Innholdsfortegnelse for 2-Sep-16 i Landbouweekblad

Die voorgenome suikerbelasting is die ernstigste kwessie wat die bedryf sedert 1953 getref het, sê mnr. Phil Gutsche, voorsitter van Coca-Cola Beverages Africa. Hy sê die maatskappy steun landwyd meer as 200 000 poste. As dié belasting sou voortgaan, is 60 000 poste in die weegskaal. Hy sê Coca-Cola het ’n onderneming van R800 miljoen aan die Suid-Afrikaanse Regering gemaak om ’n program te ontwikkel wat klein, medium-, en mikro-ondernemings steun, waarvan R400 miljoen aan die ontwikkeling van meestal ontluikende suikerboere sal gaan. “Kan jy jou indink ons lei iemand op om ’n suikerboer te wees, net om dan vir hulle te sê ons is nou bankrot? Hierdie belasting sal beslis ons verbintenis ondermyn.” In ’n kwalik bedekte dreigement het Gutsche gesê daar kan nie van Coca-Cola Beverages Africa verwag…

ARTIKELS & RUBRIEKE ■ Vrugtebedryf moet in rat kom vir nuwe markte ■ Vee en vogbewaring is bondgenote in droë weste ■ Slim wenke vir produktiewer kanola ■ Weidingpionier pluk steeds vrugte ■ Boereplan: Hooihark dra nou werktuie van 1 ton GESIN ■ Boerekos: Perfekte pasta WÊRELDKLAS-SKUT Suid-Afrikanerspresteernienetopboerderyvlaknie.Mnr.Stephan vanWyk(agter)skiet’nbarshouenverbeterdieeenwêreldrekordna dieanderininternasionaleskietkompetisies.Diéderdegeslagboervan DelareyvilleinNoordwesboersaammetsyseuns,StianenBertus.…

WAARHEEN IS AL DIE MELKBOERE? Die getal melkboere in Suid-Afrika het van 7 600 in 1998 tot 1 642 verlede jaar gedaal. In die Vrystaat is daar net 246 melkboere oor. Hier is van die kommentaar wat op Landbou.com en op ons Facebook-blad ontvang is in die lig van dié en ander berigte oor melk, via die Vrystaatse MPO-kongres. Steven Meiring: Parmalat en Clover betaal die boere “next to nothing” vir elke liter melk. Ek weet van boere wat die melkerye gestaak het en oorgeslaan het na vleisbeeste. Dit is waarheen hulle verdwyn. Theodore Hendrik Kruger skryf: In 2016 het ek opgehou melk. Dit is nie meer winsgewend nie. Ek was een van hulle. Saam met die klein verwerkers het die boere ook verdwyn. Ons weet waar die probleme is,…

’N BOER VAN Greytown naby Pietermaritzburg in KwaZulu-Natal is vol vertroue dat ’n vennootskap met plaaswerkers, die Regering en die Nasionale Bemagtigingsfonds in álmal se belang is. Die Khamanzi Farming Project is op 20 Augustus deur mnr. Gugile Nkwinti, die Minister van Landelike Ontwikkeling en Grondhervorming, van stapel gestuur. Dit is een van die eerste projekte in die grondhervormingsplan wat dit ten doel stel om werkers ’n 50%-aandeel in ’n boerderysaak te gee. Die boerdery beslaan onder meer 540 ha, met 270 ha suikerriet, 140 ha kommersiële boomplantasies en ’n 10 ha- besproeide koolboerdery. Mnr. Andrew Braithwaite, voormalige eienaar en vennoot van die nuutgestigte projek, sê die plan het gunstige én ongunstige reaksies van sy bure ontlok toe planne daarvoor bekend geword het. “Ek dink daar was heelwat vrese dat…

Getrou aan die aard van ’n Landbouweekblad-konferensie is elke spreker by Landbouweekblad Gesprek 2016 ’n vernuwende denker en leier in sy veld. Wiaan van der Linde kom praat oor die moontlikheid van ’n florerende wildbedryf in die Wes-Kaap. Van der Linde was Wildbedryf SA (WRSA) se Boer van die Jaar in 2012, en is deesdae voorsitter van WRSA. Van die beste buffel-, swartwildebees- en ander wild-gene word op sy plaas Wintershoek naby Kimberley geteel. Hy is ook ’n vennoot in Die Wildswinkel, ’n unieke en hoogs suksesvolle nuwe koop-en-verkoopplatform in die wildbedryf. Peter Draper, die hoofspreker, is ’n ekonoom en politieke kenner. Hy gaan die groot en veranderende magte in die internasionale handel en politiek, wat uiteindelik ’n invloed het op die produkprys wat boere kry, en die koste van…

PRESIDENT Jacob Zuma het die wysigingswetsontwerp op die beskerming van gedresseerde diere na die Nasionale Vergadering teruggestuur vir heroorweging omdat die Nasionale Raad vir Provinsies (NRP) nie voldoende met provinsies gekonsulteer het om die wetgewing goed te keur nie. Dit volg ná Zuma verlede maand die wysigingswetsontwerp op onteiening oor dieselfde rede teruggestuur het. Die Grondwethof het in 2013 beslis dat sekere afdelings in die Wet op die Beskerming van Gedresseerde Diere (Wet 24 van 1935) oor lisensies vir die vertoon en oplei van diere vir vermaak en beskerming, ongrondwetlik is. Op 25 Mei vanjaar het die NRP die gewysigde wetgewing goedgekeur en na die Presidensie gestuur vir bekragtiging. Die wet sit die proses uiteen waarvolgens die toestaan van lisensies deur die Departement van Landbou, Bosbou en Visserye oorgeneem word.…

DIE huidige droogte is die eerste een wat Suid-Afrika in ’n vrye mark ondervind en pryse het in baie gevalle vergoed vir die droogteskade, sê mnr. Ernst Janovsky, hoof van Absa-Agribesigheid se sentrum vir uitnemendheid. Janovsky het op ’n Absa-geleentheid oor tegnologie se rol in voedselproduksie gesê hy het al ernstig slae gekry oor sy siening dat die droogte eintlik ’n nietige gebeurtenis is. “Ek glo steeds só. Weens die droogte het ons ’n styging van 60% in die prys van mielies ondervind en ’n afname van 30% in produksie.” Hy meen ondanks die droogte het baie boere se finansiële posisies steeds verbeter. “Almal sê ’n droogte is onvoorspelbaar, maar ek kan nie heeltemal saamstem nie. Daar is aanduidings, soos sonvlekke, wat ’n aanduiding oor reënval gee. Die beginsel wat…

