Innholdsfortegnelse for 12-Feb-16 i Landbouweekblad

‘Net die tyd sal leer of die kombinasie van ’n vervroegde skatting en laat oes nie een te veel vir hulle is nie.’ Jannie de Villiers van Graan SA oor die Oesskattingskomitee se beter as verwagde skatting. Bl.14 ‘Die Amerika wat ons op televisie sien, verskil soos dag en nag van hoe dit daar op voetsoolvlak is.’ ’n Boer – mnr. Frans Kirsten – oor hoe konserwatief die Amerikaanse boere is vir wie hy gewerk het. Bl. 20 ‘Godweet dis mos nie reg nie!’ Mnr. Jean Oosthuizen, joernalis, op Facebook oor die moord op sy vriend dr. Bennie Cilliers, die boer en algemene praktisyn van Rouxville. ‘Die siekte beteken ’n ramp vir elke melkboer in wie se kudde dit uitbreek.’ Dr. Edwin Dyason, staatsveearts op George, oor hernieude brucellose uitbrekings…

VOERTUIG TEEN LANDMYNE Ná ’n reeks landmynontploffings aan die noordgrens van Transvaal wat die lewens van verskeie motorryers geëis het, is ’n voertuig wat die insittendes teen landmyne beskerm, nou in die handel beskikbaar. Landmynvoorvalle het veral by Weipe en Stockpoort voorgekom. Die landmyne is die werk van diegene wat ’n terreurveldtog teen die regering voer. Die nuwe voertuig, bekend as die Rinkals, is deur die Coin-beveiligingsgroep van Pretoria met die samewerking van die Wetenskaplike en Nywerheidsnavorsingsraad (WNNR) ontwikkel. Die Rinkals bestaan uit ’n gewone bakkie waarvan die kajuit waarin die bestuurder en sy passasiers sit, vervang is met ’n spesiaal versterkte kajuit wat die insittendes teen landmyne beskerm. Die versterkte kajuit het ’n V-vormige onderkant wat die bomskerwe in geval van ’n landmynontploffing laat wegskram en sodoende die insittendes…

NÁ goeie reën oor groot dele van Suid-Afrika geval het, kan die veld weer groei. Hoe meer oordeelkundig dit van nou af bestuur word, hoe beter sal die toekomstige produksie daarvan wees. Die oordeelkundige bestuur van die veld sal ook bepaal hoe goed dit weer voer sal verskaf wanneer die reënval mettertyd normaliseer, sê dr. Louis du Pisani, bestuurder van produksie en advies by die Nasionale Wolkwekersvereniging. Hier is sy raad vir die beste praktyke van beweiding ná afloop van die droogte. Moenie te gou die veestapel vermeerder nie; gee die veld eers kans om te herstel. Dit gebeur wanneer die plante aktief begin fotosinteer, nie meer van hul groeireserwes afhanklik is nie en wanneer die nuwe generasie plante goed gevestig is. ■ Indien beskikbaar, behoort die vee eerste die…

1 ZIMBABWE | Britse dokter kry boer se plaas Mnr. Phillip Rankin, ’n wit Zimbabwiese boer, is onlangs in boeie van sy plaas by Bindura verwyder sodat sy grond aan ’n Britse mediese dokter oorhandig kan word. Rankin is in September verlede jaar beveel om sy plaas te ontruim omdat dit toegeken is aan dr. Sylvester Nyatsuro wat in Zimbabwe gebore is, maar intussen Britse burgerskap aanvaar het. Nyatsuro bedryf ’n verslankingskliniek in Nottingham, Engeland. Daar word beweer dat hy familiebande met pres. Robert Mugabe se vrou, Grace, het. Die Rankins se regspogings om op hul grond aan te bly en hul tabak-oes ter waarde van 300 000 pond (R7 miljoen) af te haal, was tevergeefs. Op 29 Januarie is hy in hegtenis geneem, en daarna is hul meubels ook…

MELKKOPERS het prysverhogings aan boere begin aankondig, maar dit lyk of melkboere hulle steeds vir ’n moeilike jaar moet staal. Luidens die Melkprodusente-organisasie (MPO) se Melkbulletin verhoog Clover sy prys met 50c/liter en Dairy Corporation syne met 45c/liter. Dit volg nadat produksie in Desember gedaal het – die eerste keer in ’n jaar wat met rekordgroei van sowat 10% begin het. Dr. Koos Coetzee, MPOekonoom, skryf in sy jongste verslag oor markaanduiders produksie was in Desember 3,5% laer as in die ooreenstemmende tyd in 2014, onder meer weens skerp stygings in voerpryse. Hoewel produksiegroei reeds middel verlede jaar begin verlangsaam het, was produksie vir die jaar as geheel steeds 5,5% hoër vergeleke met die vorige jaar. Dit het tot hoë voorraadvlakke gelei, wat klaarblyklik nog nie genoegsaam gedaal het nie.…

DRIE bewaringslandbou-studiegroepe hou in die volgende paar weke simposiums en groentoere. VAALHARTS Die Vaalharts-studiegroep hou op 10 Februarie praatjies in die oggend en boord- en land-besoeke die middag. Onder die sprekers is mnre. Cobus van Coller, geenbewerkingsboer van Viljoenskroon, Bertie Coetzee, besproeiingsboer van Prieska, Fritz Otto, Wes-Kaapse landboukundige wat oor plantvoeding sal praat, en prof. Wijnand Swart, plantpatoloog van die Universiteit Vrystaat, wat sal praat oor gesonde grond. Drie plaaslike boere, mnre. Jannie Pretorius, Floors van der Merwe en Tom Fouché, sal oor pekanneute en dekgewasse praat. NAVRAE EN BESPREKING: Mnr. Louis Fourie, e-pos: savesoil101@gmail.com; sel 083 653 4213. Koste: R300, wat middagete en verversings insluit. VREDE Die Ascent-studiegroep by Vrede se boeredag op 18 Februarie gaan oor die rol van bewaringslandbou in volhoubare gewasproduksie in hul gebied. Mnr. Egon…

Die jongste vervroegde skattings deur die Nasionale Oesskattingskomitee op 27 Januarie vanjaar bevestig dat sowat 3 miljoen ton mielies in die komende 12 tot 18 maande ingevoer sal word om in Suid-Afrika en Botswana, Lesotho, Swaziland en Namibië se behoeftes te voorsien. Geraamde aanplantings en verwagte oliesaad-oeste is ook veel kleiner as normaalweg en baie meer as normaalweg sal ingevoer moet word. Natuurlik is daar debatte oor die relatief groot oesskatting van 7,4 miljoen ton (3,2 miljoen ton wit mielies en 4,17 miljoen ton geel mielies). Dit is veral die aantal hektaar onder wit mielies waarmee heelwat boere en graankenners nie saamstem nie. Dit is ’n heel optimistiese skatting. Boonop is die grootste deel van die wit mielies skaars ’n week of wat voor die oesskatting eers geplant. Selfs teen…

