Innholdsfortegnelse for September 2014 i Rooi Rose

IETS WAARVAN ’N MENS deesdae meer en meer lees en hoor, is die uitdaging om met vreugde te leef. Dit hang saam met die kuns om in die hieren-nou te leef en beteken ons moet oefen om elke oomblik bewustelik te leef: mindful living. Die gesegde lui mos dat die tyd vlieg ... en dit beteken ons kan maklik iets misloop as ons dit nie aandagtig beleef nie. Swaarmoedigheid vier hoogty, en geen wonder nie, want skokkende koerantopskrifte en die opstapeling van negatiewe menings in die twitter-sfeer is genoeg om enigiemand swartgallig te maak. Baie mense voel dat hulle hul daagliks moet inspan om bly te wees. Ook jongmense en selfs kinders sukkel om opgewonde te leef, en verwag eerder die ergste as om bewus te wees van die geskenk…

WEN Velsorg-PRODUKTE Wen een van vyf Beaucience Botanicalgeskenkpakke ter waarde van R1 100 elk. Melissa-SKOENE Stem bloot ja of nee op ons vraag in “Wat dink jy” en jy kan een van twee lesers wees wat ’n geskenkbewys van Melissa Jelly-skoene ter waarde van R1 250 wen. Ons wou weet WAT IS JOU GUNSTELINGWINTERVRUG? LEMOEN 39% PAPAJA 32% POMELO 21% APPEL 6% PEER 2% WATTER NAGEREG SAL JY BY ’N RESTAURANT BESTEL? KAASKOEK 37% CRÈME BRÛLÉE 36% SJOKOLADE-MOUSSE 14% ROOMYS-ENSJOKOLADESOUS 9% RYSPOEDING 3% DRINK JY KRAAN- OF GEBOTTELDE WATER? KRAANWATER 36% ENIGEEN 36% GEBOTTELDE WATER 27% 1 item 3 MANIERE Ons wys jou hoe om dié langbroek vir werk, naweek of ’n afspraak te dra. LTD-WYEPYPBROEK (R399; 28-40) TRUWORTHS. Tim Harris Die sexy DA-politikus is hierdie maand ons “Rooiwarm man”.…

Vyf van Angelina en Brad Pitt se ses kinders het al in flieks saam met hulle verskyn: Pax, Zahara en Vivienne was in Maleficent . Maddox was ’n zombie in World War Z en Shiloh het in The Curious Case of Benjamin Button verskyn. Net Knox, Vivienne se tweelingboetie, het nog nie in ’n fliek verskyn nie. Angelina is die regisseur van Unbroken , ’n biografie oor die Olimpiese atleet Louis Zamperini wat in die Tweede Wêreldoorlog deur die Japanners gevange geneem is. Maleficent het die meeste geld van al haar flieks gemaak - $585 miljoen wêreldwyd. “Ek wou nog altyd in ’n Disney-fliek speel waarin ek mense kon laat lag. Ek het nooit voorheen dié soort rolle gekry nie.” Angelina het onlangs ’n draaiboek geskryf vir ’n fliek waarin…

Sy is moeg om altyd die sterk een te wees. Vinette Ebrahim voel uitgebrand en dit trek haar in ’n donker gat af. Sy het besluit sy gaan nie langer vir haarself en mense om haar jok nie. Sy wil opstaan en haarself afstof. “Ek moes ’n groot besluit neem en dink dit is die beste as ek daaroor praat. So baie mense ly aan depressie. Dit is nie ’n skande nie. Dit is hoe jy daaraan werk, wat verskil. Miskien help dit ander as hulle weet ek sukkel ook met die siekte … en ek kry dit meestal reg om aan te gaan. “Ek ly van my jong dae aan ernstige depressie en het dit nog altyd weggesteek. Dit maak dit erger om te dra. Ek wil nie hê…

Hoekom is jy so passievol oor die stryd teen misdaad? As misdaadverslaggewer vir TalkRadio 702 het ek die ergste goed gesien: die onstellende, grafiese foto’s in hofsake, die drie B’s op ’n toneel: blood, bullets, bodies. Vir party misdade moes ons selfs nuwe woorde skep, soos transitorooftog. Toe ek nog my eie koerant gehad het, is ek eendag in ’n gewapende roof aangehou. Ek het baie oor misdaad geskryf, maar dit was my eerste ervaring daarvan op daardie vlak. Toe word jy en jou gesin in November verlede jaar in jul huis oorval .. Ja, dit was seker so halftien die oggend. Ek is gewoonlik daardie tyd al by die werk, maar nie daardie oggend nie. Firoza, my vrou, het in die binnehof gesit, ek was in die badkamer en…

1 Skep ’n OEFENROETINE Ek oefen drie keer per week, sewe-uur soggens, op Coetzenburg se atletiekbaan, of dit nou sneeu, hael of reën. Die wonderlikste is dat ek in vars, skoon lug oefen, die mooi berge van Stellenbosch waardeer en die son sien opkom. Die erge koue is natuurlik beter vir die vel as enige hitte - ISABEL ROOS, BESTURENDE DIREKTEUR: ISA CARSTENS AKADEMIE 2 DIEET Ek probeer baie hard om gesonder te eet. Ek hou baie van sjokolade maar moes dit noodgedwonge begin weglaat. Dit gaan maar sukkel-sukkel! Ek eet matig en probeer baie groen slaai, vleis (enige soort) en groente eet. Ek hou nie van meelgeregte nie en naas sjokolade, ook nie van erge soet goed nie. Ek drink gereeld vars wortelsap met appel, beet en gemmer. ISABEL…

