Innholdsfortegnelse for 21-Oct-16 i Landbouweekblad

WIE’S JOU MA? “Kyk die mooi kallers wat die Hereford-koeie gaan speen,” skerts mnr. Heinrich Bruwer van Vryburg oor sy troppie Brahman-kalwers, die tweede oes embrio-inplantings uit die nuwe geriewe op sy plaas. Sy eerste proeflopie met embrio-inplantings het ’n vat-persentasie van 40 gehad. Die tweede s’n was 60% en die laaste groepie, wat tans dragtig is, ’n ongekende 90%. “Om embrio’s te oes en in ’n surrogaatmoeder te plaas, stel jou in staat om goeie teelmateriaal eksponensieel vinniger te vermeerder. Jy kan ook ’n goedkoop koei, wat hoogstens vir jou ’n gemiddelde speenkalf sou kon speen, aansienlik meer werd maak deur vir haar ’n kalf te gee met ’n gesogte genetiese samestelling,” sê hy. Dié kalf is ’n 100% Brahman-stoetkalf van een van Heinrich se beste stoetkoeie. Die embrio…

EENDAG RY EK HOM . . . Klein Ivan Schlebusch, mnr. Laurens en mev. Jana Schlebusch se 13 maande oue seuntjie, hou ’n ogie oor sy pa-hulle wat met groot afwagting die lande vir die nuwe produksiejaar begin voorberei. Hulle boer op die plaas Geluksfontein buite Bloemfontein. Uiteraard het Ivan ook al sy eie John Deere-skopfietsie! OMSTANDIGHEDE BY ZEBEDIELA ‘HAGLIK’ Die berig “Malema-regsman slaan kitaar by Zebediela” (landbou.comlandbou.com, 29 September 2016) het betrekking. Ons woon die afgelope 25 jaar in die Zebediela-woonbuurt aangrensend aan die Zebediela-landgoed. Mnr. John Boyse het die sitrusplaas vir ongeveer 15 jaar gehuur. Weens ernstige probleme en stakings het hy die huurkontrak einde Maart vanjaar beëindig. Op 1 April vanjaar is die plaas deur die Bjatladi-gemeenskap oorgeneem. In dieselfde maand is ons water en elektrisiteit summier…

AFRIKANERBUL OP BOER SE GRAF ’n “Monument” vir mnr. Josef du Plessis, “vader” van die verbeterde Afrikanerbees, is in die begraafplaas op die Vrystaatse dorp Theunissen te sien. Dit is in die vorm van ’n afbeelding van ’n Afrikanerbul op sy grafsteen. Die graf is waarskynlik die enigste in sy soort ter wêreld. Die bul is in rooi marmer en in die fynste besonderhede uitgebeeld. Agter op die een boud verskyn selfs die letters J.P., die brandmerk wat deur Du Plessis gebruik is. Die afbeelding is aan weerskante van die grafsteen aangebring. Du Plessis, wat in 1938 oorlede is, het op die plaas Rietfontein naby Theunissen geboer. Hy het die opbou en verbetering van die Afrikanerbees as ’n lewenstaak beskou. Na aanleiding daarvan het sy familie besluit dat ’n Afrikanerbul…

WARM en droë toestande kan tot die einde van die jaar oor die grootste deel van die land voortduur, wys die nuutste voorspellings. Die SA Weerdiens se seisoensvooruitskou-kaarte vir die drie maande tot einde Desember wys duidelik die groot waarskynlikheid dat ondergemiddelde reënval en bogemiddelde temperature in dié tyd oor bykans die hele land kan heers. Nadat die super-El Niño, wat Suid-Afrikaners steeds onder ’n rekorddroogte laat steier, vroeër vanjaar uiteindelik die wyk geneem het, het die aanvang van die somerreëntyd nog net teleurgestel. In talle gebiede is nog geen reënval aangeteken nie. Waar dit wel gereën het, was die neerslae bitter skraps. Van die hoogste totale sedert September in die belangrikste droëland-somersaaistreke was minder as 30 mm. By Bethlehem se weerstasie is 19 mm sedert September aangeteken, by Harri-smith,…

Johan Stemmet se onlangse foto’s op Facebook van ‘n leë Vaaldam het wyd reaksie uitgelok. “Kaaie wat eens in die Vaaldam se water gelê het, lê nou hoog en droog teen die wal,” skryf hy. Me. Ronelle Strydom, van die plaas Draaifontein, wat haar hele lewe lank langs die Vaalrivier se inloop na die Vaaldam woon, sê sy het laas in 1992, toe die damvlak tot 14% gedaal het, die watervlak só laag gesien. “By ons is die rivier normaalweg 3,5 km breed. Nou is dit ’n stroompie waardeur jy kan stap na die Vrystaat se kant toe. Ons boer met groente, beeste en skape en besproei gewoonlik uit die rivier. Ons pompe is egter nou 1,2 km van die water af, wat dit te duur maak om te probeer…

SUID-AFRIKAANSE olyfolies is van die beste ter wêreld, en produsente moet die buitelandse geleenthede aangryp wat hiermee gepaardgaan. Dit was die boodskap by Absa se topvyf-olyfolie-eerbewyse op Stellenbosch ná ’n vooraanstaande Italiaanse publikasie, Flos Olei, onlangs elf Suid-Afrikaanse produsente op sy lys van beste olyfolies ter wêreld ingesluit het. (Lees die kassie hieronder: SA se wêreldklas-olyfolies.) Dis die grootste aantal plaaslike olies wat tot nog toe ’n plek op die lys kon beklee. Twee van die plaaslike olyfolies tel onder die beste sewentig, terwyl Spanje, die wêreld se grootste olyfolieprodusent, net elf plekke op die lys beklee. “Uitvoer gaan gebeur; dit moet gebeur,” het mnr. Nick Wilkinson, voorsitter van SA Olive, by die toekenningseremonie gesê. Die plaaslike bedryf oes in die Noordelike Halfrond se stil seisoen, wat groot geleenthede inhou.…

TEELT | Wildboerdery raak wetenskaplik Danksy moderne tegnologie is die manier waarop boere hul wild teel besig om te verander. Soos met veeteling gaan dit nou met meet, weeg en ontledings gepaard. Dr. Munro Marx, hoof van Unistel-laboratoriums in Kaapstad, het op ’n wildseminaar in Windhoek gesê DNS-tegnologie het ’n nuttige instrument vir die teel van wild geword, net soos moderne bees-, kleinvee- en perdeboere dit aanwend om genetiese vordering in hul kuddes te versnel. Toetse kan nou uitgevoer word om vaderskap in die geval van veral skaars wild te bewys, genetiese eienskappe te bepaal en selektiewe paring tussen ’n bepaalde bul of ram en vroulike diere te doen ter wille van ’n bepaalde haarkleur, horinggroei en liggaamsgewig. Dit verbeter dan ’n boer se kans om bokke met ’n uitsonderlike…