DIE swart middelklas is reeds dubbel so groot soos die wit middelklas en groei steeds. Dít is die mark waarmee boere moet praat as hulle ’n handelsmerk tot stand wil bring, sê prof. John Simpson van die Universiteit van Kaapstad. Simpson, direkteur van die Unilever-instituut, het by die Produkbemarkingsvereniging (PMA) se Fresh Connectionskonferensie in Pretoria gesê as dit nie vir die sterk, swart middelklas van sowat 5,6 miljoen mense was nie, was Suid-Afrika se ekonomie nou tot niet. “Vir die swart middelklas is gehalte en konsekwentheid baie belangrik en daarom is handelsmerke ongelooflik belangrik. Hulle wil nie teleurgestel word nie en sal eerder ’n bietjie meer betaal vir ’n handelsmerk wat hulle kan vertrou. “Dít geld net soveel vir vars produkte as vir luukshede,” verduidelik Simpson. ’Ons moet dus ons…

DIE wolmark het stewig vertoon op die eerste veiling van die nuwe seisoen middel Augustus. Cape Wools se Merino-aanwyser het op R146,81c/kg (skoonwol) gesluit. Hoewel dit 3,5% laer as die sluitingsvlak van die vorige seisoen was, moet in aanmerking geneem word dat die rand sedertdien met 9,4% teenoor die Amerikaanse dollar verstewig het en dié laer prysvlakke dus te wagte was. Die aanwyser was nietemin 14,6% hoër as met die openingsveiling van verlede seisoen. Pryse is aangevuur deur ’n sterk vraag. Medium- en langwol van gehalte was veral in aanvraag. In Australië het pryse ná die reses van drie weke ook effens stoom verloor vergeleke met die hoë pryse wat op die openingsveiling in Julie behaal is. Een rede was die groot aanbieding van 52 000 bale – die grootste…

KORTOM ■ Tot 70% van Suid-Afrika se bevolking woon in die stede. ■ Ontledings dui aan dat baie armes nou deel is van die middelklas. ■ Namate die inkomste per kop hoër raak, verander mense se eetpatrone. Die Buro vir Voedsel en Landboubeleid (BFAP) is verbonde aan die Universiteit van Pretoria. Die BFAP stel jaarliks ’n dokument bekend wat heelwat navorsing bevat oor landbou-ekonomiese ontledings en markvooruitsigte (vir die volgende tien jaar) vir ’n aantal bedrywe. Hoewel die ontledings hoofsaaklik op beleidmakers klem lê, gee dit ander belangrike inligting oor neigings. Dit kan gebruik word in die landbou se langertermynsiening en veral oor die vraag na voedselprodukte. Boere lewer produkte vir die mark, hetsy binnelands of die uitvoermark. Markte verander egter. Aangesien boerdery ’n langertermynbedryf is, kan boere nie produksie…

Veeboere kan nou met die druk van ’n paar knoppies die wins of verlies van ’n plaas-voerkraal vir skape en beeste vasstel. Landbou.com het met die samewerking van Agri Development Solutions twee berekenaars gebou wat van groot nut vir veeboere kan wees. Met dié berekenaar kan jy getalle en syfers insleutel om vas te stel of daardie stoorlammers, of die speenkalwers wat jy wil afrond, winsgewend sal wees, en of jy dit dalk dit nie moet aanpak nie. Die berekenaars is op Landbou.com beskikbaar onder die hofie Berekenaars, waar jy die keuse vir ’n model vir skape of vir beeste kan kies. Dit werk maklik op jou rekenaar, tablet of slimfoon. Dis veral nuttig op slimfone. Die twee modelle het vooropgestelde kassies waarin die gebruiker sekere getalle en syfers moet…

Navorsing in die natuurreservaat Goegap in Namakwaland wys die uitwerking van jare van swaar beweiding deur vee kan omgekeer word. Goegap – toe nog die Natuurreservaat Hester Malan – is in 1966 geproklameer nadat ’n veeplaas naby Springbok gekoop is. Dit is in 1969 omhein. Die grond van die natuurreservaat is voorheen swaar met vee bewei. Die vee is ná proklamasie met wildsoorte, soos springbokke, gemsbokke en Hartman se bergsebra, vervang. Die destydse departement van landbou het in 1974 ’n langtermynmoniteringsprojek van stapel gestuur om die verwagte veranderinge in plantegroei as gevolg van die verwydering van vee en die inbring van wild op te teken. Veranderinge in plantegroei is op 1 000 punte in twee lyntransekte (wat ’n spesifieke helling of lineêre patroon waarvolgens plante of diere verander uitbeeld) van…

MNR. HEINIE FOURIE WAT IS DIE GROOTSTE LESSE WAT JY OOR BEMARKING EN WAARDETOEVOEGING GELEER HET? As bemarker moet jy tred hou met die nuutste neigings in die voedselbedryf. Jy moet ’n manier kry om die kredietwaardigheid en betaalvermoë van ’n kliënt te kontroleer. Dit verg baie kapasiteit om te boer én ’n verwerkte produk op winkelrakke te sit en daar te hou. Kosskoue is ’n goeie geleentheid om mense wat belang stel, beter in te lig en op te voed oor die waarde van goeie kos. Daar is deesdae ’n ál groter neiging om in die rigting van “slow food” te beweeg, gesonder kos wat minder verwerk is. Voedselskoue bevorder juis dié neiging. OMDAT JY ’N KLEIN BESIGHEID HET, IS JY AFHANKLIK VAN OUENS WAT JOU PRODUK VERSPREI. DIT…

RITINLIGTING LIGGING: Fauresmith, Vrystaat KORTOM ■ Die uitmergelende Fauresmith-uithourit is vanjaar vir die 43ste keer aangebied en 188 deelnemers het dit voltooi. ■ Gerrie Vorster van Stella, op Olford Prince Charming, het vanjaar se vinnigste tyd behaal: 7 uur, 59 minute en 23 sekondes, met ’n gemiddelde spoed van 25,53 km/h oor die drie dae. ■ Jansen Pretorius van Wolmaransstad het vanjaar die algehele negende plek behaal, en boonop die baanrekord vir die swaargewig-afdeling met sowat 13 minute verbeter. Die Fauresmith-rit begin voor sonsopkoms, met toeskouers se “Mooi ry, Toffie!” en “Maak my trots, Alri!” soos groepies perde elke twee minute onder die spreiligte wegspring. “Wie’s dit?” kom dit van die kantlyn. “Is jy een van ons s’n?” ’n Tienerruiter, só toegewikkel in ’n dik jas, handskoene en balaklawa dat…