Vra jou hierdie nege vrae af. Elke antwoord is genommer. Die beste opsies vir jou is die voorbehoedingsmetode waarby al jou syfers verskyn. • Waar in my lewe is ek? 1 Is ek te jonk vir seks? 2 Beskikbaar vir seks? 3 Klaar daarmee? • Wanneer wil ek met seks begin? 4 Op skool? 5 As student? 6 Binne ’n vaste verhouding? 7 Eers as ek getroud is? • Watter soort seks het ek? 8 Veilige seks, spesifiek wedersydse getroue seks met een vaste, lewenslange maat? 9 Reeksseks, binne ’n vaste verhouding wat van ’n paar maande tot ’n paar jaar kan duur? 10 Impulsiewe seks wanneer die oomblik opduik? 11 Affair-seks? 12 Geskei en weer beskikbaar? 13 Seks met ’n maat met moontlik ook ander seksmaats? • Beplan ek,…

MINKI EN OEFENING Oudmodel en TV-aanbieder Minki van der Westhuizen, sê op die oomblik kry sy min tyd vir oefening, want haar dogtertjie Katerien hou haar bitter besig. “My gesin is my prioriteit, maar oefening laat my so goed voel dat ek probeer om tyd daarvoor in te ruim. Ek het op skool soggens saam met my ma gestap. Ons het nooit by ’n gim aangesluit nie, want my pa het gesê ons kan sommer buite rondhardloop. Met my eerste swangerskap was ek baie gesond en het tot kort voor die geboorte swangerskapjoga gedoen en geswem. Hier in Engeland waar ons nou bly, is die weer nie altyd so vriendelik nie, maar ek gaan stap graag met Katerien in haar stootwa. Flink stap, pilates en joga is my gunstelingoefeninge, maar…

Retha Booyens Ek dink die grootste fout wat mense maak, is om te dink dat “daardie perfekte persoon” hul lewe gaan vol maak. Dis ’n gejaag na wind. Eers wanneer jy op jou eie gelukkig kan wees en kan funksioneer, kan jy ’n langtermynverhouding oorweeg. Die fondament moet ook reg wees – wanneer jul verhouding met die Here sterk is, sal jul verhouding met mekaar ook sterker wees. Lizelle Bright Ek glo jy moet minstens een keer in jou lewe ’n lewensmaat hê wat jou kan koester en beskerm, dis mos lekkerder om die goeie en slegte tye met iemand te kan deel. Dit hang van die individu af. Sommige mense is dolgelukkig alleen, ander sien nie kans om weer aan iemand anders se nukke gewoond te word nie. Marina…

BINNE Met vars snyblomme van Okasie, dekor van Die Smous en plante van Cape Garden Centre het ons die lente binnegenooi. Niks kom by ’n kleurryke bos ranonkels nie. Niemand hoef te weet jy het dit nie in jou tuin gepluk nie. Jy hoef nie massas blomme te hê om die gevoel van lente te skep nie. Jy kan selfs ’n bos (gekoopte) blomme uitmekaarhaal en hulle afsonderlik in verskillende houers sit sodat dit die gevoel van meer blomme skep. Wit blomme skep altyd ’n vars, skoon voorkoms. Gebruik potte met verskillende groottes en teksture maar almal in skake- rings van dieselfde kleur (ons het groen gekies) vir ’n gevoel van eenheid in die groepering. As jy lus is vir meer kleur, moenie skaam wees nie en gebruik sterk, baldadige…

Makkebul het in ons omtes aangekom lank ná sy reputasie wat hom ver vooruitgeloop het. Spoorsnyers het hy gefop, geflous, gefnuik. Wanneer hulle sy spoor diékant toe vat, het hulle mettertyd agtergekom, het hy eintlik dááikant toe geloop. Deur sy skoensole agterstevoorom vas te spyker, het hy hulle om die bos - en oor berge en dale - gelei. Oor die rante en deur die laagtes het hulle hom gevolg na die oostekant toe, maar dan was hy hoeka wes agter die ondergaande son aan op pad. Of hy het skaapvel onder sy sole vasgemaak om sy spore te verdoesel. Toe hy eendag by ’n veepos aankom, het hy sinnigheid in die skaapwagter se dikwielfiets gekry. “Makkebul het my nét hier annerkant stof in die oë geskop. Ek leen gou…

• Doen waarin jy glo en werk dan so hard as wat jy kan. Hulle het hul eerste sweismasjien – en soms ook die motors wat hulle oorgedoen het – met vooruitgedateerde tjeks gekoop. Wanneer die tjek gewissel moes word, was hul wins reeds in die bank. • Doen wat jy moet om jou werk te bemark. Hulle het foto’s van hul bote geneem, hul eie pamflette gemaak en kleurfotostate daarvan na 56 handelaars in Europa gepos. Dit het tot navrae uit Denemarke en Marokko gelei. • Waag, anders gaan jy nie wen nie! “Ons het vier bote Denemarke toe gestuur en vir die handelaar gesê as hy dink die gehalte is swak, hoef hy nie te betaal nie.” • Die wêreld verander voortdurend – sorg dat jy en jou…

