Innholdsfortegnelse for 02-Jun-17 i Landbouweekblad

AMPTELIK ’N RAMP Danksy ’n rampverklaring sal die Wes-Kaap geld kan herlei om broodnodige dienste te beskerm en die impak van die droogte in die provinsie te verminder. Boere is reeds onderwerp aan ’n 30% besproeiingsperk. Onmiddellike planne sluit boorgate by hospitale en skole in waterskaarsgebiede in, en ’n versnelde impakstudie vir die ontginning van die Tafelberg-akwifer. Grondwater-spesialiste sal in elke distrik die vernaamste grondwaterbronne identifiseer en die ontginning daarvan koördineer, asook munisipale waterbeperkings ondersoek. Sien ook bl. 15. ’N SWART WEEK Twee boere is in die week voor druktyd oorlede. Mnr. Douw Wentzel van Frankfort se helikopter het ná die Nampo-Oesdag naby Heilbron neergestort. Die Sondagkoerant Rapport berig die ongeluk het ook die lewe van sy boesemvriend, mnr. Louw Deale, se 14-jarige seun, André, geëis. Mnr. BC Greyling, ’n…

Dit is die gevoel van magteloosheid wat ’n mens vang. Dat jy die petalje in Suid-Afrika so moet sit en dophou tot iemand regtig iets doms aanvang. Ek bedoel, iets heelwat dommers as al die baie dom goed wat ons al in die afgelope paar jaar aangevang het. Neem maar Eskom. Om dié instelling voor te hou as ’n toonbeeld van doeltreffendheid onder staatsinstellings, is verregaande. Maar om dan daardie fantasie van doeltreffendheid te gebruik as die rede om Brian Molefe, die erg bedenklike voormalige uitvoerende hoof van Eskom (wat reeds lekker reëls gebreek het om die Guptaboeties se sakke vol te kry), weer aan te stel, is net pateties. Eskom is immers die instelling wat regstreeks verantwoordelik is vir duisende werkverliese weens sy ongeërgde houding jeens beplanning, soms doelbewuste…

UITVINDSEL TEEN VERDAMPING Met sy uitvindsel het hy die probleem van waterverdamping uit groot damme opgelos, sê mnr. A.C. Potter van Johannesburg. In Suid-Afrika met sy warm, droë klimaat is die totale waterverlies weens verdamping geweldig hoog. Protter sê op een dag verloor ’n dam met ’n oppervlakte van 0,5 ha maklik 22 000 liter water deur verdamping. Die uitvindsel bestaan uit drie afsonderlike dele: Spesiale dubbellaag-plastiekstroke wat op die water gelê word om verdamping teen te werk, vlotjies van hittebestande materiaal wat die plastiekstroke sowat 15 mm bo die watervlak hou, en plastiekgeute aan weerskante van die stroke wat onder meer die stroke in posisie hou. Die stroke is sowat 2 m wyd en 33 m lank. Die hele oppervlakte van ’n dam hoef nie bedek te word nie.…

 VEE ARTSE vermoed dat die rampspoedige uitbreking van kriptosporidium wat tans tot groot lamvrektes in die Vrystaat en ander dele van die land lei, nóg ’n onverwagse gevolg van die droogte kan wees. ‘Omdat hierdie bakterieë dan in groepe voorkom, is behandeling nie maklik nie.’ Dr. Maryke Henton, bakterioloog by Vetdiagnostix, sê gevalle van lammers wat in groot getalle weens kriptosporidiose gevrek het, het aanvanklik in die Vrystaat begin, maar van daar het gevalle reeds na ander dele van die land versprei. “Ons laboratorium vind nou die teenwoordigheid van kriptosporidium in dele van Kwa-Zulu-Natal, asook in die noordelike dele van die Wes-Kaap. Daar is ook reeds gevalle van kriptosporidiose in Noordwes aangemeld, asook in dele van Gauteng,” sê sy. Henton sê kriptosporidium kom algemeen in ’n omgewing voor en is…

DIE mielieprys sal waarskynlik eerder nóg slegter raak voor dit weer beter sal gaan, het mnr. Jannie de Villiers (foto), uitvoerende hoof van Graan SA, op die Nampo-Oesdag buite Bothaville gesê. “Dit sal iets dramaties verg, soos slegte weervooruitsigte, ’n baie sterker rand of beperkinge op boere se finansiering, om pryse ’n hupstoot te gee.” Volgens die Nasionale Oesskattingskomitee word ’n totale graanen oliesade-oes (somer en winter) van 19,2 miljoen ton vanjaar verwag. Daarteenoor was die vorige oes net 11,2 miljoen ton. “Graan SA se pogings om die vraag aan te wakker is eerstens daarop geskoei om die vraag in die pluimvee-, melk- en rooivleisbedrywe aan te wakker en tweedens om die direkte uitvoer van graan te bevorder,” sê De Villiers. Hy sê om ’n verwagte surplus van 3,6 miljoen…

MELKKOPERS toon genoeg belangstelling in termynkontrakte vir onverwerkte melk. “Ons wil graag só ’n kontrak ’n kans gee, maar die mark sal uiteindelik die sukses daarvan bepaal,” sê mnr. Chris Sturgess (foto), hoof van die JSE se mark vir afgeleide kommoditeite (voorheen bekend as Safex). Die Melkprodusente-organisasie (MP O) het die JSE genader om ’n termynkontrak te ontwikkel wat melkboere kan gebruik om hul prysrisiko’s te verskans, waarna die JSE die waters by verskeie belanghebbendes getoets het, het Sturgess by die JSE se stalletjie op die Nampo-Oesdag gesê. “Ons het met ’n hele klomp kopers gesels. Party het nie belang gestel nie, maar ander het gesê ‘hoekom nie?’. Ons is bereid om tyd aan die voorbereiding van só ’n kontrak te bestee.” Hy sê samesprekings is tans toegespits op vier…

 GRONDHONGER in die Noordoos-Kaap oorskadu die politiek oor grondhervorming en onteiening sonder vergoeding. ‘Daar is egter ook heelwat swart sakemanne wat kapitaalkragtig is en van die kleiner plase opraap wat in die mark kom.’ Die onlangse uitsprake oor die eienaarskap van landbougrond het tot dusver min van ’n uitwerking op plaaspryse in die Noordoos-Kaap gehad, aangesien daar tans meer potensiële kopers as verkopers is. Die finansiering van transaksies is egter ’n knelpunt en vertraag deesdae die oordrag van plase van een eienaar na ’n ander. Dít is die siening van mnr. John Keevy van Keevy Auctioneers & Estate Agents in Port Elizabeth, wat al 35 jaar lank by die verhandeling van eiendom in die Oos-Kaap betrokke is. Hy sê boere wat werklik ernstig oor die kommersiële landbou is, hulle min…