VEE RHODA LEASK Ek kry af en toe ’n pasgebore lam by wie die kloutjies van die voorbene omgebuig is. Wat kan die oorsaak daarvan wees? Abnormaliteite by lammers is ’n algemene verskynsel in Suid-Afrika. ’n Mens kry verskillende tipes misvorming. Artrogripose Artrogripose (stywe, gebuigde gewrigte in die bene) is een van die tipiese misvormings wat gereeld gesien word. Die misvorming word dikwels geassosieer met belemmerde beweging van die fetus in die baarmoeder. Dit kan die gevolg wees van ’n breindefek wat byvoorbeeld veroorsaak is wanneer dragtige ooie ingeënt word met gemodifiseerde lewende entstowwe (soos dié teen bloutong) tydens die vorming van die lammetjie se brein. Daar kan ook ander oorsake wees wat die beweging van die fetusindiebaarmoederbeperk.As gevolg van hierdie beperking op beweging, trek die pese (senings) van die…

Die plaas Normandy, tussen Clocolan en Marquard, is genoem na die noordelike streek in Frankryk, wat bekend is vir sy mooi kuslyn, skilderagtige strande en bordkryt-wit rotswande. Van die teerpad af sukkel ek om die bouval raak te sien. Deur die knapsekêrels, wat met gretige vingers na my broek gryp, stoei ek tot voor die opstal. Op die latei bo die voordeur staan daar gegraveer: Petrus J. le Roux, 1900. Hy het die huis vir hom en sy vrou op sy skoonouers se grond begin bou. Net die resep vir ’n familietwis. Op ’n dag sien hy sy skoonouers se testament en ontdek dat sy vrou se suster die grond gaan erf. Petrus en sy vrou het summier sak en pak na die plaas Helpmekaar, tussen Winburg en Virginia, getrek…

Joseph Opinel het in 1890 in Savoje, Frankryk, begin om eenvoudige messe vir werkers en boere te ontwerp. Dit was ook dadelik gewild onder skaapwagters en wynmakers in die omgewing. In 1897 is ’n reeks van twaalf groottes, genommer 1 tot 12, ontwikkel. Opinel het van 1901-1903 sy eerste fabriek in Pont de Gévoudaz gebou en ’n masjien ontwerp wat op groot skaal die houthandvatsels van die messe kon vervaardig. Die maatskappy het smouse gehuur om die messe te verkoop en het ’n klein winkeltjie naby die Chambery-spoorwegaansluiting oopgemaak. Die messe het toe ook baie gewild geraak onder die PLM-spoorwegwerkers. Dié werkers het die lof van die messe besing so ver hulle deur Frankryk gegaan het. In 1909 het Opinel sy eerste handelsmerk vir die Opinel-mes geregistreer. Hulle het besluit…

In ’n poging om insetkoste te verlaag en opbrengste te verbeter, kyk boere na die presisie-aanplanting van mielies en sojabone met behulp van Monosem se Twin-Rowplanters (dubbelryplanters). Dié gewasse word in twee rye in ’n sigsagpatroon geplant. Dit laat meer groeiruimte per plant toe en dek die grond vinniger om onkruidgroei beter as standaardrye te inhibeer. Die plantwortels kan oor ’n groter gebied versprei. Dit beteken meer sonlig en beter toegang tot voedingstowwe, wat op sy beurt lei tot gesonder, meer een- vormige gewasse met verbeterde opbrengste en minder siektes. Met die presies gespreide dubbelrye kan elke plant ontwikkel tot sy maksimum potensiaal. Dit is beter, want in die geval van konvensionele plantrye ding plante later met mekaar mee. Weens die hoë koste van Roundup Ready-tegnologie en die bykomende chemiese…

LIGGING 1. Stellenbosch 2. De Aar…

PERSIMMONSEISOEN VROEËR EN GOED VANJAAR se persimmonoes was 15%kleiner, met groter vrugte, wat in die bedryf se guns getel het in die mark, sê mnr. Jan Hoon, bemarkingsbestuurder van die maatskappy Franschhoek Marketing. Aangesien diegene wat aan die maatskappy persimmons lewer by Bonnievale en Swellendam boer, het die droogte hulle nie nadelig geraak nie. “Ons gehalte was beter sodat ons met ’n kleiner oes bykans dieselfde volume kon uitvoer. Omdat die seisoen twee weke vroeër was, het ons hoër pryse gekry én boere kon die wisselkoersvoordeel kry.” Persimmons word hoofsaaklik na Engeland en Duitsland uitgevoer, maar vrugte word ook na ander lande in die Europese Unie, die Midde-Ooste, Rusland en Kanada gestuur. Suid-Afrika se totale persimmonopbrengs is sowat 5 000 ton – alles van die kultivar Triumph onder die handelsmerk…

Dievolgendeontledingvan grondverkopeinSuid-Afrika handeloordiegrondtransaksiesvirstukkegrondgroteras 20hainNoordwes,KwaZulu-NatalenLimpopovanafJunie 2015totMei2016. Daarwas659transaksiesinNoordweswat 264362hateenR4,562miljardbehelshet. Daarvanwas 103(15,6%)transaksiesvan kleurwat62530hateen R697miljoen(15,3%van dietotalewaarde)behels het.Transaksiesvankleur isdiétussenmensewatnie witisnie,regeringsaankope engrondwatvirmunisipale gebiedebekomis.Sowat30% vandietransaksieswas virgrondkleineras50ha –hoofsaaklikbyColignyen Marikana. InKwaZulu-Natal is307 transaksiesin15distrikte gesluiten88292haisteen R2, 686miljardverkoop.Van diéverkopewas100(33%) transaksiesvankleur,wat amper40%vandietotale waardebehels. Altesame91 (30%)vandietransaksies wasvirgrondgroteras300 hamet’nbeduidende36%vir grondkleineras50ha. InLimpopois553ooreenkomstegesluit. Dithet 217326hateenR2,831miljardbehels. Daarvanwas196 (17%)transaksiesvankleur watR472miljoen(16,7%van dietotalewaarde)vanhande laatverwisselhet.Diemeeste transaksies(206,of37%) wasvirgrondgroteras300 ha.Gunstigeprysneigingsisin dieprovinsiewaargeneem.…

VLEISSENTRAAL SPEENKALWERS: VERBRUIKER HET LAASTE SÊ VOLGENDE jaar kan ‘n goeie jaar vir die prys van teeldiere én speenkalwers wees as goeie somerreën val en daar goeie graanoeste realiseer, sê mnr. Wessel Meyer, besturende direkteur van Vleissentraal in Mpumalanga en KwaZulu-Natal. Volgens hom kan teeldiere volgende jaar baie duur wees. “Die prys van graad C-koeie het die afgelope twee weke gestyg. Dié neiging behoort voort te duur omdat die nasionale kudde weens die droogte baie kleiner is en daar nie ’n groot aanbod van graad C-diere is nie. “Dit is onwaarskynlik dat die speenkalfprys met veel meer as 10% gaan styg. Daar is net te veel verbruikersweerstand teen hoë vleispryse. Toe die prys vir graad A-diere onlangs bo R40 per kilogram was, het dit nie lank geduur voor dit weer…

