Innholdsfortegnelse for 5/14/2020 i Landbouweekblad

‘Hopelik sal die voersak se bek ook toe wees vir ’n maand of twee.’ MNR. WILLEM SYMINGTON, boer van Williston en adjunkvoorsitter van Agri Noord-Kaap, oor goeie reën op sy plaas. Bl. 16 ‘Ons bekommernis is die verontagsaming van die maatreëls oor naweke in die dorpe. Dit maak die goeie werk en dissipline wat deur die week gedoen word, ongedaan.’ MNR. HEINIE DU TOIT, voorsitter van Agri Witzenberg, oor pogings om ’n groot uitbreking van Covid-19 daar hok te slaan. Bl. 23 ‘Dit is vir ons ’n teleurstelling, maar dit bly die JSE se produk.’ MNR. JANNIE DE VILLIERS, uitvoerende hoof van Graan SA, oor die liggingsdifferensiaal vir soja wat vanaf die 2021-bemarkingsjaar geld. Bl. 14 ‘Van veldherstel is daar nou nie meer sprake nie.’ MNR. NICOL JANSEN, voorsitter van…

SÓ RAAK COVID-19 DIE KAROO Uit die veiligheid van my tuiskwarantyn in Duitsland het ek met baie mense in die Karoo gepraat. Dit het gou vir my duidelik geword dat die koronavirus verskillende dinge vir verskillende mense beteken. Al is die afgesonderde Karooplase byna ’n ideale kwarantyngebied wat goed beskerm is teen die virus, móét boere en plaaswerkers dorp toe gaan vir kos en ander voorrade. Selfs op ’n eensame plaas sal die reuseverskille wat voorheen in die samelewing bestaan het, bepaal hoe mense nou reageer. Die boer is steeds in beheer en kan beweging na en van die plaas beperk of keer. Plaaswerkers is steeds afhanklik van vervoer vir hul voorraad – nou selfs meer as voorheen. In die Klein-Karoo se dorpe is mense effens beter daaraan toe. Die…

GROOT ontsteltenis heers onder sojaboonboere ná die Johannesburgse Sekuriteitebeurs (JSE) opnuut besluit het om voort te gaan met ’n liggingsdifferensiaal vir sojabone vanaf 1 Maart 2021. Dit volg nadat die JSE die kwessie in Maart na sy advieskomitee terugverwys het weens hewige besware uit die bedryf, ook tydens Graan SA se kongres op Nampopark by Bothaville. Dit wil voorkom of groepe boere nou besig is om te organiseer om opnuut ernstig beswaar aan te teken oor die voorgenome liggingsdifferensiaal. Graan SA sê hy neem met teleurstelling kennis van die besluit ondanks die besprekings, navorsingsplanne en motive-rings wat daaroor aan die JSE voorgelê is. “Ons het werklik breedvoerige voorstelle daaroor ingedien, maar die JSE het besluit om daarmee voort te gaan,” sê mnr. Jannie de Villiers, uitvoerende hoof van Graan SA.…

BOERE in groot dele van die Noord-Kaap sal nóg ’n jaar vir reën in die optimum groeiseisoen moet wag ná groot dele die sesde opeenvolgende reënseisoen ondergemiddelde reën ontvang het. “Ons gaan ’n bitter moeilike jaar hê as ons nie regtig oorvloedige reën ontvang in die laaste deel van die herfs wat nog oor is nie,” sê mnr. Willem Symington, ondervoorsitter van Agri Noord-Kaap. “Ek is baie bekommerd oor die jaar wat voorlê.” Die reserwes op die veld is skraps weens ondergemiddelde reën in die tradisionele reëntyd. Die groeityd is boonop byna verby, selfs al sou dit nou begin reën. Sommige boere moes hul kuddes verminder tot vlakke waar hulle gaan sukkel om opgehoopte skuld te kan diens, sê Symington. GEMENGDE GEVOLGE Volgens mnr. CP van der Merwe, voorsitter van…

DIE opening van kitskosrestaurante vir afgelewerde kos ingevolge vlak 4-inperkings met die Covid-19-pandemie sal die hoenderbedryf gedeeltelik help, maar die vraag na hoendervleis het in die algemeen baie gedaal. Die bedryf vra die regering om ook deurry-verkope deur kitskosrestaurante toe te laat, wat nog ’n bietjie sal help, en om deur hulp aan verbruikers die vraag te stimuleer. Mnr. Izaak Breitenbach, hoofbestuurder van die braaihoenderorganisasie van die Suid-Afrikaanse Pluimveevereniging (SAPV), sê sowat 20% van geproduseerde hoendervleis word gewoonlik by kitskos- en gewone restaurante verkoop. “Hoendermaatskappye het (tydens vlak 5-inperkings) pro-beer om dié hoendervleis deur die kleinhandel te verkoop, maar die vraag in die sektor het gedaal. “Daar is baie mense wat net ’n gedeeltelike, of geen, salaris verdien, en dit sluit hoë verdieners soos vlieëniers in.” Hy raam dat net…

DIE aanbod van gemeenskapspolisiëringforums en plaaswagte om in landelike gebiede met patrollies te help, word steeds geïgnoreer. Tog is die SA Polisiediens (SAP) bekommerd dat sy mannekrag nie voldoende sal wees te midde van al die eise wat die Covid-19-krisis stel nie. Genl.maj. Leon Rabie, hoof van strategiese bestuur by die SAPD, het gesê die polisie se grootste risiko met die Covid-19-inperking is die moontlike inkrimping van sy werkmag weens besmettings. Hy het op ’n webkonferensie van die Instituut vir Sekerheidstudies (ISS) oor die polisie se probleme gesê daar is tans ’n reserwekapasiteit. Dit is egter moeilik om vooruit te beplan. “Ons moet leer soos ons aangaan en hoe meer ’n mens leer, hoe beter kan jy beplan.” Polisiekantore en -geboue moet ontruim word wanneer ’n polisielid die virus opgedoen…

DIE wildbedryf het in die aanloop tot die verslapping van die staat van inperking voorstelle aan die regering gedoen om ’n mate van ekonomiese aktiwiteit moontlik te maak vanaf 1 Mei. Teen druktyd het hy nog gewag op terugvoer. Die regulasies vir vlak 4 wat deur me. Thoko Didiza, minister vir landbou, grondhervorming en landelike ontwikkeling, bekend gestel is, maak voorsiening vir alle landboubedrywighede, jag, bosbou, (kommersiële) visvang en byeboerdery, asook werk aan infrastruktuur en ondersteuningsdienste. VOORSTELLE Me. Adri Kitshoff-Botha, uitvoerende hoof van Wildbedryf SA (WRSA), sê in ’n skrywe aan die organisasie se lede WRSA het in April reeds voorstelle gemaak rakende jag en handel in lewende wild. “Ons vertrou dat dit in ag geneem sal word in die riglyne.” Hoewel etlike wildsoorte ingevolge die Wet op Diereverbetering (Wet…

