Innholdsfortegnelse for 29 May 2015 i Landbouweekblad

DIESELPRYS STYG Boere sal vanaf Junie hul hand dieper in die beursie moet steek. Volgens die Automobiel-Assosiasie (AA) kan diesel glo met tussen 52c/l en 56c/l styg en petrol met tussen 48c/l en 52c/l. Hoewel die wisselkoers taamlik bestendig is, word dié toename aangedryf deur die styging in internasionale brandstofpryse, sê die AA. – The Citizen BOERE KRY NGUNI’S ’n Nguni-teelprogram vir swart boere is onlangs in Gauteng begin. Die program wil die Nguni-beesras in swart boerderygemeenskappe hervestig en op lang termyn ’n internasionale nismark vir Nguni-produkte help ontwikkel. Tien boere is vir dié projek gekies en het elkeen 31 Nguni-beeste ontvang. Ná vyf jaar moet hulle weer 31 beeste aan die finansiers teruggee. Die program, waarin reeds R2,1 miljoen belê is, is ’n inisiatief van die Gautengse departement van…

Die herstel van die onderlinge vertroue tussen boere en die staat is van kritieke belang, sê Rapport se redakteur in sy rubriek, Wag ’n bietjie, in die bylae Weekliks. Sonder vertroue sal beleidsekerheid ontbreek en sonder beleidsekerheid sal die krane van private beleggings in tegnologie en infrastruktuur wat so nodig vir ’n florerende landbousektor is, opdroog. Hy sê daar is geen twyfel nie dat produksie sal afneem, kospryse sal opskiet en voedseltekorte verbruikers se voorland sal wees as die Regering die toekoms sien in meestal kleinboere wat op klein lappies grond bestaansboerderye bedryf. Dis ’n kortpad na politieke onstabiliteit. Arm mense, wat ’n groter deel van hul inkomste aan kos bestee, sal die ergste ly. Die georganiseerde landbou is polities geïsoleer, word gereeld deur glimlaggende ministers “gunstig ontvang” en dan…

ARTIKELS & RUBRIEKE ■ Verbeter weiding in bergsuurveld ■ Geesdrif vir goeie beesvleis laat rande inrol ■ Mengsel peulgewasse haal moeite uit weiding ■ Is die gras regtig groener doer onder? ■ Gooi weg die skokstok ■ Boereplan: Slim hamermeul kos min GESIN ■ Bakkompetisie: Hier is ons wenners! VLEISBEESTE DieWagyu-beesstaannievoorindiekoorasditbyvoorkomskomnie, maarsyvleisissógesogdatSuid-Afrikaansebelangstellingindiéras vinnigtoeneem. TotR950/kgvirvleisenR100/kgvirburgerfrikkadellesimmersnieteversmaainie. Onsbesoekmnr. BrianAngusvan ArlingtonomoorsyWagyu-vertakkingtegesels.…

DIE Regering het ’n beroep op oliemaatskappye gedoen om te help met die voorgestelde subsidie-en-prysraamwerk vir die biobrandstofbedryf. Me. Tina Joemat-Pettersson, Minister van Energie, het hierdie beroep op ’n netwerksessie gedoen nadat sy haar begrotingsrede gelewer het. In 2012 is reeds aangekondig dat die inmeng van 2% bio-etanol en biodiesel by onderskeidelik petrol en diesel vanaf Oktober vanjaar verpligtend sal raak. Met uiters belangrike regulasies wat nog nie gefinaliseer is nie, blyk dit dat hierdie teiken nie gehaal sal word nie. ‘Die Regering besef duidelike beleid, regulasies en aansporings is ’n voorvereiste vir die ontwikkeling van die biobrandstofbedryf.’ Joemat-Pettersson het in haar begrotingsrede gesê daar moet nou na die kommer oor die subsidie-modelle gekyk word en watter risiko’s dit vir die fiskus en voedselsekerheid inhou. “Die hersieningsproses is onderweg, wat…

IS DAAR NOG PLEK VIR ’N LANDBOUSKOU IN PRETORIA? Beslis! Die grootste konsentrasie boere is hier in die noordelike dele van Suid-Afrika. Ons moet dié boere en hul werk blootstelling gee, want sonder hulle het ons nie kos nie. Ons gaan aan die publiek die hele produksielyn wys – van die plaas af, deur die verwerkingsproses tot waar die produkte op hul borde land. WAT’S NUUT VANJAAR? Daar is talle nuwe bedrywighede. Een is ’n wêreldrekordpoging om die grootste toring tot nog toe met kolwyntjies te bou. Ons het meer as 30 000 nodig om die wêreldrekord te verbeter en ons vra almal om koek te skenk. Dit sal ná die tyd aan kinders by die skou en kinderhuise uitgedeel word. Dan is daar ’n kompetisie vir studente van die…

DIE verpligte gemeenskapsdiensjaar vir veeartse wat al vir jare dreig, het nou ’n werklikheid geword. Volgens prof. Linda van Ryneveld, direkteur van onderrig en leer by die fakulteit veeartsenykunde by Onderstepoort, is hierdie diensjaar verlede maand deur die Departement van Landbou, Bosbou en Visserye per e-pos aan die Onderstepoortkampus bevestig. “Vanjaar se finalejaarstudente sal volgende jaar die eerste klas gegradueerdes wees wat hierdie verpligte diensjaar meemaak.” Volgens ’n finalejaarstudent, wat anoniem wil bly, is dit ’n uitstekende geleentheid om ’n bydrae tot nasionale kuddes te lewer. “Ons sal moontlik na afgeleë gebiede uitgeplaas word waar daar voorheen nie toegang tot veeartsenydienste was nie. Vir arm, landelike mense is die verlies van enkele diere ’n enorme terugslag en ons kan hierdie situasie verbeter. “Dit is vir ons ’n geleentheid om ’n…

DIE private sektor, wat die georganiseerde landbou, banke en landbou-ondernemings insluit, moet saam sê waarheen hulle nié bereid is om te gaan met grondhervorming nie. Mnr. Brienne van der Walt, hoof van Absa Agribesigheid, het op die Nampo-Oesdag gesê die Regering moenie toegelaat word om te verdeel en heers nie. Hy sê die georganiseerde landbou se voorstel is soortgelyk aan die een wat banke, saam met landbou-ondernemings, onder die vaandel van die Bankvereniging van SA (BVSA) gemaak het. Die voorstelle bestaan uit twee dele: Die beginsels en die proses. “Die beginsels is dat daar nie met grondwaardes en die vrye mark ingemeng moet word nie. Tweedens moet deelname vrywillig wees en in die derde plek mag daar geen grondplafonne wees nie.” Hy sê oor die proses word verwag dat daar…

DIE teel van kleurvariante en skaars wildsoorte in klein kampies het weer onder skoot gekom toe ’n groep joernaliste onlangs na die Carl Zeiss-fabriek in Duitsland getoer het. Mnr. Koos Barnard, redakteur van die SA Jagters- en Wildbewaringsvereniging se tydskrif, SA Jagter/Hunter, sê hy is deur buitelandse joernaliste voor stok gekry en gepeper met vrae oor Suid-Afrika se “mak bokke” en wild in “klein kampies”. Barnard sê baie van die stuk of 40 joernaliste het hulle sterk uitgespreek teen huidige boerderypraktyke in Suid-Afrika en ook teen sogenaamde “geblikte leeujag”. “Hulle skeer ons wild oor dieselfde kam as ons leeus en sê hulle sal Suid-Afrika as jagbestemming vermy. Hulle wil nie mak diere kom jag nie en beskou boonop ons kleurvariante as onnatuurlik,” vertel hy. Barnard sê hy het intussen met…