7,7% Eskom se elektrisiteitsproduksie het sedert middel Julie 2011 met 7,7% gedaal. In Junie vanjaar is die tweede laagste energieproduksie aangeteken sedert die ekonomiese krisis in 2009, toe energieverbruik op sy laagste was. Energieverbruik en die land se ekonomiese groei loop histories hand aan hand. Die daling in verbruik dui dus op die inkrimping van die ekonomie. – Sharenet.co.za €129 miljard Die Europese Unie se landbou- en kosuitvoer in die jaar tot en met Junie was €129 miljard (amper R2 000 miljard) werd. Dit verteenwoordig 2,1% groei sedert verlede jaar. Die waarde van uitvoer na Amerika het met €2,2 miljard gegroei, na China met €1,8 miljard en na Saoedi-Arabië met €0,6 miljard. Varkvleis, wyn en lewende vee het die meeste gegroei. — Agriland 660 000 km3 13,1% Hoenderboere het in…

Die swart middelklas wil nie ’n fout maak as hulle geld bestee nie. Hulle gaan nie na boetiekwinkels nie, want hulle ken dit nie. PROF. JOHN SIMPSON, direkteur van die Unilever-instituut aan die Universiteit Kaapstad. — Bl. 23 ‘Geen aandelebeurs kon die prys van grond inhaal nie.’ MNR. JOHAN DELPORT van Standard Bank. — Bl. 20 ‘Mense is te optimisties oor toekomstige markte. PROF. PATRICK WESTHOFF van die Universiteit van Missouri, oor toekomstige opbrengste. — Bl. 16 ‘Dit duur ’n rukkie voor verbruikers die voordele van die Amerikaanse hoender besef.’ ME. ZELDA SHARP van die Amerikaanse raad vir die uitvoer van pluimvee en eiers (USAPEEC) se Afrika-kantoor. — Bl. 24 ‘Maar hou moed. Die draaipunt is naby.’ DR. CHRIS VAN DIJK, uitvoerende hoof van die Melkprodusenteorganisasie. — Bl. 18 ‘Tamaties…

WERK WENRESEP REGTIG? Na aanleiding van die artikel “Wenresep uit amper niks nie” (LBW, 5 Augustus) die volgende. Eerstens word die munisipale wette van die Waterberg-distrik nie nagekom nie. Wette is daar vir ’n rede. Agttien maande gelede het mnr. Hendrik O’Neill met 400 varke begin boer en die getal bly byna konstant. Die elektriese heinings is totaal ontoereikend; die varke gaan uit en bosvarke wat varkpesdraers is, asook jakkalse en rooikatte, gaan deur. Die aangrensende boere se omheinings word beskadig deurdat die wilde varke deurbreek na die sôe toe. In die jakkals- en rooikatmis op die bure se plaas is hare van klein varkies duidelik sigbaar; hulle lok dus die roofdiere wat die bure se kleinvee bedreig. Hoenders en beeste wat tussen die varke loop, word blootgestel aan siektes,…

MNR. WIAAN VAN DER LINDE, ’n bekende wildboer van Kimberley en voorsitter van Wildbedryf Suid-Afrika. Lees meer op bl. 44. VERTEL ONS VAN JOU GESIN. Ek en my vrou, Hilmarie, het drie kinders; Jana (17), Roedolph (14) en Ruben (9). WAAR HET JY GESTUDEER? Ek het ’n B.A.-graad in sielkunde aan die Noordwes-Universiteit behaal, maar nooit ’n beroep in sielkunde beoefen nie. Dit kom egter elke dag goed te pas. HET JY ’N STOKPERDJIE? My werk is deel van my stokperdjie. WAAR HOU JULLE VAKANSIE? Boggomsbaai. Dit is klein, rustig en stil. MNR. RASSIE VAN WYK het sy eie batterylaaier geprakseer van ’n trekkeralternator en ’n elektriese motor – een wat die winterkoue beter kan weerstaan as ’n gekoopte model en makliker en goedkoper is om reg te maak. Lees…

BELEID | Saamstaan is die sleutel Die landbou kán ondanks die droogte en swak ekonomie goed presteer mits die bedryf saamstaan en ’n duidelike plan volg, sê dr. Mamatlou Kalaba, koördineerder van handel- en nywerheidsontleding by die Buro vir Voedsel- en Landboubeleid (BFAP). “Die bedryf bestaan egter uit dertig bedryfsorganisasies en nege provinsies en almal trek in verskillende rigtings. “Die [Nasionale Ontwikkelingsplan] het egter die potensiaal om tot 2030 alles weer byeen te bring,” het hy met die bekendstelling van die BFAP se vooruitskouing tot 2025 by Wellington gesê. Volgens Kalaba het die landboubedryf in die tyd ná die ekonomiese krisis (2007) goed herstel en teen gemiddeld 7,5% gegroei. Die onlangse droogte het dit egter gekniehalter en vier kwartale van negatiewe groei is aangeteken. “Indien die landbou ’n beter seisoen…

Melkproduksie bly daal, maar die daling in Julie was die kleinste tot dusver vanjaar. Melkverwerkers het in Julie 3,2% minder melk by melkboere gekoop as in Julie verlede jaar. Volgens syfers in die Suid-Afrikaanse Melkprosesseerdersorganisasie (Sampro) se jongste verslag oor die aankope van onverwerkte melk, was aankope vanaf Januarie tot Junie vanjaar 4,3% tot 5,6% laer as in die ooreenstemmende maande verlede jaar. Melkproduksie het verlede November begin daal nadat dit in die eerste tien maande van die jaar met tot 15% gestyg het. Sampro sê aankope van Januarie tot Julie vanjaar was na raming 4,71% laer as in die ooreenstemmende sewe maande verlede jaar, maar vergeleke met Januarie tot Julie in 2014 is dit 6,28% hoër, en vanaf Januarie tot Julie 2013 6,65%. Vanaf 2008 tot 2011 het produksie…

1 NIGERIË | Donkievelle pootjie uitvoer Nigeriese vrugte- en groenteboere het ongeveer 100 miljoen naira (sowat R3,95 miljoen) verloor nadat die internasionale Murtala Muhammed-lughawe in Lagos se uitvoerpakhuise onlangs drie dae lank gesluit was. Die Nigeriese doeanediens het die pakhuise gesluit nadat hulle inligting ontvang het dat donkievelle, wat bestem was vir onwettige uitvoer, in die pakhuise opgeberg is. Vrugte- en groenteboere was egter onstoke oor dié sluiting, aangesien die pakhuis ook die opbergplek van hul uitvoerprodukte na Europa is. Volgens kapt. John Okakpu, uitvoerende beampte van ABX World, is dit onverstaanbaar dat alle uitvoer gestaak is voor ’n behoorlike ondersoek na die inligting van stapel gestuur is. — Daily Trust & Fresh Plaza 2 ZIMBABWE | Bek-enklouseer breek uit Twaalf uitbrekings van bek-en-klouseer is in Julie in Zimbabwe by…