DIE nuwe ekonomiese vennootskapsooreenkoms het vanjaar op 10 Oktober ten opsigte van al die voorwaardes wat van belang is, voorlopig tussen sekere lidlande van die Suider-Afrikaanse Ontwikkelingsgemeenskap en die Europese Unie (EU) in werking getree. Hierdie lande sluit onder meer Suid-Afrika, Botswana, Lesotho, Namibië, Mosambiek en Swaziland in. Dit is nog net nuwe marktoegang vir die landbou wat gefinaliseer moet word, maar dit behoort teen 1 November ’n werklikheid te word. Dit behels dat geografiese aanduiders (produkte van oorsprong) beskerm word. Die nuwe vennootskapsooreenkoms vervang die vorige ooreenkoms vir handel, ontwikkeling en samewerking (TDCA) tussen Suid-Afrika en die EU. Ingevolge die nuwe ooreenkoms verkry Suid-Afrika groter marktoegang tot die EU vir wyn, suiker, etanol, blomme, sommige suiwelprodukte, vrugte, vrugtesap en gis. Met betrekking tot suiker het Suid-Afrika tariefvrye marktoegang vir…

sesse nou outomaties plaas, alles danksy dié toepassing. “Dit maak my hande los om seker te maak ons pak vrugte wat aan die ooreengekome standaarde voldoen en om gehaltekwessies uit te wys voor dit werklik probleme raak. Appels en pere is heeltemal natuurlike produkte, sonder preserveermiddels. Daarom begin dit, nes enige organiese materiaal, doodgaan die oomblik nadat dit in die boor-de gepluk word.” Pomona’s Eyes sal outomaties ’n rooi vlaggie “hys” wanneer enige defekte op die vrugte ontdek word. Dié vrugte kan dan oorgepak word om te keer dat al die vrugte van ’n spesifieke krat ná aflewering verwerp word. Die stelsel stel ook outomaties kredietnotas op, skakel buitelandse geldeenhede om teen die koers op die aankoopdatum en verskaf ’n ouditspoor wat al die korrespondensie oor ’n eis insluit. Dit…

Die doel van transformasie in Suid-Afrika is om die manier waarop ons sake doen en die mense wat daardeur bevoordeel word, te verbreed. Dit beoog om die struktuur van die ekonomie sodanig te verander dat ’n meer inklusiewe ekonomie geskep word. ’n Verskeidenheid ingrypings of aksies word beoog om dit te bereik, naamlik opleiding, indiensneming, werkskepping, die skep van nuwe klein besighede (veral in swart gemeenskappe) en die skep van ’n mark vir nuwe toetredende swart deelnemers. Hierdie beginsels geld ook die landbou. Die Regering het oor die afgelope twee dekades met verskeie planne vorendag gekom om grond en landbou-aktiwiteite binne swart mense se bereik te plaas. Ongelukkig was baie van die planne doodgebore of té ambisieus, terwyl die planne wat wél ’n kans gehad het om te slaag, deur…

WEIDING VIR SKAPE OP DIE HOËVELD Ons boer op 70 ha grond in Mpumalanga. Ons kry ongeveer 700 mm reën per jaar en die wintermaande is koud (-8°C en soms kouer). Ons boer met ’n klompie skape en wil graag die plaas optimaal benut met natuurlike weiding. Ons het 2 ha dormansie-lusern en 11 ha lusern onder besproeiing, wat nege tot tien maande lank baie goed groei. Die res van die plaas bestaan uit 12 ha oulandgras en die ander dele is mengsels van gewone rooigras en dekgras. Wat is die beste opsie om op die res van die hektaars te vestig vir weiding in die somer en dan genoeg weiding te hê tot einde Junie? Oulandgras groei goed by ons, maar sommige mense sê Alzu se 5-in-1-skaapmengsel is die…

Reuben se Meksikaanse varkvleis-en-bonebredie Ja, selfs ’n bekroonde sjef, soos Reuben Riffel, hou van ’n sakpas-resep! Hy maak dié heerlike bredie met varklies, maar gebruik ook soms stukkies gerookte vis pleks van vark, of sit dit eenvoudig as ’n vegetariese gereg voor. “Ek noem dit Meksikaans, want die geure herinner my aan Meksikaanse kos, maar dit is geensins ’n tradisionele Meksikaanse gereg nie,” vertel Reuben. 300 g varklies Sout en vars gemaalde swartpeper 30 ml olyfolie 1 ui, gekap 3 knoffelhuisies, fyn gekap 1 rooi brandrissie, fyn gekap 1 blik (410 g) gekapte tamaties 5 ml droë oreganum 1 blik (410 g) borlotti-bone, gedreineer 1 blik (410 g) rooi nierbone, gedreineer 1 blik (410 g) botterbone, gedreineer 15 ml sojasous 5 ml gerookte paprika 5 ml suiker 150 g cheddar,…

Dit was nog skemer toe ek langs die Mkuzerivier begin afstap. Voëls het op verskeie plekke probeer om die slaap uit hul stemme te sing en in die ruie struikgewas het stukkies nag nog vir oulaas by donker stamme getalm. ’n Paar minute later het die eerste skaam beloftes van son my amper oorreed om koers te kies effens weg van die rivieroewer af, waar die bos oper is. Maar ek het geweet die ruie bos is waar die ou bul sou skuil . . . die ene met die stomp linkerhoring. Sy loopplek was net anderkant die skerp draai bo die seekoeigate. Die droogte het die Mkuze tot stilstand gedwing en benewens die diep kuile waar drie seekoeie gebly het, was daar slegs enkele vlakker poele laer af in…

Dis tog die bedoeling dat ’n mens nie net vir jouself sal lewe nie. Ek wou by geleentheid ’n bietjie meer uitvind oor ’n sekere persoon. “Hy het ’n fantastiese persoonlikheid,” het iemand ’n getuigskrif voorgehou. Ek kon nie help om verder uit te vra nie. Wat is ’n fantastiese persoonlikheid? Dit was nogal ’n gesukkel om dadelik ’n antwoord te kry, maar uiteindelik het hy met mooi dinge vorendag gekom. Die gesprek het my geprikkel om, vol-gens my eie begeerte, te definieer wat ’n mooi persoonlikheid is. Ek het uitgekom by Galasiërs 5:22, waar die vrugte van die Heilige Gees vir ons uitgestal word. As jy dit alles in een mandjie voeg, gee dit vir jou die mooiste persoonlikheid denkbaar. Dit bring my by die groot vraag: Kan ’n…

Vandag kan ’n mens soms oorweldig word deur al die verskillende nuwighede en dinge wat boerderye kan verbeter. Tog is dit belangrik om oor die basiese dinge te besin voordat die seisoen in volle gang is. Veral in ’n provinsie soos Noordwes wat deur ’n lang droogte kom, moet die boer sy volgende oes met sorg vestig. Deur elke aspek van jou boerdery met net 1% te verbeter, sal dit lei tot ’n verbetering van 5-10% in jou totale boerdery. Oorweeg gerus dié onderstaande boerderypraktyke. PLANT STADIG EN EGALIG Let op die korrekte planterspoed, wat baie kan verskil na gelang van die vervaardiger. ’n Planterspoed van 4-6 km/h gee ’n akkurater saadplasing met ’n egalige plantdiepte. Boere wat al tot 20 ton/ha onder besproeiing behaal het, skryf hul sukses toe…

Kleinplaas Pype voorsien sedert 2004 bekostigbare besproeiingsprodukte aan die publiek. Vandag het dié maatskappy ’n span kenners en kundiges wat enige probleem met besproeiing kan oplos. Kleinplaas Pype is net buite Potchefstroom op die Paryspad. Dit is begin nadat J.J. Booyens ’n bekostigbare besproeiingsproduk regstreeks van die fabriek aan die publiek voorsien het. Vandag is Ferdie Huisamen en Carmen Booyens Steyn die eienaars van dié maatskappy nadat hulle dit in 2010 oorgeneem het. Die maatskappy vervaardig nie net die pype nie, maar het ook ander produkte, soos spuite, watertenke, pompe, water-en voerbakke, druppers, Hunter-produkte teen baie goeie pryse, hoë- en laedrukpype van klas 3 tot klas 16, besproeiingstoebehore en plastieklamhokke. “Ons bedien ’n groot verskeidenheid klante en probeer in elkeen se behoeftes voorsien. Dit beteken ons produkte brei deurlopend uit.…

