton, meen kinders wat mishandel word en hulself nooit regtig kan handhaaf nie, kan emosioneel knak en hul ouers vermoor. “Sulke moorde is meestal nie beplan nie, en hulle sê dikwels die gebeurtenis het onwerklik gevoel. Of hulle blok dit heeltemal uit en kan niks daarvan onthou nie. Dié kinders het jare lank gevoel hulle kan hulself nie verdedig nie, en ander kan hulle ook nie verdedig nie.” Nellie sê kinders wat voel dat hulle nie raakgesien word nie, of kinders wie se ouers of versorgers emosioneel of fisiek afwesig is, kan ook tot moord gedryf word. “Kinders wat geïsoleer word en van ander mense weggehou word - al is dit net deur oorbeskerming - kan ook soms tot moord gedryf word. Hierdie kinders wil…

Is jy ’n introvert of ’n ekstrovert? En waar val jou verhoudingsmaat, ouer, kind, vriend, vriendin, kollega of werknemer op die introvert-ekstrovertspektrum? In haar topverkoperboek Quiet: the Power of Introverts in a World that Can’t Stop Talking (Penguin Books, 2012) verduidelik Susan Cain waarom hierdie vraag so belangrik is. “Intro- en ekstroversie is ’n kernaspek van die menslike natuur. Dit bepaal onder meer watter vriende, lewensmaat of beroep jy kies, hoe jy verskille oplos en hoe jy liefde betoon. As jou lewenskeuses in ooreenstemming is met jou temperament, het jy hope energie tot jou beskikking. Keuses wat teen jou grein ingaan, tap jou krag en lewensvreugde.” Introverte word tipies beskou as mense wat ingestem is op die innerlike wêreld van denke en gevoel, en ekstroverte as dié wat op die…

Louise* is ’n intelligente, elegante vrou in haar sestigerjare. Sy het haar as wetenskaplike navorser in haar studieveld onderskei. Sy is ’n paar jaar gelede geskei en het pas as alleenloper op dreef gekom toe die vreemdste ervarings haar skielik begin oorval. “In Mei 2011 het ek eendag van ’n nabygeleë stad huis toe gery. In die motor het ek uit die bloute – sonder normale stimulasie - ’n aanval van seksuele opwekking ervaar, so intens dat ek dit tot in my ingewande gevoel het. Ek was in algehele skok en moes op die kant van die snelweg bestuur. Ek kon nie fokus nie en weet nou nog nie hoe ek tuis gekom het nie.” Hierna het Louise daagliks sulke ervarings gehad. “Dit het gebeur wanneer ek in die motor…

HOENDER-EN-WORTELTANDOORI-KOMBERSIES Genoeg vir 6 • 80 g tandoori›pasta • 2 sprietuie, fyn gekap • 200 ml PnP Natuurlike Jogurt • 800 g PnP Hoenderborsies , ontvel, gaargemaak en in dun skyües gesny • 45 ml (3 t) vars koljanderblare, gekap • 30 ml (2 e) PnP Suurlemoensap • 1 wortel, in baie dun repies gesny • 6 gaar wraps, verhit 1 Verhit die pasta en sprietuie in 'n groot braaipan tot die pasta geurig is. 2 Voeg die PnP Natuurlike Jogurt by en meng. Meng die PnP Hoenderborsies by en kook vir 'n paar minute. 3 Plaas 'n wrap op 'n werkoppervlak en skep 'n bietjie van die hoendermengsel op die kort kant van die wrap. skep wortel en koljander daaroor en sprinkel PnP Suurlemoensap oor. Vou die wrap om…

