Innholdsfortegnelse for 8/7/2019 i Kuier

FACEBOOK Lesers het laat weet wat hulle dink van die weermag se aankoms op die Kaapse Vlakte: Is dit ’n permanente job? Soos ek dit sien, is dit ’n geveg teen kultuur – ’n kultuur wat ons geskep het deur ons kinders toe te laat om bendelede te wees. Ek hoop dit (die weermag) is nie tydelik nie. BERTY BOCK Ek hoop nie hulle gaan ook so magteloos toekyk soos die polisie nie, want hul hande is afgekap. Hulle is daar om mense te beskerm, maar hulle mag niks doen nie. What a shame! ANNA PHEIFFER Ek bid dat dit ’n einde sal bring aan al die bloedvergieting en vrees. LOUISE BARNARD Wat is jou beste raad om deur ’n Maandag te kom? Ek is van skooldae af bang vir…

Om een of ander rede het ek altyd gedink die vroue uit die Bybel is patetiese randfigure. Die-gene wat die kos en water moes aandra, agter almal moes skoonmaak en as hulle gelukkig was, was hulle gekies om deel uit te maak van een of ander ryk man se harem. Hoe verkeerd was ek nie! As radio-omroeper gesels ek gereeld met vroue op my program. Die diverse persoonlikhede en temperamente fassineer my. Daar is die voorlopers en die volgers. Dié wat hard en uitbundig lag en dié wat te grand is om te hard te lag. Daar is vroue wat nie kan ophou praat as jy hulle ’n vraag gevra het nie en dan weer dié wat jy behoorlik moet aanpor om aan die gang te kom. Daar is vroue…

Met haar suiwersoete stem be-tower Tarryn Lamb (34) fans al jare lank en sy beplan om in die toekoms nog hoër te vlieg. Tarryn was onlangs te sien as die medeaanbieder van Maak my Famous, Emo Adams se talentkompetisie op kykNET. En hoewel haar loopbaan van krag tot krag gaan, is Tarryn ’n plat op die aarde meisie van Ocean View naby Kaapstad, wat hou van braai en tyd saam met haar familie spandeer. “My kinderjare was ’n droom. Ek was altyd buite besig om te speel en te rolskaats met my vriende. My ouma het tien minute se stap van ons af gewoon en die gemeenskap was soos een groot familie. Almal het uitgekyk vir mekaar.” Dit is ’n heeltemal ander kant van dié buurt wat deesdae bekend is…

As daar nou een mens is wat geweier het dat haar grootwordomstandighede haar toekoms aan bande lê, is dit dr. Daphne Murray van Port Elizabeth in die Oos-Kaap. Dat haar ma ’n arm huishulp en enkelouer was, het haar nie gekeer om groot te droom en die hoogste sport in haar verpleegloopbaan te bereik nie. En toe gaan sy nóg verder en verwerf op die gevorderde ouderdom van 72 ’n doktorsgraad in gesondheidswetenskap. “Ek raak nou nog emosioneel wanneer ek ’n opname van die gradeplegtigheid en daardie tikkie op myy kop sien, ” sê Daphne vandag, ’n jaar later. En net om te herbevestig dat selfs ouderdom nie ’n struikelblok hoef te wees nie, is sy pas op ’n vyfjaarkontrak as deeltydse professor aangestel in die verpleegkundedepartement van die Universiteit…

Om konfyt te kook is ’n gedeelde liefde oor baie kultuurgrense heen – baie se oumas of ma’s het dit gedoen of hulle geleer om dit te doen. En toe drie vroue uit verskillende generasies in 2014 die vrugtevervaardigingsmaatskappy FruitLips stig, sou hulle nooit kon raai dat hul produkte eendag in Woolworths, een van Suid-Afrika se grootste supermarkte, verkoop sou word nie. Inteendeel al watt dié drie wou doen, was om die werkloosheid in hul omgewing hok te slaan en ook ’n doel te vind vir vrugteprodukte wat te lelik was om uit te voer. FruitLips, wat geleë is in Piket-Bo-Berg in die Wes-Kaap op die plaas Achtervlei, is ’n vrugtevervaardigingsmaatskappy wat konfyt, marmelade, chutney, souse en ingelegde vrugte aan kleinhandelaars en supermarkte verskaf. Die besigheid het sedert 2014 gegroei…

kykNET is ’n topgehalte-kanaal wat kykers boei met 100% plaaslik-vervaardigde inhoud vir almal met ’n waardering vir Afrikaans. Binnelanders, 9 Augustus 19:30 Steve se emosies lei hom na die toekoms, en Quinton en Jax raak bekommerd oor Tertius. Naomi het raad vir Chanel oor René, terwyl Elana wonder oor Steve  se voorstel. Om totsiens te sê, raak ’n werklikheid – en dit is glad nie maklik nie. René glo vas sy het ’n nuwe hoofstuk in haar lewe betree, terwyl Annelize en Tertius se gesprek vurig raak. Slank, 11 Augustus om 17:30 In Slank gee kenners raad oor hoe gesinne ’n bekostigbare begroting kan opstel vir hul maandelikse kosuitgawes. Alles Malan, 13 Augustus om 20:00  Dit is Brenda en Derik se 40ste huweliksherdenking. Derik besluit op ’n groot fotosessie van…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