Elke graspol bestaan uit ’n versameling lote, elk met sy eie wortels, wat gelyktydig en as ’n eenheid deur droogtes benadeel word. Dit was opmerklik dat die graspolle besonder stadig gereageer het nadat dit begin reën het. Die belangrikste rede is waarskynlik grootskaalse of selfs totale wortelafsterwing, veral in die boonste grondlae. Oppervlakkige wortels moes van voor af eers weer ontwikkel. Party jonger lote, met vlakker wortels, kon weens totale afsterwing glad nie herstel nie. Dit is bekend dat sowat 80% van die wortels by klimaksgrasse in die boonste 200 mm van die grondlaag voorkom. Dit is hierdie wortels wat grootliks vir plantproduksie verantwoordelik is. Die 20% van die wortels wat die grondprofiel dieper indring, moet egter nie as minder belangrik geag word nie omdat hulle sorg dat die plant…

Ons is al weer in Februarie en nadat die Valentynsdaggeskenk afbetaal is, raak dit tyd om te begin spaar vir al die Kersgeskenke. Maar voor ons té erg vasval in ons daaglikse oorlewing, wil ek jou tog so ’n laaste Nuwejaarsvraag vra: In wie se lewe gaan jy vanjaar ’n verskil maak? Dit is nie noodwendig ’n vraag vir die begin van die jaar nie en ook nie net vir dié jaar nie. Wat egter duidelik is, is dat vanjaar nie ’n maklike jaar gaan wees nie. Met rentekoerse wat in die buiteland begin styg, gaan daar ál meer druk op die betalingsbalans wees. Die droogte het tot gevolg dat ons ’n reusetekort aan voedsel gaan hê en ten duurste mielies sal moet invoer. Pryse gaan derhalwe die hoogte inskiet.…

Die Suid-Afrikaanse Weerdiens het op 13 Januarie ’n verklaring uitgereik en aangedui dat die kalenderjaar van 2015 die jaar met die laagste reënval die afgelope 112 jaar in Suid-Afrika was. Die gemiddelde reënval vir al nege provinsies vir verlede jaar was 403 mm terwyl die langtermyngemiddelde 608 mm is. Die vraag is nou of daar op grond daarvan aangevoer kan word dat die huidige droogte die ergste in 112 jaar was. ’n Droogte word gedefinieer as ’n voortdurende tekort aan reënval oor ’n tydsduur wat strek van drie maande tot twee jaar. ’n Vermindering van 25% onder die normale reënval oor só ’n tydperk word as ’n droogte beskou en uit ’n landbou-oogpunt gaan dit gewoonlik gepaard met ’n gebrek aan plantegroei en ’n verlies aan beskikbare water. Geen twee…

Daar is riglyne, met duidelike ekonomiese voordele, vir die aanvulling en vlakke van proteïene gedurende die winter in Suider-Afrika en fosfaat in die somer. Party boere gebruik kruipvoer en produksielek in die somer, maar dit is nie ’n algemene praktyk nie. Mnr. Johan Mouton, tegniese navorsingsbestuurder (herkouers) van RCL Foods (Molatek en Epol), het op die Vleisbeesskool wat deur Breedplan, Landbouweekblad en die Lewendehawe Registrerende Owerheid op Aldam gehou is, vertel van ’n nuwe ondersoek na lekke wat van 2012-’14 uitgevoer is om kruipvoer, produksielek en fosfaataanvulling in ’n speenkalfstelsel te evalueer. Die konvensionele benadering van fosfaatlek in die somer is teenoor kruipvoer geëvalueer, asook teen produksielek in ’n speenkalfstelsel op natuurlike weiding. Die studie is gedoen met 150 dragtige Drakensbergerkoeie van mnr. Pieter Nel wat deeltyds tussen Memel en…

Mnr. Eugene Cussons het internasionale bekendheid verwerf toe hy die projek Chimp Eden in 2005 vir die Amerikaanse TVkanaal Animal Planet aangepak het, met die samewerking van die Jane Goodall-instituut. Dié reddingspoging vir sjimpansees het hom na die uithoeke van Afrika geneem en hom bewus gemaak van die ontwikkeling van maatreëls teen wildstropery. In 2012 het Eugene heeltyds begin met die toets van tegnologie en kombinasies daarvan. Ná mislukkings met helikopters, FLIR-kamerategnologie, vastevlerkvliegtuie en afstandbeheerde vliegplatforms, het sy pad toevallig met dié van die voormalige invoerders van Nirvana-valskermweeftuie gekruis. Hy is in 2014 deur Nirvana aangestel as die verteenwoordiger en alleeninvoerder van die maatskappy se produkte vir Afrika. Nirvana se tuiste is nou op die Umhloti-natuurreservaat naby Mbombela. Die Nirvana Raptor-span voorsien steun aan die Manyeleti-wildreservaat – een van Sanparke…

Elke moontlike geleentheid op mnr. Casper Badenhorst se twee plase oor 2 100 ha word ondersoek, hetsy met ’n pakhuis, vrugteslaaifabriek of versappingsaanleg wat as bates tot die boerdery gevoeg word om produktiwiteit en gehalte te verseker. Casper, wat in 2005 as Boer van die Jaar aangewys is, boer ook met Boerbokke en groente op sy ander plase en lewer produkte aan die plaaslike mark. Toe al was sy uitgangspunt: Moet nooit ophou groei nie. Watter tegnologie het die groei in jul hoofvertakkings die meeste versnel? Inligtingstegnologie is maar een. Die internet en sosiale media het die afgelope jaar die weg gebaan vir die onmiddellike oordrag van sake-inligting, die oplos van produksievraagstukke en die bou van vinnige, doeltreffende en gunstige kommunikasiekanale met kliënte, verskaffers, finansiers en die Ontvanger. Sake-oplossings is…

Verras die liefde in jou lewe met dekadente, tuisgemaakte soetigheid hierdie Valentynsdag. Kortpad-Amarula-crème brûlée Ek voel half of ek myself verloën deur die pakkie-en-boksie-kitsresep te plaas, maar hierdie is nou een resep waar ’n blikkie en ’n pakkie saamwerk om ’n nagereg te maak wat almal sal laat swymel. (As daar ’n kossnob aan jou tafel is, moet jy liefs nie vir dié mens vertel hoe jy hierdie dekadente nommertjie gemaak het nie.) 2 pakkies (90 g) vanieljegegeurde kitspoedingpoeier 180 ml room 60 Amarula-likeur 1 blik yskoue, ingedampte volroom elk Strooisuiker, om oor te sprinkel Klits die kitspoedingpoeier, room, Amarula en ingedampte melk vir 3 minute saam, tot die poedingpoeier heeltemal opgelos is. Skep in individuele bakkies en verkoel tot stewig en yskoud. Sprinkel ’n dun lagie strooisuiker oor elke…

