Innholdsfortegnelse for 8 January 2026 i Landbouweekblad

Dié 'swartskaap' geen verstoteling Die politieke ontleder Theo Venter het hierdie foto van 'n swart rooiboklam tussen die ander gewones in die Vredefortkoepel naby Parys in die Vrystaat geneem. Venter is een van die aandeelhouers van die Jumbo-vakansieoord, wat ’n aandeleblokskema is. Die oord is sowat 27 km geleë van Potchefstroom, waar hy as dosent aan die Noordwes-Universiteit verbonde is. “Dit is ons eerste swart bokkie in die 10 tot 15 jaar wat ons ’n kudde het,” sê hy. “Ons het nou 20 rooibokke in die natuurbewaringsoord langs die Vaalrivier. Wanneer ’n mens ’n ooi wat swart lammers gee, sit by ’n ram wat ook swart gene het, is ’n kwart van hul lammers swart. Van die sewe lammers wat ons vanjaar gekry het, is net dié een swart. Hy…

Manie wil sy stem by van Suid-Afrika se landbouleiers voeg en die land se boere voorspoed toewens vir 2026. Hoewel bek-en-klouseer op die oog af sake oorheers het, is die groter wordende krisis in die graanbedryf – spesifiek die koringbedryf – besig om só ernstig te word dat Graan SA ook tot die stryd toegetree het met die aanvra van ’n seksie 7ondersoek by die Nasionale Landboubemarkingsraad. Johann Kotzé, uitvoerende hoof van AgriSA, sê niemand weet wat die jaar vir hulle gaan inhou nie, maar dit is ’n voorreg om te leef en nog ’n jaar by die lewenskalender te voeg. Die vraag is of mense met groot oë en ’n jaagasem na die nuwe jaar kyk, of hul hoop vestig in onwrikbare geloof? Manie stem saam met Johann dat…

DIE kans lyk goed dat Agoa verleng kan word nadat ’n wetsontwerp op 11 Desember 2025 deur die invloedryke Amerikaanse huis van verteenwoordigers se komitee vir belasting, tariewe en ander inkomstemaatreëls goedgekeur is. Die wetsontwerp, wat ’n verlenging van drie jaar voorstel, is met 37 stemme teen drie goedgekeur en na die volle huis van verteenwoordigers verwys. Dit maak géén melding van Suid-Afrika se uitsluiting nie. Eckart Naumann, ekonoom en medewerker van die Tralachandelsregsentrum op Stellenbosch, sê alle handelswetgewing ontstaan in dié belangrike komitee en dit was duidelik dat die doel was om die wetsontwerp goedgekeur te kry en dit daarna aan te pas en te verbeter. ‘SA is VSA se vyand’ Sen. John Kennedy (Republikein) in die senaat se toewysingskomitee het in dieselfde week na Suid-Afrika as “Amerika se…

“SOLANK as wat mense dink dat die wetgewing en regulasies oor swart ekonomiese bemagting (SEB) net swart mense bevoordeel en net wit mense benadeel, sal die regering dié stelsel kan volhou. Wanneer Suid-Afrikaners egter besef dat dit almal benadeel – ook talle swart werkers wat hul werk kan verloor – begin die prentjie verander,” sê Gabriel Crouse, hoof van die Instituut vir Rasseverhoudinge (IRV) se regsafdeling. Die gevaar wat die nuwe regulasies inhou, is veral belangrik vir die landbousektor wat, volgens die regering, teen einde 2024 vir 924 000 regstreekse werkgeleenthede verantwoordelik was en meer as 200 000 bykomende poste in die landbouwaardeketting moontlik maak. Volgens Crouse het die regering met die jongste wysigings in 2025 in werklikheid ’n stelsel van rassekwotas ingestel – iets wat die howe vroeër jare…