Mnr. Japie Nel is aangewys as die Elite Suiwelboer in die Noordstreek. Die topmededingers word beoordeel op grond van die gemiddelde kuddeprestasie soos gemeet deur SA Stamboek se Logix-melkbestuurstelsel. Dié holistiese benadering kyk na alle aspekte van ’n “suksesvolle” melkkudde. Goue, silwer- en bronseerbewyse word toegeken. Die topses-kuddes, oftewel die boonste 3% van deelnemende kuddes, staan ’n kans om as nasionale finaliste vir die platinumeerbewyse in aanmerking te kom. KERNPRESTASIES Produksie-aantekeninge, kuddeprestasie en bestuurstegnieke verteenwoordig sowat 60% van die eindtotaal. Daaronder tel aspekte, soos melkproduksie (volume), reproduksie, laktasieduur, somatiese seltelling, persentasie geboortes, persentasie koeie in laktasie, kuddegrootte en die aantal melktoetse wat die boer vir evaluasie instuur. Die kudde se genetiese prestasie word ook in ag geneem en help só om genetiese vordering aan te moedig. Aspekte wat beoordeel word,…

Die toptien-verskaffers die afgelope jaar is, van links, S. Hitzeroth (Quest Petroleum), J. Strumpher (Cape Gate Eastcape), J. Embling (Virback RSA), A. Marais (AM Marais-boerdery), J. Rossouw (Bayer Animal Health), B. Klopper (Cipla Agrimed), W. Kleyn (MSD Animal Health), C. de Oliviera (Yara Animal Nutrition), K. Crampton (Voermol Voere) en J. Heroldt (RCL Foods Sugar &Milling). Mnr. André du Toit (links), hoofbestuurder van BKB se handelsafdeling, en sy vrou, Adele, saam met mnr. Joes en me. Zenobia Erasmus, bestuurder van die BKB-tak op Aberdeen, en me. Birgit Edmayr, eggenoot van die besturende direkteur van BKB. Aberdeen is as die bes presterende handelstak van BKB aangewys. Van links is mnre. Basie Hatting, nasionale verkoopsbestuurder Cipla Agrimed, Frikkie Landman, takbestuurder van BKB op Adelaide (beste Cipla Agrimedverkope), en Boegoe Klopper, streekbestuurder van…

Die MPO Noord het sy presteerders en leiers op sy kongres vereer. Dr. Chris van Dijk (naasregs), uitvoerende hoof van die Melkprodusente-organisasie (MPO), het die trofeë vir buitengewone prestasie oorhandig aan mnre. Hannes Neethling (links), Veeplaas en Biomin se Kuilvoerkoning, Japie Nel, die Elite Meestersuiwelboer Noord, en me. Rina Belcher (regs) van Belnori Boutique Cheesery wat op vanjaar se SA-suiwelkampioenskap drie eerste plekke, ses tweede plekke en ses derde plekke behaal het, asook ’n Qualité-prys vir een van die eerste plekke. Van Dijk self is vir sy leierskap vereer. Mnr. Johan Strydom, ’n jare lange MPO-direksielid en herkose voorsitter van die MPO Noord, en Douglas Dickson, voorsitter van die Mpumalanga-streek, is ook vir hul leierskap vereer. Die MPO Mpumalanga is as die MPO Noord se Streek van die Jaar aangewys.…

MIELIESAAD-VERKOPE dui daarop dat die aanplanting van dié gewas hierdie seisoen tot normale vlakke kan herstel. Mnr. Ashley Cotterell, uitvoerende hoof van die saadmaatskappy Pannar in Suid-Afrika, sê verkope wys wel ’n verskuiwing van geel na wit mielies, wat deur die groot heersende verskil in die produsenteprys aangedryf word. “Daar is egter ’n inherente risiko dat die oorproduksie van wit mielies nadelig op pryse kan inwerk. Ons beveel aan dat boere na ander gewasse diversifiseer om hierdie risiko te bestuur,” sê hy. Hulle bemerk ook ’n groter vraag na sonneblomsaad hierdie seisoen, klaarblyklik as gevolg van die voortslepende droë toestande in party dele. Oor die invloed van die droogte die afgelope seisoen sê hy dit was vir saadprodusente net so ’n groot uitdaging as vir kommersiële produsente. “Pannar doen alles…

$7 miljard Amerika se departement van landbou gaan $7 miljard (R100 miljard) aan boere betaal om hulle te vergoed vir laer oespryse op die internasionale mark. Pryse vir landbou-kommoditeite is die afgelope jaar laag weens hoër voorrade en uitvoer. Agbiz sê hy is bekommerd oor die vlakke van steun wat oorsese produsente kry, en wil hê die Regering moet die impak van dié praktyke op plaaslike boere se mededingendheid oorweeg. Die arbeidsliggaam Nedlac ondersoek dit reeds. – Agbiz A$365 miljoen Australië se rykste vrou, me. Gina Rinehart, het ’n aanbod van A$365 miljoen (R4 miljard) gemaak aan dié land se grootste private grond-eienaar, S Kidman & Co, in samewerking met ’n Chinese maatskappy, Shanghai Cred. As die transaksie suksesvol is, sal Rinehart se Hancock Prospecting twee derdes van die plaas…

Tot betreklik onlangs het gesondheidsaktiviste die feit betreur dat dit dekades duur vir lewensreddende entstowwe om maklik beskikbaar te word in armer lande. Die tekort het gelei tot miljoene voorkombare kindersterftes elke jaar. Vandag is kinder-entstowwe amper oral beskikbaar, grootliks danksy globale vennootskappe tussen regerings, die bedryf en filantrope. Ongelukkig kan dieselfde nie van landboutegnologie gesê word nie. In arm lande veroorsaak lae landbouproduktiwiteit en grondverarming hongersnood en wanvoeding, wat lei tot siektes en sterftes. Die revolusie in landboutegnologie wat tans die Westerse landbou omvorm, moet egter nog Afrika se arm lande bereik. Dit geld beslis landbouprodukte wat gegrond is op die gebruik van grondmikrobes – natuurlike mikro-organismes, soos bakterië en swamme. Dit is moontlik van die bes bewaarde geheime in landbou-ontwikkeling. Veel meer is algemeen bekend oor presisie-tegnieke, hommeltuie…

Die Kaapse finaliste in Graan SA se Graanprodusent van die Jaar-kompetisie is die tweeling MNRE. JOHAN EN PIET WILLEMSE wat naby Riversdal boer. Hulle pak die graanbedryf aan met die wetenskap en tegnologie as hul bondgenote. Lees die artikel op bl. 30. VERTEL ONS VAN JUL GESINNE. Johan: Ek is 22 jaar getroud met Mariette en ons het drie kinders. Hetma (21) is ’n tweedejaar-B.Rek.-student aan die Universiteit Stellenbosch. Anna-Mart (19) doen haar Victory-oorbruggingsjaar op Jeffreysbaai en Johan (16) is in gr. 11 aan die Hoër Landbouskool Oakdale. Piet: Ek is 23 jaar getroud met Sura en ons het twee kinders. Sarah (21) is ’n finalejaarstudent in geleentheidsbestuur en Johannes (18) is in gr. 12 aan Oakdale. HOE ONTSPAN JULLE? Ons probeer een dag per week rus en gehaltetyd saam…

GROOT dele van Namibië kan met ’n stelsel van kanale en pypleiding vanuit ’n nuut ontdekte waterdraer diep onder die grond besproei word, het dr. Nickey Iyambo, Namibië se waarnemende staatspresident, op ’n landbou-vooruitskouingskonferensie in Windhoek gesê. Hy het gesê Namibië is die droogste Afrika-land suid van die Sahara. Die land beleef tans ’n ernstige droogte, wat in sommige dele reeds drie jaar duur. Die waterdraer wat ontdek is – hy wou nie sê waar dit in die land geleë is nie – kan groot uitkoms bied. Indien ’n stelsel van kanale en pypleidings gebou word, kan dit groot dele van die land waar daar tans ’n watertekort is, besproei. Sowat 70% van die bevolking is van hul voortbestaan van landbou afhanklik. Nagenoeg 29% van die land se werksmag vorm…

