Innholdsfortegnelse for 31 August 2023 i Kuier

Ek kan nie aan een mens dink wat nié geskok was toe die nuus onlangs breek dat die gewilde sepie 7de Laan op 26 Desember ná 23 jaar en 24 seisoene op TV tot ‘n einde kom nie. Die sepie is immers volkbesit. Oor die afgelope twee dekades het baie Suid-Afrikaners weeksaande saam as gesinne voor die kassie geskuif en gewag vir daai theme song op SABC 2 om te begin wat aandui daar gaan nou by “Hillside” en sy mense gekuier word. Ek het, sedert die skoknuus gebreek het, al soveel boodskappe op sosiale media raakgelees wat sê hoeveel “die Laan” en sy mense vir hulle beteken het. ‘n Hele paar Engelse mense het ook al laat hoor: dís waar hulle Afrikaans leer praat het. Ek is een wat…

INSPIRASIE Hy word Suid-Afrika se Billy Elliot genoem, ‘n jong seun wat nooit opgehou glo het in sy drome nie en against all odds nou die wêreld aan sy voete het. Hy is ‘n voorbeeld van iemand wat nooit toegelaat het dat omstandighede sy rigting bepaal, óf sy drome steel nie. Faakhir Bestman (19) van Hanover Park op die Kaapse Vlakte is deesdae ‘n student aan die gesogte Joffrey Ballet School in New York. Hy het verlede jaar, in sy matriekjaar by die Nasionale Skool vir die Kunste in Johannesburg, ‘n beurs na dié Amerikaanse balletskool losgedans. Dít is ‘n absolute dream come true vir dié nederige seun, wat in Januarie op ‘n vliegtuig geklim het New York toe, en nog nie een keer teruggekyk het nie … Vir Faakhir…

Hoeveel keer kyk ‘n mens na foto's en raak só moedeloos oor die mens wat na jou terugstaar, dat jy dit sommer van jou foon af delete? Of jy kyk in die spieël en herken skaars die persoon wat terugstaar … Vir Abby-Gene Bissolati (28) van Kuilsrivier in die Kaap het twee sulke foto-oomblikke gelei tot ‘n leefstylverandering wat haar op ‘n reis na 50 kg ligter geneem het! “Ek het nie voor die lockdown besef ek het gewig opgetel nie. My leefstyl was só dat ek elke dag vyfuur uit die huis is en saans laat tuisgekom en takeaways geëet het,” vertel dié webredakteur van Huisgenoot. “In lockdown het ek depressief, eensaam en confused gevoel, en omdat ek mal is oor bak en kosmaak, het ek myself tot 123…

PRET MET PLEATHER Dié blink materiaal werk goed vir lae skep en die ekstra tekstuurelement gee ook jou look ‘houding’. Gee swart items ‘n kleurinspuiting deur dit met ‘n kleurvolle baadjie af te rond, of hou dit van kop tot tone swart en voeg cut-out-items by pleather-stukke, soos die Blood & Water-ster MEKAILA MATHYS. Swart boots en ‘n sonbril gee haar look ekstra zjoesj. ROKKE WIL SY DRA ‘n Swart rok in verskeie style is ‘n staatmaker-item in jou klerekas. Dis tydloos en perfek vir ‘n aandjie uit. Die Arendsvleiaktrise CRYSTAL-DONNA ROBERTS laat die koppe draai in ‘n sexy swart halternekrok deur Lena Lisa, wat sy afrond met nude strappy hakke. TEKSTUUR WAT ROCK Tekstuur is die sleutel om ‘n swart laag-op-laag-voorkoms reg te dra. Tulle en sheer- of kantmateriaal voeg…

Daryl sê dit is belangrik dat julle met mekaar oor die volgende praat: Loopbaan- en familiedoelwitte Kinders is duur en het baie sorg nodig. Julle sal moet besluit wie die primêre broodwinner gaan wees en wie meer tyd aan die kinders gaan afstaan. (Let wel: Die broodwinner hoef nie altyd die man te wees nie.) As julle besluit net een party in die huwelik gaan werk en die ander gaan by die huis wees, moet julle versigtig wees. “Dan moet julle gesels oor ‘n gedeelde bankrekening vir huishoudelike uitgawes. Die tuisteskepper kan hierdie geld gebruik vir wat hulle nodig het,” beveel Naomi aan. “Wanneer die persoon wat nie werk nie die broodwinner heeltyd vir geld moet vra, kan dit tot verwyte lei.” Gesamentlike langtermyndoelwitte Dis ‘n goeie idee vir paartjies…