 DIE Departement van Landelike Ontwikkeling en Grondhervorming het onlangs in die Parlement uiteengesit hoe hy sy begroting van R10,1 miljard vir die huidige boekjaar gaan bestee. Daarvan gaan amper ’n derde aan restitusie (R3,2 miljard), net meer as ’n kwart aan grondhervorming (R2,6 miljard) en net minder as ’n vyfde (R1,9 miljard) aan landelike ontwikkeling. ‘Dit is maklik om te sê wittes besit 80% van grond in Suid-Afrika. Die minister moet sê of dit waar is.’ OUDIT Die grootste vraag waarmee sy departement tans worstel, is wie die grond in Suid-Afrika besit, het mnr. Gugile Nkwinti, Minister van Landelike Ontwikkeling en Grondhervorming, tydens sy begrotingsrede gesê. Die departement werk al etlike jare aan ’n grondoudit, wat voorlopig bevind het 26 miljoen hektaar (22%) van Suid-Afrika se grond is in staatsbesit…

‘Antibiotika kan egter nie sonder meer vir die gebruik van diere- en mensegesondheid onttrek word nie.’ WEERSTAND teen antibiotika en die risiko’s wat dit vir mens en dier inhou, is vandag vir die mensdom net so ’n groot probleem soos klimaatsverandering. “Daarom is dit belangrik dat antibiotika soveel as nodig, maar so min as moontlik, gebruik word,” het prof. Moritz van Vuuren van die Universiteit van Pretoria op ’n konferensie van die Rooivleis-abattoirvereniging (RVAV) naby Stellenbosch gesê. ’n Globale aksieplan is van stapel gestuur, en Suid-Afrika is deel daarvan. Weerstand teen antibiotika ontstaan wanneer óf te veel óf te min daarvan gebruik word. “Antibiotika is die ‘slagoffer’ van sy eie sukses. Sedert die ontwikkeling daarvan, is ál meer gebruik en het dit goedkoper geword. Die laaste antibiotika-tipe wat ontwikkel is,…

DIE kunsmismaatskappy Profert, eens die derde grootste in die land, se krediteure het sy sakereddingsplan goedgekeur. Dit beteken dat dié beleërde maatskappy nou volstoom op pad is om sy oorname deur die Franse bemestingsmaatskappy Roullier af te handel. Die transaksie is egter nog onderhewig aan goedkeuring deur die Mededingingskommissie. Daar word egter nie probleme met dié laaste stap voorsien nie omdat Profert en Roullier se produkte uiteenlopend is. Roullier spesialiseer in vloeibare kunsmis, terwyl Profert konvensionele NPK-produkte verkoop. Profert se finansiële ondergang is die afgelope twee jaar wyd voorspel. Die Land Bank en Profert se ander aandeelhouer, ’n Chinese maatskappy, moes verlede jaar na bewering noodgedwonge minstens R1,2 miljard aan ’n reddingsboei bestee. Sedertdien is hard en wyd na ’n koper gesoek om die Profert-boot weer te help vaar. Roullier…

Die maksimum toelaatbare pekelwater-inhoud van hoendervleis is in die tweede helfte van verlede jaar van 30% tot 15% afgebring. Gevolglik het die prysverskil tussen vars en gevriesde hoendervleis verklein. Braaihoenderprodusente wat voorwaarts in die waardeketting geïntegreer is, oor hul eie slaggeriewe beskik en volhoubaar was sonder die inspuiting van pekelwater, kon die herstel in pryse tot hul voordeel benut. VOERKOSTE Die afname in nuweseisoenmielie- en sojaboonpryse lei tot goedkoper voerkoste omdat braaihoenders se voerrantsoen tot 70% uit geelmieliemeel kan bestaan. Mielieproduksie het van 7,5 miljoen ton tot byna 15 miljoen ton vanjaar herstel. Die verwagte plaaslike sojaboonoes het ook tot 1,2 miljoen ton toegeneem. Laer voerkoste dra by tot die pluimveebedryf se herstel in winsgewendheid. Ons verwag dat die intensiewe lewendehawebedrywe, wat die braaihoenderbedryf insluit, in die volgende twee jaar…

KORTOM ■ Die koringmark se speelveld is nie gelyk nie, daarom kyk Wes-Kaapse koringboere eerder na uitvoer en algehele afskaling. ■ Al verloor Suid-Afrikaanse produsente wat opbrengs betref, vergoed hulle daarvoor met gehalte. Hulle word egter nie finansieel vergoed nie. ■ Ernstige vrae word gevra oor die R1,2 miljard wat boere weens die koringtarief verloor. Dié daling word nie aan die verbruiker deurgegee nie. Koringproduksie in Suid-Afrika is in ’n krisis en bereik breekpunt. Die media het al telkens daaroor geskryf en die onderwerp is ook op forums, indabas en kongresse bespreek. Suid-Afrika moet 50% van sy 3,2 miljoen ton-aanvraag invoer. Tans is die meeste van dié invoer vanaf Rusland, die Oekraïne en Duitsland. Volgens Graan SA is die gelykspeelpunt vir plaaslike koringprodusente tans 2,7 ton/ha gegewe die huidige koringprys…

Dr. Piet Roux het talle artikels gepubliseer en referate gelewer oor reënval en plantegroei. Hier volg ’n uittreksel uit sy toespraak by die Graslandvereniging se kongres in 1966. “Oor die afgelope 300 jaar het Karoo-plantegroei grootskaalse en dikwels radikale veranderinge ondergaan. Hierdie veranderinge was dikwels in die vorm van die uitdunning van die plantegroei, ’n afname in of betekenisvolle verdwyning van meerjarige gras en ’n toename en verspreiding van ongewenste Karoo-bos en houtagtige struike. In baie gevalle het droër veldtipes uitgebrei na gebiede wat oorspronklik uit vogtiger plantegroei bestaan het. Die hoofoorsaak van plantegroeiveranderinge in die Karoo is oorbeweiding deur skape. Dit is dus duidelik dat die veranderinge in die veld oor die laaste drie eeue in die geheel toegeskryf kan word aan mense en hul landbou-aktiwiteite. Dit is al…