DIE verkoop van sy belang in Pioneer Foods het die landboubeleggingsmaatskappy Zeder in ’n beter posisie gelaat om die ekonomiese probleme weens Covid-19 die hoof te bied. Zeder het op 23 Maart sy belang in Pioneer Foods vir altesaam R6,41 miljard verkoop. Die maatskappy het ’n deel van die verkoopsom gebruik om skuld en ander verpligtinge te delg, maar het steeds sowat R1 miljard onbelaste kontant. Mnr. Norman Celliers, uitvoerende hoof van Zeder, sê die transaksie was “suksesvol en tydig”. “Danksy die transaksie, asook ’n doelbewuste proses die afgelope paar jaar om balansstate te versterk, skuldvlakke te verminder en kontant te hou, is ons leniger in ’n krisistyd.” Verskeie maatskappye in Zeder se portefeulje is tot noodsaaklike dienste verklaar ingevolge die Covid-19-regulasies. Hulle kon dus in ’n mate met sake…

Die Land Bank is weer in die nuus. Vroeër vanjaar het die kredietgraderingsagentskap Moody’s die bank afgegradeer. Onlangs het dit aan die lig gekom dat die Land Bank nie sy geldelike verpligtinge kan nakom nie. Daar bestaan gevolglik ’n wesenlike risiko dat die bank tot niet sal gaan tensy die staat as aandeelhouer weer, soos by ander staatsondernemings, miljarde rande inpomp in ’n swak bestuurde staatsonderneming. Die Land Bank sê sy kontantvloeiprobleme is die gevolg van swak landboutoestande en droogtes, wat veroorsaak dat boere nie hul verpligtinge kan nakom nie. Die probleme is egter bloot die resultaat van swak risikobestuur deur die bestuur en die direksie, asook ’n wanbalans tussen die finansiering en die uitleen van geld. Enige onderneming wat in ’n riskante omgewing besigheid doen, soos ander finansiële instellings…

Uitermatige hittetoestande opgevolg deur reën was tot groot nadeel vir Suid-Afrika se lietsjie-oes van 2019-’20. Luidens data van die lietsjieprodusente-organisasie het Suid-Afrika in 2019-’20 altesaam 3 308 ton geoes, wat ’n daling was teenoor die vorige seisoen se 4 434 ton. Volgens mnr. Derek Donkin, uitvoerende direkteur van Suptrop, was dié oes teleurstellend aangesien Suid-Afrika gewoonlik 4 000-6 000 ton per jaar oes. Die oesverlies word toegeskryf aan buitengewoon hoë temperatuur van warmer as 40 °C op agtereenvolgende dae, met die humiditeit wat minder as 10% was. Vanweë die uitermatige hitte is groot probleme met sonskade ervaar. Daarna het reën gelei tot vrugte wat bars. Luidens ’n berig op die webblad Freshplaza was daar verliese van tot 60% in sommige blokke by Tzaneen vanweë son-brand en gebarste vrugte. Volgens Donkin…

Die gebruik van doseermiddels by vee is nie net nadelig vir miskuiers nie, maar ook vir die spesies wat op hulle voed, soos verskeie vlermuis- en voëlspesies. Navorsers aan die Universiteit van Sussex in Brittanje het bevind sulke middels kan ’n verwoestende uitwerking op miskruiers hê. Die studie was toegespits op wurmmiddels, wat wêreldwyd as doseermiddels teen parasiete gebruik word. Miskruiers is ’n belangrike prooi vir verskeie vlermuisen voëlspesies, waarvan talle skaars of bedreig is. Tot ’n derde minder miskruierlarwes is gevind in die mis van beeste wat met dié produkte behandel is vergeleke met die mis van diere in die kontrolegroep. “Wat kommerwekkend is, is dat dit lyk of die miskruiers meer aangetrokke tot behandelde mis is. Vanweë die giftigheid daarvan het hul larwes ’n swak oorlewingskoers en swak…

Om te teel en te teël is nie dieselfde ding nie, al klink dit dalk só. En as mnr. Mornay Verster in Frankryk is, is hy net so tuis met die teëlsement en troffel as wat hy in Tweespruit in die veld by sy geliefde stoetbeeste is. Die afgelope twee jaar het hy en sy gesin ’n verwaarloosde hotel aan die Franse Riviera gekoop wat hulle eiehandig opgeknap en pas heropen het. Daarmee diversifiseer hulle nie net die inkomstestroom en die risiko’s van boerdery nie, maar beleef hulle ook as gesin ’n ontdekkingstog . . . van ’n pragtige land én van hul eie vermoë. In die Europese somermaande kry jy Verster en sy vrou, Nerina, met hul kinders, Nelise en Jan-Paul, asook hul skoondogter, Nadia, by die Hotel La…

Onkruidbestryding in appelen peerboorde op die plaas Ouplaas naby Greyton kos tot R450 per toediening en moet in sommige boorde tot ses keer per jaar toegedien word. Mnr. Guy Emslie, vrugteproduksiebestuurder op Ouplaas, sê dié R2 600 per hektaar per jaar is te veel. Om hierdie koste te verminder, het hy en mnr. Daan Brink, ’n grondkundige by Two-A-Day, besluit om ’n eenvoudige en goedkoop dekgewasproef in die somer en winter in ’n jong Forelle-boord te begin. “Daan het die voorstel gemaak en Barenbrug het die saad geborg. Die dekgewasse kan die onkruid onderdruk omdat dit vinniger en digter vestig as die onkruid in die boord se werksry. “Ons het vier verskillende mengsels in ’n paar rye gesaai. In hierdie stadium lyk die tef baie belowend. Dit het goed gegroei,…

WERKTUIE SLOOTGRAWERS IS HARDE WERKERS Bobcat Equipment South Africa se veelsydige sleepstuurlaaiers is ideaal vir verskeie materiaal-hanteringstoepassings in die landbou- en boubedryf – van skoonmaak tot slote grawe en laaiwerk. Die laaiers kan met verskeie toebehore toegerus word. Danksy die reeks slootgrawers kan hierdie nuttige voertuie enige graafwerk maklik doen. Die slootgrawers is gebruikersvriendelik en betroubaar. Dit is die ideale stuk gereedskap vir onderhoudspanne, munisipaliteite, veseloptiese-installasies, loodgieterswerk en die landbou. Die slootgrawer kan selfs in harde, klipperige grond sy man staan. Danksy die syverskuiwingsopsie kan die Bobcat-werktuig slote digby geboue, heinings en ander voorwerpe grawe. Die slootgrawer kan ook toegerus word met verskillende tande en kettingopsies om verskillende grondtipes beter baas te raak. Die Bobcat LT112, LT113 en LT213 is ideaal vir ligte tot mediumslootgraaftoepassings. Die Bobcat LT313 is geskik…