Jack Welch, voormalige uitvoerende hoof van General Electric, was reg toe hy aanbeveel het: “Verander voordat jy móét.” Hy het in dieselfde asem bygevoeg: “Waar daar verandering is, is daar geleenthede.” In die eerste artikel in hierdie reeks is die belangrikste voorgenome wysigings aan Suid-Afrika se waterbestel uitgelig, soos vervat in die wysigingswetsontwerp op die Nasionale Waterwet (Wet 36 van 1998). In die tweede artikel het die kollig geval op die praktiese risiko’s vir die landbouwaardeketting, en daar is ondersoek watter gevolge uit hierdie moontlike veranderinge kan voortspruit. In die derde artikel, die laaste een in die reeks, val die klem op wat die beste strategiese posisie vir die landbougemeenskap is om in te neem in die lig van die voorgenome veranderinge. Met ander woorde: Wat behoort boere in ag…

In ’n vooruitskouing oor die wêreld se verwagtinge vir 2025-’26 se mielie-oes het Graan SA aan die einde van 2025 gesê die oesproses in die Noordelike Halfrond het goed verloop. In die Suidelike Halfrond het aanplantings ook goed verloop onder gunstige omstandighede, wat kommer aanwakker oor ’n moontlike wêreldwye ooraanbod. Wat druk op wêreldpryse plaas, is dat Amerika besig was om sy grootste mielie-oes nóg te stroop, Brasilië was besig met ’n rekordaanplanting vir die 2025-’26-seisoen en swakker graad witmielies het oorbeweeg na die voermark vir diere, wat verdere druk op pryse plaas. Plaaslik word verwag dat Suid-Afrika dié seisoen sowat 400 000 ton geelmielies gaan invoer, veral aan die kusgebiede. Marguerite Pienaar, ekonoom by Graan SA, wys daarop dat die tempo van die witmielie-uitvoerprogram laat verlede jaar steeds gesloer…

Die sentiment in die avokadobedryf is gemeng. Volgens Edrean Ernst, avokadokweker en voorsitter van Subtrop, was 2025 ’n “normale” seisoen met ’n gemiddelde oes wat, hoewel die logistiek verbeter het, steeds nie die soort jaar is wat die skuldboeke skoonvee nie. Die sowat 20 miljoen kartonne wat uiteindelik uitgevoer is, is heelwat minder as die geraamde 22 miljoen, maar allermins ’n misoes. Boonop het ’n styging in koueskade tydens vervoer – sogenoemde Sici (Storage-Induced Chilling Injury) – gelei tot nuwe onsekerhede wat nog nie ten volle verduidelik kan word nie. Die bedryf se groot probleem lê egter in die wêreldkonteks. Peru, wie se teenwoordigheid in Europa die afgelope jaar relatief kleiner was, sal nou weer ’n bepalende faktor wees. Sy oes in 2026 word op tot 15% meer geraam, met…

Boere kan uiteindelik ’n bietjie asem skep, hoewel die pryse nog nie heeltemal is waar hulle dit graag sou wou hê nie, maar dit is weliswaar goed, sê Jacques le Roux, hoofbestuurder van vesel van die landboumaatskappy OVK. Die pryse maak hom tans opgewonde en hy meen daar is vir die eerste keer in die afgelope paar jaar weer hoop, veral vir die wolbedryf. Hy waarsku egter dat onsekerheid op die oomblik die enigste onveranderlike faktor in die markte, veral in die huidige markte, is. Isak Staats, BKB se bestuurder van wol en bokhaar, voeg by dat die wolmark in die afsienbare tyd meer wisselvallig sal wees nadat die pryse tot dusver die seisoen skerp gestyg en daarna weer gedaal het. “Ons is nog nie seker waar die wolmark sy…