Vicky en Philip Barnard van die plaas Mequatling in die distrik Clocolan in die Oos-Vrystaat is bekend vir hul Angus-beesstoetery en veral vir die jaarlikse Angus-beesveiling wat op die plaas aangebied word. Vicky en Philip is albei aktief betrokke by die boerdery en is passievol oor Angus-beesvleis. “Angus-boerdery gaan oor die beesvleis wat die verbruiker graag wil eet. Wêreldwyd is dit die grootste vleisbeesras omdat die vleis so gesog is,” vertel Philip. Mequatling se jaarlikse Angus-beesveiling vier vanjaar sy 50ste bestaansjaar en dit is beslis ’n groot dag op die Barnards se kalender. Vicky beplan nie net die veiling en hanteer al die reëlings vir die dag nie, maar staan ook reg om die sowat 300 gaste te onthaal wat van ver af reis om die veiling by te woon.…

Die volgende ontleding van grondverkope in Suid-Afrika is van transaksies vir grond wat groter is as 10 ha in Limpopo, Gauteng en KwaZulu-Natal vanaf Maart verlede jaar tot Februarie vanjaar. Agt (61,5%) distrikte in Limpopo, in die noordelike en oostelike deel van die provinsie, toon dalende neigings. In Limpopo was 558 ooreenkomste in 13 distrikte wat 244 278 ha teen R3,175 miljard behels het. Daarvan was 18% transaksies van kleur. Dié soort transaksies sluit in verhandelings tussen individue, regeringsaankope van landbougrond en grond verkry vir stedelike ontwikkeling. Dit het 13,9% van al die verhandelde hektare in Limpopo teen R428 miljoen (13,5% van die totale waarde) behels. In Gauteng was daar 473 transaksies wat 50 693 ha teen R7,295 miljard behels het. Daarvan was 116 (24,5%) ooreenkomste van kleur. Meer as…

1 uit 10 Net een uit elke tien titelaktes van grond wat deur grondhervorming oorgedra is, aan die nuwe eienaars oorhandig, volgens dr. Pieter Groenewald, leier van die VF Plus. “Altesame 90% van die titelaktes is by die Regering. Die staat besit die grond. Waarom dra die Regering nie die titelaktes aan die nuwe eienaars oor nie? Omdat dit die ANC se politieke agenda pas.” Lees meer op bl. 22. $46,54 mjd. Pres. Donald Trump van Amerika wil die federale landboubegroting oor die volgende tien jaar met nagenoeg $46,54 miljard (R609 miljard) besnoei. Die grootste besnoeiing is $38 miljard (R498 miljard) aan plaassteun, onder meer op oesversekeringsubsidies en minder rentevrye lenings aan landelike diensverskaffers en ondernemings. – Successful Farming 52 miljoen Die totale plaaslike wolskeersel vir die week tot 22…

‘Wat ‘n mens die hoenders in jaag, is dat ons grond bewerk om te kan boer, maar daar ander lande is waar die boere hul regerings bewerk om geld te maak.’ MNR. JANNIE DE VILLIERS, uitvoerende hoof van Graan SA, oor hoe beleid van die Europese Unie die plaaslike hoenderbedryf raak. Bl. 16 ‘Dit is maklik om te sê wittes besit 80 persent van die grond in Suid-Afrika. Die minister moet sê of dit waar is.’ DR. PIETER GROENEWALD, leier van die VF-Plus. Bl. 21 ‘Besighede moet in swart besit wees, bewys dat hulle ’n vervaardigingsmaatskappy is en dat hulle kanse gewaag het.’ DR. ROB DAVIES, Minister van Handel en Nywerheid, oor vereistes om te kwalifiseer vir die ontwikkelingsprogram vir swart nyweraars. Bl. 20 ‘Die mark sal uiteindelik die sukses…

VERKEERD OM TEEN DIÉ BOERE TE DISKRIMINEER Om kommersiële boere van droogtehulp te ontsê, is nie net diskriminerend nie, maar ook oneties en kortsigtig. Die konsepdroogteplanverslag vir 2016-’17 wat onlangs deur die Departement van Landbou, Bosbou en Visserye bekend gestel is, verklaar dat landbouproduksie erg geraak is deur verlede jaar se droogte. Luidens die verslag is 246 425 boere deur die droogte geraak en het 252 884 stuks vee gevrek weens ’n tekort aan water en voer. Ongeveer 6,2 miljoen mense is deur die droogte geraak. Die Tesourie het R212 miljoen beskikbaar gestel aan die geraakte provinsies, en die bystand wat boere ontvang het, het risiko’s wat deur die droogte teweeggebring is, verlig. Die feit dat sommige provinsies verkies het om nie kommersiële, sowel as kleinboere, te ondersteun nie, is…

SUID -AFRIKA se grootste enkele probleem is werkloosheid, en as iemand hoendervleis invoer, dan voer hy eintlik verdere werkloosheid in. Dit was mnr. Chris Schutte (foto), uitvoerende hoof van die hoendervleisprodusent Astral Foods, se boodskap op die Nampo-Oesdag. Die vergadering was gemik daarop om die graanbedryf se steun te werf in die drukgroep FairPlay se veldtog teen storting. Oor die effek van hoendervleisinvoer op die graanbedryf, het Schutte gesê hoendervleis gelykstaande aan 45% van plaaslike produksie is die afgelope ses maande tot einde Maart ingevoer. “As ons net twee derdes daarvan in Suid-Afrika kon produseer, was ’n surplus van 2,5 miljoen ton mielies nou geen kwessie nie. “Nou word die hoendervleis in die buiteland gelewer en ’n werkgeleentheid word daar geskep. Ons mielieprys kom af, die hoenderbedryf is plaaslik onder…

Die besigheid het in 2014 altesame 11 mense in diens gehad, en het tans 32 werknemers. DR. ROB DAVIES, die Minister van Handel en Nywerheid, het tydens sy begrotingsrede aangekondig R1 miljard sal in die huidige boekjaar vir sy departement se program vir swart nyweraars bewillig word. Dit was enkele dae nadat hy die opening van die besigheid van ’n Kaapse begunstigde van die program bygewoon het. Davies was op 19 Mei by die opening van die onderneming K9 Pet Foods in Kaapstad. Dit is die eerste begunstigde in die program vir swart nyweraars wat volledig deur swart vroue besit en bedryf word. Dié maatskappy vervaardig hondekos vir die kleinhandelsgroep Woolworths. Me. Fazielah Allie (foto hiernaas), besturende direkteur van K9 Pet Foods, het vertel hoe haar maatskappy in 2015 by…