DWARS 1. Iets wat fyngekap is (6) 4. Hoogdrawende taal (6) 8. Skande (5) 9. Produk van hoender (4) 10. Verderflik (8) 13. Kunsstyl (5) 15. Heuingdrank (5) 18. Ambagsman (8) 19. Pluime (4) 22. Vlugtige olie uit blomme (5) 23. Grappig (6) 24. Vrouekleding (6) AF 1. Klein losieshuis (7) 2. Uitgawe (5) 3. Elite Britse skool (5) 5. 'n Vloer insit (7) 6. Net (5) 7. Bakleiery (5) 11. Afvalwol (4) 12. SA bevolkingsgroep (4) 14. Uil (7) 16. Selfsug (7) 17. Begeertes (5) 18. Meubelstuk (5) 20. Gelykmatig (5) 21. Sanger, . . . Jordaan (4) OPLOSSING DWARS: 1. Haksel; 4. Bombas; 8. Oneer; 9. Eier; 10. Heilloos; 13. Genre; 15. Karie; 18. Tegnikus; 19. Vere; 22. Attar; 23. Lollig; 24. Toilet. AF: 1. Heerberg; Koste; 3.…

DIE Rooivleisbedryfsforum het vir eers afgesien van sy planne om regstappe teen Onderstepoort Biologiese Produkte (OBP) te doen, sê mnr. Dave Ford, dié liggaam se voorsitter. ’n Opgraderingsprojek by die OBP het daartoe gelei dat veeboere in Suid-Afrika al byna twee jaar lank moes klaarkom sonder genoeg entstowwe teen siektes, soos bloutong, knopvelsiekte en brucellose. Die Rooivleisbedryfsforum was teen einde verlede jaar oorgehaal om die OBP te dagvaar vir verliese as gevolg van dié siektes. As die alleenverskaffer van belangrike entstowwe is die OBP wetlik verplig om in die behoeftes van die veebedryf te voorsien, sê Ford. Hy sê die OBP het egter intussen ingehaal op die agterstand en die forum het sy planne om regstappe te doen, vir eers laat vaar. Dr. Jacob Modumo, wat aan die hoof van…

Internasionaal: Die prys van mielies het met 0,8%, oftewel $1,10/t (R17,91/t), gestyg tot $145,16/t (R2 363/t). Op ’n jaargrondslag is dit 3,1%, oftewel $4,58/t (R74,55/t), laer. Verwagte pryse: Maart – $145,03/t (R2 361/t), Mei – $146,84/t (R2 390/t), Julie – $148,81/t (R2 422/t), September – $150,23/t (R2 445/t). Plaaslik: Die Safex-prys vir wit mielies het met 1,7%, oftewel R88/t, gedaal tot R4 996/t. Die prys van geel mielies het met 0,5%, oftewel R21/t, gedaal tot R3 824/t. Op ’n jaargrondslag is dit 138,2%, oftewel R2 899/t, hoër vir wit mielies, terwyl geel mielies 85%, oftewel R1 757/t, hoër is as in die ooreenstemmende tyd verlede jaar. Internasionaal: Die gemiddelde prys van koring het met 0,9%, oftewel $1,61/t (R26,21/t), gestyg tot $175,63/t (R2 859/t). Op ’n jaargrondslag is dit 8%, oftewel…

Die landbou- en landboumasjineriebedryf gaan ’n uiters moeilike jaar tegemoet en sal in die volgende maande om blote oorlewing moet veg. Mnr. Wynn Dedwith, voorsitter van die Suid-Afrikaanse Landboumasjinerieassosiasie (Salma), skryf dié donker vooruitsig toe aan die voortslepende droogte en die gepaardgaande verslegtende landbou-ekonomie. “Dit gaan ’n ernstige golfbeweging deur die hele Suid-Afrikaanse ekonomie veroorsaak,” sê hy. “Een van die gevolge is ’n mielie-oes wat minder as die helfte van die vorige oes kan beloop en dat tot vyf miljoen ton mielies ingevoer sal moet word om in die plaaslike vraag na dié stapelvoedsel te voorsien.” Hy wys ook op die skerp daling in die waarde van die rand wat sal lei tot aansienlike prysverhogings vir landboumasjinerie en somergewasse. Verlede jaar se verkoopsyfer toon ’n afname van 12% vir trekkers…

2016 FEBRUARIE WILLOWMORE 11-12, Willowmore-skou, (Oos-Kaap: Boerbokke), Dorper, Merino, Angora. Jeugskou. Kobus Lötter, sel 082 432 2393; Amour Strydom (sekretaresse), sel 082 459 6696. VICTORIA-WES 11-13, Victoria-Wes-skou. Kraampies, Ilze, tel. 071 675 8878, of sel 082 940 8231. E-pos: vicwes landbou@gmail.com. HEIDELBERG 11-13, Heidelberg-landbouskou. (Skaap, bees en FNB: Hackney.) Perdeskou en vele vermaak vir besoekers. Lindie Giliomee, sel 084 575 9984. PARYS 12-14, Perdespring, Afridome-skouterrein. Parys. Caroll-Ann Mienie, sel 079 477 4416; web: www.afridome.co.za. RIVERSDAL 17-20, Riversdal-skou. E-pos: riversdalskou@gmail.com, of skou@riversdaler.co.za. MURRAYSBURG 19, Murraysburg-landbouskou. Veld-Merino, Dorper, steak- en seekosete, VLVmini-skou. Gratis uitstalruimte beskikbaar. Roelou van Heerden, sel 082 413 3929, tel. 049 853 9940. DE AAR 25-27, Sentrale Karoo, (SA Saalperd, Hackney), Marius Pienaar, tel. 053 631 7175, sel 083 282 3582, S.O. Vermeulen, sel 083 308 4250. (Veld-Merino), Bennie…

54,8% Op 25 Januarie was die gemiddelde waterinhoud van die vernaamste opgaardamme in die land 54,8%, wat sowat 28 persentasiepunte laer was as die 82,6% in die ooreenstemmende tyd verlede jaar. Die Gariepdam – die grootste opgaardam – is 46,9% vol, die Vaaldam, Suid-Afrika se belangrikste dam vanweë sy rol as waterverskaffer aan die ekonomiese sakekern van die land, staan op 52,6% en die Pongolapoortdam is 48,1% vol. - e-agri R9,43 Die groothandelprys van diesel het verlede Woensdag weer met 62c/ℓ tot R9,43/ℓ, die laagste vlak die afgelope jaar, gedaal. Volgens mnr. Corné Louw, ekonoom van Graan SA, was die groothandelprys in Februarie verlede jaar, en voor dit in September 2011, so laag. Belastings, heffings en verspreidingkoste maak nou ’n skokkende 56% van die dieselprys uit, en by petrol net…