Die veelsydige General Tire Grabber AT3, wat deur Continental vervaardig word, bring die vermoë om ’n sagte rit op snelweë en slagyster-vastrap in veldrytoestande te ervaar, na Suid-Afrikaanse boere. Soos Christie Olivier, hoofrekeningbestuurder van Continental Tyre Suid-Afrika, tydens die toetsdag gesê het: “Dit is ’n band wat veilig is in albei situasies en wat ’n gemaklike, sagte rit op die teerpad bied met die minimum kajuitgeraas. Die band is ook ontwerp om goeie brandstofverbruik te lewer. “Die Grabber AT3 is ’n band wat ’n boer kan gebruik sonder enige kommer oor sy bankrekening of oor die band se daaglikse werking.” Christie verduidelik dat die materiaal waaruit die band bestaan en wat op die loopvlak gebruik word, ontwerp is om onder meer ’n korter remafstand in noodgevalle te bewerkstellig. “Die veldryvermoë…

Terwyl die meeste boere vertroud is met sintetiese kunsmis wat uit harde rotsfosfaat vervaardig word, weet minder mense van die langtermynvoordele van direkte-toediening-rotsfosfaat (DAPR). Een van die voorste bronne hiervan in Suid-Afrika is Nanophos, wat deur Kropz se Elandsfontein-myn ontgin word. Wat is DAPR? DAPR is rotsfosfaat wat sonder enige chemiese verwerking direk op die grond toegedien word. Anders as harde vulkaniese rots, wat lae natuurlike oplosbaarheid het en met sure behandel moet word, breek sedimentere fosfate op in opneembare P wat meer oplosbaar is in grond met die regte pH en mikrobiese aktiwiteit. Nanophos, met sy inhoud van 20-22% P₂O₅ en uitsonderlike sitroensuur-oplosbaarheid van meer as 35%, is een van die reaktiefste sagte rotsfosfate wat beskikbaar is. Dit maak dit ideaal vir direkte toediening en grondverryking op lang termyn.…

Soos Deutz is die oorsprong van die Steyr-fabrikaatnaam ook ’n pleknaam. Dié slag ’n stad in die noordelike deel van Oostenryk, 150 km wes van die hoofstad Wene, waar die twee Werndl-broers in 1864 hul geweerfabriek gevestig het. Ná die gewere het fietse gevolg en tussen die twee wêreldoorloë het taamlik luukse motors bygekom, met landboutrekkers eers ná die Tweede Wêreldoorlog. ’n Samesmelting in 1934 het ’n maatskappy tot gevolg gehad wat vir baie Suid-Afrikaners bekend sal lyk – Steyr-Daimler-Puch – met produkte soos enjins, voertuie, motorfietse en vuurwapens. In Suid-Afrika het die Puch-motorfietsie sommer vir ’n generiese naam vir klein motorfietsies gesorg, naamlik ’n poegie, wat as ’n erkende Afrikaanse woord in die Woordeboek van die Afrikaanse Taal opgeneem is. Toe die Tweede Wêreldoorlog uitbreek, was Oostenryk reeds by…

Wêreld se eerste sweefspoor vir vrugte Minder verkeer, minder koolstofvrystellings, geen grondgebruik en groter padveiligheid is die voordele van die sweefspoor wat die Italiaanse appelprodusent Melinda in 2025 ingestel het. Dit vervoer 460 houers met 300 kg appels elk van pakskure in Predaia na die ondergrondse, laagdruk-opbergingsaanleg in die Dolomiete in die Alpe. Dit is die eerste sweefspoor ter wêreld wat vrugte vervoer. Dit beweeg sowat 90 m bogronds teen 5 m per sekonde oor 1,3 km en word deur fotovoltaïese en hidro-elektrisiteit aangedryf. Die appels se gewig help ook om energie te genereer. Melinda, ’n konsortium van meer as 4 000 boere in Trentino in die noorde, verbou sowat 400 000 t appels per jaar. Hennie du Toit van die Dutoit-groep sê teoreties kan dit werk in die Ceres-omgewing,…