1 ZAMBIË| Reuseplase in die mark Nagenoeg 11 000 hektaar van die Zambiese landbouprodusent Zambeef se grond in die suidelike Zambezivallei is te koop vir R658 miljoen. Tans is nagenoeg 4 000 ha onder besproeide gewasse, maar ’n nuwe koper kan nog 1 000 ha onder gesaaides plaas. Die plase het ook opbergplek vir 10 000 ton graan. Zambeef wil die opbrengs van die transaksies in sy ander bedrywighede belê. Die eiendom word bemark deur die internasionale eiendomsagent Knight Frank, en die agent, me. Tanya Frank, sê dit is die tipe eiendom waarin ’n beleggingsfonds belang sou stel. Die een plaas, Chiawa, lê by die samevloei van die Zambezi- en Kafuerivier en is een van die grootste plase in dié land. Sinazongwe, wat aan die oewer van die Karibadam geleë…

SOWAT 17,9% meer beeste is in Maart vanjaar geslag as in Februarie, en pryse bly hoog in vergelyking met vark- en pluimveepryse. Me. Michelle de Lange, bestuurder van die Rooivleisbedryfsforum, het op die Rooivleis-abattoirvereniging se jaarlikse vergadering buite Stellenbosch gesê sowat 12,4% meer skape is in dié ooreenstemmende tydperk geslag. Skaap- en lamsvleis bly die duurste vleis op die mark. Wat varke betref, is 16,3% minder geslag in Maart vanjaar as verlede Maart. Sy het in terugvoer oor die forum se werk gesê sowat 2% minder beeste is in die huidige boekjaar geslag in vergelyking met die vorige jaar, en 4% minder skape. Dit is weens verlede jaar se ernstige droogte. Sy het gesê die 20% van die heffing wat aan ’n transformasie-sakeplan gaan, word jaarliks hersien, en sowat 74%…

 SUID -AFRIK A ANSE boere is wêreldwyd bekend as dié wat die maklikste nuwe tegnologie aanvaar en hulle vaar uitstekend daarmee. Kundigheid met bemarking en finansiële beplanning het egter nie in dieselfde mate toegeneem nie, sê mnr. Jannie de Villiers, uitvoerende hoof van Graan SA. ‘Die koste van kapitaal gaan styg. Moenie kanse waag nie.’ Hy het in ’n Nasie in Gesprek-sessie tydens die Nampo-Oesdag oor boere se geldsake gesê presisieboerdery het boere baie gehelp om winsgewender te raak, maar bemarking en finansiële bestuur is net so belangrik om sukses te behaal. Mnr. Pieter Swart, uitvoerende bestuurder van Senwes se kredietafdeling, het daarop gewys dat landbouskuld op ’n nuwe rekordvlak van R145 miljard staan. “As ’n mens egter na die skuldlasverhouding kyk, is dit 35%, wat nog ’n heeltemal aanvaarbare…

AUSTRALIË se wolproduksie sal dié seisoen na verwagting tot 339 miljoen kg styg – ’n toename van 4,3% vergeleke met die vorige seisoen. Volgens mnr. Russell Pattinson, voorsitter van die Australiese produksievooruitskattingskomitee, word die styging toegeskryf aan die uitstekende produksietoestande wat in feitlik ál die belangrike produksiegebiede ondervind is en hoër vaggewigte tot gevolg gehad het. Die verwagte styging in produksie vergelyk met die toename van 4,7% in die gemiddelde gewig van vagte wat die Australiese Woltoetsgesag in die eerste nege maande van die seisoen getoets het. Pattinson sê die hoër wolpryse van die afgelope maande het wolboere ook aangemoedig om ouer skape eers te skeer voordat hulle bemark is. Daarbenewens meen die komitee dat fynwol, veral ultrafynwol, wat op plase en by makelaars opgeberg is weens die lae fynwolpryse…

Ons weet almal lewenspolisse speel ’n baie belangrike rol in ons finansiële beplanning. Indien om geen ander rede nie, dan vir die gemoedsrus dat daar (mits daar reg beplan is) genoeg geld in die boedel beskikbaar sal wees om boedelverpligtinge na te kom. Die tekort aan kontant in ’n boedel is een van die grootste redes waarom boedels nie afgehandel kan word nie. Dit kan ook ’n stokkie steek voor enige bemaking, want boedelverpligtinge, skuld, belasting en sterfbedkoste moet eers betaal word voor erflatings kan oorgaan. As daar nie genoeg geld is nie, kan vaste eiendom, byvoorbeeld die plaas, verkoop word. Lewenspolisse is ’n nuttige en goedkoop manier om vir genoeg kontant in die boedel te sorg. ’n Belastingslang skuil egter ook in hierdie gras. As jy nie katvoet loop…

LIGGING Malmesbury, Wes-Kaap KORTOM ■ ’n Leerder van Hoërskool Swartland • op Malmesbury het vanjaar Suid-Afrika se eerste vroulike skaapskeerder geword. ■ Sy was die beste skeerder in die Wes-Kaap en het die sewende plek in die eerste skeerkompetisie vir skole in Bloemfontein behaal. ■ Die Nasionale Wolkwekersvereniging, BKB en die Wes-Kaapse departemente van onderwys en landbou het vanjaar begin om skoolkinders aan skaapskeer bekend te stel en hulle op te lei. Op ’n koelerige namiddag in Mei kon Kaylie de Jager nie ophou kyk hoe oënskynlik moeiteloos ’n span skeerders van BKB die skape gemaklik in posisie hou met klein en slim voet- en lyfbewegings terwyl hulle die diere aanhou skeer nie. Die eerste vroulike skaapskeerder in Suid-Afrika moes nog baie leer, en ’n Landbouweekblad-fotosessie dien toe sommer ook…

DIE TOEDIENING VAN PERDESIEKTE-ENTSTOF Waarom moet die twee botteltjies van perdesiekteentstof met ’n minimum tydperk van drie weke uitmekaar toegedien word? Die perdesiekte-entstof wat tans in Suid-Afrika beskikbaar is, bevat sewe lewende, verswakte virusstamme. Bottel 1 bevat serotipes 1, 3 en 4, terwyl Bot-tel 2 tipes 2, 6, 7 en 8 bevat. Die ander twee bekende serotipes (5 en 9) is nie in die entstof ingesluit nie, maar daar is redelik goeie kruisbeskerming tussen tipes 8 en 5 en tussen tipes 6 en 9. Lewende, verswakte entstofstamme vermeerder in die liggaam ná inenting. Tydens die vermenigvuldiging word remstowwe (interferons) gevorm wat die vermenigvuldiging van ander virusse (en entstofstamme) blokkeer. As ’n mengsel van virusstamme ingespuit word, word dit ’n wedloop en die liggaam vorm teenliggame teen slegs 2 of 3…

