Innholdsfortegnelse for July 2014 i Rooi Rose

DAARDIE VYFLETTERWOORD Dit is drie-uur in die oggend. Almal slaap, behalwe jy, want langs jou dreun manlief soos ’n trein wat pas by ’n stasie ingestoom het - die naarste geluid op aarde. Dit het met ’n sagte ge-paff-paff begin maar toe trek hy met mening los. Dié snorktrein loop oop soos stroop en net wanneer ek dink dit gaan nou ontspoor, dan draai hy op sy sy en daar gaan ons weer, fluit-fluit die bult uit. Wanneer ’n mens al jare met ’n snorker getroud is, begin jy gewoond raak aan die gesnork wat duur van inkruiptyd tot sonop. Soms klink hy na ’n gewonde dier wat na sy ma roep. Dan hoor jy ’n warboel van geluide, gevolg deur salige stiltes en net as jy vir ’n oomblik…

Sy lag lekker toe ek vra, en skryf haar skoonheid ewe nederig aan goeie gene toe. Met elke onderhoud val haar warmte en aardsheid op – beslis nie jou tipiese glanspersoonlikheid nie, iets wat sy bevestig toe sy vertel hoe sy “nou al jare” sommer haar grimering in die motor aanwend. In New York was daar nie altyd tyd vir oefen nie, maar nou máák sy tyd. “Jy moet ’n uitlaatklep hê as jy so hard werk. So, ek doen bietjie taebo en gaan gimnasium toe, maar ek is nie fanaties oor oefening of verskriklik gesondheidsbewus nie. Maar ek besef tog ek word ouer, en ek moet beter na myself omsien. Ek drink darem vitamiene!” Sy gaan slaap nooit met grimering aan nie, maak nie saak hoe lank haar dag…

1 Voor jy begin: Maak seker jou vel lyk mooi eweredig deur ’n eers ’n BB-room of onderlaag aan te wend,” sê Will Malherbe, Smashbox Progrimeerkunstenaar en opleidingsbestuurder. 2 Wanneer jy jou wangbene kontoer, begin eerder by jou haarlyn waar jy dit baie goed kan inskakeer en wend dit dan inwaarts aan na jou wangbene toe. As jy dit van jou wangbene na jou haarlyn aanwend, kan dit streperig lyk, sê Will. 3 Steek ’n dubbelken só weg: “Wend verbronsingspoeier onder jou kakebeen aan en skakeer tot by jou nek in,” is die raad van Andrew James, Lancôme Suid-Afrika se nasionale grimeerkunstenaar en opleier. 4 As jy nie tyd het nie, wend verbronsingspoeier op jou kaak aan - dit maak al klaar ’n reuseverskil en laat jou dadelik maerder lyk!…

Navorsing onder 751 studente aan Cornell-universiteit, het die volgende opgelewer: • studentemeisies hou nie van permissiewe meisies nie en wil nie met hulle maats wees nie; • selfs permissiewe meisies hou nie van ander permissiewe meisies nie; maar • meisies – permissief en konserwatief – aanvaar permissiewe mans; • studentemans hou van permissiewe mans en is graag vriende met hulle, of gee nie om as hul manlike vriende permissief is nie; maar • mans – permissief en konserwatief – hou nie van permissiewe meisies nie, altans nie op die lang duur nie, en sal nie met hulle ’n permanente verhouding aanknoop of hulle in hul vriendekringe insluit nie. Die ondersoekleiers sê uiteindelik word die permissiewe meisies deur almal verstoot, en is hulle seksueel en sosiaal die ongelukkigste. Die implikasie? As…

Wellbeing Therapy (WBT) is ’n terapievorm uit die positiewe sielkunde wat depressiewe mense nie net van hul simptome wil vrywaar nie, maar laat floreer. Dit bou veerkragtigheid en emosionele weerstand . Voor terapie meet Cizelle Louw ses vaardighede met die WBT-vraelys: bemeestering van die omgewing, persoonlike groei, die bestaan van ’n lewensdoel, outonomie, selfaanvaarding en positiewe verhoudings. Hiervolgens stel die kliënt terapiedoelwitte en ’n later meting dui aan in watter mate hy of sy op die ses vlakke floreer.…

“Sien jy daai girly? That one with the pony tail en die rooi cap wat nou net da’ by die deu’ het ingekom? Dis my .. . hoe sê julle boere? . . . trou vrou, that one.” Peter beduie met sy kop deur se kant toe en stamp met sy elmboog teen Hardus, wat langs hom by die tafeltjie in die kafeetjie sit.Dit skeel hom min dat hy die erre van die ‘trou’ en die ‘vrou’ nie teen sy voortande gerol kry nie. “Vergeet dit, Ingelsman, sy dra ’n klip aan haar vingertjie – al is dit ’n kleintjie. Sy’s annermansgoed. Neef van my s’n. En buitendien, met so ’n bleeksiel soos jy met ’n van soos Longbottom, het jy nie ’n kat se kans met daai Boeremeisie nie.”…