WAAROM is die geweld wat met Suid-Afrikaanse plaasaanvalle geassosieer word, só wreed? Die bostaande voorbeelde is boonop die uitsondering, en nadere ondersoek wys dat min misdaad op plase in buurlande voorkom en dat dit selde met geweld gepaard gaan. Boere en inwoners van Namibië, Botswana, Zambië, Zimbabwe, Mosambiek, Eswatini en Lesotho het aan Landbouweekblad vertel wat hul ervaring van misdaad op plase is, en ’n misdaadkenner (sien bl. 18) deel sy teorieë. Botswana: ‘Streng wette, geen rassehaat’ Doeks Rothman het ’n paar jaar gelede sy groenteboerdery by Brits, Noordwes, vir sy kinders gelos en in Botswana gaan oorbegin. “Ek plant aartappels, kool, uie, patats en groen soetrissies. Ons is in 2016 op die plaas in Suid-Afrika aangeval, maar is deur ons honde gered. Die aanvallers het gif vir die honde…

SAAI, die netwerkorganisasie vir familieboere, het gehelp om die H2A Agency Association (H2AAA) te stig om die geleenthede wat jaarliks aan Suid-Afrikaners en plaaswerkers van elders in die wêreld in Amerika gebied word, te beskerm en te bevorder. H2A is ’n program wat boere in Amerika al sedert 1952 in staat stel om visums te bekom om tydelike en seisoenswerkers uit verskeie lande regoor die wêreld te werf om op hul plase te werk. In die 2024-’25-seisoen het sowat 25 000 Suid-Afrikaners aan die program deelgeneem. Die boere in Amerika skakel meestal met agentskappe wat werkaansoekers keur, hulle met administratiewe en reisreëlings bystaan en as tussenganger tussen die boere en die Suid-Afrikaanse werkers optree. Dr. Theo de Jager, voorsitter van Saai se direksie, het met die bekendstelling van die vereniging…

Dít is wat Lesetja Kganyago, president van die Reserwebank, wil sien nadat die nuwe vaste inflasieteiken van 3% aan die einde van 2025 aangekondig is – dit is die eerste keer in 25 jaar dat Suid-Afrika sy inflasieteiken aanpas. “Wanneer inflasie by die deur instap, spring openbare vertroue by die venster uit en geld word dan waardeloos,” het Kganyago dié stap ná die aankondiging van die verlaging van die inflasieteiken in die mediumtermynbegrotingsraamwerk aan joernaliste verduidelik. “Wat die teiken eintlik doen, is om die waarde van geld te beskerm. Jy stel die rand in staat om die ekstra myl te stap vir die mandjie dienste en goedere wat dit koop.” Ekonome met wie Landbouweekblad gepraat het oor die moontlike gevolge van dié stap, is optimisties. “Dit is ’n betekenisvolle stap…

Boere kan doen wat hulle wil, maar solank daar anderkant die plaashek so baie beheerbare en bestuurbare kwessies en ondoeltreffendheid is wat net nie opgelos word nie, gaan hul pogings nie veel help nie. Koos Blanckenberg, boer van Durbanville en Graan SA-bestuurslid, sê dit is moeilik om te sê wat die oplossing vir die lae koringprys is. “Die prys is wêreldwyd laag. Ons kan niks daaraan verander nie. Ons kan net werk aan ons eie ekonomie en vir ons eie boere.” Koos sê koringboere in die Wes-Kaap en veral in die Swartland is onder enorme finansiële druk. Die Wes-Kaap produseer elke jaar meer koring as wat in die provinsie gebruik word. Tog het meulenaars in die bemarkingsjaar wat in September 2025 geeindig het, 208 000 ton koring na die Wes-Kaap…

Nog net een teelbraaihoendertrop uit honderde is ingeënt. Dít was een van die grootste teleurstellings van 2025, volgens Izaak Breitenbach, uitvoerende hoof van die Suid-Afrikaanse Pluimveevereniging (SAPV) se braaihoenderorganisasie. “Die risiko van nog ’n onbeheerbare uitbreking is baie hoog.” John Steenhuisen, minister van landbou, het op die SAPV se AVI-pluimveekongres verlede Junie in Kempton Park aangekondig dat hoenders op groot skaal ingeënt sal word. Die departement van landbou se vereistes vir plase wat wil inent, is egter onuitvoerbaar streng en duur. Slegs Astral Foods het teelhoenders begin inent, op net één van sy plase, en sal vanjaar nog twee plase insluit. Izaak sê die bedryf se hoop is nou gerig op ’n ministeriële komitee wat die protokol vir inenting moet ondersoek. “Dit is ’n regsproses. Die minister het die komitee…

