Innholdsfortegnelse for 02 June 2022 i Landbouweekblad

DIE Safex-prys vir koring het op 16 Mei tot ’n rekordvlak van R8 400/t vir ’n Julie-kontrak gestyg. Teen sluitingstyd het dit tot R8 289/t vir ’n Juliekontrak teruggesak. Volgens ’n senior verhandelaar by Farmwise Grains het die prys vir die Desember-kontrak op dieselfde dag op R7 851/t gesluit. Onsekerheid oor koringuitvoer vanweë die oorlog in Oekraïne is die grootste oorsaak van die styging in die koringprys. Die verhandelaar sê al kry die boere van Oekraïne dit reg om vanjaar koring te plant, is daar groot onsekerheid of hulle die koring sal kan uitvoer. Rusland, wat 75 miljoen ton koring per jaar produseer en sowat 35 miljoen ton uitvoer, het in Maart ’n verbod op die uitvoer van koring na sekere lande geplaas. Wêreldhandel en dus die aanbod van koring…

DIE landboumeesterplan wat onlangs onderteken is, skep ’n mandaat vir die private sektor om die agterstand met infrastruktuurontwikkeling in die landbou aan te pak. Dit is ’n baie spesifieke en gedetailleerde plan wat die vennote wat dit onderteken het, verantwoordelik teenoor mekaar hou, vol-gens prof. Ferdi Meyer, direkteur van die buro vir voedsel- en landboubeleid (BFAP). Meyer, wat by die opstel van die plan betrokke was, was deel van ’n paneelbespreking op Nampo, Nasie in Gesprek. “Ten minste het ons ’n beginpunt, ’n gemeenskaplike oogmerk en voorrangsake geidentifiseer.” VENNOOTSKAP Die element van vennootskap is wat, volgens Meyer dié plan onderskei van vorige ontwikkelingsplanne en selfs die jongste nasionale ontwikkelingsplan. “Dit is ’n maatskaplike verdrag tussen die regering, arbeid en die bedryf. Die vennote het saamgestem oor die weg vorentoe, en…

Die staat, die landbou en vakbonde het ’n taamlike ooreenkoms bereik oor ’n sogenoemde meesterplan vir die landbousektor. Dit is middel Mei ná baie vergaderings en werk gefinaliseer. Die onderhandelinge oor die sogenoemde maatskaplike verdrag is deur die regering aangevoor om strukturele probleme in die landbousektor te oorkom en om ’n inklusiewe landbousektor te bevorder wat mededingend is, werk skep en volhoubaar groei. Die meesterplan moet voortbou op die nasionale ontwikkelingsplan van 2012 se hoofstuk 6 oor die landbou, wat konsentreer op onderontwikkelde streke in die voormalige tuislande en grondhervormingsprojekte; steun aan die uitvoer van hoëwaardeprodukte en die meegaande waardekettings, en om landbouverwerking te stimuleer om transformasie en inklusiewe groei en werkskepping te bevorder. Die meeste landbou-organisasies het dit onderteken, met die uitsondering van TLU SA en een vakbond. Teen…

Die gemiddelde prys van aartappels van alle klasse op Suid-Afrika se varsproduktemarkte is onder druk weens ’n beter vooruitsig in produksiegebiede sedert April. Die gemiddelde weeklikse prys op 13 Mei was R46,96/sakkie (10 kg). Die gemiddelde prys vir alle klasse aartappels het in Maart en April rondom die vlak van R40 per sakkie van 10 kg gewissel met die hoogste vlak middel April (R55/10 kg) en die laagste middel Maart (R40/10 kg). Luidens die markverslag van Aartappels SA is vanjaar net meer as 1 miljoen sakkies (10 kg) minder op die markte verhandel as die gemiddelde oor die afgelope vyf jaar (2018–2022) se eerste 18 weke van elke jaar. In dié tydperk vanjaar is meer as 37,5 miljoen sakkies teen gemiddeld R40,51 elk verkoop. In April 2022 was die gemiddelde…

KLIMAATSVERANDERING en intensiewe landbou het saam die getal insekte van die wêreld met 49% laat krimp, sê Britse navorsers in die vaktydskrif Nature. In dié dele kom 29% minder soorte spesies nou voor, gemeet aan nabygeleë grondgebied waarop natuurlike plante nog voorkom. Tropiese gebiede ly die meeste hieronder. Luidens ’n verklaring het navorsers van die Universiteitskollege Londen gevind hoe die voorkoms van natuurlike habitat ’n buffer vorm teen die invloed van klimaatsverhitting. Insekgetalle het met net 7% gedaal in landstreke waarin verwarming reeds merkbaar ervaar word, maar waarin min landboubedrywighede voorkom en tot driekwart van die natuurlike habitat nog bestaan.…