Spaanse hoender met rys Dié gereg se naam is Arroz con pollo en is ’n gewilde ete in Spanje, waar dit onstaan het. Die geure van komyn, oreganum, rooi soetrissie en knoffel trek heerlik deur die hoendervleis en rys. Arroz con pollo is nie duur om te maak nie en al wat saam met dit op tafel nodig is, is ’n groot bak groenslaai en yskoue witwyn. ■ 10 hoenderstukke, met vel Marinade ■ 5 ml droë oreganum ■ 5 ml droë, gemengde kruie ■ 10 ml komyn ■ 3 ml witpeper ■ 45 ml rooiwynasyn ■ 30 ml olyfolie ■ 1 ui, gekap ■ 1 rooi soetrissie, in repies gesny ■ 5 ml fyngekapte, vars knoffel ■ 1 tamatie, ontpit en gekap ■ 750 ml water ■ 250 ml…

Die kinders het graag met allerhande klagtetjies na hom gehardloop, en die straf het hy met vriendelike wenke aan die klaer self oorgelaat. Die plaasskooltjie lê omtrent in die middel van die reeks plase wat langs die rivier gestrooi lê. Wes van die skooltjie is oom Maansie Visagie se spogwingerde, suid lê die seuns se landbou-akkers, waarvan die produkte meesal rou-rou ter plaatse verorber word, oos hang oom Allert Kroon se suurlemoene mildelik en verleidelik oor die heining, en noord – nou ja, noord lê die oop veld waar die bokhorings en melk-elsies geil groei, en jy in mooi jare oor die blomme struikel. Noord lê ook die “rugby-veld” – ’n gedeeltelik ontboste stuk grond waar twee vertikale stukke hout, verbind met een horisontale stuk hout, ingeplant is. Dit het…

Want julle hemelse Vader weet dat julle al hierdie dinge nodig het. Ek probeer om so gereeld as moontlik in die oggend te gaan stap. Dan verwonder ek my aan die uitbundigheid waarmee sekere blomstruikies hul blommetjies vertoon. Dit kom voor asof hulle net nooit ophou blom nie. Jy sien hulle op die mees onverwagse plekke. Selfs tussen betonplaveisel waar daar geen beduidenis van grond is nie, kom hulle op om uitdagend hul wil om te leef, te demonstreer. Niemand het hulle geplant nie en niemand sorg vir hulle nie. Is dit waar dat hulle sonder sorge die lewe uitdaag? Nee, dis tog nie moontlik nie. Êrens moet daar iemand wees – Iemand met ’n hoofletter – wat vir hulle sorg. Het Christus dan nie self in Sy Bergpredikasie daaroor…

Die worteloes in die noorde én in die Kaap lyk goed vir ten minste die volgende drie maande. Benewens die feit dat Kaapse wortelboere in ’n droë winter groot verliese sal ly, behoort ’n droogte nie te veel skade of ontwrigting in die wortelmark te veroorsaak nie. Vol-gens mnr. Rudi Engelke, ’n wortelboer van Kraaifontein, het boere van Kaapstad en omliggende streke genoeg water om die winteroes suksesvol te lewer. “In hierdie gebied word jaarliks waarskynlik 700 ha wortels gesaai. Die eintlike kommer is die komende somer. Indien daar nie goeie reën val nie (ten minste 500 mm van Junie tot Augustus by ons), kan die komende somer ’n probleem wees. Vir die bedryf behoort dit nie te ernstig te wees nie, aangesien die boere in die noorde van Suid-Afrika…

TULI RAS DRUK SY STEMPEL IN DIE NOORDE Daar is gesonde vraag na Tulibulle, sê mnr. Callie Barnard, rasdirekteur. Goed afgeronde bulle het tot R32 000 op die Noordelike Tuli-klub se veiling op Bronkhorspruit behaal. Telers was bereid om ‘n premie vir goeie teelmateriaal en afronding te betaal. “Soos ons in die stoetvee bedryf sê: ‘vet is duur’,” sê Barnard. Kommersiële bulle het R16 000 stuk tot R20 000 behaal. Barnard sê hoewel party telers tot R14 000 stuk vir hul bulle gekry het, is daar nou groot opgewondenheid onder die noordelike telers nadat hulle die potensiaal van die ras onder die ha-mer gesien het. Die feit dat die Tuli, hoewel inheems, aan die Bos taurus-rasse verwant is, maak hom gewild onder kommersiële telers wat die dier se gehardheid en…

Toe me. Yolanda Daniels, ’n huiswerker wat al 16 jaar lank saam met haar minderjarige kinders in ’n huis op ’n plaas buite Stellenbosch woon, begin het om op eie koste haar huis te verbeter om dit meer leefbaar te maak, het mnr. Theo Scribante, plaasbestuurder, haar beveel om die werk te staak omdat dit onwettig was. Sy wou onder meer die vloere gelykmaak, ’n binnenshuise watertoevoerstelsel installeer, asook ’n tweede venster en ’n plafon aanbring. Dié geskil is onlangs in die Grondwethof ten gunste van Daniels besleg. Scribante het aangevoer die eiendomsregte van die plaaseienaars troef me. Daniels se reg om in ’n gebou te woon wat aan haar ’n mate van menswaardigheid sou gee. Die hof het dié argument verwerp. Dit beteken die Grondwet vereis nou dat ons…

HERRIE LOS NÁ SKIET VAN BEESTE ’n Voorval by Uitenhage in die Oos-Kaap, waar rondloperbeeste na bewering deur ’n plaaslike boer geskiet is, het die tonge behoorlik laat klap. ANTON skryf: Wat van die ander boer wie se beeste nou die dag opgekap is, blykbaar lewend. Kan ons nie dié twee stories gelyktydig in die media geplaas kry nie? JANA skryf: Ek het nou die dag in ons klein dorpie gevra wie se werk dit is om die rondloperbeeste te skut. Die polisie sê dit is die verkeersdepartement se werk. Die verkeersdepartement sê dit is die polisie se werk. Wie gaan die boer vergoed in wie se saailande die beeste beland of wie se kudde met besmetlike misgeboorte sit? PHILLENE skryf: Ons was verlede Donderdagmiddag op die punt om 18…