Die wynvoorraadvlak in Suid-Afrika is sowat 115 miljoen liter meer as in 2024, die plaaslike wynverbruik neem af en die grootmaat-wynuitvoer knor. Daarom is die grootte van 2026 se druiwe-oes die deurslaggewende faktor wat gaan bepaal hoe suksesvol wynprodusente vanjaar gaan wees. Die groter voorraadvlak is nie ’n risiko as sodanig nie, maar die grootte van die oes gaan bepalend wees. Met ’n effens kleiner oes as verlede jaar sal die voorraadvlak maklik herbalanseer, maar ’n groot oes sal afwaartse druk op pryse uitoefen, meen Rico Basson, uitvoerende hoof van South Africa Wine, en Yvette van der Merwe, uitvoerende bestuurder van Sawis (die Suid-Afrikaanse wynbedryf-en-inligtingstelsels) en voorsitter van die internasionale organisasie vir wingerd en wyn. Koos van Dyk, uitvoerende hoof van Namaqua Wines, sê alles dui op ’n baie goeie…

Vir Henning Holm begin die sonplaas nie by panele of batterye nie, maar by ’n boer wat weet waar hy vandaan kom, waarheen hy op pad is en wat elke aspek van sy grond en energiegebruik fyn meet. “As jy verstaan wat jy wil doen en dit konsekwent meet, is jy reeds op die pad na jou eie sonplaas.” Die plaas word in sy oë nie net ’n plek waar voedsel geproduseer word nie, maar die middelpunt van ’n geïntegreerde energie-ekostelsel waar sonlig, water, tegnologie en bestuur saamwerk om ’n stabiele en volhoubare ketting te vorm. Dié visie word versterk deur ’n veel groter verskuiwing wat tans in Suid-Afrika se elektrisiteitsektor afspeel. Die sektor was jare lank vasgevang in ’n monopolistiese stelsel waar Eskom die enigste groot verskaffer was, maar…

Die Balfour-hooidag lui die begin van die jaarlikse landboukalender in die noorde van Suid-Afrika in, en 2026 se demonstrasiedag op 21 Januarie beloof om weer eens uit die boonste rakke te wees. “Dit is ons eerste boeredag van die jaar. Almal is terug van vakansie en dis ’n lekker tyd om stories te vertel oor die seisoen tot dusver, om met kliënte in die omgewing te gesels en hulle sterkte toe te wens vir die res van die graanseisoen,” sê Etienne Meyer, bemarkingsbestuurder van AFGRI Equipment. AFGRI stap al sedert die ontstaan van Hooidag die pad saam met die Balfour-boerevereniging as hoofborg. “Sonder AFGRI sal ons nie die Hooidag kan aanbied nie. Ons baie dankbaar vir die maatskappy se bydrae tot ons gemeenskap en ons voel geëerd om met AFGRI…

Grondontleding bly die beginpunt van enige doeltreffende bemestingsprogram, maar plantontleding bied verdere belangrike insig: Dit vertel jou watter voedingstowwe die plant werklik opneem. Terwyl grondtoetse wys wat in die grond aanwesig is, wys plantontledings wat werklik in die plant beland. Daarom word dit gebruik om tekorte op te spoor, voedingstofbalanse te evalueer, opbrengspotensiaal te beskerm en die gehalte van gewas- of voerprodukte te monitor. Daar is verskillende tipes plantontledings – hoofsaaklik blaarweefsel- en sapontledings – en elkeen het sy eie prosedures, voordele en slaggate. Blaarweefsel- of sapontledings? Blaarweefselontledings meet die totale hoeveelheid voedingstowwe wat in die plant aanwesig is, terwyl sapontledings kyk na voedingstowwe wat aktief in die plant se vaatweefsel beweeg. Omdat hierdie twee metodes verskillende aspekte van die plant meet, lewer hulle heeltemal verskillende syfers en moet die…