Twee jaar gelede wou ek weet hoekom ’n 30-jarige glansryke skoonheid ’n suksesvolle loopbaan en gevestigde sakebelange in Suid-Afrika vir die onbekende verruil het. Dit was haar antwoord: “Ek wou nie eendag as ek oud is, terugdink en spyt wees dat ek nie die kans gewaag het nie. In Suid-Afrika het ek so baie dinge gehad wat in my guns my getel het, maar ek wou nie stagneer nie. Dan word jy selftevrede. Om in New York te wees, is ’n humbling ervaring. Dit was ’n kans om myself te vind, want ek was duisende kilometers van alles en almal bekend. In Suid-Afrika het dinge vir my so maklik gekom: borge, ontwerpers wat vir jou klere wil ontwerp. Mense hanteer jou met handskoentjies as jy ’n bekende in Suid-Afrika is.…

Corné woon in Melkbosstrand, en bring ure saam met sy gesin in die see deur, onder meer op sy branderplank . Hy is mal oor bergfietsrenne en het verlede jaar die moordende Cape Epic voltooi. “Ek hou van goed wat jou uithouvermoë toets, en vanjaar hardloop ek en Justine weer die Otter.” • Hy en Justine is al twintig jaar saam, en het drie kinders. “Sophia, die enigste dogtertjie, is die oudste en nou nege. Dan is daar twee seuns, John (7) en Peter (5).” • Die heel lekkerste plek op aarde is sy huis, omring deur sy gesin. “Ek is ook lief vir die Luangwa-vallei in die ooste van Zambië, naby die grens met Malawi. Ons het elke jaar daar gaan jag toe ek ’n kind was.” • Hy…

Daggagebruik kan so geklassifiseer word: rekreasionele dagga: Blare, ’n zol, ’n hoekapyp, spliffies, bankies, koekies, bongs, ’n sauna ... Dit word bloot vir die high gebruik. Mediese dagga: Gebruik vir pyn, naarheid en spesifieke siektes. Dagga kan gerook, as tee, as olie, as gekonsentreerde druppels in kos geneem word, of as sintetiese dagga. Sintetiese dagga: Laboratoriumvervaardigde weergawes van dagga se aktiewe bestanddele. Dit is te kry as wettige, getoetste en geregistreerde voorskrifmedikasie (nie by ons nie), of as onwettige sintetiese dagga, soos Spice en Mojo wat in straatlaboratoriums gemaak word en selfs dodelike komplikasies kan meebring. In die VSA is 11 406 mense in 2010 in noodeenhede opgeneem – 75 persent van hulle was tussen 12 en 30.…

1 BALLET Dans jou fiks: Verbeter jou spiere, soepelheid en postuur met regte balletklasse by ’n meester. Johannesburg Iain McDonald van die Joburg Ballet bied afsonderlike balletklasse aan vir beginners en mense wat voorheen ballet geneem het. “Mense oefen en dans in ’n heerlike sosiale omgewing op pragtige musiek.” Op Saterdagoggende gaan drink baie van hulle agterna saam koffie. Beginners en mense van alle ouderdomme (van 18 tot in hul sestig is tans daar) is welkom. “Boonop kan ek sien hoe dit mense in ’n positiewe bui plaas en hulle energieker laat voel,” sê Iain. Die klasse word in Braamfontein by die Joburg Theatre teen R70 per klas aangebied. Kontak Iain McDonald by 011 877 6882 of www.joburgballet.com/open-adult-ballet-classes/ Kaapstad Evelyn Aregger van Cape Ballet Centre. 073 107 8787 of www.capeballetcentre.co.za,…

Die mure is met kleistene gebou en met mortel met ’n kalkbasis gemessel. Die mure is 400 mm dik en sorg vir goeie isolering . • Ans het al die deure en vensters op ’n slopingswerf gaan haal en die lateie en hout wat in die huis gebruik is, is verkry van denneen bloekombome wat op die kleinhoewe afgekap is. • Twee houtkaggels hou die oop vertrekke lekker warm, en in die ruim kombuis is ’n unieke koelkamer wat met motorbande geïsoleer word. • Omdat sonverhitting in die gebied nog aan die ontwikkel is, gebruik Ans tans gas vir verhitting. • Die water wat in die woonhuis gebruik word, word met ’n gryswaterstelsel vir ander gebruike hersirkuleer. Nog waterbesparing word deur die kettingsisteem gedoen - ’n ketting word aan die…

Die drieling is ’n maand voor my derde verjaardag gebore. Van daardie dag af het ek nie meer ’n plek gehad op my ma, my pa of Maggie se skote of skouers nie en moes ek oral ronddraf om doeke en foppies te gaan haal. Ek het staanstaan oor my ma se bene aan die slaap geraak of op die bed teen my pa se rug, met my arms om sy nek, terwyl hulle vir die babas bottel gee en windjies uitvryf. As ek in die middel van die nag met my laphaas na hulle bed toe is, was daar ’n baba tussen hulle en babas bo-op hulle en dan het hulle met sulke stokstywe oë na my gekyk asof hulle my nie herken nie. Die drieling was vir my…

