Innholdsfortegnelse for Nov/Dec 2017 i Idees

Groente AARTAPPELS, ARTISJOKKE, ASPERSIES, BLAARSLAAI, BLOMKOOL, EIERVRUG, ERTJIES, GROENBONE, KNOFFEL, KOMKOMMER, MIELIES, MURGPAMPOENTJIES, PAMPOEN, PATATS, PREIE, RADYSE, SAMPIOENE, SKORSIES, SOETRISSIES, SPINASIE, UIE, WORTELS. Vrugte AARBEIE, APPELKOSE, AVOKADO’S, KERSIES, KOEJAWELS, LIETSJIES, MANGO’S, NEKTARIENS, PAPAJAS, PIESANGS, PRUIME, PYNAPPEL, RABARBER, SPANSPEK, SUURLEMOENE, TAMATIES, VYE, WAATLEMOEN. Kruie BASILIEKRUID, DILLE, GRASUIE, LOURIERBLAAR, MARJOLEIN, MENT, PIETERSIELIE, ROOSMARYN, SALIE, TIEMIE, VINKEL. Blomme AGAPANTE, ALLIUM, AMARANTE, ANGELIERE, ANTHURIUMS, ARONSKELKE EN BONT ARONS-KELKE, ASTERS, BARBERTONSE MADELIEFIES, BLOU KANTBLOMME, GEELKLOKKIES, GODETIA, HANEKAMME, INKALELIES, KREEFKLOUE, KRISANTE, LAVENTEL, LISIANTHUS, MADELIEFIES, NIESKRUID, OOSTERSE LELIES, ORANJEBOLLE, PAPIERBLOMME, RIDDERSPORE, ROSE, SEEHULS, SEWEJAARTJIES, SONNEBLOMME, STERRETJIES (MONTBRETIA), SWAARDLELIES, VERONICAS.…

ENGELKOEK MET LEMOENBLOEISELWATER Maak: 1 koek (25 cm in deursnee) Bereidingstyd: 40 minute Baktyd: 30-40 minute Oondtemperatuur: 190 ºC ♥ 12 groot eierwitte, teen kamertemperatuur ♥ 5 ml kremetart ♥ 270 g (310 ml) strooisuiker ♥ 15 ml lemoenbloeiselwater ♥ 135 g (250 ml) koekmeel ♥ 130 g (250 ml) versiersuiker, gesif ♥ omtrent 30 ml varsuitgedrukte lemoensap ♥ omtrent 20 klein wit meringues, vir versiering 1 Klits die eierwitte en kremetart saam tot dit sagte punte vorm. Meet ’n kwart van die strooisuiker af en hou dit eenkant. Begin nou die orige strooisuiker by die eierwitmengsel voeg – net ’n eetlepel op ’n slag – en klits dit goed ná elke byvoeging. Hou aan met klits wanneer al die suiker bygevoeg is tot die meringuemengsel dik en blink is. 2 Klits…

Patrys is ’n versamelaar. Daarvan spreek die versameling emaljeware, die kas vol pragtige wit sopterriens, die poppe, die Kersversierings, die miniatuurbeeldjies, die seepbakkies. Selfs sy lag oor dié swakheid en vertel sy het op skool al begin versamel. ‘Die jaarlikse basaar was my gunstelingplek. Die tannies het al geweet hulle moet hulle mooiste beursies en klein handsakkies vir my uithou. ‘ ’n Mens kry goetertjiesmense en dan kry jy minimaliste. Ek sal dit nie in ’n minimalistiese huis uithou nie. My ma se huis het altyd dieselfde gelyk, styf en formeel. Dit was saam met my pa dat ek gaan skouhuise kyk het, veral vakansietye op Groot-Brak. Hy het pragtige meubels en houtpanele gemaak en sy eie TV-kamer ingerig. Van al die vertrekke in die huis was dit die geselligste.…