Die meester van die hooggeregshof is verantwoordelik vir die administrasie van boedels en om die belange van krediteure, erfgename en ander persone met ’n eis teen ’n boedel te beskerm. Die meester behartig ook aangeleenthede rondom trusts, soos bepaal in artikel 3 van die Wet op die Beheer oor Trustgoed (Wet 57 van 1988). Daar is vyftien meesterskantore reg oor Suid-Afrika. In die afgelope jaar het die meester aangedui dat daar ’n ongekende agterstand met die kantore se werk is. Die Fidusiêre Instituut van Suid-Afrika (Fisa) het aangevoer dat daar onlangs bemoedigende ontwikkelinge was, maar dat die situasie steeds beroerd is. Die rede vir die agterstand en vertragings is omdat die kantoor van die meester ’n tyd lank moes sluit as gevolg van die grendeltyd tydens die covid-19-pandemie en weens…

Mnr. Jacques Theron het in Kaapstad grootgeword en skoolgegaan. “My pa, Jack, het ’n hunkering na grond gehad en het Helderstroom in 1969 vir R40 000 gekoop. Die buurplaas is vir my pa aangebied met ’n verband van R55 000. ’n Jaar later moes my pa sy eerste paaiement betaal en toe wou die somme nie klop nie. Hoewel ek ’n ouditeur wou wees, het ek vir my pa gesê ek sal plaas toe kom. Omdat ek geen boerderykennis gehad het nie, het ek eers ’n jaar by die De Keur-landgoed in die Koue Bokkeveld as sekretarisrekenmeester gewerk. “Op 12 Desember 1972 het ek Helderstroom toe gekom waar toe net ses Jerseykoeie, ’n paar vrugteboorde, ’n taamlik nuwe plaashuis en ’n paar skure was.” Met skuld van bykans R100 000…

Hy het op skool landbou as sy sesde vak gekies. “Glad nie omdat ek gedroom het ek gaan eendag boer nie, ek het net nie geweet wat anders om te neem nie!” sê mnr. Hein Jurries. Hy het matriek op Riversdal met sulke goeie resultate deurgekom dat hy beloon is met ’n beurs vir verdere studie by die Kromme Rhee-landboukollege, waar die landbou ’n ander plek in sy kop begin inneem het, vertel Jurries. Nadat hy sy twee jaar lange algemene landboudiploma in 1990 verwerf het, het die Môrester-landgoed in die Koue Bokkeveld hom die pos van produksievoorman aangebied. Hoewel hy landbou studeer het, was dit dié dorpsjapie se eerste ware kennismaking met die plaaslewe. Dit is ook dáár waar sy lang pad en groot vriendskap met mnr. Naas van…

GAUTENG CARLETONVILLE KAALFONTEIN (529), 45 ha, aan Knopp-boerdery (Edms.) Bpk., van Y.M. Knopp, R1 145 000. OORBIETJESFONTEIN (569), 45 ha, aan Ideal Ventures (Edms.) Bpk., van L. Bezuidenhout, R2 375 000. WILDFONTEIN (52), 34 ha, aan Thanata Land (Edms.) Bpk., van J.J.P. Nortjé, R1 000 000. NIGEL RONDEBULT (136), 25 ha, aan Vegieland Prop (Edms.) Bpk., van M.E.D.L. Goncalves, R2 532 000. PRETORIA DOORNKRAAL (420), 26 ha, aan Pruzodpex (Edms.) Bpk., van Y. Zedan, R1 000 000. KWAZULU-NATAL BALLITO (17860), 58 ha, aan CHHT Farming (Edms.) Bpk., van Tshutsha Business Enterprise (Edms.) Bpk., R23 257 840. HARDING LOT W (4989), 764 ha, aan RV1 (Edms.) Bpk., van C.A.S. Rennie, R2 300 000. MILLERS KRAAI KOP (279), 1 130 ha, aan Phakela-trust, van Rooiklip-trust, R13 000 000. LADYSMITH WINTERTON IRRIGATION BOARD…