Tammy se warmte en spontaneïteit voor die kamera het gesorg dat sy baie vinnig baie gewild geword het as aanbieder van Roer . (Sy is juis vanjaar weer vir ’n ATKVeertjie benoem as beste aanbieder van ’n joernaalprogram.) Haar aanhangers sal haar steeds gereeld op kykNET sien. “Ek werk tussen nou en einde 2015 steeds vir Homebrew Films en kykNET op verskeie van hul produksies, insluitende Bravo ! Party daarvan sal hier gebeur, en ek sal steeds gereelde insetsels uit die VSA doen.” Haar mees onlangse kortfliek, Recovery , is vir verskeie feeste ingeskryf. “Nou wag ons in spanning om te sien hoe dit gaan vaar.”…

Verhoogwerk bly steeds ’n groot liefde. “Met elke vertoning is dit ’n nuwe ervaring wat jy saam met ’n nuwe gehoor beleef. Die gehoor se onmiddellike reaksie is heerlik. Jy gaan ook saam met jou eie karakter, maar ook die ander karakters, op ’n soort ontdekkingsreis .” Teater is om ’n ander rede ook vir haar wonderlik. “Dis ’n weerspieëling van die lewe. Dis sosiale kommentaar op wat in die wêreld gebeur.” Juis daarom is sy so opgewonde om weer ’n keer haar slag op ’n verhoog te wys. “Hennie van Greunen het 4 000 Myl uit Engels vertaal en verwerk. Dis ’n Amerikaanse stuk deur Amy Herzog en was ’n finalis vir die 2013 Pulitzerprys vir drama.” Annelisa speel ’n 91-jarige ouma , Vera. Viljé Maritz vertolk die rol…

Onwettig Verbode, met ’n kriminele rekord en tronkstraf en/of ’n boete en/of gemeenskapswerk en/ of verpligte rehabilitasie. Gedekriminaliseer Soos ’n spoedboete, met wetgewing oor toelaatbare hoeveelheid vir gebruik, waar dit verbruik mag word, verkope, vervoer en kweking. Met straf soos ’n boete of tronkstraf as jy die wetgewing verontagsaam. Meestal mag gebruikers net klein hoeveelhede vir persoonlike gebruik besit. Gelisensieerde gebruik ’n Lisensie word uitgereik vir gebruik, kweek, vervoer en verkope. ’n Dokter kan byvoorbeeld ’n lisensie kry om mediese dagga voor te skryf, ’n pasiënt om dit te gebruik, ’n boer om dit te kweek en ’n apteker om dit te verkoop. Wettig Jy kan gebruik, besit, koop, vervoer en kweek, meestal volgens jou land se regulasies.…

Tienerseuns is uiteraard nukkerig, knorrig en rondlêerig … Maar dikwels is hulle baie meer kere hartseer, ongelukkig, verward en onseker as wat die meeste ouers vermoed. Met die inskop van hormone raak seuns eensaam en mis hulle teerheid. Hulle kan nie meer so maklik in ma se arms lê nie, terwyl pa en seun ook min liggaamlike aanraking het,. Onder die maats geld die “cool my bra”-houding. Ouers moet dus fyn luister, want seuns laat tog blyk hoe hulle voel. Hoe praat hy oor meisies en vroue, wat sê hy van sy vriende, met watter intentsiteit gee hy ma ’n afjak? Begin hy hom al hoe meer onttrek , raak hy buitengewoon buierig, lusteloos en slordig . Skeep hy sy skoolwerk af? As ouers bedag is op fyner nuanses in…

Die Hyundai Accent-luikrug is net die model vir jou as jy ietsie groter as die i20 soek, maar jou bankbestuurder ’n stokkie voor jou drome van ’n i30 steek. Die vyfdeur is as ’n 1,6 liter-petrolenjin beskikbaar in ’n sesspoed-handrat sowel as vierspoed-outomaties. Op die weeldelysie is satellietkontroles vir die klankstelsel op die stuurwiel, elektries beheerde kantspieëls en voorste vensters en iPod/USB/Aux-sokke in die sentrale konsole sodat jy alles deur die klankstelsel kan speel. Jy het ook Bluetooth vir jou foonoproepe en om musiek van jou foon te stream. Die handrat kos R234 900 en die outomatiese model R244 900 en sluit ’n diensplan van vyf jaar in.…

Sandra neem ’n laaste slukkie koffie, vou die Suidernuus toe en sit die Overbergse koerantjie op die rooi teëls van die stoepmuur neer. Vandag het sy dit spesiaal gekry ter wille van die berig en foto van haar klas se uitstappie na die Marloth Natuurreservaat; fynbos uitkenning gevolg deur ’n piekniek by die waterval. Alle omgewingsgebeure is egter oorskry deur die verslag oor drie moorde op hul dorp, nuus wat die week soos ’n veldbrand deur die dorp versprei het. Die moorde is almal messteke. Dit klink so klinies; ’n vrou is in die bors gesteek, twee mans in die nek. Die aanvalle het op verskillende plekke in die dorp, en verskillende tye van die dag en nag plaasgevind. Twee verdagtes is alreeds in hegtenis geneem, maar die borssteker is…