GEBED Liewe Heer U het vroue uniek geskape, ons dink anders, ons doen anders . . . Maar ons weet U wil is dat ons U moet aanbid en aanroep in tye van nood. Here, help ons om altyd by U voete te bly, veral in ons tye van swakheid. Baie keer is ons huiwerig om U te dien, want ons is bang of ons dink ons is te fancy, want ons het reeds alles in die lewe. Help ons om ’n balans te vind in ons lewens sodat ons ook net kan stilstaan by die Bybelse vroue en by hulle leer oor hoe om nederig te lewe. Ek wil soos Hanna wees – maak my geduldig. Maak my gehoorsaam soos Rut. Vir haar is U voete die beste plek…

Vroue in hierdie mooie land van ons word emosioneel afgekraak, ekonomies mishandel, verniel, geslaan en van hul lewens be-roof deur mans wat beweer dat hulle hulle liefhet. Navorsing in die 2016 SA Health and Demographic Survey wys een uit elke vyf vroue ouer as 18 het al fisieke geweld ervaar en geslagsgebaseerde geweld (gender-based violence of GBV) is op so ’n krisispunt dat president Cyril Ramaphosa in November verlede jaar ’n nasionale strategiese plan aangekondig het om dit aan te spreek. ALMAL SE PROBLEEM Kenners is dit eens dat Suid-Afrika van die hoogste syfers het wanneer dit kom by vroue wat geweld aan die hand van mans ervaar en hierdie geweld is diep gewortel in geslagsongelykheid. “Die graad van geweld en die gereeldheid daarvan het toegeneem,” meen Bernadine Bachar, direkteur…

“Meng en pas dié top met ’n formele broek of romp om jou outfit in ’n japtrap van funky na semiformeel te verander.”LAVERN MAARMAN “Waag dit om helder kleure saam te dra.”LAVERN MAARMAN KIES ’N SERP Kry ’n serp in ’n helder kleur of patroon en dra dit om jou nek, as ’n kopdoek of belt. VROLIK & VROULIK BAIE DANKIE AAN Southern Light Country House Vir besprekings of meer inligting, kontak Shanaaz by 076 135 0049. E-pos: shanaaz@ southern-light.com Adres: Hohenort-laan 24, Constantia, Kaapstad. KRY DIT HIER MRP/www.mrp.com 080 021 2535 Dunns 021 900 3521 Queenspark 021 460 9400 Ackermans 0860 900 100 Havaianas 021 425 2521 H&M 086 0690 707 Alle pryse is onderhewig aan verandering.…

Vir twee jaar lank het Carmen Maarman (40) elke aand mense in die teater verwelkom, hul kaartjies gecheck en hulle na hul sitplekke gewys. En vir die res van die aand het sy in die teater gebly sonder om met iemand te ruil of ’n breek te vat net sodat sy die produksies kon kyk. Dit het drome binne Carmen van Belhar op die Kaapse Vlakte wakker gemaak dat sy ook eendag op daardie einste verhoog sal wees. Want elke aand wanneer die ligte in die teater afgesit is en die gordyne opgegaan het vir die produksie om te begin, was dit asof ’n droomwêreld voor haar oë ontvou het. Die musiek, die kostuums, die grimering en die karakters het haar betower. Sy kon nie genoeg daarvan kry nie en…

Ken jy die irriterende gevoel van ’n verdraaide bra strap? Of ’n te klein panty wat jou boude heeldag knyp? Moes jy al ’n ander vrou vra om te kyk of jy nie op jou klere gemors het nie, want jy het jou maandstonde en voel selfbewus? As jy nie weet waarvan ek praat nie, is jy ’n man en praat ek dus nie met jou nie. Die meeste mans het seker in elk geval ophou lees by “maandstonde”. Vroue het baie persoonlike uitdagings wat hulle elke dag in die gesig staar. Die bogenoemde voorbeelde is maar ’n druppel in die emmer. Ek meen maar, wag tot jy met die verkeerde shade foundation by die huis aankom en eers jou fout agterkom ná jy dit oopgemaak het. Op ’n ernstiger…