SUID-AFRIKA se vermoë om vroeë waarskuwings vir rampweertoestande uit te reik, is in die gedrang omdat sy netwerk weerstasies vinnig agteruitgaan vanweë ’n gebrek aan finansiering. Dit kan die voorspelling van rampe soos dié in KwaZulu-Natal in April bemoeilik en dit ook moeilik maak vir versekeringsmaatskappye om sekere soorte weerverwante eise te verifieer. Die SA Weerdiens waarsku in sy jongste jaarverslag dat hy weens die tekort aan geld nie sy netwerk kon opgradeer nie. Die diens moes ’n infrastruktuurtoekenning van R124 miljoen vir bedryfsuitgawes aanwend in 2020-’21 weens kontantvloeiprobleme wat deur die covid-19-pandemie teweeggebring is. Mnr. Ishaam Abader, uitvoerende hoof, sê die “geleidelike afname” in die aantal reënvalstasies het nie die instelling se vermoë om akkurate weervoorspelling te doen, benadeel nie. Sedert middel 1970’s het die aantal nie-geoutomatiseerde stasies gedaal…

R4,5 miljard Die Suid-Afrikaanse Brouerye wil vanjaar R4,5 miljard in sy plaaslike bedrywighede belê. Dit sluit R1,9 miljard op herwinbare bottels in en onderskeidelik R825 miljoen en R510 miljoen op die vergroting van die vermoë van sy Prospecton-brouery in Durban en sy Ibhayi-brouery in die Oos-Kaap. Die maatskappy het ná die covid-19-verwante verbod op alkoholverkope R5 miljard se beleggings afgelas, maar sedertdien geleidelik nuwe beleggingsaangekondig. — 400 000 Danksy uitbreidings aan sy Festive-verwerkingsaanleg in Olifantsfontein, Gauteng, kan Astral Foods nou 400 000 meer hoenders per week slag as ’n jaar tevore. Teen April 2023 sal nóg 400 000 meer per week geslag kan word. In die jongste halfjaar het Astral 5,9 miljoen braaihoenders per week geslag. Hoendervleis-invoer was in die ses maande tot Maart 6% laer as ’n jaar tevore,…

MNR. JAN VAN BILJON, bekroonde vee-en-saaiboer van die plaas Niekerksrust, Viljoenskroon, moes oor die jare sy teling deurgaans vernuwe om op die voorpunt van die ontwikkeling van die SA Vleismerino-skaapras te bly. Hy bied eersdaags sy 60ste produksieveiling aan. Lees die artikel op bl. 40. VERTEL VAN JOU GESIN. Ek en my vrou, Trix, het vier kinders – Bertus, wat saam met ons boer, en drie dogters, Henda, Christa en Karen. WAT IS JOU STOKPERDJIESs? Ek teel Anatoliese herdershonde, volstruise en hoenders van verskillende rasse. HET JY NÁ SKOOL GESTUDEER? Ek het landbou aan die Universiteit van Pretoria begin gestudeer, maar moes ná my pa se hartaanval met die boerdery gaan help. WAAR HOU JULLE GRAAG VAKANSIE? Ons reis graag rond en hou vakansie by die see. WATTER SPORTSPANNE ONDERSTEUN…

VANJAAR se sitrusuitvoertydperk het stadiger begin as in die vorige twee jaar. Mnr. Justin Chadwick, uitvoerende hoof van die Suider-Afrikaanse Sitruskwekersvereniging, skryf in sy weeklikse nuusbrief dat daar heelwat redes is vir die vertraging. Omdat die vloede in KwaZulu-Natal met die openbare vakansiedae in April saamgeval het, het baie sitruskwekers besluit om oesbedrywighede tot verlede week uit te stel. Gewelddadige betogings in die Oos-Kaap het ook sitruspaktyd verlore laat gaan. Waar daar verlede jaar teen week 18 reeds 3,9 miljoen kartonhouers (15 kg elk) pomelo’s verskeep is, is vanjaar nog net 2,8 miljoen kartonhouers verskeep. Altesaam 1,9 miljoen kartonhouers mandaryne en 7,3 miljoen kartonhouers suurlemoene is in 2021 teen die einde van week 18 verskeep, teenoor 1,3 miljoen kartonhouers mandaryne en 4,8 miljoen kartonhouers suurlemoene vanjaar. Chadwick meen sitruspryse wat…