Die Reserwebank word darem as ’n lelike stomp voorwerp gebruik. Soos ek verstaan, is die rentekoers verhoog deels om die rand te probeer stut deur buitelandse beleggers met hoë rentekoersverdienstes te probeer teruglok. Al sit Suid-Afrika steeds met die President wat beleggers in die eerste plek weggejaag het! Die ander rede is glo om inflasie in toom te hou, al het boere en ander verbruikers net mooi niks te doen nie met van die land se grootste inflasiedrywers, soos Eskom se beoogde tariefverhogings en ’n rits ander geadministreerde koste. Of ’n tuimelende rand, die knellende droogte en ’n President wat lelik droogmaak nie. Dis alles goed wat Suid-Afrikaners aansienlik armer gemaak het. Sou dit nie beter gewees het om eerder meer geld in plaaslike verbruikers se sakke te probeer kry…

Prof. Peet Pienaar het goeie reën vanaf 6 tot 11 Februarie in die somerreëngebied voorspel, met opvolgreën vanaf 21 Februarie. Dié neerslae gaan verseker ’n “bondel” reën wees, meen hy. WEERHAAN se kommentaar is: Sy voorspelling vir Januarie vanjaar was seker reg, afgesien van 50% van die voorspelling wat minivloede van 24 Januarie tot 31 Januarie voorspel het. Die reën het basies teen 25 Januarie opgehou. (Januarie: Reën van 10-17 Januarie. Afwisselende buie van 24-31 Januarie. Sterk moontlikheid van minivloede.) Dit wil ook nou voorkom of die sonvlekke nie meer ’n rol speel nie. ANDRÉ VAN DIE KAROO skryf: Genugtig, prof. Pienaar is ’n weerwaarnemer, nie ’n reënmaker nie. Prof. Pienaar, baie dankie vir u weerwaarnemings, ons heg groot waarde daaraan. En u voorspelling van minivloede was wel in die…

DIE nuutste weergawe van die onteieningswetsontwerp wat binnekort in die Parlement ter tafel gelê word, bevat steeds nie ’n duidelike definisie van eiendom nie. Die doel van die nuwe wet is om bestaande onteieningswetgewing in pas met die Grondwet te bring, en ook om die Regering in staat te stel om grond te kan onteien in die openbare belang. Voorsiening word ook gemaak dat eienaars wie se eiendom onteien word, hulle na die hof kan wend wanneer dispute rakende vergoeding voorkom. (Sien kassie hiernaas.) Ofskoon drie opposisiepartye, die DA, die UDM en die EFF, teen die huidige weergawe van die wet gekant is, het die portefeuljekomitee vir openbare werke sy komiteeverslag oor die wetsontwerp goedgekeur. Die wetsontwerp gebruik dieselfde definisie vir eiendom as artikel 25 van die Grondwet. Me. Anchen…

TERWYL die Aurora-mynskandaal steeds oor sy kop hang en hy binnekort daaroor vir ’n sekwestrasie-aansoek teen hom in die hof moet verskyn, is mnr. Yaseen Theba nou betrokke by een van die suksesvolste geldinsamelingpogings vir droogtehulp. Operasie Hydrate, met Theba as koördineerder, het ’n week gelede oor ’n tydperk van drie dae meer as R61miljoen ingesamel. Daarvan was R50 miljoen ’n skenking van die Nasionale Lotery, het me. Nomvula Mokonyane, Minister van Water en Sanitasie, bekend gemaak. Die geldinsamelingspoging is saam met die Nelson Mandela-stigting en Proudly South African gedoen. Volgens nog een van die koördineerders, die oud-radioman Yusuf Abramjee, sou sowat 25 vragmotors met ’n miljoen liter water die afgelope Vrydag na droogtegeteisterde gebiede in die Oos-Kaap, die noorde van KwaZulu-Natal en Noordwes vertrek het. “Die verspreiding van bottels…

NÁ die sukses van die Israeli Agri-seminare in die Oos-Kaap en Mpumalanga, gaan die Israelse ambassade binnekort een in die Wes-Kaap aanbied. Israel is ’n wêreldleier in vernuwing in die landbou, besproeiing en gewasverbouing in droë gebiede. Op die seminaar sal plaaslike sakeleiers en boere kans kry om meer oor nuwe Israeliese landbou-en waterbestuurtegnieke uit te vind. Die dag sal spesifiek op die Wes-Kaap klem lê. Sprekers sal onder meer oor besproeiing, akwakultuur, klimaatbeheer, kweekhuistegnologie, melk- en veeboerdery, gevorderde bemesting en bio-plaagbestryding praat. Verteenwoordigers van Israelse landboumaatskappye sal ook beskikbaar wees om mee te gesels. Die seminaar vind op 17 Februarie by die Lord Charles Hotel in Somerset-Wes plaas. Dit is gratis, maar belangstellendes moet vooraf registreer deur hul naam, ID-nommer en telefoonnommer na johannesburg@israeltrade.gov.il te stuur.…

Die intense droogte het ’n spoor van verwoesting in Suid-Afrika se weiveldstreke agtergelaat en dit gaan baie lank duur om daardie letsels uit te wis. Dit reën nie gras as ’n droogte opgehef word nie, hetsy ’n seisoenale of rampdroogte, soos die somerreëngebied nou ondervind. Na gelang van die res van die seisoen se reënval gaan die meeste veeboere eers weer in November of selfs later genoeg weiding vir hul diere hê. Om te vergoed vir die lae plantbedekking en oorbeweiding in sekere dele sal die grasplant weer van saad af moet ontwikkel en ontkiem. Dit sal dan ’n lang tyd duur om volwasse te word. Eers dan kan volhoubare produksie vanaf die veld verwag word. Besef dus dat die drakrag van ’n plaas nie dieselfde as voor die droogte…

Dit is noodsaaklik om, as dit moontlik is, nou weiding aan te plant om die moeilike wintertyd te oorbrug. Droëland-wintergewasse wat oorweeg kan word, is hawer, korog, rog en Japannese radys. Hierdie radyse is ’n baie onderskatte gewas. Dit kan in warmer dele in Februarie en Maart geplant word. In die meeste dele is die benuttingstyd ongelukkig beperk – van April tot Julie (die plantdatum is die bepalende faktor). In sekere gevalle kan dit wel tot in September benut word. Die gehalte begin egter al van begin Augustus afneem wanneer dit begin blom. Korog, hawer en rog word gewoonlik in die herfs geplant sodat dit weiding in die herfs, winter en vroeë lente kan verskaf. Na gelang van die boer se behoefte kan verskillende kultivars met korter of langer groeitye…