Die gewildheid van bamboes as kommersiële gewas neem wêreldwyd toe vanweë die hoë vraag na hout en tekorte aan tradisionele houtbronne, sê me. Susan Canavan, ’n ekoloog aan die Universiteit Stellenbosch. Sy het ontdek dié gewas het ook ’n eg Suid-Afrikaanse spoor en ondersoek nou vir haar meestersgraad die potensiaal vir die vestiging van ’n plaaslike kommersiële bamboesbedryf. Die eerste stap is om die geskiedenis en verspreiding van bamboes landwyd te bepaal en sy vra boere en ander grondeienaars se hulp daarmee. “Hoe dieper ’n mens delf, hoe meer ontdek jy dat Suid-Afrika ’n lang en interessante geskiedenis met bamboes het. Ek het by ’n paar historiese plase in die Vrystaat gaan inloer en gevind dat daar opvallende bosse bamboes naby die meeste plaashuise groei.” Die vroegste bamboesaanplanting in Suid-Afrika…

Die aankondiging deur mnr. Gugile Nkwinti, Minister van Landelike Ontwikkeling en Grondhervorming, dat die Regering beoog om grondplafonne in te stel, het gemengde gevoelens by baie boere ontlok. Daar is diegene wat op grond van ekonomiese beginsels daarteen gekant is. Daar is ook ’n magdom onpraktiese reëlings met betrekking tot die voorgestelde planne van 1 000 ha en kleiner, 2 500 ha en kleiner en dan 2 500 ha tot 5 000 ha. Hoe op aarde dit toegepas gaan word, gaan normale denke te bowe. Die debatte daaroor is al baie gevoer en dit bly onwerkbaar. Dan is daar diegene wat vra of die era van die mediumgrootte of kleiner boer dalk aangebreek het. Indien dit regeringsbeleid is om skaalekonomie horisontaal te beperk, gegrond op oppervlakte, sal daar ’n verandering…

cvanrooy@landbou.com Baie veeboere moet hul veld gereeld brand as hulle in ’n streek met suurveld is, aangesien sulke gebiede ook met hoë reënval in die somer en baie koue in die winter gepaardgaan. In die somer groei die veldgrasse fluks, maar as die winterkoue toeslaan, word die grasse wat nog nie opgevreet is nie, grotendeels nutteloos. Mettertyd vorm die ou grasse ’n dik laag op die grond wat nikswerd vir die vee is. Dit is dan wanneer die boere die veld aan die brand steek om van daardie ou, dooie grasse ontslae te raak. Mnr. Christopher Sparks van Harrismith gebruik egter twee beesrasse met verskillende weigewoontes om sy weiding doeltreffend te benut. Hy het sowat 240 vroulike Brangusse en 60 Ngunikoeie in sy boerdery, Mount Olive Genetics. PLAASINLIGTING LIGGING: Harrismith,…

johan.vandermerwe@landbou.com Nuwe sojaboonkultivars wat mnr. Patrys Lubbe van Agriocare by Newcastle in KwaZulu-Natal geteel het, is op ’n boeredag daar bekend gestel. Dié kultivars toon potensiaal om selfs beter te presteer as dié wat reeds die laaste tyd in die westelike deel van die somersaaigebied verbou word. Mnr. Petrus Roux van Hoopstad is een van ’n groep boere uit sy omgewing wat die dag bygewoon het. Hy sê hy het vyf jaar gelede met sojabone begin boer nadat hy in die verlede net mielies geplant het. “Die ewig stygende produksiekoste van mielieboerdery maak dit byna onmoontlik om kop bo water te hou. Sojabone het vir ons ’n vakansie van al die koste gebring. As jy ’n goeie stand kan verseker, onkruid deeglik bestry het, die bone geënt en entstof in…

Die Oesskattingskomitee het einde April die derde skatting vir somergewasse bekend gemaak. Die vernaamste produkte onder die somergewasse is mielies, sonneblomme, sojabone en graansorghum. As dié skatting vergelyk word met vorige jare, kry ’n mens ’n goeie aanduiding van wat die gevolge van die droogte op die huidige oes is. Mielies is die gewas waarvan verreweg die meeste geproduseer word. Volgens die komitee word ’n mielie-oes van sowat 9,763 miljoen ton vanjaar verwag. Dit is ’n afname van sowat een derde van laas jaar se oes van 14,3 miljoen ton. Maar hoe vergelyk dit met die afgelope tien jaar? Uit GRAFIEK 1 is die eerste wat ’n mens opval dat die droogte wél ’n groot uitwerking op die huidige oes het, maar dat die huidige seisoen nie die swakste die…

NOG NAMPO WERKTUIE Wees in die volgende paar weke op die uitkyk vir meer werktuie wat op die Nampo-Oesdag vertoon is.…

KYKNET SE WACKY WINE-NAWEEK 4-7 JUNIE 2015 ROBERTSON-WYNVALLEI, WES-KAAP Die naweek lange wynfees, wat vanjaar sy 12de bestaansjaar vier, word elke jaar net groter en beter. Nie eens die moontlikheid van koue weer en reën kan feesgangers se geesdrif demp nie en skares mense sak jaarliks op Robertson en omstreke toe om te kom feesvier, musiek luister, eet en wyn proe. Dis ’n naweek waarin niemand verveeld sal wees nie — daar is oorgenoeg om te doen en beleef vir oud en jonk. NAVRAE: www.wackywineweekend.com vir meer inligting oor wat wanneer op watter plaas aangebied word of om die volledige feesprogram af te laai. BANTING-KOSMARK SATERDAG, 6 JUNIE 2015 (EN DIE EERSTE SATERDAG VAN ELKE MAAND) NASIONALE BOTANIESE TUINE, PRETORIA As jy al die naam Tim Noakes gehoor het, sal…

Die politiek en die landbou is nie altyd pasmaats nie, maar die opbouende invloed van mnr. Cyril Xaba, LUR vir landbou in KwaZulu-Natal, bied ’n sprankie hoop in ’n donker tyd, sê mnr. Mike Black, voorsitter van Kwanalu. Cyril het in die afgelope jaar herhaaldelik beklemtoon dat die landbou tegelyk ’n wetenskap en ’n besigheid is. Volgens die webwerf van die provinsie se departement van landbou en landelike ontwikkeling meen Xaba ’n goeie sakemodel, wat die kundigheid en ervaring van huidige boere betrek, is die enigste manier waarop grondhervorming en bemagtigingsprojekte suksesvol en volhoubaar deurgevoer kan word. Om die daad by die woord te voeg, het Cyril se departement reeds, volgens die webwerf, met Graan SA en die Suid-Afrikaanse Suikervereniging in vennootskappe in die provinsie betrokke geraak om hierdie sakemodelle…

Cara Coertze (née Bakkes) is die dogter van die skrywer en avonturier C. Johan Bakkes. Maar op haar eie is Cara nie een wat sal terugstaan vir ’n avontuur van haar eie nie. Dit is immers hoe haar pa haar grootgemaak het. “ ’n Mens ontdek jouself op die lang reis van die lewe, maar ek is ’n omgeemens,” verduidelik sy. Sy put heelwat genot daaruit om vir ander mense plesier te kan verskaf en hulle te help om agter te kom wat vir hulle lekker is. WIE IS CARA? “Ek is avontuurlustig en hou baie van die natuur, diere en kinders. Ek geniet dit die meeste as ek en my man, Johan Coertze, Bosveld toe ry. Dan is ek sielsgelukkig. Dit is seker hoekom ek myself in die toerismebedryf…

Dr. Bart Lombard (78) wat verantwoordelik was vir die teling van verskeie van Suid-Afrika se voorste graankultivars, soos die “langslewende” koringkultivar SST88, is op 30 April op Stellenbosch oorlede.Die stil, waardige Lombard, wat in 2000 as koringteler by Monsanto afgetree het, het vanaf 1977 die terugkruisingsmetode gebruik om enkele weerstandsgene in hoë opbrengskultivars van koring, gars en lupiene te plaas. Hy het die winterkoringkultivars SST 102, SST 103 and SST 124 bekend gestel, asook ’n reeks lentekultivars vir die Wes-Kaap, waarvan SST 44 and SST 88 die belangrikste was. SST 88, wat in 1998 vrygestel is, word steeds met groot welslae deur koringboere van Caledon tot Kamieskroon aangeplant. Dié kultivar van Sensako word nie meer aktief bemark nie, dog boere en ander telers loof die kultivar vir sy droogteverdraagsaamheid, stoelvermoë…