INTERNASIONAAL: Die Chicagoprys het met 3,5%, of $10,55/t (R168,46/t), tot $314,50/t (R5 022/t) gestyg. Op ’n jaargrondslag is dit 19,2%, of $50,56/t (R807,31/t) hoër. Verwagte pryse: Julie – $306,36/t (R4 892/t), Desember – $288,25/t (R4 603/t). PLAASLIK: Die Safexprys van witmielies het met 0,04%, of R2/t, tot R4 623/t teenoor die vorige week gedaal. Die prys van geelmielies het met 1,4%, of R69/t, tot R4 730/t gedaal. Op ’n jaargrondslag is witmielies 42,8%, of R1 386/t, duurder, terwyl geelmielies 40,6%, of R1 367/t, duurder is. Verwagte witmieliepryse: Jul. – R4 637/t, Des. – R4 781/t. Verwagte geelmieliepryse: Jul. – R4 750/t, Des. – R4 878/t. INTERNASIONAAL: Die Chicagoprys het met 10,1%, of $41,36/t (R660,41/t), tot $449,96/t (R7 185/t) teenoor die vorige week gestyg. Op ’n jaargrondslag is dit 76%, of…

KAKAOBONE fermenteer gewoonlik dae lank onder piesangblare. Mikrobes breek die pulp rondom die bone af, en verwarm dit. Die gepaardgaande biochemiese veranderinge maak dat die bone baie van hul bitterheid en effense suurheid verloor, en dat aangenamer sjokoladegeure ontwikkel. Switserse navorsers het nou ’n nuwe sogenoemde “klam inkubasie”-metode ontwikkel. Eers word droë, ongefermenteerde kakao in ’n suur vloeistof gelê, en dan 72 uur lank verhit en weer gedroog. ’n Vrugtiger, donkersjokolade met blomryke smake word verkry.…

Die milde reën het vanjaar amok gemaak in die somersaaigebied en landerye en gesaaides verspoel. Mnr. Jan van Biljon gebruik ’n eenvoudige metode om afloopwater te bestuur en spoelskade te beperk. Hy het in 1981 baie reën gekry. Omdat sy plaas, Niekerksrust, ’n sogenoemde wyfieplaas is — waarheen al die omliggende plase se afloopwater vloei — is groot dele oorstroom. Van Biljon het toe damme van die vleie op die plaas gemaak en kleinerige waterbane langs die landerye en weikampe gemaak wat die kontoere volg. Dit laat die oortollige water ná die eerste swaar buie wegvloei. Al reën dit daarna nog baie en die waterbane bereik hul maksimum vermoë om water weg te voer, het Van Biljon reeds minstens van ’n deel van die water ontslae geraak. Die waterbane volg…

Plantegroei is dinamies omdat dit voortdurend verander. Dit is egter belangrik om veldherstel haarfyn te bestuur en te benader omdat veld so gevoelig is. Dit kan verander as dit voortdurend wanbestuur word. André Marcel Voisin (7 Januarie 1903-21 Desember 1964) was ’n Franse biochemikus, boer en skrywer wat veral bekend is om die ontwikkeling van die teorie van rasionele weiding (ook bekend as Voisinisme, Voisin-weiding of rasionele intensiewe weiding). Hy het by geleentheid gesê: “As ek jou kan help om weiveld beter te verstaan, is ek nie bekommerd oor wat jy aan die weiveld gaan doen nie, ek is eerder opgewonde oor wat die weiveld vir jou gaan doen.” As ’n veldboer hierdie konsep dat weiveld se plantegroei dinamies is, beter verstaan, sal Voisin se uitlating waar word. Een van…

Mnr. Naas van der Merwe was tot onlangs uitvoerende hoof van die landgoed Môrester in die Koue Bokkeveld. Hy was een van die sprekers op Landbouweekblad en Partners in Agri Land Solutions (PALS) se grondsimposium op Ceres in 2019. Hier is sy “ses van die beste”-wyshede vir nuwegenerasie-boere: 1. Moet nooit moed verloor nie. In boerdery begin jy elke jaar van voor af. 2. Leiers moet rigting gee en probleme as geleenthede gebruik. Duidelike verwagtinge, ambisies en eindresultate moet uiteengesit word. 3. Vier elke sukses met almal. Nie net probleme raak ons almal nie – geniet daarom ook die vreugdes saam. Anders byt geloofwaardigheid en optimisme in die stof. 4. Leiers kry nie sommerso respek nie. Jy kry dit deur vertroue en integriteit te skep deur alles wat jy doen.…

