Innholdsfortegnelse for 1/8/2020 i Kuier

LESERSWENKE As jy hare was en jy het nie conditioner nie, smeer ’n geklitste eier aan jou hare en hou vir 15 minute aan. Spoel hare af en jy het sagte hare. CHRISTINE APRIL, WELLINGTON Om jou flatscreen TV skoon te maak en glans te gee, spuit deodorant daarop en vee af met ’n sagte lappie. Siedaar – silwerskoon! JAN WILDEMAN, NELSPOORT As jy nie breipenne het nie, gebruik sushieetstokkies. Ek het vir my kinders mussies gebrei en dit werk beslis! MARALIZE RHODE, JONKERSHOEK Vir sonbrand: gooi ’n halwe koppie asyn in louwarm water en lê daarin. Asyn trek die brand uit. RONEL, ROODEPOORT Ek sit al my huisplante in die bad en was die blare met koue water met die handstort. Dit kom mooi skoon. Ek was my kunsblomme…

Toe Crystal-Donna Roberts (35) in Maart verlede jaar met haar welige bos hare op ons voorblad verskyn het, het dié gesoute akteur reeds geweet 2019 gaan die moeilikste jaar van haar lewe wees. Sy is enkele dae voor dié onderhoud met fase twee borskanker gediagnoseer, maar soos altyd het Crystal-Donna die blink kant bo gehou en niks laat blyk nie. Vir haar was dit lights, camera en action! ’n Paar maande later het sy in ’n oop en eerlike onderhoud met die tydskrif Rooi Rose vertel oor haar kankerstryd. Vir weke lank het mense gegons oor die nuus, want die sterk en private Crystal-Donna het haar stryd teen die groot K agter die kameras gestry. Nou net bietjie minder as ’n jaar later is Crystal-Donna kankervry en gaan sy die…

Leer so ver as jy wat kan, dit sal altyd jou paspoort na nuwe wêrelde wees en deure vir jou oopmaak, asook onafhanklikheid bring in sy suiwer vorm, is die leuse van dr. Marcelle Mentor, ’n oud-Kapenaar en deesdae ’n dosent aan die Columbia Universiteit in New York. “My leuse was my verlossing in die struggle-jare van Suid-Afrika,” sê sy. Die 50-jarige Marcelle het grootgeword op Macassar, naby Somerset-Wes in die Wes-Kaap en bly al vir 14 jaar in New York. Sy doseer opvoedkunde by die Teachers College aan Columbia Universiteit. Sy gee klas vir meesterstudente, koördineer die plasing van onderwysers in skole en is ’n adviseur vir doktorale studente. “Ek is baie lief vir my werk,” sê die vrou met die krulhare en borrelende geaardheid. “Ek is opgewonde dat…

John D. Rockefeller, die Amerikaanse filantroop en sakeman, het destyds gesê: “Die vermoë om mense te kan oortuig, is gelykstaande aan ’n kommoditeit soos suiker of koring. Ek sal betaal om daardie vermoëns eerder as enigiets anders onder hierdie son te besit.” Daar lê iets powerful daarin om mense te beïnvloed en te oortuig; óf dit nou is dat hulle mooi lyk óf om in hulself te glo. En al kan hierdie vermoë gebruik word vir evil, is dit die laaste ding waaraan jy moet dink. Daar gaan te veel slegte goed aan in die wêreld vir ons om nog ander af te druk of te laat skade ly. Om iemand anders te oorreed of te beïnvloed sodat jy daaruit voordeel trek, is van korte duur en ’n swak belegging…