BOERDERYSAKE waarin ’n grondeienaar ’n plaas (of ander bates) deur middel van ’n rentevrye lening aan ’n trust verkoop het, kan van aanstaande jaar af aansienlik swaarder belas word. Dit is weens die voorgestelde artikel 7C van die Inkomstebelastingwet, wat mag ingebring word om ’n stokkie te steek voor die gebruik van trustfondse om boedelbelasting te ontduik. Dié artikel, wat moontlik nuut by die Inkomstebelastingwet ingevoeg gaan word, het betrekking op alle lenings wat tussen ’n trust en persone of maatskappye verbonde aan die trust aangegaan word. Kragtens dié artikel wil die Suid-Afrikaanse Inkomstediens onder meer jaarliks ’n “geagte” rentebedrag belas, wat bereken sal word as die verskil tussen die amptelike rentekoers en die rentekoers waarteen die lening tussen die grondeienaar en die trust gehef is. Die Parlement se staande…

WOLPRODUKSIE vir die 2015-’16-seisoen het op 49,70 miljoen kg te staan gekom, wat ’n nominale 0,16% laer is as die vorige seisoen. Die hoogste produksiesyfer die afgelope 10 jaar (50,5 miljoen kg) is in 2013-’14 bereik en dit wil voorkom asof produksie rondom dié vlak gestabiliseer het ( GRAFIEK 1 ). Die Oos-Kaap was weer die grootste wolproduserende provinsie, gevolg deur die Vrystaat en die Wes-Kaap. Net twee landdrosdistrikte, albei in die Wes-Kaap, het meer as ’n miljoen kg gelewer. Dit is Bredasdorp (1 282 579 kg) en Caledon (1 231 102 kg). Swellendam, wat verlede seisoen ook meer as ’n miljoen kg geproduseer het, kon dié seisoen net 856 959 kg haal ( GRAFIEK 2 ). In die Oos-Kaap was die hoogste produksie in Barkly-Oos met 915 494 kg,…

Artikel 9HA, wat 1 Maart in werking getree het, raak boere nadelig by afsterwe. Die geagte vervreemding van bates was, uit ’n belastingoogpunt, reeds van toepassing op kapitaalbates, soos grond, en kapitaalwinsbelasting is hierop betaalbaar. Kapitaalwinsbelasting was ook voorheen betaalbaar op alle lewende hawe in ’n boedel, op die verskil tussen die markwaarde en standaardwaarde van die lewende hawe. (Die standaardwaarde van lewende hawe is ’n baie lae belastingwaarde wat, ingevolge die Inkomstebelastingwet, aan lewende hawe gekoppel word.) Wild het ’n nul standaardwaarde. Die effektiewe maksimum belastingkoers, uit die oogpunt van kapitaalwinsbelasting, beloop in die omgewing van 16,4% van wins (die verskil tussen basiskoste en markwaarde) wat belas word. Die invloed van die nuwe artikel 9 HA tot die Inkomtebelastingwet is dat lewende hawe en wild nou aan inkomstebelasting onderhewig…

Die Franschhoekse wynplaas Grande Provence het tegnologie uit toeka se tyd ingespan om die land se eerste 100% amfoorwyn te maak. Pleks daarvan om eikehoutvate te gebruik om Chenin blanc in te gis en te verouder, het die wynmaker eiervormige, Toskaanse erdekruike, bekend as amfore, ingespan. Die Grieke en Romeine het sowat 6 000 jaar gelede gereeld dié erdevaas-tegnologie gebruik om lewende vloeistowwe in te bewaar. Een van die groot voordele van hierdie kruike is dat minder swael nodig is om die wyn te laat stabiliseer. Die kruike is verlede jaar uit Italië ingevoer. Dit kom van die bekende Toskaanse vervaardiger Manetti Gusmano & Figli in Florence, wat al sewe geslagte lank hierdie terracotta-kruike maak. Dit is ’n seldsame produksieproses wat veral deur tradisionele wynmakers in Italië aangehang word. Min…

PLAASINLIGTING LIGGING: Wolmaransstad,Noordwes NAAM: Leeufontein GROOTTE: Sowat1000ha EIENAARSKAP: Familieboerdery VERTAKKINGS: Gemengdeboerderymet Brangus-,Brahman-enSimmentaler-tipebeeste, SAVleismerino’sensowat500hasonneblommeen mielies GRONDTIPE: Swaar,klipperigegrond VELDTIPE: Suurveld GEMIDDELDE REËNVAL: 400mmperjaar KORTOM ■ ’n Alternator en ’n elektriese motor word saam as ’n batterylaaier gebruik. ■ Die toestel kan makliker en goedkoper herstel word as ’n gekoopte weergawe. ■ Dié laaier hou langer as die kommersiële toestelle. Die gesegde goedkoop is duurkoop, het mnr. Rassie van Wyk genoop om self ’n bielie van ’n laaitoestel te bou as ’n teenvoeter vir die winterkoue se uitwerking op die batterye van sy voertuie. Rassie sê hy en baie medeboere stem saam dat die winterkoue ’n groot nadeel inhou vir die talle plaasvoertuie wat dikwels in die buitelug geparkeer word. Batterye se skete steek dan kop uit wanneer hul ladings afloop en hulle…

PROGRAM Prys op aanvraag KRAGTOEVOER VIR ORBITALE SWEISWERK Die Orbimat 165 CA, ’n kragtoevoer vir orbitale sweiswerk (wanneer ’n ronde vorwerp, soos ’n pyp of ’n silinder, gesweis moet word), bied ’n geïntegreerde waterverkoelingstelsel. Die multifunksionele rotasie-aandrywer maak dit maklik om die toestel te gebruik. Die toestel se sweisprogram kan ook geprogrammeer word deur die silinder wat gesweis gaan word se omtrek, wanddikte, materiaal waaruit dit bestaan en die sweisgas wat gebruik word, te verskaf. Die Orbimat 165 CA kan meer as 5 000 sweisprogramme berg om verskillende ronde voorwerpe sonder moeite te sweis. Daar is ’n bykomende voordeel dat die sweiskenmerke verander kan word gedurende die sweisproses. Die Orbimat 165 CA word verskaf deur Actum Industrial, wat deel is van die Actum-groep. Actum Industrial verskaf bedryfsprodukte, instrumente, lugdrukprodukte en…