MASALA-STOKVIS MET ROMERIGE AVOKADOSOUS Vis ■ 2 groot, ferm witvisfilette ■ Vars suurlemoensap ■ Sout en swartpeper ■ 45 ml gesmelte botter ■ 5 ml seekosmasala Avokadosous ■ 2 ryp avokado’s, geskil en ontpit ■ Sap van 1 suurlemoen ■ Knippie sout ■ 1 wiel fetakaas ■ Halwe bakkie gladde, vetvrye maaskaas ■ 30 ml kappertjiesaad, gedreineer en goed drooggedruk ■ Olyfolie Voorverhit die oond tot 200 °C en voer ’n bakplaat met foelie uit. Sit die visfilette op die bakplaat en druk droog met kombuispaper. Drup ’n bietjie vars suurlemoensap oor elke visfilet en geur met sout en swartpeper. Meng die gesmelte botter en seekosmasala en verf ’n lagie daarvan oor elke visfilet. Oondrooster die vis vir 7-10 minute (gaarmaaktyd sal wissel na gelang van die dikte van die…

Ek het onlangs die voorreg gehad om tydens ’n skoolreünie op my geboortedorp, Prieska, te kuier. Ek ry bykans elke jaar daar verby op pad Namibië toe, maar kan nie onthou wanneer laas die veld so pragtig was nie. Van Prieska af het ek en my vrou die pad gevat deur Vosburg en Carnarvon tot by ’n vriendin op Williston waar ek by ’n restaurant die lekkerste skaapnek nóg geëet het. Van daar af om sterre te kyk by Sutherland en toe deur die Seweweekspoort na Calitzdorp om die wintervoorraad by hul kelders aan te vul. Ons geniet sulke ritte altyd baie. Een van ons grootste vreugdes is om te kyk hoeveel wild ons sommer van die pad af kan sien. Vreemd genoeg het ons hierdie jaar baie min gesien.…

Wat ek baie van hou van Job is dat hy nie ’n skynvriend was nie. Hy het God nie net geprys wanneer sake in sy guns verloop het nie, maar ook wanneer daar onweerswolke oor hom was. Hy sê selfs: “Al sou God my doodmaak, ek kan nie wag nie” (Job 13:15). Net ’n man of vrou van God is in staat om só iets te sê en om nog daarvoor te bid ook. In die boek van Job seën die Here hom aan die einde van sy lewe met dubbel soveel besittings as waarmee hy begin het. Dit is omdat hy volhard het. In die Noord-Kaap staan die gras kniehoogte en dit lyk soos die tuin van Eden. Plase waar dit vir sewe jaar nooit gereën het nie, lyk…

In die Vrystaat toon 61% distrikte ’n gunstige neiging vir grondpryse in die 12 maande tot April vanjaar. Pryse het veral gestyg by Senekal (23,3%) en Vredefort (13,8%). By Odendaalsrus het pryse met 18,3% gedaal en by Philippolis met 11,4%. In die betrokke tyd is 610 ooreenkomste in 42 distrikte gesluit. Dit het 267 321 ha teen R3,006 miljard behels. Ten opsigte van die registrasie van transaksies vir plase van verskillende groottes, lyk dit soos volg (verlede jaar se syfer is tussen hakies): kleiner as 50 ha, 11% (10%); 50-150 ha, 17% (15%); 150-300 ha, 24% (25%); 300-450 ha, 19% (19%); 450-600 ha, 9% (10%); groter as 600 ha, 20% (21%). Die TABEL gee ’n opsomming van grondtransaksies in die Vrystaat groter as 10 ha. Statistieke vir ál die provinsies…