Clover is op soek na Suid-Afrika se beste kosmal-gesinspan wat kan bak, kook en skep. Dié span kan wonderlike pryse wen in die nuwe, opwindende realiteitsprogram op televisie. Vir jou die kyker, is daar weeklikse kontantpryse op die spel. Gaan na www.clover.co.za of kyk op die promosiepakke vir meer inligting en hoe om daaglikse pryse van R1 000 te wen. SALM-EN-DILLE-MUFFINS Maak 12 500 ml meel 2 ml paprika 10 ml bakpoeier 2 ml sout 250 ml CLOVER-cheddar, gerasper 15 ml vars dille, gekap 15 ml vars sprietuie, gekap 100 g gerookte salm, fyn gesny 150 ml CLOVER-suurroom 150 ml karringmelk 1 eier 100 g CLOVER Mooirivier-botter, gesmelt Bolaag: 60 ml Clover-suurroom 15 ml suurlemoenskil Voorverhit die oond tot 180 °C. Sit 12 kolwyntjiepapiertjies in ’n kolwyntjiepan. Sit die meel,…

FEITE EN GEITE Het jy geweet dit neem twaalf besige bytjies om een eetlepel heuning te maak? « » Heuning is die enigste kos wat mense eet wat nooit, ooit sal sleg word nie. « » Aarbeie is die enigste vrug waarvan die saadjies aan die buitekant sit. « » Deeg kan jy met jou hand optel en beslag drup van ’n lepel af en jy kan dit nie met jou hande optel nie. Hei, Ma! Maak die plaatkoekies nog lekkerder deur ’n appel in die deeg in te rasper! KARRINGMELKPLAATKOEKIES Genoeg vir 12-16 plaatkoekies KRY EERS AL DIE BESTANDDELE REG » 500 ml (2 k) bruismeel » 80 ml (1/3 k) strooisuiker » 2 eiers, liggies geklits » 50 ml botter, gesmelt » 600 ml karringmelk » 30 ml…

SMS IS GEVAARLIK! Is jy een van die toenemende aantal mense wat soos ’n slaapwandelaar op roltrappe en sypaadjies rondstrompel omdat jy besig is om op jou selfoon te tik? Voetgangerongelukke in stede het toegeneem, en navorsers skryf dit toe aan mense wat heeltyd loop en teks. En dis nie net tieners wat in lamppale vasloop nie. Sakemanne loop voor voertuie in en struikel oor treinspore omdat hulle met die aandelemark besig is, beweer ’n navorser aan die Universiteit van Queensland in Australië. Boonop verander jou postuur, want jou nek buig vooroor en jou arms “sluit”. Dit beïnvloed jou balans sodat jy makliker val. Jy loop ook stadiger en skeef en swaai jou kop van kant tot kant wat jou balans verder uitgooi. Die AA in Brittanje skryf 17 verkeersongelukke…

Die skrywer van vandeesmaand se wenbrief ontvang hierdie elegante, 16-stuk Casa Domani Pearlesque Coupe-eetstel van R5 699 wat bestaan uit borde, opskepbakke, ’n teestel en bykomstighede. Die stel, wat ook beskikbaar is in die Rim-ontwerp, is gemaak van pragtige, fyn porselein wat veilig is om in die mikrogolf-oond en skottelgoedwasser te gebruik - perfek vir alledaagse gebruik maar spesiaal genoeg vir groot geleenthede! Vir meer inligting e-pos marketing@micsa.co.za of besoek www.micsa.co.za VRYDAGOGGEND Dis ’n vrolike Vrydagoggend in die Kaap, én ’n vakansiedag. Ek beoefen my basiese mensereg deur ná ’n woelige week te rus. Toe die oggendsonnetjie op my weet-nie-hoe-oue gemmerkat, Ginga-Ninja, val, begin sy kliphard op die gemakstoel in my slaapkamer spin. Deur die skuifdeur sien ek vir Smartie, my tuxedo-kattekind. Sy sit geduldig en wag dat een van…