Volgens my is dit net Vrystaters en mense met gesondheidsprobleme wat pap op ’n ander tyd van die dag as ontbyt wil eet. Maar toe my beste vriend, Jurie (Jeronkie) Wessels onlangs van Standerton af terug Rheebok toe trek, het hy ’n paar van sy nuwe gewoontes en maniertjies saamgebring. Hy hou onder meer sy lyf skielik geweersmid en jy kan hom niks van herlaai of van die wapenwet vertel nie. Hy het ook deesdae ’n werksfoon en ’n persoonlike foon, wat elk met ’n ander deuntjie lui, behalwe as sy vrou bel. Hy is ook nou bevriend met ’n mynbaas wat die een of ander kontak het. Én hy eet nou pap in die aand! PAPTERT ■ 625 ml mieliemeel, gekook soos slap pap volgens die aanwysings op die…

Waarom het jy jou eie onderneming begin? Ek het al op skool handwerk, soos vatlappe en voorskote, by markte gesmous. My ma, Linda Heyns, het my al op laerskool leer naaldwerk doen (sy’t my ook meer laat lostrek as vaswerk) en kursusse laat bywoon. Ek was 12 toe ek my eerste leerbaadjie gemaak het en het op 16 by die VLU aangesluit. Ek het voor my troue ’n materiaalwinkel in Kestell besit, klere gemaak en kursusse aangebied. Toe ek plaas toe trek, het ek Lollie-B begin, want klere maak is my passie. My kliënte was ook bereid om plaas toe te ry. Ek het besef daar is ’n mark vir gemaklike, veeldoelige klere van gehalte. Dit moet kreukelvry wees en lank hou. Die klere moet ook laag op laag gedra…

Agri Megaweek op Bredasdorp in die We s - K a a p i s d i e jaarlikse landbouskou wat die Overberg en omliggende gebiede se landboubedryf bedien. Vanjaar se geleentheid word van 14 tot 17 September gehou. Besoekers van oor Suid-Afrika heen pak jaarliks die tog aan om die groot landbouskou met sy uitstallings, veeskoukompetisies en gespreksforums by te woon. Vanjaar is die tema “Voedselsekerheid vir volhoubaarheid”. Die goeie nuus is dat praktiese demonstrasies van werktuie en landboumasjinerie ná ’n afwesigheid van drie jaar terug is op die program. Die lente is ’n mooi tyd in die Overberg, met kanola en koring wat die landskap inkleur. Dié tyd van die jaar beteken egter ook dat skougangers dikwels vier seisoene in een dag moet ervaar. Pak daarom ’n reënvaste…

BRUCELLOSE is een van die belangrikste siektes waarna boere moet oplet. Volgens die Julie-verslag van die Herkouerveterinêre Vereniging van Suid-Afrika (Ruvasa) is ’n geval onlangs aangemeld waar ’n kudde positief vir die siekte getoets het nadat dit 30 jaar lank vry van die siekte was. Dr. Faffa Malan, bestuurder, sê in die verslag die siekte tas nie net diere aan nie, maar is ’n soönose (siekte wat van diere na mense oorgedra kan word), wat dus ook vir die mens gevaarlik is. Die enigste kliniese teken dat ’n vers of koei die siekteonder lede het, is wanneer hul fetusse aborteer. Dan word miljoene bakterieë in die nageboorte en vrugwater vrygestel wat ander beeste kan aansteek. Wanneer kalwers van besmette vroulike diere wél gebore word, kan so ’n kalf, indien dit…

Nóg ’n meevaller met brandstofpryse wag aanstaande week op verbruikers wanneer die petrolprys na verwagting met sowat 65c per liter en die dieselprys met sowat 89c per liter sal daal. Mnr. Wandile Sihlobo, hoof van ekonomiese en landbou-inligting by Agbiz, sê dié voorspelling is gegrond op toestande wat teen die middel van die maand gegeld het. Dit kan die prys van petrol verder afbring van R12,35 per liter tot R11,70 per liter en die prys van diesel van R10,96 per liter tot R10,07 per liter. In Augustus het die pryse van petrol en diesel onderskeidelik met 99c per liter en 44c per liter gedaal. Die groot rede vir die verwagte laer pryse is die verstewiging van die rand teenoor die Amerikaanse dollar, terwyl ’n laer gemiddelde Brent-ruolieprys ook bygedra het.…

GAUTENG CARLETONVILLE HAASKRAAL (460) 128 ha, aan CJ Retief-trust, van Bracell Celliers-trust, R3 212 150. RYEDALE (75) 685 ha, aan Doornplaat-trust, van Johan Schneider-trust,R6500000. TAAIBOSCHBULT (497) 250 ha en WALKRAAL (498) 231 ha, aan Woonplaas Beleggings (Edms.) Bpk., van Taaiboschbult Feedlot (Edms.) Bpk., R43 000 000. WILDFONTEIN (52) 856 ha, aan K2015074288 South Africa (Edms.) Bpk., van E.M. Lubbe, R4 680 000. KWAZULU-NATAL UNDERBERG KENNINGTON (12849) 140 ha, aan Emerald Dale Farms Proprietary Limited, van Noblogging Proprietary Limited, R1 805 100. LOT FP 284 (9262) 147 ha, aan Emerald Dale Farms Proprietary Limited, van L.M. Wilson, R360 000. LOT S45 (5365) 484 ha, aan Emerald Dale Farms Proprietary Limited, van Noblogging Proprietary Limited, R7 288 500. LIMPOPO ALLDAYS SCHYFFONTEIN (798) 17 ha, aan H.M. Gerber en R. Gerber, van S.R.…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan lbw@landbou.com. BOEREDAE 14 OKTOBER: Witzenberg-agridag. Tema: Brandpunte op die landbou-front. Sprekers sluit Lennox Plaatjies, Raymond Koopman en Chris Burgess in. Neels Boshoff, Old Mutual, tel. 023 316 8483. E-pos: cboshoff@oldmutual.com. KONGRESSE 7 SEPTEMBER: TLUSA, algemene jaarkongres.Tema:Kommersiële landbou–diesleuteltotstabiliteit. WNNR-konferensiesentrum,Pretoria. LynneKaiser,tel.0128048031. E-pos:media@tlu.co.za. 14-16 SEPTEMBER: Karoo-parlement. Tema: Ons streek styg uit. Onderwerpe sluit in: Toerisme, gemeenskapsontwikkeling, volhoubare mynbou. Web: www.karooparliament.org.za. KURSUSSE 5–9 SEPTEMBER: Inleidende kursus in kleinveebestuur. LNR, Irene. Annetjie Loubser, tel. 012 672 9153. E-pos: aloubser@arc. agric.za. 8-9 SEPTEMBER: Fynproewersampioenverbouing, klein skaal. Kaapstad. (Ook via rekenaargesteunde onderrig.) Dr. Adriaan Smit, sel 082 749 8553. 12–16 SEPTEMBER: Akwakultuurbestuur. LNR, Irene. Annetjie Loubser, tel. 012 672 9153. E-pos: aloubser@arc.agric.za.…