Onsekerheid oor die uitvoer van sybokhaar na China het ’n demper geplaas op die jongste sybokhaarpryse. Volgens House of Fibre het die Chinese en Suid-Afrikaanse staatsamptenare aangekondig dat die uitvoerverbod op diere met gesplete hoewe en hul produkte vanweë die bek-enklouseeruitbreking in Suid-Afrika ook bokhaar insluit. “Die verbod was onverwags, aangesien bykans alle bokhaar in Suid-Afrika verwerk word, met bokhaar wat uitgesluit moet word van die verbod.” Afgesien van die onsekerheid oor uitvoer na China, is die Europese mark ook onder druk weens die voortslepende oorlog tussen Rusland en Oekraïne, sê Sybokhaar Suid-Afrika in sy jongste verslag. Pryse is egter steeds op rekordhoogtes, met die gemiddelde pryse wat op die vyfde veiling van die somerseisoen ongeveer 5% hoër was as die ooreenstemmende veiling ’n jaar gelede. Sybokhaarpryse het op die…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in die Landboukalender. Stuur die besonderhede aan lbw@landbou.com KONFERENSIES 25-29 JULIE: 57ste kongres van die Weidingsvereniging van Suider-Afrika, Aldam-vakansieoord, Ventersburg. E-pos: info@grassland.org.za BOEREDAE 19 AUGUSTUS: 40ste jongooikuddedag, aangebied deur Agri Malmesbury se skaapstudiegroep. John Dürr, 082 652 1715. KONGRESSE 2 JUNIE: Mpumalanga Landbou, Badplaas Forever Resort. Petro Geyer, 066 035 1231. SKOUE 27 MEI-5 JUNIE: Royal-skou.TD Strachan, 033 345 6274; admin@royalshow.co.za 10-11 JUNIE: Wes-Kaapse Pluimveeklub. Kleinplasie, Worcester. Naomi du Toit, 082 468 8826; weskaappluimvee@gmail.com 27-30 JULIE: Lutzville. Rika Prins, 083 398 0899; lutzvilleskou@ gmail.com 25-27 AUGUSTUS: George. Karien Pienaar, 084 432 9484 of 044 873 4165; info@george landbouskou.co.za of president@ georgelandbouskou.co.za 26-27 AUGUSTUS: Porterville. Jurgen Bolz, 072 598 4799; info@portervilleskou.co.za 5-10 SEPTEMBER: BKB-Afrikalewendehawe-ekspo…

‘Vir die res van 2022 en 2023 gaan pryse hoog bly.’ DR. WERNER ROSSOUW, direkteur van Silostrat, oor die vooruitsigte vir reeds hoë landboukommoditeitspryse. Bl. 15 ‘Dit is ironies dat die een wat die piramide dra, die weerloosste en armste is.’ MNR. MELVYN ABRAHAMS, projekbestuurder van die Pietermaritzburg-groep vir geregtigheid en waardigheid, oor hoe swaar plaaswerkers trek onder hoë kospryse. Bl. 18 ‘Dink net wat ’n mens met R70 miljoen kon gedoen het. Dit kon vir uitbreiding en werkskepping gebruik word.’ MNR. CHRIS SCHUTTE, uitvoerende hoof van Astral Foods, oor die bedrag wat die maatskappy aan kragopwekking bestee weens beurtkrag. Bl. 22 ‘Dit is teenstrydig dat munisipale waterdienste bly agteruitgaan, hoewel ons hierdie baie beduidende toewysings maak.’ MNR. SENZO MCHUNU, minister van water en sanitasie, oor die swak toestand van…

Dit was ’n goeie Nampo. ’n Gesondmaakfees, soos Michris Janse van Rensburg, planmaker van Bultfontein, dit gedoop het. Ná twee jaar van covid-19-opskortings was die landbou weer reg om homself in die oë te kyk. Van die boikotters se oproepe het nie veel gekom nie, en dit was lekker om te sien dat van die manne wat die hardste geskree het, toe tog maar ’n draai kom maak het. Nampo bly maar die plek waar ’n mens die landbou se temperatuur kan meet, en vanjaar was dit kerngesond. Meganiese uitstallers het byna almal nuwe tegnologie ten toon gestel, en die verbeterings wat van die groter uitstallers aan hul uitstalruimte gemaak het in afwagting op Nampo 2022, het die optimisme net verder beaam. Onderliggend aan dit alles was die werklikheid dat…

DIE impak van die oorlog tussen Rusland en Oekraïne op die internasionale ekonomie is ongekend vergeleke met enige ander krisis in die wêreldekonomie die afgelope 20 jaar. Dit word weerspieël in die stygende pryse van landboukommoditeite. Die skielike styging in die prys van sonneblomolie die afgelope paar maande is ’n duidelike voorbeeld daarvan, sê dr. Werner Rossouw, direkteur van Silostrat. “Hierdie oorlog het die vermoë om op ’n baie langer termyn ’n voortslepende impak op kommoditeitspryse te hê.” Dit is ook onseker hoe lank die impak sal duur. Rossouw sê daar is internasionaal onsekerheid oor kommoditeitsvoorrade weens die groot hoeveelheid graan wat Rusland en Oekraïne produseer. Die twee lande saam produseer 30% van die wêreld se koring, 58% van die wêreld se sonneblomsaad en 82% van die sonneblomolie. Oekraïne is…