Dié aktrise wys haar veelsydigheid wanneer sy moeiteloos in die skoene van Marlene Dietrich, Joan Fontaine en Tippi Hedren se Hitchcock-karakters klim vir ons wintermode-uitgawe waarin die Hitchcock-styl die toon aangee. H … VIR HITCHCOCK Ek hou daarvan om in karakters in te klim, veral glamorous vroue uit die silwerdoek-verlede. Hulle was die voorlopers van die glam- Hollywood-era. Ek is dol op die atmosfeer van swart-wit foto’s. Ek moet binnekort weer in nuwe rolle op die verhoog, TV of rolprente aanpas en dié fotosessie het my net weer laat besef hoekom ek so mal daaroor is om ’n aktrise te wees. Dit was lekker om te sien hoe ’n kundige span my in Marlene Dietrich kan omskep. Ek het my verstom aan die moeite wat gedoen is om finger waves…

In die helder verligte ateljee met sy uitsig oor Braamfontein se Simmondsstraat, repeteer prima ballerina Burnise Silvius en Jonathan Rodrigues aan die pas de deux uit Cinderella. “Enkel, dubbel, trippel en lig,” praat sy haarself deur die ingewikkelde reeks pirouettes voor Jonathan haar lig, soos ’n kasjmierserp om sy skouers vou en weer saggies laat sak. “Mooi, báie mooi!” sê balletmeester Iain MacDonald duidelik tevrede. Burnise, uitasem, maak ’n kniebuiging voor sy van haar puntskoene ontslae raak. Dis middagete. Met ’n houertjie vol vars mangoskyfies in die hand wink sy my nader. Sy is al van tienuur af op haar tone en maak eers laatmiddag klaar. Dán begin sy klasgee. ’n Tipiese dag in dié prima ballerina se lewe. Dis nie vir sissies nie. Die romantiese deel is dié wat…

Eers is die ouderdomsgaping tussen Darren Scott en sy vrou Sarah-Kate opgeblaas en het mense hul verhouding geen hoop gegee nie, toe kry hul seun kanker. Daarna het Darren sy werk ná ’n omstrede rassevoorval verloor, en om alles te kroon is kanker daarna by hom gediagnoseer. Min paartjies sou kon staan in die storms wat Darren en Sarah-Kate die afgelope paar jaar getref het. “Dit het gebeur. Ons kan nie daarby verby kom nie, maar hoe ons dit hanteer het, maak die verskil,” sê Darren een Saterdagoggend in hul ‘’hawe vol vrede’’ langs die Hartbeespoortdam. “Ek is goed met terugbons. Ek glo soos Nelson Mandela: die manier waarop jy val, bepaal nie wie jy is nie, maar wel die manier waarop jy opstaan. Ek het opgestaan, want my gesin…

Jou gunstelingmusiek, pakke tydskrifte, al jou fotoalbums, ’n hele biblioteek, ’n ensiklopedie, jou joernaal, dagboek, jou rekenaar en slimfoon ... Alles verpak in ’n toestel wat in jou handsak pas. Ja, jou hele lewe in jou handsak! Dr. Vooruitgang het net die regte medisyne vir jou oorlewing in die vinnige baan voorgeskryf: Gerief in tabletvorm. Jou “medikasie” is ’n dun, liggewig digitale tablet wat die skootrekenbaar onttroon het en die perfekte lewensvennoot geword het. Pieter Geldenhuys, tegnologiese strateeg en futuris by Vodacom SA, meen die tablet is die perfekte brug tussen ons alledaagse wêreld en die eng en beperkende wêreld van die rekenaar. ELSA KRUGER Ek is ’n ‘closet geek’, as daar ’n nuwe elektroniese speelding is, wil ek dit dadelik besit’ “Die oomblik toe Apple die iPad bekend stel,…

Hy is in Empangeni in die noorde van KZN gebore, maar het in Alberton grootgeword. Hy woon die afgelope dekade in Pretoria. “Die verkeer is beter!” skerts hy. (Die oggend van die onderhoud was Johannesburg se verkeer besonder erg.) “Nee, eintlik woon ons daar omdat dit die plek is waar die heel meeste goed in die Afrikaanse musiekbedryf gebeur.” Kos is sy een swak, bieg hy. “Ek hou baie van eet! Baie! En boonop van al die verkeerde goed, soos rooivleis en pizza. Ek moet dus baie meer gym, want in my bedryf moet jy fiks wees – dit help jou om langer en beter te kan sing. Maar eintlik háát ek die gim. As dit nie vir my werk was nie, sou ek nooit gegaan het nie.” Dewald lees…