WET VAN TRANSVAAL Die enigste sekerheid in die lewe is die dood en belasting, skryf Benjamin Franklin, een van die grondleggers van Amerika in ’n stadium. Dit is raad wat vandag nog geld. Behalwe dat mens deesdae in ’n mate keuses het oor die goed wat jou kan doodmaak. Soos om daai skaaptjoppie se vetjie te vermy, en eerder daardie duur bergfiets wat die ergernis tussen jou en jou vrou veroorsaak het, uit die motorhuis te gaan krap. Maar belasting laat jou geen keuse nie. Om die keiser te gee wat hom toekom, is immers ’n Bybelse vermaning. Ná die munisipale verkiesing voel ’n mens ’n titseltjie beter oor belasting betaal. Nie omdat een spesifieke politieke party goed gevaar het nie, maar eerder omdat soveel politieke partye begin saamwerk. Wie…

SUID-AFRIKA se uitvoer van landbouprodukte het verlede jaar vir die eerste keer in ’n dekade ’n daling getoon. Die 1,2% daling, wat die landbousakekamer Agbiz aan die droogte toeskryf, was van R106 miljard in 2014 tot R104 miljard verlede jaar. Agbiz sê in ’n verslag Afrika bly Suid-Afrika se grootste mark vir landbouprodukte (45%), gevolg deur die Europese Unie (27%), Asië (12%), die Midde-Ooste (7%) en die Amerikas sowel as die res van die wêreld 5% elk. Mnr. Wandile Sihlobo, hoof van ekonomiese en landboubesigheidsinligting, sê as dit nie vir die droogte was nie, kon dit aansienlik beter gegaan het. “Die swak rand het gunstige omstandighede vir uitvoer geskep, al was die vraag in sommige dele, soos Asië, bietjie traag.” ‘Al bly Afrika Suid-Afrika se belangrikste mark vir landbouprodukte het…

’N Wynboer moes onlangs hoor dat die belastingbegrip “produkte besit en nie van die hand gesit nie” ook druiwepulp insluit wat aan ’n wynkoöperasie gelewer is en met ander lede se pulp gemeng is. Me. Esther van Schalkwyk, senior belastingkonsultant by die groep boekhoumaatskappye BDO SA, sê in ’n verklaring die boer het ’n onverdeelde aandeel in die poel van pulp behou, wat die koöperasie namens sy lede as wyn sou verkoop. Die boer, dr. H.C. Avenant, het sy saak tot in die Appèlhof gevoer, maar die hof het in die Suid-Afrikaanse Inkomstediens (SAID) se guns bevind. Boere moet in hul jaarlikse belastingopgawe die waarde van alle lewende hawe of produkte insluit wat aan die begin en einde van ’n belastingjaar ander produkte besit en nie van die hand gesit…

WOL van R3,7 miljard is die afgelope seisoen op die wolveilings verkoop – ’n styging van bykans 26% teenoor die vorige seisoen. Merinowol het 65% van die totale aanbod uitgemaak en die waarde daarvan het R2,7 miljard beloop. Die gemiddelde skoonwolprys vir die hele skeersel (grof en gekleurde wol ingesluit) was R127,84/kg, terwyl Merinowol ’n gemiddelde prys van R134,12/kg behaal het. Die gemiddelde vetwolprys was R77,40/kg vir alle wol en R87,57/kg vir Merinowol. ’n Ontleding van die veseldeursnee toon dat die skeersel effens fyner geword het. Die gemiddelde veseldeursnee (alle wol) was 19,8 mikron teenoor die vorige seisoen se 20,2 mikron. Die gemiddeld vir Merinowol was 19,5 mikron, effens fyner as die vorige seisoen (19,6 mikron). Die grootste volume wol wat getoets is, het in die kategorieë 19 mikron tot…

Die sitrusboorde in die Olifantsriviervallei naby Citrusdal is nou al bykans vyf jaar lank verlos van die valskodlingmotplaag wat miljoene rande se skade veroorsaak en die Wes-Kaapse sitrusbedryf byna vernietig het. Dit is danksy die steriele insek-tegniek (SIT) wat op groot skaal daar toegepas word. Die Internasionale Atoomenergie-agentskap (IAEA) het in 2007 die toerusting en ’n gamma-bestraler aan Xsit, ’n maatskappy wat aan die Sitruskwekersvereniging behoort, geskenk om groot getalle motte voort te bring en te steriliseer. Elke oggend omstreeks 07:00 word sowat ’n miljoen van hierdie steriele motte vanuit ’n vliegtuigie in die vallei losgelaat. Sowat 400 boere gebruik Xsit se dienste. Die motte kom natuurlik in sekere omgewings voor. Die larwes teer op die sitrusvrugte en vernietig die pulp. Die lonende Amerikaanse mark het in 2005 sy maatreëls…

Byna enigiets oor die wynbedryf kan in die SA Wine Industry Directory 2016-’17 gevind word — van die jongste oesverslag en bedryfstatistiek tot verskaffers, kaarte van die wynverbouingsgebiede, internasionale bedryfsorganisasies en beheerriglyne vir die produksiekoste van wyndruiwe. Dié nuttige bron is vir enigeen wat in die wynbedryf werk en is as sagtebandboek en ’n e-boek te kry. Dit verskyn al bykans twee dekades elke jaar. Koop die e-boek by www.wineland.co.za of met die WineLand Media-toepassing op jou slimtoestel teen R120. Sagteband-eksemplare kos R240 elk en is by die VinPro-aanlynwinkel en toonaangewende boekwinkels beskikbaar.…

Beesteling het deur die jare deur ’n paar fases gegaan. Voor die ontwikkeling van die Bonsmararas 60 jaar gelede was die doeltreffendheid van die beeskuddes in SuidAfrika onder verdenking. (Ek wil nie hier op die ouer manne se tone trap nie, maar dit is wat ek raaklees en ervaar . . .) Toe prof. Jan Bonsma gevra is om ’n ras te ontwikkel, was sy eerste mikpunt funksionele doeltreffendheid. Oral was daar ’n soeke na ’n doeltreffende vleisbees. Dr. Jan Hofmeyr, bekende veekundige, het op ’n telersforum gesê ’n vleisbees moet aan die volgende vereistes voldoen: ■ Sterk bek om te vreet; ■ Bene en kloue om te loop; ■ Lang stert om vlieë weg te hou; ■ Dik vel teen bosluise. Daarby moes diere ook reproduseer, hoewel dit nie…