’n Droogte is ’n voortdurende tekort aan reënval met ’n gepaardgaande nadelige impak op die plantegroei en waterbronne. ■ Droogtes is deel van die normale klimaatsiklusse, hoewel die sikliese patrone en intensiteit daarvan nie akkuraat voorspel kan word nie. ■ ’n Droogte se impak hang af van die intensiteit, sowel as die duur van die gebrekkige reënval. ■ Die grootste deel van Suid-Afrika kry somerreën. Die meeste landbougewasse word dus vanaf Oktober tot Maart verbou. Wanneer reënval gedurende dié tydperk beduidend laer is, word damme nie hervul nie, weidings groei nie en oesverliese kom voor. ■ ’n Vermindering van 25% in die normale reënval word as ’n droogte beskou, maar selfs ’n tekort van 20% sal reeds tot watertekorte lei. ■ Die algemene tydsduur van ’n landboudroogte is wanneer die…

Hoe groot is die enjin? Die NS230 het ’n 230 cc-enjin wat ’n mengsel van loodvrye petrol en 2T-tweeslagolie gebruik. Wat is die lisensievereistes? Lisensievereistes sluit in ’n teoretiese toets, 35 kwalifiserende vlugte en ’n radiolisensie. Wat maak die Nirvana perfek vir plase? Die Nirvana het een skakelaar vir ’n elektroniese aansit/stop-meganisme wat die vlieënier die voordeel gee om ’n tweede landingspoging aan te wend ingeval die eerste ’n klein landingsarea kan oorskry of iets dergeliks voorval. (Onthou: Die enjin word afgeskakel voor jy land. Dit is een van die belangrikste veiligheidskenmerke van die Nirvana.) Tweedens laat die tegnologiese vooruitgang in vlerkontwikkeling ’n stadige opstyg- en landingspoed toe. Wat is die grootste voordeel vir die boer? Sonder twyfel die lae koste van sowat 3 liter brandstof per uur. Wat gebeur…

PLAASINLIGTING LIGGING: Worcester, Wes-Kaap PLAASNAAM: Oorkant Boerdery EIENAARSKAP:Oorkant-trust VERTAKKINGS: Tafeldruiwe GRONDTIPES: Klipensand GEMIDDELDE REËNVAL: 150mmtot200mmper jaar Beter grondbedekking is een van die grondbeginsels van bewaringsboerdery, maar daarmee saam is werktuie nodig wat dikwels vir die spesifieke taak aangepas moet word. By Oorkant Boerdery, ’n tafeldruifplaas in die De Wet-omgewing naby Worcester, het mnre. Etienne Naudé en Johniby Rabie, onderskeidelik die eienaar en plaasbestuurder, erns gemaak met die saai van dekgewasse in hul tafeldruifwingerd. Hulle plant hoofsaaklik korog en swarthawer, en het onlangs ook Nemat-roket as bioberoker geplant. Korog word teen 100 kg/ha oor die hele oppervlakte gesaai. DEKGEWASSE ONONTBEERLIK Die dekgewasse vervul ’n klomp funksies: Dit help om stof op die druiwe te beperk, bewaar vog in die grond, bou grondkoolstofvlakke, onderdruk onkruid (en beperk só die gebruik van onkruiddoders)…

DIEREVOEDING ULRICH MÜLLER IS DIT WINSGEWEND OM LAMMERS TE VOER? Ek voer bykans 500 lammers gelyktydig in ’n kraal. My voer kos my R3 000/t, dus R3/kg. Lammers vreet 2 kg/dag, hulle groei 300 g/dag, die koopprys is R30/kg en die verkoopprys R55/kg geslag. Die uitslagpersentasie is 45% droë gewig. Ons gee ’n Ralgrostimulant en bloednierinspuiting. Salarisse en ander koste beloop R5 000 per maand. Ons voer tussen 3045 dae na gelang van die aanvangsgewig. Ons lewer lammers nie volgens spesifieke hoeveelheid per week nie, maar wel volgens vetgraad (A2). Dit voel ek speel net gelyk of verloor. Tans is dit moeilik om lammers winsgewend te voer. Die pryse is nie reg nie, die slagprys te laag en die mielieprys te hoog. Van die aannames is moontlik aan die konserwatiewe…

Sy het in die boonste woonstel se venster gesit en afkyk op my waar ek voor die huis stilgehou het. Later het ek besef dat sy eintlik neergekyk het in ’n afwaartse rigting wat in die daaropvolgende maande ook ’n neerkyk in ’n opwaartse en gelyke rigting geraak het. Haar naam was Sam, gedoop Samantha, herdoop na Stuck-up. Ons verhaal begin toe Sam se eienaar my, ’n stadsbewoner, gevra het om te help tydens ’n Karoo-skou. Dis toe later uitgebrei na meer permanente hulp en selfs ’n huwelik. Nie ek of Sam het met daardie eerste af- en opkyk ooit gedink dat die kykery permanent sou word nie. As ek nou terugdink, was dit nie die kat wat weer kom nie, maar die vrou! Sy het later die aand doodluiters…

DIE Future Farmers-stigting, wat oor die afgelope dekade reeds meer as 500 jong landboustudente gehelp het om internskappe op plase in Suid-Afrika én die buiteland te kry, het ’n welkome R12 miljoen van AgriSeta (die landbou se sektorale onderwysen opleidingsowerheid) ontvang. Volgens me Judy Stuart, die stigter van die stigting, is dit meer geld as wat die stigting altesaam oor die afgelope dekade gehad het. “Future Farmers se model is geskoei op ’n tweejaar-internskap in Suid-Afrika en dan ’n jaar se werk oorsee. Ons werk meestal met matrikulante. Die studente kry ’n minimum loon tydens hul internskappe en ’n mededingende salaris as hulle oorsee werk. Die finansiering het tot nou toe van boere, boeregemeenskappe, kleiner borgskappe en die studente self gekom. “Die skenking van AgriSeta vereis dat ons 100 studente…

GOEIE JAAR VIR GROENTEBOERE MARKAGENTE meen vanjaar sal groenteboere, soos by ander produkte, deur vraag en aanbod bevoordeel word. Volgens Absa se vooruitskouing vir groente kan die uiterste produksietoestande, wat gewissel het van baie droog, hittegolftoestande en die daaropvolgende nat toestande, daartoe bydra dat die voorsiening van groente deur die jaar onder druk gaan bly. Dít sal hoër pryse op markte tot gevolg hê. Die reën van die afgelope tyd het die voorsiening van uie in verskeie gebiede in die wiele gery met die gevolglike verwagting van hoër pryse. Dieselfde geld aartappels en tamaties. In die geval van kropslaai het die ongunstige produksietoestande die prys in Desember tot middel Januarie tot sowat R17 per kop laat styg. Mnr. Carel Reigel, ’n markagent vir Wenpro, sê die lae aanbod van kropslaai…