Hierdie Vrystaatse plaasseun het interessante draaie geloop. In sy studiejare aan Wits was hy vyf jaar lank ’n polisiereservis, meestal in Alexandra, die township neffens Sandton. “In daardie jare, 1996 tot 2001, het dit uit sewe strate en twintig lane bestaan maar daar was meer as honderd moorde per jaar,” vertel Frans (36). Hy wéét uit eie ervaring hoe mense op voetsoolvlak misdaad aan eie lyf voel. “Ek onthou een aand is iemand op straat doodgeskiet. Sy lyk het daar gelê en kegels het aangedui waar die patroondoppies lê. Seuntjies het met hul draadkarre tussen die kegels deurgery en ek het gedink: watter soort samelewing het ons geword? Watter kans het dié kinders op ’n normale lewe?” Ná sy studie het hy en ’n paar vriende met ’n Landrover deur…

“Ons is in die middel van ’n paradigmaskuif oor suiker. Onder die ou paradigma het ons aanvaar dat suiker ’n merker vir ’n ongesonde dieet en oorgewig is. Die nuwe paradigma beskou te veel suiker as ’n onafhanklike risikofaktor in hartsiektes en ander chroniese siektes, insluitende diabetes, lewersirrose (vervette lewer) en demensie (wat almal gekoppel word aan hoë bloedvette, bloeddruk en insulienweerstandigheid weens suiker). Suiker is nié net leë kilojoules nie. Suiker maak ons nie net vet nie, dit kan ons ook siek maak.” - Dr. Louise Schmidt, professor in gesondheidsbeleid, Universiteit van Kalifornië in Los Angeles (UCLA), in die Februarie-uitgawe van die JAMA. “Die gebruik van glukose verminder die bloedvloei na die dele van die brein wat eetlus en honger beheer – terwyl fruktose dit nie doen nie. Volheid…

Xylitol is die versoeter wat meestal in suikervrye kougom gebruik word. Tandartse wêreldwyd is gaande daaroor omdat dit teen tandbederf help. Maar die jongste is dat xylitol ook teen oorinfeksies kan help. ’n Splinternuwe ondersoek deur die Universiteit van Toronto wys dit verminder die voorkoms van oorinfeksies met tot 25% - goeie nuus noudat die verkoueseisoen aanbreek. Ses uit elke tien kinders kry voor hul eerste verjaardag oorinfeksie en teen ses het byna alle kinders al oorinfeksie gehad – pynlike infeksies wat met sterk antibiotika soos penisillien behandel moet word. Jy kan die gebruik van onnodige antibiotika systap – of ten minste soms systap - as jou kind kougom met xylitol teen 10 g - 12 g per dag kan kou sodra ’n verkoue begin kop uitsteek. Vermoedelik help die…

Christa Retief (57) was verbaas toe vriende opmerk dat sy mank loop. “My werk vereis dat ek lang ure staan. My knie was wel al ’n geruime tyd seer en toe die pyn nie ná anti-inflammatoriese medikasie verbeter nie, het ek ’n ortopeed gespreek en x-strale laat neem. Ek was geskok toe ek hoor dat net ’n knievervanging my konstante pyn sou wegneem. “Gelukkig was die skade net in een kompartement van my knie en die chirurg het ’n gedeeltelike knievervanging (GKV) (unicompartmental knee replacement) voorgestel. Ek is baie aktief, stap daagliks met ons honde en waterski gereeld, en dit was ’n verligting om te hoor dat jou beweeglikheid ná ’n gedeeltelike vervanging nie ernstig ingeperk is nie. “Ek het die prosedure in Desember laat doen en was dadelik op…