MNR. RASSIE VAN WYK WAT IS DIE GROOTSTE BOERDERYFOUT WAT JY AL GEMAAK HET? Al waaroor ek spyt is, is dat ek net ná matriek begin boer het sonder om ’n landboukwalifikasie te verwerf. Ek het dit ná 11 jaar in die bedryf eers besef. WIE WAS JOU MENTOR? Pa Ras (80) is nog betrokke by die boerdery en sy raad is my rigsnoer. WAT IS JOU GROOTSTE PROBLEME IN DIE BOERDERY? Om ’n winsgewende boerdery eiehandig en met die minste arbeidsmiddele te behartig. EN DIE GROOTSTE GELEENTHEDE? Ek wil graag my kommersiële beesfaktor uitbrei en die kudde se bouvorm vir winsgewende speenkalfproduksie verbeter.…

Kaas-en-biltong-pappoffertjies Hierdie verslawende poffertjies smaak vorentoe as jy dit louwarm voorsit met ’n soeterige brandrissie- of tamatiesous om dit in te doop. ■ 250 ml wit- of geelmieliemeel ■ 750 ml water ■ Sout na smaak ■ 500 ml koekmeel ■ 3 ml mosterdpoeier ■ 2 eiers, geklits ■ 500 ml gerasperde cheddarkaas ■ 250 ml fyn biltong ■ 20 ml bakpoeier ■ Olie vir braai Verhit die mieliemeel, water en ’n knippie sout saam in ’n kastrol, terwyl jy aanhoudend roer, tot kookpunt. Prut, terwyl steeds geroer word, ’n dikkerige slap pap. Laat effens afkoel en roer die res van die bestanddele by, tot goed gemeng. Verhit genoeg olie in ’n pan en braai teelepels vol van die papmengsel in matige warm olie tot goudbruin en gaar. Dreineer op…

LIGGING Paarl,Wes-Kaap Dis twee dissiplines in een,” verduidelik Stefan Bothma van die perdemaatskappy EquineInsight.“Jymoet’nselfversekerde perderuiter wees én akkuraat met ’n boog. Jy moet al twee kan doen sonder om oor die een of die ander te dink.” In dié sportsoort moet ruiters al langs ’n baan galop (as jy draf, word jy gediskwalifiseer) en teikens raakskiet. Daar is verskillende soorte kompetisies, soos die Poolse baan, wat ’n kilometer lank is, of die Oosterse baan, waar ruiters in die verbygaan na ’n plaat bo hul kop skiet. Die eenvoudigste baan is 100 m lank, met heuphoogte teikens. Stefan het dié perdesport op die internet ontdek. “Dit het baie interessant gelyk, iets heeltemal anders as dresseer of spring.” Hy het navorsing gedoen en homself begin leer. In Januarie vanjaar het hy aan…

ELKEEN HET SY PLEK DS. KOBUS VAN DER WESTHUYZEN Alle mense leef eintlik in twee wêrelde wat met ’n soort naelstring aan mekaar verbind is. Kom ons begin by die groot wêreld waarin jy, by wyse van vergelyking, soos ’n druppel water in die oseaan of ’n sandkorrel in die woestyn is. Jou belangrikheid, of gebrek daaraan, word onsigbaar in die groot wêreld waarin mense saamgebondel word soos madeliefies in Namakwaland. Almal lyk min of meer dieselfde. Jou individualiteit en identiteit is weinig meer as ’n onpersoonlike nommer wat in die menigte verdwyn. Eintlik is jy ’n gevangene van die geheel – ’n soort kuddedier wat slaafs die mode en al sosiale media se voorskrifte volg. As jy wil weet hoeveel jy werd is in dié groot wêreld, gaan kyk…

Bester Fruit & Nuts, ’n filiaal van die Bexgroep, is in 2015 gestig. Die maatskappy se hoofdoel is die verkryging, verwerking en bemarking van pekanneute, droëvrugte en ander neute. Bester se verwerkingsaanleg by Hartswater verseker dat die maatskappy goed geposisioneer is om die plaaslike en internasionale markte te bedien. POSITIEWE GROEIKOERS Bester Fruit & Nuts het ’n goeie pekanneutseisoen agter die rug. Die maatskappy verwag ’n toename van meer as 70% in die tonnemaat ondanks ’n potensieel kleiner oes. Bester se pekanneutprodusente put regstreeks voordeel uit die maatskappy se sukses en geniet tans prysverhogings van 30% tot 40%. Faktore wat tot die stewige pryse bydra, is ’n groter plaaslike en internasionale vraag na neute, asook die wisselvalligheid van die rand teenoor die Amerikaanse dollar. Daarby kan die prysverhoging regstreeks aan…

LIGGING Port Alfred,Oos-Kaap…

KORINGTARIEF STEUN STAATSINKOMSTE DIE tarief op ingevoerde koring beland nie in koringboere se sakke nie, maar vorm deel van die land se inkomste en word deur die Departement van Finansies geadministreer. Luidens ’n inligtingsblad op Graan SA se webwerf (www.grainsa.co.za) wat die tarief verduidelik, is die tarief ingestel om plaaslike boere te beskerm teen ingevoerde koring uit lande waar koringboere swaar gesubsidieer word. Die veranderlike tariefbedeling help dat plaaslike pryse dieselfde is as ’n langtermynwêreldverwysingsprys ná aanpassings vir vervoerkoste en subsidies in ander koringproduserende lande. ’n Veranderlike formule word gebruik om die tarief aan te pas volgens veranderinge in wêreldpryse. Die tarief is die verskil tussen die plaaslike prys en die verwysingsprys. Tans is die verwysingsprys $294/t. Sodra internasionale pryse laer as $294/t daal, tree die tarief in werking. Die…

SEPTEMBER MIDDELBURG 2-4, Hartland-landbouskou. Pienaardam, Middelburg. Karkaskompetisie, bulveiling, beesskou, perdespring en meer. Catrien, sel 079 882 5207. E-pos: accom3 @pienaardamresort.co.za. TULBAGH 28 September-1 Oktober, Fries- en Saalperd-streekskou; Walliese Ponie Africa Golden Cup. Elsa Rix, sel 023 230 0189. E-pos: tulbagh skou@telkomsa.net. UNIONDALE 30 September-1 Oktober, Uniondale (OP-Saalperd), Boerperd-klubskou, provinsiale budjieskou. P. Stemmet (voorsitter), tel. 044 752 1047. OKTOBER ROBERTSON 4-8, Hackney-ponie (SA kampioenskap), Saalperd (Wes-Kaapse kampioenskap), Hackney-perde, SA ryperde. Perde: Schalk Burger, sel 082 380 2525; Pluimvee: Hetty Knapp, sel 082 695 9535; Veteraantrekkers en -motors: Dieter Wagner, sel 082 564 5682. Verdere navrae: Chresna Schoonwinkel, tel. 023 626 2512. E-pos: robertsonskou@myisp.co.za. KOMGA 6-8, Komga-skou. Beeste: Pat Bailey, sel 082 327 2486; Perde: Helen Compton, sel 082 778 6294; Skape: Robbie Blaine, sel 082 424 5166; Vroue en jeugskou: Charli…