JOU KIND Ons leef in ‘n wêreld waar kinders ál vroeër aan seks blootgestel word – of dit nou aanlyn of in hul vriendekring is. Met al dié inligting wat so vrylik beskikbaar is moet ouers deesdae vroeg al weet hoe om gemaklike, eerlike gesprekke met hul tieners te hê wat seks oorweeg. Tóg vind sommige ouers geskok uit hul kind is klaar seksueel aktief, en daar is nooit eers oor die “bytjies en blommetjies” gesels nie! Jy kan jou tiener nie in hul kamer toesluit nie, en jy wil ook nie voortydig ‘n ouma of oupa raak, of van jou morals afstand doen nie. Vader behoed jou kind tel ‘n siekte op! Só bly tienerseks maar ‘n netelige saak wat bespreek móét word – hetsy jy ‘n “oop”, of…

SPEEL-SPEEL Kinders, kry julle mammie en daddy dat almal lekker kan saamspeel! REGTE ROETE Kan jy uitpluis watter tou watter groentesoorte met mekaar verbind? VOLTOOI DIE VORM Plaas die legkaartstukke op die regte plekke om die vorm hieronder te voltooi. BO-AANSIG Watter prentjie van 1 tot 8 is die bo-aansig van die skool-items hieronder? SOEK DIE VERSKILLE Kan jy ál die verskille tussen dié twee prentjies vind?…

NR. 295 WEN R350 KONTANT! VRAAG: Wie het die roman Asbesmiddag geskryf? (Slegs sy naam.) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 20 September 2023. SMS/R1,50. Die oplossing verskyn in die uitgawe van 12 Oktober 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 20 SEPTEMBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

MÓÉT-KYK! London Has Fallen (e.tv, Sondag 10 September om 20:00) Ná die dood van die Britse eerste minister kom die wêreld se magtigste leiers in Londen byeen om hul eer te betoon. Dan slaan terroriste op dié stad toe. Mike Banning (Gerard Butler) moet die Amerikaanse president (Aaron Eckhart) veilig hou. KYKNET&KIE DSTV-KANAAL 145 kykNET&kie is ‘n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Arendsvlei, 31 Augustus om 19:30 Bianca is in die verleentheid wanneer sy ontdek haar leuen oor Saartjie (Hunter Plaatjies) se dwelmmisbruik is bekend. Verbode Liefde, 12 September om 20:00 Deniz verstewig haar posisie in die Demirkan-huis. Zumrut word van alle kante af gebombardeer oor kinders hê, maar sy is bekommerd dat sy nie gaan kan…

Ná vier lange ure sonder krag, is ek verlig toe daar eindelik weer bietjie lig ná die donker ramp is wat ons tans as ‘n land in die gesig staar. Ek spring vinnig en sekuur op, maak seker dat ek nie my seuntjie wakker maak nie, en gaan sit die fone en draagbare lig aan om te herlaai, want oor presies vier ure gaan ons wéér vir so lank sonder krag sit. Alles word deesdae in tydgleuwe gedoen – ons hou die horlosie heeltyd dop en tref alternatiewe reëlings vir die voorsiene én onvoorsiene. Maar, kyk, alles omtrent my lewe is geklassifiseer in boksies. Nes met ouerskap, vriendskap, huwelik en familiebande, leer ons ook maar aanpas, en bid ‘n mens baie. Veral deur die oomblikke wat dit voel jy gaan…