DIE geografiese verspreiding van Agri SA se lede lei soms tot meningsverskille, maar in die soeke na oplossings moet geprobeer word om ’n eenvormige visie en boodskap te vind, sê mnr. Johannes Möller, voorsitter van Agri SA. Hy het in sy voorsittersrede op die organisasie se kongres buite Pretoria gesê hy glo Agri SA probeer kwessies so gebalanseerd moontlik benader, maar dit is die lede se plig om daaroor te oordeel. “Die organisasie kan egter ook nie apaties staan teenoor eise van die dag of staties wees in sy samestelling en optrede nie. Ons sal weer opnuut kyk na organisasies wat deel wil vorm van Agri SA en ander wat op ’n bepaalde wyse met Agri SA wil skakel. Ek verwys spesifiek na maatskappye in die waardeketting, asook die megaboere-groepering.”…

SKATTING | Vierde grootste oes op pad Die Nasionale Oesskattingskomitee (NOK) se finale produksieskatting vir vanjaar is 741 550 ton sojabone op 502 800 ha – die vierde grootste opgetekende oes. Me. Marda Scheepers van die komitee het op ’n sojawerkgroepvergadering van die Proteïennavorsingstigting in Pretoria gesê dit is 328 450 ton minder as verlede jaar se rekordoes van 1,07 miljoen ton. Net in Mpumalanga, waar 408 000 ton geoes is, was die oes groter (18 100 ton) as verlede jaar. Die eerste aanduiding van plantvoornemens vir somergraangewasse word op 26 Oktober bekend gemaak. Mnr. Nico Hawkins, hoofbestuurder van die SA Graaninligtingsdiens (Sagis), sê van 1 Maart tot einde Augustus is 693 206 ton sojabone gelewer. “As die NOK se raming van 32 000 ton vir plaasterughouding in ag geneem…

Wysigings aan die Inkomstebelastingwet wat ’n boer direk kan raak, is die voorgestelde wysigings wat spesifiek handel oor artikel 7(c). Dit verwys na die heffing van rente op leningsrekeninge ten gunste van ’n boedelbeplanner in die boeke, oftewel die finansiële state, van sy “familietrust”. Vanaf 1 Maart aanstaande jaar sal alle bestaande en nuwe lenings aan trusts as rentedraend geag word. Die natuurlike persoon of maatskappy wat ’n “verbonde persoon” is en ’n lening aan ’n trust maak, moet die “amptelike rentekoers” (terugkoopkoers van die Suid-Afrikaanse Reserwebank plus 1%) van die lener vra. Indien nie, gaan die verskil tussen die werklike koers en die “amptelike koers” by die uitlener se belasbare inkomste gevoeg word. Nog ’n voorgestelde wysiging, maar wat die wysigings in artikel 7(c) weerspreek, is dié aan artikel…

Elektriese heinings wat verkeerd gespan word, skok steeds op groot skaal skilpaaie, likkewane en ietermago’s dood. ’n Foto van twee groot, verbleikte skilpaddoppe wat langs ’n heining in die Karoo-veld lê, het onlangs op die sosiale blad Facebook die ronde gedoen. Daar is berig in een geval is 53 sulke dooie skilpaaie in ’n ry langs ’n heining getel. Hul grootte het glo daarop gedui dat party tot 40 jaar oud was. Aangesien ’n skilpad se eerste reaksie van vlug is om sy kop in sy dop terug te trek, beweeg hulle nie onmiddellik ná so ’n skok van die heining af weg nie, en word gevolglik binne-in hul doppe doodgeskok. Dr. Gerhard Verdoorn, onafhanklike raadgewer van die Roofdierbestuursforum (RBF), bevestig dat dit ’n jare lange kwessie en voortgesette probleem…

‘Suid-Afrika het iets om aan die wêreld te bied wat gene en vleisgehalte in die Afrikanerbees betref, veral in die lig van klimaatsverandering.’ Die Afrikanerbees se gene gaan oor die hele wêreld versprei word, want dié ras is hoogs aangepas, gehard en kan ’n oplossing vir diereproduksie bied in ’n wêreld waar die klimaat besig is om te verander. DR. PIETER DE KOCK is die voorsitter van die Afrikaner-beestelersgenootskap. Op ’n simposium van die Afrikaner-beestelersgenootskap van Suid-Afrika tydens die Jakaranda-skou in Pretoria het hy gesê: “Nes die Olimpiese gouemedaljewenners Wayde van Niekerk en Caster Semenya ons trots maak, is ons ook trots op die Afrikaner.” Die beesras verdra hitte, benut ekstensiewe weiding optimaal, produseer sagte, sappige, gesonde vleis, beskik oor weerstand of verdraagsaamheid teen siektes en bosluise, het uitstekende moedereienskappe…

Om ’n bloubessieboerdery staan te maak, is nie ’n goedkoop onderneming nie – die infrastruktuur kan ’n hele paar honderdduisend rand per hektaar kos. Om dié rede het mnr. Daan Joubert van die plaas Simonsvlei naby Klapmuts gesoek na maniere om die ruimte onder die plastiektonnels so goed as moontlik te benut. “Ek het besluit om eerder vyf rye as die tradisionele vier rye onder die plastiektonnel te plant. Ander boere plant dubbele rye, maar die plante groei dan inmekaar en kan nie die lig goed benut nie.” Deur ’n plantwydte van 1,8 m x 600 mm (1,8 m tussen die rye) te volg, kan hy net soveel plante per hektaar plant as boere wat dubbele rye plant. Hy glo egter die ligindringing en -benutting gaan baie beter wees met…

KRUIPVOER VIR INHEEMSE BOKKE Ons woon in Alldays in Limpopo en het ’n klein kudde inheemse bokke (Kaapse skilderbokke). My doel is om die vleis te verkoop. Ek wil egter nie hê die bokke moet heeldag op kraal staan en lewe van voer nie omdat ek die bokke juis gekoop het vir hul gehardheid en aangepastheid op die veld. Tans gee ek hulle Maxiwol se lekmengsel. Ons gee ook elke dag laatmiddag vars gesnyde lusern nadat die bokke heeldag uit was op die veld. Wat kan ek as kruipvoer gee? Ek het ook ’n stuk Eragrostis curvula aangeplant, sowel as smutsvinger, borseltjie en ’n stukkie manna (pearl millet). Ons het ook heelwat doringbome waaraan die bokke graag vreet. Gee die volgende kruipvoermengsel vir bokke: 600 kg mieliemeel 100 kg lusern…

Ná 27 jaar in Johannesburg het Chris en Berdine de Klerk besluit om “terug te keer aarde toe” en vir die afgelope twee jaar is die plaas Mesklip in die hartjie van Namakwaland hul woon- en werkplek. Hier bedryf hulle ’n plaasrestaurant waar Namakwalanders en toeriste kan weglê aan geregte wat hulle met plaasprodukte uit die omgewing maak. Berdine, ’n oud-onderwyseres wat op ’n plaas grootgeword het, het by haar ma, Marthie de Bruyn, geleer hoe om met vleis te werk en lekker boerekos te kook. In hul plaaskombuis kook sy in swartpotte op ’n oop vuur.…