Mnr. Hardie van Niekerk (61), voormalige besturende direkteur van OVK, is onlangs in Bloemfontein oorlede. Hy was lank siek nadat hy onder meer nie heeltemal van geelsug herstel het nie. Die landbousakekamer Agbiz het aan hom hulde gebring vir sy reusebydrae, opbouende deelname en steun tot Suid-Afrika se landbousakesektor. Hy het ’n voorste rol gespeel deur OVK vanaf ’n koöperatiewe onderneming in ’n moderne, internasionaal mededingende maatskappy te omvorm, sê Agbiz in sy nuusbrief. Hardie het in Mei 1995 sy loopbaan as hoofbestuurslid van handel by OVK in Ladybrand begin, waarna hy ook verskeie ander afdelings bestuur het. Hy het die leisels as besturende direkteur op 1 April 2002 oorgeneem en tot 28 Februarie 2013 die pos beklee, waarna hy afgetree en sy liefde vir boerdery by Vryburg voortgesit het.…

’N BESONDER sterk vraag na Merinowol op 13 Mei het pryse tot ’n rekordvlak laat styg. Cape Wools se Merino-aanwyser het met 8,5% gestyg en op R132,02 per kilogram (skoonwol) gesluit. Dit is 18,3% hoër as op die openingsveiling en 13,4% hoër as die ooreenstemmende verkope van die vorige seisoen. Cape Wools se aanwyser vir alle wol het met 10,2% gestyg Op die Australiese mark het die aanwyser met 7,6% gestyg. ’n Beperkte voorraad lang en goeie Merinowol en ’n sterk vraag vanuit China en Indië het wolpryse opwaarts gedryf. Plaaslike handelaars het opgemerk dat sommige kliënte weerstand bied teen die hoë prysvlakke. Die rand was sowat 0,8% swakker teenoor die Amerikaanse dollar (R11,94) vergeleke met die vorige week se veiling en sowat 3,3% swakker teenoor die euro (R13,46). Altesame…

DIE wisselkoers van die rand teenoor die dollar bevoordeel telers wat kouvoëls aan die uitvoermark lewer. Sommige telers sê hulle word effens beter vir hul voëls vergoed, hoewel die uitvoerders steeds met die leeueaandeel van die wisselkoersvoordeel wegstap. African Greypapegaaie, wat ’n jaar gelede teen sowat R2 000 aan uitvoeraankopers verkoop is, behaal nou sowat R2 800 elk. Die vraag na buitengewone voëls op die Oosterse mark is betreklik gunstig teenoor dié uit Europa waar die uitvoermark steeds vir plaaslike voëls gesluit is. Plaaslike kouvoëls word, soos die volstruisbedryf, deur voëlgriep gepootjie, ondanks die feit dat dié siekte tot dusver nie onder papegaaie aangemeld is nie. SuidAfrikaners bly aan die voorpunt van die teel van kleurmutasies van ander Oosterse en Australiese parkiete. Mnr. Hennie Diederichs, die Vrystaatse boer wat in…

GAUTENG CARLETONVILLE RIETFONTEIN (519), 89 ha, aan A.S. Brits, van J.M. en M.C. Vos, R400 000. NIGEL WELTEVREDEN (307), 273 ha, aan Mariwija-boerdery BK, van Truter-boerderybelange (Edms.) Bpk., R7 250 000. KWAZULU-NATAL KOKSTAD THE LEVELS (179) 204 ha, aan Momelezi-beleggings BK, van Levels-trust, R1 450 000. PIETERMARITZBURG HAMMARSDALE (6981), 16 ha, aan Newlyn-beleggings (Edms.) Bpk., van Grandatrust, R14 432 400. UNDERBERG PLAAS 2004, 301 ha; en SHAWLANDS (15516), 262 ha; aan Rutland Ridgeplaas (Edms.) Bpk., van MadisonPark-eiendomme46 (Edms.) Bpk., R8 100 000. PLAAS8342,191ha,aanButtfamilietrust, van Eversleyplaastrust, R6 810 000. LIMPOPO ELLISRAS ANNIE LAURIE (50), 514 ha, aan Wilmar-trust, van Willie Becker (Edms.) Bpk., R8 436 000. MARKEN GRAVESEND (18), 1 217 ha, aan Afskop-boerdery BK, van D.B. Riekert, R5 500 000. THABAZIMBI BLANCHEBERG (626), 571 ha, aan Babirwa Breeding (Edms.) Bpk.,…

12 HA Mnr. Beyers Truter, eienaar en wynmaker van Beyerskloof, Stellenbosch, het Pinotage-druiwe op 12 ha in die suide van Angola aangeplant. Hy sê die klimaat op die hoogland waar die wingerd is, is uitstekend, want die temperatuur styg nooit bo 30 °C nie en in die middag koel dit gou af. Daar moet aangepas word by die somerreën, maar as alles goed gaan, kan die eerste Pinotage-wyn oor ’n paar jaar vanaf Angola kom. 8,73% Die Clanwilliamdam is tans net 8,73% vol en boere wat water uit die Olifantsrivier onttrek, kon die afgelope week net een derde van die water kry wat gewoonlik aan hulle toegeken word. Mnr. Gideon van Zyl, ’n boer by Vredendal, sê verbruik word beperk omdat hulle nie wil hê die damvlak moet onder 7%…

‘Dit is ’n totale nagmerrie. Ons verdien nie eens ons produksiekoste uit ’n sakkie mooi aartappels nie, maar wat kan ons doen? Ons kan nie die aartappels in die grond los nie.’ Mnr. Pieter Loubser, ’n aartappelboer van die Sandveld aan die Weskus. Bl. 15 ‘Hier is baie potensiaal. Ons moet net die roes afkrap en die wiele weer aan die rol kry.’ Mnr. Willem van Jaarsveld, Limpopo Agri se uitvoerende hoof, wat die bul by die horings pak met grondhervorming. Bl. 15 ‘Sedert 1997 het ons regering met megafone aangekondig dat ons groter moet gaan, want daar is nie regeringshulp nie.’ Mnr. Jannie de Villiers, uitvoerende hoof van Graan SA, in reaksie op grondhervormingsminister se planne om grondbesit te beperk. Bl. 15 ‘Vir elke ton mielies wat geproduseer word…

Grondhervormingsplanne moet tot ’n sinvolle punt kom! Die geleentheid wat die African Farmers’ Association of South Africa (Afasa) verlede week gereël het, het die belofte ingehou om duidelikheid oor ál die omstrede kwessies rondom grondplafonne en -eienaarskap te bring, met ál die betrokke ministers op een verhoog. Maar, helaas het die olifant ’n muis gebaar – minister Guglile Nkwinti was nie daar nie. Dit word nie gesê nie, maar ’n mens kry die gevoel dat landbouminister Senzeni Zokwana ongemaklik is met die pad waarop Nkwinti voortstorm. Hy besef seker dit gaan die kommersiële landbou ernstige skade berokken en voedselsekerheid in die gedrang bring – iets wat sy verantwoordelikheid is. Nkwinti is weer onder kwaai druk om by die uitvoering van die grondbeleid te kom en skade aan voedselsekerheid is nie…