Deelnemers aan die LRF-veeskool neem elke jaar aan ’n meningspeiling deel. Die afgelope elf jaar was daar oorweldigende steun vir die inhoud van die skool. Sowat 70% van die mense wat die skool bywoon, is kommersiële veeboere. Die sukses is grootliks danksy die gehalte van die sprekers. Een van dié sprekers was mnr. Lee Leachman van Amerika. Hy verkoop jaarliks 1 500 bulle op sy produksieveiling en lê klem op die winsmotief in ’n teelkudde. Nóg ’n gewilde spreker was mnr. Ian Locke, ’n ekonoom wat ’n kudde van 3 000 kommersiële Herefords in Australië in harmonie met die natuur vir geboorte- en speentye bestuur. Me. Alison Sunstrom van Kanada het die GrowSafe-stelsels begin waarmee voerdoeltreffendheid gemeet word. Sedert haar eerste besoek is drie voerstasies in Suider-Afrika geïnstalleer. Prof. Bob…

Geurige tamatiesop met kaascroutons Tamatiesop kan dikwels te suur wees, maar hierdie weergawe, met sy ligte speserygeur, is perfek gebalanseer. Die oorgroot kaascroutons bo-op maak dit ekstra-spesiaal. (Maak ’n paar ekstra broodjies, want dit gaan vinnig verdwyn!) ■ 30 ml olie ■ 1 groot ui, fyngekap ■ 3 knoffelhuisies, fyngekap ■ 15 ml garam masala ■ 1 klein rooi brandrissie, pitte verwyder en fyngekap ■ 2 blikke (410 g elk) gekapte tamaties ■ 60 ml tamatiepasta ■ 2,5 liter hoenderaftreksel ■ 30 ml sagte bruinsuiker ■ Sout en varsgemaalde swartpeper na smaak ■ 125 ml room Kaascroutons ■ 1 groot Franse of Italiaanse brood ■ 100 ml mayonnaise ■ 1 groot agurkie, baie fyngekap ■ 125 ml gerasperde cheddarkaas ■ 125 ml gerasperde parmesaankaas ■ Sout en varsgemaalde swartpeper na…

Benamings in Afrikaanse is ietwat problematies as dit met die Engels vergelyk word. Die Engelse woodpecker is in Afrikaans ’n speg en die Engelse barbet is in Afrikaans ’n houtkapper. Die houtkappers het dik, robuuste snawels waarmee hulle nesgate uitdolwe. Hulle kap nie eintlik om gate te maak nie en eet hoofsaaklik vrugte. Die bont-, kuifkop- en rooikophoutkapper is van die spesies wat algemener en bekender is. Dit is relatief eenvoudig om die verskillende spesies spegte te identifiseer as ’n mens die verspreiding van die voëls in ’n onlangse voëlgids naslaan. Daar kom slegs vier of vyf spesies in elke streek voor. Die rooi merk op die mannetjie se kop help nie veel om die spesies te onderskei nie. Kyk eerder na die merke op die speg se bors en…

Daar was ’n tyd toe ons ouer geslag dikwels dié gesegde gebruik het: “Die ouer profete is dood en die jongeres eet brood.” Deesdae hoor ’n mens dit nog, maar baie minder. Miskien is dit omdat die media met al die mededeling van kennis en verwagting die mens beroof het van sy gawe om dinge te voorspel – ’n gawe wat hy gedink het aan hom uitgedeel is. Die sieners het min geword en dié wat voorgee dat hulle nog voortgaan, vaar nie so goed nie! Ons kyk deesdae liewer na die weervoorspelling op televisie, al kan ons nie juis opgewonde raak oor die akkuraatheid daarvan nie. Toe ek onlangs vir ’n boer vra hoe die weer daar by hulle is, het hy saaklik geantwoord: “Uitstekend, man, uitstekend. Dit reën…

Mnr. Christopher Sparks is as Landbouweekblad, Pick n Pay en Breedplan se Suider-Afrikaanse Stoetteler van die Jaar vir 2018 aangewys. Hy is die eienaar van Mount Olive Genetics, ’n Brangusstoetery naby Harrismith in die Vrystaat. Hy het in 2018 ook die Landbounavorsingsraad se prys vir die Vleisbeesverbeteringskudde van die Jaar ontvang. Sparks, wat ook ’n argitek is, boer heeltyds met sy Brangusse en rasegte kommersiële Nguni’s. Hy is ’n voormalige voorsitter van die Lewendehawe-registrerende Federasie en Brangus SA.…

Hoe ’n dier lyk, verskaf minima-le inligting oor hoe sy nageslag gaan presteer ten opsigte van die eienskappe wat ekonomies belangrik is. Daarvoor is betroubaarder inligting nodig wat insig bied in die dier se genetiese potensiaal. ’n Dier se prestasie, binne die konteks van ’n spesifieke eienskap, is die produk van sy genetiese vermoë om te presteer en die uitwerking wat die omgewing op sy prestasie het. Gevolglik benodig ’n teler bykomende inligting oor ’n dier om te besluit of dit finansieel sin maak om byvoorbeeld ’n spesifieke bul in sy kudde te gebruik. Vir hierdie doel het wetenskaplikes die beraamde teelwaardes (BTW’s) vir vee begin bereken. Met BTW’s kan telers “onder die bul se vel inkyk” en bepaal of hy byvoorbeeld groot speenkalwers of kalwers met ’n hoë slaggewig…

Maatreëls wat verband hou met die inperking vanweë Covid-19 skep baie onsekerheid en gevolglik is die normale stand van sake in die verbruikersmark ontwrig, sê mnr. Koos van der Ryst, voorsitter van die Rooivleisprodusente-organisasie (RPO). Hy het die RPO se waarnemings in die bedryf in ’n video bespreek en rooivleisprodusente moed ingepraat. “Ons leef en produseer in baie moeilike tye. Bly kalm, want toestande sal weer normaliseer, maar berei jouself voor vir ’n tydperk van turbulensie.” Hy sê die algemene onsekerheid in die plaaslike ekonomie is ’n bekommernis, veral in die lig van die swak prestasie in die ekonomie vóór die pandemie uitgebreek het. Ekonome voorspel ’n inkrimping van minstens 6% in die ekonomie. Werksverliese en verbruikers met minder besteebare inkomste gaan volgens hom ’n groot impak hê op verbruikerskeuses…

Volgens inligting wat in April deur die Oesskattingskomitee bekend gemaak is, kan Suid-Afrika se hele someroesproduksie vir 2019-’20 met ’n verdere 1,83% styg tot 17,1 miljoen ton vanaf die vorige skatting van 16,8 miljoen ton. In die oostelike somerreëngebied het produsente in April reeds begin om sojabone te stroop. Na verwagting sal boere die eerste mielies in Mei kan begin stroop. Graan SA sê daar is oorgenoeg graan beskikbaar om voedselsekerheid vir die volgende paar maande te verseker totdat die nuwe oes na die mark sal begin stroom, berig Nico van Burick. Dr. Dirk Strydom, bestuurder van graanekonomie en bemarking by Graan SA, sê die voorraad is voldoende, hoewel die gehalte nie altyd so goed is as wat dit kan wees nie. “Daar is geen risiko vir Suid-Afrika se voedselsekerheidstatus…