Dis ’n voorreg én ’n gawe om na die welstand van kuiergaste om te sien. Géé is immers die internasionale taal van die hart en ’n gebaar van liefde, vriendskap en erkenning. Deur persoonlike aandag of ’n geskenk aan ’n gas te gee sal jy weer die kragtige gevoel van vreugde ervaar. Daar is net soveel variasies van seep as wat daar kleure in die reënboog is. JY BENOdIg ♥ gietvorm(s) van jou keuse (ons het ’n muffinpan gebruik) ♥ gliserienseepstawe ♥ klein papierdoilies ♥ kleefwerende kossproei ♥ mikrogolfvaste maatbeker ♥ wattestokkies ♥ skerp mes en paletmes ♥ ontsmettingsalkohol (surgical spirit of rubbing alcohol) ♥ ronde wattelappies Spuit die holtes van die muffinpan met kleefwerende kossproei en hou dit eenkant. Gebruik ’n skerp mes om die gliserienstawe in kleiner stukkies…

SJIEK SKEMERKELKIES Bederf jenewerliefhebbers met ’n selfdoenstel waarmee hulle hul eie jenewer kan maak. Druk die resep op die bladsy hier oorkant uit en pak dit saam met twee herwinde jenewerbottels (goed uitgespoel en die skroefdoppe met kurkstoppers vervang), ’n metaaltregter en ’n klein siffie in die versierde houtkissie. Draai ’n bottel tonikum in bypassende botaniese papier toe. Voeg die geurmiddels vir die jenewer by: Plaas die jenewerbessies en sitrusskil in glasflessies (doen dit liefs op die dag wanneer jy die geskenk wil oorhandig). Meng die sade en speserye in ’n proefbuis. ♥ 750 ml vodka (verkieslik 50% alkohol) ♥ 30 ml jenewerbessies (of ’n bietjie meer as jy van ’n sterker jenewerbessiegeur hou) ♥ 5 ml heel koljandersaad ♥ 4 heel naeltjies ♥ 2,5 ml engelkruid (angelica) ♥ 1,25…

MAAK: 1 krans BEREIDINGSTYD: omtrent 2-3 uur, plus droogtyd ♥ versiersuiker, vir oorsif ♥ 250 g elk wit, rooi en pienk rolgereed-fondantversiersel ♥ 2 pakkies (200 g elk) Marie-beskuitjies ♥ 1 boks (276 g) sjokolade-‘sandwich’-koekies ♥ 1 pakkie (200 g) gemmerkoekies ♥ 6 pakkies (30 g) mini-‘iced’-koekies (beskikbaar by Woolworths), of gebruik mini-meringues HARdE vERsIERsEl ♥ 2 groot eierwitte ♥ 5 ml suurlemoensap ♥ 450 g (865 ml) versiersuiker JY BENODIG OOK ♥ ronde koekiedrukkers ♥ koekiedrukkers met ’n Kerstema ♥ 1 vel dik karton of Triplex (die grootte wat jy die krans wil hê) ♥ tou ♥ handwerkmes ♥ maskeerband ♥ potlood Sny ’n stuk tou en maak dit vas aan ’n pen. Hou die punt van die tou in die middel van die karton vas of plak dit…

GEBORDUURDE POPPIES Maak hierdie fraai trio om aan jou Kersboom te hang. MOEILIKHEIDSGRAAD: redelik maklik TYD: 1 dag JY BENODIG ♥ poppiepatrone hieronder ♥ ligkleurige katoenmateriaal ♥ oorskietstukkies viltmateriaal vir die ore ♥ aanstryktussenvoering (Vilene) ♥ DMC-borduurgare in lemmetjie (472), maroen (902), perske (224), salm (760), liggrys (415), groen (470) en swart (310) ♥ borduurnaald ♥ poliësterspeelgoedstopsel ♥ merkpen wat later verdwyn ♥ algemene naaldwerkbenodigdhede SO MAAK JY 1 Knip die drie poppies uit die katoenmateriaal. Onthou om ’n 1 cmnaattoelating by die omtrek by te knip. 2 Knip die voorpante uit die aanstryktussenvoering en stryk dit aan die verkeerde kant van die voorpante vas. 3 Trek die borduurpatrone met die merkpen op die voorpante na. 4 Borduur nou die poppies met borduurgare (gebruik twee stringe) volgens die patroon. Gebruik…