DIE huidige La Niña-verskynsel was teen druktyd nog sterk, en volgens sommige aanduiders kon dit verder versterk. Die indeks wat die sterkte van dié weerstelsel aandui, die Suidelike Osillasie-indeks (SOI), was in die eerste drie weke van Mei op +18 tot +20. Die maksimum wat ’n sterk La Niña aandui, is +30, en -30 dui ’n sterk El Niño aan. Dit is die sterkste sedert Julie 2021. Mnr. Johan van den Berg, onafhanklike landbouweerkundige, sê dit is ongewoon dat die stelsel in die herfs nog só sterk is. Gewoonlik verswak ’n heersende La Niña- of El Niño-stelsel in dié tyd. Volgens die meeste weermodelle gaan die La Niña gedurende die winter effens verswak, maar kan in die lente weer versterk. ’n Deurslaggewende deel van die tropiese Stille Oseaan, bekend as…

SUID -AFRIK A kan baie dankbaar wees dat hy, nou met die oorlog in Oekraïne, plase en boere het wat hom taamlik selfvoorsienend maak ten opsigte van voedsel. Só het mnr. Glenn Silverman, beleggingstrateeg van die internasionale beleggingsonderneming RisCura, op ’n webinaar gesê wat Business Day oor die oorlog in Oekraïne se rimpeleffek in die wêreld aangebied het. Die verreikende gevolge van die oorlog word deur baie mense as ’n skoenlapper-effek beskryf. Dit verwys na ’n fenomeen waar ’n klein, plaaslike verandering in ’n ingewikkelde stelsel ’n groot uitwerking op ’n ander plek het. Silverman het gesê hy weet volstruise kan nie vlieg nie, maar die wye en onverwagse gevolge laat hom meer aan ’n vlieënde volstruis as ’n skoenlapper dink. Die oorlog het as’t ware ’n uitwerking van Kiev…

1 ZAMBIË Astral konsolideer Astral Foods, die genoteerde hoenderprodusent, beoog om in die volgende jaar of twee sy aanlegte in Zambië teen sowat R100 miljoen uit te brei, te verbeter en te vernuwe, wat ook aanlegte vir braaihoenders sal insluit. Die maatskappy se inkomste daar het die afgelope halfjaar met 47,5% gestyg, danksy groter produksie en verkope, maar ook die wisselkoers. Astral het sy belang in National Chicks Swaziland verkoop en is besig om dieselfde met sy belang in voer en braaihoenders in Mosambiek te doen. — Carien Kruger 2 SIERRA LEONE Miltsiekte knel kuddes Meer as 200 gevalle van miltsiekte is in die noordweste van die land bevestig ná ontleding van monsters van diere wat gevrek het. Daar het 91 beeste, 53 bokke en 79 skape in…

Die vraag na vars knoffel neem in Suid-Afrika toe, maar dit is tans ’n onderbenutte nismark. Mnr. Derick Immelman van die kommersiële saadverskaffers Garlic Growers by Krugersdorp, sê die produksie van vars en gedroogde knoffel neem toe. Klein produsente kan dié geleentheid benut om ’n goeie inkomste binne ’n betreklik kort tydperk uit dié hoëwaardegewas te verdien. ’n Produsent wat oor vyf jaar sy aanvanklike produksie op sowat 600 m2 (sowat 24 m x 24 m) stelselmatig verdubbel, en sowat 20% van die opbrengs jaarliks verkoop, kan ná jaar vyf ’n totale oes van 13 miljoen knoffelhuisies of meer as 2,5 miljoen knolle lewer. Dié knoffel kan óf as saad herplant word óf ná vyf jaar teen ’n minimale prys van R1 per knol verkoop word. Dit kan ’n bruto…

Daar word dikwels verwys na die subsidies wat wit boere vroeër jare gekry het en die behoefte om weer subsidies in te stel om swart boere te help om deel van die kommersiële landbou te word. In teenstelling met wat ekonomiese puriste glo, is subsidies teoreties regverdigbaar en word dit in byna alle lande ter wêreld toegepas. Die neiging is egter steeds dat landbousubsidies die praktyk in ryker lande is, terwyl boere in baie middelinkomste- en arm lande eerder deur onnodige koste belas word. Die impak daarvan blyk duidelik uit dié lande se swak vertoning. In die strewe na ’n inklusiewe landbousektor en die regstelling van rasvooroordele uit die verlede is subsidies aan swart boere in Suid-Afrika regverdigbaar. Die meeste lande in die ontwikkelde én die ontwikkelende wêreld het programme…