“My kind wat pas begin werk het, is vol selfvertroue en het ’n honneursgraad, maar sukkel om haar voete in haar werk en die grootmenswêreld te vind. Ek het gedink sy is volwasse en wêreldwys, maar nou lyk dit of die aanpassing vir haar te veel is.” • “My selfversekerde uitblinkerdogter wat 4 A’s in matriek gekry het en op die leerlingraad was, is nou op universiteit op ’n ander dorp en huil gereeld wanneer sy bel. Dinge oorweldig haar en ek weet nie hoe om te help nie. Ek was nie naastenby so mooi, slim of talentvol nie, en ek kan nie onthou dat ek so vreeslik ongelukkig was nie.”…

Renette is ’n klein, fyn vroutjie. Dis moeilik om te dink dat sy ’n grusame mesaanval oorleef het. Dis nóg moeiliker om te dink dat hul seun betrokke was by die aanval waarin sy pa ver-moor is. Sy wéét sy moes eintlik dood gewees het. Haar aanvaller het immers vir die polisie vertel dat hy haar as dood agtergelaat het. Was dit nie vir haar twee seuns, Vernon (toe 11) en Clinton (toe 7) se vinnige optrede nie, sou Renette, ’n sakevrou van Standerton, waarskynlik daardie onheilsnag van 18 Desember 1998 langs haar geliefde Manny gesterf het. Tot vandag toe weet sy nie wat haar daardie nag so eenuur wakker gemaak het nie. “Toe ek my oë oopmaak, kon ek in die bietjie lig wat deur die vensters inkom vir…

Ná byna 15 jaar kan Renette sonder verbittering oor die aanval praat, maar dis steeds vir haar duister presies hoekom Brandon hulle wou laat vermoor. Was geld die motief, of het hy ’n sielkundige afwyking wat sy en Manny net nooit raakgesien het nie? “Dis nou nog moeiliker as destyds om hierdie vraag te beantwoord. Ek is nou ouer, wyser. Op die oog af was dit seker die begeerte om ryk te erf, eerder as om hard te werk. “Maar vandag kyk ek anders daarna. Baie min mense sal so ’n manier van ryk word oorweeg, maar hy het, en ek dink dis omdat sy siel iewers erg seergekry het. Dalk omdat sy ma hom kleintyd verwerp het, of die mishandeling wat hy in haar huis moes aanskou. Manny het…

1 Ek verkies een-tot-een-gesprekke bo groepsaktiwiteite. 2 Ek verkies dikwels om my skriftelik uit te druk. 3 Ek hou van my eie geselskap. 4 Ek gee minder om vir rykdom, roem en status as my tydgenote. 5 Mense sê ek is ’n goeie luisteraar. 6 Ek waag nie graag groot kanse nie. 7 Ek hou daarvan om my te verdiep in ’n stuk werk, met min onderbrekings. 8 Ek hou van klein verjaardagvierings met slegs een of twee goeie vriende of familielede. 9 Mense beskryf my as saggeaard of rustig. 10 Ek deel nie graag my werk met ander voor dit klaar is nie. 11 Ek is geneig om te dink voor ek praat. 12 Ek laat dikwels oproepe na stempos deurgaan. As jy “ja” geantwoord het op die meeste…

Dr. Elna Rudolph verduidelik: “PGAD of persistent genital arousal disorder (ook bekend as persistent female arousal disorder) beteken dat iemand intense seksuele opwekking beleef sonder enige seksuele stimulasie, al probeer hulle dit met alles in hulle voorkom. Om in ’n kar te ry, kan as stimulasie ervaar word, en elektriese toestelle soos ’n skootrekenaar se vibrasie kan onhoudbaar wees. “Een van die teorieë is dat die bekkenvloerspiere rondom die pudendale senuwee in spasma gaan en sodoende stimulasie van die senuwee en verhoogde genitale bloedvloei veroorsaak. Die behandeling sluit medikasie, gespesialiseerde fisioterapie en kognitiewe gedragsterapie in. Dit kan lank neem vir die senuwee om te herstel en tydens stresvolle tye kan die toestand onverwags terugkeer.” Meer inligting by 012 809 6048, elna.rudolph@mysexualhealth.co.za of www.MySexualHealth.co.za…