Met die Panagri-navorsingsinisiatief doen Pannar baie navorsing saam met boere. Só word plaasvlakoplossings gebied en boere met inligting bemagtig. Die maatskappy en boere vind baat by hierdie samewerkingsooreenkoms. Die resultate van die plaasvlaknavorsing word aan boere beskikbaar gestel sodat hulle nie onnodige skoolgeld hoef te betaal nie. Pannar doen ook navorsing oor die uitwerking van swamdoderbespuitings by mieliebasters onder die vaandel van die Yieldboost-program. Die Pannar Sprout-slimfoontoepassing is ook ’n moet vir elke moderne boer. Die boer kry ’n verskeidenheid inligting en funksies met die druk van ’n knoppie, soos siektediagnosering, plantspasiëring en die oorplantrekenaar.…

Ellaton Mining Supplies & Signs is ’n familie-onderneming in Klerksdorp wat al 53 jaar bestaan. Hulle het uitgebrei van ’n vervaardiger van padtekens na ’n onderneming wat kan voorsien in die behoeftes van die slagter, sakeman, sportklub, boer en huisvrou. Heinrich Raath, Henda Jordaan en Estelle Prinsloo, ’n broer en susters, het die maatskappy sedert 1989 stuk-stuk by hul pa, Rudi Raath, oorgeneem. “Ons vervaardig van spesialiteitsligbokse vir maatskappye tot nommerplate vir troues en matriekafskeidgeleenthede en blok ook foto’s,” sê Henda. “Die veiligheidstoerusting is bekende, betroubare handelsname, soos Javlin, Jonsson, Dromex, Frams, Hitec, Kalibre en Rebel. Hier is ook klere van Caterpillar, Sterling, Drimac, Barron en Altitude vir kliënte wat van die rak af wil koop.” Kliënte bedank gereeld die personeel vir hul puik diens. Henda sê die personeel is…

Kunsmatige inseminasie met saad van genomies getoetste bulle maak dit makliker om op ’n wetenskaplike wyse die regte bulle met die regte koeie te paar. Dit versnel ook die genetiese verbetering van die kudde omdat dit die lang proses wat beproefde bulle moet deurgaan, aansienlik verkort. Dr. Anton Smit, hoof- uitvoerende beampte van die semenmaatskappy Taurus Evolution, sê dat hulle nou die eerste resultate het van die maatskappy se hersiene plaaslike teelprogram waarin genomiese seleksie met hoër betroubaarheid gebruik is. “Die tegnologie maak dit makliker om ’n teelbul te kies, want ons kan vooraf met groot sekerheid die resultaat skat. Met die ontwikkeling van die wetenskap en databasis waarop genomiese seleksie staan, het die akkuraatheid van teelwaardesyfers van net minder as 50% tot 70% vir jong bulle verbeter,” sê Anton.…

’N REKORDPRYS van R60 000 is op ’n buitengewone veiling van stilstaande ou enjins vir ’n Fuller & Johnson-enjin (“hit & miss”) betaal. Die koper was mnr. Ivan Detroit van Kaapstad. Versamelaars van ou enjins van oor die hele land het die veiling op Prins Alfred Hamlet bygewoon. Ander enjins wat uitstekende pryse behaal het, sluit in ’n Fairbanks-Morse (R6 000), ’n Fairbanks met ’n oop kruk-as (R14 500), ’n Lister-skaapskeerder (R13 100) en ’n Lister D + Genset (R11 500). ’n Gerestoureerde 250 cc BSA-motorfiets van 1942 is teen R20 000 verkoop. Volgens mnr. Jacques Strydom, afslaer van Route 63 Auction Traders, was die veiling die eerste in sy soort in die land aangesien die verkopers die geleentheid gehad het om hul handewerk ten toon te stel én te…

MARKTE ervaar tans ’n ooraanbod van kool, veral weens hoë pryse verlede jaar. “Daar is hopeloos te veel kool, deels weens verlede jaar se hoë pryse. Talle boere en kwekers het met vanjaar se groente-aanplantings meer kool as gewoonlik aangeplant,” sê me. C.F. Roos, ’n agent vir gemengde groente vir Tropico by die Johannesburgse varsproduktemark. Sy sê ’n onbekende siekte het verlede jaar onder koolplante gemaai wat tot die hoër pryse gelei het. Volgens haar is die kool wat tans aan die markte gelewer word, se gehalte swak is – hoofsaaklik weens die droogte. “Ons kry baie klein koppe in. Dit is koppe wat nie genoeg water kry om groter te word nie en ongelukkig wil kopers nie die kleiner koppies hê nie.” Sy sê slegs koolkoppe van 4 kg…

Die onderstaande oordragte van plaaseiendomme is deur aktekantore geregistreer (plaasnommer tussen hakies). GAUTENG NIGEL WELTEVREDEN (580) 257 ha, aan Holfontein Eiendomme, van S.A. Strydom, R3 000 000. GOEDVERWACHTING (442) 185 ha, aan L.R. Keyter, van A.S. Lingenfelder, R800 000. RIETFONTEIN (364) 34 ha, aan S. van der Westhuizen, van M.B.J.H. Aerts en P.J.G. Aerts, R1 800 000. STERKFONTEIN (424) 105 ha, aan Wideprops 191, van R.C. Dias, R1 800 000. VLAKFONTEIN (161) 153 ha, aan Heidi & Tskane Eiendomme (Edms.) Bpk., van B. en M.D. van Rooyen, R1 900 000. WITKOP (180) 46 ha, aan Arengo 339 (Edms.) Bpk., van W.H.W. Smith, R.R. Wilkie en S.E. Wilkie, R26 498 400. ZESFONTEIN (27) 43 ha, aan Bridport Prop. (Edms.) Bpk., van D.J. Jones, R1 500 000. PRETORIA BOEKENHOUTSKLOOFDRIFT (286) 21 ha,…

‘As mielies 70% van die koste van hoenderpro› duksie is, en jul mielies is duurder as die internasio› nale markprys, dan werk die stelsel iewers nie.’ MNR. KURT SCHULTZ, die senior direkteur van globale strategieë van die Amerikaanse graanraad, oor die plaaslike hoendermark. Bl. 15 ‘Ons het nog nie die nodige protokol nie, maar sal vinnig die detail moet uitwerk.’ MNR. HUGH CAMPBELL, hoofbestuurder van Hortgro Science, oor wat die plaaslike vrugtebedryf te doen staan nadat EU-planne om valskodlingmot te reguleer, aan die lig gekom het. Bl. 19 ‘Ek het ‘n ontsettende liefde vir grondwerk en ’n netjies afgeronde dam is vir my baie mooi.’ MNR. PJ STRYDOM, Limpopo se Jongboer van die Jaar, wat al nege damme op die Piet Engelbrecht-trust se plaas gebou en belyn het. Bl. 36…

ANDERKANT DIE REËNBOOG ALLES GEBEUR GELYK ’n Mens moes maar geweet het die Springbokke se liederlike loesing in Durban was ’n voorsmakie van iets ergers. Die Bokke se vertoning is immers ’n taamlik akkurate barometer van die nasie se gemoed. Teen Maandag was die klipgooiende studente al weer goed op dreef, maar die werklike nagmerrie tref ons eers Dinsdag. Ene wat ons sommer self opgekook het. Want die bedrogsaak teen Pravin Gorhan, Minister van Finansies, is belaglik swak. Die R1 miljoen wat hy aan Ivan Pillay, destydse tweede in bevel by die Suid-Afrikaanse Inkomstediens, oorbetaal het toe dié vroeg afgetree het, is immers deur die Openbare Dienstekommissie goedgekeur – die organisasie wat juis moet waak teen vergrype in die staatsdiens. Die markte gee nie om oor besonderhede nie. Binne ure…