 DIE Departement van Waterwese en Sanitasie se skuld beloop meer as die helfte van sy begroting vir waterinfrastruktuur. Hy hou egter voet by stuk dat die sloerende bouwerk aan die Clanwilliam- en Umzimvubudam sal voortgaan. ‘Die gevolg is dat 4 200 miljoen liter riool elke dag in die land se riviere gestort word.’ Waterwese het sy beroerde geldsake voor die Parlement se portefeuljekomitee vir water en sanitasie uiteengesit. Hy skuld die Reserwebank R2,9 miljard, kontrakteurs R1,5 miljard, die waterrade sowat R400 miljoen en het boonop ’n tekort van R2 miljard op sy begroting vir ander dienste wat hy van die waterhandel-entiteit gaan oorneem. Die departement se begroting vir die ontwikkeling van waterinfrastruktuur beloop R12,2 miljard en sy totale begroting vir die jaar is R15,1 miljard. Om die R1,5 miljard wat…

WEERKUNDIGES sal oor sowat ’n maand met sekerheid kan sê of die land ’n El Niño-verskynsel gaan beleef. Prof. Willem Landman, hoogleraar in meteorologie aan die Universiteit van Pretoria, sê oorsese en plaaslike klimaatmodelle het sowat drie maande gelede begin aandui dat ’n El Niño-verskynsel op pad is. Maar tot die einde van die winter of vroeë lente is dit moeilik om ’n El Niño met duidelikheid te bepaal. “Dit is ’n tyd van die jaar wat ’n mens nie die voorspellings kan glo nie, maar elke maand het dit net sterker en sterker gewys dat ’n El Niño op pad is. Maar in Mei het die modelle gewys dat daar nie ’n El Niño gaan wees nie. Almal is nou onseker,” sê hy. Mnr. Johan van den Berg, oesversekeringsbestuurder…

’N Kombinasie van navorsing en intuïsie is nodig om ’n suksesvolle handelsmerk te vestig. ’n Mens kan nie op net een van die twee staatmaak nie. Mnr. Chris Moerdyk, bemarkingsontleder, het tydens ’n Nasie in Gesprek-debat oor handelsmerke op die Nampo-Oesdag gesê daar sal altyd ’n mate van risiko wees. “In Suid-Afrika word R50 miljard per jaar gemors op handelsmerke, advertensies en bemarking wat misluk. Baie keer is dit weens gebrekkige navorsing en onkunde oor die mark.” Hy sê in wese is die vereistes vir handelsmerke binne die landbou en in enige ander bedryf dieselfde. Die verbruiker moet altyd vooropgestel word. Mnr. Phillip Retief, uitvoerende hoof van Van Loveren-wynkelders, het gesê as hulle net op navorsing moes staatmaak, sou hul bekende handelsmerk, Four Cousins, nooit bestaan het nie. Navorsing het…

DA A R was wél boere wat dit reggekry het om hulle met termynkontrakte teen die afgelope seisoen se reusedaling in mieliepryse te verskans, sê mnr. Chris Sturgess, hoof van die JSE se kommoditeitsmark vir afgeleide instrumente. “Van Januarie tot Februarie was daar byvoorbeeld kans om teen ’n prys van R1 000/ton hoër as wat dit vandag is, te verskans,” het Sturgess op die Nampo-Oesdag aan Landbouweekblad gesê. Dít volg op kritiek dat ’n paar groot spelers Safex manipuleer. Bewerings word ook gemaak dat dit die afgelope seisoen, met sy laat reën, byna onmoontlik vir individuele boere was om hulle met termynkontrakte teen die prysdaling te beskerm. Die witmielieprys het die afgelope jaar en ’n half van ’n rekord-hoogtepunt van meer as R5 200/ton teen einde 2015 tot die heersende…

‘Sekere internasionale markte is bereid om meer vir gehaltesnitte te betaal, en die plaaslike vleisbedryf behoort dié markte meer te benut.’ DIE idee onder verbruikers en die kleinhandel dat vleis ’n “goedkoop” kommoditeit is, moet in die kiem gesmoor word, sê dr. Michael Bradfield, hoof van Breedplan SA. Bradfield was ’n spreker op die onlangse jaarlikse vergadering van die Rooivleis-abattoirvereniging, wat by die Spier-wynlandgoed buite Stellenbosch gehou is. “Die kleinhandel vra gedurig dat vleispryse laag en gehalte hoog moet bly, maar ek het ’n probleem daarmee. Die vleisbedryf in Suid-Afrka moet verantwoordelikheid vir homself neem,” sê hy. “Sekere internasionale markte is bereid om meer vir gehaltesnitte te betaal, en die plaaslike vleisbedryf behoort dié markte meer te benut.” Om dit reg te kry moet belanghebbendes ’n gesamentlike “Span Suid-Afrika” vorm…

 PLEID O OIE het by die Departement van Landbou, Bosbou en Visserye se begrotingsdebat opgegaan dat boere en plaaswerkers beter teen geweldsmisdaad beskerm moet word, en dat die Tesourie ook beduidend meer geld aan die landbousektor moet beskikbaar stel. ‘Met ’n groeiende bevolking word groot druk op ons plaasgemeenskappe geplaas om te verseker kos is toeganklik en bekostigbaar vir almal.’ Die departement het vanjaar ’n begroting van R6,8 miljard – ’n styging van slegs R292 miljoen. Dit verteenwoordig maar 0,01% van Suid-Afrika se nasionale begroting. Mnr. Senzeni Zokwana, Minister van Landbou, Bosbou en Visserye, het gesê die landbou moenie verpolitiseer word nie, want daar word op voedselproduksie staatgemaak om mense te voed. “Ons moet ons boere en plaaswerkers beskerm as ons dit wil vermag. Transformasie moet omarm word.” Me. Rosina…

BRITSE skaapboere is bekommerd oor die toename in die aanvalle van rawe op lammers en ooie. Die rawe val veral pasgebore lammers aan en pik hul oë en tonge uit. Rawe is verwant aan kraaie en is ’n beskermde voël in Brittanje. Dit beteken dat boere aansoek moet doen om ’n lisensie as hulle die voëls wil skiet. Hoewel enkele aanvalle voorheen aangemeld is omdat rawe (én kraaie) as opportunistiese vreters bekend staan, is kenners dronkgeslaan oor die groot toename in aanvalle. Rawe het aanvanklik net in sekere dele van Brittanje voorgekom, maar het intussen na ander gebiede versprei. Boere dring nou aan op die reg om die voels sonder ’n lisensie te skiet. “Al meer gevalle van oor die land heen word aangemeld. Rawe is baie intelligent, maar ook…