Die eerste keer wat ek Dan Patlansky gesien het, was hy ’n skraal, sku tiener op ’n klein verhogie iewers in Melville, Johannesburg. Vyftien, dink ek. Hy kon omtrent nie eens opkyk nie. Ek was nog by Aardklop betrokke en iemand het ons genooi om na die “Wunderkind” te kom luister. Die oomblik toe die eerste sekuur, blou en rou note opklink, het alles wat kind was voor ons oë en ore verdwyn. ’n Legende is daar en dan gebore. Dis byna 15 jaar later, en hy is een van ons land se heel, heel bestes. Wanneer het jy jou eerste kitaar gekry en geweet: hierdie is my lot? Op twaalf, toe my ouers my een gegee het. Ek was erg beïnvloed deur die musiek wat hulle geluister het. Hoekom,…

Spar-uitdaagreeks Trek jou tekkies aan en gaan hardloop saam. Vanjaar se tema is “My Shoes, Your Shoes”, wat die deelnemers aanmoedig om hulle in ’n ander vrou se skoene te plaas en bewustheid van kanker te verhoog. Die resies begin op 30 Aug. om 14:00 by SuperSport-park in Centurion en jy kan vir die 5 km- of 10 km-wedloop inskryf. Verskeie kunstenaars tree op en elke deelnemer kry ’n geskenkpak. Neem die gesin, vriende en ’n piekniekmandjie saam. Vir meer inligting, “like” SPAR Women’s Challenge Pretoria se facebook-blad of volg @ SPARladiespta op Twitter. KANSA-tee Pretoria Dis tyd vir die jaarlikse Kansa-tee in Pretoria. Bespreek betyds vir die glansgeleentheid om teleurstelling te voorkom. Waar en wanneer: Woensdag 13 Oktober by die St George-hotel, Pretoria. Die gassprekers is Anel Alexaner en…

Heerlike bederf Spalicious maak uitstekende skoonheidsprodukte van die heerlikste bestanddele en met lieflike geure soos Grapefruit & Thyme, Fig & Pomegranate, Cappuccino & Chococcino, Mandarin & Sandalwood. Sekere reekse is net vir ’n beperkte tydperk beskikbaar. Die Spalicious Cellulite Collection-reeks bestaan uit afskilfermiddels, weekmiddels, lyfbotters, maskers en olies, asook ’n sellulietreeks wat resultate lewer. Hier kry jy alles wat jy nodig het om jou hande, voete en lyf op hul beste te laat lyk. Agt rooi rose-lesers kan ’n Spalicious Cellulite Collection Kit-geskenkpak ter waarde van R990 verniet kry. Sleutelwoord: Spalicious Kombuiskuns Defy se nuwe reeks klein huishoudelike toestelle is ’n aanwins vir elke kombuis. In die reeks is die 630 S-koffiemasjien waarmee jy 12 heerlike koppies koffie kan maak, sowel as ’n bypassende ketel en broodrooster – en jy…

Jy is ’n aktrise, aktivis en regisseur. As jy net een rol moes kies, wat sou dit wees? Ek sou eerstens by filantropiese en politieke werk betrokke wou wees. Dis iets wat ek moet doen. Met my regie kan ek rolle en projekte kies wat op die geskiedenis en bewusmaking van sekere gebeure fokus, soos in Unbroken, my fliek oor Louis Zamperini. Dit gebeur nie as ek ’n aktrise is nie. Met Unbroken het ek twee jaar lank navorsing oor die man en die spesifieke stuk geskiedenis gedoen. Dit was ’n voorreg. Om iets soos Maleficent te doen is pret, maar ek het my nie so in die fliek verdiep nie, en ook nie soveel daaruit geleer soos uit Unbroken nie. Mense blameer dikwels hul kinderjare vir probleme in hul…

• Gebore op 4 Junie 1975 as Angelina Voight Jolie.• Haar ouers, akteurs Jon Voight en Marcheline Bertrand, is geskei toe Angelina nog jonk was. Sy het een broer, James Haven.• Sy was voorheen getroud met akteurs Johnny Lee Muller (1996 – 1999) en Billy Bob Thornton (2000 – 2003). Bekend vir haar rolle in Girl, Interrupted (waarvoor sy ’n Oscar en Golden Globe gewen het), Lara Croft: Tombraider , Mr. & Mrs. Smith , Wanted, Salt en meer onlangs Maleficent . Kyk net hoe groot is die kinders nou! Onder: Links is Maddox Chivan Jolie-Pitt (van Kambodja) is nou 12 en Zahara Marley Jolie-Pitt (van Ethiopië) is nou nege. Bo, van links: Shiloh Nouvel Jolie-Pitt (gebore in Namibië) is agt. Knox Léon Jolie-Pitt, Pax Thien Jolie-Pitt (van Viëtnam) is tien en Vivienne…

Die Fourie-gesin woon in ’n stil en boomryke Kaapse woonbuurt. Maar wanneer jy by dié erf indraai, weet jy jy begeef jou nou op kindergebied. Daar is plek vir wawiele op die grasperk, bollemakiesie op die trampolien, glyplank gly, swaai en baljaar in ’n ysblou swembad. In die oprit staan ’n agtsitplekbussie. Teen die kombuismuur is ’n yslike witbord waar die week se skedule neergepen word. Op Pa en Ma se fone is alarms wat hulle herinner aan wie waar en wanneer op- of afgelaai moet word. Vir die ouers, André en Anita, is dit maar hoe dit is. En hulle glimlag trots oor hul kroos. Een vir een dop nog ’n gesiggie uit. Die oudste, die veertienjarige Elata, is op koskool in die Paarl. Kort op haar hakke is…