GAUTENG CARLETONVILLE SLUIS (46), 24 ha, aan Spiral-boerdery (Edms.) Bpk., van H.S. Breytenbach, R2 000 000. NIGEL DRIEFONTEIN (87), 15 ha, aan Centurion Gold Holdings (Edms.) Bpk., van Witwatersrand Gold Mining Realisationtrust, R2 500 000. STERKFONTEIN (424), 120 ha, aan Bothongo Agriculture G.P. (Edms.) Bpk., van Van Heerden-familietrust, R10 580 000. WITFONTEIN (15), 28 ha, aan Witfontein X 28-ontwikkeling (Edms.) Bpk., van Hunkydory Inv. 201 (Edms.) Bpk., R7 000 000. WITFONTEIN (15), 65 ha, aan Witfontein X 28-ontwikkeling (Edms.) Bpk., van Hunkydory Inv. 201 (Edms.) Bpk., R30 666 666. (R471 794/ha) WITFONTEIN (15), 28 ha, aan J.T. Ross Prop. (Edms.) Bpk., van Witfontein X 28-ontwikkeling (Edms.) Bpk., R110 492 533. (R3 946 161/ha) BEERLAAGTE (494), 25 ha; GROOTVLEI (453), 514 ha; LEEUWSPRUIT (606), 282 ha; en RIETFONTEIN (639), 743 ha;…

AlhetdieuitvoervanPersiese skapeverledejaarnadieVerenigdeArabieseEmirate( VAE)afgeplatteenoordievorigejaar, ismnr. KobusLotter,voorsittervandie Suid-AfrikaansePersie-telersgenootskap, steedsoptimistiesoor dievooruitsigtevandiéras. “DievraaguitArabiëisnieso grootsoosin2014nie,maarons gloditgouweersalvlamvat.Die AustraliesePersiegenootskap hetdieplaaslikegenootskaponlangsgenaderomuittevindwat dieSuid-Afrikaanserasstandaardeis. DieAustraliërsbeginook nouleweblaasinhuleieteelmateriaal. HopelikkanAustraliëin ’nmarkvirSuid-AfrikaansePersiesontaardasdiegrensenetkan oopmaak,”sêLotter. Daarsalvanjaar,netsoosverledejaar, nie’nnasionaleveiling virdiePersie-skapeweesnie.Die genootskapreëlwel’nnasionale skouopCradockinOktober. Champ,’nrooiSkilder-Persieramvanmnr. GerrieFerreira vandieChandelier-wildplaasby Oudtshoorn,isverledejaarteen ’nrekordprysvanR160000aan ’nsindikaatindieVAEverkoop. PersiesisgesogindieMidde-Oostevanweëhulvetsterteenaanpasbaarheidindiedroëklimaat.…

Klimaatsverandering is ’n wêreldwye probleem, maar streeksgebonde maatreëls is nodig om die impak daarvan te verminder, skryf prof. Mike Muller, ’n siviele ingenieur en voormalige direkteur-generaal van Waterwese. Suider-Afrikaanse lande moet oorweeg hoe om hul belange te beskerm namate ekonomiese groei en welvaart ál meer bedreig word. Vat, byvoorbeeld, die idee van ’n reuse aërosol-skerm oor Suider-Afrika. Tydens die onlangse hittegolf sou dit wonderlik gewees het. Dit kon lewens gered het en daar sou minder verdamping uit damme gewees het, wat die impak van die huidige droogte sou verminder. Gewasse en lewende hawe sou beter gevaar het. Om ’n globale aërosol-skerm op te rig, is haalbaar, nie ’n droom nie. Dit is reeds bewys as ’n opsie vir Kalifornië. Maar in ordentlike wetenskaplike of beleidsgesprekke word dit vermy, want dit…

ARTIKELS & RUBRIEKE ■ Nou bedreig uraan die Karoo ■ Droogtehulp: Manna uit die hemel ■ Droogte: Herstel gaan tyd verg ■ Ayrshire van die toekoms in wording ■ Antieke graan laat organiese som klop ■ Lonende markte wink vir laat appelkose ■ Boereplan: Nuttige fynsaadplanter uit afvalmetaal gebou GESIN ■ Boerekos: Wat eet ons vanaand? ■ Klein voëltjies, groot toekoms…

Die wildboer MNR. EUGENE CUSSONS van Mbombela (Nelspruit) span gemotoriseerde sweeftuie in in die stryd teen renosterstropery. Dié tuie is ook nuttig om onder meer wild te tel. Lees die artikel op bl. 48. VERTEL ONS VAN JOU GESIN. Drie geslagte van die Cussonsgesin bly al op die Cussonia-trust se Umhloti-natuurreservaat. My oupa, John William Cussons, was die eerste geslag Cussons wat hom in Nelspruit gevestig het en het die plaas gekoop. Die landbou was nie suksesvol nie, maar wild het floreer. My pa, Eugene sr., was ’n legende in die Laeveld vir sy aanjaag van wild met sy MD500-turbine-aangedrewe helikopter. Ek het saam met my pa die Chimp Eden Sanctuary begin. WAAR EN WAT HET JY GESTUDEER? Ekonomie aan die Universiteit van Pretoria. WAAR HOU JY VAKANSIE? Mosambiek. Ek…

DIE mark wou maar net nie vat kry aan die Nasionale Oesskattingskomitee se verrassende eerste skatting van hektare onder mielies en mielieverbouing nie. Dié raming, van ’n verwagte nasionale mielieoes van 7,4 miljoen ton, was heelwat hoër as die meeste ontleders se skatting. Party meen dit behoort 5,5 miljoen ton te wees. Die skatting is weens die droogte met ’n maand vervroeg en het die witmielieprys aanvanklik skerp laat daal. Maar ’n dag later het dit weer begin herstel. ’n Dag ná die skatting het die Safexprys vir wit mielies met R180/t tot R4 820/t gedaal en die Juliekontrak met R120/t tot R4 643/t. VERBY R5 000 Teen middel verlede week was die naaste maandkontrak reeds net verby R5 000/t en die Juliekontrak het op R4 865/t gestaan. Graan SA…

DIE Bjatladi-gemeenskap gaan hul bestuursvennote in die sitruslandgoed Zebediela buite Mokopane uitkoop ná ’n verlammende twis, wat kriminele klagte en ’n siviele hofgeding ingesluit het. Dié twis het die onderneming R12,5 miljoen gekos. Die gemeenskap het die landgoed in 1999 ná ’n grondeis bekom. Die onderneming Henley Farming Property (HFP) bestuur al sedert 2000 sitrusverbouing op die landgoed. In 2003 het HFP en die Bjatladi ’n 15 jaar-bestuurskontrak aangegaan. Volgens mnr. Charles Boyes van HFP was die verhouding tussen hulle en die Bjatladi aanvanklik goed, maar dit het gaandeweg verbrokkel tot op die punt waar bedrywighede verlede jaar tydens die oestyd tot stilstand gedwing is. Die gemeenskap het die bestuurspan uit die boorde en pakhuise gesluit op die besigste tyd van die uitvoertyd. BEDROGKLAGTE Daar is toe besluit om meer…