LANDBOUWEEKBLAD verneem uit ’n betroubare bron mnr. Len Brand (REGS), besturende direkteur van John Deere in Afrika suid van die Sahara, asook mnr. Peter Graham Hancocks, John Deere Suid-Afrika se direkteur van finansies en besigheidsadministrasie, het onverwags bedank. John Deere Suid-Afrika wou nie die bedankings bevestig nie en het gesê dit is nie maatskappybeleid om kommentaar te lewer wanneer iemand besluit om die maatskappy te verlaat nie. Brand was vir meer as ses jaar John Deere Suid-Afrika se besturende direkteur, terwyl Hancocks meer as agt jaar die finansiële direkteur was. Brand was die afgelope aantal jare betrokke by die ontsluiting van die sakepotensiaal in die streek. Hy het nie net die ontwikkeling van groeistrategieë gelei nie, maar was ook nou betrokke by die voltooiing van die projekte en taktiese aksieplanne.…

BEURTKOS kan Suid-Afrika se voorland wees as die Regering met sy huidige grondhervormingsplanne deurdruk, waarsku Graan SA. Mnr. Jannie de Villiers, uitvoerende hoof van Graan SA, het op die Nampo-Oesdag gesê die Regering is jare gelede al gewaarsku dat onderhoud en die uitbreiding van die Eskom-netwerk dringend nodig is. Hy het nie geluister nie en vandag sit die land met beurtkrag. Dieselfde kan met kosvoorsiening gebeur as die voorgestelde grondplafonne en/of die 50/50-herverdelingplan hardkoppig deurgevoer word. De Villiers het benadruk dat Graan SA glad nie teen grondhervorming gekant is nie. Inteendeel, danksy hul boerontwikkelingsprogram het Graan SA deesdae meer swart as wit lede. “Graanboere, wit én swart, sê ja vir die riglyne vir grondhervorming in die Nasionale Ontwikkelingplan (NOP) dat 20% van grond teen 2030 per distrik aan swart eienaarskap…

SITRUSBOERE wat toegang tot die Spaanse mark wou kry deur hul produkte na ander Europese lande se hawens te verskeep en dan oor dié lande se grense na Spanje te stuur, moet weer dink. Mnr. Deon Joubert, spesiale gesant vir marktoegang en EU-sake by die Suid-Afrikaanse Sitruskwekersvereniging (SKV), het verlede week in ’n verklaring gewaarsku dat Spanje alle sitrus uit Suid-Afrika nou aan swartvlektoetse wil onderwerp, selfs vrugte in pakhuise en dié op winkelrakke. Die Europese Unie laat Suid-Afrika vyf onderskeppings wat positief toets vir swartvlek per jaar toe voor uitvoer na lidlande opgeskort kan word en die land se risikoprofiel geëvalueer word. Daar is ook ooreengekom dat ’n onderskepping eers sal geld as daar positief getoets word vir ’n lewensvatbare swam. DOOIE SWAMME TEL Spanje skop egter vas by…

WAT beskikbaarheid, gehalte en koste behels, is water ’n krities belangrike hulpbron, het dr. Marlene van der Merwe-Botha, waterwetenskaplike van Water Group Holdings, op ’n Nasie in Gesprek-geleentheid op die Nampo-Oesdag gesê. Sy het tydens die hulpbrongesprek gesê 98% van die land se water is reeds aan verbruikers toegeken en daar is nie surplusse nie: “As daar nie drastiese besparing is nie, sal ons teen 2030 ’n tekort ondervind. Die vraag sal 17,6 miljard m3 wees en die beskikbaarheid net 15 miljard m3.” Sy het gewaarsku dat die prys van water oor die volgende tien jaar met 100% tot 400% sal styg, hoofsaaklik weens die hoër koste om al hoe meer besoedelde water te suiwer. “Die oplossing lê nie net in die bou van damme nie. Daar moet gekyk word…

DIE pluimveebedryf is steeds hoopvol dat die Regering ’n pekelwaterperk van 25% gaan instel. Die Departement van Landbou, Bosbou en Visserye se “finale voorstel” behels ’n perk van 15% vir stukke en 10% vir heel hoenders. Die totale opname van water in die waterkoeler, wat gebruik word om hoender af te koel vir verdere verwerking, sal nie meer as 7% mag wees nie en dit moet by die beperking van 10% en 15% ingesluit wees. Mnr. Chris Schutte (REGS), uitvoerende hoof van Astral, sê daar is eenstemmigheid in die bedryf dat die perk 25% behoort te wees. “Die voorstel van 10% en 15% is radikaal. Al die implikasies is nie in ag geneem nie, veral die invloed op verbruik. Die prys van kitsbevrore hoenderstukke sal met R4/kg styg.” RAADPLEGING Schutte…

BEWYSE bestaan reeds in Afrika dat die landbou nie ’n hele bevolking kan onderhou nie, meen mnr. Fanie Brink, ’n onafhanklike landbou-ekonoom. Die Regering sonder die landbou uit as een van sy grootste toekomstige werkskeppers. Boonop het mnr. Gugile Nkwinti, Minister van Landelike Ontwikkeling en Grondhervorming, dit onlangs duidelik gemaak dat die herverdeling van landbougrond sal voortgaan totdat grondbesit die bevolking weerspieël, en dat ’n kommersiële boer net 5 000 ha sal mag besit. Volgens Brink is die aankondigings ’n duidelike aanduiding dat die Regering se grondherverdeling ’n suiwer politieke doelwit is wat geensins die toekomstige versekering van voedselsekerheid en ekonomiese groei in Suid-Afrika in ag gaan neem nie. In die meeste lande in Afrika lewer die landbou die grootste bydrae tot ekonomiese groei, maar ten spyte daarvan ly miljoene…

ALLE wild wat deur boere besit word, moet soos leeus gehanteer word. So sê Wildbedryf SA (WRSA) in sy voorlegging aan die Minister van Omgewingsake, me. Edna Molewa, oor die nuwe lys en regulasies ten opsigte van bedreigde of beskermde diersoorte (Tops). In sy voorlegging steun die WRSA sterk op getuienis in die Appèlhofsaak van 2010 tussen die Suid-Afrikaanse Roofdiervereniging en die Minister van Omgewingsake. ‘Hulle wil nie mak diere kom jag nie en beskou boonop ons kleurvariante as onnatuurlik.’ In dié saak, wat ’n rehabilitasieklousule in die vorige stel Topsregulasies getoets het, het die hof gehoor dat die teel en jag van leeus in aanhouding nie ’n bedreiging vir wilde leeubevolkings in die natuur inhou nie aangesien hierdie leeus nie deel is van natuurlike ekosisteme nie. Die destydse Minister…

DIE Rooivleisprodusente-organisasie (RPO) het op sy onlangse raadsvergadering ’n voorstel goedgekeur dat die kwessie van landelike ontwikkeling as ’n fokuspunt vir navorsing geïdentifiseer word. Die saak is na die nasionale organisasie vir rooivleisnavorsing en -ontwikkeling (RMRDSA) verwys. Landelike ontwikkeling is een van die kwessies in die nasionale ontwikkelingsplan (NOP). Dié onderwerp is ook in die RPO en Nerpo se kode vir beste praktyk vervat. Nog ’n aspek in die NOP wat spesifiek op die rooivleisbedryf betrekking het, is die kwessie oor die vermindering van kweekhuisgasse. ’n Woordvoerder van die RPO sê die ideaal van stabiele landelike gemeenskappe kan net bereik word as struikelblokke in die omgewing uit die weg geruim en natuurlike hulpbronne bewaar word. LANDELIKE ONTWIKKELING In die geval van landelike ontwikkeling het die Regering erken dat die grondhervormings-…

In my loopbaan in die finansiëledienstebedryf het ek geleer niks is so gevaarlik soos onkunde nie. Die meeste kliënte wat geld verloor het of deur beleggings benadeel is, is nie benadeel omdat hul raadgewers skelm was nie, maar omdat die raadgewers dikwels nie veel meer kennis as die belegger gehad het oor waarin hulle belê nie. Dit is die geval met beleggings, soos Sharemax en die Relative Value Arbitrage-fonds van Herman Pretorius. Baie van die raadgewers het nie die stelsels of ondersteuning om die risiko’s in hierdie produkte uit te wys nie. As die risiko’s aan hulle uitgewys word, het hulle nie die kundigheid om die werklike omvang daarvan te verstaan nie. Een van die grootste sondes is myns insiens die finansiering van een polis uit ’n ander polis. ’n…