“Tuis met Christo,” 17 Augustus 2023 Christo, jou oupa sou so trots op jou gewees het. [Jy het] pragtige kinders. ASHEEQA DE VILLIERS Pragtig. Oudste lyk soos mammie. [Ek] het vir mammie Cindy klasgegee by Northpine Primêr. WENDY OLIVER-CAROLISSEN Pragtige foto, Christo, van jou en jou twee pragtige kinders. God seën julle almal. LOUISE SASSMAN Trotse pappa en sy pragtige kinders. Ons is trots op jou. Mag jy nog vele jare ‘mooi’ maak op die TV, verhoog en ook agter die verhoog. YVONNE KRUGER “Wanneer ‘n ouer hul neus in jou sake steek,” 17 Augustua 2023 My ma het my geleer jy bly uit jou kinders se huwelik uit. Wag tot hulle om hulp vra. Wag tot hulle jou uitnooi. En as jy hulle wil nooi, laat dit by ete,…

VOORBLADSTORIE Die aktrise Ingrid Paulus (45) was maar ‘n brose 22 jaar oud toe die kameras in 2000 op die stel van die sepie 7de Laan begin rol het en sy die rol van Vanessa Beukes (en later Meintjies) begin vertolk het. Sy was van dag een af deel van die 7de Laan-familie, en haar karakter was jonk, hardelyf, eiewys en nie op haar mond geval nie. Ingrid het elke vesel in haar liggaam in die rol gestort, en só het sy Vanessa omskep in een van die bekendste sepiekarakters op ons TV's, een wat by tye geliefd én gehaat was. Een ding was seker – Vanessa het haar stem gebruik as dit moet en sy het nie oor haar laat loop nie. Dís iets wat Ingrid weg van die…

Daar is geen fênsie airs aan Bushra Razack nie. Dié Kaapse spesialis in gemeenskapsontwikkeling is amper vier jaar lank die CEO van Philippi Village, ‘n professionele oase in die hartjie van ‘n township met ‘n reputasie vir geweldsmisdaad. Dié fenomenale vrou (37) het Philippi Village omskep in ‘n hub wat nie net werkspasie aan klein en mikro-besighede verleen nie, maar werkgeleenthede skep en die gemeenskap ophef deur vaardigheidsontwikkeling. Dié vibey hub is ‘n kleurvolle, veilige spasie waar oud en jonk kan oefen, speel of net chill. Bushra gesels met Kuier op ‘n oggend wat gewelddadige taxibetogings in die omgewing Philippi in hernude chaos dompel. Die spanning loop hoog en daar is ekstra druk op haar om seker te maak haar span en die huurders van kantoor- en grondspasie van die…

Aanvaar verantwoordelikheid As jy die kloof tussen jou en die ander party wil oorbrug, móét jy verantwoordelikheid aanvaar vir wat jy gedoen het. Vra jouself die moeilike vrae: Hoekom het ek dit gedoen? Hoekom glo ek dis nog die moeite werd om my verhouding te red? Die antwoorde hierop kan deel van jou versoening uitmaak – in ‘n opregte verskoning móét jy erken dat jy ‘n fout gemaak het. Wees eerlik Eerlikheid is meer as om net opreg te antwoord op vrae wat jy gevra word. Dit behels ook dat jy uit jou eie vorendag kom met dít wat jy wegsteek, sê Vuyo. Jy moet die ander party soveel moontlik inligting gee sodat hulle kan sin maak uit wat gebeur het. Stel die ander party gerus Wys vir die ander…

Dit is ‘n vaardigheid waarmee party mense blykbaar gebore word terwyl die res van ons net jaloers kan toekyk: Die vermoë om netwerke te bou. Dis egter belangrik om te leer hoe om verhoudings aan te knoop met mense wat jou op jou beroepspaadjie kan help, sê loopbaankenners. Dit kan die verskil beteken tussen jou droompos losslaan, of net doelloos van die een onderhoud na die ander ploeter. “Dit is belangrik om te weet wat jy van ‘n netwerk verwag voor jy by een aansluit.” Ons ondersoek hoekom wie jy ken soms netso belangrik is as wat jy weet, wanneer jy loopbaanstappe neem. BOU ‘N NETWERK Dít beteken jy leer mense ken, en veral dié met wie jy “loopbaangesprekke” kan voer om jou te help werk kry, of om vas…