HUURARBEIDERS met grondeise sal tot minstens aanstaande maand moet wag om te hoor of hul volgende salvo in ’n jare lange stryd met die Departement van Landelike Ontwikkeling en Grondhervorming suksesvol is. Die Association for Rural Advancement (Afra) doen namens 19 000 huurarbeiders by die Grondeisehof in Randburg aansoek dat ’n “spesiale meester” aangestel word om toesig te hou dat die departement hul 15 jaar oue grondeise afhandel. Dit is die nuutste ontwikkeling in Afra se stryd om die departement so ver te kry om die eise te verwerk. Van die sowat 22 000 eise wat aanvanklik ingedien is, is min afgehandel en volgens me. Laurel Oettle, direkteur van Afra, lyk dit boonop of van die eise weggeraak het. Kragtens ’n vorige hofbevel wat Afra teen die departement bekom het,…

DIE hernieude uitbreking van brucellose in die George-omgewing kan rampspoedig wees vir Suid-Kaapse beesboere. Volgens dr. Edwin Dyason, staatsveearts in George, was daar verlede week sowat 1 200 bevestigde gevalle van brucellose in dié gebied. Daar is vroeër berig sowat 2 000 beeste ly aan die siekte. Dyason meen dié raming is te hoog, maar omtrent alle beeste in die streek loop gevaar om die siekte op te doen. Brucellose is in Mei 2014 in ’n kudde op ’n plaas buite George gediagnoseer en het 700 tot 800 melkbeeste besmet. Daar was verlede November ’n nuwe uitbreking op ’n aangrensende plaas by Hoekwil. Ná die eerste uitbreking in 2014 was daar twee geïsoleerde gevalle waar beeste op twee ander plase ook positief getoets het, maar alle diere op dié plase…

DIE BYDRAE wat besproeiing tot die totale mielieproduksie lewer, is groter as wat ’n mens besef. Die aantal hektaar wat onder besproeiing gelys is, het oor die afgelope 20 jaar baie min uitgebrei. Die totale aantal hektaar wat vir landboudoeleindes geregistreer is, beloop 613 063 ha. Die totale geregistreerde waterverbruik vir die landbou beloop 5 343 250 517 m³, of gemiddeld 872 mm/ha. Produksiemetodes, kultivars en die doeltreffendheid van besproeiingstelsels het met verloop van tyd aansienlik verbeter. Daar kan dus vandag gewasse op meer hektare as voorheen met dieselfde geregistreerde hoeveelheid water verbou word. GEWASSE Die droogtegeteisterde Vrystaat en Noordwes beskik oor 51% van die land se hektare onder besproeiing. Dit sluit alle permanente en eenjarige gewasse in. Verlede jaar het die totale aantal hektare (droëland en besproeiing) onder graan-…

’n Wetenskaplik gegronde weidingstelsel waarsku ’n boer vroegtydig sodat hy betyds diere verminder. Dissipline moet aan die dag gelê word om vee nie vroeër na ’n volgende kamp of stel kampe te skuif as die tydperk wat daaraan toegeken is nie. In so ’n geval beteken dit net dat te veel diere op die plaas aangehou word en dan word die probleem van voertekorte net aangeskuif. Daar is wel suksesverhale van veeboere wat met ’n wetenskaplike weidingstelsel die rampdroogte suksesvol kon bestuur. Hou altyd by ’n veebelading in ooreenstemming met die veldtoestand, en dus die veld se weidingskapasiteit, en maak deurentyd aanpassings volgens reënval. Veld in ’n goeie toestand kan net met optimale weiveldbestuur op lang termyn behaal word, en hierdie veld se weerstand teen droogtes is baie hoër. Hoe…

1. Mnr. Gerhard Schmidt (37), boer van Kleinfontein, Dordrecht “Die jaar 2013 was eintlik vir my moeiliker omdat dit droër was toe die ooie in Oktober gelam het. Ek het toe 400 minder lammers gespeen. My grootste probleem is om nou groenvoer te vestig om my lammers teen einde Junie af te rond. Gelukkig verkoop ek nou eers my skeersel. Ek het so gehoop pres. Jacob Zuma wou mnr. Pravin Gordhan, huidige Minister van Finansies, ook fire voor my wol op die mark kom. As ons boere nou pessimisties raak, gaan die banke ons plase vat nog vóór mnr. Julius Malema, EFF-leier, sy hande daarop kan lê.” 2. Mnr. Jan Aucamp (76), boer van Nooitgedacht, Molteno Jan, wat al 55 jaar lank boer, meen die huidige droogte kom nie naby…

MNR. EUGENE CUSSONS WAT IS DIE BESTE BOERDERYBESLUIT WAT JY AL GENEEM HET? Om ’n Nirvana-valskermsweeftuig aan te skaf. Dit bied my die voordeel om daagliks die plaas uit die lug te sien en om die regte tegnieke te gebruik om die ekostelsel in balans te hou. Die bergagtige terrein van die reservaat belemmer sommige take, soos om sekere wildsoorte te monitor. WAT IS DIE BESTE RAAD WAT JY AL GEKRY HET? Dat ekostelselbestuur van die uiterste belang is en dat jou voortdurende teenwoordigheid benodig word. WAT IS DIE GROOTSTE BESTUURSFOUT WAT JY GEMAAK HET? Om nie bedreigende faktore betyds te identifiseer nie. Dit het tot groot skade by kalwergetalle gelei. WAT IS JOU GROOTSTE PROBLEME TEN OPSIGTE VAN RESERVAATBESTUUR? Toeganklikheid tot al die dele van die reservaat om wild…

R895 per stel KAMASTE VERMY SLANGBYTE Die African Snakebite Institute het kamaste teen slangbyt vir plaaslike toestande ontwikkel. Dit is ideaal vir boere, jagters en hengelaars. Die kamaste strek van die enkel tot net onder die knie en het drie verstelbare Velcrobandjies. Die kamaste bestaan uit twee lae swaardiensseil met ’n derde binnelaag, ook van seildoek. Die kamaste is op verskeie Suider-Afrikaanse slangsoorte getoets, waaronder die pofadder, swartmamba, boskobra, wipneuskobra en rinkhals. Nie een van hierdie soorte kon deur die kamaste dring nie. Prys: R895 per stel. NAVRAE: Mnr. Johan Marais, e-pos: johan@africansnakebiteinstitute.com. SNOEISKÊR VEELSYDIGE SKÊR BESTAND TEEN ROES Die kombinasie van ’n getande én ’n vlymskerp lem keer dat die Barracudaskêr glip. Dit is ook só ontwerp dat die skêr homself slyp terwyl jy dit gebruik. Dit is aanvanklik…