WATTER TEGNOLOGIE IS ONMISBAAR IN JOU BOERDERY? Breedplan vir rekordhouding en Unistel vir DNS-ontleding. Die akkuraatheid van ’n dier se benaderde teelwaardes is ’n belangrike hulpmiddel tydens seleksie. Bevestiging van ouerskap is dus belangrik in hierdie opsig. As ’n verkeerde vaar of moer aan ’n bees toegedeel word, is dit verstaanbaar dat dit ’n nadelige uitwerking op die korrektheid van die syfers sal hê. Die uittrek van sterthare om vir gene vir ouerskap te toets, is dus vir my belangrik. WAT IS DIE BESTE RAAD WAT JY AL GEKRY HET? Hou dinge prakties en eenvoudig, werk saam met die natuur en hou die grensdrade styf. WAT IS DIE GROOTSTE FOUT WAT JY IN JOU BOERDERY GEMAAK HET? Ek moes nooit gehuiwer het toe ek die geleentheid gekry het om my…

LIGGING Vryburg…

johan.vandermerwe@landbou.com Die eerste Suid-Afrikaanse Périgord-truffel (Tuber melanosporum) is in Augustus verlede jaar in ’n agt jaar oue eikeplantasie in Mpumalanga opgegrawe. Hierdie uiters gesogte, sampioenagtige gewas, wat ten duurste in die toprestaurante in die wêreld voorgesit word, kos $2 000 (sowat R23 000) per kilogram. Boere in Australië en Nieu-Seeland, wat vir bykans twee dekades daarmee boer, verdien jaarliks ’n inkomste van R400 000 tot R1,2 miljoen per hektaar. Sulke syfers sal enigiemand laat regop sit, maar teen ’n vestigingskoste van meer as R200 000 per hektaar en geen bewyse dat hierdie gesogte swam wel op eie bodem winsgewende hoeveelhede kan oplewer nie, klink truffelboerdery meer na ’n dobbelspel as ’n belegging. LIGGING Kokstad,KwaZulu-Natal KORTOM ■ Die gesogte swart (Périgord-) truffel is onlangs in Suid-Afrika gevind en bevestig die moontlikheid…

E-pos: agri@fnb.co.za MIELIES Mieliepryse het effens gedaal vanweë reën in die Amerikaanse mielieproduksiegebied gevolg deur warm weer wat die vordering van aanplantings gesteun het. Die swakker Amerikaanse dollar het verliese help beperk. Die Amerikaanse departement van landbou se verslag vir April was bulagtig, met Amerikaanse voorraad wat effens hoër hersien is op ’nmaandgrondslagenongeveer45%hoërop ’njaargrondslag.Ditisvanweëlaerasverwagte voergebruik en gedempte uitvoerverkope. Die 2014/’15-wêreldmielie-oes is beraam op 991,4miljoentondeurdieAmerikaansedepartement van landbou en 994 miljoen ton deur die Internasionale Graanraad (IGR) – ’n nuwe rekord vir albei. Voorraad sal na verwagting diehoogstevlakin29jaarbereikteen970miljoen ton – 3% meer op ’n jaargrondslag. Plaaslik het mieliepryse gedaal. Vanweë reën laat in die groeityd het die Oesskattingskomitee sy vooruitsig vir die oes tot 9,8 miljoen ton verhoog. Dit is meer as 30% laer op ’njaargrondslag.Dieprysvangeelmielieswas gemiddeld R2 382/t – 2% laer…

ONS GEWILDSTE GEBAKRESEPTE 4 PAN-HERTZOGGIES Dié kortpadweergawe van die ikoniese boerekoskoekie sal jou baie tyd en moeite spaar. ■ 90 g sagte botter ■ 125 ml strooisuiker ■ 1 eier ■ 250 ml bruismeel ■ 15 ml vlapoeier ■ 250 ml appelkooskonfyt Klapperlaag ■ 2 eiers, geklits ■ 60 ml strooisuiker ■ 500 ml klapper Voorverhit die oond tot 180 °C en smeer ’n koekpan van 20 cm x 15 cm. Voer uit met ’n reep bakpapier waarvan die rante effens oor die kant van die pan steek en smeer weer. Verroom die botter en suiker goed saam en klits die eier by. Voeg die meel en vlapoeier by en maak aan tot ’n deeg. Druk die deeg eweredig in die pannetjie vas. Bak vir 15 minute en laat vir…

aggenis@landbou.com PLAASINLIGTING LIGGING: PrinsAlbert,Wes-Kaap Die son staan stil in die Klein-Karoo in Februarie en op Weltevrede omvou die hitte die boorde en werf in die speserygeure van vyeblare. Dis juis die warm son asook die suiwer bergwater, droë klimaat en volgehoue toewyding wat dié plaas buite Prins Albert geslagte lank so ’n produktiewe plek vir vars en droë vye maak. Nou het Jaco en Liezl de Klerk, die sesde geslag op die plaas, en hul eenjarige dogtertjie Carla, gekom om verder waarde toe te voeg en om die woorde en waardes van Weltevrede in bottels te verpak. Met my besoek het Jaco ’n rukkie van die vyeplukspanne weggebreek en Liezl hul konfytwerkers laat aangaan om op die groot stoep van hul huis tussen die blou berge met my te gesels.…

Hy was waarskynlik nie een van die grootstes onder die profete nie. Hierdie seun van Petuel met die naam Joël word getel onder die kleinere profete. En tog moet jy hom nie geringskat nie. Die boodskap wat hy gebring het, was ontsaglik groot. Die lig wat hy moes aansteek, was bedoel om nuwe hoop te gee aan ’n volk wat in die duister van ongehoorsaamheid geloop het. Maar eers moes hy die volkshuis skoonmaak. Die “dag van die Here” wat hy aankondig het, is ’n dag van donkerte. ’n Pynlike tyd sou op die volk wag. Uit my jeugjare was ek beïndruk deur Joël se poëtiese beskrywing van die sprinkaanplaag wat soos ’n goed georganiseerde, militêre konvooi alles voor hulle vernietig het. Die dominees was lief om in tye van…

WENNERS! WENNERS! Oplossing van blokraaisel no. 1334 Die wenner van R250 is: J, Nortjé, Posbus 82377, Doornpoort 0017 WENNERS! WENNERS! Oplossing van blokraaisel no. 1331 Die wenner van R250 is: R. Brink, Posbus 44, Ashton 6715 BLOKKIESRAAISEL DWARS 5. Mondstuk vir perde (5) 7. Arend (7) 8. Soort bier (5) 9. Ma-vark (3) 10. Verhaar (3) 1 1. Edelsteen (5) 12. Stoflike vorm aanneem (13) 15. Najaar (5) 16. Stuk materiaal (3) 18. Muurholte (3) 20. Spaanse munt, mv. (5) 22. Fat (7) 23. Verengelsde Afrikaner (5) AF 1. Wanorde (5) 2. Vrees aanjaag (5) 3. Besondere aanleg (5) 4. Soort struik wat rooi vrugte met oranje pitte dra (13) 5. Hartlik (3) 6. Tegelyk met twee mense getroud wees (7) 1 1. Straatsteen (3) 13. Kusvaartuig (7) 14. Perd…

DIE landbou-onderneming Kaap Agri het sy groei van die afgelope jare voortgesit en verskeie nuwe dienspunte gevestig. Volgens mnr. James Matthee, finansiële direkteur, het die totale omset vir die ses maande tot 31 Maart met 12% toegeneem tot bykans R3 miljard en die wesensverdienste met 8% tot R110,6 miljoen. Aandeelhouers van Kaap Agri kan in Junie ’n meevaller verwag. Die landboudienstemaatskappy het ’n tussentydse dividend van 24 sent verklaar. Dit is 26% hoër as die 19 sent van verlede jaar. Die verlaging van 15% in brandstofpryse in die betrokke termyn het tot laer inkomste gelei omdat brandstofverkope ’n wesenlike deel van Kaap Agri se omset uitmaak. Dit beteken dat die reële groei selfs hoër as die totale gerapporteerde groei is. ’n Groot deel van die prysverlagings behoort deur verwagte prysstygings…