ENTSTOFVOORRAAD IN SA LYK BENARD ’n Landbouweekblad-opname oor die beskikbaarheid van entstof laat die waarskuwingsligte flikker. Die hoeveelheid entstof teen bloutong, drie-dae-stywesiekte en brucellose is kommerwekkend min, blyk uit die opname by 35 handelstakke in die Afgri Town&Country en Senwes Village-groep oor hul entstofvoorrade. ELARDUS ENGELBRECHT skryf: Sjoe! Dis baie erg. Wat presies is dit wat OBP (Onderstepoort Biologiese Produkte) die monopolie gee? Regte en lisensies op stowwe, die vervaardigingsproses of formules? Wette? Die ooreenkoms met Bayer wat onlangs tot niet is? ’n Gesukkel met die koueketting? Kan LBW nie ’n lys van die private maatskappye, soos MSD Dieregesondheid, verskaf wat sulke medisyne en entstowwe vervaardig of invoer nie? DR. DANIE ODENDAAL skryf: Die opname verteenwoordig net beskikbaarheid by koöperasies. Wat boere moet onthou, is dat die veearts die beste…

‘Jul pluimveebedryf is nie oop om die goedkoopste graan te kry nie, en tog moet hulle meeding met Amerika en Brasilië.’ AMERIKA sou vanjaar meer wit mielies na Suid-Afrika wou uitvoer, maar Suid-Afrika se registrasieproses rakende geneties gemodifiseerde (GM) eienskappe is nie met Amerika s’n gesinchroniseer nie. Mnr. Kurt Schultz, senior direkteur van globale strategieë by die Amerikaanse graanraad, het in Washington aan ’n groep besoekende Suid-Afrikaanse joernaliste gesê Amerika kon vanjaar relatief baie wit mielies na Suid-Afrika uitvoer, maar dit was weens GMO-kwessies beperk tot 16 955 ton. Dit was nadat verteenwoordigers van die raad Suid-Afrika vroeër vanjaar besoek het om te kyk na geleenthede vir onder meer witmielie-uitvoer en die moontlikheid dat Suid-Afrika sy GM-goedkeuringsprosesse verander of weens die droogte ’n uitsondering maak. Die Suid-Afrikaanse burokrasie is volgens…

‘Sonder selfgedrewe oplossings sal die watergehalte net vinniger versleg.’ DROOGTE en klimaatsverandering gaan toenemend veroorsaak dat Suid-Afrika se beskikbare waterbronne met blougroen alge besoedel word, en die landbougemeenskap sal self oplossings daarvoor moet soek. Dit was die waarskuwing van dr. Anthony Turton, omgewingsraadgewer aan die Universiteit van die Vrystaat, by AMT se jaarlikse vooruitskouing in Pretoria. “Die afgelope seisoen het ’n El Niño-toestand hoogty gevier, wat tot groot droogtes in Suider-Afrika gelei het,” verduidelik Turton. “ ’n Toename in eutrofikasie vind dus plaas omdat daar minder water is om verryking teë te werk. Terselfdertyd dui alles daarop dat Suid-Afrika in die toekoms hoër temperature gaan hê. Blougroen alge gaan daarom toeneem, wat weer lei tot meer gifstowwe in die water. “Ons groot probleem gaan dus nie soseer die volume van…

SUID-AFRIKA en sy vennote in die Suider-Afrikaanse Doeane-unie (Sadu), Botswana, Mosambiek, Namibië en Swaziland, het vroeër vanjaar ’n verreikende nuwe handelsooreenkoms gesluit. Dit verhoog die kwota wyn wat tariefvry uitgevoer mag word tot 110 miljoen liter, en verbeter ook toegang tot markte in die Europese Unie (EU) vir ingemaakte vrugte, blomme, sekere suiwelprodukte, gis en vrugtesap. Die ooreenkoms maak die eerste keer voorsiening daarvoor dat die EU nie uitvoersubsidies kan betaal vir landbouprodukte wat vir die Sadu-lande bestem is nie. In ruil daarvoor het die Sadu-lande ’n tariefvrye kwota vir die invoer van 300 000 ton koring en mengkoring (meslin) uit die EU toegestaan. AANDUIDERS Die ooreenkoms sal eers op 1 November in werking tree vir landboubedrywe, terwyl dit in alle ander uitvoerbedrywe reeds van verlede Maandag (10 Oktober) van…

‘Daar was nie genoeg grondbone om saad te maak nie en ons is bang vir nie-gesertifiseerde saad wat tot ’n vermenging van kultivars, swak gehalte en swakker opbrengste kan lei.’ DAAR gaan hierdie seisoen beslis ’n tekort aan grondboonsaad wees en hy is ook bekommerd oor die gehalte daarvan, sê mnr. Alfonso Visser, grootste verwerker van grondbone in die land, na aanleiding van die kleinste oes vanjaar sedert die 1945-’46-seisoen. Die oes van 18 850 ton vanjaar was drie keer kleiner as in die 2014-’15-seisoen omdat baie minder grondbone aangeplant is. Weens die droogte was die geraamde 22 600 ha wat be-plant is, die minste sedert die SA Graaninligtingsdiens van 1936 af daarvan rekord hou. “Daar was nie genoeg grondbone om saad te maak nie en ons is bang vir…

Die Internasionale Monetêre Fonds (IMF) het in die eerste week van Oktober sy jongste ekonomiese vooruitsigte vir die wêreldekonomie bekend gemaak. Die IMF verwag dat die wêreldwye ekonomiese groei vanjaar sowat 3,1% sal wees en sowat 3,4% aanstaande jaar. Dit dui op ’n stadige opswaai, maar is heelwat laer as die vorige ses jaar se gemiddelde groei van 3,8%. Westerse ekonomieë sal na verwagting steeds stadig groei – sowat 1% tot 2% per jaar – terwyl ontwikkelende lande in Oos-Europa, dele van Asië en Afrika suid van die Sahara heelwat sterker gaan bly groei, nader aan 5% per jaar. In die verslag wys die IMF ook daarop dat rentekoerse langer gaan laag bly in Westerse lande en dat kapitaal nou weer na ontwikkelende lande vloei. Dit gaan nog ’n tyd…

“Vuur is ’n slegte baas, maar ’n goeie dienskneg,” lui die slagspreuk ter inleiding in ’n nuwe handleiding oor die bestuur en bestryding van ongewenste veldbrande. A Guide to Integrated Fire Management is deel van ’n projek van die Verenigde Nasies. Dit gee omvattende riglyne vir brandbestryders, grondeienaars, nie-regeringsorganisasies en plaaslike owerhede oor hoe om geïntegreerde brandbestuurspraktyke in werking te stel. Dit verduidelik onder meer hoe brandbestrydingsverenigings gestig moet word. Die handleiding is die eindproduk van bydraes deur verskeie wetenskaplikes, bewaringspesialiste, veldbrandbestrydingspesialiste en omgewingsregkenners wat tot die drie jaar lange projek bygedra het. NAVRAE: Me. Henda Kellerman, tel. 021 712 5223; e-pos: henda. kellerman@kishugu.com.…

Die Oos-Kaapse melkverwerker Woodlands Dairy, vervaardiger van First Choice-suiwelprodukte, het ’n biobrandstofstoomketel in gebruik geneem wat sy kragverbruik en koolstofspoor aansienlik verklein. Die maatskappy sê in ’n verklaring ’n ondersoek het gewys die grootste bydraer tot sy algehele kweekhuisgasvrystelling was aangekoopte elektrisiteit, teen 91%. Melkverwerkers gebruik groot hoeveelhede stoom om melk te pasteuriseer en te steriliseer. Altesaam 72% van die Woodlands-aanleg se algehele kragverbruik kon aan sy stoomopwekkingstelsel en -ketel toegeskryf word. Die elektrode-stoomketel was verantwoordelik vir 65% van die aanleg se totale kweekhuisgasspoor. Die firma TF Design het toe vir hulle ’n alternatiewe stoomketelstelsel ontwerp en geïnstalleer wat in die grootste deel van hul behoefte voorsien. Dit verminder nie net die elektrisiteitverbruik drasties nie, maar ook die olieverbruik en koolstofvrystelling. Die nuwe stoomketel se hoofbrandstofbron is houtspaanders, wat deur…