DIÉ VINGERLOSE HANDSKOENE VAN OUMABLOKKE IS ’N OULIKE GESKENK VIR ’N VROU OF KIND – OF HEKEL DIT VIR JOU! MOEILIKHEIDSGRAAD: maklik TYD: omtrent ’n dag GROOTTE: Die patroon kan vir enige grootte aangepas word. JY BENODIG ♥ 1 x 50 g-bol Nurturing Fibres Eco-Cotton ♥ 4 mm-hekelpen ♥ tapisserienaald AFKORTINGS beg – begin gls – glipsteek hlb – halwe langbeen ks – kettingsteek lb – langbeen rdte(s) – rondte(s) st(e) – steek(steke) st-sp(s) – steekspasie(s) vlg – volgende BELANGRIK Hekel 3 ks aan beg van lb-rdtes. Dit tel as ’n st. Vir ’n netjieser beg vir elke rdte, vervang die 3 ks van elke rdte met ’n regop langbeen (standing treble). Kyk op YouTube hoe dit gedoen word. Die been van die steek verwys na die skag of regop…

JY BENODIG ♥ groot aartappel ♥ koekiedrukkers ♥ handwerkverf in die kleur van jou keuse ♥ stempelsponsie ♥ gewone wit of bruinpapier ♥ skerp kombuismessie Sny die bokant van die aartappel met die kombuismessie af. Kies ’n koekiedrukker en druk dit halfpad in die aartappel in. Gebruik weer die kombuismessie en sny versigtig ’n dun lagie aartappel al om die koekiedrukker weg. Verwyder die koekiedrukker. Druk jou stempelsponsie in ’n bietjie handwerkverf en druk die verf op die verhewe deel van die aartappel. Druk die patroon op jou papier. Wend nog verf aan en herhaal die proses om die hele papier vol patrone te stempel. Eksperimenteer met jou aartappelstempel. Hier het ons vir ’n meer minimalistiese voorkoms net een sneeuman op die papier gedruk. Jy kan die stempels ook vir…

Karlien sit in haar voorhuis op die mat, langs ’n ou wit wiegstoel, en werk die lappieskombers aan mekaar, steek vir steek, versigtig, presies. Die ruit is oop en die bries wat saam met die sonstrale inkom, koel. ’n Tipiese KwaZulu-Natalse wintersdag. Haar skoonsus het so ’n maand gelede laat weet dat sy swanger is. Ná ’n bietjie wik en weeg het Karlien besluit om ’n handgemaakte, tweesydige trooskombers te stuur vir die ooievaarstee. Dit sal bestaan uit honderde heksagonale lappies, vier kleure met verskillende skakerings, gepak in ’n netjiese patroon, en aan mekaar gewerk met haar eie hande. Die tee vind plaas in die Vrystaat, waar haar familie woon. Gans te ver om te reis vir net een dag, dus het sy dit goedgedink om die geskenk per koerier…

Bestel jou pakkie met sy mooi draadhanger aanlyn by www.fearikadesign.co.za teen R220 (posgeld uitgesluit). Die posgeld tot en met vyf pakkies is dieselfde. OOK BESKIKBAAR BY Eunice-Kersmark, Bloemfontein: 27 Oktober-4 November Stellenbosch-Kersmark: 22 November-2 Desember Pathways-Kersmark, Pretoria: 25 November-3 Desember…

Handwerk Raak hekelslim – Beatrix Snyman (Lapa, R250) As dit by handwerk kom, boer hekel boaan die gewildheidslys onder oud en jonk, maar hoe gemaak as jy nie eens weet hoe om ’n hekelpen reg vas te hou nie? Dié boek is die perfekte bekendstelling aan die hekelkuns wat jou alles sal leer wat jy moet weet – van hekelpengroottes, wat die gewig van hekelgare beteken, hoe om ’n hekelpen vas te hou en hoe gemaak as jy linkshandig is, tot hoe om kleure te kombineer en patrone en diagramme te lees. Daar is selfs ’n volledige lys met Amerikaanse, Britse en Afrikaanse hekelterminologie en -afkortings. Maak jou eie harsjuwele – Sara Naumann (Metz Press, R195) Harsjuwele is maklik én prettig om te maak en die tegniek ongelooflik veelsydig. Dié boek…