DIE wettige handel in renosterhorings is die enigste manier om die slagting van renosters te beëindig. Prof. John Hanks, voormalige uitvoerende hoof van die SA Natuurstigting, het dié siening van die legendariese omgewingsbewaarder, mnr. Ian Player, benadruk op die bekendstelling van sy nuwe boek Operation Lock and the War on Rhino Poaching. Die boek handel oor Operasie Lock – ’n projek om inligting oor die onwettige handel in renosterhorings in te samel. Volgens Hanks, wat ’n sleutelrol in die projek gespeel het, was die projek ’n poging van prins Bernhard van Nederland om die slagting van Afrika se swartrenosters te keer. “Miljoene rande word bestee om renosters in die Krugerwildtuin te beveilig. Daar is ook regdeur die jaar ’n sterk militêre teenwoordigheid. Ongeag dit alles is steeds 827 renosters verlede…

DR. FAFFA MALAN, bestuurder van die Herkouerveterinêre Vereniging van Suid-Afrika (Ruvasa), sê in sy verslag vir April oor parasiete en dieresiektes dat Afrikaen Asiatiese rooiwater (wat deur bloubosluise oorgedra word) voorkom kan word as boere hul vee inent. Veral Asiatiese rooiwater laat vee op groot skaal vrek. “Wees veral waaksaam as julle vee in rooiwatergebiede koop en dit na jul plase bring. Loop ook lig as vatbare diere na gebiede gebring word waar rooiwater voorkom,” waarsku hy. Afrika-rooiwater is in Mpumalanga, Limpopo, die Vrystaat, KwaZulu-Natal, die Oos- en die Wes-Kaap aangemeld. Asiatiese rooiwater het in Mpumalanga, Gauteng, die Vrystaat, KwaZulu-Natal, die Oos- en die Wes-Kaap voorgekom. Ruvasa se verslag word maandeliks opgestel uit inligting wat van veeartspraktyke ontvang word wat deel van die Suid-Afrikaanse Veterinêre Vereniging is. Die doel van…

DIE prys van kalwers is basies dieselfde as die vorige week. Die prys van B- en C-graad het gestyg. Pryse word verskaf deur CMW/OVK (Kroonstad), BKB (Gouda) en GWK (Kimberley). Internasionaal: Die gemiddelde prys van mielies het met 0,7%, oftewel $1,01/t (R12,03/t), gedaal tot $140,99/t (R1 679/t). Op ’n jaargrondslag is dit 26,6%, oftewel $51,08/t (R608,36/t), laer. Verwagte pryse: Julie – $145,03/t (R1 727/t), September – $147,71/t (R1 759/t), Desember – $151,80/t (R1 808/t), Maart – $155,98/t (R1 858/t). Plaaslik: Die Safex-prys vir wit mielies het met 4%, oftewel R106/t, gestyg tot R2 786/t. Geel mielies het met 0,7%, oftewel R17/t, gestyg tot R2 390/t. Op ’n jaargrondslag is dit 38,2%, oftewel R770/t, hoër vir wit mielies, terwyl geel mielies 16,2%, oftewel R334/t, hoër is as in die ooreenstemmende tyd…

Verbruikers moet hulle maar staal vir ’n stewige prysverhoging vir brandstof in Junie. Só het mnr. Paul Joubert, senior ekonomiese navorser by die Solidariteit-Navorsingsinstituut (SNI), verbruikers verlede week gewaarsku . Hy het verlede week geraam dat die prys van petrol op Woensdag 3 Junie met sowat 50c per liter sal styg, terwyl die prys van diesel met so ’n paar sent meer as 50c behoort te klim. Joubert sê die stygings is hoofsaaklik daaraan te wyte dat die internasionale pryse van petroleumprodukte tot dusver gedurende Mei hoër is as wat dit gemiddeld in April was. Die rand het naastenby stabiel teenoor die dollar gebly. “Die vooruitsig is natuurlik nog aan verandering onderhewig tot die einde van die maand wanneer dit aangekondig word. As die styging soos verwag plaasvind, sal die…

Pryse vir Chianina-beeste het vanjaar op dieselfde vlak begin as waarmee 2014 afgesluit is. ’n Telersgenootskap vir dié Italiaanse beesras is einde verlede jaar in Pretoria gestig. Die O-La-La-boerdery van mnr. Christiaan de Jager van Badplaas het twee embriospoelkoeie (een uit Pascia en een uit Lio) aan Prima Chianinas van Brits en mnr. Ian Redelinghuys van Kroonstad teen onderskeidelik R400 000 en R350 000 verkoop. ’n Jong Lento-bulletjie van 18 maande is aan Magnum Beef Breeders van Vereeniging vir R100 000 verkoop. Stoetbulle kos deesdae R80 000 of meer en kommersiële bulle behaal tot R60 000. Pakkette word ook verkoop om nuwe telers die geleentheid te bied om by die ras betrokke te raak. Dié pakkette bestaan uit twee vroulike diere en ’n bul vir R200 000, vyf vroulike diere…

Dit het tyd geraak om die pas van grondhervorming in Suid-Afrika te versnel. Die regering gaan voort met duidelike vasberadenheid en ‘n onwankelbare verbintenis tot die volledige transformasie van grondhervorming en die landelike ontwikkelingslandskap in ons land. Demokrasie het die afgelope 21 jaar vordering gemaak, maar dit het nog nie ten volle omgesit in die beoogde visie van lewendige, gelyke en volhoubare landelike gemeenskappe nie. Die Departement van Landelike Ontwikkeling poog nou om die nalatenskap van die ou koloniale en apartheidsgrondbeleide om te keer om te verseker dat die meerderheid van die voorheen gemarginaliseerde Suid-Afrikaners die voordele van demokrasie pluk. Die Departement gaan hierdie jaar wette aanneem en beleide implementeer wat ontwerp is om die ongeregtighede van die verlede ongedaan te maak met die oog op die herstel van grondeienaarskap…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, faks: 021 406 2940. E-pos: jeandre.dupreez@landbou.com. ALGEMEEN 29-30 MEI: Namakwa-Weskusekspo. Vredendal-sportterrein. Pikkie Louw, sel 082 566 5880, of e-pos: pikkie@agrimega.co.za. 30-31 MEI: Delheim se wilde sampioen-soektogte. Delheim-wynlandgoed, Stellenbosch. Johan du Toit, tel. 021 888 4600, of e-pos: info@delheim.com. 4-5 JUNIE: Fine brandy fusion. Konferensiesentrum, Sandton. Danie Pretorius, e-pos: danie@sabrandy.co.za, of info@brandyfusion.co.za. Web: www.brandyfusion.co.za. 6 JUNIE: Suid-Afrikaanse mampoerfees. Willem Prinsloo-landboumuseum. Tel. 012 736 2035/6, e-pos: info@mampoerfees.co.za. Web: www.mampoerfees.co.za. 26-27 JUNIE: Victoria-Wes se wildsfees en duiwevlug. Victoria-Wes-skouterrein. Tel. 072 243 3597, of e-pos: vicweswildsfees@gmail.com. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. 23-25 JULIE: Studente-ekspo. Greenstone-winkelsentrum, Johannesburg. Web: www.student-expo.com.…