LUUKS Black Sheepstukke word van hoëgraadse, Italiaanse Loro Piana-kasjmier gemaak. KASJMIERPONCHO (R2 800; EEN GROOTTE) EN POLONEKKASJMIERTRUI (R2 800; S-XL) ALBEI BLACK SHEEP. KLEURE: GRYS, MIDDERNAGBLOU, BRUIN EN SWART. UNIEK en handgemaak Henriette Botha se pragstukke weerspieël haar moderne benadering tot tradisionele Afrika-juweliersware. Haar ontwerpe word gekenmerk deur kleurryke kralewerk en halfedelgesteentes, koper wat met goud en silwer oorgeblaas is, lasersnydetail en hekelwerk. DESERT ROSE-HALSSNOER (R4 500) HENRIETTE BOTHA. KLASSIEK Die Timex-horlosie is van vlekvrye staal, toegerus met ’n Indiglo-naglig en waterbestand tot 30 m. ORIGINALSHORLOSIE (R1 499) TIMEX. Nuut op die rak Captive8 se nuwe MARLY-etiket is ontwerp vir die jeugdige en modebewuste vrou wat grootte 14-24 dra. Die kleure is monochromaties. BAADJIE (R980; 14-24) CAPTIVE8 HOUSE OF FASHION. SKITTER Die Swarovski-Facets of Light-versameling laat styl skitter. STARDUST-ARMBANDE (VANAF…

VARS en verfris The Body Shop se nuwe VITAMIN E AQUA BOOST SORBET (R135 VIR 50 ML) verfris my vel dadelik. Die tekstuur is ongelooflik sag. Die room word vinnig geabsorbeer, dis nie taai nie en ruik boonop fantasties. JUSTINE LUUKSE bederf Ek is gaande oor Sisley se Black Rose Cream Mask en gesigolies en was ekstaties toe ek hoor Sisley het nou ook ’n BLACK ROSE PRECIOUS FACE OIL (R3 000, UITGESOEKTE EDGARS-TAKKE). Die reuk is hemels en dit voed my droë vel goed. Ek gebruik sewe druppels op my gesig, nek en hals. SUZANNE 2-in-1 NAELS Die nuwe L’Oréal Paris Colour Riche Nail Polish (R99,95) is nou ’n gerieflike konsep: die gekleurde naellak is in die een helfte van die botteltjie en die bolaag aan die ander kant…

TANDSTEEN Wat is dit? Dit begin by plaak. Bakterieë, kos en verteringsprodukte vorm plaak, ’n klewerige, taai materiaal wat aan jou tande vasklou. Mondsure word hier gevorm, wat jou tandemalje afbreek en gaatjies in jou tande – en tandpyn – veroorsaak. Maar dit is nie al nadeel van plaak nie. As jy plaak nie goed afborsel nie, begin dit ná net 26 uur in klipsteenharde tandsteen omsit. • Hoekom is dit ’n probleem? Tandsteen is selde opvallend en soms is ons min gepla daaroor. Maar as tandsteen op jou tande opbou, kan jy hulle nie goed borsel nie, en ook nie vlos nie, want die tandsteen breek die vlos. Dit verskaf ekstra “blyplek” vir bakterieë. So vorm meer plaak, en meer tandsteen. Die probleem bou op. Aanvanklik sal jou tandarts…

SOENSAGTE LIPPE Die winter doen jou lippe geen guns nie. Hou joune sag en soenbaar met Blistex se nuwe Nurture & Nourish (R55,95). Dis volgeprop met anti-oksidante, vitamien E en minerale en ’n sonblok met SBF 15. En natuurlik die ou staatmaker, DCT (R59,95). BEGIN NOU! Herbex se Slimmer Starter Pack bevat drie produkte en gesonde eetplanne om jou te help om gewig te verloor. Die pak bestaan uit 50 ml Slimmers Drops, 50 ml Detox Booster en 20 Slimmers Fat Burnteesakkies (sowat R193 by die meeste groot winkels). Raadpleeg eers jou dokter as jy ’n diabeet is. WEN Tien gelukkige rooi rose -lesers kan elk ’n wegspringpak van R193 wen. SMS net Herbex, jou naam, adres en ID-nommer na 48409. Kompetisie sluit 30 September 2014.…

Tyd vir ’n blaaskans by die werk? Kyk hierna – dit neem net ’n paar minute: www.youtube.com/watch?v=G4nX0Xrn-wo Warm winter Dis September, die winter van 2014 is verby. Wat sal ons onthou? Stakings en werkloosheid, honger en koue? Vir my is dit die warmte van sonlig teen vensterruite, die wasem van geurige sop, en ’n geskenk van ses stomende kolwyntjies uit my buurvrou se kombuis; woltruie, jasse, serpe en handskoene, snags ’n snoesige bed, liefde en vriendskap, en die allesoorweldigende wete dat God ons met volmaakte warmte omhels. Sy son skyn oor almal, sy genadegawes is vir elkeen. Die bietjie wat ek kon teruggee, lyk nou so min. Daarom wil ek die res van die jaar meer uitdeel en minder as vanselfsprekend aanvaar. - HELENA HUGO, SKRYWER DIE IDEALE PAS Teen…

