Innholdsfortegnelse for 29-Jan-16 i Landbouweekblad

Die landbou raak amper elke aspek van ons lewe en word beïnvloed deur besluite in amper elke sektor – energie, water, gesondheid, tegnologie en vervoer, om maar ’n paar te noem. Elke vraagstuk wat boere raak – van die gebruik van GM gewasse tot die uitvoer van lewende hawe en klimaatsverandering, is nou onderhewig aan verdelende debatte van talle “belanghebbendes”. Die landbou gaan in komende dekades afhanklik wees van boere se vermoë om nuwe tegnologieë te gebruik, maar al hoe meer verbruikers in Eerstewêreldmarkte vra vir “boerdery volgens die ou styl” en “kos met ’n storie”, wat lei tot uiteenlopende politieke menings oor die landbou. Maatskappye, soos Apple en Google, is suksesvol omdat hulle nuwe idees en tegnologie aangryp. Hierdie benadering is nou meer as ooit nodig in die landbou.…

WILD R1 miljardse nageslag! Vergesog? Nee, die super buffel Horison kan nageslag van dié omvang verwek, sê die bekende wildteler mnr. Pietdu Toit van Rustenburg. Horison word bestempel as die buffel in private eienaarskap met die grootste horings ter wêreld. ARTIKELS & RUBRIEKE ■ Streng kultivarnorme knou koringinkomste ■ Superbuffel kan meer as R1 miljard verdien ■ Maak só geld met granate ■ Bly aan die voorpunt en oorleef, sê Nieu-Seelandse boere ■ Boereplan: Plaas kunsmis diep vir beter oes GESIN ■ Boerekos: Die somer op jou spensrak…

FANIE BRINK skryf: As die Regering nie gemiddeld R35 miljard per jaar gesteel het nie, sou daar genoeg geld gewees het om kommersiële boere ook met die rampdroogte te help. Die Regering se skuld het sulke afmetings aangeneem dat die land waarskynlik vanjaar nog deur die Internasionale Monitêre Fonds gehelp sal moet word omdat die Regering se oorbesteding en selfverryking geen perke het nie. Alles sal verder vererger sodra die land se finansiële status na “gemors” afgegradeer word. Die ekonomie is buite die bestuursvermoë van die korrupte ANC-Kommuniste, en die land sal vanjaar ’n ongekende lang tydperk van negatiewe ekonomiese groei binnegaan. Daar is net een pad vir die land, en dit is na ’n derdewêreldse, onderontwikkelde land. Dit sal egter nie die regeringsamp-tenare pla nie, solank hulle net hul…

SUID-AFRIKA se komende mielie-oes gaan net 5 miljoen ton of heel moontlik selfs minder beloop van die meer as 11 miljoen ton wat nodig is om die binnelandse mark en sy bure te voed. Dít kan die resultaat wees van die slegs 55% van die beoogde hektare onder mielies wat Graan SA raam plaaslike boere vanjaar kon plant. Dié produsente-organisasie skets ’n desperate prentjie van die stand van nie net Suid-Afrika nie, maar die hele Suider-Afrika se voedselmandjie, wydverspreide reënneerslae die afgelope twee weke ten spyt. Die reën het ’n effense verligting gebring, maar geen beduidende verskil gemaak nie, sê Graan SA in sy gereelde daaglikse markverslag. Dit is onwaarskynlik dat aanplantings betekenisvol verhoog sal kan word, want die optimale planttyd is nou vir alle streke in die somerreënstreek verby.…

NIE alle graanboere is tans so geseën om groen gewasse op hul landerye te sien nie, maar as jy een van hulle is, moedig dr. Rikus Kloppers van Pannar jou aan om dit soos goud op te pas. “Dit sal nie ’n fout wees om nou produksiekoste aan te gaan om die opbrengspotensiaal wat wél tans op die landerye is, so goed moontlik te beskerm nie. Die geld wat jy bestee, sal jy vir seker danksy die hoë produkpryse terugverdien. “Moet ook nie ophou inspeksies doen net omdat jy dink dis droër nie. Siektes en plae het nie net reën nodig nie, maar floreer in hitte en humiditeit. Die huidige warm weer saam met die vog van die reën wat onlangs geval het, is ideale toestande vir die ontwikkeling van…

NAMIBIË Veeboerdery verteenwoordig sowat 75% van Namibië se landbousektor. Die beesbedryf werk tans teen ’n verlies van 7% en skaapboere teen ’n verlies van 2%. Verlede jaar was daar ’n misoes vanweë die droogte. Met die erge hitte is daar min grondvog. BOTSWANA Veral die suidelike deel van die land loop deur. Damme en boorgate droog op. Die departement vir minerale, energie en waterhulpbronne gaan P400 miljard (R567 miljard) aan die waterkrisis bestee. “In die suide is ons nou in ons vyfde jaar van geen reënval,” sê minister Onkokame Mokaila. ZIMBABWE Sowat 7 000 beeste het reeds weens die droogte gevrek. Volgens dieChronicle, ’n koerant in Zimbabwe, loop die Middelland en Suid-Matabeleland kwaai deur. Die provinsie Masvingo kry die swaarste. Die land se meulenaars het onlangs gewaarsku dat die land…

TWEE weke lank het Landbouweekblad tevergeefs by mnr. Senzeni Zokwana se departement antwoorde gesoek op vrae oor watter spesifieke maatreëls die staat tans tref om boere en gemeenskappe te help, afgesien van geld wat hertoegewys is. Aanvanklik is belowe inligting sou teen druktyd beskikbaar wees, maar eindelik het die departement laat weet inligting word nog vanuit die verskillende provinsies ingesamel om te bevestig of boorgate werklik gesink is en of veevoer by boere uitgekom het. Zokwana sou egter net ná druktyd ’n verdere perskonferensie hou waartydens meer besonderhede bespreek sou word. Zokwana se perskonferensie op 15 Januarie saam met Agri SA, Graan SA en die African Farmers’ Union (Afasa) het klem gelê op logistiek en die beskikbare begrotings, asook om die versekering te gee dat die staat wel gereed is…

1 AFRIKA IS DIÉ PLEK Afrika is die vasteland wat meer en meer kos gaan nodig hê in die volgende 25 jaar om ’n geprojekteerde 75 miljoen meer mense te voed. Dit is ook die plek om te boer, luidens ’n verslag van die CME-groep van Chicago, die wêreld se voorste mark vir afgeleide landbouprodukte. Benewens die bevolkingsgroei is die belangrikste aanduiders die vasteland se lae gemiddelde ouderdom en die lae kilojoule-inname per kop, wat ’n groot potensiaal vir groei veronderstel. Die vasteland het egter drie groot struikelblokke: Sy onvermoë om ’n voedselsurplus te produseer, sy onvermoë om ’n kapitaalsurplus te genereer en politieke fragmentasie. Nog ’n probleem is dat Afrika nie soveel landbougrond het soos wat algemeen aanvaar word nie. Dit het groot woestyne in die noorde en die…