MAAK: omtrent 20 BEREIDINGSTYD: omtrent 3 uur, plus yskastyd BAKTYD: 10-12 minute per baksel OONDTEMPERATUUR: 170 ºC ♥ 240 g (260 ml) botter ♥ 250 g (290 ml) strooisuiker ♥ 2 groot eiergele ♥ 10 ml fyngerasperde lemoenskil ♥ 360 g (660 ml) koekmeel ♥ 5 ml fyn kaneel ♥ omtrent 10 ml lemoensap ♥ 250 g wit rolgereed-fondantversiersel ♥ versiersuiker, vir oorsif JY BENOdIG OOK ♥ reghoekige koekiedrukker ♥ seëlontwerpe op eetbare papier gedruk (sien die bladsy hier oorkant) ♥ CMC-poeier (Tylose), beskikbaar by bakwinkels ♥ strooitjie ♥ houtsosatiestokkie Klits die botter en strooisuiker saam tot dit lig en donsig is. Klits die eiergele en lemoenskil by. Roer die meel, kaneel en lemoensap by. Vorm die mengsel in twee bolle, draai elkeen in kleefplastiek toe en plaas dit vir…

SKEP DIE PRENTJIE KOMBINEER ’N MOOI VERWEERDE HOUTTAFEL, MENG-EN-PAS-STOELE, -BREEKWARE EN -TAFELLINNE, GOEIE KOS, EN NATUURLIK JOU FAMILIE EN VRIENDE VIR DIÉ LAATMIDDAGFEES WAT HEEL MOONTLIK EERS MIDDERNAG GAAN EINDE KRY. ONS HET BESLUIT OP ’N KLEURPALET VAN ROOM, VERWEERDE ROOI EN OLYFGROEN, WAT WEERSPIEËL WORD IN DIE KRUIE-, OLYF- EN BLOEKOMTAKKIES. HANG ’N KANDELAAR UIT DIE AFDAK EN HOU DIE VONKELWYN GEREED OP YS VIR ’N FABELAGTIGE MAAL SAAM MET JOU MENSE. KERSBOOM Skep jou eie eklektiese Kersboom met vintage-en nuwe lampskerms wat oor ’n ou tafelpoot op mekaar gestapel word. Verwyder die materiaal van die draadrame en maak dit met dun draad aan mekaar vas. Span allerlei vintage-vondste in om jou Kersboom mee te versier. FOTO’S GENEEM BY STRAND TRADING POST (021 853 6619, facebook.com/StrandTradingPost) Dekorbykomstighede van Strand Trading…

MOEILIKHEIDSGRAAD: gemiddeld TYD: halfdag JY BENODIG ♥ 1 x 50 g-bol MoYa-katoendraad DK in Silver ♥ 3 mm-hekelpen ♥ houtkrans van 20 cm in deursnee ♥ wit handwerkverf ♥ verfkwas HEKELAFKORTINGS EN STEEKVERDUIDELIKING beg – begin dies – dieselfde dsl – dubbelslagsteek gs – glipsteek h/af – heg af her – herhaal kb – kortbeen ks – kettingsteek lb – langbeen rdte – rondte sp – spasie st – steek VK – verkeerde kant vlg – volgende DUBBELSLAGSTEEK 1 Slaan die draad twee maal oor die pen.› 2 Steek die pen in die volgende steek.› 3 Slaan die draad oor die pen en trek die pen deur die eerste lus sodat daar vier lusse op die pen is. 4 Slaan die draad oor die pen en trek dit deur twee…