Suid-Afrika se eens trotse varsproduktebedryf is aan die verval, oud en uit pas met die eise van die tyd om op die voorgrond van die varsproduktehandel in Suid-Afrika en die groter Afrikavasteland te bly. Die markte gaan nou al vir jare stadig, maar seker agteruit. Die infrastruktuur is oud en afgeleef, koel- en rypmaakkamers werk nie meer nie of is op geleende tyd, en die tegnologie is verouderd. Die markte is in die algemeen vuil en sal kwalik huidige voedselveiligheidsvereistes slaag. Voorts bly die werking hiervan “verdag” en ondersoek ná ondersoek volg. Tans word die Tshwane-mark bekyk en dit blyk dat die ondersoek na die Johannesburg-mark nog nie afgehandel is nie. Die stelsel waarvolgens die markte bedryf word, dateer uit die 1970’s. Suid-Afrikaanse markte se kommissiestelsel spruit uit die Mercasa-stelsel…

Die ontstaan van ’n geïntegreerde plaagbekampingstelsel (IPM) het reeds in die 1950’s begin nadat navorsers die doeltreffendheid van die praktyk begin insien het vir die beskerming van okkerneute. Daarna het die metode tot sy volle reg begin kom met die koms van teiken-weerstandigheid teen organofosfate en karbamaat-insekdoders. “Die gebruik van tradisionele insekdoders in kombinasie met biobekamping het nuwe konsepte van plaagbekampingsmetodes ingelui. Die klem het sedert die 1970’s verskuif van die uitwissing van ’n plaag na die bekamping daarvan,” sê mnr. Andrew Bennett, bestuurder van die Suid-Afrikaanse bioprodukte-organisasie. Dit was ook gedurende hierdie tydperk dat ekonomiese drempels, waar koste teenoor voordeel in ag geneem word, ontwikkel is. Boere het besef die koste van die bekampingsmaatreël moet minder wees as die voordeel wat die maatreël bied. “Gevolglik het daar al hoe…

Die welslae wat Wes-Kaapse boere in moeilike omstandighede met wintergraan en kanola behaal, kan in gelyke mate aan doeltreffende bewaringsboerderypraktyke en vordering met navorsing toegeskryf word. Nuwe vrae duik gedurig op namate omstandighede verander, soos wat met kanola-opbrengste gaan gebeur as die Wes-Kaap 2 °C warmer word, hoeveel stikstof peulgewasse in werklikheid bind, en of alle peulgewasse dieselfde hoeveelheid stikstof bind. Elke navorsingsprojek help om gewasproduksie en die wisselwerking met die grond en klimaat beter te verstaan en maniere te vind om gewasproduksie volhoubaarder en doeltreffender te maak. Navorsing deur studente het ook ’n opleidingsfunksie en hulle kry geleenthede om met staatsdepartemente en die bedryf te skakel. Nagraadse landboukundestudente aan die Universiteit Stellenbosch (US) kon onlangs hul navorsing aan akademici en verteenwoordigers van die graan- en kanolabedryf en insetverskaffers voorlê.…

Hoeveel krulkool verbou julle per jaar? Ons plant 12 tot 15 hektaar krulkool en haal sowat 16 ton tot 18 ton per hektaar af. Ons verbou hoofsaaklik krulblaar- (curly) kultivars wat ons in bossies of in sakkies, gewas en gereed om te gebruik, verkoop. Ons boer ook met kleiner hoeveelhede platblaar-krulkool. Krulkool is deel van die Brassica-familie. Julle pas ook hidroponika toe? Ja, ons kweek van ons ander gewasse hidroponies, maar nie krulkool nie. Hidroponika verwys na ’n groeiomgewing sonder grond. Dit is makliker om die gewasse te verwerk omdat dit makliker is om skoon te maak. Hoe lank duur die verbouingsproses? Dit duur sowat agt tot nege weke voordat jy ’n saailing die eerste keer kan oes. Ons pluk sowat drie, vier keer in ’n land. Wat is jul…