SPITTER MAAK ’N HOMOGENE SAADBED Die Nederlandse werktuigvervaardiger Imants se 48SX-reeks rotor-spitwerktuie bewerk grond intensief en homogeen, maar teen ’n laer koste en verlaagde brandstofverbruik. Die werktuie het ook minder grondverdigting en hoër werkverrigting tot gevolg en vervang die drie tot vier bewerkingaksies wat normaalweg sou geskied om dieselfde resultaat te bewerkstellig. Die werktuig vergemaklik die inkorporering van organiese materiaal en is geskik vir bioberokingspraktyke, groenbemesting of die inwerk van kompos, mis en kalk. Die werktuig se roterende spitterlemme help om die grond deeglik te bewerk sonder om grondstruktuur te vernietig. Die unieke ontwerp van die spitter keer dat ploegbanke ontwikkel. Die Imants-werktuie is so ontwerp en kan toegerus word dat hulle tesame met ander werktuie gebruik kan word om meer as een bewerking te doen met net een beweging…

STOETERY OF KOMMERSIËLE KUDDE? Ek is ’n jong boer naby Ermelo wat met skape wil boer. As kind het ons kommersiële Vleismerino’s gehad, maar met hulle weggedoen weens jakkalse, siektes en diefstal. Ek wil graag weer begin en die intensiewe stelsel van dr. Karin Wessels naby Frankfort volg. Moet ek stoet- of kommersiële skape soek om te koop? Ek weet te min van die stoetwêreld wat die hoë kostes betref en baie mense waarsku my teen die politiek van ’n stoetboerdery. Ek wil gehalte en winsgewendheid nastreef. En ’n mooi skaap laat my hart vinniger klop! Ek sal jou beslis aanraai om eerder met ’n kommersiële kudde as ’n stoetery te boer. In ’n hoogs intensiewe stelsel soos dié van dr. Wessels moet jy eers jou bestuur ten opsigte van…

Boplaas, geleë aan die voet van die Rooiberg, was ’n plaas van oorvloed. Met sterk water wat oor die plaas loop, was ’n gemengde boerdery met geil vrugtebome, groente, volstruise en kleinvee moontlik. Die plaas het onlangs nuwe eienaars gekry en is Watermill Farm herdoop. Daarmee saam is die meul, wat uit die 1800’s dateer, kundig opgeknap. Elke detail op die plaas is ook kunstig heropgebou tot lewende monumente van tye wat was. Die destydse loogoond is byvoorbeeld afgewit en drie huisies is versigtig as gastehuise gerestoureer waar besoekers die nederige aard van destyds kan beleef – kompleet met gepoleerde misvloere, Oregon-houtplafonne en dik moddersteenmure. Saans is gaste van paraffienlampe en beperkte sonkrag afhanklik. Dié huise is benoem na die destydse inwoners, soos die Langhuis, waar die meulenaar met sy…

Landboutoestande in Noordwes is in die afgelope vyf jaar gekenmerk deur ondergemiddelde reënval. In 2011 het bogemiddelde reën daartoe gelei dat goeie grondvog vir 2012 beskikbaar was. In 2014 was die reënval weer ondergemiddeld, maar dit het op kritieke tye geval en dus was daar ’n goeie oes. Die 2015-pro-duksietyd is gekenmerk deur reënval wat ver ondergemiddeld was saam met buitengewoon hoë hitte in November en Desember. Die eerste noemenswaardige reën het eers in Januarie vanjaar voorgekom. Die meeste gewasse wat op droëland verbou is, is dus laat aangeplant. Besproeiingsboere kon betyds plant, maar versengende hitte tydens die bestuiwingstyd het ook sy tol geëis. Opbrengste op die meeste gewasse was dus baie laer as in ’n normale seisoen. Hoewel baie laat geplant is, het die ryp weggebly en kon die…

Sprekers op die kongres was, van links, prof. Johan Willemse van die departement landbou-ekonomie aan die Universiteit van die Vrystaat, mnr. Boeta du Toit, uitvoerende hoofbestuurder van Agri Noordwes, en mnr. Omri van Zyl, uitvoerende direkteur van Agri SA. Mnre. Pierre Vercueil (links) en Daan van der Merwe is onbestrede herkies tot onderskeidelik voorsitter en ondervoorsitter van Agri Noordwes. Mnr. Kobus van Zyl is eenparig tot ’n tweede ondervoorsitter verkies. Mnr. Omri van Zyl (regs), uitvoerende direkteur van Agri SA, ontvang ’n platinummerietesertifikaat. By hom is mnr. Naudé Pienaar, adjunkuitvoerende hoof van Agri Noordwes. Mnr. Jerry Maritz (regs), hoof van graan by NWK, ontvang ’n platinummerietesertifikaat van Agri Noordwes. Links is mnr. Pierre Vercueil, voorsitter van Agri Noordwes. Die landboumaatskappy Obaro het ’n platinum-merietesertifikaat ontvang. Mnr. Pierre Vercueil (links), voorsitter…

Boere in Suid-Afrika het ’n paar moeilike seisoene agter die rug. Daarom raai kundiges van Klein Karoo Saad Bemarking graanboere aan om dié planttyd wetenskaplik te werk om te verseker elke sent word reg uitgegee. Hulle het ’n satelliettak in Potchefstroom en ook ’n proefplaas op Brits. Tegnologie is so ver gevorder dat alles gemeet kan word. Met die neem van grondmonsters kan ’n mens presies weet hoeveel voedingstowwe in die grond beskikbaar is. Só kan die boer dan bemestingsprogramme aanpas. Grondvog is die heel belangrikste faktor waaraan boere aandag behoort te gee. Byna alle Suid-Afrikaanse boere is primêr ’n waterboer en sekondêr ’n graan-, vleis-, melk- of wildboer. Daarom moet die saaiboer sy opbrengsmikpunte aanpas by die beskikbare grondwatervlakke. Doen primêre bewerkings op grond van die verdigting in die…

Mnr. Lukie Steenkamp (regs) en sy vrou, Carina, van die onderneming Blue Chip Exclusive Game Breeding & Hunting Safaris buite Mokopane in Limpopo, was van die uitstallers by die fees. Links is me. Carike en mnr. Danie Jordaan. Mnr. Wayne Pritchard (middel), is besturende direkteur van die onderneming Wilderness Explorer wat tentkampe aan groepe in wildernisgebiede voorsien. Regs is me. Liza Holtzhausen en links mnr. Leroy van Dyk van Leriba. Mee. Antoinet Behr (links) en Daniëlle Hall van die natuurreservaat Sondela naby Bela-Bela wat ook ’n stalletjie by die wildfees gehad het. Mnr. Talie en me. Magda Vorster het die geriewe vir besoekers by die Uurpan-safari-oord buite Schweizer-Reneke bemark. Mnr. Nico Kruger van KHS Produkte in Centurion vervaardig verskeie rug- en geweersakke met beskermende lae en materiaal wat skok…