Die Wêreld Ekonomiese Forum (WEF) hou jaarliks teen einde Januarie in Switserland ’n byeenkoms van sakeleiers waartydens die wêreld se sakevooruisigte en veranderinge bespreek word. Een van die dokumente vir die byeenkoms is die Global Risk Report. Die verslag is ’n goeie opsomming van onderhoude en navorsing wat met internasionale sakeleiers gevoer word om ’n wetenskaplike verslag saam te stel oor die belangrikste en waarskynlikste risiko’s wat die wêreldekonomie in die volgende tien jaar kan tref. Wat belangrik is ten opsigte van die verslag, is om die interverwantskappe tussen die verskillende risiko’s te verstaan en hoe die een risikogebeurtenis tot die volgende een kan lei en dus ’n kettingreaksie kan veroorsaak. Die risiko’s moet dus nie as losstaande gebeurtenisse gesien word nie, maar as ’n proses wat aan die gang…

Wat is die belangrikste faktore om in ag te neem voordat iemand met hidroponiese stelsels begin eksperimenteer? Charlie Malan: Dit is belangrik om ’n geskikte perseel te kies waar jy natuurlike hellings tot jou voordeel kan gebruik en sodoende die koste om die water teen ’n helling uit te pomp, asook die koste verbonde aan grondverskuiwing, te bespaar. Daarna is enigiets waarin water kan vloei en jy ’n plantjie kan vestig geskik vir hidroponika mits jy die temperatuur kan reguleer en sonlig van die water af kan weghou. Die temperatuur, watergehalte, voeding en suurstof in die water is dan die aspekte wat jy met ’n valkoog moet dophou. Jy moet ook proewe daarmee doen om te sien watter verhoudings en praktyke werk die beste in jou opset. Ons het lank…

Mnr. Justin Kingwill het van 1999 tot 2005 in die Royal Marines gedien (Britse vloot). Hy was in die 42-kommando van die Royal Marines se operasionele eenheid en was deel van operasies in Noord-Ierland, Irak en Sierra Leone, waarvoor hy verskeie medaljes vir diensbeurte ontvang het. “Ek het by die Royal Marines aangesluit omdat ek nog altyd in die militêre leefwyse belang gestel het. Albei my oupas het in die Tweede Wêreldoorlog geveg. Van jongs af het ek ’n reusebewondering gehad vir hulle en enigiemand wat die ‘moeilike myle’ in ’n militêre omgewing afgelê het, veral in meer gespesialiseerde rolle. Die Royal Marines het dit aan my gebied,” sê Justin. Die vooraf-keuringsproses vir die Royal Marines bestaan uit ’n basiese opleidingsprogram wat oor 30 weke strek in Lympstone, Devon, waar…

DEXTER 1 Senior en grootkampioenbul, Dané Zander DDS 9/10. Eienaars: Mnr. Danie (regs, sel 00264 81 255 7554) en mev. Carina van Vuuren, Dané-Dexterstoetery, Outjo. Die bul was ook die opperste senior kampioenbul (dubbeldoelrasse). 2 Senior en grootkampioenkoei, Dané Lala DDS 1/10. Eienaars: Mnr. Danie (regs) en mev. Carina van Vuuren, Dané-stoetery, Outjo. Die koei was ook die opperste junior kampioen vroulike dier (dubbeldoelrasse). LIMOUSIN 3 Junior en grootkampioenbul, Adolf GSL 12/29. Eienaar: Mnr. Eandro Lottering (regs, sel 00264 81 419 9299), Golden Sun-stoetery, Gobabis. Hanteerder: Mnr. Andries Eiseb. Die bul was ook die opperste junior kampioenbul (vleisrasse). 4 Junior en grootkampioen vroulike dier, Alexia GSL 12/46. Eienaar: Mnr. Eandro Lottering (regs), Golden Sun-stoetery, Gobabis. Hanteerder: Mnr. Ervin Oaeb. Sy was ook die opperste junior kampioen vroulike dier (vleisrasse). BRAHMAN…

EERS DINK, DAN DOEN DS. KOBUS VAN DER WESTHUYZEN Is daar ’n meetinstrument wat die invloed van ’n mens se gedagtes kan bepaal? Ek dink nie so nie. Jou gewete dalk, maar ’n gewete kan ook maar ’n glibberige affêre wees en dit kan jou gedagtes lei op paaie wat jy nooit gedink het sal gebeur nie. Ek weet wel dat wat in ’n mens se gedagtes omgaan, uiteindelik bepaal watter soort mens jy gaan wees. Wat die argitek in sy tekenkamer doen, is presies wat in ons gedagtekamer gebeur. Ons dink eers oor wat ons wil doen, ons beplan, ons berei voor, ons weeg dinge teen mekaar op. Uiteindelik moet die gedagtes vorm aanneem in wat gedoen gaan word. Vroeër of later sal jy weet of dit goed was…

BLOUBOSLUISE dra bloedsiektes soos Afrika- en Asiatiese rooiwater en galsiekte oor. Dit kan tot groot produksieverliese en selfs vrektes lei. Die opbou van bloubosluisweerstand teen van die bekende dipmiddels is in sekere dele van die land só erg dat effektiewe bosluisbeheer al hoe moeiliker word. Die goeie nuus is dat Merial se Ivomec- reeks produkte steeds doeltreffend in bloubosluis-bestrydingsprogramme gebruik kan word. Boonop maak dié middels (Ivomec Inspuitbaar, Ivomec Super en Ivomec Gold) ook ’n aantal ander uitwendige en inwendige parasiete dood. Dit is veral die Ivomec Gold- inspuiting vir beeste met sy lang nawerking (wat bloubosluise vir tot 75 dae beheer), wat deur meer en meer beesboere gebruik word. Alle weidings is tot ’n mindere of meerdere mate met parasiete besmet. Navorsing het bewys dat beeste wat met inwendige…

LANDBOUWEEKBLAD se personeel bedank graag die volgende mense en instansies hartlik vir die goeie wense wat in die Kerstyd ontvang is: Nico Hawkins (Sagis), Suidwes Landbou, Ilse Trautman (Wes-Kaapse departement van landbou), Mooigezicht-landgoed, Hans Lombard, Lardus van Zyl en die uitvoerende bestuur van die Rooivleisprodusente-organisasie, Jannie de Villiers en die personeel van Graan SA, Yolan Friedmann (Trust vir Bedreigde Natuurlewe), SA Stamboek, Proteïennavorsingstigting, Annelize Boonzaaier (Hinterland), Omri van Zyl (Agri SA), die Internasionale Federasie vir die Veevoerbedryf (IFIF), Magda du Toit (Monsanto), Marinda van der Merwe (Vleissentraal), Elri Burger (LNR, Instituut vir Kleingraangewasse), Una-Lou Jordaan (LNR, Irene), Agri Wes-Kaap, die Land Bank, Ella Nyakunu (GMAssure), Schalk van Vuuren (MSSA), MediaShop, Alda Fourie (Xcellenté Business Solutions), Philagro, RCL Feed, Lauren Tissier (Afrikanerbeestelersgenootskap), Porchia Adams (Agri Expo), John Deere SA, Konsortium Merino,…