1. Kry emosionele afstand As jy uitvind jou kind is seksueel aktief, voordat jy met jou kind praat, vat die tyd om af te koel en emosionele afstand van die situasie te kry. Dis goed om ‘n dag of so te wag. Soveel as wat jy dadelik wil reageer, sal jy nie kalm genoeg wees om die situasie goed te kan hanteer nie. 2. Stel jou waardes duidelik Dit sal baie makliker wees om duidelik met jou kind te wees as jy eers duidelik met jouself is. Kyk na binne om jou eie waardes te verstaan en definieer voor jy dit met jou kind bespreek. Jy glo dalk jou gesin se waardes is duidelik – dalk is dit nie. 3. Staan saam Probeer om op dieselfde bladsy te kom met…

NR. 216 VRAAG: Wat is die volle naam van die sanger van ‘Juice’? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 20 September 2023. SMS/R1,50. Die oplossing verskyn in die uitgawe 12 Oktober 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 20 SEPTEMBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 268 WEN R350 KONTANT! VOLTOOI: Watter stad is bekend as die stad van die Filistyne? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 20 September 2023. SMS/R1,50. Die oplossing verskyn in die uitgawe van 12 Oktober 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 20 SEPTEMBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

LADIES FIRST: A STORY OF WOMEN IN HIP-HOP Dié dokkie sit die kollig op vroue wat oor die afgelope 50 jaar ‘n groot rol in hip-hop gespeel het. Daar is Queen Latifah en MC Lyte; ook nuwelinge boaan die trefferlyste soos Latto en Tierra Whack. Dié reeks vier dié vroue én die geskiedenis van die musiekgenre wat die wêreld verander het. BESKIKBAAR OP NETFLIX MISSING: THE LUCIE BLACKMAN CASE Toe die 21-jarige British Airwaysvlugkelnerin Lucie Blackman haar lewe in Londen verlaat om Tokio toe te trek, sou haar ouers en naastes nooit kon dink dat sy net drie weke later spoorloos sou verdwyn nie. Dié aangrypende waremisdaadfliek kyk na die ondersoek in Tokio se donker onderwêreld en die eindelike tragiese waarheid oor haar moord. BESKIKBAAR OP NETFLIX DEPP V. HEARD…

‘n Mens het ‘n sterk hart nodig om al die uitdagings van die lewe aan te durf. Vertel ons jou storie oor daai keer toe jy ‘n sterk hart nodig gehad het of lug jou opinie oor ‘n onderwerp waaroor jy baie passievol is en jy kan R1 500 verdien. E-pos jou rubriek (800 – 1 000 woorde) en ‘n duidelike foto van jouself vir “Wat die hart van vol is” na kuier@kuier.co.za met die woord RUBRIEK in die onderwerpveld. As ons jou hartstorie publiseer, ontvang jy R1 500!…

Toe Adriaan Wildschutt as kind deur die stofpaaie van Bella Vista in Ceres in die Wes-Kaap gehardloop het, sou hy nooit kon raai dat hy eendag ‘n splinternuwe Suid-Afrikaanse 5 000 m-rekord in België sou opstel nie. Laat staan nog vir die Olimpiese Spele kwalifiseer! Nie net is Adriaan (25) nou ‘n koning van langafstandhardloop in Suid-Afrika nie, maar hy is op pad na die Wêreldkampioenskappe in Hongarye. Dié boorling van Ceres, wat die afgelope vyf jaar in Amerika bly om op sy sport te fokus, het in Julie by die Night of Athletics-byeenkoms in België 5 000 meter in ‘n puik tyd van 13 minute, 02.46 sekondes (13:02.46) kafgedraf. Só het dié langasem-klong gekwalifiseer vir die Olimpiese Spele in Parys, Frankryk, in 2024. Net vyf dae ná sy sege…