Elke jaar tref die sogenaamde “winter blues” talle mense, maar dit gaan oor baie meer as om net ’n bietjie af te voel. Dit kan baie ernstiger wees as wat jy dink. Seisoenale gemoedsteuring (seasonal affective disorder of SAD) is ’n siekte wat mense, wat gewoonlik normaal funksioneer, elke jaar dieselfde tyd tref met depressie-verwante simptome. Hoewel die meeste lyers in die winter deur SAD getref word, is daar ook mense wat in die somer daaraan ly. Wanneer SAD by mense voorkom, word daar baie keer na familiepatrone gekyk. ’n Familiegeskiedenis van gemoedsteuring, alkoholmisbruik en SAD in ander familielede toon dat dit dikwels ’n oorerflike sindroom is. Die feit dat daar minder natuurlike sonlig in die koue seisoene is, is die hoofoorsaak van die winter blues en ook die meer…

In ’n tyd waar verkragting en moord amper elke dag in die nuus is, word min Suid-Afrikaners deesdae deur dié tipe misdaad geskok. Maar wanneer jy in ’n klein dorpie soos Ceres in die Wes-Kaap kom en hoor van vier laerskoolseuns wat na bewering deur vier ander seunsleerders in dieselfde skool verkrag is, is dit asof die harde werklikheid van dié gruweldaad jou soos ’n emmer yskoue water in die gesig tref. Dit is eenvoudig té veel om te verwerk. Hoe gebeur dit dat seuns – almal nog blote kinders – só ’n misdaad kan pleeg? Die manier waarop en wáár dié dade glo gepleeg is, is net so skokkend. Dis asof die voorvalle van die laaste paar maande soos ’n donker wolk oor die dorp hang. Op 19 November…

Vir so lank as wat mense in haar omgewing kan onthou, stap Rachel du Toit (82) douvoordag elke oggend met haar cowboysonhoed en trollie vol boerseep die strate van Kuilsrivier en Eersterivier in die Kaap se noordelike voorstede plat om ’n ekstra geldjie te maak. Sy gaan ook nog soms met die taxi tot so ver as Saldanha en Langebaan. In haar jong dae het Rachel, of antie Rachel soos sy liefdevol deur die mense van haar gemeenskap genoem word, saam met haar pa hout gekap. Sy het ook vir jare as huishulp en in ’n winkel gewerk. Vir meer as drie dekades het sy met haar klein salaris gesorg dat haar drie dogters elke dag warm is en iets het om te eet. Hulle het nie baie geld gehad…

VERSORG JOU NAELS Week jou hande elketweede week in warm water en seep of baba-olie wat jou hande sal bevogtig en sag hou. Maak onder en langs jou naels skoon met ’n sagte naelborseltjie. Knip jou naels gereeld, vyl dit in een rigting en druk jou cuticles versigtig terug. Gebruik altyd handeroom. MANI BY DIE HUIS 1. Maak jou eie scrub: Meng een eetlepel suiker en baba-olie elk en skrop jou hande liggies. Spoel en droog dit af. Smeer baba-olie of cuticle remover aan jou cuticles om dit sag te maak. Druk jou cuticles terug. 2. Vee oortollige olie van jou naels af met ’n bietjie nail polish remover (sonder acetone). Só sal jou nail polish langer aanbly. 3. Wend ’n base coat aan om te keer dat jou naels…

SOEK EN PAS In elke ry is twee prentjies presies dieselfde. Sê vir elke ry watter twee dit is. TEL-TEL Elke domino (A – I) stel ’n breuk voor. Soek die ooreenstemmende prentjie (1 – 9) wat by elke domino pas. SOEK DIE AANSIG Pas elke vorm (A – C) by sy bo-aansig (1 – 3). PAS›PAS Watter stuk (1 – 5) voltooi watter doughnut (A – E)? VIND DIE PAD Help die vurk om by die mes uit te kom.…

Die wêreld waarin ons leef, is maar ’n tawwe een vir vroue, tog bly ons sterk. Ons moet veg teen baie dinge in die samelewing en ons almal kom elke dag voor baie van dieselfde uitdagings te staan. Die media en televisie wys ons om elke hoek en draai hoe ons nie volmaak is nie – hoe lank ons hare nié is nie, hoe maer ons nié is nie en hoe ryk ons nié is nie. Hulle probeer ons as vroue oortuig ons is minder werd as wat ons regtig is. En sommige van hulle kry dit reg om ons sleg oor onsself te laat voel. Die res van die wêreld het jou oortuig jy is nie ’n vrou as jy nie getroud is nie of as jy nie kinders…