SKRYF nou in vir die tweede kompetisie vir graanverhandeling. Dit is gratis, jy kan die graanmark baie beter leer ken en moontlik kontantpryse wen. BVG se eerste graanverhandelingskompetisie verlede jaar was só suksesvol dat die borge besluit het om dié kompetisie weer vanjaar aan te bied. Die borge is BVG, BKB GrainCo, die Johannesburge Sekuriteitebeurs (JSE) en Landbou.com. Die kompetisie het op 18 Januarie begin, maar deelnemers moet vóór 19 Februarie vanjaar registreer. Die kompetisie duur tot 29 April. Die finaliste sal vanjaar tydens die Nampo-Oesdag aangekondig word. Die prysgeld vir die kompetisie is R45 000. (Die eerste prys is R20 000, die tweede prys beloop R15 000 en die derde prys is R10 000.) Die doel van die kompetisie is om deelnemers meer vertroud te maak met die gebruik…

WISSELKOERSSKOMMELINGS, die voortslepende droogte en die voorkoms van hael in die produksietyd van SuidAfrika se mangooes is van die beperkende faktore wat vanjaar ’n noemenswaardige rol in dié subtropiese bedryf speel. Die produksie in die Hoedspruitstreek is onder meer weens ’n haelstorm in November verlede jaar met minstens 30% ingekort. Mnr. Derek Donkin, uitvoerende hoof van die SuidAfrikaanse produsentevereniging Subtrop, sê die swak rand sal boere bevoordeel. Die verskepingskoste van uitvoervrugte word egter in Amerikaanse dollar betaal, wat op sy beurt die voordeel van die swak rand kan verminder. Boere word ook deur die sterk dollar gepootjie wanneer die prys van ingevoerde landbouproduksiemiddele styg en dus ’n verhoogde produksiekoste in randwaarde beteken. Oor die uitwerking van die buitengewoon hoë dagtemperature en die voortslepende droogte, sê hy kleiner vrugte, wat vroeër…

Die vraag na Afrikanerbeeste het verlede jaar skerp op veilings en in private transaksies toegeneem. Die telers en die Afrikaner-beestelersgenootskap spits hulle hoofsaaklik toe op die private mark waar beeste uit die hand verkoop word, maar hulle hou ook enkele veilings. In private verkope was die gemiddelde prys vir vroulike diere R10000 stuk en virbulle R25000 tot R30000 stuk. Die hoogste prys vir’n bul was R50000wat op’n veiling op Hoopstad behaal is.Prysevan R40000 en R37000 is ook op daardie veiling vir bulle betaal. Op’n veiling op Potchefstroom het bulle tot R26000 stuk behaal wat baie be kostigbaar vir telersis. Volgens die genootskap het die aankondiging deur’n beesvoerkraal dat hy nie Afrikanerbeeste koop nie, die genootskap genoop om’n nismark te skep vir diebemarkingvansagte, sappige Afrikanerbeesvleis wat vir die restaurantbedryf geskik is.…

10,9 miljoen ton Die Regering raam Suid-Afrika en sy buurlande sal weens die droogte 10,9 ton voedsel moet invoer. Benewens 5 miljoen tot 6 miljoen ton mielies vir Suid-Afrika, sluit dié raming die behoeftes van Zimbabwe, Lesotho, Namibië, Swaziland en Botswana in, en ook produkte, soos soja en koring. Die Departement van Landbou het R305,3 miljoen toegewys vir droogtehulp en die Departement van Grondhervorming R66,4 miljoen. 100 000 jaar Aardverwarming kan die aarde se volgende ystydperk met tot 100 000 jaar vertraag, luidens ’n verslag van die Potsdam-instituut vir klimaatsimpak-navorsing in Duitsland. Selfs sonder enige verdere toename in kweekhuisgasse is ’n volgende ystydperk onwaarskynlik vir die volgende 50 000 jaar. Selfs die huidige koolstofdioksiedvlakke kan gletserontwikkeling in die Noordelike Halfrond met tienduisende jare vertraag. 26% Varkvleis-produksie in Rusland het in…

‘Die meeste veeboere het baie groter moeilikheid as die graanboere, want hulle het niks om op terug te val nie.’ Prof. Dirk Strydom van die Universiteit van die Vrystaat. Bl. 22 ‘Moenie vra hoeveel dit gaan kos om te spuit nie. Vra eerder hoeveel dit gaan kos as jy nié spuit nie.’ Dr. Rikus Kloppers van Pannar onthou wat mnr. Tony Matchett altyd gesê het. Bl. 17 ‘As die meulenaars sien daar kom moeilikheid, koop hulle gewoonlik langer as vier maande vooruit.’ Mnr. Christo Joubert van die Nasionale Landboubemarkingsraad verklaar hoekom die rakprys van mieliemeel nog nie die mielieprys ingehaal het nie. Bl. 19 ‘As die melkprys nie binnekort styg nie, sal daar nie melk in die binneland wees nie.’ Mnr. Johan Strydom, Noordwes MPO-voorsitter. Bl. 20 ‘Die boere moet…

INVOERTARIEF IS PUIK VIR KORING WENBRIEF Die artikel “Dis hoekom koringtarief sleg is – verwerker” (LBW, 11 Des. 2015) het betrekking. Die invoertarief op koring misluk geensins in sy doel nie. Dit is ’n uitstekende meganisme en die enigste teenvoeter vir die onbillike vervoerdifferensiaal waarmee Wes-Kaapse koringboere al jare lank benadeel word. Die redenasie dat die Wes-Kaap ’n ooraanbod van koring lewer, word deur graankopers uitgebuit deurdat hulle die enorme vervoerdifferensiaal (R550) aftrek van Wes-Kaapse koring wat nie na die noorde van die land vervoer word nie. Die meulenaars of graankopers benut al jare lank hierdie onbillike en onregverdige voordeel en daar kon nog nooit met ’n aanvaarbare oplossing vorendag gekom word nie. Die rede is dat dit die enigste manier was hoe graankopers wou koop. Nooit het mnre. Tertius…

PRYSE op veeveilings is steeds laag omdat radelose boere wat nie meer kan bekostig om hul diere te voer nie, groot getalle te koop aanbied. Hoewel dit die laaste twee weke redelik wyd begin reën het, meen kenners toestande vir veeboere sal deur die winter net moeiliker raak. Die veld sal nog groei, maar dit gaan nie in groot volumes wees voor die winter toeslaan nie, sê prof. Dirk Strydom, landbouekonoom van die Universiteit van die Vrystaat. “Dit reën nie veld nie, en die winter gaan problematies wees, want dan gaan dit nie meer maklik wees om voer in die hande te kry nie,” sê hy. “Die meeste veeboere het baie groter moeilikheid as die graanboere, want hulle het niks om op terug te val nie. Hulle kan maar net…