7,3% Die verwagting is dat die Europese Unie, een van Suid-Afrika se belangrikste uitvoerbestemmings, se ekonomiese groei vir 2020 met tot 7,3% kan daal vanweë die impak van Covid-19. “Toprisiko’s bly die moontlikheid dat die pandemie nie hokgeslaan kan word nie, ondanks al die pogings, ’n skaarste aan finansiering vir maatskappye wat geld leen, die hervatting van wêreldwye handel, insluitend tussen die EU en Brittanje, en . . . hernude druk op die EU se samehorigheid,” luidens ’n verklaring. — Standard & Poor’s R8,2 miljoen Die verbod op alkoholverkope vanweë die Covid-19-inperking kos die genoteerde drankreus Distell daagliks nagenoeg R8,2 miljoen. Suid-Afrika het tot R200 miljoen per week verloor vanweë die verbod op wynuitvoer, volgens skattings van die wynbedryf. Na verwagting gaan die staat ook groot bedrae aan aksyns verloor.…

Die JSE se aankondiging dat ’n liggingsdifferensiaal op sojabone summier gehef sal word, het groot ontevredenheid by boere ontlok. Landwyd het dit op boere se WhatsApp-groepe gegons, en binne ’n dag of twee het duisende boere by die Telegram-groep van twee saaiboere, Stephen Kruger van Viljoenskroon en Janes Barnard van Bultfontein, aangesluit om die pad vorentoe te probeer uitpluis. As ’n mens so na die boere luister, voel dit of ’n groter frustrasie onderliggend is tot hul ontevredenheid oor die differensiaal. Boere is gewis erg misken deur die JSE se eensydige en onverwagse besluit ná maande se samesprekings en konstruktiewe voorstelle uit hul geledere oor die differensiaal. Dit is ’n tasbare bewys van hoe uitgelewer boere is aan ander wat byna risikoloos hul winsgewendheid op die plaas kan bepaal. Oudpres.…

DIEREGROEP WIL JAG STOPSIT, MAAR KENNER SÊ WILD IS ‘SUPERKOS’ Dit het vir haar soos 1 April gevoel en of iemand ’n gekkedaggrap maak, sê me. Adri Kitshoff-Botha, uitvoerende hoof van Wildbedryf SA (WRSA), oor prokureursbriewe aan verskeie staatsdepartemente waarin ’n organisasie eis dat die eet van wildsvleis verbied word. Die EMS-stigting, ’n nie-regeringsorganisasie wat hom beywer vir die welstand van wilde diere, kinders en bejaardes, se regsverteenwoordiger, Cullinan en Vennote, sê volgens Volksblad dat sy kliënt in die lig van die Covid-19-pandemie ’n beroep doen op me. Thoko Didiza, minister van landbou, grondhervorming en landelike ontwikkeling, om die slag, eet en uitvoer van wildsvleis onwettig te verklaar. “Dit is absurd dat enigiemand Suid-Afrika se wildsvleis, wat wettig geproduseer en verwerk word, probeer vergelyk met ‘nat markte’ in Wuhan, China,…

DIE Oesskattingskomitee (NOK) het einde April die grootte van die verwagte kommersiële mielie-oes met 2,8% verhoog tot 15,2 miljoen ton. Suid-Afrika kan nou sy tweede grootste somergraanoes tot dusver verwag – 35% groter as verlede jaar se oes. In die komitee se derde skatting van die seisoen word 412 000 ton meer mielies verwag as die vorige skatting van 14,8 miljoen ton ’n maand tevore. Die geskatte oppervlakte onder mielies is 2,6 miljoen ha, en die opbrengs is 5,83 t/ha. Die skatting vir witmielies is 8,8 miljoen ton, wat 3% meer as die vorige skatting is. Vir geelmielies is die skatting nou 6,4 miljoen ton, wat 2,5% meer is. Witmielies se geskatte opbrengs is 5,43 t/ha en vir geelmielies is dit 6,48 t/ha. Mnr. Jannie de Villiers, uitvoerende hoof van…

VK B gaan sy infrastruktuur en dienste beskikbaar stel as steun vir die Solidariteitsfonds om ’n humanitêre krisis weens die uitwerking van die Covid-19-pandemie op Suid-Afrika te probeer afweer. Die ondersteuningsprojek is deur Agbiz met die samewerking van die georganiseerde landbou en ander belanghebbendes in die landbouwaardeketting begin. Mnr. Koos Janse van Rensburg, besturende direkteur van VKB, het sy onderneming en lede se samewerking beloof. Ander landboubesighede en meulenaars het onderneem om deel te neem. Janse van Rensburg het namens VKB 140 ton witmielies bewillig, wat as mieliemeel aan behoeftiges uitgedeel sal word. “Hierdie projek sluit aan by pres. Cyril Ramaphosa se strewe om armoede in die stryd teen die koronavirus te verlig. Dit bied aan die landboubedryf ’n geleentheid om te wys dat die landbouprodusent die antwoord is op…

DIE bankbedryf verwag nie in dié stadium dat spesiale maatreëls wat weens Covid-19 getref word, krediet aan die landbou sal benadeel nie. Banke het proaktief maatreëls getref om kliënte by te staan wie se bestaan en skuldbetalingsvermoë nadelig deur Covid-19 geraak is. Die bankvereniging van Suid-Afrika (Basa) het by navraag gesê die streng regulatoriese reëls vir handelsbanke, spesifiek dié oor kapitaaltoereikendheid en likiditeitsvereistes, is tydelik verslap om te verseker dat banke soveel finansiële steun as wat omsigtig is, aan klante in nood kan bied. Die vereniging verwag egter nie in dié stadium dat kort- of mediumtermynkrediet aan die landbou, en meer spesifiek produksiekrediet, nadelig deur Covid-19 geraak sal word nie. Basa beveel sterk aan dat boere wat in staat is om hul skuld te betaal, voortgaan om dit te doen.…

’N NASIONALE landbouraad kan die regering se gefragmenteerde landbou-benadering teenwerk en ’n nuwe geslag boere, swart en wit, vestig wat kos aan Suid-Afrika voorsien, werk skep en in harmonie met die natuur boer. Só sê mnr. Christo van der Rheede, adjunk- uitvoerende direkteur van Agri SA, in reaksie op ’n voorstel van mnr. Tito Mboweni, minister van finansies, vir ’n nasionale landbouraad wat onder meer alle onderbenutte plase in die land kan identifiseer, toestaan aan spesifieke boere wat wil boer, en hulle oplei. Mboweni het gepraat op ’n mediakonferensie oor die regering se hulppakket van R800 miljard om Covid-19 te bekamp. Volgens Van der Rheede vra Agri SA al jare lank dat die gefragmenteerde benadering, wat die afgelope tyd binne staatsdepartemente bestaan, vervang word met een stelsel. Fragmentasie was nog…