MEI DORDRECHT 28, TLU SA-veldskaapskou. Avondzon. SA Vleismerino-en slaglamkompetisie. Vleismerino, Kosie Slabbert, sel 079 366 8524. Vleismerino, C.G. Rossouw, sel 087 160 0616. Merino, Kosie Slabbert, sel 079 366 8524. Slaglam, Steyn Smit, sel 082 444 2595. JULIE LUTZVILLE 30 Julie-1 Augustus, Lutzville-skou. (Streek: Dorper en Wit Dorper), Benede-Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanetteafox@gmail.com. POTCHEFSTROOM 31-1 Augustus, AgriWorkslandbou-ekspo. Trimpark, Potchefstroom. CADEK Media, tel. 021 854 4700, web: www.agriworks.co.za, e-pos: info@cadek.co.za. AUGUSTUS GEORGE 27-29, Outeniqua-skou. Saalperd-klubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angus-veiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis,…

Ek het nie gedink ek sou dit in my leeftyd sien nie: ’n Pragtige stand van 1 500 ha mielies in die middel van die Transkei, met geen skade deur diere of diefstal nie. Inteendeel, vanjaar word ’n gemiddelde droëland-oes van 6,5 ton per hektaar in Centane, oos van Oos-Londen, verwag. Volgende jaar gaan daar 2 000 ha geplant word. Dis iets wat jy nie aldag in Suid-Afrika sien nie - dat daar geboer word op so ’n wyse dat brandarm mense regstreekse voordeel daaruit trek en hulle dus ’n rede het om nie die platteland te verlaat vir die stede se kortbuurte nie. Dis mos presies wat ons almal, die staat inkluis, wil hê. Nou ja, hier’s ’n moontlike resep, sonder om die kommersiële landbou te knou. Dit begin…

PROF. JOHANN KIRSTEN, hoof van die departement landbou-ekonomie, voorligting en landelike ontwikkeling aan die Universiteit van Pretoria UP), behartig van vandeesweek af ’n tweeweeklikse rubriek. Lees sy eerste bydrae op bl. 32. JY SKRYF WEER NÁ ’N LANG STILTE. Van tyd tot tyd deur my loopbaan van 22 jaar in die akademie het ek in verskillende formate vir die landboumedia geskryf. Die onlangse oningeligte debatte en beleidsvoorstelle oor die landbou en landbougrond het dit vir my duidelik gemaak dat ons ’n rubriek nodig het wat gereeld die basiese ekonomiese wette van die landbou, sakebeginsels en landboubeginsels weer neerlê. VERTEL ONS VAN JOU GESIN. Ek is getroud met Marié Terreblanche, ’n ekonoom, en ons het twee kinders, Nina (23) en Gerhard (21). Nina is besig met ’n uitruilmeestersgraad in ekonomie in…

DIE nare El Niño, wat dikwels ondergemiddelde neerslae vir Suid-Afrika se somerreënstreek bring, het pas kop uitgesteek. Die Amerikaanse weeragentskap, die NOAA, het dit in sy jongste voorspelling aangekondig. Dit beteken die Stille Oseaan-temperature waaraan hierdie verskynsel naby die ewenaar gemeet word, is hoër as gewoonlik. Dié aankondiging kom ná etlike maande van afwagting, waarin die El Niño-/La Niña-indeks rondom die neutrale vlak beweeg het. Die NOAA sê wel die heersende El Niño is betreklik swak. Dus word geen wydverspreide impak op internasionale weerpatrone verwag nie. Voorspellers meen die kans is 50% tot 60% dat die huidige El Niño dwarsdeur die huidige noordelike somer sal duur (byvoorbeeld in Amerika en Europa). Vanjaar se versengende midsomerdroogte in Suid-Afrika se somerreënstreek was te midde van neutrale toestande, waarin die aanduider van El…

BOERE is nie noodwendig teen grondplafonne gekant nie, maar hulle wil genoeg geleentheid hê om aan die debat oor die toekoms deel te neem en bydraes te lewer, sê mnr. Senzeni Zokwana, Minister van Landbou, Bosbou en Visserye. Hy het by ’n nuuskonferensie van die African Farmers’ Association of South Africa (Afasa) in Pretoria gesê dit is nodig dat kommersiële boere se voorstelle ook in ag geneem moet word. By die nuuskonferensie het Afasa en Nerpo (die organisasie vir ontwikkelende rooivleisprodusente) aangekondig dat hulle mnr. Gugile Nkwinti, Minister van Landelike Ontwikkeling en Grondhervorming, se omstrede voorstelle oor grondplafonne steun – maar met voorwaardes. Mnr. Aggrey Mahanjana, sekretaris-generaal van Afasa, het ná vlugtige samespreking met Nkwinti gesê hulle is tevrede met die plafon van 5 000 ha vir kommersiële boere. Die…

DIE eienaar van Witbank Abattoir, mnr. Kobus Pieters, wat die Emalahleni-munisipaliteit en Eskom wil dagvaar as die elektrisiteitsverskaffer Emalahleni se kragtoevoer gaan afsny, het nóg ’n brief aan Eskom beteken waarin hy aandui dat me. Lynne Brown, die Minister van Openbare Ondernemings, ook by die lys van verweerders gevoeg sal word indien Eskom voortgaan met sy beplande hooggeregshof-aksie. Die brief is deur mnr. Simangaliso Shongwe, Eskom se bestuurder van kommunikasie en belanghebbendes, ontvang. Eskom het steeds nie afgesien van sy plan om by tye 20 munisipaliteite se krag af te sny weens wanbetaling nie. Hoewel verskeie munisipaliteite ’n aanduiding gegee het dat hulle met Eskom wil vergader om ’n betalingsopsie te bespreek, het die Emalahleni-munisipaliteit nog nie so ’n stap gedoen nie. KYK DAAR! Al wat leef en beef se…

EEN van John Deere se reeks 8 000-trekkers het meer rekenaartegnologie in hom as wat die eerste pendeltuig gehad het wat die ruimte ingestuur is, het mnr. Len Brand, besturende direkteur van John Deere, gesê. Vorentoe sal die bestuurder in die trekker eintlik net ’n veiligheidswag wees vir ingeval iets skeefloop. Hy het gesê in die afgelope paar jaar was daar groot tegnologiese ontwikkeling al neem die ontwikkelingsproses tyd. “Wat ons twee jaar terug al gesien het, gaan in die volgende twee jaar werklik toegepas word. Onbemande vliegtuie is een voorbeeld. Binnekort sal ’n onbemande tuig van die trekker af opstyg om onkruid in die land te gaan identifiseer sodat die regte onkruiddoders net op die regte plekke gespuit kan word.” Hy het gesê binne die volgende 18 maande sal…

DIE hoeveelheid hoenderstukke aan die been wat Amerika na Suid-Afrika wil uitvoer, is gelykstaande aan 10% van wat plaaslik geproduseer word. “As die mark daarvoor nie bestaan nie, sal pryse beïnvloed word,” sê mnr. Chris Schutte, uitvoerende hoof van die pluimvee-en-voerprodusent Astral Foods. Amerika het gedreig om Suid-Afrika uit die Amerikaanse wet op groei en geleenthede (Agoa) te laat as die plaaslike pluimveebedryf nie toegee dat Amerikaanse hoenderstukke sonder teenstortingstariewe na Suid-Afrika uitgevoer kan word nie. Dié tariewe het storting die afgelope sowat 15 jaar gestuit. SENAAT GEE GROEN LIG Die Amerikaanse senaat het pas ’n hernuwing van Agoa met ’n oorweldigende meerderheid van 97 stemme teen 1 goedgekeur. Die voorgestelde wet geld egter dié keer net 10 jaar pleks van die 15 jaar waarop Afrika gehoop het. Verder is…

1 ZIMBABWE | Voedselkrisis dreig MET 12 uit 14 lande binne die Suider-Afrikaanse Ontwikkelingsgemeenskap (SAOG) wat vanjaar mielies sal moet invoer, lyk dit of Zimbabwe die grootste probleem het op ’n skaalgrondslag. Mnr. Eddie Cross, MDC-parlemenetslid en ook ’n landbou-ekonoom, sê die regering raam die oes op 700 000 ton, maar data van voedselagentskappe toon dat die oes so laag as 300 00 ton kan wees. Ongeag watter raming korrek is, sal daar ’n tekort van sowat 1,5 miljoen ton in Zimbabwe wees totdat die 2016-oes begin inkom. Zambië en Kenia verwag ’n klein oorskot, maar die ander 12 lande in die streek sal meer as 6 miljoen ton moet invoer. Die goedkoopste mielies wat op die oomblik internasionaal beskikbaar is, is in die Midde-Weste van Amerika teen sowat R2…