DIE droogte kan boere se kontantvloei onder druk plaas, maar hulle moet juis nou koelkop bly en nie oorhaastige besluite neem nie, sê mnr. Koos Nel, hoof van Old Mutual Agrimark. Hoewel boere nou eerstens moet besin oor hoe hulle finansieel deur dié moeilike tyd gaan kom, moet hulle ook besef dat besluite wat hulle nou neem, langtermyngevolge kan hê, sê hy. “Kry so gou moontlik raad by ’n geakkrediteerde finansiële raadgewer. ’n Finansiële plan behoort alle aspekte in te sluit.” Nel sê Old Mutual se adviseurs kyk na vier onderling verwante aspekte om kliënte te help. ONDERNEMING Die druk wat boere kan ervaar om onder meer rente, premies en werknemervoordele te betaal, maak dit nou ’n goeie tyd om portefeuljes te hersien. “Kyk deeglik na versekeringswaardes en voordele in…

■ DroogteRampFonds Agri SA en Senwes het die fonds begin, wat nou deur Agri SA bestuur word. Sowat R3 miljoen is reeds deur individue en ondernemings geskenk, terwyl boere voer geskenk en vervoermaatskappye hulp aangebied het. Die kettingwinkelgroep Pick n Pay raak nou betrokke en die NG Kerk het saam met Agri SA ’n projek begin. NAVRAE: Agri SA, tel. 012 643 3400: e-pos: agrisa@agrisa.co.za; web: www.DroogteRampFonds.co.za. ■ Boere in Nood Mnr. N.C. Schoombee van Bethlehem het dié groep op Facebook begin, wat teen druktyd meer as 45 000 lede gehad het. Die groep het in ’n organisasie sonder winsbejag ontwikkel. Meer as 450 boere is reeds met voer gehelp, geldskenkings van meer as R2 miljoen is ontvang, terwyl voer- en vervoerhulp ook ontvang is. NAVRAE: Mnre. N.C. Schoombee, sel…

DIE prys van mieliemeel sal binnekort die prys van wit mielies inhaal. Dit kan vanaf die eerste kwartaal stelselmatig met tot 30% verhoog. Die gemiddelde prys van mieliemeel het die afgelope jaar met 17,4% gestyg – vanaf R32,14 tot R37,74c vir ’n sak van 5 kg, volgens Statistieke SA. Dit is aansienlik minder as die styging in die prys van wit mielies, wat verlede week ’n rekord-hoogtepunt van R5 106/ton behaal het. Dit is weens die ergste droogte sedert klimaatstatistieke in 1904 bygehou word en die rand se verswakking van sowat 30% teenoor die Amerikaanse dollar. Mnr. Christo Joubert, bestuurder van die landbouvoedselketting by die Nasionale Landboubemarkingsraad (NLBR), sê die mieliemeelprys styg gewoonlik sowat vier maande ná die mielieprys. “As die meulenaars sien daar kom moeilikheid met voorraad, koop hulle…

DIE DA se droogtespan het 4 000 km in vyf provinsies afgelê om die uitwerking van die droogte eerstehands te ervaar. Me. Annette Steyn, die party se skaduminister van landbou, sê die Regering besef nie hoe ernstig die droogte is nie, gegewe dat voedselpryse nog verder oor die volgende paar maande gaan styg en veevoer nie eens vir diegene met geld beskikbaar sal wees nie. Die DA se span het die volgende bevind: ■ Die damme by Mooirivier in KwaZulu-Natal het opgedroog ■ In baie dele van die land moes boere noodgedwonge die meeste van hul vee verkoop en in rivier- en stroombeddings begin grawe om waterpoele te soek. ■ Op Mtubatuba in KwaZulu-Natal het mense omkoopgeld begin betaal sodat water by hulle afgelewer kan word. ■ Op Calvinia in…

DIE organisasie Boere in Nood ontvang nou ook skenkings uit die buiteland. Mnr. N.C. Schoombee, stigter van dié organisasie wat as Facebook-groep begin het, sê hulle ontvang skenkings uit Kanada, Nederland, Duitsland en Nieu-Seeland. Na raming beloop die buitelandse skenkings reeds meer as $4 000 (meer as R67 000). Schoombee sê dit kom van Suid-Afrikaners wat daar woon, maar ook van burgers van dié lande wat simpatie het met Suid-Afrikaanse boere in die droogte. Die Facebook-groep het meer as 45 000 lede en groei steeds elke dag. Die organisasie is in gesprek met ander organisasies wat boere help. Benewens dié geld het Boere in Nood reeds sowat R2 miljoen se skenkings van Suid-Afrikaners ontvang, terwyl die waarde van skenkings wat hulle in die vorm van voer en vervoerhulp ontvang het,…

LENINGS met gunstige terme, beleggingstoelaes en versekeringshulp kan binnekort swart nyweraars in die landbouverwerkingsektor ’n hupstoot gee danksy ’n nuwe beleid van die Departement van Handel en Nywerheid. Dr. Rob Davies, Minister van Handel en Nywerheid, het die nuwe beleid onlangs op ’n mediakonferensie by die Parlement bekend gestel. “Die skep van swart nyweraars sal een van die beduidende maniere wees hoe ons met die land se nywerheidsontwikkeling vorentoe gaan beweeg,” het Davies gesê. “Ons gaan met die wenners werk. Ons soek nie mense wat die hele tyd rondgaan om regeringsgeld in die hande te kry om projekte te begin nie.” Me. Malebo Mabitje-Thompson, adjunk-direkteur-generaal by die departement se aansporingsafdeling vir nywerheidsontwikkeling, sê die rede waarom op die landbouverwerkingsektor gekonsentreer word, is dat die landbou baie lewensvatbaarder word wanneer ’n…

’N GROOT getal bees-, skaap- en bokboere in die opkomende en kommunale sektor het geen toegang tot enige vorm van bystand ten opsigte van vaardigheidsontwikkeling en kennis om hul eie ondernemings te ontwikkel nie. As opkomende en kommunale boere die regte inligting, voorligting en voorligtingsdienste kry, kan dit ’n groot bydrae lewer om Suid-Afrika meer selfvoorsienend in rooivleisproduksie te maak, sê die Rooivleisprodusente-organisasie (RPO). Volgens die RPO nader die opkomende gemeenskappe die rooivleisbedryf dikwels om hulp aangesien die voorligtingsdiens wat deur die Departement van Landbou, Bosbou en Visserye aangebied word, nie bevredigend is nie. “Die departement se voorligtingsdienste is nie die antwoord nie en daar is beslis ’n behoefte aan die ontwikkeling van vaardighede wat prakties gerig is,” sê mnr. Gerhard Schutte, hoofbestuurder van die RPO. Die nasionale organisasie vir…