Die parfuums vir dié seisoen het byna almal dieselfde tema: Dit vier die individualiteit, rebelsheid en ontembare gees van die passievolle, sterk vrou, tesame met haar onweerstaanbare vroulikheid. Veral wit blomme soos peonie, jasmyn, lelie en lemoenbloeisel voer die botoon, met verpakkings in wit en goud wat ook gewild is. Cartier Baiser Fou EdP (50 ml, R1 180). Die gewaarwording wat jy moet kry wanneer jy dit ruik, is dié van ‘ ’n soet soen’ – dis wat die naam immers sê. Dis ’n enkel-blomgeur wat ’n mens herinner aan die geur en smaak van ’n lieflike lipstiffie. Die skepper, Mathilde Laurent, beskryf dit as ’n moderne parfuum met ’n wilde, vry hart. TOPNOOT: witsjokolade. HART: lelie. BASIS: orgidee. Chanel Gabrielle edp (100 ml, R2 465) het 15 jaar geneem…

JY bENOdIg ♥ 25 klein kartonboksies met oopvoudeksels (beskikbaar by winkels wat verpakkingsmateriaal verskaf, soos Merrypak) ♥ bakkerstou ♥ gomgeweer ♥ gomstiffie ♥ handwerkmes en snymat ♥ staalliniaal Vou elke boksie in sy vorm. Kies ’n mooi lettertipe en ontwerp blokkies met die nommers 1-25 in die verlangde grootte op jou rekenaar. Druk dit uit en sny elke nommer met jou handwerkmes en staalliniaal uit. Plak die nommers met jou gomstiffie op die deksels van die boksies vas. Gebruik jou gomgeweer en plak boksies 1, 2, 3, 4 en 5 in ’n ry aan mekaar vas. Herhaal die proses met boksies 6-10, dan 11-15, 16-20 en laastens 21-25 sodat jy vyf rye met vyf boksies elk het. Plak nou al die rye boksies op mekaar vas. Maak seker al die…

MOEILIKHEIDSGRAAD: redelik maklik TYD: 1 dag JY BENODIG ♥ hasiepatroon op oorkantste bladsy ♥ 25 cm linne vir die lyf ♥ 25 cm pienk linne vir die rok ♥ 25 cm blommetjieskatoen vir die broek ♥ ’n klein stukkie rekmateriaal (soos T-hempmateriaal) wat nie rafel nie ♥ ’n klein stukkie teenstellende linne vir die binnekant van die ore ♥ poliësterspeelgoedstopsel ♥ oorskiethekelgare (DK) in pienk, grys en room ♥ 3 mm- en 4 mm-hekelpenne ♥ 2 pompoms ♥ 28 cm smal rek ♥ 1 knopie of drukkertjie ♥ 1 klein haakspeldjie ♥ merkpen om die gesig mee te teken ♥ algemene naaldwerkbenodigdhede SO MAAK JY LET WEL: Tel ’n 1 cm-naattoelating by al die patroondele. LYF 1 Knip die lyf, arms, ore (twee agterkante) en bene uit die linnemateriaal. 2…

GEWEFDE PAPIER-SNEUVLOKKIE Gebruik dit pleks van ’n gewone strik op ’n geskenk, óf as ’n Kersboomversiering. MOEILIKHEIDSGRAAD: gemiddeld TYD : 1 uur JY BEnOdIg ♥ 80 gsm-papier ♥ gomgeweer ♥ handwerkmes ♥ handwerktoerusting (skêr, potlood, liniaal) Meet die papier in stroke wat ewe lank en breed is (ons s’n is 1 cm breed en 18 cm lank). Jy het ses stroke per sneeuvlokkie nodig; elke versiering bestaan uit twee sneeuvlokkies. Knip of sny die stroke. Merk die middelpunt van elke strook met jou potlood. Maak jou eerste sneeuvlokkie. Sit ’n papierstrook vertikaal op ’n plat oppervlak neer, wend ’n druppel warm gom op die middelpunt aan en sit ’n tweede strook horisontaal bo-oor. Neem nog twee stroke en plak dit vertikaal aan weerskante van die eerste strook op die horisontale…