Ten spyte van die knelpunte, is die verslag optimisties oor die vordering wat gemaak is. As die pas versnel, sal dit ’n goeie klimaat skep vir private besighede om te groei en werk te skep. KORTOM ■ Ál meer plaaslike boere en sakemense werk saam om boerderye en besighede in Afrika-lande te vestig. ■ Knelpunte in Afrika-lande se mededingendheid sluit in ernstige tekortkominge in basiese infrastruktuur, soos paaie, spoorweë, hawens en lugvervoer. ■ Sukses gaan afhang van die betrokke Afrika-land se ekonomie. Kan dit vinnig genoeg groei om potensiële werkers in diens te neem? Een van Suid-Afrika se grootste risiko’s is onstabiliteit weens werklose jong mense. Die Wêreld- Ekonomiese Forum publiseer gereeld navorsingsverslae oor die mededingendheid van lande of streke. Die jongste verslag oor die mededingendheid van Afrika en die…

Die boer wat met prys alleen wil meeding, gaan nie meer baie lank oorleef nie. Só sê dr. Herman van Schalkwyk, uitvoerende hoof van die Suidwes-landbougroep. Hy het op die Misstofvereniging van Suider-Afrika (Fertasa) se kongres gewaarsku dat boere moeite moet doen om nuwe strategieë binne hul ondernemings te ontwikkel om ook met die gehalte van hul produkte mee te ding. Daarvoor moet meer navorsing en ontwikkeling gedoen word, wat tans ’n groot leemte in die sektor is. “Skakel by opleiding- en navorsingsinstitute in en raak by die proses betrokke. Die plaaslike verbruiker moet ook opgelei word. Kieskeurige verbruikers sal ons dwing om doeltreffender te wees, ons produkstandaarde te verbeter en op grond van gehalte mee te ding, wat ons (outomaties) mededingender in die buiteland sal maak. “Hoe vinniger Suid-Afrikaanse…

Een van die gelukkige saaiboere wat slegs sowat 10% van sy landerye moes oorplant, is mnr. JC Bezuidenhout van die familieboerdery Genadendal tussen Wesselsbron en Makwassie. Vir hom was die windwerktuig van mnr. Davie van der Merwe van die distrik Schweizer-Reneke ’n redding, saam met beter produksietoestande. Dié werktuig (LBW, 2 Desember 2016, “Revolusionêre lem-ontwerp keer windskade”) het in die afgelope seisoen die bynaam Oscar (na aanleiding van die lemnaeler Oscar Pistorius) onder Wes-Vrystaatse saaiboere verkry aangesien sy skyfeenheid uit drie tot vyf lemskywe soos dié van ’n lemnaeler bestaan. JC het elke geleentheid ná ’n bui reën benut om windkeerrye te maak. Hy kon teen 7 November, vroeër as gewoonlik, plant. Die landerye is die vorige jaar reeds voorberei, maar hy kon weens ’n vogtekort nie plant nie. “Derhalwe…

Hoewel die potensiële koppe op ’n mielieplant in die V5-stadium gevorm is, word die aantal rye en potensiële pitte op en grootte van elke kop in die V12-stadium bepaal. ’n Nuwe blaar verskyn ongeveer elke twee dae en stutwortels begin vorm. Dit kan gesien word as die belangrikste stadium van die mielieplant. As daar in hierdie tyd tekortsimptome is, sal daar skade aan die oes wees. Mielies het in dié vinnige, vegetatiewe ontwikkeling die meeste stikstof nodig. Probeer water- en voedingtekorte vermy om te verseker dat die kop so groot moontlik en die maksimum aantal pitte ontwikkel. Die hoeveelheid pitte en kopgrootte is afhanklik van die tydbehoefte van die betrokke baster. ’n Vinnige baster gaan vinniger deur hierdie stadia en is geneig om kleiner koppe te lewer. Dit is een…

WERKTUIE Die Valtra VT234 Active-trekker wat deur Valtrac van Parys in die Vrystaat bemark word, spog met ’n enjin van 173 kW. Dit is die eerste keer dat dié reeks trekkers in Suid-Afrika beskikbaar is. Hierdie trekker was in 2015 die internasionale trekker van die jaar. ’n Pluspunt is dat die hidrouliese stelsel ’n olievloei van 160 liter per minuut het. PRYS: R2,314 miljoen. • NAVRAE: Valtrac-hoofkantoor, tel. 056 817 7308. Hierdie bielie, die Claas Axion 870, is een van die trekkers in die Claas-stal wat met die 4F-vlakenjin spog, die mees gevorderde enjin wat aan buitelandse wetgewing oor skadelike uitlaatgasse voldoen. Die enjin van 206 kW word deur die Duitse moedermaatskappy in sy Franse fabriek vervaardig. ’n Deurlopend veranderlike ratkas is een van die trekker se puik kenmerke. PRYS:…

SANTA GERTRUDIS 1 Senior en grootkampioenbul, Valley Venture VV 13/152. Eienaar: Mnr. Willie de Jager (sel 082 565 5445), Valley Venturestoetery, Vryburg. Hanteerder: Mnr. Butiki Segware. 2 Senior en grootkampioenkoei, Paulina Santarey XX 14/18. Eienaar: Mnr. Raymund de Villiers (sel 082 946 2343), Santareystoetery, Sannieshof. Hanteerder: Mnr. Samuel Metswamere. 3 Junior en reserwegrootkampioenbul, Santarust Baron JH 14/84. Eienaars: Mnre. Johan (regs, sel 082 523 8191) en Heinrich Havemann (naasregs), Santarust-stoetery, Delareyville. Hanteerder: Mnr. David Gabayo. Heinrich se dogter, René, is links op die foto. 4 Kampioenverskalf en reserwegrootkampioen vroulike dier, Jadup J15/52. Eienaar: Mnr. Jozeph du Plessis (regs, sel 082 578 7616), Jadup-stoetery, Schweizer-Reneke. Hanteerder: Mnr. Frank Williams. LIMOUSIN 5 Junior en grootkampioenbul, Xourel Tripitz XRL 14/28. Eienaar: Le Roux-familie (navrae mnr. Derick le Roux, sel 079 602 5376), Xourel-stoetery,…