Baie van die uittree-annuïteite (UA’s) van die 1980’s en 1990’s skitter in hul gebrek aan opbrengste en hul hoë koste. Maar dinge het intussen baie verander en Februarie vanjaar is die laaste maand wat daar nie ’n maksimum UA-bedrag is wat afgetrek kan word nie. Voor ons na UA’s kyk, is dit belangrik om ’n bietjie meer van finansiële produkte te verstaan. Een van die belangrikste lesse wat ek by mnr. Willem Theron, ons vorige besturende direkteur, geleer het, was dat dit uiters gevaarlik is om iets te koop of te verkoop as jy nie presies verstaan hoe dit sy opbrengs verkry nie. Wanneer dit by beleggingsprodukte kom, is daar ’n hele aantal verskillende produkte. Hierdie produkte belê dan in onderliggende fondse. Die produkte gee belasting- of ander voordele, maar…

WAT WAS JOU BESTE BOERDERYBESLUITE? Die oprig van jakkalsbestande heinings en die ontwikkeling van grond- en besproeiingstelsels. Toe ek begin boer het, het ek besluit om alle waterstelsels te verbeter. Dit het van onskatbare waarde geblyk te wees om groter veegetalle aan te hou. EN DIE SWAKSTE BESLUITE? Toe ek die eerste keer begin boer het, het ek probeer om dinge goedkoop te doen (bou, omheining, ens.) Die meeste van hierdie dinge moes oorgedoen word. Ek het verskeie swak bestuursbesluite langs die pad geneem, soos om die tussendiptydperk vir verlammingsbosluis te lank te probeer uitrek, wat verliese veroorsaak het. Ek het ook diere té lank in kampe gehou – tot nadeel van die veld én die diere se kondisie.…

PLAASINLIGTING LIGGING: Gobabis,Namibië NAAM: Sonop EIENAARSKAP: Privaat VERTAKKINGS: Melkeryenosboerdery(Braunvieh-Brahmankruise) GRONDTIPE: Sand VELDTIPE: Soetveld GEMIDDELDE REËNVAL:450mmperjaar KORTOM ■ Die bulkalwers word as osse grootgemaak en die verse wat hy in die melkkudde wil opneem, word met ’n Sussexbul gepaar. ■ ’n Kalfpersentasie van 100 word gehandhaaf danksy streng seleksie vir vrugbaarheid. ■ Die verkoop van osse wanneer hulle vyf jaar oud is, lewer ’n goeie inkomste om die melktjek aan te vul. Suiwer melkbeesrasse is nie geskik vir ekstensiewe melkproduksie in die hardste dele van Namibië nie. Daarom melk ekstensiewe boere eerder kruisrasbeeste wat nie net geharder is nie, maar ook swaarder kalwers speen vir ’n bykomende inkomste om die melktjek aan te vul. Mnr. Boeta Horn van Gobabis, wat as Namibia Dairies se beste ekstensiewe melkboer aangewys is, maak ook…

R250 BOEK BESTUUR VELD EN WEIDINGS Prof. Chris Dannhauser en dr. Jorrie Jordaan, twee van die land se voorste weidingkundiges, vat jare se ervaring en kundigheid saam in ’n nuwe boek, Practical veld and pasture management for farmers. Die boek bevat wenke vir die besluitnemings oor weiding, kleinvee, grootvee en selfs wild en oor die onoordeelkundigheid wat juis nou ’n hoogtepunt bereik in die tyd van weidingstekorte en of veld wat daarmee heen is. Die boek dek onder meer veldbestuur volgens diversiteit en plaasbeplanning, interaksie tussen plant en dier en die potensiaal en beoordeling van die veld; die bestuur van die houtagtige komponent en verhoogde drakrag; indringerplante; die vestiging en bemesting van aangeplante weidings en onkruidbestryding. Praktiese aspekte word op verstaanbare en uitvoerbare maniere ingekleur sonder om afbreuk aan die…

Crème fraiche-tertjies met vye en tiemie Tertkors ■ 1 k (250 ml) koekmeel ■ 1/2 t (2 ml) sout ■ 1 e (15 ml) fyngekapte vars tiemie ■ 50 g koue botter ■ 1/4 k (60 ml) water Vulsel ■ 1/2 k (125 ml) gekrummelde feta ■ 3 ryp vye, in skywe gesny ■ 3 groot eiers, geskei ■ 1 t (5 ml) fyngekapte sprietuie ■ 125 ml crème fraiche ■ 1/3 k (80 ml) bulgaarse jogurt ■ 1/2 k (125 ml) gekapte okkerneute, en ekstra vir garnering ■ Sout na smaak ■ ’n Knippie witpeper ■ Dun repe coppa- of Parmaham, na smaak ■ Vars mikrokruie, vir garnering ■ Geroosterde sesamsaad, vir garnering ■ Ryp vye, gehalveer, vir garnering ■ Balsemiekroom, vir oordrup ■ Vars gemaalde swartpeper, na smaak…

Ek onthou nog kleintyd toe ek en my boetie saam met my pa by ons bure, oom Pieter en tannie Ria, gaan kuier het. Oom Pieter en my pa het brandewyn en water gedrink en ek en my boetie koeldrank. Ek onthou nog hoe ek my vir my boetie geskaam het as hy die hele bak met tuisgebakte koekies verorber het en daarna sy vet, ronde vingertjies natgelek het om seker te maak hy kry die laaste krummeltjies ook. Ek onthou nie veel van die huis nie. Net die lang kombuis en die eetkamer. Die houtvloer het so ingesak as ’n mens daaroor loop en die kas met die mooi porselein het dan saam gewieg. Ek onthou ook tannie Ria se kalkoene. En die pad op kloof toe. Tussen die…

GEORGIË doen alles in sy vermoë om juis die kettings van die politieke stelsel af te skud waartoe die Suid-Afrikaanse Regering streef, sê mnr. Bennie van Zyl, die TLU SA se hoofbestuurder. Van Zyl begelei gereeld afvaardigings van Suid-Afrikaanse boere na Georgië met die oog op beleggings in die landbousektor van dié eertydse Kommunistiese staat. Hy het boere op die TLU SA Noord se onlangse kongres by Mokopane verseker dat vryemarkbeginsels en private besit vir die TLU SA nie onderhandelbaar is nie. “Ons sal nie konformeer tot die ANC-regering se hervormingsideale wat op Kommunistiese en sosialistiese beginsels geskoei is nie.” Hy sê die TLU SA steun nie die ANC se swart ekonomiese bemagtigingsbeleid nie. “Ons wil ’n beleid van ekonomiese bemagtiging hê wat alle landsburgers, wit én swart, tot voordeel…