The Directory is ’n nuttige aanlyngids tot ’n volhoubare leefstyl en vernuwende ontwerp. Die gids het ’n vars aanslag en baie inspirasie met  voorskoue van die beste in ontwerp, nuus, uitvindsels, reis, kos, drank, kuns, boeke en alledaagse leefstyl. Kyk by lifeinbalance.co.za Volgens die Verenigde Nasies se omgewingsprogram (Unep) moet ons die volgende tien jaar elke jaar sowat 14 miljard bome plant om die afgelope dekade se verlies aan bome in te haal! TUINDAGBOEK GARDEN WORLD (Beyers Naudé-rylaan (M5), Johannesburg • Nog tot 31 Augustus: Jaarlikse Lentefees 2014 met ontwerperskoutuine en uitstallings (ook Kirstenbosch se bekroonde Chelsea-uitstalling en ander opvoedkundige uitstallings deur die Walter Sisulu Botaniese Tuin en Rand Water). • 7 September: uitvoering van The Show Must Go On met die musiek van Queen en die Johannesburgse simfonieorkes se Rhythm…

FEITE EN GEITE Het jy geweet ‘n mens kry rooi en pienk piesangs? « » Die wetenskaplike naam vir piesangs is musa sapientum wat die “vrug van die wyse man” beteken. « » Met die vesels van die piesangplant word klere gemaak. PIESANGBROOD Genoeg vir 2 broodjies KRY EERS AL DIE BESTANDDELE REG » 45 g ligte bruinsuiker » 30 g amandels, gekap » 255 ml suurroom » 5 ml koeksoda » 100 g botter, gesmelt » 230 g strooisuiker » 2 middelslageiers, liggies geklits » 250 g koekmeel » 5 ml bakpoeier » 5 ml kaneel » 250 g fyn gedrukte, ryp piesangs Hei, Kombuiskarnallie! Laai jou sertifikaat by www.rooirose.co.za  af. Jy sal daar nog meer koswenke en prettige…

IN 2013 HET FORTUNE MAGAZINE SARAH AS EEN VAN 2013 SE MOST POWERFUL WOMEN ENTREPRENEURS AANGEWYS. SY HET DIE TYDSKRIF SE ENTREPRENEURSBERAAD IN WASHINGTON BYGEWOON EN IKONE SOOS SARA BLAKELY VAN SPANX EN SHERYL SANDBERG VAN FACEBOOK ONTMOET. Sarah se geheime wapen is die Wonderbag. Met dié sak bemagtig sy vroue wêreldwyd én gee besoedeling ’n kishou. Meer as 660 000 wondersakke is al wêreldwyd verkoop en 8 000 is as koop-een-skenk-een beskikbaar gestel om noodlydendes in Afrika te help. Maar wat ís die Wonderbag? In dié geïsoleerde shweshwe-materiaalsak kook jy kos wat tot kookpunt verhit is sonder enige energie verder tot gaar. Maar eers moet jy die kos goed warm kry, soos rys wat vir 5 min. moet kook voor jy die warm kastrol in die Wonderbag sit. Laat…

Dit is wyne van ’n wêreld vol geure. Orange River Cellars se smaaklike wynreeks word gemaak van druiwe wat aan die sondeurdrenkte oewers van die Oranjerivier in die Noord-Kaap gedy. Hier verseker die ongerepte omgewing dat elke bottel wyn die smaak van die natuur oordra. Fris en koel chenin blanc en speseryagtige en volgeur shiraz. Dan is daar nog colombard, cabernet sauvignon, sauvignon blanc en pinotage. Om net ’n paar te noem. Geniet Orange River Cellars se wyne saam met goeie geselskap, of saam met een van jou geurige geregte wat ons met trots saam tafel toe neem. Want hierdie is jou smul – oomblik en ons lieflike wyn. Vir meer inligting gaan na www.orangeriverwines.com…

MELISSA DELPORT Dié jong Suid-Afrikaner het uitgewers wêreldwyd aan die praat met haar fantasieryke nuwe trilogie wat pas die rakke geslaan het. Dit is onmoontlik om die Legacy -reeks nie met The Hunger Games te vergelyk nie Die vergelyking word dikwels gemaak en terwyl dit nie my skryfwerk beïnvloed het nie, beskou ek dit as ’n reuse-kompliment! Dis natuurlik dat die twee reekse vergelyk gaan word: albei is van ’n distopiese aard, en albei het twee baie sterk vroulike protagoniste. Maar terwyl albei despotisme, onderdrukking en die strewe na vryheid en geregtigheid uitbeeld, is die stories baie verskillend. Hoekom dink jy is daar so ’n heerlike oplewing in fantasie en apokaliptiese literatuur en flieks? Pure ontsnappingsfantasie – en die leser “verdwyn” in…