TOERISTE wil nuwe ervarings hê en landboutoerisme kan Suid-Afrika se volgende groot toerismegroeimark word, berig Moneyweb. Landboutoerisme toon wêreldwyd groot groei, ook in Suid-Afrika. Tradisionele trekpleisters, soos Kaapstad, die Krugerwildtuin en die Tuinroete, bly gewild, maar is daar toenemende belangstelling in ervarings op werkende plase Die Kaapse wyngebied het die kuns oor dekades heen verfyn om besoekers te lok deur wynproeë en toere in die Stellenbosch-omgewing aan te bied. Navorsing deur South Africa Wine toon dat mikro-wynkelders nou 36% van hul omset uit toerisme verkry, wat dikwels die verskil tussen oorlewing en wins beteken. Gestel hierdie model kan ook vir die sitrusplase van Limpopo, die graanplase van die Vrystaat en die Karoo-plase van die Noord-Kaap gebruik word. Wandile Sihlobo, hoofekonoom van Agbiz, het Kakamas in die Noord-Kaap onlangs besoek –…

KLIMAATDATA wat teen 9 Desember 2025 beskikbaar was, het getoon dit was ’n warm jaar oor die wêreld heen, maar 2024 was steeds die warmste jaar. November 2025 was ’n ongewoon warm maand. Samantha Burgess, strategiese hoof van klimaat by die Copernicus-klimaatsveranderingsdiens (C3S) van die Europese sentrum vir weervoorspellings op mediumtermyn, sê in ’n verklaring internasionale temperature was in dié maand 1,54 °C bo voornywerheidsvlakke. Die driejaargemiddelde vir 2023 tot 2025 het aangedui dit kan vir die eerste keer 1,5 °C oorskry. “Die data weerspieël die versnellende tempo van klimaatsverandering. Die enigste manier om toekomstige stygende temperature te versag, is om kweekhuisgasvrystellings vinnig te verminder.” C3S gebruik data van die ERA5, wat uurlikse ramings van ’n groot aantal atmosferiese, land- en oseaniese klimaatsveranderlikes verskaf. Die ERA5-datastel dek die aarde volgens…

Boere wat op die meent in Soebatsfontein in die Noord-Kaap boer, is moedeloos oor die verliese wat hulle weens roofdiere, veral luiperds, ly. Dit voel vir hulle niemand hoor hulle nie. Net meer as 20 boere boer met sowat 600 skape en bokke op die meent van 16 000 ha. Hulle het vanjaar reeds sowat 180 diere verloor. Jacob Steenkamp, een van die boere, sê hul vee is baie belangrik om hul staatspensioene en ander inkomste aan te vul, maar soos dit nóú gaan, breek hulle nie gelyk nie. “As jy tien goed (diere) het, en die luiperd vang ses, kan jy nie aangaan nie.” Die meeste meentboere het nie baie vee nie. Die som is ook groter as net die diere wat doodgebyt word. Steenkamp het onlangs vyf bokke,…

Om dieper te delf bly sy doelwit DR. ANTHONY DAVIS bevind hom midde-in die stryd om die bek-en-klouseervirus in Suid-Afrika hok te slaan deur middel van sy passie, naamlik om deur doelgerigte navorsing maniere te kry om hierdie siekte te bestry en te bestuur. Davis, van die Humansdorp-veeartskliniek en sy vennoot, dr. Pieter Jansen van Vuuren, was verlede jaar die eerste veeartse wat met die bek-en-klouseer-uitbreking in die Oos-Kaap te doen gekry het. “Dit is moeilik om te aanskou wat die virus aan melkkoeie doen.” Benewens om simptome te behandel. kan hy nie veel meer vir die siek beeste doen nie. Die diere se somatiese tellings verhoog en hulle kry erge mastitis. Hulle sukkel ook om te vreet weens die sere in hul bek, terwyl die sere op hul kloue…

