Innholdsfortegnelse for 8/21/2019 i Kuier

BOODSKAPPE Ek is in dieselfde beroep vir 16 jaar (Families onder skoot, 24 Julie) en lees elke dag van gevalle waar kollegas mekaar skiet en of vermoor en veral diegene in intieme verhoudings. En my vraag bly dieselfde – hoekom? Is daar nie ’n ander uitweg nie? Hoekom soek hulle nie hulp nie? Ek het myself belowe dat ek dit nie aan my familie sal doen nie. ANONIEM, SOMERSET WES Jou vriend (Wat die hart van vol is, 24 Julie) het ’n duur les geleer met sy familie en sy so called friends. Ja nee, ek weet waardeur jou vriend gaan – as jy die held was en niks meer is nie, vertrap hulle jou soos ’n stuk skroplap. ROSE, PORT ELIZABETH Heinrich Gabler (Swaarkry slyp hom, 10 Julie) se…

Moenie broodkorsies weggooi nie. Bêre dit in die vrieskas totdat jy genoeg het. Ontvries en breek op. Droog dit in die oond op 100 ˚C. Blits in ’n voedselverwerker, stick blender of sit dit in ’n plastieksakkie en kap liggies met ’n vleishamer. Bêre en gebruik soos nodig. JEANNIE GROBLER, WELTEVREDENPARK Jeannie wen essence-produkte ter waarde van R1 000. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels. essence-tip Wikkel die maskara se borseltjie tussen jou wimpers om meer lengte en volume te kry. Pro-beer essence se Big Lash-maskara.…

Hayden Knibbs, ’n kliniese sielkundige van Pretoria, beskryf wat Sunelle dalk ná die dood van haar ses familielede ervaar, as “survivor’s guilt”. Volgens hom ontstaan dit wanneer ’n oorlewende hom/haarself verwyt ná ’n traumatiese gebeurtenis. “Dit is moeilik om presies te sê watter tipe mense dié tipe skuldgevoel sal ervaar omdat elke mens en die konteks van ’n situasie verskil. “Dit kom gewoonlik voor wanneer iemand ’n ongeluk of situasie oorleef het waarin hul geliefdes gesterf het. “Die emosies wat die persoon dan grotendeels kan ervaar sluit in ’n gevoel van erge verlies, kwaadheid, verwyte en ook ’n desperate gemis na hul geliefdes wat die skuldgevoelens moontlik kan aanspoor.” Volgens Hayden is die aanvaarding van die verlies van hul geliefdes vir oorlewendes baie moeilik omdat hulle worstel met hul eie…

Toe Senel en Charlton Pothberg van Beaufort-Wes in die Karoo in Desember 2007 ewige trou aan mekaar beloof, het hulle nie gedink hul troubeloftes sou skaars drie maande later op die uiterste manier denkbaar getoets word nie . . . Wanneer paartjies voor die kansel staan en hul troubeloftes aan mekaar maak, dink min regtig aan die erns daarvan, veral daardie watt gaan oor saamstaan “in goeie sowel as slegte tye; in siekte en in gesondheid”. Maar ’n tragiese ongeluk in Maart 2008 watt Senel (nou 37, toe 25) verlam en afhanklik van Charlton gemaak en ook haar broerskind se lewe geëis het, het hulle albei laat besef jy kan nie kies wanneer die moeilike tye kom nie. Jy moet net weet wanneer dit kom, moet julle klou aan jul…

LAMSVLEISPASTEI Lewer ongeveer 10 – 12 pasteitjies BESTANDDELE 3 eetlepels olie 1 kg lamsnek, opgesny Sout en varsgemaalde swartpeper na smaak 3 uie 3 groot wortels, geskraap en in muntstukkies gesny ’n Handvol pietersielie, gekap 1 koppie beesvleisaftreksel 1 koppie hoenderaftreksel 1 eetlepel botter 1 eetlepel koekmeel 1 x 400 g-rol bevrore skilferdeeg (puff pastry), ontdooi 1 eier, liggies geklits en gemeng met 2 teelepels water METODE Verhit die olie in ’n swaarboompot en verbruin die nek. Geur met sout en peper. Skep die vleis uit en braai die uie tot sag in die olie wat in die pot agterbly. Krap die vleisskraapsels bymekaar wat agtergebly het en meng dit met die uie en olie. Plaas die vleis terug in die pot en meng goed met die inhoud van die…