Wanneer iemand sterf, is verskeie koste en voorsienings in die boedel betaalbaar. Die beredderingskoste moet uit die oorledene se boedelbates betaal word. Indien daar nie genoeg kontant is nie, word bates verkoop. Indien daar steeds ’n tekort is, word die boedel as insolvent verklaar en dienooreenkomstig beredder. Boedelkoste behels: ■ Eksekuteursgeld. ■ Boedel- en kapitaalwinsbelasting. ■ Inkomstebelasting ingevolge artikel 9HA van die Inkomstebelastingwet. ■ Oordragkoste op eiendom wat vererf word. ■ Boedelkoste, soos waardasiekoste, begrafniskoste en die Meesterstarief. ■ Skuldaflossing van die oorledene. ■ Borgskappe of borgskapskuld wat in besighede en trusts aangegaan is. ■ Voorsiening vir ekstra kontanttekorte, soos begrafniskoste, onderhoud vir kinders uit ’n vorige huwelik, kapitaalvoorsiening vir inkomste aan die gade en kinders ná dood, onderhoud aan die langslewende gade, agterstallige inkomstebelasting, ’n aanwas-eis en hereregte. BOEDELBELASTING…

Mnr. Philip Jonker, wynboer van die Weltevrede-landgoed naby Bonnievale, het sedert die uitbreking van die Covid-19-pandemie hard gedink aan maniere om mense in hierdie tyd te help. Hy het ’n plan om veldhospitale vir Covid-19-pasiënte binne 35 dae op te rig. Die maatskappy Afri.Can, waarvan Jonker die besturende direkteur is en wat vir boere onder meer mikrofabrieke oprig, se plan behels hospitale wat uit skeepsvraghouers gebou word. ’n Hospitaal met 54 beddens kan binne 35 dae opgerig word en ’n toetssentrum binne 14 dae. ’n Volledige gesondheidsorgsentrum, met hoësorg- en isolasiesale, verg net 75 dae. “Alles in die ontwerp is nie oral nodig nie, daarom kan dit in dele opgedeel word. Dit werk soos Lego-blokke wat inmekaar pas. Dit kan vinnig op- of afgeskaal word, na gelang van die behoefte.…

Wees te alle tye deursigtig in jul boerderymetodes en sorg dat elke stukkie kos wat op die verbruiker se bord beland, naspeurbaar is. Verbruikers wil nie slegs seker wees die kos is veilig nie, maar wil ook weet hoe dit geproduseer is, veral dat die produksie nie skadelik vir die omgewing was nie. Dít was die raad van prof. Hettie Schönfeldt op die Afma Forum 2020, ’n internasionale simposium van die vereniging van veevoervervaardigers wat by Sun City gehou is. Sy is ’n direkteur van die Afrika-navorsingsalliansiesentrum van uitnemendheid vir voedselsekerheid aan die Universiteit van Pretoria, asook bestuurder van rooivleisnavorsing en -ontwikkeling in Suid-Afrika. Sy het gewaarsku die kollig gaan nóg skerper op boere en vervaardigers van voedsel wees, veral deur verbruikers en groepe mense wat hulle oor diere se…

Mnr. Willem Visser, eienaar van Shelanti Agri, ’n ingenieursmaatskappy op Ceres, het ’n doeltreffende oplossing ontwerp om dekgewas- of onkruidmateriaal onder die bome in die werksry van boorde maklik op die bankie te kry. Hy het ’n bankiestrooistelsel (side-delivery system) gebou, waarvan meer as 70 modelle al in Ceres en die res van die Koue Bokkeveld verkoop is. Die stelsel behels ’n kettingvoerband wat hidroulies aangedrewe is. Sommige modelle kan net na die een kant toe gooi, maar ander modelle kan verstel word om óf na die linkerkant óf na die regterkant toe uit te gooi. “Ons het ’n bestaande idee effens verfyn om die materiaal doeltreffender op die bankie te kry. Verskeie modelle kan op verskeie masjiene en in verskillende boord-uitlegte gebruik word. Die stelsel kan op die meeste…

Daar is tans baie gesprekke rondom Covid-19 en die uitwerking op die landbouomgewing. Die graanbedryf het die afgelope paar seisoene nie goeie marges beleef nie, en dit wil voorkom of dit nie vinnig gaan verander nie. Die bedryf is tans in ’n supersiklus. Dit beteken produksie in die wêreld groei vinniger as verbruik en die wêreld sit met surplusvoorraad. Die geskiedenis toon dit het gewoonlik vier jaar vir mielies geduur voor daar ’n groot vraagkomponent (gewoonlik industrieel) gekom en weer ruimte gebied het vir uitbreiding/doeltreffendheid. Die wêreld bevind hom tans reeds in jaar sewe van die siklus. Niemand weet nog wat die groot vraag moet of gaan wees nie. Die vraagfaktore wat wel geïdentifiseer is, is slegs stelselmatige groeifaktore, soos styging in veevoerbenutting en groei binne Afrika. DRUK OP VRAAG…

Noodsaaklike onderhoudswerk, soos die afskuur van ou verf en swamme, kan tydrowend en arbeidsintensief wees. ’n Sandblaser vergemaklik dié hande-arbeid, maar die prysetiket van R25 000 vir ’n kommersiële sandblaser het mnr. Johann Coetzee van die Lamont-boerdery by Gouritsrivier na sy werkbank gejaag. Coetzee en sy pa, Jannie, besit die Dohne-Merinostoetery Lamont en boer ook met wild en graan. (Sien ook “Tuisgemaakte mini-graanberoker draf plae kaf”, L BW, 30 April 2020.) “’n Sandblaser wat sy sout werd is, moenie pieperig wees nie. Ek het dit uit die staanspoor robuus gebou.” ’n Kompressor wat op boupersele gebruik word, verskaf konstante druk van 800 kPa om sand uit te blaas en oppervlakke skoon te spuit. Die hoofonderdeel van die sandblaser is ’n ongebruikte staalgassilinder van 47 liter (’n gewone LP-gasbottel) waarin hy…

HENNE MET VREEMDE KNOPPIES Ek het ’n klomp henne van sowat agt maande oud. Hulle het snaakse knoppies op hul kamme wat amper soos vratjies lyk. Wat kan dit wees en wat kan ek daaromtrent doen? Van al die soorte pokkies wat huisdiere kry, is dié van hoenders sekerlik die een wat die grootste ekonomiese verlies in Suid-Afrika veroorsaak. Hoenders, kalkoene, mak duiwe en ’n paar ander voëls is vatbaar, maar nie eende, ganse en makoue nie. Die virus is besonder taai en kan selfs vir ’n jaar in die hoenderhok aan die lewe bly, byvoorbeeld in stukkies van die rofies, of in ander deeltjies wat van die letsels afkomstig is. Vatbare hoenders doen dus die siekte op wanneer hulle in ’n besmette hok gesit word of wanneer hulle saam…