VOEDING FAFFA MALAN Ons bly op Bethlehem en het lusernbale vir ons skape gegee. Die bale kom van die Bosveld (Baltimore) af en daar is ’n geel blommetjie wat my bekommer. Ons het net drie bale vir 250 skape versprei en binne 30 uur het daar al 16 ooie gevrek. Watter soort vergiftiging is dit? Dis ons enigste voer. Ek het twee ooie deur ons plaaslike veearts laat ondersoek. Hy kon geen dermvergiftiging sien nie, behalwe dat albei vol water in die buik, asook longe is. Van die ooie het binne ’n halfuur gevrek, en as jy haar iets probeer ingee, het sy onmiddellik gevrek. Al die ooie verwag tweelinge. Die plant is die wildesonneblom (Verbesina encelioides), ’n lid van die Asteraceae-familie, vroeër Compositae genoem. In die volksmond het dit…

Willowmore is sinoniem met sybokhaar-produksie, maar dié dorpie bied besoekers baie meer as dit. LIGGING Willowmore, Oos-Kaap Bokhaar bo! Annette Oelofse Natural Fibre Collections verkoop bokhaar- en ’n verskeidenheid ander natuurlike veselprodukte. Die winkel het ook ingemaakte produkte, handwerk en kunsvlyt op haar winkelrakke. Web: www.mohairblanket.co.za. Die donkie is ’n wonderlike ding: Skuins voor Annette se winkel in die hoofstraat staan ’n bespanne donkiekar, reg om toeriste op ’n dorpstoer te neem. Geen Van der Merwe-grap: Me. Sophia van der Merwe se winkel, Sophie’s Choice, is ’n eetplek en antiekwinkel met ’n lekker atmosfeer. Belly Deli, een van haar man, Pepi, se verskeie ondernemings op die dorp, is langsaan. Daar word goeie wyn, ingemaakte produkte en kouevleise verkoop. Pepi se dogter, El-Anne Smith, is aan die stuur van The Willow-gastehuis,…

SOUT VAN DIE AARDE ANGUS BUCHAN Sout is een van die belangrikste kommoditeite vir die mens. Volgens die mediese wetenskap kan die mens nie sonder sout in sy liggaam leef nie. In die Middeleeue was daar selfs oorloë oor sout. Dit was só waardevol dat dit as ’n vorm van valuta gebruik is, nes goud vandag. Het jy al vleis sonder sout geëet? Dit proe onsmaaklik. Mieliepap sonder sout is nóg erger. Die Here Jesus Christus sê gelowiges is soos sout. Lukas 14:34-35 stel dit duidelik: “Sout is ’n goeie ding. Maar as sout verslaan het, waarmee sal dit weer sout gemaak word? Dit is nie eens bruikbaar vir die grond of vir die mishoop nie. Hulle gooi dit buitekant weg. Wie ore het om te hoor, moet luister!” Wanneer…

BEK-EN-KLOUSEER wat in die eerste week van Desember in die munisipale gebied van Thulamela teen die Zimbabwe-grens van Limpopo uitgebreek het, is onder beheer, sê dr. Lucas Mampane, direkteur van die staat se veeartsenydiens in Limpopo. Die eerste bees in die gebied wat op 7 Desember positief vir beken-klouseer getoets het, is uit die Matiane-gemeenskap. Mampane sê beeste uit vier nedersettings in die omgewing is nou almal teen die siekte ingeënt. Die laaste dier is op 30 Desember positief getoets vir bek-en-klouseer. Beheermaatreëls in die beheergebied, wat ’n strook van 10 km tot 20 km langs Suid-Afrika se noordelike grens beslaan, vereis dat daar elke 28 dae vir bek-enklouseer getoets word. Daar moet elke 14 dae in die buffersone langs die Krugerwildtuin se westelike en suidelike grense daarvoor getoets word.…

DIE nederige dog voedsame eier gaan danksy hulp van Kanadese eierboere ’n verskil in die lewe van weeskinders in Swaziland maak. Die Kanadese eierboerorganisasie het met steun van die Internasionale Eierstigting (IEF) die humanitêre organisasie Heart for Africa gehelp om ’n eierboerdery by sy ontwikkelingsprojek Canaan te begin. Die eerste groep lêhenne is verlede maand by Projek Canaan afgelewer, sê die IEF in ’n verklaring. Die eiers wat daar gelewer gaan word, sal gebruik word vir Heart for Africa se voedingsprojek wat reeds deur ’n netwerk van kerke 74 000 handverpakte maaltye per maand aan plattelandse gemeenskappe bring. As deel van die eierprojek word personeel van Heart for Africa en lede van die gemeenskap in boerderypraktyke opgelei sodat die eierbedrywighede op lang termyn volhoubaar kan wees. Die IEF sê ’n…

DALK TE MIN SOETRISSIES DIT is nie net groot bedrywe, soos graan en vee, wat swaar kry weens die droogte nie. Selfs ’n klein nisbedryf, soos soet pikantrissies, wat onder die handelsnaam Peppadew bemark word, voel die nadelige invloed van die droogte. Mnr. Wikus Joubert, landbouvoorligter wat met die onderskeie kontrakkwekers skakel, sê dit is nou oestyd indien die droogte en die hitte dit gaan toelaat. Hulle verwag dat die vruggies vanjaar ietwat kleiner gaan wees. “Danksy die groei in die mark word voortdurend na meer kwekers gesoek. Ten spyte van uitgebreide aanplantings vanjaar (om vir die droogte voorsiening te maak) gaan dit moeilik wees om in die behoefte van ’n groeiende mark te voorsien. Die groter aanvraag dui daarop dat die gewildheid bestendig toeneem.” Peppadew International verwerk die rissies…

ALGEMEEN 1 SEPTEMBER 2015-29 FEBRUARIE: Gabriëlskloof se kosblik-ervaring. Gabriëlskloof-landgoed, Botrivier. Tel. 028 284 9865 of e-pos: restaurant@gabrielskloof.co.za. 2 MAART: Broodsnyersplaasboerevereniging se Groendag. Plaas Roodepoort van Sancorboerdery. 10:00. R50 hekgeld ten bate van Agri SA Rampfonds. Sel 082 490 8912, e-pos: jannie schoeman.sancor@gmail.com. 16 MAART: Bonsmara-genootskap SA se Rooi Geleentheid. Afridome, Parys. Tel. 051 448 6084; e-pos: marketing@bonsmara.co.za. 18-19 MAART: Plaaskultuurfees, demonstrasies van antieke landboutoerusting, bees- en skaapstoetery-uitstalling. Clocolan. Valencia, sel 082 775 1675, e-pos: vpieterse@vodamail.co.za. 30 APRIL-2 MEI: Agri-Expo Kaasfees, Sandringham, Porchia Adams, tel 021 975 4440, sel 082 441 2510. Agri-Expo, tel. 021 975 4440; e-pos: admin@agriexpo.co.za; Yolandi de Wet, sel 082 772 7519. Web: www.cheesefestival.co.za. BOEREDAE 8 MAART: MPO Wes-Kaap. George, Tramonto. Chanelle Steenekamp; sel 076 774 1284; faks 086 607 4800; e-pos: chanelle@mpo.co.za. 9 MAART: MPO Wes-Kaap.…