Slim variasies op ons basiese resepte maak ’n ryk verskeidenheid smulhappies BASIESE SOETKOEKIEDEEG MAAK 1,5 KG DEEG 450 g botter, in blokkies, by kamertemperatuur 210 g strooisuiker 1 x 385 g-blik kondensmelk 700 g koekmeel 20 ml (4 t) bakpoeier 2,5 ml (½ t) sout 1 Voorverhit die oond tot 160 °C en spuit 3 groot bakplate met kleefwerende kossproei. 2 Klop die botter en suiker saam tot lig en romerig. Voeg die kondensmelk by en klop tot glad. 3 Sif die koekmeel, bakpoeier en sout saam en gooi by die bottermengsel. 4 Meng goed tot ’n deeg vorm. 5 Verdeel in 3 dele en draai in kleefplastiek toe. Laat rus vir 20 min. of tot ferm in die yskas. 6 Werk met 500 g deeg op ’n slag en…

• Tiemie is ’n geharde krui wat wild groei in die warmer Mediterreense streke - waar dit ook die beste geur het. • Jy kry verskeie variëteite met unieke geure, soos suurlemoentiemie wat varsheid gee en heerlik is in soeter gebak en drankies. Gewone tiemie gee ’n diep geur aan soutgeregte. • Omdat tiemie so gehard is, droog dit beter en behou sy geur goed. • Dié krui is ewe nuttig vir die noodhulpkissie: gorrel met sterk tiemietee om keelinfeksie teë te werk, of behandel velkwale daarmee. BLITSIDEES 1 KLASSIEKE BOUQUET GARNI - VIR HOENDER Bind 5 takkies pietersielie, 1 lourierblaar en 4 takkies tiemie met 1 preiblaar vas. Sit dit in die holte van ’n heel hoender en rooster. 2 SUURLEMOEN-EN-ROOSMARYNBOUQUET GARNI - VIR LAM Bind 1 lourierblaar, 5 takkies pietersielie, 4 takkies…

Wegneemkos is ’n eietydse, aanvegbare eetgewoonte. Millenia het sedert die uitvinding van vuur verstryk voordat kitskos gekook, gebak, diepgebraai, gerooster en verhit is, en ’n koskultuur van moeitelose etes gevestig is. Toentertyd was die haas, bok of voël of gerf wat jagter-gaarders oor die skouer gegooi en huis toe gedra het, die naaste wat eetgoed aan die definisie van “wegneemkos” gekom het. Insgelyks was die geelwortel wat ’n kind uit ’n werfakker getrek het, of die perske wat in ’n plaasboord gepluk is en in ’n mandjie of broeksak saamgedra is om later te eet, dalk ook “wegneemkos”. Maar metterjare het kosevolusie (of dalk -agteruitgang) plaasgevind en “wegneemkos” het, danksy plaaslike en internasionale kettingkosplekke, ’n gemene deler op die wêreldspyskaart geword. Ongeag kultuur of stand - en uur van dag…

TINUS HORN In sy eie woorde het “Tinus Horn vroeg in sy lewe besluit hy gaan ’n swerwer wees wat die lewe op sy eie aandurf. Maar toe vergeet hy die kondome op ’n trein. Sy kinders is groot en nou is hy op reis. Hy skilder voltyds, maar toe skryf hy per ongeluk ’n boek. Onderweg was hy eenmaal sportredakteur van Vrye Weekblad , en die skrywer van ’n satiriese novelle, Droster. Sy jongste, Bomskok , kan dalk ook skok … ” Hier’s nog van sy eie woorde. Kortliks, Bomskok ? Ek noem dit ’n tragiese rillerkomedie. Spanning en humor en afgryse en plesier in gelyke dosisse. Bomskok speel hom in 1989 af. Apartheid is in sy maai, en die verhaal van sy bloedige einde, wat…