MOEILIKHEIDSGRAAD: maklik TYD: 1 uur JY BENOdIg ♥ ou Kersbol ♥ moeseliendoek ♥ letterstempels ♥ ink ♥ handwerkgom ♥ gomkwas ♥ materiaalskêr ♥ potlood en liniaal Meet en merk ewe breë stroke aan die bokant van die moeseliendoek uit. Maak klein inknippies in die borand van die materiaal en skeur dit dan ondertoe in aparte repe met fraiingrande. Verwyder die boonste deel van die Kersbol (waaraan ’n mens dit ophang). Verf ’n streep handwerkgom al om die ornament – begin en eindig aan die bokant. Plaas ’n reep materiaal op die gom en draai dit om die Kersbol. Hou aan gom smeer en die materiaal om die Kersbol draai tot die reep klaar is – laat die rande van die materiaal elke slag oorvleuel. Verf ’n laag gom oor die…

KERS- EN ANDER MARKTE 25 OKTOBER-4 NOVEMBER Die Crafters Fair-Kersmark word in Moreletapark, Pretoria, gehou. Besoek craftersfair.co.za vir meer inligting.  27-28 OKTOBER Die Tikva Shabby Sjiek-mark vind plaas by Rhino’s Rest net buite Welkom. Inligting: Soek ‘Tikva Shabby Sjiek Market’ op Facebook.  27 OKTOBER-4 NOVEMBER Die Eunice-Kersmark word by dié hoërskool in Bloemfontein aangebied. Gaan na eunice.co.za vir meer inligting. 31 OKTOBER-3 NOVEMBER Koop jou geskenke by die Delmas-Kersmark by die Hervormde kerk in Sarel Cilliersstraat. Soek ‘Delmas Kersmark’ op Facebook.  31 OKTOBER-3 NOVEMBER Moenie die Markgoed-mark by La Pineta langs die R44 buite Somerset-Wes misloop nie. Soek ‘Markgoed’ op Facebook. 8-12 NOVEMBER Die Constantia Gift Fair word by die South African Riding for the Disabled Association in Constantia gehou. Inligting: thegiftfair.co.za. 17 NOVEMBER Die Msunduzi Artisan Food & Craft…

JY BENOdIG ♥ engelvlerkpatroon hieronder ♥ wit mediumgewig-karton ♥ gomstiffie ♥ handwerkskêr en klein, skerp skêrtjie Kopieer die patroon in die verlangde grootte op die karton. Gebruik jou handwerkskêr om al om die buitelyn van die patroon te knip. Gebruik die klein, skerp skêrtjie om die fyn vlerkpatroon uit te knip.  Smeer ’n bietjie gom op die middelste gedeelte van die vlerke en plak dit op die glase vas. projek Almie Louis…

JY BENODIG ♥ hout (ons het meranti gebruik) – 2 000 x 160 x 12 mm (deel 1) – 2 000 x 90 x 10 mm (dele 2 en 3) – 100 x 20 x 20 mm (deel 7) ♥ laaghout – 450 x 450 x 4 mm (deel 6) ♥ 25 x 50 ml-spiritusbottels ♥ 10 x selfsnyskroewe, 3 x 13 mm ♥ 2 x 3 mm-wasters ♥ 1 x lampkoord met skakelaar en 15 amp-drietandprop ♥ LED-omsettingstel (ook bekend as LED-paneel) kode: ZCL079 (deel 4) ♥ LED-aandrywer kode: ZCL094 (deel 5) ♥ 1 x EKL1-6 amp-dubbelstrookverbinder (klein) ♥ houtlym (Ultra) ♥ 1 x buis kleurlose kontakgom ♥ 1 liter PVA-verf (ons het wit gebruik) ♥ mat kleurlose spuitlakvernis ♥ mat wit spuitverf GEREEDSKAP ♥ staanboor of handboor ♥…