ONDANKS die droogte eis parasiete steeds hul tol, sê dr. Faffa Malan, bestuurder van die Herkouerveterinêre Vereniging van Suid-Afrika (Ruvasa). Wanneer dit reën, is parasiete se nadelige uitwerking op vee en wild erger vanweë die diere se swak kondisie, waarsku veeartse. Verslae van veeartse handel grootliks oor die gevolge van die droogte wat landwyd sy tol eis, behalwe in sommige dele aan die kus van Suid-Afrika. Vir menige veearts is dit hartverskeurend om nou plase te besoek omdat so baie vee vrek. Lamsiekte (botulisme) kom ook meer voor omdat diere vrek weens die droogte en vee dan aan die beendere van die karkasse vreet. Die bakterieë wat lamsiekte veroorsaak, vermeerder in die karkasse se beendere waarin die gifstof afgeskei word. Die siekte is dodelik. Vee moet voorkomend teen galsiekte ingeënt…

Internasionaal: Die prys van mielies het met 0,7%, oftewel $0,95/t (R15,76/t), gestyg tot $140,25/t (R2 327/t). Op ’n jaargrondslag is dit 8,6%, oftewel $13,19/t (R218,82/t), laer. Verwagte pryse: Maart – $143,93/t (R2 388/t), Mei – $145,66/t (R2 416/t), Julie – $147,63/t (R2 449/t), September – $149,36/t (R2 478/t). Plaaslik: Die Safex-prys vir wit mielies het met 6,5%, oftewel R305/t, gestyg tot R4 965/t. Die prys van geel mielies het met 8,4%, oftewel R310/t, gestyg tot R4 000/t. Op ’n jaargrondslag is dit 158,6%, oftewel R3 046/t, hoër vir wit mielies, terwyl geel mielies 106,7%, oftewel R2 065/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 2,4%, oftewel $4,03/t (R66,86/t), gestyg tot $174,55/t (R2 896/t). Op ’n jaargrondslag is dit 13,2%, oftewel…

Alles dui daarop dat die prys van diesel teen aanstaande maand vir die vierde agtereenvolgende maand kan daal. Op 15 Januarie was die gemiddelde oorverhaling op 50 dpm- en 500 dpm-graad diesel met onderskeidelik 55c/ℓ en 54c/ℓ. In die geval van loodvrye petrol was daar egter ’n onderverhaling van 16c/ℓ. Indien die prys van diesel afwaarts aangepas word, sal dit op bykans dieselfde vlak (R8,95c/ℓ) wees as in die ooreenstemmende tyd verlede jaar langs die kus. ’n Woordvoerder van ’n bekende petroleummaatskappy sê in die Wes-Kaap was daar nie ’n betekenisvolle vermindering in die volume brandstof wat boere aangekoop het nie, maar in Noordwes en die Vrystaat het die aankope vanweë die droogte met sowat 20% afgeneem. Hy het die feit dat die daling in oliepryse nie in dieselfde mate…

ALGEMEEN 1 SEPTEMBER 2015-29 FEBRUARIE: Gabriëlskloof se kosblik-ervaring. Gabriëlskloof-landgoed, Botrivier. Tel. 028 284 9865 of e-pos: restaurant@gabrielskloof.co.za. 28-30 JANUARIE: Sentrale Boerbokveiling (Ian Brown CMW), Caroll-Ann Mienie, sel 079 477 4416, Afridome-skouterrein; web: www.afridome.co.za. 1-6 FEBRUARIE: Boerbokveiling, Caroll-Ann Mienie, sel 079 477 4416, Afridome-skouterrein; web: www.afridome.co.za. 11-13 FEBRUARIE: Heidelberglandbouskou: Skaap-, bees- en perdeskou, e-pos: bwonder mail@gmail.com, Lindie Giliomee, sel 084 575 9984. 12-14 FEBRUARIE: Perdespring, Afridome-skouterrein. Caroll-Ann Mienie, sel 079 477 4416; web: www.afridome.co.za. 15-20 FEBRUARIE: Bobaas-Boerbokveiling, Afridome-skouterrein. Caroll-Ann Mienie, sel 079 477 4416; web: www.afridome.co.za. 7-12 MAART: Roosverkope, Afridome-skouterrein. Caroll-Ann Mienie, sel 079 477 4416; web: www.afridome.co.za. 16 MAART: Bonsmara-genootskap SA se Rooi Geleentheid. Afridome, Parys. Tel. 051 448 6084; epos: marketing@bonsmara.co.za. 14-17 MAART: Bonsmara-veiling, Afridome-skouterrein. Caroll-Ann Mienie, sel 079 477 4416; web: www.afridome.co.za. 16 MAART: Bonsmara-genootskap SA se Rooi-geleentheid.…

2016 FEBRUARIE WILLOWMORE 11-12, Willowmore-skou, (Oos-Kaap: Boerbokke), Dorper, Merino, Angora. Jeugskou. Kobus Lötter, sel 082 432 2393; Amour Strydom (sekretaresse), sel 082 459 6696. VICTORIA-WES 11-13, Victoria-Wes-skou. Kraampies, Ilze, tel. 071 675 8878, of sel 082 940 8231. E-pos: vicwes landbou@gmail.com. HEIDELBERG 11-13, Heidelberg-landbouskou. (Skaap, bees en FNB: Hackney.) Perdeskou en vele vermaak vir besoekers. Lindie Giliomee, sel 084 575 9984. RIVERSDAL 17-20, Riversdal-skou. E-pos: riversdalskou@gmail.com, of skou@riversdaler.co.za. MURRAYSBURG 19, Murraysburg-landbouskou. Veld-Merino, Dorper, steak- en seekosete, VLVmini-skou. Gratis uitstalruimte beskikbaar. Roelou van Heerden, sel 082 413 929, tel. 049 853 9940. DE AAR 25-27, Sentrale-Karoo, (SA Saalperd, Hackney), Marius Pienaar, tel. 053 631 7175, sel 083 282 3582, S.O. Vermeulen, sel 083 308 4250. (Veld-Merino), Bennie Steyn, sel 082 772 4548, Reinard Kock, sel 082 373 5546, Craig Ferreira,…

Die goeie reën wat sommige boere in die afgelope week of wat ontvang het, was rede tot dankbaarheid. Niks lig die gemoedere soos ’n goeie reënbui nie. Die weidings kry ’n hupstoot, en daar is hopelik ’n bietjie vog vir die mielies en al daardie pasgeplante sonneblomme, asook vir die ouens wat nog hoop om ’n bietjie voer te maak voor die winter. Intussen, dink maar aan die plekke waar daar nog niks geval het nie, soos die Noord-Kaap. Baie skade is reeds aangerig. Amptelik is net 55% van Suid-Afrika se mielie-hektare beplant en net meer as 40% van die witmielie-hektare. Baie vermoed dit kan selfs minder wees. Intussen speel die droogte homself uit. Plattelandse gemeenskappe begin die pyn voel. Water raak op. En verbruikers begin al verstik aan groentepryse.…