Regoor die wêreld is en was daar fenomenale vroue wat ’n verskil gemaak het wat die lewens van ander mense vir ewig verbeter het en ander wat mag het wat nie altyd vir vroue beskore was nie. Hulle is weereens ’n bewys daarvan dat vroue die vermoë het om enigiets te kan doen. Ons vertel meer oor dié vroue en lesse wat ons kan leer by elkeen. Thuli Madonsela (1962 – ) Advokaat Madonsela is een van Suid-Afrika se ystervroue wat vir niks en niemand terugstaan nie, veral nie tydens haar termyn as openbare beskermer nie. Sy het magtige politici aangevat en gewen. Maar behalwe daarvoor het sy ook gehelp om Suid-Afrika se Grondwet op te stel en sy veg vir menseregte. LES: Wees altyd regverdig, eerlik en onwrikbaar in…

• Druk die boonste deel van jou high-waisted panty onder jou bra in om ’n bodice te maak. • Jy kan ook jou shapewear in lae aantrek deur ’n high-waisted broekie te dra met control panties bo-oor. • Gebruik dressing tape (of enige ander tape) om jou shape-wear teen jou lyf vas te plak sodat dit nie afsak nie, want shape-wear met bene is geneig om op te rol. • Spuit haarsproei op jou middellyf voordat jy jou shapewear aantrek. Dit sal jou vel klewerig maak en keer dat dit afsak. • Om te keer dat shapewear oprol wat onder jou borste moet sit, gebruik knippies of ander style wat dit aan jou bra se strap haak om dit in plek te hou.…

Sindroom pla Vraag TE JONK VIR PCOS? Is dit moontlik dat ek wat 18 jaar oud is, PCOS het? ONGEMAKLIK Antwoord BESTE ONGEMAKLIK Die kort antwoord is ja, maar laat ek verduidelik. POS staan vir polisistiese ovariële sindroom (PCOS in Engels). Dit tas omtrent 10% van alle vrugbare vroue aan en is ’n toestand van hormonale wanbalans. Dit kan ook oorerflik wees. Estrogeen en progesteroon is vroulike hormone en dit laat jou maandstonde plaasvind. Dié hormone help ook om eiers in die eierstokke uit follikels te ontwikkel voordat ’n eier elke maand in die fallopiese buis vrygestel word (ovulasie). Die eierstokke vervaardig ook klein hoeveelhede van die manlike hormoon testosteroon. Sommige vroue vervaardig te veel testosteroon. Wanneer ’n vrou hoë testosteroonvlakke het, kan sy nie die eiers vrystel nie. Aangesien…

Die prentjiemooie Kaapse Wynland-distriksmunisipaliteit (KWDM) bestaan uit vyf subdistrikte wat wêreldbekend is vir sy uitvoervrugte en bekroonde wyne. Die distrik strek van Stellenbosch na die Paarl en oor bergpasse tot by Ceres, en verby Worcester deur die Hexvallei tot by Touwsrivier, en van daar na Montagu of Op-die-Berg in Witzenberg. Die KWDM het 157 vroulike werknemers, wat ’n derde van die diensstaat uitmaak. Hulle werk as klerke, persoonlike assistente en ondersteuningspersoneel; asook finansies, munisipale gesondheidsdienste, rampbestuur en paaie-instandhouding. Daar is geen afdeling in die organisasie waar ’n vrou nie ’n rol speel nie! Gemeenskapsdeelname is noodsaaklik om suksesvolle dienslewering te verseker. Deur die Geïntegreerde Ontwikkelingsplan (GOP), voorsien die gemeenskap die riglyne vir die munisipaliteit se begrotingbesteding. Dit sluit in vroeëkinderontwikkeling, jeugontwikkeling en ondersteuningsprogramme vir bejaardes. Die uitvoerende burgemeester, rdh (Dr.)…

Hoe lank Faith uit was, weet sy nie. Sy hoor ’n stem langs haar. “Ons het net ná julle hier aangekom, want ons wil solank vir julle van ma se verjaardagkoek gee voor die res van die familie daarmee wegloop. Lionel sê jy het flou geword en hy moet werk toe jaag, want daar was ’n groot ongeluk. Hoe voel jy?” Dis haar skoonsuster, Vanessa, wat met haar praat. Die gebeure van minute gelede kom vinnig weer by Faith op. Sy voel-voel aan haar gesig, maar kry geen kneusplekke of gewaarwording van pyn nie. Sy het haar man, Lionel, probeer klap en toe flou geword. Hy het haar nie terugslaan nie, besef sy. “’n Mens word nie sommer net flou nie. Iets is nie pluis nie. Is jy swanger of…