Israeliese navorsers bepaal tans watter een van drie tamatie-onderstamme die beste gaan werk om selfbestuiwende eiervrugplante se oeste op te stoot en weerstand teen siektes in te bou. Eiervrug is, soos tamaties, gevoelig vir grondgedraagde siektes, soos aalwurms, en sedert chemiese beroking met onder meer metielbromied nie meer in Israel toegelaat word nie, moes boere met ander planne vorendag kom. Tamatieplante word al jare lank op die onderstamme van meer weerstandbiedende kultivars en waatlemoenplantjies op pampoenwortels geënt. Nou kyk navorsers by die Suidelike Navorsing-en-ontwikkelingstasie in Israel of hulle dieselfde met eiervrugte op tamatie-onderstamme kan regkry. Tamaties en eiervrugte behoort albei tot die familie Solanaceae en kan daarom op mekaar geënt word. “Dis ’n nuwe eksperiment in Israel en sal chemiese beroking uitskakel. Tans oes ons sowat 16 kg eiervrugte per…

Die afspeling tussen Suid-Afrika se Agoa-lidmaatskap (die Amerikaanse wet op groei en ontwikkeling in Afrika) en die welvaart van die plaaslike pluimveebedryf was die afgelope paar weke pal in die nuus. Amerika wil nie die Agoa-ooreenkoms met Suid-Afrika, wat op 30 September vanjaar verval, hernu as die teenstortingstarief wat tans op Amerikaanse hoenderinvoer gehef word, nie laat vaar word nie. Die Suid-Afrikaanse pluimveebedryf voer aan dat die ingevoerde Amerikaanse hoender op ons mark gestort word omdat hierdie hoender teen minder as die produksiekoste in Amerika na Suid-Afrika uitgevoer word. Daarteenoor sê betrokkenes in Amerika dat die Suid-Afrikaanse beleid strydig is met internasionale handelsbeleid en die huidige maatreëls ’n onmededingende plaaslike bedryf beskerm. Me. Marlene Louw, een van my kollegas, het die saak opgesom. TABEL 1 gee ’n produksiekostevergelyking tussen die…

My seun het klaarblyklik my gene geërf. Tot sy ontsteltenis moet hy baie harder as sy vriende werk om spiere te bou, ongeag die hoeveelheid proteïen wat hy inneem – wat die gesin se begroting ’n taamlike knou gee. Hoe spiere vorm en groei, is vir wetenskaplikes in alle dissiplines van besondere belang, en meer so vir vleisbeesboere wat altyd gretig is om doeltreffendheid en groei te verbeter, terwyl hulle probeer om die perfekte bul of koei te teel. Ons weet reeds lankal dat die geen wat by die regulering van spiergroei betrokke is, die miostatien-geen is. Die geen wat dubbele bespiering veroorsaak, is die eerste keer in die vroeë 1800’s waargeneem. Die woord “dubbele bespiering” is eintlik ’n verkeerde benaming aangesien daar in werklikheid geen “dubbele spiere” of ekstra…

Waar het my liefde vir kruiekure en tuisrate begin? Dalk by my ma wat deur die tuin stap met ’n gekneusde wildealstakkie in haar kraag teen die hooikoors? My klavierjuffrou wat die wondere van knoffel teen griep, arnika teen pyn en Echinacea teen verkoue tussen die musiek- en lewenslesse deur geproklameer het? Of my ouboet met sy vaste geloof in Afrika-aartappelsalf? Kruiekure soos ek dit ken, berus op oorlewering en hoorsê. Ek luister graag as iemand ’n raat het, maar ek gaan lees dan gewoonlik na oor die kuur en probeer menings daarvoor en daarteen lees en opweeg. Ek bly weg van iets wat ooglopend laf of dalk gevaarlik is en probeer die treffers van die twak onderskei. Die einste klavierjuffrou het my vertel van iemand wat magnete gesluk het…

NUWE tegnologie vir die landbou wat by Elsenburg vertoon is, voorsien ’n platform vir die landbou en beleidmakers in die Wes-Kaap om die heel nuutste inligting oor dié sektor te bekom. Dit is ’n belangrike werktuig wanneer besluite geneem moet word. Mnr. Alan Winde, Wes-Kaapse LUR vir ekonomiese sake (waarby die landbou ingesluit is), was die spreker op dié tegnologie-uitstalling wat deur die Wes-Kaapse departement van landbou aangebied is. Altesame elf van Elsenburg se treffer-innovasies is vertoon. Elsenburg se webwerf is ook herbou en Winde het die knoppie gedruk om dit in werking te stel. Winde het gesê vernuwende denke is ’n belangrike beginsel vir ekonomiese groei. “Ons is die dryfveer agter die tegnologiese revolusie in die landbou. Die departement het in hierdie boekjaar R108,8 miljoen in sy navorsing- en…

HOEWEL wyn wat met rooibos behandel is dalk deur mense met ’n intoleransie vir swael verwelkom word, het dit op die onlangse Old Mutual-trofee-wynskou geblyk dit is nie na almal se smaak nie – veral nie vooraanstaande internasionale en plaaslike wynbeoordelaars nie. “Tee en ’n koffie is ’n ander drankie,” was die oorweldigende reaksie toe die beoordelaarspaneel die drie wyne met ’n sterk rooibos-karakter op ’n terugvoersessie bespreek het. Dié wyne is in die Paarl saam met 1 082 ander wyne blind geproe. Die beoordelaars het ook nie geweet van die rooibos-byvoegings nie, maar kon dit onmiddellik agterkom. “Ek het dit die eerste keer in ’n Shiraz geproe. Die karakter was nie wonderlik nie en my eerste instink was om dit uit te gooi,” sê me. Lisa Perrotti-Brown, wynmeester en…

DIE prys van plaaslike wit mielies was in die week van 20 Mei 38% hoër as 12 maande gelede en dié van geel mielies 15% hoër. Dié hoër mieliepryse word grotendeels toegeskryf aan die huidige oes wat kleiner is weens die droogte. Die verwagte oes vir die bemarkingsjaar 2015/’16 is nagenoeg 4,5 miljoen ton laer as die vorige jaar. Die swakker rand (-14%) het gedeeltelik ondersteuning aan die plaaslike pryse gebied. Pryse kan hoofsaaklik sywaarts verhandel totdat die grootste deel van die oes in Julie gelewer is. In Amerika het mieliepryse in die ooreenstemmende tydperk met 25% gedaal. Dit lyk asof die prys van plaaslike wit mielies vanaf Julie tot Maart volgende jaar effens (met tot 3%) kan styg. Die premie wat wit mielies bo geel mielies verdien, beloop tot…

DIE groot ooraanbod van ’n verskeidenheid groente op Gauteng se varsproduktemarkte, van die land se grootste markte, het die prys daarvan onder druk geplaas. Die gunstige, warm weer van die afgelope tyd het daartoe bygedra dat die groenteproduksie nog nie afgeneem het nie met die gevolg dat groot volumes bemark word. Mnr. Carel Rigel, ’n markagent vir Wenpro, sê die groot aanbod op die varsproduktemarkte van Johannesburg, Springs en Vereeniging is toe te skryf aan die kropslaai wat nou in ’n radius van sowat 30 km om die markte in volle produksie is. Volgens Rigel sal die groenteproduksie eers in Junie begin afneem met die gevolglike styging in pryse. Hy sê die beste kropslaai behaal tans slegs sowat R30 per verpakking van 12 en voorafverpakte kropslaai kos R3 tot R4…