Dik hoendersop met rys Die Skotte noem hierdie sop Cock-a-leekie. Die eenvoudige sop bestaan net uit hoender, preie en ’n peperige aftreksel wat verdik word met rys. Ek het hierdie kortpadweergawe (met klaargaar hoender) ontwikkel vir die nuutste uitgawe van Boerekos wat tans op die winkelrakke is. Vir my maak vars suurlemoenskil en pietersielie ’n reuseverskil. Dit is asof die byvoeging daarvan aan die einde van die kooktyd die eenvoudige, huislike smake in die sop wakker skud. Só ’n pot hoendersop sal enige skeet regdokter en koue winterlywe in ’n kits warm maak. ■ 1 oondgeroosterde, heel hoender ■ 4 liter goeie hoenderaftreksel ■ 180 ml rou witrys ■ 3 knoffelhuisies, fyn gekap ■ 6 preie, goed skoongemaak en fyn gekerf ■ 80 ml vars suurlemoensap ■ Sout en vars…

 BOERE moet uiters waaksaam wees wanneer hulle plaasdiere koop, want hulle kan dalk siektes op die koop toe kry, sê dr. Faffa Malan, bestuurder van die Herkouerveterinêre Vereniging van Suid-Afrika (RuVASA), in sy April-verslag oor veesiektes wat deur veeartse in Suid-Afrika aangemeld is. Vir nog inligting oor die siektes en toestande besoek www.landbou.com en klik op Indeks van Antwoorde. Dit is die koper se plig om seker te maak die diere wat hy wil aanskaf, is siektevry en nie met in- en uitwendige parasiete besmet nie; veral weerstandige parasiete wat sy hele kudde kan besmet. Om gevaarlike siektes, soos brucellose, tering en ensoötiese beesleukose, uit te hou, moet gekoopte vee eers getoets, gedip en gedoseer word en in kwarantyn, weg van die ander plaasdiere, gehou word. ’n Veearts sal goeie…

Suid-Afrika kan binnekort sy status as die wêreld se grootste verskaffer van makadamianeute kwyt wees. Terwyl Suid-Afrika sy oesskatting vir vanjaar afwaarts aangepas het, sal daar na verwagting vanjaar 14 956 ton meer makadamianeute as verlede jaar in die verskillende wêrelddele geoes word waar dié neut kommersieel verbou word. Met ’n oesskatting van 193 462 ton vir vanjaar is dit groei van 8,4% teenoor verlede jaar se oes van 178 506 ton. Dié statistiek is op die internasionale neutberaad in Chennai, Indië, bekend gemaak. Terwyl Suid-Afrika se aanplantings met omtrent 1 500 ha per jaar toeneem, brei Kenia én Australië met mening uit. Die Yunnan-makadamiagenootskap in China het op die beraad bekend gemaak dat China reeds 185 000 ha makadamias aangeplant het en dat dié land teen 2030 altesame 330…

GAUTENG CARLETONVILLE JACHTFONTEIN (344) 30 ha, aan B.C. en M.D. Mokgweetsi, van B. Liebenberg, R599 000. PRETORIA KROKODILSPRUIT (290) 21 ha, aan A. de Lange, van P. Lourens, R1 400 000. KWAZULU-NATAL HELPMEKAAR KOORN SPRUIT (4355) 1 215 ha en SPRING (13210) 520 ha, aan Bambanani Machunugemeenskapseiendomstrust, van Church Agricultural Project (Edms.) Bpk., R866 000. PIETERMARITZBURG AASVOGEL KRANS (1226) 28 ha, aan die Sbusha-trust, van Inyanga Trading 559 (Edms.) Bpk., R8 500 000.FT (1412) 24 ha, aan Rowbridge Investments 1, van J.B. Edwards en N. Edwards, R1 250 000. LIMPOPO ALLDAYS HAZELMORE (226) 1 469 ha, aan Imoya Game Breeders (Edms.) Bpk., van PC Ludickfamilietrust, R5 000 000. BURGERSFORT BLYDERUS (596) 43 ha, aan Fresh 365 Holdings, van Pekanneute Plus Plaas (Edms.) Bpk., R3 350 000. DENDRON DOORNBULT(624)21ha,aan Doringprop 132…

BOEREDAE 9 AUGUSTUS: Gauteng-suiweldag. Belnori-boetiekkaasmakery, Bapsfontein (Gauteng). Sprekers sluit in Benita Bekker van Bloemfontein, Kobus Mulder van Kaapstad, Leon Kruger van die LNR Irene, dr. Brylene Chitsunge en dr. Chris van Dijk. Daar sal ook praktiese hoefsny- en onthooringdemonstrasies wees. Verskaffers van onder meer dierevoer, dieremedisyne, benodigdhede vir kaasmakery en sonkragverhitting sal stalletjies hê. Besprekings noodsaaklik. E-pos: Belnori220@gmail.com; tel. 082 377 5698. 23 AUGUSTUS: Noord-Vrystaat SAVM se “MEGA Boere”-inligtingsdag en veiling. Kroon-Boma, Kroonstad. Sprekers: Hendrik van Pletzen (Genetiese vooruitgang danksy gehalteramme en die ekonomie), dr. Faffa Malan (Johne se siekte, weerstandige inwendige parasiete en rooiluise, ramsiekte, vrotpootjie, absesse, skaapbrandsiekte). SAVM nooi veral vroue wat tot die landbou toe-tree, jongboerstudiegroepe, skoleboereverenigings en kommersiële en stoettelers van alle skaaprasse. Neline Pienaar. E-pos: Bennieneline@eleo.co.za; sel 082 440 4492. Met die samewerking van die…

Dragtig van Serota Lot 88 Mates Rowland: 29 2/8" Boss: L8 4/8"|R8 4/8" Tip-Tip: 20" SCI Indeks: 77 Horing Lengte: L 30" | R 30" Datum Gemeet: 02.03.2017 Ouderdom: 48 Maande Notas: Beproefde moeder lyn Dragtig van Serota Lot 13 Mates Rowland: 29 4/8" Boss: L8 4/8"|R8 4/8" Tip-Tip: 23 4/8" SCI Indeks: 77 Horing Lengte: L 30" | R 30" Datum Gemeet: 02.03.2017 Ouderdom: 40 Maande Notas: - Van top moeder lyn. - 12 maande ICP Koeie op veiling, gedek deur Karoo . Lot 79 Mates Tag Nommer Geel 48 Horing Lengte: L 43" | R 43 6/8" Tip-Tip: 30" Lot 80 Mates Tag Nommer Geel LJ 014 Horing Lengte: L 44" | R 43 4/8" Tip-Tip: 18 2/8" Lot 81…