AMIRA – AMIRA. DIE WÊRELD HET BEWUS GEWORD VAN AMIRA NÁ HAAR ONGELOOFLIKE OUDISIE VIR DIE TV-PRODUKSIE HOLLAND’S GOT TALENT. DIE NEGEJARIGE HET TOE DIE KOMPETISIE GEWEN. HAAR EERSTE ALBUM HET PAS DIE LIG GESIEN, EN DIE RITS KLASSIEKE NOMMERS DAAROP BEWYS DAT SY WERKLIK NIE NET ’N EENDAGVLIEGIE WAS NIE. DIE GUNSTELING, “O MIO BABBINO CARO”, IS STEEDS DAAR. POSDUIF – CHRIS CHAMELEON EN DANIELLA DEYSEL. VIR DIE EERSTE KEER IN SY SOLO-LOOPBAAN HET CHRIS CHAMELEON SAAM MET IEMAND ’N CD OPGENEEM. DANIELLA SE HELDER STEM EN SY LIRIESE FALSETTO KOMPLEMENTEER MEKAAR HOENDERVLEIS-MOOI. GOEIE LIRIEKE – CHAMELEON WEET HOE OM MET DIE TAAL OM TE GAAN – EN GOEIE MELODIEË. DALK KORT DIT NET ’N BIETJIE AFWISSELING. DOEP IS NIE DOOD NIE –…

Die merkwaardige skrywer Pearl S. Buck was in 1938 die eerste Amerikaanse vrou wat die Nobelprys vir Letterkunde ontvang het. Pearl, wat die eerste veertig jaar van haar lewe in China gewoon het, het in haar werk haar liefde vir China en die aardse Chinese kleinboere vergestalt en ’n gesprek tussen die Ooste en die Weste aangemoedig. Pearl, ook bekend onder haar Chinese naam, Sai Zhenzhu, is jare lank in en ná die Chinese Kulturele Revolusie as die “kulturele vyand” gebrandmerk en sy is kort voor haar dood in 1973 finaal ’n visum geweier om China te besoek. Maar nou kry sy in China erkenning, nie net vir haar rol om die Chinese kultuur vir die onkundige Westerling te ontsluit nie, maar ook as ’n akkurate dokumenteerder van die landelike…

Die skrywer van vandeesmaand se wenbrief ontvang ’n geskenkpak van QMS Medicosmetics ter waarde van R5 000. Die velsorgreeks wat deur dr. Erich Schulte, ’n Duitse plastiese chirurg ontwikkel is, is gegrond op tegnologie wat kollageenproduksie stimuleer en ’n unieke stelsel vir velvernuwing skep. Bel 0860 018 022 of besoek www.futurethis.co.za vir meer inligting. DANKIE In my laaste week van tienerwees het ek besef hoe dankbaar ek moet wees vir alles in my lewe: ’n nuwe werk, studies is afetaal en binnekort kry ek my eie plekkie. rooi rose het my geseën met die eenvoudigste dinge wat die grootste impak op my lewe gemaak het - of dit is hoe om aan te trek en op te tree vir die professionele lewe, resepte wat my ma soms verstom het, en…

Wie is jou grootste rolmodel? Hoekom? Corné van der Nest (40), besigheidsadviseur, Stellenbosch Ek is bevoorreg om meer as een rolmodel te hê. Ek bewonder my ma vir haar grasie en trots. Sy sien so mooi om na haarself, fisiek en geestelik. My pa het ’n ongelooflike sagtheid aan hom; so ’n lang man met die kleinste hartjie wat steeds saans voor sy bed kniel om te bid. Liewe, lawwe Leentjie het altyd tyd vir ’n grappie, ook in die donkerste dae. Liesel Lappies tel haar seëninge daagliks. Olivia se getuienis in Helena Olivier se boek Stories van Vergifnis. Elke getuienis het uit eie reg ’n rolmodel wat in my lewe inspreek en wat ek my eie maak. Suzette Ann Brickhill (45), huisvrou, George My rolmodel was nog altyd Margaret…

Wanneer Angelina Jolie op die rooi tapyt poseer, flits die kameras soos weerligstrale wanneer sy glimlag. Aanhangers skree haar naam en staan reg met pen en papier om haar handtekening te kry. Skoonheid is nie iets wat sy hoef te skep nie. Dit is wie sy is, en sy laat dit so maklik lyk. Voel jy effens jaloers? Dink jou dan in: Jou werk in oorloggeteisterde lande werp lig op onmenslike wandade en help om geld vir die slagoffers in te samel. Maar ongelukkig fokus mense net op jou verhouding met ’n man wat jy teen die einde van sy huwelik met die wêreld se liefling ontmoet het. Jy het drie kinders uit ander lande aangeneem. Die paparazzi jag jou en jou man en ses kinders dag en nag. Die…

CANDICE SWANEPOEL (25), oorspronklik van Mooirivier in KwaZulu-Natal, was 15 toe ’n talentsoeker vir ’n modelagentskap haar by ’n vlooimark in Durban raakgesien het. Vandag is sy waarskynlik een van ons bekendste supermodelle en negende op Forbes se 2013-lys van internasionale topverdiener-modelle met ’n inkomste van sowat $3,3 miljoen per jaar. Sy het seker al op die voorblad van elke internasionale tydskrif gepryk, onder meer Vogue (almal, van die Australiese tot die Griekse, Brasiliaanse, Spaanse en selfs Japanse uitgawes), ELLE, GQ, noem maar op. Haar gesig is bekend vir advertensieveldtogte vir al die grootste handelsmerke, soos Nike, Tom Ford, Tommy Hilfiger, Diesel en nog ’n lang lys. En, natuurlik, die wêreldberoemde Victoria’s Secret. Candice is in 2010 aangewys as ’n Victoria’s Secret Angel, ’n eer wat haar dadelik tot ware…