GAUTENG CARLETONVILLE GOLDEN VALLEY (621), 21 ha, aan G.T. Molokwane, van J.B.Todd,R2990 000. HARTEBEESTFONTEIN (366), 212 ha, aan N.M. Mokhema, van M&T van der Merwe-trust, R1 850 000. KAALPLAATS (394), 25 ha, aan C. en E. Zevenster, van P. Zevenster, R1 050 000. KOOKFONTEIN (545), 295 ha, aan Dirk Potgieter-familietrust, van Milnex 646 BK, R12 000 000. LEEUWPAN (58), 82 ha, aan TsutsuMaTrading(Edms.)Bpk., vanW.T.T.Letsie,R700000. TAAIBOSCHBULT(497),283ha, aan Roahkatleho (Edms.) Bpk., van Johan Swart-familietrust, R5 000 000. WITKOP (475), 391 ha, aan SBL BK, van J.G. van der Merwe, R450 000. NIGEL IR (194), 21 ha, aan Van Helsdingen-familietrust, van E.C. en J.M. van Helsdingen, R800 000. NOOITGEDACHT (294), 106 ha, aan A.B. en N.I. Mkwanazi, van B.I. Dhlamini, R450 000. KWAZULU-NATAL HARDING TWEEFONTEIN (239), 33 ha, aan Eland Heights (Edms.) Bpk.,…

Danksy die Brangusras se toenemende gewildheid onder kommersiële beesboere en die vraag na speenkalwers van gehalte, is dit een van die min rasse wat ’n groei in getalle toon. In boerderye geld slegs een faktor steeds vir hele bedryf, naamlik geld! Die voerkraal wat die beesboer se kalwers koop en die mark bepaal, soek ’n speenkalf wat so vinnig moontlik groei en teen die laagste bedryfskoste gevoer word. Dus, die maksimum wins teen die laagste bedryfskoste. Op sy beurt word die voerkraal voorgeskryf deur die verbruikers wat hoofsaaklik uit twee groepe bestaan, naamlik die middelen laeinkomstegroep wat goedkoper vleis soek, en die middel- tot hoë-inkomstegroep wat op gehalte aandring (teen die regte prys). Brangustelers probeer op hul beurt om bulle te verkoop wat dit so winsgewend moontlik vir die kommersiële…

Hierdie tyd van die jaar stroom al wat binnelandse boer en belanghebbende in die landbou is gewoonlik na Bothaville vir Nampo. Dié groot jaarlikse geleentheid moes noodgedwonge weens die Covid-19-pandemie deur Graan SA uitgestel word tot 11-14 Augustus. Die nuwe datum is onderhewig aan inperkingsregulasies wat intussen kan verander. Die seisoen staan egter nie stil nie. Boere in die somersaaigebied neem steeds dié tyd van die jaar sekere besluite wat ’n impak gaan hê op hul volgende produksiesiklus. Die Suid-Afrikaanse landboubedryf word tans deur ekonome soos dr. Johan van der Merwe van AMT en mnr. Wandile Sihlobo van Agbiz gereken as een van die bedrywe – indien nie die enigste bedryf nie – wat vanjaar ekonomiese groei kan toon. Selfs met die voordele wat die landboubedryf bo die meeste ander…

DIE Land Bank vervul ’n noodsaaklike diens – iets wat nie van talle ander entiteite in staatsbesit gesê kan word nie. Al ontvang hy nie gereeld staatsfinansiering nie, word van hom verwag om die regering se mandaat uit te voer om bekostigbare ontwikkelingsfinansiering aan boere met ’n hoër risikoprofiel te verskaf. ’n Ontwikkelingsbank, soos die Land Bank, kan nie wins sy algehele doelstelling maak nie. Dit blyk duidelik uit die bank se finansiële state dat hy nuwe skuld aangegaan het om skuldterugbetalings te finansier. Hy leen ook meer uit as wat hy self leen. ’n Likiditeitskrisis was onvermydelik. Op 31 Maart het Moody’s die Land Bank, die Ontwikkelingsbank van SA en die Nywerheidsontwikkelingskorporasie afgegradeer op die verwagting van groeiende bedryfsrisiko’s en omdat dié instellings “toenemend toegespits is op hoër-risiko segmente…

ARTIKELS & RUBRIEKE ■ Kleiner koeie, meer melk danksy genomiese seleksie ■ Hoe lyk boerdery sonder glifosaat? ■ Veldrestourasie: Laat dit só ekonomies vir jou werk ■ Grondbestuur: Werk sink in vir beste resultate ■ Druiwepulp kan voerkrale hupstoot gee ■ Boereplanne: Elektriese veldvoertuig in Namibiese duine gebore GESIN ■ Boerekos 16 is hier: Bly tuis en bak! ONKRUIDBEKAMPING Glifosaat vergemaklik bewaringsboerdery en help om die volhoubaarheid van graanboerdery in veral die winterreëngebiede te bevorder. Ondanks die waarde en kostedoeltreffendheid van dié onkruiddoder draai die openbare mening daarteen. Kan daar winsgewend sonder glifosaat geboer word?…

MNR. MORNAY VERSTER van Tweespruit se Le Roc-Brangusse het ’n reputasie verwerf as geharde, veldaangepaste diere. Dié suksesresep word nou na sy Dormerstoetery uitgebrei. Lees die artikel op bl. 40. VERTEL ONS VAN JOU GESIN. Ons is ’n Christengesin. Ek het my vrou, Nerina, op universiteit ontmoet. Sy is my regterhand en sielsgenoot. My seun, Jan-Paul, en sy vrou, Nadia, is albei argitekte. My dogter, Nelise, was ’n beroepstennisspeler. As gesin het ons ’n ou hotel en restaurant in die suide van Frankryk gerestoureer. Die projek het net langer as twee jaar geduur. Die kinders het pas die deure geopen van ons hotel met 14 kamers en ’n restaurant met ’n terras met sitplek vir 120 mense. WAAR HET JY GESTUDEER? Ek het die graad BEkon aan die Universiteit van…

GRAIN CARE, die welwillendheidsfiliaal van die graanverhandelingsmaatskappy Unigrain, wil tussen nou en Januarie 2021 minstens 22 miljoen etes aan behoeftige Suid-Afrikaners beskikbaar stel. Die projek vorm deel van die breër #PayFoodForward-beweging, waaronder Unigrain en ’n aantal ander landboubesighede druk besig is met planne om kos en produkte by Suid-Afrikaanse boere in te samel en aan van die land se weerloosstes te versprei. Dis ’n poging om te help te midde van die Covid-19-krisis wat talle mense sonder ’n inkomste laat. Die oogmerk is dat graanprodusente genoeg graan (wit- en geelmielies, sonneblom, sorghum, soja, koring en gars) skenk sodat 1 000 ton graan per maand tot meel verwerk kan word. Unigrain wil dan 50 000 12,5 kg-sakkies meel per maand oor die tydperk van nege maande skenk aan organisasies wat hulpbehoewende…