Afrikaanse kinderboeke is nou beskikbaar op die App Store, alles op één rak! Storierak, NB Uitgewers se e-toepassingwinkel, is beskikbaar op iPad en iPad-mini en is ’n opwindende multimedia-leeservaring vir kinders van twee tot agt jaar (maar kinders tot honderd sal dit geniet, dis vir seker!) Elke storie word deur ’n bekende stemkunstenaar soos Joanie Combrink of Johann Nel voorgelees. Kinders kan die storie self lees as hulle wil. Elke boek het ook flitskaarte en legkaarte met verskillende moeilikheidsgrade. www.nb.co.za/storierak vir meer inligting. Nuusbrief-intekenaars: storierak@nb.co.za…

CORAZÓN – SANTANA. DIÉ SONDERLINGE MEXIKAAN, ONDER MEER BEKEND VIR SY “BLACK MAGIC WOMAN” SE JONGSTE IS ’N HEERLIKE LATYNSE ALBUM IN SAMEWERKING MET VAN DIE GROOTSTES IN SY GENRE: GLORIA ESTEFAN, FABULOSOS CADILLACS, JUANES, ZIGGY MARLEY, MIGUEL, ENS. LUISTER NA “LA FLACA” OF “SAIDEIRA” OP YOUTUBE VIR ’N VOORSMAKIE. STRONG – BLACK BYRD. DIÉ TRIO IS SA SE ANTWOORD OP AMERIKA SE THE DIXIE CHICKS. DAT HULLE SAG OP DIE OOG IS, HELP NATUURLIK OOK. EN ELKEEN VAN HULLE KÁN ’N KITAAR TOKKEL. COUNTRY-ROCK EN -POPMUSIEK OP SY BESTE – EN AS SNIT 9 (“BABY GO SLOW”) NIE ’N TREFFER WORD NIE, IS ONS MENSE SE ORE NIE MOOI SKOONGEWAS NIE. SUPERNOVA - RAY LAMONTAGNE. DIÉ VEELVULDIGE GRAMMYWENNER SE VIERDE ALBUM HET PAS…

Julie Andrews het baie meer fasette as haar briljante vertolking van die skoongesig, singende non in ’n rolprent wat byna vyftig jaar ná die vrystelling daarvan, immergewild gebly het. • Duisende entoesiaste kom steeds wêreldwyd bymekaar vir vertonings van dié fliek sodat hulle hardop kan saamsing aan liedjies soos “Do Re Mi”, “My Favourite Things” en “The Sound of Music”. • Daar word steeds vertel hoe sy met voorskootrokkie en al, swetsend op die groen Oostenrykse Alpe neergeslaan het elke keer wanneer die helikopter, wat die toneel van bo af moes verfilm, ’n draai gemaak het. • Vloek kan sy glo byna so goed soos enige spreekwoordelike matroos. • Maar Julie het ook belangrike humanitêre werk gedoen en was selfs die Welwillendheidsambassadeur vir die VN se Ontwikkelingsfonds vir Vroue. •…

My ma is oud. Sy loop stadig, haar toonnaels lyk sleg. Toe ek klein was, het ek jare lank elke dag in die skool na my ma verlang. Toe word ek groot en is jare lank vir haar kwaad. Nou is sy korter as selfs haar jongste kleinkind. My ma is lief vir my. Sy vergeet baie dinge, maar dit vergeet sy nooit. Ek sien haar min, ek bly ’n groot deel van die jaar ver van die huis. As ek hier is met vakansie, neem ek haar uit wanneer ek kan. Dis harde werk om sinvolle geselsies te maak. Elke keer wanneer ek haar aflaai, is ek vir die res van die dag lam. Die vorige keer toe ek hier was, het ek wanneer ons uitgaan vir haar musiek…