Dis gepas dat Tim Harris, deesdae in die kantoor van die burgemeester van Kaapstad, die span lei wat meer beleggings na die Moederstad moet lok. Kaapstad is immers sy geboortestad, hoewel hy in KwaZulu-Natal grootgeword het en ’n leerling aan die bekende Hilton College was. Ná matriek het hy drie grade aan die Universiteit van Kaap- stad behaal. “Ek het tussen my honneurs- en meestersgraad in ekonomie ’n ruk lank in ’n beleggingsbank in Johannesburg gewerk maar omdat ek ’n oulike meisie ontmoet het, wou ek terug Kaap toe,” vertel Tim (35). Dit was 13 jaar gelede, en vandag is hy en die “oulike meisie” die trotse ouers van ’n prinsessie met die naam Neve. Hoe het jy in die party- politiek beland? Kom jy uit ’n politieke familie? Nee,…

RYNSTENE Prada se jongste sonbrilversameling, Voice, is buitengewoon treffend, danksy die bonkige ontwerp en sterk skakerings, afgerond met kleurryke rynstene. ROK (R349; 6-20) WOOLWORTHS. PRADA-SONBRIL MET RYNSTEENVERSIERINGS (R4 151) LUXOTTICA. KORTER BROEK met WYE PYPE Die korter lengte en wydte van dié broek kan jou maklik korter laat lyk. As jy tenger gebou is, dra glansende wighakke daarby om balans en die illusie van lengte te skep. Neem hoëhakke en plat skoene saam winkel toe wanneer jy dié styl gaan aanpas. Dit sal jou ’n realistieser idee gee van die soomlengte wat jou die beste pas. TOP (R199; 32-40) TRUWORTHS. WYEPYPBROEK (R899; 4-16) EN WIGHAKSANDALE (R1 299) WITCHERY. HALSSNOER (R149) COLETTE HAYMAN. TED BAKERLEERGORDEL (R819) STUTTAFORDS. SITRUS Jenny le Roux van Habits het hierdie elegante geel rok ontwerp ter viering…

‘Suiwer’-skoon DIOR SE NUWE ONE ESSENTIAL INTENSE DETOXIFYING SERUM (R1 200 VIR 30 ML; R1 600 VIR 50 ML) beveg ouderdom deur jou velselle te ontgif en die skade van interne gifstowwe (stres, moegheid) sowel as eksterne gifstowwe (besoedeling, sonskade) te herstel. Die resultaat is ’n glansende voorkoms en ’n skoner vel. ONSIGBAAR Shield moedig jou aan om meer te doen en dus ook meer te sweet … Toe maar, daar’s g’n rede tot kommer nie! Die nuwe SHIELD INVISIBLE BLACK & WHITE AEROSOL DEODORANT (R22,99) EN SHIELD ROLL-ON DEODORANT (R16,99) laat nie geel vlekke op ligte klere of wit merke op swart klere agter nie. Lieflike wenkbroue MET CLARINS SE NUWE LADYLIKE EYEBROW KIT “PRO PALETTE” (R450) kan jy voller en gedefinieerde wenkbroue optower. Dit sluit drie kleure in…

Die essensie van vroue-vryheid is dat elke vrou – sestien of sestig – kan besluit hoe sy haar seksuele kant gaan beleef. Sonder skuldgevoelens en weldeurdag. Op ’n tyd wat haar pas. En dit beteken dat voorbehoedmiddels deel van die storie word. Elke besluit hieroor is geldig, met sy eie voordele, nadele en veral verantwoordelikhede waaroor jy baie nugter moet besin. Ons bekyk die gewildste metodes, asook dié wat byna vergete is maar steeds unieke voordele het. DIE ONDERHUIDSE TOESTEL Wat dit is Dit is nuut en gratis, so klein soos ’n dun vuurhoutjie maar met soveel woema soos 36 pakkies van die gewone Pil. Dit keer swangerskap vir drie jaar. Hoe dit werk Maak ’n afspraak by jou plaaslike staatshospitaal (waar dit gratis is) of jou dokter (by wie…

“SOET”-KOEKIES AMANDEL-EN-LEMOEN-KOEKIES GENOEG VIR SOWAT 15 KOEKIES 100 g sagte botter 30 ml xylitol 3 eiers 1 eiergeel (hou die eierwit) 125 ml (½ k) amandelmeel 125 ml (½ k) klappermeel gerasperde skil van 1 lemoen (of suurlemoen) 60 ml (¼ k) amandelvlokkies Voorverhit die oond tot 180 °C. 1 Room die botter en xylitol saam tot lig en donsig. 2 Gooi een eier op ’n slag by en meng baie goed ná elke byvoeging. 3 Gooi die eiergeel by en meng goed. Klits tot lig en donsig. 4 Gooi die amandel- en klappermeel en lemoenskil by en meng goed. 5 Rol die deeg in ’n rol met deursnee van sowat 5 cm. Draai in kleefplastiek toe en sit vir minstens 30 min. in die yskas. 6 Sny die deeg…