Seekosbord GEMARINERDE MOSSELS Genoeg vir: 8 Bereidingstyd: 20 minute, plus marineertyd Gaarmaaktyd: 1 minuut ♥ 30 ml fyngekapte pietersielie ♥ 30 ml fyngekapte vars koljanderblare ♥ ½ rooi-ui, fyngekap ♥ 4 knoffelhuisies, fyngedruk ♥ 60 ml ryswynasyn ♥ 30 ml suurlemoensap ♥ 60 ml olyfolie ♥ 5 ml fyngerasperde suurlemoenskil ♥ 5 ml paprika ♥ 800 g bevrore mossels in halwe skulpe 1 Meng al die bestanddele behalwe die mossels saam in ’n groot beker. Hou dit eenkant. 2 Verhit ’n groot kastrol met water tot kookpunt. Voeg die mossels by en laat dit vir 1 minuut kook. Skep die mossels uit die kookwater en laat dit dreineer voor jy dit in ’n vlak opdienbak uitpak. 3 Skep die sous oor die mossels en laat dit vir ’n uur staan om…

TETYD, ENIGE TYD Pak ’n geskenkpak vir ’n teeconnoisseur met alles wat jy nodig het om die perfekte private teeseremonie te hou. Ons geskenkstel bestaan uit ’n teepot met spesiale letterwerk, twee koppies en versierde pierings, ’n teesiffie, ’n versierde teedoek en trekkoordsakkies gevul met losblaar-spesialiteitstees. Gebruik ’n paar kleiner boksies binne-in ’n groter houtkissie en voeg gedrukte papier of sneespapier by om alles stewig, veilig én mooi te hou. VERSIERDE TEPOT EN PIERINGS MOEILIKHEIDSGRAAD: gemiddeld TYD: 1 uur Kopieer die woordpatrone hierbo en op die bladsy hier oorkant (of enige woorde van jou keuse) in die verlangde grootte op wit papier. Plaas ’n vel koolpapier met die inkkant na onder op die teepot of piering en plak dit in plek vas met maskeerband. Plaas die patroon oor die koolpapier…

’n Vars, skoon geur vir die vrou wat die eenvoudige, mooi plesiere in die lewe vier … as dít is waarna jy soek, is ELIZABETH ARDEN WHITE TEA EDT (R595 vir 50 ml) ideaal. Dis die perfekte geur vir die snikhete somersdae. Twee gelukkige lesers gaan elk ’n Elizabeth Arden White Tea-geskenkpak ter waarde van R1 870 wen. Om in aanmerking te kom vir die pak met een 30 ml, een 50 ml en een 100 ml White Teageur en ’n White Tea-handeroom, stuur vir ons ’n e-pos na INFO@IDEASFACTORY.CO.ZA , sit ‘WHITE TEA’ in die onderwerpveld en vertel vir ons wat die grootste plesiere in jou lewe is. Jou inskrywing moet ons teen 17 Desember 2017 bereik. Juicy Couture Viva La Juicy Glacé edP (50 ml, R895). Dink aan…

MAAK: omtrent 20 koekies BEREIDINGSTYD: 20 minute BAKTYD: 5-7 minute per baksel OONDTEMPERATUUR: 200 ºC GEmmErkOEkIEs ♥ 125 g (135 ml) botter ♥ 100 g (100 ml) bruinsuiker ♥ 130 g (95 ml) gouestroop ♥ 10 g (7 ml) melasse ♥ 300 g (570 ml) koekmeel ♥ 2,5 ml koeksoda ♥ 2,5 ml kremetart ♥ 10 ml fyn gemmer ♥ 2,5 ml gemengde speserye ♥ silwerbolletjies HArdE vErsIErsEl ♥ 1 groot eierwit ♥ 1 ml kremetart ♥ omtrent 300 g (570 ml) versiersuiker, gesif JY BENODIG OOK ♥ koekiedrukkers van jou keuse ♥ strooitjie ♥ spuitsak Smelt die botter, suiker, stroop en melasse saam in ’n kastrol. Meng al die droë bestanddele saam en maak ’n holte in die middel. Giet die suikermengsel in die holte en roer dit tot…