FACEBOOK Wat onthou jy van jou skooldae en wat dink jy was in daardie jare beter as wat dinge nou is? Sorgvrye skoolvakansie, die Kerskonsert en afsluitings . . . Prysloos! CAROLINE WILLIAMS Die jaar 1986 was traumaties, maar wat daai vakansie so spesiaal gemaak het, was dat ons standerd sewes (graad 9) eerste klaargemaak het met ons eksamens – nog voor die matrikulante! Die skoolhoof het ons laat gaan die Woensdagoggend, net nadat ons wiskunde klaar geskryf het. Die skole het eers 17 Januarie 1987 heropen – ’n volle twee maande se luilekker vakansie. En hoe lekker was dit nie! Swem, straatsport, fietse . . . Net kuier heeldag en -aand. Al die sorge van daai jaar het verdwyn. Selfs toe ons aangetree het met die gebruiklike “Krismis cleaning”…

Seevaartreise in die Bybel se tyd was ’n gevaarlike onderneming. Skepe was nog nie so stewig gebou met kragtige enjins soos vandag nie. Boonop was mense se kennis van klimaattoestande ook beperk. As gevolg daarvan het baie skepe op die rotse geloop of in oop storms op die see gesink. In die boek van Handelinge 27:8, 18 – 26 bevind Paulus homself saam met ander gevangenes in ’n soortgelyke situasie op pad na Rome. Interessant genoeg was dit Paulus se vierde keer op ’n skip in ’n storm (Handelinge 16:10 – 17; Handelinge 20:5 – 15; Handelinge 21:1 – 18). Ons kan dus aflei dat Paulus ’n ervare seevaarder was en goeie kennis gehad van die omstandighede op die see. Paulus as instrument in die hand van God word dan…

Seks en skool klink net nie of dit in dieselfde sin hoort nie, maar ons lewe in ’n tyd waar kinders nêrens meer veilig is nie, nie eens by die skool nie. Aan die een kant is dit ’n feit soos ’n koei dat kinders deesdae al hoe vroeër seksueel aktief raak, maar aan die ander, gevaarliker, kant kom al hoe meer voorvalle aan die lig van onderwysers wat hul posisie met leerders misbruik om hulle seksueel uit te buit. Só is die spogskool Bishops in die Kaap laat verlede jaar geruk deur ’n seksskandaal toe dit aan die lig gekom het dat ’n vroulike onderwyser seksuele dade met seuns gepleeg het. Fiona Viotti, die voormalige geskiedenisonderwyser, het egter vinnig bedank toe haar verhouding met ’n 18-jarige leerder aan die…

SKRIKKELJAAR Die nuwe dekade begin met ’n skrikkeljaar. Dit beteken Februarie het 29 dae in plaas van 28. Skrikkeljare is nodig sodat ons moderne Gregoriaanse kalender kan byhou met die wenteling van aarde om die son. Die aarde vat omtrent 365 dae, 5 ure, 48 minute en 45 sekondes om rondom die son te wentel, maar ons kalender het net 365 dae. Elke vierde jaar word die ekstra tyd bymekaargetel en ’n dag word by die jaar gevoeg. In Anthony (’n stad oor die grens van Texas en New Mexico) in Amerika hou die mense ’n fees oor vier dae om die skrikkeljaar te vier en ook ’n groot verjaardagpartytjie vir al die skrikkeljaarbabas. NUWE JAAR Oor die wêreld word 38 verskillende plaaslike tye gebruik. Dit vat 26 ure vir…

Dit is daai tyd van die jaar waar ouers wéér met hul hande in hul hare gaan sit oor die veiligheid van hul kinders se skoolvervoer. Jaar ná jaar lees en hoor ’n mens van voorvalle waarin kinders se veiligheid in gedrang gebring word as gevolg van oorlaaide taxi’s en onverskillige bestuurders. Net verlede jaar het Kuier berig oor die veiligheid van kinders se skoolvervoer nadat ’n video van ’n oorlaaide taxi in Port Elizabeth soos ’n veldbrand op sosiale media versprei het. Altesaam 46 skoolkinders was binne-in dié taxi. Alles is egter nie net doom en gloom nie en al oorskadu die slegte nuus dikwels die goeie, is daar tog bestuurders wat goed omsien na kinders se veiligheid en dit hul lewensdoel maak om kinders elke dag veilig na…