Een van die groot lewensvrae wat mense gereeld hulself vra, is “Hoekom is ek hier?”of “Wat is my doel in die lewe?” Baie mense dink dit is ’n filosofiese of ’n retoriese vraag. Tog weet ons elkeen in ons harte dat ons gelukkig is wanneer ons ’n doel het om voor te lewe. Veral vroue voel daarom dat hulle altyd iets moet doen of na iemand moet omsien, dikwels ten koste van hulself. Mense wat nie ’n doel voor oë het nie, te veel tyd het wat hulle niks doen nie of voel dit wat hulle doen is onbenullig, raak depressief of vul hul lewens met dinge wat nie bevorderlik is vir hul groei en gesondheid nie. Elkeen van ons is uniek, maar elkeen van ons moet ook ons rol…

Onfeilbare geloof, biddend, sterk van gees, motiveerder en pyndraer. Alles in een . . . Dis ’n vrou! Dit neem ’n formidabele vrou om deur al die storms van die lewe altyd haar kop omhoog te hou. Jy sal haar nooit met geboë skouers sien loop asof sy die wêreld se swaar laste dra nie. Vroue is sterk, ja, maar daar kom tye wanneer ons val. Dis egter merkwaardig dat wanneer ons opstaan, is ons sterker as voor die val. Dan kan jy die grasie selfs meer in ons handel en wandel sien, die liefde wat ons uitstraal en die uithouvermoë in alles wat ons aanpak. As ’n vrou boonop ’n ma is, is dit asof haar liefde en omgee selfs meer intens is. Sy swoeg en sweet 24 uur…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

Vanaf die eerste oomblik dat die geselsprogram Tussen Ons op kykNET&kie begin het, was geen Donderdagaand ooit weer dieselfde nie! Donderdagaande 20:00 het die aand geword waar vroue (én mans) aan die gasvroue Tracey Lange, Ingrid Jones, Kay Karriem, Success Lekabe en Zelda la Grange se lippe hang. Die program, wat onlangs hul eerste verjaardag gevier het, het ook reeds in ’n kort tyd groot hoogtes bereik toe dit vroeër vanjaar met ’n ATKV Mediaveertjie vir die Beste Vermaaklikheidsprogram bekroon is. Dit is dus geen geheim dat die program uiters gewild is en die gasvroue nóg meer nie, daarom het ons, met behulp van lesers, daardie vrae vir Tracey-hulle gevra waaroor baie wonder: Is daar rêrig koffie in daai bekers? En wanneer kom julle Namibië toe? Tracey: Meestal water vir…

Met die eindeksamen om die draai, skarrel matrikulante en hul ouers rond en bont om te probeer voorberei vir een van die belangrikste tye van hul lewens. Eksamens is ’n belangrike deel van elke skoolkind en student se lewe. Dit gaan gewoonlik gepaard met lang ure van voorbereiding, oorslaan van etes weens swak beplanning en slapelose nagte. Vir baie matrikulante en hul gesinne is eksamens ’n stresvolle tyd in die huis. Vra maar vir Marilyn Visagie (39) van Pretoria. “O, vaderland, ek weet nie of ek kans sien vir nóg ’n matriekeksamen nie. Myne was erg genoeg, maar my oudste seun s’n was soos ’n nagmerrie uit die hel! Die kind kon nie eet of slaap nie en ek nog minder. En wat anders kan ’n ma nou eintlik in…

Die prentjie van lekkende vlamme wat haar gesin en hul woning verswelg het, is een wat nog vir baie lank by Sunelle Booysen (18) van Worcester in die Boland gaan spook. Die tiener het nie net haar ma, twee susters en twee susterskinders in ’n verwoestende brand verloor nie, maar ook haar 17 maande oue babadogtertjie. Dít het haar hart uit haar borskas geruk. Hoe staan jy op ná so ’n tragedie? Hoe gaan jy aan wanneer die mense wat sin aan jou lewe gegee het, nie meer daar is nie? Hoe vul jy daardie groot gat van vermisting? Dis alles waarmee die jonge Sunelle deesdae worstel. Sy het nie meer ’n ma na wie sy kan gaan vir raad nie; sy het twee sibbe verloor en syself het nie…