MOEILIKHEIDSGRAAD: gemiddeld TYD: 3 dae BREIDRAAD LYF ♥ 50 g Quenti Alpaca DK in naaswit UITRUSTING ♥ 20 g Vinnis Serina in ougoud ♥ ’n verskeidenheid oorskiet-bamboesbreidraad vir die borduurwerk ♥ Vinnis Nikkim in swart vir die skoene en borduurdetail op die gesig ♥ ’n klein hoeveelheid Cowgirlblues Lace Weight Merino in woudgroen ♥ ’n klein hoeveelheid bokhaar in liggroen HEKELPENNE ♥ 2,25 mm-pen vir die lyf ♥ 3-4 mm-pen vir die rok, skoene en serp SPANNING Die steke moet styf gehekel word. VOLTOOIDE GROOTTE 45 cm lank. JY BENODIG OOK ♥ steekmerkers ♥ tapisserienaald ♥ poliëster- of speelgoedstopsel ♥ 30 cm Colour Spun Roving in pienk vir die hare AFKORTINGS beg – begin dies – dieselfde dsl – dubbelslagsteek gls – glipsteek her – herhaal kb – kortbeen ks…

MOEILIKHEIDSGRAAD: gemiddeld TYD: 1 uur JY bENOdIg ♥ groot wit papiergeskenksak ♥ goudkleurige kunsleer (pleather; by die meeste materiaalwinkels te kry) ♥ bypassende kleur gare ♥ ink of waterverf in die kleure van jou keuse ♥ verfkwas ♥ gomgeweer ♥ handwerktoerusting (skêr, potlood, liniaal) Verwyder die handvatsels versigtig uit die geskenksak. Besluit hoe lank jy die nuwe handvatsels wil hê en meet die kunsleer daarvolgens. Knip die kunsleer in twee stroke wat 2 cm breed is. Draai die strook om sodat die agterkant na voor is, en meet en merk dan 4 cm van elke punt af. Vou die strook in die lengte in die helfte met die verkeerde kante teen mekaar. Stik al op die rand van die strook langs – begin by een 4 cmmerk en eindig by…

DÉCOUPAGE-BOL MOEILIKHEIDSGRAAD: gemiddeld TYD: 30 minute JY BENOdIG ♥ deurskynende glasbolle ♥ papierservette met die ontwerp van jou keuse ♥ modge podge ♥ gomkwas ♥ skêr Knip die elemente van die ontwerp wat jy wil gebruik uit die servette wat jy gekies het. Verwyder die agterste lagie van al die prente. Verf ’n lagie modge podge op die agterkant van elke prent, plaas dit op die bol en vryf dit baie liggies om van enige lugblasies ontslae te raak. Verf laastens ’n dun lagie modge podge oor die prent en laat dit heeltemal droog word voordat jy die ornament in die boom ophang. MOSAÏEK-BOL MOEILIKHEIDSGRAAD: uitdagend TYD: 30 minute JY BENOdIG ♥ ou Kersbol ♥ CD ♥ gomgeweer ♥ knyptangetjie ♥ skuurpapier ♥ skêr Knip die CD in klein ‘skerwe’.…

* Teken op die digitalE tYdskRif in vir slegs R45 per uitgawe. • Vir navrae oor digitalE iNtEkENiNgE, bel 0861 697 827 of stuur ’n e-pos aan support@mysubs.co.za. * vir ’n jaaRliksE iNtEkENiNg van R408 ontvang jy al om die ander maand jou gEdRUktE eksemplaar van Idees * . * Teken sÓ in op die gedrukte tydskrif: • Skakel 087 740 1025 vir IdEEs (Maandae tot Vrydae, 8 vm. tot 5 nm.) óf • Skakel 087 740 1027 vir IdEas . • Stuur jou Naam & koNtakbEsoNdERHEdE per e-pos AAN subs@ideasfactory.co.za ** . • SMS ‘iNtEkEN idEEs’ na 33153 . SMS’e kos R1 elk ** . Teken só digitaal in 1 Gaan na www.mysubs.co.za en sluit aan OF meld aan. 2 Gaan na die blad van die item wat jy wil koop en…