MNR. BOETA HORN van die plaas Sonop buite Gobabis in Namibië is as sy land se beste ekstensiewe melkboer vir 2015 aangewys. Hy kombineer die produksie van vars melk met die grootmaak van osse op die veld om só ’n groter inkomste te verdien. Lees die artikel op bl. 52. VERTEL ONS VAN JOU GESIN. Ek en my vrou, Wyna, het een kind, Chrisna. HET JY STOKPERDJIES? Ek is baie lief vir my osse. Dis soos ’n stokperdjie. Ek sit lang tye by die krip en kyk hoe hulle kom water suip. Ek kan alleen met hulle werk en ken elkeen. WAAR HOU JULLE VAKANSIE? Ek het deur die jare verleer om vakansie te hou, want ek het vir meer as 20 jaar soggens 03:00 opgestaan toe ek intensief gemelk…

JAN Taks slyp sy tande vir groot belastingrekeninge vanjaar weens die buitengewoon hoë inkomste wat boere weens die droogte in hul boeke aangeteken het. Slegs twee paragrawe in die hele Inkomstebelastingwet maak voorsiening vir droogtehulp. Dít is net op veeboere van toepassing en boonop is dié verligting voorwaardelik. Intussen kan belastingverpligtinge op die kort termyn boere wat reeds teen die planke is, se situasie vererger. Veeboere wat noodgedwonge van hul kuddes ontslae moes raak, gaan die volle belasting op daardie inkomste moet betaal. Volgens mnr. Dirk Koegelenberg van die ouditeursgroep Exceed kan boere wat tydens ’n droogte diere moes verkoop, die koste vir die koop van vervangende vee tot vier jaar ná die verkoop terugeis, maar nie in dieselfde jaar as wat die diere verkoop is nie. “Die SA Inkomstediens…

VIR melkboere in verskeie gebiede raak die droogte en die gepaardgaande voertekort nou só erg dat hulle selfs lakterende koeie begin verkoop. Melkproduksie daal, die nasionale kudde is in gevaar en melkkopers sal dringend hul pryse aan boere moet verhoog, sê die verskillende streekvoorsitters van die Melkprodusente-organisasie (MPO). Volgens dr. Koos Coetzee, MPO-ekonoom, het die groot toename in melkproduksie sedert September 2014 in November laas jaar negatiewe groei geword, toe produksie 0,8% laer as ’n jaar gelede was. In Desember het die melk:voerprysverhouding tot 0,95:1 gedaal. “Teen dié vlak gaan boere op kragvoer besnoei,” sê Coetzee. Hy verwag die swak rand sal die invoer van melkprodukte in ’n groot mate beperk. VRYSTAAT Mnr. Gideon Lamprecht, die Vrystaatse MPO-voorsitter, sê vroeë oeste is tot niet, later oeste is kleiner, voer is…

DAAR behoort nie van primêre landbouprodusente verwag te word om aan dieselfde vereistes vir swart ekonomiese bemagtiging (SEB) as landbousake-ondernemings te voldoen nie. Só lui ’n voorstel van die landbousakekamer Agbiz in sy kommentaar op die voorgestelde SEB-kode vir die landbousektor wat by die Departement van Handel en Nywerheid ingedien is. Agbiz sê een van die voorgestelde vereistes waaraan familieboerderye en koöperasies moeilik sal kan voldoen, is dié wat verband hou met swart eienaarskap. Die sakekamer benadruk in sy kommentaar dat hy SEB ondersteun, maar sê dit is ook belangrik dat landbou-ondernemings volhoubaar moet wees en nie finansieel deur die SEB-vereistes geknou word nie. SWART VROUE Agbiz vra ook dat herbesin word oor vereistes rakende eienaarskap deur swart vroue en aankope vanaf ondernemings in die besit van swart vroue, en…

HOE GAAN JOU NUWE BETREKKING JOU ROL IN DIE LANDBOU RAAK? My navorsing oor die verskansing van graan en die werking van die effektebeurs kom goed te pas. Ek spits my veral toe op agribesigheidsbestuur, graanmarkverhandelings en die markvooruitsigte. WAARNA SIEN JY UIT? Die landbou bied ’n groot toekoms. Dit is ’n aangename vooruitsig om my nou by ’n gemotiveerde span aan te sluit om voedselsekerheid en die toekoms van die land te probeer verseker. Vir ’n boorling van Bultfontein sal die werk in Pretoria beslis ’n aanpassing wees, maar dit is waar die belangrikste besluite geneem word. WAT IS VANJAAR VIR DIE LANDBOU BELANGRIK? Alle aspekte van die droogte. Een is die stappe van die georganiseerde landbou en die Regering om boere op produktiewe grond te behou. Sonder die…

DIE vraag na goedkoper plaaslike koring het op kort termyn skerp gestyg. Gevolglik het plaaslike pryse gestyg tot byna dieselfde vlak as dié van ingevoerde koring. Die hoër prys behoort op sy beurt tot ’n toename in plaaslike koringproduksie te lei. Die plant van koring kan veral toeneem indien daar voldoende reën in die tweede helfte van die somergraanproduksiejaar is. Nog reën kan help om die grondvogtoestande te herstel voor die aanplant van koring in die somerreëngebied. Nog ’n rede vir ’n moontlike toename in die somerreëngebied, indien produksietoestande voor Mei aansienlik verbeter, is die feit dat boere weens die droogte nie in die lente voldoende somergesaaides kon plant nie. Indien die koringproduksietoestande vanjaar buitengewoon gunstig word, maar koringaanplantings nie toeneem nie, kan dit nadelige gevolge vir die koringinvoertariefbestel inhou.…

JONG, voornemende boere wat hulself graag in ’n landbourigting wil bekwaam, maar nie heeltyds by ’n tersiêre instelling kan studeer nie, het nou die kans om ’n volwaardige, praktykgerigte nasionale diploma in veeproduksie op ’n deeltydse grondslag te verwerf. Volgens die RPO begin sommige jong boere direk ná skool by ’n boerdery werk, terwyl ander jong leerders ’n praktiese leerplan bo ’n akadamiese aanslag verkies. Die RPO het saam met die landbou-opleidingsinstituut BathoPele ’n formele nasionale diploma in diereproduksie ontwikkel. Die modules sluit in boerderybestuur, landboumarkte en bemarking, personeelbestuur, infrastruktuur, finansiële bestuur en enterpreneuriese boerderybestuur. Die kursus strek van 18 tot 24 maande met die aanbieding van studieskole van een week op ’n keer. Die program het ’n praktiese aanslag en die sessies word deur die landboumaatskappy OVK aangebied. Studente…