EEN van die oudste trekkers wat in Augustus op die Wes-Kaapse Veteraantrekker-en-enjinklub se ekspo op Malmesbury uitgestal was, was mnr. Denis Usher se 1929-Far-mall-trekker. “Dis die trekker wat die perde van plase afgehaal het,” sê hy. “Hulle was baie gewild. Dié model is so gebou dat hy tussenrygewasse kon verbou – met nou wieletjies voor en wiele ver uitmekaar agter.” Mnr. Kobus Groenewald, wat onder meer sy wentrekker, ’n 1950-MAN Ackerdiesel, uitgestal het, sê die restourasie van veteraantrekkers is ’n fyn kuns, maar bevredigend. “Jy moet alles van voor af aanpak. Beoordelaars kyk na bedrading, waterpype, verkoeling, olielekke, slytasie, hoe afgetrap die pedale is, sitplekke, die blikwerk . . . “Dit is ons speelgoed. Dit is my visstokke, my gholfstokke. Jy leer mense ken – ou mense, jong mense –…

Mnr. Pohamba Shifeta (middel), Namibiese minister van die omgewing en toerisme, het die simposium geopen. Hier is hy saam met mnr. Mike Bredenkamp (links, voorsitter van Wildboerdery Namibië) en prof. Wouter van Hoven (simposiumvoorsitter). Prof. HO de Waal (middel) van die departement dier-, wild- en weidingkunde aan die Universiteit van die Vrystaat, het lesings gelewer oor roofdiere wat vee en wild aanval. By hom is mev. Magdel Boshoff van die Suid-Afrikaanse Departement van Omgewingsake in Pretoria en mnr. Rudie de Wet, voorsitter van Botswana se wildboervereniging. ’n Simposium oor buffels is ook gehou. Van die wildboere wat dit bygewoon het, is, van links, mnr. Braam en mev. Lilanie Viljoen van Bela-Bela, Richard Harald van Thabazimbi en Johan Rabie van Gravelotte. Van links is dr. Gert Dry, vorige voorsitter van Wildboerdery…

Grenadellaboere gaan in die komende seisoen nie weer die gunstige pryse sien wat hulle verlede jaar gekry het nie, sê mnr. Francois Badenhorst, grenadellaboer van Hazyview. Hy meen daar gaan vanjaar ’n groter voorraad op die mark wees. “Verlede jaar het die droë hitte ’n rol gespeel en daar was minder en kleiner vrugte beskikbaar. Die gunstige wisselkoers het egter gesorg dat grenadellaboere goeie pryse vir uitvoerprodukte ontvang. Sedertdien het meer boere tot die bedryf toegetree en die beperkte mark sal vanjaar swaarkry,” sê Badenhorst. Mnr. Johan Husselmann van die Landbounavorsingsraad (LNR) se Instituut vir Tropiese en Subtropiese Gewasse sê nuwe kultivars wat weerstand teen die ergste virusse en swamme bied, word tans geregistreer. “Dit is ’n langdradige proses, maar die LNR het nou sy perseel na Addo in die…

Die volgende ontleding van grondverkope in Suid-Afrika is van transaksies vir grond wat groter is as 20 ha in Noordwes, KwaZulu-Natal en Limpopo vanaf Augustus verlede jaar tot Julie vanjaar. In net ’n paar distrikte het pryse gedaal. Neigings in KwaZulu-Natal is oorwegend gesond met 319 transaksies waarin 90 397 ha teen R2,198 miljard verhandel is. Uit die verkope was 31,3% transaksies van kleur. Dié soort transaksies sluit in verhandelings tussen individue, regeringsaankope van landbougrond asook grond verkry vir munisipale gebiede. Dit het 36 873 ha (40,8%) teen R925 miljoen behels. Die meeste transaksies (35%) was vir grond kleiner as 50 ha. Sowat 540 ooreenkomste is in 15 distrikte in Limpopo gesluit. Dit het 206 190 ha teen R2,8 miljard behels. Daarvan was 86 transaksies van kleur. Sowat ’n derde…

HOEWEL SA Vleismerinoboere ook erg deur die droogte en verlangsaming in die ekonomie geraak is, het dit ook ’n gunstige uitkoms gehad, sê mnr. Jan Vosloo, rasdirekteur van die genootskap. Dié skaapras is bekend vir sy aggressiewe vreetgewoontes en die goeie benutting van laegraadse voer. Dit het boere in staat gestel om makliker die meerderwaardige diere in hul kuddes te identifiseer. Die telers het besluit om voortaan nie meer met ooie te skou nie en dat die kollig slegs op reproduksie en produksiemeting geplaas gaan word. Vosloo sê met die prysgaping tussen wol en vleis wat in die afgelope drie jaar vergroot het, was die goeie wolpryse ’n meevaller vir SA Vleismerinoboere. Saam met die lammers wat geskeer word, kan die gemiddelde inkomste vir 22 mikron-wol meer as R350 per…

ALGEMEEN 20 OKTOBER: Van Wyk Fouchee Prokureurs: Grondsekuriteit, -regte en trustbelastingbeplanning. Paarl. Tel. 021 871 1050. E-pos: louise@vwf.co.za. 4-5 NOVEMBER: Agri-Workslandbou-ekspo, Stellenbosch. Van der Stel-sportterrein. Tel. 021 854 4700. Web: www.agriworks.co.za. E-pos: info@cadek.co.za. 4-5 NOVEMBER: Gamtoosekspo, ten bate van Laerskool Gamtoosvallei. Patensie, Oos-Kaap. Tel. 083 556 3206. E-pos: info@gamtoos.co.za. Web: www.gamtoos.co.za. 4-5 NOVEMBER: GWK-oewerfees, jeugkamp , SAWMGA-kompetisie. Karla Britz, sel 082 215 0497. E-pos: oewerfees@gmail.com. KURSUSSE 21 OKTOBER: Kalfgrootmaakkursus. George. Di Rothman, sel 082 772 1 208; Web: www.rltsafrica.com. 3 NOVEMBER: Fynproewersampioenverbouing, klein skaal. Johannesburg. (Alternatiewelik via rekenaargesteunde onderrig.) Dr. Adriaan Smit, sel 082 749 8553. 8 – 11 NOVEMBER: Inleidende kursus in varkproduksie. LNR, Irene. Annetjie Loubser, tel. 012 672 9153. E-pos: aloubser@arc.agric.za. 16 NOVEMBER: Winsgewende Boerbokboerdery. Potchefstroom. Johan Steyn, sel 072 594 4626. Web: www.boerbokke.co.za. 17-18 NOVEMBER:…

OKTOBER PARYS Albei Parys-skoue word op die Afridome-skouterrein gehou. Navrae aan Caroll-Ann Mienie, sel 079 477 4416. Web: www.afridome.co.za. 17-26, Alfa-week (beeste), Brahman. 20-23, Appaloosa. VILLIERSDORP 14-15, Amerikaanse Saalperd, Walliese Ponie, SA Ryperd. Willem Roux, sel 079 706 0981. Stalletjies, J. le Roux, 082 722 4713. Algemene navrae, Edu Roux 082 922 1123. E-pos: skoongesig@breede.co.za. PRINS ALBERT 21–22, Boerbok-interstreekkampioenskap, Merino, Dorper, slaglamkompetisie, perde, steakete, kindervermaak. Madri Rossouw, sel 083 383 2591; Laetitia Mulder, sel 083 301 2984. E-pos: palandbougenootskap@gmail.com. LOERIESFONTEIN 22-24, Loeriesfontein-skou. Inligtingsdag vir opkomende boere. Klubskoue: Saalperd, Boerperd, swart perde en ponies: Riaan van der Merwe, sel 083 643 5352. Meatmaster-ekspo en -veiling: Henk Kearney, sel 083 952 5057. Jeugskou: Penny Brand, sel 072 217 1432, of Jannie Loots, sel 082 859 1439. CRADOCK 27-29, Cradock-skou. SA Saalperd-streekskou, Walliese…