ENIGE en elke toegewing wat die regering maak vir die verkoop van voorbereide voedsel, of dit nou die aflewer van wegneem-etes is of ’n verslapping in die regulasies vir straatsmouse wat gaar geregte verkoop, sal welkom wees, sê dr. André Jooste, uitvoerende hoof van Aartappels SA. Aartappels het teen druktyd teen dieselfde prysvlakke as in 2017 verhandel vir die ooreenstemmende tyd van die jaar. Mnr. JF van der Merwe, voorsitter van Aartappels SA, het ook vroeër gesê vanjaar se oes lewer besonder baie groot aartappels op en pryse is onder druk omdat hierdie aartappels meestal vir skyfies gebruik word. “Met die voedseldienstebedryf wat vir die grendeltydperk tot 1 Mei nie kon besigheid doen nie en die informele sektor wat aan bande gelê is, het die prys van groot aartappels verlangsaam…

DIE trae verbruikersvraag en die gevolglike onsekerheid in die bemarkingsketting van rooivleis, varkvleis en pluimvee het die produsenteprys vir plaaslike lewende hawe in die vyfde week van die grendeltyd verder laat daal. Die handelsbanke se landbou-ekonome stem saam dat die druk op plaasvlak in die afsienbare toekoms aansienlik gaan toeneem wanneer produsente logistieke probleme ondervind om voor die winter van hul aanteelvee ontslae te raak, met die gevolglike kosteknyptang weens kontantvloeiprobleme. Luidens Absa se jongste verslag oor prysneigings bring die onsekerheid oor pryse in die komende maande mee dat voerkrale nie die hoeveelheid speenkalwers aankoop soos in die gebruiklike speentyd van Maart en April nie. Volgens Absa dra die huidige hoër prys van graan soos mielies en soja by tot die bedryfskoste van produsente wat nie van hul aanteelvee ontslae…

DIE verdere oopstelling van die landboubouwaardeketting op vlak 4 word verwelkom, maar die tabakbedryf is uiters teleurgesteld oor die regering se ommekeer oor die verkoop van sigarette. Ook die wynbedryf is teleurgesteld dat wyn steeds nie plaaslik verkoop mag word nie, maar is dankbaar dat uitvoer nou moontlik is. Ingevolge die nuwe regulasies is alle landbouproduksie, jag, bosbou, visserye, byeboerdery, voorbereidings vir die verbouing, oes en opberg van gewasse, die vervoer van vee, veilings, asook verwante landbou-infrastruktuur en dienste toelaatbaar, het me. Thoko Didiza, minister van landbou, grondhervorming en landelike ontwikkeling, gesê. Veilings sal ingevolge streng gesondheidsmaatreëls toegelaat word, en nie meer as 50 mense mag dit bywoon nie. Noodsaaklike landboudienste, soos navorsing, inspeksies, sertifisering en gehaltebeheer, is ook van inperkings kwytgestel, en die bou van infrastruktuur op plase en…

1 NAMIBIË| Bek-enklouseer was ’n vals alarm ’n Verbod op veilings en tradisionele diereskoue wat in Ohangwena, Oshikoto en Wes-Kavango van krag was, is opgehef nadat ’n buffel negatief getoets het vir bek-en-klouseer. Namibië se ministerie van landbou, water en grondhervorming het vroeër ’n verbod op veesamekomste ingestel nadat ’n buffel in die gebied opgemerk is. Buffels is draers van bek-en-klouseer. Die buffel is gevang en van kant gemaak. Die staat gaan voort met sy noodinentingsveldtog in die geraakte distrikte en moedig boere aan om hul beeste na die naaste dipkraal te bring. – Informante 2 ZIMBABWE | Minder mielies geplant Zimbabwiese boere het in 2019-’20 5% minder mielies aangeplant as in die vorige produksiejaar — 1,5 miljoen ha teenoor 1,6 miljoen ha in die vorige jaar. Daar…

Berigte uit Amerika oor hoe landbouproduksie benadeel word deur maatreëls om die koronapandemie aan bande te lê, wek groot kommer. Produsentepryse daal skerp, terwyl kleinhandelspryse skerp styg en voedselrakke leeg is. Goed bedoelde inperkingsmaatreëls kan tot groter ekonomiese verliese aanleiding gee, ook in Suid-Afrika. Die uiteindelike doel van die maatreëls behoort te wees om die besmettings in te perk sodat ’n land se mediese sektor steeds in staat kan wees om sterftes te beperk. Die maatreëls behoort geensins die vloei van voedsel in die waardeketting te onderbreek nie. Landbouproduksie is seisoenaal van aard. Kenners aan die Purdue-universiteit in die Amerikaanse deelstaat Indiana is dit eens dat die huidige pandemie en ontwrigtings in die voorsieningsketting nie op lang termyn tot ’n tekort aan voedsel sal lei nie. Die grane en oliesade…

Die produksie van onverwerkte melk het van 2008 tot 2019 jaarliks met gemiddeld 2,47% gegroei, hoewel elke jaar se syfers meestal baie verskil het. Die totale groei in dié tydperk is 30,79%, luidens ’n verslag deur die Suid-Afrikaanse Melkprosesseerdersorganisasie (Sampro). Verlede jaar was produksie slegs 0,65% hoër as in 2018, maar in 2018 het dit met 4,82% gegroei en in 2017 met 3,02%. Gegrond op ’n indeks van aankope van onverwerkte melk, met 2008 as die basisjaar, het aankope vanaf 2008 tot 2019 in agt jaar met meer as 2% gestyg en in vier jaar met meer as 4%. In 2009 en in 2016, het aankope gedaal, met onderskeidelik 1,43% en 0,45%. Vanaf 2011 tot 2014 was die jaarlikse saamgestelde groeikoers 3,12% en vanaf 2014 tot 2017 was dit 2,94%.…

Banke leen maklik vir ’n mens geld wanneer jy dit nie nodig het nie, maar wanneer jy dit regtig nodig het, raak hulle steeks, vertel dr. Reuel Khoza oor sy stryd om finansiering te bekom om die verwerkingsvermoë van sy avokadopakhuis te verdubbel. Dit het nie saak gemaak dat hy self ’n voormalige bankbaas was nie. Hy kon die finansiers net nie sover kry om te verstaan wat hy by sy pakhuis in die distrik Kiepersol in die Laeveld van Mpumalanga wou bereik nie. Khoza het opnuut om finansiering gaan pleit by ’n bank – waarvan hy eens ’n direkteur was – en toe uiteindelik die oorblywende R15 miljoen gekry om die werk aan sy pakhuis, Koeltehof, te voltooi. Vandag werk sowat 300 mense by Koeltehof. As die naasgrootste verpakker…

Waar begin ’n beesboer om die beginsels van herlewingslandbou toe te pas deur beeste in jou breër boerdery te integreer? Elke boer se situasie is uniek en almal kan nie oor dieselfde kam geskeer word nie, maar die basiese bloublokke moet gereed wees. Party boer deeltyds, ander is gevestigde, heeltydse boere, en ander begin pas en die kontantvloei druk om veranderings te maak. In die eerste rubriek van dié reeks het die ontwikkeling van infrastruktuur, veral watervoorsiening, aan die beurt gekom. Dit bly ’n bepalende faktor. (Sien ook “Nie-selektiewe weiding: Waar begin jy?”, LBW, 27 Maart 2020.) Die regte ingesteldheid kan nie genoeg beklemtoon word nie. Maak seker jy doen dit om ’n klein bydrae tot die ommekeer van die koolstofspoor te maak. As jy dit nie reg benader nie,…