“Dertig sekondes! Twintig sekondes! Tien, nege, agt . . .” tel eerste bootsman Dudley Malgas (60) die oomblik af tot wanneer die middaguur-kanon teen die voet van Seinheuwel in Kaapstad gaan bulder. Nagenoeg 20 toeriste staan afwagtend op ’n afstand, sommige met vingers in hul ore. Dan storm ’n hond vorentoe en steek duskant die kanon vas wanneer dit in ’n wolk van wit rook afgaan. Diego, ’n Duitse herdershondkruising, het vyf maande gelede skielik hier opgedaag. Sedertdien is dit vir hom ’n speletjie om by te wees wanneer die kanon afgevuur word – ’n ritueel wat hy nou al so goed ken dat hy presies weet wanneer om vorentoe te begin hardloop. Hy gaan lê daarna oopbek-gelukkig tussen die toeriste vir ’n bietjie aandag. Dudley tree op 31 Augustus…

Bodysuits beklemtoon jou middel en kan jou borste kleiner laat lyk as dit baie groot is. Jy kan ook een kies wat reeds ’n bra in het vir ekstra ondersteuning. Met dié shaper (langer bene en hoër middel) kan jy ’n groot maag verbloem. Dit sal ook jou boude kleiner en proporsioneel laat lyk. ’n Padded bra werk goed vir diegene wat nie so geseënd is bo-langs nie. Dit sal jou borste vol laat lyk in jou klere. Maak seker jou straps is gelyk en dat dit nie te styf sit nie. Dié tipe shape-wear sal ook werk vir ’n groot maag en jou uurglasfiguur beklemtoon. Jy kan dit onder enigiets dra.…

Die oorerflike, lewensbedreigende siekte sistiese fibrose (SF) affekteer alle dele van die liggaam, maar die ergste is die longe en die spysverteringstelsel. Om daarmee saam te leef is baie moeilik, vertel twee Kaapse ma’s met kinders wat hieraan ly. Volgens die Suid-Afrikaanse Sistiese Fibrose-vereniging tas die siekte verskeie organe aan soos die longe,, pankreas, lewer, niere en die spysvertering. ’n Defektiewe geen veroorsaak dat selle wat mukus maak, asook sweet en spysverteringvloeistof dik en taai is. Pleks dat dit ’n smeermiddel is, verstop die mukus die buise en kanale in die liggaam, veral die longe en pankreas. Die siekte kan mense van enige ras tref en na raming leef ongeveer 700 mense in Suid-Afrika daarmee, maar dit kan meer wees omdat akkurate inligting nie beskikbaar is nie. Dr. Marco Zampoli,…

Ek kan my vergaap wanneer ek in die Kaap sien hoe mense wat op ’n gewone dag normaal ry, die kluts kwytraak sodra die eerste druppel val. “Die mense kan nie ry wanneer dit reën nie,” sak my kollega af toe ons daaroor praat. Maar is dit rêrig ’n verskoning? Dit is asof die reën ’n teelaarde skep vir die padvarke om selfs nóg slegter te ry. Ek was omtrent skytbang toe die mis een oggend so dik was dat ek skaars vyf treë voor my kon sien. Wat my egter heeltemal uitgefreak het, was toe iemand “woerrrr!!!” verby my jaag asof die duiwel hom in daai einste digte mis jaag. En ek is óp! Moeg, siek en sat vir padvarke en mense wat net plein onbeskof, onverskillig en roekeloos…

kykNET&kie is ’n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Arendsvlei, 27 Augustus om 20:00 Spanning bou op wanneer nog waarhede ontbloot word oor die oorsprong van die wapen waarmee David Abrahams geskiet is. Sal Claudia betyds gered word? Tussen Ons, 22 Augustus om 20:00 Prof. Shirley Zinn, ’n mensehulpbronnekenner leer ons hoe om werkplekboelies en toksi–ese werksomgewings te hanteer. Glam Guru, 22 Augustus om 21:00 Liz se man het al twee keer sy werk verloor. Terwyl sy moet uitsien na aftrede, dra sy finansiële verantwoordelikhede. Sy word binnekort 60, maar wil nie soos ’n ou antie lyk nie.…