Wilma Basson is September se wenner. Hier is haar lekker en maklike souttertresep WILMA SE SOUTTERT GENOEG VIR 1 GROOT TERT, OF 6 KLEINTJIES • botter om die tertbak mee te smeer • 1 ui • 60 g botter • 30 ml (2 e) koekmeel • 1 x 415 g-blik pienk salm, swart velletjies en grate verwyder • 250 ml (1 k) gerasperde cheddarkaas • 5 ml (1 t) mosterdpoeier • 5 ml (1 t) suurlemoensap • 4 eiers, geklits • 250 ml (1 k) suurroom • 250 ml (1 k) melk • 15 ml (1 e) vars pietersielie, gekap • 15 ml (1 e) sprietuie, gekap (ons byvoeging vir ekstra kleur) • sout en rooipeper na smaak Voorverhit die oond tot 180 °C. 1 Smeer ’n 26 cm-tertbak of ’n muffinpan met 6 groot holtes deeglik met botter. 2 Soteer die ui in…

DOKTOR FANNIE SEBOLELA (57), hoof van Khensani Primary School in Soshanguve naby Pretoria, is een van die merkwaardigste mense wat ek al in my joernalistieke loopbaan van twee dekades ontmoet het. Hy is onlangs vir die tweede keer as Suid-Afrika se onderwyser van die jaar aangewys. Maar dis nie sy toekennings en grade wat beïndruk nie - hoewel dit wonderlik is om van ’n skoolhoof te hoor wat ’n hele gemeenskap opgehef het deur ’n sukkelende skool in ’n topskool te verander. Dis eintlik Fannie se lewensverhaal wat ’n mens stom van verwondering laat. Hy moes as twaalfarige uitspring om sy enkelma, Miriam, te help om sy jonger boeties en sussies geldelik te onderhou. Tuinwerk was iets wat die seuntjie kon doen om ’n eerbare inkomste te verdien, en so…

Liewe Ma As jy hierdie brief lees, beteken dit ek sal nie weer die kans hê om met Ma te praat nie. Ek is jammer om dit aan Ma te doen, maar elke mens het ’n breekpunt. Mense wil altyd redes hê vir goed soos dié. Hulle wil weet sodat hulle hulself kan troos dat dit nie hulle skuld was nie. Ander wil weer ’n lekker storie hê om oor te vertel. Al wat vir my saak maak, is dat Ma moet weet dis nie Ma se skuld nie. God het vir my die heel beste ma in die wêreld gekies en ek sal ons band vir niks verruil nie. Maar al was Ma seker die mens wat my die beste geken het, was daar goed wat Ma nie van…

In September praat ons oor “vrouehelde” om aan te sluit by die tema van ons skrywer se boeke. As jou boekklub al die vrae reg beantwoord, skenk Graffiti aan julle al die boeke in hierdie uitgawe van “Rooiwarm”. Stuur jul antwoorde na roneln@caxton.co.za met “September-boeke” in die onderwerpreël of na www.rooirose.co.za. Klik op “boeke” en volg die aanwysings. Stuur asb. jou boekklub se naam, posadres en ’n selnommer. Vrae 1.  Wie is die vroue-protagonis in die Hunger Games-reeks?2.  Jeanne d’Arc: Wat het sy gedoen; hoe oud was sy; wat is haar naam in Afrikaans?3.  Watter heldhaftige Britse vrou het in die Anglo-Boereoorlog in die konsentrasiekampe gehelp?4.  Wie het tussen die gorillas in Rwanda gebly en die wêreld bewus gemaak van hul stryd om oorlewing?5.  Watter country-sangeres het die liedjie “Jolene”…

DIE AARDKLOP NASIONALE KUNSTEFEES (6 tot 11 Okt.) is al weer om die draai, met nog ’n uitstekende toneel-, musiek-, klassieke musiek- en kommersiële musiekprogram. Vanjaar staan veral die klassieke musiek en toneel uit, en hou die oë oop vir die sopraan Magdalene Min- naar. Sy vermaak gehore wêreldwyd met haar veelsydige stem en enigmatiese verhoogpersoonlikheid, soos onlangs gesien in Showboat en The Phantom of the Opera. Sy is te sien in twee produksies by Clover Aardklop. Poskantoor is die eerste Afrikaanse opera van die 21ste eeu. ’n Opera propvol kinkels, kabels, katkoppe, klassestryde, liefde oor die kleurgrens, klasgrens en klankgrens. Ook met Jannie Moolman, Elizabeth Frandsen, Lynelle Kenned en Bongani Kubheka. Wees ook op die uitkyk na Taal van my hart – ’n ballade vir Afrikaans – ’n reis…

Wanneer dit by die liefde kom, laat die hart hom nie voorskryf nie. Ware liefde word nie aan bande gelê deur mensgemaakte reëls nie. Daarvan getuig die vele liefdesverhoudings wat deur die eeue heen tussen slaaf en eienaar, Christen en Moslem, regsgesinde en liberaal, adellike en burgerlike (soos die huwelik tussen prins William en Kate Middleton) bestaan het. Nou praat ons nie eens van “liefde oor die kleurgrens” nie - wie kan vir Jannie Beetge en Bubbles Mpondo vergeet? ’n Afrikaner en swart verpleegster wat mekaar in die apartheidsjare, ondanks die Ontugwet, tot die dood toe liefgehad het. Sulke onwaarskynlike liefdesverhoudings laat ’n mens afsien van jou vooropgestelde idees oor hoe die liefde moet wees. Reeds as kind het ek besef dat my ridder nie op ’n wit perd gaan…