1. Shelanti Agri in Ceres het ’n bankie-strooistelsel (side-delivery system) ontwerp vir boorde sonder ’n opgeërte bankie. 2. Die Shelanti-stelsel werk doeltreffend in boorde met ’n effens hoër bankie. 3. Die Shelanti-stelsel is aangepas vir boorde met hoë bankies. Die stadige kettingspoed verseker dat die materiaal goed op die bankie versprei word. 4. Mnr. Ian Cunningham se dekgewasmengsel met sorghum, akkerbone en raap word met die Shelanti-stelsel op die bankie gekap. Die sorghum verseker ’n hoë volume materiaal en kan meer as een keer per seisoen gekap word. 5. Tef word in die somer in die Koue Bokkeveld met die Shelanti-stelsel op die bankie gekap. Tef kan ook meer as een keer per seisoen gekap word om die maksimum materiaalopbrengs te verseker.…

STERKMAN-STORIES In 1959 bied Landbouweekblad vyf ghienies aan vir staaltjies oor sterk manne. Verskeie kragreuse laat van hulle hoor: Die 20-jarige mnr. Lance Tomlinson van Bontebokskloof, Buffeljachts, gooi uitgegroeide Merinoskape teen ’n tempo van 300 per uur soos klein lammertjies in die dipgat. Hy verkies rou kos bo gaar kos en eet elke dag ’n dosyn eiers een ná die ander. Mnr. Soon Campher van die plaas Ebenhaezer in die distrik Vredefort kon op 16 jaar oud al ’n sak mielies op sy kop lig en dra. Die enigste gewig waarmee hy kon oefen, was die stuk treinspoor wat sy pa as aambeeld gebruik het. Dié kon hy al op twaalf bokant sy kop lig. ’n Brief oor die “Simson van die Knysnabosse” het veral beïndruk. Só skryf J.F. van…

Vanjaar is ’n moeilike jaar vir veeboere. Dus het die direksie van die Lewendehaweregistrerende Federasie (LRF) indringend na die koste gekyk om hierdie byeenkoms by die Aldam-konferensiesentrum naby Ventersburg in die Vrystaat aan te bied. Die Veeskool is een van die wêreld se beste opvoedkundige landbougeleenthede en gehalte word altyd vooropgestel. Vanjaar gaan die standaard van lesings en sprekers steeds baie hoog wees, maar die koste vir veeboere van Suider-Afrika om die skool by te woon, is met meer as 30% besnoei. Groot korting word ook aangebied vir organisasies en instellings wat meer as vyf afgevaardigdes stuur, soos landbou-unies, rooivleisprodusente- en ander veeorganisasies, universiteite en landboukolleges. Sommige Suider-Afrikaanse boere wat gereeld die Veeskool bywoon, gaan vanjaar terugvoering gee oor hoe hul boerderye ontwikkel het. VLEISKENNER Dr. Dale Woerner van Amerika…

Die volgende ontleding van grondverkope in Suid-Afrika is van transaksies vir grond van meer as 10 ha in Noordwes, Mpumalanga en die Noord-Kaap van verlede April tot Maart vanjaar. Altesame 523 transaksies het in 12 distrikte in Noordwes plaasgevind. Dit was 2,2% minder as in die vorige ooreenstemmende 12 maande. Beter pryse is in ses distrikte (50%) aangeteken. Altesame 160 610 ha is teen R2,904 miljard verhandel. In Mpumalanga het grondpryse by drie distrikte gedaal. Die skerpste daling was by Acornhoek (-9%). Altesame 366 transaksies (12,2% minder as in die vorige vergelykende tyd) het 96 695 ha teen R2,659 miljard behels. Teenoor die ooreenstemmende 12 maande in die vorige vergelykende tyd het die aantal transaksies vir grond groter as 600 ha met 7,5% gedaal. In die Noord-Kaap is altesame 216…

Brangus SA is daartoe verbind om die regulasies van die nasionale staat van inperking na te kom. Byeenkomste van 100 mense of meer sal dus nie plaasvind nie. Kleiner veilings en byeenkomste gaan voort en die nodige biosekerheidsprotokolle word toegepas. “Elektroniese en internetgebaseerde kommunikasie tydens veilings word ook beoog,” sê mnr. John Rafferty, rasdirekteur van die Brangus SA-beestelersgenootskap. “Die tegniese dienste wat die genootskap normaalweg lewer, sal voortgaan binne die reëls en protokolle wat deur die regering uiteengesit is.” Hiernaas is die Brangus SA-beestelersgenootskap se datums vir die jaar. NAVRAE: John Rafferty, 082 828 8118, 051 451 2496. BELANGRIKE DATUMS 28 Mei – Sentrale Brangus Klub-veiling, Parys 3 Junie – Mpumalanga Klub-veiling 16 Junie – Best of 2 Herds-veiling 8 Julie – Beginnerskursus, Boshof 9 Julie – Western Genetics-boeredag 17…

E en van die grootste hedendaagse deurbrake in veeteling is die ontsluiting van genetiese potensiaal deur die gebruik van genomika in teelprogramme. Danksy die verandering en verbetering in veeteelttegnologie, soos genomika, moet telers aanpas en moderne tegnieke begin gebruik. Die volgende scenario’s gee ’n terugblik op hoe teling oor die dekades gevorder het. UIT TOEKA SE TYD “Kerneels, dit is tyd dat die bul by die koei uitkom!” “Reg so, Pa,” kom die antwoord. “Watter een, Pa, hulle is mos ewe mooi?” “Sit hulle in die klipkraal dat hulle dit self uitsorteer. Die wenner moet môre koeie toe!” Soortgelyke situasies het oor die jare heen seker op baie plase afgespeel. Dan wonder die boer hoekom die kalwers wat aankom, nie die bespiering van hul vaar het nie. ’n Visueel mooi…

Dr. Faffa Malan, bestuurder van die Herkouerveterinêre Vereniging van Suid-Afrika (Ruvasa), maan in sy jongste verslag dat boere nie nou hul biosekerheidsmaatreëls moet verslap nie. “’n Veiling is die gevaarlikste plek waar diere gekoop kan word as biosekerheidsmaatreëls nie in ag geneem word nie. Alle diere moet met ’n geregistreerde brandmerk en/of tatoeëring geïdentifiseer kan word. Gesondheidsertifikate moet reg wees en die verkoper se huisadres moet bekend wees. “Let daarop dat bek-enklouseer, beesbrucellose, tuberkulose, Johne se siekte, trichomonose, vibriose en skaapskurfsiekte (om net ’n paar siektes te noem), en parasiete wat bestand is teen sekere antiparasitiese middels almal kuddesiektes is.” Malan sê die regering en die veebedryf moet saam met die nasionale dieregesondheidsforum werk om ’n vee-identifikasie-en-naspeurbaarheidstelsel gereed te kry. “So ’n stelsel sal ons in staat stel om sekere…