Steenbok 22 DES. – 20 JAN. Karaktereienskappe: Jy is hardwerkend en het wysheid wat ander dikwels verstom. Die meeste van die tyd is jy kalm wat jou by tye koud kan laat voorkom. Alles wat jy doen, moet stap vir stap wees sodat jy kan seker wees jy het genoeg beheer daaroor en dat dit reg en ordentlik gedoen word. Werk & Geld: Die beste tyd vir jou geldsake en werk is na die einde van die jaar se kant toe, so gee nou al jou beste in alles wat jy doen. Moet ook nie in die middel van die jaar opgee nie, anders was al jou harde werk verniet. Jy sal sien jou vordering kom van ou werk-verhoudings af of jy begin uiteindelik die vrugte van jou harde werk…

Dink jou in: ’n familieverband met twee ouers en ’n kind waar die ouers Afrikaans met mekaar praat, maar hulle praat met die kind Engels. Al wat die kind konstant hoor, is Afrikaans. En die kind moet dan hul eie weg met Engels probeer baan, terwyl die kind se gedagtes en gesprekke met Afrikaans gebombardeer word. In die meeste gevalle is die eindresultaat ’n kind wat sukkel om te kommunikeer. Bogenoemde scenario speel op menige gebied uit. Vir talle kinders is dit goed om vaardigheid in meer as een taal te hê. Die moeilikheid kom in wanneer jong kinders nie effektief in enige taal kan kommunikeer nie omdat hul omgewing hulle nie toelaat nie. Die omgewing floreer óf net in een taal en skeep die ander af, óf die omgewing…

JANUARIE Die meeste yskaste het ’n vakkie wat net ses eiers kan hou. Ek knip twee rye van my eierhouers uit en plaas dit langs die vakkie en siedaar – ek kan 16 eiers stoor. DEBORAH HIGGINS, RAVENSMEAD FEBRUARIE As jy nie staalwol het nie, vat ’n handvol growwe sout en gooi dit in jou pot of pan wat jy wil skoon hê. Gebruik dan ’n vadoek, druk dit hard op die sout en skuur dit skoon. ANDREA DANIELS, PAARL MAART Verdun een koppie urine met twee liter water in ’n bottel en spuit oor blomme en plante. Dit hou insekte weg en die kleure van die blomme is helderder. B. BOTHA, ROBERTSON APRIL As die ysige weer toeslaan, vatt pantihose, knoop die binne-been (gusset) uit (nie te groot nie)…

I promise you these storms are only trying to wash you clean.JESSICA KATOFF EBED G’n Nuwe jaar het vir ons aangebreek en ons dank U, Vader, dat U ons nog uitspaar. Verlede jaar was dalk nie vir almal smooth sailing nie. Vir sommige was dit ’n stormagtige jaar en vir ander die beste nÓg. Maar ongeag wat agter ons is, ons almal het ’n nuwe kans gekry. ’n Kans om te seëvier in dit wat ons aanpak en om uit foute te leer en sterker te staan. Elke dag is nie dieselfde nie, mense bly nie dieselfde nie, maar U is altyd dieselfde. Here, help ons om ten alle tye op U te vertrou, selfs wanneer die lewe ons aan die diep kant ingooi. Gee vir ons wysheid om tussen…