SMULKOEK MET SITRUSSTROOP Lewer 1 groot laagkoek BESTANDDELE 3 koppies koekmeel 1 teelepel bakpoeier 1/2 teelepel sout 250gbotter, teen kamer temperatuur 2 koppiessuiker 6 ekstragrooteiers 1/4 koppie suurlemoensap fyngerasperde skil van 2 nartjies of 1 grootlemoen fyngerasperdeskilvan 1 suurlemoen 7 koppie natural/plain yoghurt Stroop 1 koppie lemoen- of nartjiesap ¼ koppie suurlemoensap ¼-1/3 koppie heuning of strooisuiker Afronding 2 koppies klaar-bereide botter-icing gerasperde skil van 2 nartjies of lemoene METODE Voorverhit die oond tot 170°C. Bespuit 2 x 20 cmkoekpanne met kossproei en voer uit met bakpapier. Koek ■ Sif die koekmeel, bakpoei er en sout saam in ‘n groot mengbak. ■ Verroom die botter en suiker tot lig en romerig. ■ Klits die eiers een-een by en klits goed ná elke byvoeging. ■ Klits die suurlemoensap, sitrusskil en jogurt by die eiermengsel in. Vou die droë bestanddele by die…

Knoppe in are Vraag HELP, MY ARE BULT! Ek wil graag weet of daar enige behandeling is vir are wat sulke knoppe maak (tot in my lies). Ek dra gereeld kouse, maar die knoppe verdwyn nie. BEKOMMERD Antwoord BESTE BEKOMMERD Spatare is in die algemeen nie ‘n gevaarlike toestand nie, maar komplikasies soos inflammasie en bloeding kan wel voorkom. HOEKOM VORM SPATARE? Spatare kom voor in venes (of are) wat bloed terugvoer na die hart toe. Die bloed wat moet terugvloei na die hart dam op in die bene. Dit is waar die klep pies vernietig word en nie hul werk kan verrig nie. ‘n Mens kry primêre spatare wat geneig is om oorerflik te wees. Dit is wanneer daar fout is met die elastisiteit in die aarwand. Mens sien…

‘n Mens moet kinders van jongs af leer om tevrede te wees in ‘n realistiese lyf, sê Marié. Dink mooi hoe jy voor jou kinders praat. Woorde soos “vet” en “maer” kan ongesonde idees plant wat later jare tot eetversteurings kan lei. Min dinge is so giftig soos ouer mense wat kinders oor hul gewig terg. “Kinders wat puberteit bereik, gaan deur baie veranderings in hul liggaam. “Hulle is baie vatbaar vir eetsteurnisse en negatiewe sienings oor hul liggaam. Wees bedag daarop.” As jou kind oorgewig is, gaan dit nie help om allerlei reëls af te vaardig en sekere kossoorte te verbied nie, waarsku Cornelle. “Ons gee eintlik hopeloos te veel mag aan kos deur sekeres te verbied – dan begin dit soos ‘n verbode vrug voel waarna ‘n mens…

Nóg ‘n manier om jou werksoekery ‘n hupstoot te gee, is om by ‘n werwingsagentskap aan te sluit. Sulke agentskappe spesialiseer daarin om vir mense werk in ‘n bepaalde veld op te spoor. Lorna sê die beste strategie vir ‘n werksoeker is om hul eie beroepsnetwerk én ‘n werwingsagentskap te gebruik – veral as jy in ‘n nisbedryf werk. Werwers kan ook help seker maak jou dokumente, soos jou CV, is in orde. Hulle word deur die werkgewer betaal – volgens wet mag ‘n agentskap jou nie geld vra nie. “Sluit aan by ‘n werwingsagentskap as jou doelwit is om werk te kry,” sê Celeste. “Maar doen eers jou huiswerk. Bepaal hoe die agentskap tot nou gevaar het.” Jy moet weet wat jou loopbaandoelwitte is sodat die agentskap presies weet…

1 SY'S ‘N BEKENDE GESIG OP TV Teen dié tyd moes jy al die aktrise Carla Classen êrens op TV gewaar het. In 2018 het sy haar debuut in die sepie 7de Laan gemaak as Shanice. Kort daarna het sy ook Nixie in die fliek Stroomop gespeel. Sedertdien was sy al in Fiela se kind en die reekse Lioness en The Estate te sien. En nou is Carla (30) weer op ons skerms in kykNET se mediese reeks Hartklop. Sy speel dr. Karima Salie, ‘n jong Moslemvrou wat pas haar gemeenskapsdiensjaar by die Beyers Naudé Akademiese Hospitaal begin. Dit was omtrent ‘n uitdaging om die mediese terme onder die knie te kry, lag sy. “Sommige van die woorde was tongknopers, en om dit natuurlik te laat klink was ‘n uitdaging,…