Teen einde Desember 2025 het niemand verwag dat die wêreldkoringprys gou sal styg om boere uit ’n groeiende finansiële penarie te red nie. Saam met die gebrek aan werkbare alternatiewe en die wisselvallige Wes-Kaapse klimaat is daar min rede tot optimisme. Daar word nie groot veranderinge verwag nie. Boere besef die waarde van wisselbou en wil nie die balans onnodig versteur nie, maar daar sal vanjaar beslis meer kanola geplant word, en minder koring en gars. Kanola regeer voort Kanola, die Wes-Kaap se ander groot suksesverhaal buiten bewaringsboerdery, stoom voorspoedig voort en boere gaan in 2026 weer meer plant. Hoewel baie boere in 2025 hul swakste winter in meer as 50 jaar beleef het en dit vroeg in die seisoen gelyk het of die kanola-oes 350 000 ton gaan wees,…

Bewaringsboerdery bly die regte stelsel vir graanboerdery in die Wes-Kaap, veral nadat talle boere verlede jaar weer skaflike opbrengste ná ’n baie droë winter behaal het. Toe Landbouweekblad in Oktober verlede jaar gevra het of die wittebrood met bewaringsboerdery verby is, het die meeste boere dit heftig ontken. Soos met enige verhouding, het hulle gesê, kom daar probleme wat dalk op ander maniere as gewoonlik opgelos moet word. Dit is waarom hulle miskien kafrye strategies sal brand of ’n diep bewerking doen, maar dit beteken nie hulle draai hul rug op ’n stelsel en beginsels wat só ’n ommekeer in die stabiliteit van Wes-Kaapse graanverbouing teweeg gebring het nie. Prof. Johann Strauss, senior wetenskaplike oor volhoubare gewasstelsels by die Wes-Kaapse departement van landbou, beaam dit. “Die wittebrood is dalk verby,…

Hy is dalk net 25 jaar oud, maar daar is reeds een goue draad wat deur Jaco Bruwer se lewe loop – sy vasberadenheid om alles deeglik en netjies te doen. Hy was darem nie altyd só nie, vertel hy en lag wanneer jy hom uitvra oor sy behoefte om dinge met “pynlike” presisie aan te pak. Maar dit is ’n eienskap wat hom tot dusver nog net laat floreer het by elke boerdery waar hy sy voete al geplant het. Jaco, plaasbestuurder op die vrugteplase Keurvlei en Sandrivier buite Barrydale, se fyn oog vir detail en sy vasberadenheid om iets met die intrapslag reg te doen, is eienskappe wat hom laat uittroon het as een van vanjaar se finaliste in die Wes-Kaapse Jongboer van die Jaar-kompetisie. Daar is nie…

Prestasies en die strewe na volgehoue verbetering is deel van die menslike aard. Atletiek- en swemrekords word jaarliks verbeter. Die Springbokke wen twee keer agtereenvolgens die Rugbywêreldbeker, en die Proteas dra tans die wêreldkroon vir vyfdag-krieket. Ook op die gebied van die wetenskap en tegnologie streef die mensdom voortdurend vorentoe, wat soms die vraag laat ontstaan: “Wáár trek ons die streep? Waar eindig alles?” Dit is hier waar Pioneer, met sy visie, innovasie, samewerking en etiek, nie net die eindstreep in die oog het nie, maar volgehoue en doelgerigte genetiese ontwikkeling nastreef ter wille van voedselsekerheid – ’n dryfkrag wat die lewensgehalte van produsente, verbruikers en die mensdom verbeter. Teen hierdie agtergrond stel Pioneer ’n nuwe witmieliekultivar vir droëlandverbouing, P28022WPW, bekend. Dié produk, wat nie aan ’n eindstreep gekoppel kan…