ASPERSIE-EN-HAM-EIERKELKIES Lewer 8 klein tertjies BESTANDDELE 3 groot velle filodeeg 5 eetlepels botter, gesmelt 1 x 100 g-pakkie aspersiepunte, stammetjies in stukkies gesny, punte heel gehou 100 g hamstukkies 3 eetlepels sprietuie (spring onion), versnipper 3 eiers 150 ml room Sout en varsgemaalde swartpeper na smaak METODE Verf elke vel filodeeg met botter en sny elkeen in 8 vierkante. Sit 3 vierkante op mekaar in elk van die 8 gate van ’n muffinpan. Knip die punte wat oorhang effens korter. Verdeel die aspersiestammetjies, ham en sprietuie tussen die 8 filo-nessies. Klits die eiers en room saam en geur met sout en peper. Giet dié mengsel bo-op die vulsel in elk van die nessies. Rangskik die aspersiepunte bo-op elke nessie en bak in ’n voorverhitte oond van 180 °C vir ongeveer…

Kinders kry wonderlike goed by die skool – wiskunde en leesvaardighede, ontwikkeling van sosiale vaardighede en nuwe maats, dissipline en onafhanklikheid om net ’n paar te noem. Maar die realiteit is ongelukkig dat ’n skool ’n fantastiese teelaarde vir al wat ’n kiem is. Wanneer die nuwe skooljaar begin, begin die kwale ook gewoonlik en om jou kroos gesond te hou, kan nogal ’n tawwe tammeletjie wees. En dit vat net een kind in ’n klas om siek te word, dan versprei die kieme soos ’n veldbrand. “Ek weet sommer al as ek die dag by die skool kom en een sien snuif, dat verkoue my gesin se voorland is. Kinders is gifappeltjies en ek weet nie hoe om my kind te leer om gesond te bly nie!” vertel ’n…

Terwyl ons in ’n era is waar kinders met hul hele wêreld in die palm van hul hand sit en heeldag teen ’n skerm vaskyk, glo die wiskunde-onderwyser Lizette Booys van Eersterivier in die Kaap onderwysers kan nie meer net voor ’n bord klasgee en dink die leerders gaan luister nie. Vandag se kinders wil gestimuleer word en daarom verg dit al hoe meer kreatiwiteit om hul aandag te hou. Dié 28-jarige onderwyser gebruik daarom humoristiese sosiale media-video’s en praktiese voorbeelde om wiskundige beginsels te verduidelik. En haar metodes werk, want aan die einde van verlede jaar het haar hele klas wiskunde geslaag. Selfs die leerders wat aan die begin van die jaar gesukkel het. Maar dit is nie net haar wiskundeleerders wat aanklank by haar video’s vind nie. Haar…

Wanneer sy terugdink aan al die moeite en ure wat sy gemors het om haar hare straight te maak, wens die Kapenaar Bianca Flanders sy het as kind ’n boek of iets gehad om haar te laat besef daar is niks met haar natuurlike hare off voorkoms verkeerd nie. Toe dié 30-jarige bekroonde teaterakteur en onderwyser verlede jaar sien daar is steeds nie só ’n boek vir vandag se kinders nie, het sy besluit om self een te skryf. En só is haar boek, Prinses Pampoenpit, in Oktober verlede jaar uitgereik. Bianca sê sy hoop haar boek en die karakter Prinses Pampoenpit sal kinders van ’n vroeë ouderdom af laat besef hulle is spesiaal en mooi. Wanneer Bianca in ’n vertrek stap, val haar breë glimlag en groot bos krulle…

Skoolgaan is die begin van ’n nuwe avontuur vir jou kind. Jy kan al-reeds in die vakansietyd voorbereiding begin tref om alles so glad moontlik te laat verloop vir wanneer sy na ’n nuwe skool gaan. Ry of loop gereeld verby die skool en gesels met jou kind daaroor. Deur jou kind vertroud te maak met hul nuwe omgewing, sal dit haar die versekering gee dat sy ’n bekende en verwelkomende omgewing gaan betree. As daar nie reeds ’n ope dag was nie, vind soveel moontlik uit oor die skool of gesels met ander ouers wat reeds kinders het by die skool hoe dinge werk sodat jy weet wat die skool van jou kind en ook van jou as ouer verwag. As ’n ouer kind reeds die skool bywoon, vra…