HOEKOM HET JULLE MET SLAAI BEGIN BOER? Charlie: Ons het eers met 40 ha sitrus geboer, maar dit was moeilik om dit winsgewend te bestuur. Hoewel slaaiboerdery baie eise aan bestuur stel, het ons die dilemma aangepak. Dit het ons in staat gestel om ’n volgehoue kontantvloei te bewerkstellig. WANNEER EN HOEKOM HET JULLE OP HIDROPONIKA BESLUIT? Charl: Dit het in 2006 as ’n stokperdjie begin, met die oog om op grond, water en arbeid te bespaar. Die wyse waarop dit ons risiko versprei het en bykomende produkte moontlik gemaak het, was baie gou duidelik. WAT IS DIE BELANGRIKSTE ASPEK VAN JUL SUKSES? Charl: Die wyse waarop ons in ons kliënte se behoeftes voorsien. Die gehalte van ons produk is ononderhandelbaar en, soos die Engelsman sê, ’n no-brainer. Die mate…

“In die eerste jaar wat ek geboer het, het ek ’n holistiese bestuurskursus voltooi,” sê mnr. Justin Kingwill. “Dit was van onskatbare waarde vir my, aangesien dit my deeglike insig in die basiese beginsels van veldbestuur gegee het. Dit het alles vir my sin gemaak. Ek het my boerdery waar moontlik by dié beginsels aangepas en terselfdertyd geïnkorporeer wat ek geglo het die beste werk. “Een aspek van holistiese bestuur wat meer aandag benodig, is diereproduksie. Baie klem word op veldbestuur geplaas, wat natuurlik van die grootste belang is, maar meer aandag moet ook aan diereproduksie gegee word. As jy as boer dit nie doen nie, gaan daar beslis ’n daling in kondisie en produksie wees,” sê Justin. Diere-impak: Hoëdigtheidsweiding is vir kort tye toegepas. Meganies en chemies: Ontbossing in…

WIE WAS JOU MENTOR? My pa en oom Koos Engelbrecht, ons ou buurman. WAT IS DIE BESTE BOERDERYBESLUIT WAT JY AL GENEEM HET? Om ’n osboerdery te begin om my melkery aan te vul. WAT IS DIE GROOTSTE FOUT WAT JY IN JOU BOERDERY GEMAAK HET? Ek het te lank gewag voordat ek indringerbosse doodgemaak het. WAT IS DIE BESTE RAAD WAT JY OOIT GEKRY HET? Om van intensiewe na ekstensiewe melkproduksie oor te skakel. WATTER TEGNOLOGIE IS ONMISBAAR IN JOU BOERDERY? Sonkrag is die beste tegnologie in my toestande omdat dit my betreklik onafhanklik maak.…

REGSAKE BUTCH VAN BLERK WIE BETAAL OORDRAGKOSTE? My pa is drie jaar gelede oorlede. Hy en my ma is binne gemeenskap van goedere getroud. My ma is nou 74 jaar oud. Moet sy oordragkoste betaal? Die waarde van die huis is R620 000. Of kan sy net in haar boedel sê aan wie die huis moet gaan en daardie persoon moet dan die oordragkoste dek? Omdat sy in gemeenskap van goed met hom getroud was, behoort een onverdeelde, halwe aandeel (een helfte) van die eiendom reeds aan haar. Die Registrasie van Akteswet maak in art. 45 daarvoor voorsiening dat die transportakte slegs geëndosseer hoef te word en ’n stempel daarop aangebring word dat sy haar helfte kan besit. Daarvoor is oordraggeld aan die oordragprokureur betaalbaar wat minder as die gewone…

Watter boek het vir jou uitgestaan? Ek is vreeslik lief vir Tom Mueller se Extra Virginity. Dit is nie net insiggewend nie, maar prikkel ook jou kreatiewe kant. Ek beveel dit vir enigiemand aan wat in die kultuur van olyfolie belang stel en van goeie skryfwerk hou. Waaroor gaan die boek? Die boek beskryf op ’n kreatiewe manier die probleme rondom olyfolie. In elke staaltjie speel olyfolie die hoofkarakter wat die bedryf beskryf. Ek hou veral van die wonderlike taalgebruik en meen dit sal my altyd bybly. Mueller beskryf hoe ’n wonderlike en magiese hulpbron die besonderse bome is. Extra Virginity is by die aanlynwinkel takealot.com teen R278 beskikbaar.…

Mnr. Breyton Milford, bedryfsbestuurder by Agri Expo, is op die jaarvergadering van die Nasionale Jeugskouvereniging in Desember as voorsitter aangewys. Hy neem oor by mnr. Izak van der Colff, wat ná vyf jaar as voorsitter uitgetree het. Milford het sedert 2010 in die bestuur van die vereniging gedien en het ’n lang verbintenis met jeugskoue. Op hoërskool het hy self aan jeugskoue deelgeneem, daarna as beoordelaar opgetree en is tans ook voorsitter van die Wes-Kaapse Jeugskou. Volgens Milford is daar ’n blink toekoms vir die Jeugskou. “Dit kan en moet ’n groter rol in die Suid-Afrikaanse landbou speel.” Hy wil die Jeugskou meer toeganklik maak vir alle skole.…

DIE goeie prys wat wortels oor die feestyd behaal het, het die afgelope twee weke effens teruggesak. Volgens mnr. Charl van der Merwe, bemarkingsbestuurder by die landgoed Môrester, Ceres, lyk die langtermynvooruitsigte vir wortelboere dalk beter as vir die onmiddellike toekoms. “Niemand weet wat die toekoms inhou nie, maar op die oog af lyk dit asof daar tans genoeg wortels regoor die land verbou word. Vir ’n topproduk is die prys steeds tussen R4/kg en R6/kg. Dit was egter oor die feestyd tussen R6/kg en R8/kg,” verduidelik Van der Merwe. Volgens mnr. Vito Rugani van Greenway Farms, Tarlton, gaan die volgende vier maande ’n verkopersmark in die wortelbedryf wees. “Daar is tans oorgenoeg wortels op die mark, maar die prysverspreiding is wyd, van R2/kg tot R6/kg. Dit beteken die gehalte…

WAT SÊ DIE MARK? Die droogte gaan waarskynlik die sterk styging in plaaspryse demp. Mnr. Saul du Toit, beroepswaardeerder en uitvoerende hoof van Appraisal Corporation, sê die invloed sal waarskynlik nie onmiddellik sigbaar wees nie, maar kan oor ’n paar jaar strek. Du Toit weet nie van spesifieke navorsing oor hoe droogtes plaaspryse raak nie, maar uit die aard van sy ervaring is sy mening dat dit die sterk styging van die laaste paar jaar kan demp en sekere pryse selfs kan laat daal. ’n Mens moet altyd egter onthou die plaasmark in Suid-Afrika word kunsmatig gestimuleer. “Die plaasmark is sterk vergeleke met die gewone eiendomsmark.” Hy sê omdat die Regering grond vir grondhervorming koop, maak dit grond vir die kommersiële landbou skaars. Boere by wie die staat grond koop,…